<a href="https://kyzylorda-news.kz/">Kyzylorda-news.kz</a> Сыр өңірінде өткен Kyzylorda Idea Battle инновациялық идеялар байқауында Назарбаев Зияткерлік мектебінің оқушылары денсаулық сақтау, білім беру, қауіпсіздік және маркетинг салалары бойынша 11 IT-жобасын таныстырды.Өнертапқыш өрендер қазіргі заманғы технологияларды қолдану арқылы әлеуметтік және тәжірибелік мәселелерді шешудің тиімді жолдарын ұсынды.Ең ерекше марапат – Қорқыт ата атындағы Қызылорда университетінің білім грантын Ерасыл Айдарбек иеленді. Оның «Remotion» жобасы – инсульттан кейін қолдың ұсақ моторикасын ойын арқылы қалпына келтіретін портативті құрылғы. Бұл шешім ауылдық өңірлерге қолжетімді әрі тиімді медициналық құрылғы ретінде жоғары бағаланды.&nbsp;Kyzylorda Idea Battle байқауы өңірдің жастар стартап-экожүйесін дамытуға және идеялармен алмасуға арналған маңызды алаңға айналды.<img src="https://knadmin.beoblood.kz/uploads/2dd37942_bb63_4f56_b806_71db5cae4764_e8c673be48.jpg" alt="2dd37942-bb63-4f56-b806-71db5cae4764.jpg">

Қызылордадағы NIS оқушылары Idea Battle байқауында жүлделі болды

<a href="https://kyzylorda-news.kz/">Kyzylorda-news.kz</a> Kyzylorda Hub бизнес-инкубаторы ұйымдастыруымен өткен «Idea Battle» стартаптар жарысы өз мәресіне жетті. 135 қатысушы бақ сынасқан тартысты бәсекеде өңірдің ең үздік жас инноваторлары анықталып, жеңімпаздар жалпы сомасы 1 000 000 теңге көлеміндегі жүлде қорын бөліске салды.Қызылорда облысы әкімі аппаратының «Ақпараттық технологиялар орталығы» КММ мен Қорқыт ата атындағы Қызылорда университеті қолдау көрсеткен «Idea Battle» байқауы – өңірдегі идеясы бар кез келген жасқа өз жобасын сарапшылар алдында таныстырып, оны дамытуға алғашқы қадам жасауға мүмкіндік беретін жоба. Байқау финалында денсаулық сақтау, қауіпсіздік, білім беру және маркетинг сияқты маңызды салалардағы ондаған жоба бақ сынасты. Байқаудың 1-орны мен 500 000 теңге жүлдесін Әбдіжәлелұлы Ернардың «ToiBastar» жобасы жеңіп алды. Бұл – той индустриясына арналған, мейрамхана мен әртістерді бір платформада таңдауға мүмкіндік беретін бірегей экожүйе. 2-орын мен 300 000 теңге жүлдесін жүк тасымалын жеңілдететін «MoveLink» логистикалық сервисінің авторы Дүзенов Нұрдәулет, ал 3-орын мен 200 000 теңге жүлдесін маркетингті автоматтандыруға арналған «Addwise» AI-агентінің авторы Мұқағали Жантүгел иеленді.<img src="https://knadmin.beoblood.kz/uploads/Zhas_innovatorlar_shaj_asy_1_zhe_impazdary_belgili_boldy_f193ee828c.jpg" alt="Жас инноваторлар шайқасы 1 жеңімпаздары белгілі болды.jpg">Байқаудың ең маңызды жүлделерінің бірі – Қорқыт Ата атындағы Қызылорда университетінің білім грантын Айдарбек Ерасыл жеңіп алды. Оның «Remotion» жобасы – инсульттан кейін қолдың ұсақ моторикасын ойын арқылы қалпына келтіретін портативті құрылғы. Бұл әсіресе ауылдық жерлер үшін қолжетімді медициналық шешім ретінде сарапшылардың жоғары бағасын алды.<img src="https://knadmin.beoblood.kz/uploads/Zhas_innovatorlar_shaj_asy2zhe_impazdary_belgili_boldy_31f4549aa7.jpg" alt="Жас инноваторлар шайқасы2жеңімпаздары белгілі болды.jpg">Жеңімпаздардан бөлек, байқауда «Qorğa» (жұмысшылар қауіпсіздігін бақылайтын AI-камера), «Pulse Diagnoser» (жүрек жағдайын диагностикалайтын құрылғы), «Kutim.kz» (бет терісін талдайтын мобильді қосымша) сияқты денсаулық сақтау саласындағы маңызды жобалар; «Stop bullying App» (балаларды буллингтен қорғайтын қосымша) сияқты әлеуметтік бастамалар; және «PrepAI» (халықаралық емтихандарға дайындайтын AI-платформа) сияқты білім беру жобалары таныстырылды.<blockquote>«Бұл байқау Қызылорда өңіріндегі таланттардың қаншалықты жоғары деңгейде екенін тағы бір дәлелдеді. Біз тек идеяларды емес, денсаулықты сақтау, қауіпсіздікті қамтамасыз ету сияқты нақты мәселелерді шешуге дайын, терең ойлайтын жас буынды көрдік. Бұл – біздің аймақтың технологиялық болашағының жарқын екенінің белгісі», – деп атап өтті Kyzylorda Hub жетекшісі Тубекбаев Жанарыс.</blockquote>«Idea Battle» сияқты бастамалар жастардың әлеуетін ашып, олардың кәсіпкерлік пен инновацияға деген қызығушылығын арттыруда маңызды рөл атқарады. Ұйымдастырушылар алдағы уақытта мұндай жобаларды дәстүрлі түрде өткізуді жоспарлап отыр. Бұл өз кезегінде аймақтағы стартап экожүйесінің дамуына серпін беріп, жаңа идеялардың өмірге келуіне жол ашады.Kyzylorda Hubбизнес-инкубаторы

«Kyzylorda Idea Battle» жеңімпаздары белгілі болды

<a href="https://kyzylorda-news.kz/">Kyzylorda-news.kz</a> ҚР Ғылым және жоғары білім вице-министрі Гүлзат Көбенова Сыр өңіріне сапары аясында Қорқыт ата атындағы Қызылорда университетінің әлеуетімен танысты. Вице-министрді қарсы алған университеттің Басқарма Төрағасы-Ректоры Бейбіткүл Каримова кампус-турда алдымен №1 оқу ғимаратындағы арнайы кабинеттерді көрсетті.&nbsp;Одан әрі Гүлзат Ізбасарқызы «Шоқайтану» орталығындағы қазақ халқының азаттығы үшін күрескен Мұстафа Шоқай жөніндегі ғылыми мақалалар мен әдеби еңбектеріне шолу жасап, құнды деректерге қанықты. Вице-министр бастаған жұмысшы топ заманауи оқу құралдарымен жабдықталатын кітапхана құрылысымен де танысты. Ізденушінің білім көкжиегін кеңейтуге арналған нысанда 2 миллионға жуық кітап сақталады. Құрылысшылармен жұмыс барысын талқылаған Гүлзат Ізбасарқызы &nbsp;күрделі жаңғыртудың сапалы әрі уақытылы аяқталуына сенім білдіретінін жеткізді. &nbsp;Мәртебелі мейман Студенттер сарайындағы «Open space» үлгісінде қайта ашылған кітапханаға да арнайы барды. Соңғы үлгідегі компьютер, ноутбук, 30 орындық конференц зал, 10 орындық кіші зал және студенттер үшін 40 орындық жеке орынмен қамтылған «Open Space» қызметіне жоғары баға берді. Вице-министр аралау барысында сирек кездесетін құнды кітаптарға ерекше назар аударды. Әсіресе 18 ғасырда көне корей тілінде жазылған көптомдық жинақтың мән-маңызына айырықша тоқталды. Сондай-ақ 1907 жылы Қазанда жарық көрген құран кітабына да қызығушылық білдірді. &nbsp;<img src="https://knadmin.beoblood.kz/uploads/2_Vicze_ministr_universitet_leuetin_zho_ary_ba_alady_d362015755.jpg" alt="2Вице-министр университет әлеуетін жоғары бағалады.jpg">Сонымен қатар меймандар университет жанындағы студенттер мен оқытушыларға арналған жатақхананың жағдайымен де танысты. Жатақхана ішінде студенттердің бос уақытын тиімді өткізуге арналған демалыс бөлмелері мен оқу залы қарастырылған.Одан әрі вице-министр №9 оқу ғимаратындағы «Арал өңірі экожүйелерін зерттеу халықаралық орталығына» барып, теңіздің құрғаған ұлтанын көгалдандыру жобаларымен танысты. Сонымен қатар «Зоологиялық мұражай», «Жалпы және бейорганикалық химия» оқу-зерттеу лабороториясы, «Микробиология және вирусология» және бірнеше ғылыми-әдісетемелік орталықтың жұмысын көрді. &nbsp; &nbsp;&nbsp;№5 оқу ғимаратында ҚР Ғылым және жоғары білім вице-министрі Гүлзат Көбенованы университеттің жас ғалымдары қарсы алды. Вице-министрге қауыз бен сабаннан алынған биочар, терра прета, целлюлоза, кремний диоксиді секілді ізденушілер өндірген өнімдер жөнінде кеңінен баяндалды. Сонымен қатар Корей мемлекетінің Сеул ұлттық ғылым және технология университетімен бірлескен жобалар көрмесімен танысты. Білім алушылар жасанды интеллект, цифрландыру, робототехника бағытындағы жетістіктерімен бөлісіп, ауқымды жоспарларын ортаға салды. &nbsp;&nbsp;<img src="https://knadmin.beoblood.kz/uploads/1_Vicze_ministr_universitet_leuetin_zho_ary_ba_alady_11b7114c6c.jpg" alt="1 Вице-министр университет әлеуетін жоғары бағалады.jpg"> Гүлзат Ізбасарқызы бастаған топ жұмыс сапары соңында Ботаникалық бақта тал егіп, жасыл желектің артуына үлес қосты. Сонымен қатар күзгі жиын-терімге кіріскен жылыжайды аралап көрді. Вице-министр Сыр өңірінің басты білім ордасының &nbsp;ғылыми-тәжірибелік прогреспен &nbsp;қатар мәдени-спорттық, қоғамдық-әлеуметтік әлеуетті теңдей дамытуды оң жолға қойған жұмысына оң баға берді.

Вице-министр университет әлеуетін жоғары бағалады

<a href="https://kyzylorda-news.kz/">Kyzylorda-news.kz</a> Қызылорда қаласының Қазақстанның астанасы болғанына биыл 100 жыл толып отыр. Осы мерейлі дата аясында «AMANAT» партиясы Қызылорда қалалық филиалында «КІТАП-AMANAT» жобасы шеңберінде «Тарих тұғыры – Қызылорда. 100 жылдық шежіре» атты кітап көрмесі ұйымдастырылды.Шараның мақсаты – Сыр өңірінің бай тарихын, рухани мұрасын және ел дамуына қосқан үлесін кеңінен насихаттау, сонымен қатар жастар арасында кітап оқуға деген қызығушылықты арттыру.Көрменің салтанатты ашылуына партияның облыстық филиалының атқарушы хатшысы Ләйлә Төрешова және партияның қалалық филиалының атқарушы хатшысы Гүлшат Мұсаева қатысты.Шара барысында қонақтарға Сыр елінің әсем әндері мен ұлттық күйлері ұсынылып, көрменің рухани мазмұнын байыта түсті.Сондай-ақ қатысушыларға Қызылорданың тарихына қатысты қызықты блиц-сұрақтар қойылып, жеңімпаздарға естелік сыйлықтар табысталды.Көрмеде Қызылорда облыстық Ә.Тәжібаев атындағы әмбебап ғылыми кітапханасының қызметкерлері Сыр өңірінің өткені мен бүгінін сипаттайтын, өңір тұлғаларының өмірі мен еңбегін қамтитын құнды кітаптар топтамасын көпшілік назарына ұсынды.Іс-шараға қатысушылар қала тарихына арналған мұндай жобалардың маңыздылығын атап өтіп, кітап оқу мәдениетін қалыптастыру – елдің рухани дамуының басты кепілі екенін айтты.

«Тарих тұғыры – Қызылорда. 100 жылдық шежіре» атты кітап көрмесі өтті

<a href="https://kyzylorda-news.kz/">Kyzylorda-news.kz</a> Қызылорда қаласының Астана болғанына 100 жыл және Қазақстан халқы Ассамблеясының 30 жылдығына арналған «Дәуірлер тоғысындағы Сыр өңірі: тарих және тағылым» атты халықаралық ғылыми-тәжірибелік конференция өтті.Маңызды жиын Қызылорда қаласындағы Достық үйінде ұйымдастырылып, оған зиялы қауым өкілдері, ғалымдар, Ассамблея құрылымдарының мүшелері, этномәдени бірлестік жетекшілері мен жастар қатысты.Шараның модераторы – Қызылорда облысы әкімінің орынбасары Мейрамбек Шермағанбет болды.Конференцияның ашылуында облыс әкімінің орынбасары Мейрамбек Зинабдинұлы қатысушыларға өңірдің тарихи ерекшеліктері мен ел өміріндегі айрықша орнын атап өтті.<blockquote>– Сыр өңірі – көне өркениет іздері сайрап жатқан, тарихы терең, тағылымы мол мекен. Бұл өңірде ұлт тарихының ең маңызды шешімдері қабылданып, Алаш ардақтылары ел мүддесі жолында тер төкті. 1925 жылы дәл осы қалада халқымызға «қазақ» деген атаудың қайтарылуы – тарихи әділдіктің орнауының айқын көрінісі, – деді ол өз сөзінде.</blockquote>Сонымен бірге Мейрамбек Шермағанбет Қазақстан халқы Ассамблеясының 30 жылдық мерейтойының ел бірлігі мен этносаралық татулықты нығайтудағы маңызын атап өтті.<blockquote>– Бүгінде өңірде 30-дан астам этнос өкілі тату өмір сүріп, 11 этномәдени бірлестік түрлі бағыттағы мәдени-ағартушылық шараларды тұрақты өткізіп келеді. Бұл – елдегі демократиялық ұстанымдардың нығайғанының айғағы. Қазіргі таңда Қызылордада жаңа «Достық үйі» салынуда. Құны 3 миллиард 800 миллион теңге болатын бұл ғимарат «ҚазАтомӨнеркәсіп» компаниясының қолдауымен бой көтеріп жатыр және Ассамблеяның 30 жылдығына тарту ретінде жыл соңына дейін пайдалануға берілмек, – деді облыс әкімінің орынбасары.</blockquote>Одан кейін сөз алған Қорқыт Ата атындағы Қызылорда университетінің басқарма төрағасы-ректоры, филология ғылымдарының кандидаты Бейбіткүл Кәрімова өңір дамуына университет ғалымдарының қосып отырған үлесін атап өтті.<blockquote>– Қызылорда университеті өңірдің ғылыми-интеллектуалдық әлеуетін арттыруға, жас зерттеушілер мен тарихшылардың жаңа буынын тәрбиелеуге атсалысып келеді. Біздің ғалымдар Сыр өңірінің бай тарихи мұрасын зерттеп, ұлттық руханиятты жаңғырту жолында жүйелі еңбек етіп жатыр, – деді ол.</blockquote>Конференция барысында Қазақстан Республикасы Ғылым және жоғары білім министрлігінің Ғылым комитеті Философия, саясаттану және дінтану институтының директоры, әлеуметтану ғылымдарының докторы, ҚХА Ғылыми-сарапшылық кеңесінің төрағасы Айгүл Сәдуақасова «Қазақстан халқы Ассамблеясы – азаматтық мектеп ретінде» тақырыбында баяндама жасады.Қожа Ахмет Ясауи атындағы Халықаралық қазақ-түрік университетінің профессоры, филология ғылымдарының докторы Сейдулла Садықов «Ұлттық рух алдаспаны немесе қалай қазақ атандық» атты мазмұнды баяндама жасап, ұлттың тарихи жадын сақтау мен рухани сабақтастықтың маңызын айрықша атап өтті.Түркия Республикасының Ескишехир Османгази университетінің оқытушысы Метин Эрдоган екі ел арасындағы білім және ғылым саласындағы өзара ынтымақтастық бағыттарына тоқталды.Өзбекәлі Жәнібеков атындағы Оңтүстік Қазақстан педагогикалық университетінің «Тәрбие жұмысы және жастар саясаты» департаментінің директоры, тарих ғылымдарының кандидаты Қайрат Анарбаев этносаралық диалог мәдениетін қалыптастырудағы жастардың рөлі мен халық даналығының тәрбиелік мәні жөнінде ой қозғады.Ал Қорқыт Ата атындағы Қызылорда университетінің профессоры, филология ғылымдарының кандидаты Ғабит Тұяқбаев «Қызылорданың астана кезеңі және қазақ зиялылары» тақырыбында баяндама жасап, Сыр өңірінде еңбек еткен Алаш ардақтыларының ұлт тарихындағы орны мен қызметін жан-жақты саралады.Жиын соңында қатысушылар Сыр өңірінің астана мәртебесін иеленген кезеңдегі тарихи шешімдер мен сол дәуірдің тағылымды тәжірибесін зерделеудің маңызын атап өтіп, алдағы Ұлттық құрылтайдың Қызылордада өткізілуін ел бірлігі мен рухани жаңғыру жолындағы маңызды қадам деп бағалады.<blockquote>– Тарихты білу – өткенмен өмір сүру емес, одан тағылым алып, келешекке нық қадам жасау. Сыр бойы – елдіктің, бірліктің, мәдениет пен өркениеттің ордасы. Бүгінгі конференция соның дәлелі, – деді жиынды түйіндеген облыс әкімінің орынбасары Мейрамбек Шермағанбет.</blockquote>

Қызылордада Халықаралық ғылыми-тәжірибелік конференция өтті

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a>&nbsp; Қасым-Жомарт Тоқаев Еуропалық Кеңес басшысы Антониу Коштаға ілтипат білдіріп, Қазақстан Ұйыммен екіжақты негізде, сондай-ақ C5+ форматы аясында серіктестікті арттыруды берік ұстанатынын жеткізді деп хабарлады Ақорда.Әңгімелесу барысында Қазақстан мен Еуропа Одағы арасында сауда-экономикалық, инвестициялық және мәдени-гуманитарлық байланыстарды ілгерілетуге бағытталған саяси диалогтың қарқынды дамып келе жатқаны айтылды.Қасым-Жомарт Тоқаев пен Антониу Кошта халықаралық және өңірлік күн тәртібіндегі өзекті мәселелерді талқылады.Кездесуде өзара тиімді өңіраралық ынтымақтастықты одан әрі нығайтуды жалғастыру жөніндегі уағдаластыққа қол жеткізілді.Фото: Ақорда

Мемлекет басшысы Еуропалық Кеңес Президентімен келіссөз жүргізді

<a href="https://kyzylorda-news.kz/">Kyzylorda-news.kz</a> &nbsp;Арнайы экономикалық аймақтарды басқаруға шетел компанияларын да тартуға болады. Бұл туралы Мемлекет басшысы Қасым-Жомарт Тоқаев Қазақстан халқына Жолдауында <a href="https://kaz.inform.kz/news/kazakstan-3-zhil-shnde-mndett-turde-zhappay-tsifrlik-elbolui-kerek-tokaev-fff270/">айтты.</a><blockquote>— Тағы бір мәселе. Өңірлерге инвестиция тарту барысында арнайы экономикалық аймақтар айрықша рөл атқарады. Алайда олардың көбінің жұмысы мәз емес. Бұл мәселе бойынша әңгімелер талай рет айтылды. Үкімет арнайы экономикалық аймақтардың тиімділігін арттыру үшін терең сараптама жасап, түбегейлі шаралар қабылдауға дайын болуы керек. Арнайы экономикалық аймақтарды басқаруға жеке компанияларды, қажет болса, шетел компанияларын тартуға болады. Әлеуметтік-кәсіпкерлік корпорациялар аймақтардың экономикалық өсімін арттыратын қозғаушы күш болуға тиіс. Бірақ, көбі коммуналдық мүліктерді басқарумен және аса маңызды емес жобаларды жүзеге асырумен шектеліп отыр. Олардың аймақ экономикасына әсері шамалы, — деді Мемлекет басшысы.</blockquote>Президент Үкімет осындай корпорацияларды толыққанды даму институтына айналдыруы керектігін баса айтты.<blockquote>— Инвестиция тарту — орталық атқарушы органдардың ғана міндеті емес. Осы маңызды жұмысқа жергілікті билік те атсалысып, бәрі жұмыла жұмыс істеуге тиіс. Әкімдердің аймақтағы инвестициялық ахуалға тікелей жауапкершілігін белгілеу керек. Стратегиялық жоспарлау және реформалар агенттігі аймақтардың инвестициялық тартымдылық индексін енгізуге тиіс. Мүмкін, бұл жұмысқа тәуелсіз сарапшыларды тартқан жөн болар. Бірақ, қазіргі басты мәселе: жоғары инфляция экономикалық көрсеткіштер мен халықтың табысын «жұтып қойып» жатыр. Оның дайын тұрған шешімі жоқ, бұл — көптеген мемлекет бетпе-бет келіп отырған түйткіл. Мәселе бәріне ортақ болғанмен, ол біздің жағдайда айрықша сезіліп отыр. Осы макроэкономикалық құрсаудан шығуымыз керек, — деді Қасым-Жомарт Тоқаев.</blockquote>Мемлекет басшысы қиындықтар күні кеше ғана пайда болмағынан назар аудартты.<blockquote>— Оны шешу үшін әлемдегі озық тәжірибелерді ескеріп, жұртқа ұнай бермейтін шаралар қабылдауға және оның жауапкершілігін көтеріп алуға дайын болу қажет. Үкімет пен Ұлттық банк мемлекеттік ауқымдағы міндетті алдына қойған біртұтас команда ретінде жұмыс істеуі керек. Қазір әркім көрпені өзіне қарай тартатын кез емес, — деді Президент.</blockquote>Фото: Ақорда

Арнайы экономикалық аймақтарды басқаруға шетел компанияларын да тартуға болады — Президент 

<a href="https://kyzylorda-news.kz/">Kyzylorda-news.kz</a> «Сондай-ақ негізгі дәліздер аясында автомобиль жолдарын дамытуға баса мән берген жөн.Қазір елімізде 13 мың шақырым автокөлік жолдары салынып, жөнделіп жатыр. Жол салған кезде транзиттік дәліздердің мән-маңызына баса көңіл аударған жөн. «Сексеуіл-Бейнеу» жолының құрылысын тездету керек. Осы жолдың арқасында Қазақстан аумағы арқылы Қытайдан Еуропаға жүк тасымалдау мерзімінің үштен бірі қысқарады.Сонымен қатар көлік жүйесін басқарудың жаңа үлгісін жасаған жөн. Себебі мемлекет инвестициясының экономикалық қайтарымы айқын болуы тиіс. Контейнермен жүк тасымалдау ісіне тың серпін беру керек.Әлемде құрлық арқылы тасымалданатын жүктің 16 пайыздан астамы контейнермен жіберіледі. Бірақ, елімізде оның үлесі әлі де төмен – небәрі 7 пайызға жуық. &nbsp;Үкімет контейнермен жүк тасымалдау ісін жандандыруға арналған арнайы бағдарлама қабылдауы қажет. Онда мультимодальді бағыттарды дамытатын пәрменді шаралар да қарастырылуға тиіс.Ішкі тасымалдың көлемін және бәсекеге қабілетін арттыру үшін тариф саясатының тиімді әрі түсінікті болуы айрықша маңызды рөл атқарады. Қазіргі тариф қалыптастыру жүйесінде бірізділік жоқ, ол нарыққа икемделмеген.Үкімет жыл соңына дейін көліктің барлық түрін ескере отырып, бәсекеге қабілетті тариф саясатын әзірлеуге тиіс.Жүк тасымалдаушылар рәсімдердің көп уақыт алатынын айтып, жиі шағымданады. Олар әр қызметті түрлі цифрлық жүйе арқылы рәсімдеуге мәжбүр. Тіпті, бұрынғыдай қағаз толтырып, әуре-сарсаңға түсіп жатады. Кейбір шекара және кеден бекетінде сапалы интернет жоқ. Бұл да жұрттың наразылығын туғызады. Осындай келеңсіз жағдайларды тез арада түзетуіміз қажет.Сонымен қатар жасанды интеллектіні қолдана отырып тасымалды басқарудың кешенді, көпбейінді цифрлық платформасын енгізу керек. Бұл жұмысты тездетіп аяқтау қажет.Қазан айының соңына дейін кеден және логистика қызметін көрсететін Smart Cargo бірыңғай цифрлық жүйесін іске қосқан жөн. Бұл жүйе инфрақұрылымды жеке компанияларға автоматты түрде бірдей қолжетімді етеді.Шекарадағы өткізу бекеттері жаңғыртылып жатыр. Биыл 8 бекет толығымен іске қосылады. Алдағы 3 жылда тағы 34 бекет жаңарады. Бұл – өте ауқымды шаруа. Себебі, кейбір бекеттердің сапасы сын көтермейді, қазіргі заманның талабына сай келмейді, еліміздің беделіне нұқсан келтіреді.Автокөлікпен жүк тасымалдауға арналған шекара маңындағы қызмет сапасын жақсартуды Үкімет пен әкімдіктерге тапсырамын. Еліміздің бүкіл аумағында кедергісіз тасымалдау жүйесін қалыптастыру – өте маңызды міндет. Транзиттік жүктердің «жасыл дәліз» қағидасымен еш тосқауылсыз өтуіне барынша жағдай жасау қажет».Фото Ақорда

Президент: «Автокөлікпен жүк тасымалдауға арналған шекара маңындағы қызмет сапасын жақсартуды Үкімет пен әкімдіктерге тапсырамын»  

<a href="https://kyzylorda-news.kz/">Kyzylorda-news.kz</a>&nbsp; Жаһандық деструктивті күштер ұлттық мәдениеттер мен дәстүрлердің іргесін шайқап отыр. Бұл туралы Мемлекет басшысы Қасым-Жомарт Тоқаев Қазақстан халқына Жолдауында <a href="https://kaz.inform.kz/news/zhasandi-intellektn-paydalanip-asa-kaupt-karu-zhasaytindar-payda-boldi-f900aa/">айтты.</a><blockquote>– &nbsp;Халықаралық құқықтың мән-маңызы кете бастады. Ал БҰҰ өзінің рөлі және мәртебесіне сай қазіргі басты түйткілдерді шешуге қауқарсыз болуда. Экологиялық және технологендік апаттардың кесірінен түрлі елдердің экономикасы орасан шығынға батуда. Батыстағы этносаралық, дінаралық үйлесіммен мәдениәралуандық тұжырымдамасы дағдарысқа ұшырады. Жаһандық деструктивті күштер ұлттық мәдениеттер мен дәстүрлердің іргесін шайқауда. Босқындардың саны көбейіп, көші-дағдарысы туындады. Адам саудасы, қару-жарақ пен есірткі саудасы өршіп тұр. Бұрын-соңды болмаған мүлде жаңа сын-қатерлер күллі адамзаттың қауіпсіздігіне нұқсан келтіруде. Тіпті, жасанды интеллектіні пайдаланып, аса қауіпті қару жасайтындар пайда болды, — деді Қасым-Жомарт Тоқаев.&nbsp;</blockquote>Мемлекет басшысы геосаяси ахуалдың түбірімен өзгере бастағанын аңғартатын басқа да факторлар аз еместігін баса айтты.<blockquote>— Қысқаша айтсақ, әлемде жаңа геосаяси тәртіп орныға бастады. Қазақстан әлем қауымдастығының ажырамас бөлігі. Мемлекетіміз Еуразия құрылғының дәл ортасында орналасқан. Қазіргі заман бұлыңғыр, тұрақсыз болса да біз бәріміз жаппай цифрландыру және жасанды интеллект дәуіріне қадам бастық. Менің негізгі мақсатым осындай түрлі қатерге толы кезеңде еліміздің тұрақты әлеуметтік-экономикалық дамуын және қауіпсіздігін қамтамасыз ету, — деді Президент.</blockquote>Фото: Оқу-ағарту министрлігі

Жасанды интеллектіні пайдаланып, аса қауіпті қару жасайтындар пайда болды  

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен кадрлық өзгерістерге орай актив отырысы өтіп, оған құқық қорғау органдарының бірінші басшылары, басқарма басшылары, қала, аудан әкімдері қатысты.Нұрлыбек Машбекұлы Қызылорда облысы бойынша Қылмыстық-атқару жүйесі департаментінің бастығы болған Шаймерден Есенкелдиевті басқа қызметке ауысуына байланысты құрметпен шығарып салды. Ол ротация тәртібімен Ақтөбе облысы бойынша Қылмыстық-атқару жүйесі департаментінің бастығы лауазымына тағайындалды.<blockquote>«Бүгін Өздеріңізбен бірге әріптесіміз Шаймерден Тәжіқұлұлы Есенкелдиевті басқа қызметке ауысуына байланысты шығарып салу үшін арнайы жиналдық. Әріптесіміз еңбек жолын қарапайым полиция қызметкерінен бастап, жоғары басшылық лауазымға дейін сатылап өскен азаматтардың бірі. Өңірімізде алты жыл нәтижелі жұмыс жасап, департамент жоғары жетістіктерге қол жеткізді.Мемлекет басшымыз Қасым-Жомарт Кемелұлы «Қылмыстық атқару жүйесін барынша жетілдіру қажет. Негізгі мақсат – сотталған адамды қоғамнан алшақтату емес. Тиісті тәрбие жұмысын жүргізу өте маңызды. Олардың бойына заң мен тәртіп құндылығын сіңіретін және қалыпты өмірге оралуына ықпал ететін озық тәсілдерді енгізу керек», – деген болатын.</blockquote>Аймағымызда атқарылған жүйелі жұмыстардың арқасында соңғы жылдары жазасын өтеушілерді еңбекке тарту үлесі 68 пайызға өсті. №60 мекемеде 18 өндірістік цех іске қосылып, 400-ден астам бас бостандығынан айырылған азамат жұмыспен қамтылып, қайта әлеуметтендірілді.<img src="https://knadmin.beoblood.kz/uploads/1_riptesteri_Shajmerden_Esenkeldievti_bas_a_yzmetke_auysuyna_oraj_rmetpen_shy_aryp_saldy_554937a635.jpg" alt="1Әріптестері Шаймерден Есенкелдиевті басқа қызметке ауысуына орай құрметпен шығарып салды.jpg">Қылмыстық-атқару жүйесі инфрақұрылымын жақсарту бағытында жергілікті атқарушы органдармен бірлесіп, ауқымды жұмыс атқарылды. № 60 мекемеге 91 млн. теңгеге 97 электрондық есік орнатылып, № 68 мекеменің емхана ғимаратына 171 млн. теңгеге күрделі жөндеу жүргізілуде. Пробация қызметінің тиімділігін арттыру мақсатында жергілікті бюджет есебінен 39 млн. теңгеге серверлік жүйе орнатылып, 34 млн.теңгеге 176 смарт-білезік алынды. Бұл шаралар қайта қылмысқа бару деректерін 28 пайызға дейін азайтуға мүмкіндік берді», –деді облыс әкімі.Басқосуда Шаймерден Тәжіқұлұлына өңірдің әлеуметтік-экономикалық дамуына, қоғамдық қауіпсіздік пен құқықтық тәртіпті қамтамасыз етуге қосқан үлесі үшін Қызылорда облысының Құрмет грамотасы, «Қызылорда облысының дамуына қосқан үлесі үшін» медалі мен облыс әкімінің Алғыс хаты табысталды.Облыс прокуроры Ризабек Ожаров, облыстық мәслихат төрағасы Мұрат Тлеуімбетов құттықтау сөз сөйлеп, ізгі тілектерін жеткізді.Фото: Қызылорда облысы әкімінің баспасөз қызметі

Әріптестері Шаймерден Есенкелдиевті басқа қызметке ауысуына орай құрметпен шығарып салды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен Мемлекет басшысының Жолдауындағы негізгі бағыттардың бірі агроэкономика және аграрлық ғылымды дамыту мәселелері талқыланған жиын өтті. Оған мәслихат депутаттары, басқармалар мен аумақтық департамент басшылары, ғалымдар, шаруашылық құрылымдарының өкілдері, онлайн байланыс арқылы Қызылорда қаласы мен барлық аудан әкімдері қатысты.Облыс әкімі сала басшыларына Жолдаудан туындайтын міндеттерді сапалы әрі уақытылы жүзеге асыру бойынша нақты тапсырмалар жүктеді.<blockquote>​«Президентіміз Жолдауында: «Қолданбалы ауыл шаруашылығы ғылымын жедел өркендетпейінше, агроөнеркәсіп кешенін ұзақ уақыт бойы қарқынды дамыту мүмкін емес» деген болатын. Әсіресе, аграрлық саланы цифрландыруға, ауыл шаруашылығы ғылымын жетілдіруге негізгі басымдық беруді ерекше атап өтіп, бес міндетті айқындады.Бірінші кезекте ауыл шаруашылығы саласына жаңа тәсілдерді, заманауи технологиялар мен цифрлық шешімдерді, жасанды интеллектіні енгізу, екінші, өнімділік пен қайта өңдеуді арттыру, үшінші, технологиялық жаңғырту, төртінші, ғылым мен зерттеуді дамыту, бесінші, қаржылай қолдау көрсету.Аграрлық салаға цифрлық технологияларды кеңінен қолдану, терең өңдеу бағытындағы жұмыс баса мән беруді қажет етеді. Ғылымды дамытып, цифрлық технологияларды қолданудың тиімділігін шаруашылық құрылымдарына түсіндіру керек.Саланы жетілдіруге арналған ғылыми жобаларды қолдап, оларды іске асыруды сүйемелдеп, цифрландырудағы тың бастамаларды өндіріске енгізуді қарастырыңыздар. Ыбырай Жақаев атындағы Қазақ күріш ғылыми зерттеу институты білім беру орталығының жұмысын жандандыру, ғылыммен айналысатын білікті мамандар даярлау өте маңызды. Оқу орындарын бітірген түлектерді жұмысқа тарту керек.Президентіміздің сенімін ақтау – баршамыздың ортақ парызымыз. Сондықтан осы бағытта атқаратын жұмыстарымыз жүйелі, нәтижелі болсын.Бүгінгі берілген барлық тапсырманың орындалуы тұрақты бақылауымызда болады. Жүктелген міндеттерді жауапкершілікпен бірлесе атқаруға шақырамын», – деді Нұрлыбек Машбекұлы.</blockquote>Мемлекет тарапынан жыл сайын бөлінген қаржының арқасында өткен 8 айдың қорытындысымен ауыл шаруашылығында 66 млрд. 900 млн. теңгенің өнімі өндіріліп, былтырғы сәйкес кезеңмен салыстырғанда 2,5 пайыз, тамақ өнімдерін өңдеу көлемі 16 пайыз артқан.<img src="https://knadmin.beoblood.kz/uploads/1_Agroekonomika_zh_ne_agrarly_ylymdy_damytu_m_seleleri_tal_ylandy_b052c5f46f.jpg" alt="1 Агроэкономика және аграрлық ғылымды дамыту мәселелері талқыланды.jpg">Жиында облыстық ауыл шаруашылығы және жер қатынастары басқармасының басшысы Талғат Дүйсебаев күріш көлемін кезең-кезеңімен оңтайландырып, суды аз қажет ететін дақылдарды жерсіндіру туралы хабарлама жасады.<img src="https://knadmin.beoblood.kz/uploads/2_Agroekonomika_zh_ne_agrarly_ylymdy_damytu_m_seleleri_tal_ylandy_b68fdbe8c7.jpg" alt="2 Агроэкономика және аграрлық ғылымды дамыту мәселелері талқыланды.jpg">Ы.Жақаев атындағы Қазақ күріш ғылыми-зерттеу институтының директоры, облыстық қоғамдық кеңес төрағасы Сұлтанбек Тәуіпбаев аграрлық ғылымды жедел өркендету арқылы агроөнеркәсіп кешенін қарқынды дамыту мүмкіндіктеріне тоқталды. «Ер-Әлі» шаруа қожалығының төрағасы Әліби Бекжанов цифрландыру тәсілдері арқылы өндіріс тиімділігін арттыру, Қорқыт Ата атындағы Қызылорда университетінің ректоры Бейбіткүл Кәрімова білікті кадр дайындап, озық ғылыми жобаларды өндіріске енгізу, сала ардагері, мемлекет және қоғам қайраткері Бекмырза Еламанов су тапшылығы жағдайында қолданылған тәжірибелер жайында пікір білдірді.Фото: Қызылорда облысы әкімінің баспасөз қызметі

Агроэкономика және аграрлық ғылымды дамыту мәселелері талқыланды

<a href="https://kyzylorda-news.kz/">Kyzylorda-news.kz</a> Облыстық мәслихаттағы «AMANAT» партиясы депутаттық фракциясының мүшесі Ералиев Мағжан Абзалұлы партия алаңында қоғамдық қабылдау өткізіп, &nbsp;тұрғындарды толғандырған мәселелерін тыңдады.&nbsp;Тұрғындар қабылдау барысында әлеуметтік осал топтарға қолдау көрсету, мүгедектік арбасын ауыстыру мерзімін қысқарту, коммуналдық төлемдер мен медициналық қызмет көрсету тақырыптарында өтініштері мен ұсыныстарын ортаға салды.Фракция мүшесі &nbsp;аталған мәселелерді жан-жақты зерттеп, құзырлы мекемелерге депутаттық сауал жолдайтынын және жүзеге асыру мүмкіндіктерін қарастыратын болды.&nbsp;Сонымен қатар өтініш иелеріне әлеуметтік қолдау көрсетіп, барлық мәселе жеке бақылауында болатынын айтты. Тұрғындарға партиялық жобалар жайлы кеңестер беріп, алдағы уақытқа жоспарланған шаралармен бөлісті.

Фракция мүшесі тұрғындар өтінішін тыңдады

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен бюджет қаражатының игерілуі және негізгі макрокөрсеткіштердің уақтылы орындалуы мәселесіне қатысты жиын өтті.Бұл бағыттағы жұмыстарда әлі де кемшіліктер бар екенін атап өткен аудан әкімі әлеуметтік-экономикалық дамудың макрокөрсеткіштерін орындау бағытындағы жұмыстарды одан әрі күшейтудің маңызды екенін баса айтты.<blockquote>– Жылдың аяқталуына екі ай уақыт қалды. Негізгі макрокөрсеткіштер бойынша оң динамиканы жыл соңына дейін сақтап қалу бойынша тиісті жұмыстарды ұйымдастырыңыздар. Әрбір көрсеткіштің айма-ай орындалуына аса мән беріп, облыстық басқармалармен, аудандық статистика бөлімімен тығыз жұмыс жасау маңызды. Сондай-ақ экономикалық көрсеткіштерге жеке-дара талдау жасап, жоспарлы индикаторларға жетудің нақты шараларын қарастыру керек, – деді аудан әкімі Аманжол Сақыпұлы.</blockquote>Сонымен қатар бюджет қаражатын игеру де күн тәртібінде тұрған маңызды мәселе екенін атап өтті. Қаржы игеруде төмен көрсеткіштерге жол бермеу керектігін алға тартып, жауаптыларға қатаң ескерту жасады.<blockquote>– Әріптестер, қазіргі таңда бюджеттің жағдайы күрделі. Бюджет қаражаттарын шұғыл игеру бойынша тиісті шараларды қабылдауымыз қажет. Жоспарға сәйкес қаржы ай сайын толық игерілуі тиіс. Он айдың қорытындысымен бюджет қаражатын игеруде төмен көрсеткіштер орын алған жағдайда жауапты лауазымды тұлғаларға қатаң шара қолданылатын болады, – деді аудан әкімі.</blockquote>Бұдан бөлек, алдағы бірқатар міндеттерді пысықтаған аудан әкімі әрбір сала бойынша ахуалды ұдайы назарда ұстап, оң көрсеткіштерге қол жеткізу үшін бірлесе жұмыс істеуге шақырды.<img src="https://knadmin.beoblood.kz/uploads/Byudzhet_2_e854e43afd.jpg" alt="Бюджет 2.jpg">

Әлеуметтік-экономикалық даму және бюджеттің атқарылу қорытындылары талқыланды

<a href="https://kyzylorda-news.kz/">Kyzylorda-news.kz</a> Қазақстан Ұлттық Олимпиадалық комитетінің президенті Геннадий Головкин грек-рим күресінен әлем чемпионы Айдос Сұлтанғалимен кездесті, – деп хабарлайды <a href="https://kaz.inform.kz/news/gennadiy-golovkin-alem-chempioni-aydos-sultangalimen-kezdest-0b89e5/">Қазақпарат.</a>Комитет мәліметінше, кездесу барысында ҰОК басшысы спортшыны 2025 жылы Хорватияның Загреб қаласында өткен әлем чемпионатында жеңіп алған алтын медалімен құттықтады.Еске сала кетейік, Айдос Сұлтанғали 60 келіге дейінгі салмақ дәрежесінде топ жарып, соңғы 26 жылда және XXI ғасырда Қазақстанның грек-рим күресіндегі алғашқы алтын жүлдесін ел қоржынына салды.<blockquote>– Айдос жоғары шеберлік пен табандылық танытты. Оның жеңісі – көп жылғы еңбектің және мақсатқа жүйелі түрде ұмтылудың нәтижесі. Бұл жетістік тек грек-рим күресі үшін ғана емес, жалпы қазақ спорты үшін де үлкен маңызға ие. Енді осы қарқынды сақтап, Лос-Анджелестегі Олимпиада ойындарына тыңғылықты дайындықты жалғастыру қажет. Ұлттық Олимпиадалық комитет өз тарапынан барлық қажетті қолдауды көрсетуге дайын. Айдосқа жаңа олимпиадалық маусымда сәттілік пен табыс тілеймін, - деді Геннадий Головкин.</blockquote>Фото: ҚР ҰОК

Геннадий Головкин әлем чемпионы Айдос Сұлтанғалимен кездесті

<a href="https://kyzylorda-news.kz/">Kyzylorda-news.kz</a> Сауда және интеграция министрі Арман Шаққалиев сауданың жоспарлы көрсеткіштеріне қол жеткізу бойынша жүргізіліп жатқан жұмыстар туралы баяндады.Министрдің айтуынша, 9 айда сауда саласының нақты көлем индексі 108,8% болды. Номиналды түрде сауда көлемі 52,8 трлн теңге болып, өткен жылдың сәйкес кезеңімен салыстырғанда 14,5% өсім көрсетті.<blockquote>– Мұндай өсім елдің барлық өңірде байқалады. Әсіресе сауда өсіміне ең көп үлес қосқан өңірлер — Алматы, Астана, Шымкент қалалары мен Атырау және Қарағанды облыстары. Аталған бес өңірдің үлесіне жалпы сауда көлемінің 71,3% немесе 37,6 трлн теңге тиесілі, – деді А.Шаққалиев.</blockquote>Көтерме сауда көлемі 35 трлн теңгеден асып, өткен жылдың сәйкес кезеңімен салыстырғанда 9,6% артты. Негізгі өсімге шикізаттық емес тұтыну тауарлары мен өндірістік-техникалық мақсаттағы тауарлар үлес қосқан. Бұлардың үлесі шамамен 82% құрайды. Қыркүйек айында шикі мұнай мен табиғи газды өткізу көлемі азайған.Бөлшек сауда да тұрақты өсім көрсетіп отыр. Сауда кәсіпорындары арқылы сату 6,7% өсті, жеке кәсіпкерлер арқылы, оның ішінде базарларда жұмыс істейтіндерді қосқанда 8,1% астам деңгейінде қалыптасты. Өңірлер бөлінісінде бөлшек сауда айналымы бойынша алғашқы үштікке Алматы (32,8%), Астана (14%) және Қарағанды облысы (7,3%) кірді, – деді Сауда министрі.<blockquote>– Сонымен бірге, бөлшек сауда айналымының маңызды драйверлерінің бірі – электронды сауда болып отыр. Жедел бағалау деректеріне сәйкес, осы жылдың 9 айында онлайн-сатылым көлемі шамамен 2,7 трлн теңге болды, бұл өткен жылдың сәйкес кезеңімен салыстырғанда 14% жоғары, – деді спикер.</blockquote>Фото: freepik.com

Бас тақырыптар