<a href="https://kyzylorda-news.kz/">Kyzylorda-news.kz</a> Денсаулық сақтау министрі Ақмарал Әлназарова Қостанай және Қарағанды қалаларында дәрігерлерге қатысты сұмдық оқиғалардан кейін қазақстандықтарға <a href="https://kaz.inform.kz/news/ministr-bul-br-dargerge-emes-bukl-densaulik-saktau-zhuyesne-sokki-c5d459/">үндеу жолдады</a>.Министр медицина қызметкерлеріне қарсы зорлық-зомбылықты тоқтатуды талап етті. Оның сөзінше, Қостанай облыстық ауруханасында қатыгездікпен соққыға жығылған жас хирургтің жағдайы ауыр.<blockquote>—&nbsp;Сіздерге перзентханада мейіргер, балалар ауруханасының қабылдау бөлімінде кезекші және ординатор дәрігер болып жұмыс істеген маман ретінде үн қатқым келеді: медицина қызметкерлеріне қарсы зорлық-зомбылықты тоқтатыңыздар! Негізсіз, ашу мен ызаға бой алдырған қатыгез әрекеттер кезінде өз балаларыңызды, ата-аналарыңызды, жақындарыңызды аман алып қалуға жан салып жүрген дәрігер мен мейіргердің бойын билеген жан жарасы мен қорлығы, қорғансыздығы мен үрейін елестету мүмкін емес. Біз тағы да&nbsp;Қарағанды мен Қостанайда болған екі сорақы жағдайға куә болып отырмыз. Қарағандыда жеке клиниканың мейіргеріне шабуыл жасалды. Қостанай облыстық ауруханасында урология бөлімінің жас хирургі қатыгездікпен соққыға жығылды. Пациент өз кезегін күткісі келмегендіктен, дәрігерді бір ұрып, есінен тандырған. Қазір дәрігер реанимацияда. Жағдайы&nbsp;— ауыр,&nbsp;— деді Әлназарова.</blockquote>Денсаулық сақтау министрі бейбіт заманда дәрігерлердің өз жұмыс орнында өміріне қауіп төніп отыруы&nbsp;— ақылға қонбайтын, мүлде жол беруге болмайтын жағдай екенін айтты.<blockquote>—&nbsp;Адам өмірін арашалап жүрген жанға қол көтеру үшін адам қаншалықты деңгейде қатігез және мейірімсіз болуы керек? Бейбіт уақытта дәрігерлердің өз жұмыс орнында өміріне қауіп төніп отыруы&nbsp;— ақылға қонбайтын, мүлде жол беруге болмайтын жағдай. Бұл&nbsp;— тек бір дәрігерге жасалған шабуыл емес. Бұл&nbsp;— ондаған пациенттің қараусыз қалуы, ондаған операцияның кейінге шегерілуі. Бұл&nbsp;— бүкіл денсаулық сақтау жүйесіне төнген тікелей соққы. Шабуыл жасалған қабылдау бөлімдері&nbsp;— онсыз да&nbsp;қаупі жоғары аймақтар,&nbsp;— деп атап өтті министр.</blockquote>ДСМ басшысы медицина қызметкерлеріне жасалған шабуыл үшін жауапкершілікті күшейтуге бағытталған заңнамалық өзгерістер биылғы қыркүйекте Парламентке енгізілетінін алға тартты.<blockquote>—&nbsp;Мұндай әрекеттерді тұрмыстық қақтығыс ретінде емес, қоғамдық қауіпсіздікке төнген қауіп ретінде бағалау қажет. Медицина қызметкерлеріне қарсы зорлық-зомбылықтың жиілеп кетуіне байланысты Ішкі істер министрімен бірлесіп, шұғыл түрде ургенттік стационарлардың, балалар және перинаталдық орталықтардың қабылдау бөлімдерінде тәулік бойы күзет посттарын күшейту туралы шешім қабылданды. Барлық медициналық ұйым бейнебақылау жүйесімен, күзетпен және дабыл батырмаларымен қамтамасыз етілуі тиіс,&nbsp;— деп түсіндірді Әлназарова.</blockquote>Ведомство жетекшісі атап өткендей, жапа шеккен қостанайлық дәрігердің өмірін сақтау үшін Денсаулық сақтау министрлігі барлық қажетті әрі батыл шараларды қабылдайтын болады.<blockquote>—&nbsp;Ертең дәрігер санитариялық авиациямен Ұлттық шұғыл медицинаны үйлестіру орталығына жеткізіліп, білікті мамандардың қатысуымен әрі қарай ем&nbsp;қабылдайды,&nbsp;— деді министр.</blockquote>Бұған дейін хабарланғандай, Қостанай облыстық ауруханасының жедел жәрдем қабылдау бөлімінде науқас хирургті соққыға жықты. Кейіннен зардап шеккен дәрігердің аты-жөні белгілі болды. Қазір хирург жансақтау бөлімінде жатыр.Фото: instagram.com/akmaralalnazarova

Министр: Бұл – бір дәрігерге емес, бүкіл денсаулық сақтау жүйесіне соққы

<a href="https://kyzylorda-news.kz/">Kyzylorda-news.kz</a> Қазақстан Республикасының Қылмыстық кодексіне жаңа 125-1-бап – «Неке қиюға мәжбүрлеу» енгізілді.Бұл бап бойынша қалыңдық ұрлауға қатысты жауапкершілік бірнеше есе күшейтілді:🔹 1-бөлім:➤ 2000 АЕК-ке дейін айыппұл (~7,8 млн тг)➤ немесе 2 жылға дейін бас бостандығынан айыру.🔹 2-бөлім:➤ Қорқыту, күш қолдану, кәмелетке толмағандарды тарту➤ 3 жылдан 7 жылға дейін бас бостандығынан айыру.🔹 3-бөлім:➤ Жәбірленушінің денсаулығына ауыр зиян келсе немесе өлім жағдайы болса –5 жылдан 10 жылға дейін түрме жазасы қолданылады.Енді тараптардың татуласуы жауапкершіліктен босатпайды!Заң баршаға ортақ. «Дәстүр» деген – зорлықты ақтау емес.Қыздың келісімінсіз неке – бұл құқық бұзу, ал алып қашу – қылмыс!Фото: Нұрболат Нұржаубай

Қыз алып қашу – енді «дәстүр» емес, қылмыс

<a href="https://kyzylorda-news.kz/">Kyzylorda-news.kz</a> &nbsp;Жалағаш ауданында кәсіпкерлік саласы айтарлықтай даму үстінде. Ауданға қарасты бірқатар ауыл тұрғындары мемлекеттік бағдарламалар арқылы кәсібін дөңгелетіп, өз ісін жолға қойған. Солардың бірі – Еңбек ауылындағы «Ақерке тәттілері» кондитерлік кәсібі.<blockquote>– 2024 жылы «Ауыл аманаты» бағдарламасына құжат өткізіп, биыл қаңтар айында 4 млн 250 мың теңге қаражат алып «Ақерке тәттілері» атты жеке кондитерлік кәсібімізді бастадық. Мемлекеттен алған қаржыға торт пісіретін түрлі пештерімізді, керек құрал-жабдықтарымызды алдық. Қазіргі таңда келініміз екеуміз тапсырысқа кез келген нан өнімдері мен торт түрлерін пісіреміз. Болашақта кәсібімізді кеңейтіп, аудан көлемін өзіміздің тәтті өнімдерімізбен қамтысақ деген ниетіміз бар,- деді «Разия» жеке кәсіпорнының басшысы Разия Ағатаев.</blockquote><img src="https://knadmin.beoblood.kz/uploads/3_K_sipkerlik_k_kzhiegi_ke_ejgen_Zhala_ash_9c0fd9c0e7.jpg" alt="3 Кәсіпкерлік көкжиегі кеңейген Жалағаш.jpg"><img src="https://knadmin.beoblood.kz/uploads/2_K_sipkerlik_k_kzhiegi_ke_ejgen_Zhala_ash_b84b27da30.jpg" alt="2 Кәсіпкерлік көкжиегі кеңейген Жалағаш.jpg">Ал, Бұхарбай батыр ауылындағы «Арман ком» ЖШС басшысы Еділ Жұмабек 2019 жылдан бері пескоблок өндірісімен айналысып келеді. Ол қазіргі таңда 3 адамды тұрақты жұмыспен қамтып, күніне 800 дана өнім шығарып отыр.<blockquote>– Осы кәсіппен айналысып жатқанымызға бес жылдың көлемі болды. 2020 жылы «Бизнестің жол картасы – 2025» бағдарламасы аясында 2 млн теңге қайтарымсыз қаражат алған едік. Кейін «Ауыл аманаты» бағдарламасы бойынша осы кәсіпті дамыту мақсатында 4 млн 440 мың теңге несие алдық. Осыған дейін өндірістен шыққан өнімдерімізді өз ауылымыздан бөлек, көрші аудандарға да жеткіземіз. Қазіргі таңда өнімнің нарықтағы бағасы 300 теңгені құрайды. Өндіріске керек шикізаттың барлығы өзіміздің өңірден шығады,- деді Еділ Жұмабек.</blockquote>Ауданға қарасты Мақпалкөл ауылдық округі ауыл шаруашылығы бағытында тың жобаларды жүзеге асыруымен танымал. Ауыл тұрғындары жергілікті жердің мүмкіндіктерін тиімді пайдаланып, егін, бау-бақша, мал шаруашылығы мен балық шаруашылығын да қатар дамытып отыр. Мәселен, «Құрманбай ата» шаруа қожалығына қарасты алма бағы 2018 жылы құрылған. Өткен жылы бақтан 80 тоннаға жуық өнім жиналған.<blockquote>– Жалпы жоба құны 35 млн теңгені құрайды. 6 гектар аумақты алып жатқан бақтың қазіргі таңда 5 гектарына алма ағаштарын отырғыздық. Шаруа қожалығында алма сорттарынан «Голден делишес» – 5 000 түп, «Джонаттан» – 5 000 түп, «Ренет симмернко» – 2 650 түп егілген. Жыл өткен сайын табиғи, таза отандық өнімге сұраныс артып келе жатыр. Биылдан бастап бақ аумағын таза ұстау және зиянкестерден биологиялық жолмен қорғану мақсатында 300 дана қаз құсын өсіру ісін қолға алдық,- деді бағбан Нұрбол Сейсенбаев.</blockquote>Ауыл аумағында орналасқан тағы бір шаруашылық – «Ер Әлі» шаруа қожалығы. Шаруашылық күріш өсіру саласында өңір бойынша үздік көрсеткішке ие.<blockquote>– «Ер Әлі» шаруашылығына қарасты егілетін күріш көлемі – 1 700 га құрайды. Шаруашылықта каурис, маршалл, премиум, айсұлу бикунт деген күріш сорттары егіледі. Былтырғы орташа өнім 92 центнер болды. Күріш алқаптарында су үнемдеу мен есеп жүргізуге арналған заманауи «Рубикон» су өлшеу құрылғысы қолданылады. Сонымен қатар, шаруашылыққа қарасты 546 гектар жерге жоңышқа егілсе, тамшылатып суару әдісі арқылы жалпы көлемі 12 гектар жерге бау-бақша өнімдері егілген,- деді «Ер Әлі» шаруа қожалығының бригадирі Нұрлан Әбжаппаров.</blockquote><img src="https://knadmin.beoblood.kz/uploads/1_K_sipkerlik_k_kzhiegi_ke_ejgen_Zhala_ash_514fb01b93.jpg" alt="1 Кәсіпкерлік көкжиегі кеңейген Жалағаш.jpg">Фото: Қызылорда облысының Өңірлік коммуникациялар қызметі

Кәсіпкерлік көкжиегі кеңейген Жалағаш

<a href="https://kyzylorda-news.kz/">Kyzylorda-news.kz</a> &nbsp;Арал ауданына қарасты Шижаға елді мекенінде туристік аймақ қалыптасып келеді. Қазірдің өзінде мұнда 4 кәсіпкер тіркеліп, он шақты үй тігіп үлгерген. Құмның үстінде түйемен серуендеуге қызығушылық танытқандар үшін барлық жағдай жасалған. Алдағы уақытта мұнда 40-қа жуық кәсіпкер жұмыс істейді деп күтілуде. Бұл туралы өңірлік коммуникациялар қызметіндегі брифингте Арал ауданының әкімі Аманжол Оңғарбаев айтты.<blockquote>– Ауданда туризмді дамытуға бағытталған жұмыс көп. Бұрын алдымен ауызға ілінетіні Қамбаш еді. Қазір Шижаға қосылды. Мұндай құм ауданға қарасты Ақеспе, Ақбасты тәрізді 7-8 елді мекенде бар. Шижағада мінем деген адамға жылқы да, түйе де дайын. Мұнан өзге теңіздің кепкен ұлтанын да туристік аймаққа айналдыруға болады. Осыдан 60-70 жыл бұрынғы 50-60 метр тереңдіктегі теңіздің табанын көзімен көргісі келетіндер көп. Теңіз табанындағы Кердері мәдениетіне жататын көне қаланың орны да қандай тарих десеңші. Су астында қалған мұнаралар теңіз кемесінің бауырына тиетіндіктен оны да қолдан құрылғылар арқылы жарып тастаған. Мұндай туристерге қызықты дүние көп. Мұның барлығы алдағы уақытта қолға алынатын ірі жобалардың ізі, – деді Аманжол Сақыпұлы.</blockquote><img src="https://knadmin.beoblood.kz/uploads/Aral_714f8f05b2.jpg" alt="Арал.jpg">Ауданның дамуы 7 макроэкономикалық көрсеткіштегі өсімнен де айқын аңғарылып тұр. Жыл сайын жаңа жобалар қолға алынып, экономикалық өсім алға жылжып келеді. Биыл жалпы құны 13,1 млрд теңгені құрайтын 6 инвестициялық жобаны іске қосу жоспарланса, оның біреуі мамыр айында жұмысын бастады. Жыл аяғына дейін бес жоба іске қосылмақ. Ал ауыл шаруашылығындағы өсім 101,8 пайызға жеткен.<blockquote>– Ауданға қарасты Қарақұм, Сазды, Аққұм, Жіңішкеқұм және Қосаман елді мекендерінде жайылымдық және шабындық жерлерге біріншіден киіктер зиян тигізсе, кейін жаппай шегіртке басып мал шаруашылығына айтарлықтай қиындық тудырды. Біз қазір осы жағдайлардың салдарымен күресіп жатырмыз. Жоспар бойынша 2025-2026 жылдарға 181,5 мың тонна мал азығын дайындау жоспарланған. Осы кезде бұрынғы қалдық шөппен қоса есептегенде 3&nbsp;865 тонна шөп дайындалса, 529 тонна жоңышқа пресі сатып алынды, – дейді аудан әкімі.</blockquote><img src="https://knadmin.beoblood.kz/uploads/Aral_1_464bdf2c0b.jpg" alt="Арал 1.jpg">Таяуда ғана Ақбастының халқы бөркін аспанға ата қуанды. Ауызсуға қолы жетпей жүрген ауылдықтар бұл күнді талай жыл сарыла күткен еді. Бүгінде ауданнан шалғай жатқан мұндай елді мекендерді ауызсу желісіне қосуға байланысты қарқынды жұмыс басталып кеткен.<blockquote>– Қазіргі таңда Тоқабай, Абай елді мекендерін ауызсу желісіне қосуға қарқынды жұмыс істеп жатырмыз. Мұнан бөлек, Ерімбетжаға, Тастүбек елді мекендеріне ауызсу желісін тарту жобасына барлығы 2,2 млрд теңге қаржы бөлініп, жұмыс қолға алынды. Осы бастамалардың нәтижесінде ауданды таза ауызсумен қамту көрсеткізі 95,9 пайызға жетеді, – деді А.Оңғарбаев.</blockquote>Ауданда халықты баспанамен қамту мәселесі де жолға қойылған. Ұлттық жобалар аясында кейінгі 3 жылда 3,6 млрд теңгеге 286 пәтер салынып, пайдалануға берілді. Өткен жылдың өзінде мемлекеттік бюджеттен 2,2 млрд теңгеге салынған 150 пәтер өз иесін тапты. Биыл тағы 100 пәтердің кілті табысталмақ.Аралда инфрақұрылым, білім, денсаулық сақтау салаларында да жаңашылдыққа толы бастамалар жетерлік. Білім саласына жасалған жағдайдың нәтижесінде білім сапасы жоғарылады. Өткен оқу жылында 59 «Алтын белгі» иегері, 88 «Үздік аттестат» иегері үмітті ақтады. Денсаулық сақтау саласында елді мекендер мен кенттерде жаңа нысандар пайдалануға берілді. Алда да жоспар жетерлік.<blockquote>– «Ұлт саулығын нығайту» жобасы аясында орталық аурухана жанынан 17 төсектік нейро-инсульт, 35 төсектік кардиология бөлімшелеріне арналған жапсаржай құрылысы басталды. Оған МРТ және ангиограф қондырғылары орнатылмақ. Осы арқылы аудан тұрғындары ат арытып, өзге аймақтарға бармай өз жерінде тиісті ем алуына мүмкіндік туады, – деді аудан әкімі.</blockquote>Дәулет ҚЫРДАН

Теңіз ұлтанын туристік аймаққа айналдыруға болады

<a href="https://kyzylorda-news.kz/">Kyzylorda-news.kz</a> Премьер-министр Олжас Бектенов «Металлург күні» кәсіби мерекесіне орай тау-кен металлургия саласының қызметкерлеріне Президент Қасым-Жомарт Тоқаевтың атынан мемлекеттік наградаларды табыс етті.Тау-кен металлургия кешені – өнеркәсіпті дамытудың негізі. Тәуелсіздік жылдарында бұл сала тұрақты экономикалық өсімге және әлеуметтік әл-ауқаттың нығаюына ықпал етті. 2024 жылдың қорытындысы бойынша ел экономикасына қосқан үлесі 6,9%-ды құрады. Бүгінде салада 110 мыңнан астам адам жұмыс істейді. Олардың күнделікті жұмысы машина жасау, құрылыс, мұнай-газ және энергетика саласының дамуына серпін береді.Олжас Бектенов металлургия саласын дамыту Үкіметтің басымдықтарының бірі болып қала беретінін атап өтті. Өндірісті жаңғырту, жаңа кен орындарын игеру және заманауи технологияларды енгізу бойынша жүргізіліп жатқан жұмыстар жалғасатын болады.Президент жариялаған «Жұмысшы мамандықтар жылы» аясында тау-кен металлургия кешенінің еңбеккерлеріне, оның ішінде металлургтерге ерекше көңіл бөлінеді. Биыл Мемлекет басшысы алғаш рет екі жаңа мемлекеттік награда – «Қазақстанның еңбек сіңірген кеншісі» және «Қазақстанның еңбек сіңірген өнеркәсіп қайраткері» құрметті атақтарын тағайындады.Осы жылы барлығы тау-кен металлургия өнеркәсібінің 600-ден астам жұмысшысының еңбегі атап өтілді. Олар – бүкіл ел бойынша өндіріс озаттары мен еңбек ардагерлері.Мемлекеттік наградаларды металлургтерге өнеркәсіп және құрылыс министрі, Астана және Алматы қалаларындағы, Ұлытау және Абай облыстарындағы, Қарағанды, Павлодар, Шығыс Қазақстан, Қызылорда, Ақтөбе және Қостанай облыстарындағы өңір әкімдері табыс етті.Сала өкілдері Мемлекет басшысына еңбектерін жоғары бағалағаны үшін алғыс білдірді. «Kazakhmys Smelting» ЖШС Жезқазған мыс балқыту зауытының балқытушысы Болат Айдаболов бұл марапат ел экономикасының негізі болып саналатын барлық саланың үлесін бағалау екенін атап өтті. «Қазақмыс корпорациясы» ЖШС флотаторы Гүлбану Жұмаділдина марапат – ұжымның бірлескен жұмысының нәтижесі екенін айтып, Президентке металлургтердің еңбегіне көңіл бөлгені үшін алғысын білдірді.

Премьер-министр кәсіби мерекесіне орай металлургтерге Президент атынан мемлекеттік наградалар табыс етті

<a href="https://kyzylorda-news.kz/">Kyzylorda-news.kz</a> 2025 жылдың 1 шілдесінен бастап Қазақстанда жаңа Кассациялық сот өз жұмысын ресми түрде бастады. Бұл – сот жүйесін жетілдіру бағытындағы маңызды қадам.Кассациялық соттың мақсаты:- Сот шешімдерінің заңдылығын және әділдігін жоғары деңгейде тексеру;- Азаматтардың құқықтары мен бостандықтарын қорғауды күшейту;- Сот актілерінің бірізділігін және сапасын қамтамасыз ету.Негізгі ерекшеліктері:- Бұл сот Жоғарғы Сот құрамында, бірақ жеке құрылым ретінде жұмыс істейді.- Азаматтық, әкімшілік, қылмыстық істер бойынша соңғы сот актілеріне кассациялық тәртіппен шағым беруге мүмкіндік береді.- Процестік құқық бұзушылықтар, заңды дұрыс қолданбау, негізсіз шешім шығару секілді жағдайлар қаралады.- Шағымдарды жоғары құқықтық сүзгімен қарайды, яғни кез келген іс қабылдана бермейді.Маңыздылығы:- Азаматтар мен заңды тұлғаларға әділдікке жетудің қосымша жолын береді.- Сот жүйесіне деген сенімді арттырады.- Сот реформасының жалғасы ретінде іске асып отыр.&nbsp;А.Өмірзақ,&nbsp;Қызылорда облысының мамандандырылған ауданаралық әкімшілік сотының жетекші маманы&nbsp;Фото: Нұрболат Нұржаубай

Кассациялық соттың ашылуы – әділдікті күшейте түседі

<a href="https://kyzylorda-news.kz/">Kyzylorda-news.kz</a> &nbsp;Қызылорда облыстық дене шынықтыру, спорт және туризм басқармасының басшысы Бақтияр Артаевтың төрағалығымен спорт мекемелерінің басшылары қатысқан жиын өтті. Онда 2025 жылдың алғашқы жартыжылдық қорытындысы <a href="https://kaz.inform.kz/news/kizilordada-karzhini-zhosparsiz-zhumsagan-sport-mekemesnn-basshilarina-katan-sogs-berld-a38b77/">талқыланды</a>.&nbsp;Басқарманың баспасөз қызметі хабарлағандай, тексеру барысында 10-нан астам мекеменің бір жылға бөлінген қаржының 75%-дан көбін жоспарсыз жұмсағаны анықталды.Мемлекет қаржысын тиімді игере алмаған мектеп директорларына басқарма басшысы қатаң сөгіс беріп, осы уақытқа дейін бюджет қаражатын игеруде осалдық танытқандардың жұмысы қатаң бақылауда болатынын жеткізді.Тексеру барысында мемлекеттен бөлінген қаржы мақсатсыз пайдаланғаны дәлелденсе, мекеме басшысына, бас есепшісіне және сол спорт түрі бойынша бапкерге шешім қабылданатынын жеткізді.<blockquote>– Барлық мекеме басшыларына бюджет қаражатын орнымен, тиімді игеруді тапсырамын. Бұл кезге дейінде сіздерге қаржының 70%-ын олимпиадалық, 30%-ын ұлттық спортқа және олимпиадалық емес спорт түрлеріне бағыттауды тапсырған болатынмын. Қаржыны спорт түрлеріне бағыттау кезінде олимпиадалық спорт түрлеріне басымдық беруді міндеттеймін. Сіздердің нәтижелеріңіз осы олимпиадалық спорт түрлерінен көрсеткен көрсеткіштеріңізге байланысты есептеледі, — деді Бақтияр Артаев.</blockquote>Сондай-ақ басқарма басшысы ғимараттарға жөндеу жұмысын мерзімінде жүргізбеген директорларды сынға алып, оларға да қатаң сөгіс берді. Екі апта көлемінде демеушілер есебінен жұмыс қарқынын арттырып, ғимараттарды жаңа оқу жылына дайындауды тапсырды.<blockquote>– Барлық мекеме басшылары өздеріне қарасты спорт нысандарының сыртқы-ішкі келбетін ұдайы күтіп ұстауды, бүлінген аумақты дер кезінде реттеуді, спорт нысандарының сыртқы аумағын назарда ұстауды қаперден шығармауы керек, – деді ол.</blockquote>Фото: Нұрболат Нұржаубай

Қызылордада қаржыны жоспарсыз жұмсаған спорт мекемесінің басшыларына қатаң сөгіс берілді

<a href="https://kyzylorda-news.kz/">Kyzylorda-news.kz</a> &nbsp;Бұл туралы Үкімет отырысынан кейінгі баспасөз мәслихатында Премьер-министр Олжас Бектенов айтты.<blockquote>«Нақты табысты арттыру үшін экономиканы дамыту керек. Жаңа кәсіпорындар ашып, жаңа жұмыс орындар құру қажет. Мемлекет басшысының тапсырмасына сәйкес, біз бұл бағытта белсенді, кешенді шаралар қабылдап жатырмыз. Мен жоғарыда айтып өттім, биылдың өзінде 190 жаңа ірі кәсіпорын ашылады. Әрине оған жұмыс күші керек болады. Сондықтан азаматтарымыз жоғары айлығы бар жұмысқа орналасып, өзінің өмір сүру деңгейін көтере алады. Мемлекеттің міндеті – әрбір адамға мүмкіндік беру. Ал әлеуметтік көмек тек жұмыс істеуге қауқарсыз, өзін-өзі қамтамасыз ете алмайтын адамдарға беріледі. Қазіргі уақытта <a href="https://l.facebook.com/l.php?u=http%3A%2F%2Fenbek.kz%2F%3Ffbclid%3DIwZXh0bgNhZW0CMTAAYnJpZBExamFVV3RwOGhOTWVkVGVtNAEebgfPnWdKAidZSulr7YOHSfYbJJXqPr3gEoqglzl2nBpdZhQmwdgYVjlgwQ8_aem_36l_Vgu7CAKZRH2SA9zKjA&amp;h=AT1Pl9PEzbvCBCO8XtsNIQQebPnFn9uk7aRC9CDWjIZmxFAE9RwiIunNHLvyGwya5jbJ6yHP1QJ8yIBSf1QfPDazwh1AIwrm8t6CpNGSn2XNiQzRMMBvi_JDwgY8PtMAPYVyLkn8VEJ2n4OB&amp;__tn__=-UK-R&amp;c%5b0%5d=AT3XxfEQInFu17xmWrPrUUHw8fjUdcumR_LWMoUtAmdbcSrRNcP_xEFdZsgjQwN3UYm3hFL1uznyWE2b0lVSubp2QgIvsl3D28fzWvj24PbfuJOAf0VnxQZbofiI1ekroX9HT4-XgW7i2J9BLlAeRMTH1Y0peTFC9sx79Xq17WOTLsFYEWK2v2ClVXQ10cMAuXS_IQp0IbdmZvtcvDkZ_YQEMQ">enbek.kz</a> еңбек биржасында 100 мыңнан астам бос жұмыс орны тұр. Кәсіпорын басшыларымен сөйлескенімде инженер, IT мамандарға тапшылық барын алға тартады. Шетелден әкелуге мәжбүр екенін айтады. Осы жағын ойлау керек. Жалпы елімізде жұмыс істеймін деген адамға жұмыс табылады», — деп атап өтті Олжас Бектенов.</blockquote>Фото: @KZgovernment

Мемлекеттің міндеті – әрбір адамға мүмкіндік беру

<a href="https://kyzylorda-news.kz/">Kyzylorda-news.kz</a>&nbsp; Қызылорда облысында ауыл шаруашылығы саласы тұрақты дамып келеді. Биыл егіс алқаптарының құрылымы оңтайландырылып, суды аз қажет ететін дақылдардың көлемі көбейтілді. Суармалы суды үнемді пайдалану, агротехникалық шараларды күшейту арқылы өңірде ауыл шаруашылығы өнімдерін өндіру көлемі артып отыр. Бұл туралы бүгін Өңірлік коммуникациялар қызметінің ақпарат алаңында облыстық ауыл шаруашылығы және жер қатынастары басқармасының басшысы Талғат Дүйсебаев мәлімдеді.<blockquote>– Ауыл шаруашылығын дамыту – біздің өңір үшін басым бағыттардың бірі. Мемлекет тарапынан көрсетілген қолдаудың арқасында биылғы жылдың алғашқы жартыжылдығында салада өсім байқалды. Нақтырақ айтсақ, 31,5 млрд теңгенің өнімі өндірілді, бұл өткен жылдың сәйкес кезеңімен салыстырғанда жоғары көрсеткіш. Биыл 189 мың гектарға жуық жерге ауыл шаруашылығы дақылдары егілді. Оның ішінде дәнді дақылдар 92 мың гектарды, мал азықтық дақылдар 73 мың гектарды, ал картоп, көкөніс, бақша өнімдері 17 мың гектарды құрап отыр. Су ресурстарын тиімді пайдалану мақсатында күріш алқаптарының көлемі өткен жылмен салыстырғанда қысқартылып, биыл 80 мың гектар жерге күріш егілді.&nbsp;Бүгінде күріш алқаптарының басым бөлігінде түптену, түтікке шығу, масақтану кезеңдері жүріп жатыр. Агроқолдау шараларының нәтижесінде егістік жерлерде үстеп қоректендіру, арамшөптерді жою жұмыстары уақтылы жүргізілуде. Облысқа белгіленген су лимиті - 3,9 млрд текше метр. Қазіргі уақытта Шардара су қоймасынан Сырдарияның төменгі ағысына қажетті көлемде су жіберіліп жатыр. Бұдан бөлек, қашыртқы суын тиімді пайдалану үшін облыс көлемінде 238 насос қондырғысы іске қосылды. Суды үнемдеу мақсатында биыл 60 мың гектар күріш алқабы лазерлік әдіспен тегістелді. Сонымен қатар, су үнемдеу технологияларын қолдану көлемі екі есеге артып, 8 мың гектардан асты. Бұл жұмыстар алдағы уақытта да жалғасын табады, – деді Талғат Тұрсынұлы.&nbsp;</blockquote>Сыр өңірінде ауыл шаруашылығы өнімдерін экспорттау көлемі жыл сайын артып келеді. Қазіргі таңда күріш, балық өнімдері, қамыс сынды тауарлар әлемнің бірнеше мемлекетіне жөнелтіледі. Сонымен бірге, ауыл халқының әл-ауқатын арттыруды көздейтін «Ауыл аманаты» жобасы аймақта қарқынды жүзеге асуда. Жоба арқылы жаңа жұмыс орындары ашылып, ауыл кәсіпкерлігі мен кооперативтер саны артып келеді.<blockquote>- Қызылорда облысының ауыл шаруашылығы өнімдері бүгінде әлемнің 19 мемлекетіне экспортталып жатыр. Жыл басынан бері жалпы көлемі 37 мың тоннадай өнім шетелге жөнелтілді. Экспорттың негізгі бөлігін күріш құрайды. Бұл өнім Ресей, Өзбекстан, Қырғызстан, Тәжікстан, Әзербайжан, Грузия, Ирак сияқты елдерге шығарылады. Сонымен қатар, балық өнімдері мен қамысқа да сұраныс жоғары. Мемлекет басшысының бастамасымен жүзеге асырылып жатқан «Ауыл аманаты» жобасы ауыл тұрғындарына үлкен мүмкіндік берді. Соңғы екі жылда өңірде жүздеген жоба қаржыландырылып, мыңнан астам жаңа жұмыс орны ашылды. Шағын кәсіпкерлік дамып, ауыл шаруашылығы өнімдерін өңдеу бағытында да кәсіпорындар көбейді. Асыл тұқымды мал басы көбейіп, жылыжайлар ашылды. Біз әр жобаны жүзеге асыруда кәсіпкерлерге бағыт-бағдар беріп, оларды сүйемелдеу жұмыстарын жүргізудеміз. Ауылдағы ірі шаруашылықтар да бұл бастаманы қолдап, елді мекендердің әлеуметтік дамуына үлес қосуда. Соның бір айғағы - Сырдария ауданы Бесарық ауылындағы «Абай Дәулет» серіктестігінің қолдауымен ашылған өндірістік орталық. Мұнда бірнеше жоба іске қосылып, жаңа жұмыс орындары ашылды. Бұл - ауылдағы кәсіпкерліктің жандануының нақты көрінісі, - деді басқарма басшысы.</blockquote><img src="https://knadmin.beoblood.kz/uploads/Auyl_sharuashyly_ynda_nim_k_lemi_artuda_be1738c895.jpg" alt="Ауыл шаруашылығында өнім көлемі артуда.jpg">Фото: Нұрболат Нұржаубай

Ауыл шаруашылығында өнім көлемі артуда 

<a href="https://kyzylorda-news.kz/">Kyzylorda-news.kz</a> &nbsp;ҚР Парламенті Мәжілісіндегі «AMANAT» партиясы депутаттық фракциясының мүшесі Мұрат Ергешбаев, Сенат депутаттары «AMANAT» партиясы мүшелері Наурызбай Байқадамов пен Руслан Рүстемов және партияның облыстық филиалының төрағасы Алмасбек Есмаханов Арал ауданында ашылған Руханият орталығының жұмысымен танысып, Үкіметтік емес ұйымдар өкілдері, Ардагерлер кеңесі және жастар өкілдерімен кездесті.Атап өтейік, мұндай орталық өткен жылы өңірдің барлық ауданында «Руханият жылы» аясында аймақ басшысының қолдауымен салынды. Орталықта музей, кітапхана, мұрағат, неке қию залы, ардагерлер және аналар, жастар орталығы орналасқан. Ғимарат ішіндегі мұражайда 11600 экспонат сақталған. Сонымен қатар кітапханада 112 мың кітап қоры бар. 2 үлкен оқу залы 7700 оқырманды қамти алады. Сондай - ақ архив бөлімінде жалпы 233-қор дерек, 62342 – сақтау бірлігі бар. Оның ішінде елімізге белгілі тұлғалардың 24 жеке тектік қоры 781-сурет құжаттары сақталуда. Бүгінде Орталық ақ жаулықты аналарымыз, ардақты ардагерлеріміз бен жігерлі жастарымыз бір жерде бас қосып, ұрпақтар сабақтастығын жалғайтын рухани орынға айналды.Үкіметтік емес ұйымдар, Ардагерлер кеңесі және жастар өкілдерімен кездесу барысында Мәжілістегі фракция мүшесі Мұрат Ергешбаев Мемлекет басшысының бастамаларын жүзеге асыру жолында үкіметтік емес ұйымдардың маңызы өте зор екенін атап өтті.Сенат депутаты Наурызбай Байқадамов: «Президент атап өткендей, «Озық ойлы ұлт болудың ең төте жолы – кітап оқу» екенін тілге тиек етіп, жастарды көп кітап оқуға шақырды. Сонымен қатар жалпы кітап оқу мәдениетін қоғамда барынша орнықтыру бағытында өз ұсыныстарын ортаға салды.Өз кезегінде Ақсақалдар кеңесі өкілдері халық қалаулыларына мал азығына қатысты Үкіметтен жеңілдіктер қарастыру жөнінде ұсыныстарын білдірді.

 «AMANAT»: Үкіметтік емес ұйымдар, ардагерлер кеңесі және жастар өкілдерімен кездесті

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев Парламент Мәжілісінің депутаты Мұрат Әбенов және облыстық мәслихат төрағасы Мұрат Тілеуімбетовпен бірге сол жағалаудағы шағын өнеркәсіптік аймақтың жұмысымен танысты.Өткен жылдан бері Өнеркәсіп және құрылыс министрлігімен бірлесіп, өңірлерде шағын өнеркәсіптік аймақтар құру үшін жүйелі жұмыс жүргізілуде. Биыл сол жағалаудағы «Тұмар» жеке кәсіпкерлігі мен «Техоснастка-Ремсервис» ЖШС-нің базасында шағын өнеркәсіптік аймақ іске қосылмақ. Жобаның жалпы құны – 1 млрд 52 млн теңге.«Тұмар» ЖК құрылыс жұмыстарын толық аяқтап, 1,9 мың шаршы метр нысан аумағын абаттандыруда. Қазіргі таңда 682 шаршы метр аумаққа 7 жоба орналастырылуда. Атап айтқанда, сүт өнімдерін өндіретін шағын цех, кондитерлік өнімдер, нан-тоқаш бұйымдары мен жартылай фабрикаттар өндіретін екі цех іске қосылмақ.«Техоснастка-Ремсервис» серіктестігі де құрылыс жұмыстарын толық аяқтаған. Жалпы ауданы – 1,9 мың шаршы метр.Айта кету керек, шағын өнеркәсіптік парк – жалға алушы кәсіпорындардың өндірістік қызметін жүзеге асыруына барлық жағдай жасалған арнайы аймақ. Мұнда қажетті инфрақұрылым, инженерлік желілер, өндірістік, қойма және әкімшілік ғимараттар толық қарастырылған.<img src="https://knadmin.beoblood.kz/uploads/Ajma_basshysy_nerk_siptik_zhobalardy_zhaj_k_jimen_tanysty_af383e6352.jpg" alt="Аймақ басшысы өнеркәсіптік жобалардың жай-күйімен танысты.jpg">

Аймақ басшысы өнеркәсіптік жобалардың жай-күйімен танысты

<a href="https://kyzylorda-news.kz/">Kyzylorda-news.kz</a>&nbsp; Қызылорда облысының Мемлекеттік сәулет-құрылыс бақылау басқармасы 2025 жылдың бірінші жартыжылдығында жүктелген міндеттер аясында бірқатар нәтижелі жұмыстарды жүзеге асырды. Басқарманың басты мақсаты – құрылыс саласындағы заңнамалардың орындалуын бақылау, халықпен және ұйымдармен кері байланысты қамтамасыз ету, саладағы ашықтық пен заңдылықты сақтау. Жыл басынан бері азаматтық өтініштер бойынша басқармаға жеке және заңды тұлғалардан 644 өтініш түскен. Бұл туралы Өңірлік коммуникациялар қызметінің ақпарат алаңында басқарма басшысының міндетін атқарушы Мәди Әліп мәлімдеді. Оның айтуынша 556 өтініш бойынша заңнама талаптарына сәйкес тиісті шаралар қабылданып, жауабы берілген.<blockquote>- Өтініштерді қарау тәртібі мен мерзімдерін бұзу деректері орын алған жоқ. Сондай-ақ, сыбайлас жемқорлыққа қарсы іс-қимыл шараларының тұрақты түрде жүргізілуінің нәтижесінде, қызметкерлер тарапынан мұндай сипаттағы құқық бұзушылық деректері орын алған жоқ. Басқарма тарапынан заң бұзушылықтар мен кемшіліктерді жою мақсатында 26 жоспардан тыс тексеру жүргізілді. 19 нұсқама беріліп, 5 әкімшілік айыппұл салынды. Қала және аудан аумақтарында жалпы 422 нысанға мониторинг жұмыстары жүргізіліп, қала және аудан сәулет және қала құрылысы бөлімдеріне тиісті тапсырмалар берілді. Нәтижесінде сәулет-құрылыс саласындағы заңнама талаптарын бұзған тұлғаларға қатысты 241 әкімшілік құқық бұзушылық туралы әкімшілік іс қозғалып, оның 151 қала және аудандық құрылыс бөлімдерінен келіп түскен мәліметтер бойынша, оларға 59,6 млн. теңге айыппұл салынды. Басқарма алдағы кезеңде де саладағы заңнамалардың орындалуын бақылау, тұрғындардың құқықтарын қорғау және мемлекеттік қызметтердің сапасын арттыру бағытындағы жұмыстарды жалғастырады, - деді Мәди Раманқұлұлы.</blockquote>Қазіргі таңда заңсыз салынған құрылыс нысандарын бұздыру жұмыстары жүргізілуде. Бұған қоса, ағымдағы жылы құрылыс сапасына бақылау күшейтіліп, нысандардың беріктігі мен орнықтылығына тікелей әсер ететін өрескел бұзушылықтарға жол берген серіктестіктерге әкімшілік айыппұл салумен қатар нұсқама талаптары орындалғанша лицензиясы тоқтатылды. 4 техникалық қадағалау сарапшысына әкімшілік айыппұл салынып, аттестаттарының қолданысы 6 айға тоқтатылып, 2 техникалық қадағалау сарапшысына аттестатының күші жойылды.&nbsp;<img src="https://knadmin.beoblood.kz/uploads/yzylorda_oblysynda_rylys_salasynda_y_ba_ylau_n_tizheli_zh_zege_asyryluda_cef7c7169f.jpg" alt="Қызылорда облысында құрылыс саласындағы бақылау нәтижелі жүзеге асырылуда.jpg">Фото: Нұрболат Нұржаубай

Архив