<a href="https://kyzylorda-news.kz/">Kyzylorda-news.kz</a> Шыны шығаратын зауыт елімізде санаулы болса, соның ең ірісі – өңірді дамыту мәселесін өрге сүйреген Қызылорданың «Орда Гласс» ЛТД» зауыты. Мақсат Ибрагимұлы осы зауытта еңбек етеді, сирек мамандықты игерген маман. Ол қалқымалы шыны өндірісі бөлімінде оператор ретінде өнімнің қалыңдығы мен енін екшеп береді.Аймақ басшысының араласуымен мұнда жергілікті азаматтар жұмысқа қабылданды. Зауыт иелері тиісті міндетіне сай мамандарды оқытты, кәсіпке үйретті.<blockquote>– Біздің өндірген өнім үлкен сұранысқа ие. Экспортқа да шығарылады. Елімізге қажеттілікті осы зауыттан алатын болсақ, онда ішкі инвестиция болып саналады. Яғни, қаражат өзімізде қалады деген сөз.Мемлекет басшысының тікелей қолдауымен Сыр өңірі дамудың жаңа белесіне қадам басты. Индустрия саласына инвестиция тартылды. Шағын және орта кәсіпкерлік белдеуін құруға мүмкіндік берді. Осындай жарқын жобаға араласып, өз үлесімді қосқанымды мақтаныш санаймын, – дейді Мақсат.</blockquote>Бұған дейін бірнеше салада жұмыс жасаған азамат заманға лайық мамандық алып, жұмысшы болудың мәртебесі биік екенін мойындайды. Замандастарының оқып, білім алғанын қалайды. Өз қаламызда озық технологиялық өндіріс ошағы болып, онда жерлестерінің жұмыс жасағанын жөн көреді. Өйткені Мақсат Ибрагимұлы екі қыз, бір ұлдың әкесі ретінде отбасының әлеуметтік жағдайы жақсарғанын айрықша жеткізді.<img src="https://knadmin.beoblood.kz/uploads/Ma_satty_zhetken_ma_saty_2_3f6555b9fd.jpg" alt="Мақсаттың жеткен мақсаты 2.jpg"><img src="https://knadmin.beoblood.kz/uploads/Ma_satty_zhetken_ma_saty_1_34b0ff0535.jpg" alt="Мақсаттың жеткен мақсаты 1.jpg">

Мақсаттың жеткен мақсаты

<a href="https://kyzylorda-news.kz/">Kyzylorda-news.kz</a> Қызылордада Қазақстан халқы Ассамблеясының 30 жылдығына орай Достық үйінде “Ұлттық киімді ұлықтайық” атты мерекелік іс-шара ұйымдастырылды. Бұл тағылымы мол шараны «Қызылорда облысы бойынша әйелдер күші альянсы» қоғамдық бірлестігі, «Қазақстандағы орыс қауымдастығы» Қызылорда облыстық филиалы және «Ассамблея жастары» ұйымы бірлесіп өткізді.Шараның ашылуында «Қызылорда облысы бойынша әйелдер күші альянсы» қоғамдық бірлестігінің төрағасы, ҚХА ардагері Рахима Ахметова мен облыстық қоғамдық даму басқармасының “Қоғамдық келісім” мекемесінің директоры Бақытжан Камалов сөз алып, ұлттық киімдердің мән-маңызын, оның әр халықтың мәдениетінің ажырамас бөлшегі екенін және ұлттық киім тек сыртқы көрінісіміз ғана емес, оның астарында біздің тарихымыз бен болмысымыз жатқандығын атап өтті.«Қазақстандағы орыс қауымдастығы» Қызылорда облыстық филиалының төрағасы Наталья Мишукова және «Ассамблея жастары» ұйымының төрағасы Елена Пак та бүгінгі мерекелік шеруде сөз сөйлеп, ұлттық киім – ұлттық болмыстың көрінісі. Ұлт киімі арқылы сол ұлттың тарихы, мәдениеті сыр шертеді деп атап өтті.Мерекелік шараның көрігін «Қуаныш» әжелер ансамблі әсем әндерімен әрлеп, көпшілікке ерекше көңіл-күй сыйлады. Кейін ұлттық киімдер шеруі басталып, қазақтың ұлттық киімін киген әжелер мен немерелер ұрпақ сабақтастығының үлгісін көрсетіп, көпшіліктің құрметіне бөленді. Шара барысында «Ассамблея жастары» ұйымының белсенділері әртүрлі этностардың ұлттық киімдерінде өздерінің ерекше топтамаларымен көрермендерді таң қалдырды. Ал «Ботақан» балабақшасының бүлдіршіндері қазақтың киімдерінде сән көрсетілімін жасады.Бұл мерекеде елге танымал дизайнерлер Айман Абди мен Светлана Цойдың ұлттық киімдер топтамасы да ерекше орын алды. Шара соңында белсенді қатысушылар Бақытжан Камаловтың алғысымен марапатталды.Ұлттық киім – біздің мәдениетіміздің, тарихымыз бен болмысымыздың жарқын көрінісі. Мұндай іс-шаралар ұрпақтар сабақтастығын сақтап, еліміздің бірлігін арттыра түспек.<img src="https://knadmin.beoblood.kz/uploads/ltty_kiimdi_ly_tajy_merekelik_sharasy_tti_1_f5929604ea.jpg" alt="“Ұлттық киімді ұлықтайық” мерекелік шарасы өтті 1.jpg">

“Ұлттық киімді ұлықтайық” мерекелік шарасы өтті

<a href="https://kyzylorda-news.kz/">Kyzylorda-news.kz</a> Мемлекет баспанаға мұқтаж азаматтарға 300 млрд теңге бөлді. Бұл қаржы шамамен 11,5 мың қазақстандыққа үй сатып алуға мүмкіндік береді, деп хабарлайды <a href="https://baq.kz/nauryz-bagdarlamasy-bastaldy-onyn-sharttary-qanday-200008961/">BAQ.KZ</a> тілшісі.Бағдарламаға қатысуға өтінімдер 5 наурыздан 31 наурызға дейін қабылданады.Ипотека шарттары қандай?• Пайыздық мөлшерлеме: • Әкімдік кезегінде тұрған әлеуметтік аз қамтылған азаматтар үшін – 7% (ЖТСМ 7,1%-9,6%). • Баспанаға мұқтаж азаматтар, қандастар және өзге де санаттағы қазақстандықтар үшін – 9%. • Егер несие сомасының 50%-ын жинақтасаңыз, мөлшерлеме 3,5%-5%-ға дейін төмендейді. • Бастапқы жарна: • Жаңа, жөндеуден өткен тұрғын үй үшін – 10%. • Жөндеусіз жаңа баспана немесе екінші нарықтағы тұрғын үй үшін – 20%-дан бастап. • Бірақ бастапқы жарна кемінде 2 млн теңге болуы керек. • Несие мерзімі: 19 жылға дейін.Бағдарламаға кімдер қатыса алады?Соңғы 5 жылда өз атында жылжымайтын мүлкі болмаған кез келген қазақстандық қатыса алады.Жасы: 18 бен 63 жас аралығында болу керек.Қатысушы табысын қалай дәлелдейді?Бағдарламаға қатысу үшін соңғы 6 айда тұрақты ресми табыс болуы шарт. Мұнда:- Жалақы; - Кәсіпкерлік қызметтен түскен кіріс; - Ақылы қызмет көрсету арқылы тапқан табыс; - Жәрдемақылар, стипендиялар мен тұрғын үй төлемдері есепке алынады.Егер үміткердің табысы жеткіліксіз болса, екі кепілгер (қосымша қарыз алушы) тартуға болады. Олардың туыс болуы міндетті емес.Егер атыңызда жылжымайтын мүлік болса…Соңғы 5 жылда қатысушының да, оның отбасы мүшелерінің де (жұбайы, балалары) атына тіркелген баспана болмауы қажет.- Бағдарламаға ерлі-зайыптылардың тек біреуі ғана қатыса алады. - Егер үміткер некеде болмаса, оның ата-анасының үйі есепке алынбайды. - Бағдарлама аясында үйді тек бір рет сатып алуға болады.Фото: freepik.com

"Наурыз" бағдарламасының шарттары қандай?

<a href="https://kyzylorda-news.kz/">Kyzylorda-news.kz</a> Депутат Қайрат Балабиев премьер-министрдің орынбасары Ермек Көшербаевқа зейнеткерлердің банктік шоттарын қорғау шаралары туралы депутаттық сауал жолдады. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;Депутаттың сөзінше,&nbsp;E-өтініш&nbsp;қосымшасы арқылы несие бойынша жіберілген сұраныстар қанағаттандырылмаған. Сол себепті зейнеткерлер зардап шегіп жатыр&nbsp;дейді депутат.&nbsp;<blockquote>"Президент Қасым-Жомарт Тоқаев берешегі бар азаматтардың банктер алдындағы несиелері бойынша берешегін есептен шығару, оларды соттан тыс және сот тәртібімен "банкрот" деп тану және төлем қабілетін арттыру арқылы көмек көрсетуге бағытталған заңға қол қойды. Заң бойынша борышкерлердің ешкімнің көмегіне жүгінбей шағымдануы үшін оңтайлы жағдай жасалуға&nbsp;тиіс. Сондай-ақ оның ережелерінде 6 миллион 291 мың теңгеден аспайтын несиелер бойынша банкрот&nbsp;рәсіміне жүгінуге болатыны көрсетілген. Алайда іс жүзінде бұл заң да, жоғарыда аталған өтінішті беру тетігі де дұрыс жұмыс істемейді.&nbsp;Өтінімдерді жіберуге арналған жалғыз қолжетімді ресурс – E-өтініш&nbsp;қосымшасы арқылы жіберілген сұраныстар қанағаттандырылмаған. Соның салдарынан зейнетақысын ала алмай жүрген зейнеткерлер зардап шегіп жатыр", – деді Қайрат Балабиев.</blockquote>Қайрат Балабиевтің&nbsp;айтуынша, көбінің банктер алдында төлем міндеттемелері бар. Олар кесте бойынша төленуге&nbsp;тиіс. Сот орындаушылары барлық аккаунтты бұғаттап, шетелге шығу мүмкіндігін шектейді.<blockquote>"Банктерде 32 мың теңге зейнетақысы&nbsp;бірден есептен шығарылып, банк картасына әрең жетіп үлгерген зейнеткерлер бар. Бұл жағдайда зейнетақының табыс көзі саналатын, ал зейнетақы шоттары әлеуметтік қорғалатын шоттарға жатқызылмайтынын атап өткен жөн. Әлеуметтік қорғалатын шоттарды ашу тек Kaspi Bank, Halyk Bank және ЦентрКредит Банкіне арналған.&nbsp;Бұл банктердің банкоматтарды айтпағанда, барлық жерде филиалдары жоқ. Банкоматтармен салыстырғанда Қазпошта бөлімшелері барлық жерде бар. Ендеше, "Қазпошта" әлеуметтік қорғалатын шоттарды ашу бойынша қызмет көрсететіндердің тізіміне неге кірмейді? Неліктен ол алынып тасталды?”, –&nbsp;дейді депутат.&nbsp;</blockquote>Депутаттың сөзінше,&nbsp;микроқаржы ұйымдары айына 30 мың теңге төлей алмаған азаматтарға айыппұл салады.&nbsp;<blockquote>“Біздің микроқаржы ұйымдары&nbsp;айына 30 мың теңге төлей алмаған азаматтарға төлемді кешіктіріп төлегені үшін айыппұл салады. Соның салдарынан олардың қарызы артады.&nbsp;Көптеген адамдар түсінбейтін нәрсе, табыс көзі жоқ адамдар үшін бұл уақытша ақшалай көмек оңай қарызға айналуы мүмкін. Бірақ бұл халықтың ақшасын ысырап етуінің көрсеткіші емес.&nbsp;Адамдардың несиеге мәжбүр болғаны ұят. Amanat партиясының "Қарызсыз қоғам" жобасы аясында азаматтардың қаржы&nbsp;сауаты артып келеді. Ал салдарын ойламай несие алатындар азайып жатыр", –&nbsp;дейді депутат.&nbsp;</blockquote>Қайрат Балабиев вице-премьерден банкроттыққа өтініш беру неліктен қиын екенін сұрады.&nbsp;<blockquote>"Президенттің тапсырмасымен заң қабылданды. Неліктен банкроттық туралы өтініш беру соншалықты қиын? Борышкерлердің айтуынша, E-mobile қосымшасы арқылы өтініш беру тетігі жергілікті салық органдарының құзырына берілген. Бұл ретте мемлекеттік органдар борышкерлердің мүддесіне жұмыс істеуі керек деп есептеймін. Зейнетақы қорында жинақталған қомақты қаражатты азаматтар өз игілігіне пайдалануға алған кезде зейнетақыны табыс көзі ретінде қарау ұят деп санаймын.&nbsp;Біз жұмысшылардың зейнетақы жинақ&nbsp;жүйесіне кедергі келтіріп қана қоймай, олардың зейнетақы жинақтарын пайдалануға мүмкіндік бергіміз келмейді. Бұл –&nbsp;ұят", – деді ол.</blockquote>Депутат вице-премьер&nbsp;Ермек Көшербаевқа жоғарыда айтылғандарды ескере отырып, ұсыныс жасады:<ul><li style="text-align:justify;">әділет органдары қарызы бар зейнеткерлердің зейнетақы шоттарын бұғаттауды;</li><li style="text-align:justify;">Республикалық дерекқорда банктерге берешегі бар зейнеткерлерді анықтау;</li><li style="text-align:justify;">құзырлы органдар зейнеткерлерді соттан тыс және сот тәртібімен банкрот деп тану тәртібін жеңілдетуі;</li><li style="text-align:justify;">зейнеткерлердің қарызын есептен шығаруы;</li><li style="text-align:justify;">барлық екінші деңгейлі банктер мен Қазпошта мекемелерінде зейнеткерлерге әлеуметтік қорғалатын шоттарды ашу керек.&nbsp;</li></ul>Фото: Freepik.com

"Ұят көрінеді": Депутат зейнеткерлердің несиесін есептен шығаруды ұсынды

<a href="https://kyzylorda-news.kz/">Kyzylorda-news.kz</a> “Славяне” орталығының онкүндігі аясында «Достық үйінде» Қорқыт Ата атындағы Қызылорда университетімен бірлескен А.П.Чеховтың 165 жылдығына арналған әдеби кеш ұйымдастырылды.Іс-шара барысында Славяне орталығының төрағасы Галина Щербакова мен “Қоғамдық келісім” КММ директорының орынбасары Азамат Мукеев Қазақстан халқы Ассамблеясының 30 жылдығына орай құттықтау сөздерін айтып, Славяне орталығының осы уақыт аралығында атқарған жұмыстарын атап өтті.Қорқыт Ата атындағы Қызылорда университетінен келген «Орыс тілі және әдебиеті» білім беру бағдарламасының магистранттары А. П. Чеховтың өмірі мен шығармашылығына арналған викторина өткізді. Қатысушылардың белсенділігі ерекше болды.Іс-шарада қатысушылар ҚХА-ның 30 жылдығына арналған бейнероликті тамашалап, Славяне орталығының төрағасы Галина Щербакова белсенді қатысушыларға кітаптар сыйлады.Шараның соңында Достық үйінің фойесінде ҚХА-ның 30 жылдығына арналған ескерткіш тақтайшасымен танысу рәсімі өтті.Бұл күн Қазақстан халқы Ассамблеясының 30 жылдығына арналған маңызды әрі мәнді сәттерге толы болды.<img src="https://knadmin.beoblood.kz/uploads/Foto_o_amdy_damu_bas_armasy_2_75832f3ef0.webp" alt="Фото Қоғамдық даму басқармасы 2.webp">Фото: Қоғамдық даму басқармасы

Бірлік пен достық жолында

<a href="https://kyzylorda-news.kz/">Kyzylorda-news.kz</a> Қазіргі күні қаскүнемдер айлаларын асырғаны соншалық, зардап шегушілер ерікті түрде кепілсіз кредиттер ресімдейді және ақшаны үшінші адамдардың шотына өз еркімен аударады.&nbsp;Fingramota.kz алаяқтықтық мұндай түрі жөнінде &nbsp;айтып береді және өз ақшаңыздан айырылып қалмаудың, сондай-ақ басқаның кредитімен қалмаудың жолдары жөнінде ұсынымдар береді. &nbsp;Мысалы, алаяқтар фишингті немесе вишингті, сондай-ақ әртүрлі ұйымдардың, коммуналдық қызметтердің қызметкерлері, курьерлер, сатушылар және т.б. ұсынатын дипфейктерді белсенді пайдаланады. Олардың басты мақсаты – &nbsp;басқа адамдардың дербес деректерін, сондай-ақ SMS-кодты және шоттардың толық деректемелерін қолға түсіру.Егер құпия ақпарат қылмыскерлердің қолына түссе, онда олар мобильді банкингті бұзып, өз құрбандарының шоттарын иемденіп, ақшаларын дроперлердің карталарына аудара алады. Алайда, одан зорғысы да болуы – ақшадан айырылып қана қоймай, жәбірленушіге кредит ресімделуі мүмкін.Бұл схема алаяқтар қарыз алушыны банктің мобильдік қосымшасында немесе микроқаржы ұйымының сайтында өз еркімен тексеруден өтуге мәжбүрлеуді көздейді.&nbsp;Әрі қарай оқиға екі сценарий бойынша дамуы мүмкін. Бірінші сценарийде &nbsp;жәбірленушіні қорқыту немесе сендіру арқылы ақшалай кредит алдырып, кейіннен картаға немесе шотқа дербес аударуға мәжбүр етеді, картаның деректемелерін (дропперлер картасы) оған қаскүнем хабарлайды. Бұл ретте, барлық операциялар мен аудармаларды зардап шеккен адам бір реттік парольдер мен смс енгізу арқылы дербес растайды.Екінші нұсқа зиянды бағдарламалық қамтылымды және қашықтан қол жеткізу бағдарламаларын орнатуды қамтиды. Алаяқтар үшін ең бастысы – жәбірленушінің биометриялық идентификаттаудан өтуі. Барлық басқа операциялар қашықтан қосылу арқылы жүзеге асырылады.Ақша аударылғаннан кейін алаяқтар жәбірленушімен қарым-қатынасты тоқтатады, нөмірлерді бұғаттайды және жоқ болып кетеді.Егер банк күмәнді операцияларды байқаса, бұл әр түрлі банктік карталарға қатарынан бірнеше аударымдардың жасалуы, банкоматтардан немесе банк бөлімшелерінен қолма-қол ақша алу болуы мүмкін, онда банк &nbsp;карталар мен клиенттің қосымшасын бұғаттайтынын атап өткен жөн. Қаржы институттарының қауіпсіздік жүйесі осылай жұмыс істейді.Азаматтардың өтініштері негізінде кредит беру кезіндегі алаяқтықтың әрбір фактісі бойынша Қаржы нарығын реттеу және дамыту агенттігі (ҚНРДА) банктер мен МҚҰ тексерулеріне бастамашылық жасайды. Тексеру аясында көптеген сұрақтар зерделенуде:- төлем қабілеттілігін бағалау;- қарыз алуға өтінімді қарау кезінде клиентті идентификаттау рәсімінің дұрыстығы;- борыш жүктемесі коэффициентін (БЖК) есептеудің дұрыстығы және басқа да көптеген факторлар.&nbsp;Алаяқтық қылмыстық құқық бұзушылық екенін және құқық қорғау органдарының сотқа дейінгі тергеуінің мәні екенін есте ұстаған жөн. Белгісіз адамдар тарапынан алаяқтық жасау фактісін анықтау және қатысы бар адамдарды анықтау құқық қорғау органдарының құзыретіне жатады. Және операцияларды не қарыз шартын жарамсыз деп тану сот тәртібімен жүргізілуі тиіс.Кредиттік алаяқтардан қорғану үшін не істеу қажет?Жалпы, азаматтар кредитті рәсімдеу мәселесіне жауапты қарап, өздеріне маңызды сұрақ қоюы керек: маған қарыз қажет па, егер қажет болса, онда қандай мақсаттар мен не үшін қажет. Жақын таныстарыңыз немесе достарыңыз сұраса да, үшінші тұлғалардың өтініші бойынша ешбір жағдайда өз атыңызға кредит ресімдеуге болмайды.Сондай-ақ, қазақстандықтар қаржылық және құқықтық мәселелерді ешқашан телефон арқылы немесе мессенджерлерде шешілмейтінін - барлық операциялар тек мобильді қосымшалар арқылы немесе жеке қатысуымен жүргізілетінін есте ұстауы қажет.Сондай-ақ бейтаныс адамдардың, үшінші тұлғалардың сендіруіне немесе қорқытуларына берілмеу керектігін білу маңызды. Барлығын мұқият талдай отырып, әсіресе егер мәселе кредитке немесе жалпы ақшаға қатысты болса салқынқанды шешім қабылдаған дұрыс.Алаяқтар өздерін кез-келген адам ретінде көрсетуі мүмкін екендігін қайталап айтамыз. Олар сізге жөнелтілімді жеткізіп, оны алу үшін SMS-тен код сұрауға қоңырау шалуы мүмкін. Қаскүнемдер телефонға сілтеме көрсетілген құттықтау ашықхатын жіберуі мүмкін, сілтемеге кірген уақытта дербес деректеріңізді жоғалтып алуыңыз ықтимал.&nbsp;Сондай-ақ, олар өздерін ХҚКО-ның, салық қызметтерінің немесе egov.kz, платформасының, 1414 сервисінің қызметкерлері ретінде таныстырып, «Стоп-кредит» қызметін іске қосуға көмектесетіндерін алға тартып, оларға конфиденциалды деректеріңізді беруге итермелеуі мүмкін.Алаяқтық схемаларының нұсқалары көп және оларға алданып қалмау үшін сын көзбен қарап пайымдау және мүмкіндігінше жақындарыңызбен ақылдасу керек.Егер сіз алаяқтар үшін кредитті ерікті түрде ресімдемейтініңізді сенімді болсаңыз, абай болыңыз, өйткені қаскүнемдер сіз хабарламасаңыз да, сіздің деректеріңізге қол жеткізе алады.Бұған жол бермеу үшін мынадай қарапайым кеңестерді орындаңыз:- SMS-кодтар мен басқа да құпия ақпаратты ешкімге айтпаңыз;- үшінші тұлғаларға, тіпті таныстарыңыз бен жақындарыңызға банк картасының CVV-кодын, яғни картаның артындағы құпия үш таңбалы цифрларды бермеңіз;- құрылғыңызға екі факторлы аутентификацияны орнатыңыз және мессенджерлерде қосылған құрылғыларды үнемі тексеріп отырыңыз;&nbsp;- өз құрылғыларыңызда вирусқа қарсы бағдарламалық қамтылымды қолдануды ұмытпаңыз.«Стоп-кредит» сервисі туралы не білу керек?Банктік қарыздарды немесе микрокредиттерді ресімдеуге тыйым салуға («Стоп-кредит» сервисі) болады. «Банктік қарыздар, микрокредиттер алудан ерікті түрде бас тарту» қызметін egov.kz сайтында және e-GOV mobile қосымшасында тегін ресімдеуге болады. Оны іске қосу үшін тек электрондық цифрлық қолтаңба қажет.e-GOV mobile мобильді қосымшасында қызмет «Танымал қызметтер» бөлімінде қол жетімді, одан әрі сіз «Салықтар мен қаржы» бөліміне өтуіңіз керек. Ал eGov.kz порталында қызметті басты беттегі «Қызметтер» бөлімінен табуға болады. Есіңізде болсын, «Стоп-кредитті» кез келген уақытта өшіруге болады, сондықтан ешкімге және ешқашан ЭЦҚ кілтін бермеу өте маңызды.Қызметті іске қосқаннан кейін қарыз алушының кредиттік тарихында азамат уақытша кредит алудан бас тартуға шешім қабылдағанын көрсететін арнайы белгі пайда болады. Бұл белгіні кредиттік бюролардан деректерді сұрау кезінде кредиттік ұйым көреді. Кредитор үшін бұл клиент автоматты түрде несие беруден бас тартуы керек деген сигнал.2024 жылғы 1 қыркүйектен бастап кредитті ресімдеуден ерікті бас тарту болған кезде қарыз алушыны банк немесе МҚҰ берген кредитті өтеуден босату туралы норма заңнамалық түрде енгізілді. Осылайша, егер қарыз алушы кредит алудан ерікті түрде бас тартса, бірақ осы кезеңде оған кредит заңсыз ресімделсе, онда банк немесе МҚҰ қарызды есептен шығаруға міндетті болады. Өзіңізді және жақындарыңызды қорғаңыз және қаржылық сауаттылығыңызды арттырыңыз!Фото: fingramota.kz

Кредиттермен жасалатын алаяқтық схемалар: өзіңізді алдауға қалайша жол бермеуге болады? 

<a href="https://kyzylorda-news.kz/">Kyzylorda-news.kz</a> "Болашақ" халықаралық стипендиясына және ғылыми тағылымдамаларға құжат қабылдау басталды. Құжаттарды қабылдау 17 қазанға дейін жалғасады, деп хабарлайды <a href="https://baq.kz/bolashaq-halyqaralyq-stipendiyasyna-quzhat-qabyldau-bastaldy-200008945/">BAQ.KZ.</a>Конкурстық іріктеу 1 сәуірден 31 желтоқсанға дейін өтеді. "Болашақ" бағдарламасы бойынша стипендияға құжаттар eGov порталы арқылы қабылданады. Шетелде кадрлар даярлауда инженерлік-техникалық және медициналық мамандықтарға басымдық беріледі.Биыл бағдарлама бойынша 645 стипендия бөлінді, оның ішінде:<ul><li style="text-align:justify;">Магистратура бағдарламаларына – 411 стипендия</li><li style="text-align:justify;">Докторантура және резидентура бағдарламаларына – 41 стипендия</li><li style="text-align:justify;">Тағылымдамаларға – 193 стипендия</li><li style="text-align:justify;">Стипендия келесі квоталық санаттар бойынша қарастырылады:</li><li style="text-align:justify;">Инженерлік-техникалық қызметкерлер</li><li style="text-align:justify;">Медициналық қызметкерлер</li><li style="text-align:justify;">Ауылдық елді мекендерден үміткерлер</li><li style="text-align:justify;">Мемлекеттік қызметшілер</li></ul>Квоталық санаттағы стипендиаттар тілдік даярлықтан стипендия есебінен өте алады және оны иеленгеннен кейін шетелдік оқу орындарына түсе алады."Болашақ" бағдарламасы бойынша тағылымдамадан өтуге келесі санаттағы қызметкерлер қатыса алады:<ul><li style="text-align:justify;">Инженерлік-техникалық қызметкерлер</li><li style="text-align:justify;">Аграрлық-өнеркәсіптік сала мамандары</li><li style="text-align:justify;">Жасанды интеллект саласының мамандары</li><li style="text-align:justify;">Мектепке дейінгі, орта, техникалық және кәсіптік білім беру ұйымдарының педагогтері</li><li style="text-align:justify;">Жоғары және жоғары оқу орнынан кейінгі білім беру ұйымдарының педагогтері мен қызметкерлері</li><li style="text-align:justify;">Медициналық қызметкерлер</li><li style="text-align:justify;">Мемлекеттік қызметшілер</li><li style="text-align:justify;">Бұқаралық ақпарат құралдарының қызметкерлері</li><li style="text-align:justify;">Мәдениет, туризм және спорт саласының қызметкерлері</li><li style="text-align:justify;">Судьялар мен сот қызметкерлері</li></ul>Тағылымдамадан өту үшін стипендия алу бойынша конкурстық іріктеуге құжат қабылдау 3 наурызда басталып, 31 қазанға дейін жалғасады. Конкурстық іріктеу 1 сәуірден 31 желтоқсанға дейін өтеді. Бағдарлама бойынша 250 стипендия бөлінген.Ғылыми тағылымдамалар бойынша құжат қабылдау "Халықаралық бағдарламалар орталығы" АҚ кеңсесінде өтеді. Басқа қаладан келген үміткерлер сенімхат арқылы құжат тапсыра алады.Мемлекет академиялық оқу, тағылымдамадан өту, ұшу, медициналық сақтандыру, виза алымдары, оқу материалдарын сатып алу сияқты шығындарды және ай сайынғы стипендияны қамтамасыз етеді.Үміткерлерге қойылатын талаптар, басымдық берілген мамандықтар тізімі, университеттер мен ғылыми орталықтар туралы толық ақпаратты Халықаралық бағдарламалар орталығының сайтынан алуға болады.Фото: freepik.com

"Болашақ" халықаралық стипендиясына құжат қабылдау басталды

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен әкімдік мәжілісі өтті.Жиынға аудан әкімінің орынбасарлары, қала, кент, ауылдық округ әкімдері мен дербес бөлім басшылары және мекеме басшылары, түрлі саланың мамандары қатысты. Әкімдік мәжілісінің күн тәртібінде 3 мәселе қаралып, кемшіліктер жан-жақты сараланды.Мәжілісте алдымен 2024 жылдың қорытындысы және 2025 жылдың қаңтар айындағы әлеуметтік-экономикалық даму көрсеткіштері туралы аудандық экономика және қаржы бөлімінің басшысы Т.Рашев хабарлама жасады.2024 жылдың қорытындысымен ауданның макроэкономикалық көрсеткіштерінде оң динамика бар. Дегенмен, бұл жетістікпен тоқтап қалмай жоспарлы көрсеткіштер жыл көлемінде 100 пайыз орындалуы тиіс. Экономиканың кейбір көрсеткіштері бойынша төмендеу тенденциясы қалыптасқан. Аудан әкімі хабарлама барысында айтылған олқылықтар бойынша тиісті салалар жұмысты жандандыру керектігін жеткізіп, кемшіліктерді қалпына келтіру жөнінде тиісті сала басшыларына тапсырма жүктеді.Мұнан соң Арал ауданы бойынша мемлекеттік кірістер басқармасының басшысы Е.Әбдікеров «Салық базасын ұлғайту» туралы хабарлама жасап, өткен жылдың есепті кезеңінде орындалған салық түсімдерінің болжамды көрсеткіштен төмен болғанын атап өтті.2024 жылдың қорытындысымен бюджет түсімдерінің өсімі байқалады. Алайда, салық төлеушілерді басқа өңірлерден ауданға тіркету жұмыстары бойынша жергілікті бюджетке түсетін түсімнің болжамды көрсеткіші төмен орындалған. Осы мәселеге терең бойлаған аудан әкімі А.Оңғарбаев:<blockquote>– Қала, кент және ауылдық округ әкімдері өз ауылдарының тыныс-тіршілігін, әрбір бизнес өкілдерінің қалай жұмыс жасайтынын жақсы біледі. Мемлекеттен субсидия қаражатын алған шаруа қожалықтары табыс салығын шынайы көрсетіп, бюджетке төленуге тиіс салықтарын мерзімінде төлеп, әлеуметтік жауапкершілікті сезінуі қажет. Сонда ғана көптеген мәселені шешуге болады, – деді.</blockquote>Жергілікті бюджетке түсетін түсімді арттыру бағытында мүдделі азаматтар нақты жұмыс атқару керектігі жайында айтылды.Мәжіліс барысында кәсіпкерлік саласы бойынша атқарылған жұмыстар және алдағы міндеттер туралы аудандық кәсіпкерлік және өнеркәсіп бөлімінің басшысы Р.Жанаев хабарлама жасады.Кәсіпкерліктің дамуы халықтың әлеуетін көтеру, жұмыс орындарының құрылуына, салық базасының көбеюіне және әлеуметтік тұрақтылықты қамтамасыз етуге тікелей әсер етеді.Өткен жылы қаржы ұйымдары мен екінші деңгейлі банктерден 3 млрд. 903,1 млн. теңгенің 180 жобасы қаржыландырылған. Алайда, кейбір ауылдық округтерде шағын және орта кәсіпкерлікті дамытуға қаржы тарту деңгейі әлі де болса төмен екендігі байқалады.Осы және өзге де мәселелер төңірегінде сөз сабақтаған аудан әкімі Аманжол Сақыпұлы мемлекет тарапынан жасалып жатқан қолдау шараларын барлық ауылдық округтер толықтай сезінуі керектігін атап өтті.Мәжілісте көтерілген мәселелерді жан-жақты саралаған аудан басшысы жол берілген кемшіліктер бойынша жұмысты жандандыруды сала басшыларына тапсырып, олардың уақытылы әрі сапалы орындалуын жауапты аудан әкімінің орынбасарларына жүктеді.Фото: Арал ауданы әкімінің баспасөз қызметі

Күн тәртібіндегі мәселелер жан-жақты сараланды

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбековтың төрағалығымен экономиканың нақты секторын қаржыландыру туралы мәжіліс отырысы өтті.Мәжілісте өңірдегі кәсіпорындарды қаржыландырудың тиімді жолдары, инвестициялық жобаларды қолдау, шағын және орта бизнестің дамуына қажетті жағдай жасау мәселелері қозғалды. Бұл шаралар экономиканың тұрақтылығын қамтамасыз ету, жаңа жұмыс орындарын ашу және жергілікті кәсіпорындардың бәсекеге қабілеттілігін арттыруға бағытталған.Аудан әкімі өз сөзінде осы маңызды мәселелермен қатар, көктемгі егістік жұмыстарын жоспарлау мен ұйымдастыру туралы да айтып өтті. Ол ауыл шаруашылығының дамуы үшін тиісті дайындық жұмыстарын жүргізу қажет екенін атап өтті. Ауданның ауыл шаруашылығы саласының қызметкерлеріне егістік жұмыстарына қажетті техникалық ресурстар мен материалдарды уақытылы жеткізу және көктемгі дала жұмыстарына дайындық барысын бақылауда ұстау тапсырылды.Фото: Шиелі ауданы әкімдігінің баспасөз қызметі

Экономиканың нақты секторын қаржыландыру мәселесін талқылады

<a href="https://kyzylorda-news.kz/">Kyzylorda-news.kz</a> Елімізде 2025 жыл "Жұмысшы мамандықтар жылы" деп жарияланды. Бұл аймағымыздағы кәсіптік білім беру саласына жасалған үлкен мүмкіндік жылы деп айтуға болады. Аталған бастама жұмысшы мамандықтарының маңыздылығын арттыруға, жастарды осы салаға тартуға және еңбек нарығында сұранысқа ие мамандықтар бойынша білікті кадрларды даярлауға бағытталған. Аталған тақырып аясында Өңірлік коммуникациялар қызметінің ақпарат алаңында облыстық білім басқармасы басшысының орынбасары Бекжан Есенбаев пен облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева сөз қозғады.<blockquote>- Бүгінде Жұмысшы мамандықтар жылын өткізуге байланысты іс-шаралар жоспары бекітілді. Сонымен қатар аймақтағы кәсіптік білім беру саласын транформациялаудың да жол картасы қабылданды. 2023-2024 оқу жылында 9 колледжде 38 мамандық бойынша 52 біліктілік лицензия қосымшасы кері қайтарылған болса, биыл 8 колледжде 21 мамандық, 31 біліктілік анықталды. Сонымен бірге білім сапасына байланысты оқу орындарының арнайы рейтингін қалыптастырып, жыл сайын бақылауды жүзеге асыратын боламыз. Бұл оқу орындарының бәсекеге қабілетті кадрлар даярлаудағы әлеуетін айқындайтын болады. Биылғы жылы халықаралық талаптарға сәйкес шетелдік оқу орындарымен әріптестік байланыс орнату жүзеге асырылатын болады. Осы ретте айта кету керек Мәншүк Мәметова атындағы Қызылорда педогогикалық жоғарғы колледжі Германия мемлекетінің Лейпциг университетімен педогогика, психология мамандығы бойынша, сондай-ақ Исатай Әбдікәрімов атындағы колледж Американың білім беру ұйымдарымен ынтымақтастық орнатты,- деді Бекжан Шәкизатұлы.</blockquote>Биыл жастардың, оның ішінде жұмысшы мамандықтар бойынша білім алатын жастарға байланысты мемлекеттік тапсырыстың көлемі 700 орынға артып отыр.<blockquote>- Жыл ішінде «Жұмыс күшінің ұтқырлығын арттыру үшін адамдардың ерікті түрде қоныс аударуын ұйымдастыру» жобасы аясында жұмыс күші жетіспейтін Павлодар, Қостанай, Солтүстік Қазақстан, Шығыс Қазақстан, Ұлытау, Абай облыстарына қоныс аударуға бос жұмыс орындарының жәрмеңкесін өткізу де жалғасын табады. Биыл еңбек нарығында сұранысқа ие жұмысшы мамандықтар бойынша 525 жұмыссызды қысқа мерзімді курстарға оқыту жоспарланса, «Скиллс Еңбек» электронды білім беру порталы арқылы тегін біліктілігін арттыру курстарынан өткізу көзделуде. Осы онлайн оқыту платформасында жаңа дағдыларды үйретуге арналған 848 курс қолжетімді, бұл курстардан өткен жылы облыс бойынша 3 мыңнан аса жұмыссыз азаматтар өтсе, адам оқудан өтсе, биыл 20 мыңнан аса адамды қамту межеленуде, Электрондық еңбек биржа порталына өзгеріс енгізіліп оқушылар мен ТИПО студенттеріне оқу мүмкіндігі берілді. Жыл соңына дейін облыстық білім басқармасымен, Қорқыт ата атындағы Қызылорда университетімен бірлесіп «Жұмысшы мамандықтарының атласы» әзірленеді. Аталған атлас еңбек нарығындағы болашағы бар мамандықтарға сұраныс пен ұсынысты айқындайтын болады,- деді Жанар Жұмабекқызы.</blockquote>Фото: Өңірлік коммуникациялар қызметі

Аймақта 4890 студент жұмысшы мамандықтары бойынша білім алуда

<a href="https://kyzylorda-news.kz/">Kyzylorda-news.kz</a> Қызылорда қаласында туберкулездің белсенді түрімен ауыратын 294 науқас диспансерлік есепте тұр. Өткен жылы туберкулездің 180 жаңа жағдайы анықталса, биыл туберкулездің 26 жағдайы тіркелген. Бұл көрсеткіш 2024 жылмен салыстырғанда 21,8 пайызға төмендеген. Бұл туралы брифингте Қызылорда қалалық санитариялық-эпидемиологиялық бақылау басқармасы басшысының міндетін атқарушы Бейбіт Бидаш пен облыстық фтизиопульмонология орталығы директорының емдеу ісі жөніндегі орынбасары Айгүл Алтекешова мәлімдеді.<blockquote>- Қызылорда қаласында туберкулез ошақтарынан қарым-қатынаста болған 920 адам тексеріліп, нәтижесінде жаңа 7 жағдай анықталды. Науқастарға арнайы ем тағайындалып, ауру ошақтарында сауықтыру шаралары жүргізілді. Дүниеге келген нәрестелердің 95,3% БЦЖ вакцинасымен егілді. Емхана аймағында 123 бала егілді. Манту сынамасына барлық жоспарланған 41 211 бала уақытылы егумен қамтылды. Айта кету керек, аурудың алдын алу үшін балалар мен ересектер жыл сайын флюорографиядан өткен жөн. Бұл ауру болған жағдайда оны тез арада анықтауға ықпал етеді. Сонымен қатар, күнделікті өмірде сапалы тамақтанып, салауатты өмір салтын ұстанған абзал, - деді басқарма басшысының міндетін атқарушы Бейбіт Молдахметұлы.</blockquote>Туберкулезге қарсы күрес айлығының мақсаты – тұрғындарға дерт туралы ақпарат беріп, алдын алу және күрес шараларын күшейту. Айлық аясында туберкулездің алдын алу, анықтау және емдеу тақырыптарында ақпараттық науқандар, медициналық ұйымдарда, мектептер мен жоғары оқу орындарында дәрістер, акциялар ұйымдастырылуда.<blockquote>- 24 наурызға дейін қоғамдық орындарда, базарлар мен сауда орталықтарында акциялар ұйымдастырылып, медициналық мекемелерде ашық есік күні өтеді. Онда қала тұрғындары флюорографиялық тексеруден өтіп, көрсетілімдер болған жағдайда фтизиатр дәрігерден кеңес алып, қажетті талдаулар тапсыра алады. Облыста туберкулезге қарсы бағдарламаның бақылауы жүргізілуінің нәтижесінде аурушаңдылық көрсеткіші соңғы 10 жылда 2 есеге азайды, - деді облыстық фтизиопульмонология орталығы директорының емдеу ісі жөніндегі орынбасары Айгүл Оғадиқызы.</blockquote>Ең бастысы - аурудың алғашқы белгілерінде дереу дәрігерлік көмекке жүгіну керек. Туберкулез дер кезінде анықталып, үздіксіз емделсе, толық жазылады. Негізгі белгілері: 2 аптадан астам жөтел, арықтау, тершеңдік, кеуденің ауырсынуы, қан кету, жалпы әлсіздік және шаршау, ұзақ уақыт дене қызуының көтерілуі пайда болса, дереу емханаңызға хабарласу қажет.Фото: Қызылорда қаласы әкімдігі&nbsp;

Туберкулезге қарсы күрес айлығы жүруде

<a href="https://kyzylorda-news.kz/">Kyzylorda-news.kz</a> ҚР Президенті Әкімшілігі Басшысының бірінші орынбасары Дархан Сатыбалдының төрағалығымен мәжіліс өтіп, оған облыс әкімі Нұрлыбек Нәлібаев және жауапты сала басшылары селекторлық режим арқылы қатысты.Күн тәртібінде өңірлерде цифрландыруды дамыту, «Таза Қазақстан» республикалық экологиялық бағдарламасын іске асыру, орман қорына және елді мекендерге ағаш отырғызу мәселелері қаралды.​«Ақылды» қалалар эталонды стандартына сәйкес Қызылорда облысының жол картасы бекітіліп, 6 бағыт бойынша 22 жоба жүзеге асырылуда. Атап айтқанда, «Бейнеаналитика элементтері бар бейнекамералардың жыл сайынғы ұлғаюы» жобасы бойынша Қызылорда қаласының аумағында 19 мың камера орнатылған. Оның 7 273-і полиция департаментінің жедел басқару орталығына қосылған. «Сергек» жобасы бойынша 100 бейнебақылау камерасы, 10 стационарлық жылдамдық өлшегіш бар. Мемлекеттік-жекеменшік әріптестік шеңберінде қала аумағына 1400 бейнебақылау камерасын орнату жоспарлануда. Камерада жасанды интеллект арқылы бет-әлпетті тану функциясы қарастырылған.​Өңірдегі медициналық ұйымдар компьютермен, «Даму-Мед» кешенді медициналық ақпараттық жүйесімен толық қамтылған. «Қалалық автотұрақ кеңістігін басқару» жобасы 100 пайыз жүзеге асырылған. Инновациялық ІТ жобаларды қолдау және дамыту мақсатында өңірлік технопарктердің ұйымдастыруымен былтыр 112 іс-шара өткізіліп, 4383 адам қатысты. 2020 жылдан бері Қызылорда қаласында «109 – Бірыңғай байланыс орталығының» жұмысы жолға қойылған.​«Таза Қазақстан» республикалық экологиялық бағдарламасы аясында санитарлық тазалық, абаттандыру және тұрғындардың өмір сүруіне қолайлы жағдай жасау мақсатында өңірлік жоспар бекітіліп, кешенді жұмыс жүргізілуде. Мекеме ғимараттарының қасбетін, аулалардағы балалар ойын және спорт алаңдарын, көшелердегі жарықтандыру мен аялдамаларды әрлеудің, сырлау, безендірудің біркелкі дизайн коды бекітілді. Облыс орталығынан бастап барлық елді мекендегі мекеме ғимараттары, аулалар, ойын алаңдары, аялдамалар, жарық бағаналары бірыңғай архитектуралық талаптарға сәйкестендірілді.​Өңірде жыл сайын «Үлгілі елді мекен» конкурсы өткізілуде. Соңғы екі жылда үздік атанған елді мекендерге 48 арнайы техника табысталды. Биыл да 19 техника жеңімпаздарға берілмек.​Өткен жылы коммуналдық және абаттандыру мекемелеріне 106 арнайы техника сатып алынып, қазір ел игілігіне қызмет етуде. «Таза Қазақстан» онлайн платформасы бойынша салалар бөлінісіне қарай бекітілген операторлар, модераторлар мен орындаушылар тұрғындардан келіп түскен өтінімдер негізінде тиісті шара қабылдап, уақытылы жауап беруде.​Мемлекет басшысының тапсырмасына сәйкес облыста орман өсіру көлемін ұлғайтудың 2021-2027 жылдарға арналған кешенді жоспары бекітіліп, 903 мың гектар жердің топырағы зерттелді, жобалау жұмыстары жүргізілді. Арал теңізінің құрғаған ұлтанындағы 672 мың гектар алқапқа 2021-2024 жылдары екпелер егілді. Биыл 428 мың гектарды ормандандыру жұмыстары жүргізілмек.Фото: Қызылорда облысы әкімінің баспасөз қызметі

Архив