<a href="https://kyzylorda-news.kz/">Kyzylorda-news.kz.</a> Дәрігерлердің өңірлерге барып жұмыс істеуін ынталандыратын жаңа әдістер әзірлеу керек. Бұл туралы Үкімет отырысында Премьер-Министр Әлихан Смайылов айтты.<blockquote>«Тиісті кадрлармен, бірінші кезекте аса қажет мамандармен қамтамасыз ету үшін медициналық университеттер және колледж түлектерімен бірге тәжірибелі мамандарды да өңірлерге, әсіресе ауылдық жерлерге тарту мәселесін пысықтау қажет. Көріп отырғанымыздай, жұмыстар әлі де жеткіліксіз. Ынталандырудың жаңа әдістерін әзірлеу керек», - деді Премьер-Министр.</blockquote>Әлихан Смайыловтың дерегінше, денсаулық сақтау объектілерін медициналық жабдықтармен қамтамасыз ету көрсеткіші 84 пайыз құрайды. Олардың жартысынан көбі тозған. Сондықтан уақтылы және сапалы медициналық көмек көрсету үшін өңір әкімдіктері медициналық-санитариялық алғашқы көмек объектілерін қолданыстағы нормативтерге сәйкес жабдықтауы қажет.<blockquote>«Денсаулық сақтау саласын цифрландыру жұмыстарын күшейту керек. Бұл ретте, медициналық-санитариялық алғашқы көмек объектілеріне ерекше көңіл бөлу қажет. Өңір әкімдіктері Цифрландыру министрлігімен бірлесіп, аудандық деңгейден төмен денсаулық сақтау ұйымдарын жоғары жылдамдықты Интернетке қосу процесін тездетуі тиіс»,- деді Үкімет басшысы.</blockquote>Премьер-министр қажетті консультацияны жедел алу үшін телемедицина мен қашықтан қызмет көрсетуді ауылдарға дейін жеткізу қажеттігіне тоқталды.<blockquote>«Аталған іс-шаралар тұрғылықты жері бойынша медициналық қызметтердің қолжетімді болуын қамтамасыз ету туралы Мемлекет басшысының тапсырмасын іске асыруға мүмкіндік береді», - деді Әлихан Смайылов.</blockquote>

Үкімет дәрігерлерді өңірге баруға ынталандыратын жаңа әдістер әзірлемек

<a href="https://kyzylorda-news.kz/">Kyzylorda-news.kz.</a>&nbsp; Қорқыт ата атындағы Қызылорда университетінде «Ұлылар ұлағаты: Төлегетай баба мен Қылышты ата» атты ғылыми-танымдық конференция өтті. Жиынға зиялы қауым өкілдері, профессор-оқытушылар және білім алушылар қатысты.Шарада облыстық мәслихат төрағасы Наурызбай Байқадамов тарихи тұлғалардың өмір жолына тоқталып, облыс әкімі Н.Нәлібаевтың конференция қатысушыларына құттықтауын оқыды.&nbsp;Жиын барысындағалымдар халқымыздың мәдени және рухани мұрасының тағылымытуралы сөз қозғап, жаңашыл ой, тұшымды тұжырымдар жасады.&nbsp;Сонымен қатар, «Төлегетай баба» қоғамдық қорының президенті Дайрабай Ысқақұлыбабалар ерлігі мен еңбегін әр уақыт ұлықтапжүру керектігін айтты.<blockquote>– Жаугершілік заманда, қиын кезеңдерде талай рулардың жойылып кеткен кезі де болған. Кейбірі сиреп, басқа да ұлыстарға қосылған. Қазіргі таңда бабалар арманы орындалып, қазақ елі бірлігі мен ынтымағы жарасқан, бейбіт мемлекетке айналды. Сыр еліндегі республикалық ғылыми-танымдық конференцияның мақсаты – бабалар еңбегін ұлықтау. Қазақ қай шежіреден, ұлыстан, рудан болмасын әр уақыт еңбекті, бірлікті ту еткен, – деді Дайрабай Ысқақұлы.</blockquote>Конференцияда мемлекет және қоғам қайраткері Мұхаммед Көпеев тың мәліметтермен бөлісті. Ал, Л.Н.Гумилев атындағы Еуразия ұлттық университетінің профессоры, тарих ғылымдарының докторы Тұрсынхан Зәкенұлы «Ортағасыр деректеріндегі Найман мемлекеті және оның күйреуі» тақырыбында, ҚР бас прокуратурасының өкілі Кенжебек Әлқожаев «Ортағасырлық Қазақстан (VII-XII ғ.ғ.): Ислам дінінің қалыптасуы және ханафи мазхабы теологтарының рөлі» тақырыбында, Қырғыз Республикасының жазушы-тарихшысы Мұса Сапаев «Молда Нияз – көчмөндүк цивилизациясының тұлғасы» тақырыбында, «Кетбұқа-Төлегетай» халықаралық қорының «Шығыс Қазақстан өңірі тарихы мен мәдениетін балама зерделеу» жобасының жетекшісі Айбек Кәрімов «Қылышты қожа – Төлегетай баба ұрпақтары тағдырының сабақтастығы» тақырыбында, Қорқыт ата атындағы Қызылорда университетінің қауымдастырылған профессоры, PhD доктор Талғат Жолдасұлы «Қожа әулеттерінің Орталық Азия халықтарының тарихындағы орны: Сейіт Бұрханиддин Қылыш әулеті мысалында (XIII-XIX ғ.ғ.)» тақырыбында баяндама жасады.Ауқымды шара соңында қатысушылардың ұсыныс-пікірлері тыңдалып, сұрақтарына жауап берілді.&nbsp; &nbsp;<figure class="image"><img src="https://knadmin.beoblood.kz/uploads/376885780_838329371369930_3172609153150862755_n_c5230f50c9.jpg" alt="376885780_838329371369930_3172609153150862755_n.jpg"></figure>

«Ұлылар ұлағаты: Төлегетай баба мен Қылышты ата» атты ғылыми-танымдық конференция өтті

<a href="https://kyzylorda-news.kz/">Kyzylorda-news.kz.</a> &nbsp;Қызылорда облысы бойынша ҚАЖ департаменті №60 мекемесінде жазасын өтеп жүрген 100 азамат арнаулы білім алуда. Білім алушылар арнайы тігінші, электргазымен дәнекерлеуші, аспазшы, автослесарь, слесарь-сантехник, ағаш ұстасы және поркет жұмыстарының шебері мамандықтары бойынша кәсіби сауатын арттырып, бостандыққа шыққаннан кейін тұрақты жұмысқа орналасу мүмкіндігіне ие.<blockquote>&nbsp;М. Ықсанов атындығы Қызылорда политехникалық колледжінде арнаулы пән оқытушысымын. Бұл мекемеде білім беріп жатқаныма үшінші жыл. Қазіргі білім алушылар автослесарь мамандығы бойынша білім алып жатыр. Қазіргі таңда осы мамандық сұраныста. Біз қолдан келгенше үйретіп, тырысып жатырмыз. Білім алушылардың ынтасы, білімге құштарлығы жақсы. Сабақтан қалмай қатысып жүр - дейді колледж оқытушысы Төлегенов Қайрат.</blockquote>«Автослесарь» мамандығы бойынша білім алып жатқан жазасын өтеуші мамандық игеріп қана қоймай, ай сайын шәкіртақы да алып тұрғанын айтады.<blockquote>&nbsp;Қазіргі таңда №60 мекемеде жазамды өтеп жатырмын. Бостандықта оқи алмаған мамандығымды осы жақта оқып жатырмын. Алдағы уақытта осы мамандықпен жұмыс істейиін деп ойлаймын. Бұл мамандықты таңдаған себебім - өзіме ұайды. Бірінші шәкіртақымды алып отырмын, - деді жазасын өтеуші.</blockquote>Қолдарына диплом алғаннан кейін бұл азаматтар тек темір тордың аржағында ғана емес, бостандықта да алған білімімен жұмысқа орналаса алады.<figure class="image"><img src="https://knadmin.beoblood.kz/uploads/258b3ead_8c38_40f2_ba78_007f35c75f20_786ab453fc.jpg" alt="258b3ead-8c38-40f2-ba78-007f35c75f20.jpg"></figure>

Жазасын өтеушілер жаңа мамандық игеруде 

<a href="https://kyzylorda-news.kz/">Kyzylorda-news.kz.</a> Жаңақорған ауданының 95 жылдық мерейтойы қарсаңында Талап ауылдық округінде «Қосекен» жеке балабақшасы жаңа ғимаратқа көшіп, ашылу салтанаты өтті.Ауылдағы ағайынның қуаныш тойына аудан әкімі Мұрат Жолкелдіұлы Тілеуімбетов қатысты. Мектепке дейінгі мекемемен қамтамасыз ету мәселесін оңтайландыру мақсатында мемлекеттік-жекеменшік әріптестік аясында жекеменшік балабақшалар жұмысы атқаруда. 100 орынға шақталған «Қосекен» жеке балабақшасында да барлық жағдай қарастырылған. Таңертеңгі сегізден кешкі сегізге дейін қызмет атқарады.<blockquote>«Торқалы тоқсан бес жылдық мерейтой қарсаңында кезекті балабақшаның ашылу салтанатына қатысып отырмыз. Облыс басшылығының ықпалымен, мемлекеттік бағдарламаның жүзеге асуымен жекеменшік балабақшаларда мемлекеттік тапсырысты көбейту арқылы көптеген жеке балабақшаларды ашуға мүмкіндік берді. Бүгінде жүзден аса жаңа орындар ашылды, мыңнан аса тәрбиеші қауымға жұмыс көзі ашылды. Балабақшалардың басты миссиясы – бала тәрбиесінде бірінші базалық білім мен патриоттық тәрбие беру. Заман талабына сай жабдықталған «Қосекен» балабақшасына келетін бүлдіршіндеріміз ертең ауылды, ауданды, облысымызды, тіпті тұтас елімізді әлемге танытатын болады. Ал, олардың үлкен өмірге бірінші қадамын осы бақшада бастағаны үнемі жадында жүретін болады», – дейді Жаңақорған ауданының әкімі.</blockquote>

«Қосекен» жеке балабақшасы жаңа ғимаратқа көшті

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Берік Сәрменбаев аудандағы «Алтын той» иелеріне құрмет көрсетті.Аудандық мәдениет үйінде өткен «Мәуелі қос бәйтеректің саясындай» атты іс-шарада аудан басшысы мерейлі отбасыларды марапаттап, олардың өмір белестері жастарға үлгі-өнеге екенін айтты.<blockquote>«Дана халқымызда «Отан – отбасынан басталады» деген керемет сөз бар. Өйткені, Отанды сүюге тәрбиелейтін бірден-бір орта ол – отбасы. Отбасында жарасым, сүйіспеншілік, мейірім болса ғана шаңырақ биік құрылып, керегесі кең болады. Ел Президенті Қасым-Жомарт Кемелұлы Тоқаев «Әділетті мемлекет. Біртұтас ұлт. Берекелі қоғам» атты Жолдауында отбасын қорғау және бала капиталын қалыптастыруға ерекше мән берді. Мұндай қолдау әрбір қазақстандықтың өз болашағына деген сенімін нығайта түсетіні сөзсіз. Ал облыс әкімі Нұрлыбек Машбекұлы Нәлібаевтың бастамасымен отбасылық құндылықтар дәріптелетін "Анаға тағзым" орталығы салынуда. Осындай халық игілігіне бағытталған шынайы шешімдердің ел арасында дұрыс қабылдануында Сіздердің пікірлеріңіз зор маңызға ие. Біздің ауданда мәуелі әулетке айналған мерейлі отбасылардың қатары қалың. Олар бүгінде бүтін бір елдің үлгі-өнеге алар жанұясына айналған. Отбасылық құндылықтарды сақтап, салт-дәстүрді берік ұстанған осындай ардақты жандар қай кезде де мақтануға лайық, – деді Берік Әбдіғаппарұлы.</blockquote>Мұнан соң отасқандарына 50, 55, 60 жыл толған «Алтын той» иелеріне "Құттықтау" табыс етіліп, сый-құрмет көрсетілді. Сондай-ақ, аудан әкімі жас отбасы Нұрсұлтан Маратұлы мен Қызғалдақ Бекмұратқызына неке куәлігін табыстады.Іс-шарада Ұлы Отан соғысының ардагері Яхия Тасыров ақ батасын берді. Аудан көркемөнерпаздары концерттік бағдарлама ұсынды.

«Алтын той» иелеріне құрмет көрсетілді

<a href="https://kyzylorda-news.kz/">Kyzylorda-news.kz.</a> &nbsp;Қытай елінің Ханчжоу қаласында өтіп жатқан XIX Жазғы Азия ойындарынан ақ жолтай жаңалық жетті. Аспан асты елінде жерлесіміз, дзюдошы Абылайхан Жұбаназар 81 келіге дейінгі салмақ дәрежесінде бақ сынап, қола жүлде еншіледі.Шешуші сәтте өзбекстандық Мусо Собировтан айласын асырған Абылайхан Қазақстан қоржынына төртінші қола жүлдені салып отыр.Айта кетейік, ел мақтанышы жыл басынан бері Грузия мемлекетінде өткен “GRAND SLAM” бәсекесінде күміс жүлдеге және Моңголия еліндегі “GRAND SLAM” додасында қола жүлдеге ие болды.

Қазалылық дзюдошы жазғы Азия ойындарында қола жүлдеге ие болды

<a href="https://kyzylorda-news.kz/">Kyzylorda-news.kz.</a> Шиелі &nbsp;ауданының әкімі Мемлекет басшысы Қасым-Жомарт Тоқаевтың Жарлығына сәйкес, Телікөл ауылының тұрғындарымен кездесу өткізді.Бір ерекшелігі халықпен кездесу ауыл мектебінің 90 жылдық мерейтойымен қатар келді. Алдымен, аудан басшысы тұрғындарымен тілдесіп, артынша мерейтойлық кештің ашылу салтанатына қатысып, құттықтау сөз сөйледі.<blockquote>«90 жылдық тарихы бар білім ордасы, осы уақыттың ішінде талай кезеңдерді бастан кешірді, талай түлектерді баулап өсірді. Қаншама шәкірттерін өмір жолына шығарып салды. 90 жылдың жүгі ауыр, сыры да толағай. Сондықтан барша осында қызмет жасаған ардегерлер үшін, білім алған түлектер үшін ерекше мереке. Әр шәкірттің жүрегіне жол тауып, асқақтаған арман қиялына жан бітіріп, санасына ақыл ұялатып, жаңа өмір жолына жол сілтеген ұстаздар қауымына қошемет пен ықыласымызды білдіремін. Республикаға белгілі журналист-аудармашы Ағайдар Ысымұлы ағамыз, белгілі кәсіпкер-меценант Талғат Тасболатұлы ағаларымыз сынды түлектер шыққан мектеп - мықты мектеп деп атап айтқым келеді. Бұл мектептің қазір де мақтан етіп айтатын жетістіктері баршылық. Мәселен, өткен оқу жылында мектеп бітірген түлектері мемлекеттік грант ұту бойынша ауданымызда 1-орынға ие болды. Бұл үлкен жетістік. Мемлекеттік грант, бұл - ауданымызға, ауылымызға және әрбір отасына кірген кіріс. Сондай-ақ, мектеп оқушылары волейбол спортынан облыс бойынша 1-орынды, республика бойынша да жүлделі орындарды иеленіп жүр. Тоғызқұмалақ ойыны бойынша да ұстаздары мен оқушылары облыста жеңімпаз атанып, танылып келеді. Мектеп тек жақсы жағынан, осындай жетістіктерімен таныла берсін!» деді аудан әкімі.</blockquote>Мұнан соң, мерекелік кеш концерттік қойылымдарға және волейбол спортынан аудандық турнирге ұласты.

Телікөлдегі кездесу мектептің 90 жылдығымен тұспа-тұс келді

<a href="https://kyzylorda-news.kz/">Kyzylorda-news.kz.</a> Күріштіктегі еңбекшілер үшін қазір әр сағат қымбат. Қырман басы қызу тіршілік. Күзгі жиын-терін барысы бойынша шаруалар егіс алқабының 43,9% орып болды.Қармақшылық күрішшілер биыл жалпы 13770 гектар алқапқа күріш орналастырған.Бүгінгі күнмен аудан қамбасы 26,3 мың тонна Сыр салысымен толықты.Барлық техника күрішке жұмылдырылған. Қазанның 10-15 не дейін күріш толық орылып, бастырылатын болады деп күтілуде.

Қармақшылық күрішшілер биыл 13770 гектар алқапқа күріш еккен

<a href="https://kyzylorda-news.kz/">Kyzylorda-news.kz.</a> Сыр өңірінде осы жылдың 26-28 қыркүйек күндері түркі тілдес елдердің халықаралық «Қорқыт және Ұлы дала сазы» фольклорлық-музыкалық өнер фестивалі басталады.Фестивальге Түркия, Әзірбайжан, Тыва, Саха, Қырғызстан, Өзбекстан елдерінің өнерпаздары қатысады.Өнер фестивалінің бағдарламасын ұсынамыз!

Бүгін «Қорқыт және Ұлы дала сазы» фольклорлық-музыкалық өнер фестивалі басталады

<a href="https://pixabay.com/ru/photos/%D0%BE%D1%81%D0%B5%D0%BD%D0%BD%D0%B8%D0%B5-%D0%BB%D0%B8%D1%81%D1%82%D1%8C%D1%8F-%D0%BB%D0%B8%D1%81%D1%82%D1%8C%D1%8F-%D0%BE%D1%81%D0%B5%D0%BD%D1%8C-%D0%BB%D0%B8%D1%81%D1%82-2913041/">ФОТО</a><a href="https://kyzylorda-news.kz/">Kyzylorda-news.kz.</a> Қазгидромет синоптиктері 26 қыркүйек, сейсенбіге арналған ауа райы болжамын ұсынды.&nbsp;Антициклонның әсерінен Қазақстан аумағының басым бөлігінде жауын-шашын жаумайды.Тек еліміздің солтүстігінде, шығысында атмосфералық фронттардың әсерінен жаңбыр, шығысында жаңбыр мен қар жауады.Республика бойынша түнде және таңертең тұман түседі, оңтүстік-батыста, оңтүстікте, шығыста екпінді жел соғады.&nbsp;Қызылорда облысының орталығында, шығысында, оңтүстігінде төтенше өрт қаупі сақталады.&nbsp;

Архив