<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде қос дипломды және бірлескен білім беру бағдарламаларын әзірлеуге арналған әдістемелік воркшоп өтті. Шараның негізгі мақсаты – халықаралық ынтымақтастықты дамыту, білім беру бағдарламаларын сапалы жобалау және оларды тиімді іске асыру жолдарын талқылау.Іс-шараны Басқарма төрағасы – Ректор Наурызбай Байқадамов ашып, воркшоптың маңыздылығына тоқталды. Наурызбай Сейтқалиұлы қазіргі таңда халықаралық деңгейде бәсекеге қабілетті мамандар даярлауда қос дипломды және бірлескен білім беру бағдарламаларының рөлі ерекше екенін атап өтті. Сонымен қатар, мұндай бағдарламалар университеттің академиялық әлеуетін арттырып, білім беру сапасын жаңа деңгейге көтеруге мүмкіндік беретінін жеткізді.Воркшоптың модераторы Академиялық мәселелер жөніндегі проректор Дана Абдрашева болды. Шараға университеттің басшылық құрамы, профессор-оқытушылар құрамы және білім беру бағдарламаларының жетекшілері қатысты.Воркшоп барысында қатысушыларға қос дипломды және бірлескен білім беру бағдарламаларын әзірлеудің теориялық және практикалық негіздері таныстырылды. Сонымен қатар, бағдарламаларды тиімді жоспарлау мен іске асыру дағдыларын қалыптастыру, халықаралық серіктестік аясында білім беру бағдарламаларын үйлестіру бойынша кәсіби құзыреттерді дамыту мәселелері қарастырылды.Білім беру бағдарламаларын үйлестіру және оқу үдерісін жоспарлау басқармасының басшысы Ақмарал Бұхарбаева «Қос дипломды, бірлескен білім беру және Minor, микроквалификация әзірлеу тәртібі» тақырыбында баяндама жасады. Ол өз сөзінде бағдарламаларды әзірлеудің негізгі кезеңдері мен талаптарын түсіндіріп, тәжірибелік ұсыныстарымен бөлісті.Әдістемелік воркшоп жоғары оқу орындарының халықаралық ынтымақтастығын дамытуға, білім беру бағдарламаларын сапалы жобалауға және үйлестіруге бағытталды. Қатысушылар бағдарламаларды әзірлеудің заманауи тәсілдерімен, нормативтік талаптармен және үздік тәжірибелермен танысты. Бұл өз кезегінде бағдарламалардың сапасын арттыруға, еңбек нарығына сәйкестігін қамтамасыз етуге және университеттің институционалдық әлеуетін нығайтуға мүмкіндік береді.Шара соңында пікір алмасу сұрақ-жауап форматында жалғасып, қатысушылар өздерін қызықтырған сұрақтарын қойып, ұсыныстарын ортаға салды.

Қорқыт ата университетінде білім беру бағдарламаларын жетілдіруге арналған воркшоп өтті

<a href="https://kyzylorda-news.kz/">Kyzylorda-news.kz</a>&nbsp; &nbsp;ҚР Денсаулық сақтау министрінің бұйрығымен денсаулық сақтау және білім беру ұйымдарындағы тамақтану талаптарына өзгерістер <a href="https://kaz.inform.kz/news/kazakstan-mektepternde-tamaktanu-talaptari-zhanartildi-a27a5b/">енгізілді.</a>Құжатта негізгі ұғымдар нақтыланып, мектептерде тамақтануды ұйымдастыру тәртібі қайта қаралды. Соған сәйкес медицина қызметкерлерінің міндеттері де өзгертілді.Енді медицина қызметкері:· дұрыс тамақтану қағидаларын енгізіп, оның сақталуын қадағалайды; · тағам сапасын бақылау комиссиясының жұмысына қатысады; · тағам таратылар алдында ас дайындайтын жерде дайын астың сапасын күн сайын тексеріп, нәтижесін журналға тіркейді; · ерекше тағамды қажет ететін оқушылардың тізімін жасап, олардың тамақтануын бақылауда ұстайды; · оқушылар, ата-аналар мен мұғалімдерге аурудың алдын алу және салауатты өмір салты туралы дәрістер мен семинарлар өткізеді; · мәзір өзгерген жағдайда тағамның мөлшерін, құрамын және қуаттылығын қадағалайды; · асхана қызметкерлерінің денсаулығын апта сайын тексереді.Құжатта балалардың дұрыс тамақтану әдетін қалыптастыруға ерекше мән берілген. Осы мақсатта мектептерде тәрбиелік және түсіндіру шаралары жүргізіледі.Атап айтқанда:· оқушыларға дұрыс тамақтану мен салауатты өмір салты туралы түсінік беру үшін денсаулық бұрыштарын ұйымдастыру; · дұрыс тамақтану және оның денсаулыққа әсері туралы плакаттар, жадынамалар мен буклеттер әзірлеп, ілу және тарату; · «Қауіпсіздік сабақтары» аясында жылына кемінде екі рет дұрыс тамақтануға арналған сынып сағаттарын өткізу; · оқушылар мен олардың ата-аналарына тамақтану әдебі, тағамның пайдасы мен зияны туралы түсіндіру; · дұрыс тамақтануды насихаттайтын байқаулар мен акциялар ұйымдастыру; · «Дұрыс тамақтану апталығын» өткізу; · мектеп асханаларында тағамға қосымша тұз қоспау арқылы тұз тұтынуды азайту (ас үстелдерінен тұз салғыштарды алып тастау); · оқушылар мен ата-аналарға дұрыс тамақтану туралы ақпаратты мессенджерлер арқылы тарату.Сонымен қатар мектеп асханалары мен тамақтану орындарында сатылатын азық-түлікке қойылатын талаптар да жаңартылды.Бұдан бөлек, құжатта білім беру ұйымдарындағы тамақтану нормалары белгіленген.Бұйрық 2026 жылғы 31 наурыздан бастап күшіне енеді.Фото: Ақтөбе облысының әкімдігі

Еліміздегі мектептерде тамақтану талаптары жаңартылды 

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің Kyzylorda Hub алаңында «Amanat» партиясының Қызылорда облыстық филиалымен бірлескен өңір жастарына арналған «Amanat AI ToT» жасанды интеллект бойынша оқыту бағдарламасы өз жұмысын бастады.Бағдарламаның ашылу рәсімінде «Amanat» партиясы Қызылорда облыстық филиалының төрағасы Жандос Базартай сөз сөйлеп, жобаның негізгі мақсатына тоқталды. Ол өз сөзінде жасанды интеллекттің бүгінгі таңда тек ІТ саласының мамандарына ғана емес, барлық бағыттағы мамандар үшін қажетті маңызды дағдыға айналғанын жеткізді.Іс-шараға университеттің Ғылыми жұмыстар және халықаралық байланыстар жөніндегі проректоры Майнура Бурибаева қатысып, оқу орнында жасанды интеллект бағыты қарқынды дамып келе жатқанын атап өтті. Сонымен қатар, білім беру бағдарламаларына заманауи цифрлық технологиялар енгізіліп, студенттердің цифрлық құзыреттілігін арттыруға ерекше мән беріліп отырғанын жеткізді.&nbsp;Аталған шара Қазақстандағы Жасанды интеллект және цифрландыру жылы аясында, сондай-ақ «Цифрлық мемлекет» тұжырымдамасын жүзеге асыру мақсатында ұйымдастырылып отыр.&nbsp;Екі күнге жоспарланған бағдарламаға өңірдің әр ауданынан келген 30 жас қатысуда. Оқытудың басты мақсаты – аудан жастарына жаңа технологияларды меңгертіп, оларды өз өңірлерінде білім тарататын тренерлер деңгейіне дейін жеткізу және жасанды интеллект сауаттылығын арттыру.Бағдарлама аясында қатысушылар генеративті жасанды интеллект негіздерімен танысып, нейрожелілермен жұмыс істеу қағидаттарын, тиімді сұраныс (промпт) құрастыру тәсілдерін меңгереді. Сонымен қатар, жасанды интеллект көмегімен мәтін, сурет және презентациялар әзірлеу, Vibecoding бағыты арқылы бағдарламалау тілдерін терең білмей-ақ цифрлық өнімдер жасау, сондай-ақ күрделі технологиялық ұғымдарды қарапайым тілмен түсіндіру және жергілікті деңгейде оқыту жұмыстарын ұйымдастыру әдістері бойынша білім алады.&nbsp;Бұл бастама өңір жастарының цифрлық дағдыларын дамытып қана қоймай, олардың инновациялық ойлау қабілетін арттыруға және заманауи технологияларды тиімді қолдана білетін жаңа буын көшбасшыларын қалыптастыруға бағытталған.

Қорқыт ата университетінде өңір жастарына арналған «Amanat AI ToT» оқыту бағдарламасы басталды

<a href="https://kyzylorda-news.kz/">Kyzylorda-news.kz</a> &nbsp;Алматы қаласында «Үздік жыл психологі» республикалық байқауының жеңімпаздары марапатталды. Қызылордадағы Зияткерлік мектептің педагог-психологі Жадыра Қонысбаева мен Семейдегі NIS-тің педагог-психологі Жадыра Бейсембаева ІІ орынға ие болды.Жадыра Қонысбаева байқауда «Эмоция мен дарын үндестігі: тұлғалық үйлесімнің жаңа формуласы» атты авторлық бағдарламасын ұсынды. Жоба жасөспірімдердің эмоционалдық интеллектісін инновациялық әдістер арқылы дамытуға бағытталған. Бағдарлама цифрлық ортада өсіп келе жатқан жас буынның психологиялық тұрақтылығын нығайтып, эмоционалдық сауаттылығын қалыптастыруға және тұлғалық әлеуетін ашуға мүмкіндік береді.Ал Семейдегі NIS-тің педагог-психологі Жадыра Бейсембаева «Оқушылардың академиялық жетістігін психологиялық-педагогикалық қолдаудың интегративті моделі» атты бағдарламасын таныстырды. Бағдарлама диагностикалық, түзету және педагогикалық жұмыстарды біріктіру арқылы оқушылардың оқу жетістігін арттыруға және олардың психологиялық жағдайын жақсартуды көздейді.Айта кетейік, «Үздік жыл психологі» республикалық байқауы педагог-психологтердің кәсіби шеберлігін арттыруға, озық тәжірибелерді бөлісуге және оқушылардың психологиялық саулығын қолдауға бағытталған.Байқауды жыл сайын Қазақстан Республикасы Оқу-ағарту министрлігінің «Дарын» республикалық ғылыми-практикалық орталығы өткізеді.

NIS педагог-психологтері кәсіби шеберлігін республикалық байқауда дәлелдеді

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің Біліктілікті арттыру және қосымша білім беру орталығында профессор-оқытушылар құрамына арналған біліктілікті арттыру курсы ұйымдастырылды.Курс «Өрлеу» біліктілікті арттыру ұлттық орталығы» АҚ Қызылорда облысы бойынша кәсіби даму институтының ұйымдастыруымен «Оқу нәтижелерін бағалау құралдары: заманауи модельдер мен технологиялар» тақырыбында өтті. Оқу бағдарламасын институттың тәжірибелі оқытушылары жүргізді.Оқыту барысында білім беру процесіндегі заманауи бағалау жүйелері мен инновациялық оқыту технологияларын қолдану мәселелері кеңінен қарастырылды. Атап айтқанда, критериалды бағалау жүйесінің тұжырымдамалық негіздері мен бағалау түрлері, білім беру саласында жасанды интеллектті педагогикалық инновациялармен ұштастырудың әдістемелік негіздері, сондай-ақ AI интеграциясы негізінде сабақ моделін құрастыру жолдары талқыланды.<img src="https://knadmin.beoblood.kz/uploads/Whats_App_Image_2026_03_12_at_17_46_121_aa3a979f4f.jpeg" alt="Қорқыт профессор оқытушылар ">Сонымен қатар тыңдаушыларға білім беру процесінің тұжырымдамалық және нормативтік-құқықтық негіздері түсіндіріліп, «Педагог мәртебесі туралы» заң мен «Педагогтің кәсіби стандарты» талаптары таныстырылды. Курс барысында SOLO таксономиясы, UDL тәсілі, Lesson Study, Action Research және Learning Study секілді заманауи педагогикалық зерттеу әдістері туралы ақпарат берілді.Курс аясында білім алушылардың оқу стильдері мен жас ерекшеліктерін ескере отырып саралап оқыту әдістемесі қарастырылып, SCAFFOLD тәсілі негізінде құзыреттілікке бағытталған оқу тапсырмаларын әзірлеу жолдары көрсетілді.Аталған курс профессор-оқытушылар құрамының кәсіби құзыреттілігін арттыруға және білім беру процесінде заманауи бағалау құралдары мен инновациялық технологияларды тиімді қолдануға бағытталды.Іс-шара қорытындысы бойынша қатысушыларға сертификат табысталды. Салтанатты рәсімге университеттің Басқарма мүшесі – Академиялық мәселелер жөніндегі проректор Дана Абдрашева, «Өрлеу» біліктілікті арттыру ұлттық орталығы» АҚ Қызылорда облысы бойынша кәсіби даму институтының директоры Қызжібек Абдраманова және директор орынбасары Сәкен Серікбаев қатысты.

Профессор-оқытушылар құрамына арналған біліктілікті арттыру курсы ұйымдастырылды

<a href="https://kyzylorda-news.kz/ru">Kyzylorda-news.kz</a> Қазақстан Республикасы Премьер-министрінің орынбасары – мәдениет және ақпарат министрі Аида Балаеваның төрағалығымен Қызылорда қаласында өңірдің әлеуметтік саласын дамыту мәселелері қаралды. Кеңеске облыс әкімі Нұрлыбек Нәлібаев, сондай-ақ салалық министрліктердің өкілдері қатысты, деп хабарлайды Primeminister.kz.Жиын барысында алдымен жоғары білім мен ғылым мәселелері талқыланды. Қатысушылар өңірдегі жоғары білім мен ғылым саласының әлеуетін жан-жақты саралады. Қызылорда облысында үш жоғары оқу орны жұмыс істейді, онда 20 мыңға жуық студент білім алуда. Кейінгі үш жылда студенттер саны 21 %-дан астам артқан. Бұл – жастар арасында жоғары білімге деген тұрақты сұраныс бар екенін көрсететін маңызды көрсеткіш.Салаға жауапты министр еңбек нарығында сұранысқа ие мамандықтар бойынша басым бағыттарды атап өтті. Сонымен қатар, өңірге қажетті кадрларды даярлау жұмысын білім беру тапсырысымен нақты сәйкестендіру және оқытуды практикаға бағыттап күшейту қажет екенін айтты.<blockquote>«Мамандар даярлауда формалды тәсілден арылатын уақыт келді. Әкімдіктер кадр даярлау жұмысын алдын ала жоспарлап, білім беру тапсырысын нақты бағыттар бойынша жүргізуге тиіс. Өңірлік қолдау тетіктері, оның ішінде әкім гранттары мен өңірлік гранттар да болуы керек. Егер қандай да бір бағыттар нәтиже бермей, экономиканың сұранысына сәйкес келмесе, онда нақты шешімдер қабылдау қажет. Тіпті жекелеген факультеттерді оңтайландыруға дейін бару керек», — деді Аида Балаева.</blockquote>Кеңесте денсаулық сақтау саласына қатысты мәселелер де талқыланды. Ведомствоның мәліметінше, өңірде алғашқы медициналық-санитариялық көмектің инфрақұрылымын және аудандық ауруханаларды дамыту жұмыстары жалғасып жатыр. Бұл бағытта жаңа нысандар салу, сондай-ақ диагностикалық базаны жаңарту шаралары жүйелі түрде жүргізілуде.Сонымен бірге нақты шешімдерді қажет ететін бірқатар түйткілдер де көтерілді. Атап айтқанда, алғашқы медициналық-санитариялық көмектің тиімділігін арттыру, алдын алу жұмыстарының нәтижесін күшейту, балалы отбасыларға көрсетілетін патронаж қызметінің сапасын жақсарту, скринингтердің объективтілігін қамтамасыз ету және ауруларды ерте анықтау тетіктерін жетілдіру қажеттігі айтылды. Сондай-ақ кейбір аудандық ауруханаларда диагностикалық мүмкіндіктердің жеткіліксіздігі салдарынан инсульт қызметінің жұмысы шектеліп отырғаны секілді өзекті мәселелер де назарға алынды.Осы ретте Аида Балаева басты басымдық алдын алу жұмыстары болуы керектігін ерекше атап өтті.<blockquote>«Біз үшін басты міндет – ауруды емдеуден бұрын, оның алдын алу шараларын жүйелі түрде күшейту. Біріншіден, скрининг сапасын арттырып, дертті ерте анықтауды формализмсіз жүргізу қажет. Екіншіден, медициналық қызмет көрсету деңгейі жоғары болуға тиіс. Үшіншіден, халықпен тұрақты әрі тиімді ақпараттық-түсіндіру жұмыстарын ұйымдастыру маңызды. Сонымен қатар бақылау қатаң болуы керек. Бөлінген қаражаттың қалай жұмсалғанын және тұрғындардың нақты қандай нәтиже алғанын көріп отыруымыз қажет. Өйткені Үкіметтің қаржысы – халықтың ақшасы», — деді Премьер-министрдің орынбасары.</blockquote>Жиында ҚР Оқу-ағарту министрлігі басқару сапасы мен оқу нәтижелеріне қатысты жүргізілген талдаудың қорытындыларын таныстырды. Проблемалық мәселелердің қатарында білім сапасын ішкі және сыртқы бағалау нәтижелері арасындағы айырмашылық ерекше аталды.Сондай-ақ баяндамада кейбір білім беру ұйымдары біліктілік талаптарына сай келмегендіктен жабылғаны айтылды. Бұл жағдай білім сапасын бақылауды күшейтуді, мектептерге нысаналы әдістемелік қолдау көрсетуді, сонымен қатар саланың цифрлық трансформациясын жеделдетуді қажет ететіні атап өтілді.Өңір үшін басым бағыт ретінде Байқоңыр қаласындағы мектептерді дамыту жобалары, сондай-ақ Қызылорда қаласындағы №3 IT мектеп-лицейі базасында «Жасанды интеллект» бейінді мектебін құру бастамасы көрсетілді.Сонымен бірге, жұмыспен қамтуды әкімшілендіру және мемлекеттік қолдау шараларының тиімділігін арттыру мәселелері бойынша ҚР еңбек және халықты әлеуметтік қорғау бірінші вице-министрі Асқарбек Ертаев баяндама жасады. Ол субсидияланатын жұмыс орындарын ұйымдастыру қағидаларына енгізілген өзгерістерді қосымша пысықтау және өңірлермен келісу қажет екенін жеткізді. Бұл ретте жұмыс берушілерге қойылатын талаптарды нақтылау, сондай-ақ қолдау шараларын цифрлық құралдар арқылы сүйемелдеу тәжірибесін жетілдіру қажеттігі айтылды.Тарихи-мәдени мұра нысандарына бай Сыр өңірінде мәдени туризмді дамыту мәселесі де кеңестің күн тәртібінен тыс қалған жоқ. Сонымен қатар жиында Байқоңыр ғарыш айлағының туристік әлеуеті де талқыланды.Маңызды бағыттардың бірі ретінде тарихи-мәдени мұрамен жүйелі жұмыс жүргізу қажеттігі атап өтілді. ҚР Мәдениет және ақпарат министрлігінің мәліметінше, өңірде мәдениет және архив ісі саласында 413 ұйым қызмет етеді. Кейінгі жылдары бірқатар жаңа нысандар пайдалануға беріліп, бұл мәдени инфрақұрылымды кезең-кезеңімен жаңартуға және тұрғындардың жергілікті деңгейде көрсетілетін қызметтерге қолжетімділігін кеңейтуге мүмкіндік беріп отыр.Сонымен бірге, белгіленген нормативтерге сәйкес, тұрғындарды мәдениет мекемелерімен жеткілікті қамту үшін инфрақұрылымды әлі де кеңейту қажет екені айтылды.Қорытындылай келе, Аида Балаева өңірдің негізгі даму бағыттары бойынша жүйелі жұмысты күшейтуді тапсырды. Әсіресе кадр даярлау ісін экономиканың нақты сұранысымен үйлестіру, нәтиже бермейтін білім беру бағдарламаларын қайта қарау, сондай-ақ мектептер мен жоғары оқу орындарындағы идеологиялық және тәрбиелік жұмысты бастауыш сыныптан бастап үнемі бақылауда ұстау қажеттігіне ерекше назар аударылды.Сонымен қатар ғылым саласында ғылым мен өндіріс арасындағы байланысты күшейту міндеті қойылды. Бұл ғылыми әзірлемелердің нақты нәтижеге айналып, өнеркәсіптің тиімділігін арттыруға тікелей ықпал етуге тиіс екені атап өтілді.Сонымен қатар МӘМС жүйесінде сақтандырылмаған азаматтармен жұмысты күшейту, алдын алу шаралары мен скринингті жандандыру, вакциналауға қатысты жалған ақпараттың таралуына қарсы әрекет ету, емханалардағы қызмет көрсету сапасын арттыру бойынша нақты тапсырмалар берілді.Бұдан бөлек, орфандық аурулар мен паллиативтік көмек мәселелері, сондай-ақ бюджет қаражатының мақсатты жұмсалуы қатаң бақылауда болуы тиіс екені ерекше атап өтілді.Әлеуметтік салада жастар арасындағы жұмыссыздықты талдау, оларды қолдауға арналған нақты әрі жүйелі іс-шаралар жоспарын әзірлеу, сондай-ақ мүгедектігі бар адамдарды креативті индустрия және қолөнер бағыттары арқылы еңбекке тарту қажеттігі көрсетілді.Білім беру саласында бастауыш сыныптағы білім сапасын көтеру, мұғалімдердің кәсіби дайындығын күшейту, әрі педагогтердің жұмысын жеңілдету үшін жасанды интеллектіні көмекші құрал ретінде енгізу міндеті қойылды. Сонымен бірге балалардың сын тұрғысынан ойлауын және шығармашылық қабілетін қатар дамытуға басымдық берілуге тиіс.Туризм саласында өңірдің туристік әлеуетін күшейту үшін даму тұжырымдамасына нақты ұсыныстар енгізу, инфрақұрылымды жақсарту және ақпараттық қолдауды арттыру тапсырылды. Сонымен қатар мәдени туризмді дамыту, іс-шаралар күнтізбесін қалыптастыру, сондай-ақ бірегей фестивальдер ұйымдастыру арқылы өңірдің туристік брендтерін жүйелі түрде ілгерілету қажет екені айтылды.Кеңес қорытындысында өңірлік және республикалық деңгейде ақпараттық жұмысты күшейтудің маңызына ерекше назар аударылды. Нақты нәтижелерді ашық көрсетіп отыру қажеттігі айтылып, негізгі мақсат елдің дамуын қамтамасыз ету және халықтың әлеуметтік жағдайын жақсарту екені атап көрсетілді.Фото: рrimeminister.kz

Қызылорда облысында өңірдің әлеуметтік саласын дамыту мәселелері бойынша кеңес өтті

<a href="https://kyzylorda-news.kz/">Kyzylorda-news.kz</a> Биыл аймақтың әлеуметтік-экономикалық дамуында оң серпін байқалады. Ендеше сандарды сөйлетіп көрсек. Аймақтың өңдеу өнеркәсібі 6,4%-ға, ауыл шаруашылығының жалпы өнімі 1,3%-ға, негізгі капиталға салынған инвестициялар 10,6%-ға артты. Сонымен қатар құрылыс жұмыстарының көлемі 21,8%-ға өссе, пайдалануға берілген тұрғын үйлер 8,4%-ға, сауда көлемі 7%-ға ұлғайған. Бұл туралы Өңірлік коммуникациялар қызметінің ақпарат алаңында Ұлттық статистика Бюросының Қызылорда облысы бойынша департаментінің басшысы Қайрат Әбсұлтанов айтты.<blockquote>- Аймақтың құрылыс саласында қарқынды жұмыстар бар. Бір жыл ішінде атқарылған құрылыс жұмыстарының көлемі 21,8%-ға өсті. Ал тұрғын үй құрылысы аясында 3973 тұрғын ғимараты пайдалануға беріліп, жалпы алаңы 939 мың шаршы метрден асты. Аграрлық салаға да тоқталып өтсем. Ауыл шаруашылығы өнімдерінің жалпы көлемі 1,3%-ға өсті. Өткен жылы облыс бойынша 186,6 мың гектар жерге егін егілді, оның негізгі бөлігі – күріш. Мал басы да көбейіп келеді: жылқы 6,8%-ға, түйе 4,9%-ға, ірі қара мал 1,5%-ға артқан. Ет өндіру 7,5%-ға, сүт 3,0%-ға, жұмыртқа 7,1%-ға көбейген. Демографиялық ахуал да тұрақты. 2025 жылы облыста 16 641 сәби дүниеге келген. Аймақ 1000 тұрғынға шаққандағы туу көрсеткіші бойынша республикада тұрақты түрде төртінші орында тұр. Орта есеппен тәулігіне 40-45 сәби өмірге келсе, ай сайын 1300-1400 бала тіркеледі. Бұл халық санының табиғи өсімі сақталып отырғанын көрсетеді. Кәсіпкерлік саласында да өсім бар. 2026 жылдың 1 қаңтарына облыста 11 551 заңды тұлға тіркеліп, оның 10 354-і нақты жұмыс істеп тұр. Шағын және орта кәсіпкерлік субъектілерінің саны 68 152 бірлікке жетіп, белсенді жұмыс істеп тұрғандары 65 698-ді құрады. Жалпы алғанда, өңірде өндіріс, инвестиция, құрылыс пен кәсіпкерлік қатар дамып, халық саны мен еңбек нарығында тұрақтылық сақталып отыр,- деді Қайрат Байғабылұлы.</blockquote><img src="https://knadmin.beoblood.kz/uploads/Ajma_ta_ekonomikaly_belsendilik_artty_913e0aed1d.jpg" alt="Аймақта экономикалық белсенділік артты.jpg">Фото: pixabay

Аймақта экономикалық белсенділік артты

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде экономиканы одан әрі әртараптандыру шаралары қаралды. Оған облыс әкімі Нұрлыбек Нәлібав селекторлық режим арқылы қатысты.Үкімет отырысында «Orda Glass Ltd» ЖШС әкімшілік басқарма басшысының орынбасары Ғалымжан Қуатов баяндама жасап, өңірде 2022 жылдан бері жұмыс жасап келе жатқан республикадағы табақша шыны өндіретін жалғыз зауыттың жұмысы мен алдағы жоспарларын таныстырды.Отырыстан кейін өткен мәжілісте осы және өзге де мәселелер талқыланып, жауапты сала басшыларына тапсырмалар жүктелді.<blockquote>«Инвестиция тартуды күшейтіп, жаңа жобаларды іске асыру үшін инвесторлармен жүйелі жұмысты ұйымдастыру керек. Аудандарда, ауылдарда кәсіпкерлікті дамыту жайын жан-жақты зерделеп, нақты ұсыныстар енгізіңіздер. Қаржы институттарымен аудандарда, ауылдарда көшпелі түсіндірме жұмыстарын қарқынды жүргізу қажет.Сырттан келетін халық тұтынатын негізгі азық-түлік тауарларын «Ауыл аманаты» жобасы аясында өндіруді ұйымдастырыңыздар. Жоспарланған құрылыс нысандары уақытылы аяқталуы керек. Жаңадан салынуы келісілген нысандарға ғана жоба-сметалық құжат әзірлеңіздер.Мемлекет басшысының Катар сапарында жасалған келісім бойынша қуаттылығы 1100 Мвт-тық бу-газ қондырғысының жобалау жұмыстары жүргізілуде. Облыстық энергетика және тұрғын үй-коммуналдық шаруашылығы басқармасы маңызды екі жобаны сапалы әрі мерзімінде жүзеге асырыңыздар», – деді Нұрлыбек Машбекұлы.</blockquote>Айта кетейік, өңір экономикасын әртараптандыру, шикізатқа тәуелділікті азайту, өңдеу өнеркәсібін дамыту, ШОБ-ты қолдау және ауыл шаруашылығы өнімдерін өңдеуді арттыруда жүйелі жұмыс бар.2026-2029 жылдары 48 инвестициялық жоба жүзеге асырылып, 10 308 жаңа жұмыс орны ашылады. Биыл 100 млрд теңгенің 21 жобасы іске қосылады. Олардың қатарында қуаттылығы 3 500 тонналық құс фабрикасы, 5 200 тонналық тауарлы сүт фермасы, «Пана» қонақ үйі, гофрлеу және картонның тегіс қабаты үшін қағаз өндіру зауыты, жалпы қуаттылығы 50 МВт болатын 2 күн электр станциясы бар.Сонымен бірге 753 млрд 300 млн теңгеге бағаланған 14 ірі жобаның құрылысы межеленген. Өткен жылы кореялық «Уиз Ю» компаниясының тұрмыстық қатты қалдықтарды сұрыптау кешені және «Риксос» қонақ үйінің құрылысы басталды. «Табиғи тас Қызылорда» серіктестігі 17 млрд 300 млн теңгеге жылына 1 млн 100 мың тонна әк өндіретін зауытын іске қосады. «Шалқия» кен-байыту фабрикасы, «Арал сода» серіктестігінің кальциленген сода, «Севен Риверс» компаниясының шыны бөтелке, испандық «Рока групп» компаниясының жылына 500 мыңға дейін санитарлық-техникалық өнім шығаратын зауыт құрылысы басталады.Швейцариялық «Харвест Агро» компаниясының техникалық қарасора, жүгері және соя өсіру, қайта өңдеу, жүгеріні терең өңдейтін крахмал-сірне зауытының құрылысы бастау алды. Компанияға 14 200 гектар жер учаскесі табысталды.Фото: Қызылорда облысы әкімінің баспасөз қызметі

Экономиканы одан әрі әртараптандыру мәселесі қаралды

<a href="https://kyzylorda-news.kz/">Kyzylorda-news.kz</a> &nbsp;Құрылыс саласында да оң серпін байқалады. Қала аумағында атқарылған құрылыс жұмыстарының көлемі 182 млрд 276 млн теңгеге жетіп, 111,3 пайыздық өсім көрсеткен. Облыстағы үлесі 49,8 пайызды құрайды. Бұл туралы Өңірлік коммуникациялар қызметінің ақпарат алаңында Қызылорда қаласының әкімі Нұржан Ахатов мәлімдеді. Кездесу барысында шаһар басшысы қаланың әлеуметтік-экономикалық даму көрсеткіштері мен алдағы жоспарлар туралы кеңінен баяндады.<blockquote>«Әлеуметтің ең әлеуетті әрі өзекті мәселесі баспана. Бұл бағытта Қызылорда республика бойынша алдыңғы қатарда тұр. Өткен жылы көпқабатты тұрғын үйлерді салу және сатып алу үшін 35 млрд 812 млн теңге жұмсалып, 1 890 отбасы жаңа пәтерге қол жеткізген. Ал биыл кезекте тұрған отбасыларға тұрғын үй сатып алу мақсатында облыстық бюджеттен 39 млрд 474 млн теңге бөлініп отыр», – деді Нұржан Ахатов.</blockquote>Сонымен қатар, жол-көлік инфрақұрылымын дамыту мәселесі де назардан тыс қалған жоқ. Аймақ басшысының тікелей қолдауымен өткен жылы бұл салаға 30 млрд теңге қарастырылып, нәтижесінде 79 көшеде жол құрылысы жүргізіліп, күрделі және орташа жөндеу жұмыстары атқарылған.Қаланың негізгі магистральдарының бірі — «Тәуелсіздікке 25 жыл» даңғылы екі кезең бойынша жаңғыртылып, толықтай пайдалануға берілді. Қала әкімінің айтуынша, атқарылып жатқан жұмыстардың барлығы тұрғындардың өмір сапасын арттыруға және Қызылорданың тұрақты дамуын қамтамасыз етуге бағытталған.<img src="https://knadmin.beoblood.kz/uploads/yzylorda_alasynda_leumettik_ekonomikaly_damu_ar_yny_k_shejdi_30f0b19366.jpg" alt="Қызылорда қаласында әлеуметтік-экономикалық даму қарқыны күшейді.jpg">Экономиканың өзегі ауыл шаруашылығында екендігі бүгінгі таңда айқын сезілуде. Жылдан-жылға мұнай қорының сарқылуы бұл салаға басымдық беруді талап етіп отыр. Сырдария өзенімен өмірі өзектес Қызылорда өңірі үшін егіншілік тек күнкөріс көзі ғана емес, стратегиялық маңызы бар бағыт.<blockquote>«Биыл өңірде су тапшылығы ерекше байқалды. Бұл мәселе Мемлекет басшысының аймаққа жасаған жұмыс сапары барысында да диқандар тарапынан көтерілген болатын. Алайда қалыптасқан күрделі жағдайға қарамастан, аймақ басшысының ұтымды ұйымдастыруы мен жедел қабылданған шешімдерінің нәтижесінде аграрлық саланың берекесі бәсеңдеген жоқ. Нәтижесінде 8 041 гектар жерге орналастырылған ауыл шаруашылығы дақылдары мерзімінде толық жиналды. Оның ішінде негізгі дақыл күріш 3 354 гектар алқапқа себіліп, әр гектарынан 52 центнерден өнім алынды. Бұл су тапшылығы жағдайында қол жеткізілген айтарлықтай көрсеткіш» , - деді Өңірлік коммуникациялар қызметінің ақпарат алаңында Қызылорда қаласының әкімі Нұржан Ахатов.</blockquote>Саладағы қолдаулар биылғы жылы да жалғасын табады.<blockquote>«Ендігі басты міндет әрбір тамшы судың қадірін білу. Су үнемдеу технологияларын уақыт оздырмай енгізуіміз қажет. Осы мақсатта алдағы кезеңде лазерлік тегістеу мен тамшылатып суару әдістерін кеңінен қолдану жоспарланып отыр. Бұл тәсілдер суды тиімді пайдалануға ғана емес, өнімділікті арттыруға да мүмкіндік береді», - деді шаһар басшысы.</blockquote>Ауыл шаруашылығын дамыту өңірдің тұрақты дамуы мен халықтың әл-ауқатын арттырудың басты кепілі. Сондықтан аграрлық саладағы жүйелі жұмыстар алдағы уақытта да жалғасын таба бермек.Мемлекет басшысының бастамасымен жүзеге асырылып жатқан «Ауыл аманаты» жобасы өңірде нақты нәтижесін беруде. Бағдарлама аясында қала бойынша 46 жобаға 359 млн 500 мың теңге көлемінде жеңілдетілген несие берілді. Бұл ауыл тұрғындарының кәсіп ашуына және табысын арттыруына мүмкіндік жасады.<blockquote>"Қызылорда қаласында «Өңірлік инвестициялық орталығы» арқылы өнеркәсіп саласындағы 20 жоба қолдау тауып, жалпы көлемі 627 млн теңге қаржыға қол жеткізді. Бұл бастамалар өндірістік әлеуетті арттырып, жаңа жұмыс орындарын ашуға жол ашты. Кәсіпкерлікті қаржылай қолдауда екінші деңгейлі банктердің де үлесі зор. Осы арна арқылы 86 кәсіпкер жалпы сомасы 4 млрд 600 млн теңге көлемінде жеңілдетілген несие алып, өз ісін кеңейтуге мүмкіндік алды. Нәтижесінде Қызылорда қаласындағы кәсіпкерлер саны 35 мыңнан асып, бұл салада жұмыспен қамтылған азаматтар саны 63 мыңға жетті", - деді қала әкімі Өңірлік коммуникациялар қызметінің ақпарат алаңында өткен баспасөз конференциясында.</blockquote>Шағын және орта кәсіпкерлік субъектілері тарапынан өндірілген өнім көлемі 374 млрд 752 млн теңгені құрады. Бұдан бөлек, құны 240 млрд теңге болатын 16 жаңа инвестициялық жоба іске асырылды.<blockquote>"Инвестициялық жобалармен қатар, қаладағы сауда инфрақұрылымын жаңғыртуға да басымдық беріп отырмыз. Қазіргі таңда тұрғындар арасында “Жаңа базар” және “Ескі базар” аталып кеткен екі ірі сауда орталығы кезең-кезеңімен қайта жаңартылуда. Аталған жобалар қала экономикасын әртараптандыруға, кәсіпкерлік белсенділікті арттыруға және тұрғындардың тұрақты жұмыспен қамтылуына оң ықпал етуде", – деді Нұржан Сәбитұлы.</blockquote>

Қызылорда қаласында әлеуметтік-экономикалық даму қарқыны күшейді

<a href="https://kyzylorda-news.kz/">Kyzylorda-news.kz</a> 2025 жылы Қазақстанның көлік саласы еліміздің транзиттік-логистикалық әлеуетін нығайтуға, инфрақұрылымды жаңғыртуға және тасымалдау тиімділігін арттыруға бағытталған жүйелі дамуды жалғастырды. Бұл бағыттар Мемлекет басшысы Қасым-Жомарт Тоқаевтың тапсырмаларына сәйкес жүзеге асырылды.Қазақстан «Шығыс – Батыс», «Солтүстік – Оңтүстік» халықаралық көлік дәліздерін және Транскаспий халықаралық көлік бағытын дамыту арқылы Еуразия құрлық көпірінің рөлін тұрақты түрде арттыра отырып, Еуропа мен Азия арасындағы негізгі дәнекерге айналып отыр. Инфрақұрылымдық жобаларды жүзеге асыру, жылжымалы құрамды жаңарту, көлікті бақылауда цифрлық шешімдерді енгізу және халықаралық бағыттар желісін кеңейту еліміздің өңірдегі негізгі транзиттік хабтарының бірі ретінде позициясын нығайтуға ықпал етті.2025 жылдың қорытындысы бойынша транзиттік тасымалдау көлемі 36,9 млн тоннаны құрады, бұл 2024 жылдың сәйкес кезеңі көрсеткішінен 6,6%-ға артық (34,6 млн тонна).&nbsp;Транзит көлемінің артуы – автомобиль, теміржол, әуе және су көлігін кешенді дамытудың, сондай-ақ логистика саласындағы халықаралық ынтымақтастықты кеңейтуге бағытталған дәйекті жұмыстың нәтижесі.<img src="https://knadmin.beoblood.kz/uploads/1_kz_23_672609c6fa.png" alt="1-kz-23.png">Автожолдар мен жол инфрақұрылымын дамыту2025 жылдың басты жетістіктерінің бірі – автожол желісінің кең ауқымды дамуы. Құрылыс және жөндеу жұмыстары рекордтық 13 мың шақырым автожолды қамтыды.Нәтижесінде республикалық жолдардың 94%-ы техникалық нормативті жағдайда.Ішкі шекарадағы өткізу пункттерін модернизациялау жұмыстары жүргізілуде. 2027 жылдың соңына дейін 37 өткізу пунктін аяқтау жоспарлануда.&nbsp;Жол саласын цифрландыру ерекше назарда. Мемлекет басшысының тапсырмасы бойынша e-Joldar шеңберінде жолдардың цифрлық паспорттары қалыптастырылуда, бұл жолдардың техникалық жай-күйін, қозғалыс қарқындылығын және пайдалану параметрлерін орталықтандырылған түрде есепке алуды қамтамасыз етеді.&nbsp;Жыл сайын жасанды интеллект технологияларын қолдана отырып жол диагностикасы жүргізіледі.&nbsp;Жол төсемін сақтау үшін 220 бірлікке дейін автоматтандырылған өлшеу стансаларын орнату жалғасуда. Қазіргі таңда оның 71 бірлігі іске қосылған.Авиация: маршрут желісін кеңейту және инфрақұрылымға инвестиция тарту2025 жылы азаматтық авиацияның дамуы әуе паркін жаңарту, халықаралық бағыттарды кеңейту және әуежай инфрақұрылымына инвестициялар тартумен қатар жүрді. Әуе кемелері паркі 109 бірлікке жетті, оның ішінде 8 жаңа Airbus A320 ұшағы және 4 Boeing 737 MAX 8 ұшағы бар. &nbsp;<img src="https://knadmin.beoblood.kz/uploads/2_kz_5_1_decaf76dd5.png" alt="2-kz-5-1.png">Қазақстан 2025 жылдың желтоқсан айындағы мәліметтер бойынша аптасына жалпы жиілігі 626 рейсті құрайтын 135 халықаралық бағыт бойынша 30 елмен әуе қатынасы іске қосылды. Халықаралық маршрут желісі ТМД, Еуропа, Таяу Шығыс, Азия және Оңтүстік-Шығыс Азия елдерін қамтиды.Сала бойынша бүгінде 25 мың адам жұмыс орындарымен қамтылды, бұл оның тұрақты жұмысын қолдауға және негізгі операциялық процестердің үздіксіз орындалуын қамтамасыз етуге көмектеседі.Өткен жылы Арқалық әуежайын қалпына келтіру жұмыстары басталды, Алматы әуежайын дамытудың бас жоспары таныстырылды және құны $362 млн болатын TAV Airport Holding инвестициялық бағдарламасы таныстырылды, «Қорғас – Шығыс қақпасы» АЭА аумағында жүк-жолаушылар әуежайын салу бойынша жалпы құны 250 млрд теңгені құрайтын Инвестициялар туралы келісім жасалды.Қазақстан Республикасының пилотсыз азаматтық авиациясын дамытудың 2025-2031 жылдарға арналған тұжырымдамасының қабылдануы маңызды қадам болды. Сонымен қатар аз шығынды бірқатар жаңа авиакомпания ел нарығына шықты, сонымен қатар 35-тен астам жаңа халықаралық бағыт, оның ішінде Будапешт, Шанхай, Сеул, Гуанчжоу және Мюнхенге рейстері ашылды.ИКАО жүргізген аудит қорытындысы бойынша халықаралық авиациялық қауіпсіздік және формальдылықты жеңілдету стандарттарына сәйкестік деңгейі 95,7%-ды құрады.Теміржол және су көлігі: тасымалдаудың өсуі мен инфрақұрылымдық жобалар2025 жылдың қорытындысы бойынша жүктерді темір жол көлігімен тасымалдау көлемі 320 млн тоннаны құрады, бұл 2024 жылдың сәйкес кезеңімен салыстырғанда 5,5%-ға артық. Мемлекет басшысының тапсырмасы аясында 2029 жылға дейін 11 мың шақырым теміржол учаскесін жөндеу қарастырылған. Бүгінгі таңда 4,4 мың шақырымнан астам жолда жұмыстар орындалды, оның ішінде 1 575 шақырымы 2025 жылы аяқталды.<img src="https://knadmin.beoblood.kz/uploads/3_kz_3_1_5766582bd4.png" alt="3-kz-3-1.png">2025 жылдың негізгі оқиғаларының қатарына ұзындығы 836 шақырым «Достық – Мойынты» теміржолының екінші желісінің іске қосылуы, сондай-ақ ұзындығы 323 шақырым жаңа «Қызылжар – Мойынты» желісінің құрылысының басталуы болды. 775 локомотив пен 2,7 мың фитингтік платформаны жеткізу бойынша келісімшарттарға қол қойылды. Бүкіл ел бойынша 124 теміржол вокзалын жаңғырту басталды.Су көлігі де оң динамиканы көрсетті. 2025 жылы теңіз көлігімен 8 млн тонна жүк тасымалданды, бұл 2024 жылғы көрсеткіштен 7%-ға артық. Теңіз порттары арқылы контейнерлік тасымалдау 29%-ға артты – 90 637 ЖФЭ өтті; Транскаспий халықаралық көлік бағыты бойынша өсім 36%-ды құрады.Ақтау портында контейнерлік хаб құрылысы аяқталды, Құрық – Баку желісіне 1 құрғақ жүк кемесі жеткізілді, 2 паром сатып алынды.Өзен көлігімен тасымалдау көлемі 1,5 млн тоннаны құрады. Тасымалдау Ертіс, Орал – Каспий және Іле – Балқаш бассейндерінде жүзеге асырылды.Автомобиль тасымалдары және көлік бақылауы: цифрландыру мен халықаралық ынтымақтастық2025 жылы халықаралық автомобиль тасымалы географиясын кеңейту жұмыстары жалғасты. Қазақстан жыл сайын шетелдік рұқсат бланкілерінің квоталарымен алмасу жүзеге асырылатын 42 елмен үкіметаралық келісімдер жасасты.<img src="https://knadmin.beoblood.kz/uploads/4_kz_3_1_b5200f1976.png" alt="4-kz-3-1.png">Түркіменстанмен, сондай-ақ Иранмен екіжақты және транзиттік тасымалдарға рұқсат етілмеген тасымалдау жүйесі енгізілді. Түркиямен келісімге қол жеткізілді. Қазақстан Қытай аумағына транзиттік автотасымалдауды жүзеге асыру құқығын алған алғашқы ел болды.Қытаймен және Өзбекстанмен бірлесіп, шетелдік рұқсат бланкілерімен электрондық алмасу жүйесі енгізілді, бұл барлық ШРБ-ның 65%-ын цифрландыруға мүмкіндік берді. Цифрландыру жұмыстары Әзербайжанмен, Түркиямен және Қырғызстанмен жалғасуда.Нарықтың ашықтығын арттыру үшін шетелдік рұқсат бланкілерін бөлудің жаңа ережелері қабылданды, сондай-ақ жүк көлігін цифрлық өлшеуге көшу жөніндегі шаралар жүзеге асырылуда. Елде әкімшілік айыппұлдарды автоматты түрде рәсімдеу жүйесімен біріктірілген 73 автоматтандырылған өлшеу стансасы орнатылған.Бұдан бөлек, техникалық байқау операторларының қызметін ашуға рұқсат беру тәртібі енгізілді және белгіленген талаптарды бұзғаны үшін жауапкершілік күшейтілді.Фото: primeminister.kz

Президент тапсырмаларын жүзеге асыру: Еліміздің көлік саласы мен логистикалық әлеуетін дамыту

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың төрағалығымен өткен мәжілісте халықты тұрғын үймен қамтамасыз етудегі мәселелер жан-жақты талқыланды.Жиында қала аумағындағы тұрғын үй құрылысының қарқыны, кезекте тұрған азаматтардың жағдайы, тұрғын үй инфрақұрылымын дамыту мәселелері қаралды.Аймақ басшысы тұрғын үйлерді белгіленген мерзімде әрі сапалы етіп салуды, мердігер мекемелер жұмысын тұрақты бақылауды міндеттеді.Сондай-ақ, үй кезегінде тұрған азаматтардың деректерін нақтылап, ашықтықты қамтамасыз ету, әлеуметтік жағынан осал топтарға басымдық беру қажеттігін атап өтті. Инженерлік-коммуникациялық желілерді уақытылы жүргізуді, жаңа тұрғын үйлерді пайдалануға беру мерзімін кешіктірмеуді қатаң тапсырды.<blockquote>«Құрылыс жұмыстары жоспар бойынша жүруі керек. Барлық жоба белгіленген мерзімде аяқталып, қаражат мақсатты жұмсалуы тиіс», – деді Нұрлыбек Машбекұлы.</blockquote>Еске салайық, тұрғын үй кезегінде тұрған азаматтарға 8 мыңға жуық пәтер, кейінгі 3 жылда барлық ауданда алғаш рет жаңадан 1800-ге жуық пәтер табысталды.Өткен жылы 2 477 пәтерлік тұрғын үй салуға бюджеттен 36 млрд. теңге қаралса, биыл кезекте тұрған азаматтарға 2 400 пәтер табыстау үшін 55 млрд. 600 млн. теңге жоспарланған.Соңғы жылдары қаламызда заманауи жаңа дизайнмен жеті, тоғыз және он екі қабатты тұрғын үйлер бой көтеруде.Фото: Қызылорда облысы әкімінің баспасөз қызметі

Тұрғын үй құрылысына қатысты мәселелер талқыланды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев кезектілік тәртібімен жазылған азаматтарды жеке қабылдады. Бүгінгі қабылдауға 20 адам жазылған, оның біреуі онлайн режимде қосылды.Келушілердің басым бөлігі әлеуметтік бағытта қолдау сұрап, тұрғын үй, коммуналдық шаруашылық, көше асфальттау, жұмысқа орналастыруға қатысты мәселелер көтерді.Аймақ басшысы баспана заң аясында, кезектілік тәртібімен берілетінін баса айтты.Бүгінде халық сұранысы ескеріліп, өңірде көпқабатты тұрғын үй құрылысы қарқын алған. Тұрғындарды үймен уақытша қамту жұмыстары да жүйелі жүргізіледі. Бүгінгі қабылдауда төрт балалы жалғызбасты анаға осындай уақытша баспана ұсынылды.Шиелі ауданы Сұлутөбе ауылының ақсақалдары Құмжарған каналын қазу қолға алынғанына, жұмыстың жолға қойылғанына алғысын жеткізді. Канал егістік алқаптарын сумен қамтуға, ауыл шаруашылығын дамытуға оң ықпал етпек.Қазалы ауданының тұрғыны өз мамандығы бойынша жұмысқа орналасуға қатысты мәселе көтерді. Облыс әкімі еңбекпен қамту назардан тыс қалмайтынын, заң аясында қарастырылатынын жеткізді.Негізі қабылдауда көтерілген мәселелер заң тәртібімен және кезең-кезеңімен шешіліп келеді. Осы жолы да әрбір келушіні толғандырған түйткілге қатысты жауапты сала басшыларына тапсырмалар жүктелді.Айта кетейік, тұрғындар облыс әкімінің қабылдауына egov порталы арқылы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.<img src="https://knadmin.beoblood.kz/uploads/Oblys_kimi_t_r_yndardy_abyldau_2_e99a292fb7.jpg" alt="Облыс әкімі тұрғындарды қабылдау 2.jpg">

Облыс әкімі тұрғындарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz</a>&nbsp; &nbsp;Ақордада ХІV Қысқы Паралимпиада ойындарының чемпионы Ербол Хамитов пен оның бапкерлерін марапаттау рәсімі <a href="https://aqorda.kz/kz/memleket-basshysy-hiv-kysky-paralimpiada-oyyndarynyn-chempiony-erbol-hamitovty-marapattady-2625852?fbclid=IwY2xjawQx_6VleHRuA2FlbQIxMABicmlkETFPZ3gwbmhXMXRBUlBjME5Ic3J0YwZhcHBfaWQQMjIyMDM5MTc4ODIwMDg5MgABHr79UQrKMaOYNNTCZ1UjRLDXMO67x6cDpDFbxSKI9Pun4KhJSaxaPVBnu9wc_aem_sui5D2V57JJ7rVafAv54Fw">өтті.</a>Қасым-Жомарт Тоқаев Италияда өткен әлемдік дода еліміз үшін өте табысты болғанына тоқталды. Жаһандық бәсекеде отандасымыз Ербол Хамитов алтын және қола медаль жеңіп алды.<blockquote>– Нағыз чемпион атанып, еліміздің мерейін үстем етті, көк Туымызды биікте желбіретті. Бұл – қазақ параспорты үшін тарихи жетістік. Ербол қазақтың қайсар, өр рухты әрі намысты ұлт екенін күллі әлемге паш етті. Сондықтан, ең алдымен, саған және бапкерлерге шынайы ризашылығымды білдіремін. Паралимпиада ойындарына аттанар сәтте мен еліміздің көк Туын саған табыстадым. Сол артылған сенімді толық ақтап, Қазақстанға жеңіспен оралдың. Керемет нәтижеге жеттің! Соның арқасында еліміз командалық есепте 18-ші орынға табан тіреді. Үздіктердің ішінен алға шығып, чемпион болу оңай емес. Бұл – жылдар бойғы тынымсыз дайындық пен қажырлы әрі табанды еңбектің жемісі екені анық, – деді Президент.</blockquote>Мемлекет басшысы Ербол Хамитовтың жетістікке жету жолында оның бапкерлері айрықша рөл атқарғанына назар аударды.<blockquote>– Сіздер Ербол Хамитовқа білгендеріңізді үйретіп, тәжірибелеріңізбен бөлістіңіздер. Оның чемпионға тән табандылық танытып, биік мақсатқа ұмтылатын күрескер мінезін шыңдадыңыздар. Олимпиада жылнамасына есімін жазған белгілі, көрнекті спортшы болуына күш салдыңыздар. Сіздерге алғыс айтамын. Орайлы сәтті пайдаланып, бапкерлерге, демеушілерге, дәрігерлерге және параспортшылармен жұмыс істейтін барша маманға ризашылығымды жеткізгім келеді. Атлеттеріміздің жетістігі – өскелең ұрпаққа үлгі-өнеге. Табысқа жету формуласын бәрі біледі. Алайда асқақ мұратқа қол жеткізу үшін көптеген игіліктен және өмірдің қызығынан бас тартып, қиын жолды еңсеруге екінің бірі тәуекел етпейді. Әлем біріншіліктерінде жеңіп алған әр медаль еліміздегі бұқаралық спорттың дамуына зор серпін береді. Бұл өте маңызды. Өйткені спортпен шұғылданатын, өз-өзін қамшылап, күн сайын шыңдайтын, сондай-ақ темірдей тәртіпке үйренген адамдар тіршіліктің тауқыметіне мойымайтынын өмірдің өзі көрсетіп отыр. Бұл ретте паралимпиадашылардың жөні тіптен бөлек. Олардың өмірі – нағыз ерліктің, қайтпас қайсарлық пен мұқалмас ерік-жігердің үлгісі, – деді Қасым-Жомарт Тоқаев.</blockquote>Президент баршаға тең мүмкіндік беретін Әділетті Қазақстанды құрып жатқанымызды айтты. Жуырда қабылданған жаңа Конституция еліміздің жасампаз әлеуетінің айқын көрінісіне айналды.<blockquote>– Жұртшылықпен ақылдаса отырып әзірленген Жаңа Халық Конституциясы ұлттық рухымыздың қуаты мен ауызбіршілігімізді, толеранттылығымызды паш етеді. Заң мен тәртіп үстемдік ететін, білім, ғылым, мәдениет, технология, табиғатты аялау және спорт құндылықтары дәріптелетін қоғамда өмір сүруге деген ортақ ниетімізді көрсетеді. Тәуелсіздігіміз, егемендігіміз бен мемлекетіміздің аумақтық тұтастығы, азаматтардың құқықтары мен бостандықтары, еңбекқорлық, жауапкершілік, патриотизм, сондай-ақ адами капиталды жан-жақты дамыту сияқты маңызды қағидаттар Ата заңымызға арқау болды. Сондықтан халқымыз конституциялық реформаны біртұтас қоғам болып жаппай қолдады, әр азаматымыз еліміздің жарқын болашағы үшін дауыс берді. Себебі мән-мазмұны жаңарған Конституция әр адамның дамуына жағдай жасайды. Ата заңда адам капиталын, яғни, білім, ғылым саласын және инновацияны дамыту елдің стратегиялық бағыты ретінде айқындалды. Ұлт саулығын сақтауға баса мән берілді. Конституциямыздың басты мақсаты – еліміздің Тәуелсіздігін, Егемендігін және жерінің тұтастығын қорғау, азаматтардың құқықтары мен бостандықтарын қамтамасыз ету. Енді алдымызда тұрған өзекті мәселе – Конституциямыздың негізгі қағидаттарын елімізде және шетелде кеңінен түсіндіру және дәріптеу. Қазақстан параспортшылары өздерінің тамаша жетістігімен, жарқын жеңісімен мемлекетіміздің мызғымас құндылықтарын нығайтуға мол үлес қосып жүр деп айтсақ артық болмас, – деді Мемлекет басшысы.</blockquote>Қасым-Жомарт Тоқаев бүгінде мемлекет тарапынан паралимпиада саласына жан-жақты қолдау көрсетіліп жатқанын айтты.<blockquote>– Былтыр елімізде 4 заманауи инклюзивті спорт кешені жұмыс істей бастады. Алдағы уақытта осындай орталықтар әрбір аймақта көбірек ашылуы керек. Біздің демеушілер осы өте маңызды жұмыстан тыс қалмауы қажет деп ойлаймын. Жалпы, мемлекет паралимпиада қозғалысын қолдауға айрықша мән береді, бұл бағытты қаржыландыру көлемі де ұлғайды. Параспортшыларымыздың өжет мінезі мен мұқалмас жігері – көпке үлгі, өскелең ұрпаққа өнеге. Ұлттық паралимпиада құрамасының әр мүшесі Қазақстанның шексіз мүмкіндіктер елі екенін әлемге әйгіледі. Осыған орай, мен сіздерді жоғары мемлекеттік наградамен марапаттау туралы Жарлыққа қол қойдым. Баршаңызға құтты болсын! Амандық, табыс тілеймін! – деді Президент.</blockquote>Мемлекет басшысы ХIV Қысқы Паралимпиада ойындарындағы (Италия) жоғары спорттық жетістіктері үшін Ербол Хамитовты III дәрежелі «Барыс» орденімен марапаттады. Туризм және спорт министрлігіне қарасты Дене мүмкіндіктері шектеулі тұлғаларға арналған спорттық даярлау орталығының жаттықтырушылары Василий Коломиец пен Антон Ждановичке «Парасат» ордені, Солтүстік Қазақстан облысындағы «Үміт» мүмкіндіктері шектеулі тұлғаларға арналған спорт клубының жаттықтырушысы Аслан Тоқбаевқа «Құрмет» ордені табысталды.Ербол Хамитов әлемдік додаға аттанар алдында мемлекеттік Туды тапсырып, &nbsp;сенім артқаны үшін Президентке алғыс айтты.<blockquote>– Осы Паралимпиада ойындары мен үшін үлкен жауапкершілік болды. Сіздің қолдауыңызбен жеңіске жеттік. Бұған мамандардың және бапкерлердің сіңірген еңбегі зор. Сіздің қолдауыңыз әр спортшыға күш-қуат береді. Біз мұнымен тоқтамаймыз, – деді Паралимпиада чемпионы.</blockquote>

Мемлекет басшысы ХІV Қысқы Паралимпиада ойындарының чемпионы Ербол Хамитовты марапаттады 

&nbsp;<a href="https://kyzylorda-news.kz/">Kyzylorda-news.kz</a> Қазақстан Республикасы Ұлттық ұланының 5547 әскери бөлімінде Жол қозғалысы қауіпсіздігі күніне орай ұйымдастырылған кешенді профилактикалық іс-шара жоғары деңгейде өтті. Аталған шараның мақсаты – жеке құрам арасында жол қозғалысы ережелерін сақтау мәдениетін қалыптастыру, жол-көлік оқиғаларының алдын алу және жүргізушілердің жауапкершілігін арттыру.Іс-шара бөлім командирі подполковник, Жасұлан Беркеновтің жетекшілігімен ұйымдастырылып, әскери қызметшілердің белсенді қатысуымен өтті. Өз сөзінде бөлім командирі жол қауіпсіздігі – әрбір азаматтың өміріне тікелей қатысты маңызды мәселе екенін атап өтті.– Жол қозғалысы ережелерін сақтау – бұл тек заң талабы ғана емес, бұл – адам өмірін сақтау. Әскери қызметші әрдайым тәртіптің, жауапкершіліктің үлгісі болуы тиіс, – деді ол. Шараға бөлім командирінің техника және қару-жарақ жөніндегі орынбасары, майор Есмұқан Тағабайұлы да қатысып, әскери техниканың техникалық жағдайына ерекше мән беру қажеттігін жеткізді. Оның айтуынша, көлік құралдарының ақаусыз болуы – жол қауіпсіздігінің негізгі кепілі. &nbsp; &nbsp;Профилактикалықіс-шара барысында жол-көлік оқиғаларының алдын алу, жүргізушілердің жауапкершілігін арттыру және жол қозғалысы ережелерін бұзудың салдарын түсіндіру бағытында ауқымды түсіндіру жұмыстары жүргізілді. Әскери қызметшілерге жолда туындайтын қауіпті жағдайлар, олардың себептері мен салдары нақты мысалдар арқылы жан-жақты түсіндірілді. Сонымен қатар, теориялық және тәжірибелік сабақтар ұйымдастырылып, жүргізушілерге жылдамдық режимін сақтау, жол белгілеріне бағыну, қауіпсіз арақашықтықты сақтау және төтенше жағдайларда дұрыс әрекет ету бойынша нақты нұсқаулар берілді. Іс-шара аясында әскери бөлімдегі автокөліктер мен арнайы техникалардың техникалық жай-күйі тексеріліп, жүргізушілердің кәсіби даярлығы бағаланды. Бұл өз кезегінде қызмет барысында қауіпсіздікті қамтамасыз етуге мүмкіндік береді. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;Фатима Маратова,&nbsp;№5547 әскери бөлімінің&nbsp;Тәрбие және әлеуметтік құқықтық жұмыстар бөлімше бастығының&nbsp;(мемлекеттік тілді енгізу жөніндегі аға көмекшісі

Жол қауіпсіздігі – басты назарда

<a href="https://kyzylorda-news.kz/">Kyzylorda-news.kz</a> «Таза Қазақстан» ұлттық жобасы аясында қоршаған ортаны қорғау, экологиялық мәдениетті қалыптастыру және тұрғындар арасында қалдықтарды дұрыс басқару дағдыларын насихаттау мақсатында «Қалдықсыз әлем» атты экологиялық акция ұйымдастырылды.Бүгінгі акция қаланың 5 аймағында бір мезетте өткізіліп, оған 20-ға жуық эковолонтер белсенді қатысты. Іс-шара барысында халық көп шоғырланған орындарда тұрғындарға тұрмыстық қатты қалдықтар мен пластикалық бұйымдарды азайту, олардан бас тарту және қайта өңдеуге тапсырудың маңыздылығы жан-жақты түсіндірілді.Сонымен қатар, тұрғындардың экологиялық сауаттылығын арттыру және қоршаған ортаға жауапкершілікпен қарау мәдениетін қалыптастыру мақсатында 100-ден астам ақпараттық-таратпа материал үлестірілді.Аталған акцияның негізгі мақсаты – қоғам назарын экологиялық мәселелерге аудару, тұрмыстық қалдықтарды азайтуға үндеу және табиғатты қорғау мәдениетін кеңінен насихаттау.Мұндай экологиялық бастамалар тұрғындардың табиғатқа деген жанашырлық көзқарасын қалыптастырып, қоршаған ортаның тазалығын сақтауға бағытталған ортақ жауапкершілікті арттыруға ықпал етеді.Табиғатты қорғау – әр азаматтың ортақ міндеті.Таза орта – жарқын болашақтың кепілі.

«Таза Қазақстан» ұлттық жобасы аясында «Қалдықсыз әлем» экологиялық акциясы өтті

<a href="https://kyzylorda-news.kz/">Kyzylorda-news.kz</a> Шараның басты мақсаты – қоршаған ортаны қорғау мәселелеріне қоғамның назарын аудару, пластик қалдықтарының зияны туралы түсіндіру және экологиялық мәдениетті қалыптастыру болды. Сонымен қатар, қатысушылар арасында жауапкершілік сезімін арттырып, тұрақты өмір салтын насихаттау көзделді.Шара барысында қатысушылар екі топқа бөлініп, пластикті қолдануды шектеудің артықшылықтары мен кемшіліктерін талқылады. Пікірталас кезінде өз ойларын дәлелдермен жеткізіп, түрлі ұсыныстар айтып, өзара белсенді пікір алмасты. Экологиялық баламалар мен тиімді шешу жолдары да кеңінен қарастырылды.Аталған шараға 20-ға жуық студент қатысып, белсенділік танытты.

«Пластикті қолдануды шектеу тиімді ме?» тақырыбында пікірталас алаңы өтті

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаевтың төрағалығымен Қазақстан Республикасының 2021-2025 жылдарға арналған ұлттық қауіпсіздік стратегиясын жүзеге асыру қорытындысы шығарылды. Бұл туралы Ақорданың баспасөз қызметі хабарлады.&nbsp;Үкімет негізгі көрсеткіштерге қол жеткізу туралы есеп берді. Сондай-ақ бірқатар салалық мемлекеттік орган жетекшілері басты бағыттар бойынша баяндама жасады.Мемлекет басшысы геосаяси ахуалды ескере отырып, қоғамдық, экономикалық, экологиялық, су&nbsp;және азық-түлік қауіпсіздігі мәселелерін пысықтау қажеттігіне назар аударды.Бұдан бөлек, отырыста Қазақстан Республикасының 2026-2030 жылдарға арналған ұлттық қауіпсіздік стратегиясының жобасы қаралды.Мемлекеттік жоспарлау жүйесінің маңызды құрамдас бөлігі саналатын бұл Стратегия алдағы бес жылда болуы ықтимал сын-қатерлерге төтеп берудің негізгі тәсілдерін анықтайды.Жиында Премьер-министрдің орынбасары&nbsp;— Ұлттық экономика министрі Серік Жұманғарин орта мерзімге арналған басымдықтар, мақсатты индикаторлар мен стратегиялық тәуекелдерді басқару механизмдері жөнінде баяндады.Қасым-Жомарт Тоқаевтың айтуынша, жаңа Конституцияны қабылдау арқылы мемлекет дамуындағы жаңа кезеңге қадам басып, Қазақстанның Тәуелсіздігін, егемендігі мен аумақтық тұтастығын сенімді түрде қорғауға мүмкіндік туды.Ал&nbsp;аталған Стратегия конституциялық қағидаттардың мүлтіксіз сақталуын қамтамасыз етіп, еліміздің тұрақты әрі қарқынды дамуына жағдай жасайды.Мемлекет басшысы ұлттық мүддені қорғау міндеттерін сапалы орындаудың маңызына баса мән берді. Оның қатарына, атап айтқанда, қорғаныс қабілетін қамтамасыз ету; азаматтарды, қоршаған ортаны және ақпараттық кеңістікті қорғау деңгейін арттыру; киберқауіпсіздік шараларын күшейту және әлеуметтік-экономикалық саладағы тәуекелдерді азайту мәселелері кіреді.Сонымен қатар Қасым-Жомарт Тоқаев экономика, білім мен технология салаларында сұранысқа ие&nbsp;білікті шетелдік мамандарды тартуға қолайлы жағдай жасайтын бағдарламаны жеделдетіп әзірлеуді тапсырды.&nbsp;Фото: Ақорда

Бас тақырыптар