<a href="https://kyzylorda-news.kz/">Kyzylorda-news.kz</a> 13 қаңтарда Алматы – Қызылорда бағытында ұшып шыққан КС985 рейсін орындаған Airbus A320 әуе кемесі әуеге көтерілгеннен кейін кері қайтуға мәжбүр болды. Бұл туралы Air Astana баспасөз қызметі хабарлады.Компанияның мәліметінше, ұшу барысында әуе кемесінде ықтимал техникалық ақау барын білдіретін индикатор іске қосылған. Қызылорда әуежайында қажетті техникалық мамандар болмағандықтан, экипаж қауіпсіздік талаптарына сәйкес ұшып шыққан әуежайға – Алматыға оралу туралы шешім қабылдаған.<blockquote>– Авиатасымалдаушының инженерлік-техникалық қызметі өндірушінің нұсқаулығына сәйкес қажетті тексерулерді орындады. Ақаулар анықталмағандықтан әуе кемесі қайта пайдалануға берілді, - делінген хабарламада.</blockquote>Алайда Алматыдағы ауа райының қолайсыздығына және Airbus NEO ұшақтарына қатысты пайдалану шектеулеріне байланысты рейсті FlyArystan әуе кемесімен орындаған. Осыған байланысты рейс тағы да кідірді.Ұшақ Алматыдан 02:34-те қайта ұшып шықты. Жалпы кешігу уақыты – 12 сағат 24 минут.<blockquote>– Тасымалдаушы рейстің кешігуі кезінде жолаушыларға ыстық тамақ пен сусындар ұсынды. Сұраныс бойынша 36 жолаушы қонақ үйге орналастырылды, - деп хабарлады компания.</blockquote>Фото: Нұрболат Нұржаубай

Алматыдан Қызылордаға бет алған Air Astana ұшағы кері қайтуға мәжбүр болды

<a href="https://kyzylorda-news.kz/">Kyzylorda-news.kz</a> Синоптиктер ауа райы бұзылатынын хабарлап, ескерту жасады. Алдағы уақытта өңірде ауа температурасы күрт төмендейді, деп хабарлайды "Қазгидромет" РМК-ға сілтеме жасаған <a href="https://kaz.nur.kz/society/2331048-20-gradusqa-deiin-aiaz-qazaqstannyng-11-ongirinde-aua-raiyna-bailanysty-eskertu-zhasaldy/">KAZ.NUR.KZ.</a>Қызылорда облысының солтүстігінде, орталығында тұман, көктайғақ күтіледі. Жел шығыстан, солтүстік-шығыстан соғады, түнде облыстың солтүстігінде, шығысында күші 15-20 м/с, күндіз 15-20, облыстың солтүстігінде 23 м/с күтіледі. Қызылордада кей уақытта тұман күтіледі. Жел шығыстан соғады, күші 15-20 м/с күтіледі.Фото: Нұрболат Нұржаубай

20 градусқа дейін аяз: Ауа райына байланысты ескерту жасалды

<a href="https://kyzylorda-news.kz/">Kyzylorda-news.kz</a> Мәжіліс депутаты Мұрат Әбенов Оқу-ағарту министрлігінің жанындағы Қоғамдық кеңес төрағасы болып сайланды, деп хабарлайды Педагог-KZ порталына сілтеме жасаған <a href="https://kaz.nur.kz/politics/appointments/2331294-mazhilis-deputaty-murat-abenov-tagy-bir-qyzmetke-sailandy/">KAZ.NUR.KZ.</a>Порталдың жазуынша, Оқу-ағарту министрлігінің оқу-ағарту және балалардың құқықтарын қорғау мәселелері жөніндегі Қоғамдық кеңесінің жаңа құрамының алғашқы отырысы өткен.Қоғамдық кеңес мүшелері дауыс беру арқылы мәжіліс депутаты Мұрат Әбеновті төраға етіп сайлаған.Жиынға қатысқан оқу-ағарту министрі Жұлдыз Сүлейменова Қоғамдық кеңеске 600 мыңға жуық педагогтың, 22 мың білім беру ұйымының және 4 миллионнан астам білім алушының мүддесін қолдау мен қорғау жүктелгенін атап өткен. &nbsp;Мәжіліс депутаты <a href="https://www.facebook.com/share/p/182s89J3n7/">Facebook</a>-тегі парақшасында Қоғамдық кеңес төрағасы етіп бірауыздан сайлаған кеңес мүшелеріне алғыс айтып, артқан сенімді ақтауға тырысатынын жеткізді.Мұрат Әбеновтің айтуынша, педагог отбасынан шыққан өзіне бұл сала жақын.<blockquote>"Әкем 42 жыл мұғалім болған, Қызылордада Жамбыл атындағы мектеп директоры болды. Өз мамандығым педагог – математик информатик. Қызметімді Қызылорда қаласында информатика пәні мұғалімнен бастап, қалалық білім беру бөлімінің (ГорОНО ) инспекторы, мектеп-лицей директорының оқу-тәрбие бойынша орынбасары дейін сатылап атқардым. Кейін білім саласындағы қызметімді Астанада ҚР БҒМ вице министр болып жалғастырдым. Алтынсарин атындағы академияда, "Өрлеу" АҚ жұмыс тәжірибием бар. Жастарды оңтүстіктен солтүстікке оқу гранттары арқылы "жұмсақ" миграциялау "Серпін" жобасы менің бастамам. Биыл 12 жыл болады, 50 мың бала грантпен оқуға түсті", - деп жазды мәжіліс депутаты.</blockquote>Фото: facebook.com/murataben

Мәжіліс депутаты Мұрат Әбенов жаңа қызметке сайланды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев, Қазыбек Иса, зиялы қауым өкілдері мен ел ағалары Жаңақорған кентінде әлеуметтік жағынан осал топтарға арнап салынған 80 пәтерлік 40 тұрғын үйдің кілтін табыстау рәсіміне қатысты.​Аймақ басшысы тұрғындарды қоныстойымен құттықтап, осы жыл да өңір үшін жаңа бастамалар мен жарқын жоспарлар жүзеге асатын, береке мен бірлікті бекемдейтін кезең болатынын атап өтті.<blockquote>«Президентіміздің, Үкіметтің қолдауымен барлық салада серпінді жобалар қолға алынды. Аймағымызда қалыптасқан қолайлы инвестициялық климат ірі инвестициялық жобаларға жол ашты. Жаңақорған ауданында 2023-2024 жылдары 174 пәтерлік 87 тұрғын үй жерлестерімізге берілді, 200 орындық «Оқушылар үйі» мен 50 орындық «Өнер мектебі» шәкірттерін қабылдады. «Келешек мектептері» ұлттық жобасы аясында өңірде бой көтерген 10 мектептің екеуі Жаңақорған ауданына тиесілі. «Ауылда денсаулық сақтауды жаңғырту» ұлттық жобасы аясында Жаманбай батыр, Қыркеңсе ауылдық округтерінде дәрігерлік амбулатория, Төменарық ауылында амбулаториясы бар 15 орындық аурухана, аудандық көпбейінді аурухана жанынан қосымша ғимарат салынды. Қараша айында автоматты газ тарату станциясын салтанатты түрде іске қосқан болатынбыз. Қазір станцияның қуаттылығы 2 есеге дейін ұлғайтылды. Өткен жылы 40 көше, оның ішінде аудан орталығының негізгі Хорасан ата көшесі күрделі жөндеуден өтті. Жақында ғана Екпінді ауылында 100 орындық клуб ашылды. Бүгін, міне жаңақорғандықтарды баспаналы болу қуанышымен құттықтау үшін жиналдық, аудан орталығынан 1 млрд. 500 млн. теңгеге салынған 80 пәтерлік 40 тұрғын үйді иелеріне табыстаймыз! Мемлекет қолдауымен жақсылыққа кенелген баршаңызға қоныс құтты болсын!», – деді Н.Нәлібаев.</blockquote>Рәсімде Жаңақорған ауданының әлеуметтік-экономикалық дамуына үлес қосқан азаматтар мен тұрғын үйді сапалы етіп салған мердігер мекеме қызметкерлері облыс әкімінің Алғыс хатымен марапатталды. Руслан Рүстемов пен Мұрат Әбенов құттықтау сөз сөйлеп, жылы лебіздерін жеткізді.&nbsp;Еске салайық, 2022-2024 жылдары тұрғын үй кезегінде тұрған азаматтар 5 мыңнан астам жаңа пәтерге қоныстанды. Кейінгі үш жылда, атап айтқанда 2023 жылы 430, 2024 жылы 1015, 2025 жылы 332, жалпы саны 1777 пәтер алғаш рет барлық аудандағы жерлестерімізге табыс етілді.<img src="https://knadmin.beoblood.kz/uploads/Zha_a_or_an_zha_a_baspana_2_71053fca63.jpg" alt="Жаңақорған жаңа баспана 2.jpg">

Жаңақорған ауданында 80 отбасы жаңа баспанаға ие болды

<a href="https://kyzylorda-news.kz/">Kyzylorda-news.kz</a> «AMANAT» партиясының «Халықпен бірге!» деп аталатын сайлауалды бағдарламасында тұрғындар үшін медициналық ұйымдардың қажетті дәрі-дәрмекпен, медициналық жабдықтармен қамтамасыз етілуіне ерекше мән берілген. Бүгін «AMANAT» партияcы облыстық филиалының төрағасы Жандос Базартай, партияның облыстық филиалы жанындағы партиялық бақылау комиссиясының төрағасы Нұркен Бақытбекұлы, комиссия мүшелері облыстық кеңес беру-диагностикалық орталығы базасында ашылған Орталық қалалық емханада болып, осы бағыттағы жұмыстардың орындалуына мониторинг жүргізді.Орталық емхана қалалық емханалардың жүктемесін азайту мақсатында құрылып, 2022 жылдан жұмыс жасап келеді. &nbsp;Бүгінгі күні №1, №3 және №6 емханалардан 31 мыңға жуық халық орталыққа бекітілген. Емхана екі ғимаратта орналасқан. Қызылорда қаласы З.Шүкіров көшесіндегі ғимаратта бастапқы медициналық-санитариялық көмек көрсетілсе, Абай даңғылындағы ғимаратта ересектер мен балаларға мамандандырылған және диагностикалық қызметтер ұсынылады.Жалпы орталықта медициналық қызметтің 50-ден астам түрі, 22 ересектер және 10 балалар бейіні бойынша қабылдау жүргізіледі. Диагностикалық мүмкіндіктері де кең. Атап айтсақ, эндоскопиялық, ультрадыбыстық, функционалдық, рентгенологиялық, КТ-зерттеулер, сондай-ақ ПТР, ИФА, ИХЛ әдістерімен жүргізілетін заманауи зертханалық талдаулар қолжетімді. Кейбір зерттеу түрлері облыс көлемінде тек осы орталықта ғана жасалады. Халыққа сапалы және мамандандырылған көмек көрсету мақсатында орталықта сурдологиялық, гепатологиялық, нефрологиялық бейінді бөлімшелер ашылып, заманауи құрал-жабдықтармен толық қамтылған. Сонымен қатар, стоматология бөлімі МӘМС шеңберінде ересектер мен балаларға қызмет көрсетуде.&nbsp;Бас дәрігер Айна Мұхамбетованың айтуынша әскерге шақырылушылар да осында медициналық тексеруден өтеді екен.&nbsp;<blockquote>«Орталықтың құрамында жыл сайынғы мерзімді әскерге шақырылуға жататын азаматтарды медициналық тексеру жүргізетін арнайы комиссия бар. Қалалық, аудандық, облыстық әскерге шақыру комиссияларының жолдамаларымен қорытынды тексерулер біздің &nbsp;орталықта жүргізіледі. Жылына шамамен 5000-ға дейін азаматтар медициналық тексеруден өтеді»,- деді ол.&nbsp;</blockquote>Жалпы медициналық қызмет көрсету сапасы мен тиімділігінің деңгейі, ең алдымен, мамандардың біліктілігімен айқындалады. Бұл орайда Орталық емхана мамандары жыл сайын еліміздің ғана емес, сонымен қатар жақын және алыс шетелдердің оқу орындарында біліктілікті арттыру курстарынан өтіп, білім алды екен.Партияның облыстық филиалының төрағасы Жандос Базартай халыққа &nbsp;сапалы әрі қолжетімді медициналық қызмет көрсету «AMANAT» партиясының маңызды міндеттердің бір екенін атап өтті.&nbsp;<blockquote>«Партияның сайлауалды бағдарламасында халқтың өмір сапасын арттыру, әсіресе, алғашқы медициналық көмектің қолжетімділігін қамтамасыз ету басым бағыттардың бірі ретінде айқындалған. Бұл бағытта елімізде медицина саласына үлкен қолдау көрсетіулде. &nbsp;Өңірімізде аймақ басшысының қолдауымен көптеген жұмыстар істеліп жатыр. Облыста жаңа медициналық нысандар бой көтеріп, заманауи техникалар алынуда. Мұндай игілікті істер алдағы уақытта да жалғасатын болады. Ортақ міндетіміз халыққа адал, сапалы қызмет көрсету» деді Жандос Базартай.</blockquote>Мониторинг барысында партиялық бақылау тобы медициналық қызметтің қолжетімділігіне назар аударып, ұжым қызметкерлерінің ұсыныс - пікірлерін де тыңдады. Айтылған ұсыныстар назарға алынып, тиісті органдарға жолданатын болады.&nbsp;

«AMANAT»: Орталық емханаға партиялық бақылау жүргізді

<a href="https://kyzylorda-news.kz/">Kyzylorda-news.kz</a> Дунфан қаласында «Бір белдеу-бір жол» бастамасы аясындағы халықаралық ауыл шаруашылығы конференциясы өтті.&nbsp;Аталған конференция Қытай мен Қазақстан арасындағы агроөнеркәсіптік ынтымақтастықты кеңейтуге, озық тәжірибе алмасуға, инвестициялық мүмкіндіктерді таныстыруға және бірлескен жобаларды іске асыруға бағытталды. Іс-шара барысында ауыл шаруашылығын жаңғырту, аграрлық технологиялар, өнім өңдеу бағыттары бойынша өзекті мәселелер талқыланды.Сонымен қатар, конференция аясында Хайнань халықаралық экономикалық даму бюросы, Хайнань-Хэйлунцзян сауда-өнеркәсіп палатасы, Дунфан жүгері өнеркәсібі қауымдастығы, Баян уезінің ауыл шаруашылығын дамыту компаниясы арасында ынтымақтастық жөніндегі үшжақты меморандумға қол қойылды.Аталған келісімдер Қытай-Қазақстан агроөнеркәсіптік серіктестігін тереңдетуге, «Бір белдеу – бір жол» бастамасы аясында өзара тиімді жобаларды ілгерілетуге оң серпін беретін болады.

Қазақстан-Қытай ауыл шаруашылығы ынтымақтастығы жаңа деңгейге көтерілді

<a href="https://kyzylorda-news.kz/">Kyzylorda-news.kz</a> Алдағы жылдары қазақстандықтардың зейнетақысы бірнеше көзден құралатын болады. Ынтымақты компоненті жоқ азаматтар үшін зейнетақы төлемдері мемлекет, қызметкер және жұмыс беруші аударымдары есебінен қалыптасады, деп хабарлайды <a href="https://baq.kz/bolashaqta-qazaqstanda-zeynetaqy-qalay-tolenedi-200029296/">BAQ.KZ </a>тілшісі.БЖЗҚ ынтымақты компонент болмаған жағдайда зейнетақы неден құралатынын түсіндірді.Болашақта азаматтардың зейнетақысы келесі бөлшектерден қалыптасады:<ul><li style="text-align:justify;">Мемлекет төлейтін базалық зейнетақы;</li><li style="text-align:justify;">Қызметкердің міндетті зейнетақы жарналары (МЗЖ) есебінен қалыптасқан жинақтаушы зейнетақы;</li><li style="text-align:justify;">Жұмыс берушінің міндетті зейнетақы жарналары есебінен (ЖМЗЖ) қалыптасқан шартты-жинақтаушы зейнетақы.</li></ul>Жұмыс берушінің міндетті зейнетақы жарналары 1975 жылы және одан кейін туған қызметкерлер үшін енгізілді. Себебі олардың 1998 жылға дейінгі еңбек өтілі жоқ немесе өте аз, соған байланысты ынтымақты зейнетақы алу мүмкіндігі шектеулі.Бұл зейнетке шыққанда жеткілікті зейнетақы мөлшерін алуға мүмкіндік береді.Фото: Александр Павский

Болашақта Қазақстанда зейнетақы қалай төленеді?

<a href="https://kyzylorda-news.kz/">Kyzylorda-news.kz</a> 2025 жылдың қорытындысы бойынша елімізде 236 мыңға жуық оқушы орнына арналған 162 мектептің құрылысы аяқталды, оның ішінде 112 мектеп «Келешек мектептері» ұлттық жобасы аясында іске қосылды, деп хабарлайды <a href="https://baq.kz/keleshek-mektepteri-zhobasy-162-zhana-mektep-paydalanuga-berildi-200029300/">BAQ.KZ.</a>Бұл білім беру ұйымдары 27 үшауысымды және 11 апатты мектеп мәселесін шешуге, сондай-ақ 160 мың оқушы орнының жетіспеушілігін жоюға мүмкіндік берді. Бұл мақсатта бюджет қаражаты есебінен және инвестициялар тарта отырып жүйелі жұмыстар жүргізілуде.Ел тарихындағы ең маңызды жобалардың бірі – Мемлекет басшысының бастамасымен жүзеге асырылған «Келешек мектептері» ұлттық жобасы. Оның аясында 206 мың оқушы орнына арналған 112 жаңа форматтағы мектеп қодданысқа берілді, оның 40%-дан астамы ауылдық жерлерде орналасқан. Еске сала кетейік, 2024 жылдың қорытындысы бойынша 254 мың оқушыға арналған 105 мектеп пайдалануға берілді.Қазіргі таңда білім беру инфрақұрылымын қолдау қоры есебінен 89 мың оқушыға арналған 81 мектеп салынды. Оның ішінде 2025 жылдың қорытындысы бойынша 13 мың оқушы орнына арналған 18 жаңа мектеп іске қосылды. Бұл шаралар еліміздің білім беру жүйесін ұзақмерзімді дамытуға және жаңғыртуға бағытталған.Сондай-ақ Мемлекет басшысының тапсырмасымен қайтарылған активтер есебінен Ұлытау облысының Қаражал қаласы мен Маңдырай станциясында екі мектеп, Солтүстік Қазақстан облысында бір балабақша салынды. Еске салайық, Арнайы мемлекеттік қор қаражаты есебінен 8 білім беру нысаны қаржыландырылды, оның ішінде 5 мектеп, 2 балабақша және 1 жатақхана бар.Қосымша республикалық және жергілікті бюджет қаражаты мен жеке инвестициялар тарту есебінен 16 мың оқушы орнына арналған 30 мектептің құрылысы жүргізілді.Сонымен қатар, қолданыстағы инфрақұрылымды жақсарту бойынша да ауқымды жұмыстар жүргізілді:<ul><li style="text-align:justify;">реновация бағдарламасы аясында 209 мектеп жаңартылды;</li><li style="text-align:justify;">заманауи стандарттарға сәйкес 1 мың ауыл мектебі жаңғыртылды;</li><li style="text-align:justify;">ауыл мектептері үшін 1196 заманауи пән кабинеті сатып алынды.</li></ul>Айта кетейік, жаңа нысандарды пайдалануға берудің нәтижесінде Астана, Алматы, Шымкент қалаларында, сондай-ақ Қарағанды және Қызылорда облыстарында үшауысымды оқыту мәселесі толығымен жойылды.Фото: Қызылорда облысының әкімдігі

«Келешек мектептері» жобасы: 162 жаңа мектеп пайдалануға берілді

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмахановтың төрағалығымен өткен мәжілісте сумен жабдықтау және су бұру жүйелерін дамыту, суды үнемдейтін және цифрлық технологияларды енгізу мәселесі қаралып, тиісті сала басшыларына бірқатар тапсырмалар берілді.<blockquote>– Президентіміз Қасым-Жомарт Кемелұлы халыққа арнаған Жолдауында 2025 жылдың соңына дейін халықты 100 пайыз таза ауыз сумен қамтуды тапсырды. Осы орайда, өткен жылы ауданымызда жалпы құны 1,5 млрд. теңге болатын 4 жоба жүзеге асырылып, Шәкен, Сарбұлақ, Шилі және Шитүбек елді мекендері орталықтандырылған ауыз су желісіне қосылды. Нәтижесімен аудан тұрғындары 100 пайыз таза ауыз суға қол жеткізді. Ендігі мақсат – тұрғындарға ауыз суды сапалы әрі тұрақты беру. Тұрғындарды сапалы ауыз сумен қамтуда ешқандай мәселе болмауы тиіс, - деді аудан басшысы.</blockquote>Мәжілісте аудан әкімі аудан көлеміндегі барлық су нысандарына мониторинг жүргізуді, су құдықтарының ашық жатуы жағдайларын болдырмау, тұрғындарға берілетін ауыз судың сапасына аса мән беру, Әйтеке би кентіндегі кәріз желілері мен сүзгі алаңына ағымдағы жөндеу жұмыстарын жүргізуге тиісті шара қабылдау жөнінде жауапты сала басшыларына нақты тапсырмалар жүктеді.Жиында Президент Жолдауында көрсетілген агроөнеркәсіп кешенінде су үнемдеу технологияларын енгізу мәселесіде қаралды. Аудан әкімі Мемлекет басшысының тапсырмасына сәйкес егін шаруашылықтарында су үнемдеу технологияларын енгізу аса маңызды екенін атап өтті.&nbsp;Осы орайда, су тапшылығы жағдайында өнімділікті төмендетпеудің бір жолы – егіс алқаптарын әртараптандыру екенін айтты. Алдағы вегетациялық кезеңге дайындықты қазірден бастап, көктемгі дала жұмыстарына қажетті тұқым, тыңайтқыш және техниканы толықтай әзірлеу қажеттігін ескертті.&nbsp;Су көздерін тиімді пайдалану, көктемгі су алу науқаны басталғанға дейін су шаруашылығы нысандарын жөндеу жұмыстарын толық аяқтау, арналарды тазалау, су шаруашылығы нысандары мен насос қондырғыларының дайындығын толық қамтамасыз ету мәселелері де күн тәртібінен түспеуі тиіс екенін атап өтті. Ал, ауыл шаруашылығы құрылымдарының өткен жылдың егістігіне пайдаланылған суына қарызын өтеу бойыншада жұмыстарды үйлестіру керектігін айтты.&nbsp;Аталған мәселелер бойынша аудандық ауыл шаруашылығы мен жер қатынастары бөлімі, ауылдық округтермен және тиісті мекемелермен бірлесе отырып, белгіленген жұмыстарды тиянақты жүргізуді тапсырды.

Қазалы: Тиісті сала басшыларына тапсырма берді

<a href="https://kyzylorda-news.kz/">Kyzylorda-news.kz</a> Мәжіліс депутаты Мұрат Әбенов Нартай Бекежанов атындағы Қазақ музыкалық академиялық драма театрының ұжымымен кездесті.Кездесу барысында халық қалаулысы өнер ұжымын театрдың 100 жылдық мерейтойымен құттықтап, сала өкілдерімен пікірлесті. Театр қызметкерлерінің ұсыныс-пікірлерін тыңдап, мәдениет саласын дамытуға қатысты бірқатар мәселелерді талқылады.Айта кетейік, Мұхтар Әуезов атындағы Қазақ Ұлттық драма театрының шымылдығы 1926 жылы 13 қаңтарда ресми түрде Мұхтар Әуезовтің «Еңлік-Кебек» трагедиясымен ашылған болатын. 1929 ж. театр труппасы жаңа астана Алматыға қоныс аударды. 1934 ж. театрдан музыкалық студия бөлініп шығып, кейін Қазақ академиялық опера-балет театры және «Қазақконцерт» ұжымдарына айналды.Ал, Нартай Бекежанов атындағы Қызылорда облыстық қазақ академиялық музыкалық драма театрының тарихына келсек, театр 1955 жылы Талдықорған қаласында Еңбекшіқазақ, Ақсу, Қаратал колхоз-совхоз театрларының негізінде шаңырақ көтерді. Театрдың 1955-1959 жылдардағы репертуарында қазақ драматургиясынан М.Әуезов пен Л.Соболевтің «Абай», М.Әуезовтің «Қаракөз», «Қарақыпшақ Қобланды», Ғ.Мүсіреповтің «Қозы Көрпеш – Баян сұлу», т.б. пьесалары қойылды. Аталған шығармаларды театрдың бас режиссері Қазақ ССР-ның еңбек сіңірген артисі Ж.Әбілтаев сахналады.Еліміз тәуелсіздікке қол жеткізгеннен кейін театрдың жаңа тынысы ашылып, 1997 жылы Н.Бекежанов атындағы музыкалық драма театры болып, бүгінгі атауын алды. Бүгінгі күні Н.Бекежанов атындағы Қазақ музыкалық академиялық драма театры өзінің көркемдік шоқтығы биік спектакльдерімен бірнеше фестивальдердің жүлдегері.<img src="https://knadmin.beoblood.kz/uploads/Bekezhanov_teatry_2_ca648729d4.jpg" alt="Бекежанов театры 2.jpg">

 Өнер ұжымын театрдың 100 жылдық мерейтойымен құттықтады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Шиелі ауданы Еңбекші ауылдық округінде қуаттылығы 40 МВт күн электр станциясын іске қосу рәсімі өтті. Оған ҚР Парламенті Сенатының депутаттары Наурызбай Байқадамов, Руслан Рүстемов, ҚР Парламенті Мәжілісінің депутаттары Мұрат Әбенов, Мархабат Жайымбетов, Мұрат Ергешбаев және Қазыбек Иса, «ҚазАтомӨнеркәсіп» акционерлік қоғамының өндіріс жөніндегі бас директоры Қуаныш Омарбеков, «Хуадиянь Қазақстан Энерджи» компаниясы бас директорының орынбасары Лю Тченг, зиялы қауым өкілдері мен ел ағалары қатысты.Аймақ басшысы жұртшылықты жаңа станцияның ашылуымен құттықтап, өңірде атқарылған ауқымды жұмыстарды атап өтті.<blockquote>«Президентіміз «Түркістан» газетінде жарияланған сұхбатында «Қазақстан жаңғыру жолында қарышты қадам басып, барынша өркениетті ел бола бастады. Қоғамда өскелең ұрпақтың жарқын болашағы үшін түбегейлі өзгеріс жасау аса маңызды екені туралы нақты түсінік қалыптасты», – деген болатын. Биыл ел тағдырына тікелей әсер ететін, Әділетті әрі Қуатты Қазақстанды дамытудың ұзақ жылдарға арналған бағыт-бағдарын айқындайтын жыл болатынын жеткізді. Бүгінде облысымыздағы қарқынды жұмыстардың қуанышты сәтіне Өздеріңізбен бірге жетудеміз. Қытайлық «Хуандиан» компаниясымен бірлесіп жүзеге асырылған «Тесис» жауапкершілігі шектеулі серіктестігінің 40МВт-тық күн электр станциясы іске қосылады. &nbsp;Қазіргі таңда аудан тұрғындары сағатына 15,5 МВт электр энергиясын тұтынады. Жаңа станция Шиелі ауданымен қатар облыстың басқа да қажеттіліктерін өтеп, электр энергиясымен тұрақты қамтамасыз етеді. Жаңадан ірі өндіріс орындарын ашуға мүмкіндік береді. Жобаға 11 млрд. 500 млн. теңге бөлініп, мемлекеттік қолдау ретінде 80 гектар жер телімі берілген. &nbsp;Одан бөлек, 6 млрд. теңгеге қуаттылығы 20 МВт-тық күн электр станциялары салынуда. Бұл жобалар халықтың тұрмыс сапасын жақсартуға жаңа серпін береді. &nbsp;Елдің дамуы ауылдан, ауылдың гүлденуінен басталады. Ауылдың дамуы, келешегінің жарқын болуы Сіздерге, еңбекқорлықтарыңыз бен ауызбірліктеріңізге байланысты. Баршаңыздың дендеріңізге саулық, отбасыларыңызға бақ-береке, ел игілігі жолындағы қызметтеріңізге сәттілік тілеймін!», – деді аймақ басшысы.</blockquote>Жиында ауданың әлеуметтік-экономикалық дамуына &nbsp;үлес қосқан азаматтар мен күн электр станциясын іске қосқан сала қызметкерлері облыс әкімінің Алғыс хатымен марапатталды.Мәжіліс депутаттары Мархабат Жайымбетов пен Қызыбек Иса сөз сөйлеп, жылы лебіздерін жеткізді.<img src="https://knadmin.beoblood.kz/uploads/K_n_elektr_stancziyasy_yzylorda_e8deff06e9.jpg" alt="Күн электр станциясы Қызылорда.jpg">

Шиеліде жаңа күн электр станциясы іске қосылды

<a href="https://kyzylorda-news.kz/">Kyzylorda-news.kz</a> Шиелі кентінің «Шұғыла» мөлтек ауданында әлеуметтік осал топтағы отбасыларға арнап салынған 30 пәтерлік 15 тұрғын үйді иелеріне табыстау рәсімі өтті. Оған облыс әкімі Нұрлыбек Нәлібаев, Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев, Қазыбек Иса, зиялы қауым өкілдері мен ел ағалары қатысты.Аймақ басшысы тұрғындарды қоныстоймен құттықтап, құрылыс саласындағы, әсіресе тұрғын үй құрылысын дамытудағы ауқымды жұмыстарды атап өтті.<blockquote>«Мемлекет басшымыздың, Үкіметтің қолдауымен аймағымыз қарқынды құрылыс алаңына айналды. 2022 жылдан бері 200-ге жуық әлеуметтік нысан салынып, іске қосылды. Президентіміз тұрғындардың жайлы тұрмысын қамтамасыз етуге бағытталған тапсырмалар жүктегені белгілі. Оның ішінде халықты баспанамен қамту бағдарламалары тұрғын үйге қолжетімділік мәселесін шешіп қана қоймай, құрылыс индустриясын да дамытып, аймағымыздың ажарын айшықтады, сәулетіне сән қосты. &nbsp;Өткен жылдың желтоқсан айында 22 пәтерлік 11 тұрғын үйдің кілтін иелеріне табыстаған болатынбыз. Бүгін жерлестеріміздің баспаналы болу қуанышына тағы да жиналып, Шиелі кентінде 450 млн. теңгеге салынған 30 пәтерлік 15 тұрғын үй халық игілігіне берілуде. &nbsp;Бұл – мемлекетіміздің қолдауын сезінген отбасылар үшін ерекше қуаныш! Жаңа қоныс құтты болсын!», – деді Н.Нәлібаев.</blockquote>Рәсімде ауданның әлеуметтік-экономикалық дамуына үлес қосқан ардагерлер мен тұрғын үйлерді салған мердігер мекеме қызметкерлері облыс әкімінің Алғыс хатымен марапатталды. Қазыбек Иса мен Мұрат Ергешбаев ізгі тілектерін білдірді.&nbsp;Айта кетейік, 2022-2024 жылдары тұрғын үй кезегінде тұрған азаматтарға 5 мыңнан астам пәтер табысталды. Кейінгі үш жылда алғаш рет барлық ауданда тұрғындар 1800-ге жуық жаңа пәтерге ие болды. Қызылордада заманауи жаңа дизайнмен жеті, тоғыз, он екі көпқабатты тұрғын үйлер бой көтеруде.Шиелі ауданында 2023-2024 жылдары 3 млрд. 96 млн. теңге қаржыға салынған 228 пәтерлік 114 тұрғын үй ел игілігіне берілді.

Архив