<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде философия докторы (PhD), Қазақ тілі мен әдебиеті және журналистика білім беру бағдарламасының жетекшісі Серікхан Әлханұлы Жүзеевтің «Қазақ мінезінің айнасы» атты кітабының тұсаукесер рәсімі өтті.Рухани кешке университет оқытушылары, зиялы қауым өкілдері, студенттер мен бұқаралық ақпарат құралдарының өкілдері қатысты. Тағылымды шараны профессор, филология ғылымдарының кандидаты Ұлжан Жанбершиева жүргізіп, кітаптың рухани-танымдық маңызына тоқталды.<img src="https://knadmin.beoblood.kz/uploads/kitap_or_yt_2a742eed54.jpeg" alt="кітап қорқыт.jpeg">Жиын барысында Гуманитарлық-педагогикалық институтының директоры Сағат Тайман сөз сөйлеп, ұлттық құндылықтарды дәріптейтін еңбектің жас ұрпақ тәрбиесіндегі орны ерекше екенін атап өтті.Іс-шара барысында кітаптың мазмұны мен идеялық бағыты таныстырылып, қазақ халқының ұлттық болмысы, мінез ерекшеліктері, рухани құндылықтары мен тәрбиелік тағылымы туралы кеңінен әңгіме өрбіді. Серікхан Жүзеев еңбекті жазу барысында жазушы Жанат Ахмадидің шығармаларын оқып, ондағы ұлттық сипат пен адам болмысына қатысты ойларды талдап, қазақ мінезінің қырларын саралағанын жеткізді.<img src="https://knadmin.beoblood.kz/uploads/korkyt_kitap_2_bd55f7017d.jpeg" alt="коркыт кітап 2.jpeg">Кеш барысында доцент, филология ғылымдарының кандидаты Сара Бахтиярова, Қазақ тілі мен әдебиеті және журналистика білім беру бағдарламасының аға оқытушысы, филология ғылымдарының кандидаты Айман Айтбаева, сондай-ақ қауымдастырылған профессор, филология ғылымдарының кандидаты Күлдірсін Сарышова кітаптың мазмұны мен маңызы жөнінде пікір білдіріп, еңбектің қазақ руханиятындағы алар орнына тоқталды.Тағылымды кеш еркін пікір алмасуға ұласып, жастардың ұлттық сана, рухани тәрбие және қазақы болмыс туралы ой-пікірлерімен жалғасты.

 «Қазақ мінезінің айнасы» кітабының тұсаукесері өтті

<a href="https://kyzylorda-news.kz/">Kyzylorda-news.kz</a> &nbsp;Қызылорда облысының жас робототехниктері халықаралық деңгейде тағы бір мәрте жоғары нәтиже көрсетті. Нұрхан Әли мен Нариман Бақытбекұлы Астанада өткен Robotek Grand Tournament Astana 2026 халықаралық чемпионатында І орын иеленіп, «Жалау жеткізуші» санаты бойынша үздік атанды.<img src="https://knadmin.beoblood.kz/uploads/nish_3e73442431.jpeg" alt="ниш.jpeg">Беделді дода Nazarbayev University базасында өтіп, Қазақстан мен шетелдің үздік командаларын біріктірді. Биыл алғаш рет «TurkTime!» президенттік бастамасы аясында түркітілдес елдердің жас инженерлері – Түркия, Әзербайжан, Өзбекстан, Қырғызстан, Түрікменстан және Тәжікстаннан келген қатысушылар бас қосты.<img src="https://knadmin.beoblood.kz/uploads/nish_f9fe80b6d4.jpeg" alt="ниш.jpeg">«Robotek Grand Tournament Astana 2026» жарысы алаңына 20 аймақтың облыстық турнирлерінің жеңімпаздары мен 45 шетелдік команда шықты. Жалпы алғанда жарыста 9 бен 17 жас аралығындағы бірнеше жас топтарында 220-ға жуық команда 9 санат бойынша бақ сынасып, өздерінің инженерлік білімі мен шығармашылық әлеуетін жоғары деңгейде көрсетті.Чемпионат барысында оқушылар қоғамдағы өзекті мәселелерді шешуге бағытталған жобаларын ұсынды. Олардың қатарында қарт адамдарға арналған робот-көмекшілер, нәрестелерге арналған «ақылды» бесік, медициналық алғашқы диагностика жүргізетін роботтар және іздестіру-құтқару жұмыстарына арналған құрылғылар бар.<img src="https://knadmin.beoblood.kz/uploads/nish_bfc4f3f475.jpeg" alt="ниш.jpeg">Аталған турнир Қазақстан Республикасы Оқу-ағарту министрлігі мен Астана қаласы әкімдігінің қолдауымен өтті. Жарысты&nbsp;«Дарын» республикалық ғылыми-практикалық орталығы, &nbsp;«Астана дарыны» дарынды балалар мен талантты жастарды анықтау және қолдау орталығы, Nazarbayev University, NU Impact Foundation және «Robotek» робототехника мектебі бірлесіп өткізді.<img src="https://knadmin.beoblood.kz/uploads/nish_6ceb0f31c1.jpeg" alt="ниш.jpeg">«Robotek» – STEM білім беру және робототехника саласындағы елімізге және әлемге танымал отандық компания. «Robotek» он жыл бойы Қазақстанда робототехника саласында Ozyq Urpaq, STEM-Ұстаз, Robotek Grand Tournament, RoboTechnoGirls, STEMBilim және RoboBastau сияқты бағдарламаларды жүзеге асырып келеді.<blockquote>– Біздің чемпионат мазмұны жағынан толықтай отандық, бұл елдегі робототехниканы дамытудағы жоғары стандарттарға сай келеді. Бүгінде Қазақстанның STEM-білім беру саласындағы жетістіктері көптеген елдердің оқушыларын шабыттандырып отыр, сондықтан Made in Kazakhstan форматындағы жаһандық іс-шараларға сұраныс артып келеді, – деп атап өтті «Robotek» компаниясының бас директоры Санжар Шалқарбеков.</blockquote>

Қызылордалық оқушылар халықаралық турнирде топ жарды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде «Қазіргі жаһандану және цифрландыру жағдайындағы Қазақстан Республикасының Конституциясы» тақырыбында ғылыми-тәжірибелік конференция өтті.Іс-шараға Басқарма төрағасы – Ректор Наурызбай Байқадамов, Қожа Ахмет Ясауи атындағы халықаралық қазақ-түрік университеті Заң факультетінің деканы, философия докторы Әлия Қасымбек, құқық қорғау органдарының өкілдері, Қызылорда қалалық сотының судьялары, облыстық прокуратура, адвокаттар алқасы мен полиция департаментінің қызметкерлері, университеттің профессор-оқытушылар құрамы мен студенттері қатысты. Сонымен қатар, «Жас сайлаушылар» клубы мен «Заң клиникасының» мүшелері де белсенді атсалысты. Жиынның модераторы «Құқықтану» білім беру бағдарламасының жетекшісі Еркемай Санязова конференцияның қоғам үшін өзектілігіне тоқталып, Конституцияның құқықтық мемлекет қалыптастырудағы рөлін атап өтті.Конференция барысында сала мамандары мен ғалымдар конституциялық даму, сот тәуелсіздігі, заң үстемдігі және азаматтардың құқықтарын қорғау мәселелерін кеңінен талқылады. Атап айтқанда, Әлия Қасымбек «Қазақстанның жаңа Конституция жағдайындағы конституциялық дамуы: теория және практика» тақырыбында баяндама жасап, жаңа конституциялық реформалардың маңызы жөнінде баяндады.Сонымен қатар, Жүсіп Баласағұн атындағы Қырғыз ұлттық университеті Қылмыстық процесс және сот сараптамасы кафедрасының аға оқытушысы Айна Аязбекова, Бердах атындағы Қарақалпақ мемлекеттік университетінің профессоры, заң ғылымдарының докторы Аманлық Гулимов және Қарақалпақ мемлекеттік университеті Адам құқықтары, мемлекеттік құқық және басқару кафедрасының доцент м.а., заң ғылымдарының PhD докторы Шийрин Бурханова цифрлық дәуірдегі құқықтық реттеу, коммуникация құпиясын қорғау және адам құқықтарының қазіргі заманғы өзекті мәселелері жөнінде баяндамалар жасап, құқықтық жүйелердің жаһандану жағдайындағы дамуына тоқталды. Қызылорда қалалық сотының судьясы Азат Әбдіразақов сот билігінің тәуелсіздігіне қатысты конституциялық-құқықтық аспектілерге тоқталса, Қызылорда облыстық прокуратурасы басқармасы бастығының орынбасары Ержан Алтынбай заң мен тәртіпті қамтамасыз етудің құқықтық мемлекеттегі маңызын атап өтті.<img src="https://knadmin.beoblood.kz/uploads/or_yt_1_98998cecb2.jpeg" alt="Қорқыт 1.jpeg">Сонымен қатар, Қызылорда облыстық адвокаттар алқасының төрағасы Мейрбек Даубалаев азаматтардың құқықтарын қорғаудағы адвокатураның рөлі туралы баяндама жасады. Ал облыстық полиция департаментінің Профилактикалық жұмысты үйлестіру басқармасының бастығы, полиция подполковнигі Айбек Құлмағанбетов Конституцияның құқықтық тәртіп пен профилактикадағы негізгі тетік екенін жеткізді. Конференцияда «Құқықтану» білім беру бағдарламасының &nbsp;қауымдастырылған профессоры м.а., философия докторы Эльмира Тойлыбекова «Халық кеңесі – мемлекеттің жаңартылған институционалдық моделінің элементі» тақырыбында баяндама жасап, қоғамдық диалогтың маңызын атап өтті.Сондай-ақ, Құқықтану білім беру бағдарламасының 4-курс студенті, Заң клиникасының төрағасы Камила Сариева университеттік заң клиникаларының конституциялық кепілдіктерді қамтамасыз етудегі орны мен рөлі жөнінде баяндама жасады.&nbsp;<img src="https://knadmin.beoblood.kz/uploads/or_yt_2_7ee378a950.jpeg" alt="Қорқыт 2.jpeg">Іс-шараны университеттің Басқарма төрағасы – Ректор Наурызбай Байқадамов қорытындылап, Конституция – мемлекеттің тұрақты дамуы мен қоғамдағы заң үстемдігінің басты кепілі екенін атап өтті. Сонымен қатар, мұндай ғылыми алаңдардың құқықтық мемлекет қағидаттарын насихаттауда, тәжірибе алмасуда және жас буынның құқықтық санасын нығайтуда маңызды рөл атқаратынын жеткізді. Сондай-ақ, конференция жұмысына белсенді қатысқан сала мамандары мен жастарға алғыс білдірді. &nbsp; &nbsp; &nbsp; &nbsp;&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Қорқыт ата атындағы Қызылорда университетінде ғылыми-тәжірибелік конференция өтті

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы Назарбаев Зияткерлік мектебінде Ұлы Жеңіс күні және Отан қорғаушылар күніне орай «Ерлікке тағзым» атты әскери-спорттық жарыс өтті.Сайысқа 11-сынып оқушыларынан құралған 7 взвод қатысты. Іс-шараның негізгі мақсаты – оқушылардың патриоттық рухын қалыптастыру, әскери дағдыларын дамыту, жауапкершілік пен командалық бірлікті нығайту, сондай-ақ салауатты өмір салтын насихаттау.<img src="https://knadmin.beoblood.kz/uploads/N_Ish2_af9336c8fe.jpeg" alt="НИш2.jpeg">Іс-шараның құрметті қонақтары – Ауған соғысының ардагерлері Еркін Отаров, Құрманғазы Әбжалиев, Нұрадин Бекетаев қатысушыларға сәттілік тілеп, ақ баталарын берді.Турнир бағдарламасы бес кезеңнен тұрды: Калашников автоматының макетін бөлшектеу және жинақтау, командирлер сайысы, винтовкадан ату, алғашқы медициналық көмек көрсету, саптық дайындық және патриоттық ән орындау.Жарыс қорытындысы бойынша І орын – 11 «Е» сыныбы, ІІ орын – 11 «В» сыныбы, ІІІ орын – 11 «D» сыныбы жеңіп алды.<blockquote>«Мұндай іс-шаралар жас ұрпақтың азаматтық жауапкершілігін арттырып, ел тарихына деген құрметін қалыптастырады және Отанға қызмет етуге дайын болуға тәрбиелейді», – дейді ардагер Нұрадин Бекетаев.</blockquote>

Қызылордадағы NIS-те «Ерлікке тағзым» әскери-спорттық сайыс өтті

<a href="https://kyzylorda-news.kz/">Kyzylorda-news.kz</a>&nbsp; «NIS USTAZ» педагогтер қауымдастығы ұйымдастырған «Елімнің ертеңі-2026» қиял-ғажайып fantasy жанрындағы желілік сурет байқауында Қызылорда қаласындағы Назарбаев Зияткерлік мектебінің 9-сынып оқушысы Шұғыла Төребек пен 10-сынып оқушысы Аделина Финансова І орын иеленді. Жетекшілері – Батырхан Еламанов пен Нариман Сариев.<img src="https://knadmin.beoblood.kz/uploads/Nish_2_939ccf18d9.jpeg" alt="Ниш 2.jpeg">Жас суретшілер өз жұмыстарында Қызылорда қаласының болашақ келбетін заманауи технологиялар мен ұлттық мәдениетті үйлестіре отырып бейнелеген.<blockquote>«Осы байқауға қатысу мен үшін ерекше қызықты болды. Өз жұмысымда қаланың 2050 жылғы келбетін елестетіп, мәдени мұра мен жаңа технологияларды ұштастыруға тырыстым. Мен үшін байқауға қатысып, бақ сынау үлкен жеңіспен тең. Болашақта әлі де тың туындалар жарыққа шығады деген үміттемін», – дейді Аделина Финансова.</blockquote>Ал Шұғыланың «Болашақ Сыр елі» суретінде Қызылорда қаласының келешектегі сәулеті заманауи әрі футуристік үлгіде бейнеленген. Шыны мұнаралар, геометриялық күмбездер, жасыл аймақтары бар экологиялық ғимараттар, сондай-ақ көпдеңгейлі инфрақұрылым мен әуе және жерүсті көлік жүйелері болашақтың айқын бейнесін көрсетеді.<img src="https://knadmin.beoblood.kz/uploads/nish_f03f52a60d.jpeg" alt="ниш.jpeg">

Қызылордадағы NIS оқушылары «Елімнің ертеңі-2026» байқауында топ жарды

Қызылордадағы тұңғыш интернет газет он бес жылдық белесті бағындырды

<a href="https://kyzylorda-news.kz/">Kyzylorda-news.kz</a> Биыл аймақтың әлеуметтік-экономикалық дамуында оң серпін байқалады. Ендеше сандарды сөйлетіп көрсек. Аймақтың өңдеу өнеркәсібі 6,4%-ға, ауыл шаруашылығының жалпы өнімі 1,3%-ға, негізгі капиталға салынған инвестициялар 10,6%-ға артты. Сонымен қатар құрылыс жұмыстарының көлемі 21,8%-ға өссе, пайдалануға берілген тұрғын үйлер 8,4%-ға, сауда көлемі 7%-ға ұлғайған. Бұл туралы Өңірлік коммуникациялар қызметінің ақпарат алаңында Ұлттық статистика Бюросының Қызылорда облысы бойынша департаментінің басшысы Қайрат Әбсұлтанов айтты.<blockquote>- Аймақтың құрылыс саласында қарқынды жұмыстар бар. Бір жыл ішінде атқарылған құрылыс жұмыстарының көлемі 21,8%-ға өсті. Ал тұрғын үй құрылысы аясында 3973 тұрғын ғимараты пайдалануға беріліп, жалпы алаңы 939 мың шаршы метрден асты. Аграрлық салаға да тоқталып өтсем. Ауыл шаруашылығы өнімдерінің жалпы көлемі 1,3%-ға өсті. Өткен жылы облыс бойынша 186,6 мың гектар жерге егін егілді, оның негізгі бөлігі – күріш. Мал басы да көбейіп келеді: жылқы 6,8%-ға, түйе 4,9%-ға, ірі қара мал 1,5%-ға артқан. Ет өндіру 7,5%-ға, сүт 3,0%-ға, жұмыртқа 7,1%-ға көбейген. Демографиялық ахуал да тұрақты. 2025 жылы облыста 16 641 сәби дүниеге келген. Аймақ 1000 тұрғынға шаққандағы туу көрсеткіші бойынша республикада тұрақты түрде төртінші орында тұр. Орта есеппен тәулігіне 40-45 сәби өмірге келсе, ай сайын 1300-1400 бала тіркеледі. Бұл халық санының табиғи өсімі сақталып отырғанын көрсетеді. Кәсіпкерлік саласында да өсім бар. 2026 жылдың 1 қаңтарына облыста 11 551 заңды тұлға тіркеліп, оның 10 354-і нақты жұмыс істеп тұр. Шағын және орта кәсіпкерлік субъектілерінің саны 68 152 бірлікке жетіп, белсенді жұмыс істеп тұрғандары 65 698-ді құрады. Жалпы алғанда, өңірде өндіріс, инвестиция, құрылыс пен кәсіпкерлік қатар дамып, халық саны мен еңбек нарығында тұрақтылық сақталып отыр,- деді Қайрат Байғабылұлы.</blockquote><img src="https://knadmin.beoblood.kz/uploads/Ajma_ta_ekonomikaly_belsendilik_artty_913e0aed1d.jpg" alt="Аймақта экономикалық белсенділік артты.jpg">Фото: pixabay

Аймақта экономикалық белсенділік артты

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде экономиканы одан әрі әртараптандыру шаралары қаралды. Оған облыс әкімі Нұрлыбек Нәлібав селекторлық режим арқылы қатысты.Үкімет отырысында «Orda Glass Ltd» ЖШС әкімшілік басқарма басшысының орынбасары Ғалымжан Қуатов баяндама жасап, өңірде 2022 жылдан бері жұмыс жасап келе жатқан республикадағы табақша шыны өндіретін жалғыз зауыттың жұмысы мен алдағы жоспарларын таныстырды.Отырыстан кейін өткен мәжілісте осы және өзге де мәселелер талқыланып, жауапты сала басшыларына тапсырмалар жүктелді.<blockquote>«Инвестиция тартуды күшейтіп, жаңа жобаларды іске асыру үшін инвесторлармен жүйелі жұмысты ұйымдастыру керек. Аудандарда, ауылдарда кәсіпкерлікті дамыту жайын жан-жақты зерделеп, нақты ұсыныстар енгізіңіздер. Қаржы институттарымен аудандарда, ауылдарда көшпелі түсіндірме жұмыстарын қарқынды жүргізу қажет.Сырттан келетін халық тұтынатын негізгі азық-түлік тауарларын «Ауыл аманаты» жобасы аясында өндіруді ұйымдастырыңыздар. Жоспарланған құрылыс нысандары уақытылы аяқталуы керек. Жаңадан салынуы келісілген нысандарға ғана жоба-сметалық құжат әзірлеңіздер.Мемлекет басшысының Катар сапарында жасалған келісім бойынша қуаттылығы 1100 Мвт-тық бу-газ қондырғысының жобалау жұмыстары жүргізілуде. Облыстық энергетика және тұрғын үй-коммуналдық шаруашылығы басқармасы маңызды екі жобаны сапалы әрі мерзімінде жүзеге асырыңыздар», – деді Нұрлыбек Машбекұлы.</blockquote>Айта кетейік, өңір экономикасын әртараптандыру, шикізатқа тәуелділікті азайту, өңдеу өнеркәсібін дамыту, ШОБ-ты қолдау және ауыл шаруашылығы өнімдерін өңдеуді арттыруда жүйелі жұмыс бар.2026-2029 жылдары 48 инвестициялық жоба жүзеге асырылып, 10 308 жаңа жұмыс орны ашылады. Биыл 100 млрд теңгенің 21 жобасы іске қосылады. Олардың қатарында қуаттылығы 3 500 тонналық құс фабрикасы, 5 200 тонналық тауарлы сүт фермасы, «Пана» қонақ үйі, гофрлеу және картонның тегіс қабаты үшін қағаз өндіру зауыты, жалпы қуаттылығы 50 МВт болатын 2 күн электр станциясы бар.Сонымен бірге 753 млрд 300 млн теңгеге бағаланған 14 ірі жобаның құрылысы межеленген. Өткен жылы кореялық «Уиз Ю» компаниясының тұрмыстық қатты қалдықтарды сұрыптау кешені және «Риксос» қонақ үйінің құрылысы басталды. «Табиғи тас Қызылорда» серіктестігі 17 млрд 300 млн теңгеге жылына 1 млн 100 мың тонна әк өндіретін зауытын іске қосады. «Шалқия» кен-байыту фабрикасы, «Арал сода» серіктестігінің кальциленген сода, «Севен Риверс» компаниясының шыны бөтелке, испандық «Рока групп» компаниясының жылына 500 мыңға дейін санитарлық-техникалық өнім шығаратын зауыт құрылысы басталады.Швейцариялық «Харвест Агро» компаниясының техникалық қарасора, жүгері және соя өсіру, қайта өңдеу, жүгеріні терең өңдейтін крахмал-сірне зауытының құрылысы бастау алды. Компанияға 14 200 гектар жер учаскесі табысталды.Фото: Қызылорда облысы әкімінің баспасөз қызметі

Экономиканы одан әрі әртараптандыру мәселесі қаралды

<a href="https://kyzylorda-news.kz/">Kyzylorda-news.kz</a> &nbsp;Құрылыс саласында да оң серпін байқалады. Қала аумағында атқарылған құрылыс жұмыстарының көлемі 182 млрд 276 млн теңгеге жетіп, 111,3 пайыздық өсім көрсеткен. Облыстағы үлесі 49,8 пайызды құрайды. Бұл туралы Өңірлік коммуникациялар қызметінің ақпарат алаңында Қызылорда қаласының әкімі Нұржан Ахатов мәлімдеді. Кездесу барысында шаһар басшысы қаланың әлеуметтік-экономикалық даму көрсеткіштері мен алдағы жоспарлар туралы кеңінен баяндады.<blockquote>«Әлеуметтің ең әлеуетті әрі өзекті мәселесі баспана. Бұл бағытта Қызылорда республика бойынша алдыңғы қатарда тұр. Өткен жылы көпқабатты тұрғын үйлерді салу және сатып алу үшін 35 млрд 812 млн теңге жұмсалып, 1 890 отбасы жаңа пәтерге қол жеткізген. Ал биыл кезекте тұрған отбасыларға тұрғын үй сатып алу мақсатында облыстық бюджеттен 39 млрд 474 млн теңге бөлініп отыр», – деді Нұржан Ахатов.</blockquote>Сонымен қатар, жол-көлік инфрақұрылымын дамыту мәселесі де назардан тыс қалған жоқ. Аймақ басшысының тікелей қолдауымен өткен жылы бұл салаға 30 млрд теңге қарастырылып, нәтижесінде 79 көшеде жол құрылысы жүргізіліп, күрделі және орташа жөндеу жұмыстары атқарылған.Қаланың негізгі магистральдарының бірі — «Тәуелсіздікке 25 жыл» даңғылы екі кезең бойынша жаңғыртылып, толықтай пайдалануға берілді. Қала әкімінің айтуынша, атқарылып жатқан жұмыстардың барлығы тұрғындардың өмір сапасын арттыруға және Қызылорданың тұрақты дамуын қамтамасыз етуге бағытталған.<img src="https://knadmin.beoblood.kz/uploads/yzylorda_alasynda_leumettik_ekonomikaly_damu_ar_yny_k_shejdi_30f0b19366.jpg" alt="Қызылорда қаласында әлеуметтік-экономикалық даму қарқыны күшейді.jpg">Экономиканың өзегі ауыл шаруашылығында екендігі бүгінгі таңда айқын сезілуде. Жылдан-жылға мұнай қорының сарқылуы бұл салаға басымдық беруді талап етіп отыр. Сырдария өзенімен өмірі өзектес Қызылорда өңірі үшін егіншілік тек күнкөріс көзі ғана емес, стратегиялық маңызы бар бағыт.<blockquote>«Биыл өңірде су тапшылығы ерекше байқалды. Бұл мәселе Мемлекет басшысының аймаққа жасаған жұмыс сапары барысында да диқандар тарапынан көтерілген болатын. Алайда қалыптасқан күрделі жағдайға қарамастан, аймақ басшысының ұтымды ұйымдастыруы мен жедел қабылданған шешімдерінің нәтижесінде аграрлық саланың берекесі бәсеңдеген жоқ. Нәтижесінде 8 041 гектар жерге орналастырылған ауыл шаруашылығы дақылдары мерзімінде толық жиналды. Оның ішінде негізгі дақыл күріш 3 354 гектар алқапқа себіліп, әр гектарынан 52 центнерден өнім алынды. Бұл су тапшылығы жағдайында қол жеткізілген айтарлықтай көрсеткіш» , - деді Өңірлік коммуникациялар қызметінің ақпарат алаңында Қызылорда қаласының әкімі Нұржан Ахатов.</blockquote>Саладағы қолдаулар биылғы жылы да жалғасын табады.<blockquote>«Ендігі басты міндет әрбір тамшы судың қадірін білу. Су үнемдеу технологияларын уақыт оздырмай енгізуіміз қажет. Осы мақсатта алдағы кезеңде лазерлік тегістеу мен тамшылатып суару әдістерін кеңінен қолдану жоспарланып отыр. Бұл тәсілдер суды тиімді пайдалануға ғана емес, өнімділікті арттыруға да мүмкіндік береді», - деді шаһар басшысы.</blockquote>Ауыл шаруашылығын дамыту өңірдің тұрақты дамуы мен халықтың әл-ауқатын арттырудың басты кепілі. Сондықтан аграрлық саладағы жүйелі жұмыстар алдағы уақытта да жалғасын таба бермек.Мемлекет басшысының бастамасымен жүзеге асырылып жатқан «Ауыл аманаты» жобасы өңірде нақты нәтижесін беруде. Бағдарлама аясында қала бойынша 46 жобаға 359 млн 500 мың теңге көлемінде жеңілдетілген несие берілді. Бұл ауыл тұрғындарының кәсіп ашуына және табысын арттыруына мүмкіндік жасады.<blockquote>"Қызылорда қаласында «Өңірлік инвестициялық орталығы» арқылы өнеркәсіп саласындағы 20 жоба қолдау тауып, жалпы көлемі 627 млн теңге қаржыға қол жеткізді. Бұл бастамалар өндірістік әлеуетті арттырып, жаңа жұмыс орындарын ашуға жол ашты. Кәсіпкерлікті қаржылай қолдауда екінші деңгейлі банктердің де үлесі зор. Осы арна арқылы 86 кәсіпкер жалпы сомасы 4 млрд 600 млн теңге көлемінде жеңілдетілген несие алып, өз ісін кеңейтуге мүмкіндік алды. Нәтижесінде Қызылорда қаласындағы кәсіпкерлер саны 35 мыңнан асып, бұл салада жұмыспен қамтылған азаматтар саны 63 мыңға жетті", - деді қала әкімі Өңірлік коммуникациялар қызметінің ақпарат алаңында өткен баспасөз конференциясында.</blockquote>Шағын және орта кәсіпкерлік субъектілері тарапынан өндірілген өнім көлемі 374 млрд 752 млн теңгені құрады. Бұдан бөлек, құны 240 млрд теңге болатын 16 жаңа инвестициялық жоба іске асырылды.<blockquote>"Инвестициялық жобалармен қатар, қаладағы сауда инфрақұрылымын жаңғыртуға да басымдық беріп отырмыз. Қазіргі таңда тұрғындар арасында “Жаңа базар” және “Ескі базар” аталып кеткен екі ірі сауда орталығы кезең-кезеңімен қайта жаңартылуда. Аталған жобалар қала экономикасын әртараптандыруға, кәсіпкерлік белсенділікті арттыруға және тұрғындардың тұрақты жұмыспен қамтылуына оң ықпал етуде", – деді Нұржан Сәбитұлы.</blockquote>

Қызылорда қаласында әлеуметтік-экономикалық даму қарқыны күшейді

<a href="https://kyzylorda-news.kz/">Kyzylorda-news.kz</a> 2025 жылы Қазақстанның көлік саласы еліміздің транзиттік-логистикалық әлеуетін нығайтуға, инфрақұрылымды жаңғыртуға және тасымалдау тиімділігін арттыруға бағытталған жүйелі дамуды жалғастырды. Бұл бағыттар Мемлекет басшысы Қасым-Жомарт Тоқаевтың тапсырмаларына сәйкес жүзеге асырылды.Қазақстан «Шығыс – Батыс», «Солтүстік – Оңтүстік» халықаралық көлік дәліздерін және Транскаспий халықаралық көлік бағытын дамыту арқылы Еуразия құрлық көпірінің рөлін тұрақты түрде арттыра отырып, Еуропа мен Азия арасындағы негізгі дәнекерге айналып отыр. Инфрақұрылымдық жобаларды жүзеге асыру, жылжымалы құрамды жаңарту, көлікті бақылауда цифрлық шешімдерді енгізу және халықаралық бағыттар желісін кеңейту еліміздің өңірдегі негізгі транзиттік хабтарының бірі ретінде позициясын нығайтуға ықпал етті.2025 жылдың қорытындысы бойынша транзиттік тасымалдау көлемі 36,9 млн тоннаны құрады, бұл 2024 жылдың сәйкес кезеңі көрсеткішінен 6,6%-ға артық (34,6 млн тонна).&nbsp;Транзит көлемінің артуы – автомобиль, теміржол, әуе және су көлігін кешенді дамытудың, сондай-ақ логистика саласындағы халықаралық ынтымақтастықты кеңейтуге бағытталған дәйекті жұмыстың нәтижесі.<img src="https://knadmin.beoblood.kz/uploads/1_kz_23_672609c6fa.png" alt="1-kz-23.png">Автожолдар мен жол инфрақұрылымын дамыту2025 жылдың басты жетістіктерінің бірі – автожол желісінің кең ауқымды дамуы. Құрылыс және жөндеу жұмыстары рекордтық 13 мың шақырым автожолды қамтыды.Нәтижесінде республикалық жолдардың 94%-ы техникалық нормативті жағдайда.Ішкі шекарадағы өткізу пункттерін модернизациялау жұмыстары жүргізілуде. 2027 жылдың соңына дейін 37 өткізу пунктін аяқтау жоспарлануда.&nbsp;Жол саласын цифрландыру ерекше назарда. Мемлекет басшысының тапсырмасы бойынша e-Joldar шеңберінде жолдардың цифрлық паспорттары қалыптастырылуда, бұл жолдардың техникалық жай-күйін, қозғалыс қарқындылығын және пайдалану параметрлерін орталықтандырылған түрде есепке алуды қамтамасыз етеді.&nbsp;Жыл сайын жасанды интеллект технологияларын қолдана отырып жол диагностикасы жүргізіледі.&nbsp;Жол төсемін сақтау үшін 220 бірлікке дейін автоматтандырылған өлшеу стансаларын орнату жалғасуда. Қазіргі таңда оның 71 бірлігі іске қосылған.Авиация: маршрут желісін кеңейту және инфрақұрылымға инвестиция тарту2025 жылы азаматтық авиацияның дамуы әуе паркін жаңарту, халықаралық бағыттарды кеңейту және әуежай инфрақұрылымына инвестициялар тартумен қатар жүрді. Әуе кемелері паркі 109 бірлікке жетті, оның ішінде 8 жаңа Airbus A320 ұшағы және 4 Boeing 737 MAX 8 ұшағы бар. &nbsp;<img src="https://knadmin.beoblood.kz/uploads/2_kz_5_1_decaf76dd5.png" alt="2-kz-5-1.png">Қазақстан 2025 жылдың желтоқсан айындағы мәліметтер бойынша аптасына жалпы жиілігі 626 рейсті құрайтын 135 халықаралық бағыт бойынша 30 елмен әуе қатынасы іске қосылды. Халықаралық маршрут желісі ТМД, Еуропа, Таяу Шығыс, Азия және Оңтүстік-Шығыс Азия елдерін қамтиды.Сала бойынша бүгінде 25 мың адам жұмыс орындарымен қамтылды, бұл оның тұрақты жұмысын қолдауға және негізгі операциялық процестердің үздіксіз орындалуын қамтамасыз етуге көмектеседі.Өткен жылы Арқалық әуежайын қалпына келтіру жұмыстары басталды, Алматы әуежайын дамытудың бас жоспары таныстырылды және құны $362 млн болатын TAV Airport Holding инвестициялық бағдарламасы таныстырылды, «Қорғас – Шығыс қақпасы» АЭА аумағында жүк-жолаушылар әуежайын салу бойынша жалпы құны 250 млрд теңгені құрайтын Инвестициялар туралы келісім жасалды.Қазақстан Республикасының пилотсыз азаматтық авиациясын дамытудың 2025-2031 жылдарға арналған тұжырымдамасының қабылдануы маңызды қадам болды. Сонымен қатар аз шығынды бірқатар жаңа авиакомпания ел нарығына шықты, сонымен қатар 35-тен астам жаңа халықаралық бағыт, оның ішінде Будапешт, Шанхай, Сеул, Гуанчжоу және Мюнхенге рейстері ашылды.ИКАО жүргізген аудит қорытындысы бойынша халықаралық авиациялық қауіпсіздік және формальдылықты жеңілдету стандарттарына сәйкестік деңгейі 95,7%-ды құрады.Теміржол және су көлігі: тасымалдаудың өсуі мен инфрақұрылымдық жобалар2025 жылдың қорытындысы бойынша жүктерді темір жол көлігімен тасымалдау көлемі 320 млн тоннаны құрады, бұл 2024 жылдың сәйкес кезеңімен салыстырғанда 5,5%-ға артық. Мемлекет басшысының тапсырмасы аясында 2029 жылға дейін 11 мың шақырым теміржол учаскесін жөндеу қарастырылған. Бүгінгі таңда 4,4 мың шақырымнан астам жолда жұмыстар орындалды, оның ішінде 1 575 шақырымы 2025 жылы аяқталды.<img src="https://knadmin.beoblood.kz/uploads/3_kz_3_1_5766582bd4.png" alt="3-kz-3-1.png">2025 жылдың негізгі оқиғаларының қатарына ұзындығы 836 шақырым «Достық – Мойынты» теміржолының екінші желісінің іске қосылуы, сондай-ақ ұзындығы 323 шақырым жаңа «Қызылжар – Мойынты» желісінің құрылысының басталуы болды. 775 локомотив пен 2,7 мың фитингтік платформаны жеткізу бойынша келісімшарттарға қол қойылды. Бүкіл ел бойынша 124 теміржол вокзалын жаңғырту басталды.Су көлігі де оң динамиканы көрсетті. 2025 жылы теңіз көлігімен 8 млн тонна жүк тасымалданды, бұл 2024 жылғы көрсеткіштен 7%-ға артық. Теңіз порттары арқылы контейнерлік тасымалдау 29%-ға артты – 90 637 ЖФЭ өтті; Транскаспий халықаралық көлік бағыты бойынша өсім 36%-ды құрады.Ақтау портында контейнерлік хаб құрылысы аяқталды, Құрық – Баку желісіне 1 құрғақ жүк кемесі жеткізілді, 2 паром сатып алынды.Өзен көлігімен тасымалдау көлемі 1,5 млн тоннаны құрады. Тасымалдау Ертіс, Орал – Каспий және Іле – Балқаш бассейндерінде жүзеге асырылды.Автомобиль тасымалдары және көлік бақылауы: цифрландыру мен халықаралық ынтымақтастық2025 жылы халықаралық автомобиль тасымалы географиясын кеңейту жұмыстары жалғасты. Қазақстан жыл сайын шетелдік рұқсат бланкілерінің квоталарымен алмасу жүзеге асырылатын 42 елмен үкіметаралық келісімдер жасасты.<img src="https://knadmin.beoblood.kz/uploads/4_kz_3_1_b5200f1976.png" alt="4-kz-3-1.png">Түркіменстанмен, сондай-ақ Иранмен екіжақты және транзиттік тасымалдарға рұқсат етілмеген тасымалдау жүйесі енгізілді. Түркиямен келісімге қол жеткізілді. Қазақстан Қытай аумағына транзиттік автотасымалдауды жүзеге асыру құқығын алған алғашқы ел болды.Қытаймен және Өзбекстанмен бірлесіп, шетелдік рұқсат бланкілерімен электрондық алмасу жүйесі енгізілді, бұл барлық ШРБ-ның 65%-ын цифрландыруға мүмкіндік берді. Цифрландыру жұмыстары Әзербайжанмен, Түркиямен және Қырғызстанмен жалғасуда.Нарықтың ашықтығын арттыру үшін шетелдік рұқсат бланкілерін бөлудің жаңа ережелері қабылданды, сондай-ақ жүк көлігін цифрлық өлшеуге көшу жөніндегі шаралар жүзеге асырылуда. Елде әкімшілік айыппұлдарды автоматты түрде рәсімдеу жүйесімен біріктірілген 73 автоматтандырылған өлшеу стансасы орнатылған.Бұдан бөлек, техникалық байқау операторларының қызметін ашуға рұқсат беру тәртібі енгізілді және белгіленген талаптарды бұзғаны үшін жауапкершілік күшейтілді.Фото: primeminister.kz

Президент тапсырмаларын жүзеге асыру: Еліміздің көлік саласы мен логистикалық әлеуетін дамыту

Фото: Қызылорда облысы әкімінің баспасөз қызметі Бүгін облыс әкімі Мұрат Ергешбаевтың, ҚР Парламенті Сенаты мен Мәжілісінің депутаттары Руслан Рүстемов, Мұрат Әбенов, Мархабат Жайымбетовтің, мәслихат депутаттары, зиялы қауым өкілдері, ел ағаларының қатысуымен сол жағалаудағы 10 тұрғын үй кешенінің 600 пәтерін иелеріне табыстау рәсімі өтті.Қызылорда қаласындағы Сырдария өзенінің сол жағалауы – кейінгі жылдары ерекше қарқынмен дамыған аумақ. Мұнда әлеуметтік нысандар мен тұрғын үй саны жыл өткен сайын артып келеді. Осы аумақта заманауи урбанистикалық шешімдер негізінде жайлы әрі қолайлы инфрақұрылым қалыптасып үлгерді. Бүгінде сол жағалауда 169 нысан бар, 136 көпқабатты тұрғын үй пайдалануға беріліп, мыңдаған отбасы баспаналы болды. Халыққа қолайлы орта қалыптастыру мақсатында 20 әлеуметтік және 13 бизнес нысаны жұмыс істейдіҚазіргі уақытта мұнда 47 құрылыс салынып жатыр. Оның 25-і –көпқабатты тұрғын үй, 20-сы –кәсіпкерлік нысан, бір аурухана және бір емхана. Тұрғындардың қауіпсіз жол қозғалысын ұйымдастыру мақсатында Иса Тоқтыбаев көшесінен сол жағалауға өтетін төрт жолақты жаңа автомобиль көпірін салу жоспарланған.Жаңа шағын аудан тұрғындарының саны 25 мыңнан асты, мектеп, балабақша, сауда орындары халық сұранысына сай қызмет көрсетеді. Қоғамдық көлік үздіксіз қатынайды. Бүгін кілті тапсырылған жаңа үйлердің тұрғындары да сол жағалаулықтар қатарын толықтырды. Салтанатты рәсімде сөз сөйлеген аймақ басшысы кейінгі жылдардағы халықтың тұрмыс сапасын арттыруға бағытталған ауқымды жобаларды атап өтті. «Мемлекет басшысы Қасым-Жомарт Кемелұлы «Қолжетімді баспана – арман емес, біздің азаматтарымыздың алдындағы міндетіміз» деген болатын. Бүгін тұрғын үй кезегінде тұрған жерлестерімізге жалпы аумағы 33 мың шаршы метрден асатын 600 пәтердің кілтін табыстап отырмыз. Тұрғын үй кешенінің аумағында екі футбол, төрт спорт және ойын алаңы, тынығу аймағы, 250 орындық автотұрақ және үш коммерциялық нысан орналасқан. Алдағы уақытта да шаһар келбетіне сән беретін заманауи тұрғын үйлер бой көтереді. Меншікті баспана – тұрақтылық пен ертеңгі күнге деген сенімнің кепілі. Жаңа қоныстарыңыз құтты болсын! Әр шаңыраққа бақ-береке, ырыс пен ынтымақ тілеймін», – деді Мұрат Ергешбаев.

Қызылордада бір күнде 600 отбасы баспаналы болды

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен өткен Үкімет отырысында «Таза Қазақстан» бағдарламасының жүзеге асырылу барысы талқыланды. Оған облыс әкімінің бірінші орынбасары Данияр Жаналинов селекторлық режим арқылы қатысты.Аймақтағы «Таза Қазақстан» бағдарламасының бағыты санитарлық тазалыққа, абаттандыру және тұрғындарға қолайлы өмір сүру ортасын қалыптастыруға негізделген.Бюджеттен бөлек, кәсіпкерлер демеушілігімен демалыс орындары, ойын және спорт алаңдары, орталық алаңдар жаңғыртылып, тұрғын үйлер мен әлеуметтік нысандар заманауи үлгіде жөнделуде. Қызылорда қаласындағы орталық алаң, қалалық мәдени-демалыс паркі және Қорқыт ата сквері қайта жаңғыртылды.Мемлекет басшысының облыс орталықтары маңынан экопарктер құру тапсырмасына сәйкес Қызылорда қаласындағы Президент саябағы жаңадан салынды, 31 гектар аумақта субұрқақтар, амфитеатр, спорт және ойын алаңдары, 50 метрлік шолу дөңгелегі, веложолдар мен жаяу жүргіншілер жолдары және санитарлық нысандар орнатылды. Саябақ аумағына 10 мыңнан астам ағаш көшеті, 50 мыңнан астам сәндік бұта және 17 мың көпжылдық гүл егілді.Қазіргі таңда мұнда 300 орындық балалар лагері және Ботаникалық білім беру орталығы салынып жатыр. Онда тропикалық және экзотикалық өсімдіктер бағы болады.​Бұл жұмыстар өңірдің барлық ауданында жалғасып, жаңа демалыс орындары, аллеялар салынып, көшелер абаттандырылды, жарықтандырылды. Демеушілік қаражаты есебінен Жаңақорған ауданында демалыс паркі, Сырдария ауданының Нағи Ілиясов ауылында «Еңбекшілер аллеясы» салынды. Қармақшы ауданының Жаңажол ауылында орталық алаң абаттандырылып, Жалағаш ауданы Таң ауылының көшелері көркейе түсті.Тұрмыстық қатты қалдықтарды тиімді басқару, оларды сұрыптау, өңдеу және кәдеге жаратуда «Жасыл даму» АҚ қаржыландыруымен 9 жоба жүзеге асырылып жатыр. Бұл салаға шетелдік инвестиция, озық технологиялар тартылды. Қызылорда қаласында шетелдік компаниялардың қатысуымен 2 ірі жоба құрылысы басталды.

«Таза Қазақстан» бағдарламасының жүзеге асырылу  барысы қаралды

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Бахыт Жаханов, қала әкімі Нұржан Ахатов «АМАНАТ» партиясының хатшысы Ержан Жылқыбаевқа қайта салынған Президент саябағын, балалар лагерінің құрылыс барысын таныстырды.Жаңа саябақ аумағында заманауи субұрқақтар, амфитеатр, спорт, ойын, би, шахмат, баскетбол және футбол алаңдары, биіктігі 50 метрлік айналмалы шолу дөңгелегі, велосипед және жүгіру жолақтары, санитарлық пункттер орналасқан. Жалпы 31 гектар аумаққа 2 мыңнан астам ағаш, 50 мыңнан астам сәндік бұта және 17 түрлі көпжылдық гүл егілген.Саябақ аумағын тиімді пайдалану мақсатында бірқатар ірі жоба жүзеге асырылуда. Атап айтқанда, 6 гектарға 300 орындық заманауи балалар лагері, 2,4 гектар аумаққа Ботаникалық білім беру орталығы, 8,2 гектарға тоғыз қабатты 15 тұрғын үй салынып жатыр. Сонымен қатар, 200 төсектік жаңа перинаталдық орталық, заманауи Президенттік кітапхана құрылысы қарқынды жүруде.Балалар тынығу лагері жеткіншектерді салауатты ортада тәрбиелеуге арналған. Лагерь спорт кешені, балалар мен тәрбиешілерге арналған тұрғын блоктар, мәдени-көпшілік іс-шараларға арналған event-аймақ, 5 киіз үй, ашық бассейн, ойын алаңдары және амфитеатрдан тұрады, жыл он екі ай қызмет көрсетеді. Жаңа нысан 1 маусым – Балаларды қорғау күні қарсаңында пайдалануға беріледі.<img src="https://knadmin.beoblood.kz/uploads/Prezident_sayaba_y_infra_rylymdy_zhobalar_2_2c21be456f.jpg" alt="Президент саябағы инфрақұрылымдық жобалар 2.jpg">

Президент саябағындағы инфрақұрылымдық жобалар таныстырылды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Кемелұлының Арал теңізінің құрғаған ұлтанындағы 1 млн. 100 мың гектар жерге бес жыл ішінде сексеуіл егу тапсырмасы жоспарға сәйкес орындалуда.Бүгінде өңірде сексеуіл көшеттерін дайындау үшін орман шаруашылығы мекемелерінде уақытша тұқымбақ ұйымдастырылған. Одан бөлек, Дүниежүзілік банктің қаржыландыруымен 2024 жылы Қазалы ауданында 441 млн. теңгеге аумағы 33,5 гектар тұқымбақ салынып, пайдалануға берілген болатын.ҚР Экология және табиғи ресурстар министрлігінің Орман шаруашылығы және жануарлар дүниесі комитеті төрағасының орынбасары Мақсат Елемесов Арал теңізінің құрғаған ұлтанында жүргізіліп жатқан орман-мелиорациялық шаралардың жүзеге асу барысын көру және сексеуіл көшеттерін егу жұмыстарымен танысу мақсатында өңірге жұмыс сапарымен келді.Мақсат Мұратұлы өңірге жасаған жұмыс сапарын Қазалы ауданындағы сексеуіл көшеттерін егумен айналысатын тұқымбақтардың жұмысымен танысуымен бастады.Ауданға келген жұмысшы топ өкілдері аудан әкімі Алмасбек Есмахановпен бірге алдымен Қазалы қаласындағы «Республикалық орман селекциялық тұқым өсіру орталығы» РМҚК Оңтүстік-батыс аймақ филиалының және Қазалы орман мекемесінің тұрақты тұқымбақтарының жұмысымен танысты.«Республикалық орман селекциялық тұқым өсіру орталығы» РМҚК Оңтүстік-батыс аймақ филиалы 2011 жылы пайдалануға берілген. Мұнда таулы аймақтарда өсетін айлант, катальпа, туя секілді сәндік 10 түрлі ағаш көшеттері жерсіндірілсе, ал жеміс ағаштарынан 5 түрлі ағаш көшеттері өсірілуде. Арал теңізінің құрғаған табанына отырғызылатын сексеуіл көшеттері де осы жерде дайындалады. Мәселен, өткен жылдың күзінде 3,33 гектар аумаққа сексеуіл тұқымы себілген. Қазіргі таңда сексеуілдің шығымдылығы жақсы. 3,33 гектар жерден 1 миллионнан астам дана сексеуіл өсіп тұр. Биыл күзде тұқымбақта 5 гектар жерге сексеуіл көшетін егу жоспарланып отыр.Қазалы ауданында 2024 жылы Дүниежүзілік банк қаржысы есебінен 33,5 гектар аумаққа жаңа тұқымбақ салынды. Жобаның жалпы құны 440,7 млн теңгені құраса, арнайы техникалар сатып алуға қосымша 179 млн теңге бөлінген. Мұнда сексеуіл және өзге де ағаш көшеттері өсіріліп, Арал теңізінің құрғаған ұлтанындағы орман-мелиорациялық жұмыстарға пайдаланылуда. Көшеттерді суаруда арнайы технологиялар қолданылуда.Тұқымбақ аумағындағы 10 гектар жерге күз айларында сексеуіл тұқымы себіліп, көктемде 3 миллион дана сексеуіл көшеттері жиналып, Арал теңізінің құрғаған ұлтанына отырғызылады. Сондай-ақ мұнда сәндік ағаштар мен жеміс ағаштары жыл сайын тұрақты егіліп отырады. Қазіргі таңда аталған тұқымбақта жергілікті жерден 45 адам жұмыспен қамтылған.Ауданға келген арнайы топтың жұмыс сапары кезінде Қызылорда облысының табиғи ресурстар және табиғат пайдалануды реттеу басқармасының басшысы Ғалымжан Еркебай, Қызылорда облыстық орман шаруашылығы және жануарлар дүниесі аумақтық инспекциясының басшысы Марат Нұрмағамбетов, «Республикалық орман селекциялық тұқым өсіру орталығы» РМҚК бас директоры Әліби Ғазиз және Ә.Н. Бөкейхан атындағы Қазақ орман шаруашылығы және агроорманмелиорация ғылыми-зерттеу институты облыстық филиалының директоры Самалбек Қосанов бірге жүрді.

Қазалы ауданындағы тұқымбақтардың жұмысымен танысты

<a href="https://kyzylorda-news.kz/">Kyzylorda-news.kz</a> Кеше Арал ауданы әкімдігінің мәжіліс залында аудан әкімінің орынбасары Еркін Әбішевтің төрағалығымен жиын өтті. Онда «Ауыл аманаты» бағдарламасы аясында өндірістік кооперативтерді дамыту және отбасының цифрлық картасындағы «D» және «E» санатындағы азаматтарды «С» санатына көшіру бағытындағы жұмыстарды үйлестіру барысы талқыланды.Жиынға «Ауыл аманаты» жобасы аясында кооперативтік жобаларды жүзеге асыру мен Қазақстан&nbsp;Республикасы Үкіметінің жанындағы өңірлік саясат бойынша жобалық кеңсесінің Қызылорда облысындағы өңірлік менеджері Индира Ақжігітова арнайы келіп, аталған мәселе бойынша азаматтарға түсіндірме жұмыстарын жүргізді.Кездесу барысында «Ауыл аманаты» бағдарламасының жүзеге асырылу барысы, өндірістік кооперативтерді дамыту тетіктері және халықтың әлеуметтік жағдайын жақсартуға бағытталған нақты шаралар талқыланды.Жиында бағдарламаны тиімді іске асыру, ауыл тұрғындарының табысын арттыру және цифрлық картадағы төмен санаттағы отбасыларды қолдау бағытында нақты тапсырмалар мен ұсыныстар айтылды.

 «Ауыл аманаты» бағдарламасын жүзеге асыру және «Д», «Е» санатындағы азаматтарды қолдау шаралары аясында жиын өтті

Конкурсқа қатысуға еңбектегі, спорттағы, шығармашылық, зияткерлік, ғылыми жетістіктері жоғары отбасылар жіберіледі. Конкурсқа қатысуға қажетті құжаттар тізімі: 1) ата-аналардың (қорғаншылардың, қамқоршылардың) жеке басын куәландыратын құжаттардың көшірмелері, балалардың туу туралы куәліктерінің көшірмелері; 2) асырап алушы (қорғаншы) отбасылар үшін – жергілікті уәкілетті органның кәмелетке толмаған балаға қорғаншылықты (қамқоршылықты) белгілеу туралы шешімінен үзінді көшірме; 3) неке қию туралы куәліктің көшірмесі (бар болса); 4) Ата-аналарының біреуі қайтыс болған жағдайда, қайтыс болу туралы куәліктің көшірмесі - бар болса; 5) Балаларды тәрбиеленгені үшін алған көтермелеулердің, белгілі бір жетістіктері үшін алған көтермелеулердің бар екенін куәландыратын құжаттардың көшірмелері; 6) балалардың, ата-аналардың (қорғаншылардың, қамқоршылардың) жұмыс (оқу) орнынан анықтамалар және мінездемелер; 7) ұсынымдар (әріптестерінің, көршілерінің, достарының); 8)отбасы мүшелерінің еңбектегі, спорттағы, шығармашылық, зияткерлік, ғылыми жоғары жетістіктерін куәландыратын құжаттардың көшірмелері. «Мерейлі отбасы – 2026» ұлттық конкурсының қалалық және аудандық кезеңдеріне қатысуға ниет білдірген тұлғалар 2026 жылғы 15 мамырдан - 15 маусымға дейін Қызылорда қаласы және аудан әкімдіктерінің қоғамдық даму бөлімдеріне өтінім береді. Ескерту: қызметі Қазақстан Республикасының аумағында тыйым салынған ұйымдардың құрамына кіретін (кірген) мүшелері бар, бұрын сотталған мүшелері бар отбасылар конкурсқа қатыса алмайды.

Бас тақырыптар

Қызылордада бір күнде 600 отбасы баспаналы болды

«Таза Қазақстан» бағдарламасының жүзеге асырылу барысы қаралды

Президент саябағындағы инфрақұрылымдық жобалар таныстырылды

Экономика

Аймақта экономикалық белсенділік артты

Экономиканы одан әрі әртараптандыру мәселесі қаралды

Қызылорда қаласында әлеуметтік-экономикалық даму қарқыны күшейді

Президент тапсырмаларын жүзеге асыру: Еліміздің көлік саласы мен логистикалық әлеуетін дамыту

Қоғам

Қызылордада бір күнде 600 отбасы баспаналы болды

Қазалы ауданындағы тұқымбақтардың жұмысымен танысты

«Ауыл аманаты» бағдарламасын жүзеге асыру және «Д», «Е» санатындағы азаматтарды қолдау шаралары аясында жиын өтті

«Мерейлі отбасы – 2026» ұлттық байқауының қалалық және аудандық кезеңдеріне құжат қабылдау басталды

«Қазақ мінезінің айнасы» кітабының тұсаукесері өтті

Қызылордалық оқушылар халықаралық турнирде топ жарды

Қорқыт ата атындағы Қызылорда университетінде ғылыми-тәжірибелік конференция өтті

Қызылордадағы NIS-те «Ерлікке тағзым» әскери-спорттық сайыс өтті

Қызылордадағы NIS оқушылары «Елімнің ертеңі-2026» байқауында топ жарды