<a href="https://kyzylorda-news.kz/">Kyzylorda-news.kz</a> Жол-көлік оқиғаларының алдын алу жол көлік қозғалысы қауіпсіздігін қамтамасыз ету және жолдағы жол-көлік оқиғасын азайту мақсатында құрылған мобильді топ Тереңөзек кентіндегі тұрғындар көп шоғырланатын орындарды аралап, үнпарақтар таратты. Сонымен қатар, тұрғындарға жолда жүру ережелері мен жылдамдық режимін сақтау, қауіпсіздік белдігін тағу және жол көлік қозғалысы қауіпсіздігіне баса мән беру жөнінде түсіндірме жұмыстары жүргізілді.Бұл бағыттағы жұмыстар алдағы уақытта жүйелі түрде жалғасын табады. Аудан тұрғындарын жол қозғалысы ережелерін сақтап, өзіңіздің және өзге азаматтардың қауіпсіздігіне жауапкершілікпен қарауға шақырамыз!

Жол қауіпсіздігін қамтамасыз ету мақсатында түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудандық деңгейдегі мәдени-бұқаралық іс-шараларды ұйымдастыру мен мазмұндық үйлестіруді көздейтін көркемдік кеңестің кезекті отырысы өтті.Жиында аудан әкімінің орынбасары, кеңес жетекшісі Н. Бохаев маусым айындағы маңызды мерекелер мен жоспарланып отырған шаралардың аудан халқы үшін маңыздылығын атап өтіп, дайындық барысын бағамдады. Атап айтқанда, 4 маусым – Мемлекеттік Рәміздер күні, 19 маусым – Медицина қызметкерлері күні, 23 маусым – Полиция және мемлекеттік қызметшілер күні, сондай-ақ, 28 маусым – Бұқаралық ақпарат құралдары қызметкерлері күніне орай өтетін мәдени іс-шаралар легі нақтыланды.Сонымен қатар, жиын аясында аудан орталығында құрылысы жүріп жатқан «Руханият» орталығының ашылу салтанатына дайындық барысы қаралды. Кеңес мүшелері орталықтың ашылуын жоғары деңгейде ұйымдастыруға қатысты өз ұсыныстарын білдіріп, салтанатты шарада ұлттық болмыс пен заманауи рухани құндылықтардың үндесуіне баса мән берілу қажеттігін атап өтті.Кеңес отырысында көтерілген барлық ұсыныстар мен бастамалар зерделеніп, аудан әкімінің қарауына ұсынылатын болады.

Көркемдік кеңестің кезекті отырысы өтті

<a href="https://kyzylorda-news.kz/">Kyzylorda-news.kz</a> Аймақ басшысының қолдауымен қаладағы жол-көлік инфрақұрылымы қарқынды дамып келеді. Соның бір дәлелі – «Қызылжарма» каналы арқылы Тасбөгет кенті мен қала орталығын байланыстыратын автомобиль көпірі қолданысқа берілді.&nbsp;«Тәуелсіздікке 25 жыл» даңғылы 4 жолақты етіп кеңейтіліп, «Қызылжарма» каналы арқылы өтетін автомобиль көпірінің салынуы көлік ағынын реттеп, кептелістің азаюына септігін тигізбек.&nbsp;<img src="https://knadmin.beoblood.kz/uploads/Zha_a_k_pir_2_2b28ca0a5d.jpg" alt="Жаңа көпір 2.jpg">Ұзындығы 47 метрді құрайтын көпір 2 жолақты жолымен салынды. Құрылыс жұмыстары 6 ай мерзімге белгіленсе де &nbsp;«СЕРВИС НС» серіктестігі тәуліктің қай мезгіліне де қарамастан еселі еңбек етіп, жобаны мерзімінен бұрын аяқтады.

Жаңа көпір ашылды

<a href="https://kyzylorda-news.kz/">Kyzylorda-news.kz</a> Президенттік жастар кадр резерві – жастар үшін ашық және тиімді әлеуметтік лифт құруға бағытталған жоба. 1 маусымда Президенттік жастар кадр резервіне кезекті іріктеуге қатысу үшін pkrezerv.gov.kz сайтында құжаттарды қабылдау басталды. Құжаттар 30 маусымға дейін қабылданады.Іріктеуге жасы 35-тен аспаған, жоғары білімі және кемінде 5 жыл еңбек өтілі бар, мемлекеттік тілді В1 деңгейінен төмен емес меңгерген Қазақстан Республикасының азаматы қатыса алады.Іріктеу келесі бағыттар бойынша жүргізіледі:<ul><li style="text-align:justify;">Әлеуметтік саясат және азаматтық қоғам;</li><li style="text-align:justify;">Инфрақұрылымды, өнеркәсіпті дамыту және сауда саясаты;</li><li style="text-align:justify;">Экономикалық және қаржылық саясат;</li><li style="text-align:justify;">Цифрландыру;</li><li style="text-align:justify;">Агроөнеркәсіптік кешен және қоршаған ортаны қорғау;</li><li style="text-align:justify;">Сыртқы саясат және инвестициялар.</li></ul>Тіркеу кезінде кандидат Резервке алынған жағдайда еңбек қызметін жүзеге асырғысы келетін салалық бағытты таңдауы керек. Әрбір салалық бағыт үшін Резервке алу квотасы көзделеді. Бұл ретте, кандидаттардың әр бағыт бойынша біркелкі санын ұстап тұру мақсатында резервке іріктеудің барлық кезеңдерінде пропорционалды іріктеу қамтамасыз етіледі.Іріктеу 6 кезең бойынша өткізіледі:<ul><li style="text-align:justify;">Кандидаттардың құжаттарын қабылдау;</li><li style="text-align:justify;">Мәтіндік және сандық ақпаратпен жұмыс істеу қабілетін бағалау;</li><li style="text-align:justify;">Ситуациялық тапсырмаларды шешу;</li><li style="text-align:justify;">Құзыреттерді бағалау;</li><li style="text-align:justify;">Сарапшылық комиссияда кандидаттармен әңгімелесу;</li><li style="text-align:justify;">Ұлттық комиссияның отырысы.</li></ul>Іріктеу қорытындысы бойынша 50 адам Резервке қабылданады. Резервке алу туралы шешімді жариялау ағымдағы жылдың 25 қазанынан кейін жоспарлануда.Фото: newqazaq.kz

Президенттік жастар кадр резервіне іріктеу басталды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде отандық өндірушілерді қолдау мәселесі талқыланды. Оған облыс әкімі Нұрлыбек Нәлібаев селекторлық режим арқылы қатысты.Басқосудан соң аймақ басшысының төрағалығымен өткен мәжілісте жауапты сала басшыларына тапсырмалар жүктелді. «Отандық өндіруші кәсіпкерлерді қолдау басты назарда болуы тиіс. Жергілікті тауарөндірушілердің өнімдерін өткізу үшін мұнай-газ секторындағы жер қойнауын пайдаланушылармен ұзақ мерзімді келісім-шарт жасау маңызды. Өңдеу өнеркәсібін дамытуға бағытталған сапалы жобаларды әзірлеп, қаржы ұйымдарына ұсыныңыздар», – деді Нұрлыбек Машбекұлы. ​Өткен 4 айдың қорытындысымен өңірдің өңдеу өнеркәсібі саласында 124 млрд. теңгенің өнімі өндіріліп, былтырғы осы кезеңмен салыстырғанда көрсеткіш 23,6%-ға артты.Жергілікті тауарөндірушілерді қолдауда жоспарлы жұмыс бар. Үкіметтік бағдарламалармен қатар, 2 шағын өнеркәсіп паркі салынуда. Парктерде орналасатын жобаларға жылдық 3 пайызбен жеңілдетілген несие беру қарастырылған. Қосымша 5 шағын өнеркәсіптік аймақ құру үшін Өнеркәсіпті дамыту қорына &nbsp;5 млрд. теңгенің өтінімі &nbsp;жолданды.Өңірде жыл басынан бері жеке кәсіпкерліктің 491 жобасы қаржыландырылды. Жергілікті өнімдерді өткізу бойынша кәсіпорындармен 74 меморандум жасалды. «Қазпатент» ұлттық зияткерлік меншік институты арқылы географиялық нұсқама құқығын пайдалануға 12 өнім тіркелді.Бұған қоса, ірі кәсіпорындардың өзекті мәселелері шешімін тауып келеді. Шыны зауытының жұмысы тұрақты. Зауыт іске қосылғаннан бері 45 млрд. 600 млн. теңгенің 37 млн. текше метр өнімін өндірді. Былтыр маусым айында қуаттылығы жылына 5 млн шаршы метр энергия үнемдейтін шыны өндірісінің жаңа желісі іске қосылды.Фото: Қызылорда облысы әкімінің баспасөз қызметі

Отандық өндірушілерді қолдау мәселесі қаралды

<a href="https://kyzylorda-news.kz/">Kyzylorda-news.kz</a> Байқоңырдағы «Десятилетие» стадионында Байқоңыр қаласының және ғарыш айлағының 70 жылдығына орай мерекелік іс-шара ұйымдастырылды.Оған ҚР Премьер-министрінің бірінші орынбасары Роман Скляр, Цифрлық даму, инновациялар және аэроғарыш өнеркәсібі министрі Жаслан Мадиев, облыс әкімі Нұрлыбек Нәлібаев, «Роскосмос» МК бас директоры Дмитрий Баканов, зиялы қауым өкілдері, еңбек ардагерлері мен қала тұрғындары қатысты.Іс-шара Байқоңыр кешеніндегі 14 ұйым мен мекеме ұжымдарының шеруімен басталды. Одан кейін екі елдің Мемлекеттік Гимндері орындалып, Қазақстан Республикасының Президенті Қасым-Жомарт Тоқаев пен Ресей Президенті Владимир Путиннің бейнеқұттықтаулары көрсетілді.ҚР Премьер-министрінің бірінші орынбасары Р.В.Скляр Байқоңыр – ғарышқа жол ашқан мекен, мерейтой &nbsp;Қазақстан мен Ресей арасындағы достық пен ынтымақтастықтың, ғылым мен техниканың жетістіктерінің жарқын көрінісі екенін айтты.Мерекелік шарада қала әкімшілігінің басшысы Константин Бусыгин жиналған жұртшылықты құттықтады. Сондай-ақ, Халықаралық ғарыш станциясының 73-экспедиция мүшелері – ғарышкерлердің арнайы бейнеқұттықтауы ұсынылды.&nbsp;Мерекеде қоғамдық-саяси және әлеуметтік-экономикалық салалардағы ерен еңбегі үшін Бауыржан Момышұлы атындағы ІІ дәрежелі «Айбын» орденімен ҚР ІІМ-нің Байқоңыр қаласындағы өкілдігі бастығының орынбасары Ермек Искаков, ІІ дәрежелі «Достық» орденімен Байқоңыр қаласы әкімшілігі басшысының орынбасары Николай Адасев, «Құрмет» орденімен дәрігер Қарасай Нұров, әкімшілік қызметкері Скендір Жарекесов, Мәдениет сарайының көркемдік жетекшісі Ғалия Жалғасбаева, «Ерен еңбегі үшін» медалімен облыс әкімі аппаратының бөлім басшысы Жан Шайхысламов, «Байқоңырэнерго» кәсіпорны бас инженерінің орынбасары Ғалымжан Жұмабаев, «Шапағат» медалімен Аналар кеңесінің төрайымы Кенішкүл Есщанова марапатталды.Сондай-ақ, бірнеше адам «Байқоңыр қаласының Құрметті азаматы» атағына ие болды. Кеш отандық эстрада жұлдыздарының қатысуымен өткен концертпен жалғасып, отшашумен аяқталды.<img src="https://knadmin.beoblood.kz/uploads/Baj_o_yr_zhiyn_1ffc01f3ce.jpg" alt="Байқоңыр жиын.jpg">Фото: Қызылорда облысы әкімінің баспасөз қызметі

Байқоңыр қаласының 70 жылдығына орай іс-шара өтті

<a href="https://kyzylorda-news.kz/">Kyzylorda-news.kz</a> Соңғы жылдары бизнес-құрылымдар интернет арқылы сатудың жаңа арналарын аша отырып, онлайн-сауда индустриясын белсенді дамытуда. Ендігі жерде тауарлар мен қызметтерді сатып алу интернетке қол жетімділік болса болғаны кез-келген ыңғайлы жерден &nbsp;мүмкін болады. Электрондық коммерцияның дамуымен қатар киберқауіпсіздік пен желідегі алаяқтыққа байланысты тәуекелдер де артты.Fingramota.kz онлайн сатып алу кезінде негізгі сақтық шаралары жөнінде еске салады.&nbsp;Желіде қандай тәуекелдерге тап болуға болады?&nbsp;Фишинг — бұл пайдаланушылардың дербес деректерін алуға бағытталған алаяқтық схема. Алаяқтар сырт көзбен қарағанда шынайы интернет-дүкендерден немесе төлем беттерінен айырмашылығы жоқ жалған сайттар жасайды. Деректерді енгізгеннен кейін (логин, құпия сөз немесе банк картасы туралы ақпарат) қаскүнемдер сіздің ақшаңызға немесе жеке ақпаратыңызға қол жеткізе алады.Көп жағдайда фишингтік сайттарға сілтемелер электрондық пошта, әлеуметтік желілер немесе жарнамалар арқылы таратылады. Фишингтік сайттардың белгілеріне мыналар жатады: қате URL мекенжайлары, SSL сертификатының болмауы (https), орфографиялық қателер және қызықтыратын ұсыныстар.Екінші қатер – Malware зиянды бағдарламалық қамтылым болуы мүмкін. Ол дербес деректерді ұрлау, шпиондық бағдарламалар орнату немесе құрылғыны толығымен бұзу үшін қолданылады. Көбінесе ол компьютерге немесе смартфонға күдікті сілтемелерге өту, пираттық БҚ жүктеу немесе вирус жұққан USB-құрылғылары арқылы түседі.Зиянды БҚ мынадай түрлері болады:&nbsp;<ul><li style="text-align:justify;">Трояндар&nbsp;– заңды бағдарламалар ретінде жасырылады, алайда орнатқан кезде пайдаланушының деректеріне қол жеткізеді.</li><li style="text-align:justify;">Бопсалаушылар –&nbsp;сатып алуды талап етіп, құрылғыға немесе файлдарға кіруді бұғаттайды. &nbsp;</li><li style="text-align:justify;">Шпиондық бағдарламалар –&nbsp;пайдаланушы хабардар болмаған кезде ол жөнінде ақпарат жинайды.</li></ul>Тағы бір тәуекел - төлем ақпаратына рұқсатсыз қол жеткізу. Бұл электрондық коммерциядағы ең қауіпті тәуекелдердің бірі. Бұзулар сайттардың &nbsp;немесе төлем платформаларының осал тұстарын пайдаланып жүзеге асырылады. &nbsp;Бұл ретте төлем карталарының, PayPal шоттарының немесе басқа қаржы сервистерінің деректері бұзылуы мүмкін.Тағы бір жанама қауіп - қоғамдық Wi-Fi желісін пайдалану кезінде төнуі мүмкін. Мұндай желіге қосылған кезде сізден құрылғыңызға кіруге рұқсат сұрауы мүмкін, одан кейін оған әртүрлі зиянды бағдарламаларды орнатып қана қоймай, сіздің құпия сөздер мен пин-кодтар енгізуге дейінгі барлық әрекеттеріңізді &nbsp;толығымен қадағалап отырулары мүмкін. Болашақта қаскүнемдер тіпті құрылғының өзін иемдену әрекеттерін жасаулары мүмкін, бұл кем дегенде қысқа мерзімге банктік операциялар жасауға, шоттарыңыздан ақшаны шығаруға және барлық байланыстарға, хат-хабарларға және құжаттарға қол жеткізуге мүмкіндік береді.Фото: fingramota.kz

Сауда алаңдарындағы алаяқтық: онлайн сатып алуларды қалайша қауіпсіз жасауға болады

<a href="https://kyzylorda-news.kz/">Kyzylorda-news.kz</a> ҚАЖД-нің №60 мекемесі қызметкерлері көп балалалы жалғызбасты анаға көмек көрсетті.Төрт перзентті жалғыз асырап отқан ана қазіргі таңда жұмыс та жасай алмайды. Себебі ерекше күтім талап ететін мүгедек қызы бар. Десе де, ешкімге салмақ салғысы келмеген ана қолынан келгенше бүлдіршіндерді асырап бағуда.Осы тұста жақсылықты жанына серік еткен №60 мекеме қызметкерлері аз қамтылған отбасыға азық -түлік жәшігін жеткізіп берді.Кішкентай бүлдіршіндердің көңілін аулап, көп балалы ананың алғысын алып қайтты.<img src="https://knadmin.beoblood.kz/uploads/Whats_App_Image_2025_06_02_at_16_01_37_0abfba36ab.jpeg" alt="WhatsApp Image 2025-06-02 at 16.01.37.jpeg">

Қайырымдылық – игілікті іс

<a href="https://kyzylorda-news.kz/">Kyzylorda-news.kz</a> Мемлекет басшысы суды үнемдеу мәдениетін қалыптастыру және суды нормативтен артық пайдаланғандарға жоғары тарифтер енгізу мүмкіндігін қарастыруды ұсынған болатын. Осыған орай, Қызылордада ауыз сумен қамтамасыз ету және сарқынды суды бұру қызметтеріне 2025–2030 жылдарға арналған дифференциалды тариф бекітілді. Тариф мамыр айынан бастап қолданысқа енгізілді. Аталған шаралар «Қызылорда су жүйесі» МКК-ның қызметі аясында жүзеге асып жатыр. Бұл туралы «Қызылорда су жүйесі» мемлекеттік кәсіпорынының басшысы Жасұлан Абатов баяндады.Ауыз су және кәріз жүйелерінің тұрақты әрі сапалы жұмысын қамтамасыз ету мақсатында кәсіпорын өз қаражаты есебінен бірқатар жұмыстар атқарды. Атап айтқанда, ауыз су нысандарына, кәріз жүйесіне тиісті қаржы бөлініп, күрделі жөндеу жұмыстары жүргізілді. Нақты нәтижелерге тоқталсақ. 340 метр су құбырына күрделі жөндеу жасалды, 39 дана тозығы жеткен ысырма мен кері клапан ауыстырылды, 57 насос қондырғысы мен 8 электрқозғалтқышқа күрделі жөндеу жүргізілді,тозған 287 дана шойын қақпақ, сондай-ақ 75 дана темірбетон жабынды жаңасымен алмастырылды, 45 арнайы техника мен автокөлікке жөндеу жұмыстары жасалды. Ауыз су жүйесінде орын алған 604, ал кәріз жүйесінде 1 184 ақау қалпына келтірілді. Ауыз су қызметі бойынша да нақты жұмыстар атқарылды. Жалпы 183,2 метр құбыр жөнделіп, 40 дана өрт сөндіру гидранты сатып алынды.Кәсіпорын тарапынан қолға алынған бұл шаралар қала тұрғындарын сапалы ауыз сумен қамту және кәріз жүйесінің сенімді жұмысын қамтамасыз етуге бағытталған. Дифференциалды тариф жүйесі ресурсты тиімді пайдалануға ынталандырып, су үнемдеу мәдениетін қалыптастыруға сеп болмақ, – деді Жасұлан Уәлиұлы.Фото: Өңірлік коммуникациялар қызметі

Аймақта ауыз су мен кәріз қызметіне дифференциалды тариф енгізілді

<a href="https://kyzylorda-news.kz/">Kyzylorda-news.kz</a> Биылғы негізгі Ұлттық бірыңғай тестілеу басталғаннан бері 116 мыңға жуық сынақ өткізілді. Бұл туралы Ғылым және жоғары білім министрлігінің баспасөз қызметі <a href="https://kaz.inform.kz/news/ubt-keznde-142-erezhe-buzushilik-aniktaldi-ministrlk-51d0a8/">хабарлады</a>.Атап айтқанда, 2025 жылғы 16 мамырда басталған негізгі ҰБТ аясында талапкерлердің 72 пайызы тестілеуді қазақ тілінде, 28 пайызы орыс тілінде тапсырса, 114 үміткер сынақты ағылшын тілінде тапсырған.Екінші аптаның қорытындысы бойынша тест тапсырушылардың 66,8 пайызы шекті балл жинаған. Бес пән бойынша орташа көрсеткіш 64 балл болды. Ең жоғары нәтиже – 140 балл Түркістан облысының талапкері Әбілхан Жәнібектің еншісінде.&nbsp;Ол бұл көрсеткішке тестілеудің алғашқы аптасында қол жеткізген.Министрлік мәліметінше, талапкерлер арасында ең көп таңдалған пәндер комбинациясы – «Математика-Физика» (19%), «Шығармашылық емтихан» (15%) және «Биология-Химия» (14%).Ерекше білім беру қажеттіліктері бар талапкерлер үшін жасалған қолайлы жағдайлардың арқасында 384 үміткер ҰБТ-ға қатысқан.ҰБТ-ны өткізудің алғашқы аптасында 142 ереже бұзушылық фактісі тіркелген. 68 талапкер тыйым салынған заттарды – смартфондар мен шпаргалкаларды – аудиторияға алып кірмек болғаны үшін тесттен шеттетілді. Тағы 74 адам тестілеу барысында ереже бұзғаны үшін аудиториядан шығарылып, олардың нәтижелері жойылған. Өзге тұлғаның орнына кіру деректері тіркелмеген.2025 жылғы ҰБТ аяқталғаннан кейін күнтізбелік жылдың 31 қазанына дейін барлық бейнежазбаға талдау жүргізіледі. Егер тестілеу кезінде ереже бұзу немесе тыйым салынған заттарды пайдалану фактілері анықталса, талапкердің нәтижелері жойылады.Айта кетейік, тест тапсырғаннан кейін 30 минут ішінде талапкерлер тест мазмұны бойынша апелляцияға өтініш бере алады. Ал техникалық себептер бойынша өтініштер тестілеу кезінде қабылданады. Апелляция қаралған соң, нәтижелері бар сертификаттар талапкерлердің жеке кабинеттеріне жүктеледі.Фото: Нұрболат Нұржаубай

ҰБТ кезінде 142 ереже бұзушылық анықталды – министрлік

<a href="https://kyzylorda-news.kz/">Kyzylorda-news.kz</a> Әлеуметтік медициналық сақтандыру қоры халық арасында ақпараттық-түсіндіру жұмыстарын жалғастыруда. Екінші деңгейлі банк мамандарымен өткен кездесулерде Қор филиалының сарапшылары міндетті әлеуметтік медициналық сақтандыру жүйесінің артықшылықтары, жарналарды дұрыс төлеу тәртібі және кімдер МӘМС-ке төлемнен босатылғаны туралы түсіндірді.Кездесулер «Halyk Bank», «Kaspibank», «Банк ЦентрКредит», «ForteBank», «Bereke Bank» банктерінің филиалдарында өтті. &nbsp; Сарапшы Алия Убисултанованың айтуынша, жұмыс беруші МӘМС жарналарын есептеу барысында төлем тағайындау кодын (бұдан әрі – ТТК) дұрыс көрсетуі аса маңызды. Атап айтқанда: аударым мөлшері – 3%, ТТК – 121; жарна мөлшері – 2%, ТТК – 122. &nbsp;Сонымен қатар, спикер халықтың белгілі бір әлеуметтік санаттары үшін жұмыс берушілердің МӘМС төлемдерінен босатылғанын мәлімдеді. (толығырақ: https://msqory.kz/kk/naseleniyu/chastye-voprosy/platezhi-i-vozvraty/?sphrase_id=25984)Кездесу барысында МӘМС жүйесіне қатысудың маңыздылығы ерекше атап өтілді. &nbsp;«Сақтандырылған» мәртебесі сапалы медициналық көмекке қол жеткізуге мүмкіндік береді, аурулардың немесе жарақаттардың қаржылық тәуекелдерін азайтады және уақтылы медициналық көмек арқылы қоғамдық денсаулықты сақтауға ықпал етеді.<img src="https://knadmin.beoblood.kz/uploads/banki_daad1f67c0.jpg" alt="банки +.jpg">

Неліктен әрбір азамат МӘМС жүйесінің қатысушысы болуы керек?

<a href="https://kyzylorda-news.kz/">Kyzylorda-news.kz</a> Кеше ҚР Премьер-министрінің бірінші орынбасары Роман Скляр «Байқоңыр» ғарыш айлағы мен қаласының 70 жылдық мерекесіне орай Байқоңырға жұмыс сапарымен келіп, «Роскосмос» МК бас директоры Дмитрий Бакановпен кездесті.Басқосуға облыс әкімі Нұрлыбек Нәлібаев, облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай, Байқоңыр қаласы әкімшілігінің басшысы Константин Бусыгин, Ресей Федерациясының Қазақстан Республикасындағы төтенше және өкілетті елшісі Алексей Бородавкин, Ресейден келген делегация, жауапты сала басшылары қатысты.Кездесуде «Бәйтерек» жобасын жүзеге асыру барысы, алдағы жоспар талқыланды. Роман Скляр «Роскосмос» МК бас директорының халықаралық ынтымақтастық жөніндегі орынбасары Сергей Савельевті ІІ дәрежелі «Достық» орденімен марапаттаса, Дмитрий Баканов ҚР Цифрлық даму, инновациялар және аэроғарыш өнеркәсібі министрі Жаслан Мадиевке «Космос без границ» медалін табыстады.Басқосудан кейін қонақтар «Бәйтерек» ғарыш зымыран кешенінің құрылыс жұмыстарымен арнайы барып танысты.Айта кетейік, Қызылорда облысының әкімдігі Байқоңыр қаласының объектілерін тиімді пайдалану үшін нысандарды жалдан шығару бағытында тұрақты жұмыс жүргізуде. Тұрғын үй мәселесін шешу үшін «Нұрлы жер» бағдарламасы аясында 50 пәтерлік бес тұрғын үйдің құрылысын аяқтады. Жаңа 7 «А» шағын ауданы құрылды.Қазіргі уақытта тағы бес тұрғын үйдің құрылысы жүргізілуде.Қаланың сумен жабдықтау және су бұру желілері жалдан шығарылып, облыстық коммуналдық меншікке беріліп, 11,4 шақырым кәріз желілері жөнделді.Мұндақазақстандық 5 мектеп, 5 балабақша,Байқоңыр қаласының әкімшілігіне қарасты 7 мектеп, 10 балабақшабар.<img src="https://knadmin.beoblood.kz/uploads/Baj_o_yr_alasyny_m_seleleri_tal_ylandy_1_bdbbb91560.jpg" alt="Байқоңыр қаласының мәселелері талқыланды 1.jpg"><img src="https://knadmin.beoblood.kz/uploads/Baj_o_yr_alasyny_m_seleleri_tal_ylandy_2_a2f3d9fa6b.jpg" alt="Байқоңыр қаласының мәселелері талқыланды 2.jpg"><img src="https://knadmin.beoblood.kz/uploads/Baj_o_yr_alasyny_m_seleleri_tal_ylandy_3_7de70a678b.jpg" alt="Байқоңыр қаласының мәселелері талқыланды 3.jpg"><img src="https://knadmin.beoblood.kz/uploads/Baj_o_yr_alasyny_m_seleleri_tal_ylandy_4_82e836e3ee.jpg" alt="Байқоңыр қаласының мәселелері талқыланды 4.jpg">Фото: Қызылорда облысы әкімінің баспасөз қызметі

Архив