<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінің Басқарма Төрағасы-Ректоры Бейбіткүл Каримова жыл бойы атқарылған жұмыстар мен алдағы міндеттер туралы есеп берді.Мемлекет басшысы Қ.К.Тоқаевтың Жолдауында айтылған цифрлық трансформацияны жүзеге асыру тапсырмасын орындау мақсатында университет толық автоматтандыру үдерісін қолға алды, Microsoft 365 платформасы сатып алынып, басқару процестері электрондық форматқа көшірілді.ҚР Жоғары білім және ғылым министрі Саясат Нұрбек студенттердің сыртқы академиялық мобильділігін дамыту міндетін қойып отыр. Осыған орай соңғы екі оқу жылында 202 студент шетелдік университеттерде білім алды (Польша, Бельгия, Өзбекстан, Оңтүстік Корея, Қытай, Түркия, Қырғызстан, Әзербайжан). 2024 жылы университет Түрік университеттері одағының ORKHUN бағдарламасына енді.&nbsp;Университет оқытушылардың гранттық қаржыландыру жобаларына, ЖАО және компаниялар тапсырысы бойынша, сондай-ақ халықаралық жобаларға барынша қатысуын қамтамасыз етеді.2021 жылмен салыстырғанда, орындалған жобалардың саны 3 есе өсті (2021 жылы – 11 жоба, 2025 жылы – 32 жоба).2021 жылмен салыстырғанда 2025 жылы ғылым бойынша кірістер көлемі 7,7 есе өсті (мысалы, 2021 жылы жалпы кіріс – 107,513 млн теңге болса, 2025 жылы – 829,7 млн теңге).2021 жылдан бастап жас ғалымдарды қолдау шеңберінде университетте жыл сайын ішкі гранттар бөлінеді: 2021 жылы – жалпы 10 млн теңге, 2024 жылы – 20 млн теңге, 2025 жылы – 30 млн теңге.Университетте 22 жастар ұйымы және 11 спорт секциясы жұмыс істейді. 2024–2025 оқу жылында: Республикалық пәндік олимпиадалардың жеңімпаздары – 80 адам, ЖҚЖБ жеңімпаздары – 32 адам, ҚР Президент стипендиясын алғандар – 26 адам.2024-2025 оқу жылындағы білім алушылардың жалпы саны – 11,7 мыңнан асып отыр. Осы контингенттің 40 пайыздан астамы мемлекеттік білім грантының иегері болып табылады. Сыр өңірінің басты білім ордасында Алматы, Батыс Қазақстан, Ұлытау, Маңғыстау, Жетісу, Түркістан облыстарынан, Ақтөбе, Атырау, Павлодар, Қарағанды қалаларынан келген жастар да білім алып жатыр. Өзге өңірлерден келген студенттер түгелдей жатақханамен қамтамасыз етілген.Бейбіткүл Сәрсемханқызы халықаралық білім беру кеңістігінде университет мәртебесі нығайып, бәсекеге қабілеттілік деңгейі айтарлықтай жоғарылағанын атап өтті. &nbsp;Университеттің танымалдылығын арттыру және әлемдік аренада бәсекеге қабілеттілігін көтеру мақсатында әр жыл сайын жаһандық университет рейтингіне қатысады.2023 жылы университет алғаш рет QS WUR рейтингінде көрініп, 1201-1400 орын аралығында орналасқан. Ал 2025 жылы университет "4 жұлдыз" сапа белгісін иеленіп, оқыту, тиімді басқару, академиялық даму, инфрақұрылым, еңбек нарығына бейімделу, халықаралық серіктестік, қоршаған ортаға әсер, инклюзивтілік сияқты бағыттарда күшті көрсеткіштерді көрсетті. Сонымен қатар, QS Asia University Rankings – 2025 аймақтық рейтингінде университетіміз Азияның жоғарғы оқу орындары арасында TOP 541-560 орынға ие болды. QS World University Rankings: Sustainability 2025 рейтингінде университет алғаш рет TOP 1401-1450 қатарында бол– UI GreenMetric рейтингінде университеттің позициясы – 1160;– 2024 жылы университет алғаш рет Times Higher Education Global University Impact Rankings-2025 рейтингінде Тұрақты даму мақсаттарына әсері бойынша көрсеткіш көрсетті, 1501+ позицияны иеленді, 2025 жылы бұл позицияны сақтап қалдық. Ұлттық рейтинг бойынша, университет НААР өткізген ең сұранысқа ие жоғары оқу орындары арасында 7-орынды иеленіп, Қазақстан университеттерінің жалпы ТОП-10 қатарына кірді.Университеттің 29 білім беру бағдарламасы Қазақстанда үздік үштікке еніп отыр. 6 білім беру бағдарламасы Ұлттық кәсіпкерлер палатасы "Атамекен" өткізген Қазақстанның университет бағдарламалары рейтингі бойынша ТОП-10 қатарына кірді.<img src="https://knadmin.beoblood.kz/uploads/korkyt_2_47183571d7.jpg" alt="коркыт 2.jpg">Бейбіткүл Каримова есепті кездесуде 2025-2026 оқу жылына арналған межелі міндеттерге де тоқталды. Университет ректоры алдағы уақытта еліміздің адами капиталы мен ғылыми-технологиялық әлеуетін күшейтуге ықпал ететін жаңа бастамаларды жүзеге асыратынын айтты.&nbsp;Сыр өңірінің басты білім ордасында қандастарымызды тарихи отанына шақырып, білім нәрімен сусындауына мүмкіндік жасауға айырықша мән беріледі. Өткен жылы 21 қандас тегін оқуға қабылданды. Ал ағымдағы жылы Қорқыт ата атындағы Қызылорда университетінің Басқарма Төрағасы-Ректоры Бейбіткүл Каримова 20 бакалавриат пен 4 магистратура бағдарламасы бойынша қандастарға арнайы білім грантын табыстады. Жалпы жаңа оқу жылында Қорқыт ата университетінде оқуға ниет білдірген өзге мемлекет азаматтарының саны едәуір артып отыр. Ақылы бакалавриатқа 687, грантқа 6 шетелдік қабылданды. Сондай-ақ өзге елдің 6 азаматы ақылы негізде магистратураға түсті. Ресей, Өзбекстан, Моңғолия, Қытай, Тәжікстан, Қырғызстан елдерінен келген студенттер университетте өткен оқу жылдарынан бері оқып жатса, бұл тізім жаңа оқу жылында Түрікменстаннан келген білім алушылармен толықты.

Қорқыт Ата атындағы Қызылорда университеті 2024-2025 оқу жылындағы жұмысын қорытындылады

<a href="https://kyzylorda-news.kz/">Kyzylorda-news.kz</a> &nbsp;Қызылорда облысында Қазақстан халқы Ассамблеясының 30 жылдығына арналған «Сыр өңірі – бейбітшілік пен келісім мекені» жобасы аясында «Бірлік пен келісімнің 30 жылы» атты көш керуені өз жұмысын жалғастыруда. Осыған орай Жаңақорған ауданындағы Руханият орталығында Жаңақорған аудандық қоғамдық даму бөлімінің басшысы Әбілғазы Төлегеновтің төрағалығымен этносаралық қатынастар саласындағы өзекті мәселелер талқыланды.Жиынға Қызылорда облыстық қоғамдық даму басқармасының Қазақстан халқы Ассамблеясы және этносаралық қатынастар мәселелерін үйлестіру бөлімінің басшысы Ерлан Сисенбиев, облыстық «Қоғамдық келісім» КММ-нің директоры Бақытжан Камалов, сондай-ақ аудандық ауыл әкімдері қатысты.Кездесуде биылғы Қазақстан халқы Ассамблеясының 30 жылдығына орай облыс көлемінде жүзеге асырылған іс-шаралар мен алдағы жоспарлар кеңінен сөз болды. Ерлан Сисенбиев этносаралық татулықты нығайту бағытындағы мемлекеттік саясаттың басым бағыттарына тоқталып, өңірде жүргізіліп жатқан жобалар мен ақпараттық-түсіндіру жұмыстары жөнінде баяндама жасады.Өз кезегінде Бақытжан Камалов Ассамблея құрылымдарының жұмыс тәжірибесін, этномәдени бірлестіктермен өзара ынтымақтастықты арттыру және қоғамдық келісім мен бірлікті нығайту бағытында қолға алынған бастамаларды тілге тиек етті.Жиын соңында Әбілғазы Төлегенов этносаралық келісім мен қоғамдық тұрақтылықты сақтаудың ел бірлігі үшін маңыздылығын атап өтіп, ауыл әкімдеріне халықпен тығыз байланыста жұмыс істеу, қоғамдағы татулық пен өзара түсіністікті нығайту бағытындағы жұмыстарды күшейтуді тапсырды.

Жаңақорғанда этносаралық келісім мәселелері талқыланды

<a href="https://kyzylorda-news.kz/">Kyzylorda-news.kz</a> &nbsp;Соңғы жылдары мемлекет қазақстандықтардың армандаған баспанасына &nbsp;қол жеткізулерін мүмкін ететін бірнеше бағдарламаны іске қосты, мұндай мүмкіндік жас отбасылар мен ғалымдардан бастап негізгі сала қызметкерлеріне &nbsp;дейін беріледі. Fingramota.kz бір материалда аталмыш бағдарламаларға кімдердің қатысу құқығы бар екенін, қандай талаптар қойылатынын және дәл сізге лайықтысын қалай таңдауға болатынын анықтай алу үшін ең өзекті жеңілдетілген ипотекалық бағдарламаларды жинады.Жеңілдікпен ипотека — бұл мемлекет субсидиялаған ипотека, олар нарықпен салыстырғанда тиімді шарттармен беріледі: төмендетілген мөлшерлеме, ұзартылған мерзімдер, аз бастапқы жарна және т.б. Мұндай бағдарламалардың мақсаты — ресурстары шектеулі отбасыларға немесе әсіресе мұқтаж адамдарға (жас отбасылар, көп балалы, осал санаттар) тұрғын үйді қолжетімді ету.«Жаңа баспана» — тұрғын үй төлемдерін алушылар үшін қолжетімді тұрғын үйБағдарламаға қатысу үшін Отбасы банкінде арнайы салым ашып, белгілі бір мерзімнен кейін жылдық 3,5%-дан (ЖТСМ 3,6%-дан 4,4%-ға дейін) 5%-ға дейін (ЖТСМ 5,1%-дан 6,9%-ға дейін) мөлшерлеме бойынша қарыз алу қажет.Тұрғын үй төлемдерін алушы тұрғын үй құнының 50%-ын жинағаннан кейін, ол елдегі ең төмен сыйақы мөлшерлемесі бойынша қарыз ала алады.Бұл ретте тұрғын үй төлемдерін тұрғын үйді жалға алуға, сондай-ақ Отбасы банкіндегі жинақтауға бір мезгілде жіберуге болады. Тұрғын үйді елдің кез келген қаласында сатып алуға болады.«2-10-20»Бұл ипотекалық бағдарламаға қатыса алатындар:көпбалалы отбасылар;жетім балалар мен ата-анасының қамқорлығынсыз қалған балалар;I және II топтағы мүгедектер;мүгедек баласы бар отбасылар.Шарттары: қарыз бойынша мөлшерлеме (ЖТСМ 2%-дан 2,1%-ға дейін); ең төменгі бастапқы жарна (қарыз сомасынан 10%); қарыз мерзімі 20 жылға дейін. Тұрғын үйді үміткер әкімдікте кезекте тұрған аймақта ғана сатып алуға болады«Өз үйім» - жаңа құрылыстардағы қолжетімді тұрғын үйБағдарламаға өтініш берген сәтке кемінде 500 000 теңге жинаған Отбасы банкінің барлық салымшылары қатыса аладыШарттары:ең төменгі бастапқы жарна - тұрғын үй құнының 20%-ы;қарыз бойынша сыйақы мөлшерлемесі: кейіннен жылдық 3,5%-дан (ЖТСМ 3,6%-дан 4,4%-ға дейін) жылдық 5% - ға дейін (ЖТСМ 5,1%-дан 6,9%-ға дейін) төмендеумен жылдық 6%-дан (ЖТСМ 6,2%-дан 6,3%-ға дейін) жылдық 7%-ға дейін (ЖТСМ 7,3%-дан 9%-ға дейін);қарыз сомасы — 100 миллион теңгеге дейін.Жас ғалымдар үшін 2023-2027 жылдарға арналған бағдарламаҚР ғылыми-зерттеу институттары мен жоғары оқу орындарының баспанаға мұқтаж ғылыми қызметкерлеріне арналған ипотекалық бағдарлама. Баспананы бастапқы және қайталама нарықта сатып алуға болады.Шарттары:қарыз бойынша сыйақы мөлшерлемесі — жылдық 5% (ЖТСМ 5,2%-дан 5,5%-ға дейін);алдын ала қарыз мерзімі — 6 айдан 8 айға дейін;тұрғын үй қарызының мерзімі — 25 жылға дейін;қарыз сомасының 50%-ын жинақтағаннан кейін қарыз бойынша мөлшерлемені төмендету — жылдық 3,5%-дан (ЖТСМ 3,6%-дан 4,4%-ға дейін) 5%-ға дейін (ЖТСМ 5,1%-дан 6,9%-ға дейін);қарыздың ең аз сомасы — 20 миллион теңгеге дейін.Осы жылдың қараша айында «Наурыз» және «Наурыз Жұмыскер» бағдарламалары бойынша өтінім қабылдау қайта басталады. Биыл қаржыландыру көлемі 500 миллиард теңгеге дейін ұлғайтылды.«Наурыз» бағдарламасыҚатысушыларға қойылатын талаптар:• &nbsp; &nbsp;Қазақстан Республикасының азаматы немесе қандас мәртебесі болуы;• &nbsp; &nbsp;Өтінім берген сәтте жасы 18 бен 63 жас аралығында болуы;• &nbsp; &nbsp;Соңғы алты айда ресми табысы болуы (жалақы, кәсіпкерліктен түскен пайда, қызмет көрсету шарты бойынша табыс, жәрдемақы, стипендия немесе тұрғын үй төлемдері). Егер табыс жеткіліксіз болса, екіге дейін қоса қарыз алушыны (міндетті түрде туыс болуы шарт емес) тартуға болады;• &nbsp; &nbsp;Бағдарлама қатысушысының және оның отбасы мүшелерінің (жұбайы, жұбайы және кәмелетке толмаған балалары) соңғы бес жылда меншігінде тұрғын үйі болмауы және тұрғын үймен байланысты мәмілелер жасамауы.Отбасы мүшелері – ерлі-зайыптылар және олардың кәмелетке толмаған балалары.Егер қатысушы тұрмыста болмаса, онда тұрғын үйдің болмауы тек оның атына тексеріледі.Қатысушыларды іріктеу балдық жүйе арқылы жүргізіледі:• &nbsp; &nbsp;Әлеуметтік осал топ өкілі мәртебесі – 10 балл;• &nbsp; &nbsp;Балаларының болуы – 10 балл (санына қарамастан);• &nbsp; &nbsp;Неке тіркелген болса – 5 балл (некенің ұзақтығына қарамастан);• &nbsp; &nbsp;Жасы 35 жасқа дейін (қоса алғанда) – 5 балл;• &nbsp; &nbsp;Отбасы банкіндегі депозит бойынша сыйақы мөлшері – әрбір 1 000 теңгеге 1 балл.Шарттары:• &nbsp; &nbsp;Бастапқы жарна несие сомасының 20%-ынан бастап; &nbsp; &nbsp;егер таза әрлеудегі алғашқы тұрғын үй сатып алынатын болса – 10%-ынан бастап. Кредиттелеу мерзімі: 19 жылға дейін.Сыйақы мөлшерлемесі: &nbsp; &nbsp;Әлеуметтік осал топтар үшін – жылдық 7% (ЖТСМ 7,1%-дан 9,6%-ға дейін); Тұрғын үйге мұқтаж азаматтар, қандастар және өзге санаттағы азаматтар үшін – жылдық 9% (ЖТСМ 9,4%-дан 13%-ға дейін).Несиенің 50%-ы жиналғаннан кейін мөлшерлеме төмендетіледі: &nbsp; &nbsp;жылдық 3,5% (ЖТСМ 3,6%-дан 4,4%-ға дейін), жылдық 5% (ЖТСМ 5,1%-дан 6,9%-ға дейін).Сонымен қатар, бір несие шеңберінде қаражаттың бір бөлігін қарапайым әрлеудегі алғашқы тұрғын үйді жөндеуге пайдалануға болады. Бұл сома жалпы несие сомасының 20%-ынан аспауы тиіс, бірақ ең жоғарғы мөлшерден аспауы қажет. Максималды несие сомасы (жөндеу ақшасын қоса алғанда): Астана мен Алматыда – 36 миллион теңгеге дейін; қалған өңірлерде – 30 миллион теңгеге дейін.Жұмысшы кәсіптердің өкілдеріне арналған «Наурыз Жұмыскер»Бағдарламаға қатысу үшін:ауыл, орман және балық шаруашылығында;тау-кен өнеркәсібі және карьерлерде;өңдеу өнеркәсібінде;электр энергиясымен, газбен, бумен, ыстық сумен және бапталған ауамен жабдықтауда;сумен жабдықтауда; суды бұруда; қалдықтарды жинауда, өңдеуде және жоюда, ластануды жою жөніндегі қызметте;құрылыста;көлікте және қоймада жұмыс істеу керек.Баспананы бастапқы нарықта сатып ала аласыз. Бастапқы жарна: қарыз сомасының 20%-нан бастап; әрленген дайын баспананы сатып алған кезде қарыз сомасының 10%-нан бастап.Қарыз бойынша сыйақы мөлшерлемесі: халықтың әлеуметтік осал топтары санатындағы, баспанаға мұқтаж ретінде есепте тұрған адамдар үшін жылдық 7% (ЖТСМ 7,1%-дан 9,6%-ға дейін); баспанаға мұқтаж ретінде есепте тұрған адамдар үшін және Қазақстанның өзге де азаматтары мен қандастар үшін жылдық 9% (ЖТСМ 9,4%-дан 13%-ға дейін).Кредит берудің жалпы мерзімі — 19 жылға дейін. Қарыз сомасының 50%-ын жинағаннан кейін қарыз бойынша мөлшерлемені төмендету: жылдық 3,5%-дан (ЖТСМ 3,6%-дан 4,4%-ға дейін) жылдық 5%-ға дейін (ЖТСМ 5,1%-дан 6,9%-ға дейін).Қарыздың ең жоғары сомасы: Астана мен Алматы үшін 36 миллион теңгеге дейін; қалған өңірлер үшін 30 миллион теңгеге дейін.Маңызды: бір кредит аясында сатып алынатын баспананы жөндеуге ақша алуға болады. Жөндеуге арналған қарыз сомасы кредиттің жалпы сомасының 20%-нан аспауға, бірақ қарыздың ең жоғары сомасы шегінде болуға тиіс. Бұл ретте жөндеуге арналған қарыз әрленбеген бастапқы тұрғын үйді сатып алу кезінде беріледі.«7-20-25»Қолжетімді шарттармен Қазақстан азаматтарына арналған мемлекеттік ипотекалық бағдарлама: мөлшерлеме – 7%, &nbsp;бастапқы жарна – &nbsp;20%-дан бастап, кредит мерзімі – 25 жылға дейін. Пайдалануға берілген жаңа салынған құрылыстан ғана дайын тұрғын үй сатып алуға болады.Тұрғын үйдің шекті құны:Астана, Алматы қалалары мен олардың қала маңындағы аумақтары, сондай-ақ Ақтау, Атырау, Шымкент қалалары үшін 25-30 миллион аралығында;Қарағанды үшін 20-25 миллион аралығында;басқа өңірлер үшін 15-20 миллион аралығында.Төлем қабілеттілігін растау үшін қарыз алушыларға тек қоса алушыны (қоса қарыз алушыларды) ғана емес, сондай-ақ кепілдік берушіні де тарту мүмкіндігі беріледі. Өтініш беруші мен оның жұбайының/зайыбының соңғы 15 айда тұрғын үйлері болмауы керек.Ипотекалық қарыз ресімдейтін кезде не нәрсеге назар аудару керек?1. &nbsp; &nbsp;Ресми дереккөздерді тексеріңіз. Бағдарламалар туралы ақпарат otbasybank.kz, gov.kz сайттарында, сондай-ақ әкімдіктердің өңірлік порталдарында орналастырылады.2. &nbsp; &nbsp;Өзіңіздің қаржылық мүмкіндіктеріңізді бағалаңыз. Өтінім беруден бұрын борыш жүктемесі коэффициентін (БЖК) есептеңіз – ай сайынғы төлемдер сіздің кірісіңіздің 50%-ынан аспауға тиіс.3. &nbsp; &nbsp;Қатысушыларға қойылатын талаптарды зерттеңіз. Әрбір бағдарламаның өзінің талаптары бар, олар: адамның жасы, жұмыс стажы, балаларының болуы, басқа тұрғын үйінің болмауы. &nbsp;Өлшемшарттарға сәйкес келмесеңіз, Сізге бас тартуы мүмкін.4. &nbsp; &nbsp;Құжаттарды алдын ала жинаңыз. Әдетте жеке куәлік, кірістер туралы анықтама, жұмыс орнынан үзінді көшірме, тұрғын үйдің бар екені/жоқ екені туралы анықтама, неке қию туралы куәлік пен отбасының құрамы туралы анықтама қажет.5. &nbsp; &nbsp;Делдалдарға жүгінбеңіз. Мемлекеттік бағдарламалар үшінші тұлғалардың қызметтерін талап етпейді. Барлық рәсімдер Отбасы банк, ХҚКО немесе eGov.kz арқылы жүргізіледі.6. &nbsp; &nbsp;Құрылыс салушыны тексеріңіз. Егер тұрғын үй жаңа салынған құрылыстан сатып алынатын болса, құрылыс салушының аккредитациядан өткеніне және объектінің пайдалануға берілгеніне көз жеткізіңіз.<img src="https://knadmin.beoblood.kz/uploads/3_ebc56d23c7.png" alt="3.png">Өтінім берудің алдында барлық бағдарламалардың шарттарын салыстырыңыз. Кейде сіздің санаттағы азаматтар үшін әкімдік арқылы одан да тиімді шарттар немесе салалық жобалар қарастырылады.Фото: fingramota.kz

Жеңілдікпен ипотека: кімдер үшін және қандай шарттармен?

<a href="https://kyzylorda-news.kz/">Kyzylorda-news.kz</a> Оқиға Әйтеке би ауданы Белқопа ауылы маңында болды. Жүк көлігі мен жолаушылар тасымалдайтын ГАЗель соқтығысты. Бұл туралы <a href="https://kaz.inform.kz/news/aktobede-ek-kolk-soktigisip-12-adam-kaza-tapti-91639f/">kaz.inform.kz</a> хабарлады.Оқиға бүгін Самара – Шымкент тасжолында болды. Полиция таратқан ақпаратқа сүйенсек, жүк көлігі қарсы бағытқа шығып кеткен.<blockquote>–&nbsp;Жол-көлік оқиғасы салдарынан екі жүргізуші мен ГАЗель автокөлігінің 10 жолаушысы көз жұмды. Тағы бес адам ауруханаға жеткізілді. Оқиға бойынша сотқа дейінгі тергеп-тексеру басталды. ГАЗель аудан мен облыс орталығы арасында жолаушылар тасымалдаған,&nbsp;— деп хабарлады Ақтөбе облыстық ПД&nbsp;ресми парақшасы.</blockquote>Қазір жедел тергеп-тексеру үшін тергеу тобы құрылды.&nbsp;Фото: egemen.kz

Ақтөбеде екі көлік соқтығысып, 12 адам қаза тапты   

<a href="https://kyzylorda-news.kz/">Kyzylorda-news.kz</a> &nbsp;7-8 қараша күндері Қызылорда қаласында облыс әкімінің қолдауымен «Inno.Fest» Qyzylorda 2025 инновациялық жобалар фестивалі өтеді. Шараның негізгі мақсаты – аймақ дамуына қажетті жаңа инновациялық идеяларды қолдау, ІТ саласына қызығушы жастардың жобаларын дамытуға және қаржыландыруға мүмкіндік беру. Фестиваль аясында «Software dev», «AI», «Movies&amp;video» бағыттары бойынша 24 сағат ішінде идеядан прототипке дейін ІТ жобалар жасалады. Сонымен қатар, стартап-көрмелер, мастер-кластар ұйымдастырылып, үздік жобаларға арнайы сыйлықтар мен оқу гранттары табысталады. &nbsp;Бұл туралы Өңірлік коммуникациялар қызметінің ақпарат алаңында облыс әкімі аппаратының “Ақпараттық технологиялар орталығы” директоры Қанат &nbsp;Қараев және Kyzylorda Hub жетекшісі Жанарыс &nbsp;Түбекбаев Жанарыс мәлімдеді.<blockquote>- «Inno.Fest» Qyzylorda 2025 фестивалі - өңіріміздегі ІТ экожүйенің дамуына тың серпін беретін маңызды бастама. Бүгінде технология мен инновация - &nbsp;экономикалық өсімнің, әлеуметтік прогрестің басты тетігі. Біз осы бағытта жастардың әлеуетін арттыруға ерекше көңіл бөліп отырмыз. Бұл фестиваль жас таланттарға өз идеяларын таныстырып, тәжірибелі мамандармен, инвесторлармен және кәсіпкерлермен тікелей байланыс орнатуға мүмкіндік береді. &nbsp;Фестиваль барысында қатысушылар өз жобаларын шынайы жағдайда сынап, 24 сағат ішінде идеядан дайын өнімге дейінгі процесті жүзеге асырады. Мұндай тәжірибе - &nbsp;жастар үшін үлкен мектеп. Сонымен қатар, үздік жобаларға қолдау көрсетіліп, қаржыландыру және әрі қарай дамыту тетіктері қарастырылады. Біздің басты мақсатымыз - Қызылорданы инновация мен технологиялар орталығына айналдыру. Осы орайда, ІТ саласын дамыту арқылы өңірдің экономикалық және әлеуметтік әлеуетін арттыруға бар күшімізді саламыз,-деді Қанат Қазбекұлы.</blockquote>&nbsp;«Inno.Fest» фестивалі - шығармашыл жастар мен ІТ мамандардың басын қосатын ерекше алаң.&nbsp;<blockquote>– Мұнда әр қатысушы өз идеясын жүзеге асырып қана қоймай, оны инвестициялық жоба деңгейіне жеткізуге мүмкіндік алады. Фестивальдің форматы – хакатон түрінде өтетіндіктен, қатысушылар нақты уақыт режимінде жұмыс істеп, қысқа мерзім ішінде инновациялық өнім әзірлейді. Бұл - заманауи технологияларды қолдану дағдыларын жетілдірудің ең тиімді тәсілдерінің бірі. Сонымен қатар, шара барысында елімізге танымал ІТ мамандары мен медиа, кино индустрия өкілдері арнайы келіп, тәжірибелерімен бөліседі, мастер-кластар мен пікірталас алаңдары ұйымдастырылады. Мұндай кездесулер жастардың кәсіби деңгейін арттырып қана қоймай, жаңа идеялардың тууына жол ашады. «Inno.Fest» – &nbsp;бұл Қызылорда жастарының инновациялық ойлауын дамытатын, олардың армандарын нақты жобаға айналдыруға мүмкіндік беретін платформа. Біз өңірлік ІТ қауымдастықтың дамуына барынша қолдау көрсетіп, жас таланттарға сенім артамыз. Барлық креативті, жаңашыл жастарды осы үлкен фестивальге белсенді қатысуға шақырамын,-деді Жанарыс Алтынбекұлы.</blockquote>

Қызылордада инновация мен технологияны қолдайтын «INNO.FEST» QYZYLORDA 2025 фестивалі өтеді

<a href="https://kyzylorda-news.kz/">Kyzylorda-news.kz</a> &nbsp; «Азаматтарға арналған үкімет» мемлекеттік корпорациясы Қызылорда облыстық филиалы халыққа қызмет көрсету орталығының құрылғанына биыл 20 жылдық аясында филиал ұжымы «ХҚКО балалар көзімен» атты ерекше сурет байқауын ұйымдастырды. Байқауға қызметкерлердің балалары қатысып, өз қиялындағы ХҚКО жұмысын түрлі түсті бояулармен бейнеледі.Жалпы байқауға 14 жас суретші қатысты. Олардың арасында 1414 Бірыңғай байланыс орталығының басшысы Шолпан Жеңсікбайдың қызы — Раийана Бахыт та бар. Раийана кішкентайынан анасын жұмыста жиі көріп, азаматтарға көрсетілетін мемлекеттік қызметтің маңызын жақсы біледі.<blockquote>«Мен анамның адамдарға көмектесіп, олардың сұрақтарына жауап беріп жүргенін көріп өстім. Сол себепті менің суретімде адамдар бір-біріне көмектесіп жатқан көріністі салдым. Кішкентайымда мен 1414 орталығы туралы видео түсірген едім, ол да осы байқаудағы идеямның бастамасы болды», — дейді жас суретші Раийана.</blockquote>Байқауға қатысқан барлық балаларға естелік сыйлықтар табысталды. Балалардың салған суреттерінен көрме жасақталды.<blockquote>«Біздің мақсатымыз - тек 20 жылдықты атап өту емес, сонымен бірге балаларға ата-аналарының еңбегін таныстыру, олардың бойында еңбекқорлық пен жауапкершілік сезімін қалыптастыру. Балалардың көзқарасымен ХҚКО қызметін көру өте қызықты әрі әсерлі болды», — деді Аида Абибуллаева.</blockquote>Мұндай шаралар жас ұрпаққа мемлекеттік қызметтің қоғам өміріндегі маңызын ұғындырып қана қоймай, олардың шығармашылық қабілеттерін де дамытуға бағытталған.

«ХҚКО балалар көзімен»: бала қиялындағы қызмет әлемі

<a href="https://kyzylorda-news.kz/">Kyzylorda-news.kz</a> &nbsp;М.Мәметова атындағы Қызылорда педагогикалық жоғары колледжі базасында Республика күніне орай «Қазақстан: жаңару мен жаңғыру жолы» тақырыбында диалог алаңы ұйымдастырылды.Іс-шараны Қызылорда облыстық қоғамдық даму басқармасының «Қоғамдық келісім» коммуналдық мемлекеттік мекемесі мен педагогикалық жоғары колледжі бірлесіп өткізді.Диалог алаңының мақсаты – жастардың азаматтық көзқарасын қалыптастыру, ел дамуына өз үлесін қосуға ынталандыру, сондай-ақ қоғамдағы жаңару мен жаңғыру үдерістерін талқылау болды.Іс-шараға №212 мектеп-гимназиясының мұғалімі, педагогика ғылымдарының магистрі, тренер Алия Аюдуллаева, Қорқыт Ата атындағы Қызылорда университетінің құқықтану кафедрасының аға оқытушысы, заң ғылымдарының магистрі, Ақпараттық түсіндіру тобының мүшесі Қуаныш Жарекеев және «Қоғамдық келісім» КММ аға сарапшысы, саясаттанушы Бауыржан Үсенбаев арнайы қатысып, өз ой-пікірлерін ортаға салды.Спикерлер жастардың белсенді азаматтық ұстанымы, мемлекет пен қоғамның дамуындағы жаңа бағыттар, ұлттық бірегейлікті сақтау, заң үстемдігін нығайту және қоғамдық сананы жаңғырту сияқты өзекті тақырыптар төңірегінде сөз қозғады.Кездесу соңында колледждің филология бөлімінің студенттері Республика күніне арнап өздері шығарған жүрекжарды өлеңдерін оқып, көрерменге мерекелік көңіл-күй сыйлады.Фото: Ассамблея Қызылорда

«Қазақстан: жаңару мен жаңғыру жолы» тақырыбында диалог алаңы өтті

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев азаматтық қорғау және орман шаруашылығы қызметкерлеріне мерекелік қабылдау өткізіп, кәсіби мерекемен құттықтады.<blockquote>– Биыл еліміздің қауіпсіздігі мен халқымыздың амандығы үшін тынымсыз еңбек етіп жүрген азаматтардың кәсіби мерекесі мен маңызды белесі – Қазақстан Республикасының Төтенше жағдайлар министрлігі мен ұлттық құтқару жүйесінің 30 жылдық мерейтойы. Осыдан тура 30 жыл бұрын елімізде төтенше жағдайлардың алдын алу және олардан халықты қорғау саласын жүйелі түрде басқару мақсатында Төтенше жағдайлар жөніндегі мемлекеттік орган құрылды. Бұл – Тәуелсіз Қазақстанның дамуы жолындағы аса маңызды әрі тарихи шешім болды. Осы үш онжылдық ішінде ұлттық құтқару жүйесі ел тарихындағы түрлі табиғи, техногендік және әлеуметтік сипаттағы оқиғаларда алдыңғы шептен табылып, өздерінің кәсібилігі мен ерлігін сан рет дәлелдеді. Сол оқиғалардың әрбірінде адам өмірін құтқару – сала қызметкерлерінің басты парызы болды. Біздің ауданымызда азаматтық қорғаныс саласында нағыз кәсіби мамандар жұмыс істейді. Бүгінгі күні қатарымызда осы саланың іргесін қалаған, ауыр кезеңдерде қызмет етіп, жас мамандарға өнеге болған азаматтар отыр. Сіздердің тәжірибелеріңіз бен еңбектеріңіз – өскелең ұрпаққа үлгі.Мемлекет басшысы Қасым-Жомарт Тоқаев өзінің Жолдауында еліміздегі экология мәселесі басты назарда болу қажеттігін атап өтті. Президенттің тапсырмасына орай экологиялық ахуалды жақсартуға бағытталған жұмыстарды жоғары деңгейде атқару үшін сала қызметкерлеріне қолдау көрсетілуде. Мемлекетіміз орман шаруашылығын дамытуға, материалдық-техникалық базаны нығайтуға, мамандардың біліктілігін арттыруға үлкен көңіл бөліп келеді. Бұл қолдау – Сіздердің еңбектеріңіздің маңызын тағы бір дәлелдейді. Адамзат баласының табиғатсыз күні жоқ. Қоршаған ортаны қорғауда Өздеріңіз секілді табиғат сақшылары қажырлы еңбек етуде. Сала ардагерлері мол тәжірибесімен жас мамандарға үлгі болса, сала қызметкердері орман-тоғайдың қорғалуына, табиғи апаттардың болмауына, жан-жануарлардың сақталуына жұмыс атқарып келеді. Сол еңбектеріңізді жоғары бағалаймыз, – деді Берік Әбдіғаппарұлы.</blockquote>Аудан әкімі қос сала ардагерлеріне Құттықтау табыс етіп, сый- құрмет көрсетті.<img src="https://knadmin.beoblood.kz/uploads/1_Azamatty_or_au_zh_ne_orman_sharuashyly_y_yzmetkerlerine_merekelik_abyldau_tkizildi_8616376b34.jpg" alt="1Азаматтық қорғау және орман шаруашылығы қызметкерлеріне мерекелік қабылдау өткізілді.jpg">Мерекелік қабылдауда аудандық мәслихат төрағасы Ержан Әжікенов, аудандық ардагерлер кеңесінің төрағасы Мұса Келдібаев және сала ардагерлері жүрекжарды лебіздерін жеткізді.<img src="https://knadmin.beoblood.kz/uploads/2_Azamatty_or_au_zh_ne_orman_sharuashyly_y_yzmetkerlerine_merekelik_abyldau_tkizildi_1762dcc3da.jpg" alt="2Азаматтық қорғау және орман шаруашылығы қызметкерлеріне мерекелік қабылдау өткізілді.jpg">Фото: Сырдария ауданы әкімінің баспасөз қызметі

Азаматтық қорғау және орман шаруашылығы қызметкерлеріне мерекелік қабылдау өткізілді

<a href="https://kyzylorda-news.kz/">Kyzylorda-news.kz</a> Облыс әкімінің тапсырмасына сәйкес Қызылорда облысындағы қалалар мен елді мекендердің аумақтарын абаттандыру, жер және құрылыс саласындағы кейбір мәселелерді реттеу үшін арнайы жұмысшы топ құрылды.Аталған тапсырмаға сәйкес, облыс аумағында жалпы 555 құрылысы жүріп жатқан (Қызылорда Қызылорда қаласы – 158, Арал ауданы – 72, Қазалы ауданы – 65, Қармақшы ауданы – 35, Жалағаш ауданы – 29, Сырдария ауданы – 36, Шиелі ауданы – 72, Жаңақорған ауданы - 88) кәсіпкерлік нысандар бойынша зерделеу жұмыстар жүргізілуде.Бүгінгі күнімен 247 нысан заңдастырылды (Қызылорда қаласы – 100, Арал – 37, Қазалы–7, Қармақшы -5, Жалағаш – 13, Сырдария – 5, Шиелі – 4, Жаңақорған – 76), &nbsp;ал 113 нысан заңсыз салынғаны анықталып, олардың меншік иелеріне жалпы 294 хаттама толтырылып (Қызылорда қаласы – 39/96, Арал ауданы – 24/53, Қазалы ауданы – 10/30, Қармақшы ауданы – 1/3, Жалағаш ауданы – 12/34, Сырдария ауданы – 11/33, Шиелі ауданы – 6/18, Жаңақорған ауданы – 10/28), 118 330 560 теңге айыппұл салынды.Жүргізіліп жатқан шаралар облыс аумағындағы құрылыс саласын тәртіпке келтіруге, заңсыз нысандарды болдырмауға және өңірдің сәулеттік келбетін жақсартуға бағытталған. Алдағы уақытта да бұл бағыттағы жұмыстар жүйелі түрде жалғасын табатын болады.Әліп Мәди Раманқұлұлы,Қызылорда облысының мемлекеттік сәулет-құрылыс&nbsp;бақылауы басқармасы басшысының орынбасары&nbsp;

Заңсыз құрылысқа жол жоқ! 

<a href="https://kyzylorda-news.kz/">Kyzylorda-news.kz</a> Республика күні мерекесі қарсаңында Сырдария ауданында «AMANAT» партиясының қатары жаңа мүшелермен толығып, бірқатар азаматқа партиялық билеттер табысталды.Қабылдау барысында «AMANAT» партиясының партиялық билеттері мәдениет, білім саласында еңбек етіп жүрген белсенді азаматтарға табысталды. Олар аудан дамуына, партиялық жобаларды жүзеге ынталы екендіктерін айтты.Саяси мәні зор іс-шараға партияның аудандық филиалының төрағасы Ержан Әжікенов, партия филиалының атқарушы хатшысы Ақтөре Ибрагимұлы, аудандық мәслихаттағы депутаттық фракция мүшелері Алмас Есназар және Марат Бакуов қатысты.Партия филиалының төрағасы Ержан Әжікенов жиынға қатысушыларды Республика күнімен құттықтап, алдағы уақытта партия бастамаларына қолдау білдіріп, мемлекетіміздің дамуына үлес қосатындықтарына сенім білдірді.

Архив