<a href="https://kyzylorda-news.kz/">Kyzylorda-news.kz</a> Екі елдің ресми делегация мүшелерінің қатысуымен жалғасқан келіссөздер барысында саяси, сауда-экономикалық және мәдени-гуманитарлық ынтымақтастық перспективасы талқыланды.Мемлекет басшысы Черногорияны Қазақстанның Балқан түбегіндегі сенімді серіктестерінің бірі ретінде атады. Сонымен қатар ел басшылығының Еуропа Одағына мүше болуды көздеген сындарлы әрі дәйекті саясатына жоғары баға берді.<blockquote>– Президент мырза, Сіз реформаларды ілгерілетіп, Еуропа Одағы мүшелігіне үміткер саналатын Черногорияның позициясын нығайтуда маңызды рөл атқарып келесіз. Осы ұлттық стратегиялық мақсатқа жету жолында табыс тілейміз, – деді Қасым-Жомарт Тоқаев.</blockquote>Президент Қазақстанның Черногориямен серіктестік қарым-қатынасты жандандыруға ниетті екенін жеткізіп, соңғы жылдары тұрақты сипат алған жоғары деңгейдегі саяси байланыстардың арқасында ынтымақтастық қарқынды дамып келе жатқанына тоқталды.Қасым-Жомарт Тоқаевтың айтуынша, Подгорицада Қазақстан Бас консулдығының ашылуы Астананың екіжақты байланыстарды барынша кеңейтуге бейіл екенін көрсетеді. Осы орайда Президент елордамызда Черногорияның дипломатиялық миссиясын ашу, сондай-ақ парламентаралық байланыстарды күшейту жөніндегі қарымта қадамдардың маңызын атап өтті.Мемлекет басшысы бизнес өкілдерінің бүгінгі кездесуі мен сауда палаталары арасында қол қойылатын Өзара түсіністік туралы меморандум іскерлік қатынастарды дамытуға септігін тигізетініне сенім білдірді.<blockquote>– Қазақстан нарығына кіргісі келетін черногориялық компанияларды қуана қарсы аламыз. Кәсіпкерлеріңізге қолайлы жағдай жасауға дайынбыз, – деді Президент.</blockquote>Яков Милатович Қазақстанға сапары екіжақты дипломатиялық байланыс орнағанына 20 жыл толуымен тұспа-тұс келіп отырғанына мән берді.<blockquote>– Бұл сапар саяси тұрғыдан екі ел арасындағы сенім деңгейі жоғары екенін байқатады. Оның іскерлік бөлігіне жауапты Экономикалық палата да сапардың мазмұнды өтуіне мүдделі. Сауда палаталары арасында қол қойылатын Өзара түсіністік туралы меморандум тығыз экономикалық ықпалдастыққа тың серпін береді деп санаймын, – деді Черногория Президенті.</blockquote>Оның айтуынша, Қазақстан визасыз режим қолданылатын елдердің қатарына кіреді.<blockquote>– Біз қазір Еуропа Одағына мүше болу үдерісінің соңғы кезеңіндеміз. 2028 жылы Одақтың толық мүшесі боламыз деп үміттенеміз. Бұл Черногория мен Қазақстан арасындағы серіктестікті нығайтатын тағы бір алаң болмақ, – деді Яков Милатович.</blockquote>Тараптар өзара сауда көлемін ұлғайту, көлік-логистика, ауыл шаруашылығы және цифрландыру сияқты экономиканың басты секторларындағы ынтымақтастықты арттыру мүмкіндіктерін қарастырды.Сонымен қатар мемлекеттер басшылары екі елдің туризм, жоғары білім және ғылым салаларындағы серіктестігін, мәдени-гуманитарлық байланыстарын ілгерілетуге уағдаласты. Бұл бастамалар халықтарымыздың достығы мен өзара түсіністігін нығайта түседі.Осы орайда Қасым-Жомарт Тоқаев Черногория Ұлттық кітапханасы жанынан Абай орталығын ашуға ықпал еткені үшін Яков Милатовичке ризашылығын білдірді.Бұдан бөлек, президенттер жаһандық және өңірлік күн тәртібіндегі өзекті мәселелер жөнінде пікір алмасты.Келіссөздер қорытындысы бойынша Қасым-Жомарт Тоқаев пен Яков Милатович Бірлескен мәлімдеме қабылдады.

Қасым-Жомарт Тоқаев пен Яков Милатович кеңейтілген құрамда келіссөз жүргізді

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков аудан ардагерлері мен жауапты сала басшыларын ертіп, Шиелі кентіндегі Абай көшесінде орналасқан спорт кешенінде жүргізіліп жатқан күрделі жөндеу жұмыстарының барысымен танысты. Жұмыс сапасын бақылау және нысанның уақытылы пайдалануға берілуін қамтамасыз ету мақсатында ұйымдастырылған аралау барысында құрылыс алаңындағы атқарылып жатқан жұмыстар жан-жақты зерделенді.Қазіргі таңда спорт кешенін жаңғырту жұмыстарын «СК ЛИРА» жауапкершілігі шектеулі серіктестігі жүргізуде. Жалпы құны 249 миллион теңгені құрайтын жоба аясында ғимаратты толық жаңарту көзделген. Бүгінде нысанда ішкі әрлеу жұмыстары жүргізіліп, инженерлік желілер жаңартылуда. Сонымен қатар, ғимараттың шатыр жабындысы толықтай ауыстырылып, заманауи талаптарға сай қайта жабдықталуда.Нысанды аралау барысында аудан басшысы құрылыс жұмыстарының сапасына ерекше мән беріп, мердігер мекеме өкілдеріне барлық жұмыстарды белгіленген талаптарға сәйкес әрі бекітілген кесте бойынша аяқтауды тапсырды. Сондай-ақ, құрылыс барысында қауіпсіздік техникасының сақталуы, жұмысшыларға қолайлы жағдай жасалуы және қолданылатын құрылыс материалдарының сапасына тұрақты бақылау жүргізудің маңыздылығын атап өтті.Кездесу барысында жауапты мамандар жөндеу жұмыстарының қазіргі ахуалы мен алдағы жоспарлары жөнінде баяндап, жобаның кезең-кезеңімен жүзеге асырылып жатқанын жеткізді. Өз кезегінде аудан әкімі құрылыс жұмыстарының сапалы орындалуы тұрғындардың игілігі үшін аса маңызды екенін айтып, әрбір атқарылатын жұмысқа жауапкершілікпен қарау қажеттігін ескертті.Жаңғырту жұмыстары толық аяқталғаннан кейін спорт кешені заман талабына сай жабдықталып, аудан тұрғындарына сапалы қызмет көрсететін маңызды әлеуметтік нысанға айналмақ. Әсіресе жастар мен жасөспірімдердің спортпен тұрақты айналысуына қолайлы жағдай жасалып, түрлі спорттық іс-шаралар мен жарыстарды өткізуге мүмкіндік кеңейеді.Аталған жоба өңірде бұқаралық спортты дамытуға, тұрғындардың дене белсенділігін арттыруға және салауатты өмір салтын насихаттауға оң ықпал етеді. Сонымен қатар, заманауи спорт инфрақұрылымының қалыптасуы аудан тұрғындарының бос уақытын тиімді өткізуіне және жас буынның спортқа деген қызығушылығын арттыруға тың серпін бермек.

Спорт кешеніндегі күрделі жөндеу жұмыстарының барысын бақылады

<a href="https://kyzylorda-news.kz/">Kyzylorda-news.kz</a> Жалағаш ауданы Ақсу ауылдық округінде тұрғындардың өмір сүру сапасын жақсартуға бағытталған инфрақұрылымдық жобалар кезең-кезеңімен жүзеге асырылуда. Соның бірі – ауылішілік көшелерді жөндеу және асфальттау жұмыстары.Осыған байланысты Жалағаш ауданының әкімі Ардақ Ибраимов Ақсу ауылдық округіне арнайы барып, жол құрылысының барысымен танысты. Сапар барысында аудан басшысы мердігер мекеменің жұмысын бақылап, құрылыс жұмыстарының сапасы мен белгіленген мерзімде аяқталуына ерекше назар аударды.Айта кету керек, бұған дейін аудан әкімінің ауыл тұрғындарымен өткізген кездесуінде жол мәселесі көтерілген болатын. Кездесу барысында тұрғындар ауыл көшелерінің жағдайын жақсарту қажеттігін айтып, ұсыныстарын жеткізген еді. Халықтың өтініші мен ұсынысы ескеріліп, облыс әкімінің қолдауымен Ақсу ауылындағы М.Әуезов, Т.Қожағұлов және Ақбөгет көшелеріне асфальт төсеу жобасы қолға алынды.Қазіргі таңда аталған көшелерде құрылыс-монтаж жұмыстары қарқынды жүргізілуде. Жобаның жалпы ұзындығы 3,1 шақырымды құрайды. Жол құрылысы жұмыстарын «Р и А Сервис ЛТД» жауапкершілігі шектеулі серіктестігі жүзеге асыруда. Жоба аясында көшелерге жаңа асфальт жабыны төселіп, жолдардың сапасы мен қауіпсіздігі жақсармақ.Құрылыс алаңында болған Жалағаш ауданының әкімі Ардақ Ибраимов жауапты мамандарға нақты тапсырмалар беріп, әрбір жұмыстың сапалы орындалуы тұрғындар үшін маңызды екенін атап өтті.<blockquote>– Халықтың өмір сүру сапасын арттыруға бағытталған әрбір жобаның нәтижесі тұрғындарға нақты пайдасын тигізуі тиіс. Сондықтан жол құрылысы белгіленген талаптарға сай, сапалы әрі уақытылы аяқталуы қажет. Жауапты мекемелер құрылыс барысын тұрақты бақылауда ұстауы керек, – деді аудан әкімі.</blockquote>Соңғы жылдары Ақсу ауылында инфрақұрылымды дамыту бағытында ауқымды жұмыстар атқарылып келеді. Атап айтқанда, өткен жылы Беркінбай кәлпе – Жалағаш бағытындағы автомобиль жолына күрделі жаңғырту жұмыстары жүргізіліп, жол толықтай асфальтталды. Бұл өз кезегінде тұрғындардың қатынасын жеңілдетіп, елді мекендер арасындағы көлік қозғалысының қауіпсіздігін арттырды.Сонымен қатар бүгінде Ақсу ауылының тұрғындары көгілдір отынның игілігін көруде. Ауылды газдандыру жобасының жүзеге асуы халықтың тұрмыс сапасын жақсартуға оң әсерін тигізді. Бұдан бөлек, елді мекендегі электр желілерін жаңарту жұмыстары да жүргізіліп, инженерлік инфрақұрылымның сенімділігі арттырылды.Жергілікті билік өкілдерінің айтуынша, Ақсу ауылын дамыту бағытындағы жұмыстар мұнымен шектелмейді. Алдағы уақытта да ауылдың әлеуметтік және инженерлік инфрақұрылымын жақсартуға бағытталған жобалар кезең-кезеңімен жүзеге асырылып, тұрғындардың әл-ауқатын арттыруға басымдық беріле бермек.

Жалағаш: Инфрақұрылымдық жобалар кезең-кезеңімен жүзеге асуда

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың қатысуымен «Әке тәрбиесі – ұлттың рухани діңгегі» атты облыстық әкелер форумы өтті. Оған &nbsp;«Әкелер одағы» республикалық қоғамдық бірлестігі төрағасының орынбасары Бекдайыр Күзембай, мәслихат депутаттары, зиялы қауым өкілдері, аудандардан келген, түрлі салада табысқа жетіп, кәсібі мен еңбегі арқылы елге үлгі болып жүрген азаматтар қатысты.Биыл әкелер форумы төртінші мәрте ұйымдастырылуда. Бұл – ұлттық құндылықтарды дәріптеп, ер азаматтың отбасы мен қоғамдағы мәртебесін арттыруға бағытталған маңызды алаң.<img src="https://knadmin.beoblood.kz/uploads/Oblysty_keler_forumy_79cf19c659.jpg" alt="Облыстық әкелер форумы.jpg"><blockquote>«Президентіміз Қасым-Жомарт Кемелұлы: «Әке жауапкершілігі – отбасының беріктігі мен ұрпақ тәрбиесінің негізі. Біздің қоғамда әкенің рөлін арттыру, оның отбасындағы беделін нығайту – өте маңызды міндет» деген болатын. Ұлттың сапасы, болашақ ұрпақтың азаматтық болмысы әкенің берген тәрбиесіне тікелей байланысты. Жаңа Конституциямызда «Неке мен отбасы, ана мен әке және бала мемлекеттің қорғауында болады» деп нақты көрсетілген. Бұл отбасы құндылықтары мемлекеттік саясаттың негізгі өзегіне айналғанын айқын дәлелдейді. Әке – тек отбасын асыраушы емес, баланы жауапкершілікке, еңбекқорлыққа және Отанға деген сүйіспеншілікке баулитын алғашқы мектеп. Баланың болашағына әсер ететін ең қуатты күш – отбасындағы тәрбие, әкенің өнегесі. Сондықтан, «Адал адам», «Заң мен тәртіп», «Таза Қазақстан» секілді мемлекеттік бастамаларды қоғамда орнықтыру ең алдымен отбасынан басталуы тиіс. Баршаңызды ел мүддесіне адал қызмет етуге және ұрпақ тәрбиесіне зор жауапкершілікпен қарауға шақырамын», – деді Мұрат Нәлқожаұлы.</blockquote>Іс-шарада отбасы құндылықтарын насихаттап, өскелең ұрпақ тәрбиесіне елеулі үлес қосып жүрген әкелер облыс әкімінің Алғыс хатымен және бағалы сыйлықтармен марапатталды. «Әкелер одағы» республикалық қоғамдық бірлестігі төрағасының орынбасары Бекдайыр Нығметұлы, ішкі істер органдарының ардагері Әмірбек Бердібекұлы, жас ақын, республикалық Ғани Мұратбаев атындағы жастар сыйлығының иегері Ақжол Ғабитұлы, өнегелі әке Дәулет Амангелдіұлы, «Бақытты әйел» жобасының спикері Нұрсәуле Дүйсембайқызы тақырып аясында мазмұнды баяндама жасады. «Қазақстан дауысы – 2023» жобасының финалисі Нұрислам Тілеухан әсем ән орындап, оған қоғамдық бірлестік атынан смарт-теледидар сыйға берілді.Форумда «Қызылорда» супермаркетінің жұмысшысы Камалов Жандос Құдайбергенұлына үш бөлмелі пәтердің кілті табысталды. Жандос Құдайбергенұлы – &nbsp;мүмкіндігі шектеулі жұбайына &nbsp;және екі баласына қамқор болып отырған ардақты әке.<img src="https://knadmin.beoblood.kz/uploads/Oblysty_keler_forumy_3_40e33eb948.jpg" alt="Облыстық әкелер форумы 3.jpg">

Қызылордада облыстық әкелер форумы өтті

<a href="https://kyzylorda-news.kz/">Kyzylorda-news.kz</a> Қармақшы ауданы әкімінің тапсырмасымен Шамшат Төлепова атындағы аудандық мәдениет үйінде ақ халатты абзал жандардың еңбегін ұлықтауға және Медицина қызметкерлері күніне арналған «Адам жанының шипагерлері» атты салтанатты іс-шара өтті.Адам өмірі мен денсаулығын сақтауды басты мақсат еткен сала мамандарының кәсіби мерекесіне арналған шара бейнероликпен басталып, медицина қызметкерлерінің қоғамдағы орны дәріптелді.<blockquote>– Бүгінде Президентіміздің, Үкіметтің және аймақ басшысының ерекше қолдауымен ауданымыздың денсаулық сақтау саласында ауқымды өзгерістер жүріп жатыр. 2024-2025 жылдары тұрғындардың қолайлы ем алуына материалдық-техникалық базасы жаңартылған Дауылкөл, Ақжар, Дүр Оңғар ауылдық округтерінде 3 дәрігерлік амбулаториялар ел игілігіне пайдалануға берілсе, Қуаңдария мен Қармақшы ауылдарында фельдшерлік акушерлік бекеттер салынды. Сонымен қатар 2025 жылы аудандық ауруханаға 219 млн теңгеге және Байқоңыр қалалық көп бейінді ауруханасы 31 млн теңге қаржыға жаңа медициналық құрал – жабдықтармен қамтылса, соңғы үш жылда 15 жаңа жедел жәрдем көлігі табысталды. Сіздердің уақытпен санаспай еселі еңбек етулеріңіздің нәтижесінде ауданымыздың медициналық қызмет сапасын арттыру, ана мен бала денсаулығын қорғау шаралары бойынша жоғары көрсеткішке қол жеткізіп, атқарылған жұмыс сапасы жаңа деңгейге көтерілді, – деді аудан әкімінің орынбасары Шынғыс Сыдықов.</blockquote>Мерекелік жиын барысында денсаулық сақтау саласының дамуына сүбелі үлес қосып жүрген бірқатар қызметкерлер облыс және аудан әкімінің «Алғыс хатымен» марапатталды.Іс-шарада Қармақшы аудандық ауруханасының бас дәрігері Бақытжан Нысанбаев үздік қызметкерлерге арнайы марапаттар табыстап, әріптестеріне алдағы жұмыстарына табыс тіледі.Мерекелік кеште аудан өнерпаздары мен мереке иелері әсем ән мен биден шашу шашып, ақ халатты абзал жандарға көтеріңкі көңіл-күй сыйлады.Айта кетсек бүгінде киелі Қармақшы ауданында 700-ден астам медицина қызметкері халық денсаулығын сақтау жолында абыройлы еңбек етуде.

Қармақшы ауданында 700-ден астам медицина қызметкері абыройлы еңбек етуде

<a href="https://kyzylorda-news.kz/">Kyzylorda-news.kz</a> Осы жексенбі күні Қызылорда облысында жергілікті маңызы бар әкімдерді сайлау науқаны өтеді. Дауыс беру барысында бір қала, бір кент және үш ауылдық округ әкімдері сайланады. Сайлау науқаны Қазақстан Республикасының сайлау туралы заңнамасына сәйкес ұйымдастырылып, өңірдегі тұрғындардың жергілікті басқару ісіне қатысуына мүмкіндік береді.Атап айтқанда, сайлаушылар Арал ауданының Арал қаласы, Жалағаш ауданының Ақсу және Жаңаталап ауылдық округтері, Шиелі ауданының Шиелі кенті мен Жиделіарық ауылдық округінің әкімдерін таңдайды.Сайлау комиссияларының мәліметіне сәйкес, аталған бес әкімшілік аумақта барлығы 47 мыңнан астам азамат дауыс беру құқығына ие. Оның ішінде Арал қаласында 22 989 сайлаушы, Шиелі кентінде 22 669 сайлаушы тіркелген. Ал Ақсу ауылдық округінде 1 028, Жаңаталап ауылдық округінде 424 және Жиделіарық ауылдық округінде 560 тұрғын дауыс бере алады.Сайлау науқанын ұйымдастыру мақсатында өңірде барлығы 33 сайлау учаскесі жұмыс істейтін болады. Учаскелерде 230 комиссия мүшесі қызмет атқарып, дауыс беру процесінің ашық әрі заң талаптарына сай өтуін қамтамасыз етеді. Барлық сайлау учаскелері қажетті материалдық-техникалық құралдармен жабдықталып, сайлаушыларға қолайлы жағдай жасау көзделген.Алдағы сайлауға барлығы 16 кандидат тіркеліп, олардың есімдері дауыс беру бюллетеньдеріне енгізілді. Ерекше атап өтерлігі, барлық кандидаттар өзін-өзі ұсыну тәртібімен қатысуда. Бұл азаматтардың жергілікті басқару жүйесіне белсенді араласуға деген қызығушылығының артып келе жатқанын көрсетеді.Кандидаттардың сайлауалды үгіт-насихат жұмыстары заңнамада белгіленген мерзімде жүргізілді. Сондай-ақ, олардың қызметін қолдау мақсатында 59 сенім білдірілген тұлға тіркеліп, аумақтық сайлау комиссияларынан арнайы куәліктер алған.Сайлау комиссиялары тұрғындарға дауыс беру тәртібін түсіндіру жұмыстарын жүргізуде. Денсаулығына байланысты немесе өзге де себептермен сайлау учаскесіне келе алмайтын азаматтар үшін үйден дауыс беру мүмкіндігі қарастырылған. Ол үшін сайлаушылар 21 маусым күні сағат 12:00-ге дейін өз учаскелік сайлау комиссиясына өтініш беруі қажет. Өтініш негізінде комиссия мүшелері арнайы дауыс беру жәшігімен азаматтардың тұрғылықты жеріне барып, олардың конституциялық құқықтарын жүзеге асыруына жағдай жасайды.Заң талаптарына сәйкес, дауыс беру күні алдындағы 20 маусым – тыныштық күні болып белгіленген. Бұл күні кез келген үгіт-насихат жұмыстарына тыйым салынады.Дауыс беру жексенбі күні таңғы сағат 07:00-де басталып, кешкі 20:00-ге дейін жалғасады. Сайлау қорытындысы учаскелер жабылғаннан кейін дауыс санау рәсімінен соң жарияланып, жеңімпаз кандидаттар тиісті тәртіппен әкім лауазымына кірісетін болады.Өңірлік сайлау комиссиясы тұрғындарды сайлауға белсенді қатысып, өз таңдауларын жасауға шақырады. Себебі жергілікті әкімдерді сайлау – елді мекендердің әлеуметтік-экономикалық дамуына ықпал ететін маңызды қоғамдық-саяси науқан болып табылады.

Қызылорда облысында сайлау өтеді

<a href="https://kyzylorda-news.kz/">Kyzylorda-news.kz</a> Қызылорда қаласы әкімдігінде Мемлекет басшысы айқындаған «Заң мен тәртіп» қағидатын қоғамда кеңінен насихаттау, азаматтардың құқықтық мәдениетін арттыру және қоғамдық қауіпсіздікті қамтамасыз ету бағытындағы жұмыстарды жүйелеу мақсатында әдістемелік семинар өтті.Семинарға қала әкімдігіне қарасты бөлімдер мен мекемелердің басшылары, құқық қорғау органдарының өкілдері, сала мамандары және жауапты қызметкерлер қатысты.Іс-шараны қала әкімінің орынбасары Арнұр Нұрмағанбетов жүргізіп, өз сөзінде заң үстемдігін қамтамасыз ету, құқық бұзушылықтың алдын алу және азаматтардың құқықтық сауаттылығын арттыру – тұрақты әрі қауіпсіз қоғам қалыптастырудың басты шарттарының бірі екенін атап өтті. Сонымен қатар, ол мемлекеттік органдардың бұл бағыттағы жұмыстарды күшейтіп, тұрғындар арасында түсіндіру жұмыстарын жүйелі түрде жүргізудің маңыздылығына тоқталды.Семинар барысында қалалық прокуратураның бөлім прокуроры «Заң мен тәртіп» қағидатының мәні мен маңызына кеңінен тоқталып, қоғамда заң талаптарын сақтау мәдениетін қалыптастыру, құқық бұзушылықтардың алдын алу және азаматтардың құқықтық жауапкершілігін арттыру бағытында атқарылып жатқан жұмыстар туралы баяндады.Сондай-ақ құқық қорғау саласының ардагері жастарға патриоттық тәрбие беру, олардың бойында заңға құрмет пен азаматтық жауапкершілік сезімін қалыптастыру мәселелеріне тоқталып, құқықтық мемлекет құру жолындағы әр азаматтың рөліне ерекше назар аударды.Қала әкімі аппаратының мемлекеттік-құқықтық жұмыстар бөлімінің басшысы өз баяндамасында «Заң мен тәртіп» идеологемасын ілгерілету мақсатында жергілікті атқарушы органдар тарапынан жүзеге асырылып жатқан іс-шаралар туралы ақпарат берді. Сонымен қатар тұрғындардың құқықтық сауаттылығын арттыру, қоғамдық тәртіпті сақтау және қауіпсіз орта қалыптастыру бағытында атқарылатын алдағы жұмыстардың негізгі бағыттары таныстырылды.Жиын барысында қатысушылар заң үстемдігін қамтамасыз ету, құқықтық мәдениетті нығайту, мемлекеттік органдар мен қоғам арасындағы өзара іс-қимылды жетілдіру мәселелері бойынша пікір алмасты. Сонымен қатар құқықтық түсіндіру жұмыстарын жандандыру, жастар арасында құқық бұзушылықтың алдын алу және қоғамда заңға бағыну қағидатын қалыптастыру жөніндегі ұсыныстар талқыланды.Семинар қорытындысында қала әкімдігіне қарасты мекемелерде қызметкерлердің құқықтық сауаттылығын арттыруға бағытталған оқыту семинарларын тұрақты түрде ұйымдастыру, тұрғындар арасында түсіндіру жұмыстарын күшейту, сондай-ақ «Заң мен тәртіп» қағидатын кеңінен насихаттау бойынша жауапты сала басшыларына нақты міндеттер жүктелді.Аталған іс-шара қоғамдағы тұрақтылық пен қоғамдық қауіпсіздікті нығайтуға, азаматтардың құқықтық мәдениетін қалыптастыруға және заң талаптарын сақтау деңгейін арттыруға бағытталған маңызды қадамдардың бірі болды.<img src="https://knadmin.beoblood.kz/uploads/ala_kimdigi_za_men_t_rtip_39901ac224.jpg" alt="Қала әкімдігі заң мен тәртіп.jpg">

«Заң мен тәртіп» – қоғам тұрақтылығы мен қауіпсіздігінің негізі

<a href="https://kyzylorda-news.kz/">Kyzylorda-news.kz</a> &nbsp;Медицина қызметкерлері күніне орай Ақордада өткен салтанатты жиында еліміздің денсаулық сақтау саласының үздік мамандары мен медициналық ұйымдары марапатталды. Мерекелік іс-шара барысында Қызылорда облыстық перинаталдық орталығы жоғары кәсіби жетістіктері мен ана мен бала денсаулығын қорғау бағытындағы нәтижелі қызметі үшін республикалық деңгейдегі «Үздік перинаталдық орталық» номинациясының жеңімпазы атанды.Мәртебелі марапатты орталықтың бас дәрігері Олег Ким Қазақстан Республикасының Денсаулық сақтау министрінің қолынан қабылдап алды. Бұл марапат&nbsp;&nbsp;– ұжымның көп жылғы қажырлы еңбегі мен кәсіби шеберлігінің, сондай-ақ, халыққа көрсетілетін медициналық көмектің сапасын үздіксіз арттыру жолындағы жүйелі жұмысының жемісі.Қызылорда облыстық перинаталдық орталығы өңірдегі ана мен бала денсаулығын қорғау саласында жетекші медициналық мекемелердің бірі саналады. Орталықта білікті дәрігерлер мен орта буын медицина қызметкерлері тәулік бойы қызмет көрсетіп, жүкті әйелдерге, босанушыларға және жаңа туған нәрестелерге жоғары деңгейде медициналық көмек ұсынады.Жыл сайын мұнда мыңдаған сәби дүниеге келіп, күрделі жағдайдағы аналар мен нәрестелерге мамандандырылған медициналық көмек көрсетіледі. Заманауи медициналық құрал-жабдықтармен қамтамасыз етілген орталықта озық технологиялар енгізіліп, диагностика мен емдеудің халықаралық стандарттары кеңінен қолданылуда.Соңғы жылдары мекеме ұжымы перинаталдық көмектің сапасын арттыру, ана мен бала өлімін төмендету, жаңа туған нәрестелерге көрсетілетін медициналық көмекті жетілдіру бағытында ауқымды жұмыстар атқарды. Бұл жетістіктер өңірдегі денсаулық сақтау жүйесінің дамуына және тұрғындардың өмір сүру сапасын жақсартуға елеулі үлес қосып келеді.«Үздік перинаталдық орталық» атағы – Қызылорда облыстық перинаталдық орталығы қызметкерлерінің кәсіби біліктілігі мен жауапкершілігінің, сондай-ақ, ұжымның бірлескен еңбегінің жоғары бағалануы. Бұл марапат медицина қызметкерлерін жаңа жетістіктерге жігерлендіріп, халық денсаулығын сақтау жолындағы маңызды міндеттерді одан әрі табысты жүзеге асыруға серпін береді.

Қызылорда облыстық перинаталдық орталығы – «Үздік перинаталдық орталық» атанды

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков, аудан прокурорының орынбасары Ғанибек Сағатов, аудандық полиция бөлімінің бастығы Болатхан Мұханов және жауапты сала басшыларымен бірге түнгі рейд жұмыстарын ұйымдастырды.Рейд барысында аудан аумағындағы қоғамдық орындар, ойын-сауық мекемелері мен көшелер бақылауға алынып, кәмелетке толмағандардың түнгі уақытта заңды өкілдерінсіз жүру деректері, қоғамдық тәртіптің сақталуы және құқық бұзушылықтың алдын алу мәселелері назарға алынды.Сонымен қатар, мектеп бітіруші түлектерге байланысты рұқсат етілмеген мерекелік жиындардың, түнгі серуендердің және түрлі құқық бұзушылықтардың алдын алу мақсатында профилактикалық және түсіндіру жұмыстары жүргізілді.Аталған жұмыстар аудан әкімі Айтбай Жандарбековтың тапсырмасына сәйкес жүзеге асырылып, жасөспірімдердің қауіпсіздігін қамтамасыз ету, олардың бос уақытын тиімді ұйымдастыру және құқық бұзушылықтың алдын алу мақсатында тұрақты түрде жүргізілуде.Рейд барысында тұрғындарға түсіндіру жұмыстары жүргізіліп, ата-аналарға бала тәрбиесіне жауапкершілікпен қарау қажеттігі ескертілді. Мұндай профилактикалық шаралар алдағы уақытта да жалғасын табатын болады.Кәмелетке толмағандардың түнгі уақытта заңды өкілдерінің еріп жүруінсіз сағат 22:00-ден таңғы сағат 06:00-ге дейін ойын-сауық мекемелерінде болуы - заңды өкілдеріне үш айлық есептік көрсеткіш мөлшерінде айыппұл салуға әкеліп соғады.<img src="https://knadmin.beoblood.kz/uploads/T_ngi_rejd_Shieli_2_9aca0b629c.jpg" alt="Түнгі рейд Шиелі 2.jpg">

Шиеліде түнгі рейд жұмыстары жүргізілді

<a href="https://kyzylorda-news.kz/">Kyzylorda-news.kz</a> Конго-Қырым геморрагиялық қызбасы (КҚГҚ) – вирус қоздырғышынан туындайтын, адам өміріне аса қауіпті жұқпалы ауру.Аталған аурудың алдын алу және таралуына жол бермеу мақсатында аудан көлемінде түсіндірме жұмыстары жалғасуда. Осыған орай аудандық ауыл шаруашылығы және жер қатынастары бөлімінің басшысы Еркін Сейтов, аудандық ветеринариялық станциясының директоры Болат Әміреев, Қазалы аудандық аумақтық инспекциясының мамандары, «Ұлттық сараптама орталығы» Қазалы аудандық бөлімшесінің «Бактериологиялық және паразитологиялық зерттеу» зертханасының зертханашысы И. Қонысбаева, аудандық полиция бөлімінің қызметкерлері және ауылдық округ әкімдері Әйтеке би кенті, Қазалы қаласы, Ғ. Мұратбаев, Сарыкөл және Көларық ауылдық округтерінде болып, мал бордақылаумен айналысатын жеке кәсіпкерлер мен тұрғындарға түсіндірме жұмыстарын жүргізді.Кездесу барысында тұрғындарға қоражайларды таза ұстау, қоршаған ортаның санитарлық жағдайын сақтау және қоражайларды уақытылы кенеге қарсы залалсыздандырудың маңыздылығы түсіндірілді.Сонымен қатар, «Ұлттық сараптама орталығы» Қазалы аудандық бөлімшесі тарапынан Конго-Қырым геморрагиялық қызбасынан сақтану шаралары жөнінде арнайы үнпарақтар таратылды.Кенеден қорғану шараларын елемеу ауыр зардаптарға, тіпті адам өліміне әкелуі мүмкін. Сондықтан әрбір тұрғын өз денсаулығына жауапкершілікпен қарап, сақтық шараларын қатаң сақтауы қажет.&nbsp;

Қазалыда Конго-Қырым геморрагиялық қызбасының алдын алу бойынша түсіндірме жұмыстары жалғасуда

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев, облыстық мәслихат төрағасы Мұрат Тлеумбетовтің Қармақшы ауданына жұмыс сапары аясында &nbsp;Жосалы кентіндегі «Руханият орталығында» аудан активінің жиыны өтті. Онда өңірдің әлеуметтік-экономикалық даму бағыттары мен алдағы міндеттер талқыланды.Аймақ басшысы бірқатар өзекті мәселеге тоқталып, салық базасын ұлғайту, шетелдік инвесторлармен келіссөз жүргізу, су үнемдеу технологияларын енгізу, құрылыс сапасын бақылауды күшейту және газдандыру деңгейін арттыру бойынша нақты тапсырмалар берді.<img src="https://knadmin.beoblood.kz/uploads/arma_shy_audany_aktiv_otyrysy_2_771be27c86.jpg" alt="Қармақшы ауданы актив отырысы 2.jpg"><blockquote>«Ауданның қаңтар-мамыр айларындағы негізгі макроэкономикалық көрсеткіштерінде оң динамика қалыптасқан. Қаржылық тұрақтылықты қамтамасыз етуде салық базасын ұлғайту ерекше маңызға ие. Кент және ауылдық округ әкімдері осы ретте жүйелі жұмыс жүргізуі тиіс. Ішкі мүмкіндіктер мен экономикалық әлеуетті тиімді пайдалана отырып, жаңа инвестициялық жобаларды қолға алу қажет. 2023 жылдан бері күріш егісінің көлемі 1 158 гектарға қысқарды. Ауданда 33 шаруашылық каналы бар болса, соның 9-на жоба-сметалық құжаттама әзірлеу жоспарланған. Суды аз қажет ететін дақылдарға басымдық беруді тапсырамын. Жобаларды әзірлеп, «Байқоңыр» әлеуметтік-кәсіпкерлік корпорациясымен бірлесіп жұмыс жасаңыздар», – деді облыс әкімі.</blockquote>Кейінгі төрт жылда Қармақшы ауданында 267 пәтер берілген. Тұрғын үй құрылысы биыл да жалғасады. Жауапты басшылар құрылыс сапасына бақылауды күшейтуі керек.Қармақшыда газдандыру көрсеткіші 79,2 пайыз, бүгінде Иіркөл және Төребай би ауылдарына табиғи газ қосу қарқынды жүргізілуде. Аймақ басшысы облыстық энергетика және тұрғын үй-коммуналдық шаруашылық басқармасымен бірлесіп, басқа ауылдарға да кезең-кезеңімен газ жеткізуді тапсырды.«Жасыл даму» акционерлік қоғамының қаржыландыруымен өңірде 98,7 млрд. теңгеге 9 жоба іске асырылуда. Қармақшы ауданында «Грин Орда Проект» серіктестігінің жобасы жоспарланған. Алдағы уақытта жұмыс қарқынын арттырып, екінші кезең сараптамасына құжат тапсыру керек.Бұдан бөлек, жауапты тұлғаларға қоғамдық тәртіпті нығайту және Конго-Қырым геморрагиялық қызбасы бойынша эпидемиологиялық ахуалды тұрақты бақылауда ұстау міндеттелді.Кездесуде тұрғындар мен ауыл ақсақалдары өзекті мәселелерді көтеріп, ұсыныстарын ортаға салды. Осы сапарда аймақ басшысы қармақшылық үздік оқушылармен кездесіп, олардың ұстаздарымен бірлесіп жасаған қолөнер бұйымдарын және заманауи технологияларды пайдалана отырып жүзеге асырған тың жобаларының көрмесін тамашалады.<img src="https://knadmin.beoblood.kz/uploads/arma_shy_audany_aktiv_otyrysy_3_097173663c.jpg" alt="Қармақшы ауданы актив отырысы 3.jpg">

Салық базасын ұлғайту жүйелі жұмысты қажет етеді

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев, облыстық мәслихат төрағасы Мұрат Тлеумбетов Қармақшы ауданына жұмыс сапары кезінде Төребай би ауылының тұрғындарымен кездесіп, газ желісін тарту жұмыстарының барысымен танысты.Осы уақытта &nbsp;құбыр мен ішкі тарату желілері жүргізілуде. «Asia Story KZ» &nbsp;және «Grand Structure Engineering» серіктестіктері қолға алған жобаға 479,5 млн теңге бөлінген.&nbsp;Ауылдарға «көгілдір отын» жеткізу Қазақстан Республикасын газдандырудың 2023-2030 жылдарға арналған бас схемасына, Қызылорда облысын газдандырудың 2023-2027 жылдарға арналған егжей-тегжейлі жоспарына сүйеніп &nbsp;атқарылуда.Өткен жылдың қорытындысымен өңірді газдандыру көрсеткіші 83 пайызға жетті. Бүгінде 4 қала және 56 елді мекен табиғи газға қосылған.Биыл 14 жобаны іске асыруға 4,9 млрд теңге қаржы бөлінді. Оның ішінде 2-еуі – өтпелі, 12-сі – жаңа жоба, 10 елді мекен тұрғындары &nbsp;табиғи газға қол жеткізеді. Осылайша газдандырылған елді мекен саны 66-ға, газбен қамту 85 пайызға дейін артады.Газдандыруды одан әрі жалғастыру үшін 15 млрд теңгенің 9 жобасы әзірленіп, қаржыландыруға ұсынылды. Қолдау тапқан соң қосымша 11 ауылды табиғи газға қосу жоспарланған.Бұдан бөлек, «QazaqGaz Aimaq» АҚ-ның 2026-2030 жылдарға арналған инвестициялық бағдарламасымен Жаңақорған ауданындағы 6 елді мекенді газдандыру көзделіп отыр.<img src="https://knadmin.beoblood.kz/uploads/T_rebaj_bi_auyly_gazdandyru_2_9c114611f2.jpg" alt="Төребай би ауылы газдандыру 2.jpg">

Қазақстан және Қызылорда облысының жаңалықтары