<a href="https://kyzylorda-news.kz/">Kyzylorda-news.kz</a>. Қызылордалық Асылжан Абдуллаев алғаш рет жасанды интеллекті қазақша сөйлеткен жас технократ. Ол жасанды интеллектті қазақша сөйлету үшін 300 мыңнан астам сөз бен 220 млрдтан астам ақпаратты енгізген. Бүгін Өңірлік коммуникациялар қызметінің ақпарат алаңында облыстағы үздік IT жобалар мен жасанды интеллекті дамыту жайында сөз қозғалды.<blockquote>- 2024 жылдың 1-3 ақпан аралығында Алматы қаласында “Digital Almaty 2024” атты халықаралық форумы өтті. Аталмыш форумға көптеген компаниялар мен 30 000-ға жуық қатысушылар қатысты. Оның ішінде Қызылорда облысынан Асылжан Абдуллаев та өзінің жобасын алып барды. Форумға келген халықаралық мамандар мен IT бағытындағы компаниялардың барлығы Асылжанның жаңа жобасымен етене танысты. Форум барысында жас ғалым құны 1 миллион теңге тұратын стэндті ұтып алды. Сондай-ақ, ол Өзбекстанда өтетін “IT Park” форумына шақырту алды. Сол шарада жас ғалым өз жобасын таныстыратын болады,- деді Қызылорда облысы әкімі аппаратының цифрлық технологиялар бөлімінің басшысы Сәбит Ибадулла.</blockquote>Жас ғалым білімі мен тапқырлығының арқасында ерекше жобаны сәтті жүзеге асырды. Тіпті, жас өреннің жаңа жобасына америкалық ғалымдар қызығушылық білдірген.&nbsp;- “Digital Almaty 2024” халықаралық форумының аясында біздің “QazaqGPT” жобасы Орталық Азиядағы 300 стартаптың үздік ондығына кірген еді. Жалпы “QazaqGPT” деген не? деген сұрақ туындауы мүмкін. Бұл - интеграцияланған жасанды интеллект мүшесі. Яғни, біз отандық модельдерді қолдана отырып, “Open air” базасында өзіміздің жасанды интеллекті құрған болатынбыз. Негізінен, бұл жоба “InnoFest” базасында пайда болды. Сол мезетте жасанды интеллектің қазақ тілінде дұрыс дамымағанын ескеріп, осындай жоба жасауды жөн көрдік. Қазіргі таңда “Enactus” халықаралық ұйымының стратегиялық эдвайзері, американдық азамат Рэндел Брюнстен ұсыныс түсті. Одан бөлек, біз халықаралық деңгейге шығуға тырысып жатырмыз, - деді жас ғалым.Фото: өңірлік коммуникациялар қызметі

Жасанды интеллектті қазақшалаған қызылордалық оқушы

<a href="https://kyzylorda-news.kz/">Kyzylorda-news.kz</a>. Бірыңғай жинақтаушы зейнетақы қорының басқарушы директоры Мұрат Шәріпов балаға ұлттық қордан аударылған қаржыны пайдаланбаған жағдайда ол ақшаның қайда кететінін айтты, деп хабарлады <a href="https://sputnik.kz/">Sputnik Қазақстан</a>.Биылдан бастап "Ұлттық қордан – балаларға" бағдарламасы аясында ақша аударыла бастады. 18 жасқа толған адам жиналған қаржыны білімге немесе тұрғын үйге жұмсай алады.Бірыңғай жинақтаушы зейнетақы қорының басқарушы директоры Мұрат Шәріповтың айтуынша, балалардың есеп-шотына түскен ақша қорда сақталады. Оны инвестиция ретінде ешқайда салмайды. Қорда жата береді.&nbsp;<blockquote>"Кәмелет жасқа толған баланың ақшасы қорда 10 жыл бойы сақталады. Егер ол өтініш бермесе, онда бұл ақша ерікті зейнетақы жарнасы ретінде зейнетақы есепшотына аударылады. Оны заң бойынша пайдалануға болады", - деді Шәріпов орталық коммуникациялар қызметінде өткен брифингте.</blockquote>&nbsp;Айта кетері, биыл 304 815 бала 18 жасқа толады. Олардың барлығына ұлттық қордан 100 доллар түсті. Оны жұмсай беруге болады. Осы уақытқа дейін 100-ден астам өтініш түсті. Соның ішінде 54 бала білім беру ақысын төлеуге, ал 49 бала тұрғын үй жағдайын жақсарту үшін ақша аударуға өтініш білдірді. Заң бойынша өтініш 5 күннің ішінде қаралады.

Ұлттық қордан аударылған ақшаны пайдаланбаса не болады?

<a href="https://kyzylorda-news.kz/">Kyzylorda-news.kz</a>.&nbsp; Қызылордалық жас өнертапқыш Жұлдызай Мұңайтбасова «Zhalyn» өртті алдын алу ақпараттық жүйесін жасап шықты. Бұл жүйе ірі өрттерді болдырмауға бағытталған.&nbsp;Kazinform хабарлауынша, ақпараттық жүйе халықтың орман өрті туралы хабардар болуына арналған экологиялық жоба ретінде бағаланып отыр. Мақсаты - еліміздегі орман өрттерінің жойқын әсерін барынша азайту.&nbsp;Жұлдызай Мұңайтбасова Қызылорда қаласындағы Назарбаев Зияткерлік мектебінде 11-сыныпта оқиды.&nbsp;<blockquote>«Бұл кешенді жүйе ең алдымен сезгіш құралдар арқылы сала мамандарына орман жағдайы, аумағы, қай аймақта болып жатқаны туралы ақпарат береді. Содан кейін мамандар сол аймаққа барып орман деңгейін анықтай алады. Сондай-ақ, радио толқындар интернетке ретранслятор арқылы айналып, жергілікті халыққа ақпаратты платформа және сервер арқылы жібереді. Осылайша барлық адам алғашқы сатыда өртті анықтап, жұмыла жұмыс жасауына мүмкіндігі бар. Ол экономикалық, әлеуметтік шығынды азайтады. Артықшылығы - бұл өртті алғашқы сатыда анықтайтын жүйе. Жүйе анықтауға, алдын алуға, жұмыс жасауға жол ашады. Нақты іске асыру үшін бізге қазіргі таңда серіктестік қажет. Үкімет, төтенше жағдайлар министрлігінен қолдау жасалса деген ұсыным бар. Содан кейін жобаны нарыққа шығарып, іске асыруға болады», - дейді Жұлдызай Мұңайтбасова.&nbsp;</blockquote>Өрт туралы ақпарат бәріне ашық болады. Ақпарат министрлік пен қарапайым адамға қолжетімді.&nbsp;<blockquote>«Өткен жылы жазда Абай облысында ірі өрт болды. Өрт аумағы бір күннің ішінде 100 гектарға дейін созылды. Сол уақытта біз елімізде әлі де шешілмеген осындай мәселе бар екенін анықтадық. Алдағы уақытта серіктестік және жобамызға инвестиция іздейміз. Келешекте жобамызға тағы да бір жүйе қосылады. Ол өртті ғарыштан бақылауға және орманшының қауіпсіздігін қамтамасыз етуге арналады», - деді жас өнертапқыш.</blockquote>&nbsp;

Қызылордалық өнертапқыш өрттің алдын алатын ақпараттық жүйе жасады  

<a href="https://kyzylorda-news.kz/">Kyzylorda-news.kz.&nbsp;</a> Неонатолог - бұл жаңа туған нәрестелердің денсаулығын күтуге маманданған дәрігер. Олар өмірінің алғашқы күндері мен апталарында ерекше назар мен күтімді қажет ететін сәбилерге мамандандырылған медициналық көмек көрсетеді. Дүниеге келген әр нәресте алдымен осы мамандардың қолынан өтсе де жұрт олардың қызметінен хабарсыз.&nbsp;Қызылорда облыстық перинаталдық орталығында қазіргі уақытта нәрестелер бөлімі, нәрестелер жансақтау және нәрестелер патологиясы бөлімшесі жүйелі әрі нәтижелі жұмыс істейді. Бөлімшелердің негізгі міндеттерінің бірі медицина ғылымы мен тәжірибесінің қазіргі заманғы жетістіктері деңгейінде жаңа туған және шала туылған нәрестелерге, оның ішінде экстремалды және өте төмен аз салмақтағы нәрестелерге жоғары білікті неонатологиялық көмек көрсетеді.&nbsp;Ана мен бала орталығында КРН палатасы (жаңа туған нәрестелерді реанимациялау командасы), 60 төсектік нәрестелер патологиясы және 20 төсектік нәрестелер жансақтау бөлімшесі жұмыс істейді. КРН палатасында сәби дүниеге келгеннен кейін, жағдай тұрақтанғанға дейін екі сағат ішінде дәрігерлер қосымша көмекке мұқтаж нәрестелерді бақылайды.&nbsp;&nbsp;<blockquote>«Бүгінгі таңда перинаталдық орталықта жаңа туған нәрестелердің жағдайын тұрақтандыру бойынша заманауи бағдарламалар енгізілді, яғни өкпе тінінің жарақатын барынша азайтатын сурфактант әдісі, жылу тізбегін сақтай отырып, инвазивті емес өкпені жасанды желдету режимдері, операциялық процедуралар стандарттарының ережелері, ерте энтеральды және парентеральды тамақтану, санитарлық нормалар, сондай-ақ тасымалдау шарттары сақталады. Неонатологиялық қызметтің негізгі функцияларының бірі жаңа туған нәрестелердегі аурулардың алдын алу және емдеу. &nbsp;Облыстық перинаталдық орталық өзінің неонатологиялық қызметін әртүрлі дертке шалдыққан жаңа туған нәрестелерді диагностикалау және емдеу үшін қажеттінің барлығымен қамтамасыз етеді. Жаңа туылған нәрестенің жағдайын Апгар шкаласы бойынша бағалау бала туғаннан кейін бірден, өмірінің алғашқы минуттарында жүргізіледі. Бұл қажет болған жағдайда алғашқы көмек көрсету үшін жасалады. Яғни 5 көрсеткіш: терісінің түсі, жүрек соғу жиілігі, рефлекстері, бұлшықет тонусы, тыныс алу функциясы. Жаңа туған нәрестелерге аудиологиялық скрининг, генетикалық скрининг, неонаталды скрининг, сонымен қатар шала туған нәрестелерге офтальмологиялық скрининг жүргізіледі. Нәрестенің алғашқы күндері вакцинациялануды дәрігердің тағайындауынан кейін дене қызуы өлшеніп, анасының жазбаша рұқсатымен және қатысуымен егу кабинетіне туберкулезге қарсы БЦЖ, гепатитке қарсы ВГВ екпелері жасалады. Ең бастысы, бөлім мамандарының сауатты жұмысының арқасында әртүрлі салмағы және патологиялары бар балаларға қажетті күтім, ем жасалады. Дәрігердің, медбикенің, ананың біріккен командалық іс - әрекетінің нәтижесінде салмағы 1 келіге дейінгі кішкентай сәбилерге де өмір сүруге мүмкіндік беріледі», - дейді орталықтың дәрігер-неонатологы Айкен Кенжеханова. &nbsp;</blockquote><img src="https://knadmin.beoblood.kz/uploads/46b7b25d_fb1c_494b_88e4_be4b9daaad4b_1070cffb01.jpg" alt="46b7b25d-fb1c-494b-88e4-be4b9daaad4b.jpg">Қазіргі таңда әйелдердің ерте босануы қоғамдық проблемаға айналып отыр. &nbsp;Перинаталдық орталықтың дерегінше соңғы жылдары нәрестелердің мерзімінен бұрын туылуының тұрақты өсуі байқалады. Аталған орталықта 2023 жылдың 11 айында 9276 нәресте туылса, оның ішінде 620 шала туған сәбилер.&nbsp;&nbsp;<blockquote>«Сәбидің шала туылуы мен даму ақауларының болуы ең алдымен анасының денсаулығына байланысты. Одан кейн зиянды әдеттер, экология, стресс, тұқым қуалаушылық та бар. Жастар отбасын құрмас бұрын міндетті түрде дәрігердің кеңесін алуы керек. Сонымен қатар жүктілікті жоспарлау да көп келеңсіздіктің алдын алады. Бала көтеруге дайындықты үш ай бұрын бастауға кеңес беремін. &nbsp;Созылмалы ауру болса емделіп, дәрумендермен ағзаны толтырған жөн», - дейді Айкен Мырзахбарқызы.&nbsp;</blockquote>&nbsp;Айта кетейік, Қызылорда облыстық перинаталдық орталығында 39 неонатолог дәрігер бар. Мамандар өмірінің алғашқы күндері мен апталарында ерекше назар мен күтімді қажет ететін сәбилерге мамандандырылған медициналық көмек көрсетеді.&nbsp;&nbsp;&nbsp;

Айкен Кенжеханова: Бала денсаулығы бәрінен қымбат 

<a href="https://kyzylorda-news.kz/">Kyzylorda-news.kz</a>.&nbsp; Бүгінде Сыр өңірінде халықтың қолайлы тұрмысына, өмір сүру сапасын арттыруға бағытталған әлеуметтік жобалар жүзеге асырылып келеді. Кеше тұрғындар өтініш-тілегі ескеріліп, тағы да 70 автобус қалаішілік бағыттарға қосылды. Іс-шараға облыс әкімі Нұрлыбек Нәлібаев, облыстық мәслихат төрағасы Наурызбай Байқадамов, ардагерлер мен жауапты сала басшылары қатысты.Аймақ басшысы қызылордалықтарды жаңа қоғамдық көліктердің ел игілігіне табысталуымен құттықтады.<blockquote>«Соңғы екі жылда мектеп оқушыларына 30 автобус, денсаулық сақтау саласына 70 жедел жәрдем, орманшыларға 470 техника, құқық қорғау органдарына 92, ветеринарларға 30 қызметтік автокөлік, электр тарату торабына 16 автокөлік алынды. «Үлгілі елді мекен» облыстық конкурсының жеңімпаздарына күнделікті ел тұрмысына ең қажетті деген заманауи үлгідегі 29 арнайы техника берілді.Облыс орталығындағы жолаушылар тасымалдау қызметін жақсарту мақсатында соңғы екі жылда 200 жаңа автобус алдық. 2022 жылы 150 жаңа автобус сатып алынса, өткен жылы тағы 50 үлкен сыйымдылықтағы көлік қалалық және қала маңындағы бағыттарға қосылды. Осы жылы 100 жаңа автобустың ел игілігіне берілуі жоспарланса, соның 70-і бүгін табысталуда. Осылайша облыс орталығындағы қоғамдық көлік мәселесін түбегейлі шешеміз. Баршаңызды қалалық бағыттарға қосылатын жаңа қоғамдық көліктердің табысталуымен шын жүректен құттықтаймын», – деді Нұрлыбек Машбекұлы.</blockquote><figure class="image"><img src="https://knadmin.beoblood.kz/uploads/418158847_692545449733369_6764747908198447113_n_0a6e87744d.jpg" alt="418158847_692545449733369_6764747908198447113_n.jpg"></figure>Іс-шарада көлік саласының ардагері Өмірбек Шәменов те жерлестерін құттықтады.Айта кету керек, «Қызылорда автобус паркі» ЖШС-не қарасты үлкен сыйымдылықтағы автобустарда мүмкіндігі шектеулі жандар, ересектер мен оқушылар үшін QR-кітап оқуға қолайлы жағдай жасалған. Ал автобустардың келуін «2ГИС» және «Яндекс GO» ұялы қосымшалары арқылы бақылауға мүмкіндік бар.Қазір өңірде жол-көлік саласын дамытудың ауқымды жобалары жүзеге асуда. Өткен жылы республикалық және облыстық бюджеттен 38,5 млрд. теңге бөлініп, 671 шақырым жол жөндеуден өтті. Нәтижесінде облыстағы жақсы жағдайдағы жолдың үлесі 87,5 пайызға жетті. Республикалық және облыстық бюджеттен бөлінген 25 млрд. теңгеге 230 шақырым жол жөнделеді. Жыл соңына дейін жақсы және қанағаттанарлық жағдайдағы жолдардың үлесі 90 пайыздан асады.Қызылорда қаласында 975 млн. теңгеге заманауи үлгідегі автовокзал салынуда. Халық көптен бері мәселе етіп көтерген Ғ.Мұратбаев және Яссауи көшелерінің қиылысындағы теміржол арқылы өтетін жаяу жүргіншілер көпірі ел игілігіне берілді.Жұртшылықтың сұранысына сәйкес «Қызылжарма» каналы арқылы «Бәйтерек» шағын ауданына өтетін көпірі ашылды. Биыл Қызылорда қаласында Жаппасбай батыр көшесі 4 жолақты болып кеңейтіліп, Яссауи көшесі қайта жаңғыртылады. Жанқожа батыр көшесінен теміржол асты көпірі салынады. Бұл жобаларға республикалық және облыстық бюджеттен 11 млрд теңгеге жуық қаржы қаралды.Фото: облыс әкімінің баспасөз қызметі

Нұрлыбек Нәлібаев: Қоғамдық көлік мәселесін түбегейлі шешеміз

<a href="https://kyzylorda-news.kz/">Kyzylorda-news.kz</a>. Мәжіліс депутаты Нартай Аралбайұлы орман шаруашылығында қызметкерлердің жалақысы небәрі 9 мың теңгеге өскенін айтты, деп хабарлайды EL.kz ақпарат агенттігі.<blockquote>Семей орманындағы апаттан кейін 1 шілдеден бастап орманшылардың жалақысы көтеріледі делінді. Бірақ айналып келгенде Үкімет мүшелерінің сол кезде орманшыларға айтқан уәдесі өтірік болды. Ол артынша әшкере болды. Жазда орманшылармен кездескеннен кейін депутаттық сауал жолдадым. Сонда орман шаруашылығында жалақысы көтерілгендер тек басшылар, директорлар, орынбасарлары, инспекторлар мен инженерлер екенін белгілі болды, - деді мәжілісмен.</blockquote>Депутаттың сөзінше, Семей орманындағы апаттaн қаза тапқан орман шаруашылығындағы өрт сөндірушілерге, көлік жүргізушілері, трактор жүргізушілерінің жалақысына бір тиын да қосылмағаны анықталды.<blockquote>Сол кездегі депутаттық сауалыма Үкіметтен жауап келгенінде «олар штаттан тыс қызметкерлер, сондықтанда&nbsp; 2023 жылдың 1 шілдесінен бастап 1,7 салалық коэффициентпен өседі. 2025 жылы 2-ге өседі» деген. Бұл коэффициент есебінде жақсы шығар бірақ, санға салсақ өте ұят. Былтыр орман шаруашылығындағы өрт сөндірушілер 64 349 теңге алып жүрген. Орман шаруашылығының азаматтарынан сұрасам, 1 қаңтардан бастап 9 мың теңге қосылғанын айтты. 80 мың теңгеге жетпейтін ақша аламыз деп отыр. 2025 жылы қосса 164 808 теңге болады екен, оның пайызын алып тастасақ, 135 мың теңге алады. Бұл орманшылардың жұмысын бағаламаудың, неқұрайлы қарау деп білемін. Бұл бір отбасын асырауға жеткілікті ме? - деді Нартай Аралбайұлы.</blockquote>Депутаттың бұл сауалына Экология және табиғи ресурстар министрі Ерлан Нысанбев көктемде штаттан тыс қызметкерлердің де жалақысын көтеретінін және ол бойынша есеп дайындап жатқанын жеткізді.

Нартай Аралбайұлы: Семей орманындағы өрттен кейін тек басшылардың жалақысы жоғарылаған

<a href="https://kyzylorda-news.kz/">Kyzylorda-news.kz</a>. &nbsp;Сотты болған экс-министр Елжан Біртанов <a href="https://www.youtube.com/watch?v=iV_aaVJe3Fc">"Уақыт көрсетеді"</a> сұхбатында қалай мемлекеттік қызметке барғанын, сотталуына қандай себептер болғанын айтты, - деп хабарлайды <a href="https://dalanews.kz/">Dalanews.kz</a>.&nbsp;Біртанов үш жыл денсаулық сақтау министрі қызметін атқарды. Экс-шенеуніктің сөзінше, Назарбаев тағайындар алдында шақырған."2017 жылы бір үлкен министрлікті екі министрлікке бөлеміз" деп шешім қабылдады. Сол күні мені Нұрсұлтан Назарбаев қабылдауына шақырды. "Қандай ойларың бар?" деп сұрады. Әлеуметтік-медициналық сақтандыру бойынша сұрады. 2015-те "Жүз нақты" қадам деген жоспардың ішінде "сақтандыру енгізуіміз қажет" деген. Жоспар бойынша 2017 жылы жазда енгізуіміз қажет болған. "Біз дайын емеспіз, халық та дайын емес. Тағы да уақыт керек" деп айттым. Маған сенген болуы мүмкін. Сол күні тағайындады. Әрі қарай жұмыс істедік. Қазір көп адам "Ескі Қазақстан", "Жаңа Қазақстан" деп айтады ғой. Мен медициналық саланың маманы болғаннан кейін ең маңызды мәселе - денсаулық сақтау жүйесі. Ол 30 жылда дамудан өтті: жақсылықтар да болды, жамандықтар да болды.<blockquote>Мен кәсіби маман ретінде Ескі Қазақстан, Жаңа Қазақстан деп бөлмеймін.</blockquote>Мен болашақ Қазақстанға сенемін. Қазір саяси жұмыстан кеттім ғой. Саясатта жүрген мемлекеттік қызмет адамдарына маңызды сұрақ (Назарбаевты жамандап, қазіргі жүйені мақтайындарға пікірі - еск.)", - дейді Біртанов.2020 жылы Біртанов ұсталғаны белгілі болды. Оның айтуынша, жымқырды делінген ақшаны өздері алмаған, шетелдік компания алған. Бұрынғы министр өзінің ұсталуына қатысты болжамын да айтты."Көп жемқорлық ашылды. Жақтырмайтын азаматтар көбейді. Тікелей осы адам деп ойламаймын. Қазір мүлде ойламаймын. Болатыны болды. ...Қылмыс ойда болған жоқ. Ниет болған жоқ. "Жемқор" деп түрмеге отырғызды, соттады. Әрине, келіспейсің. Сот сондай шешімдерді қалай қабылдайды? Сол таңғалатыным. Содан қорқатыным. Тапсырма болса, таза адамды "жемқор" деп соттайды. Өзіміздің заңдарды бұзып жатады. Заңды қозғайтын азаматтар соны бұзады. Соны тоқтатуымыз қажет.<blockquote>"Мойында, сонда бәрі бітеді, ертең сот болады, шартты мерзім береді" деді. "Ал мойындамасаң, жалғастырамыз, іс қозғаймыз" деді.</blockquote>"Мойындамаймын, неменеге мойындаймын?! Істейтіндеріңізді істеңіздер" дедім. "Ертең түрмеге апарамыз" деп қорқытты. Бірақ, расында, екі-үш күннен кейін жаңа тергеуші келді, тағы бір іс қозғалды. Ол істе де ешқандай қылмыс болған жоқ. Нәтижесі жоқ", - деді экс-министр.Фото: dalanews.kz

"Ертең түрмеге апарамыз" деп қорқытты: Біртанов өз шындығын айтты

<a href="https://kyzylorda-news.kz/">Kyzylorda-news.kz</a>. Үкіметте бел жазбай еңбек етіп жүрген министрлер мен олардың орынбасарлары қанша жалақы алатыны мәлім болды. Бірақ өткен жылы Смайлов басқарған Үкіметтегі ақ жағалылардың айлық жалақысының бір бөлігін инфляция жеп қойыпты, – деп жазады <a href="https://dalanews.kz/">Dalanews.kz</a>. &nbsp;<a href="https://t.me/DataHub_FCBK/2353">DATA HUB</a> Телеграм арнасының мәліметінше, 2023 жылы министрлер мен олардың орынбасарларының орташа жалақысы шамамен 1,4 миллион теңгені құраған. Бұл қарапайым халық үшін өте қомақты ақша.Өткен жылы мұндай қомақты айлықты Үкімет үйінде еңбек етіп жүрген 334 лауазымды тұлға алған.<blockquote>Осылайша Үкіметтің кулуарындағы орташа айлық 1 362 532 теңгені құрады.</blockquote>2022 жылмен салыстырғанда бұл көрсеткіш номиналды түрде 7%-ға өскенін байқауға болады. Ал көрсетілген кезеңде инфляция деңгейі бұдан біршама жоғары болып, шенділердің айлығының біршамасын инфляция жеп қойған.

Министр мен олардың орынбасарларының айлығы қанша?

<a href="https://kyzylorda-news.kz/">Kyzylorda-news.kz</a>. Бүгінде облыста бастапқы медициналық санитариялық көмек көрсету ұйымдарына 816 мыңнан астам адам тіркелген. Оның 82,4 пайызы мемлекеттік медициналық ұйымдардың көмегіне жүгінеді. Қазіргі таңда, облыс тұрғындарына 25 стационарлық ұйым, 26 амбулаториялық емхана, 100 дәрігерлік амбулатория, 25 фельдшерлік акушерлік бекет пен 97 медициналық бекет қызмет көрсетуде. Сондай-ақ, облыс халқына 2 860 дәрігер, 10 721 орта буынды маман қамтылған. Бұл жөнінде Өңірлік коммуникациялар қызметінің ақпарат алаңында облыстық денсаулық сақтау басқармасының басшысы Олжас Искаков хабарлады.<blockquote>Өңірімізде медицина саласын жетілдіруге бюджеттік қаржыдан бөлек басқа да қаржы тартылуда. Мәселен, былтырдан бастап «Қазақстан Халқына» қоғамдық қорымен әріптестік байланыс орнатып, Сыр медицинасына 2 млрд теңгеден астам қаржы бөлді. Осы қаржыға облыстық балалар ауруханасында Қамқорлық реабилитациялық орталығына медициналық құрал-жабдықтар, қажетті қүрылғылар және аса қымбат дәрі-дәрмектер алынды. Одан бөлек, қор республика бойынша 3 облыста ғана бар құны 1,1 млрд теңгені құрайтын онкологиялық скрининг жүргізуге арналған жылжымалы медициналық кешенмен қамтамасыз етті. Бұл өз кезегінде шалғайдағы елді мекендердің тұрғындарын сапалы медициналық көмектермен қамтуға мүмкіндік берді. Бүгінде жүкті әйелдерге, жаңа туылған нәрестелерге, гинекологиялық аурумен ауыратын науқастарға жалғыз медициналық ұйым облыстық перинаталдық орталық қызмет көрсетеді. Осыған сәйкес, аталмыш нысанның жүктемесін азайту мақсатында наурыз айында көп бейінді облыстық ауруханасының жанынан 70 төсектік перинаталдық орталықты ашу жоспарлануда, - деді басқарма басшысы</blockquote>

Облыстық аурухананың жанынан 70 төсектік перинаталдық орталық ашу жоспарлануда

<a href="https://kyzylorda-news.kz/">Kyzylorda-news.kz</a>. Қ.Тоқаев дәрігерлер, полицейлер, құтқарушылар және коммуналдық қызметтерге алғысын білдірді, - деп хабарлайды <a href="https://kaz.tengrinews.kz/">Tengrinews.kz</a> тілшісі Ақордаға сілтеме жасап.<blockquote>"Жуырда еліміздің бірқатар өңірінде табиғат тосын мінез танытып, жағдай қиындаған кезде жергілікті атқарушы биліктің, Төтенше жағдайлар министрлігінің және құқық қорғау органдарының қызметкерлері, медицина мамандары, коммуналдық қызмет пен автомобиль жолдарының жұмысын қамтамасыз ету саласының өкілдері, сондай-ақ басқа да азаматтар халықтың қамы үшін жанқиярлықпен еңбек етті", - делінген хабарламада.</blockquote>Президент Қасым-Жомарт Тоқаев олардың бәріне шын жүректен алғыс айтып, жылы лебізін білдірді. Еңбегі ерен бір топ азамат мемлекеттік наградаға ұсынылды.Фото: Ақорда

Қ.Тоқаев дәрігерлер, полицейлер, құтқарушылар және коммуналдық қызметтерге алғыс білдірді

<a href="https://kyzylorda-news.kz/">Kyzylorda-news.kz</a>. Еліміздің еңбек сіңірген артисі Бақтияр Тайлақбаев <a href="https://nege.kz/news/kurmet-ordenne-kol-zhetkze-almay-ak-koydim-baktiyar-taylakbaev-2b11d5">NEGE</a> порталына берген сұхбатында Қайрат Нұртас пен &nbsp;Төреғали Төреәлі аудандық өнерпаздардың деңгейіндегі әншілер екенін айтқан. Әншінің айтуынша Кеңес заманында мұндай әншілер телеарналарға шығарылмаған.&nbsp;<blockquote>«Өздері ренжімесін, Қайрат Нұртас, Төреғали Төреәлі сынды әншілер Кеңес заманында да болған. Бірақ ондай таланттар аудандық өнерпаздардың деңгейінде саналғандықтан, телеарналарға шығара бермейтін. Барлығы дерлік көркемдік кеңестің сүзгісінен өтіп барып, жалпақ жұртқа таныстырылатын. Ал қазір пысықтардың заманы. Осының салдарынан ел танымайтын әншілер эфирде жүр. Меніңше, мемлекет орталық радио-телевидениедегі билікті өз қолына алатын уақыт жетті. Мығым бақылау жасамаса, желіде жұлдыз болғанның бәрі кәсіби әртістермен жағаласып кетті. Бұл үрдіс өнердің көсегесін көгерте алмайды. Музыкалық білімі жоқтар кәсіби әншілердің бағын байлап жатыр», - деді Байқтияр Тайлақбаев.</blockquote>

Бақтияр Тайлақбаев: Қайрат, Төреғалилар аудан өнерпаздары деңгейіндегі әншілер

<a href="https://kyzylorda-news.kz/">Kyzylorda-news.kz.</a> Талдықорғандағы облыстық перинаталдық орталықта жаңа босанған екі әйелдің өліміне қатысты қызметтік тергеу жұмыстары басталды, деп хабарлайды EL.kzақпарат агенттігі.Жетісу облыстық денсаулық сақтау басқармасы жыл басынан бері Жетісу өңірінде «Облыстық перинаталдық орталық» МКК базасында екі рет ана өлімі тіркелгенін мәлімдеді.Ведомстводағылар ДСМ-ның «Патологоанатомиялық диагностикамен қамтамасыз етуді ұйымдастыру стандартын бекіту туралы» бұйрығының 125-бабына сәйкес&nbsp;патологоанатомиялық ашу кез келген жағдайда ана қайтыс болғаннан кейін 24 сағат ішінде жүргізілетінін айтты.Қазіргі уақытта тергеу амалдары мен қызметтік тексеру жүргізіліп жатыр.

Архив