<a href="https://kyzylorda-news.kz/">Kyzylorda-news.kz</a> Қазақстанда әлеуметтік осал отбасылардың балаларын мемлекет есебінен мектепке дайындау шаралары басталды, деп хабарлайды <a href="https://baq.kz/mektepke-dayarlyq-46-228-tengeden-kimderge-beriledi-200018625/">BAQ.KZ.</a>Оқу-ағарту министрлігі ұсынған ақпаратқа сәйкес, биыл жаңа оқу жылы қарсаңында 500 мыңнан астам адамға – жетім, ата-ана қамқорлығынсыз қалған, аз қамтылған және атаулы әлеуметтік көмек алатын отбасы балаларына қаржылай көмек беріледі.Министрлік хабарлауынша, өмірлік қиын жағдайға тап болған балалар да назардан тыс қалмайды.Жалпыға бірдей білім беру қорынан ата-аналардың есепшоттарына әрбір бала үшін 46 228 теңге аударылады. Осы ақшаға мектеп формасын, аяқ киім және кеңсе тауарларын сатып алуға мүмкіндік болады.Айта кетейік, былтыр да 500 мыңнан астам баланың ата-анасына 22,2 млрд теңге аударылды. Сол кезде әрбір балаға 45 мың теңгеден шыққан.Фото: gov.kz

Мектепке даярлық: 46 228 теңгеден кімдерге беріледі

<a href="https://kyzylorda-news.kz/">Kyzylorda-news.kz</a> Қызылорда қаласында 2025 жылғы 5–31 тамыз аралығында «Мектепке жол» жалпы республикалық акциясы аясында оқушыларға арналған мектеп формаларының жәрмеңкесі өтеді.Жәрмеңкеде өз өнімдерін «Ақжүрек мүгедектер қоғамы» ҚБ және «Бибі-Айша» тігін цехы ұсынады. Мектеп формалары нарық бағасынан төмен, сапалы әрі қолжетімді бағамен сатылады. Әлеуметтік жағдайы төмен отбасыларға жеңілдіктер қарастырылған.Өтетін орны: А.Тоқмағамбетов атындағы мәдениет үйінің жаныУақыты: 2025 жылғы 5– 31 тамыз аралығыБаршаңызды жәрмеңкеге шақырамыз! Балаларыңыздың жаңа оқу жылына дайын болуына бірге атсалысайық!

Мектеп формаларына арналған жәрмеңке

<a href="https://kyzylorda-news.kz/">Kyzylorda-news.kz</a> Абай Құнанбайұлының 180 жылдық мерейтойына орай, Қазақстан Халық партиясы көпшілік арасында сауалнама жүргізді.Іс-шараның мақсаты — ұлы ақынның өмірі мен шығармашылығын насихаттау, сондай-ақ әр буын өкілдері арасында Абай мұрасын кеңінен дәріптеу болып табылады.Сауалнама барысында қатысушыларға Абай Құнанбайұлының өмірі, шығармалары және қара сөздеріне қатысты сұрақтар қойылды. Сұрақтарға дұрыс жауап берген азаматтарға Абайдың “Қара сөздері” кітабы сыйлық ретінде табысталды.Бұл шара халықтың әдеби-рухани санасын көтеру, ұлттық құндылықтарға деген қызығушылығын арттыру және жастар арасында Абай шығармашылығын дәріптеу бағытында ұйымдастырылды.

Тұрғындар арасында сауалнама жүргізілді

<a href="https://kyzylorda-news.kz/">Kyzylorda-news.kz</a> Қала әкімі Нұржан Ахатов ҚР Білім беру ісінің үздігі Мәдина Әліпбаеваны қабылдап, ардагер ұстазды 80 жас мерейтойымен құттықтады.Басқосуда білім саласының дамуына қосқан елеулі үлесі үшін Мәдина Нұрасылқызына Қызылорда қаласының ең жоғарғы марапаты – "Құрмет грамотасы" табысталды.Мағжан ақын айтқандай, «Алты Алаштың баласы бас қосқан жерде төр – ұстаздыкі» десек, ұлы мамандық иелеріне құрмет көрсету ерте заманнан қалыптасқан қастерлі қағида. Бұл ретте, ардагер-ұстаз Мәдина Нұрасылқызының өнегелі өмірі, жарқын еңбек жолы көпке үлгі.<blockquote>– Ұстаз еңбегі – өлшеусіз еңбек. Сондықтан ұстаздың қоғамда қашан да орны ерекше, абыройы биік. Өңірімізде де ардагер ұстаздарымызды ұлықтау, олардың еңбек жолын жастарға үлгі ету қашаннан қалыптасқан үрдіс. Соның бірі – парасатты педагог Мәдина Нұрасылқызы бүгін құрмет төрінде.</blockquote>Мерейтой иесі еңбек жолын қаладағы №6 балалар бақшасында тәрбиешіліктен бастап, №212 орта мектебінде мұғалім, 1972-1976 жылдары Қазақстан ЛКСМ Қызылорда қалалық комитетінің хатшысы болды. Мұнан кейінгі жылдарда №140 орта мектебі директорының орынбасары, Ғ. Мұратбаев атындағы №171 орта мектебінің директоры қызметтерін абыроймен атқарды. Өзінің ұзақ жылғы ұстаздық жолында мыңдаған шәкірт тәрбиелеп, олар еліміздің дамуына атсалысып жатқан айтулы азаматтарға айналды. Ерен еңбегіне сай ұлағатты ұстаз «ҚР Білім беру ісінің үздігі» атанды. Қаламыздың зор құрметке ие қадірлі ардагеріміздің қатарынан саналады.Мерейтой қуанышында Сізге мықты денсаулық, отбасыңызға бақ-береке тілейміз, – деді Нұржан Сәбитұлы.Мерейлі күннің құрметінде ардагерлер атынан қалалық ардагерлер кеңесінің төрағасы Шакизат Төребаев, әріптестерінен ардагер-ұстаз Гүлзия Оспанова, отбасылық досы Сайлаубай Әбішев ақжарма тілегін жеткізді. Сондай-ақ, шәкірті, «Отбасы банк» АҚ облыстық филиалының басшысы Әділжан Сайлебаев ұстазға құрметін әсем гүл шоқтарымен, әсерлі сөзімен жеткізді.Жиын соңында Мәдина Нұрасылқызы қала басшылығына, әріптестеріне ризашылығын білдірді.

Ұлағатты ұстаз ұлықталды

<a href="https://kyzylorda-news.kz/">Kyzylorda-news.kz</a> Еліміздің ертеңi жас ұрпақтың жоғары деңгейде бiлiм алуына көңіл бөлу – мемлекетiміздің ең маңызды мiндетi. Осы ретте, Президент бастамасымен қолға алынған «Жайлы мектеп» жобасы аясында еліміздің түкпір-түкпірінде мектептер ашылуда.Өңірге жұмыс сапарымен келген ҚР Парламенті Сенатының депутаттары, «AMANAT» партиясының мүшелері Наурызбай Байқадамов пен Руслан Рүстемов және партияның облыстық филиалының төрағасы Алмасбек Есмаханов Қызылорда қаласының Арай шағын ауданындағы 1500 орындық «Жайлы мектеп» құрылысын көрді.«AMANAT» партиясының сайлауалды бағдарламасы аясында салынып жатқан жаңа мектептің құрылыс жұмыстары кезең-кезеңімен жүруде. Нысанының бүгінгі жай-күйімен «АбуСер» ЖШС мердігер ұйым өкілдері таныстырды.Қазіргі таңға құрылыс жұмыстарының 67% орындалған. Қабырға кірпіштері қаланып, сыртқы беттері сенвич панельмен қапталған.Төбе шатыры жабылған. Ішкі инженерлік сеть жұмыстары 57% орындалып отыр, ішкі қабырғаларының әрлеу жұмыстары аяқталуға жақын. Сыртқы абаттандыру жұмыстары 25% орындалса, сыртқы электр жүйелері толығымен аяқталған.Сенат депутаттары мектептің заманауи талаптарға сай болуын және оқушылар үшін жайлы жағдай жасалуы керектігін айтты. Сондай-ақ, мердігер мекеменің жауапты қызметкеріне құрылыстың сапалы әрі өз мерзімінде аяқталуын тапсырды.

Қызылордада «Жайлы мектеп» ұлттық жобасы қарқынды жүзеге асырылуда

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> Қазалы ауданы әкімінің орынбасары Ж.Сүйеубаевтың төрағалығымен шаруашылық басшыларымен маңызды жиын өткізілді. Жиынның басты тақырыбы – Мемлекет басшысының 2024-2028 жылдарға арналған ауыл шаруашылығының жалпы өнім көлемін екі есеге арттыру жөніндегі кешенді жоспарына сәйкес су үнемдеу технологияларын енгізу мәселесі болды.Шараға «Қазалысушар» өндірістік учаскесінің басшысы Н.Әбілдаев, аудандық ауыл шаруашылығы саласының жетекшілері мен мамандары қатысты. Жиында әрбір шаруашылықтың су үнемдеу технологияларын қолдану қажеттілігі мен олардың тиімділігі талқыланды.Аудан әкімінің орынбасары Ж.Сүйеубаев өзінің сөзінде ауыл шаруашылығы өнімділігін арттыру және су қорларын үнемдеу мақсатында жаңа технологияларды енгізудің маңыздылығын атап өтті. Сонымен қатар, ол су ресурстарын тиімді пайдалану үшін әрбір шаруашылықтың арнайы жоспар әзірлеу керектігін тапсырды.Жиын қорытындысында ауданның ауыл шаруашылығы саласындағы су үнемдеуші жаңа технологияларды енгізу жұмыстарының жоспары бекітілді. Мұндай шаралар ауыл шаруашылығын дамытуға, экологиялық тұрақтылықты сақтауға және су қорларын үнемдеуге ықпал ететін болады.Жиынға қатысушылар алдағы уақытта осы бағыттағы жұмыстарды белсенді түрде жалғастыруға дайын екендіктерін білдіріп, ортақ мақсатқа жету үшін күш біріктіруге шақырды.

Қазалы ауданында су үнемдеу технологияларын енгізу жөнінде жиын өтті

<a href="https://kyzylorda-news.kz/">Kyzylorda-news.kz</a> Қазақстан экономикасы осы жылғы қаңтар-маусым айларының қорытындылары бойынша 6,2%-ға жетіп, оң өсімді көрсетуде. Бұл туралы Үкімет отырысында Премьер-министрдің орынбасары – ұлттық экономика министрі Серік Жұманғарин баяндады.Бұл қарқын алғашқы бес айға қарағанда 0,2%-ға жоғары және соңғы 14 жылдағы ЖІӨ өсуінің ең жоғары көрсеткіші болып саналады. Салыстыру үшін, өткен жылдың ұқсас кезеңінде өсім 3,2%-ды құрады.Экономиканың нақты секторы +8% және қызмет көрсету саласы болды, ол 5,2%-ға өсті. Көлік (+22,7%) және құрылыс (+18,4%) салалары айтарлықтай үлес қосты. Сондай-ақ саудада жандану және тау-кен өнеркәсібінде тұрақты өсу байқалады (+8,4%).Өңдеу секторы 5,5%-ға, ал ауыл шаруашылығы 3,7%-ға өсті.

Жыл басынан бері Қазақстан экономикасы 6,2%-ға өсті

<a href="https://kyzylorda-news.kz/">Kyzylorda-news.kz</a> 2025 жылғы қаңтар–сәуір айлары аралығында ҚР Сауда және интеграция министрлігінің Сауда және тұтынушылардың құқықтарын қорғау комитетінің аумақтық департаменттері азаматтардың құқықтарын жалпы сомасы 690,5 млн теңгеге қорғады. Бұл – жүйелі әрі мақсатты жұмыстың нақты нәтижесі. Аталған кезеңде 122 тұтынушының мүддесін қорғауға бағытталған 34 резонанстық іс қаралып, 461,9 млн теңге көлемінде өтемақы қайтарылды.Осы істердің қатарында қайтарылған сома 5 млн теңгеден асқан жағдайлар да бар. Алматы қаласында пәтер сатып алған азаматқа заңмен көмек көрсетілді. Қабырғалардағы жарықтар, жылу оқшаулауының нашарлығы және шектен тыс шу деңгейі анықталған соң, тұтынушының шағымы негізінде 25,9 млн теңге қайтарылды. Астана қаласында премиум санатындағы автокөлік сатып алған азамат көліктің рулдік басқару жүйесіндегі ақауға тап болған. Сот процесіне департаменттің қатысуымен сатушыдан 45,8 млн теңге өндіру туралы шешім қабылданды. Мұндай ақауы бар автокөлікке қатысты істердің жалпы саны 21, ал қайтарылған қаражат көлемі 338,2 млн теңгені құрады. Сонымен қатар, Павлодар облысында үш тұтынушыға 53,8 млн теңге, Қызылорда облысында техникалық талаптарға сай келмеген ойын жабдықтарын сатып алған тұтынушыға 6,4 млн теңге қайтарылды.Бірнеше адамның құқықтары бұзылған ұжымдық шағымдарға да ерекше назарда. Павлодар облысында толық ақпарат берілмей рәсімделген косметикалық өнімдерге арналған несиелер бойынша 17 тұтынушыға 9,1 млн теңге қайтарылды. Түркістан, Жамбыл облыстарында және Шымкент қаласында тағы 33 тұтынушы сапасыз массаж жабдықтары, тұрмыстық техника және орындалмаған шипажай жолдамалары үшін 7,5 млн теңге көлемінде қаражаттарын қайтарып алды. Атап айтқанда, Шымкент қаласында бес тұтынушыға 1,3 млн теңге, Сарыағаш ауданында шипажай жолдамалары үшін төленген 1 млн теңге қайтарылды.Кейбір даулар сот арқылы шешілді, өйткені құқық бұзушылықтар ондаған тұтынушыны қамтыды. Жетісу облысында смартфонды жеткізбегені үшін департамент сотқа жүгініп, нәтижесінде 17 тұтынушыға 7,2 млн теңге қайтару туралы шешім шықты. Оның ішінде тоғыз тұтынушы ақшасын сот шешіміне дейін қайтарып алған. Павлодар облысында көрсетілмеген қызметке қатысты дау медиация тәртібімен аяқталып, 12 тұтынушыға 900 мың теңге қайтарылды.Аталған төрт айдың қорытындысы аумақтық департаменттердің тұтынушылардың құқықтарын қорғаудағы рөлінің артып келе жатқанын көрсетеді. Құны жоғары тауарларға қатысты жеке даулардан бастап ұжымдық мәселелерге дейін – әрбір қорғалған іс елімізде тұтынушылардың құқықтарын қорғау жүйесінің нақты әрі тиімді жұмыс істеп отырғанын дәлелдейді.

Сауда министрлігі 4 айда тұтынушылардың 690,5 млн теңгесін қайта өндірді

<a href="https://kyzylorda-news.kz/">Kyzylorda-news.kz</a> Мемлекет басшысының бастамасымен 2019 жылы Президенттік жастар кадр резервін қалыптастыру бастамасы қолға алынды. Бұған дейін 2019, 2021 және 2023 жылдары өткен үш іріктеуге 60 мыңнан аса үміткер қатысып, 400 азамат резервке қабылданған. Олардың 80 пайызы бүгінде мемлекеттік органдар мен ұйымдарда қызмет атқаруда. Биыл Президенттік жастар кадр резервінің төртінші іріктеуі өтпек. Бұл туралы Өңірлік коммуникациялар қызметінің ақпарат алаңында ҚР Мемлекеттік қызмет істері агенттігінің Қызылорда облысы бойынша департаментінің басшысы Ерлеген Мендалиев мәлімдеді.<blockquote>– Бұл жолғы іріктеудің басты ерекшелігі – әрбір кезеңде салалық бағыттар бойынша пропорционалды түрде іріктеу жүргізіледі. Яғни, әр бағыт бойынша үміткерлер саны теңестіріліп, арнайы квоталар қарастырылады. Кандидаттарға қойылатын жалпы талаптар өзгеріссіз қалды. Нақтырақ айтқанда, үміткерлер қазақ тілін біліуі керек, жасы 35-тен аспауы тиіс, жоғары білімі және кемінде 5 жыл еңбек өтілі болуы міндеттеледі. Іріктеуге саяси тұлғалар мен «А» корпусындағы мемлекеттік қызметшілер, қазіргі резерв құрамындағы азаматтар қатыса алмайды. Конкурс 6 кезеңнен тұрады және маусым-қазан айларында өткізіледі. Кандидаттардың құжаттарын қабылдау 1 маусымнан бастап бір ай уақыт аралығында арнайы ақпараттық жүйеде онлайн режимде жүзеге асырылады. Екінші кезеңде мәтіндік және сандық ақпаратпен жұмыс істеу қабілеті бағаланса, үшінші кезеңде онлайн режимде эссе жазу форматында өтеді. Одан кейінгі кезең ассессмент-орталық және құзіреттер бойынша сұхбат деген екі блоктан тұрады. Әңгімелесу кезеңін 8-15 қазан аралығында өткізуді жоспарлап отырмыз. Резервке үздік 50 кандидатты қабылдау үшін Ұлттық комиссияның отырысын 25 қазанға дейін өткізіп, сол айдың соңында шешім шығаратын боламыз,- деді Ерлеген Жәрдемұлы.</blockquote>Фото: Қызылорда облысының Өңірлік коммуникациялар қызметі

Президенттік жастар кадр резервіне іріктеудің төртінші кезеңі басталады

<a href="https://kyzylorda-news.kz/">Kyzylorda-news.kz</a> Бүгін Премьер-министр Олжас Бектеновтің төрағалығымен сауданың цифрлық трансформациясы, ана мен бала өлімін төмендету жөніндегі шаралар талқыланған Үкімет отырысы өтті.Басқосуға облыс әкімі Нұрлыбек Нәлібаев селекторлық режимде қатысты.Үкімет отырысынан кейін аймақ басшысы арнайы жиын өткізіп, жауапты сала басшыларына тапсырмалар жүктеді.«Бүгінгі Үкімет отырысында сауданың цифрлық трансформациясы, ана мен бала өлімін төмендету мәселелері қаралды.Өңірімізде электронды сауданы дамыту бағытындағы жұмыстарды әлі де күшейтуіміз қажет.Кәсіпкерлік палатасы, жергілікті кәсіпкерлерді электронды сауда негіздеріне оқытуды тұрақты түрде жалғастыру керек. Қала, аудандарда «Қазпошта» желісінің мүмкіндіктерін кеңінен насихаттап, тауар өндіруші кәсіпкерлердің «Постмаркет» платформасына тіркелуін қамтамасыз етіңіздер.Өңірімізде ана мен бала денсаулығын қорғау бағытында жоспарлы әрі жүйелі жұмыс бар.Облыстық денсаулық сақтау басқармасы, статистика департаменті, Ұлттық ғылыми денсаулық сақтауды дамыту орталығының филиалы, Қызылорда қаласы, аудан әкімдіктерімен бірлесіп, аймақтағы демографиялық көрсеткіштердің нақты әрі біркелкі болуын қатаң бақылауға алыңыздар.Ана мен бала денсаулығын сақтау саласындағы негізгі көрсеткіштер жыл соңына дейін толық орындалуы тиіс. Жүкті әйелдер мен балалар денсаулығын нығайтуда медициналық көмек сапалы әрі қолжетімді болуы өте маңызды», – деді Н.Нәлібаев.Қазіргі таңда өңірімізде тауарлар мен қызметтерді өткізу үшін интернет-ресурстарды пайдаланатын 12 кәсіпорын тіркелген (оның 3-і ресми сайт, 9-ы маркетплейс пайдаланушылар). Олар өткен жылы 48 мыңнан астам тапсырыс жасап, сауда айналымы 292 млн. теңгеге жетті. Тапсырыстарды сақтау мен жеткізу бағытында интернет дүкендердің тарату пункттері жұмыс істейді. Интернет дүкендер өткен жылы 1 млн-нан астам тапсырыс қабылдаған. Өңірімізде «Қазпошта» желісінің 11 супермаркеті бар.Ана өлімі көрсеткіші соңғы 5 жылда 12 есеге дейін төмендеді. Қабылданған нақты шаралар нәтижесінде нәресте өлімі өткен жылмен салыстырғанда 9 жағдайға, соңғы 5 жылда 21 пайызға азайды.Көпбейінді облыстық аурухана базасында жоғары қауіп тобындағы жүкті әйелдерге акушерлік көмек көрсететін 70 төсектік перинаталды бөлімше ашылып, жұмыс жасауда. Жергілікті бюджеттен 1 млрд. 500 млн. теңге қаржы бөлініп, бөлімшеге заманауи құрал-жабдықтар алынды.Соңғы 3 жылда жергілікті бюджеттен медицина қызметкерлерінің біліктілігін арттыруға 375 млн. теңге қаралып, оның 192 млн. теңгесі мамандарды шет елдерде оқытуға бағытталды.Ана мен бала саулығына қажетті материалдық-техникалық базаны нығайту мақсатында медициналық мекемелер 4 млрд. 700 млн. теңгеге құрал-жабдықтармен қамтылды.Балаларға стационарлық медициналық көмектің қолжетімділігін арттыруда облыс орталығынан қалалық балалар ауруханасын ашу жұмыстары басталды. Аурухана базасында даму бұзылыстары бар 3 жасқа дейінгі балаларға арналған ерте араласу орталығын ашу үшін «Қазақстан халқына» қоры арқылы 125 млн. теңгеге құрал-жабдықтар алынып, мамандар біліктік жетілдірді.Аталған қордың қолдауымен Жаңақорған ауданында «Қамқорлық» оңалту орталығы ашылды. Осындай орталық жақын күндері Арал ауданында пайдалануға беріледі.Одан бөлек, «Сәби» қайырымдылық қоры арқылы облыстық балалар ауруханасына 700 млн. теңгеге жөндеу жұмыстары жүргізіліп (қабылдау бөлімі, жарақат бөлімі, операциялық блок), құрал-жабдықтар алынады.Жиында облыс әкімі жаңа оқу жылы қарсаңындағы міндеттерді пысықтап, тапсырмалар берді.«Қала, аудан әкімдері 1 апта ішінде білім беру нысандарының аумағындағы жол белгілерін, жаяу жүргіншілер жолдарын қалыпқа келтіріп шығыңыздар.Облыстық білім, мәдениет, архивтер және құжаттама, дене шынықтыру, спорт және туризм, денсаулық сақтау, жұмыспен қамтуды үйлестіру және әлеуметтік бағдарламалар басқармалары, Қызылорда қаласы, аудан әкімдіктерімен бірлесіп, өздеріңізге қарасты мекемелердің ғимараттарындағы ағымдағы жөндеу, күрделі жөндеу жұмыстарын 20 тамызға дейін аяқтау керек», -деді Н.Нәлібаев.Фото: Қызылорда облысы әкімінің баспасөз қызметі

Үкімет отырысында талқыланған мәселелер бойынша тапсырмалар жүктелді

<a href="https://kyzylorda-news.kz/">Kyzylorda-news.kz</a>Түрікменстан, Аваза қаласыПрезидент Қасым-Жомарт Тоқаев ең әуелі конференцияны шақыру бастамасын көтергені үшін Түрікменстан Президенті Сердар Бердімұхамедовке ризашылығын білдірді. Сондай-ақ теңізге шығар жолы жоқ дамушы елдердің проблемаларын шешуге және мүмкіндіктерін пайдалануға бейіл танытқаны үшін БҰҰ Бас хатшысы Антониу Гутерришке алғыс айтты.<blockquote>– Жиырма жылдан астам уақыт бұрын Қазақстан Теңізге шығар жолы жоқ дамушы елдерге арналған БҰҰ-ның алғашқы конференциясын өткізіп, жетекші рөл атқарды. Яғни еліміз бұл үздіксіз үдеріске бастапқы жылдардан бері қатысып келеді. Осы тарихи оқиға барысында Алматы іс-қимыл бағдарламасы қабылданды. Бұл құжат теңізге шығар жолы жоқ дамушы елдер тобының мәселелерін жаһандық дамудың күн тәртібіне тұңғыш рет шығарды. Бүгін біз алдымызда тұрған міндеттерді одан әрі ілгерілету мақсатында Авазада бас қосып отырмыз, – деді Мемлекет басшысы.</blockquote><img src="https://knadmin.beoblood.kz/uploads/2_dd002f70b7.jpg" alt="2.jpg">Президенттің айтуынша, осы топ құрамындағы 32 дамушы елде жарты миллиардтан астам адам тұрады. Олардың көпшілігі қаржыландыруға және технологияға қол жеткізуде, сондай-ақ жаһандық нарыққа жол табуда кездесетін кедергілермен бетпе-бет келеді.<blockquote>– Аймақтағы шектеулі байланыс – теңізге шығар жолы жоқ дамушы елдердің басты проблемасы. Бұл транзит және сауда шығыны, сондай-ақ геосаяси факторларға осалдық секілді біршама экономикалық қиындық тудырады. Аталған кедергілер азаматтардың әл-ауқатына әсер етіп, бәсекеге қабілеттілікті төмендетеді. Түрлі қақтығыстар, экономикалық санкциялар, жеткізу тізбегінің бұзылуы және жаһанда сенімсіздіктің белең алуы жағдайды одан әрі ушықтыра түседі. Дегенмен Қазақстан теңізге шығар жолы жоқ дамушы мемлекеттерді жаһандық мәселелердің шешімін табуға атсалысатын тең құқылы әрі перспективті серіктес ретінде қарау керек деп санайды. Мұндай елдердің үні анық естілуге тиіс, ал біздің өзара ынтымақтастығымыз терең, ұжымдық ұмтылысымыз батыл болуы қажет, – деді Қасым-Жомарт Тоқаев.</blockquote><img src="https://knadmin.beoblood.kz/uploads/3_5039e80177.jpg" alt="3.jpg">Мемлекет басшысы Қазақстанның Аваза іс-қимыл бағдарламасын тұрақты, инклюзивті және орнықты келешекке жеткізер жол картасы ретінде толық қолдайтынын мәлімдеді.<blockquote>– Бұл маңызды бастама транзиттік елдердің, халықаралық даму ұйымдары мен қаржы институттарының саяси қолдауына ие болуға тиіс. Көлік, энергетика және цифрлы инфрақұрылым сияқты басты секторларға инвестицияны ынталандыруға арналған жаңа қаржы тетіктері керек, – деді Президент.</blockquote><img src="https://knadmin.beoblood.kz/uploads/4_399e34d35a.jpg" alt="4.jpg">Қасым-Жомарт Тоқаев климаттың өзгеруін тағы бір түйткіл ретінде атады.<blockquote>– Теңізге шығар жолы жоқ көптеген дамушы ел су тапшылығы, мұздықтардың еруі, шөлейттену секілді экстремалды табиғи құбылыстарға душар болып отыр. Бұл проблемаларды шешу үшін өңір елдерінің ортақ күш-жігері мен белсенді халықаралық қолдау қажет. Дегенмен, менің ойымша, климаттың өзгеруіне қарсы күрес шаралары теңгерімді әрі инклюзивті сипатын сақтап, елдердің даму жолындағы сұраныстарына сай болуға тиіс. Климаттық өзгерістермен күреске жұмылу мақсатында Сіздерді келесі жылы сәуір айында Біріккен Ұлттар Ұйымымен бірге Астанада ұйымдастырылатын Өңірлік экологиялық саммитке шақырамын, – деді Мемлекет басшысы.</blockquote><img src="https://knadmin.beoblood.kz/uploads/5_dee190288a.jpg" alt="5.jpg">Президент Қазақстанның серіктестермен бірге аймақтағы өзара байланысты нығайту, цифрлық трансформацияны ілгерілету және ұзақ мерзімді әрі орнықты өсімге ықпал етуді көздейтін елеулі шаралар қабылдап жатқанын жеткізді.<blockquote>– Біз Орта дәліз және «Солтүстік – Оңтүстік» бағдары бойындағы көлік жолдары мен транзит инфрақұрылымын дамытуға баса мән береміз. Түпкі мақсатымыз – темір жолдың, автокөлік жолдарының, сондай-ақ авиация мен логистика орталықтарының біртұтас желісін құру. Бұл Қазақстанның Еуразиялық транзит хабы ретіндегі позициясын нығайтады. Қазіргі кезде Азия мен Еуропа арасындағы құрлық арқылы тасымалданатын жүктің 85 пайызға жуығы еліміз арқылы өтеді. Біз сондай-ақ цифрландыруға инвестиция құйып жатырмыз. Астана қаласында Alem.AI жасанды интеллект орталығы құрылды. Жуырда суперкомпьютер іске қосылды. Ғылыми ынтымақтастыққа әрдайым ашықпыз. Серіктестерімізді қатарымызға қосылуға шақырамыз, – деді Қасым-Жомарт Тоқаев.</blockquote><img src="https://knadmin.beoblood.kz/uploads/6_13ee78611b.jpg" alt="6.jpg">Мемлекет басшысы өңірлік күн тәртібі жөнінде пікір білдіріп, елдердің мүмкіндігі географиямен шектелмейтінін Орталық Азия тәжірибесі көрсетіп отырғанын айтты.<blockquote>– Қазір теңізге шығар жолымыз болмағанымен, келешекте амалын табамыз. Яғни құрлық арқылы байланыс орнатудың маңызы арта түседі. Біздің өңірдің әлеуметтік-экономикалық дамуы орнықты. Саяси ерік-жігер, стратегиялық инвестиция мен халықаралық серіктестік болса, теңізге шығатын жолдың жоқтығы кедергі емес, керісінше, өсімге ынталандырады. Орталық Азия өзара тиімді ықпалдастық қанат жайған аймаққа айналғанына куә болып отырмыз. Өңірдің сауда, инвестиция, көлік, байланыс және ресурстарды орнықты басқару салаларында даму әлеуеті жоғары. Екі күн бұрын Қазақстан мен Біріккен Ұлттар Ұйымы арасында Орталық Азия мен Ауғанстанға арналған орнықты даму мақсаттары жөніндегі өңірлік орталығын құру туралы келісімге қол қойылды. Оның штаб-пәтері Алматыда орналасқан. Бұл тұтас аймақ үшін маңызды жетістік әрі Аваза бағдарламасының игі мақсаттарына толық сай келеді. Қазақстанның осы бастамасын қолдағаны үшін БҰҰ Бас хатшысына және Орталық Азиядағы серіктестерімізге тағы да ризашылығымды білдіремін, – деді Президент.</blockquote><img src="https://knadmin.beoblood.kz/uploads/7_1d403e9033.jpg" alt="7.jpg">Қасым-Жомарт Тоқаев сөзін қорытындылай келе, Қазақстанның теңізге шығар жолы жоқ дамушы елдер тобының мақсаттары мен қағидаттарына бейіл екенін растады.<blockquote>– Теңіз қатынасы жоқ дамушы елдердің жаһандық күн тәртібінен тыс қалмауын халықаралық серіктестікті нығайту арқылы ғана қамтамасыз ете аламыз, – деді Мемлекет басшысы.</blockquote>

Мемлекет басшысы Теңізге шығар жолы жоқ дамушы елдерге арналған Біріккен Ұлттар Ұйымының үшінші конференциясында сөз сөйледі

<a href="https://kyzylorda-news.kz/">Kyzylorda-news.kz</a> &nbsp;Премьер-министрдің орынбасары Қанат Бозымбаев Қызылорда облысына жұмыс сапары кезінде облыс әкімі Нұрлыбек Нәлібаевпен бірге Жалағаш ауданы Таң ауылындағы «Таң LTD» жауапкершілігі шектеулі серіктестігінің жұмысымен танысты.«Таң LTD» ЖШС биыл 3668 гектар жерге егін екті. Оның 1226 гектары күріш, 75 гектары қант құмайы, 379 гектары жаңа жоңышқа, 661 гектары ескі жоңышқа, 700 гектары жүгері. Серіктестік 300 тұрғынды жұмыспен қамтыған.Премьер-министрдің орынбасары вегетациялық кезеңдегі қиындықтардан өту үшін барлық тиісті шаралар қабылдануы керек екенін айтты.Еске салайық, су тапшылығына байланысты қалыптасқан жағдайға тұрақты мониторинг және кеңінен түсіндірме жұмыстарын жүргізу үшін барлық ауданда арнайы жұмысшы топтары құрылды.Қазіргі таңда, барлық каналдан су алу кестесі бекітіліп, су кезекпен берілуде. Қашыртқыдағы суды екінші мәрте пайдалану үшін облыста 324 насос қондырғысы қосылған.Сондай-ақ, магистральді және шаруашылықаралық каналмен кезектестіріп су беру кестесі әзірленіп, осы кестеге сәйкес жұмыс атқарылуда, яғни жалпы егілген егістің 98%-ы кезекпен суарылуда.Күріштің өсу фазасына сәйкес толық пісіп-жетілу уақыты 115-125 тәулік.Жедел ақпаратқа сүйенсек, облыс бойынша егілген күріштің 8,8 мың гектары түтікке шығу, 37,1 мың гектары масақтану, 30,3 мың гектары гүлдеу, 4,7 мың гектары сүтті пісу фазасында.Фото: Қызылорда облысы әкімінің баспасөз қызметі

Премьер-министрдің орынбасары Жалағаш ауданына барды 

<a href="https://kyzylorda-news.kz/">Kyzylorda-news.kz</a> Премьер-министр Олжас Бектеновтің төрағалығымен өткен Үкімет отырысында ана мен бала өлімін азайту жөніндегі шаралар қаралды.Онда денсаулық сақтау министрі Ақмарал Әлназарова баяндама жасады, сондай-ақ ЮНИСЕФ балалар қорының Денсаулық сақтау және тамақтану жөніндегі бағдарламаларының басшысы Бауыржан Жүсіпов, №3 Түркістан облыстық перинаталдық орталығының басшысы Ардақ Аязбеков сөз сөйледі.Денсаулық сақтау министрлігінің мәліметінше, 2025 жылдың 6 айында ана өлімі 10%-ға, нәресте өлімінің деңгейі 26,3%-ға төмендеген. Ақмарал Әлназарова қабылданып жатқан шаралар қатарында акушерлік және педиатрия бойынша стандарттар мен клиникалық хаттамаларды өзектендіру, педиатриялық бейіндер бойынша, босану мен акушерлік операцияларға тарифтерді ұлғайту, емдеудің инновациялық әдістерін енгізу және тағы басқа да шаралар бар екенін баяндады.Премьер-министр Президент қойған міндеттерді ескере отырып, атқарылып жатқан жұмыстың маңыздылығын атап өтті.<blockquote>«Мемлекет басшысы ана мен бала өлімі деңгейін төмендетуді денсаулық сақтау жүйесін дамытудың маңызды басымдығы ретінде айқындап берді. Бұл өңірлердің әлеуметтік-экономикалық әл-ауқаты мен еліміздің жаһандық бәсекеге қабілеттілік индексіне әсер етеді. Жалпы алғанда, қабылданған шаралар ана мен бала өлімі деңгейін төмендетуге мүмкіндік берді. Әрине, бұл – медицина қызметкерлері еңбегінің нәтижесі», — деді Олжас Бектенов.</blockquote>Премьер-министр сала мамандарын даярлауды кеңейту қажеттігіне назар аударды. Атап айтқанда, елордада және өңірлерде жетекші клиникалар базасында оқу орталықтарын дамытып, акушерлер, гинекологтер, неонатологтер, педиатрлар мен реаниматологтер үшін үздіксіз оқыту және біліктілікті арттыру бағдарламаларын енгізу маңызды. Сонымен қатар болашақ аналар мен балалар үшін медициналық көмектің қолжетімділігін арттыру мақсатында ауылдық елді мекендерге білікті кадрлардың келуін қамтамасыз ету қажет.Қауіпсіз босану жағдайларын жақсарту, оның ішінде перинаталдық орталықтарды заманауи жабдықтармен жабдықтау бойынша тұрақты жұмыстың маңыздылығы атап өтілді.<blockquote>«Біз дамыған елдердің көрсеткіштеріне жақындау үшін босану кезіндегі күрделі және қауіпті жағдайлардың алдын алу бойынша жұмысты күшейтуіміз қажет. Денсаулық сақтау жүйесін дұрыс ұйымдастырған жағдайда, көздеген мақсатқа қол жеткізуге болады. Соңғы жылдары ана мен бала өлімін 6 еседен астам төмендете алдық. Мемлекет басшысы заманауи перинаталдық орталықтардың құрылысын жалғастыруды тапсырды. Осы жылдың 1 қарашасына дейін барлық қажетті құжаттаманы дайындау жұмыстарын аяқтап, Шымкент пен Қарағандыда осындай орталықтардың құрылысын бастау қажет», — деп тапсырды Олжас Бектенов.</blockquote>Премьер-министр әйелдерді жүктілікке дайындауға, ауруларды уақтылы диагностикалау мен сауықтыруға бағытталған «Аналар саулығы» бағдарламасын жүзеге асырудың маңыздылығын атап өтті. Сондай-ақ барлық адамның сапалы медициналық көмекке тең қолжетімділігін қамтамасыз ету қажет, бұл орталық және жергілікті деңгейде мемлекеттік органдардың үйлестірілген жұмысын талап етеді.Кадр тапшылығын азайту мақсатында Денсаулық сақтау министрлігіне әкімдіктермен бірлесіп, қолданыстағы және жаңадан іске қосылатын денсаулық сақтау нысандарын медицина мамандарымен толықтыру жөнінде шаралар қабылдау тапсырылды. Бұл көрсеткіш Денсаулық сақтауды дамытудың 2030 жылға дейінгі жаңа тұжырымдамасында көрініс табуы қажеттігі атап өтілді.Өңір әкімдіктеріне инфрақұрылымды жақсарту, босандыру және бала күтімі ұйымдарының материалдық-техникалық базасын нығайту міндеті қойылды. Барлық өңірде ауылдық жерлерге жұмыс істеуге келген жас дәрігерлерге көтерме қаражаттың бөлінуін қамтамасыз ету тапсырылды.Денсаулық сақтау министрлігіне, ұлттық ғылыми орталықтарға диагностика мен емдеу сапасын жақсарту үшін өңірлік медициналық ұйымдарға жаңа технологиялар трансфертін тұрақты негізде қамтамасыз ету тапсырылды.Фото: primeminister.kz

Мемлекет басшысы ана мен бала өлімі деңгейін төмендетуді денсаулық сақтау жүйесін дамытудың маңызды басымдығы ретінде айқындап берді – Олжас Бектенов

<a href="https://kyzylorda-news.kz/">Kyzylorda-news.kz</a> &nbsp;Түрікменстан, Аваза қаласыТеңізге шығар жолы жоқ дамушы елдерге арналған Біріккен Ұлттар Ұйымының үшінші конференциясының ашылу салтанатына дейін Орталық Азия мемлекеттері басшыларының кездесуі өтті.&nbsp;Басқосуда аймақ елдері ынтымақтастығының басым бағыттары талқыланды.&nbsp;<img src="https://knadmin.beoblood.kz/uploads/22_096a371a40.jpg" alt="22.jpg"><img src="https://knadmin.beoblood.kz/uploads/33_f10a8d4fc0.jpg" alt="33.jpg"><img src="https://knadmin.beoblood.kz/uploads/44_330adefae3.jpg" alt="44.jpg"><img src="https://knadmin.beoblood.kz/uploads/55_c7d6e18d56.jpg" alt="55.jpg">Фото: Ақорда

Бас тақырыптар

Үкімет отырысында талқыланған мәселелер бойынша тапсырмалар жүктелді

Мемлекет басшысы Теңізге шығар жолы жоқ дамушы елдерге арналған Біріккен Ұлттар Ұйымының үшінші конференциясында сөз сөйледі

Премьер-министрдің орынбасары Жалағаш ауданына барды

Экономика

Қазалы ауданында су үнемдеу технологияларын енгізу жөнінде жиын өтті

Жыл басынан бері Қазақстан экономикасы 6,2%-ға өсті

Сауда министрлігі 4 айда тұтынушылардың 690,5 млн теңгесін қайта өндірді

Президенттік жастар кадр резервіне іріктеудің төртінші кезеңі басталады

Қоғам

Үкімет отырысында талқыланған мәселелер бойынша тапсырмалар жүктелді

Мемлекет басшысы ана мен бала өлімі деңгейін төмендетуді денсаулық сақтау жүйесін дамытудың маңызды басымдығы ретінде айқындап берді – Олжас Бектенов

Президент Қасым-Жомарт Тоқаев Орталық Азия мемлекеттері басшыларының бейресми кездесуіне қатысты

Мемлекет басшысы Теңізге шығар жолы жоқ дамушы елдерге арналған Біріккен Ұлттар Ұйымының үшінші конференциясында сөз сөйледі

Мектепке даярлық: 46 228 теңгеден кімдерге беріледі

Мектеп формаларына арналған жәрмеңке

Тұрғындар арасында сауалнама жүргізілді

Ұлағатты ұстаз ұлықталды

Қызылордада «Жайлы мектеп» ұлттық жобасы қарқынды жүзеге асырылуда