<a href="https://kyzylorda-news.kz/">Kyzylorda-news.kz</a> Оқыту – тек білім беру ғана емес, сонымен қатар баланың бойындағы жақсы қасиеттерді дамытуды көздейді. Яки, шығармашылық қабілеттерін ашып, жүрегіне жол табу өнері. Әрбір бала – өзіндік қажеттіліктерімен ерекшеленетін кішкентай әлем. Сондықтан мұғалімнің міндеті – осы кішкентай әлемдердің кілтін табу және олармен тиімді қарым-қатынас орнату.<blockquote>– Баланың жүрегіне жол табудың маңыздылығы өте зор. Білімге деген жаңа қадамды бастаған оның жүрегіне жол табу – оқыту процесінің негізі болып табылады. Егер бала мұғалімге сенім артса, оның сабақтарына қызығушылық танытса, онда ол жаңа ілімдерді оңай меңгереді және өзін-өзі дамытуға ұмтылады. Баланың жүрегіне жол табу арқылы мұғалім оның өзіне деген сенімін арттырады. Шығармашылық қабілеттерін дамытады. Оқуға деген қызығушылығын ұлғайтады. Жаңа білімдерді оңай меңгеруіне көмектеседі. Өзгелермен қарым-қатынас жасау дағдыларын қалыптастырады. Баланың жүрегіне жол табудың бірнеше жолы бар. Ол үшін мұғалім түрлі әдісті қолдана алады. Олармен жылы лебізбен сөйлесу, олардың ойын тыңдау, мақтау және қолдау көрсету маңызды, – дейді С.Сейфуллин атындағы №165 орта мектептің бастауыш сынып мұғалімі Мөлдір Рамбердиева.</blockquote>«Сабақ беру үйреншікті жай ғана нәрсе емес, ол жаңадан жаңаны табатын өнер» деген тәмсілді ұстанатын мұғалима киелі орданың табалдырығын аттағанына тура 20 жыл болды. Әр адам өмірге келгенде оның пешенесіне қандай да бір бақыттан үлесі болатыны жазылады демей ме? Міне, Мөлдір Маратқызы да қиыны мен қызығы қатар жүретін ұстаздық мамандықты жүрек қалауымен таңдаған.<blockquote>– Менің бақытым ұстаздық жолдан бұйырғандай сезіледі. Мектеп өмірінде үлгілі оқушы болып, алдыңғы сапта жүретін мен үшін балалық шағымнан өзімді ұстаздық жолға бағыттағандаймын. Өмірге көзқарас қалыптастыруда мектеп өміріндегі тамаша кезеңде кереметтей ұстаздардан тәлім алуымның үлкен әсері болды деп ойлаймын. Жүректегі арманым жетелеп, Ақтөбе гуманитарлық колледжі мен Ақтөбе мемлекеттік педагогикалық институтын бастауыш сыныптар мұғалімі мамандығы бойынша тәмамдадым. 2004 жылдан бері №165 С.Сейфуллин атындағы орта мектепте бастауыш сынып мұғалімі болып қызмет етіп келемін, – дейді Мөлдір Маратқызы.</blockquote>Ұстаздық – ұлы қасиет. Әр оқушыға білім беріп, оған өмірлік бағыт сілтеуші сөзсіз – мұғалім. Заман ағымына сай ұдайы біліммен қаруланып, ой-өрісі үздіксіз ізденісте, жан-жақты дамытып, қалыптастырып отыратын Мөлдір жаңартылған білім мазмұнына сай біліктілігін жетілдіру жолында түрлі курстардан өтті. Маман ретінде атқарған еңбегі елеусіз қалмай, әрқилы дәрежедегі жетістіктерге қол жеткізді. Үздік педагогтар қатарынан көрінген ол Алтын белгі иелерін де көптеп тәрбиеледі. Мектеп басшысынан бастап, ұжымдастары мен ата-аналардың оған деген пікірі бір бөлек.<blockquote>– Биыл бірінші сыныпқа барған қызымның апайы Мөлдір алғашқы сабақтан-ақ тынымсыз ізденіп, оқытудың жаңа формасы мен әдіс-тәсілдерін тиімді пайдаланады. Үйге түрлі тапсырма береді. Біз барынша баланы қадағалауға тырысамыз. Бірге ертеңгі сабаққа дайындаламыз. Оңай емес, әрине. Дегенмен сынып жетекшісіне алғысымыз шексіз. Ол жаңашыл жас ұрпаққа сапалы білім мен саналы тәрбие беруде шеберліктің шыңына өрлей беретініне сенімдіміз. Ал ұстаздық жолындағы әр қадамы сәтті болғай, – дейді ата-ана Меруерт Шапихова.</blockquote>Бастауыш сынып мұғалімі Мөлдір Рамбердиева сабақ барысында әрбір баланың ерекшеліктерін ескереді. Балалардың белсенділігін арттыруға барын салады. Шығармашылық қабілетін ояту бағытында оқушылардың өз ойларын еркін жеткізуіне мүмкіндік береді. Қазіргі кезде жаңашыл мұғалім ретінде даму – уақыт талабы. Сондықтан да XXI ғасыр ұстазы бүгінгі күн талабына сай жан-жақты дамыған, терең біліммен қаруланған оқушы тұлғасын сомдау үшін өзі де шеберліктің шыңынан көрінуі тиіс. Осылайша «Жаңашыл ұстаз» ретінде Мөлдір Маратқызы өрелі ой мен саналы сезімін әрқашан білімге жетелейтініне сенім мол. &nbsp;Фото: freepik

"Баланың жүрегіне жол табудың маңыздылығы өте зор" – бастауыш сынып мұғалімі

<a href="https://kyzylorda-news.kz/">Kyzylorda-news.kz</a> ​Жыл басынан бері Қызылорда облысының 1000 тұрғыны дербес мнеджер қызметін пайдаланды, деп хабарлайды "Азаматтарға арналған үкімет"мемлекеттік корпорациясының Қызылорда облыстық филиалы.Айзада Әбдіханова жеке менеджердің қызметін пайдаланған мыңыншы қызмет алушы болды. Ол жер учаскесіне құқық алу үшін құжаттарды рәсімдеуге келді. Жеке менеджердің қызметі туралы ХҚКО-ға жүгінгенге дейін білген. "Біз өмір бойы өз үйін салуды армандадық. Жер учаскесін сатып алуға шешімге келдік. Туыстарым жеке менеджердің қызметін пайдалануға кеңес берді. Айта кетейін, бұл уақытты үнемдеуге мүмкіндік беретін өте ыңғайлы сервис", – дейді Айзада Әбдіханова. &nbsp; Кез келген қызмет алушы жеке менеджердің қызметін пайдалана алады. Басым кезек бойынша қызметтерді алу үшін қызмет алушы ресепшндегі маман-кеңесшіге жүгініп, "жеке менеджер" қызметін сұрауы керек. Айтпақшы, қажет болған жағдайда жеке менеджер үйіңізге де бара алады. Естеріңізге сала кетейік, қызмет алушылар жеке менеджердің қызметтерін үйге тапсырыс бере алады. Тағы да, сіз дайын құжаттарды Астан данғылы 46 мекен-жайы бойынша орналасқан тәулік бойғы постомат арқылы ала аласыз, сондай-ақ дайын құжаттарды жеткізуге тапсырыс беруге мүмкіндік бар.<img src="https://knadmin.beoblood.kz/uploads/8_ea47512a1a.jpg" alt="8.jpg">

 Жыл басынан бері 1000 адам басым кезек қызметін пайдаланды

<a href="https://kyzylorda-news.kz/">Kyzylorda-news.kz</a> Жыл сайын қызылордалықтардың белсенді және салауатты өмір салтын ұстануға мүмкіндіктері артуда. Облыста бұқаралық спорттық іс-шаралар тұрақты өткізіліп келеді, оның бірі: «Спорт есірткіге қарсы!» ұранымен Қызылорда облысының ПД Есірткі қылмысына қарсы іс-қимыл басқармасының ұйымдастырылды. Полицейлер көркем гимнастикадан жарыс өткізді.Көркем гимнастика ең көрікті және әсем спорт түрлерінің бірі ретінде танылған. Гимнасттар көрермендерге сымбатты фигураны, таңғажайып созылуды, қозғалыстардың дәл үйлестіруін және керемет икемділігін бейнелеп, әдемі өнер көрсетеді. Дегенмен, спортшылардың қимыл-қозғалысының жеңілдігіне қарап, гимнасттардың күнделікті денелері мен физикалық денсаулығына орасан зор жұмыс жасайтыны туралы көпшілік білмейді. Бұл спортшылардың өздері мен бапкерлерінің ерен еңбегі.Көркем гимнастикадан өткен жарыста жаңадан бастаған спортшылардан тәжірибелі спорт шеберлеріне дейін әр түрлі жастағы спортшылар өнер көрсетті. Олар жеке және топтық жаттығуларда жарысып, құрсаумен, доппен және сойылмен жаттығулар көрсетті. Жарыс барысында қыздардың шеберліктерін қазылар: орындау, жаттығудың қиындығы және әртістік сияқты аспектілері бойынша бағалады. Жарыс қорытындысы бойынша: спорт шеберлері, спорт шеберлігіне үміткерлер және 2013 жылы туған гимнастшылар топтары үздік деп танылды.Байқаудың мақсаты – балаларда, жасөспірімдерде және жастарда психоактивті заттардың таралуы мен қолданылуына теріс көзқарасты қалыптастыру, салауатты және қауіпсіз өмір салтын қалыптастыру дағдыларын, өз денсаулығына құндылық көзқарасын, есірткіге деген немқұрайлылығын қалыптастыру. Жеңімпаздар бағалы сыйлықтармен және дипломдармен марапатталды.

«Спорт есірткіге қарсы!» – Қызылордада көркем гимнастикадан жарыс өтті

<a href="https://kyzylorda-news.kz/ru">Kyzylorda-news.kz</a> Жыл сайын 31 қазан&nbsp;күні бүкіл&nbsp;әлем бойынша Халықаралық жинақ күні атап өтіледі. Бұл күн бізге ақшаға&nbsp;жауапты&nbsp;қарауды және&nbsp;жинақ жасаудың қаншалықты маңызды екенін еске салады. Жинақтар тек қаржылық қауіпсіздікті қамтамасыз етіп қана қоймай, сонымен қатар біздің жоспарларымыз бен мақсаттарымызды жүзеге асыруға мүмкіндік береді.Халықаралық жинақ күні – өзіңіздің қаржыңыз жайлы ойлануға жақсы себеп. Мұндай күн 1924 жылы Миланда өткен Халықаралық жинақ конгресінде белгіленген болатын. Сол уақыттан бастап бұл күн адамдарды ақшаны дұрыс басқару қажеттілігіне назар аудартып, қаржылық сауаттылықтың символына айналды.&nbsp;Неліктен бұл соншалықты маңызды? Жинақтардың болуы ертеңгі күнге сенімділікпен қарауға және өзіңізді қауіпсіз сезінуге мүмкіндік береді. Жинақ мөлшері неғұрлым көп болса, ол пәтер сатып алу, арманыңыздағы сапарға шығу, білім алу және т. б. сияқты сіздің қаржылық мақсаттарыңызға қол жеткізу соғұрлым жеңіл болады.Жинақ күні басқа елдерде қалай атап өтіледіӘлемнің әр түкпірінде бұл күн жергілікті дәстүрлерді ескере отырып, ерекше атап өтіледі, алайда оларды біріктіретін бір мақсат – адамдарды қаржылық сауаттылыққа оқытумен барынша қамту, ақша жинау мен қаржылық жоспарлаудың маңыздылығы жөнінде хабардарлығын арттыру, сондай-ақ оларға тәжірибе алмасып, жаңа қаржылық білім алуға мүмкіндік беру.АҚШ:&nbsp;АҚШ-та Жинақ күні жиі «National Savings Day» шарасымен сәйкес келеді. Банктер мен қаржы мекемелері бұл науқан кезінде жинақ шоттарына арнайы ұсыныстар беріп, қаржылық жоспарлау бойынша семинарлар өткізеді.Жапония:&nbsp;сакура елі бұл күнді «Ақша жинау күні» деп атайды. Осы күнге орай қаржы ұйымдары отбасыларға арналған арнайы іс-шаралар ұйымдастырады, онда балаларға ақшаны дұрыс пайдалану жолдарын үйретеді. Бұл балаларда ерте жастан жинақтау дағдысын қалыптастыруға көмектеседі.Франция:&nbsp;мұнда әртүрлі акциялар мен білім беру бағдарламалары өткізіледі. Оқу орындарында қаржылық сауаттылық бойынша арнайы сабақтар ұйымдастырылып, оқушылар жинақ және инвестициялардың маңыздылығы туралы біледі.Италия:&nbsp;Жинақ күні көбінесе қаржылық көрсетілетін қызметтер көрмелері мен жәрмеңкелеріне арналған. Адамдар қаржы сарапшыларымен араласып, әртүрлі жинақ опциялары мен арнайы ұсыныстар туралы біле алады.Қаржылық сауаттылық басталатын негізгі қағида – үнемдей білу және ақша жинай білу. Бұл балалар мен ересектердің бойында қалыптасуы жөн деп саналатын, маңызды қаржылық әдеттердің бірі.<figure class="image"><img src="https://knadmin.beoblood.kz/uploads/fingramota_kaz_216025e3a8.jpeg" alt="финграмота каз.jpeg"></figure>Шығындар мен кірістерді есепке алыңызҚаржыңызды жазып отыру — пайдалы әдет. Бұл шығынның көбірек болуынан сақтайды және ойланбай жұмсалған қаржыны көрсетеді. Мысалы, такси орнына метрода жүруді жоспарлағаныңызбен, жолда жоспарламаған сатып алулар жасап, күткеніңізден көп шығынға ұшырауыңыз мүмкін.Есеп жүргізу ақшаның қайда кететінін түсінуге және қандай шығындарды қысқартуға немесе кейінге қалдыруға болатынын көруге көмектеседі. Есеп жүргізу үшін блокнот, Excel немесе арнайы мобильді қосымшаларды пайдаланыңыз. Бюджетіңізді күнге, аптаға немесе айға жоспарлаңыз — бұл қаржыңызды бақылауды жеңілдетеді.Fingramota.kz бірнеше танымал жинақтау әдістерін ұсынады:&nbsp;«50/30/20» әдісіКірістеріңізді үш санатқа бөліңіз: 50% қажетті шығындарға (тұрғын үй төлемдері, тамақ және көлік), 30% ойын-сауыққа (мейрамханаға, киноға, театрға бару және т.б.) және 20% жинаққа немесе қарызды төлеуге.Артықшылығы: бюджетті теңестіруге және қажетсіз шығындарды болдырмауға көмектеседі. Ақшаны жүйелі түрде жинауға мүмкіндік беріп, қауіпсіздік жастықшасын қалыптастырады.&nbsp;«Алдымен өзіңізге төлеңіз» әдісіЖалақы алғаннан кейін жинақтауға белгілі бір соманы бөліп қойыңыз, содан кейін қалған ақшаны шығындарға жұмсаңыз.Артықшылықтары: жинақтардың бірінші кезектегі міндет болуын қамтамасыз ете отырып, маңызды емес нәрселерге ақша жұмсаудан аулақ болуға көмектеседі.«52 апта байлығы» әдісіЖылдағы апталар санына сай 52 ұяшықтан тұратын кесте сызыңыз. Бірінші ұяшыққа, мысалы, 1000 теңге, ал келесілеріне біртіндеп соманы көбейтіп жазыңыз. Әр аптада осы кестедегі соманы жинақтауға әдеттеніңіз. Ең бастысы – сомалар қайталанбауы керек, бірақ мүмкіндік болса, көбірек жинаңыз.Артықшылығы: жыл бойы айтарлықтай соманы оңай әрі қиналмай жинауға мүмкіндік береді.Ақша жинау сандықшасы немесе белгіленген мерзімі бар жинақ шотыЕгер күн сайын ақша жинау сандықшасына қосып отырсаңыз, жинақ сомасының көбейіп отыратынын байқап, жинақтау әдетін жалғастыруға мотивация аласыз. Сондай-ақ белгіленген мерзімі бар арнайы жинақ шотын ашуға болады, онда сіздің ақшаңыз «пайыздарды» жинақтайды.Артықшылығы: Ақша жинау сандықшасын пайдалану отбасылық дәстүрге айналып, барлығы ортақ мақсат үшін ақша қосады немесе балаларға өз қаржысын сауатты дұрыс басқаруды үйретеді. Ал жинақ шоттары мерзімінен бұрын шешу құқығынсыз жоғары пайыздық мөлшерлемелерді ұсынады, бұл жинақты уақыт өте арттырып, шоттағы ақшаны ерте алудан сақтайды.Бұл қарапайым әдістер сізге жинақ жинауға және қаржылық мақсаттарыңызға қиындықсыз жетуге көмектеседі.Өзіңізді, жақындарыңызды қорғаңыз және Fingramota.kz-пен бірге қаржылық сауаттылығыңызды арттырыңыз!

Жинақ күні: ақша жинауды және қаржылық мақсаттарға жетуді қалай үйренуге болады 

Міндетті&nbsp;автосақтандыру&nbsp;жол көлік оқиғалары&nbsp;салдарынан&nbsp;зардап&nbsp;шеккен&nbsp;тарапқа&nbsp;төлемді&nbsp;қамтамасыз&nbsp;етеді,&nbsp;осылайша&nbsp;кінәлінің&nbsp;жауапкершілігін&nbsp;жабады.&nbsp;Сақтандыру&nbsp;құжаты болмаған&nbsp;жағдайда&nbsp;кінәлі&nbsp;азаматтық&nbsp;заңнама&nbsp;шеңберінде&nbsp;зардап&nbsp;шеккен&nbsp;адамға&nbsp;келтірілген&nbsp;зиянды&nbsp;өз&nbsp;бетінше&nbsp;өтейтін&nbsp;еді.&nbsp;Ел бойынша орташа сақтандыру сыйлықақысы 2024 жылы 15&nbsp;мың&nbsp;теңгені құрайды, ал төлем мөлшері 2024 жылы 2&nbsp;215&nbsp;200 теңгеге&nbsp;дейін (600 АЕК) құрайды. Сақтандыру сыйлықақысы мен сақтандыру төлемінің мөлшері заңнамада белгіленген және АЕК-те айқындалған. АЕК-тің жыл сайынғы өзгеруіне байланысты төленетін және алынатын сомалар жыл сайын индекстеледі. Сақтандыру сыйлықақыларының мөлшері ұлғайған кезде төлем лимиттерін ұлғайтуға болады.Басқа елдермен салыстырғанда міндетті автокөлікті сақтандыру құны көп емес. Салыстыру үшін Ресейдегі сақтандыру сыйлықақысының орташа сомасы – 7&nbsp;300&nbsp;рубль (36&nbsp;500&nbsp;теңге), Батыс Еуропа елдерінде – 500&nbsp;еуро (262&nbsp;500&nbsp;теңге), АҚШ-та – 500&nbsp;доллар (243&nbsp;500&nbsp;теңге).Сақтандыру ұйымдарының негізгі массасы сақтандырудың осы сыныбында табыс таппайды. Олардың көпшілігінде шығындылық коэффициенті 90%-дан асады, ал кейбіреулерінде 150%-190%-ға жетеді. Бұл сақтандыру компаниялары сақтандыру сыйлықақылары түрінде жинағаннан көп төлейтінін білдіреді.Міндетті автосақтандырудың әлеуметтік&nbsp;және&nbsp;жаппай сипатын ескере отырып, сақтандырудың бұл түрі автосалондарда сатып алынған қымбат «люкс» класты автокөліктердің құнын жабуға арналмаған. Сондықтан, егер сізде жаңа және қымбат автокөлік болса, міндетті автосақтандырудан басқа, ерікті&nbsp;автосақтандыруды&nbsp;(КАСКО) қосымша сатып алу керек.Автокөлік иесінің&nbsp;үшінші&nbsp;тұлғалар&nbsp;алдындағы&nbsp;жауапкершілігі сақтандыру нысаны болып табылатын міндетті автосақтандырудан айырмашылығы, КАСКО автокөліктің өзін сақтандырады және клиенттің жеке қажеттіліктерін, соның ішінде автосалондардың бағасын қалпына келтіруді, түпнұсқа қосалқы бөлшектерді сатып алуды және клиенттің басқа да жеке қажеттіліктерін ескеруі мүмкін, бірақ, әрине, мұндай сақтандыру үшін көбірек төлеу қажет болады.Қазіргі уақытта міндетті автосақтандыру бойынша залалды бағалауды сақтандырушы мамандандырылған бағдарламалық&nbsp;қамтылымның&nbsp;көмегімен немесе қызметтер көрсету туралы шарт негізінде бағалаушыларды тарта отырып дербес жүргізеді. Мамандандырылған бағдарламалық қамтылымға қойылатын талаптар заңнамада белгіленген.Бұл ретте сақтандырушы үшін де, бағалаушы үшін де бірыңғай, есептеу жүзеге асыруға негіз болатын, залал мөлшерін есептеу әдістемесі сот-сараптамалық зерттеулер шеңберінде қолданылады. Бұл әдістеме қосалқы бөлшектер мен материалдардың құнына, жөндеу-қалпына келтіру жұмыстарына, көлік құралының, детальдары мен қосалқы бөлшектерінің тозуы мен нарықтық құнын есептеуге қойылатын талаптарды айқындайды.Қосалқы детальдардың құнын және автокөліктің амортизациялық тозу мөлшерін айқындау шығын құнын есептеудегі негізгі проблема болып табылады. Бұл ретте сақтандыру омбудсманы амортизациялық тозуды есептеу калькуляторын іске асырды, ол омбудсманның www.omb.kz сайтында орналастырылған. Мәселен, сақтандырушы немесе бағалаушы анықтаған залал мөлшеріне күмәнданатын әрбір зардап шегуші бағалау туралы есеппен танысып, амортизацияны есептеуді өз бетінше қайта тексере алады.Ұсақ жол-көлік оқиғалары бойынша сақтандыру төлемдерін реттеудің жеңілдетілген тәртібін енгізу («Еурохаттама») міндетті автосақтандыру бойынша сақтандырушылар жүзеге асыратын төлемдердің көлемін ұлғайтуға мүмкіндік берді. Егер бұрын ұсақ жол-көлік оқиғаларында жүргізушілер полиция келгенге дейін оқиға орнында өзара келісетін болса, қазір олар апаттық комиссар мен полицияны шақырмай, «Еврохаттама» ресімдейді. Зиянды өтеу үшін жол-көлік оқиғасына кінәлі адам емес, сақтандыру ұйымы төлейді.«Еурохаттама» бойынша лимит 100 АЕК (шамамен 370 мың теңге) болып белгіленген, бұл зардап шеккен адамға фото/бейнетіркеу негізінде қысқа мерзімде онлайн төлем алуға мүмкіндік береді.2024 жылғы 9 айдың&nbsp;ішінде &nbsp;«Еурохаттама» аясында 9 363 өтініш берілді. Сақтандыру төлемдерінің жалпы сомасы 1 480&nbsp;млрд&nbsp;теңгені, ал сақтандыру төлемін алудың орташа мерзімі 15 күнді құрады.2019 жылғы 1 қаңтардан бастап автокөлік иелері сақтандыру ұйымының кеңсесіне бармай-ақ онлайн-режимде автосақтандыру құжатын сатып алу мүмкіндігіне ие болды.2024 жылдың басынан бастап азаматтар сақтандырудың міндетті сыныптары бойынша сақтандыру төлеміне онлайн жүгінуге құқылы, бұл саланы цифрландыруды дамытудың келесі деңгейі болып табылады.Сақтандыру ұйымдары құрған цифрлық сервистер тұтынушыға сақтандыру ұйымының кеңсесіне баруға уақыт жұмсамай, құжаттардың ең аз топтамасын бере отырып, өзі көрсеткен банктік шотқа сақтандыру төлемін қашықтан алуға мүмкіндік береді. Сақтандыру полисін ресімдеу үшін қажетті негізгі деректер Бірыңғай сақтандыру дерекқорын әр түрлі мемлекеттік дерекқорлармен біріктіру арқасында автоматты түрде толтырылады.Сонымен бірге тұтынушы сақтандырушылардың цифрлық сервистері арқылы өз өтінімінің мәртебесін кеңсеге бармай немесе онлайн режимде сақтандыру ұйымдарының қызметкерлерімен байланыс жасамай-ақ біле алады. Сақтандыру ұйымдарының клиенттеріне міндетті автосақтандыру шартын жасасудан бастап сақтандыру төлемін алуға дейінгі сақтандыру қызметтерінің толық циклы қолжетімді.&nbsp;&nbsp;Ақпарат көзі:&nbsp;ҚНРДА сайты&nbsp;

Міндетті автосақтандыру: 2024 жылы ең жоғары төлем мөлшері қандай  

Қазақстанда&nbsp;бағалы&nbsp;қағаздарға&nbsp;инвестициялар&nbsp;соңғы&nbsp;жылдары&nbsp;халық&nbsp;арасында&nbsp;танымал&nbsp;бола&nbsp;бастады.&nbsp;«Бағалы&nbsp;қағаздардың&nbsp;орталық&nbsp;депозитарийі»&nbsp;АҚ&nbsp;деректері&nbsp;бойынша&nbsp;ағымдағы&nbsp;жылғы&nbsp;01&nbsp;қыркүйектегі&nbsp;жағдай бойынша&nbsp;қазақстандық&nbsp;брокерлік&nbsp;компаниялар&nbsp;ашқан&nbsp;және&nbsp;омнибус-шоттар&nbsp;арқылы&nbsp;есепке&nbsp;алынатын&nbsp;ашық&nbsp;шоттардың&nbsp;саны&nbsp;3 млн&nbsp;астам&nbsp;болды,&nbsp;дәлірек&nbsp;айтсақ,&nbsp;3 086 673&nbsp;шотты&nbsp;құрайды.&nbsp;Оның&nbsp;ішінде&nbsp;683 205&nbsp;шот&nbsp;ұстаушылардың&nbsp;қосалқы&nbsp;шоттарына&nbsp;және&nbsp;2 403 468&nbsp;–&nbsp;Орталық&nbsp;депозитарийдегі&nbsp;омнибус-шоттар&nbsp;арқылы&nbsp;есепке&nbsp;алынатын&nbsp;ұстаушылардың&nbsp;брокерлік&nbsp;шоттарына&nbsp;тиесілі.Азаматтарды қор нарығында қандай артықшылықтар мен тәуекелдер күтетіні жөнінде&nbsp;Fingramota.kz. айтып береді.&nbsp;Бағалы қағаздар нарығындағы инвестициялар – бұл белгілі бір активтерге ақша салу және қосымша табыс көзін алу мүмкіндігі. Инвестицияларды сондай-ақ өз жинақтарын инфляциядан қорғаудың бір түрі ретінде қарастыруға болады.Кез келген инвестицияның оң тұстары, сонымен қатар ықтимал тәуекелдері де бар. Бағалы қағаздармен жұмысты бастамас бұрын, инвестициялық қызметтің барлық аспектілері мен бүге-шігесін түсініп, саналы шешім қабылдау маңызды.&nbsp;<figure class="image"><img src="https://knadmin.beoblood.kz/uploads/fingramota_kaz_6b77ac799d.jpeg" alt="финграмота каз.jpeg"></figure>Инвестициялаудың артықшылықтары- Акцияларды кез-келген адам сатып ала алады – көптеген азаматтар үшін бағалы қағаздарды сатып алуға инвестициялық қызметпен айналысуға заңнамалық деңгейде тыйым салынған үлестес тұлғалар мен мемлекеттік қызметшілердің белгілі бір сыныптарын есептемегенде, ешқандай шектеулер мен кедергілер жоқ;- Ол үшін қалтаңда миллион теңгенің болуы немесе табысты кәсіпкер болудың қажеті жоқ – аз мөлшердегі сомаға да акциялар сатып алуды бастауға болады;- Тұрақты есеп беріп тұратын және кірісі бар ірі және табысты компаниялардың қағаздары инвесторға жақсы пассивті кіріс бере алады. Сондай-ақ, олардың артықшылығы – аты әлемге әйгілі әлемдік брендтердің акциялары өтімді болып келеді, яғни тез сатылады деген сөз;- Қарапайымдылық пен жайлылық. Бағалы қағаздарды, акцияларды да, облигацияларды да, басқа қағаздарды да әлемнің кез келген жерінен, үйден немесе кеңседен сатып алуға және сатуға болады. Ол үшін интернетке және қажетті бағдарламалық қамтылымға қол жеткізу жеткілікті;- Арнайы дағдылардың қажеті жоқ. Брокер арқылы жұмыс істеу үшін қағазды сатып алушы мен сатушыға тиісті қаржылық білім алудың, оқуға уақыт бөлудің, кітап оқудың немесе арнайы материалдарды білудің қажеті жоқ. Мұның бәрін кәсіби брокер өзіне алады, алайда мұндай тәуекел кездесетін құралға инвестиция салып отырғаны туралы түсінік болуы керек. Есіңізде болсын, қор нарығында алаяқтардан басқа ешкім ешқашан инвестицияның қайтарылуына кепілдік бермейді;- Қор нарығы туралы түсінігі жоқтар үшін ИПҚ пайларын сатып алудан бастауға болады. Бұл жағдайда сома 100 доллардан немесе одан да аздан басталуы мүмкін;- Егер сіз жаңа және перспективалы жобалар мен компанияларға инвестиция салсаңыз, онда инвестициялардың кірістілігі жүздеген, кейде мыңдаған пайызды құрауы мүмкін. Бұған мысал Meta компаниясынан Facebook әлеуметтік желісінің акциялары. Нәтижесінде бірінші кезеңде осы компанияның акцияларына инвестиция салған инвесторлар миллиондаған пайда тапты;- Егер сіз инвестициялаудың егжей-тегжейлері мен әдістерін зерттейтін болсаңыз, онда сіз акцияларды құны төмен кезінде сатып алып, олардың құны көтерілген кезде сату арқылы, одан қосымша табыс ала аласыз, бұл саудаңыздың сәтті болғанын көрсетеді;- Инвестор болу және акциялар пакетін сатып алу арқылы сіз үлестік мүше боласыз және дауыс беру құқығына ие боласыз. Бұл өз кезегінде кәсіпорын басшылары тыңдауы керек дауыс беру құқығын береді. Айтпақшы, акционер ретінде сіз компанияның басшы құрамын тағайындауға және басқа да маңызды шешімдер қабылдауға қатыса аласыз.Инвестицияны аз мөлшерде бастауға болатындығын және дағдылар мен ақпараттандыру дамыған сайын оларды көбейтуге болатындығын білу маңызды. Дегенмен, сіз жоғалтуға дайын бос ақшаны ғана инвестициялауға болатынын түсінуіңіз керек. Инвестициялау үшін кредит немесе қарызға ақша алудың қажеті жоқ!Инвестициялаудың&nbsp;минустары&nbsp;мен&nbsp;тәуекелдері- Акцияларды, облигацияларды сатып алғанда, компанияның банкротқа ұшырау қаупі әрқашан бар. Сіз әрқашан нарықты және компанияның өзін мұқият қадағалап отыруыңыз керек, содан кейін сіз бағалы қағаздардан тез құтыла аласыз;&nbsp;- Компания үнемі қосымша акциялар эмиссиясын жүргізе алады. Бұл жағдайда бұл қағаздардың құны айтарлықтай төмендейді;- Компаниялардың санкцияларға ұшырау қаупі бар, сол кезде компаниялардың акцияларының құны айтарлықтай төмендейді. Бұрынғы позицияларды қалпына келтіру үшін жылдар қажет болуы мүмкін. Ал екінші және үшінші эшелондардың бағалы қағаздарында өтімділік төмендейді. Елдегі саяси жағдай да акцияның құнына әсер етеді;- Егер компанияларға қатысты санкциялар енгізілсе, жетекші әлемдік биржалар олардың акцияларын сауда-саттыққа жібермейді, ал иесі оларды сата алмайды;- Егер бөлшек инвестор бір ғана компанияның қағаздарына ақша салса, барлық қаражаттан айырылу қаупі бар, сондықтан әр түрлі компаниялардың акциялары мен облигацияларын сатып алу арқылы портфельді әртараптандыру ұсынылады;&nbsp;- Операциялардың көлеміне немесе жиілігіне байланысты брокердің комиссиясын төлеу қажеттілігі. Сондай-ақ, бағалы қағаздарды мамандандырылған компания – Қазақстанда бұл Бағалы қағаздардың орталық депозитарийінде сақтау үшін төлеуге тура келеді;- Қор нарығындағы дүрбелең көңіл-күй шу мен қағаз құнының төмендеуіне әкелуі мүмкін. Көптеген ісін жаңадан бастаған инвесторлар биржада ойнау кезінде дүрбелең арқылы ақша жоғалтады;- Кез-келген кірістен, соның ішінде инвестициядан салық төлеу керек екенін түсіну керек.&nbsp;Егер сіз инвестициялау стратегиясын дұрыс құрсаңыз, жоғарыда аталған кемшіліктердің көпшілігін жоюға болады. Бұл жағдайда инвестор барлық нюанстарды ескере отырып, әр құралды объективті бағалауы керек.&nbsp;Жалпы, акцияларға инвестициялау – перспективалық бағыт, бастысы – бәрін ақылмен жасау.&nbsp;&nbsp;&nbsp;Fingramota.kz-пен бірге инвестициялық сауаттылығыңызды арттырыңыз!&nbsp;

Бағалы қағаздарға инвестициялардың артықшылықтары және тәуекелдер 

<a href="https://kyzylorda-news.kz/">Kyzylorda-news.kz</a> Маклюбені жеп, тәттіге малынған құлпынайдан дәм таттық. Артын ұзартпай «дубайлық шоколад» шығып, одан да ауыз тидік. Қысқасы, трендке шыққан әр тағамнан ақшаны аяп жатқан жоқпыз. Ендігі кезек Shine Muscat-қа жетті. Түсінікті тілмен айтқанда, ол – сүйегі жоқ жүзім. Сарапшылар еттен де қымбат тауардың зиян екенін айтып, дабыл қағып жатыр, деп хабарлайды <a href="https://halyq-uni.kz/">Halyq Uni</a> «Астана» телеарнасына сілтеме жасап.&nbsp;Сонымен, қазір желіде трендке айналған Дубай шоколадының «дәуірі» өтті. Қазір жұрттың назары Shine Muscat жүзіміне ауған. Соңғы 2 аптада сүйегі жоқ жүзімге сұраныс күрт артқан. Бір үзімі 20 мың теңгеге дейін барады.Тұрғындардың дәмін татқан тауар туралы ойы әртүрлі. Бірі мақтаса, енді бірі бағасына сай емес дейді. Олай айтуына себеп бар. Өйткені елге келіп жатқан жемістің бәрі бір елден шыққан өнім емес. Жүзім экспортымен жапондықтардан бастап, корейліктер мен қытайлар айналысады.<blockquote>Біздің елге қандай да бір өнім келсе, тексерістен өтеді. Мәселен, жүзім келді делік. Біздің министрліктегі инспекторлар оны бірнеше тексерістен өткізеді. Егер қажет болса, лабораториялық зерттеу де жүргізіледі, –&nbsp;дейді АШМ АӨК мемлекеттік инспекция комитетінің бас сарапшысы Айдын Әмірқұл.&nbsp;</blockquote>Хит жүзімнің зиян екенін сарапшылар айтып жүр. Таиландтықтар арнайы зерттеу де жүргізген. Ішінде улы хлорпирифос бар екені анықталыпты. Сөйтіп, олар сатылымнан бірден алып тастаған.<blockquote>Тек 9 үлгі Қытайдан әкелінген деп анықталды. Ал қалған 15 үлгінің шыққан елін анықтау мүмкін болмады. Құрамынан 14 түрлі зиянды химиялық зат қалдықтары, 50 пестицид, соның ішінде триасульфурон, цифлуметофен, тетраконазол және флудиоксонил сияқты 22 химиялық зат табылған, –&nbsp;дейді THAI-PAN координаторы Прокчон Ушап.</blockquote>Елдегі дәрігерлер хит жүзімді тұтынып, ауруханаға түскен тұрғындар жоқ дейді. Десе де кез келген өнімді зерттеп барып алуға кеңес береді.<blockquote>Өзіміз ойлануымыз керек. Бұл денсаулыққа қалай әсер етеді, зияны жоқ па деп зерттеу маңызды. Әркім өз-өзіне жауапты екенін ұмытпаған абзал, –&nbsp;дейді дәрігер Жанель Ілияс.</blockquote>Бағасы қымбат жемістің өзге жүзімнен айырмашылығы жоқ дейді желідегілер. Тек бағасы еттен қымбат демесең, аса айырмашылығы байқалмайды. Әрине, тренд өнімді тұтыну-тұтынбау өзіңізге байланысты. Тек сапасына үңілуді ұмытпаған жөн.фото: Еркеғали Болатұлы

Ел арасында «хит» болған Shine Muscat жүзімі денсаулыққа зиян ба?

<a href="https://kyzylorda-news.kz/">Kyzylorda-news.kz</a> Алматы облысының Райымбек ауданында құсбегілердің «Сонар-2024» халықаралық турнирі өтті. Бүркітшілер жарысына елдің әр аймағынан 80-нен астам құсбегі қатысты деп хабарлады <a href="https://kaz.inform.kz/news/almati-oblisinda-sonar-2024-halikaralik-kusbegler-turnir-ott-899e3a/">KAZINFORM</a>&nbsp;Турнирдің негізгі мақсаты — қазақ халқының бай мұрасы болып табылатын құсбегілік өнерін дәріптеу және шетелдік қатысушылар арасында тәжірибе алмасу болды.Турнирге Қазақстанның 13 облысынан келген 80-нен астам құсбегі және 67 бүркіт, 16 қаршыға, 14 ителгі қатысты. Сонымен қатар, Моңғолия, Қытай және Қырғызстаннан келген шетелдік құсбегілер де өз өнерлерін көрсетті. Жалпы қатысушылар саны 100-ден асты.Олардың арасында әлемдік және халықаралық деңгейдегі жарыстардың жеңімпаздары мен тәжірибелі құсбегілер де болды.<blockquote>«Бұл жарыс — қазақ халқының ғасырлар бойы жалғасқан дәстүрін, ұлттық мәдениетіміздің бір бөлшегі болып табылатын құсбегілікті дәріптейтін маңызды шара. Құсбегілік — тек спорт емес, бұл біздің ата-бабаларымыздан қалған ұлы мұра, табиғатпен, аңшылық өнермен байланысымызды көрсететін ерекше өнер», — деді Еңбекшіқазақ ауданының әкімі Талғат Байеділов әкім.</blockquote>Турнирде тек қырандарды салып қана қоймады. Ұшқыр тазыларды да жүгіртті.Жеңімпаздарға арнайы сыйлықтар мен ақшалай сыйақылар табыс етілді. Жалпы жүлде қоры 3 миллион теңге.Осыған дейін Алматыда қазақ тазысының және өзге де ит тұқымдарының қатысуымен «Көшпенділер даласы» атты көрме <a href="https://kaz.inform.kz/news/koshpendler-dalasi-almatidagi-halikaralik-kormede-tazilar-tanistirildi-97751d/">ұйымдастырылған еді.&nbsp;</a>Фото: Алматы облысы әкімдігі&nbsp;

Алматы облысында «Сонар-2024» халықаралық құсбегілер турнирі өтті

<a href="https://kyzylorda-news.kz/">Kyzylorda-news.kz</a> Арал ауданында Әбдіжәміл Нұрпейісовтің 100 жылдығына орай «Ғасырлар толқынының дарабоздары» атты республикалық шаралар өтті. ​ Шаралар легі Ә.Нұрпейісов атындағы әдебиет үйінде «Әлем таныған Әбе» атты салтанатты ашылу рәсімнен бастау алды. Онда облыс әкімінің орынбасары Ш.Байманов сөз сөйлеп, аймақ басшысы Нұрлыбек Машбекұлының арнайы лебізін жеткізді.<blockquote>– Саналы ғұмырының соңына дейін қағаз бен қаламды серік етіп, артына мол рухани мұра қалдырған Қазақстанның Еңбек Ері, Қазақстанның Халық жазушысы, КСРО Мемлекеттік сыйлығының лауреаты Әбдіжәміл Кәрімұлы Нұрпейісовтің туғанына биыл 100 жыл толды.Абыз жазушы &nbsp;қасиетті Сыр өңірінде дүниеге келіп, бүкіл ғұмырын ұлтымыздың рухани кемелденуіне арнады. &nbsp;Ұлт перзентін ұлықтау - елдіктің белгісі. Халық жазушысының құрметіне арналған мереке бүгінмен шектеліп қалмайды. Алашқа ортақ аңыз тұлғаның айтулы мерейтойына арналған шаралар желтоқсан айында жалғасын табады. Өнегелі ғұмыр кешіп, соңында мол мұра қалдырған Әбдіжәміл Кәрімұлының жарқын бейнесі ешқашан ұмытылмайды, – деді Ш.Байманов.</blockquote>Екі күндік шара барысында Ә.Нұрпейісовті еске алуға арналған қазақ күресінен республикалық турнир, «Қалам ұшындағы ғалам» атты халықаралық суретшілер симпозиумы, Жанқожа Нұрмұхаммедұлының 250 жылдығына арналған республикалық ғылыми-танымдық конференция ұйымдастырылды.Оған облыс әкімінің орынбасары Ш.Байманов, ҚР ҰҒА академигі, тарих ғылымдарының докторы, профессор Б.Кәрібаев, Әл-Фараби атындағы Қазақ Ұлттық университетінің доценті, филология ғылымдарының кандидаты С.Қосанов, журналист, филология ғылымдарының кандидаты Н.Көбегенұлы, тарихшы-өлкетанушы Б.Қуатов, зиялы қауым өкілдері, ақын-жазушылар, облыстық, аудандық мәслихат депутаттары және ғылыми-конференция қонақтары қатысты.Қазақ күресінен республикалық турнирде Қызылорда, Ақтөбе және Түркістан облыстарынан келген 70-ке жуық палуан 6 салмақ бойынша және түйе палуандар күш сынасты.Кешке Арал қаласының орталық алаңында «Ғасырлар толқынының дарабоздары» атты эстрада жұлдыздарының &nbsp;гала-концерті өтті.Концертте халықаралық суретшілер симпозиумының қатысушылары мен «Теңіз текті тұлға» атты жазушы-журналистер арасындағы республикалық байқау жүлдегерлері марапатталды.

Ғасырлар тоғысындағы дарабоздар

<a href="https://kyzylorda-news.kz/">Kyzylorda-news.kz</a> Бүгін «Таза Қазақстан» республикалық экологиялық бағдарламасы аясында облыс әкімі Нұрлыбек Нәлібаевтың қатысуымен жаңадан ашылған Оқушылар сарайы аумағына тал егу рәсімі өтті. Оған Парламент Сенатының депутаты Руслан Рүстемов, Мәжіліс депутаттары Мұрат Ергешбаев, Мархабат Жайымбетов, Мұрат Әбенов, экономист, сарапшы Олжас &nbsp;Құдайбергенов, қала, аудан әкімдері, мәслихат депутаттары, облыстық басқарма мен департамент басшылары қатысты.Бүгінде өңірдің барлық елді мекенінде санитарлық тазарту, абаттандыру және көркейту-көгалдандыру жұмыстары тұрақты жүргізілуде. Экологиялық бағдарламаны өңірде өткізудің облыстық іс-шаралар жоспары бекітілген. &nbsp;Жоспарға сәйкес «Таза өлке», «Киелі мекен», «Жасыл аймақ», «Өнегелі ұрпақ», «Мөлдір бұлақ» тақырыптарында апталық шаралар ұйымдастырылуда.Тазалық шараларына 600 мыңнан астам ерікті, қоғам қайраткерлері, бюджет саласы мен кәсіпорын қызметкерлері қатысты.Жұмыстардан &nbsp;кейін 23 мың тоннадан астам қоқыс қалдықтары шығарылып, елді мекендердегі 505 сквер мен парк, 225 тарихи-мәдени ескерткіш, 791 әлеуметтік нысан (мектептер, балабақшалар, спорт, денсаулық сақтау және т.б.), 4332 өнеркәсіп және бизнес нысаны, 322 су объектісі (өзендер, көлдер, жасанды су айдындары, субұрқақтар, арықтар және т.б), 47 451 көше бойы (6 929 көп қабатты үй мен 40 522 жер үйдің ауласы) тазартылды. Оған 500-ден астам техника жұмылдырылды.Көркейту-көгалдандыру жұмыстары да қарқынды жүргізіліп, өңір климатына жерсінген 129358 қарағаш, терек және &nbsp;Сыр талының көшеті егілді. Фото: Қызылорда облысы әкімінің баспасөз қызметі

Қызылордада абаттандыру жұмыстары жүйелі  жүргізілуде

<a href="https://kyzylorda-news.kz/">Kyzylorda-news.kz</a> Өнер орталығында облыс әкімі Нұрлыбек Нәлібаевтың қатысуымен Қазақстан мәслихаттарының 30 жылдығына арналған салтанатты шара өтті. Оған &nbsp;Парламент Сенатының депутаты Руслан Рүстемов, Мәжіліс депутаттары Мұрат Ергешбаев, Мархабат Жайымбетов, Мұрат Әбенов, барлық деңгейдегі мәслихат төрағалары мен депутаттары, ардагерлер, зиялы қауым өкілдері қатысты.Аймақ басшысы жиналған қауымды Қазақстан мәслихаттарының 30 жылдығымен құттықтап, өңірдің әлеуметтік-экономикалық жетістіктеріне тоқталды. «Мемлекет басшысы Қасым-Жомарт Кемелұлының бастамасымен соңғы жылдары елімізде аса маңызды саяси реформалар жүзеге асып, жемісін беруде.<blockquote>Бүгінгі күні Президентіміздің, Үкіметтің ерекше қолдауының арқасында облысымыздың бюджеті 744 млрд теңгеден асты. Осыдан екі жыл бұрын 364 млрд теңге болатын.&nbsp; Өсім 204,4 пайызды құрады.Бұл қаражат аймақтағы ең өзекті деген мәселелерді шешуге, тұрғындардың өмір сүру сапасын арттыруға және ауқымды инфрақұрылымдық жобаларға жұмсалуда.Биыл 43 млрд теңгеден астам қаржыға 300 шақырымға жуық автомобиль жолдары жөнделуде. Соңғы үш жылда 1271 шақырым жол қайта жөндеуден және жаңғыртудан өтті. Осылайша жақсы жағдайдағы жолдардың үлесі 92 пайыздан асады.Электр энергиясымен қамту бағытында 2022 жылдан бері 20 млрд теңгеге 60 жоба жүзеге асып, биылдың өзінде 11 млрд теңгеге 38 жоба қолға алынған. Бұл электр желілерінің тозу деңгейін 62 пайызға төмендетеді. Ал, халықты табиғи газбен қамту деңгейі 75 пайыз. Өңірдегі барлық қала мен аудан орталықтары, 29 ауылдық елді мекен табиғи газға қосылған.Биыл газдандыру жобаларына 30 млрд. 500 млн. теңге қаржы бөлінді.Аталған қаржыға 306 шақырым газ желілері салынды. Бұл 20 мыңнан астам халқы бар 17 елді мекенді газға қосуға мүмкіндік береді.Қазіргі таңда елдімекендерді сапалы ауыз сумен қамту бойынша қарқынды жұмыстар жүргізілуде. 2022 жылдан бері облыс аумағында 16 млрд 800 млн теңгенің 55 жобасы жүзеге асты. Халықты орталықтандырылған ауыз сумен қамтамасыз ету деңгейі жыл аяғына дейін 98,6 пайызға жетеді. «Әділетті &nbsp;Қазақстанды &nbsp;құру &nbsp;– баршамызға &nbsp;ортақ міндет. &nbsp;Президентіміздің алға қойған міндеттерін бірлесіп іске асыра берейік!Егемендігіміз &nbsp;еңселі, Тәуелсіздігіміз тұғырлы болғай! Мереке құтты болсын!», – деді Н.Нәлібаев.</blockquote>Жиын соңында өңірдің әлеуметтік-экономикалық дамуына қосқан үлесі, ел мүддесі жолында атқарған еңбегі үшін қоғам қайраткерлері, мәслихат депутаттары Парламент Сенаты төрағасының Алғыс хатымен, Қызылорда облысының Құрмет грамотасымен және «Қазақстан мәслихаттарына – 30 жыл» төсбелгісімен &nbsp;марапатталды.Фото:Қызылорда облысы әкімінің баспасөз қызметі

Қазақстан мәслихаттарының 30 жылдығына арналған  мерекелік шара өтті

<a href="https://kyzylorda-news.kz/">Kyzylorda-news.kz</a> Арал аудандық оқушылар Үйінде Қазақ әдебиетінің классигі, Қазақстанның Еңбек Ері, Қазақстанның халық жазушысы, КСРО Мемлекеттік сыйлығының лауреаты Әбдіжәміл Нұрпейісовтің 100 жылдығына орай «Қалам ұшындағы ғалам» атты халықаралық суретшілер симпозиумының көрмесі өтті.Заңғар жазушы Әбдіжәміл Нұрпейісовтің есімі ұлт тағдыры мен адамның ішкі әлемін эпикалық деңгейде суреттеген шебер ретінде мәңгі есте қалады. Оның шығармашылығы арқылы ұлттық әдебиет әлемдік кеңістікке қанат жайып, қазақтың болмысын шет елдерге танытты. Айдынды Арал өлкесі ұлы тұлғаның есімін ұлықтап, туған елінде 100 жылдық мерей тойын дүркіретіп тойлауда.100 жылдық мерей той бағдарламасы аясында халықаралық суретшілер симпозиумына қатысушы суретшілер заңғар жазушы Әбдіжәміл Нұрпейісовтің туған жеріне саяхат жасап, Әбенің шығармаларында айтылған жерлерімен танысып, шығармашылық шабытпен өміршең өнерді дүниеге әкеліп, бүгін бізге тарту етті. Сонымен бірге, кәсіби суретші ағаларымыз біздің жас суретшілеріміз бен олардың ұстаздарына шеберлік сағатын өткізіп, өз тәжірибелерімен де бөлісті.Шығармашылығы уақытпен, ежелгі әдет-ғұрып, салт-санамен, бабалардың рухани сабақтастығымен, экологиялық мәселелермен, Арал тағдырымен тығыз байланысты Қазақстан суретшілер Одағының мүшесі, Қазақстан Республикасының еңбек сіңірген өнер қайраткері, Халықаралық «ТҮРКІСОЙ» ұйымы сыйлығының иегері Қайырбай Зәкіров Аралға арнайы келіп, көрмеде сөз сөйледі.Суретішілер айдынды өлкенің киелі орындарын аралап, тағдырлы мекеннің тарихымен танысып шықты. Көргенін көркем туындыға айналдырған ҚР Суретшілер одағының төрағасы Өмірбек Жұбаниязов, Астана қалалық суретшілер одағының төрағасы Өмірәлі Исмаилов, Қазақстан Суретшілер одағының мүшесі Оразбек Есенбаев, Өзбекстан Суретшілер одағының мүшесі Нортойлок Диеров, Республикаға белгілі кескіндемеші Жандарбек Сугуров, Орал Суретшілер одағының төрағасы Қайыр Оразғалиев, Қырғызстанның белгілі суретшісі Чынгыз Ормонбеков, ҚР Суретшілер одағының мүшесі Берік Бөкешовтер ерекше еңбектерімен тәнті етті.<blockquote>«Бұл – өгей қалған өнер еді. Қазақстан бойынша Арал Халықаралық суретшілер симпозиумын ұйымдастырып жатқан алғашқы ауданның бірі. Өнерді түсіну үшін үлкен парасат пен пайым һәм жүрек керек. Суреткер жазушы Ә.Нұрпейісовтің мерейтойына суретшілерді шақырып, көрегенділік танытқан Қызылорда облысының әкімі Нұрлыбек Нәлібаевқа, Арал ауданының әкімі Аманжол Сақыпұлына айрықша алғысымызды айтамыз» деді одақ төрағасы Ө.Жұбаниязов.</blockquote>

Қазақстан және Қызылорда облысының жаңалықтары