<a href="https://kyzylorda-news.kz/">Kyzylorda-news.kz</a> Облыс әкімінің төрағалығымен мәжіліс өтіп, онда автожол саласын дамыту жайы қаралды. Жиында көтерілген мәселе бойынша қала әкімдігінде шаһар басшысы Нұржан Ахатов алдағы міндеттерді пысықтады.&nbsp;Қызылорда қаласы аумағындағы автомобиль жолдарының жалпы ұзындығы 793,8 шақырым, оның 715,9 шақырымы қалаішілік көшелер, 77,9 шақырымы аудандық маңызы бар автомобиль жолдары.Өткен жылы аймақ басшысының қолдауымен қала аумағында жол инфрақұрылымын дамытуға бюджеттің барлық көздерінен 30 млрд.теңгеге жуық қаражат бағытталды. Нәтижесінде жоспарға енген автомобиль жолдары жөнделіп, 1 жол құрылысы жүргізілді. 2 көпір құрылысы мен 4 көпірді күрделі жөндеу жұмыстары атқарылды.Биыл да облыс әкімінің тапсырмасымен жол инфрақұрылымын дамытуға басымдық беріліп отыр. Ол үшін бюджеттен қажетті қаражат көздері қарастырылған.&nbsp;<blockquote>- Бұған дейін салынған, алдағы уақытта құрылысы мен жөндеу жұмыстары жүргізілетін жолдардың және көшелердің сапасына ерекше мән беру қажет. Сонымен қатар, жолдардың жағдайына жүйелі түрде талдау жүргізу керек. Жыл сайын бұл саладағы жобалар саны мен жұмыс ауқымы ұлғайып келеді. Соған сәйкес, халыққа тиімді ұсыныстарыңызды енгізіңіздер, - деді Нұржан Сәбитұлы.&nbsp;</blockquote>Жиын соңында қала әкімі тиісті сала басшыларына аталған бағыт бойынша атқарылатын шараларды нақтылап, жоспарға сәйкес орындау мерзімдерін белгілеуді тапсырды. Сондай-ақ, Ұлттық жол активтері сапасы орталығымен бірлесіп, жол сапасына мониторинг жүргізіп отыруды міндеттеді.<img src="https://knadmin.beoblood.kz/uploads/ala_kimdigi_avtozhol_m_selesi_2_fa826f7ecf.jpg" alt="Қала әкімдігі автожол мәселесі 2.jpg">

Басты талап - автожол саласын дамыту

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен автожол саласын дамыту мәселесіне байланысты мәжіліске аудан әкімі Алмасбек Есмаханов бейнебайланыс режимі арқылы қатысты. Аудан басшысы мәжілістен кейін арнайы жиын өткізіп, жауаптыларға күн тәртібіндегі мәселелер бойынша бірқатар тапсырмалар жүктеді.Жиын басталмас бұрын аудан басшысы кадрлық өзгерістерге тоқталып, Қазақстан Республикасының «Сайлау туралы» Конституциялық заңына сәйкес, 2026 жылдың 1 наурыз күні Өркендеу ауылдық округі әкімінің сайлауында халықтың басым дауысына ие болып, Өркендеу ауылдық округінің әкімі ретінде сайланған Қуанғали Қожахмет Мүбәракұлын таныстырып өтті.&nbsp;Жиында алдымен автожол саласын дамыту барысы талқыланды. 2025 жылы аудандық маңызы бар және елді мекен ішілік жолдарды жөндеуге 2 млрд 802 млн теңге қаржы қаралды. Нәтижесінде аудандық маңызы бар жолдардың 91 пайызы, ал елді мекен ішілік жолдардың 75,1 пайызы жақсы және қанағаттанарлық жағдайға жеткізілді.&nbsp;Қазіргі таңда ауданда автожол саласында Қазалы қаласының көшелерін қайта жаңғырту, Әйтеке би кентіндегі бірқатар көшелерге күрделі жөндеу жұмыстары және «Қазалы – Қожабақы – Бозкөл – Кәукей» аудандық маңызы бар автожолындағы «Қарлан» темірбетонды көпірдің құрылысы жүргізілуде.&nbsp;Аудан әкімі биылғы жылға жоспарланған жол құрылысы жұмыстарының сапасын қатаң бақылауға алып, мердігерлердің жауапкершілігін арттыру және бюджет қаражатының тиімді жұмсалуын қатаң қамтамасыз етуді тапсырды. Сондай-ақ жол қауіпсіздігі, қар тазалау, жол белгілерін жаңарту, жаяу жүргіншілер өткелдерін ретке келтіру және бағдаршамдардың үздіксіз жұмысын қамтамасыз ету сынды мәселелер бойынша жауаптыларға бірқатар тапсырмалар берді. Мәжілісте жол-көлік оқиғаларының статистикасы да сараланып, аудандық полиция бөліміне құқық бұзушылықтардың алдын алу және патрульдік қызметті күшейту қажеттігі жөнінде де тапсырмалар жүктелді.Мәжілістің күн тәртібінде бұқаралық спортты дамыту мәселесіде қаралды. Соңғы жылдары аудан спорт инфрақұрылымын жаңғырту бағытында бірқатар жұмыстар атқарылып жатқанын, алайда облыстық спартакиадалардағы көрсеткіштер көңіл көншітпейтінін атап өткен аудан басшысы аудандық дене тәрбиесі, спорт және туризм бөлімінің басшысы Орысбек Жамшейтов алдағы жарыстарда үздік үштікке ену міндетін қойды. Спорт нұсқаушыларын штаттық негізде қамту, ұлттық және олимпиадалық спорт түрлерін дамыту, ат спортын жандандыру бағытында нақты тапсырмалар берді.Жиында алдағы 8 наурыз Халықаралық әйелдер күні мен Наурыз мейрамын жоғары деңгейде ұйымдастыру, 15 наурызда өтетін жалпыұлттық референдумға дайындық, қоғамдық-саяси ахуалды тұрақты бақылау және көктемгі әскерге шақыру науқанын толық орындау сынды маңызды мәселелерде қозғалып, аудан әкімі салаға жауапты орынбасарларына жұмыстарды үйлестіріп, қатаң бақылауда алуды тапсырды.

Күн тәртібіндегі бірқатар мәселелер бойынша тапсырма берді

<a href="https://kyzylorda-news.kz/">Kyzylorda-news.kz</a> «Әділетті және Прогрессивті Қазақстанның Халықтық Конституциясы үшін!» жалпыұлттық коалициясының өкілдері — Рүстем Ізтілеуов, Талғат Телеубаев, Асылжан Жаманқұл және Нұрлан Әмір білім саласының өкілдерімен мазмұнды кездесу өткізді. Жиынның басты мақсаты – 2026 жылғы 15 наурызда өтетін республикалық референдумға ұсынылған Жаңа Ата заң жобасының негізгі бағыт-бағдарын түсіндіру, оның қоғам үшін маңызын ашып көрсету болды.Кездесу барысында Талғат Рахымұлы Жаңа Конституция жобасының мән-маңызына жан-жақты тоқталды. Ол құжаттың ең басты ерекшеліктерінің бірі – ана тілімізде әзірленіп, мемлекеттік тілдің мәртебесін нақтылай түсетіндігі екенін атап өтті. Бұл – тек құқықтық құжат қана емес, ұлттық болмыс пен мемлекеттік тұтастықты айқындайтын стратегиялық негіз екенін жеткізді. Сонымен қатар, референдум – халық еркін тікелей білдіретін демократиялық тетік екенін айтып, барша азаматтарды 15 наурыз күні өз таңдауын жасауға шақырды.Асылжан Жаманқұл өз сөзін ұстаздар қауымын алдағы 8 наурыз – Халықаралық әйелдер күні мерекесімен құттықтаудан бастады. Ол білім саласы қоғамның рухани тірегі екенін, ал ұстаздар ел болашағын тәрбиелейтін негізгі күш екенін ерекше атап өтті. Сондай-ақ, Жаңа Ата заң жобасының әлеуметтік бағыттарына тоқталып, референдумның өркениетті, зайырлы мемлекеттерде кеңінен қолданылатын саяси құрал екенін түсіндірді. Халықтың тікелей қатысуы арқылы қабылданған шешімнің легитимдігі мен маңызы жоғары болатынын баса айтты.Рүстем Ізтілеуов пен Нұрлан Әмір өз кезегінде Жаңа Конституция жобасында қарастырылған бірқатар маңызды мәселелерге назар аударды.Атап айтқанда:<ul><li style="text-align:justify;">азаматтардың құқықтары мен бостандықтарын қорғау тетіктерін күшейту;</li><li style="text-align:justify;">әлеуметтік әділеттілік қағидаттарын нақтылау;</li><li style="text-align:justify;">білім беру саласына қатысты кепілдіктерді айқындау;</li><li style="text-align:justify;">мемлекеттік басқарудың ашықтығы мен есептілігін арттыру.</li></ul>Олар реформалардың табысты жүзеге асуы әр азаматтың белсенді азаматтық ұстанымына байланысты екенін атап өтті.Әсіресе білім саласы қызметкерлерінің қоғамдық пікір қалыптастырудағы рөлі ерекше екені айтылды.Жиын соңында коалиция өкілдері барша жиналған қауымды 15 наурыз күні өтетін референдумға қатысып, ел болашағы үшін маңызды шешім қабылдауға шақырды.<img src="https://knadmin.beoblood.kz/uploads/Zhalpy_ltty_koalicziya_2_a2a6a36af1.jpg" alt="Жалпыұлттық коалиция 2.jpg">

Білім саласының өкілдерімен кездесу өтті

<a href="https://kyzylorda-news.kz/">Kyzylorda-news.kz</a> Жалпыұлттық коалиция өкілдері «Әділетті және Прогрессивті Қазақстанның Халықтық Конституциясы үшін!» бастамасы аясында «Анаға тағзым» орталығында жаңа Ата заң жобасының мазмұнын түсіндіруге арналған кездесу өткізді. Жиынға коалиция мүшелері Гүлшат Мұсаева, Нұридин Амитов, Фарида Қалиева және Майра Боранбаева қатысып, конституциялық реформаның өзекті бағыттарына кеңінен тоқталды.Кездесу барысында Гүлшат Исақызы ең алдымен жаңа Конституция жобасының басты ерекшелігі – адамға бағдарланған мемлекет қағидаты екені атап өтті. Жобаға сәйкес, адам құқықтары мен бостандықтары мемлекеттің негізгі басымдығы ретінде айқындалады. Бұл – әділеттілік, заң үстемдігі және тәртіп қағидаттарын нақты іске асыруға бағытталған қадам. Конституция тек құқықтық құжат қана емес, сонымен бірге мемлекеттің құндылықтық бағдарына айналатыны айтылды.Жиында Нұридин Егенбердіұлы саяси жүйедегі маңызды өзгерістерге де ерекше назар аударды. Атап айтқанда, 145 депутаттан тұратын бір палаталы Парламент – Құрылтай құру ұсынысы, пропорционалды сайлау жүйесіне көшу, сондай-ақ Қазақстан Халық Кеңесін қалыптастыру мәселелері талқыланды. Бұл тетіктер азаматтардың шешім қабылдау процесіне қатысуын кеңейтіп, өкілді демократияны күшейтуге бағытталғанын айтты.Коалиция өкілдері жаңа Конституцияда ұлттық бірегейлік пен егемендік мәселесіне де айрықша мән берілгенін жеткізді. Мемлекеттің унитарлық сипаты, аумақтық тұтастығы, тәуелсіздігі өзгермейтін құндылықтар ретінде бекітіледі. Сонымен қатар, қазақ тілінің мәртебесі, ұлттық валюта – теңгенің конституциялық деңгейде айқындалуы елдің саяси-экономикалық егемендігін нығайтатын нормалар ретінде бағаланды.Жаңа жоба адами капиталды дамытуға басымдық береді. Білім, ғылым, мәдениет және инновациялар стратегиялық бағыт ретінде бекітіледі. Бұл – Қазақстанның болашағы табиғи ресурстармен емес, зияткерлік әлеуетпен айқындалатынын білдіретін түбегейлі бетбұрыс. Сонымен бірге, цифрлық ортадағы азаматтардың құқықтарын қорғау нормалары алғаш рет конституциялық деңгейде қарастырылып отыр.Жиын соңында қатысушылар жаңа Конституция жобасы – кең қоғамдық талқылаудың нәтижесі екенін, онда халықтан түскен мыңдаған ұсыныс ескерілгенін айтты. Коалиция өкілдері алдағы референдум – ел болашағына қатысты тарихи шешім екенін атап өтіп, азаматтарды белсенділік танытуға шақырды.

«Анаға тағзым» орталығында кездесу өтті

<a href="https://kyzylorda-news.kz/">Kyzylorda-news.kz</a> Ел қауіпсіздігі – әрбір әскери қызметшінің қасиетті борышы. Ал сол қызметтің тасасында сарбаздардың денсаулығын күзетіп, қиын сәтте алғашқы көмек көрсетуге әрдайым дайын тұратын медицина мамандары бар. Осындай жауапты міндетті абыроймен атқарып жүрген әскери сала маманы, мейірбике Айнұр Нұрмаханқызы – кәсібіне адал, ел сенімін ақтап келе жатқан білікті маман.Айнұр Нұрмаханқызы 1978 жылы 4 шілдеде Сырдария ауданы қарасты Ақжарма ауылында дүниеге келген. Қарапайым ауылдан шыққан талапты қыз жастайынан медицина саласына қызығып, адам жанына араша болуды армандады. 1996 жылы медициналық колледжге «медбике» мамандығы бойынша оқуға түсіп, 1999 жылы оқу орнын сәтті тәмамдайды. Еңбек жолын 2001 жылы облыстық аурухананың жансақтау бөлімінде бастайды. 2016 жылға дейін осы бөлімде үздіксіз қызмет етіп, үлкен тәжірибе жинақтады. Жансақтау бөлімі – кәсіби шеберлік пен төзімділікті талап ететін күрделі сала. Ауыр халдегі науқастарға жедел көмек көрсету, реанимациялық іс-шараларға қатысу, адам өміріне араша болу – оның күнделікті қызметінің бір бөлігі болды. Осы жылдар оның медициналық біліктілігін шыңдап, жауапкершілігін арттырды.2017 жылдан бастап Айнұр Нұрмаханқызы Қызылорда облысы аумағындағы 5547 әскери бөлімінде қызмет атқарып келеді. Бұл бөлім Қазақстан Республикасының Ұлттық ұланы құрамына кіреді. Қазіргі таңда 1 жедел мақсаттағы батальонның 2-ротасында аға маман санитарлық нұсқаушы лауазымын атқарады. Әскери саладағы қызмет тек медициналық біліммен шектелмейді. Бұл – темірдей тәртіп, шұғыл әрекет, физикалық және моральдық дайындықты талап ететін жауапты міндет. Айнұр Нұрмаханқызы жеке құрамға алғашқы медициналық көмек көрсетіп қана қоймай, сарбаздарды тактикалық медицина негіздеріне үйретеді, далалық жаттығулар кезінде медициналық қамтамасыз етуді ұйымдастырады. Қиын жағдайда сабыр сақтап, жедел шешім қабылдай білу – оның басты кәсіби қасиеттерінің бірі. Көпжылдық мінсіз қызметі үшін ол бірқатар марапаттарға ие болған. Әскери тәртіпті үлгілі сақтағаны, кәсіби шеберлігі мен жауапкершілігі үшін алғыс хаттармен, құрмет грамоталарымен және ведомстволық марапаттармен наградталған. Бұл – оның адал еңбегінің нақты дәлелі.Айнұр – аяулы жар, үлгілі ана. Жұбайы Әскербек Сунақұлымен бірге төрт бала тәрбиелеп отыр. Қызмет пен отбасы жауапкершілігін қатар алып жүру үлкен күш пен төзімділікті қажет етеді. Айнұр Нұрмаханқызының өмір жолы – кәсібилік пен патриотизмнің, отбасы құндылығы мен адамгершіліктің жарқын үлгісі. Ел тыныштығы жолында аянбай еңбек етіп жүрген осындай жандар – қоғам мақтанышы.Фатима МАРАТҚЫЗЫ,Тәрбие және әлеуметтк-құқықтықжұмыстар бөлімшесі бастығыныңаға көмекшісі

Кәсібилік пен патриотизм үлгісі

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен өткен Үкімет отырысында автожол саласын дамыту мәселесі талқыланды.&nbsp;Оған облыс әкімі Нұрлыбек Нәлібаев селекторлық режим арқылы қатысып, отырыстан соң жауапты сала басшыларына күн тәртібіндегі мәселеге орай жиналыс өткізді.<blockquote>«Үкімет басшысы орталық атқарушы органдар мен өңір әкімдеріне саладағы жұмыстарды бақылауға алып, сапалы жүргізуді тапсырды. Биылға жоспарланған жол құрылысы жобалары сапалы әрі мерзімінде жүзеге асырылуы керек. Жол сапасын жақсарту, жөндеу, асфальт төсеу қазан-қараша айларына дейін толық аяқталуы тиіс. Өздеріңізге белгілі, әрбір жобаға қойылатын басты талап – құрылыс сапасы. Дегенмен Жол активтері ұлттық сапа орталығы жүргізген тексеруден кейін бірқатар кемшілік анықталды. Бұл кемшіліктер толық қалпына келтірілуі тиіс. Мемлекет басшымыз Ұлттық құрылтай отырысында «Батыс Еуропа – Батыс Қытай» халықаралық автодәлізінің Қызылорда – Ақтөбе бағытын төрт жолақты етіп кеңейту жобасы басталатынын, «Бейнеу – Сексеуіл» жолының құрылысы биыл қолға алынатынын атап өтті. Бұл жобалар Президентіміздің тікелей бақылауында. Аталған маңызды жобалардың мерзімінде басталуын қамтамасыз етіңіздер. Тиісті министрліктермен жұмыс жасаңыздар. Қыстың соңғы күндері табиғат тосын мінез көрсетіп, бір күн бойы нөсер жаңбыр жауды. &nbsp;Артынша қатты жел тұрып, аяз болды. Қызылорда қаласы мен Сырдария, Жалағаш, Қармақшы аудандарына қарасты бірқатар елді мекендегі электр желілеріне, қондырғыларға, ағаштарға толықтай мұз қатып, қалың қар жауып, бағаналар, талдар құлады. Салдарынан 250-ден астам электр бағанасы құлап, 80 шақырымға жуық желі үзілді. Апатты жағдайды қалпына келтіру мақсатында жедел штаб құрылып, &nbsp;«Қызылорда электр тарату тораптары» компаниясының 170-тен аса маманынан құралған жедел жөндеу бригадалары, 80 арнайы техника жұмылдырылды. Тұрғындарды мүмкіндігінше қысқа мерзімде электр энергиясымен қайта қамтамасыз ету үшін 24 сағат бойы үзіліссіз, күшейтілген режимдегі жұмыс екі ауысымда жүргізілуде. Уақытпен санаспай, күні-түні нысандар басынан табылған коммуналдық мекеме қызметкерлеріне, қалпына келтіру жұмыстарына атсалысқан, жағдайға түсіністікпен қараған жергілікті тұрғындарға, елді ауызбірлікке шақырған ауыл ақсақалдарына, ел ағаларына зор алғысымызды білдіреміз», – деді Н.Нәлібаев.</blockquote>Сондай-ақ, басқосуда коммуналдық салалар жұмысты күшейтілген режимде жалғастыруы қажет екені айтылды. «Таза Қазақстан» экологиялық бағдарламасы аясындағы санитарлық тазалық жұмыстары да күн тәртібінен түспейді. Бұл бағытта да нақты тапсырмалар жүктелді.Еске салайық, өткен жылы жол инфрақұрылымын дамытуға республикалық және жергілікті бюджеттен қаржы бөлініп, 329 шақырым автомобиль жолы, көшелер мен көпірлер жөндеуден өтті. Нәтижесінде жақсы және қанағаттанарлық жағдайдағы жолдардың үлесі 95 пайызға жетті.«Қызылорда-Жезқазған» автомобиль жолының облыс аумағынан өтетін 216 шақырымының құрылысы толығымен аяқталып, пайдалануға берілді.Биыл да жол инфрақұрылымын дамытуға бағытталған 56 жобаға қаржы бөлінді. Оған өңірдегі 136 шақырым жол мен көпір өткелдері жөнделеді.

Автожол саласын дамыту мәселесі талқыланды

<a href="https://kyzylorda-news.kz/">Kyzylorda-news.kz</a> &nbsp;Қазалы ауданының әкімі Алмасбек Есмаханов жұмыс сапарымен Басықара, Қ.Пірімов, Жалаңтөс батыр, Ғ. Мұратбаев, Абай ауылдары және Қазалы қаласына барып, тұрғындармен кездесу өткізді.Тұрғындармен өткен кездесулер барысында аудан басшысы Президентіміз Қасым-Жомарт Кемелұлының, аймақ басшысы Нұрлыбек Машбекұлының қолдауымен өңірде инфрақұрылымды жаңғырту, жол жөндеу жұмыстары, ауызсу және электр желілерін жаңарту, білім беру мен денсаулық сақтау нысандарының материалдық-техникалық базасын нығайту бағытында атқарылған жұмыстар жайында тұрғындарға жеткізді. Биылғы жылы жүзеге асырылатын жоспарлар, жаңа жобалар мен алдағы кезеңге белгіленген басым бағыттар туралы толық айтып өтті. Бұдан бөлек, Мемлекет басшысының Сыр өңірінде өткен Ұлттық Құрылтайдың V отырысындағы талқыланған маңызды шешімдер, оның ішінде Қазақстан Республикасының Ата Заңына жалпыхалықтық референдум арқылы өзгерістер енгізу, Конституциядағы адамға бағытталған жаңа өзгерістер жайында тұрғындарға кеңінен түсіндіріп өтті. Осы ретте, аудан басшысы Жаңа Конституция жобасын қолдауда тұрғындарды белсенділік танытып, бірлік пен ауызбіршіліктің үлгісін көрсетуге, елдің жарқын болашағы жолында ортақ жауапкершілік танытуға шақырды.<img src="https://knadmin.beoblood.kz/uploads/azaly_eldimekenderdi_aralau_90e65dd1e3.jpg" alt="Қазалы елдімекендерді аралау.jpg">Аудан басшысы өз сөзінде ауылдық елді мекендердің әлеуетін арттыру, халықтың табысын көбейту және шағын кәсіпкерлікті дамыту – бүгінгі күннің басты міндеттерінің бірі екенін атап өтті. Осы орайда «Ауыл аманаты» бағдарламасы аясында мемлекет тарапынан көрсетілетін қаржылай және ұйымдастырушылық қолдау тетіктері, жеңілдетілген несие алу мүмкіндіктері, жаңа жұмыс орындарын ашуға бағытталған жобалар туралы түсіндірме жұмыстарын жүргізді. Тұрғындар тарапынан қойылған сауалдарға нақты жауап беріп, көтерілген ұсыныстар мен мәселелер тікелей бақылауында болатынын айтты.Кездесулер барысында Мемлекет басшысының бастамасымен жүзеге асырылып жатқан «Заң мен тәртіп» қағидаты аясындағы жұмыстарға тоқталып, құқықбұзушылықтың алдын алу, жасөспірімдердің қауіпсіздігін қамтамасыз ету және «ішімдіксіз ауыл» бағытындағы жобалардың маңызын атап өтті. Тұрғындарды қоғамдық тәртіпті нығайтуға және аталған бастамаларға белсенді қолдау көрсетуге шақырды.Сапар аясында аудан әкімі елді мекендер мен Қазалы қаласында орналасқан референдум учаскелерін аралап, олардың материалдық-техникалық дайындығымен, дауыс беру барысын ұйымдастыруға жасалған жағдайлармен танысты. Учаскелердің қолжетімділігі, қауіпсіздік талаптарының сақталуы, мүмкіндігі шектеулі азаматтарға арналған жағдайлар да назардан тыс қалмады.<img src="https://knadmin.beoblood.kz/uploads/azaly_eldimekenderdi_aralau_2_b84a1d4b1a.jpg" alt="Қазалы елдімекендерді аралау 2.jpg">

Қазалы: Тұрғындармен кездесіп, талап-тілектерін тыңдады

<a href="https://kyzylorda-news.kz/">Kyzylorda-news.kz</a> &nbsp;Өткен демалыс күндері Отбасы банкінің («Бәйтерек» холдингінің еншілес ұйымы) салымшылары өздерінің жинақ шоттарында жаңа толықтыруды көрді. Олардың депозиттеріне мемлекеттік сыйлықақы есептелді.2025 жылдың қорытындысы бойынша 2 530 829 қазақстандыққа мемлекет сыйақысы берілді. Бұл – азаматтардың қаржылық тұрақтылығын нығайтуға және жеке баспаналы болу мүмкіндіктерін кеңейтуге бағытталған маңызды қолдау шарасы.Мемлекет сыйақысын алғандардың жалпы санының 388 799-ы - жеке баспанасы жоқ және тұрғын үй кезегінде тұрған азаматтар. Олардың 237 688-і тұрғын үй кезегіне бұрын, kezekte.kz порталында тіркелген. Олар болашақта жылдық мөлшерлемесі 2%-дан* басталатын жеңілдетілген заем алу үшін Отбасы банк депозиттерінде жоспарлы түрде қаражат жинауда. Тағы 151 111 адам 2025 жылғы 24 мамырдан кейін orken.otbasybank.kz порталында тұрғын үйге мұқтаж ретінде есепке қойылып, биыл ғана жинақтауды бастады.2025 жылдың қорытындысы бойынша депозиттеріне мемлекет сыйақысы есептелген кезекте тұрғандардың ішінде I және II топтағы 12 059&nbsp;мүгедек, 57 551 көпбалалы отбасы, мүмкіндігі шектеулі бала тәрбиелеп отырған 10 679 отбасы, сондай-ақ «жетім балалар және ата-анасының қамқорлығынсыз қалған балалар» санаты бойынша тұрғын үй кезегінде тұрған 13 966 азамат бар.Сонымен қатар тұрғын үй құрылыс жинақ жүйесінің 303 406 жас қатысушысы да мемлекет сыйақысын алды. Олардың ата-аналары болашақта баспана сатып алуына негіз қалау үшін балалардың атына Отбасы банк депозиттерін ашқан. Биыл олардың шоттарына 9,6 млрд теңге көлемінде мемлекет сыйақысы есептелді.Жалпы алғанда, қазақстандықтарға есептелген мемлекет сыйақысының сомасы 124,4 млрд теңгені құрады. Тұрғын үй құрылыс жинақ жүйесіне қатысқан салымшы депозитіне ең көбі 157 280 теңге алды*. Мемлекет сыйақысының ең жоғары мөлшерін 591 709 қазақстандық – Отбасы банк клиенттері иеленді.Мемлекет сыйақысы есептелген 555 732 депозит онлайн түрде – мобильді қосымша және бейнесервис арқылы ашылған. Мемлекет сыйақысымен ынталандырылған жинақ шоттарының ең көбі Шымкент қаласының тұрғындары арасында – 164 146 салым, Астана қаласында – 126 341 салым және Алматы қаласында – 113 297 салым ашылған. Дәл осы қалаларда мемлекет сыйақысы есептелген жинақ шоттарының үлесі жоғары.Мемлекет сыйақысын төлеуді заңға сәйкес мемлекет қамтамасыз етеді. Осылайша ол азаматтарды қолдап, баспаналы болуға тезірек қаражат жинауға көмектеседі.Ағымдағы жылы мемлекет сыйақысы өткен жылдары сыйақы берілген салым сомасына қайта есептелмейді. Егер мемлекет сыйақысы берілетін жинақ сомасы 200 АЕК-тен асса, сыйақы берілмеген қалдық сома келесі жылы мемлекет сыйақысын есептеу кезінде ескеріледі.Мысалы, егер 2024 жылдың қорытындысы бойынша салымшы депозитте 1 млн теңге жинаса, мемлекет сыйақысы тек 200 АЕК-ке тең сомаға ғана есептелді. Қалған айырма 2025 жылдың қорытындысы бойынша мемлекет сыйақысын есептеу кезінде ескерілді.Егер бір салымшының банкте бірнеше депозиті болса, мемлекет сыйақысы оның таңдауы бойынша тек біреуіне ғана есептеледі. Мемлекет сыйақысы есептелетін депозитті өзгерту үшін салымшы есепті жыл аяқталғанға дейін Отбасы банк мобильді қосымшасында қажетті жинақ шотын белгілеп, тиісті өзгерісті өз бетінше енгізуі тиіс.2026 жылдың қорытындысы бойынша мемлекет сыйақысының ең жоғары мөлшері 173 000 теңге. Оны алу үшін Отбасы банк шотында кемінде 865 000 теңге (200 АЕК) жинақталуы қажет. Ол үшін салымшылар ай сайын шамамен 73 000 теңгеден депозитке салып отыруы тиіс.Банк сыйақысы мен мемлекет сыйақысын қоса есептегенде, Отбасы банк депозиттері бойынша жылдық тиімді мөлшерлеме 14%-ға дейін жетуі мүмкін.Отбасы банк-тегі жинақтар қазақстандықтарға жылдық мөлшерлемесі 3,5%-дан басталатын (ЖТСМ 3,6%-дан 4,4%-ға дейін) қолжетімді несие алып, жеке баспанасын сатып алуға мүмкіндік береді.*2% (ЖТСМ 2,0% – 2,1%)*Мемлекет сыйақысының мөлшері – 20%. Ол 200 АЕК-тен аспайтын жинақ сомасына есептеледі. 2025 жылы 1 АЕК 3 932 теңгеге тең болды. Яғни, сыйақы берілген ең жоғары сома 786 400 теңгені құрады.Фото: freepik.com

591 709 Отбасы банк салымшысы мемлекеттен ең жоғары сыйақы алды

<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасының Президенті Қасым-Жомарт Тоқаевтың 2026 жылғы 15 наурызға Конституцияның жаңа жобасын қабылдау мәселесі бойынша республикалық референдум тағайындауына байланысты өңірлерде ақпараттық-түсіндіру іс-шаралары өткізілуде.Қызылорда қаласында Жалпыұлттық коалиция мүшелерінің қатысуымен қала тұрғындары және жоғары, орта арнаулы оқу орындарының қызметкерлерімен кездесу өтті. Іс-шараға «AMANAT» партиясы жанындағы Сыбайлас жемқорлыққа қарсы іс-қимыл жөніндегі республикалық кеңестің мүшесі Еркебұлан Құлбасов және партияның Партиялық бақылау департаментінің инспекторы Венера Есілбаева қатысты.Кездесу барысында референдумның өткізілу тәртібі мен Конституция жобасының негізгі ережелері туралы ақпарат берілді. Спикерлер жоба баптарына қатысты түсіндірме жасап, қатысушылар тарапынан қойылған сұрақтарға жауап берді.Іс-шарада аймақтық коалиция мүшелері де сөз сөйлеп, Конституция жобасының мазмұнына қатысты пікірлерін білдірді.Кездесу соңында қатысушылар өз ойларын ортаға салып, ұсыныс-пікірлерін жеткізді. Ұйымдастырушылардың мәліметінше, осындай форматтағы ақпараттық кездесулер өңірлерде жалғасады.

Өңірлерде алдағы референдум бойынша ақпараттық-түсіндіру жұмыстары жүргізілуде

<a href="https://kyzylorda-news.kz/">Kyzylorda-news.kz</a> 2026 жылғы 31 қаңтардан бастап ипотеканы өтеу үшін зейнетақы жинақтарын пайдаланудың жаңа ережелері күшіне енді. Fingramota.kz-пен бірге не өзгергенін, оның кімге қатысты екенін және бұл қарыз алушыларға қаншалықты пайдалы екендігін анықтайық.Зейнетақы жинақтарымен әлі де не істеуге болады?Бірыңғай жинақтаушы зейнетақы қорынан (БЖЗҚ) қаражат тұрғын үй сатып алуға, ипотеканы ішінара немесе толық өтеуге (оның ішінде Отбасы банкінде және басқа да банктерде), жалға берілетін тұрғын үйді сатып алуға, Отбасы банкіндегі депозитті толықтыруға жұмсалуы мүмкін. Бұл жерде бәрі өзгеріссіз қалды.2026 жылдың басты жаңалығыБұрын Отбасы банкіндегі ипотекалық қарызды зейнетақы жинақтарындағы артық ақшаның есебінен ішінара мерзімінен бұрын өтеу кезінде пайыздарды қоса алғанда, ай сайынғы төлемді толығымен жабуға болатын. Егер БЖТ сомасы төлем мөлшерінен асып кетсе, қалған қаражат негізгі қарызды өтеуге жұмсалды.Ендігі жерде Отбасы банкіндегі кредитті зейнетақы жинақтары есебінен өтеу тәртібі өзгерді. Зейнетақы қаражатын тек негізгі қарызды өтеуге &nbsp;бағыттауға болады. Төлем мерзімін өткізіп алудан туындаған пайыздарды, айыппұлдарды, өсімпұлдарды немесе қарыздарды төлеу үшін зейнетақы төлемдерін пайдалануға бұдан бұлай рұқсат етілмейді, бұл сомаларды қарыз алушылар өзі төлеуге мәжбүр болады. Төлем мынадай ретпен жасалады: қарыз алушы алдымен өз ақшасынан пайыздар мен басқа да міндетті төлемдерді төлейді, содан кейін зейнетақы жинақтары тек негізгі қарызды өтеуге жіберіледі.Бұл өзгеріс Отбасы банкінде ресімделген ипотекалық қарызды өтеуге қатысты. Басқа банктердегі ипотекалық қарыздарды өтеу кезінде процесс өзгеріссіз қалды.Бұл іс жүзінде нені білдіреді?Мысал. Тұрғын үй қарызыЗейнетақы қалдықтары — 100 000 теңге. Ай сайынғы төлем — 74 825 теңге, оның ішінде пайыздар — 6 175 теңге, негізгі борыш - 65 699 теңге.Жаңа ережелер күшіне енгенге дейін барлық төлемді зейнетақы жинақтары есебінен өтеуге болады. 2026 жылғы 31 қаңтардан бастап 6 175 теңге пайызды қарыз алушы өз қаражатымен төлейді, 65 699 теңге БЖТ есебінен негізгі борышты өтеуге жіберіледі. Қалған 34 301 теңге қосымша негізгі қарызды азайтады.Кредит мерзімін қысқартқыңыз келе ме?Қысқартуға болады. Банкке өтініш беріп, төлем қабілеттілігін растау қажет. Мынаны түсініңіз: мерзім қысқарған кезде ай сайынғы төлем артады. Банк жаңа сома бюджетіңізге шамадан тыс салмақ салмауын тексереді.Емдеу және салықты жою туралы не білесіз?Зейнетақы қаражатын емдеуге пайдалану мүмкіндігі уақытша тоқтатылды. Бұл алаяқтық схемалардың, қаражатты заңсыз алудың алдын алып үшін жасалды. Қағидаларға өзгерістер енгізілгеннен кейін норма қайта қаралуы мүмкін.Салықтың күшін жою. Зейнетақы жинақтарын тұрғын үйге алған &nbsp;кезде табыс салығын алып тастау қазақстандықтар үшін жақсы жаңалық болып отыр. Енді төлем сомасына 10% салық салынбайды, бұл қарыз алушының шотында көбірек қаражатты сақтайды.Есте сақтаңыз!&nbsp;Зейнетақы жинақтарын пайдалануға өтінім берген кезде өтінімді қарау мерзімдерін ескеру маңызды – бұл қаражаттың нақты қашан келіп түсетініне және өтелуіне байланысты.Егер қаражат ипотекалық қарызды ішінара немесе толық мерзімінен бұрын өтеуге жұмсалса, рәсім екі кезеңнен тұрады:Отбасы банк 2 жұмыс күні ішінде өтінішті тексеріп, оны БЖЗҚ-ға жібереді;БЖЗҚ 5 жұмыс күні ішінде өтінішті қарап, қаражатты банкке аударады.Осылайша, жалпы мерзім 7 жұмыс күніне дейін болуы мүмкін.Егер мақсат зейнетақы жинақтарын жақын туыстарға беру болса, өтінімді қарау мерзімі 3 жұмыс күніне дейінгі мерзімді құрайды.Тұрғын үй жағдайларын жақсартуға мақсатты пайдалануды растайтын құжаттарды бекіту – 20 жұмыс күні. Бұл ретте өтінімді қарауға бөлінген мерзім – 10 жұмыс күні.Кешіктірулер мен қаржылық тәуекелдерді болдырмау үшін мәмілені жоспарлау немесе кредитті мерзімінен бұрын өтеу кезінде көрсетілген мерзімдерді алдын ала ескеру қажет. Сонымен бірге өтінімнің аяқталуын және тиісті СМС-хабарламаның түсуін мұқият қадағалаңыз, сондай-ақ өтінімге сіздің ЭЦҚ қойылғанын және құжаттардың дұрыс салынғанын тексеріңіз.<img src="https://knadmin.beoblood.kz/uploads/0203_infografika_kaz_ad5b460368.png" alt="0203 infografika-kaz.png">Егер мәселеге сауатты қарасаңыз, жаңа қағидалар ипотекадан тезірек шығудың құралы бола алады.Фото: gov.kz

Зейнетақы жинағын ипотекаға пайдалану тәртібі өзгерді 

Жасампаздыққа жетелеген жеті жыл

<a href="https://kyzylorda-news.kz/">Kyzylorda-news.kz</a> &nbsp;Қызылорда облыстық балалар ауруханасында жаңа Конституция жобасын түсіндіруге арналған кездесу өтті. Жиынға «Әділетті және Прогрессивті Қазақстанның Халықтық Конституциясы үшін!» Жалпыұлттық коалициясының өкілдері Балжан Шәменова, Әбіләзім Әбдіғабит, Гүлстан Мақсутова, Гүлнар Есқалиева, Динара Ибадуллаева қатысып, медицина қызметкерлерімен еркін форматта пікір алмасты.Кездесуде 2026 жылғы 15 наурызға жоспарланған республикалық референдум және Конституция жобасында қарастырылған негізгі өзгерістер сөз болды. Әсіресе денсаулық сақтау саласына қатысты нормаларға назар аударылды.Мәселен, коалиция мүшесі Әбіләзім Әбдіғабит жаңа жобада адам өмірі, денсаулығы және қадір-қасиеті басты құндылық ретінде көрсетілгенін айтты. Сонымен қатар «Заң және тәртіп» қағидатының енгізілуі құқықтық мәдениетті нығайтуға бағытталғаны жеткізілді.Коалиция мүшесі Балжан Шәменова мемлекет тұрақтылығының негізі ретінде егемендік, аумақтық тұтастық және унитарлық құрылым қағидаттары айқындалғанын атап өтті. Сондай-ақ ол жаңа Ата заң жобасындағы басқару жүйесінің теңгерімділігі мен қоғам мен мемлекет арасындағы ашық диалогты дамыту мәселелері бойынша пікірін білдірді.Гүлстан Мақсутова білім, ғылым және адами капиталды дамытуға басымдық берілгенін атап өтіп, заңдарға кері күш беруге тыйым салу құқықтық тұрақтылықты қамтамасыз ететінін айтса, Динара Ибадуллаева қауіпсіздік ұғымының кеңейтілгенін, соның ішінде жеке деректерді қорғау мен электрондық ақпараттың құпиялылығына қатысты нормалар қамтылғанын жеткізді.Жиын соңында дәрігерлер мен орта буын қызметкерлерінің сауалдарына жауап беріп ұжымды Ата заңды қолдап, референдумға қатысуға шақырды.&nbsp;

Архив