<a href="https://kyzylorda-news.kz/ru">Kyzylorda-news.kz.</a>&nbsp; Денсаулық сақтау вице-министрі Айжан Есмағамбетова адам папилломасы вирусына қарсы вакцина егу тәртібін түсіндірді, деп хабарлайды <a href="https://sputnik.kz/">Sputnik Қазақстан</a>.Министрлік 9 млрд теңгеге папиллома вирусына қарсы вакцинаны сатып алуды жоспарлап отыр. Жалпы, Қазақстанға 350 мың дозасы жеткізіледі. Вакцина екі рет салынады. Сондықтан 175 мың адамға жетеді.<blockquote>"Негізі бұл вакцинаны 11-14 жас аралығында салуға кеңес беріп жатады. Біз 11 жастан бастап егеміз. Вакцина алғашқы жыныстық қатынасқа дейін салынуы қажет. Сонда тиімділігі жоғары болады", - деді Есмағамбетова сенатта өткен брифингте.</blockquote>Оның айтуынша, вакцинация кезінде 11 жастағы қыздарға ғана екпе тегін салынады. Ал әйелдер ақылы вакцинаны іздеуі керек.Айта кетері, папиллома вирусы жатыр мойны обырының қоздырушысы болып саналады. Қазақстанда жыл сайын 1800 әйел осы онкологиялық ауруға шалдығып, 600-і қайтыс болады.Фото: pixabay

Оқушы қыздарға арналған вакцинаның 350 мың дозасы сатып алынады

<a href="https://kyzylorda-news.kz/ru">Kyzylorda-news.kz.</a> Қызылорда қаласы әкімінің орынбасары қызметіне Айдос Кентугаев тағайындады. Бұл туралы қала әкімі Серік Қожаниязов мәлімдеді.&nbsp;<blockquote>«Өздеріңіз жақсы білесіздер, соңғы екі жыл бедерінде қала қарқынды құрылыс алаңына айналды. Сол себептен облыс орталығының сәулеттік дамуына серпін керек. Осы бағытқа екпін беру мақсатында сәулет және қала құрылысы саласында тәжірибесі мол, креативті көзқарасы бар архитектор Кентугаев Айдос Зейнуллаұлын қала әкімінің орынбасары лауазымына тағайындауды жөн санадым», - делінген шаһар басшысының әлеуметтік желіде жариялаған хабарламасында.&nbsp;</blockquote>Айдос Зейнуллаұлы бірнеше жыл бойы Алматы генплан ғылыми-зерттеу институты директорының орынбасары қызметін атқарған. 3 жыл Түркістан қаласының бас архитекторы болды.Айдос Зейнуллаұлы 1986 жылы Қызылорда облысында дүниеге келген. Жоғары білімді.2005-2008 жылдары аралығында Қазақ Бас сәулет және құрылыс Академиясында «Сәулетші», 2011-2013 ж.ж Орталық Азия университетінде «Заңгер», 2014-2015 жылдары осы оқу орнының «Өнеркәсіптік және Азаматтық құрылыс» мамандықтары бойынша бітірген.2015-2016 жылдары Қазақ Бас сәулет және құрылыс Академиясында «Сәулетші» мамандығы бойынша магистратураны тәмамдаған.2017-2019 жылдары Қазақ Ұлттық аграрлық университетінде «Жерге орналастыру» мамандығы бойынша оқыған.Еңбек жолын 2006 жылы "Проектный Центр" ЖШС 1-ші дәрежелі сәулетші болып бастаған;2009-2012 ж.ж «Алматы қала құрылыс кадастры» мекемесінің жетекші сәулетшісі;2012-2018 ж. ж. құрылыс және сәулет саласымен айналысатын жеке мекемелерде басшылық қызметтер атқарған;2018-2019 ж.ж «АлматыБасЖоспар» ғылыми-зерттеу институты» директорының орынбасары;2020-2023 ж.ж Түркістан қаласының архитекторы, қалалық сәулет және қала құрылысы бөлімінің басшысы қызметін абыроймен атқарды.Айдос Зейнуллаұлы құрылыс, сәулет және қала құрылысы, ауылшаруашылығы және жер қатынастары салаларына жетекшілік ететін болады.<figure class="image image_resized" style="width:75%;"><img src="https://knadmin.beoblood.kz/uploads/322252861_681788450352107_1613288603517286009_n_a43bac9a6c.jpg" alt="322252861_681788450352107_1613288603517286009_n.jpg"><figcaption>Айдос Кентугаев</figcaption></figure>Фото: Нұрболат Нұржаубай

Қала әкімдігінде ауыс-түйіс болды

<a href="https://kyzylorda-news.kz/ru">Kyzylorda-news.kz.</a> Облыс әкімі Нұрлыбек Нәлібаев Қызылорда облысына іссапармен келген «Оңтүстік» өңірлік қолбасшылығы әскерлері қолбасшысы, генерал-майор Қуанышбек Үштаевпен кездесті.Кездесуде Қызылорда облысының аумақтық қорғанысын нығайту және дамыту бағытындағы мәселелер талқыланды.Қуанышбек Өскенбайұлы Сыр өңіріне сапары барысында Қызылорда гарнизонымен танысып, 16-18 қаңтар күндері аумақтық қорғаныс бригадасы өткізетін командалық-штабтық жұмылдыру оқу-жаттығуына қатысады.Аймақ басшысы аталған іс-шараның маңыздылығын айтып, оқу-жаттығудың сәтті өтуіне тілектестік білдірді.&nbsp;

Облыс әкімі «Оңтүстік» өңірлік қолбасшылығы әскерлері қолбасшысымен кездесті

Фото: облыс әкімінің баспасөз қызметі&nbsp;<a href="https://kyzylorda-news.kz/ru">Kyzylorda-news.kz.</a>&nbsp; Сыр өңірінде облыс әкімінің қолдауымен бірнеше әлеуметтік нысандар бой көтеріп, халық игілігіне берілді. Мәселен, Қызылорда қаласында 4 іргелі мектептің жанынан екі мың орындық қосымша ғимараттар салынды. Бұл өз кезегінде білім ұйымдарындағы орын жетіспеушілігінің алдын алуға және оқушылар үшін ыңғайлы білім алуына ықпал етті.&nbsp;Сондай-ақ, былтыр 4 жаңа мектеп пайдалануға берілді. Мәдениет саласы бойынша да ауқымды жобалар сәтті жүзеге асты. Соның бірі – облыс орталығында құны 1,6 млрд теңгені құрайтын «Отбасы орталығы» мен аудандарда 4 ауылдық клуб ашылды. Ал мың орындық «Өнер орталығы» жақын күндері пайдалануға беріледі. Мұнан өзге де ауқымды жұмыстар туралы Өңірлік коммуникациялар қызметінің ақпарат алаңында облыстық құрылыс, сәулет және қала құрылысы басқармасының басшысы Ерлан Төрәлиев тарқатып айтып берді.<blockquote>Өздеріңіз білетіндей, былтыр тұрғындардың салауатты өмір салтын қалыптастыруға және спортпен тұрақты айналысушылар үшін 8 спорт кешені ашылды. Ал денсаулық сақтау саласында 15 дәрігерлік амбулатория мен 1 медициналық бекет пайдалануға берілді. Бұдан бөлек, облыс көлемінде құрылысы 2018-2020 жылдары басталып, түрлі себептермен аяқталмай қалған бірнеше әлеуметтік нысандардың құрылысы қайта басталып, салтанатты ашылу рәсімі өтті. Атап айтқанда, Жаңақорған кентіндегі 300 орындық мектеп, Әйтеке би кентіндегі 250 орындық мектеп және 600 орындық мәдениет үйі, Жақсықылыш кентіндегі спорт кешені ел игілігіне табысталды. Ендігі кезекте биыл облыс көлемінде 111 жобаны жүзеге асыру жоспарлануда. Бұған қоса, 7 ауданда «Руханият орталықтарының» құрылысы басталатын болады, - деді басқарма басшысы.</blockquote>Айта кетейік, биыл құрылыс саласына бөлінген қаражатқа 28 білім ұйымы, 6 денсаулық сақтау нысаны, 5 мәдени нысан, 11 спорт нысаны, 11 тұрғын үй құрылысы салынады. Ал қоғамдық тәртіпті сақтау саласына байланысты 1 нысан мен инженерлік коммуникациялық инфрақұрылым тарту бойынша 49 жоба жүзеге асырылмақ.

Инфрақұрылым: Қызылордада 49 жоба жүзеге асырылмақ

Фото: gov.kz<a href="https://kyzylorda-news.kz/ru">Kyzylorda-news.kz.</a> &nbsp;18 қаңтарда Қазақстан аумағының басым бөлігінде кең ауқымды антициклонның әсерінен жауын-шашынсыз күн райы қалыптасады, дп хабарлайды «Қазгидромет» РМК.Елдің тек батыс, солтүстік-батыс, солтүстік аудандарында атмосфералық фронттардың өтуімен ауа райының құбылмалы сипаты болжанады. Онымен жауын-шашын (көбінесе қар), бұрқасын, тұман, көктайғақ, желдің күшеюі күтіледі.

18 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz</a> &nbsp;Денсаулықтан асқан қадірлі дүние жоқ. Былайғы күнде қадіріне жетіп құнттай қоймағанмен, басқа іс түскенде бірінші байлық үшін бар дәулетті сарп етуге даярмыз. Ағза алмастыруға тізімге тіркеліп, ұзақ жыл күтетін жандардың шарасыз күйге түсуі тіпті қынжылтады. Себебі аты аталса, үрке қарайтын қоғам үшін трансплантация мәселесі дұрыс түсіндіру жұмыстары мен сауатты насихатты қажет ететінін көрсетеді. Бүгінгі күні елімізде жүрек, өкпе, бауыр, бүйрек, ұйқы безі транспланттанады. Деректерді парақтасақ, 2012 жылдан бастап 2379 транспланттау жүргізілген. Ал қазір 4 мыңға жуық адам ағзасын ауыстыруға зәру, оның ішінде 2023 жылғы жағдай бойынша 109 бала тағатсыз көмек күтіп отыр.&nbsp;Бұл орайда Мәжіліс депутаты Гүлдара Нұрымова ішкі ағза трансплантациясына рұқсат беру туралы бастама көтерген еді. Өйткені былтыр 320 адам кезек күте амалсыз ажал құшқан. Бұл бастамаға «Транспланттауды және жоғары технологиялық медициналық қызметті үйлестіру жөніндегі республикалық орталықтың» директоры Сәуле Талғатқызы былай жауап берді. Маманның айтуынша, бүйректі ақшаға сату ДДҰ-ның адам клеткаларын, тінін жане органын трансплантациялау жөніндегі нұсқауына қайшы. Атап айтқанда, 5 басқарымдық қағидатта айтылған: «Тірі донордың клеткаларын беру тек ақысыз түрде жүзеге асады.&nbsp;Клеткаларды, тіндерді және органдарды тірі донормен немесе қайтыс болған науқастың туыстарымен сату немесе сату туралы түсетін ұсыныстарға қатаң тыйым салыну керек. Сонымен қатар транспланттау ҚР бірқатар нормативтік құқықтық актілерімен реттелетініне көңіл аудару қажет және оны бұзу жауапкершілікке әкеледі. Қылмыстық кодекстің 116 бабына сәйкес, адам органын транспланттау немесе басқа да мақсаттарда заңсыз алынуы, немесе мәжбүрлеп алынуы, сонымен қатар тірі адамның органына қатысты заңсыз келісім шарт жасалуы 6 жылдан бастап 10 жылға дейін бас бостанды­ғынан айырумен жазаланады.<blockquote> – Дүниежүзілік денсаулық сақтау ұйымының мәліметі бойынша, орган саудасы ұйымдасқан қылмыстың бір түрі және адам құқықтарының қатаң бұзылуына әкеледі. Бүйректі сатуға рұқсат беру бұл мәселені айтарлықтай ушықтыруы мүмкін. Сонымен қатар көптеген донор бүйректі алып тастаудың кәсіби емес және қауіпті процедураларының құрбаны болуы ғажап емес, бұл ауыр асқынуға, тіпті өлімге әкелуі мүмкін. Осылайша, трансплантация үшін бүйректі сатуға рұқсат беру проблема тудыруы мүмкін және ол орган тапшылығын шешудің ең тиімді жолы емес. Оның орнына халыктың донорлық туралы хабарын арттыру, трансплантацияны ұйымдастыру жүйесін жетілдіру, сондай-ақ медицинада заманауи технологияларды қолдану сияқты басқа әдістерге назар аудару керек, – дейді Сәуле Талғатқызы.</blockquote> Осы орайда тағы бір мәселенің шеті шығады. Көз жұмған адамның ішкі ағзасы бірнеше науқасқа өмір сыйлайтынын мамандар үнемі айтып жүр. Алайда марқұмның туыстары мұндай қадамға бара бермейтінін назарға алу керек. Сәйкесінше, сау ағзаға мұқтаж жандар донор көмегін бірнеше жыл күтуіне тура келеді. Біздегі орташа статистика бойынша, 5-6 жыл күтуі мүмкін. Өйткені мүрдеден донорлық жасауға біздің менталитетке байланысты бәрі келісім бермейді. Ал бұған дейін осы мәселеге қатысты бірнеше пәтуа шығарған мүфтият кейінгі кезде донорлықты құптайтынын насихаттады.<blockquote> – Негізінде әрбір адам ағзасын басқа адамға беру арқылы соның денсаулығын, өмірін сақтап қалуға үлес қосады, ол үлкен сауапты іс болады. Демек, ислам діні адам ағзасын өзге адамға көмек ретінде беруді қолдайды. Тек, тиісті шарттарға сай келу керек, – дейді имам Тілепберген Жәкиев.</blockquote> Ең бастысы, ағза сатылмайды. Донордың келісімі немесе көз жұмған жанның туыстарының рұқсаты болу шарт. Бүгінде елімізде түрлі факторларға байланысты көптеген адамдар трансплантацияны қажет етеді. Бірақ өзгеге ағза беру мәселесі қоғам тарапынан дұрыс қолдау таппай отыр. Соңғы мәліметтер бойынша, Қазақстанда 1718 адам бүйрек, 66 адам жүрек, 565 жан бауыр алмастыруды күтіп отыр. Алайда оларға қажетті ағзаның қашан табылатыны белгісіз. Өйткені еліміздегі донор банкінде бұл ағзалар тапшы. Екі мәрте Денсаулық сақтау министрі болған Жақсылық Досқалиев трансплантация саласы 2017 жылға дейін елде қарқынды дамыды, бірақ сол жылы үлкен шу шығып, «заңсыз ағза ауыстырды» деп айыпталған дәрігер-транс­плантологтардың ісі Қазақс­тандағы трансплантация саласының дамуына кері әсер етті деген пікірде.<blockquote> – Қазір тірі адамнан бауырдың жартысын алуға болады, екі бүйректің біреуін алуға болады. Бауырдың трансплантациясы, ол да сол 2012 жылы басталды. Мәйіттен алуға, тірі адамнан да алуға болатыны сол заңда көрсетілді. Осы тәсіл 2017 жылға дейін елде дамыды. Сол тұста екі дәрігер істі болып қалды, «тірі адамнан алады екен, ойлайтыны тек ақша» деп. Депутаттардың құлағына жетіп, заңды өзгертті де тастады. Бұрын заң бойынша, егер де адам өзінің ықыласын білдірмесе, мәйіт болғаннан кейін, ешкімнен сұрамай, ағзаны мәйіттен ала беретін еді. Заңды өзгерткеннен кейін адам тірі кезінде рұқсатын берсе де, бермесе де, ағзасын туысқан­дарының қолхатынсыз алуға болмайды деген заң шықты. Осының кесірінен қазір мәйіттен жылына бір не екі ағза ғана алады. Кім жеңді бұдан? Қоғам ұтылып қалды. 4 мыңға таяу адам кезекте тұр, мұқтажы одан да көп. Оның өзі операцияға жарайды дегендегісі. Жылына екі мәйіттен ғана ағза алынатын болса, санаңыз оған қай жылы кезек келетінін. Қолданыстағы заңнаманы өзгерту қажет. Өйткені осы саладағы қыруар қаржыға алынған базалық жабдықтар мен мамандар тиісті мақсатта жұмылдырылмай келеді, – дейді хирург.</blockquote> Қоғамда ағза мүшесінің донорлығына оң көзқарас қалыптастыру – денсаулық сақтау саласындағы маңызды мәселенің бірі. Сол себепті трансплантацияны үйлестірушілер бұл бағытта ауқымды ақпараттық-түсіндіру жұмыстарын жүргізуді жалғастыруда. Қазақстандықтар өзі қайтыс болғаннан кейін ағза доноры болуға ықтияры бар-жоғын көзі тірісінде gov.kz порталында жазып көрсете алатынын да айту керек. 2020 жылдан бері порталда 18 мыңға жуық өтінім тіркелген екен, оның ішінде 17 мыңнан аса адам донорлықтан бас тартса, мыңға жуығы келісім берген деген дерек бар.Мөлдір Қалымбет

Мәйіт донорлығын қалай дамытуға болады?

Фото: Pixabay<a href="https://kyzylorda-news.kz/ru">Kyzylorda-news.kz.</a> Атырау облысында Жылыой аудандық білім бөлімінің басшысы пара алу күдігіне ілінді. Қазір күдікті үй қамаққа алынды, деп хабарлайды<a href="https://sn.kz/sn-akparat-agyny/108867-atyrau-oblysynda-audandyk-bilim-boliminin-basshysy-para-alu-kudigimen-ustaldy"> Skifnews.kz </a>ақпарат порталы.Сыбайлас жемқорлыққа қарсы іс-қимыл агенттігі Атырау облыстық департаментінің баспасөз қызметінен мәлім еткендей, Жылыой аудандық білім бөлімінің басшысы пара алу күдігімен ұсталған.<blockquote>«Атырау қаласының мамандандырылған тергеу соты күдіктіге қатысты «үй қамағына алу» түріндегі бұлтартпау шарасын қолданды. Қазір сотқа дейінгі тергеу жалғасып жатыр», - деп хабарлады департаменттің баспасөз қызметі.</blockquote>Өзге ақпарат тергеу мүддесіне сәйкес жариялауға жатпайды.<blockquote>«Конституцияның 77-бабы 3-тармағының 1-тармақшасына және Қылмыстық-процестік кодексінің 19-бабының 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрқайсысы кінәсіз деп есептеледі», - деп мәлім етті департаменттің баспасөз қызметі.&nbsp;</blockquote>

Аудандық білім бөлімінің басшысы пара алу күдігімен ұсталды

Фото: balapan.tv<a href="https://kyzylorda-news.kz/ru">Kyzylorda-news.kz.</a>&nbsp;&nbsp; «Бармысың, бауырым?» хабарының жүргізушісі әрі редакторы Қымбат Досжан бельгиялық отбасы асырап алған қазақ баласының туған анасын іздеу барысында кезіккен жаңа деректерді жариялады, деп хабарлайды&nbsp;<a href="https://egemen.kz/">Egemen.kz</a>.Журналистің сөзіне қарағанда, Арқалық қалалық полиция басқармасына Бельгия азаматы Жанни Эдди Савельевтің атынан және Қазақстандағы заңды өкілі ретінде өз атынан сотқа дейінгі тергеп-тексеру бойынша арыз беріліп, іс қозғалған. Алайда, қылмыстық іс қандай да бір құқық бұзушылық құрамы болмауына байланысты қысқартылыпты.<blockquote>«Асырап алған бельгиялық әйел Қазақстанға келмей тұрып, Жәнібек Жұмағұловтың суреті мен жеке мәліметін электронды пошта арқылы алғанын мәлімдеді. Одан бөлек, асырап алған адам Арқалыққа келгеннен кейін бір кісіге қомақты қаржы бергенін де айтты, - деді Қымбат Досжан.</blockquote>Ол осы оқиғаны зерттеу барысында Арқалық қаласының балалар үйінен 2000-2004 жылдар аралығында 80-нен астам баланы шетелдіктер асырап алғанын да мәлімдеді

2000-2004 жылдар аралығында 80-нен астам баланы шетелдіктер асырап алған

Фото: gov.kz<a href="https://kyzylorda-news.kz/ru">Kyzylorda-news.kz.</a>&nbsp; Қазақстан Республикасы Үкіметінің қаулысымен Айбат Болатұлы Ілиясов басқа жұмысқа ауысуына байланысты оқу-ағарту вице-министрі қызметінен босатылды, деп хабарлады <a href="https://turkystan.kz/article/238876-astanada-ekinshi-auysymny-bastauysh-synyp-o-ushylary-ashy-tan-o-idy">turkystan.kz.</a>

Оқу-ағарту вице-министрі қызметінен босатылды

Фото автордыкі<a href="https://kyzylorda-news.kz/ru">Kyzylorda-news.kz.</a> Күні кеше редакция “Қызылорда қаласының сол жағалауындағы көпірдің қақ ортасы 15 сантимерге ашылған” деген мәтінде ақпарат жариялаған болатын. Осыған орай жауапты мекеме ұсынған мәліметтерді ұсынсақ."Ғ. Мұратбаев көшесі бойындағы Сырдария өзені арқылы өтетін автомобиль көпірінің құрылысы 2013 жылы басталып, 2016 жылы пайдалануға берілді. Құрылыс-монтаж жұмыстарының тапсырыс берушісі «Облыстық жолаушылар көлігі және автомобиль жолдары» басқармасы, қала әкімдігінің теңгеріміне 2016 жылы тапсырылып, 2017 жылдан бастап, аталған көпірді күтіп-ұстау жұмыстарына қалалық бюджет есебінен қаржы бөлініп келеді. 2023 жылы аталған көпірді күтіп-ұстау жұмыстары жүргізілді. Күтіп-ұстау жұмыстарына көпірді сырлау, жуу, негізгі конструкцияға жатпайтын ақауларды қалпына келтіру жарық шамдарының үздіксіз жануын қамтамасыз ету жұмыстары кіреді. Сондай-ақ, көпірдің құрылысын салу барысында ҚР құрылысы ережелері жинағына сәйкес бетон конструкцияларының ауа райына байланысты көлемін өзгертетіні ескеріліп, көпірдің қалыпты жұмыс жасауы үшін деформациялық тігіс салынған. Деформациялық тігіс қысқы мезгілде ұлғайып, жазғы мезгілде орнына қайта келеді", - делінген қала әкімдігі берген жауапта.&nbsp;Құрметті оқырман, өңір тынысына байланысты айтарыңыз, сауалыңыз болса, бізге жолдаңыз. Ол “Тыңдаушы мемлекет” рубрикасында міндетті түрде жарияланатын болады.&nbsp;&nbsp;

Қала әкімдігі көпірдің ортасының ашылуына қатысты жауап берді

Фото Т.Қасымовтікі<a href="https://kyzylorda-news.kz/ru">Kyzylorda-news.kz.</a> 13 жасар аралдық Ақылжан Мейірханұлы шахматта ширақ. Ол &nbsp;Түркістан қаласында өткен жасөспірімдер арасындағы ҚР чемпионатында классикадан алтын, рапидтен күміс жүлдегер атанды. Ақылжан енді Бразилияда өтетін шахматтан әлем чемпионатына қатысады.&nbsp; Ол - Ж.Әбдірашев атындағы N62 Арал мектеп-лицейінің оқушысы. &nbsp;Жарыстың бас төрешісі Тимур Қасымовтың айтуынша, республикалық чемпионатқа Қазақстанның түкпір-түкпірінен 110 жас шахматшы қатысты.&nbsp;Ақылжанның бапкері – әкесі Мейірхан Бармағамбетов. &nbsp;

Қызылордалық  жас шахматшы әлем чемпионатына жолдама алды

Фото: облыс әкімінің баспасөз қызметі<a href="https://kyzylorda-news.kz/ru">Kyzylorda-news.kz.</a> Өткен жылы Қызылорда облысында әлеуметтік маңызы бар нысандар мен білім ұйымдары, емханалар мен дәрігерлік амбулаториялар, көп қабатты тұрғын үйлердің іргетасы қаланып, жаңа ғимараттар пайдалануға берілді. Тиісінше, былтырғы жылдың қорытындысымен өңірдегі құрылыс көлемі 140 пайызды құрады. Бұл туралы Өңірлік коммуникациялар қызметінің ақпарат алаңында облыстық құрылыс, сәулет және қала құрылысы басқармасының басшысы Ерлан Төрәлиев хабарлады.<blockquote>-Былтыр құрылыс саласына 87,1 млрд теңге бөлініп, 2022 жылмен салыстырғанда бөлінген қаржы 3,5 есеге артты. Осыған сәйкес, облыста қарқынды құрылыс жұмыстары жүргізіліп, 177 жоба іске асырылды. Атап айтқанда, білім беру саласында - 36 нысан, денсаулық сақтау саласында - 23 нысан, мәдениет саласында - 7 нысан, спорт саласында - 15 нысан, халыққа қызмет көрсету бойынша - 3 нысан, 26 тұрғын үй құрылысы, инженерлік коммуникациялық инфрақұрылым тарту бойынша - 71 жоба жүзеге асырылды. Жалпы, құрылыс саласында негізгі екі көрсеткіш белгіленген. Олар: құрылыс жұмыстарының көлемі және пайдалануға берілген тұрғын үйлер. 2023 жылдың қорытындысы бойынша өңірдегі құрылыс көлемінің көрсеткіші 2022 жылмен салыстырғанда 140,4 пайызды құрады. Сондай-ақ, қаржыландырудың барлық көздерінен 740,7 мың шаршы метр тұрғын үй ел игілігіне пайдалануға беріліп, көрсеткіш 108,4 пайызды құрады, - деді басқарма басшысы Ерлан Кәрімбекұлы.</blockquote>

Қазақстан және Қызылорда облысының жаңалықтары