<a href="https://kyzylorda-news.kz/">Kyzylorda-news.kz</a> ҚР Парламенті Мәжілісіндегі «AMANAT» партиясы фракциясының мүшелері Мұрат Әбенов, Мархабат Жайымбетов және Мұрат Ергешбаев өңірге жұмыс сапары барысында Қызылорда облысының денсаулық сақтау саласындағы бірқатар маңызды нысандардың жұмысымен танысты.Фракция мүшелері алдымен жылжымалы медициналық кешенмен танысты. 2023 жылдың қазан айында «Qazaqstan halkyna» қорының қолдауымен Қызылорда облыстық онкология орталығына жоғары технологиялы жылжымалы медициналық кешен табысталған. Оның құрамында 128 срезды компьютерлік томограф, томосинтез функциясы бар цифрлық маммограф, сарапшылық деңгейдегі УДЗ аппараты бар.Кешен 12 білікті маманмен қамтылған және шалғай елді мекен тұрғындарына тегін КТ, маммография, УДЗ тексерулерінен өтуге мүмкіндік береді. 2023 жылдың қараша айынан бері 74 іссапар ұйымдастырылып, 7 190 адам тексеруден өткен.&nbsp; Мұнан соң халық қалаулылары &nbsp;қан орталығында болды. Бүгінде қан орталығы облыс орталығындағы және 7 аудандағы 17 медициналық ұйымды қан өнімдерімен қамтамасыз етіп отыр. Жыл сайын 13 мыңнан астам тұрғын донор болуға ниет білдірсе, олардың 10 мыңнан астамы қан тапсырады.2024 жылдың шілде айынан бастап қан орталығы Сырдария өзенінің сол жағалауында орналасқан, құны 2,7 млрд теңге болатын жаңа ғимаратқа көшірілді. Жалпы аумағы 2,4 гектарды құрайтын бұл нысан санитарлық талаптарға толық сәйкестендірілген. Сонымен қатар, орталық заманауи медициналық құрал-жабдықтармен толық қамтамасыз етілген. Бұл трансфузиялық терапияның сапасын арттырып, қан қауіпсіздігін халықаралық стандарттарға сай қамтамасыз етуге мүмкіндік беріп отыр.Мәжіліс депутаттары бұл нысандардың өңір тұрғындары үшін маңыздылығын атап өтіп, денсаулық сақтау инфрақұрылымын дамыту халықтың өмір сапасын арттыруға тікелей әсер ететінін жеткізді.<img src="https://knadmin.beoblood.kz/uploads/Amanat_mediczinaly_nysandardy_aralau_2_b80f781069.jpg" alt="Аманат медициналық нысандарды аралау 2.jpg">

Денсаулық сақтау саласындағы маңызды нысандар – фракция мүшелерінің назарында

<a href="https://kyzylorda-news.kz/">Kyzylorda-news.kz</a> «AMANAT» партиясы мен «Daryn Ustaz» орталығының бірлесіп ұйымдастыруымен өткен республикалық «Ustazga AI: жасанды интеллект педагог көмекшісі ретінде» атты арнайы курс өңір педагогтары үшін маңызды әрі нәтижелі жоба болды.Аталған бастаманың жоғары деңгейде жүзеге асуына қосқан үлесі мен әріптестік үшін «AMANAT» партиясы облыстық филиалының төрағасы Жандос Базартайға «Daryn Ustaz» орталығы мен Daryn.online компанияларының құрушысы Айбек Қуатбай арнайы алғыс білдірді.Курс барысында мұғалімдер жасанды интеллект құралдарын оқу процесінде тиімді қолдану, сабақ сапасын арттыру және уақытты ұтымды пайдалану бағытында тың білім алды. Нәтижесінде өңірімізде 13 872 педагог курсты сәтті аяқтады.Білім сапасын арттыруға, педагогтердің кәсіби әлеуетін күшейтуге бағытталған мұндай жобалар – заман талабына сай білім беру жүйесін қалыптастырудың маңызды бөлігі.

Педагог пен жасанды интеллект: табысты әріптестік

<a href="https://kyzylorda-news.kz/">Kyzylorda-news.kz</a> Қазір кәсіпкерлікті дамытуға мемлекет қолдауы жетерлік. Бұл бағытта облыс әкімінің алға қойған мақсат-талаптары да жүйелі жұмыс жүргізудің белсенді қадамын қалыптастырды. Соның бір дәлелі, бүгінде қала кәсіпкерлерінің саны 36 мыңнан асып, ондағы жұмыспен қамтылғандар саны 63 мың адамға жетті.<img src="https://knadmin.beoblood.kz/uploads/Zh_myssyzdy_ty_zhoyu_3_27a4eb6429.jpg" alt="Жұмыссыздықты жою 3.jpg">Өткен жылы экономиканың барлық саласында 25 385 азамат жаңа жұмыс орындарымен қамтылды. Оның 13 773-і тұрақты жұмысқа орналасты.<img src="https://knadmin.beoblood.kz/uploads/Zh_myssyzdy_ty_zhoyu_2_cf2e4aafbd.jpg" alt="Жұмыссыздықты жою 2.jpg">

Облыс бойынша жұмыспен қамтылғандар саны артып келеді

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісіндегі «AMANAT» партиясы фракциясының мүшелері Мұрат Әбенов, Мархабат Жайымбетов және Мұрат Ергешбаев өңірге жұмыс сапары барысында Сырдарияның сол жағалауында орналасқан жаңа теннис орталығының жұмысымен де танысты.&nbsp;Қызылорданың спорттық инфрақұрылымын жетілдіруге бағытталған бұл нысан өңір үшін маңызды әлеуметтік жобалардың бірі саналады.Халық қалаулылары орталықтағы жаттығу жүйесімен, материалдық-техникалық базасымен, спортшыларға жасалған жағдайлармен және кадрлық әлеуетпен танысты.&nbsp;Орталық 2024 жылдың қазан айында пайдалануға беріліп, жасөспірімдер мен балалар арасында теннис спортына деген қызығушылықты арттыруға мүмкіндік ашты.Жобаны іске асыруға облыстық бюджеттен 2,5 млрд теңге бөлінсе, Samruk Kazyna Trust әлеуметтік жобаларды қолдау қоры тарапынан 900 млн теңге бағытталған. Қазіргі таңда орталықта 350 бала тұрақты түрде жаттығады. Оларға 5 кәсіби жаттықтырушы оқу-жаттығу процесін жүргізеді. Әр жаттықтырушы 4 топпен жұмыс істейді, бұл балаларды қамтуды ұлғайтуға жағдай жасайды.Фракция мүшелері орталықтың оқу бағдарламасымен, спорттық секциялармен және өңір спортын дамыту жоспары бойынша мәліметтер алды.&nbsp;Теннис орталығының жылдық жалпы бюджеті 260 млн теңгені құрайды. Депутаттар мұндай нысандардың салынуы өңірде салауатты өмір салтын қалыптастыруға, бұқаралық спортты дамытуға және спортшылардың кәсіби деңгейін арттыруға ықпал ететінін атап өтті.

Жаңа теннис орталығы – өңір спортының серпінді қадамы

<a href="https://kyzylorda-news.kz/">Kyzylorda-news.kz</a> OpenAI медициналық карталармен біріктірілген ChatGPT Health сервисін іске қосты. Бұл туралы <a href="https://stan.kz/openai-densaulikka-katisti-kenes-beretin-zhana-funkciya-428699/">Stan.kz</a> ақпарат агенттігі Euronews басылымына сілтеме жасап хабарлайды.&nbsp;OpenAI компаниясының мәліметінше, дәрігерлермен бірлесіп әзірленген функция адамдарға денсаулығындағы заңдылықтарды түсінуге және дәрігермен әңгімеге дайындалуға көмектеседі. Алайда ол дәрігерді алмастыра алмайды.Соңғы кезде әлемде адам денсаулығын жақсартуға арналған жасанды интеллект құралдары танымал бола бастады. Осыған орай ChatGPT пайдаланушыларға өз әл-ауқатын жақсырақ түсінуге және басқаруға көмектесетін денсаулыққа бағытталған жаңа мүмкіндіктерді енгізіп жатыр.7 қаңтар күні OpenAI ChatGPT платформасының ішінде жеке бөлім ретінде жұмыс істейтін ChatGPT Health сервисінің іске қосылғанын хабарлады. Бұл бөлім пайдаланушыларға медициналық жазбаларын және MyFitnessPal секілді денсаулыққа арналған қосымшалардағы деректерді қосуға мүмкіндік береді. Соның нәтижесінде жүйе анағұрлым жекелендірілген әрі нақты контекстке сай жауаптар ұсына алады.<blockquote>“ChatGPT Health – ChatGPT-ді өмірдің кез келген саласында мақсатыңызға жетуге көмектесетін ақпарат пен құралдар ұсынатын жеке супер-көмекшіге айналдыру жолындағы тағы бір қадам”, – деп жазды OpenAI компаниясының қолданбалар жөніндегі директоры Фиджи Симо Substack платформасындағы жазбасында.</blockquote>Денсаулық тақырыбы қазір ChatGPT-ке ең жиі қойылатын сұрақтардың бірі саналады. OpenAI дерегіне сәйкес, әлем бойынша апта сайын 230 миллионнан астам адам чат-боттан денсаулық пен әл-ауқатқа қатысты кеңес сұрайды.OpenAI өкілдерінің айтуынша, ChatGPT Health жасанды интеллект платформасының ішінде жеке, дербес бөлім ретінде жұмыс істейді. Денсаулыққа қатысты әңгімелер, файлдар және қосымшалар пайдаланушылардың басқа чаттары мен жады жазбаларынан бөлек сақталады.Компанияның мәліметінше, Health бөліміндегі деректер мен жады жазбалары ешқашан бұл бөлімнен тыс чаттарға берілмейді. Пайдаланушылар Health жазбаларын кез келген уақытта баптаулар арқылы қарап немесе өшіре алады.ChatGPT Health пайдаланушы өзіндегі денсаулыққа қатысты деректер сақталған қосымшаларды ChatGPT-ге қоса алады.<blockquote>“Енді медициналық жазбаларыңызды және денсаулыққа арналған қосымшаларды (мысалы, Apple Health, Function, MyFitnessPal) қауіпсіз түрде қоса аласыз. ChatGPT сізге соңғы талдау нәтижелерін түсінуге, дәрігер қабылдауына дайындалуға, тамақтану мен жаттығулар бойынша кеңес алуға немесе медициналық сақтандыру нұсқаларының артықшылықтары мен кемшіліктерін өз жағдайыңызға қарай бағалауға көмектеседі”, – деп хабарлады OpenAI.</blockquote>Health бөліміне қосылатын кез келген қосымша пайдаланушының нақты келісімімен ғана іске қосылады. Сонымен қатар мұндай сервистер құпиялық пен деректер қауіпсіздігі бойынша қосымша тексерулерден өтеді.Дәрігерді алмастыру үшін емес, көмектесу үшін жасалғанOpenAI мәліметінше, ChatGPT Health ауруларды диагностикалау немесе емдеуге арналмаған.<blockquote>“Health медициналық көмекті алмастыру үшін емес, оны толықтыру үшін жасалған. Ол күнделікті сұраққа бағдар табуға және ауру сәттерін ғана емес, уақыт өте келе болатын өзгерістерді де көруге көмектеседі. Бұл өз кезегінде маңызды медициналық әңгімелерге дайын әрі хабардар болуға мүмкіндік береді”, – делінген компания хабарламасында.</blockquote>Компанияның мәліметінше, құрал дәрігерлермен тығыз әріптестік аясында әзірленген. Соңғы екі жылда OpenAI 60 елден, түрлі мамандықтағы 260-тан астам дәрігермен жұмыс істеген. Олар модель жауаптарына 600 мыңнан астам пікір қалдырған.ChatGPT Health кімдерге қолжетімді?Қазір ChatGPT Health баршаға бірдей қолжетімді емес. OpenAI бұл сервисті алдымен ChatGPT Free, Go, Plus және Pro аккаунттары бар шектеулі топтағы пайдаланушыларға ұсынатынын хабарлады. Олар арнайы күту тізіміне жазылып, сервиске қосыла алады.Айта кетейік, бастапқы кезеңде бұл қызмет Еуропалық экономикалық аймақ елдерінде, Швейцарияда және Ұлыбританияда қолжетімсіз. Себебі бұл өңірлерде денсаулық пен деректерді қорғауға қатысты талаптар қатаң.Сонымен қатар медициналық жазбалармен интеграция және кейбір қосымшалар тек АҚШ аумағында ғана жұмыс істейді.OpenAI компаниясы Health бөлімін алдағы бірнеше апта ішінде веб-нұсқада және iOS жүйесінде барлық пайдаланушыларға кезең-кезеңімен ашуды жоспарлап отыр.Фото: freepik.com

ChatGPT-де денсаулыққа қатысты кеңес беретін жаңа функция пайда болды

<a href="https://kyzylorda-news.kz/">Kyzylorda-news.kz</a> Жалағаш ауданы әкімінің тапсырмасына сәйкес, бүгін аудан әкімінің орынбасары мен сала мамандары азық-түлік бағасына мониторинг жүргізді.Мониторинг барысында жұмыс тобы мүшелері бағаны тұрақты ұстау мақсатында сауда орындарын аралап, кәсіпкерлермен түсіндірме жұмыстарын өткізді.Сонымен бірге, кәсіпкерлерге әлеуметтік маңызы бар азық-түлік тауарларының бағасын шекті межеден асырмау, әр тауардың бағасын нақты әрі көрнекі түрде көрсету, өнімнің жарамдылық мерзімі мен сақтау талаптарын сақтау қажеттігін ескертті.

Әлеуметтік маңызы бар азық-түлік бағасына бақылау жүргізілді

<a href="https://kyzylorda-news.kz/">Kyzylorda-news.kz</a> Ауыл шаруашылығы саласы – ел экономикасының күретамыры. Осы салаға өмірінің қырық жылдан аса уақытын арнаған еңбек адамдарының бірі – Сәуле Шакенова. Қарапайым еңбек адамы бүгін Өңірлік коммуникациялар қызметінің ақпарат алаңына келіп, саладағы көпжылдық тәжірибесімен бөлісті.<blockquote>- Мен «Абай-Дәулет» ЖШС-інде зертхана меңгерушісі болып жұмыс істеймін. Менің еңбек жолымды бастағаныма 40 жылдан аса уақыт болды, осы уақыттан бері осы күріш саласында үздіксіз жұмыс істеп келе жатырмын. Наурыз айында зейнет демалысына шығуды жоспарлап отырмын. &nbsp;Біздің шаруашылық күріш өсірумен, өндірумен, мал шаруашылығы мен ас тұзын өндірумен айналысады. Басты мақсатымыз – сапалы өнім шығару. Компаниямыздың өнімдеріне деген сұраныс жыл өткен сайын артып келеді. Соның нәтижесінде Мемлекет басшысының «Алтын сапа», «Парыз» сыйлықтарының иегері атандық. Бұл жетістіктердің барлығы ұжымда еңбек етіп жүрген әрбір қызметкердің адал еңбегінің жемісі деп білемін,- деді Сәуле Шакенова.</blockquote><img src="https://knadmin.beoblood.kz/uploads/brifing_aae0d4c949.jpg" alt="брифинг.jpg">Фото: Нұрболат Нұржаубай

Еңбек адамы – қоғам тірегі

<a href="https://kyzylorda-news.kz/">Kyzylorda-news.kz</a> Мемлекет басшысының Жарлығымен азаматтардың құқықтық тәртібі мен қауіпсіз өмір сүруін қамтамасыз етуге бағытталған Қазақстан Республикасының "Құқық бұзушылықтардың профилактикасы туралы" Заңы қабылданды.Заң профилактика субъектілерінің, МИБ төрағаларының, кәсіпкерлердің және басқа да азаматтардың құқықтары мен рөлін нақты айқындайды. Бұл алдын алу шараларын қабылдау кезінде тиімді өзара іс-қимыл мен әрекеттерді үйлестіруді қамтамасыз етуге мүмкіндік береді. Ерекше назар ерте профилактикаға, құқық бұзушылық жасауға бейім адамдармен жазалау шараларын қолданбай жұмыс жүргізуге аударылған.Алғаш рет заңнамалық деңгейде "антиәлеуметтік мінез-құлық" ұғымы бекітілді. Бұл ретте, егер ол ұсақ бұзақылықтың немесе өзге құқық бұзушылықтың құрамын құраса ғана жауапкершілік көзделеді, ал өзге жағдайларда айыппұлдар мен санкциялар қолданылмайды. Жалпыға бірдей қабылданған мінез-құлық пен мораль нормаларын бұзатын азаматтарға қатысты түсіндіру әңгімелері, ресми ескертулер, сондай-ақ әлеуметтік және оңалту көмегі сияқты профилактикалық шаралар қолданылатын болады. Заңның жеке бір бөлімі азаматтардың құқық бұзушылықтардың профилактикасына қатысуына арналған. Бұл институт елімізде 2004 жылдан бері жұмыс істейді.Бүгінде 50 мыңнан астам қоғамдық көмекші мен волонтёр бірлескен патрульдеуге, заңнаманы түсіндіруге, құқық бұзушылықтардың жолын кесуге және хабар-ошарсыз кеткен адамдарды іздеуге қатысып келеді. Заң мұндай қатысудың ынталандырушы сипатын күшейтеді. Әкімдіктер құқық бұзушылықтар туралы хабарлаған азаматтарды, оның ішінде өндірілген әкімшілік айыппұлдардың бір бөлігі есебінен марапаттау құқығына ие болады. Ақшалай сыйақы беру сияқты шаралар құқық бұзушылықтарға "нөлдік төзімділік" мәдениетін қалыптастыруға, қылмыс жасауға жағдай туғызатын бұзушылықтарды жоюға бағытталған.Айта кету керек, азаматтарды ынталандырудың мұндай тәжірибесі бірқатар дамыған елдерде бұрыннан қолданылып келеді және өзінің тиімділігін дәлелдеген. Сонымен қатар дене күші мен өзге де құралдарды қолдануға құқық бұзушылықтардың жолын кесу және құқық бұзушыларды ұстау мақсатында ғана, егер бұл мақсаттарға өзге тәсілдермен қол жеткізу мүмкін болмаған жағдайда рұқсат етіледі. Бұл ретте қажетті шаралар шегінен асып кетуге жол берілмеуі тиіс.Заңға қоғамдық орындарда бетті бүркемелейтін киім киюге тыйым салатын нормалар енгізілді. Бұл тыйым заңда көзделген жағдайларды (медициналық көрсетілімдер, қызметтік міндеттер, ауа райы жағдайлары, мәдени және спорттық іс-шаралар) қоспағанда қолданылады.Аталған шаралар профилактикалық сипатқа ие және тұлғаларды сәйкестендіруге бағытталған, бұл қылмыстардың ашылуы мен алдын алуға ықпал етеді. Мұндай құқық бұзушылық алғаш рет жасалған жағдайда ескерту беріледі. Сондай-ақ электр самокаттарын ұсынатын каршеринг компанияларының қызметіне қойылатын жаңа талаптар енгізілді.Заң пайдаланушыларды сәйкестендіру, жылдамдықты бақылау, қауіп деңгейі жоғары аймақтарда қозғалысты шектеу, жауапкершілік туралы ақпараттандыру және жаяу жүргіншілерге кедергі келтіруге жол бермеу жөніндегі міндеттерді белгілейді.Жалпы алғанда, жаңа Заң азаматтардың құқықтарын қорғауға, қоғамды тартуға және қауіпсіздік деңгейін арттыруға бағытталған заманауи профилактика жүйесін қалыптастырады. Қабылданған барлық шаралар қауіпсіз орта құруға және құқықтық тәртіпті нығайтуға ғана бағытталған.Фото: Ақорда

Мемлекет басшысы жаңа Заңға қол қойды

<a href="https://kyzylorda-news.kz/">Kyzylorda-news.kz</a> Қаланың қалыпты қозғалысы мен тұрғындардың қауіпсіз қатынауы қоғамдық көлік саласында еңбек ететін мамандардың кәсібилігіне байланысты. Таңмен таласа басталып, түнге дейін жалғасатын қарбалас тірлік расында да үлкен жауапкершілікті талап етеді. Бүгін Қызылорда облысының Өңірлік коммуникациялар қызметінің ақпарат алаңына Қызылорда автобус паркінің жүргізушісі Азамат Сисенов БАҚ өкілдеріне өз қызметінің ерекшелігі жайында айтты.<blockquote>- Мен «Қызылорда автобус паркінде» автобус жүргізушісі болып еңбек етемін. Жалпы еңбек өтілім 8 жылды құрайды. Біздің жұмысымыз таңғы 6:00-де басталып, кешкі 22:30-да аяқталады. Жұмысқа шығар алдында және рейс аяқталған соң міндетті түрде медициналық тексерістен өтеміз. Күніне шамамен 800-900 жолаушыны тасымалдаймын. Қазіргі таңда қала тұрғындарына 285 автобус қызмет көрсетеді. Автобус жүргізушісі болу үлкен жауапкершілікті талап етеді. Себебі, әрбір жолаушының қауіпсіздігі мен діттеген жеріне аман-есен жетуі сол жүргізушінің кәсібилігіне тікелей байланысты,- деді Азамат Сисенов.</blockquote><img src="https://knadmin.beoblood.kz/uploads/brifing_aae0d4c949.jpg" alt="брифинг.jpg">Фото: Автобус паркі

Қоғамдық көліктегі қауіпсіздік – жүргізуші жауапкершілігі

<a href="https://kyzylorda-news.kz/">Kyzylorda-news.kz</a> Қоғамның тыныс-тіршілігі кейде көзге көріне бермейтін, бірақ аса маңызды салалардың еңбегіне тікелей байланысты. Соның бірі - ауыз су мен кәріз жүйесінің үздіксіз жұмыс істеуі. Бүгін Өңірлік коммуникациялар қызметінің ақпарат алаңына «Қызылорда су жүйесі» мекемесінің өндірістік-техникалық бөлімінің бастығы Маржан Сырманова келіп, салада атқарылып жатқан жұмыстарға тоқталды.<blockquote>- &nbsp;Мен «Қызылорда су жүйесі» мекемесінде өндірістік-техникалық бөлімснің бастығы қызметін атқарамын. Бөліміміздің негізгі мақсаты – ауыз су және кәріз су нысандарын үздіксіз сенімді әрі қауіпсіз сапалы ауыз сумен қамтамасыз ету. Біз апаттардың алдын алып, инфрақұрылымды дамыту бойынша жоспарларды тізіп, солармен жұмыс істеп, жоба сметалық құжаттарды әзірлейміз. 2004 жылы осы жұмысқа кірген кезде қаламызда 300-ге жуық ғана ауыз су жүйесі мен 200-ге жуық кәріз жүйесі болған. Қазіргі таңда 1000 шақырымнан аса ауыз су жүйесі болса, оның 457 шақырымы кәріз жүйесін құрайды. Сонымен қатар, мекемеде базалық зертхана жұмыс істейді, &nbsp;онда күнделікті су сынамалары алынады. Бүгінде ұжымда 617 қызметкер жұмыс істесе, оның 400-ге жуығы жұмысшы мамандар. Жұмысшы мамандықтар жылы аясында кәріз сумен жұмыс істейтін қызметкерлерге шипажайларға жолдама беріліп, айлық жалақысы 20 пайызға артты,- деді Маржан Сырманова.</blockquote><img src="https://knadmin.beoblood.kz/uploads/brifing_aae0d4c949.jpg" alt="брифинг.jpg">Фото: Нұрболат Нұржаубай

Ауыз су сапасы – сала мамандарының күнделікті еңбегі

<a href="https://kyzylorda-news.kz/">Kyzylorda-news.kz</a> Қызылорда қаласындағы жұмыс сапары аясында ҚР Парламенті Мәжілісіндегі «AMANAT» партиясы фракциясының мүшелері Мархабат Жайымбетов, Мұрат Абенов және Мұрат Ергешбаев индустриялық аймақта орналасқан «AynaGlass» зауытының жұмысымен танысты.Депутаттар өндіріс процесін, өнім түрлерін, технологиялық мүмкіндіктерін және экспорттық әлеуетін көріп, кәсіпорынның өңірге қосатын экономикалық үлесін жоғары бағалады.«AynaGlass» жобасының жалпы құны – 1,5 млрд теңге. Оның ішінде 225 млн теңге кәсіпорынның өз қаражаты, 1 275 млн теңге қарыз қаражаты есебінен қамтамасыз етілген. Зауыт 2025 жылдың қараша айында іске қосылып, жылына 720 мың шаршы метр айна өнімін өндіруге қабілетті. Өнім ішкі нарыққа және ТМД елдеріне жеткізіледі. Кәсіпорында 55 тұрақты жұмыс орны ашылған.Жоба 2023 жылы Біріңғай индустрияландыру картасына енгізіліп, индустриялық аймақтан 1,48 гектар жер телімі бөлінді. Шикізатпен қамтамасыз ету үшін «Orda Glass» шыны зауытымен келісімшарт жасалған. Қазіргі таңда жер учаскесі арқылы магистральды газ құбырының өтуіне байланысты техникалық мәселені шешу жұмыстары жүргізілуде.<img src="https://knadmin.beoblood.kz/uploads/Zauyt_zh_mysy_4d3673c29b.jpg" alt="Зауыт жұмысы.jpg">

Мәжіліс депутаттары индустриялық аймақта орналасқан «AynaGlass» зауытына барды

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаттары, «AMANAT» партиясы фракциясының мүшелері Мұрат Әбенов, Мархабат Жайымбетов және Мұрат Ергешбаев Қызылорда қаласындағы «Қызылорда-Нан» серіктестігінің нан өнімдерін шығаратын заманауи кешенінің жұмысымен танысты.&nbsp;Айта кетейік, Қызылордада алғашқы нан зауыты 1957 жылы іске қосылып, 1995 жылға дейін халықты нан өнімдерімен қамтамасыз еткен болатын. Араға отыз жыл салып, бұл дәстүр қайта жаңғырып, өткен жылдың соңында жаңа өндірістік кешен жұмысын бастады.<img src="https://knadmin.beoblood.kz/uploads/Amanat_yzylorda_nan_09c240ea93.jpg" alt="Аманат Қызылорда нан.jpg">Жалпы құны 5,6 миллиард теңгені құрайтын жоба аясында бүгінде 120 адам тұрақты жұмыспен қамтылған, алдағы уақытта бұл көрсеткіш 170-ке дейін артады. Мемлекеттік қолдау ретінде кәсіпорынға 5 гектар жер телімі беріліп, инфрақұрылым тартылған. Сонымен қатар, 1,2 миллиард теңге көлемінде жеңілдетілген несие ұсынылып, пайыздық мөлшерлемесі субсидияланған.Жобаның бірінші кезеңінде 3,1 миллиард теңгеге төрт автоматтандырылған өндірістік цех іске қосылды. Ал екінші кезеңде құны 2,5 миллиард теңгені құрайтын ұн комбинатын салу жоспарланып отыр.Сапар барысында Мәжіліс депутаттары өндіріс орнын аралап, кәсіпорын жұмысымен танысты. Халық қалаулылары мұндай жобалар өңірдің азық-түлік қауіпсіздігін қамтамасыз етіп, экономиканың тұрақты дамуына серпін беретінін атап өтті.<blockquote>«Біз Мемлекет басшысы Қасым-Жомарт Тоқаевтың экономиканы әртараптандыру, бәсекеге қабілетті әрі терең өңделген өнім шығаруды дамыту жөніндегі тапсырмаларының орындалуын осы зауаттан ақ байқап отырмыз. Бұл өңірдің азық-түлік қауіпсіздігін қамтамасыз етіп, экономиканың тұрақты дамуына серпін беретін үлкен жоба. Жүздеген адам тұрақты жұмыспен қамтылып отыр. Мұндай жобалар өңірдің &nbsp;экономикалық өркендеуіне үлкен үлес қосатындығына сенімдіміз»,- деді &nbsp;Мұрат Ергешбаев.</blockquote><img src="https://knadmin.beoblood.kz/uploads/Amanat_yzylorda_nan_3_16ba393cc7.jpg" alt="Аманат Қызылорда нан 3.jpg">

Архив