<a href="https://kyzylorda-news.kz/">Kyzylorda-news.kz</a> &nbsp; Бүгін облыс әкімі Нұрлыбек Нәлібаевтың төрағалығымен өткен Қызылорда қаласының актив отырысында Қызылорда қаласының әкімі қызметін атқарған Серік Қожаниязовты әріптестері жаңа қызметке шығарып салды.Қаңтар айынан бүгінгі күнге дейін осы қызметті атқарған Серік Салауатұлы "ҚазМұнайГаз» Ұлттық компаниясының тәуелсіз директорлығына тағайындалуына байланысты қызметінен босатылды.<blockquote>«Серік Салауатұлы - облыс көлемінде ғана емес, республика деңгейіндегі абыройлы, білікті, тәжірибелі кадрлардың бірі. Қазақстан Республикасы Президенті Әкімшілігінде, Премьер-министр Кеңсесінде, Қазақстан Республикасы Президентінің «Байқоңыр» кешеніндегі арнаулы өкілі, Экология, геология және табиғи ресурстар вице-министрі лауазымдарында абыройлы қызмет атқарған білікті маман, тәжірибелі басшы. Менің тікелей шақыруыммен 2022 жылы маусымда Қызылорда облысы әкімінің бірінші орынбасары ретінде елге қызмет етуге келген болатын. Осы уақыт аралығында өзіне жүктелген жауапты міндеттерді орындауда мол тәжірибесін, білім-біліктілігін пайдаланып, жемісті еңбек үлгісін көрсетті», - деді Нұрлыбек Машбекұлы.</blockquote>Облыс әкімі Мемлекет басшысы мен Үкіметтің қолдауының арқасында қолға алынған серпінді жобаларға тоқталды.Қаланың әлеуметтік-экономикалық дамуындағы оң динамиканы атап өтті.Екі жыл бұрын қала бюджеті 73,5 млрд. теңге болған.Өткен жылды облыстың бас шаһары 95,2 млрд. теңге бюджетпен қорытындыласа, биылғы 6 айда 107,4 млрд. теңге көлемінде бекітілді. Облыс орталығындағы жобаларға қаржыландырудың барлық көзінен 53,5 млрд. теңге бөлінді."Бұл қаржы қала тұрғындарының өмір сүру сапасын арттырып, жайлы орта қалыптастыруға бағытталды.Серік Салауатұлының басшылығымен инженерлік-коммуналдық инфрақұрылымды дамыту бағытында ауқымды жұмыстар атқарылды.Қызылордалықтардың арманына айналған ыстық су түйткілі оң шешімін тапты.Мемлекет басшысының тапсырмасына сәйкес Үкіметтің қолдауымен қаладағы 625 көпқабатты тұрғын үй ыстық сумен қамтамасыз етілетін болды",- деді аймақ басшысы.Сондай-ақ, қаладағы және оған қарасты елді мекендердегі инфрақұрылымды дамыту жобалары, тұрғын үй құрылысы, қаланың сәулетін, келбетін көркейтіп, абаттандыруда атқарылған жұмыстарға тоқталды.Аймақ басшысы Серік Салауатұлына осы кезге дейін атқарған қызметі үшін сырбойылықтар атынан алғыс білдіріп, облыстың ең жоғары марапаты - Қызылорда облысының «Құрмет» грамотасын табыстады.Қазақстан Республикасы Президенті Әкімшілігі және Қызылорда қалалық мәслихатының келісімдері негізінде облыс әкімінің өкімімен Қызылорда қаласының әкімі болып Ахатов Нұржан Сәбитұлы тағайындалды.Облыс әкімі жаңа басшының қызметіне сәттілік тіледі.<blockquote>«Нұржан Сәбитұлы барлығыңызға етене таныс. Мемлекеттік қызметте мол тәжірибе жинаған, оның барлық сатысынан өткен, кез келген жұмысты өз деңгейінде үйлестіре білетін азамат. Мемлекет басшысының, Үкіметтің алдымызға қойған міндеттері мен тапсырмаларын сапалы орындап, қызылордалықтардың әл-ауқатын арттыруға, өздеріңізбен бірге туған қаламызды одан әрі өркендетуге, көркейтуге аянбай жұмыс жасайтынына сенемін.</blockquote>Бүгінде облыс тұрғындарының басым бөлігі қалада тұрады. Қызылорда халықтың тұрмыс-тіршілігіне қолайлы, жайлы ортаға айналып, барлық ауданға үлгі болуы керек. Жаңадан тағайындалған әкімге экономиканың барлық саласы бойынша нәтиже көрсетуді тапсырамын», - деді Нұрлыбек Машбекұлы.Сондай-ақ, қаланың жаңа әкіміне коммуналдық қызметтердің үздіксіз көрсетілуін, сапалы қызметін үйлестіру, кезекте тұрған әлеуметтік осал топты және жастарды тұрғын үй, жер учаскесімен қамтуға қатысты шаралар қабылдау, жаңа жұмыс орындарын ашу, шет аймақтардың инфрақұрылымын дамыту, инвестиция тарту, қала тазалығы мен көркейту мәселелерін басты назарда ұстау міндеті жүктелді.Актив отырысында ел ағалары Жарылқасын Шәріпов, Дайрабай Ысқақов, Мұрат Бақтиярұлы, Парламент Сенатының депутаты Наурызбай Байқадамов, облыстық ардагерлер кеңесінің төрағасы Серік Дүйсенбаев С.Қожаниязов пен Н.Ахатовқа тілектестік білдірді.Нұржан Ахатов 1978 жылы Шиелі ауданында дүниеге келген. Қызылорда агроөнеркәсіп өндірісі инженерлері институтын «Бухгалтерлік есеп және аудит», Қазақ гуманитарлық заң университетін «Құқықтану» мамандықтары бойынша бітірген.Еңбек жолын 2000 жылы облыстық статистика жөніндегі есептеу орталығының жабдықтаушы маманы болып бастаған. 2004-2008 жылдары Шиелі аудандық экономика және бюджетті жоспарлау бөлімінің басшысы, аудан әкімінің орынбасары қызметтерін атқарған. 2008-2013 жылдары облыс әкімі аппараты ұйымдастыру-инспекторлық жұмыс бөлімінің бас инспекторы, облыстық кәсіпкерлік басқармасы бастығының орынбасары, Шиелі ауданы әкімі аппаратының басшысы болған. 2013-2015 жылдары Қызылорда қаласы әкімі аппаратының басшысы, қала әкімінің орынбасары, 2015-2022 жылдары «Байқоңыр" әлеуметтік-кәсіпкерлік корпорациясы» акционерлік қоғамы басқарма төрағасының бірінші орынбасары, басқарма төрағасы, «Қызылорда» автобус паркі» жауапкершілігі шектеулі серіктестігінің директоры қызметтерін атқарды. 2016-2021 жылдары Қызылорда қалалық мәслихатының депутаты ретінде өзекті мәселелердің оң шешім табуына атсалысты. 2022 жылдың шілде айынан Шиелі ауданының әкімі қызметін атқарып келді.

Қызылорда қаласына жаңа әкім тағайындалды

<a href="https://kyzylorda-news.kz/">Kyzylorda-news.kz</a> &nbsp;Олимпиада чемпионы Елдос Сметов 2024 жылғы Париж ойындары - карьерасындағы соңғы Олимпиада екенін мәлімдеді, - деп хабарлайды <a href="https://www.paryz.kz/kazakhstan-news/40828-eldos-smetov-cporttan-ketetinin-malimdedi?fbclid=IwY2xjawEYVWpleHRuA2FlbQIxMQABHWZrv156QLFphWd_CC_xTuyk47_5MZf9J7d7rdVVh25YGlobWk5AuW__vA_aem_6_qqH3Zf88YYB-kiupDySw">Paryz.kz </a>ақпарат порталы <a href="https://kaz.vesti.kz/olimpiada/eldos-smetov-olimpiada-altyinyinan-keyn-karerasyina-28928/">Vesti.kz</a> сілтеме жасап.60 келіде өнер көрсететін 31 жастағы балуан 2016 жылы Риода күміс, 2020 жылы Токиода қола және Парижде алтын алып, жүлделер топтамасын толық жинады.<blockquote>"Егер жауапкершілікті ойлай берсең, ештеңе өзгермейді, адам қажып кетеді, сондықтан мен тек жарысты ойладым. Бұл менің соңғы Олимпиадам екенін білдім. Менің карьерам аяқталуға жақын екенін де ойладым. Сондықтан барымды салдым. Ата-анама, отбасым мен балаларыма уәде берген едім, жеңіспен ораламын деп. Олардың сенімі мен қоладауы мені ынталандырды. Бес балам бар, менің қымбат бөлшегім, ата-анам, аға-іні мен әпке-қарындастарым. Бұл жеңісті мен бүкіл қазақ елі мен жақындарыма арнаймын", - дейді Елдос Сметов.</blockquote>Фото: kaztag.kz

Елдос Сметов cпорттан кететінін мәлімдеді

<a href="https://kyzylorda-news.kz/">Kyzylorda-news.kz</a> &nbsp;Жастар – қай заманда, қай елде болмасын асқақ арман мен үміттің, биік ар мен өр намыстың символы. Олар қай кезде де, қай қоғамда да белсенді буын өкілдері. Жастардың жаңа белестерге деген ұмтылысы жаңа идеялардың туындауына себепші болары анық. Сол себептен қашан да жастарға үлкен сенім артылған. 12 тамыз – жалынды жас буынның халықаралық мерекесі. Мейрам аясында өткізілетін шаралар легін Өңірлік коммуникациялар қызметінің ақпарат алаңында облыстық жастар ресурстық орталығының директоры Әліби Басаров баяндап берді.<blockquote>– Жоспар бойынша Жастар күні 3-12 тамыз аралығында әр күнге тақырыптық атау беріле отырып атап өтілмек. 3 тамыз – «Таза Қазақстан» деп аталады. Бұл күні жастар мен жастар ұйымдарының, волонтерлер мен белсенді экологиялық қозғалыс өкілдерінің қатысуымен тазалық акциялары өткізіледі. 4 тамыз – «Жас келсе, іске!». Қазақстандық ынталандырушы және көркем фильмдерді, оның ішінде жас режиссерлер түсірген фильмдерді көрсету мақсатында «Aspan Cinema» шарасы ұйымдастырылады. Ал, келесі күн жастар арасында салауатты өмір салтын насихаттауға бағытталып отыр.</blockquote>Атап айтқанда, «Жастар денсаулық орталығының» көшпелі форматтағы ашық есік күні, барлық деңгейдегі емханаларда скринигтер, мамандардың консультациялары, «Донор бол!» ерікті түрде қан тапсыру акциясы ұйымдастырылады.&nbsp;<blockquote>– 6 тамызға «Ғылым таппай мақтанба» деген атау қойылды. Өздеріңіз байқағандай, бұл күні білім құндылықтары мен зияткерлік қабілетті дамытуға басымдық беріледі. «Кітап сыйла», «Түнгі кітапхана» акциялары, квиз және интеллектуалды сайыс форматында заманауи ойындар ұйымдастырылады. 7 тамыз – Мейірімділік мекені. Бұл күн қайырымдылық бағытында атап өтілмек. «Игі істер марафоны», «Әлеуметтік дүкен» қызметі ұйымдастырылады. 8 тамызда «Қазақстан жастары» тақырыбында танымал тұлғалардың қатысуымен түрлі салалар бойынша ТЕД-х форматында кездесулер өткізілмек. 9 тамыз – Еңбек бәрін де жеңбек деп аталды. Бұл күні орталықтардың бастамасымен және жастардың сұранысы бойынша қолға алынған «Мүмкіндіктер алаңы» шарасы облыс бойынша өткізіледі. Ал, «Ыстық қайрат, нұрлы ақыл, жылы жүрек» күнінде Абай атамыздың шығармашылығын насихаттауға бағытталған түрлі байқаулар, челленждер, бейне құттықтаулар сериясы ұйымдастырылады. Себебі, өздеріңіз білесіздер, еліміздегі мерекелік күнтізбесіне бұл күн «Абай күні» болып енгізілген. 11 тамызға «ҚОРҒАН24» деген атау қойдық. Бұл күннің ерекшелігі жастар арасында зиянды әрекеттердің алдын алуға бағытталып отыр. Онкүндікті «ЖАСТАРМЕН БІРГЕ!» атты open air форматындағы кешпен қорытындыламақпыз. Облыс орталығында өтетін шараға жастар арасында танымал эстрада жұлдыздары да қатысады деп жоспарланып отыр,- деді Әліби Төлепбергенұлы.</blockquote>Фото:&nbsp;Қызылорда облысының Өңірлік коммуникациялар қызметі

Жалынды жастардың төл мерекесі жоғары деңгейде өткізілмек

<a href="https://kyzylorda-news.kz/">Kyzylorda-news.kz</a> &nbsp;ҚР Білім министрлігі балалардың құқықтарын қорғау комитетінің төрағасы Насымжан Оспанова 1 тамызда ОКҚ брифингінде жалпыға бірдей білім беру қорындағы балаларға киім-кешек пен мектеп керек-жарақтарын сатып алуға қалай көмек көрсететінін айтты, деп хабарлайды <a href="https://kaz.zakon.kz/kogam-tynysy/6046833-kmderge-balany-mektepke-zhinau-shn-43-my-tegeden-arazhat-blned.html">Zakon.kz.</a>Спикердің айтуынша, жалпыға міндетті білім қоры жыл сайын халықтың әлеуметтік осал топтарындағы балаларға қолдау көрсетіп, оқуға қажет құралдар береді.<blockquote>“Атаулы әлеуметтік көмек алатын отбасылардан шыққан, жетім және ата-анасының қамқорлығынсыз қалған, сондай-ақ жан басына шаққандағы орташа табысы ең төменгі күнкөріс деңгейінен төмен отбасылардан шыққан балаларға материалдық қолдау көрсетіледі. Жаңа оқу жылы қарсаңында төтенше жағдайға тап болған оқушылар қаржылай көмек алады”, Назымжан Оспанова.</blockquote>Биыл әкімдіктер мектепке 500 мыңнан астам баланы даярлауға тиісті қаражат бөлген.Фото: пресс-служба акимата Алматы

Баланы мектепке жинау үшін 43 мың теңгеден қаражат бөлінеді

<a href="https://kyzylorda-news.kz/">Kyzylorda-news.kz</a> &nbsp;Қызылорда облыстық кәсіпкерлер палатасының Өңірлік кеңес төрағасы Ерлан Раимов, палата директоры Пірмұхаммед Сыздық, Өңірлік кеңес мүшелері мен Палата өкілдері, мемлекеттік мекеме, құзырлы орган, микрокредиттік ұйым өкілдерімен бірлескен жұмысшы тобын құрып, Сырдария ауданы кәсіпкерлерімен кездесу өткізді.Алдымен жұмысшы топ Сырдария ауданы әкімінің орынбасары Талғат Нұртазаевпен кездесіп, Мемлекет басшысының кәсіпкерлікті дамыту тапсырмасын талқылады. Негізгі жиынды аудан әкімінің орынбасары жүргізіп, мемлекеттік қолдаулар арқылы еліміздегі кәсіпкерлік саласын дамытудың маңыздылығына, аудан кәсіпкерлігінің тынысына тоқталды. Қызылорда облыстық кәсіпкерлер палатасының Өңірлік кеңес төрағасы Ерлан Раимов өз кезегінде Палата жұмысы мен Өңірлік кеңестің ондағы рөлін ашып айтса, палата директоры П.Сыздық жұмысшы топтың миссиясын және кәсіпкерлерге көрсетілетін қолдау түрлеріне тоқталды. Кәсіпкерлерге мемлекеттік қолдау шаралары туралы айтуға келген арнайы делегация, облыстық ауылшаруашылық және кәсіпкерлік басқармалары, Қызылорда облысы бойынша мемлекеттік кірістер департаменті, «Байқоңыр» Әлеуметтік Кәсіпкерлік Корпорациясы» АҚ, «Қазпошта» АҚ Қызылорда облыстық филиалы, «Даму» кәсіпкерлікті дамыту қоры, «Аграрлық несие корпорациясы» АҚ Қызылорда филиалы және «Қызылорда» Өңірлік инвестициялық орталығы қаржы ұйымдарының өкілдері, түсіндірме жұмыстарын жүргізумен қатар біршама кәсіпкердің сұрағына жауап берді.Жиынға қатысушыларды басты кезекте ауылдық елді мекендерге 2,5 пайызбен несие қаражатын алуға мүмкіндік беретін «Ауыл аманаты» бағдарламасы мен Мемлекеттік кірістер департаментінің өкілі хабарлаған 2024 жылдың 15 қыркүйегіне дейін декларациялаудың ІІІ кезеңінен міндетті түрде өту қажеттігін, өтпеген жағдайда айыппұл салыну мәселесі қызықтырып, осы тұста көптеген сауалдарын қойды. Сонымен қатар, инвестициялық жобаларды іске асыру үшін жан-жақты қолдау көрсету мақсатында жергілікті атқарушы органдармен қатар прокуратура органдары тарапынан жүргізілген шаралар жөнінде аудандық прокурор Асқар Кемалов баяндады.&nbsp;Іссапар барысында жұмысшы топ Сырдария ауданының кәсіпкерлік нысандарының жұмысымен танысты. Соның бірі 2023 жылы «Ауыл аманаты» бағдарламасы арқылы құм блоктарын өндіруге арналған матрицаларды сатып алуға 7,3 млн. теңге алған жеке кәсіпкер Өмірхан Бержановтың өндіріс орны. Мекеме қазіргі таңда тәулігіне 1000 дана құм блоктарын шығарып, 4 адамды жұмыспен қамтып отыр.&nbsp;Екінші нысан Қалжан ахун ауылындағы 2023 жылы «Ауыл аманаты» бағдарламасы арқылы алынған 8 600 000 млн.теңгеге «Жылыжай» салған жеке кәсіпкер Серік Әбжалиев. Ол өз жылыжайында қияр егіп, 3 азаматты жұмыспен қамтып отыр.Ендеше ауылдарымызда еңбек етіп жүрген кәсіп иелерінің істері алға бассын, экономикамыздың дамына өз үлестерін қоса берсін. Ал, жұмысшы топ өкілдері өз кезегінде барша кәсіпкерлерге өз тараптарынан қолдау білдіруге әрқашан дайын екенін білдірді.<img src="https://knadmin.beoblood.kz/uploads/4_e46de8912c.jpg" alt="4.jpg">

Сырдария ауданында кәсіпкерлермен кездесу өтті

<a href="https://kyzylorda-news.kz/">Kyzylorda-news.kz</a> Қазақстандық дзюдошы Нұрлыхан Шархан Париж Олимпиадасының ширек финалына шыға алмады. Ол 1/8 финалда өзбек балуаны Музаффарбек Туробовқа жол <a href="https://massaget.kz/basty-zhaalytar-438/113055/?fbclid=IwY2xjawEYQpdleHRuA2FlbQIxMQABHYT20WUVrIXZ3Sv9GpADCfk3fi7k5fcEssePznMeYm-996IwucsU6D7LhQ_aem_CgtKcOidwhHrYw0fYSGOLQ&amp;sfnsn=wa">берді.</a>Белдесу кезінде екі қарсылас бір-бірден вазари әдісін жасаған еді. Кейін өзбек балуаны тағы бір вазари жасап, иппонмен жеңіске жетті.Музаффарбек Туробов – 2022 жылғы әлем чемпионы.Айта кетейік, Нұрлыхан бірінші белдесуінде екі дүркін Еуропа чемпионы Тома Никифоровты жарыс жолынан шығарған еді.&nbsp;Фото: massaget.kz

Нұрлыхан Шархан өзбектен шыққан әлем чемпионын жеңе алмады

Айтыскер ақын Айнұр Тұрсынбаева атақты адамдар өз өлімін сөз арқылы сұрап алғанын айтты, – деп хабарлайды<a href="https://massaget.kz/basty-zhaalytar-438/113023/">&nbsp;Massaget.kz.</a>«Сөздің киесі бар. Қыршынынан қиылған Денис Теннен «спортта қай жасқа дейін жүресің?» деп сұрағанда, «25 жасқа дейін» деп жауап берген. Оның 25-ке жетпей қаза тапқаны естеріңізде шығар?», – деді Айнұр Тұрсынбаева әлеуметтік желідегі парақшасында.&nbsp;«Оразалы Досбосынов деген алапат ақын досым көбінесе сөзді: «Атым Ораз болғанмен, Отыздан жасым аспаған, Иегін сақал жаппаған. Сүйінбаймын, Жамбылмын, Таңжырықпын, Шарғынмын» деп бастайтын…Шынында жасы отыздан аспады, небәрі 29 жасында жарық дүниемен қош айтысып кете берді», – деп тағы бір танымал тұлғаның тағдырын мысалға келтірген ол бірнеше адамның оқиғасын тізіп, баяндап берді.&nbsp;Кейін Оралдан Асылбек деген ақын бала шықты. Сол бала өзінің ең соңғы айтысында: «Бір күнде бес ақынмен, Айтысып бәрін жеңетін, Оразалының жолын бер» деп жырлаған екен. Арада көп уақыт өтпей жап-жас Асылбек тура Оразалы ағасы құсап жол апатынан қаза тапты», – деп тағы бір дерек келтірді ақын.&nbsp;Айнұр Тұрсынбаеваның айтуынша, атақты Жәнібек Кәрменовтың бір термесінде «Жалғыз шықпа сапарға, өкініште қаларсың» деген жолдар бар екен. Жәнібек Кәрменов жолға жалғыз шығып кетіп жүрегі тоқтап қалып, жол апатына ұшырап қайтыс болғанын біреу біліп, біреу білмес.«Атақты Мұқағалидың да: «Ұйықтап кетсем болғаны төсегімде, Қырықтың бесеуінде» деген өлеңі бар.. Ақиық ақын шынында 45 жасында дүниеден өткен еді”,- tдп жазды Айнұр ақын.&nbsp;Ол осылайша, сөздің киесі бар екенін, сондықтан ауызға абай болу керегін ескертті оқырмандарына.&nbsp;<blockquote>«Біз көбінесе сөзге мән бермей жатамыз. Әсіресе, ашулансақ, балаларға ұрыссақ артық кетіп қаламыз. «Өстіп жүріп бір бәлеге ұрынасың, суық тиіп өлесің, оқудан шығарып жібереді, адам болмайсың, енеңнен таяқ жейсің, басыңды асырай алмайсың» деген сияқты артық сөздерді айтып жібереміз. Исламда «жақсы сөз сөйле, болмаса үндеме» деген xадис бар. Ендеше жақсы ойлап, тек қана жақсы сөз сөйлеп үйренейік. Сонда бәрі де жақсы болады», – деп қорытындылады Айнұр айтқысы келген ойын.&nbsp;</blockquote>Фото: Yohei Osada / AFLO SPORT / Global Look Press

«Денис Тен өлімді өзі тілеп алды»: Айнұр Тұрсынбаева

<a href="https://kyzylorda-news.kz/">Kyzylorda-news.kz</a>&nbsp;&nbsp; Бүгінгі «Ауыл аманаты» айдарындағы біздің кейіпкерлеріміз Ақсуат ауылдық округінің тұрғындары Аралбаевтар әулеті. Олар өздерінің алғашқы отбасылық кәсіптерін «Ауыл аманаты» ұлттық жобасы арқылы ашып, шұлықтар өндіруді қолға алған. Бұл туралы «Байқоңыр» әлеуметтік-кәсіпкерлік корпорациясының баспасөз қызметі хабарлады.&nbsp;Анасы Сәрсенкүл мен баласы Нұрболат «Байқоңыр» әлеуметтік-кәсіпкерлік корпорациясы арқылы ұлттық жоба аясында өткен жылдың қараша айында 5 млн теңге көлемінде несие алып, оған соңғы үлгідегі шұлық дайындайтын құрылғы сатып алған. Бүгінде цехта жыл мезгілдеріне арналған шұлықтың бірнеше түрлері дайындалып, сатылымға шығарылуда.Ашылғанымызға көп болмаса да, халықтың сұранысы арта бастады. Бүгінде цехта әзірге күніне 300-400 дана шұлық әзірлеудеміз. Ол өнімдерді өзіміздің ауылдық округта және қаламыздағы дүкендерге өткізудеміз. Сондай-ақ, базардан арнайы сауда нүктесін жалға алып, шұлықтарымызды сол жерден сатудамыз, – деді Нұрболат Әбдіраман.Кәсіпкердің айтуынша биыл да аталмыш бағдарлама арқылы тағы да несие алып, кәсібін кеңейтпекші. Сол мақсат жүзеге асса, арнайы тігін фермасын ашуды көздеп отыр.Фото: Ашық дереккөз

«Ауыл аманаты» жобасы арқылы шұлық шығаратын цех ашты

Ұстанымымыз – заңдылық пен тәртіп

<a href="https://kyzylorda-news.kz/">Kyzylorda-news.kz</a>&nbsp; 31 шілдеде Қызылорда облысында 75%-ға жуық күйік жарақатымен қатты күйіктен зардап шеккен, аса ауыр жағдайдағы екі бала шұғыл түрде Алматы қаласының Балалар және шұғыл медициналық көмек орталығына жеткізілді.Пациенттердің жағдайы ауыр, барлық қажетті емдеу шаралары жүргізілуде.&nbsp; Бұл туралы ҚР Денсаулық сақтау министрі Ақмарал Әлназарова өзінің Facebook әлеуметтік парақшасында <a href="https://www.facebook.com/100006560162743/posts/3849565898605378/?mibextid=oFDknk&amp;rdid=8Nce3BFpJtwGV3CZ">жариялады.</a>

Қызылорда: Алматыға санавиация бортымен күйіп қалған екі бала жеткізілді

<a href="https://kyzylorda-news.kz/">Kyzylorda-news.kz</a>&nbsp;&nbsp; Мұндай бұзушылықтар үшін жеке тұлғалар үшін 185 мың теңге, заңды тұлғалар үшін 738 мың теңге мөлшерінде айыппұл қарастырылған. Белгілі актер Нұртас Адамбайға айып тағылды. Бұл туралы ақпарат Сот кабинетінде пайда болды, деп хабарлайды <a href="https://kyn.kz/35949/n-rtas-adambay-a-ayyp-ta-yldy">KYN.KZ</a> ақпарат агенттігі.Нұртас Адамбайға Діни қызмет және діни бірлестіктер туралы заңнамасын бұзды деген айып тағылып отыр.Атап айтқанда діни ғимараттарды салу, ғимараттарды діни мақсатта қайта тағайындау, функционалдық мақсатын өзгерту бойынша Қазақстан заңнамасындағы талаптарды бұзуға қатысты.Мұндай бұзушылықтар үшін жеке тұлғалар үшін 50 АЕК (185 мың теңге), заңды тұлғалар үшін 200 АЕК (738 мың теңге) мөлшерінде айыппұл қарастырылған.&nbsp;Сурет: ашық дереккөздерден

Нұртас Адамбайға айып тағылды

<a href="https://kyzylorda-news.kz/">Kyzylorda-news.kz</a>&nbsp; Париждегі жазғы Олимпиада ойындары жалғасады. Бүгін отандастарымыз 4 спорт түрінен жарыс жолына шығады. Қазақстандықтар ойындарды Qazsport, Qazaqstan, "Хабар", "Ел Арна" және Jibek Joly арналарынан тікелей эфирде тамашалай<a href="https://massaget.kz/basty-zhaalytar-438/113027/"> алады.</a>Қазіргі таңда Қазақстан құрамасының қоржынында 1 алтын, 2 қола медаль бар. Дзюдошы Елдос Сметов Олимпиада чемпионы атанса, Ғұсман Қырғызбаев қола медаль алды. Ал Олимпиаданың ең алғашқы жүлдесін мергендер Ислам Сәтпаев пен Александра Ле аралас жұптық сайыста жеңіп алған еді. Жалпыкомандалық есепте 16-орында тұр.Бүгін жарыс жолына шығатын спортшыларымызға сәттілік серік болсын.Садақ ату. Жекелей сын, 1/32 финал 12:43. &nbsp;Дәулетуелді Жаңбырбай – Хорхе Энрикес 21:19. &nbsp;Александр Еременко – Батис АддисДзюдо. 1/16 финал 13:00. -100 кг. &nbsp;Нұрлыхан Шархан – Тома Никифоров50 м үш жағдайда оқ ату. Жекелей сын. Іріктеу 15:00. Александра Ле, Арина АлтуховаБокс. 1/8 финал 18:30.&nbsp;50 кг. &nbsp;Назым Қызайбай – Каролин БарбозаШирек финал: 20:54. &nbsp;Айбек Оралбай – Лорен Альфонсо Домингес 00:36. &nbsp; Мұхаммедсабыр Базарбайұлы – Лаша ГурулиФото: massaget.kz

Архив