<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Сыр өңіріне жұмыс сапарымен келген Қазақстан мұсылмандары діни басқармасының төрағасы, бас мүфти Наурызбай қажы Тағанұлымен кездесті.Аймақ басшысы өңірдегі діни ахуал туралы айтып, алда атқарылатын жұмыс бағытына да тоқталды.<blockquote>«Сыр еліне жасаған қадамыңыз құтты, сапарыңыз оңынан болсын! Қазақылықтың қаймағы бұзылмаған қасиетті өлкеміз – жыршы-термешілермен қатар, ауызы дуалы ишандар мен ахундардың мекені.Ата-баба дәстүрі мен елге еңбек еткен дін қызметкерлерінің арқасында аймағымыздағы діни ахуал тұрақты. Өзіңіз жетекшілік ететін Қазақстан мұсылмандары діни басқармасының игі істері, қолдауы дәстүрлі дінімізді дәріптеуге септігін тигізіп келеді.Имамдарымызды қолдау мақсатында әкімдік 2023 жылдан бері арнайы қаржы бөлгенін білесіз. Қос тараптың қолдауы мен оң бастамалары қоғамды тұрақтылыққа үндеп, егемен еліміздің тұтастығын сақтауға бағытталды.Президентіміз Қасым-Жомарт Кемелұлы өскелең ұрпақтың рухани тәрбиесіне ерекше көңіл бөледі. Бүгінде өкілдік қызметкерлері жас әрі жоғары білімді. Олар жат ағымдармен күресте әкімдікпен, құзырлы органдармен, мешіт қызметкерлерімен бірлесіп, белсенді жұмыс атқарады. Осы бағытты жалғастыруда Сіздердің қолдауларыңыз аса маңызды», – деді Н. Нәлібаев.</blockquote>Облыс әкімі Наурызбай қажы Тағанұлына Сыр жұртшылығы атынан арнайы кәдесый тарту етті. Бас мүфти көрсетілген құрметке алғысын жеткізіп, өңірдегі діни ахуалға, оның тұрақтылығы жолында атқарылған жұмыстарға оң бағасын берді.Тәуелсіздіктің алғашқы жылдары облыста небәрі 14 мешіт болса, бүгінде 190 мешіт ресми тіркелген. Өңірде 7 конфессия өкілдері қызмет етеді, діни бірлестік басшыларының клубы бар.Айта кетейік, Бас мүфти жұмыс сапары барысында ҚМДБ-ның 35 жылдығына орай жарыққа шыққан «Айтбай» мешіті: аңыз бен ақиқат» деректі фильмі мен кітабының тұсаукесеріне, «Бабалар сөзі – даналық көзі» ІII республикалық жыршы-термешілер фестиваліне қатысады. Сондай-ақ, «Ел үлесі пәтерге», «Тайқазан», «Өмірге үміт сыйла» қайырымдылық шараларында болып, облыс орталығындағы жаңадан ашылған әлеуметтік нысандармен танысады.Фото: Қызылорда облысы әкімінің баспасөз қызметі

Аймақ басшысы Қазақстан мұсылмандары діни басқармасының төрағасы, бас мүфтимен кездесті

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың қатысуымен Шиелі ауданында дене шынықтыру-сауықтыру кешені ашылды. Рәсімге құқық қорғау органдарының бірінші басшылары, зиялы қауым өкілдері мен аудан тұрғындары қатысты.​Аймақ басшысы өңірдің әлеуметтік-экономикалық даму барысына тоқталып, құттықтау лебізін жеткізді.<img src="https://knadmin.beoblood.kz/uploads/4_Shieli_audanynda_dene_shyny_tyru_sauy_tyru_kesheni_ashyldy_2d23c37d5e.jpg" alt="4Шиелі ауданында дене шынықтыру-сауықтыру кешені ашылды.jpg"><blockquote>«Жақында Сыр өңіріне арнайы жұмыс сапарымен келген Мемлекет басшымыз алға қойған жоспарларды уақытылы әрі сапалы іске асырудың маңызын атап өтті. Аймақта инвестициялық климатты жақсарту, бизнес жүргізу үшін қолайлы жағдай жасау бағытындағы жұмыстарды жалғастыруды тапсырды.Мемлекет басшысының ерекше қолдауы баршамызды жаңа жетістіктерге жетелейді, еселенген жауапкершілік жүктейді. «Қуатты өңірлер – қуатты ел» қағидаты ел дамуының темірқазығына айналды. Бұл халықтың ынтымағын нығайтып, мемлекеттің қуатын арттырады.Әділетті, Қуатты, Қауіпсіз әрі Таза Қазақстанды құру жолында Сыр халқы да бекем бірліктің, ерен еңбектің үлгісін көрсетуде. Президентіміздің, Үкіметтің ерекше қолдауымен облысымыздың бюджеті 851 млрд. 300 млн. теңгеге жетіп, 2022 жылдан бері 233 пайызға өсті. Оның 56 пайызы әлеуметтік салаға бағытталды. Бұл қаражат аймағымыздың ең өзекті деген мәселелерін шешуге, тұрғындарымыздың өмір сүру сапасын жақсартуға, жаңа инфрақұрылымдық жобаларды іске асыруға бағытталуда.Бүгін құрылысына 338 млн. теңге жұмсалған дене шынықтыру-сауықтыру кешенін салтанатты түрде ашу үшін бас қостық.Жаңа нысан дені сау ұлт қалыптастыруға қызмет етіп, жаттығуға келген жас өрендердің арасынан әлемдік ареналарда Қазақстанның көк туын көкте желбірететін чемпиондар шығады деп сенеміз. Баршаңызға зор денсаулық, отбасыларыңызға амандық, еңбектеріңізге табыс тілеймін!», – деді Н.Нәлібаев.</blockquote>Мемлекет спорт инфрақұрылымын дамыту үшін тиісті қаражат бөліп, балалардың жастайынан спортпен алаңсыз айналысуына жағдай жасауда. Спорт нысандарды дене шынықтыруға ден қойған әрбір адамға қолжетімді болуы үшін көп жұмыс атқарылды. Жаңадан ашылған кешендегі жаттығу залдары да спорттың әр түрімен шұғылданушыларға керекті құралдармен жабдықталған. Спортты серік еткен балалар мен үлкендерге ыңғайлы.<img src="https://knadmin.beoblood.kz/uploads/3_Shieli_audanynda_dene_shyny_tyru_sauy_tyru_kesheni_ashyldy_db1fd78d88.jpg" alt="3Шиелі ауданында дене шынықтыру-сауықтыру кешені ашылды.jpg">Жиында ауданның әлеуметтік-экономикалық дамуына үлес қосқан ардагерлер, жаңа нысанды салып ел игілігіне тапсырған құрылысшылар облыс әкімінің Алғыс хатымен марапатталды. Облыстық ардагерлер кеңесінің төрағасы Серік Дүйсенбаев жиналған қауымға бата берді.Фото: Қызылорда облысы әкімінің баспасөз қызметі

Шиелі ауданында дене шынықтыру-сауықтыру кешені ашылды

<a href="https://kyzylorda-news.kz/">Kyzylorda-news.kz</a> &nbsp;Қызылорда облысының әкімі Нұрлыбек Нәлібаевтың қатысуымен Шиелі ауданының Бестам ауылында 150 орындық клубтың ашылу рәсімі өтті. Оған жауапты құқық қорғау органдарының бірінші басшылары, зиялы қауым өкілдері мен ауыл тұрғындары қатысты.Аймақ басшысы өңірде іске асқан игіліктерге тоқталып, жиналған жұртшылыққа құттықтауын жеткізді.<blockquote>«Президентіміздің Сыр өңірінің даму қарқынына, атқарған жұмысымызға берген оң бағасы бәріміз үшін зор мәртебе.Мемлекет басшысы Қасым-Жомарт Кемелұлының 2022 жылы қараша айында Қазақстан Республикасы Президенті лауазымына кіріскеннен кейінгі ең алғашқы қол қойған Жарлығы «Ауылдық аумақтарды дамытудың 2023-2027 жылдарға арналған тұжырымдамасы» болды.Ауылдарды дамыту – мемлекеттік саясаттың маңызды стратегиялық мақсаттарының бірі. Президентіміз Үкімет пен облыс әкімдеріне мемлекет тарапынан жасалған барлық қолдауды тиімді, мақсатты пайдаланып, ауыл халқының табысын арттыру, экономикасын жоғары көрсеткіштерге жеткізу міндетін қойды. Бүгінде облыстың 447 мың тұрғыны (халық саны 845 мың адам), яғни 53 пайызы ауылда тұрады.Осы жылы Шиелі ауданының бюджеті 17 млрд. теңгеден асты. Энергетика, ауыз су, газдандыру салаларында &nbsp;жүйелі жұмыс жүргізілуде. Шиелі электр жүйесінің қосалқы станциясы 4 млрд. 480 млн. теңгеге толықтай жаңғыртылды.Осындай байыпты бастамалардың жалғасы ретінде бүгін Бестам ауылындағы 429 млн. теңгеге салынған 150 орындық жаңа клубты ел игілігіне беруге жиналдық.Ауылдық клуб мәдени жаңғырудың орталығына айналсын! Қуаныштарыңыз құтты болсын!», – деді Н. Нәлібаев.</blockquote>Шиеліде жеке инвесторлар есебінен 6 млрд. теңгеге қуаттылығы 20 МВт, құны 1 млрд 500 млн теңге болатын күн-электр станциялары салынуда. Аудан халқы 100 пайыз сапалы ауыз сумен қамтамасыз етіліп,16 елді мекен табиғи газға қосылған.&nbsp;Жұқпалы аурулар бөлімшесінің жаңа ғимараты, аудандық аурухана жанынан қосымша ғимарат пайдалануға берілді. Онда&nbsp;жаңа МРТ аппараты орнатылуда. Заманауи талаптарға сай жабдықталған бұл нысандар тұрғындарға сапалы медициналық көмек көрсетіп келеді.<img src="https://knadmin.beoblood.kz/uploads/d21bf592_38ac_41b0_8d2a_483b824fe6e9_2998ebda54.jpg" alt="d21bf592-38ac-41b0-8d2a-483b824fe6e9.jpg">Биылғы оқу жылында 200 орындық «Оқушылар үйі» мен 50 орындық «Өнер мектебі» ашылды. Жыл соңына дейін кезектілік реті бойынша тұрғындарға 52 пәтерлік 26 жаңа тұрғын үй табысталады.Ал бүгінгі жаңа клубтың бас мердігері «Дәнекер» ЖШС, ғимартта ән, хор, би, қолөнер үйірмелері болады және кітапхана орналасады. Бұл жер ауыл жастарының басын қосатын, өнерге баулитын руханият бесігіне айналмақ.<img src="https://knadmin.beoblood.kz/uploads/e30015fa_9e3d_448a_bce6_7a21319312f0_8b14df7fd2.jpg" alt="e30015fa-9e3d-448a-bce6-7a21319312f0.jpg">Жиында ауданның әлеуметтік-экономикалық дамуына үлес қосқан ардагерлер мен жаңа нысанды салған құрылысшылар облыс әкімінің Алғыс хатымен марапатталды. Еңбек ардагері Әшім Оразбекұлы жаңа бастамаға батасын берді.Фото: Қызылорда облысы әкімінің баспасөз қызметі

Шиелі ауданының Бестам ауылында 150 орындық клуб ашылды

<a href="https://kyzylorda-news.kz/">Kyzylorda-news.kz</a> &nbsp;ҚМДБ-ның Қызылорда облысы бойынша өкілдігінің ұйытқы болуымен Қызылорда қаласындағы тарихи «Айтбай» мешіті туралы деректі фильм түсіріліп, кітап жарық көрді. «Айтбай» мешіті: аңыз бен ақиқат» деп аталатын төл туындылардың тұсаукесер рәсімі Асқар Тоқмағанбетов атындағы қалалық мәдениет үйінде өтті. Шара ең алдымен «Айтбай» мешітінде бабалар рухына арналған Құран хатыммен басталды.Төл туындының тұсаукесеріне арналған салтанатты шарада келушілерге арнайы көрме дайындалды. Көрмеде мешіттің 150 жылдық тарихын зерттеу барысында отандық және шетелдік мұрағаттардан табылған құнды құжаттар қойылған.Көрмеден соң тұсаукесер рәсіміне арналған негізгі шара басталып, қонақтар назарына деректі фильм ұсынылды.Айтулы шараға Қазақстан мұсылмандары діни басқармасының төрағасы, Бас мүфти Наурызбай қажы Өтпенов, «Өзбекәлі Жәнібеков атындағы мәдениетті, тарихты және этнографияны қолдау» қоғамдық қорының вице-президенті, Өзбекәлі Жәнібековтің құдасы Тазабек Жұмасейітов ақсақал, осы қордың сарапшысы, Өзбекәлі Жәнібековтің туған немересі Әлижан Жәнібек, Қазақстан Республикасының Орталық мемлекеттік архиві директорының орынбасары Марзия Жылысбаева, Қазақстан Республикасының Ұлттық кітапханасы Сирек кездесетін кітаптар мен қолжазбалар қызметінің жетекшісі Гүлшат Абикова, осы Ұлттық кітапхананың Анықтамалық-ақпараттық қызмет көрсету қызметінің жетекшісі Жанар Тоқтарова және «Қазқайтажаңарту» республикалық мемлекеттік кәсіпорнының Ғылыми-зерттеу және жобалау филиалының директоры Бауыржан Байсалбаев, Өзбекәлі Жәнібеков кесенесінің шырақшысы әрі қайраткердің немере інісі Нұржан Серімов, Қазақстан Республикасының Өзбекстан Республикасындағы Төтенше және Өкілетті Елшісінің мәдени-гуманитарлық жұмыстар бойынша кеңесшісі Сержан Сәрсенбаев, белгілі өлкетанушы Сағат Жүсіп арнайы шақырылды.Сондай-ақ, аймақ басшысының тапсырмасымен облыс әкімінің бірінші орынбасары Данияр Жаналинов және облыстық Ардагерлер кеңесінік төрағасы Серік Дүйсенбаев бастаған зиялы қауым өкілдері қатысты.<blockquote>Бас мүфти Наурызбай қажы Тағанұлы алғы сөзінде: ««Алаштың анасы» атанған Сыр өңірінде де тарихы тереңнен бастау алатын Алланың үйлері жетерлік. Солардың арасында биыл іргетасы қалана бастағанына бір ғасырдан астам уақыт өткен «Айтбай» мешітінің орны мүлдем ерекше. Себебі ол – Қызылорда облысындағы ең көне құлшылық үйі ғана емес, сонымен қатар, сәулет өнерінің де ең көркем ескерткіші саналады. Десек те «Айтбай» мешіті өзінің 150 жылдық тарихында басынан талай ақтаңдақ кезеңдер мен нәубетті жылдарды өткізді. Міне, бастауын сонау Перовск кезеңінен алатын мешіттің тарихын түгендеп, халыққа ұсынып отырған деректі туындының біз үшін үлкен жаңалық екені сөзсіз. Осы бағыта аянбай қызмет еткен азаматтардың «Айтбай» мешіті: аңыз бен ақиқат» деп аталатын еңбегіне ерекше алғысымды білдіремін. Бұл кітап – шын мәнінде, тұтас дәуірдің жүгін арқалаған құнды еңбек», – деді.</blockquote><img src="https://knadmin.beoblood.kz/uploads/izobrazhenie_whatsapp_2025_11_19_v_18_02_36_42e99b19_45ba5d844e.webp" alt="izobrazhenie-whatsapp-2025-11-19-v-18.02.36_42e99b19.webp"> «Айтбай» мешіті: аңыз бен ақиқат» кітабының тұсаукесеріне кезек беріліп, Бас мүфти Наурызбай қажы Тағанұлы, Данияр Жаналинов, Тазабек Жұмасейітов, Марзия Жылысбаева, Серік Дүйсенбаев, Сағат Жүсіп сынды қадірлі азаматтар лентасын қиды. Шара соңында «Айтбай» мешітінің тарихын түгендеуге атсалысқан азаматтар, архив, кітапхана, музей қызметкерлері Бас мүфтидің алғыс хатымен марапатталды.Айта кетейік, мешіттің тарихын небәрі сегіз ай ішінде зерттеп, кітап қылып жазған авторлар – «Айтбай» мешітінің имамы Асхат Асқарұлы және Қазақстан Журналистер одағы сыйлығының лауреаты Нұрсұлтан Мықтыбай.Бұл еңбек – мешіттің 150 жылдық тарихын тұтас қамтуға тырысқан энциклопедиялық жинақ десек те болады. Кітап жылдар бойынша хронологиялық тізбекпен, кезең-кезеңмен жазылған. Әрбір кезең немесе маңызды оқиғаларға бөлек тақырып арналады. Авторлар оны жазу барысында тек фактілерге ғана сүйенген. Әр бөлімде дәлел-дәйектер мен растайтын құжаттар, суреттер қоса беріліп отырады. Ерекше атап өтерлігі, мешітке қатысты бұрын-соңды еш жерде жарияланбаған, айтылмаған мәліметтер де алғашқы рет осы кітапта жарық көріп отыр.“Айтбай” мешітінің салынуына Сыр бойында өмір сүрген Айтбай Балтабайұлы ықпал еткен. Ол Сыр елінде ислам дінінің насихатталуына ерекше еңбек сіңірген, мешіт салып, қайырымдылықпен айналысқан. Жалпы Балтабаевтар әулеті Бұхарамен сауда-саттық жасаған ауқатты қазақ отбасылардан болған.<img src="https://knadmin.beoblood.kz/uploads/izobrazhenie_whatsapp_2025_11_19_v_18_03_20_6b80dde4_98e9b0bbf6.webp" alt="izobrazhenie-whatsapp-2025-11-19-v-18.03.20_6b80dde4.webp">1988 жылдың қаңтар айында «Айтбай» мешітінің ғимаратын облыстық филармонияға беру туралы шешім қабылданады. Мақсаты – камералық музыкаға арналған тыңдау залы ретінде пайдалану.Деректерге сүйенсек, мешіт ғимаратын облыстық филармония залына бейімдеу жұмыстарымен қатар, оның алғашқы концертіне де дайындық қызу жүріпті. Бірақ мешіт филармонияға айналмайды, ішінде концерт те қойылмайды. Оған ұлт мәдениетінің жоқтаушысы, қандай қызметте болмасын елдіктің ерен үлгісін танытқан мемлекет және қоғам қайраткері Өзбекәлі Жәнібеков себепші болады.Фото: ҚМДБ-ның Қызылорда облысы бойынша өкілдігінің баспасөз қызметі

Қызылордада тарихи мешіт туралы деректі фильм мен кітаптың тұсаукесері өтті

<a href="https://kyzylorda-news.kz/">Kyzylorda-news.kz</a>&nbsp; Қызылордада Қазақстан халқы Ассамблеясының 30 жылдығы аясында облыстық «Wiedergeburt» неміс этномәдени бірлестігінің онкүндігі қорытындыланып, дәстүрлі «Алтын дән» мерекесіне арналған салтанатты іс-шара өтті. Мерекелік шара бүгін Достық үйінде ұйымдастырылды.Іс-шараға облыстық Қазақстан халқы Ассамблеясының мүшелері, ҚХА жанындағы қоғамдық құрылымдардың өкілдері, этномәдени бірлестіктердің жетекшілері мен белсенділері, «Ассамблея жастары» ұйымының мүшелері, облыстық қоғамдық даму басқармасы «Қоғамдық келісім» КММ қызметкерлері, серіктес ұйымдар және БАҚ өкілдері қатысты.<img src="https://knadmin.beoblood.kz/uploads/582729328_4245188005800347_2007390658329327101_n_a52e41fe1c.jpg" alt="582729328_4245188005800347_2007390658329327101_n.jpg">Алдымен Достық үйінің фойесінде қолөнер бұйымдары және неміс этносының ұлттық тағамдарының көрмесі ұйымдастырылды. Көрме қонақтардың ерекше қызығушылығын тудырып, неміс этносының дәстүрлі қолөнер мәдениетін айшықтады.Негізгі бөлім мерекелік концерттік бағдарламамен ашылды. Түрлі этностарды бейнелеген жас өнерпаздар ұлттық киімдермен би композициясын орындап, көпэтносты қоғамымызға тән бірлік пен шығармашылық үйлесімді көрсетті. Кеш барысында неміс этносының әндері, классикалық билер, заманауи және этникалық музыкалық нөмірлер ұсынылып, қатысушыларға ерекше мерекелік көңіл-күй сыйланды.<img src="https://knadmin.beoblood.kz/uploads/582732702_4245188105800337_7679387199478108069_n_ecbeff176b.jpg" alt="582732702_4245188105800337_7679387199478108069_n.jpg">«Қоғамдық келісім» КММ директоры Бақытжан Камалов құттықтау сөзінде неміс этносының өңірдің қоғамдық-мәдени өміріндегі орны ерекше екенін атап өтіп, «Wiedergeburt» бірлестігінің этномәдени дәстүрлерді сақтау мен дамытуға қосып отырған үлесін жоғары бағалады.1998 жылдан бері жұмыс істеп келе жатқан «Wiedergeburt» неміс этномәдени бірлестігі аймақта неміс мәдениеті мен тілін, салт-дәстүрлерін насихаттауда жүйелі жұмыс жүргізіп келеді. Бірлестік төрағасы Ирина Шек онкүндік аясында мәдени кездесулер, қайырымдылық жобалары және жастарға арналған танымдық іс-шаралар өткізілгенін атап өтті. Оның айтуынша, онкүндіктің қорытындысы ретінде ұйымдастырылған «Алтын дән» мерекесі бірліктің, татулықтың символына айналып отыр.<img src="https://knadmin.beoblood.kz/uploads/585380538_4245188172466997_4098841263596809092_n_6313d3d9f5.jpg" alt="585380538_4245188172466997_4098841263596809092_n.jpg">Салтанатты шарада бірлестіктің белсенді мүшелеріне арнайы алғыс хаттар табысталды.Іс-шара соңында ұйымдастырушылар Қазақстан халқы Ассамблеясының елдегі қоғамдық келісім мен бірлікті нығайтудағы маңызды рөліне тоқталып, этносаралық үйлесімділікті одан әрі дамытуға шақырды.

Қызылордада неміс этносының «Алтын дән» мерекесі өтті

<a href="https://kyzylorda-news.kz/">Kyzylorda-news.kz</a> &nbsp;Бүгін Премьер-министр Олжас Бектеновтің төрағалығымен Үкіметтің, Ұлттық банк пен Қаржы нарығын реттеу және дамыту агенттігінің 2026-2028 жылдарға арналған макроэкономикалық тұрақтандыру, халықтың әл-ауқатын арттыру жөніндегі бірлескен іс-қимыл бағдарламасы талқыланған Үкімет отырысы өтті.Оған облыс әкімі Нұрлыбек Нәлібаев селекторлық режимде қатысты. Үкімет отырысынан кейінгі жиында алдағы міндеттерді белгілеп, жауапты сала басшыларына тапсырмалар берді.<blockquote>«Бүгін 2026-2028 жылдарға арналған макроэкономикалық тұрақтандыру мен халықтың ал-ауқатын арттыру жөніндегі іс-қимыл бағдарламасы қаралды. Үкімет басшысы аталған бағдарламаның маңыздылығын атап өтіп, орталық атқарушы органдар мен өңір әкімдеріне тиісті тапсырмалар жүктеді.Бағдарламада өңірлердің әлеуметтік-экономикалық дамуының негізгі бағыттары айқындалған. Бүгінгі мәжілісте өңіріміздің әлеуметтік-экономикалық даму көрсеткіштерін қараймыз.Әріптестер, жылдың аяқталуына аз уақыт қалды. Барлық көрсеткіш бойынша 2025 жылға болжамды жоспардың орындалуын қамтамасыз етуіміз қажет.Өткен 10 айдың қорытындысына қарағанда, негізгі макроэкономикалық көрсеткіштердің оң динамикасы қалыптасты. Қызылорда қаласы мен аудандарда экономикалық өсім бар.Өнеркәсіп өндірісі оң динамикаға шығу үшін өңдеу өнеркәсібі саласын дамыту керек. Алайда, кәсіпорындар жұмысы әлі де өз деңгейінде емес. Теріс динамика көрсеткен кәсіпорын басшыларымен кездесіп, жағдайды реттеу үшін нақты жұмыс жүргізу қажет.Облыстық кәсіпкерлік және өнеркәсіп басқармасы Қызылорда қаласы әкімдігімен бірлесіп, резервтерді ұлғайтудың қосымша көздерін қарастырып, жыл соңына дейін көрсеткіштің өсімін қамтамасыз етіңіздер.Облыстық экономика және қаржы басқармасы мүдделі облыстық басқармалармен, қала және аудан әкімдіктерімен, статистика департаментімен бірлесіп, 11 айдың, жыл қорытындысының экономикалық көрсеткіштері қарқынды өсім динамикасына жетуі үшін нақты шара қабылдаңыздар.Өнеркәсіп саласындағы көрсеткіштердің өсімін қамтамасыз етуде қолға алынған барлық жобаның мерзімінде аяқталуы, статистикалық есептемелерді мерзімінде әрі сапалы тапсыру өте маңызды», – деді Н.Нәлібаев.</blockquote>Басқосуда сала басшыларына төтенше жағдайлар департаментімен бірлесіп, жылу беру маусымындағы оқыс оқиғалардың алдын алу жұмыстарын шұғыл жүргізу тапсырылды. Халықпен кездесулер, брифингтер ұйымдастыру, шалғай елді мекендердегі өрт сөндіру пункттерін талапқа сәйкестендіру, қажетті құрылғылармен жабдықтау міндеттелді.Келесі өзекті мәселе – әлеуметтік маңызы бар азық-түлік тауарларының бағасын тұрақтандыру. Облыс әкімі ауыл шаруашылығы басқармасына аудан әкімдіктерімен бірлесіп, бағаны күнделікті қатаң бақылауда ұстауды жүктеді.<blockquote>«Әлеуметтік дүкендер қызметін жетілдіруге қатысты нақты ұсыныс беріңіздер. Бүгінде «Байқоңыр» әлеуметтік-кәсіпкерлік корпорациясы өңірлік тұрақтандыру қорына арзан бағамен күзгі өнімдер сатып алуда. Қала, аудан әкімдіктері, белгіленген кестеге сәйкес әр айға бөлінген өнім көлемін жеткізіп, белгіленген бағамен сатуды үйлестіріңіздер.Облыс, аудан орталықтарында жәрмеңке ұйымдастыруды жүйелі түрде жалғастырып, Қызылорда қаласындағы әлеуметтік дүкендерді талаптарға сәйкестендіріп, аумағының тазалығын тұрақты бақылау керек», – деді Н. Нәлібаев.</blockquote>Фото: Қызылорда облысы әкімінің баспасөз қызметі

 Үкімет отырысында талқыланған мәселелер бойынша тапсырмалар берілді

<a href="https://kyzylorda-news.kz/">Kyzylorda-news.kz</a> Балалар инфекциялық аурулар дәрігері, жоғары білікті педиатр, Астана қаласының №3 қалалық балалар ауруханасы директорының медициналық бөлім жөніндегі орынбасары Роза Өтегенқызы Баженова ЖРВИ және тұмау белгілері кезінде ата-аналарға қайда жүгіну керектігін, қандай асқынулар байқалатынын және баланы вирус маусымында қалай қорғау керектігін егжей-тегжейлі айтып берді.<ul class="todo-list"><li style="text-align:justify;"><label class="todo-list__label"><input type="checkbox" disabled="disabled">Дәрігерге жүгіну шегі кешкі уақытта – сағат 18:00-ден кейін, ата-аналар баланың жоғары температурасын көріп, дереу инфекциялық ауруханаға барады.</label></li></ul>Бірақ көп жағдайда бұл қажет емес, деп атап өтті дәрігер.Алғашқы белгілердегі дұрыс бағыт – күн сайын сағат 8.00-ден 20.00-ге дейін жазылусыз қабылданатын емханалардың сүзгі-кабинеттері мен жедел жәрдем кабинеттері. Сондай-ақ, қажет болған жағдайда мобильді бригаданы шақыру үшін учаскелік дәрігермен байланыста болу керек.Егер баланың жағдайы нашарласа, жиі құсу, құрысулар пайда болса, бала тамақ пен ана сүтінен бас тартса, дереу жедел жәрдем шақыру керек.Өзбетінше емдеуге болмайды!Қазір балаларда қандай асқынулар байқалады?Осы маусымда А тұмауы вирусы(H3N2) таралады. Ол агрессивті ағыммен ерекшеленеді.Негізгі белгілері:* ыстықты түсіретін дәрі әсер етпейтін жоғары дене қызуы, тұрақты қызба,* тырысулар - тіпті қосалқы аурулары жоқ мүлдем дені сау балаларда да байқалады,* ларингит, көмейдің ісінуі,* іштің ауыруы және асқазан-ішек жолдарының зақымдануы,* жалпы уыттану, әлсіздік .Асқынуларға келетін болсақ, Роза Баженовна түсіндіргендей, бұл жоғары температура, айқын ларингит, Рей синдромының даму қаупі (әсіресе дұрыс емделмеген жағдайда), мұрыннан қан кету, құсу, іштің ауыруы мүмкін.Дәрігер ыстықты түсіретін дәрілерге мұқият болуды ұсынды!Парацетамол мен ибупрофенді қатаң түрде жас мөлшерінде қолдану керек.Парацетамолдың артық дозалануы бауырдың зақымдалуына және басқа да ауыр асқынуларға әкелуі мүмкін.Балаларға аспирин бермеңіз-Рей синдромының қаупі бар.Балалар инфекционисті ата-аналарға вирустармен күресуге көмектеспейтін балаларға антибиотиктерді өзбетінше тағайындаудан сақтандырады. Сондай-ақ, вирусқа қарсы препараттарды бақылаусыз қабылдауға болмайды, тек дәрігердің нұсқауы бойынша және қатаң көрсетілімдер бойынша ғана қабылдау қажет.Егер дене қызуы түспесе, дозаны арттырмай дәрігерге қаралу қажет.Эпидемиологтар қатаң түрде мынадай ұсынымдар беретінін естеріңізге сала кетейік:* адамдар көп жиналатын жерлерден аулақ болу,* қоғамдық орындарда маска кию,* қолды жиі жуып, бөлмелерді желдету<a href="https://t.me/DenMinPR">https://t.me/DenMinPR</a>Фото: pixabay

«Бұны балаларға бермеңдер»: дәрігерлер қазақстандық ата-аналарға ескерту жасады

<a href="https://kyzylorda-news.kz/">Kyzylorda-news.kz</a> Әлемге әйгілі композиторлар Арво Пярттың 90 жылдығы мен Вельо Тормистың 95 жылдығына орай «Астана Опера» сахнасында эстон музыкасының кеші ұйымдастырылды.Концертте XX–XXI ғасырда өмір сүрген екі ұлы тұлғаның шығармалары орындалды. Музыкалық кеш Эстония Президенті Алар Каристің Қазақстанға мемлекеттік сапары аясында өтті.<blockquote>«Бүгінгі кеште біз Эстония мен Қазақстан арасындағы достықты музыка арқылы атап өтеміз. Музыка – эстон мәдениеті мен болмысының ажырамас бөлігі. Мен және жұбайым Сирье, сондай-ақ бүкіл делегация ерекше ықыласқа бөлендік. Бұл біздің есімізде ұзақ сақталады. Әрбір әдемі естелік – алғыс айтуға себеп. Сондықтан Президент Тоқаевқа жылы қабылдағаны үшін шын жүректен ризашылығымды білдіремін. Бүкіл делегациямыздың атынан осы сапарды ұйымдастыруға атсалысқан барлық қазақстандық әріптестерімізге және үкімет өкілдеріне алғыс айтамын», – деді Алар Карис.</blockquote>Сонымен қатар Эстония Президенті эстон компаниясы Арқалық қаласындағы мектепке пианино сыйға тартқанын атап өтті.<blockquote>«Шамамен 670 шақырым қашықтықта, жақын арада Эстонияның екі ғасырға жуық өндірістік дәстүрімен жасалған аспаптың үні шырқалмақ. Осылайша, Эстония мен Қазақстан арасындағы достықтың әуені тек Астанада ғана емес, одан тыс жерлерде де тарайды», – деді Карис мырза. &nbsp;</blockquote>Эстониядан келген қонақтар мен музыканттарды Қазақстан Республикасының Мәдениет және ақпарат министрі қарсы алды.<blockquote>«Бүгінгі кеш – екі түрлі мәдениет пен музыкалық дәстүрді біріктіріп отырған ерекше оқиға. Музыка үшін, жалпы өнер үшін, шекара жоқ. Ол жүректерді байланыстырады, ұлтына немесе шығу тегіне қарамастан, баршаға ортақ сезімдерді жеткізеді. Эстондық музыканттардың «Астана Опера» сахнасында өнер көрсетуі – өзара құрмет пен шабытқа негізделген мәдени диалогтың жалғасы деп білемін», – деді Аида Балаева.</blockquote>Кеште көрермен Арво Пярт пен Вельо Тормистің туындыларын тыңдады. Оларды Vanalinna Hariduskolleegium ішекті аспаптар оркестрі мен Скандинавиядағы белгілі жас музыканттардың бірі, шебер скрипкашы Ханс Кристиан Аавик орындады.Концерт дирижері Эстон музыка және театр академиясының түлегі, симфония, екі опера, кантаттар мен көптеген оркестрлік және камералық туындылардың авторы, композитор әрі дирижер Расмус Пуур болды.

«Астана Операда» эстон музыкасының концерті өтті

<a href="https://kyzylorda-news.kz/">Kyzylorda-news.kz</a> &nbsp;Бүгін&nbsp;Арал&nbsp;ауданы әкімдігінің мәжіліс залында аудан әкімі Аманжол Оңғарбаевтың төрағалығымен 2026-2028 жылдарға арналған макроэкономикалық тұрақтандыру мен халықтың әл-ауқатын арттыру жөніндегі бірлескен іс-қимыл бағдарламасы жайында әкімдік мәжілісі өтіп, күн тәртібіндегі мәселеге байланысты бірқатар кемшіліктер пысықталды.Мемлекет басшысының тапсырмасына сәйкес Үкімет макроэкономикалық тұрақтылықты қамтамасыз ету бағытында кешенді шараларды қабылдауда. Биылғы жылдың 16 қазанынан бастап инфляция деңгейі тұрақтанғанға дейін жанар-жағармай отынының бағасын одан әрі көтеруге мораторий енгізілді. Бұдан бөлек, тұтынушылар тобы үшін коммуналдық қызметтер тарифтерін көтеру 2026 жылдың І тоқсанының соңына дейін тоқтатылды.Аудан әкімі бұл мәселеге қатысты бақылауды күшейту керектігін айтып, қолдан жанар-жағармай тапшылығын жасау арқылы баға көтеру фактілері анықталған жағдайда құзырлы органдарға ұсыныс беру керектігін жеткізді.Жиында бұдан бөлек бюджет қаржысын толық игеру және барлық көрсеткіштерді жоспарға сәйкес орындау мәселесі көтерілді. Бұл жөнінде аудандық экономика және қаржы бөлімінің басшысы Т.Рашев қысқа хабарлады.Мәселеге қаныққан аудан әкімі кемшіліктерге жол берілмеуі тиіс екендігін жеткізіп, жауаптыларға бірқатар тапсырма жүктеді.– Бюджеттік бағдарлама әкімшілері, ауданның әлеуметтік-экономикалық дамуын құрайтын негізгі индикаторлық көрсеткіштермен жеке-дара жұмыс жасаңыздар. Жыл қорытындысымен әрбір салада өсім қамтамасыз етілу қажет. Жоспарланған нысаналы көрсеткіштердің орындалуына қол жеткізуіміз тиіс, – деді аудан әкімі Аманжол Сақыпұлы.Тапсырмалардың орындалуы қатаң бақылауда болатынын айтқан аудан әкімі кемшіліктерге жол берілген жағдайда бірінші басшылардың жауапкершілігі қаралатынын ескертті.Фото: Арал ауданы әкімінің баспасөз қызметі

Баға тұрақтылығы мен қаржы игеру мәселелері басты назарда

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен кадрлық өзгерістерге орай актив отырысы өтті. Оған жауапты сала басшылары қатысты.Аймақ басшысы Қызылорда облыстық мемлекеттік мүлік және жекешелендіру департаментінің жаңа басшысын таныстырды.<blockquote>​«Қазақстан Республикасы Қаржы министрлігінің бұйрығымен Мемлекеттік мүлік және жекешелендіру комитеті Қызылорда облыстық мемлекеттік мүлік және жекешелендіру департаментінің басшысы лауазымына Құдайбергенов Ринат Мәжитұлы тағайындалды.Ринат Мәжитұлы аймақтың әлеуметтік-экономикалық ахуалымен етене таныс, мемлекеттік қызметте сатылап өскен, әлеуеті жоғары кадр. Біз әрқашан жергілікті кадрларды қолдаймыз. Орталыққа ұсыныс беріп, басшылық лауазымдарға тағайындаудамыз.Әріптесіміз жаңа қызметте республикалық мүлікке мемлекеттің құқықтарын, жекешелендіру мен экономиканың стратегиялық маңызы бар салаларындағы меншіктің мониторингін жүзеге асыруға бағытталған жұмыстарды жүргізеді», – деді Н. Нәлібаев.</blockquote>Ринат Мәжитұлы 1980 жылы Қызылорда қаласында дүниеге келген.Қорқыт Ата атындағы Қызылорда мемлекеттік университетінде «Халықаралық экономикалық қатынастар экономисі», «Құқықтану» мамандықтары бойынша білім алған.Еңбек жолын 2002 жылы Қорқыт Ата атындағы Қызылорда мемлекеттік университетінің кафедра ассистенті болып бастаған.Әр жылдары облыстық экономика басқармасының жетекші маманы, облыс әкімі аппаратының бас инспекторы, қаржы басқармасы басшысының орынбасары, экономика және бюджеттік жоспарлау басқармасы басшысының орынбасары лауазымдарында абыройлы қызмет етті.2023 жылдың шілде айынан осы күнге дейін Қаржы министрлігінің Мемлекеттік мүлік және жекшелендіру комитеті Байқоңыр мемлекеттік мүлік және жекешелендіру департаментінің басшысы қызметін атқарып келді.Фото: Қызылорда облысы әкімінің баспасөз қызметі

 Қызылорда облыстық мемлекеттік мүлік және жекешелендіру департаментінің басшысы тағайындалды

<a href="https://kyzylorda-news.kz/">Kyzylorda-news.kz</a> «AMANAT» партиясының бастамасымен еліміздің білім беру саласын цифрландыру және педагогтердің жасанды интеллект (ЖИ) құралдарын меңгеруін арттыру бағытында жүйелі жұмыстар жүргізіліп келеді.Осы мақсатта партияның облыстық филиалы мен «Daryn Ustaz» орталығы бірлесіп «Ustazga AI: жасанды интеллект педагог көмекшісі ретінде» атты арнайы курсты таныстыру және түсіндіру кездесуі ұйымдастырылды.Жобаның негізгі мақсаты – мұғалімдерге арналған тегін онлайн курсты ұйымдастыру, білім беру саласында жасанды интеллект құралдарын тиімді пайдалану жолдарын көрсету, сондай-ақ педагогтердің цифрлық құзыреттілігін арттыру.Осы орайда бүгін партияның облыстық филиалы алаңында өңір педагогтарымен кездесу өтті.Жиынға партияның облыстық филиалы жанындағы Партиялық бақылау инспекторы Алтынбек Жарылқасынов, “Daryn Ustaz” педагогтердің кәсіби біліктілігін арттыру орталығының директоры Ерлан Абдиманапов, “Daryn.Online” компаниясының мемлекеттік мекемелермен жұмыс бөлімінің жетекшісі Ернар Сейткул және облыстық және қалалық білім ұйымдарының басшылары, әдістемелік орталық мамандары, педагогтер мен БАҚ өкілдері қатысты.Шара барысында «Daryn Ustaz» орталығының өкілдері курс мазмұнымен таныстырып, оның практикалық құндылығына тоқталып, облыстың барлық ұстаздарын тегін онлайн курсқа қатысуға шақырды.Жоба қатысушылары сабақ жоспарларын, тестілерді, талдауларды, БЖБ/ТЖБ сияқты құжаттарды жасанды интеллект көмегімен автоматтандыруды үйренеді. Сондай-ақ икемді оқу уақыты нәтижесінде жұмыспен қатар білім алуға мүмкіндікке ие болады. Мұнан бөлек конкурсқа жоба жіберу арқылы үздік 400 педагог қатарынан таңдалып, Астанада өтетін ПедХакатонға жолдама алады. Сонымен бірге Хакатон жеңімпазы атанған 20 педагог Оңтүстік Корея мемлекетінде өтетін тегін тағылымдамаға жолдама алады.Курс нәтижесі бойынша 80 академиялық сағаттық ресми сертификат беріледі. Сертификат аттестацияда жарамды, сондай-ақ «ҰСТАЗ» Педагогтің үздіксіз кәсіби дамуының ұлттық платформасына енгізіледі.

Ұстаздарға жасанды интеллектті меңгеруге мүмкіндік беретін жоба бастау алды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен өткен кадрлық өзгерістерге байланысты актив отырысында Қызылорда облысы төтенше жағдайлар департаментінің жаңа бастығы таныстырылды.<blockquote>«Президент Әкімшілігінің келісімі мен Төтенше жағдайлар министрінің бұйрығына сәйкес, Мырзагелдиев Мадияр Айдосұлы Қызылорда облысы төтенше жағдайлар департаментінің бастығы болып тағайындалды.Департаменттің жаңа басшысына табиғи және техногендік сипаттағы төтенше жағдайлардың алдын алуда нақты шаралар қабылдауды, әлеуметтік нысандар мен адам көп шоғырланатын ғимараттардың өрт қауіпсіздігі жағдайын бақылауда ұстауды, азаматтық қорғау құрылымдарының үнемі дайындықта болуын қамтамасыз етуді тапсырамын», – деді Н.Нәлібаев.</blockquote>Мадияр Айдосұлы 1987 жылы Ақмола облысында дүниеге келген.Төтенше жағдайлар министрлігінің Көкшетау техникалық институтында «Өрт қауіпсіздігі» мамандығы бойынша білім алған. М.Ғабдуллин атындағы Азаматтық қорғау академиясында магистр академиялық дәрежесін иеленген.Еңбек жолын 2008 жылы Астана қаласының мемлекеттік өрт бақылау басқармасында бастаған. Әр жылдары Астана қаласы төтенше жағдайлар департаментінің Сарыарқа, Алматы аудандары бойынша басқармасында бас маман, бөлім бастығы, басқарма бастығының орынбасары, басқарма бастығы, Астана қаласы төтенше жағдайлар департаменті бастығының орынбасары лауазымдарында қызмет еткен.2025 жылдың маусым айынан Қызылорда облысы төтенше жағдайлар департаменті бастығының міндетін уақытша атқарып келді.Фото: Қызылорда облысы әкімінің баспасөз қызметі

Архив