<a href="https://kyzylorda-news.kz/">Kyzylorda-news.kz</a> Желіде танымал әнші Мейрамбек Бесбаев туралы жасалған дипфейк видео көпшіліктің қызу талқысына түсті. Youtube платформасында жарияланған видеода «30 жыл бойы анасын іздеген Мейрамбек ақыры тапты» деген оқиға баяндалады. Көрермендер арасында бұл ақпаратқа шын сеніп қалғандар аз емес — видео астында қалдырылған мыңнан аса пікірдің көбі эмоцияға толы,&nbsp;деп хабарлайды <a href="https://anyqtime.kz/">Anyqtime.kz</a> тілшісі <a href="https://malim.kz/article/opinion/30-zyl-boiy-izdegen-anasyn-tapty-meirambek-besbaev-turaly-video-sumdyq-qaralyp-zatyr-32030">Malim.kz</a> сайтына сілтеме жасап.Бастапқыда әзіл мен пародия үшін пайда болған дипфейк технологиясы бүгінде жаһандық қауіпке айналып отыр. Германиядағы Гете институтының дерегіне сүйенсек, интернетте тараған алғашқы дипфейктердің 96%-ы қалжың ретінде жасалған. Алайда кейіннен мұндай контент алаяқтыққа, діни-саяси үгітке, тіпті тұлғалардың беделін түсіруге бағытталған құралға айналды.Қазақстанда да дипфейкпен байланысты киберқылмыстар көбейіп келеді. Мәжіліс депутаты Ерлан Сайыровтың айтуынша, былтыр елімізде 22 мыңнан астам алаяқтық фактісі тіркелген. Ал биылдың алғашқы айларында кибералаяқтықтан келген шығын 11 миллиард теңгеден асқан.Жасанды интеллект арқылы жасалатын мұндай жалған контенттер әзіл мен қылмыстың ара-жігін ажыратуды қиындатып отыр. Бұл мәселе «Жасанды интеллект туралы» заң жобасын талқылау кезінде де көтерілген.Желі қолданушыларына жалған видеоларға сеніп қалмау және ақпараттың рас-өтірігін тексеру қажеттілігі ескертіледі. Себебі технология дамыған сайын, шындық пен жалғанның арасы бұрынғыдан да бұлыңғыр бола түсті.Фото: Видеодан скриншот

Дипфейк! "30 жыл бойы іздеген анасын тапты": Мейрамбек Бесбаев туралы видео жұрттың назарын аударды

<a href="https://kyzylorda-news.kz/">Kyzylorda-news.kz</a> Үндістанның Ахмедабад қаласында апатқа ұшыраған Air India ұшағында қаза тапқандар саны 110-ға жетті. Бұл туралы <a href="https://stan.kz/undistandagi-yshak-apati-kaza-tapkandar-sani-110-ga-zhe-419234/">Stan.kz</a> ақпарат агенттігі <a href="https://x.com/TimesNow">TimesNow</a> телеарнасына сілтеме жасап хабарлады.Полицияның нақтылауынша, әуе кемесі дәрігерлерге арналған жатақхана маңында құлаған. Оқиға орнына шұғыл қызметтер екі-үш минут ішінде жеткен. Қазір аумақтың 70-80 пайызы тазартылып үлгерді. Барлық зардап шеккендер ауруханаға жеткізілген.Hindustan Times басылымының мәліметінше, ұшақ бортында Үндістан азаматтарынан бөлек, 53 Ұлыбритания азаматы, жеті Португалия азаматы және бір Канада азаматы болған.Air India барлық рейстерін уақытша тоқтатты. Апат алдында ұшқыштар бірнеше минут бұрын апаттық сигнал бергенімен, диспетчерлік қызмет жауап беріп үлгермегені анықталды.Еске салсақ, Үндістанда жолаушылар<a href="https://stan.kz/undistanda-130-zholaushisi-bar-yshak-apatka-yshiradi-vi-419225/">ұшағы апатқа ұшырағаны</a>туралы хабарлаған едіік. Бортта 242 адам болған.Фото: TimesNow видео кадрларынан скрин

Үндістанда ұшақ дәрігерлерге арналған жатақханаға құлаған: Қаза тапқандар саны 133-ке жетті

<a href="https://kyzylorda-news.kz/">Kyzylorda-news.kz</a> Аймақтың кәсіпкерлік саласын дамыту мақсатында құрылған «Қызылорда» Өңірлік инвестициялық орталығы арқылы 10 жылда 15,5 млрд теңгеге 2779 жоба қаржыландырылған. Нәтижесінде 3140 жаңа жұмыс орны ашылып, кәсіпкерлер бюджетке 2 млрд теңгеге жуық салық төлеген. Бұл жайлы Өңірлік орталық директорының орынбасары Досжан Анасбаев айтты.<blockquote>«Жобаларды қарастыру барысында Орталық ауылдық елді мекендерге басымдық берді. Мәселен, он жылда Өңірлік орталық арқылы қаржыландырылған 2779 жобаның 2595-і аудандар, ондағы елді мекендер, сондай-ақ Қызылорда қаласына қарасты ауыл азаматтарының кәсіпкерлік бастамасы», - дейді Орталық директорының орынбасары.</blockquote>Кәсіпкерлік мақсаттағы мемлекеттік қолдау тетіктерін алу барысында ауылдық елді мекен тұрғындары қиналатын кей мәселелер бар. Мысалы, несие алу үшін қойылатын кепіл мүлік. Бұл жағына келгенде Өңірлік орталық мәселені жан-жақты қарастырып, оңтайлы шешілуіне аса мән береді. Кепілге жылжымайтын мүліктен сабан үйге дейін, сондай-ақ жер телімдерін де алады.Былтыр Өңірлік орталық 1,4 млрд теңгеге 129 жобаны қаржыландырды.<blockquote>«Біз қазір жобаларды қаржыландыруда басымдықты өндірістік салаға беріп жатырмыз. Бұл жағынан аймақ басшысы Нұрлыбек Машбекұлы жергілікті тауарөндірушілердің қатарын арттыру жөнінде нақты тапсырма берді. Өндіріспен айналысудың тиімді екенін жыл өткен сайын кәсіпкерлер де жақсы түсініп келеді. Былтырғы қаржыландырған 129 жобаның 53-і өндірістік, 42-сі қызмет көрсету саласынан болса, 25-і агроөнеркәсіптік кешен саласындағы жобаларды қамтиды», - деді Досжан Анасбаев.</blockquote>Осы орайда, шалғай аудан, ауыл тұрғындары жобаларын ұсынуда облыс орталығына келіп, уақыт жоғалтпаса да болады. Жобаларын өздері тұратын қала, ауданның кәсіпкерлік бөлімдеріне тапсырады. Ал аталған бөлім мамандары жобаларды жинақтап, «Қызылорда» Өңірлік инвестициялық орталығына ұсынады.Биыл Өңірлік орталықта өңдеу өнеркәсібін дамытуға 1,3 млрд теңге қаржы қаралып отыр. Кәсіпкерлік мақсаттағы несие 6 пайызбен, 5 жылға дейін беріледі. Бүгінгі күнге дейін қалалық, аудандық әкімшіліктерден 55 өтінім түсті. Бұл өтінімдер несие комитетінде қаралып, 20 жоба қаржыландырылды.Сондай-ақ, Қызылорда қаласының сол жағалауында мемлекеттік бағдарлама аясында ашылып жатқан шағын өндірістік аймақта кәсібін жүргізуге ниетті бизнес иелеріне де Орталық арқылы қолдау көрсету көзделуде. Аталған орталыққа орналасатын кәсіпкерлер құрал-жабдық үшін Өңірлік орталықтан 3 пайызбен несие ала алады.<blockquote>«Қазір Қызылорданың қарқынды дамып жатқанын өздеріңіз де көріп отырсыздар. Оның ішінде сол жағалау қажетті инфрақұрылыммен қамтамасыз етілуде. Соның бірі – мемлекеттің қолдауымен шағын өндірістік аймақты дамытуға жақсы жағдай жасалуда. Шағын өндірістік аймақта орналасқан кәсіпкерлер өнімдерін жанындағы коммуналдық базарға шығарып, тұтынушыларға ұсына алады», - дейді Өңірлік орталық басшысының орынбасары Досжан Анасбаев.</blockquote>Өңірлік орталықтан кәсіпкерлік мақсатта несие алуға ниетті азаматтар қосымша сұрақтар туындаған жағдайда тұрғылықты жеріндегі қала/аудандық кәсіпкерлік бөліміне немесе «Қызылорда» Өңірлік инвестициялық орталығына хабарласа алады. Өңірлік орталықтың байланыс телефоны: 8 /7242/ 40-03-60, 40-02-37.

Кәсіпкерлер екі миллиард теңгеге жуық салық төлеген

<a href="https://kyzylorda-news.kz/">Kyzylorda-news.kz</a> Бүгін «AMANAT» партиясының «Таза бейсенбі» экологиялық акциясы аясында Сырдария ауданында тазалық іс-шарасы ұйымдастырылды.Қоғам тазалығын қамтамасыз етуде маңызы зор акцияға партияның аудандық филиалының атқарушы хатшысы, фракция жетекшісі Ақтөре Ибрагимұлы арнайы қатысып, қоғамдық орындар мен көлдердің жағалауында тазалық сақтау – мәдениеттіліктің белгісі екенін атап өтті.Экологиялық акция барысында партия белсенділері мен «Жастар» бастауыш партия ұйымының мүшелері Қалғандария, Әйтек және Майжарма каналдарының аумағын тазалады. Акцияға аудандық мәслихат депутаты, фракция мүшесі Алмас Есназар, «Жастар рухы» жастар қанатының аудандағы жетекшісі, «Жастар» бастауыш партия ұйымының төрағасы Нұржан Сейтжан да қатысып, қолдау білдірді.<blockquote>«Тазалық пен тәртіп – кез-келген аймақтың табысты дамуының кепілі ғана емес, тұрғындардың мәдениеттілігінің өлшемі. Мемлекет басшысы Қасым-Жомарт Кемелұлы «Қалалар мен ауылдардың сәулетті, саябақтар мен ауланың таза болуы, ең алдымен, басқа біреуге емес, өзімізге керек. Азаматтарымыз қоғамдық орындар мен қоршаған ортаға жанашыр көзбен қарауға тиіс» деген болатын. Біздің айналамыздағы игіліктер адамдар үшін жасалған. Тазалық біз үшін басты құндылық. «Ауылына қарап, азаматын таны» дегендей, әр елді мекеннің тазалығы, сәулетті көркі тұрғындардың жанашырлығына байланысты. Себебі әр көшенің, әр үйдің, әр ауланың тазалығы – тұтас қала мен ауылдың айнасы. Ұлы жол алғашқы қадамнан басталады. Осы ретте, «AMANAT» партиясының «Таза бейсенбі» акциясы аясында аудан халқы туған жерді түлетуге атсалысуда. Барша жерлестерімізді, еңбек ұжымдары мен кәсіпкерлерді игі бастаманы қолдауға, аулалар мен көшелерде, мөлтек аудандарда жүзеге асыруға, аудан мен ауылдарда тазалық жұмыстарына ұйытқы, жақсы істерге дәнекер болуға шақырамыз. Туған жерімізді бірге көркейтейік!», – деді партияның аудандық филиалының атқарушы хатшысы Ақтөре Ибрагимұлы.</blockquote>Атап өту керек, Сырдария ауданында «Таза бейсенбі» экологиялық акциясы аясында тазалық жұмыстары апта сайын жүргізілуде. Бұл жұмысқа тұрғындармен қатар БПҰ төрағалары, партия мүшелері, мәслихат депутаттары белсенді атсалысуда.<img src="https://knadmin.beoblood.kz/uploads/Taza_bejsenbi_Amanat_2_f52316ec30.jpg" alt="Таза бейсенбі Аманат 2.jpg">

"Таза бейсенбі": Сырдария ауданында тазалық іс-шарасы ұйымдастырылды

<a href="https://kyzylorda-news.kz/">Kyzylorda-news.kz</a> Қызылорда облысының Төтенше жағдайлар департаменті су айдындарындағы қауіпсіздік ережелерін және зардап шеккендерге алғашқы медициналық көмек көрсетуді үйрету мақсатында «Арай» қалалық аквапаркі базасында көрсетілім сабағын өткізді.Іс-шара барысында құтқарушылар мен медицина қызметкерлері судағы төтенше жағдайлардың алдын алу, шұғыл әрекет ету және алғашқы көмек көрсету тәсілдерін көрсетті. Мұндай іс-шаралар тұрғындардың қауіпсіздік мәдениетін арттыруға бағытталған.Мұнымен қоса мұндай сабақтар мектептердегі жазғы балалар лагерьлерінде де өтіп жатыр. &nbsp;Аталған жұмыстар лагерьлердің жұмысы аяқталғанға дейін жалғасады.&nbsp;<blockquote>- Сырдария өзені мен облыс аумағындағы басқа да су айдындарында азаматтардың суға кету фактілері көбіне қауіпсіздік ережелерін өрескел бұзу салдарынан орын алуда. Атап айтқанда, тұрғындардың өзендер мен каналдардың кез келген, зерттелмеген тұстарында суға түсуі, спирттік ішімдік ішіп суға шомылуы, балалардың ересектердің қарауынсыз су жағасына баруы мен жүзе алмауы - қайғылы жағдайларға басты себеп болып отыр. Сондай-ақ, соңғы жылдары ұжымдар мен оқу орындарына қарасты жастардың жаз мезгілінде табиғат аясында, өзен-көл жағасында демалыс ұйымдастыруы жиілеген. Алайда мұндай демалыстардың кейбірі өкінішке қарай қайғылы оқиғалармен аяқталып жатады. Қазіргі таңда облыс аумағында суға шомылуға тыйым салынған 63 қауіпті аймақ тіркеліп, аталған учаскелерге 149 ескерту тақтайшалары мен билбордтар орнатылған. Айта кету керек, жазғы маусымда облыс бойынша 8 балалар лагері жұмыс істейді. Осы ретте барлық ата-аналар мен демалыс ұйымдастырушыларды балалардың судағы қауіпсіздігін қамтамасыз етуге және барлық сақтық шараларын қатаң сақтауға шақырамыз,- деді Нұржігіт Бердібекұлы.</blockquote>

Бала қауіпсіздігі – басты міндет

<a href="https://kyzylorda-news.kz/">Kyzylorda-news.kz</a> Шиелі ауданында көрнекті қаламгер, қоғам қайраткері Сәбит Мұқановтың 125 жылдығына арналған әдеби-сазды кеш өтті. Іс-шара Шиелі ауданының әкімі Айтбай &nbsp;Насриддинұлы Жандарбековтың қолдауымен ұйымдастырылып, мемлекеттік қызметшілердің қатысуымен өтті. &nbsp;Іс-шара «Бұдабай Қабылұлы атындағы мәдениет және шығармашылық орталығында» өтті. &nbsp;Мақсаты — мемлекеттік қызметшілердің рухани әлеуетін арттыру, кітап оқу мәдениетін насихаттау, әдебиетке деген қызығушылығын ояту. &nbsp;Кешті аудандық қоғамдық даму бөлімінің бас маманы Гүлшат Рысқалиқызы жүргізіп, кештің мазмұнын көрерменге терең жеткізді. Мемлекеттік қызметшілерден құралған шығармашылық топ Сәбит Мұқановтың шығармаларынан көркемсөз оқып, сахналық қойылымдар ұсынып, ән-жырмен әрледі. &nbsp;Кеш барысында «Шиелі ауданы әкімінің аппараты» коммуналдық мемлекеттік мекемесінің персоналды басқару (кадр қызметі) бөлімінің басшысы &nbsp;Құттықыз Артыққызы, жазушы, Ақпарат саласының үздігі Елтай Назымханұлы, Шиелі аудандық әйелдер кеңесінің төрайымы Нәйла Әбілқасымқызы, ардагер ұстаз, ақын &nbsp;Айжамал Әбдіхамитқызы, ақсақалдар кеңесінің төрағасы Исабек Сәрсенбайұлы, Шиелі аудандық орталықтандырылған кітапханалар жүйесінің басшысы Гүлдана Көпболсынқызы және ұстаздар Бақытжамал Серқұлқызы, Коммуна Исмаиловна сөз алып, Сәбит Мұқановтың қазақ әдебиетіндегі орны туралы тебіреніспен ой бөлісті. &nbsp;Бұл кеш – мемлекеттік қызметшілердің шығармашылық қабілеттерін жаңа қырынан көрсеткен тағылымды әрі мазмұнды мәдени іс-шара болды. &nbsp;«Сөз – халықтың қымбаттан қымбат кені» кеші – өнер мен руханияттың үндескен, ұлттық құндылықтарды дәріптейтін мәдени алаңға айналды. &nbsp;

Сәбит Мұқановтың 125 жылдығына орай әдеби-сазды кеш өтті

<a href="https://kyzylorda-news.kz/">Kyzylorda-news.kz</a> Қызылорда медицина ұйымдары арасында жүйелі өткізіліп келе жатқан 57-ші спартакиада өз мәресіне жетті. Биылғы спартакиада медицина саласының ардагерлері Сағындық Шамшиевтің 80 жас, Абдулла Шүленбаевтың 75 жас мерей тойларына арналып, ұрпақтар сабақтастығымен салауатты өмір салтын насихаттаудың басты мақсаттары денебелсенділігін арттыру мен қимыл-қозғалыстың жақсаруы, тиімділігі.&nbsp;Сала қызметкерлерінің кәсіби мерекесі қарсаңында «SENIM» Денсаулық сақтау жүйесі жұмыскерлерінің салалық кәсіптік одағы мен Қызылорда облыстық денсаулық сақтау басқармасының ұйымдастыруымен бір айға жуық спорттың 9 түрінен (шағын футбол, волейбол, арқан тарту, асық ату, бес асық, эстафета, ұзындыққа секіру, тоғызқұмалақ, үстел теннис) ойын түрлерінен тартысты жарыстар облыстық, қалалық, аудандық емдеу-алдын алу ұйымдары және жеке клиникалар мен орта оқу орындары (жоғары мед колледжі, «өркениет колледжі») арасында өткізілді. Барлығы шамамен 900- ге жуық қызметкерлер, жұмыскерлер өз мекемелерінің абыройы үшін тер төкті, тартысты ойын өрнектерін көрсетіп Саламатты өмір салтын кеңінен насихаттады.Жалпы биылғы жылы елімізде Президенттің «Жұмысшы мамандықтар жылы», Ұлы жеңістің 80 жылдығы аясында жоспарланған. Жоспарлы іс-шараның ашылу салтанаты 5-мамыр күні «Локоматив» стадионында өтті. Ашылу салтанатына облыстық денсаулық сақтау басқармасының басшысы О.Искаков құттықтау сөз сөйлеп, спартакиаданың маңыздылығы ұрпақтар сабақтастығы, саламатты өмір салтын ұстану қағидалары, сала ардагерлері С.Шамшиев пен А.Шүленбаевтың мерейлі жастарында өңір халқына жасаған адал еңбектерін кейінгі жас мамандарға дәріптеу, ұлықтау және сала қызметкерлері арасында биыл 57-ші рет жүйелі өткізілгелі отырған спартакиаданың үлкен маңызға ие екенін атап өтті. Өз кезегінде мерей той иелері әріптестеріне алғысын білдіріп, сәттілік тіледі. «SENIM» Денсаулық сақтау жүйесі жұмыскерлерінің салалық кәсіптік одағы РҚБ-нің Қызылорда облыстық филиал төрағасы Сәулебек Ысқақовтың айтуынша Ел Президентінің 2025 жылды «Жұмысшы мамандықтар жылы» деп жариялап, соған орай ауқымды іс-жоспар аясында емдеу алдын-алу мекемелеріндегі бастауыш ұйым жұмыскерлерін барынша жұмылдыру. Жылма-жыл спорт додасы кәсіподақ мүшелерінің қызу қолдауының арқасында ауқымы кеңейіп, қатысышу командалар саны аудандармен жеке клиникалардан да ұсыныстар түсіп, дами түскенін көріп отырмыз.Сондай-ақ биыл Қазақстан кәсіподақтарының құрылғанына 120 жыл айтулы мерекесін басшылыққа алып, сонымен қатар ұлы жеңістің 80 жылдығы да сала қызметкерлері арасында талқыланып, кейінгі ұрпаққа кеңінен насихатталуда.Бұл спартакиаданы өткізудің маңыздылығына медицина қызметкерлерімен жұмыскерлердің тек кәсіби салада ғана емес, спорттық шараларда да белсенділік танытып келе жатқанын атап өтті. Оның айтуынша мұндай шаралар тек дене шынықтыруды ғана емес рухани сергектікті де арттырады, сонымен қатар салауатты өмір салтын насихаттауды ұжымдық рухты нығайту және медицина жұмыскерлері арасында өзара байланысты күшейту мақсатында ұйымдастырылды.Техникалық және төрешілік қызметтерді Қызылорда қаласының дене шынықтыру және спорт бөлімінің мамандары қамтамасыз етті.Жарысқа облыс көлеміндегі емдеу ұйымдарынан 27-і команда өтініш білдіріп, барлығы 900- ге жуық медицина қызметкерлері қатысты. Өз кезегінде қатысушы қызметкерлер кәсіби қызметтегі жауапкершілікті спорттық ойында шеберлікпен үйлестіріп, нағыз командалық рухпен тартысты қолдаудың үлгісін көрсете білді. Жеңімпаз командаларға жүлделі кубоктар, дипломдар, медальдар, ақшалай сыйлықтардың сертификаттары табысталды. Сондай-ақ үздік ойыншылар, ардагер ойыншыларда және белсенді қатысушы командаларда марапаттан құр қалған жоқ.Медицина қызметкерлері арасындағы дәстүрлі спартакиадада тек жарыс қана емес, бір-бірімен тәжірибе алмасуға, ұрпақтар сабақтастығын дәріптеуге, бей ресми жағдайда танысып-білісуге үлкен мүмкіндік берді.Қатысушылардың пікірінше, мұндай спартакиадалар ұжым ішіндегі бірлікті нығайтып, жұмыстан тыс ортада жаңа серпін береді. Ұйымдастырушылар алдағы уақытта дәстүрлі спаркиаданың мазмұнын кеңейтуге ойын ережелеріне өзгерту енгізуге және ұлттық спорт түрлерін насихаттау бағытында жұмыстар жасап, медицина қызметкерлері арасында саламатты өмір салтын насихаттау жұмыстары жүйелі түрде жалғасын таба бермек.

Қызылорда облысында медицина қызметкерлерінің 57-ші спартакиадасы өтті

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов Бұқарбай батыр ауылындағы көше жөндеу жұмыстарының барысымен танысты.Ауылдағы 11 көшені жөндеу жобасы аясында 2024 жылы республикалық бюджеттен 50,0 млн теңге бөлініп, аталған қаражатқа 2 көшеге асфальт төселді.Жоба 2025 жылға өтпелі. Биыл жобаны толық аяқтау мақсатында республикалық бюджеттен – 294,4 млн теңге, аудандық бюджеттен – 15,0 млн теңге қаржы қаралды.Қазіргі уақытта «Қыран» ЖШС мердігер мекеме арқылы құм аралас тас төсеу жұмыстары қарқынды жүргізілуде.«Мемлекет басшысының, Үкіметтің және облыс әкімінің қолдауымен ауылдардың инфрақұрылымын жақсарту бағытындағы ауқымды жұмыстар жалғаса беретін болады. Бұл халық игілігі үшін жасалып жатқан іс. Сондықтан әр жұмыс сапалы әрі белгіленген мерзімде аяқталуы тиіс», – деді Ардақ Ибраимов.Аудан әкімі жобаның орындалу барысын тұрақты бақылауда ұстайтынын айтып, жауапты сала басшыларына, ауылдық округ әкіміне және мердігерге нақты тапсырмалар жүктеді.Сондай-ақ, құрылыс жұмыстары барысында қауіпсіздік талаптарының қатаң сақталуын және жоба уақытында аяқталып, ел игілігіне берілуін тапсырды.

Ел игілігі үшін басталған жоба сапалы әрі уақтылы аяқталуы керек

<a href="https://kyzylorda-news.kz/">Kyzylorda-news.kz</a> Қазақстан Республикасының Премьер-министрі Олжас Бектенов Roca Group директорлар кеңесінің төрағасы Сантьяго де Гомар Рокамен кездесіп, Қызылорда облысында сантехникалық зауыт салу жобасын жүзеге асыру, инвестициялық ынтымақтастықты одан әрі нығайту перспективаларын талқылады. Кездесуге облыс әкімі Нұрлыбек Нәлібаев та қатысты.Үкімет басшысы өнеркәсіптік өндірісті локализациялау экономиканы құрылымдық нығайтудағы басым міндет екенін атап өтті. Осыған байланысты Қазақстан қолайлы инвестициялық ахуал қалыптастыру бойынша белсенді жұмыс жүргізуде.<blockquote>«Қазақстан Президенті Қасым-Жомарт Тоқаевтың экономикалық тұрақтылықты қамтамасыз етудегі басым бағыты аясында отандық өндірісті қолдауға және сыртқы жеткізілімдерге тәуелділікті азайтуға бағытталған импортты алмастыру саясаты белсенді дамып келеді.Қазақстан мен Испания – стратегиялық серіктестер. Сондықтан біз компанияны сенімді серіктес ретінде көреміз және индустриялық даму үшін жоғары технологиялық өндіріс тартуды құптаймыз. Үкімет жобаның сәтті жүзеге асуы үшін қажетті көмек көрсетеді», – деп атап өтті Олжас Бектенов.</blockquote>Жылына 500 мың бұйымға дейін санитарлық-техникалық өнімдер шығаратын жоғары технологиялық зауыт Қызылорда қаласындағы «Өндіріс» индустриялық аймағында орналасады. Осы мақсат үшін жер телімі белгіленді. Кәсіпорын өнімдері ішкі нарыққа және Орталық Азия елдеріне экспортқа шығаруға бағытталған. Жоба құны 70 миллион еуро, 300 жаңа жұмыс орны ашылады. Өндіріске қажетті негізгі бес компоненттің үшеуі Қызылорда облысының өзінен қамтамасыз етіледі.Roca Group директорлар кеңесінің төрағасы Сантьяго де Гомар Рока компания Қазақстанды өңірдегі бизнесті дамытудың стратегиялық алаңы ретінде қарастыратынын атап өтті. Бүгінде Roca Group саладағы әлемдік көшбасшылардың бірі саналады. Компанияның 78 зауыты, 20 мыңнан астам қызметкері бар.<blockquote>«Қазақстан – Орталық Азиядағы жұмыс ауқымын кеңейту үшін қисынды таңдау. Біз елді бүкіл аймақ үшін тиімді жұмыс істей алатын өнеркәсіптік және логистикалық хаб ретінде қарастырамыз. Мұнда өндірісті дамытуға қолайлы жағдай жасалған және Қызылорда облысындағы жоба жергілікті экономиканың дамуына үлес қосып, халықаралық стратегиямыздың маңызды бөлігіне айналатынына сенімдіміз», – деді Сантьяго де Гомар Рока.</blockquote>Кездесуде ҚР Өнеркәсіп және құрылыс министрлігі, Қызылорда облысының әкімдігі және Roca Group инвестициялық жобаны жүзеге асыру қағидаттары туралы негіздемелік келісімге қол қойды. Бұл құжат – тараптардың санитарлық-техникалық бұйымдар өндіретін зауыт жобасын бірлесіп жүзеге асыруға ниетті екенінің ресми дәлелі.Roca Group компаниясымен ынтымақтастық былтырғы желтоқсан айында Қызылорда облысының әкімі Нұрлыбек Нәлібаевтың Испанияға жұмыс сапары барысында басталған болатын. Содан бері инвестормен бірлесіп, бірқатар нәтижелі жұмыс жүргізілді.<blockquote>«Мемлекет басшымыздың инвестиция тарту жөніндегі тапсырмасын орындау аясында біз шетелдік инвесторлармен жүйелі жұмыс жүргізіп келеміз. Roca Group – санитарлық-техникалық бұйымдар өндіру саласындағы әлемдік көшбасшылардың бірі. Бүгін Қызылорда облысы үшін маңызды қадам жасалды, біз компаниямен өндірісті іске қосу жөніндегі негіздемелік келісімге қол қойдық. Аталған зауыт Орталық Азиядағы ірі жобалардың бірі болмақ. Ол ішкі нарықты отандық құрылыс материалдарымен қамтамасыз етуге мүмкіндік береді. Біздің басты мақсатымыз – инвесторға қолайлы жағдай жасап, жобаны сапалы әрі уақытылы іске асыру», – деді Н.Нәлібаев.</blockquote>Бұл бастама өңірдің инвестициялық тартымдылығын арттырумен қатар, жаңа өндірістер құру арқылы тұрғындарды тұрақты жұмыспен қамтуға да мүмкіндік береді.Фото: Қызылорда облысы әкімінің баспасөз қызметі

Қызылорда облысында санитарлық-техникалық бұйымдар өндіретін жаңа зауыт салынады

<a href="https://kyzylorda-news.kz/">Kyzylorda-news.kz</a> Қазақстан Республикасының Премьер-министрі Олжас Бектенов Roca Group директорлар кеңесінің төрағасы Сантьяго де Гомар Рокамен кездесу өткізді. Онда Қызылорда облысында сантехникалық зауыт салу жобасын жүзеге асыру мәселелері мен инвестициялық ынтымақтастықты одан әрі нығайту перспективалары талқыланды.Жоба қуаты жылына 500 мың бұйымға дейін санитарлық-техникалық өнімдер шығаратын жоғары технологиялық зауыт салуды көздейді.&nbsp;Өндіріс Қызылорда облысындағы «Өндіріс» индустриялық аймағында орналасады, осы мақсаттар үшін жер телімі белгіленді. Кәсіпорын өнімдері ішкі нарыққа және Орталық Азия елдеріне экспортқа шығаруға бағытталған. Жалпы инвестиция көлемі €70 млн деп бағаланады. Жоба 300-ге жуық жаңа жұмыс орнын ашуға мүмкіндік береді.Roca Group директорлар кеңесінің төрағасы Сантьяго де Гомар Рока компания Қазақстанды өңірдегі бизнесті дамытудың стратегиялық алаңы ретінде қарастыратынын атап өтті. Бүгінгі таңда Roca Group саладағы әлемдік көшбасшылардың бірі саналады. Компанияның 78 зауыты, 20 мыңнан астам қызметкері бар.<blockquote>«Қазақстан – Орталық Азиядағы қатысуымызды кеңейту үшін қисынды таңдау. Біз елді бүкіл аймақ үшін тиімді жұмыс істей алатын өнеркәсіптік және логистикалық хаб ретінде қарастырамыз. Елде өндірісті дамытуға қолайлы жағдай жасалған және Қызылорда облысындағы жоба жергілікті экономиканың дамуына үлес қоса отырып, халықаралық стратегиямыздың маңызды бөлігіне айналатынына сенімдіміз», – деді Сантьяго де Гомар Рока.</blockquote>Премьер-министр Олжас Бектенов өнеркәсіптік өндірісті локализациялау Үкіметтің экономиканы құрылымдық нығайту жөніндегі басым міндеті екенін атап өтті. Осыған байланысты Қазақстан жақсы инвестициялық ахуал қалыптастыру бойынша белсенді жұмыстар жүргізуде.&nbsp;«Қазақстан Президенті Қасым-Жомарт Тоқаевтың экономикалық тұрақтылықты қамтамасыз етудегі басым бағыты аясында отандық өндірісті қолдауға және сыртқы жеткізілімдерге тәуелділікті азайтуға бағытталған импортты алмастыру саясаты белсенді дамып келеді.&nbsp;<blockquote>Қазақстан мен Испания – стратегиялық серіктестер. Сондықтан біз компанияны сенімді серіктес ретінде көреміз және терең индустриялық даму үшін жоғары технологиялық өндіріс тартуды құптаймыз. Үкімет жобаның сәтті жүзеге асуы үшін қажетті көмек көрсетеді», – деп атап өтті Олжас Бектенов.</blockquote>Кездесу соңында тараптар ҚР Өнеркәсіп және құрылыс министрлігі, Қызылорда облысының әкімдігі және Roca Group арасындағы инвестициялық жобаны жүзеге асыру қағидаттары туралы негіздемелік келісімге қол қойды.<img src="https://knadmin.beoblood.kz/uploads/Olzhas_Bektenov_1_311c54926f.jpg" alt="Олжас Бектенов 1.jpg"><img src="https://knadmin.beoblood.kz/uploads/Olzhas_Bektenov_2_fd479a44ab.jpg" alt="Олжас Бектенов 2.jpg"><a href="https://l.facebook.com/l.php?u=https%3A%2F%2Ft.me%2FKZgovernment%2F17229%3Ffbclid%3DIwZXh0bgNhZW0CMTAAYnJpZBExQ0VueDRSWWN4eFFhWGdJagEeeNKvTvDJkt6HCAZrKQDHQH7x1ysI6mxlff-X08g-0q_0suRVZtaNHl89fUM_aem_NIqFhb52NqM4yBvwRVWwkA&amp;h=AT0kw7JwvYlchB0aVTHKofx7pGUgbWSei-koYmpGJlZ7oFWma_u3D65QGlQothv9lunXxmFmWGpI4GFQhV-CD9xsEoUHQ8H3S3__h1OVNqG_POd_7kruSXYkv-X1swVy5uWbjeTSaWxM1aEU&amp;__tn__=-UK-R&amp;c%5b0%5d=AT33B6wQCLihlg-w22sQXoLMHE0H5KLKGjXjrzdxwWlOAmxPsU_i9Eka6VhR4uXuLIEEpfSIcth_hzXGxgbENNab6MYoUFTzfVRy_OJTcR0uXYBGMEAhfxiKGBoGItF1thFkFLZ-vMhHA4v7sXtAskngRJQVeBij6RyX4X6_WNrv9rnbBwYb9ErLExNhLWlmb6JEbiQdiiAbifI3KO17lRVb7oQen5gvQc4wnvkf7sUa8sQRFMfqGKShs6E">https://t.me/KZgovernment/17229</a>

Олжас Бектенов Roca Group компаниясының басшысы Сантьяго де Гомар Рокамен Қызылорда облысындағы зауыт құрылысын талқылады

<a href="https://kyzylorda-news.kz/">Kyzylorda-news.kz</a> Кеше Алматыда белгілі әнші Сәкен Майғазиев ұлы Әділет пен келіні Адияның үйлену тойын дүркіретіп атап өтті, деп жазады&nbsp;<a href="https://alash.kz/kz/">Alash.KZ.</a>Тойға 700 адам шақырған. Ал тойды көргісі келген басқа қонақтарға арнап ақылы түрде онлайн трансляция ұйымдастырды. Той кезінде әнші журналистерге сұхбат беріп, онлайн той туралы, одан ұсталатын салық жайында өз ойын айтты.&nbsp;Әншінің айтуынша,&nbsp;онлайн тойдың танымалдылығы артқан.&nbsp;Ол бұл жаңа форматтың жастар арасында кеңінен таралғанын және оның дәстүрлі тойларға балама ретінде қарастырылуы мүмкін екенін жеткізді. Бір аптаның ішінде құдалықты, ұзату тойды 70 млн адам қараған, сондықтан әнші онлайн той өткізуге келіскен, оны досы Мейрамбек Беспаев көндіріпті.&nbsp;Динара Майғазиева болса, онлайн тойдың ұйымдастырылуында заңды талаптардың сақталуының маңыздылығын атап өтті.&nbsp;Ол салық мәселесіне қатысты: «Әрбір табыс заңды түрде есепке алынып, салық төленуі тиіс» деп мәлімдеді.&nbsp;Оның айтуынша, онлайн той ұйымдастырушылары мен қатысушылары салықтық міндеттемелерін орындауы қажет.Көрермендер сұхбат барысында онлайн той мен салық мәселесіне қатысты түрлі пікірлерін білдірді.&nbsp;Кейбірі бұл жаңа форматтың тиімділігін атап өтсе, басқалары дәстүрлі тойлардың маңыздылығын сақтаудың қажеттілігін айтты.&nbsp;Салық мәселесіне қатысты да пікірлер әртүрлі болды: біреулер заңды түрде салық төлеудің маңыздылығын қолдаса, басқалары салық жүйесінің күрделілігіне назар аударды.Жалпы алғанда, Сәкен мен Динара Майғазиевтердің сұхбаты онлайн той мен салық мәселесіне қатысты қоғамда пікірталас тудырды.&nbsp;Бұл тақырыптар қазіргі уақытта өзекті болып табылады және алдағы уақытта да талқылануы мүмкін.Фото: скрин видео

«70 млн адам қараған» – Сәкен Майғазиев неге онлайн той өткізгенін айтты

<a href="https://kyzylorda-news.kz/">Kyzylorda-news.kz</a> &nbsp;Қазақстанда кредит беру тәртібіне жаңа қағидалар енгізілгеніне бір жылға жуық уақыт болды. Ендігі жерде ірі кредит жұбайының немесе зайыбының келісімінсіз берілмейтін болады. Шекті сома – 2025 жылы 1 000 айлық есептік көрсеткішті (АЕК) – 3 932 000 теңгені құрайды. Тиісінше, алдағы уақытта АЕК мөлшері өскен жағдайда келісім талап етілетін ең төменгі сома да ұлғаятын болады.Fingramota.kz бұл жөнінде толығырақ айтып береді.Бұрын қалай еді, қазір қалай болды?Бұрын жұбайының немесе зайыбының келісімі тек ипотекалық қарыздар бойынша талап етілген, бұл түсінікті – &nbsp;себебі сатып алынатын жылжымайтын мүлік ортақ меншік болып табылады, ал ипотекалық кредиттің сомасы қомақты.Ал қазір бұл норма ерлі-зайыптылардың бірінің келісімінсіз тұтынушылық кредит алудың алдын алуға бағытталған, себебі ол кейіннен отбасылық бюджетке теріс әсер етуі мүмкін.Келісімді қалай ресімдеуге болады?Келісімді қаржы ұйымының бөлімшесінде қағаз түрінде еркін нысанда ресімдеуге болады. Сондай-ақ, электрондық тәсілмен – «электрондық үкіметтің» веб- порталы (egov) арқылы немесе егер жұбайы да оның клиенті болса, банктің не МҚҰ-ның мобильдік қосымшасы арқылы ресімдеуге болады. Алайда, &nbsp;міндетті түрде биометриялық сәйкестендіруден өту қажет болады.Келісімді ресімдеу тетігі &nbsp;қарапайым – банк қарызы немесе микрокредит шартына қол қою алдында кредитор клиенттің отбасылық жағдайы жөніндегі мәліметтерді ҚР Әділет министрлігінің «АХАТ» ақпараттық жүйесі арқылы тексеруге міндетті. Егер кредит сомасы 1 000 АЕК-тен асатын болса – міндетті түрде қарыз алушының жұбайының келісімін алу қажет болады. Егер қарыз келісімсіз берілген болса, мұндай шартты даулауға болады!Сонымен қатар, ұсынылып отырған норма алаяқтық жолмен, әсіресе, ірі сомаларға кредит ресімдеуден қосымша қорғаныс болмақ.Басқа елдерде қалай?Қарыз алу үшін зайыбының келісімін алу – әлемдік тәжірибеде кең таралған норма. Мәселен, Ресейде мұндай талап 2016 жылдан бері, яғни 8 жылдан бері қолданыста. АҚШ-та әрбір штат нақты қандай қарыздарға келісім қажет екенін дербес айқындайды, алайда мұндай талаптар жалпы ондаған жылдар бойы қолданылып келеді. Кредит берудің осыған ұқсас шарттары Ұлыбританияда, Францияда және өзге де дамыған елдерде де бар. Демек, бұл жаңа қағидаларды қабылдай отырып, еліміз ең үздік халықаралық тәжірибеге сай әрекет етуде.Қазақстанда жаңа норма қашан қолданыла бастады?Қазақстанда бұл жаңа ереже 2024 жылғы 1 қыркүйектен бастап қолданыла бастады. Ол «Қазақстан Республикасының кейбір заңнамалық актілеріне кредит беру кезінде тәуекелдерді барынша азайту, қарыз алушылардың құқықтарын қорғау, қаржы нарығын және атқарушылық іс жүргізуді реттеуді жетілдіру мәселелері бойынша өзгерістер мен толықтырулар енгізу туралы» ҚР Заңы аясында қабылданды.Кредит ресімдеуге дейін не істеу керек?Бірінші кезекте өз мүмкіндіктеріңізді бағалау қажет. &nbsp;Біріншіден, заң бойынша барлық кредиттерге өзіңіздің ай сайынғы кірісіңіздің 50%-ынан аспайтын бөлігін ғана жұмсауға құқығыңыз бар. Ал егер кредиттік жүктемеңіз өте жоғары болып, кірістің жартысына жуық болса, кредиторлар да, қаржы ұйымдары да кредит беруге құқылы емес. Сондай-ақ, егер өзге кредиттер бойынша 90 күннен астам төлем мерзімі өтіп кетсе, жаңа кредит те берілмейді.Екіншіден, кредит арқылы бір қажеттілікті жапқаннан кейін белгілі бір уақыт бойы өзге шығындардан бас тартуға тура келетінін ескеру керек. Бұл жағдай сіздің қаржылық әл-ауқатыңызға кері әсер етпеуі үшін, жеке немесе отбасылық бюджетті жоспарлап, ай сайынғы төлем сомасын есепке алу қажет. Ең бастысы – кредитті ненің есебінен төлейтінімізді нақты түсіну қажет. Бұл жағдайда қосымша, әсіресе тұрақсыз табыс көзін кредитті өтеу көзі ретінде есепке алуға болмайды. Ол бір күні тоқтап қалса не боларын ойластырыңыз және ең нашар сценарийге негізделген жоспар құрыңыз. Жоспарланбаған қиындықтар пайда болғаннан гөрі &nbsp;іс жүзінде ісіңіздің алға басқаны жақсы болады.Кредит мақсаттарына қатысты тағы бір ереже бар. Ешқашан қарызға алынған қаражатты басқа жобаларға, бағалы қағаздарға немесе криптовалютаға инвестициялауға болмайды. Яғни, кірісі жоғары көрінетін, бірақ кепілдігі жоқ құралдарға қаржы салмаңыз. Қарыз қаражатының тәуекелі болмауға тиіс. Кредитті «қазір алам, салып, екі есе көп табыс табам» деген тәсілмен пайдалануға болмайды. Егер кредит бизнес мақсатында алынса – бұл өзіңіздің бизнесіңіз болуы керек және сіз бұл қаражаттың еселеніп қайтарылатынын және қалай қайтарылатынын нақты білуіңіз керек.Сондықтан күтпеген жағдайлар туындағанда да кредитті уақтылы өтеу үшін өзіңізге қаржылық қауіпсіздік жастығын қамтамасыз ету қажет.Әр түрлі банктердің ұсыныстарын зерделеңіз, салыстырыңыз, түрлі алаңдардағы пікірлерді оқыңыз және жарнамаға сене бермеңіз. Кеңесшілерден сұраудан ұялмаңыз, егер бірдеңе түсініксіз болса – қайта сұраңыз, себебі кез келген банк жауапты клиенттерге мүдделі.Білу маңызды!&nbsp;– Қосымша факторларды ескеріңіз: түрлі комиссиялар, тараптардың құқықтары мен міндеттері, мерзімінен бұрын өтеу мүмкіндігі мен осы процестегі шектеулер мен айыппұлдар.– Төлем күнін мұқият ойластырыңыз. Ай сайынғы негізгі кіріс алынған күннен кейін 2-3 күн өткен соң төлем күнін белгілеу ұсынылады. Бұл төлем мерзімін кешіктіруді және техникалық мәселелерді болдырмауға көмектеседі.– Шарттың барлық талаптарын мұқият оқып шығыңыз. Қол қойған сәттен бастап сіз барлық талаптармен келісесіз және оларды өзгерту мүмкін болмайды.Есіңізде болсын: кредит – бұл үлкен жауапкершілік. Оны пайдалану туралы шешімді бүкіл отбасы бірлесіп қабылдауы керек. Ал егер кредит ірі болса – бұл заңнамалық түрде бекітілген талап.<img src="https://knadmin.beoblood.kz/uploads/03_04_infographics_rus_3_64dfa7c7e3.png" alt="03.04 infographics rus-3.png">Қаржылық сауаттылығыңызды Fingramota.kz-пен бірге арттырыңыз!Фото: fingramota.kz

Архив