Жалпы мемлекеттік қызметтің сапасын арттыру – кез келген мемлекеттің дамуына ықпал ететін маңызды қадамдардың бірі. Азаматтарға қызмет көрсету деңгейін көтеру арқылы халықтың сенімін нығайтып, қоғамның әл-ауқатын жақсартуға болады. Бұл мақалада мемлекеттік қызметті жақсартуға арналған негізгі қадамдар мен олардың маңыздылығы қарастырылады.<h2 style="text-align:justify;">Негізгі қадам</h2>Жұмыстың тиімділігін көрсетіп, анық нәтижеге қол жеткізу үшін жасалған қадамдардың бірі – цифрландыру. Бұл тек елімізде емес, жаһандық деңгейде мемлекеттік қызметті жетілдірудің ең тиімді жолдарының бірі болып табылады. Қазіргі таңда көптеген елдер азаматтарға мемлекеттік қызметтерді онлайн түрде ұсыну арқылы ыңғайлы әрі уақытты үнемдейтін жүйелерді енгізіп жатыр.Мемлекеттік қызметті жетілдіру жолында түрлі тәжірибелер негізінде қолға алынған бұл қадам оң көрсеткішпен көзге түскен. Мысалы, Сингапурда мемлекеттік қызмет жүйесі инновациялық тәсілдермен үйлесім тапқан. Білім мен біліктілігі жоғары мамандарды тарту, оларға жоғары деңгейде қолдау көрсету және ашықтық принциптерін ұстану – Сингапурдың жетістігіне негіз болған факторлардың бірі. Сонымен қатар, Эстонияның цифрлық мемлекеттік қызмет жүйесі, мемлекет пен азамат арасындағы байланысты жеңілдетіп, айтарлықтай нәтижеге қол жеткізді.Жалпы цифрлық платформалар арқылы адамдар кез келген мемлекеттік қызметке кезекке тұрмай-ақ, өз үйлерінде отырып қол жеткізе алады. Бұл үрдіс Қазақстанда да белсенді жүргізіліп жатыр. "Электрондық үкімет" (eGov) порталы осының айқын мысалы. Қазіргі таңда ақпараттық технологиялар мемлекеттік қызметте қолданылатын негізгі құралдарға айналды. Электрондық үкіметтің дамуы, онлайн қызметтер мен деректер базасын біріктіру арқылы халыққа көрсетілетін қызметтердің сапасын арттыру мүмкіндігіне ие. Бұл тек бюрократиялық тосқауылдарды жеңуге ғана емес, сонымен қатар мемлекеттік органдардың жұмысын ашық және тиімді етіп көрсетеді.<h2 style="text-align:justify;">Транспаренттік және ашықтық</h2>Алғашқы болып айтқан цифрлық жүйеден ашықтық мәселесі шешімін табатынын сөз еттік. Бұл келесі қадамға алып келеді. Нақтырақ – транспаренттік және ашықтық бағыты. Бұл да дамушы еліміз үшін өзекті сауал. Себебі мемлекеттік қызмет көрсетудің ашық болуы – мемлекеттік құрылымдар мен азаматтар арасындағы сенімділікті арттырудың маңызды шарты. Бұл жерде қоғамдық бақылау және есеп беру жүйелерін орнату маңызды рөл атқарады. Мемлекеттік құрылымдар жүргізген іс-шаралар мен қаржылық есептіліктер ашық түрде жарияланып отырса, азаматтар оның нәтижелері мен сапасын бақылай алады. Бұл тек халықтың сенімін арттырумен ғана емес, сыбайлас жемқорлықты азайтуға да ықпал етеді. Осының негізінде мемлекеттік қызметкерлер мен халық арасындағы қарым-қатынасты жақсарту төңірегіндегі сауалдар шешімін тауып отыр. Ашықтық пен жариялылық мемлекеттік органдардың қызметіне деген сенімділікті арттырады. Қоғамдық пікірді ескеріп, шешімдер қабылдаудың ашық процесін құру, мемлекеттік қызметтің тиімділігін арттыруға мүмкіндік береді деген түсінік мемлекеттік басқару ісінің тиімділігін барынша арттыруға жол ашады.<h2 style="text-align:justify;">Кадрдың қадірі қызметпен артады</h2>Мемлекеттік қызмет сапасын арттырудың тағы бағыты – кадр мәселесі. Мемлекет басшысы биыл Жолдауында "Үміткерді қызметке тағайындаған кезде оның кәсіби және моральдық қасиеттерін мұқият ескерген жөн. Бұрынғы жұмысын қалай атқарғаны да қаперде болуы керек. Меритократия қағидаттарынан ешкім бас тартқан жоқ. Бұл бағыттағы жұмыстың аяқ алысы жаман емес. Қазір мемлекеттік органдардың бәрі кадр жөніндегі бірыңғай ақпараттық жүйеге көшті. Енді Үкімет пен Мемлекеттік қызмет істері агенттігі бюджеттен қаржыландырылатын мекемелердің кадр мәселесіне қатысты жұмысын толық автоматтандыруы керек" дегендей, қызметке кәсіби мамандарды тартып, оларды үздіксіз дамыту маңызды. Қызметкерлердің біліктілігін арттыру мақсатында арнайы оқыту бағдарламаларын енгізу, заманауи тренингтер өткізу қажет.Мәселен 2019 жылдан бастап Қазақстанда жас әрі талантты жастарды қолдау мақсатында Президенттік жастар кадрлық резервін құру туралы шешім қабылданған болатын. Бүгінде кадрлық резервтің жұмысы жүйелі. Оның жұмысы жайында мемлекеттік қызметке іріктеу департаментінің директоры Жандос Сәрсен жобаның талаптары мен бүгінгі күнге дейін істелген жұмыстар жайында "Резервті қалыптастырудың негізгі міндеті – қоғамдық мүдделерді басшылыққа ала отырып, біздің еліміздің дамуына өзгерістер енгізгісі келетін "жаңа формацияның көшбасшыларын" іздеу арқылы жас таланттарға әрекетті әлеуметтік саты құру болып табылады. Резервті қалыптастыру қағидаларының 3-тармағына сәйкес резервке іріктеуге қатысу үшін кандидаттар жоғары білімді және кемінде 5 жыл еңбек өтілі бар 35 жастан аспаған азаматтар қатарынан болуы қажет" – дейді. Сондай-ақ 2019 жылғы президенттік жастар кадрлық резервіне қабылданған үміткерлер еліміздегі лауазымдық қызметтерде жұмыс істей алады. Бұнымен қоса ұлттық холдингтер мен ұлттық компаниялардың басқарма төрағалары бола алады. Олардың резервте тұру мерзімі 2024 жылғы желтоқсан айына дейінгі ғана уақытты қамтиды. Өз кезегінде, 2021 жылғы резервшілер тек мемлекеттік лауазымдарға тарту көзделген. Осылайша, бүгінгі күнгі жағдай бойынша 350 резервшінің 263-і жұмысқа орналастырылды, оның ішінде орталық мемлекеттік органдарға – 130, жергілікті атқарушы органдарға – 38, ұлттық компанияларға – 54, өзге және жеке ұйымдарға – 41. Соның ішінде саяси лауазымдарға 30, "А" корпусының лауазымына – 6 резервші тағайындалып, Парламент Мәжілісінің депутаты болып 1 және облыстық мәслихаттың депутаттары болып 2 резервші тіркелгенін айтқан болатын. Бүгінге дейін бқл көрсеткіштер артқаны белгілі. Әрине, бұл жұмыстардың бәрі қызмет көрсету сапасын арттыруға тікелей әсер етеді.<h2 style="text-align:justify;">Халық пен билік байланысы</h2>Мемлекет басшысы халыққа Жолдауының бірінде «Азаматтардың, халықтың барлық өтініш-тілектерін жедел түрде әрі тиімді қарастыратын «Халық үніне құлақ асатын мемлекет» тұжырымдамасын іске асыру, барлығымзға ортақ міндет». Билік пен қоғам арасында тұрақты диалог орнату арқылы ғана қазіргі геосаясси ахуалға бейімделген үйлесімді мемлекет қалыптастыруға болады. Сондықтан азаматтық қоғамға қолдау көрсетіп, оның әлеуетін нығайта түсу керек. Сондай-ақ, аса маңызды жалпы мемлекеттік міндеттерді шешу үшін талқылау жұмыстарына азаматтық қоғамның мүмкіндіктерін кеңінен қолдану қажет» деген болатын. Расында халықтың талаптары мен ұсыныстарын ескеру мемлекеттік қызметтің сапасын жақсартудың тағы бір маңызды қадамы болып табылады. Азаматтар өздерінің мәселелерін ашық түрде білдіріп, мемлекеттік органдардан нақты жауап күте алатын болса, онда халықтың мемлекетке деген сенімі артады. Қазіргі уақытта халықпен кері байланысты орнату мақсатында түрлі әлеуметтік желілер мен арнайы шағымдар қабылдау жүйелері пайдаланылады.<h2 style="text-align:justify;">Әділдік пен қолжетімділік қажет</h2>Мемлекеттік қызметке тең қол жеткізу құқығы әр азаматқа берілуі керек. Осы арқылы қызмет көрсетудің әділеттілігі сақталады. Барлық әлеуметтік топтарға тең қолжетімділікті қамтамасыз ету үшін арнайы бағдарламалар мен жеңілдіктер енгізу, ауылды жерлердегі азаматтарға да қолайлы жағдай жасау маңызды. Осы негізде мемлекеттік қызметті жетілдіру, жаңа бағыттар мен мүмкіндіктер жасау міндеті туныдайды.Мемлекеттік қызметтің тиімділігі қоғамның тұрақты дамуы мен мемлекеттік басқарудың сапасына тікелей әсер етеді. Сондықтан, мемлекеттік қызметті жетілдіру үнемі маңызды міндет болып табылады. Қазақстанда мемлекеттік қызмет саласындағы реформалар қазіргі уақытта белсенді жүргізілуде, алайда осы бағытта атқарылатын жұмыстар әлі де көп.Жалпы айтар болсақ мемлекеттік қызметтің қазіргі жағдайы жоғарда айтылған мәселелерді шешуге негізделіп отыр. Нәтижесін көрер күн де алыс емес.Мемлекеттік қызмет жүйесінің тиімділігі – тек мемлекеттік басқарудың сапасын емес, сондай-ақ халықтың өмір сапасын жақсартудың негізі болып табылады. Кадрлық саясатты жетілдіру, сыбайлас жемқорлықпен күрес, цифрландыру мен қоғамдық қатынасты нығайту – осы бағытта қабылданатын негізгі шаралар болып табылады. Қазақстанда мемлекеттік қызметті реформалау және оны жетілдіру жұмыстары әрі қарай да жалғаса бермек, бұл өз кезегінде елдің дамуына үлес қосады. О.ЖОЛДАСОВ Фото: ашық көздерден

Бұқара мен билік арасындағы байланыс

Жекеменшік мектептердің саны артып келеді

<a href="https://kyzylorda-news.kz/">Kyzylorda-news.kz</a>&nbsp;Облыстық жұмылдыру дайындығы басқармасы «Қызылорда облысының басқару органдары мен халықты кешенді құлақтандыру жүйесін құру» жобасын іске асыруда. Жоба бойынша биыл 55 дана сиреналық сөйлеу құрылғысы орнатылған.&nbsp;Сондай-ақ, аталған басқарма облыстық санитарлық эпидемологиялық бақылау департаментімен бірлесіп Конго-Қырым геморрагиялық қызбасының қоздырғыштары болатын кенелерден «қолайсыз» деп анықталған 115 елді мекенге көктемгі және күзгі залалсыздандыру жұмыстарын да жүргізді. Бұл туралы &nbsp;Өңірлік коммуникациялар қызметінің ақпарат алаңында облыстық жұмылдыру дайындығы басқармасының басшысы Марат Құрманбаев айтты.<blockquote>– Биыл су тасқынының алдын алу шаралары бойынша 68 582 дана қап сатып алынды. Сырдария өзенінің су шаруашылығы нысандарына жүргізілген зерттеу жұмыстарының нәтижесімен 26 нысан анықталып, оның ішінен бірінші кезекте атқарылуы тиіс жалпы ұзындығы 6,5 шақырымды құрайтын 7 нысан белгіленді. Ал, болуы ықтимал су тасқынының алдын алу мақсатында екінші кезектегі жөндеуді қажет ететін қорғаныс бөгетінің 18 учаскесіне Қызылорда қаласы мен аудан әкімдіктері тарапынан қалпына келтіру жұмыстары жүргізілді. Сондай-ақ, осы жылы Арал ауданына қарасты Аманөткел ауылдық округі тұсындағы Сырдария өзенінің оң жағасындағы қорғаныс бөгеті қайта қалпына келтірілсе, Жаңақұрылыс ауылдық округіне қарасты, Аманөткел елді мекенінің тұсындағы «Ералы» каналының екі жағалауы қайта қалпына келтіріп, нығайту және жөндеу жұмыстары жүргізілді. Одан бөлек, Жалағаш ауданындағы Шаменов ауылдық округіндегі Сырдария өзені бойындағы «Сәмит арна» және «Шөмен қайыры» учаскелерінің аралығындағы қорғаныс бөгеті реттелді,- деді Марат Ердаулетұлы.</blockquote><img src="https://knadmin.beoblood.kz/uploads/466387470_2142742309454603_4377166436434729429_n_18186a0c7f.jpg" alt="466387470_2142742309454603_4377166436434729429_n.jpg">Фото: gov.kz

 Биыл облыста 55 дана сиреналық сөйлеу құрылғысы орнатылған

<a href="https://kyzylorda-news.kz/">Kyzylorda-news.kz</a> Жыл сайын ұйымдастырылатын "Қазақ аруы-2024" байқауының биылғы жеңімпазы белгілі болды.Белгілі продюсер Баян Мақсатқызының ұйымдастырған сұлулық байқауының жеңімпазы Қызылорда облысының тумасы Ақкербез Ысқаққызы болды. 17 жастағы аруға дауыс берушілердің 30,04%-ы дауыс берген.&nbsp;Қызылордалық ару Ақкербез Ысқаққызы "Қазақ аруы-2024" байқауында топ жарды. Айта кетейік, ол "Сыр аруы-2024" байқауының да жеңімпазы.Марапаттау барысында қазақстандық дизайнер Аида Қауменова жеңімпазға жаңа топтамасынан арнайы шапан жапты.Алайда "Қазақ аруы-2024" байқауының әлеуметтік желідегі ресми парақшасында желі қолданушылары байқаудың әділ өтпегенін жазып жатыр. Желі қолданушыларының пікірлеріне қарағанда қатысушыларға дауыс беретін кезде Telegram-бот жұмыс істемей қалыпты.<blockquote>"Тым болмаса өтірік болсын ботты жұмыс істетіп қоймадыңдар ма?", "Ақкербез лайық емес еді. Бот жасамады, дауыс бере алмадық! Әділеттілік қайда?", "Халықты алдап не керегі бар еді!", - деген пікір көп.</blockquote>Еске салайық, жобаның продюсері Баян Мақсатқызы биылдан бастап "Қазақ аруын" әділқазылар таңдамайтынын айтқан болатын.Ақкербез Ысқаққызы. Фото: Instagram/aqkerbezm&nbsp;

Қызылордалық Ақкербез Ысқаққызы “Қазақ аруы-2024“ байқауының жеңімпазы атанды

<a href="https://kyzylorda-news.kz/">Kyzylorda-news.kz</a> Мемлекет Басшысы Қазақстан халқына Жолдауында Үкіметке «Мемлекеттік сатып алу туралы» жаңа заң қабылдауды және мемлекеттік және квазимемлекеттік сатып алуды бірыңғай платформаға көшіруді тапсырған болатын.Қаржы министрлігімен әзірленген Заң жобасы Парламент Мәжілісі және Сенатымен мақұлданып, 2024 жылдың 1 шілдесінде қабылданды.<blockquote>&nbsp;– Жаңа Заң сатып алу процесінің рәсімдерін оңтайландыруды, сатып алынатын тауарлардың, жұмыстар мен көрсетілетін қызметтердің сапасын жақсартуды, мемлекеттік сатып алуға қатысушылардың жауапкершілігін күшейтуді және бәсекелестікті дамытуды көздейді. Жаңа заң 2025 жылдың 1 қаңтарынан бастап күшіне енеді, - деді Өңірлік коммуникациялар қызметінің баспасөз алаңында өткен брифингте облыстық мемлекеттік сатып алу басқармасының басшысы Бауыржан Шәменов.</blockquote>Айта кетейік, қараша айынан бастап Жаңа заңның нормаларын түсіндіру мақсатында барлық аудандардың тапсырыс берушілері үшін облыстық мемлекеттік сатып алу басқармасы тарапынан семинар-кеңестер ұйымдастырылуда.Фото: egemen.kz

Мемлекеттік сатып алу саласында жаңа заң жобасы қабылданды

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев қала ішіндегі құрылыс жұмыстары жүргізіліп жатқан бірқатар әлеуметтік маңызы бар нысандарды аралап, жай-күйімен танысты.Алдымен аудандағы ең маңызды жобалардың бірі саналатын аспалы көпірдің құрылыс жұмыстарын бағамдады. Көпірдің бүгінде темір жол үстіндегі бөлігі бойынша аспалы белдіктерінің барлығы толық қойылып, беткі жағын бетондау жұмыстарына дайындық жүргізілуде. Темір жолдың екі жағынан келетін бөліктері бойынша топырақпен нығайту жұмыстарының 80 пайызы аяқталған. Қырық мыңға жуық халықтың үмітіне айналған үлкен жоба жыл соңына дейін аяқталуы тиіс. Дегенмен күн райының салқындауына байланысты кейбір жұмыстарда кедергілер пайда болып жатыр дегенді алға тартады жоба жетекшісі Е.Жайшыбек.Аудан басшысы мәселеге қанығып, жоспарлы жұмыс тым сылбыр жүріп жатқанын, жылы мезгілдерде негізгі жұмыстардың дені уақытылы жүргізілмей қалғандығын айтып, осы жұмыстарға уақытында бақылау жүргізбеген жауаптыларды сынға алды. Кейбір жұмыстар бойынша техникалық талаптар күн райының күрт салқындап кетуінен сақталмаса, көпір уақыт тезіне төзбеуі мүмкін. Аудан басшысы мәселені назарға алып, көпірді сапалы әрі уақытылы пайдалануға беруді тапсырды.Мұнан соң №4 мөлтек аудан бойынша жаңадан салынған тұрғын үйлерге газ желісін тарту жұмыстарымен танысты.Мөлтек аудан бойынша монтаждау жұмыстары аяқталып, негзігі желіні жалғау жұмыстары қалған. Алла сәтін салса мөлтек аудан тұрғындарының көптен айтып жүрген жұмыстары 2-3 күнде аяқталады. Жоба құны 324,5 млн. теңгені құрайтын газ құбырын тарту жұмыстарының құрылысына осы кезге дейін үкімет тарапынан бірде-бір қаржы бөлінбесе де аудан әкімі А.Оңғарбаев пен «Транс Азия Констракшн» ЖШС-нің арасындағы келісім бойынша мекеме өз қаражаты есебінен газ тарту жұмыстарын жүргізіп отыр. Аталған аумақта жалпы ұзындығы 14 шақырымды құрайтын газ желілері жүргізіліп, әр тұрғын үйдің жанына арнайы шүмектер қалдырылған. Енді тұрғын үйлерді газға қосу жұмыстары басталмақ.Қаланың солтүстік батыс беткейіне көрік беріп тұрған әлеуметтік нысандардың бірі – жайлы мектеп. Аты айтып тұрғындай «Жайлы мектеп» жобасы бойынша салынып жатқан бұл нысан басқалардан өзгеше. Аймақ бойынша саусақпен санарлық деген жөн шығар. Еңселі әрі көрікті нысанның құрылыс жұмыстарын «Бақ-береке» ЖШС өз жауапкершілігіне алған. Мекеме басшысы Қ.Ерназаров жайлы мектепті жыл соңына дейін аяқтап, балалардың игілігіне табыстайтынын жеткізді. Қазіргі таңда мектеп құрылысының 90 пайызы жүргізілген. Ішкі-сыртқы әрлеу жұмыстары жүргізіліп жатыр. Ауладағы балалар ойын алаңы мен арнайы жолақтар және жылу қазандықтары да аяқталуға жақын.Интеллектуал ұлт қалыптастыру жолындағы ортақ ойдың жемісі саналатын 300 орындық білім ордасы озық ойлы, өнерге құштар, спортқа бейім дарынды балалардың шамшырағын жағатын мекен боларына сенім мол. Ұлтымыздың дамуында маңызды рөл атқаратын бұл білім ордасында шәкірттердің барлық пәнді оқып үйренуіне, ұстаздардың шығармашылықпен еңбек етуіне толық мүмкіндіктер жасалмақ.Аудан әкімі мердігер мекеме басшысына мектептің құрылыс жұмыстарын сапалы етіп жасауды айтып, аталған құрылыс жыл соңына дейін толық аяқталарына сенім білдірді.Қаладағы бұрынғы Байтұрсынов емханасын қайта жөндеу жұмыстары басталып кеткені белгілі. Негізгі мақсат ғимаратты «Қамқорлық» ерте араласу оңалту орталығы етіп реконструкциялау. Осы жобаға 289 млн. теңге бөлінсе, орталықты құрылғылармен жабдықтауға 1,2 млрд. теңге бөлінген. Бүгінде ғимаратты жөндеу жұмыстары басталып кетті. Сыртқы қаптау жұмыстары толық аяқталған. Аудан басшысы ғимарат ішін аралап көріп, жауаптыларға құрылыс жұмыстарын жыл соңына дейін аяқтауды тапсырды.Аудан әкімі А.Оңғарбаевтың кезекті сапары қаланың солтүстік беткейінен салынып жатқан тұрғын үйлерге жалғасты. Жылдағы дәстүрмен халықтың әлеуметтік осал топтары үшін коммуналдық тұрғын үй қорынан пәтер сатып алу жұмыстарына орай қазіргі таңда құрылыс жұмыстары жүргізіліп жатқаны белгілі. Ішкі жылу жүйелері де аяқталуға жақын.Екі пәтерлі 75 тұрғын үй орналасқан аймаққа барған аудан әкімі пайдалануға берілгелі тұрған тұрғын үйлерді аралап, ішкі жұмыстардың сапалы жүргізілгеніне көз жеткізді. Қаз қатар тізілген әр ғимарат 2 пәтерлі. Аудан басшысы құрылыс жұмыстарын жүргізіп жатқан мердігерлерге үйлердің сапасына баса мән беру керектігін қатаң тапсырды. Сондай-ақ тұрғын үйлер орналасқан аумақты ретке келтіріп, айналасына тазалық жұмыстарын жүргізу керектігін атап өтті.<img src="https://knadmin.beoblood.kz/uploads/Aral_2_1d3969ffe2.jpg" alt="Арал 2.jpg"><img src="https://knadmin.beoblood.kz/uploads/Aral_3_2cb1ea5def.jpg" alt="Арал 3.jpg">Фото: Аудан әкімінің баспасөз қызметі

 Арал: Аудан әкімі қаладағы бірқатар әлеуметтік нысандардың жай-күйін бағамдады

<a href="https://kyzylorda-news.kz/">Kyzylorda-news.kz</a> Қармақшы ауданының құрылыс саласы жылдан-жылға дамып, әлеуметтік нысандар мен тұрғын жайлар бой көтеруде. Бірер жыл бұрын ағаш жарып, көмір таситын, пештің күлін алып, беймезгіл уақытта от жағып әбігерге түсетін халықтың қазір қатары сиреген. Көгілдір отынның игілігін көріп отырған көпшілік пештегі от басылса, үй суып кетеді деп алаңдамайды. Әрбірден соң алысқа жол тартатын болса, жылу батареясы жарылады деп те уайымдамай, барар жеріне қамсыз кете барады. Жауынды-шашынды күндері тобықтан балшыққа батып, әсіресе мектеп жасындағы балаларына алаңдаған көше тұрғындарының да көкейіндегі мәселесі де шешімін табуда. Билік органдары сол «бауырмал жолдарды» жою үшін кезең-кезеңімен тақтайдай тегіс асфальт жол мен қиыршық тас төсеп беруді жолға қойған. Түнгі жарықтар да аудан орталығында ғана емес, ауылдық елді мекендерде де көшелерге сән беріп, тұрғындардың қауіпсіз өміріне қызмет етуде. Туған жерімізде жаңадан салынып, халық игілігіне берілген және енді берілмек құрылыс нысандарының аудан халқының өмір, тұрмыс, денсаулық сапасына қызмет ететініне сенім мол. Осы ретте ауданымыздағы жағымды жаңалықтың біріне саналған – Жосалы кентінде құрылысы қарқынмен жүріп жатқан "Руханият орталығын" атап айтар едік.Бұл жайында жыл басында аймақ басшысы "Қызылорда облысының 7 ауданында музей, кітапхана, архив, неке қию залы, ардагерлер және аналар, жастар орталықтары сынды бірқатар тарихи-мәдени, рухани ұйымдарды біріктіретін типтік үлгідегі "Руханият орталықтары" салынбақ..." деп жақсы жаңалықты облыс халқымен бөліскен-ді. &nbsp;&nbsp;Дегендей-ақ, Орталықтың құрылысы көктемде, яғни осы жылдың сәуірінде басталып кетті. Құрылыстың жобалаушы авторы – &nbsp;"РемПроект" жауапкершілігі шектеулі серіктестігі болса, бас мердігер – &nbsp;"Иман" жауапкершілігі шектеулі серіктестігі болып танылған.&nbsp;Сейсенбіде құрылысы жүріп жатқан әлеуметтік нысанның басына барып, құрыш қол құрылысшылармен дидарластық. Ауа-райының ыстығына қарамастан құрылыс жұмысы қызу жүруде. Мұнда "Иман" ЖШС бөлімшесінің бастығы, білікті маман Нұрдәулет Махамбетжанов &nbsp;алдымыздан шығып, атқарылып жатқан жұмыстармен таныстырды.&nbsp;<blockquote>— Ғимарат толығымен монолитті болған соң қазіргі кезде монолит жұмыстарын толық аяқтадық. Нысан екі қабаттан тұрады және &nbsp;жертөлесі бар. Өру, әрлеу, сылақ, төбесін шатырлау, еденін құю сынды жұмыстары жүргізілуде. Сонымен қатар өру, электрик, ауа сорғысының жүйесі, терезе орналастыру жұмыстары жүзеге асуда. Құрылысқа қажетті материалдарымыздың барлығы жеткілікті мөлшерде, уақытысында қамтамасыз етіліп тұр. Тауарлар сертификатталған. Жұмыс кұшіне автокран, трактор секілді бірнеше техника жұмылдырылған. Сантехника, су жүйесін тартуға дайындық жасаудамыз. Заттарын реттестіріп, қазуды қолға алып жатырмыз. Нысанда 60 адам жұмыс істеуде. Айлықты уақытында алып тұр. 150 мың теңгеден жоғары еңбекақы белгіленген. Жергілікті жерден жұмыспен қамтылған адам саны 8-ді құраса, олар жұмысшы, күзет, ас мәзірін даярлаушы болып еңбек етуде, – дейді бөлімше бастығы Нұрдәулет Бақытжанұлы бізге берген сұхбатында. &nbsp; &nbsp; &nbsp; &nbsp; &nbsp;&nbsp;</blockquote>Әрине, құрылыс нысандарының халыққа тигізер пайдасы зор. Әсіресе рухани құндылықтарды әспеттеп жүрген сала мамандарының көңіл-күйін сөзбен айтып жеткізу мүмкін емес.&nbsp;<blockquote>— "Руханият" деп аты айтып тұрғандай, қазақ руханиятының алтын діңгегіне айналған Қорқыт ата, Марал баба, басқа да әулие-әнбиелердің жамбасы тиген қасиетті мекенімізде іргелі ошақтың орын тебетіні өте қуанышты жайт. Біздің болашағымыз – жас буын. Орталық олардың тәлімі мен тәрбиесіне де айтарлықтай үлес қосатынына сеніммен қараймын, – дейді кітапхана ісінің білікті маманы Ләйла Сыздықова ойымен бөлісіп.</blockquote>&nbsp;Сәрсенкүл ЖАУДАТБЕКҚЫЗЫ

Құрылыс қарқыны жоғары

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаевтың төрағалығымен әкімдік мәжілісі өтіп, жиынның күн тәртібінде екі мәселе қаралды.Мәжілістің күн тәртібіндегі бірінші мәселе жылу беру маусымындағы өрт қауіпсіздігі шаралары туралы айтып, ауданда мұндай жағдайға жол бермес үшін мәселені тұрақты бақылауға алып, алдағы жылыту маусымы кезеңінде төтенше жағдайлардың алдын алуға дайын болу қажет екендігін атап өтті.2023-2024 жылдардағы жылыту маусымы кезеңінде тұрғын үй секторларда сегіз өрт оқиғасы тіркелген. Өрт оқиғасының негізгі себептері жылыту пештерін дұрыс пайдаланбау және электр желілерінің тұйықталу салдарынан орын алған.Аудан басшысы мәселеге қатысты кез келген жағдайдың алдын алу үшін оның салдарымен күресу жөнінде жауаптыларға бірқатар тапсырмалар жүктеді.Артынша аймақта өткен жиында көтерілген екінші мәселе халықты бірінші кезекте дәрі-дәрмекпен мерзімінде қамтамасыз ету бойынша сөз сабақтап, оның қолжетімділігі жөнінде жауаптыларға бірқатар тапсырма берді.<blockquote>– Халықты бірінші кезектегі дәрі-дәрмекпен мерзімінде қамтамасыз ету және әлеуметтік аз қамтылған, көп балалы және мүгедектігі бар отбасыларға тегін берілетін дәрі-дәрмектердің тапшылығын болдырмау шараларын басты назарда ұстау қажет. Тегін берілетін дәрілік заттар тұрғындар үшін қолжетімді және адрес бойынша берілуі тиіс. Қызметкерлердің жұмысын қатаң бақылауға алып, дәрілік заттар ең алдымен шалғай елді мекендерге жеткізілуін үйлестіру маңызды. Тұрғындарға сапалы қызмет көрсетілуі керек, – деді аудан әкімі А.Сақыпұлы.</blockquote>Сондай-ақ халыққа сапалы қызмет көрсетуде кейбір медициналық бекеттердің жағдайы сын көтермейтіндігін ортаға салып, осы мәселені шешу жолында жан-жақты мүмкіндіктерді қарастырып, тиісті мамандар тарапынан ұсыныс енгізу керектігі жөнінде атап өтті.Жиын соңында көтерілген мәселенің қай-қайсысы да әлеуметтік жағынан маңызды екенін айтып, салалар бойынша кемшіліктерге жол бермеу жөнінде бірқатар жауапты азаматтарға міндеттемелер жүктеді.Фото:&nbsp;Аудан әкімінің баспасөз қызметі

Елге ортақ мәселе елеусіз қалмау керек

<a href="https://kyzylorda-news.kz/">Kyzylorda-news.kz</a> Бүгінгі таңда тракторларды негізінен орта және аға толқын өкілдері жүргізіп жүргені баршаға аян. Алайда механизатор – ауыл шаруашылығы саласындағы ең маңызды мамандықтың бірі. Аудан-ауылдарда бұл кәсіп иелеріне деген сұраныс жоғары. Дегенмен, бұл салада жүрген жастың қатары аз. Осы орайда жас болса да жауапкершілігі жоғары істе еңбек етіп жүрген Жасұлан Дәулетбаевты мақаламызға арқау етпекпіз.&nbsp;Ол ауданға қарасты Тұрмағамбет ауылының тумасы. Сыр салысынан тау тұрғызған шаруалардың ізбасары жаны қалаған қызметтің қыр-сырына бала кезінен қаныққан. Себебі әкесі Кеңесбек те осы саланың маманы. Тұрмағамбет ауылындағы №29 мектепте білім алып, Қызылорда қаласындағы гуманитарлық колледжде орта білімді игереді. Алайда мамандық бойынша емес, жан қалауымен 2017 жылдан бері «Тұрмағамбет» ЖШС-да еңбек етіп келеді. &nbsp;<blockquote>– Мен механизатор болып еңбек етемін. Әкем де осы шаруашылықта еңбек еткен. Солардың ізінен еріп, туған ауылымда қызмет етемін. Қазіргі жастар ауылдан жыраққа кетіп, табысты сырттан тапқысы келеді. Барлығы бірдей ауылдан кете берсе, бабамыздан қалған берекемізге кім ие болады?! Оның үстіне ауылымызда жастарға барлық жағдай жасалған. Ауыз су, мектеп, балабақша бар. Жұмыс істеймін деген азаматтарға қызмет табылады. Кәсіп ашамын деген жастарға мемлекет тарапынан жеңілдетілген несие беріледі. Жастар бірлігімізді танытып, тату тірлігімізді көрсетсек, ел де, ауыл да дамиды. Біз секілді өскелең ұрпақ ауылдың болашағын ойлағаны, ерінбей еңбек еткені дұрыс. Еңбек ерлерінің ізгілікті жолын жалғауды өзіме міндет санаймын, – дейді Жасұлан Кеңесбекұлы бізбен әңгімесінде.&nbsp;</blockquote>Жұмысына жауапты қарайтын жас маман жыл сайын үздіктер &nbsp;қатарынан көрініп, марапаттан құр қалған емес. Мәселен, 2018 жылы озат тасымалдаушы атанса, 2019 жылы үздік тасымалдаушы номинациясын иеленген. 2020 жылы аудан бойынша І орынды алса, 2021 жылы ІІ орынды қанжығасына байлаған. 2022 жылы да жақсы нәтиже көрсетсе, өткен жылғы «Жастар форумында» марапат төрінен орын алған.&nbsp;Еңбегі елеулі жас маман алдағы уақытта да бұл ісін жалғастыруға ниетті. Басты мақсаты – адал еңбек ету. Ал адалдық бар жерде адамдықтың да қатар жүретіні әмбеге аян ғой. Ауыр жұмыс деп артқа шегінбейтін, артылған сенімді ақтай білетін осындай жастардың қатары көп болса дейміз.&nbsp;Ардақ СӘКЕНҚЫЗЫ

Еңбегі елеулі жас маман

<a href="https://kyzylorda-news.kz/">Kyzylorda-news.kz</a> Еліміздің ертеңі, мемлекетіміздің жарқын болашағы білімді де білгір жастардың қолында. Қай заманда болмасын, қоғамның қозғаушы күші – жастар. Осы ретте Мемлекет басшысы Қасым-Жомарт Тоқаев: «Біздің көрнекті ақынымыз Мағжан Жұмабаевтың «Мен жастарға сенемін» деген сөзі бар. Шын мәнінде, мен де жастарға сенемін. Баршаңызды қолдаймын. Расында, біздің елімізге сіздер сияқты белсенді, білімді, көзі ашық, көкірегі ояу жастар керек. Еліміздің болашағы – жастардың қолында» деген сөзі мемлекет пен ұлт болашағы жастармен тікелей байланысты екендігін айқындайды.Біздің ауданда да елге қызмет етемін деген жастар жетерлік. Қандай қоғамдық іс-шара болса да ортасынан табылатын жастардың бірі – Елдос Айдосұлы. Ол Жосалы кентінің тумасы. Кент орталығында №183 мектепте тәлім алып, Абылай хан атындағы колледжде орта білім, Болашақ университетіен жоғары білім алады. Бүгінгі таңда аудандық жастар ресурстық орталығының кеңесшісі қызметінде. Онымен қоса «Жастар Рухы» жастар қанатының аудандық филиалының бөлімшесіне жетекшілік етеді. Белсенді жас қайырымдылық басқосулардан да қалыс қалмайды.<blockquote>– «Ардагерлерді ардақтайық», «Қуанса бала қуансын», «Жылулық сыйла», «Ел үлесі – пәтерге», «Мейірім көкке көтерер» жобалары мен «Мектепке жол» акциясы жалғызбасты, көпбалалы, аз қамтылған, тұл жетім және ардагерлерге волонтерлық жұмыстарды тұрақты түрде жүргізіп келеміз. Одан бөлек Иіркөл, Ақжар, Тұрмағамбет ауылдық округтердің жастар саясатын жүйелі жүзеге асырылуына ат салысудамын. Өзіме бекітілген сала бойынша жүйелі, тұрақты әрі сапалы түрде қызмет атқарудамын. Яғни құқықбұзушылық, тұрмыстық зорлық-зомбылық боиынша аудан жастарына аянбай еңбек етеміз. Құқықбұзушылық және тұрмыстық зорлық-зомбылықтың алдын алу мақсатында АТТ мүшелерін құрып жастар көп шоғырланған әлеуметтік желілерге, ауданға қарасты білім ұйымдарымен бірлесіп оқушы және студент жастарға түсіндірме жұмыстарын тұрақты түрде жүргізудеміз, – дейді Елдос Транай.&nbsp;</blockquote>Өз жұмысымен қатар қоғамдық істі қоса алып жүрген жастың еңбегі де елеусіз емес. Қоғамдық даму басқармасының, облыс әкімінің, республикалық волонтерлар фронд-офисінінің директоры &nbsp;«Алғыс хат» иеленіп, БҰҰДБ Тұрақты өкілінің орынбасары С.Ходжиматовтың «Сертификат» иегері атанған. Мұның бәрі тынымсыз тірлік пен қоғамға деген жанашырлықтың жемісі. Өзіндік пікір-пайымы қалыптасқан белсенді жас замандастары туралы мынадай ойымен бөлісті. &nbsp;<blockquote>– Қазіргі жастар алғыр. Жаңалыққа тез бейімделеді. Әрі еңбекқор, бір жұмыспен жүруді жөн көрмейді. Басым көпшілігі – жан-жақты, ізденімпаз. Алайда, барлық нәрсенің бірден болғанын қалайды. Шыдамдылық, сабырлық таныта қоймайды, көп нәрсенің байыбына бармайды. Осы тұста жастарымыз ардагерлермен, аға буын өкілдерімен сұхбаттасып, тілдесіп, сабақтастықты үзбеген дұрыс. Жастарымыз білімді, тәрбиені және рухани дамуды қатар алып жүргені жөн.«Адамдық қалыпты биік ұстау – кімге де болса үлкен сын. Адамгершілік деген асыл қасиетті аласартып алмасақ екен. Өмір өзегі осы, азаматтық жолы да осы» деп Дінмұхамед Ахметұлы бабамыз біздерден зор үміт күткен. Біз сол үдеден, артылған сенімнен сеңгіріне шығуымыз керек, – дейді Елдос Айдосұлы.&nbsp;</blockquote>Қарап отырсақ, тәуелсіздігімізді нығайтып, елімізді дамыту – қазіргі жастардың басты міндеті. Тәуелсіз еліміз қанатын кере жайып, ел мәдениеті өркендеген қазіргі заманда тек Елдостай білімді, алғыр &nbsp;жастар ғана ұлтымызды асқақтатып, елімізді көкке көтереді.&nbsp;&nbsp;Ардақ СӘКЕНҚЫЗЫ

Елдос Айдосұлы: Адамгершілік деген асыл қасиетті аласартып алмасақ екен

<a href="https://kyzylorda-news.kz/">Kyzylorda-news.kz</a> Жұмысыңды жақсы көру сөзбен айтып жеткізе алмайтын ерекше құбылыс. Одан оңайлықпен ажырай алмайсыз. Күнкөріс үшін емес, жан дүниесімен беріліп, жұмысын ерекше ықыласпен атқаратын жанның бірі – Еркебұлан Мешітбаев.&nbsp;Ол аудандағы Ү.Томанов атындағы №183 орта мектептің түлегі. 2006-2010 жылдар аралығында Алматыдағы Орталық Азия университетінде «қаржы» мамандығы бойынша білім алады. 2011-2012 жылы ҚР Қарулы күштері қатарында Алматы облысы, Сарыөзек ауданында «Ракета әскері және артиллерия» бөлімінде әскери борышын өтейді. Еңбек жолын 2014 жылы «ППС Ойл Трейд» ЖШС компаниясында оператор қызметінен бастайды. Мұнан соң аудандық жұмыспен қамту орталығы мекемесінде ақылы қоғамдық жұмыс істейді. Кейіннен аудандық жұмыспен қамту және азаматтық хал актілерін тіркеу бөлімінде ассистент қызметін атқарады. Ол бүгінде аудандық «Мансап» орталығының маманы болып еңбек етеді.<blockquote>– «Жас келсе – іске» дейді халқымыз. Жастар – қашанда тың идеяның қайнар көзі, оң өзгерістің қозғаушы күші. Еліміз егемендік алған сәттен бастап жастар саясатын мемлекеттің басым бағыты ретінде белгілеген. Болашағын бағамдайтын жастарға артылар сенім де көп. Адам қандай еңбекті жасаса да өзінің ынта-жігерімен және үлкен құлшыныспен атқара білсе, оның жемісін көрері сөзсіз. Сол себепті де жастық шақта адам өзінің қалауына ден қойғаны дұрыс, – дейді кейіпкеріміз. &nbsp;</blockquote>Әріптестері Еркебұланның жұмысына тиянақты, ұқыпты, жауапкершілігі мол, ұжым арасында сыйлы, білгенін үйретуден шаршамайтын еңбек озаты екенін айтады. Өз міндетін жауапкершілікпен, тиянақтылықпен атқарғаны үшін аудан әкімінің, Алғыс хаттарымен марапатталған.Өмірде екі нәрседен қателеспеу керек деп жатамыз. Соның бірі – мамандық таңдау. Екіншісі – жар таңдау. Еркебұлан Кеңшілікұлы да екі таңдауынан да шатаспаған. Мамандығына деген сүйіспеншілігі мен жарына деген адалдығы оның өмірлік жолындағы үлкен жетістігі деп ұғындық. &nbsp;&nbsp;Ақнұр САҒЫНТАЙ

Еркебұлан Мешітбаев: Жұмысымды күнкөріс үшін емес, құлшыныспен жасаймын

<a href="https://kyzylorda-news.kz/">Kyzylorda-news.kz</a> Халқымызда елге еңбегі сіңген тұлғаларға қатысты айтылатын нақыл сөз көп. Оның ішінде, «Жақсы ісімен мың жасайды», «Бір кісі мың кісіге олжа салар» деген нақыл, одан кейін «біртуар азамат» деген тіркес сол тұғырлы болған тұлғалардың таңдаулысына ғана тән. Сөйлеген сөзі мен жасаған ісі үйлесіп, «ел» дегенде ет жүрегі елжіреп, кейінгілерге үлгі-өнегесін көрсететін жақсы мен жайсаң жан-жағына үнемі шуағын шашып жүреді. Сөйте тұра, халыққа қалтқысыз қызмет қылып, ыстық ықыласқа бөленері хақ. Өз ісінде әділ¬дік, шынайылық, тазалық, адалдық секілді қасиеттерді бой¬тұмар етіп, әлеует пен әлеуметті ойлаған тұлғаның есімі ел жадында мәңгі сақталады және оның өнегесі ұрпақтар сабақтастығына айналмақ. &nbsp; &nbsp;&nbsp;Осындай жанның бірі – ел үшін еңбек етіп, ұрпағына тәлімді тәрбие қалдырған Қуаныш Жәнібеков. Ол Ақтөбе ауылында 1924 жылы кедей шаруаның отбасында дүниеге келген. Ата-анасы революцияға дейін және революциядан кейін шаруашылықпен айналысқан. Әкесі Жылқыбай 1932 жылы ұзақ науқастан кейін дүниеден өткен. Анасы Қармақшыдағы &nbsp;балалар үйіне өткізіп, артынша ол да бұл өмірмен қош айтысқан. Тағдыры жолы тақтайдай тегіс болмаған ағамыз 1932 жылдан 1937 жылға дейін Қармақшыдағы және Қазалыдағы балалар үйлерінде тәрбиленеді. 1937 жылдың бас кезінде, осы кездегі Жалағаш ауданына қарасты Қара-Кеткен станциясындағы жездесі &nbsp;Байнахат Жәнібековтің қолына келіп, 1942 жылға дейін осы кісінің қарауында болады.&nbsp;1931-1941 жылдары орта білім алып, алғашқы еңбек жолын Ташкент темір жолының Қызыл-Орда бөлімшесінде есепші болып бастайды. Осында қызмет етіп жүрген уақытында әскер қатарына шақырып, Отан алдындағы борышын өтейді. 1944 жылы әскер қатарынан келгеннен кейін Жалағаш ауданындағы Қара-Кеткен стансасында &nbsp;пошта меңгерушісі, кейіннен Жалағаш ауданының финанс бөліміне аға бюджеттік инспектор қызметін атқарған. 1946-1953 жылдары облыстың ақша бөлімінің бұйрығы бойынша ССРО финанс Министрлігі бақылау-тексеру басқармасының Қызылорда облысындағы филиалына бас бақылау-тексерушісі, ССРО финанс Министрлігі бақылау-тексеру басқармасының Қармақшы аудандық бақылау-тексерушісі, Қармақшы аудандық кеңесі атқару комитетінің хатшысы, Еңбекшілер депутаттары Қармақшы аудандық Кеңесінің депутаты болып сайланды. 1954 жылы тамызда Қармақшы аудандық мемлекеттік кірістер басқармасының аға инспекторы, Орынбор темір жолының ОРСА-12 асханасының басшысы, 1956 жылы Қазақстан Компартиясы аудандық комитетінің шешімімен Жосалы ауылындағы теміржол мейрамханасының директоры қызметтерін абыроймен атқарады.Өмірі қызмет жолымен өрілген ол қай қызметте жүрсе де адалдықтан айнымаған. Содан болар, сан түрлі қызмет белесінен өткен. Мәселен, 1956 жылы мамырда КСРО ҚФ ҚРУ-ның Қызылорда облысы бойынша бас бақылаушы-инспекторының шақыруымен Қызылорда қаласындағы ҚРУ облыс бойынша бас бақылаушы-инспекторы болса, 1957-1959 жылдары Қармақшы аудандық Кеңесі атқару комитетінің сауда инспекторы, 1959-1961 жылдары Қазақстан Компартиясы аудандық комитетінің шешімімен базар директоры, 1961-1983 жылдары Қазақ КСР Қаржы министрлігі ҚРУ-ның Қызылорда облысы бойынша аға бақылаушы-ревизоры қызметін атқарған.&nbsp;Мектеп бітіре салып еңбекке ерте араласқанымен Семей қаласының қаржы-экономикалық колледжінде «Мемлекеттік бюджет» мамандығын меңгерсе, Семей, Ленинград қалаларында бірнеше рет ҚРУ контроллерлері мен аудиторларын қайта даярлау курстарынан өткен. Қызмет ете жүріп үздіксіз білім алуды да жолға қойған.&nbsp; Атам қазақ «Жақсы жар – азаматтың бақыты» деп бекер айтпаған. Азаматтың бақытты болуы, басына қонған бағының баянды болуы әйеліне тікелей байланысты десек, Ұлжан Майлыбаевамен тұз-дәмі жарасып, отбасын құрады. Көпбалалы отбасы атанып, «Батыр ана», «Алтын алқа» төсбелгісін тағынған. Балаларының бәрін оқытып, жоғары білім беріп, тәрбиелеп, ұлын – ұяға, қызын – қияға қондырған. Бұл ретте әке жолын жалғаған қызы Светлана ата-анасы туралы мынадай естелікпен бөлісті.&nbsp;<blockquote>– Әкемнің мінезіндегі ерекшеліктерінің бірі оның мейірімділігінде еді. Оның атқарған қызметі мен мейірімділік қасиет үйлесе қоймаса да ол өз мінезінен танбады. Еліне деген махаббаты ерекше еді. Әкемді нағыз патриот жан деуге болады. Сондай-ақ ол өтірікті жаны сүймейтін. Анам екеуі бізге нағыз отбасының үлгісін көрсетті. Сырттай тұйық көрінетін әкем біз үшін көңілді де, қамқор әке, ардақты жар бола білді. Бала күнімнен мен де қаржы саласына жақын болдым. Оның қасында жүріп кейбір қағаздарына көмегім тисе қатты қуанатын едім. Елді сүюді, ұлттық салт-дәстүрімізді ұстануды, үлкенді құрмет тұтып, кішіге ізет көрсетудің үлгісін көрсеткен жан ортамызда болғанда биыл 100 жасқа толатын еді. Әріптестері арасында да абыройлы болып, білгенін өзінен кейінгіге үйрете білгенін әріптестері әлі де айтады. Әкемізге бізді жауапты, тәртіпті, білімге құштар етіп өсіргені үшін алғысымыз шексіз. Біз ата-анамызбен мақтанамыз және оларды үлгі тұтамыз, – дейді қызы Светлана Қуанышқызы.&nbsp;</blockquote>Ал інісі Ибрагим Алтаев ағасының қызметіне де, отбасына да, ағайын арасында да адалдық танытқан жан екенін айтады.&nbsp;<blockquote>– Қуаныш ағам білікті маман, принципшіл, өз ісіне адал азамат болған. Облыстағы кәсіпорындар мен ұйымдардың қаржылық қызметіне ревизиялар мен тексерулер жүргізу, штаттық және бюджеттік тәртіптің сақталуының, облыстың және жекелеген аудандардың қаржы жүйесін дамытуға елеулі үлес қосты. Әкем екеуі әрдайым бірге жүретін. Сондай бір сабырлы жан еді. Дауыс көтеріп сөйлемесе де, ұтымды сөйлеп, сөзін өткізе алатын. Бізге әрбір адам елге адал қызмет етуі керек дегенді ұғындыратын. Тек тура жолға бастайтын өнегелі әңгімелері, қолынан кітабы түспейтін бейнесі әлі жадымда. Өкінішті ұл-қыздарының жапырақ жайғанын көрмей өмірден ерте озғаны, – дейді ағасын ардақ тұтқан інісі Ибрагим.&nbsp;</blockquote>Абзал азаматтың елдің мұрат-мүддесі жолындағы еңбегі мемлекет тарапынан жоғары бағаланып, бірнеше мәрте КСРО Қаржы министрлігінің және Қазақ КСР Қаржы министрлігінің Құрмет грамоталарымен марапатталып, Қазақ КСР Қаржы министрлігі Қызылорда облыстық қаржы басқармасының Құрмет кітабына енгізілген. Одан бөлек Қызылорда облысының қаржы органдарында ұзақ мерзімді және мінсіз жұмыс істегені және жоғары нәтиже көрсеткіштері үшін Құрмет грамотасымен марапатталып, мәртебесі асқақтаған.&nbsp;Бүгінде Қуаныш Жылқыбайұлының ұрпақтары әр салада табысты еңбек етуде. Оның ішінде ата, әке жолын жалғап бұл саланы таңдағандары да бар. Қызы – Светлана Қуанышқызы ҚР Қаржы министрлігінің ардагері атанса, қаржы саласының үздігі атанған немересі &nbsp;Ләззат Майлыбаева ҚР Қаржы министрлігінің басқарма басшысы болып еңбек етеді.&nbsp;Қуаныш Жылқыбайұлы – Сыр елінің ардақты ұлы, қазақ халқының тарихында елеулі орын алатын тұлға, белгілі мемлекет және қоғам қайраткері, артына ұмытылмас із қалдырған азаматтардың бірі. Сыр топырағында дүниеге келіп, бар ғұмырын еліне қызмет етуге арнаған тұлға, атпал азаматты еліміз әрқашан мақтан тұтады. Артында ердің еңбегін бағалайтын елі барда, ізін жалғастыратын ұрпағы барда «Жақсының аты өшпейді» деген осы болар.&nbsp;Ардақ СӘКЕНҚЫЗЫ

Архив