<a href="https://kyzylorda-news.kz/">Kyzylorda-news.kz</a> Ұлттық банк төрағасының орынбасары Ерұлан Жамаубаев алдағы жылдарға арналған ел бюджетінде неліктен бір доллар 540 теңгеге бағаланғанын түсіндірді, деп хабарлайды <a href="https://kaz.nur.kz/nurfin/economy/2300798-dollar-540-tengge-ulttyq-bank-el-biudzhetindegi-valiuta-bagamyna-qatysty-tusinikteme-berdi/">KAZ.NUR.KZ</a> тілшісі."2026-2028 жылдарға арналған республикалық бюджет туралы" заңда бір доллардың 540 теңгеге бағалануы — индикативтік көрсеткіш қана. Бұл туралы сенат отырысында Ұлттық банк төрағасының орынбасары Ерұлан Жамаубаев мәлімдеді."Бюджеттік жоспарлауға енгізілген барлық нәрсе — индикативтік көрсеткіш, яғни Қаржы министрлігі Ұлттық экономика министрлігімен бірлесіп қандай да бір бағдар белгілеуі керек.<blockquote>Олар бюджетті шамамен алынған қандай да бір валюта бағамынсыз есептей алмайды, сондықтан бұл бағам индикативтік қана. Бұл біздің таргет емес, осы бағамға қол жеткізуіміз керек деген мақсат емес", - деді Ерұлан Жамаубаев.</blockquote>Оның айтуынша, үкімет пен Ұлттық банктің мақсаты инфляцияны төмендету, ал валюта бағамы — бюджетті болжауға арналған көрсеткіш қана.Естеріңізге сала кетейік, 1 қазанда Қазақстанда доллардың ресми бағамы 549,06 теңгеге жетіп, тарихи рекорд жаңартқан болатын.Фото: freepik.com

Доллар – 540 теңге: Ұлттық банк валюта бағамына қатысты түсініктеме берді

<a href="https://kyzylorda-news.kz/">Kyzylorda-news.kz</a> Абай атындағы үш тілде оқытатын дарынды балаларға арналған мамандандырылған сыныптары бар мектепте Республика күніне орай "Әже сөзі – ғасыр нұры" атты өнер фестивалі өтті.Фестивальдің мақсаты – ұлттық мәдениетті сақтау арқылы оқушыларды рухани-адамгершілікке тәрбилеу және де ата-ана жауапкершілігін арттыру.Байқауға әжелер бастауыш сыныпта оқитын немерелерімен қатысып, әже мен немере арасындағы әдемі байланысты керемет көрсете білді. Екі кезеңнен тұратын сайыста қатысушылар өз өнерлерін көрсетті. Атап айтар болсақ, бірінші кезеңде қатысушы әжелер мен немерелері өздерін таныстырса, екінші кезеңде әжесі немересіне тәрбиелік мәні бар ертегі айтып, қойылым көрсетті.Қойылым барысында қатысушылар "Жалқау", "Жақсылық пен жамандық", "Тәртіпті түлкі", "Қазақ елшісі", "Ер Төстік", "Аң патшасы арыстанның шипасы", "Алтын балта" сынды мәні бар ертегілердің ұрпақ тәрбиесі жолында ерекше рөл атқаратынын түсіндіріп, көрермендердің ыстық ықыласына бөленді.Жалпы, бала тәрбиесіне әженің қосатын үлесі мол. Баланың дүниетанымын кеңейтіп, бойына адамгершілік пен ізгілік қасиеттерді сіңіретін де, салт-дәстүрімізбен таныстырып, аңыз, жыр, ертегі айтып, рухани азықпен байытатын да – әже.&nbsp;Байқауды тамашалаған көрермен әже мен немеренің жүрек лүпілін естігендей болды. Әже мен немеренің сахнада бір-бірін толықтырып, қолдау көрсетуі, әжесі немересіне ыммен өзін қалай ұстау керектігін түсіндіруі, бәрі-бәрі балалық шаққа деген сағынышты оятып, тамашалап отырған жұрттың көңілін толқытып жіберді.Байқау қорытындысы бойынша мектеп директоры Айгүл Өткелбаева барлық қатысушы әжелер мен немерелеріне сый-сыяпат жасап, алғыс айтып, ризашылығын білдірді.Іс-шара соңында ардагерлер мектеп ұжымына тарту жасап, аулаға бірнеше көшет отырғызды.

 Әже сөзі – ғасыр нұры

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаевтың Жарлығымен 2025 жыл – Жұмысшы мамандықтар жылы болып жарияланды. Бұл бастама жастарды еңбекке баулып, жұмысшы мамандықтарының маңызын арттыруды көздейді.Осы бағытта Қызылорда қаласындағы мектеп оқушылары құрылыс индустриясының алдыңғы қатарлы кәсіпорындарының бірі – «КСМ KZ-2022» ЖШС темір-бетон зауытына экскурсия жасады.Кәсіпорын 200-ден астам темірбетон бұйымдарын шығарады. Олардың қатарында:<ul><li style="text-align:justify;">көпбөлімді жабын және таспалық фундамент тақталары;</li><li style="text-align:justify;">қабырға блоктары;</li><li style="text-align:justify;">темір-бетон маңдайшалар;</li><li style="text-align:justify;">дөңгелек темір-бетон шеңберлері;</li><li style="text-align:justify;">жол жиегіндегі тас тақталар;</li><li style="text-align:justify;">су жүретін лотоктар мен резервуар қабырғалары бар.</li></ul>Бұл өнімдер аймақтағы тұрғын үй, көпір және гидротехникалық нысандар құрылысында кеңінен қолданылады.Зауыттың техникалық базасы жылдан жылға жаңарып келеді. Құрылғылардың басым бөлігі Ресейден жеткізілген. Еңбек ұжымының 30%-ын технолог, инженер, краншы сияқты мамандықтарда еңбек ететін қыз-келіншектер құрайды. Олар ер азаматтармен иық тірестіре жұмыс атқарып жүр.Ішкі нарықты толық қамтып отырған бұл зауыт – өңірдің ірі әрі сенімді өндіріс орындарының бірі. Кәсіпорын алдағы уақытта да өнім көлемін арттыруға мүдделі.Осындай экскурсиялар – оқушыларға нақты өндірісті көрсетіп, жұмысшы мамандықтарына деген қызығушылықты арттырудың тамаша тәсілі.<img src="https://knadmin.beoblood.kz/uploads/Kyzylordinskie_studenty_posetili_zavod_zhelezobetonnyh_izdelij_1_f689349361.jpg" alt="Кызылординские студенты посетили завод железобетонных изделий 1.jpg">

Қызылордалық оқушылар темір-бетон зауытына экскурсия жасады

<a href="https://kyzylorda-news.kz/">Kyzylorda-news.kz</a> Республика күніне және Қызылорда қаласының Қазақ АКСР-не астана болғанына 100 жыл толуына орай, облыс әкімінің қолдауымен Швейцарияның Женева, Берн қалаларында Сыр өнерпаздарының концерті өтті.Концертке Швейцариядағы шетелдік елшіліктердің басшылары мен қызметкерлері, зиялы қауым өкілдері, Женева және Берн қалаларындағы қазақ диаспорасы, білім алушы студенттер мен жергілікті тұрғындар қатысты.&nbsp;Мереке аясында облыста ауқымды мәдени-көпшілік шаралар ұйымдастырылғаны белгілі, енді оның легі шетелде де жалғасуда.Бұл концерттің мақсаты &nbsp;– қазақ мәдениетін, ұлттық өнерді, Сыр өңірінің жыраулық дәстүрін әлемге таныту. Оған ұлттық музыканың жауһарларын төрткүл дүниеге паш еткен халық аспаптар, «Томирис» би ансамбльдері, айтыскер ақын, үш дүркін «Алтын домбыра» иегері М.Ниязов, «Құрмет» орденінің иегері Ү.Медеуова, қазақ эстрадасының жарық жұлдызы Қ.Мейрамбек, Мәдениет саласының үздіктері А.Шағдатов, М.Мақұлбеков, дәстүрлі орындаушылар Ә.Қуаңбаев, Т.Өтенова, айтыскер-ақын Б.Орынбасар, Халықаралық және республикалық конкурстардың лауреаттары М.Аманжолов, А.Шадаев, А.Махамбетжан, А.Әбді, А.Төреғали және М.Жантөре, А.Шүкіров, Ж.Жұмабек, Ж.Қайыпберген, Н.Рүстемұлы, З.Нысанбаев, Т.Аяпова қатысып, өнер көрсетті.&nbsp;Гастрольдік сапар аясында көрерменге концерттік бағдарламамен қатар, қазақтың ұлттық тағамдары, ұлттық нақышта жасалған сый-сияпат ұсынылды. Жұртшылық таным мен тағылымға толы кеш сыйлағаны үшін сырбойылық өнерпаздарға алғыс білдірді.Айта кетейік, осы жылы Наурыз мерекесінің тарихи және мәдени маңызын түсіндіру, әлем жұртшылығына таныстыру мақсатында Испания, Финляндия, Эстония мемлекеттерінде Сыр өнерпаздарының концерті өткен болатын.<img src="https://knadmin.beoblood.kz/uploads/Shvejczariya_Respublika_k_ni_2_1f852ec073.jpg" alt="Швейцария Республика күні 2.jpg">

Швейцарияда Республика күніне арналған мерекелік концерт өтті

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов аудандық мәслихат төрағасы Ғазиз Әлішпен бірге Қазалы қаласындағы кәсіпкерлік нысандарды аралады.<img src="https://knadmin.beoblood.kz/uploads/azaly_k_sipkerlik_2_d9a42ed756.jpg" alt="Қазалы кәсіпкерлік 2.jpg">Алдымен «Агро-Өркен» жауапкершілігі шектеулі серіктестігінің күріш зауытына барып, зауыттың өндірістік әлеуетімен, күріш ақтау және қаптау желілерінің жұмысымен танысты. Кәсіпорын басшылығы зауыттың техникалық жабдықталуы мен өңдеу қуаттылығы туралы мәлімет беріп, қазіргі таңда өңделіп жатқан өнім көлемі мен экспорттық әлеуеті жайлы баяндады.Биыл «Агро-Өркен» жауапкершілігі шектеулі серіктестігі 1503 гектар жерге егін еккен. Оның ішінде негізгі дақыл күріш 550 гектар, 100 гектар бидай және 850 гектар мал азықтық дақылдарын орналастырған.&nbsp;Аудан басшысы күріш зауыттан кейін жеке кәсіпкер Серік Жолболдиевтің «Интер» жеке медициналық орталығына барды. 20 төсектік медициналық нысан биыл ғана өз жұмысын бастаған. Жергілікті халық осы орталыққа күндіз келіп өздеріне қажетті процедураларын алады.Аудан басшысы кәсіпкерлік нысандарды аралау барысында Қазалы қаласындағы жеке кәсіпкер Нұрбек Қазбергеновтің Конфет цехыныңда жұмысын көрді. Қазалының бренд өнімі шығатын цехты көрген Алмасбек Әбілқасымұлы кәсіпкердің жұмысына сәттілік тілеп, алдағы уақытта кәсіпкерлікті дамыту бойынша қолдау көрсетілетіндігін жеткізді. Жеке кәсіпкер алдағы уақытта конфет цехындағы өнім көлемін әлде де арттыру жоспарда бар екенін жеткізді.&nbsp;<img src="https://knadmin.beoblood.kz/uploads/azaly_k_sipkerlik_3_606e6b1d22.jpg" alt="Қазалы кәсіпкерлік 3.jpg">Қазалы қаласындағы тағы бір кәсіпкерлік нысан жергілікті кәсіпкер Салтанат Ражатованың көкөніс жылыжайы. Жеке кәсіпкер «Ауыл аманаты» жобасы шеңберінде 2023 жылы 8,6 млн теңге несие иеленіп, жылыжай өсіруді қолға алған. 2023 басталған кәсіп алғашқы жемісін былтырдан бері бере бастаған. Алғашында кәсіпкер 160 шаршы метр аумаққа қияр егіліп, 800 келі өнім жиналған.<blockquote>«Отбасымызбен осы жылыжай жұмысын жүргізе бастадық. Нәтиже жаман емес. Өнімге сұраныс бар. Кәсіпкер үшін маңыздысы осы. «Ауыл аманаты» бойынша берілетін несие шарттары өте тиімді. Тек еңбек етуге ниет болуы керек», - дейді кәсіпкер.&nbsp;</blockquote>Жылыжайдың жұмысымен танысқан аудан басшысы мемлекеттік бағдарлама аясында өз кәсібін бастап, жергілікті халықты өніммен қамтып отырған кәсіпкердің жұмысына сәттілік тілеп, алдағы уақытта жылыжай жұмысын әлде де жандандыруға тиісті қолдау көрсететіндігін айтты.

Қазалыда кәсіпкерлік саласы қарқынды дамып келеді

<a href="https://kyzylorda-news.kz/">Kyzylorda-news.kz</a> Арал ауданы әкімінің орынбасары Н.Бохаевтың қатысуымен &nbsp;аудандағы денсаулық сақтау саласының 2025 жылдың 9 айында атқарған жұмыстары талқыланды.Жиынға Арал аудандық көп бейінді орталық ауруханасының бас дәрігері Б.Қуанышбаев, емхана, дәрігерлік амбулатория меңгерушілері, аурухананың бөлімше меңгерушілері, жалпы тәжірибелі дәрігерлер қатысты.Күн тәртібінде 2025 жылдың 9 айында аудан халқына көрсетілген медициналық қызмет бойынша атқарылған жұмыстар, &nbsp;ана мен бала денсаулығын қорғау саласының көрсеткіші, жыл басынан бері түскен арыз-шағымдар мәселелері қаралды. Аталған тақырыптар бойынша бас дәрігердің орынбасарларының хабарламалары тыңдалды.Хабарламашылардың баяндамасына сәйкес, 2025 жылдың 9 айының қорытындысымен аудан бойынша 1 жасқа дейінгі балалардың шетінеуі, онкологиялық аурулардың асқыну жағдайларының тіркелуі, жүрек-қан тамыр жүйесі ауруларынан болатын асқынулар мен өлім-жітім көрсеткіші төмендеген.Онкологиялық ауруларды және туберкулез ауруын ерте анықтау, &nbsp;жүрек-қан тамырлар жүйесі, қант диабеті, сүт безі, жатыр мойны, тоқ ішек, тік ішек ауруларын ерте анықтау көрсеткіші жоғарылаған. Ұрпақ өрбіту жасындағы және жүкті әйелдерге көрсетілетін медициналық көмек сапасы артқан.&nbsp;Осылайша жалпы нәтиже бойынша медициналық қызмет көрсету индикаторлары «салыстырмалы қолайлы аймақтан» «қолайлы аймаққа» жоғарылаған.&nbsp;Жиын барысында аудан әкімінің орынбасары Н.Бохаев ақ халатты жандарды Республика күні мерекесімен құттықтап, қызметтеріне табыс тіледі. Адам жанына араша түсіп, аудандағы медициналық қызмет сапасын арттыру бағытында сала қызметкерлерінің еңбегі зор екендігін атап өтті.&nbsp;Мереке қарсаңында жоғары нәтижеге қол жеткізген бірқатар қызметкерлер Ұлттық Медицина Ассосациясының «Мамандығына адалдығы үшін» төбелгісімен, облыстық денсаулық сақтау басқармасының, аудан әкімінің алғыс хатымен марапатталды.&nbsp;Атап өту қажет, ауданда денсаулық сақтау саласында жасалып жатқан бірқатар оң өзгерістер бар. Жыл басынан бері Сексеуіл ауылдық ауруханасы, Тоқабай дәрігерлік амбулаториясы пайдалануға берілді. Бұдан бөлек, қыркүйек айында ауданаралық Қамқорлық оңалту орталығы ашылып, ел игілігіне қызмет көрсетуде. Сондай-ақ, «Ауылда денсаулық сақтауды жаңғырту» Ұлттық жобасы аясында аудандық аурухана жанынан қосымша жапсаржай және жұқпалы аурулар бөлімшесінің құрылысы жүргізілуде. Бұған қоса, Арал қаласынан Шанхай, Жаңауыл мөлтек аудандарынан тәулігіне 250 келушіге арналған емхана құрылысының жоба-сметалық құжаттамасы әзірленіп, мемлекеттік сараптамадан өтті.<img src="https://knadmin.beoblood.kz/uploads/Aral_mediczina_esep_beru_2_66900af435.jpg" alt="Арал медицина есеп беру 2.jpg">

Денсаулық сақтау саласы оң нәтиже көрсетті

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының мобильді қоғамдық қабылдау тобы Қазалы ауданында болып, көшпелі қабылдау өткізді. Іс-шара барысында партия өкілдері Қазалы қаласы мен Ғ.Мұратбаев ауылының тұрғындарымен кездесіп, олардың өзекті мәселелерін тыңдап, өтініштері мен ұсыныстарына назар аударды.Қабылдауға партияның облыстық филиалының атқарушы хатшысы Ләйлә Төрешова, облыстық мәслихат депутаты Мақсұт Нәлібаев, сондай-ақ облыстық денсаулық сақтау, жұмыспен қамтуды үйлестіру және әлеуметтік бағдарламалар, табиғи ресурстар және табиғат пайдалануды реттеу басқармаларының басшылары мен мамандары және заңгерлер қатысты. Бұдан бөлек, аудандық партия филиалының төрағасы Ғазиз Әліш, аудан әкімінің орынбасары Дәурен Тілеумбетов, Атқарушы хатшы Нұрғиса Жалғасбаев және дербес бөлімдер мен мекеме басшылары да қатысып, тұрғындардың сұрақтарына жауап берді.Партияның облыстық филиалының Атқарушы хатшысы Ләйлә Төрешова қабылдаудың негізгі мақсатына тоқталды.<blockquote>«Көшпелі қоғамдық қабылдаудың басты мақсаты – ауыл тұрғындарымен тікелей байланыс орнатып, олардың күнделікті өмірде кездесетін өзекті мәселелерін тыңдап, шешу жолдарын қарастыру. Бүгінгі қабылдау барысында көтерілген мәселелер назарға алынып, тиісті мемлекеттік органдармен бірлесіп шешілуі бойынша қажетті жұмыстар жүргізілетін болады. Өйткені біз, партия мүшелері, халықтың өтініш-тілегін орындауды өзіміздің басты міндетіміз деп санаймыз», – деді Ләйлә Төрешова.</blockquote>Қазалы қаласында өткен қабылдау кезінде тұрғындар тарапынан бірқатар өзекті мәселелер көтерілді. Атап айтқанда, көше жолдарын жөндеу, аяқ су мәселесін шешу мақсатында жаңа су насостарын орнату, тұрақты жұмысқа орналасу, денсаулық сақтау саласындағы мәселелер, көпбалалы аналарға әлеуметтік жеңілдіктер мен көмектер алу, сондай-ақ жаңа жанармай бекеттерін ашу туралы ұсыныстар айтылды. Сонымен қатар, заңгерлік кеңес алу бойынша да сұрақтар түсті.Ал Ғ.Мұратбаев ауылының тұрғындары үшін ең өзекті мәселе жаңа мектеп салу қажеттігі болып отыр. Сондай-ақ жайылымдық жердің азаюы, ауыл ішілік жолдарды жөндеу, жаңа инженерлік инфрақұрылымы бар аймаққа жол салу, бұлақ қазу және «Дипломмен ауылға» жобасы аясында тұрғын үй алу мәселелері де қозғалды.Партия өкілдері әрбір өтініш бойынша нақты түсініктеме беріп, қосымша зерделеуді қажет ететін мәселелерді бақылауға алды. Сондай-ақ қаржыландыру мүмкіндіктері мен бюджет шеңберінде кезең-кезеңімен жүзеге асырылатын жобалар жөнінде кеңінен ақпарат берілді. Көтерілген барлық мәселелердің назардан тыс қалмайтыны атап өтілді.<img src="https://knadmin.beoblood.kz/uploads/Amanat_k_shpeli_abyldau_2_304bcb0cce.jpg" alt="Аманат көшпелі қабылдау 2.jpg">

Мобильді қоғамдық қабылдау тобы Қазалы ауданында көшпелі қабылдау өткізді

<a href="https://kyzylorda-news.kz/">Kyzylorda-news.kz</a> &nbsp;“Ұлттық мұра” партиялық жобасы аясында Шиелі аудандық «Арман» мәдениет үйінде “AMANAT” партиясы аудандық филиалы және аудандық қоғамдық даму бөлімінің «Жастар ресурстық орталығы» КММ-нің ұйымдастыруымен «Үлгілі келін – 2025» байқауы өтті.&nbsp;Іс-шараның мақсаты – келіндердің ізеттілігін, инабаттылығын, салт-дәстүрді ұстануын, отбасы құндылықтарын құрметтеу. Жас ұрпақ бойындағы жан сұлулығы мен қатар әдет-ғұрыптың қалыптасуына, заман талабына сай ұлттық өнер мен өнегеге баулу.<img src="https://knadmin.beoblood.kz/uploads/lgili_kelin_baj_auy_3_19fc09dc2f.jpg" alt="Үлгілі келін байқауы 3.jpg">Байқауда келіндер ережеге сәйкес 4 кезең бойынша өз өнерлерін ортаға салып, бақ сынады. Қазылар алқасының шешімімен: бас жүлде – Билалова Айымға бұйырды. Ал, &nbsp;І орынды – Жұмабаева Жұмакүл жеңіп алса, ІІ орынды – Дүйсебай Меруерт қанжығалады. &nbsp;Сондай-ақ ІІІ орындар – Өмірзақ Шапағат &nbsp;пен Әбенова Мөлдірге табысталды.Байқау жеңімпаздарына І, ІІ, ІІІ дәрежелі дипломдар берілсе, қалған қатысушыларға алғыс хат пен 10 000 теңгеден ынталандыру сыйлықтары табысталды.<img src="https://knadmin.beoblood.kz/uploads/lgili_kelin_baj_auy_efe1aa89f0.jpg" alt="Үлгілі келін байқауы.jpg">

Шиеліде "Үлгілі келін-2025" байқауы өтті

<a href="https://kyzylorda-news.kz/">Kyzylorda-news.kz</a> ҚАЖ департаментіне қарасты №68 мекемесі қызметкерлерінің еңбегі қоғам назарынан тыс қалған жоқ. Бұған заңды өкілдердің мекеме бастығы әділет майоры Азамат Әмірбектің атына жазған мақтау қағазы дәлел. Бұл – жауапкершілік жүгін абыроймен көтерген қызметкерлерге берілген лайықты баға деп білеміз.Заңды өкілдер таңнан кешке дейін тапжылмай, күрделі істі күрсініссіз атқаратын қос қызметкердің есімін ерекше елеген. Олар: режим және күзет бөлімінің ақпарат және байланыс тобының бақылаушысы әділет сержанты Ақниет Қалмұратов пен режим және күзет бөлімінің аға бақылаушысы әділет старшинасы Мақпал Келесова. Кіріп-шығуды бақылау пунктінде (КПП) тиянақты тексеріс жүргізіп, қарбаласқан сәтте де қабақ шыта қоймайтын, байыпты байламға келетін қызметкерлердің кәсіби әрі адами қасиеті жоғары бағаланып келеді.Сонымен қатар, заңды өкілдер режим және күзет бөлімінің аға бақылаушысы әділет сержанты Мейіржан Қыдырбековтің де жұмысына дән риза. &nbsp;Айыпталушы мен жазасын өтеушілерді туыс-жақындарымен жолықтыру барысында байсалды қалыппен әрекет етіп, тәртіптен таймайтынын алға тартады.Қызметкерлердің адал еңбекпен алғыс арқалағаны көңіл қуантатыны рас.

Қызметке адалдық – құрметке лайық қасиет

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Президент саябағындағы қайта жаңғырту жұмыстарының барысын көрді.Қазіргі таңда саябақ аумағында ауқымды абаттандыру және инфрақұрылымдық жобалар жүзеге асырылуда. Бас мердігер «Bi Global» ЖШС жобаға сәйкес 3 аллея, 6 субұрқақ, 5 амфитеатр, 7 балалар ойын алаңын, 4 спорт және 4 workout, 7 демалыс аймағын, 4 фудкорт, теннис үстелдерін, биіктігі 50 метр болатын айналмалы дөңгелек аттракцион, би алаңын, стритбол, вело және жүгіру жолақтарын, сахна, сарқырама каналдары мен олардың үстінен өтетін көпірлер, шахмат, баскетбол және футбол алаңдарын, арқан саябағы мен модульдік санитарлық нысандар орналастырмақ.<img src="https://knadmin.beoblood.kz/uploads/Prezident_sayaba_y_6a7e72e2fd.jpg" alt="Президент саябағы.jpg">Саябақта жылдың төрт мезгілінде үздіксіз жұмыс істейтін 300 орындық заманауи балалар тынығу лагері мен Ботаникалық білім беру орталығы (қысқы бақ) бой көтеріп келеді. Бұл нысандардың бас мердігері «Alem Qurylys AQ» ЖШС осы аумаққа спорт блогын, іс-шараларға арналған event-аймақ, тұрғын корпустар, қонақ үй үлгісіндегі шағын ғимараттар, дәстүрлі киіз үйлер, ашық бассейн, стадион, футбол алаңы және сахна салуды қарастырған.Сондай-ақ, Сырдария өзені үстінен Президент саябағы мен Астана шағын ауданын байланыстыратын жаяу жүргіншілер көпірі салынады.<img src="https://knadmin.beoblood.kz/uploads/Prezident_sayaba_y_2_882bbd61b4.jpg" alt="Президент саябағы 2.jpg"><img src="https://knadmin.beoblood.kz/uploads/Prezident_sayaba_y_3_8c1846f69c.jpg" alt="Президент саябағы 3.jpg">

Қызылордадағы Президент саябағы жаңа келбетке ие болады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев бір ауысымда 100 келушіге қызмет көрсететін емханасы бар 300 төсектік көпбейінді аурухана құрылысының барысымен танысты.Бас мердігер &nbsp;«Мелиоратор» серіктестігі қолға алған жобаның жалпы құны 36 млрд 416 млн теңге, құрылыс аумағы 47,9 мың шаршы метр. Нысан 10 блоктан, атап айтқанда, емхана, пансионат, конференц-зал, тамақтану, физиотерапия, қабылдау, әкімшілік, реанимация, химио және радиотерапия, сондай-ақ, операция бөлімдерінен тұрады. Заманауи талаптарға сай аурухананы 2026 жылы пайдалануға беру жоспарланған.Аймақ басшысы бұл өңірдің денсаулық сақтау саласын жаңа деңгейге көтеретін маңызды бастама екенін атап өтті.<blockquote>«Алдағы уақытта Мемлекет басшымыздың, Үкіметтің қолдауымен Қызылордада бірнеше медициналық нысан салынады. &nbsp;Осы аурухананың іске қосылуын халық күтуде. Жаңа көпбейінді медициналық орталық аймақ тұрғындарының денсаулығын қорғау ісіне тың серпін береді. Құрылыс жұмыстарының сапасы мен мерзімі қатаң бақылауда болады. Басты мақсат – халық игілігі үшін заманауи әрі қолжетімді емдеу орталығын уақытылы іске қосу», – деді Нұрлыбек Нәлібаев.</blockquote>Айта кетейік, Президент тапсырмасына сәйкес 12 облыста заманауи перинаталдық орталықтар салу көзделген. Қызылорда қаласында халықаралық тәжірибе мен жаңа медициналық технологиялар енгізілетін 200 төсектік заманауи перинаталдық орталық салу жоспарлануда. Нысанға 2,7 гектар жер учаскесі бөлінді. Алдағы жылы республикалық бюджет есебінен құрылысы басталады. Жоба құны 48,8 млрд теңге.Сонымен қатар, Сырдария өзенінің сол жағалауына орналасатын 500 келушіге арналған емхананың жоба-сметалық құжаттамасын әзірлеуге жергілікті бюджеттен 148 млн теңге қаралды. Қазіргі таңда құжаттама мемлекеттік сараптамаға ұсынылған, қорытындысы 15 қарашаға дейін алынбақ. Жобаның құны шамамен 14 млрд теңге, құрылыс келесі жылы басталады.<img src="https://knadmin.beoblood.kz/uploads/Mediczinaly_ortaly_43d728b071.jpg" alt="Медициналық орталық.jpg">

Қызылордада заманауи медициналық орталық бой көтеруде

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Достық үйі» жаңа ғимаратының құрылыс алаңына барды. Бас мердігер «Астана Сервис LTD» серіктестігі құны 3 млрд 545 млн теңге болатын жобаны жүзеге асыруға сәуір айында кірісті. Жыл соңына дейін құрылысын аяқтап, пайдалануға беру жоспарланған.Үш қабатты ғимараттың жалпы ауданы 3912,29 шаршы метр, бірінші қабатта &nbsp;ашық кеңістік форматында түрлі форумдар, лекциялар, көрмелер мен концерттер өткізуге арналған көпфункционалды залдар орналасады. Ал екінші және үшінші қабаттарда облыстық этномәдени бірлестіктер мен қоғамдық ұйымдарға арналған кеңселер мен қызметтік бөлмелер қарастырылған.Айта кетейік, 2022 жылдан бері облыс аумағында жаңадан 15 мәдениет нысаны салынды. Барлық 7 ауданда 11 млрд 500 млн теңгеге «Руханият орталықтары» бой көтерді. Сондай-ақ «Саутс Ойл» компаниясының демеушілігімен музыкалық колледждің жаңа ғимараты, облыстық тарихи-өлкетану музейі пайдалануға берілді.Өткен жылы мәдениет саласының қызметкерлеріне арналып алғаш рет көпқабатты тұрғын үй салынып, 40 қызметтік пәтер табысталды. Бұл мәдениет қызметкерлерін қолдау бағытындағы маңызды әлеуметтік бастамалардың бірі болды.<img src="https://knadmin.beoblood.kz/uploads/Dosty_ji_imaraty_a49661a632.jpg" alt="Достық үйі ғимараты.jpg">

Архив