<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаты, «AMANAT» партиясы фракциясының мүшесі Мұрат Ергешбаев «AMANAT» партиясы Қызылорда облыстық филиалының төрағасы Алмасбек Есмахановпен бірге Тереңөзек кентіндегі Паллиативті медициналық көмек көрсету бөлімшесінде болып, дәрігерлермен және ем қабылдаушылармен пікірлесті.Нысанды аралауға Мәжіліс депутатымен бірге аудандық мәслихат төрағасы Ержан Әжікенов, облыстық мәслихат депутаты Жұмабек Ембергенов, «AMANAT» партиясы Сырдария аудандық филиалының Атқарушы хатшысы Ақтөре Ибрагимұлы, аудандық мәслихат депутаты Алмас Есназар болды.Мәжіліс депутаты тұрғындарға сапалы медициналық қызмет көрсету үшін Паллиативті медициналық көмек көрсету бөлімшесінің жұмысын жүйелі ұйымдастыру қажеттігін айтты.<blockquote>– Әрине, көп мәселелер қаржыға және уақытты талап етеді. Келген азаматқа мұны түсіндіріп, заңнамалық тұрғыда кеңес беру керек. Әрбір нысаналы топқа бағытталған партиялық жобаларымыздың өз мақсатына сай жүзеге асуын қамтамасыз етуіміз қажет. Жасалған жұмыстар халыққа кеңінен насихатталуы керек. Біз келіп отырған бүгінгі нысан да біздің халыққа берген уәделеріміздің нақты іске асуының нәтижесі, – деді Мұрат Ергешбаев.</blockquote>Айта кету керек, паллиативтік медициналық көмек көрсету бөлімшесі 60 төсек орынға арналған. Бөлімше тиісті мамандармен, қажетті медициналық құрал-жабдықтармен, дәрілік заттармен және медициналық бұйымдармен толық қамтамасыз етілген. Бейіндендірілген төсек орындары мен қызметкерлер «Ресурстарды басқару жүйесі» ақпараттық жүйесіне енгізілген.&nbsp;Паллиативті бөлімше ашылғаннан бергі соңғы 6 айда 340 науқас ем қабылдаған.

Мәжілістегі фракция мүшесі Паллиативті медициналық көмек көрсету бөлімшесі жұмысын көрді

<a href="https://kyzylorda-news.kz/">Kyzylorda-news.kz</a> Бұл туралы Ақорда ресми хабарлады.Мемлекет басшысы «Қазақстан Республикасының кейбір заңнамалық актілеріне міндетті әлеуметтік медициналық сақтандыру және медициналық қызметтер көрсету мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.Заңның мәтіні баспасөзде жарияланады.

Мемлекет басшысы медициналық қызмет көрсету мәселесіне қатысты маңызды заңға қол қойды

<a href="https://kyzylorda-news.kz/">Kyzylorda-news.kz</a>&nbsp; 9-13 шілде аралығында Қазақстан астанасы Орталық Азиядағы ең ірі поп-мәдениет орталығы екенін тағы бір мәрте дәлелдеді. Comic Con Astana-2025 фестивалі рекордтық көрсеткіштерге қол жеткізіп, Қазақстанның жаһандық креативті индустрияға табысты түрде қадам басып жатқанын көрсетті.Фестиваль Астана қаласы әкімдігінің&nbsp;және «Astana Tourism» туризмді дамыту орталығының&nbsp;қолдауымен өтті. Биылғы фестивальдің ерекшелігі – конвент алғаш рет бірден екі ауқымды алаңда: «Астана Арена» мен «Барыс Аренада» қатар ұйымдастырылды. Бұл шешім шара ауқымын айтарлықтай кеңейтіп, келушілерге ерекше әсер мен жайлы жағдай ұсынуға мүмкіндік берді.Жаңартылған мәліметтерге сәйкес, Comic Con Astana фестиваліне 75 000-нан астам бірегей келуші тіркеліп, жалпы қатысулар саны 120 000-нан асты. Бес күнге созылған шара барысында көрермендер саны күн сайын артып отырды: бірінші күні – 13,5 мың, екінші күні – 15,5 мың, үшінші күні – 14,5 мың, төртінші күні – 19,5 мың және соңғы күні – 12,2 мың адам келді.Фестивальге 10 000-нан астам шетелдік қонақ қатысып, олардың келу географиясы 36 елді қамтыды. Олардың қатарында АҚШ, Канада, Франция, Германия, Қытай, Оңтүстік Корея, Түркия, Тайланд, Ресей, Беларусь, Өзбекстан, Қырғызстан, Әзербайжан, Грузия, Молдова, Оман және тағы басқа елдер бар.2019 жылы негізі қаланған Comic Con Astana аз уақыт ішінде Орталық Азиядағы ең ірі гик және поп-мәдениет фестиваліне айналып, әлемнің түкпір-түкпірінен келген жанкүйерлер мен креаторларды бір алаңда тоғыстырды.Comic Con Astana жыл сайын қонақтар саны, халықаралық жұлдыздар және экономикалық әсері бойынша өсіп келеді. Туристің қалада бір күндік орташа шығыны 118 мың теңгені құрайды, ал олардың орташа сапар ұзақтығы – 3 күн. Осылайша, шетелдік қонақтардың келуі есебінен елорда мен жалпы ел экономикасына күтілетін мультипликативтік әсері 3,5 миллиард теңгеден асады. Бұл мұндай ауқымды шаралардың Қазақстанның мәдени және экономикалық дамуына үлкен үлес қосатынын көрсетеді.Comic Con Astana-2025 фестивалінің басты хедлайнерлері қатарында Энди Серкис («Сақиналар әміршісі», «Маймылдар планетасы», «Бэтмен»), Эсай Моралес («Озарк», «Миссия невыполнима»), Скотт Эдкинс («Неоспоримый» фильмдерінің жалғасы, «Доктор Стрэндж») бар.Арнайы шақырылған қонақтар қатарында «Бумажный дом» сериалын түсірген режиссёр Мигель Анхель Вивас, «Гойя» марапатының бес бірдей салтанатты рәсімін ұйымдастырған продюсер Эмилио А. Пина, танымал видеоблогерлер Marmok, Qewbite, Настя Джексон, Антон Милс және әлемге әйгілі косплей шеберлері Яя Хан мен Cinderys және басқа да көптеген жұлдыздар бар.Фестиваль аясында Қазақстан мен Испанияның алғашқы бірлескен халықаралық жобасы – «Бітім» (La Tregua) фильмінің таныстырылымы өтті. Бұл жоба Netflix секілді жаһандық стриминг платформасына және халықаралық прокатқа арналған.Авторлар аллеясында және жәрмеңке аймағында 150-ден астам қазақстандық суретші мен қолөнерші өз жұмыстарын ұсынды. Олар – түрлі жанрларда еңбек ететін жас таланттар. ComicCon Astana жас суретшілер, комикс авторлары, аниматорлар, дизайнерлер мен ойын әзірлеушілер үшін үлкен мүмкіндіктерге жол ашатын платформа ретінде өзін дәлелдеді, себебі олар осы жерде өз аудиториясын, серіктестерін және инвесторларын таба алады.<img src="https://knadmin.beoblood.kz/uploads/Comic_Con_Astana_2025_festivaline_kelgen_ona_tar_sany_rekord_ornatty_1_54a685dbe1.jpg" alt="ComicCon Astana-2025 фестиваліне келген қонақтар саны рекорд орнатты 1.jpg">Фестиваль бағдарламасы да мазмұнды болды. Қонақтар жұлдыздармен автограф-сессияларғажәне Q&amp;A кездесулеріне, гик-жәрмеңкелер мен мерч-зоналарға, шеберлік сағаттарына, азиялық поп-мәдениет аймағына, гейм-аймаққа, сондай-ақ жүздеген фан-активті шараларға қатыса алды. Басты сахнада шамамен 200 дарынды косплеер қатысқан халықаралық байқау өтті. Жүлде қоры – 15 миллион теңге. Бұл ComicCon Astana фестивалінің ТМД кеңістігіндегі ең ірі косплей алаңдарының бірі екенін тағы да дәлелдеді.Жалпы, астаналық ComicCon аймақтық деңгейде эталонға айналып, Орталық Азия мен ТМД аумағындағы халықаралық студиялар үшін басты жобаларын таныстыру алаңы ретінде танылды.Фестиваль продюсерлері – Бексұлтан Абдрахманов пен Наталья Абрашкина&nbsp;осылайша, Астана әлемдік деңгейдегі іс-шараларды қабылдап, жоғары деңгейде ұйымдастыра алатын заманауи әрі серпінді мегаполис ретінде өз орнын нығайта түскенін айтады. Бұл қаланың халықаралық мәдени және іскерлік ареналардағы мәртебесін едәуір арттырып отыр.Comic Con Astana – бұл тек аймақтағы ең ірі гик-фестиваль ғана емес, сонымен қатар туризм мен қалалық бизнесті дамыту құралы,қазіргі жастар мәдениетін кең аудиторияға танытудың тәсілі, әрі әртүрлі ұрпақтарды біріктіретін көпір.Фестивальдің бас продюсері Наталья Абрашкина тарқатқандай,&nbsp;Comic Con-ға көбінесе отбасымен келеді.&nbsp;Бұл – ата-аналарға балаларының қызығушылықтарын түсініп, сол мәдениетті бірге сезінуге мүмкіндік береді.<blockquote>«Біздің фестиваль – &nbsp;жастар мәдениетін көпшілікке таныстырудың жолы. Сонымен қатар, жас авторлар мен креаторларға өзін көрсетуге мүмкіндік алаңы. Ата-аналар үшін бұл – балалардың нені ұнататынын көрудің, олардың қызығушылықтарымен ортақтасудың жолы», &nbsp;– деді ол.</blockquote>Алдын ала бағалау бойынша, Comic Con Astana-2025 фестивалінің жалпы медиалық қамтуы 200 миллион адамнан асты. Бұл Астананың Еуразиядағы креативті астана ретіндегі беделін тағы бір мәрте дәлелдеді. Қала поп-мәдениет жанкүйерлері үшін әлемдік тартылыс орталығына айналып келеді.

Comic Con Astana-2025 фестиваліне келген қонақтар саны рекорд орнатты

<a href="https://kyzylorda-news.kz/">Kyzylorda-news.kz</a> Аймақта 8-10 шілде аралығында өткізілген “Мигрант” жедел-профилактикалық іс-шарасы қорытындыланды. Шараның негізгі мақсаты – өңірде заңсыз көші-қон деректерін анықтау, алдын алу және оның жолын кесу. Қорытынды туралы Өңірлік коммуникациялар қызметінің ақпарат алаңында облыстық Полиция департаменті Көші-қон қызметі басқармасы бастығының орынбасары Сәбит Сатқанбай мәлімдеді.<blockquote>– “Мигрант” іс-шарасы аясында облыс аумағына келген шетелдіктердің көші-қон заңнамаларын бұзу деректерін анықтау, оларды әкімшілік жауапкершілікке тарту, іздеуде жүрген қылмыскерлерді анықтау мақсатында шетелдіктердің уақытша тіркелген мекен-жайларын, салынып жатқан құрылыс нысандары, базарлар мен дәмханалар тексеріліп рейдтік іс-шаралар жүргізілді Іс-шара нәтижесінде барлығы 153 құқық бұзушылық тіркелді. Оның ішінде шетел азаматтарымен жасалған 93 әкімшілік құқық бұзушылық дерегі анықталып, 22 шетел азаматы ел аумағынан шығарылып, оларға бес жылға дейін Қазақстанға қайта кіруге тыйым салынды. Сонымен қатар, шетелдіктердің болу ережелерінің сақталуын қамтамасыз етпеген және ҚР еңбек қызметін заңсыз жүзеге асырған ҚР-ның 62 азаматына қатысты әкімшілік шаралар көрілді. Осы ретте облыс тұрғындарына ескерту айтқым келеді. Алдағы уақытта шет елдерден келген еңбек мигранттарының құжаттарын белгіленген мерзімде Халыққа қызмет көрсету орталығы арқылы заңдастырып, көші-қон заңнамасын бұлжытпай орындауға шақырамыз, – деді Сәбит Ханзадаұлы.</blockquote><img src="https://knadmin.beoblood.kz/uploads/Migrant_is_sharasy_orytyndylandy_fe212a4539.jpg" alt="“Мигрант” іс-шарасы қорытындыланды.jpg">Фото: Нұрболат Нұржаубай

“Мигрант” іс-шарасы қорытындыланды

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаты, «AMANAT» партиясы фракциясының мүшесі Мұрат Ергешбаев Сырдария ауданына жасаған жұмыс сапары барысында «Руханият» орталығында болып, бірегей орталықтың жұмысымен танысты. Сондай-ақ аудан ардагерлерімен, қоғамдық кеңес мүшелерімен, жастармен кездесті.Кездесуге аудан әкімі Берік Сәрменбаев, «AMANAT» партиясы Қызылорда облыстық филиалының төрағасы Алмасбек Есмаханов, аудандық мәслихат төрағасы Ержан Әжікенов, облыстық мәслихат депутаты Жұмабек Ембергенов, «AMANAT» партиясы Сырдария аудандық филиалының Атқарушы хатшысы Ақтөре Ибрагимұлы, аудандық мәслихат депутаты Алмас Есназар, аудандық ардагерлер кеңесінің төрағасы Мұса Келдібаев және аудандық қоғамдық кеңес төрағасы Маратбек Еспенбетов бастаған кеңес мүшелері қатысты.Кездесу барысында елімізде қабылданып жатқан заңдар мен олардың орындалуы туралы айтылды. Сонымен қатар Мәжіліс депутаты қоғамдағы өзекті мәселелер, оның ішінде лудомания, алаяқтық, кибербуллинг секілді қылмыстардың себеп-салдары жөнінде пікір алмасты.<blockquote>– Президентіміз Қасым-Жомарт Кемелұлы халыққа арнаған Жолдауында: «Біздің қоғамымызда заң мен тәртіп үстемдік құруға тиіс. Бұл – бүкіл қоғамның, әр адамның қауіпсіздігін қамтамасыз етуге қатысты ең басты талап. Біз сонда ғана Әділетті, Таза, Қауіпсіз Қазақстанды құра аламыз», – деп нақты міндеттерді белгілеген болатын. Түрлі гаджет мен смартфондағы бағдарламалардың көмегімен жасалатын алаяқтық, кибершабуылдар схемасы сәт сайын өзгеріп, қадамдары жаңарып барады. Халықтың қаржылық қауіпсіздігі үшін қаржылық пирамидалар, құмар ойындарға тәуелділік, интернет-алаяқтық, дропперлік қылмыстардың алдын алуда уақытылы, тиісті шешімдер қабылдаудың маңыздылығы артты. Бір қарағанда жеке адамның мәселесі секілді көрінуі мүмкін. Бұл – тұтас қоғамға, әрбір отбасыға, ұрпағымыздың болашағына әсер ететін қауіп-қатер, – деді Мұрат Ергешбаев.</blockquote>Өз кезегінде аудандық қоғамдық кеңес мүшелері қоғамдағы ортақ мәселелер мен құндылықтар туралы ой қозғап, қабылданып жатқан заңдардың маңыздылығына тоқталды. Сонымен қатар атқарылған жұмыстарды оң бағалап, Мәжіліс депутатының жұмысына сәттілік тіледі.

 «AMANAT»: «Руханият» орталығының жұмысымен танысып, қоғамдық кеңес мүшелерімен кездесті

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a>&nbsp; Онлайн ойындар әлемі тек көңіл көтеріп, тілдесетін орын ғана емес, сонымен қатар қауіп-қатер аймағына да айналды: алаяқтар платформаларды және ойын ішіндегі ресурстарды алдау құралы ретінде белсенді пайдаланып жүр. Ойын неғұрлым танымал болса, алаяқтарға тап болу қаупі соғұрлым жоғары. Fingramota.kz онлайн ойындардағы ең кең таралған алаяқтық схемалар туралы айтып, одан қорғану жолдарын ұсынады.Цифрлық қауіптерБүгінде ойын аккаунттарының құны мыңдаған теңге немесе тіпті доллармен есептеледі. Себебі оларда құнды виртуалды заттар, скиндер (ойын ішіндегі элементтердің көрінісі), валюта, жетістіктер, кей жағдайда аккаунтқа байланған банк карталары да болады. Сондықтан киберқылмыскерлер оларды шынайы әмиян секілді иеленуге тырысады. Алаяқтықтың негізгі бірнеше тәсілі бар. Ең жиі кездесетіндерін қарастырайық.Ең кең таралған мысал – бұл фишингтік сайттар мен ойын немесе платформа "әкімшілігінен" келген жалған хаттар. Алаяқтар Steam, Epic Games, Roblox, PUBG, Free Fire сынды танымал ойын платформаларының айнытпай көшірмесін жасайды. Мұндай сайттар ресми ресурстан тек бір әріппен ғана ерекшеленуі мүмкін (мысалы, steamnunity.com орнына steamcommunity.com). Жәбірленушіге хат, мессенджердегі хабарлама немесе ойын ішіндегі ескерту келеді: «Сіздің аккаунтыңыз ережені бұзды. Жеке басыңызды растаңыз» немесе «Сізге сыйлық берілді – сілтеме арқылы алыңыз». Сілтеме бойынша өткенде жалған кіру беті ашылады. Пайдаланушы логин, құпиясөз, кейде СМС арқылы келген кодты енгізеді – осы сәтте бұл мәліметтер алаяқтардың қолына түседі. Бірнеше минут ішінде аккаунт бұғатталып, пароль, электронды пошта, телефон нөмірі өзгертіледі. Қалпына келтіру өте қиын.Екінші әдіс – зиянды «читтер», «бустерлер» және «валюта бұзғыштар». Чит – ойында артықшылық беретін код, бустер – кейіпкерді жылдам және тегін «көтеруге» көмектесетін құрал, ал «валюта бұзғыш» – виртуалды ақшаны көп мөлшерде алуға, әрі оны кейін нақты ақшаға сатуға мүмкіндік беретін бағдарлама ретінде ұсынылады. Алаяқтар «ойыныңды жақсартады», «тежелуді жояды», «валюта немесе сирек заттар береді» деген сылтаумен арнайы бағдарламаны жүктеуді ұсынады.Шын мәнінде, пайдаланушы зиянды бағдарлама жүктейді: кейлоггер (пернетақтада жазғандарыңызды оқиды), троян (компьютердегі файлдарға қол жеткізеді), бэкдор (қашықтан басқару мүмкіндігін ашады). Мұндай «читтер» арқылы тек ойын аккаунттарын ғана емес, банк карталарын, құжаттарды және басқа сервистердегі құпиясөздерді де ұрлайды.Заттар мен валютамен сауда жасауға болатын ойындарда мынадай схема кең таралған. Алаяқ қандай да бір затты сату немесе сатып алу жөнінде ұсыныс жасайды – ресми платформада емес, Telegram, WhatsApp немесе басқа сайт арқылы. Ол алдын ала төлемді талап етеді: «Алдымен ақша аудар – затты сосын жіберемін», ақша алынған соң байланыс үзіледі. Кейде керісінше – алдымен затты алып, ақшаны төлемейді. Кейбірі жалған түбіртектер немесе төлемнің фейк скриншоттарын пайдаланады.Сондықтан сауда жүргізу қажет болса – тек ресми сауда алаңдарында жасаңыз.Алаяқтар жағдайды пайдаланады?Кейде алаяқтар серверде техникалық қызмет көрсету кезінде немесе ойынға кіруде ақау туындаған сәттерді пайдаланады. Осы кезде «Қолдау қызметіненбіз» деген желеумен жалған хабарлама келеді. Онда «Аккаунтыңыз ереже бұзды. Меншік иесі екеніңізді растаңыз – логин мен қалпына келтіру кодын жіберіңіз» немесе «Қате орын алды, біз оны түзету үшін аккаунтыңызға уақытша кіруіміз керек» делінеді.Мұндай хабарламалар – 100% алаяқтық. Нағыз техникалық қолдау қызметі ешқашан логин, пароль, код немесе рұқсат сұрамайды.Кейде жасөспірімдер аккаунттарын достарымен бөліседі: «Бір аккаунтпен бірге ойнайық», «Аккаунтыңды көрейінші, абайлап қараймын». Бірақ кей жағдайда досы аккаунтты мәңгілікке иеленіп, парольді, поштаны, нөмірді өзгертеді, скиндер мен заттарды сатып, аккаунтты бұғаттап тастайды.Бөлек бір алаяқтық түрі – «сыйлық беру» жүйесі бар ойындарда кездеседі. Жәбірленуші сыйлық жібереді, жауап ретінде бірдеңе аламын деп үміттенеді, бірақ ештеңе алмайды.Ең қарапайым, бірақ қауіпті схема – алаяқтар аккаунтқа қол жеткізгеннен кейін оны қайтару үшін ақша талап етеді. Мұндай жағдайда ешқашан ақша да, банк деректері де берілмеуі керек. Мұндай алаяқтықтың құрбаны көбінесе ойын жетістіктеріне қатты уайымдайтын балалар болады. Олар ата-анасының карта деректерін беріп қояды.Алаяқтықтан қалай қорғануға болады?Геймерлерге арналған қарапайым, бірақ тиімді қауіпсіздік ережелері:Екі факторлы аутентификацияны (2FA) қосыңыз – логин мен пароль ұрланған жағдайда да, растамасыз кіру мүмкін емес.Күмәнді сілтемелерге өтпеңіз, әсіресе хаттар мен жеке хабарламалардан келгендерге.<img src="https://knadmin.beoblood.kz/uploads/02_04_infographics_rus_13f837daf4.jpg" alt="02.04 infographics rus.jpg">Өз мәліметтеріңізді — логин, пароль, қалпына келтіру кодын – ешкімге, тіпті достарыңызға да бермеңіз.Виртуалды заттарды тек ресми дүкендер немесе лицензияланған алаңдар арқылы сатып алыңыз.Сайттың мекенжайын тексеріңіз — алаяқтар домендерді жалған әріптермен жасап жібереді (мысалы, «steamc0mmunity» орнына «steamcommunity»).Бейтаныс бағдарламаларды орнатпаңыз, әсіресе тексерілмеген дереккөздерден.Тым тиімді ұсыныстарға сенбеңіз — интернетте ешкім тегін «скин» таратпайды.Аккаунтыңыздың белсенділігін үнемі бақылап отырыңыз және күмәнді әрекет байқасаңыз, пароліңізді өзгертіңіз.Қауіпсіз ойнаңыз және Fingramota.kz арқылы қаржылық сауаттылығыңызды арттырыңыз!Фото: Fingramota.kz&nbsp;

Интернет алаяқтардан сақ болыңыз!

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаты, «AMANAT» партиясы фракциясының мүшесі Мұрат Ергешбаев Сырдария ауданына жасаған жұмыс сапары барысында С.Сейфуллин ауылдық округінде болып, ауыл тұрғындарымен, ардагерлермен, жастармен кездесті.Кездесуге аудан әкімі Берік Сәрменбаев, «AMANAT» партиясы Қызылорда облыстық филиалының төрағасы Алмасбек Есмаханов, аудандық мәслихат төрағасы Ержан Әжікенов, облыстық мәслихат депутаты Жұмабек Ембергенов, «AMANAT» партиясы Сырдария аудандық филиалының Атқарушы хатшысы Ақтөре Ибрагимұлы, аудандық мәслихат депутаттары Алмас Есназар мен Марат Бакуов қатысты.Кездесу барысында Мәжіліс депутаты сегізінші шақырылымның үшінші сессиясында атқарылған жұмыстар туралы айтты.<blockquote>– Біз «AMANAT» партиясы фракциясының жиынында Мәжілістегі сегізінші шақырылымының үшінші сессиясында атқарылған жұмысты қорытындыладық. Қабылданған заңдардың саны мен шешілген мәселелердің ауқымы жағынан алып қарайтын болсақ, бұл саяси тұрғыда мазмұнды кезең болды. Қабылданған бастамалар негізгі салаларды қамтыды: экономика, денсаулық сақтау, білім беру, әлеуметтік қорғау, цифрлық инфрақұрылым және азаматтардың құқықтары. Біз сайлаушылардың ұсыныс-пікірін алдағы уақытта да ескеріп, нақты жұмыстар атқаратын боламыз. Енді, міне Сыр еліне депутаттық қызмет сапарымен келдік. Өңірді аралап, өндірістік жобалармен танысып, экономикалық әлеуметтік саладағы қалыптасқан жағдайды өз көзімізбен көріп, сайлаушылармен кездесеміз. Біз ең алдымен халыққа берген сайлауалды уәдемізді орындауымыз керек. Жол картаға түскен әрбір іс-шараның уақытылы, сапалы жүзеге асуы қатаң бақылауда, – деді Мұрат Ергешбаев.</blockquote>Кездесу барысында ауыл ардагерлері мен тұрғындар пікір білдіріп, атқарылған жұмыстарды оң бағалап, Мәжіліс депутатының жұмысына сәттілік тіледі. Сондай-ақ ауыл ардагерлерінің ұсынысымен қазақы үрдіске сәйкес М.Ергешбаев кішкентай сәбидің тұсауын кесіп, батасын берді.

Мұрат Ергешбаев ауыл тұрғындарымен кездесті

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімінің бірінші орынбасары Данияр Жаналиновтың төрағалығымен туристік аймақтарға келушілерге қолайлы жағдай жасау және қауіпсіздігін қамтамасыз ету мәселелері талқыланған мәжіліс өтті. Оған қала, аудан әкімдері және сала басшылары қатысты.<blockquote>«Туристік аймақтарда, демалыс орындарында қауіпсіздікті қамтамасыз ету – келушілердің өмірі мен денсаулығын қорғап, өңірдің туристік оң имиджін қалыптастырудың маңызды бөлігі. Төтенше жағдайлардың алдын алу үшін құтқару топтары мен алғашқы көмек көрсету пунктері сақадай сай болуы керек. Демалыс орындарын туристер мен демалушыларға арналған қауіпсіздік нұсқаулықтарымен қамтамасыз етіңіздер. Демалыс орындарында санитарлық-гигеналық талаптардың қатаң сақталуын бақылауға алыңыздар.Аудандардағы туристік нысандар мен демалыс орындары нақты көрсетілген белгілермен, шұғыл жағдайлардың алдын алу үшін байланыс арналарымен қамтамасыз етілуі тиіс. Қауіпсіздік шараларын телеарналарда, әлеуметтік желілерде, интернет ресурстарда кеңінен ақпараттандырыңыздар», – деді Данияр Еренғалиұлы.</blockquote>Айта кету керек, осы жылдың қаңтар-мамыр айлары аралығында туризм саласына 25,7 млрд теңге инвестиция тартылып, бұл көрсеткіш былтырғы сәйкес кезеңмен салыстырғанда 2,2 есеге артты.Іскерлік туризм бағытында ұйымдастырылған халықаралық және республикалық іс-шаралар нәтижесінде облысқа келуші туристер саны едәуір көбейді. Бірінші тоқсан қорытындысы бойынша туристер саны 48 мың адамға жетіп, өткен жылдың сәйкес кезеңімен салыстырғанда 89,2%-ға өсті.Облыс аумағынан өтетін «Батыс Еуропа – Батыс Қытай» халықаралық автомобиль дәлізі бойында 55 жол бойы сервистік кешені жұмыс істейді.Жазғы демалыс маусымында өңірде 13 шағын және 2 ірі демалыс орны халыққа қызмет көрсетуде.Фото: Қызылорда облысы әкімінің баспасөз қызметі

Демалыс орындарындағы қауіпсіздік мәселесі басты назарда

<a href="https://kyzylorda-news.kz/">Kyzylorda-news.kz</a> Қазақстан Республикасы Конституциясының алғашқы бабында еліміздің ең қымбат қазынасы адам және адамның өмірі, құқықтары мен бостандықтары делінген. Сондықтан адамның құқықтары мен бостандықтарын қорғау - біздің мемлекетіміздің басты қағидаттарының бірі.Қазақстан Республикасының құқықтық саясаты қылмыстық-атқару жүйесіндегі қайта әлеуметтендірудімемлекеттегі қоғамдық тәртіпті сақтау мәселесінде бірінші кезектегі маңызы бар деп белгілейді. Бұл институт сонымен қатар белгілі бір жағдайларда заңда белгіленген көмек түрлерінің: медициналық, білім беру, жәрдемақылар мен әлеуметтік төлемдер алудың көрсетілмеуіне байланысты проблемалардың болуымен сипатталады.Жазаларды атқару мен өтеу тәртібін, шарттарын және қылмыстық-құқықтық реттеудің өзге де шараларын реттеуді жетілдіру, сондай-ақ сотталғандардың құқықтары мен бостандықтарын қорғауды күшейту мақсатында қылмыстық-атқару заңнамасын одан әрі жетілдіру, оның ішінде оны жалпыға бірдей танылған халықаралық стандарттарға жақындату қажет.Жалпыға бірдей танылған халықаралық стандарттардың ішіндеНельсон Мандела ережелері ерекше маңызды. Бұл ереже сот әділдігін орнату және тұтқындарға адамгершілікпен қарау жолындағықосқан үлесі үшін көрнекті құқық қорғаушы және Оңтүстік Африка Республикасының бұрынғы президенті Нельсон Манделаның құрметіне аталған.Түрмедегі жағдайды жақсартуға арналған ережелер Мандела күрескен адамдық қадір-қасиетті құрметтеу, әділдік және адамгершілік қарым-қатынас принциптерге негізделген.27 жылын түрмеде өткізген Мандела түрменің не екенін, оның адамға әсері туралы жақсы білген. Ол апартеидке қарсы күрестің және бостандық пен әділдік үшін мызғымас еріктің символы болды.2015 жылы БҰҰ Бас Ассамблеясы тұтқындармен қарым-қатынастың ең төменгі стандартты ережелерін, оның принциптері мен құндылықтарын көрсету,адам құқықтары үшін күресінің маңыздылығын көрсету үшін Нельсон Мандела ережелері деп өзгертіп, оның есімін мәңгілікке қалдыру туралы шешім қабылдады.Бұл Ережелер тұтқындарға азаптаудан және басқа да қатыгез қарым-қатынастан қорғайтын адами қарым-қатынасты қамтамасыз етуге арналған.&nbsp;Нельсон Мандела ережелері сотталғандардың, әсіресе әйелдер, кәмелетке толмағандар сияқты осал санаттардың құқықтарын құрметтеудің маңыздылығын атап көрсетеді және денсаулық сақтау қызметтеріне қол жеткізуді және отбасылық байланыстарды сақтау мүмкіндігін қоса алғанда, ізгілікті қарым-қатынастың негізін қамтамасыз етеді.Нельсон Мандела ережелерінің басты ұстанымдары:<ul><li>2-ереже: Мемлекеттерді әйелдерді ұстаудың тиісті жағдайларын қамтамасыз ету үшін түрме бағдарламаларын әзірлеу және жүзеге асыру кезінде тұтқындардың гендерлік ерекшеліктерін ескеруге міндеттейді.</li><li>11-ереже: Түрмедегілердің әртүрлі санаттары олардың жынысы, жасы, бұрынғы соттылығы, оларды ұстаудың заңды себептері және белгіленген режим түрі ескеріле отырып, бөлек мекемелерде немесе бір мекеменің әртүрлі бөліктерінде ұсталады. Мәселен, ерлер мен әйелдер мүмкіндігінше бөлек мекемелерде ұсталуы керек. Егер ерлер мен әйелдер бір мекемеде ұсталса, әйелдер мүлдем бөлек аумақтарға орналастырылуы керек.</li></ul>Сотқа дейінгі қамауға алынғандар сотталғандардан бөлек орналастырылуы, қарызды өтемегені үшін сотталған адамдар және басқа да азаматтық істер бойынша тұтқындарды қылмыстық құқық бұзушылық жасаған адамдардан бөлек орналастырылуы керек. Сондай-ақ, Ережелер кәмелетке толмаған қылмыскерлерді ересектерден бөлек ұстауды көздейді.&nbsp;<ul><li>58-ереже: Сотталғандардың сыртқы әлеммен, оның ішінде отбасы мүшелерімен қарым-қатынас жасау құқығын қамтамасыз етеді. Бұл балалары бар әйелдер үшін ерекше маңызды.</li><li>64-ереже: Әйелдерге арналған жеке бағдарламаларға баса назар аудара отырып, сотталған әйелдерді оңалту және оларды қоғамда өмір сүруге бейімдеу бойынша арнайы шаралардың қажеттілігін қарастырады.</li></ul>Түрмедегі әйелдердің репродуктивті денсаулық, жүктілік және бала күтімі мәселелерін қоса алғанда, бірегей физиологиялық және әлеуметтік қажеттіліктері бар. Халықаралық ережелер түрме жүйесінің осы қажеттіліктерді ескеруін және әйелдерге, әсіресе балаларымен бірге түрмеде отыруы мүмкін аналарға тиісті жағдайларды қамтамасыз ету үшін әзірленген.&nbsp;Мұндай ережелер бас бостандығынан айыру орындарында әйелдерге, әсіресе олардың нақты қажеттіліктерін ескере отырып, тең емес қарым-қатынастың алдын алуға көмектеседі.Еліміздегі Адам құқықтары жөніндегі уәкіл мен оның өңірлердегі өкілдерінің басты міндеттерінің бірі -сотталғандарды түзеу мекемелерінде ұстау жағдайларына қатысты стандарттардың сақталуына және олардың құқықтарының қорғалуына мониторинг жүргізу.Тұтқындардың қандай болса да қорғалуы тиіс, ажырамас құқықтары бар адам болып қала беретінін есте ұстаған жөн.Сондықтан Омбудсмен институты Нельсон Мандела ережелерін ұстанады және олардың тиісті органдар тарапынан сақталуын талап етеді.Біз мәртебесіне қарамастан әр адамға лайықты және ізгілікті қарым-қатынас жасалатын әділетті жүйе құру үшін бірлесіп жұмыс істеуіміз керек.Берікбол Байхожаев,Адам құқықтары жөніндегі уәкілдіңҚызылорда облысы бойынша өкілі &nbsp;

Біріккен Ұлттар Ұйымының тұтқындармен қарым-қатынас жасаудың минималды стандартты ережелері

<a href="https://kyzylorda-news.kz/">Kyzylorda-news.kz</a> Шиелі ауданында тыл ардагері, Құрметті теміржолшы Нұрғали Қауғанбайұлын еске алуға арналған қазақ күресінен облыстық деңгейде турнир ұйымдастырылды.Турнирдің ашылу салтанатында аудан әкімінің орынбасары Болатбек Ысмағұлов пен Құрмет орденінің иегері, «Шиелісушар» өндірістік учаскесінің басшысы Дихан Әубәкіров сөз сөйлеп, қатысушыларға сәттілік тіледі.<blockquote>– Тыл ардагерін еске алу мақсатында ұйымдастырылған бұл турнирдің сәтті өтуіне тілектеспін. Қатысушыларға сәттілік серік болғай. Әрдайым жеңісті күндеріміз көп болғай. Қазақ жастары қашан да жеңіс тұғырынан көрінсін деген ниеттеміз. Алдағы уақытта мәдени, спорттық іс-шаралар ұйымдастырылатын болады. Барлық атқарылатын жұмыстар жоспар бойынша жүзеге асырылуда, – деді Шиелі ауданы әкімінің орынбасары Б.Ысмағұлов.</blockquote>Додалы бәсекеге Қызылорда қаласы мен аудан орталықтарынан келген 2012–2013 жылы туған 100-ден астам жас балуан қатысып, 9 салмақ дәрежесі бойынша өзара мықтыны анықтады.Бүгінгі турнир – ұлттық спортты дамыту мен жас балуандарды ынталандырудың, сондай-ақ, еңбек ардагерлерін құрметтеп, олардың есімін мәңгі есте қалдырудың жарқын үлгісі.<img src="https://knadmin.beoblood.kz/uploads/Shieli_oblysty_turnir_2_5dd54c0235.jpg" alt="Шиелі облыстық турнир 2.jpg">

Қазақ күресінен облыстық турнир өтті

<a href="https://kyzylorda-news.kz/">Kyzylorda-news.kz</a> Аймақ басшысының қолдауымен биыл қаланың жол-көлік инфрақұрылымын дамыту бағытында 17 жобаға бюджеттің барлық көздерінен 7,5 млрд.теңге бөлінді.Соның нәтижесімен алғашқылардың бірі болып мердігер «Сервис НС» ЖШС жүргізген «Тәуелсіздікке 25 жыл» даңғылы бойындағы «Қызылжарма» каналы арқылы өтетін автожол көпірі маусым айында пайдалануға берілді.Ал қаланың «Ескі базар» аумағындағы Әйтеке би, И.Тоқтыбаев, Училищная көшелеріне, И.Журба тұйығына жол жөндеу жұмыстары басталды. Бұл жоба «Ескі базар» аумағындағы көлік кептелісін болдырмау және тұрғындарға қолайлы жағдай жасау мақсатын жүзеге асырады.<img src="https://knadmin.beoblood.kz/uploads/Eski_bazar_zhol_rylysy_31f5cabe94.jpg" alt="Ескі базар жол құрылысы.jpg">Сонымен қатар қалаға қарасты Қызылөзек ауылдық округіндегі «Қожақ» каналы арқылы өтетін автомобиль көпіріне күрделі жөндеу жұмыстары жүргізілуде. Құрылыс жұмыстарын жүргізуші мердігер мекеме «Н Строй Сервис» ЖШС нысанды уақытында сапалы аяқтауға ерекше мән беруде. Жалпы жоба құны 292,3 млн. теңгені құрайды.Қаланы көгалдандыру жұмыстары бағытында мемлекеттік-жекешелік әріптестік аясында жаңа механизм енгізілді. Жоба қала аумағын жүйелі түрде көгалдандыру, жасыл желек көлемін арттыру және инфрақұрылымды жақсартуды көздейді. Бүгінде 250 қызметкері, 50 бірлік заманауи техникасы бар «КазСтройКапитал» компаниясы күндізгі және түнгі ауысыммен жұмыс жасауда.&nbsp;<img src="https://knadmin.beoblood.kz/uploads/K_galdandyru_zh_mystary_61546c59b2.jpg" alt="Көгалдандыру жұмыстары.jpg">Айта кету керек, қазір қала аумағында 46 100-ге жуық тал көшеті мен 800 000 дана біржылдық гүлдер, 13 500 дана көпжылдық гүл көшеттері отырғызылды және 10 000 шаршы метрден астам алаңға көгал төселді.Қазір қала аумағындағы 3 демалыс орны қайта жаңғыртылуда. Мұның ішінде қалалық мәдени және демалыс паркі абаттандырылып, пайдалануға берілді. Ал, Тұңғыш Президент саябағы мен Қорқыт ата атындағы саябақтарында абаттандыру жұмыстары қарқынды жүргізілуде. Қаладағы 18 көпқабатты тұрғын үйдің ауласын абаттандыруға және ойын алаңдарын салуға қалалық бюджеттен 1,3 млрд.теңге қаржы бөлінбек.&nbsp;<img src="https://knadmin.beoblood.kz/uploads/Prezident_sayaba_y_rylys_f5ee4dd9ef.jpg" alt="Президент саябағы құрылыс.jpg">Оған 19 шағын футбол, 25 жаттығу, 21 балалар ойын алаңын,15 аулаішілік шаруашылық алаңын және 13 демалыс орнын салу көзделген.Шаһардағы көпқабатты 20 үйдің қасбеттеріне күрделі жөндеу жұмысы басталды. Оған облыстық бюджеттен 1,4 млрд. теңге бөлінді.<img src="https://knadmin.beoblood.kz/uploads/T_r_yn_j_693a15cc22.jpg" alt="Тұрғын үй.jpg">

Архив