<a href="https://kyzylorda-news.kz/ru">Kyzylorda-news.kz</a> Жыл басынан бері қоғамдық тәртіп пен жол қауіпсіздігін қамтамасыз ету бағытында үздіксіз жүргізілген профилактикалық жұмыстардың нәтижесінде өңірдегі құқық бұзушылықтар саны 6 пайызға төмендеген. Оның ішінде ауыр санаттағы қылмыстар 13,6 пайызға, ауырлығы орташа қылмыстар 23,6 пайызға, ал мал ұрлығы 68 пайызға азайған. Жергілікті полиция басқармасының айтуынша, жалпы қылмыстың ашылу деңгейі 9,9 пайызға жоғарылаған. Бұл туралы бүгін Өңірлік коммуникациялар қызметінің ақпарат алаңында облыстық ПД жергілікті полиция басқармасының бастығы, полиция полковнигі Ердаулет Жаукеев мәлімдеді.&nbsp; &nbsp;<blockquote>— Бүгінде жол қозғалысы қауіпсіздігін қамтамасыз ету өзекті мәселелердің бірі болып отыр. Жол апатының алдын алу бағытында республикалық маңызы бар тас жолдарға түнгі уақытта жүргізушілердің назарын аудару мақсатында 6 дана жарқылдауық маяк пен 7 жерге бейнекамера, 10 дана қызметтік автокөлік макеттерінің муляжы және 9 жерге «Әкетай, асықпа», «Құрметті жүргізуші! Жылдамдықты шамадан тыс асырма» мәтінінде панолар орнатылды. Сондай-ақ, 7 аудан тұсына 2 данадан жылдамдықты автоматты түрде тіркейтін өлшегіш құралдар орнатуды жоспарлап отырмыз. Айта кету керек, қазіргі таңда халықтың полицияға деген сенімі де артып келеді. Оған дәлел ҚР Президенті жанындағы қазақстандық стратегиялық зерттеулер институтының әлеуметтік зерттеуі шеңберінде полицияға сенім дәрежесін анықтау бойынша халық арасында жүргізілген сауалнама нәтижесінде Қызылорда өңірі халқының полицияға деген сенімі 77 пайызды құраған,- деді Ердаулет Баянбайұлы.</blockquote>

Өңірдегі құқық бұзушылықтар саны 6 пайызға төмендеген

<a href="https://kyzylorda-news.kz/ru">Kyzylorda-news.kz</a> Жыл басынан бері сауда және тұтынушылардың құқықтарын қорғау департаменті 323-ке жуық азаматтың өтінішін қарап, жоспардан тыс 20 тексеру жүргізген. Ал, “Сапалы өнім” әлеуметтік жобасы аясында азық-түлік қауіпсіздігінің сапасын анықтау мақсатында шетелдік өндірушілерден 47-ге жуық өнім түрлерін сатып алып, азық-түлік өнімдерін сынау зертханасына сараптамаға жіберілген. Бұл туралы бүгін Өңірлік коммуникациялар қызметінің ақпарат алаңында Қызылорда облысы бойынша сауда және тұтынушылардың құқықтарын қорғау департаменті басшысының орынбасары Нұрлыбек Бимырзаев айтты.<blockquote>— Департамент жұмысының негізгі бағыттарының бірі - халыққа кеңес беріп, ақпараттандыру, сондай-ақ сауда және тұтынушылардың құқықтарын қорғау саласындағы заңнаманың сақталуына мемлекеттік бақылауды жүзеге асыру болып есептеледі. Жыл басынан бері департаментпен тұтынушылардың құқықтарын қорғау саласында 30, ал сауда саласында 129 әкімшілік жаза қолданылған. Тұтынушылардың құқықтарын қорғау саласындағы негізгі бұзушылық 10 күндік күнтізбелік мерзімде тұтынушының шағымына &nbsp;жауап бермеу және тауарды 14 күн ішінде ауыстыру болып табылса, сауда саласы бойынша әлеуметтік маңызы бар азық-түлік тауарлары үшін заңмен белгіленген сауда үстемесін бұзу бағытында болып отыр. Сондай-ақ, тұрғын үй-коммуналдық шаруашылық саласына өтініш түскен кезде мәселені жедел шешу үшін жергілікті атқарушы органдармен тұрақты негізде жұмыс жүргізіледі. Есепті мерзімде тиімсіз делдал түріндегі және жосықсыз кәсіпкерлерге қатысты сауда заңнамасын бұзу бойынша 129 бұзушылық анықталып, жойылды. Ұсынылған материалдардың қорытындысы бойынша сауда заңнамасын бұзғаны үшін әкімшілік шаралар қабылданып, тұтынушылар үшін өнімнің түпкілікті құны арзандауда,- деді Нұрлыбек Шонжарұлы.</blockquote>

Тұтынушы құқығы қорғалуы тиіс

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда қалалық филиалының депутаттық фракция отырысы өтті. Жиынға қала әкімі Нұржан Ахатов, партияның қалалық филиалының төрағасы Ибадулла Құттықожаев, фракция мүшелері және саяси кеңес мүшелері, жауапты бөлім басшылары қатысты.Күн тәртібінде «AMANAT» партиясының 2023-2027 жылдарға арналған Жол картасының Қызылорда қаласында 9 айдың қорытындысымен орындалу барысы талқыланды. Сонымен қатар, «Ауыл аманаты» жобасының 2023 жылғы нәтижесімен 2024 жылы іске асуы қаралды.Күн тәртібіндегі бірінші мәселе бойынша қала әкімі Нұржан Сәбитұлы баяндама жасады.<blockquote>- «АМАNАТ» партиясының өңірлік сайлауалды бағдарламасын іске асыру жөніндегі Жол картасында Қызылорда қаласы бойынша 41 іс-шара қамтылған. Жоспарланған 41 іс-шараның 21-і орындалса, қалған 20-сы қазіргі таңда орындалу үстінде. Өздеріңізге белгілі, «АМАNАТ» партиясының өңірлік сайлауалды бағдарламасын іске асыру жөніндегі «Жол картасы» Үкіметтің, өңірдің бағдарламаларына негізделіп жасалынған. Президенттің, Үкіметтің ерекше қолдауымен және облыс әкімінің үйлестіруімен облыстың бюджеті 2,5 жылда 364 млрд. теңгеден 744 млрд. теңгеге жетіп, 2 есеге артты. Сәйкесінше қала бюджеті жыл басындағы бекітілген 58,2 млрд. теңгеден,110,7 млрд. теңгемен, алдағы өткізілетін мәслихат сессиясында (90%) бекітілетін болады. Макроэконмикалық көрсеткіштер бойынша Сыр өңірі Республикада жыл басынан бүгінгі күнге дейін алдыңғы қатарда келеді. Бұл бағытта Қызылорда қаласында да қарқынды жұмыстар жүргізілуде,-деді шаһар басшысы Нұржан Сәбитұлы.</blockquote>Фракция отырысында шаһар басшысы Жол картасы аясында орындалуы тиіс негізгі іс шаралардың жыл соңына дейін толықтай атқарылатынын жеткізді.<img src="https://knadmin.beoblood.kz/uploads/ala_kimi_zhol_kartasyny_iske_asuy_bojynsha_esep_berdi_1_7dde209048.jpg" alt="Қала әкімі «жол картасының» іске асуы бойынша есеп берді 1.jpg">«АМАNАТ» партиясының фракция мүшелері өңірлік сайлауалды бағдарламасын іске асыру жөніндегі Жол картасының орындалуы бойынша бірқатар ұсыныстарын жеткізді.Оның ішінде, шет аймақтағы көшелерге инфрақұрылым жүйелерін жүргізу, көше жарығы, кәріз құбырларына қатысты мәселелер талқыланды.Жиынды қорытындылай келе, партияның қалалық филиалының төрағасы Ибадулла Дүйсенбайұлы: Үкімет пен партияның бірлескен жобалары өңірлерде қарқынды жүзеге асуда. Біздің шаһарымызда да Жол картасы шеңберінде ауқымды жұмыстар атқарылып келеді. Алдағы уақытта партия тарапы жергілікті атқарушы органдармен бірге халық игілігі жолындағы маңызды мәселелердің түйінін тарқататыны сөзсіз,- деді.

Қала әкімі «Жол картасының» іске асуы бойынша есеп берді

<a href="https://kyzylorda-news.kz/">Kyzylorda-news.kz</a> Қала әкімдігінің баспасөз орталығында қалалық құрылыс бөлімінің басшысы Жеңісбек Файзуллаев брифинг берді.Бүгінде шаһарда тұрғын үй құрылысы қарқынды жүргізілуде. Қазан айында Сол жағалаудан 470 пәтерді құрайтын 10 көпқабатты тұрғын үйдің кілттері табысталса, құрылысы өткен жылы басталған 504 пәтерді құрайтын 7 қабатты 6 тұрғын үй жақын арада пайдалануға беріледі. Сонымен қатар, осы мөлтек ауданда 400 пәтерлі 5 этажды 10 тұрғын үйдің құрылысы жүруде. Келесі жоспардың бірі, 7 қабатты 84 пәтерлі 10 тұрғын үйдің сараптамасы алынып, құрылыс жұмыстарын бастауға қаржы сұратылмақ.Биыл «Инженерлік инфрақұрылымды дамыту» бағдарламасы аясында Арай мөлтек ауданындағы Мәуелі көшесіне, Сарысу, Майлықұм көшелеріне ауыз су желісінің құрылысы, "Бәйтерек" ықшам ауданындағы тұрғын үйлерді газбен, ауыз сумен жабдықтау жұмыстары жүргізілуде. Бұдан бөлек, Жас Алаш, Теректі, Сарысу көшелері мен Белкөл кентіндегі Жерұйық, Сарыарқа, Бірлік көшелеріне электр желісі тартылды.«Ауыл-Ел бесігі» жобасы шеңберінде Қызылжарма, Ақсуат, Досан, Қараөзек ауылы, Қараөзек бекеті, Айнакөл ауылдарындағы тозығы жеткен электр желілерін қайта жаңғырту жұмыстары басталды. Осы жұмыстар барысында жаңадан қоныстанушы аумақтарға да электр желісі жүргізілетін болады.<img src="https://knadmin.beoblood.kz/uploads/rylys_salasynda_y_at_aryl_an_zh_mystar_men_alda_y_zhosparlar_19805f39f8.jpg" alt="Құрылыс саласындағы атқарылған жұмыстар мен алдағы жоспарлар.jpg">«Сумен жабдықтау және су бұру жүйесін дамыту» бағдарламасы негізінде қаланың 13 бөлігінде кәріз желілері қайта жаңғыртылуда. Қазіргі таңда бұл жұмыстар 8 мекенжайда толық аяқталды. Сондай-ақ, Арай м/а, Әуезов көшесі, Жаппасбай батыр көшесі бойында орналасқан көтергіш сорғы станциясы мен Титов аумағындағы жалпы қуаттылығы 1440 текше метр болатын 3 дана ұңғыманың құрылысы жүргізілуде.«Газ тасымалдау жүйесін дамыту» бағдарламасы шеңберінде биыл Сабалақ елді мекеніне газ тарту жұмыстары жүргізілуде. Газға қосылмаған тағы Қызылөзек ауылдық округінің 3 елді мекеніне газ тарту үшін жобалау құжаттары әзірленуде. Бұл ауылдарда да алдағы жылы құрылыс жұмыстарын бастау жоспарда бар. Сонымен қатар, Қызылорда қаласында орамішілік газ құбырлары желісін салу (ақ дақтар) жұмыстары Гагарин, Титов, СПМК-70, Арай, КБИ, Сәулет, Саяхат, Бәйтерек, Орталық, және Шұғыла шағын аудандарындағы газ құбырлары жүргізілмеген көшелерде жүргізілуде.«Қорқыт Ата» әуежайының инженерлік жүйелері мен абаттандыру жұмыстары толық аяқталды. Ендігі ретте, «Жайлы мектеп» білім беру пилоттық ұлттық жобасы аясында қала аумағында салынып жатқан 5 мектептің аумағын абаттандыру және жарықтандыру жұмыстары жүргізілуде.<blockquote>- Алдағы жоспарымызда Тасбөгет кентіндегі бас су тоғанын, 23 шақырымды құрайтын кәріз су жүйесін, 7 КНС, 1,12 КНС пен КОС аралығындағы кәріз су құбырын қайта жаңғырту сынды жұмыстары бар, – деп қорытындылады бөлім басшысы.</blockquote>

Құрылыс саласындағы атқарылған жұмыстар мен алдағы жоспарлар

<a href="https://kyzylorda-news.kz/">Kyzylorda-news.kz</a> Қазақстан Республикасы Қаржы нарығын реттеу және дамыту агенттігінің Қызылорда қ. өңірлік өкілдер басқармасының қызметкерлері Мұрат Сарманов пен Қанат&nbsp;Акишев&nbsp;«РУ-6»&nbsp;ЖШС,&nbsp;«Қазатомөнеркәсіп» ҰАК» АҚ еншілес кәсіпорнының қызметкерлеріне көшпелі дәріс&nbsp;өткізді.Кездесудің мақсаты – өңірлердегі ірі компаниялар қызметкерлерінің қаржылық сауаттылығын арттыру. Қызылорда облысы Шиелі ауданының «Қарамұрын» кенішінде өткен оқыту іс-шарасының тақырыбы – «Абайлаңыз: алаяқтар: олардан қалай қорғануға болады және цифрлық гигиена туралы не білу керек?».Өңірлік өкілдер басқармасының өкілдері өндіруші компанияның қызметкерлеріне интернеттегі алаяқтық туралы, сондай-ақ қаскүнемдердің телефон арқылы қалай алдайтыны, жасанды интеллект технологиясын қалай қолданатыны, дауыстарды, фотосуреттер мен бейнелерді, телефон нөмірлерін қалай қолдан жасап алатыны туралы айтып берді.Қаржы реттеушісінің қызметкерлері фишингпен (интернет-алаяқтық), вишингпен (телефон арқылы жасалатын алаяқтық) квишингпен (жалған QR-кодтарды пайдалану арқылые), фармингпен (жәбірленушіні жалған IP-мекенжайға бағыттау) және смишингпен (SMS-хабарламалар арқылы алдау) байланысты алаяқтық схемаларға жан-жақты тоқталып, өздерін Желіде қалай қорғауға болатыны және киберқылмыскерлердің құрығынан қалай құтылу керектігі жайлы ұсынымдар берді.Цифрлық әлемде ұдайы орындап отыруды талап ететін өзіндік гигиена қағидалары бар. Тек оларды бұлжытпай орындаған жағдайда ғана олар сіздің киберкеңістігіңізді қорғауға көмектеседі, ал егер сіз оларға немқұрайлықпен қарасаңыз, қаржылық алаяқтардың тұзағына түсіңіз әбден ықтимал.№1 қағида. Ешқашан және ешкімге, әсіресе, бейтаныс адамдарға, өзіңіздің жеке басыңызды куәландыратын құжаттың көшірмесін жібермеңіз, картаның толық деректемелерін, әсіресе, артқы жағындағы үш таңбалы кодты, SMS-пен келетін кодты және өзге де жеке ақпаратты айтпаңыз.№2 қағида. Өзініңіздің цифрлық кеңістігіңізде кезеңмен «толық тазалау» жүргізіп отыруды әдетке айналдырыңыз, антивирусты пайдаланыңыз. Толассыз ақпарат легінде алаяқтардан келген хатты, сондай-ақ сіздің почта жәшігіңізді немесе әлеуметтік желідегі аккаунтыңызды бұзу туралы хабарды байқамай қалуыңыз да мүмкін, сол себепті өзіңіздің гаджетіңізді жиі тазалап, ретке келтіріп отыруды ұсынамыз.№3 қағида. Күрделі және әртүрлі парольдерді қолданыңыз. Цифрлық гигиена сіздің аккаунттарыңызға және әлеуметтік желілердегі жеке кабинеттеріңізге, поштадағы және әртүрлі, оның ішінде қаржылық қосымшалардағы қолданыстағы парольдердің қауіпсіздігіне әкеледі.№4 қағида. Авторизациялаудан өтпеген дүкендердің қосымшаларын телефоныңызға жүктемеңіз және құпиялылық талаптарын мұқият бақылап отырыңыз. Өз гаджеттеріңізге тек қана ресми дүкендердің қосымшаларын жүктеңіз, пираттық софтты жүктемеңіз.№5 қағида. Файлдардың сақтық көшірмесін жасауды ұмытпаңыз. Cыртқы USB-тасымалдағышқа маңызды файлдардың сақтық көшірмесін үнемі жасап отырыңыз. Бұл опция теңшеулер конфигурациясын, барлық қосымшалар мен жеке ақпаратты сақтау үшін жасалған. Мұндай функция жоғалған құрылғыдан деректерді қалпына келтіруге және гаджет жоғалған немесе бұзылған жағдайда оны жаңасына көшіруге көмектеседі.&nbsp;Fingramota.kz-пен бірге қаржылық сауаттылығыңызды арттырыңыз!

Қызылорда облысы кенішіндегі көшпелі дәріс  

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев қайта жаңғыртудан өткен аудандық маңызы бар «Самара-Шымкент-Қызылорда» автожолына барды.&nbsp;Мердігер мекеме «УАД» ЖШС 8,4 шақырымдық жолды төрт жолақты, көлік жүретін бөлігінің енін 14 метр етіп салды. Құрылысты жоспарға сәйкес 6 айда бітірді. Жоба бойынша қиыршық тас-мастикалық асфальт қабаты төселді.Құрылыс алаңындағы техникалық қадағалаушы «Қызылорда Нұр Строй Инжиниринг», авторлық қадағалаушы «Блеск Мастер» серіктестіктері.&nbsp;Облыс әкімі жұмысқа қойылатын басты талап сапа екенін айтып, кемшілік орын алған жағдайда мердігер мекеме жауапты болатынын еске салды.<img src="https://knadmin.beoblood.kz/uploads/Nurlybek_Nalibaev_proveril_sostoyanie_dorogi_Samara_Shymkent_Kyzylorda_1_6f4c478c35.jpg" alt="Нурлыбек Налибаев проверил состояние дороги «Самара-Шымкент-Кызылорда» 1.jpg">Қызылорда облысы аумағындағы жергілікті маңызы бар автомобиль жолдарының ұзындығы – 3580,5 шақырым, оның 1014,5 шақырымының республикалық, 555 шақырымының облыстық, 2011 шақырымының аудандық маңызы бар.Өткен жылы жол инфрақұрылымын дамытуға республикалық және облыстық бюджеттерден қаржы бөлініп, 603 шақырым автомобиль жолдары, елді мекен көшелері, көпір өткелдері салынды, қайта жаңғыртылды, жөнделді. &nbsp;Жергілікті маңызы бар автомобиль жолдарының жақсы және қанағаттанарлық жағдайдағы көрсеткіші 82 %-ға жеткізілді.Осы жылы 300 шақырымнан астам жол, көшелер және көпір өткелдері жөнделуде. Жыл қорытындысымен жақсы және қанағаттанарлық жағдайдағы жолдар көрсеткішін 87,5 %-ға жеткізу көзделген.

Н.Нәлібаев қайта жаңғыртудан өткен «Самара-Шымкент-Қызылорда» автожолына барды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Болат Өтемұратов қорының» қолдауымен салынған «Қорқыт Ата әуежайының» жаңа терминалындағы жұмыстармен танысты.Бүгінде мұнда халықаралық стандарттарға сай келетін екінші телескопиялық трап әкелінген. Трапты монтаждау жұмыстары аяқталғаннан кейін терминалды ашу жоспарлануда.<div class="raw-html-embed"><iframe src="https://www.facebook.com/plugins/video.php?height=476&amp;href=https%3A%2F%2Fwww.facebook.com%2Fqyzylorda.press%2Fvideos%2F949491467060377%2F&amp;show_text=false&amp;width=267&amp;t=0" width="267" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe></div>Халықаралық талаптарға сай етіп салынған жаңа нысанда ішкі және халықаралық рейстерге, транзиттік жолаушыларға арналған, CIP залдары, жүкті автоматты түрде беру жүйесі, «Duty Free» аймағы, сауда нүктелері, медпункт, кафе, ғибадат ету, жүк сақтау, ана мен бала бөлмелері бар. Екі қабатты &nbsp;ғимаратта сағатына 250 жолаушыға 10 төлқұжат бақылау кабинасы арқылы қызмет көрсетіледі.Айта кетейік, «Қорқыт Ата әуежайы» соңғы 9 айда жолаушылар мен жүк тасымалында жақсы нәтижелерге қол жеткізді. Қаңтар-қыркүйек айларында әуежайда 264 506 жолаушыға қызмет көрсетіліп, өткен жылдың сәйкес кезеңімен салыстырғанда 20%- ға артқан. Сонымен қатар, осы уақыт аралығында рейстер саны 1420-ға жеткен. Бұл «Қорқыт Ата &nbsp;әуежайы» көрсеткіштерінің тұрақты өсімін және әуе тасымалының жоғары белсенділігін растайды.&nbsp;Фото: әуежайының баспасөз қызметі

Жаңа терминалға екінші трап орнатылуда

<a href="https://kyzylorda-news.kz/">Kyzylorda-news.kz</a> ҚР ҚМА Қызылорда облысы бойынша экономикалық тергеп-тексеру департаментінің басшысы Аслан Кеңес, &nbsp;облыс прокуроры Ризабек Ожаровтың қатысуымен облыстық прокуратурада микроқаржы ұйымдарымен кездесу өтті. &nbsp;Шараға прокуратура, қаржы нарығын реттеу және дамыту агенттігінің , ұлттық банк филиалының өкілдері, микроқаржы ұйымдарының өкілдері, құқық қорғау органдарының басшылары, «Киберпол» тобының қызметкерлері қатысты. &nbsp;Жиында интернет алаяқтыққа байланысты проблемалық мәселелер талқыланды.&nbsp;Қатысушылар тиімді тәжірибе қалыптастыру бағытында өз ойларын ортаға салып, шешу жолдарын айқындады.

Интернет алаяқтық қылмыстарының алдын алу басты назарда

<a href="https://kyzylorda-news.kz/ru">Kyzylorda-news.kz</a> Қызылорда қаласындағы «Автомобиль жол басқармасы» жауапкершілігі шектеулі серіктестігі аймақтағы күрделі жолдарды &nbsp;салып, &nbsp;ел сенімінен шығып жүрген &nbsp;құрылыс мекемесі. &nbsp;Туған жердің көркеюіне белді кәсіпкер, меценат, серіктестіктің &nbsp;бас директоры &nbsp;Мұрат Үдербаевтың қосқан үлесі ерекше.Мекеме қызметкерлері, мекеме басшысының өндіріс саласы бойынша орынбасары Ерлан Махамбетов, учаске басшысы Елдос Әбдіқадыров, асфальт төсеуші Ғани Жүсіпов, жүк тиеуші Ержан Рашыхшаевтар сапалы жол салуда еселі еңбек етіп жүр.Халық алғысын арқалаған азамат жуырда &nbsp;өзінің демеушілігімен журналистер қауымы орналасқан Темірбек Жүргенов атындағы Шығармашылық үйінің автокөлік тұрағының аумағына асфальт төсеп, көпшіліктің алғысын алды. &nbsp; Елдің шынайы ықыласына бөленген жанашыр азаматтарға «Сыр медиа» жауапкершілігі шектеулі серіктестігінің бас директоры Марат Аралбаев &nbsp;алғыс білдірді.<blockquote>Бизнестегі әлеуметтік жауапкершілікті сезініп, «Сыр медиа» ЖШС-ның бас ғимараты Т.Жүргенов атындағы шығармашылық үйінің автокөлік тұрағын асфальттап бергені &nbsp;үшін алғыс айтамын. Тәуелсіз елімізді өркендету жолындағы еңбегіңізге табыс, деніңізге саулық, отбасыңызға амандық тілеймін, – деді серіктестік директоры.</blockquote>Шынында аймақтың әлеуметтік-экономикалық дамуында сүбелі үлес қосып, өз &nbsp;қолтаңбасын қалдырып жүрген азаматтың Сыр елінің тарихында орны ерекше деп білеміз.&nbsp;<figure class="image"><img src="https://knadmin.beoblood.kz/uploads/TOO_Syr_media_vyrazhaet_blagodarnost_M_Uderbaevu_1_9714908fe7.jpg" alt="ТОО «Сыр медиа» выражает благодарность М.Удербаеву 1.jpg"></figure>Фото:Kyzylorda-news.kz

Жол салғанның  жолы ашық 

<a href="https://kyzylorda-news.kz/ru">Kyzylorda-news.kz</a> ҚР Мемлекеттік қызмет істері агенттігінің Қызылорда облысы бойынша департаменті «Мемлекеттік көрсетілетін қызметтер туралы» Заңға сәйкес мемлекеттік көрсетілетін қызметтердің сапасына мемлекеттік бақылауды жүзеге асырады.Ағымдағы жылдың 1-тоқсанында Департаментпен жүргізілген профилактикалық бақылау нәтижесінде 582 бұзушылық анықталған болатын. Оның ішінде 62 факт артық құжаттарды талап ету бойынша орын алған.Соның бірі Жалағаш ауданы әкімдігінің «Жалағаш кенті әкімінің аппараты» коммуналдық мемлекеттік мекемесі тарапынан «Жер учаскесін жалдау мерзімін ұзарту» мемлекеттік көрсетілетін қызметін алу үшін Қағида талаптарына сәйкес қажетті құжаттар тізімінде ҚР азаматының жеке куәлігін ұсыну көзделмесе де, қызметті алушылардан жеке куәлікті сұратудың&nbsp; 20 дерегі анықталған.Бұған қоса, «Қызылорда қаласы әкімінің аппараты» коммуналдық мемлекеттік мекемесімен «Жер учаскесін жеке меншікке ақысын бірден төлеп не бөліп төлеу арқылы сату» мемлекеттік қызметін көрсету барысында қызметті алушылардан ҚР азаматының жеке куәлігін сұрату арқылы &nbsp;42 бұзушылық фактісі орын алып, Қағида талаптары бұзылған.Мемлекеттік қызметті берушілер тарапынан жиі орын алатын осы тектес бұзушылықтарды алдын алу мақсатында Департаментпен қызметті берушілерге жүйелі түрде жүргізіліп келе жатқан түсіндірме іс-шараларының, түрлі онлайн және оффлайн семинарлардың, дөңгелек үстелдер мен интернет-конференциялардың, сондай-ақ әлеуметтік желілер мен БАҚ-қа жарияланған мақалалар арқылы бұзушылықтардың саны азайып келеді.Яғни, ағымдағы жылдың 2-тоқсанынан бастап қызметті беруші мемлекеттік органдар тарапынан қызметті алушылардан артық құжаттарды талап ету бойынша бірде-бір бұзушылық орын алған емес.Осы ретте, Департаментпен жоғарыда аталған бағыттар бойынша жұмыстар әрі қарай жалғасын табатын болады.Егер Сіздің мемлекеттік қызмет алуда құқықтарыңыз бұзылған болса, Қазақстан Республикасы Мемлекеттік қызмет істері агенттігінің Қызылорда облысы бойынша департаментіне шағымдануыңызға болады.Мекен-жайымыз: Қызылорда қаласы, Сұлтан Бейбарыс1. Байланыс нөмері: 8 (7242) 70-56-36, 70-00-40.&nbsp;ҚР Мемлекеттік қызмет істері агенттігінің Қызылорда облысы бойынша департаментінің Мемлекеттік қызметтер басқармасы&nbsp;

Қызметті алушылардан артық құжаттарды талап етуге жол бермеу департаменттің бақылауында

<a href="https://kyzylorda-news.kz/ru">Kyzylorda-news.kz</a> Облыстық тарихи-өлкетану мұражайында облыстық Қазақстан халқы ассамблеясы жанындағы Журналистер мен сарапшылар клубының ұйымдастыруымен алғашқы рет облыстағы жас журналистер арасында байқау өтті.Жас тілшілер мен Журналистика мамандығы бойынша білім алып жүрген студенттерге арналған байқаудың алғы сөзі Қызылорда облыстық қоғамдық даму басқармасы «Қоғамдық келісім» КММ директорының м.а Фархат Әбдібағдатұлына берілді.Ф. Әбдібағдатұлы бұл байқаудың мақсатына тоқталып, бірлікті, ұлтаралық достықты, көпмәдениетті мемлекеттің құндылықтарын қоғам арасында кеңінен насихаттауда БАҚ өкілдерінің рөлі ерекше екендігіне тоқталды.&nbsp;Байқау жеңімпазы, «Ақмешіт апталығы» газеті бас редакторының орынбасары Дәулет Қырдан &nbsp;байқау барысында өңірімізге еңбегі сіңген, қазақ тілін насихаттауға үлес қосып жүрген ерекше кейіпкерлермен танысып, олар туралы қалам тербегендігін атап өтті.&nbsp;Байқау нәтижесінде «Үздік танымдық мақала»номинациясымен қалалық «Ақмешіт апталығы» газеті бас редакторының орынбасары Қырдан Дәулет Тұрсынханұлы, «Үздік журналист-сарапшы» номинациясымен облыстық «Сыр бойы» газетінің тілшісі Мейрамкүл Дауылбайқызы, «Үздік фоторепортаж» номинациясымен Қорқыт Ата атындағы Қызылорда университеті Журналистика факультетінің студенті Нұрғали Венера Мұратқызы марапатталды.Айта кетейік, байқауға Ассамблея қызметін баяндайтын мазмұнды деген 54 материал, 20 өтінім келіп түсті. Соның ішінде 3 байқауға қатысушының еңбегі үздік деп танылып, жеңімпаздар жүлделі орындарға ие болды.<figure class="image"><img src="https://knadmin.beoblood.kz/uploads/MW_6_A9571_0f86728e64.jpg" alt="MW6A9571.jpg"></figure><figure class="image"><img src="https://knadmin.beoblood.kz/uploads/MW_6_A9572_0386b9d73a.jpg" alt="MW6A9572.jpg"></figure> &nbsp;

Қызылордада жас журналистер арасында облыстық байқау өтті 

<a href="https://kyzylorda-news.kz/ru">Kyzylorda-news.kz</a> Қазақстанда жыл сайын 40 мыңнан астам адам инсультке шалдықса, оның жартысынан көбі мүгедектікке ұшырауда. Ем нәтижелі болу үшін әрбір секунд маңызды. Сондықтан, барлық жерде инсульт орталықтары ашылуда. Соның бірі Қызылорда облысының Арал қаласында.Арал көпсалалы орталық аудандық ауруханасының инсульт бөлімшесі ағымдағы жылдың мамыр айында ашылды. Бүгінде мұнда 13 адам емделуде. Олардың қатарында Сексеуіл кентінің тұрғыны Сұлтанбек Даурбаев та бар. 68 жастағы пациент тез сауығып келеді.<blockquote>«Мен гаражда жұмыс істеп жатқан едім, қолымдағы құралым түсіп кетті. Көтергім келді, бірақ көтере алмадым, өйткені сол қолым ұйып, бет-аузым қисайды. Жедел жәрдем шақыртылып, шұғыл аудандық ауруханаға жатқызды. Қазір жақсымын. Тез сауығып кетемін деп үміттенемін. Дәрігерлерге мың алғыс!», – дейді Сұлтанбек Даурбаев.</blockquote>Инсульттің алғашқы белгілерінде өте жылдам әрекет ету керек дейді дәрігерлер. Бөлімшеде, инсульт кезінде көмек көрсету мақсатында, нейрохирургтармен, реаниматологтармен және КТ/МРТ диагностикасымен тығыз байланыста болу үшін көп салалы топ құрылған.<blockquote>«2022 жылдан бастап бөлімшеде компьютерлік томограф үздіксіз жұмыс істейді. МӘМС жүйесіндегі сақтандыру мәртебесіне қарамастан, біз барлық пациенттерге толық медициналық көмек көрсетеміз. МӘМС жүйесінің арқасында, консультациялық-диагностикалық және басқа да медициналық қызметтерге қолжетімділіктің артуы ауруларды ерте кезеңде анықтау деңгейін жоғарылатқанын атап өткім келеді», - деді бөлімшесінің меңгерушісі Нұржігіт Сералиев.</blockquote>2024 жылы ТМККК және МӘМС шеңберінде Арал көпсалалы орталық аудандық ауруханасына Әлеуметтік медициналық сақтандыру қорынан 7,5 млрд. теңгеден астам қаражат бөлінді.

Архив