Kyzylorda-news.kz Қызылорда қаласындағы «Автомобиль жол басқармасы» жауапкершілігі шектеулі серіктестігі аймақтағы күрделі жолдарды салып, ел сенімінен шығып жүрген құрылыс мекемесі. Туған жердің көркеюіне белді кәсіпкер, меценат, серіктестіктің бас директоры Мұрат Үдербаевтың қосқан үлесі ерекше.
Мекеме қызметкерлері, мекеме басшысының өндіріс саласы бойынша орынбасары Ерлан Махамбетов, учаске басшысы Елдос Әбдіқадыров, асфальт төсеуші Ғани Жүсіпов, жүк тиеуші Ержан Рашыхшаевтар сапалы жол салуда еселі еңбек етіп жүр.
Халық алғысын арқалаған азамат жуырда өзінің демеушілігімен журналистер қауымы орналасқан Темірбек Жүргенов атындағы Шығармашылық үйінің автокөлік тұрағының аумағына асфальт төсеп, көпшіліктің алғысын алды. Елдің шынайы ықыласына бөленген жанашыр азаматтарға «Сыр медиа» жауапкершілігі шектеулі серіктестігінің бас директоры Марат Аралбаев алғыс білдірді.
Бизнестегі әлеуметтік жауапкершілікті сезініп, «Сыр медиа» ЖШС-ның бас ғимараты Т.Жүргенов атындағы шығармашылық үйінің автокөлік тұрағын асфальттап бергені үшін алғыс айтамын. Тәуелсіз елімізді өркендету жолындағы еңбегіңізге табыс, деніңізге саулық, отбасыңызға амандық тілеймін, – деді серіктестік директоры.
Шынында аймақтың әлеуметтік-экономикалық дамуында сүбелі үлес қосып, өз қолтаңбасын қалдырып жүрген азаматтың Сыр елінің тарихында орны ерекше деп білеміз.
Фото:Kyzylorda-news.kz