<a href="https://kyzylorda-news.kz/">Kyzylorda-news.kz</a> БАҚ қызметкерлері күні қарсаңында "Тұмар-2025" ұлттық телевизиялық сыйлығының он бір номинациясы бойынша номинанттар анықталды, деп хабарлайды <a href="https://baq.kz/tumar-2025-ulttyq-syylygyna-umitkerlerdin-qysqa-tizimi-zhariyalandy-200016081/">BAQ.KZ.</a>Биыл байқауға қатысу үшін 11 номинация бойынша жетекші республикалық және өңірлік телеарналардан 300-ден астам өтінім келіп түсті. Шорт-листке 44 жұмыс енді.Жеңімпаздар есімі 27 маусымда Бұқаралық ақпарат құралдары қызметкерлерінің күні қарсаңында анықталатын болады. Жеңімпаздарға отандық телевизия саласындағы ең жоғары жетістіктері үшін «Тұмар» мүсіншесі мен 1 миллион теңге көлеміндегі қаржылай сыйақы табысталады."Тұмар - 2025" Ұлттық телевизиялық бәйгесінің номинанттары:Ең үздік әлеуметтік тележоба:• «Таза қала» - JIBEK JOLY телеарнасы• «Таза Қазақстан» - 24KZ телеарнасы• «Жақсылық жаса» - QAZAQSTAN TV телеарнасы• «Әке арманы» - АSTANA TV телеарнасыЖылдың ең үздік репортажы:• «В гостях у кочевников» - МИР телеарнасы• «Алаяқтар балаларды қыруар қаржыға сан соқтырып жатыр» - ATAMEKEN BUSINESS телеарнасы• «Театры выживают за счёт талантов» - Хабар телеарнасы• «Абадан» - ЖЕТІСУ телеарнасыЕң үздік ақпараттық-сараптамалық бағдарлама:• «Жетінші студия» - 7 арна• «Basty taqyryp» - ATAMEKEN BUSINESS телеарнасы• «Әлем және біз» - QAZAQSTAN TV телеарнасы• «President» - 24KZ телеарнасыЕң үздік журналистік зерттеу:• «АЭС және энергетикалық қауіпсіздік» - ATAMEKEN BUSINESS телеарнасы• «По следам спасительного эшелона: как доставляли продовольствие в блокадный Ленинград из Казахстана?» - МИР телеарнасы• «Мүгедектігі бар жандар жұмысты қайдан табады?» - QYZYLORDA TV телеарнасы• «Тылсым тарих: Аштық қасіреті, Құмаршық қасиеті» - ATYRAÝ TV телеарнасыЖылдың ең үздік телехикаясы:• «Күзде келген көктем» - Хабар телеарнасы• «Құтқару қызметі» - 7 арна• «12:00» - 31 арна• «111. JUZ ON BIR» - JIBEK JOLY телеарнасыЕң үздік деректі фильм:• «Человек с острова Кулалы» - JIBEK JOLY телеарнасы• «Вандализммен күрес» - ATAMEKEN BUSINESS телеарнасы• «Закладчики. Расплата» - QYZYLJAR телеарнасы• «Олимпийские свершения: казахстанские герои Парижа» - Хабар телеарнасыЕң үздік балалар тележобасы:• «Дара бала» - BALAPAN телеарнасы• «Давай меняться» - ERTIS TV телеарнасы• «Түркістан сақшылары» - TURKISTAN TV телеарнасы• «Дарын» - QOSTANAI TV телеарнасыЕң үздік өңірлік арна:77TV телеарнасы – Жамбыл облысыSaryarqa телеарнасы –Қарағанды облысыCaspian News телеарнасы – Атырау облысыULYTAU телеарнасы - Ұлытау облысыЕң үздік тележурналист:• Ақерке Бектас – QAZAQSTAN TV телеарнасы• Айнұр Иманғали –JIBEK JOLY телеарнасы• Аслан Қаженов –24KZ телеарнасы• Әйгерім Пернебекова –ALMATY TV телеарнасыЕң үздік тележүргізуші:• Оксана Петерс – 7 арнаҮмбетәлі Меймеш –ALMATY TV телеарнасы• Мөлдір Доспаева –Хабар телеарнасы• Вероника Вишневская – Еуразия бірінші арнасыЕң үздік спорттық комментатор:• Жандос Айтбай –Хабар телеарнасы• Ерік Ерсін –QAZSPORT телеарнасы• Азамат Ашимов – ATAMEKEN BUSINESS телеарнасы• Азамат Нұғыманов - QAZAQSTAN TV телеарнасыФото: gov.kz

"Тұмар-2025" ұлттық сыйлығына үміткерлердің қысқа тізімі жарияланды

<a href="https://kyzylorda-news.kz/">Kyzylorda-news.kz</a> Арал теңізінің құрғаған түбін көгалдандыру жұмыстары биыл да жалғасып жатыр. Бұл туралы Үкімет отырысында Экология министрі Ерлан Нысанбаев мәлімдеді, деп хабарлайды <a href="https://baq.kz/aral-tagdyry-ministr-naqty-zhumystardy-atady-200016101/">BAQ.KZ</a> тілшісі.Министрдің айтуынша, 2024 жылдан бастап Арал теңізінің құрғаған табанындағы орман мелиорациялық шаралар бюджеттен тыс, ірі компаниялардың қаржысы есебінен жүзеге асырылып келеді.Мәселен, "ҚазМұнайГаз" компаниясының қолдауымен өткен жылы көктемде 15 мың гектар жерге 4,4 миллион сексеуіл көшеті отырғызылды. Биыл КАТКО компаниясымен бірлесіп, 2,2 млрд теңге бөлініп, 120 мың гектарға сексеуіл тұқымы себілді және 12 мың гектарға көшет отырғызылды, – деді министр.Сапалы көшеттермен қамтамасыз ету мақсатында арнайы орман питомниктері құрылып жатыр. Өткен жылдың соңында Қазалы қаласында 33 гектар аумақта қуаты жылына 3 миллион көшет болатын питомник салынып, алғашқы 10 гектарына сексеуіл тұқымы егілген.Аралдың құрғаған аумағында да жеке питомник жобаланып жатыр. Қазірдің өзінде 15 гектар аумақта ұңғымалар бұрғыланып, инженерлік жұмыстар атқарылуда. Бұл питомникте сол өңірдің климатына бейімделген көшеттер өсірілетін болады, – деді Ерлан Нысанбаев.Министрдің айтуынша, осы жылдан бастап барлық жұмыстар Қызылорда облысында құрылған Қазақ орман шаруашылығы ғылыми-зерттеу институтының филиалының ғылыми сүйемелдеуімен жүзеге асырылып жатыр.<blockquote>Сала сарапшылары мен ғалымдар сексеуілді отырғызу жұмыстарының тиімділігіне жоғары баға беріп отыр, – деді министр.</blockquote>Фото kazaral.org

Арал тағдыры: Министр нақты жұмыстарды атады

<a href="https://kyzylorda-news.kz/">Kyzylorda-news.kz</a> Әлемдік экономиканың қарқынды дамып келе жатқан сегменттерінің бірі болып табылатын электрондық сауданы елімізде дамыту мәселесі Үкіметтің басты назарында.Қазақстан Республикасының Сауда және интеграция министрлігі «Электрондық сауда нарығын дамытудың 2027 жылға дейінгі іс-шаралар жоспарын» қабылдады.Жоспар шеңберінде электрондық сауда мәселелері бойынша заңнаманы жетілдіру, өңірлерде электрондық сауда бойынша оқу курстарын жүргізу, сондай-ақ кәсіпкерлерге мемлекеттік қаржылық қолдау шараларын жүзеге асыру жұмыстары жасалуда.Жалпы, өңірімізде ресми тіркелген 10 кәсіпорын тауарлар мен қызметтерді интернет-ресурс арқылы өткізуде (оның 5-і ресми сайтпен – «Сулпак», «Технодом», «Мечта», «Альсер», «Еврофарма», қалған 5 кәсіпкер Каспи магазинінде тауарларын ұсынады).Тауарөндіруші«Асыл дән LTD», «СЗЦ Арал» және «Ақмарал ПК» компаниялары Alibaba.com платформасында «Gold Supplier» (Голд саплайер – Алтын жеткізуші) мәртебесімен тіркеліп, өнімдерін ұсынуда.Тапсырыстарды сақтау мен жеткізу бағытында аймақта «Қазпошта» желісінің 11 супермаркеті және «Пиндуодо» интернет дүкенінің тарату пункті жұмыс жасауда.Мемлекет басшысының халыққа Жолдауынан туындайтын негізгі міндеттердің бірі – аэрохабтарды дамыту, әуежайлардың, автомобиль және теміржол магистральдарының инфрақұрылымын жетілдіру.Биылғы жылдың мамыр айында Қазақстан Республикасы Үкіметінің отырысында Қызылорда облысында арнайы экономикалық аймақ құру туралы шешім қабылданды.Арнайы экономикалық аймақтың аумағы 550 гектарды құрайды. Қорқыт ата әуежайының қасында орналасады. «Қорқыт Ата» АЭА құрылымында 3 ішкі аймақ қарастырылған. Олар: өнеркәсіптік аймақ, көтерме-бөлшек сауда, қоймалау және сақтау аймағы және авиацияға қызмет көрсету аймағы.Бұл өз кезегінде облыста өнеркәсіптің әлеуетін көтеруге, &nbsp;электронды сауданың дамуына серпін береді.Облыс әкімдігімен «Қазпошта» АҚ облыстық филиалы және облыстық кәсіпкерлер палатасының келісімдері негізінде аймақта электрондық сауданы одан әрі дамыту мақсатында «Қызылорда облысында электронды сауданы дамытудың 2025 жылға арналған іс-шаралар жоспары» бікітілді.Жоспарға сәйкес, «Қазпошта» АҚ-ның мүмкіндіктерін кеңінен насихаттау, жергілікті тауарөндірушілердің өнімдерін пошта маркетплейсіне орналастыру, тұтынушыларды ақпараттық қолдау (пошта және курьерлік қызмет, сауда және интернет эквайринг, жеңілдетілген экспорт және кедендік декларациялау, фулфилмент, жөнелтімдерді сақтандыру, интернет-банкинг), түсіндірме жұмыстары жүргізілуде.Сонымен қатар, ағымдағы жылдың 26 наурызында Жаңақорған және Шиелі аудандарында Қызылорда облысының кәсіпкерлер палатасы, Қызылорда облыстық «Қазпошта» филиалы, «Байқоңыр» ӘӘК» АҚ бірлесіп, кәсіпкерлерге электронды сауда негіздері бойынша оқу курсын ұйымдастырды. Оқыту барысында екі ауданнан жалпы саны 80-ге жуық кәсіпкерге түсіндірме жұмыстары жүргізілді.Электрондық сауданы одан әрі дамыту бағытында Қазақстан Республикасының Сауда және интеграция министрлігінің ұйымдастыруымен ағымдағы жылдың мамыр айынан бастап онлайн платформалары арқылы оқытулар ұйымдастырылып, облыс бойынша 70-ке жуық ниет білдірген кәсіпкерлер оқу барысында қажетті ақпарат алуда.Сонымен қатар, Қазақстан Республикасы Сауда және интеграция министрлігінің Қызылорда облысы бойынша сауда және тұтынушылардың құқықтарын қорғау департаментіне жыл басынан бері жеке тұлғалардан электронды саудадағы тұтынушылардың құқығын қорғауға бағытталған 11 өтініш келіп түскен. Оның ішінде, 3 өтініш бойынша түсіндірме жұмыстары жүргізілсе, 8 өтініш бойынша алдау фактісі байқалғанына байланысты тиісті құқық қорғау органдарына жолданған.Сондықтан электронды сауданы жүргізіп отырған кәсіпкерлер тұтынушыларға ұсынылатын тауарының сапасына мән беріп, жауапкершлікпен қарауы қажет.

Электрондық сауданы елімізде дамыту мәселесі Үкіметтің басты назарында

<a href="https://kyzylorda-news.kz/">Kyzylorda-news.kz</a> Сыр өңіріндегі NIS оқушылары Ернұр Сәду мен Айдар Бижанұлы Шымкент қаласында өткен World Robot Olympiad – 2025 халықаралық робототехника олимпиадасының республикалық кезеңінде III орынды иеленді.Биылғы байқау еліміздің барлық өңірінен жиналған 300-ге жуық қатысушыны біріктірді. Қатысушылардың жартысын жалпы білім беретін мектептердің оқушылары құрады, оның ішінде ауыл мектептерінен келген 10 команда бар. Олимпиаданы дәстүрлі түрде «Назарбаев Зияткерлік мектептері» дербес білім беру ұйымы ұйымдастырды.Биылғы маусымның тақырыбы – «Future of Robots» (Болашақ роботтары). Жас инженерлер бұл бағытта адамзат өмірін жақсартуға және жаһандық мәселелерді шешуге арналған жобаларын ұсынды.Сайыс төрт негізгі санат бойынша өтті: RoboMission, Future Innovators, RoboSports және Future Engineers. Соңғы санатта қызылордалық зияткерлер жоғары инженерлік дайындық пен жобалық ойлау қабілетін көрсетіп, жүлделі үштіктен көрінді. Сондай-ақ RoboMission санатында NIS Қызылордадан қатысқан тағы екі команда жақсы нәтиже көрсетті. Мақсұтбек Бірлік пен Жеңіс Әбілхайыр, сондай-ақ Әбсалям Сұңқар мен Ахметов Жарқынбек үздік нәтижесі үшін арнайы дипломдармен марапатталды.Оқушыларды технологиялық шығармашылыққа және инженерлік ойлауға жетелеп жүрген тәжірибелі ұстаздар – Серік Ахметов пен Мәди Жуматаев.

Қызылордалық зияткерлер – елдегі үздік инженер-робототехниктер қатарында

<a href="https://kyzylorda-news.kz/">Kyzylorda-news.kz</a> Халықаралық деңгейде танылып жүрген қызылордалық ару, опера әншісі Әйгерім Алтынбек әлемге әйгілі Италиядағы «Ла Скала» театры академиясында тағылымдамадан өту мүмкіндігіне ие болды. Бұл – әлемдегі ең беделді опера оқу орындарының бірі саналады.Бейнежазба арқылы өткен алдын ала іріктеуге 400-ден астам үміткер қатысқан. Олардың ішінен 12 үздік орындаушы таңдалып алынды. Солардың қатарында Қармақшы ауданының тумасы, талантты жерлесіміз Әйгерім Алтынбек те бар.Халықаралық вокалдық байқаулардың лауреаты- Әйгерім Алтынбек бұған дейін танымал композитор Джакомо Пуччинидің 100 жылдығына арналған халықаралық байқауда жеңімпаз атанып, Николай Гяуров атындағы байқауда ІІІ орынды иеленді. Сондай-ақ әлемнің түкпір-түкпірінен келген 470 қатысушы бақ сынаған Рената Тебальди атындағы халықаралық конкурста II орынға ие болып, атақты Мирелла Френидің арнайы сыйлығымен де марапатталған.Оған қоса, 25 маусымда өтетін әлемге танымал тенор Хосе Каррерастың концертінде Әйгерім Алтынбек өнер көрсетеді. Бұдан бөлек, 27–28 маусым күндері Италияның Неаполь қаласында өтетін Андреа Бочеллидің мерейтойлық концертіне қатысып, аты аңызға айналған тенормен бір сахнада өнер көрсетеді.Бұл — тек жеке жетістік емес, мемлекетіміздің жас таланттарды қолдауға бағытталған ауқымды жұмысының нәтижесі. Айта кетейік, Әйгерім Алтынбекқызы Қармақшы ауданы Тұрмағамбет ауылында дүниеге келген. 2012 жылы Қызылорда қаласындағы Қазанғап атындағы музыкалық колледжге оқуға түсіп, кәсіби өнер жолын бастаған. Кейін Астана қаласындағы Қазақ Ұлттық Өнер академиясында «Классикалық ән салу» мамандығы бойынша жоғары білім алған.Осы уақытқа дейін ол республикалық және халықаралық деңгейдегі бірқатар вокалдық байқауларда жүлделі орындарға ие болып, өз дарынымен Қазақстан атын әлемдік сахнада танытып келеді.Әйгерім Алтынбекқызының әрбір жетістігі – еліміздің мәдениет пен өнер саласындағы беделін арттыра түсетіні сөзсіз.

Жерлесіміз Италияның белді театрында тағылымдамадан өту мүмкіндігіне ие болды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев журналистерді алдағы Бұқаралық ақпарат құралдары қызметкерлері күнімен құттықтады. Ұлттық медиа – халықтың үні, ал журналист жасампаздық жаршысы екенін атап өтті.<blockquote>– Сіздер мемлекет саясатын елге түсіндіріп, қоғам мен биліктің арасында көпір болып келесіздер. Елімізде жасалып жатқан реформалардың мән-мағынасын жұртшылыққа жеткізіп жүрсіздер. Бұл – өте маңызды, күрделі, ерекше жұмыс. Әрбір адамның қолынан келмейді. Мен бүгін бәріңізге шынайы ризашылығымды білдіремін, – деді &nbsp;Мемлекет басшысы.</blockquote>Қасым-Жомарт Кемелұлы ел бірлігін сақтау, тұрақтылық пен тыныштықты бағалаудың маңызына тоқталып, осы орайда, журналистерге айрықша сенім мен зор жауапкершілік жүктелетінін айтты. &nbsp;<blockquote>– Қазіргі ақпарат тасқынында сенімді дерек, дәйекті талдау ұсынудың мән-мағынасы арта түсті. Журналистің ағартушылық миссиясы алдыңғы қатарға шықты. Кез келген ақпаратты мұқият елеп-екшеп, жұртқа дұрыс жол көрсету өте маңызды. Бұл ретте, сіздерді ақпарат әлемінің темірқазығы деуге болады. Мен журналистеріміздің әр мәліметті ұлт мүддесі тұрғысынан саралай аларына сенемін. Өйткені өзім көп оқимын, сіздер жазған мақалалармен, ой-пікірлермен таныспын, – деді Мемлекет басшысы.</blockquote>Президент отандық журналистика саласының дамуына елеулі үлес қосқан бір топ азаматты мемлекеттік наградалармен марапаттады.Олардың қатарында Qyzylorda TV телеарнасының директоры Нұрбек Әмиша "Ерен еңбегі үшін" медалімен наградталды.

Ұлттық медиа – халықтың үні

<a href="https://kyzylorda-news.kz/">Kyzylorda-news.kz</a> Премьер-министрдің орынбасары Серік Жұманғаринның төрағалығымен кеңес өтті. Күн тәртібінде агроөнеркәсіптік кешен мен өнеркәсіп саласындағы инвестициялық жобалар талқыланды. Кеңеске облыс әкімі Нұрлыбек Нәлібаев селекторлық режим арқылы қатысты.Биыл аймақтың ауыл шаруашылығы саласына 86 млрд. 400 млн. теңге инвестиция тарту межесі бекітілген. Қаңтар-мамыр айларының қорытындысы бойынша ауыл шаруашылығы және тамақ өнімдерін өндіруде негізгі капиталға салынған инвестиция 4 млрд. 731 млн. теңге болып, өткен жылғы сәйкес кезеңмен салыстырғанда 26 пайызға артты. Инвестиция тартуды тұрақты қамтамасыз ету үшін аймақтың агроөнеркәсіп кешенінде 2025-2027 жылдары іске асырылатын инвестициялық жобалардың жол картасы бекітілді. Жол картасында 30 инвестициялық жоба қамтылған. Бұл жобалар жүзеге асқанда 295 жаңа жұмыс орны ашылмақ. Биыл 13 млрд. 400 млн. теңгенің 14 инвестициялық жобасы жоспарлануда.Өнеркәсіп саласында биылғы 5 айда 426 млрд. 950 млн. теңгенің өнімі өндіріліп, өткен жылдың сәйкес кезеңімен салыстырғанда көрсеткіш 0,4 пайызға өсті. Өңдеу өнеркәсібінде 155 млрд. 300 млн. теңгенің өнімі өндіріліп, көрсеткіш 18,2 пайызға артты. Экономиканы әртараптандыруда 2025-2028 жылдары қолға алынатын 89 инвестициялық жобаның 27-сі биыл іске асырылуда.Ірі жобалардың бірі – қуаттылығы 240 мегаваттық жаңа жылу-электр орталығы. Өңірдің кірпіш өнімдеріне қажеттілігінің 90 пайызын қамтамасыз ететін, құны 5 млрд. теңге болатын заманауи кірпіш зауыты іске қосылды. Азық-түлік өнеркәсібінде нан-тоқаш, кондитерлік, макарон өнімдерін өндіру кешені, түйе сүтінен жылына 392 тонна құрғақ ұнтақ өндіру зауыты мен әрқайсысы 2 мың шаршы метр екі шағын өнеркәсіптік аймақ биыл жұмысын бастайды.Түйе сүтінен алынатын құрғақ ұнтақ өнімдер қытайлық компаниямен жасалған оффтейк келісімі аясында толығымен Қытайға экспортталатын болады.Биыл жалпы құны 24,2 млрд теңге, қуаттылығы 90 мегаватт үш күн-электр станциясы іске қосылады. Бұдан бөлек, жыл ішінде жалпы сомасы 553,6 млрд теңгеге бағаланған 14 ірі жобаның құрылысы басталады.