<a href="https://kyzylorda-news.kz/">Kyzylorda-news.kz</a> Бүгін партияның облыстық филиалының төрағасы Алмасбек Есмахановтың қатысуымен партияның облыстық филиалы жанындағы партиялық бақылау комиссиясының отырысы өтті.Онда Сайлауалды бағдарламада өткен жылы орындалмаған шаралардың іске асырылуы, партия мүшелері – мемлекеттік орган басшыларының партия алаңында Қоғамдық қабылдау өткізуі, азаматтардың өтініштерімен жұмыс жасау, ішкі партиялық тәртіпті нығайту мәселелері талқыланып, партияның Қызылорда қалалық филиалы жанындағы партиялық бақылау коммиссиясының 2024 жылғы атқарған жұмысы қаралды.Күн тәртібіне сәйкес Жол картаның орындалмаған тармақтары бойынша&nbsp; облыстық экономика және қаржы басқармасы басшысының орынбасары Дастан Баймаханов кеңінен түсіндіріп өтті. Орындалмаған 4 іс-шараның 2-уі ағымдағы жылы іске асырылса, 2-уі бойынша тиісті жұмыстар жасалуда. Атап өту керек, өңірде өткен жылы партиялық бақылау комиссиялары отырыстары мен мониторинг жұмыстары барысында 543 ұсыныс әзірленіп, оның 398 орындалған. Қалғаны жұмыс барысында.Партияның сайлауалды бағдарламасында көрсетілген құрылыс нысандарына жүйелі рейдтік іс-шаралар ұйымдастырылып, 76 нысанға партиялық бақылау бекеттері орнатылған. Бүгінгі күні олардың&nbsp; 64-і&nbsp; пайдалануға беріліп, қалған 12 нысан халық игілігіне пайдалануға берілгенше партия назарында болмақ.Жиында сөз алған партияның облыстық филиалының төрағасы Алмасбек Есмаханов ағымдағы жылы да жаңа нысандарға партиялық бақылау бекеттерін ашу қажеттігін айтты. Сонымен қатар, жалпы облыс бойынша партиялық жауапкершілікке тартылған партияластардың болмауы аймақтағы партиялық тәртіптің дұрыстығынан екенін жеткізді. Партия алдында тұрған міндеттерге де тоқталып, комиссия мүшелерін сайлауалды уәделердің орындалуына жауапкершілікпен қарауға шақырды.<blockquote>«Біз қазір сайлау кезеңінің орта тұсына келдік. Сондықтан елге берілген барлық уәде орындалуы және олардың қатаң партиялық бақылауда болғаны дұрыс. Партия алаңына келіп мұң-мұқтаждарын айтатын азаматтардың да мәселелерін барынша оң бағытта шешуге жұмыс жасалуы керек»,- деді Алмасбек Есмаханов.</blockquote>Партияның негізгі міндеттерінің бірі – халық пен билік арасындағы сенімді нығайтып, кері байланыс орнату.&nbsp; Бұл бағытта партияның облыстық және қалалық, аудандық филиалдарында жергілікті атқарушы органдар басшылары арнайы кестеге сәйкес қабылдаулар өткізіп келеді. Кеше Үкіметтің кеңейтілген отырысында Мемлекет басшысы «Халық үніне құлақ асатын мемлекет» тұжырымдамасын іске асыру шаралары ретінде мемлекеттік аппараттың азаматтардың өтініштерімен жұмыс жасауына назар аударыды. Бұл ретте, тек тыңдап қана қоймай, көтерілген мәселелерді шешу үшін жүйелі жұмыс жүргізу маңызды екенін ескертті.Жиында партияның облыстық филиалы қоғамдық қабылдау бөлімінің меңгерушісі Нұрлан Әбдікәрімов хабарлама жасап, азаматтардың ұсыныс – тілектерінің орындалуы мен қоғамдық қабылдау бөлмелерінің жұмысы төңірегінде ақпарат берді.&nbsp;<blockquote>«2023 жылы өткен сайлауалды үгіт жұмыстары кезінде өңір тұрғындарынан 1223 ұсыныс – тілек түсіп, оның 91-і Парламент Мәжілісіне жолданып, 1132 ұсыныс облыстағы түрлі деңгейдегі мәслихат депутаттарымен тиісті жұмыстар жасалды. Бүгінгі таңда олардың 1044-і орындалып, 88-і бойынша жұмыс жүріп жатыр. Ал 2024 жылы партияның қоғамдық&nbsp; қабылдау бөлмелеріне&nbsp; азаматтардан&nbsp; 6904 өтініш түссе, оның 5141-і, оң шешімін тапты. 1763 өтініш бойынша қолданыстағы заңнама аясында түсіндірме жұмыстары жүргізілді. Өтінішпен келген азаматтардың саны 2023 жылмен салыстырсақ, 54 пайызға жоғары. Сол секілді оң шешілген өтініштер саны 2023 жылы 71 пайыз болса, ал 2024 жылы 74,4 пайызға орындалды. Бұл жұмыстар жергілікті атқарушы органдар және мекемелермен бірлсекен жұмыстардың нәтижесі», – дейді Нұрлан Әбдікәрімов.</blockquote>Жалпы сайлауалды бағдарламада өткен жылы Қызылорда қаласына қарасты 81 іс- шара жоспарланған. Олар 100% орындалды. 2024 жылы Партиялық бақылау комиссиясының 12 отырысы өтіп, оларда көтерілген 27 ұсыныс та шешімін тапты. Жиында партияның қалалық филиалы жанындағы партиялық бақылау комиссиясының төрағасы Мейрамбек Есжанов комиссия мүшелерімен жасалған мониторингтік жұмыстар төңірегінде атап өтті.<blockquote>«Қалалық Партиялық бақылау комиссиясы мүшелерімен өткен жылы 29 құрылыс нысанына, 6 резонанстық мәселелер бойынша, баға тұрақтандыру бойынша қаладағы дәріханаларға – 5, азық-түлік дүкендеріне – 7, май құю бекеттеріне – 4 рет, «Ауыл аманаты» жобасы аясында іске асқан 11 кәсіпкерлік субъектілерінің жұмыстарына жалпы саны 62 мониторинг жүргізілді. Әрбір мониторинг қорытындысы бойынша комиссия отырысы ұйымдастырылып, тиісті органдарға ұсыныстар берілді. Сонымен қатар, кәмелетке толмағандар арасындағы қылмыс пен құқық бұзушылықтың алдын алу бойынша түнгі рейдтік жұмыстар да ұйымдастырылып келеді», – деді Мейрамбек Есжанов.</blockquote>Жиын барысында жұмысты жетілдіруге қатысты ұсыныстар ортаға салынып, күн тәртібіне сай партияның облыстық филиалы жанандағы партиялық бақылау комиссиясы төрағасының орынбасары сайланды. Бұл қызметке филиал басшылығының келісімімен облыстық мәслихаттағы «AMANAT» партиясы депутаттық фракциясының мүшесі Ержан Искендер лайық деп танылды.Комиссия отырысына қалалық, аудандық филиалдардың Атқарушы хатшылары мен Партиялық бақылау комиссиялары жетекшілері онлайн режимде қатысты.Фото: Amanat партиясы

Партиялық бақылау комиссиясының отырысы өтті

<a href="https://kyzylorda-news.kz/">Kyzylorda-news.kz</a> Энергетика министрі Алмасадам Сәтқалиев мемлекет бензин бағасының күрт өсуіне жол бермейтінін айтты. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;Энергетика министрі Алмасадам Сәтқалиев брифингте Қазақстандағы АИ-92 бензинінің болжамды бағасын айтты. Оның айтуынша, бензин&nbsp;5 теңгеге қымбаттайды. Министрлік ең жоғары баға литріне 210 теңгеге дейін болады деп отыр.&nbsp;Егер автожанармай құю бекеттері бағаны күрт, мысалы, бірден 30 теңгеге көтерсе, бұл мәселемен монополияға қарсы агенттік айналысады.Министр мемлекет мұнай өнімдері бағасының күрт өсуіне жол бермеу үшін әрекет ететінін және ол үшін барлық тетіктердің барын айтты.&nbsp;<blockquote>"Монополияға қарсы агенттік кез келген уақытта жанар-жағармай құю станцияларының немесе жанармай құю бекетінің белгілі бір желісі монополияға қарсы жоғары кіріс ала бастағанын байқаса және бұл туралы нарық қатысушылары білсе, тергеуді кез келген уақытта бастайды. Сондай-ақ министрлік мұны реттеу үшін барлық қажетті шараларды қабылдайды", – деді министр.</blockquote>Фото: pixabay

Қазақстанда АИ-92 бензині 5 теңгеге қымбаттайды

<a href="https://kyzylorda-news.kz/">Kyzylorda-news.kz</a> Бүгін қалалық тұрғын үй инспекциясы бөлімінің басшысы Абзал Рысбек бұқаралық ақпарат құралдарының өкілдеріне өткен жылы салада атқарылған жұмыстар мен алдағы жоспарлар бойынша баспасөз конференциясын өткізді.Қазіргі таңда Қызылорда қаласы бойынша тұрғын үйге мұқтаж адамдардың 6 дара тізімі бойынша 25 971 отбасы кезекке тіркелген. ҚР «Тұрғын үй қатынастары туралы» заңына сәйкес, азаматтарға пәтерлер тек кезек реттілігіне сәйкес беріледі. Өткен жылы кезекте тұрған отбасыларға 993 арендалық пәтер табысталса, биыл 1240 пәтер халықтың әлеуметтік жағынан әлсіз топтарына, жетім балалар мен ата-анасының қамқорлығынсыз қалған балалар тобына және 135 пәтер авариялық кезекте тұрған отбасыларға беріледі деп жоспарлануда.<blockquote>– 2024 жылдың 22 қарашасында ҚР «Тұрғын үй қатынастары туралы» Заңына өзгерістер енгізілді. Осы Заңның 13-бабына сәйкес, 2017 жылдан бастап бүгінгі күнге дейін пайдалануға сатып алу құқығынсыз жалға берілген тұрғынжайлар мен жалғыз тұрғын үйі авариялық жағдайда деп танылған азаматтар енді өз баспаналарын жекешелендіре алады. Аталған мемлекеттік қызмет түрі E-Qazyna порталы арқылы жүргізіледі және комиссия шешімімен қаралады, – деді бөлім басшысы Абзал Рысбек.</blockquote>Мемлекеттік тұрғын үй қорынан берілген арендалық үйлердің деректері E-Qazyna мемлекеттік меншік тізілімінің веб-порталында тіркеледі. Алдағы міндеттің бірі 2024 жылы пайдалануға берілген 993 арендалық пәтерлердің жалдау шартын E-Qazyna порталына енгізіп, арендалық төлемдердің есебін жүргізу.Фото: Қала әкімдігі

Жалға берілген үйлерді жекешелендіруге мүмкіндік жасалады

<a href="https://kyzylorda-news.kz/">Kyzylorda-news.kz</a> Бүгін Қызылорда қаласында Қазақстан халқы Ассамблеясының «Жомарт жан» орталығы мен Kinoplex орталығы бірлесіп қайырымдылық іс-шарасын ұйымдастырды. Бұл шара мүмкіндігі шектеулі жандар мен жалғызбасты аналарға арналып, оларға қолдау көрсету мақсатында жүзеге асырылды.Іс-шара аясында қатысушыларға «Жомарт жан» орталығының мүшесі Айдана Ерболаттың қолдауымен арнайы сыйлықтар &nbsp;таратылып, кинотеатрда тегін көрсетілім ұйымдастырылды. Қатысушылар өздерін ерекше сезініп, көңіл күйін көтере білді.Шараға қатысушылар өз ризашылықтарын білдіріп, осындай бастамаларды қолдаудың маңыздылығын атап өтті.«Жомарт жан» орталығының үйлестірушісі Нұргүл Ақсақалова, атап өткендей, бұл іс-шара тек қана қайырымдылық емес, қоғамның рухани бірлігін нығайтуға және мұқтаж жандарға көмек көрсетуге бағытталған.Алдағы уақытта да осы бағытта жұмыстар жалғасын табады.

 Кинотеатрда тегін көрсетілім ұйымдастырылды

<a href="https://kyzylorda-news.kz/">Kyzylorda-news.kz</a> «Есірткіге жол жоқ!» тақырыбында жалпы және орта арнаулы оқу орындарының оқушы, студенттері арасында нашақорлыққа қарсы үндеу жасау байқауы ұйымдастырылды, деп хабарлайды <a href="https://polisia.kz/">polisia.kz</a>.Сайыстың негізгі мақсаты – жасөспірімдер арасында есірткі мәселесін түсіндіру денгейін кеңітіп, сайыскерлердің жеке ойын білдіру мүмкіндігін айқындау болып табылды.Байқау екі кезеңде өтті. Бірінші кезеңді Қызылорда қаласының және аудан орталықтарының білім бөлімдері ұйымдастырды, оның қорытындысы бойынша Есірткі қылмысына қарсы іс-қимыл басқармасына сайыстың екінші кезеңіне қатысу үшін үздік жұмыстар жолданды.Байқауға қатысушылар видео үндеу әзірлеп, оны БАҚ пен ақпараттық порталдарда жариялады. Өз жұмыстарында нашақорлық мәселесі, оның төңірегінде туындайтын қиындықтар жайлы айтып, нашақорлықтан аулақ болу керектігі жайлы пікірлерімен бөлісті. Балалар өз ойларын ұсынуға шығармашылықпен қарады, әртүрлі ақпаратты қолданды, нашақорлық проблемасын жариялауда шеберлік танытты.Сайыстық комиссияның шешіміне сәйкес 25 қатысушы ынталық танытқаны үшін, ал 21 жеңімпаз деп танылды.&nbsp;Байқаудың жүлдегерлері: Бақытжанқызы Нұрай, Шакизада Інкар, Ертуғанқызы Шынар, Өтемұрат Нұрсая (Қазалы ауданы №16 мектеп- лицей, №226 мектеп-гимназия оқушылары); Ерболова Еркеназ, Жеткербай Меруерт (Қармақшы ауданы №107,85 орта мектеп оқушылары), Бейбіт Аянат, Дулаткызы Перизат (Қызылорда қаласы N43,203 орта мектеп оқушылары).Фото: Полиция департаменті

Жас тілшілер есірткіге қарсы үндеу жасады

Салық шегерімдері дегеніміз не және 2025 жылы оны қалай қолдануға болады?

<a href="https://kyzylorda-news.kz/">Kyzylorda-news.kz</a> Қызылорда облыстық корей этномәдени бірлестігі өзінің жарқын және мәнді дәстүрлерін жалғастырып, &nbsp;Соллаль – корей жаңа жылын атап өтті.&nbsp;Бұл мереке корей этносының мәдениетінің маңызды бөлігі және жаңа жылды тойлаудың басты күні болып есептеледі.Іс-шараға Қызылорда облыстық қоғамдық даму басқармасының басшысы Руслан Каюпов, этномәдени бірлестіктердің төрағалары мен ҚХА ардагерлері және БАҚ өкілдері қатысты.Мерекелік шараның алғы сөзінде басқарма басшысы Руслан Каюпов Корей этномәдени бірлестігінің ел бірлігі жолындағы атқарған жұмыстарына тоқталып өтті.<blockquote>- Биыл айтулы даталардың бірі – Қазақстан халқы Ассамблеясының 30 жылдық мерейтойы. Бұл еліміздің бейбітшілігі мен ынтымағының, көпұлтты халқымыздың бірлігі мен достығының жарқын көрінісі. Қызылорда облыстық Корей орталығының ҚХА 30 жылдығына орай алғашқылардың бірі болып ұйымдастырған 10 күндігі Соллаль мерекесімен басталуда. 10 күндік аясында мәдени, танымдық, спорттық, интеллектуалды шаралар ұйымдастырылмақ. Бірлік пен бірегейлікті танытуға арналған іс-шаралар аймақтың мәдени және этникалық әртүрлілігін танытуға үлкен үлес қосары анық. Сондай-ақ, қазақ-корей достығын нығайтуға, мәдениетаралық байланыстарды дамытуға және ортақ мәдени мұраны қадірлеуге мүмкіндік береді, - деді. Сонымен қатар, Корей орталығына Алғыс хат табыстады.</blockquote><img src="https://knadmin.beoblood.kz/uploads/ruslan_6595275bf6.jpg" alt="руслан.jpg">Атап өтетін жайт, Қызылорда облыстық Корей этномәдени орталығы былтыр 35 жылдық мерейтойын атап өтті.&nbsp;Осы уақыт ішінде орталық Қазақстандағы корей мәдениетінің дамуына елеулі үлес қосып, өз қызметімен корей этносының ұлттық мұрасын насихаттап келеді. Бүгінгі күні Сыр өңірінде 8 мыңға жуық корей өкілдері тату тәтті, бірлік пен ынтымақта ғұмыр кешіп келеді.Корей халқы әлімсақтан өзінің еңбекқорлығымен, табандылығымен танылған жұрт. Кең байтақ қазақ жерінде талмай тер төгіп, тамырын тереңге бойлатқан, мәуелі бәйтерекке айналды. Корей этностары қазақ халқына, еліне, жеріне ризашылықпен еңбек етті. Әсіресе, ауылшаруашылық, медицина, кәсіпкерлік, білім, спорт салаларында айтарлықтай жетістіктерге жетті.«Қазақстан корейлер қауымдастығы» Қызылорда облыстық қоғамдық бірлестігінің төрағасы Елена Ан сөз сөйлеп, екі ел арасындағы ынтымақ пен достықтың нәтижесіндегі жетістіктерді айтып, меймандарға жылы лебізін білдірді.Соллаль мерекесінде көне дәстүрлер жаңғырып, үлкендерге құрмет, кішілерге ізет көрсетілді. Дәстүрлі корей тағамдары, ән мен би, корей халқының ежелгі салты көрсетілді. Концерттік бағдарлама қойылып, келген қонақтар корей этносының 60-қа жуық тағам мен көне бұйымдардан дайындалған көрмелерін тамашалады. Корей мәдениеті мен жаңа жылды қарсы алуға қатысты өзіндік ерекшеліктерімен танысты.<img src="https://knadmin.beoblood.kz/uploads/assambleya2_61d69a8e3c.jpg" alt="ассамблея2.jpg">

Қызылордада Корей халқы «Соллаль» мерекесін атап өтті

<a href="https://kyzylorda-news.kz/">Kyzylorda-news.kz</a> ІІМ есірткі қылмысына қарсы іс-қимыл бөлінісі прокуратураның үйлестіруімен Қызылорда облысында жедел-іздестіру іс-шараларының нәтижесінде 40 жастағы ер адамды ұстады, – деп хабарлайды <a href="https://polisia.kz/qyzylorda-oblysynda-politsiya-esirtki-osiretin-fitozerthananyng-zhumysyn-toqtatty/">Polisia.kz</a>&nbsp;Cырдария ауданының тұрғыны өзінің үйінде аса ірі мөлшерде есірткі затын сақтап, қарасора өсірумен айналысқан. Кейін оны таратуды көздеген.Тінту барысында ыдыстарға отырғызылған 86 түп қарасора, есірткі затын өсіруге арналған жабдықтар, сондай-ақ екі дана пластикалық ыдысқа салынған кептірілген марихуана тәркіленді. Жалпы 2,7 кг кептірілген марихуана және 10 кг қарасора өсімдігі анықталды. Күдікті ұсталды. Оған қатысты қылмыстық іс қозғалды. Тергеу жалғасып жатыр.Фото: Polisia.kz

Қызылордада полиция есірткі өсіретін фитозертхананың жұмысын тоқтатты

<a href="https://kyzylorda-news.kz/">Kyzylorda-news.kz</a> Қазақстан Халық партиясы Қызылорда облыстық филиалы облыстық тарихи-өлкетану музейінде «Жау құрсауына берілмеген қала!» атты жастарға арналған патриоттық сағат өткізді.&nbsp;Соғыстағы қиындыққа мойымаған жандардың қайсарлығы мен батылдығын сипаттайтын тарихи оқиға – Ленинградтың қоршаудан азат етілуі күніне орай ұйымдастырылған шараға студент жастар қатысты. 900 күнге созылған қанды қырғында неміс басқыншыларына қарсы соғысқан Кеңес әскерлері көзсіз ерлік көрсетті. Ленинградты жаудан азат ету жолындағы бұл шайқасқа қазақстандық әскери құрамалардың үштен бір бөлігі қатысты. Әсіресе, 316-атқыштар дивизиясы мен 314-ші дивизия Ленинград облысының 22 елді мекенін жаудан тазартуға атсалысты.&nbsp;Тарихи деректерге сүйенсек, Киров крейсерінде 156 қазақстандық болған. Қазақстаннан барған әскерилердің 30 пайыздан астамы осы шайқасқа қатысқан. Осы бір аласапыран күндерде Халық ақыны Жамбыл Жабаев «Ленинградтық өрендерім» жырын жазып, ержүрек жауынгерлерге дем берді. Ақын жыры осылайша ерліктің әнұранына айналды. 1943 жылы қаңтарда Ленинград қоршауы бұзылды. Ал, қала 1944 жылдың 27 қаңтарында жаудан толықтай азат етілді. Шарада жастарға аталған тақырып аясында деректі фильмдер көрсетілді. Және Ұлы Отан соғысына арналған залдағы Ленинград шайқасы деп аталатын бұрыш кеңінен таныстырылды. Музей экскурсоводы Көшеней Балнұр Арнұрқызы Жау құрсауына берілмеген қала туралы кеңінен мағлұмат берді. Жыл өткен сайын соғыста жанқиярлық ерліктің үлгісін көрсеткен ардагерлер қатары өкінішке орай сиреп барады. Алайда олардың жасаған ерлігі бүгінгі ұрпақ санасында мәңгі сақталады.<img src="https://knadmin.beoblood.kz/uploads/Zhau_rsauyna_berilmegen_ala_atty_zhastar_a_arnal_an_patriotty_sa_at_tti_ba00e636e6.jpg" alt="«Жау құрсауына берілмеген қала!» атты жастарға арналған патриоттық сағат өтті.jpg"><img src="https://knadmin.beoblood.kz/uploads/Zhau_rsauyna_berilmegen_ala_2_9b849cd19e.webp" alt="Жау құрсауына берілмеген қала 2.webp"><img src="https://knadmin.beoblood.kz/uploads/Zhau_rsauyna_berilmegen_ala_atty_zhastar_a_arnal_an_patriotty_sa_at_tti_1_7fbfe92147.jpg" alt="«Жау құрсауына берілмеген қала!» атты жастарға арналған патриоттық сағат өтті 1.jpg">

Жау құрсауына берілмеген қала

<a href="https://kyzylorda-news.kz/">Kyzylorda-news.kz</a> Мәжіліс депутаты Болат Керімбек Қазақстанда баласы жоқтарға салық енгізу ұсынысына қатысты пікір білдірді. Бұл туралы <a href="https://stan.kz/boydaktarga-karastiru-kerek-deputat-kazakstanda-balasi-413060/">Stan.kz </a>ақпарат агенттігі хабарлайды.Бұған дейін, депутат&nbsp;Қазақстанда баласы жоқтарға&nbsp;салық енгізу туралы ұсыныс айтқан еді. Ал депутаттың өзі мұндай ұсыныс айтпағанын, ал БАҚ беттерінде жарияланған ақпараттың фейк екенін жеткізді.<blockquote>"Талдықорған қаласының тұрғындарымен кездесіп, егде жаста үйлену, кеш некелесу тақырыптарын талқыладық.&nbsp;Мұндай салықтар бұрын Италия мен Болгарияда болған деседі.&nbsp;Бұл өте маңызды мәселе және оны демографиялық жағдай тұрғысынан қарастыру қажет. Адамдар кеш үйленсе, бала тәрбиесі, оларды аяққа тұрғызу мәселесі қиындық тудырады.&nbsp;Біз&nbsp;дәл осы тақырыпты&nbsp;талқыладық. Бірақ кейбір БАҚ сөзімді бұрмалап, осындай салық енгізуді ұсынды деп жариялады", – деді депутат.</blockquote>Мәжілісмен Facebook әлеуметтік желісінде ақпаратты теріске шығарғанын айтып, жалған ақпарат таратқаны үшін жауапкершілік барын ескертті.<blockquote>"Тіпті теориялық тұрғыдан алғанда, Мәжілістің мұндай заңды қабылдау мүмкіндігін қарастыруы екіталай.Себебі бұл жерде әртүрлі мәселелер бар. Оның ішінде денсаулығында мәселесі бар адамдар да бар.&nbsp;Бойдақтарға келетін болсақ, мұны қарастыру керек.&nbsp;Өйткені отбасы институты өте маңызды әлеуметтік мәселе", –&nbsp;деді депутат.</blockquote>Айта кетейік, Қазақстанда баласы жоқтарға салық енгізу бастамасы сонау 2014 және 2010 жылдары талқыланған еді.Фото: freepik.com

"Бойдақтарға қарастыру керек": Депутат Қазақстанда баласы жоқтарға салық енгізу ұсынысына қатысты пікір білдірді

<a href="https://kyzylorda-news.kz/">Kyzylorda-news.kz</a> Қазақстанда бірінші сынып оқушылары қысқы демалыста қосымша 7 күн демалады. Бұл туралы <a href="https://stan.kz/kazakstandik-1-sinip-okushilari-kiski-demalista-kosimsh-413046/">Stan.kz</a> ақпарат агенттігі хабарлайды.Еліміздің мектептерінде 2025 жылғы 9 қаңтардан бастап 10 оқу аптасынан тұратын III тоқсан басталды.1-сыныпта білім алушыларға 2025 жылғы 10-16 ақпан аралығында қосымша демалыс беріледі.Еске салайық, бұған дейін 2025 жылы қазақстандықтарды Жаңа жыл мен Наурыз мерекелерінде ұзақ демалыс күтіп тұрғаны туралы жазған едік. Қаңтардың бірінші аптасында бес күннің тек біреуі ғана жұмыс күні болса, ал наурызда қатарынан бес күн демалыс беріледі.Фото: Нұрболат Нұржаубай

Бірінші сынып оқушылары қысқы демалыста қосымша жеті күн демалады

<a href="https://kyzylorda-news.kz/">Kyzylorda-news.kz</a> IPhone-ның әрбір жаңа&nbsp;түрі шыққан сайын мұндай&nbsp;гаджеттерді сатып алуға&nbsp;кезекке тұратындардың саны&nbsp;ғана емес, оларды сатумен байланысты алаяқтық схемалар&nbsp;да&nbsp;пайда болады.&nbsp;Әлеуметтік желілер мен мессенджерлерде&nbsp;күннен күнге&nbsp;танымал болып жатқан&nbsp;қаржылық алаяқтықтың жаңа бір түрі – «Көтерме&nbsp;бағаға 16-&nbsp;iPhone»&nbsp;схемасы.&nbsp;Бұл схема қалай жұмыс істейтіні, неге қауіпті және алаяқтардың айла -&nbsp;шарғыларына түспеу&nbsp;жолдарын&nbsp;Fingramota.kz-пен қарастыралық.Алаяқтар көтерме бағамен жаңа iPhone-ның ірі партияларына инвестиция салуды ұсынады, олар қайта сатудан артық пайда табуға уәде береді. Алайда, схема қаржы пирамидасының классикалық&nbsp;қағидаттарына негізделген: ескі қатысушыларға төлемдер жаңадан келген қатысушылардың салымдары есебінен жүзеге асырылады.1.&nbsp;Инвесторлар тартуҚаскүнемдер әлеуметтік желілерде (Instagram, Telegram, TikTok, ВКонтакте) және тақырыптық форумдарда «бизнес-мүмкіндікті» белсенді жарнамалайды. Олар азаматтарға 16-iPhone-ды нарықтық бағадан 30-50% төмен бағамен жаппай сатып алу мүмкіндігін, оларды қайта сатудан оңай кіріске кенелуге және мәміле бұзылған жағдайда ақшаның қайтарылатынына &nbsp;кепіл береді.Алаяқтар адамдарды бұл науқан «уақыт күттірмейтін және мерзімі шектеулі» деп сендіріп, тез арада инвестиция құю қажет деп асықтырады.2. Шынайы бизнес елесін жасауАлаяқтар сенімді көріну үшін жалған құжаттар жасап, әлеуетті инвесторларға қытайлық немесе араб жеткізушілерімен жасалған мәмілелерді, «сәтті аударымдардың» скриншоттары және сатып алынған iPhone-ның фотосуреттері бар чаттардағы жалған пікірлерді (көбінесе интернеттен жүктелген суреттер) алға тартады. Әдетте, алғашқы қатысушыларға ұйымдастырушылар уәде етілген кірісті өз қаражатынан төлейді немесе тіпті заңды болып көріну үшін бірнеше смартфон жібереді.Бұлар «сынап көрейінші» деп, ең аз сома салған &nbsp;«біріншілер». &nbsp;Шабыттанған салымшылар барынша көп қатысушыларды, оның ішінде жақындары мен таныстарын тарта бастайды.3. Дүрбелең туғызып, құрбандарына қысым жасауАқшаны тез арада жинап алу үшін, алаяқтар даурықпа ұрандарды пайдаланады, мысалы: «Акция жүріп жатыр, тек 20 орын!», «Тиімді бағаны пайдаланып қалуға екі сағатыңыз ғана қалды!», «Ертең гаджеттердің бағасы көтерілмек, ақша тауып, алып үлгер!» және т.б. Осылайша, адамдар осындай мүмкіндіктен айырылып қалмас үшін ақшасын қалай салып жібергендерін байқамай да қалады. &nbsp;Бұл сатыда сыйақы жаңа қатысушыларға өз қаражатынан емес, жаңадан келгендердің есебінен төленеді.4. Ақшаны шығарып алу және схеманың күйреуіАлаяқтар көп мөлшердегі сома мен белгілі бір қатысушылар санын жинап алғанда, байланысқа шықпай қояды, олардың Telegram-арналары мен чаттары жоғалып кетеді, ал кім ақша салды ол сыйақысыз қалады, сондай-ақ өз ақшасынан айырылады.&nbsp;Неліктен бұл қаржы пирамидасы?1. Нақты тауар жоқ – гаджеттерді сатып алу жүргізілмейді, ал төлемдер жаңа салымшылар есебінен жасалады.2. Жылдам және жоғары табыс табуға уәде беру – негізінде бизнесте гаджеттерді қайта сатуда мұндай пайыздар болмайды.3. Агрессивті маркетинг және дүрбелең туғызу – «мүмкіндікті жіберіп алмау» бойынша дүрбелең туғызу, өз мүмкіндігін жіберіп алмауға шақыру және «эксклюзивті қол жетімділікке» уәде беру.4. Ресми құжаттардың болмауы &nbsp;– іс жүзінде жұмыс істеп тұрған &nbsp;компанияның заң деректерінің, шарттар мен келісімшарттарының болмауы, көбінесе алаяқтар «уағдаластық» бойынша инвестиция салуды ұсынады.Мұндай схемалар сараң және осындай мүмкіндікті жіберіп аламын деген қорқынышы бар адамдарға негізделген. Осы жағдайда, адам неғұрлым тез шешім қабылдаса, оның алданып қалу қаупі көбірек болады.Бұл схеманың қандай түрлері бар?Алаяқтар алдау тәсілдерін жиі өзгертеді, бірақ мақсаты өзгермейді. Жиі қолданылатын бірнеше түрінен мысал келтірейік:«Эксклюзивті жеңілдікпен алдын ала тапсырыс беру»Алаяқтар iPhone 16 смартфонына эксклюзивті алдын ала тапсырыс бере алатындарын жариялайды. Сатып алушыларға оның құнының 50-70%-ын алдын ала төлеп тастайды ұсынады. Ақша аударылғаннан кейін алаяқтар іздерін суытады.«Apple серіктестерінің жеткізіп беруі»Алданған адамға оның «дилер» бола алатынын және гаджеттерді көтерме бағада сатып алу мүмкіндігінің бар екенін хабарлайды. &nbsp;Бар болғаны «сақтандыру депозитін» немесе «паушалдық жарна» енгізу керек.«Артық төлемсіз, зауыттан тікелей жеткізілетін iPhone 16»Алаяқтар iPhonе смартфонына тікелей Foxconn зауыттарынан немесе Дубайдан тапсырыс бере алатындарын, онда оның бағасының арзан екенін айтады. Сатып алушылар алдын ала төлемді жібереді, бірақ оларға ешкім смартфон әкеп бермейді.<img src="https://knadmin.beoblood.kz/uploads/1_ee1bf9feb7.jpeg" alt="1.jpeg">Алаяқтарға алданып қалмау үшін не істеу керек?Жоғары пайда табу туралы уәделерге сенбеңіз. Егер сізге бір-екі айда 30-50% табыс табу туралы уәде берсе – бұл 100% алаяқтық. Құжаттар мен&nbsp;компанияны тексеріңіз. Нағыз жеткізушілер «Telegram-да достасу арқылы» емес, ресми шарттар негізінде жұмыс істейді. Бөтен адамдарға ақша аудармаңыз. Оларға жазылған адамдар немесе жағымды пікірлер көп болған жағдайдың өзінде бұл жалған нәрсе болуы мүмкін. Алдын ала төлемге байланысты схемаларға жоламаңыз. Нақты бизнесте мәмілелер кепілдіктер беретін ресми платформалар арқылы жүреді. Интернеттегі ақпаратты тексеріңіз.&nbsp;Пікірлерді&nbsp;оқып отырыңыз, бірақ олар аляқтардың сайттары мен әлеуметтік желілерінде емес, тәуелсіз форумдарда болуға тиіс. Егер схема танымалдылыққа ие болса, адамдар ол туралы әшкерелеу форумдарында жазуы да мүмкін. Сондай-ақ, ұйымды «Baiqa, piramida» Қаржылық мониторинг агенттігінің Telegram-ботының көмегімен қаржы пирамидасының және алаяқтықтың белгілерінің бар-жоқтығы бойынша тексеруге болады. Ақшаны аударып қойған жағдайда не істеу керек?Егер сіз ақшаны аударып қойған болсаңыз, бірінші кезекте сіз дереу банкке немесе аударымды жүзеге асыратын компанияға хабарласуыңыз қажет. Оларды болған оқиға туралы ескертіп, ақша қаражатының транзакциясын тоқтата алады ма, жоқ па соны анықтап алыңыз. Содан кейін тұрғылықты мекенжайыңыз бойынша құқық қорғау органдарына ресми өтініш жазыңыз – алаяқтар көп жағдайда іздерін қалдырып кетеді, әсіресе сома ірі болса.&nbsp;«Көтерме бағамен iPhone 16» схемасы – бұл жаңа гаджерттердің шулы атын қолдануға бейімделген қаржы пирамидасы. Ол эмоциямен жұмыс істейді: адамдар тиімді ұсынысты жіберіп алудан қорқады да инвестиция жасауға асығады. Мұқият болыңыз: егер сізге тәуекелсіз ақша табуды, эксклюзивті жеңілдіктерді және кепілдік берілген табысты ұсынса бұл алдау екенін біліңіз. &nbsp;Ақпаратты тексеріп отырыңыз, абыр-сабырға алданбай, бейтаныс адамдарға ақша жібермеңіз.&nbsp;ҚР ҚК 217-бабы бойынша қаржы пирамидасын құрғаны үшін мүлікті тәркілеумен, сондай-ақ белгілі бір қызметпен айналысу құқығынан өмір бойынша айырумен он екі жылға дейінгі мерзімге бас бостандығынан айыру қылмыстық жауапкершілігі көзделгенін атап өтеміз. &nbsp;Сонымен бірге ҚР Қылмыстық кодексінің 217-1-бабына сәйкес, қаржылық пирамиданы жарнамалағаны үшін, оның ішінде айтарлықтай залал келтіре отырып, ақпаратты бұқаралық ақпарат құралдары немесе интернет арқылы таратқаны үшін &nbsp;екі мың айлық есептік көрсеткішке дейін айыппұл салу немесе мүлкі тәркіленіп, екі жылға дейінгі мерзімге бас бостандығын шектеу көзделген.Достарыңыз алаяқтардың қармағына ілінбеуі үшін, олармен осы ақпаратты бөлісіңіздер!Фото: fingramota.kz

Архив