Kyzylorda-news.kz. Құрылысшылар күніне орай облыс әкімі Нұрлыбек Нәлібаевтың қатысуымен &nbsp;Қызылорда қаласында Инновациялық- шығармашылық орталығының іргетасын қалау рәсімі өтті.Салтанатты шараға ҚР Парламенті Сенатының депутаттары Руслан Рүстемов, Наурызбай Байқадамов, &nbsp;Мәжіліс депутаттары Мархабат Жайымбетов, &nbsp;Мұрат Ергешбаев, облыстық мәслихат төрағасы Мұрат Тілеуімбетов, «Қазмұнайгаз» ҰК» АҚ тәуелсіз директоры Серік Қожаниязов, зиялы қауым өкілдері мен сала басшылары қатысты.Аймақ басшысы құрылысшылар қауымын &nbsp;кәсіби мерекемен құттықтап, өңірдегі жобалар мен жаңа орталықта атқарылатын жұмыстарға тоқталды.<blockquote>«Сыр елі Мемлекет басшысының және Үкіметтің қолдауының арқасында құрылыс жұмыстары көлемінің көрсеткіші бойынша республикада үздіктер қатарындамыз. Құрылысы қарқынды елдің экономикасы қай уақытта да қуатты. Аймағымыздың ажарын айшықтап, сәулетіне сән қосатын, өңіріміздің өсіп-өркендеуіне жаңаша серпін беретін саланы дамытуда құрылысшылардың үлесі орасан зор.Екі жыл бұрын облыс бюджеті 364 млрд. теңге болса, бүгінде 733 млрд. теңгеге жетіп, 101,4 пайызға өсті. Оның ішінде, құрылыс саласына &nbsp;мемлекеттік бюджет есебінен &nbsp;133 млрд. 400 млн. теңге қаржы бөлінді. Қаржыландыру көрсеткіші 2022 жылмен салыстырғанда 5 есе артты. Облыста 187 нысан &nbsp; бой көтеруде.Мемлекеттік қолдау мен ұлттық жобалар аясында, қаржыландырудың барлық көзінен &nbsp;869 300 шаршы метр тұрғын үй пайдалануға беріледі. &nbsp;Соңғы екі жылда 4 мыңға жуық пәтер табысталып, 17 мың тұрғынның баспана мәселесі шешілді. Осылайша, тұрғын үй құрылысы көлемі 126 пайызға өсті. Мемлекеттік бюджеттен бөлінген 34 млрд. 100 млн. теңгеге 2,5 мыңнан астам пәтер пайдалануға беріледі. Өңірде жыл басынан бері 750-ден астам отбасы қоныс тойын тойлады. Ерекше атап өту қажет, өткен жылдан бері қаламызда 7, 9, 12 қабатты тұрғын үйлер бой көтеруде.Бүгін Шығармашылық- инновациялық орталығының іргетасын қалаймыз. Орталықта балаларға спорттық сауықтырудан бөлек, көркем-эстетикалық, ғылыми-техникалық, тарихи-өлкетану, гуманитарлық бағытта қызмет көрсетіледі. Бұдан бөлек, футбол, баскетбол, волейбол, воркаут алаңдары, бассейн, соңғы үлгідегі материалдық-техникалық базамен жабдықталған кабинеттер қарастырылған. Мемлекеттің гүлденуі жолындағы абыройлы істеріміз және өскелең ұрпақ тәрбиелеудегі бастамаларымыз табысты болсын!», - деді Н.Нәлібаев.</blockquote><img src="https://knadmin.beoblood.kz/uploads/FB_IMG_1723843139472_da564fbb1c.jpg" alt="FB_IMG_1723843139472.jpg">Жаңа нысанның іргетасын қалау рәсімінде ҚР Ұлттық Ғылым Академиясының академигі, профессор, &nbsp;Қызылорда облысының Құрметті азаматы Бақберген Досманбетов тұрғындарды құттықтап, ізгі тілек білдірді.Айта кету керек, орталықты «Bi Global» ЖШС салуда. Бас жобалаушы - «TEHNIKALIQ BAQILAU» ЖШС, техникалық қадағалаушы - «Алатау Сапа Құрылыс» ЖШС. Жаңа нысан 2026 жылы пайдалануға беріледі.<img src="https://knadmin.beoblood.kz/uploads/FB_IMG_1723843155978_5a2b3e40c3.jpg" alt="FB_IMG_1723843155978.jpg">

Қызылордада инновациялық- шығармашылық орталықтың іргетасы қаланды

Kyzylorda-news.kz. Облыс әкімі Нұрлыбек Нәлібаевтың қатысуымен Ғ. Мұратбаев атындағы орталық стадионда &nbsp;Құрылысшылар және Көлік қызметкерлері күніне орай &nbsp;мерекелік іс-шара өтті. Оған ҚР Парламенті Сенатының депутаттары Руслан Рүстемов, Наурызбай Байқадамов, &nbsp;Мәжіліс депутаттары Мархабат Жайымбетов, &nbsp;Мұрат Ергешбаев, қоғам қайраткерлері, зиялы қауым өкілдері мен ардагерлер, қала тұрғындары қатысты.Аймақ басшысы мерейі мен мәртебесі жоғары, өшпейтін мұра, өлмейтін тарих жасаушы құрылысшылар мен көлік қызметкерлерін, жиналған қауымды &nbsp;кәсіби мерекемен құттықтап, өңірдің жетістіктеріне тоқталды.<blockquote>«Сыр елі Мемлекет басшысының және Үкіметтің қолдауының арқасында қарқынды құрылыс алаңына айналды. Биыл құрылыс жұмыстары көлемінің көрсеткіші бойынша республикада үздіктер қатарындамыз. Аймағымыздың ажарын айшықтап, сәулетіне сән қосқан, өңіріміздің өсіп-өркендеуіне жаңаша серпін берген құрылыс индустриясын дамытуда сала мамандарының үлесі орасан зор.Екі жыл бұрын облыс бюджеті 364 млрд. теңге болса, бүгінде бюджет көлемі 733 млрд. теңгеге жетті. Құрылыс саласына &nbsp;мемлекеттік бюджет есебінен &nbsp;133 млрд. 400 млн. теңге қаржы бөлінді. Қаржыландыру көрсеткіші 2022 жылмен салыстырғанда 5 есе артты. Биыл облыс аумағында 187 жобаның құрылысы жүргізілуде.&nbsp; Мемлекет басшысының, Үкіметтің қолдауымен Қызылорда &nbsp;қаласын ыстық сумен қамтамасыз ету мәселесі оң шешімін тапты. &nbsp;Қаламыздағы 623 көпқабатты тұрғын үйге ыстық су келеді. Биыл көпқабатты тұрғын үйлердің 50 пайызын ыстық сумен жабдықтау үшін Үкімет резервінен қаржы бөлініп, құрылыс жұмыстары жүргізілуде. &nbsp;2025 жылғы жылу беру маусымында ыстық су толықтай қосылады.</blockquote><blockquote>Аймақтың дамуына серпін беретін жол–көлік инфрақұрылымы саласында да ауқымды жобалар жүзеге асуда. &nbsp;Қоғамда жиі талқыланған «Қызылорда-Жезқазған» автожолы Президентіміздің тікелей тапсырмасымен қайта жаңғыртудан өтуде. Қазіргі кезде Қызылорда облысының аумағына тиесілі 216 шақырым жолдың 104 шақырымы аяқталды. Құрылысшы, көлік &nbsp;қызметкері – &nbsp;жай ғана мамандық емес, елге қызмет етудің үлгісі. Сіздер қандай құрметке де лайықсыздар. Мерекелеріңіз құтты болсын!», - деді Н.Нәлібаев.</blockquote>Салтанатты басқосуда Мемлекет басшысы Қасым-Жомарт Кемелұлы Тоқаевтың Жарлығына сәйкес елдің құрылыс саласын дамытуға қосқан елеулі үлесі үшін Қазақстан Республикасының мемлекеттік наградасы - «Құрмет» орденімен &nbsp;сала ардагері Жеткерген Оразбаев, «Қыран» ЖШС директоры Жайсан Сыздықов, ІІІ дәрежелі «Еңбек даңқы» орденімен «Техоснастка-Ремсервис» ЖШС бас инженері Юрий Нам, «Дәнекер құрылыс компаниясы» ЖШС учаске бастығы Серік Саркенжеев, &nbsp;«Ерен еңбегі үшін» медалімен «Астана-сервис ЛТД» ЖШС бас инженері Дүйсенбай Қорғанов, «Автомобиль жолдары басқармасы» ЖШС автогрейдер машинисі Болат Оспанов, «Аман-Құрылыс» &nbsp;ЖШС учаске бастығы Абай Байдраманов наградталды.Сондай-ақ, &nbsp;Қаржы саласының үздігі, салық саласының ІІІ рангілі мемлекеттік кеңесшісі &nbsp;Дайрабай Ысқақовқа, &nbsp;техника ғылымдарының кандидаты Шахизат Төребаевқа, мемлекет және қоғам қайраткері &nbsp;Айтбай Көшербаевқа, жеке кәсіпкер, меценат Марат Дүйсенбаевқа Қызылорда облыстық мәслихатының шешімімен «Қызылорда облысының Құрметті азаматы» атағы берілді.Салтанатты шарада "Құрмет грамотасы", ҚР Өнеркәсіп және құрылыс, Көлік министрліктерінің марапаттары табысталды.Мереке отандық эстраданың жарық жұлдыздарының қатысуымен өткен мерекелік концертпен жалғасты.<img src="https://knadmin.beoblood.kz/uploads/FB_IMG_1723842719441_9a8ec0aaf8.jpg" alt="FB_IMG_1723842719441.jpg"><img src="https://knadmin.beoblood.kz/uploads/FB_IMG_1723842732989_8ec2e79508.jpg" alt="FB_IMG_1723842732989.jpg"><img src="https://knadmin.beoblood.kz/uploads/FB_IMG_1723842711391_bbcd611301.jpg" alt="FB_IMG_1723842711391.jpg"><img src="https://knadmin.beoblood.kz/uploads/FB_IMG_1723842737040_ff691e6710.jpg" alt="FB_IMG_1723842737040.jpg"><img src="https://knadmin.beoblood.kz/uploads/FB_IMG_1723842751494_0d8ccec16e.jpg" alt="FB_IMG_1723842751494.jpg"><img src="https://knadmin.beoblood.kz/uploads/FB_IMG_1723842739904_fa7292933e.jpg" alt="FB_IMG_1723842739904.jpg"><img src="https://knadmin.beoblood.kz/uploads/FB_IMG_1723842749263_6817e0f374.jpg" alt="FB_IMG_1723842749263.jpg">

Қызылордада құрылысшылар және көлік қызметкерлері күні аталып өтті

Kyzylorda-news.kz. Қазір еліміз бойынша дәстүрлі “Мектепке жол” акциясы жүріп жатыр. Бұл науқан 1 тамыз бен 30 қыркүйек аралығында жалғасады. Акцияның мақсаты - аз қамтылған және көп балалы отбасылардан шыққан оқушыларға, жетім балаларға, сондай-ақ ата-анасының қамқорлығынсыз қалған балаларға оқу жылының басталуына дайындық кезінде материалдық қолдау көрсету және әлеуметтік себептер бойынша балалардың мектепке келмеуінің алдын алу. Қазіргі таңда көмекке мұқтаж отбасыдан шыққан мемлекеттік мектептердегі 36 652 бала есепке алынды. Мемлекеттік мектептердегі бір балаға бір реттік қаржылай көмек мөлшері 43407 теңгені құрайды. Бүгінгі күнге есепке алынған отбасы балаларының 98,6 пайызы қаржылай көмекпен қамтылды. Бұл туралы облыстық білім басқармасы Өңірлік коммуникациялар қызметіне берген ақпаратында айтты.Жалпыға бірдей білім беру қоры аясындақаржылай және материалдық көмек ата-ана қамқорлығынан айырылған, жетім балалар мен жан басына шаққанда табысы ең төменгі күнкөріс деңгейінен аз және әлеуметтік көмекке құқылы отбасыларға беріледі. Сондай-ақ, төтенше жағдай салдарынан жәрдемді талап ететін отбасылардан шыққан &nbsp;балалар қаржылай көмек ала алады. Акция аясында әлеуметтік осал топ отбасы балаларын анықтау мақсатында рейд шаралары ұйымдастырылады. Рейд қорытындысымен анықталған көмекке мұқтаж отбасы балаларын демеушілер тарапынан көмек көрсету мүмкіндігі қарастырылуда. Қызылорда облыстық білім басқармасы өмірлік қиын жағдайға тап болған отбасылар мен балаларға бей-жай қарамайтын, жүрегі кең азаматтардың аталған акцияға белсенді қатысуға шақырады.

Қызылордада “Мектепке жол” акциясы жалғасып жатыр

<a href="https://kyzylorda-news.kz/">Kyzylorda-news.kz</a> Қызылорда облысының әкімі Нұрлыбек Нәлібаев жиналыс өткізіп, кәмелетке толмаған қызды жезөкшелікпен айналысуға мәжбүрлеу фактісіне уақытында кедергі келтірмеген уәкілетті тұлғаларға қатаң шаралар қабылдауды қарамағындағылардан талап етті, деп хабарлайды Қызылорда облысы әкімдігінің баспасөз қызметі.Облыс әкімі атап өткендей, бірнеше күннен бері әлеуметтік желілер мен бұқаралық ақпарат құралдарында кәмелетке толмаған қызды жезөкшелікпен айналысуға мәжбүрлеген Қызылордадағы мектеп түлектерінің әрекеті талқылануда.Аймақ басшысы бұл атышулы қылмыстан жарты жылға жуық уақыттан бері полиция департаментінің ұйымдасқан қылмыспен күрес басқармасы мен қызға сабақ беретін мұғалімдер бейхабар болғанын қатаң сынға алды.<blockquote>- Әлеуметтік желілерде учаскелік полиция инспекторы мен мектептің ювеналды полиция қызметкері мәселеден хабардар болғандығы жөнінде ақпарат тарады. Негізгі салғырттық осы қызметкерлерден басталған. Өздеріне бекітілген аумақтағы ахуалды алдын- ала зерделеп, әр тұрғынды бақылауы тиіс еді. Бірақ, ондай жұмыс мүлде жүргізілмеген. Білім саласының мамандары да қызметтеріне немқұрайлы қараған. Мектеп басшылығы, педагогтер, мектеп инспекторы, өз міндеттеріңізді орындамағансыздар! Мектеп психологі, сынып жетекшілері, әлеуметтік педагог, мектеп директорының тәрбие ісі жөніндегі орынбасары және директор заң аясында қандай да бір нақты қадамға бармаған, - деді Н.Нәлібаев.</blockquote>Облыс әкімі оқушының сабақтан жиі қалатынына тиісті мамандардың назар аудармағанын, ата-анасымен тиісті деңгейде профилактикалық жұмыс жүргізбегенін, тек мәселені жасырып-жабуға тырысқандарын айтты.<blockquote>- Бүгіннен бастап №7 мектеп – лицей директоры, тәрбие ісі жөніндегі орынбасары, психологі, әлеуметтік педагогі, сынып жетекшілері жұмыстан босатылсын. Қызылорда қаласы әкімінің осы салаға жауапты орынбасарына, қалалық білім бөлімінің басшысына қатаң сөгіс, бөлімнің тәрбие жөніндегі жауапты маманына жұмыстан босату шарасы қолданылсын. Білім басқармасының басшысына өз міндеттерін тиісті деңгейде орындамағаны үшін қызметіне толық сәйкес еместігі туралы ескерту беремін. Өзіне жүктелген міндетті тиісті деңгейде орындамаған мектеп инспекторы мен учаскелік полиция инспекторы, оны бақыламаған кәмелетке толмағандар ісі жөніндегі ювеналды полиция бөлімшесі, қалалық полиция басқармасы мен облыстық жергілікті полиция қызметі ұйымдасқан қылмысқа қарсы күрес басқармасы тікелей кінәлі. Осы орайда, жауапты мамандардың жауапкершілігін қарап, қызметінен босатуға дейінгі кадрлық шешімдер қабылдансын. Қабылданған шешімдер туралы жұмыс аяғына дейін баяндаңыз, - деді Н.Нәлібаев.</blockquote>&nbsp;<figure class="media"><div data-oembed-url="https://www.youtube.com/watch?v=gEPfDaUztK0"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/gEPfDaUztK0" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>&nbsp;<figure class="image"><img src="https://knadmin.beoblood.kz/uploads/455290032_801517705502809_3541811199451827338_n_1b10729d99.jpg" alt="455290032_801517705502809_3541811199451827338_n.jpg"><figcaption>Қызылорда облыстық білім басқармасының басшысы Асқарбек Есжанов</figcaption></figure>&nbsp;Бала құқықтарын қорғау жөніндегі облыстық уәкіл Жақсыгүл Тоғановаға облыстың білім беру ұйымдарындағы жұмыстарға талдау жүргізіп, дереу жұмыс тобын құру тапсырылды. Бұл ретте алдын алу шараларын қолданып, қолайсыз отбасыларды және тәулікке жалға берілетін пәтерлерді аралау қажет екені айтылды.Аймақ басшысы оқиғадан зардап шеккен отбасына жан-жақты көмек көрсетуді, тергеудің барынша объективті жүргізілуін талап етті.<blockquote>- Қозғалған қылмыстық іс бойынша тергеп-тексеру амалдарының объективті жүргізілуі міндеттеледі. Қылмысқа қатысы бар адамның барлығы заң аясында тиісті жауапкершілікке тартылатын болсын! Бұл мәселені тікелей бақылауымда ұстаймын, - деп түйіндеді Нұрлыбек Нәлібаев.</blockquote><figure class="image"><img src="https://knadmin.beoblood.kz/uploads/455646375_801517772169469_8762818396603800770_n_8c9dd24628.jpg" alt="455646375_801517772169469_8762818396603800770_n.jpg"><figcaption>Бала құқықтарын қорғау жөніндегі облыстық уәкіл Жақсыгүл Тоғанова</figcaption></figure>&nbsp;<figure class="image"><img src="https://knadmin.beoblood.kz/uploads/455675221_801518152169431_5085053878057160124_n_477324621d.jpg" alt="455675221_801518152169431_5085053878057160124_n.jpg"><figcaption>№7 мектеп – лицей директоры Анжела &nbsp;Садыкбекова және қалалық білім бөлімінің басшысы Жанат Сәдуақасова.</figcaption></figure>&nbsp;<figure class="image"><img src="https://knadmin.beoblood.kz/uploads/455705689_801517938836119_5939566178010691829_n_4c4b5c2a11.jpg" alt="455705689_801517938836119_5939566178010691829_n.jpg"><figcaption>Қызылорда қаласы Полиция басқармасының бастығы &nbsp;Дәулет Беркімбаев және Қызылорда облысы полиция департаменті жергілікті полиция қызметінің бастығы Ердаулет Жаукеев. &nbsp;</figcaption></figure>&nbsp;<figure class="image"><img src="https://knadmin.beoblood.kz/uploads/455771492_801518055502774_2926592572801979357_n_ded26ce83d.jpg" alt="455771492_801518055502774_2926592572801979357_n.jpg"></figure>&nbsp;<img src="https://knadmin.beoblood.kz/uploads/455838266_801517985502781_5401381897545429706_n_986cb31b06.jpg" alt="455838266_801517985502781_5401381897545429706_n.jpg">

Қызылорда облысында білім беру саласының жауапты тұлғалары жұмыстан босатылды

<a href="https://kyzylorda-news.kz/">Kyzylorda-news.kz</a> &nbsp;Қайрат Сәтжанов бокстан Қазақстан құрамасының жаңа бас бапкері болып тағайындалды, деп хабарлайды<a href="http://inbusiness.kz/">&nbsp;inbusiness.kz</a>&nbsp;сайты.Фото: 1bol.kzҚайрат Тұрсұнқанұлы Сәтжанов - 54 жаста, Қазақстан Республикасының бокстан еңбек сіңірген жаттықтырушысы, Қазақстан Республикасының дене шынықтыру және спорт үздігі.Бапкерлік еңбек өтілі - 34 жыл. 2021-2022 жылдары Қазақстан ұлттық құрамасының бас бапкері қызметін атқарған. 2024 жылдан Қазақстан жастар құрамасының аға бапкері. Сәтжановтың жетекшілігімен 2021 жылы Қазақстан құрамасы әлем чемпионатында (Сербия) II командалық орын (2 алтын, 2 күміс, 1 қола медаль) алды.2022 жылы Азия чемпионатында (Иордания) ІІ командалық орын (3 алтын, 6 күміс, 3 қола) еншілеген. 2024 жылы Астанада өткен жастар арасындағы Азия чемпионатында Қазақстан командасы I командалық орын (5 алтын, 1 күміс, 3 қола) алды. Қайрат Сәтжанов жаттықтырушы ретінде 7 әлем чемпионын, 43 Азия чемпионын дайындаған.Еске салайық, Мырзағали Айтжанов бастаған бокстан ерлер командасының бапкерлік құрамы толығымен жұмыстан шеттетілген еді.&nbsp;

Бокстан Қазақстан құрамасына жаңа бас бапкер тағайындалды

<a href="https://kyzylorda-news.kz/">Kyzylorda-news.kz</a>&nbsp; Синоптиктер 17, 18 және 19 тамызда Қазақстанда ауа райы қандай болатыны туралы болжам жасады.Метеорологтардың мәліметінше, алдағы күндері республиканың көп бөлігінде ауа-райының тұрақсыздығын сақталады, солтүстік-батыс циклоны синоптикалық жағдайды қалыптастыруды жалғастырады: найзағай соғып, қатты желмен жаңбыр жауады деп күтіледі, солтүстікте бұршақ жаууы мүмкін. Солтүстік-батыста 17 және 19 тамызда, ал Қазақстанның солтүстігінде, шығысында және оңтүстік-шығысында 18-19 тамызда қатты жаңбыр жауады деп күтіледі.&nbsp;

Алдағы күндері ауа райы қандай болады?

Фото: видео скриншот<a href="https://kyzylorda-news.kz/">Kyzylorda-news.kz</a> Түзеу мекемесінің өкілі сотталушының өтінішхатын қолдады.Өскемен қаласының No2 соты сотталған Қайрат Сатыбалдыұлының жазаның өтелмеген бөлігін неғұрлым жеңіл жазамен ауыстыру туралы өтінішін қарады, деп хабарлайды inbusiness.kz сайты.Сот үкімімен Сатыбалды ҚК-нің 28-бабы 3-бөлігімен, 189-баптың 4-бөлігі 2) тармағы (сеніп тапсырылғанның мүлкін жымқыру), 28-баптың 3-бөлігі, 195-баптың 2-тармағы (ұрлық жасау мақсатынсыз залал келтіру) бойынша мүлкі тәркіленіп, мемлекеттік қызмет атқару құқығынан 10 жылға дейінгі мерзімге айыра отырып, 6 жылға бас бостандығынан айыру жазасына сотталған болатын.Сотталушы өзінің өтінішхатында жазасының өтелмеген бөлігін неғұрлым жеңіл түріне ауыстыру туралы өтінішхатын беру үшін заңның барлық талаптарын орындағанын атап көрсеткен.<blockquote>"Кез келген азамат үшін мемлекет мүддесі бәрінен биік болуға тиіс. Халқымызда сөз бар, "жаңылмайтын жақ, сүрінбейтін тұяқ болмайды" деген. Мен жасаған қателіктерімді мойындаймын.Маған қатысты қылмыстық іс бойынша мен органдарға көмектесіп, бүкіл заңсыз қаржыны қайтарып жатырмын.Елден заңсыз шығарылған активтерді қайтару – елдің ырысын өзіне қайтару деп білемін.Бұл – Мемлекет басшысы қабылдаған маңызды шешімдердің бірі. Мұндайды көрген соң, ендігі жерде ешкім елдің ырысын сыртқа шашпайды.Мемлекетімізде соңғы жылдары болып жатқан оң өзгерістерді көріп-біліп отырмын. Осындайда бәріміз бір жағадан бас, бір жеңнен қол шығарып бірге жұмыс істеуіміз керек.Мен Президентіміздің жүргізіп отырған саясатын толықтай қолдаймын.Заңсыз капиталдың бәрі – тиынына дейін елге қайтарылып, заң мен тәртіп болуға тиіс!Халықтан, кезінде тізем батқан, ақысына кірген адамдардан және Мемлекет басшысынан кешірім сұраймын.Осыған дейін барлық істеген іс-әрекеттерімді саралауға, ой қорытуға уақыт жеткілікті болды. Жіберген қателігімді және кінәмді толықтай мойындай отырып, істеген ісіме өкінемін. Тергеу орындарымен бірлесіп жұмыс жүргізілді. Заңсыз жолмен иемденген активтерді толықтай қайтару қажет болды. Оның барлығы қайтарылып та жатыр.</blockquote><blockquote>Мемлекет басшысының заңсыз активтерді мемлекетке қайтару ісі бойынша жүргізіп жатқан саясатын толықтай қолдаймын. Менің істеген ісім басқаларға дұрыс шешім шығару үшін сабақ болады деп ойлаймын. Ағаттық істеп, ренжіткен адамдардан кешірім сұраймын", деді Қайрат Сатыбалды.</blockquote><figure class="media"><div data-oembed-url="https://www.youtube.com/watch?v=2d-J6lz0xmQ"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/2d-J6lz0xmQ" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

"Қазақ елі мені кешіріңдер!": Қайрат Сатыбалды кінәсін мойындады

Фото: Ішкі істер министрлігі&nbsp; <a href="https://kyzylorda-news.kz/">Kyzylorda-news.kz</a> Өскемен қаласының №2 соты Қайрат Сатыбалдының жазасын жеңілдету жөнінде үкім шығарды. Бұл туралы Stan.kz ақпарат агенттігі хабарлайды.Соттың дерегіне сенсек, ол Қылмыстық кодекстің 28-бабы 3-бөлігімен, 189-баптың 4-бөлігі 2) тармағы (сеніп тапсырылғанның мүлкін жымқыру), 28-баптың 3-бөлігі, 195-баптың 2-тармағы (ұрлық жасау мақсатынсыз залал келтіру) бойынша мүлкі тәркіленіп, мемлекеттік қызмет атқару құқығынан 10 жылға дейінгі мерзімге айыра отырып, 6 жылға бас бостандығынан айыру жазасына сотталған.Сотталған өзінің өтінішхатында жазасының өтелмеген бөлігін неғұрлым жеңіл түріне ауыстыру туралы өтінішхатын беру үшін заңның барлық талаптарын орындағанын атап көрсеткен.<blockquote>"Сотталған өтінішхатын қолдап, оны қанағаттандыруды сұрады. Негіз ретінде өзінің оң мінездемесін, үкім бойынша залалдың орнын толтырғанын, сондай-ақ жалпы сомасы 700 миллиард теңгеден астам мүлікті және өзге де қаражатты өз еркімен мемлекетке қайтарғанын айтты. Түзеу мекемесінің өкілі сотталушының өтінішхатын қолдады. Прокурор Сатыбалдының өтінішхатын қанағаттандыруды сұрап, оны соңғының жазаны ауыстыру үшін барлық шарттарды орындағанымен, сондай-ақ мемлекетке өз еркімен өзге де мүлікті бергенімен негіздеді", –делінген хабарламада.</blockquote>Сот шешіміне сәйкес Қылмыстық кодекстің 73-бабы ауырлығы орташа қылмыстар немесе ауыр қылмыстар үшін сотталған адамды жазаның өтелмеген бөлігінің қалған бөлігін мынадай жағдайларда неғұрлым жеңіл жаза түрімен алмастыру мүмкіндігін қарастырады.жаза мерзімінің кемінде 1/3 бөлігін өтегеннен кейін; келтірілген залал толық өтелген жағдайда; не жазаны өтеу тәртібін қасақана бұзушылықтардың болмауы.Айта кетейік, Сатыбалды орташа ауыр қылмыс және ауыр қылмыс жасаған. Ол жазаның 1/3 бөлігінен астамын өтеген. Түзеу мекемесінің әкімшілігі сотталғанды оң сипаттайды, тәрбие іс-шараларына белсенді қатысқаны үшін көтермеленеді, сотталғандарды ерікті түрде ұйымдастырудан тұрады. Қылмыспен келтірілген залал толығымен өтелген. Сот үкімімен өндіріп алынған сомалар (іс жүргізу шығындары, мәжбүрлі төлем) төленген. Жоғарыда айтылғандардың негізінде сот сотталушының өтінішхатын қанағаттандырды және бас бостандығынан айыру түріндегі жазаның өтелмеген бөлігін 3 жыл 3 ай 7 күн мерзімге бас бостандығын шектеуге ауыстырды.Сонымен қатар Қайрат Сатыбалдыға пробациялық бақылау белгіленді. Тұрақты жұмысы болмаған жағдайда сотталған жазаны өтеудің барлық мерзімі ішінде жыл сайын 100 сағаттан мәжбүрлі еңбекке тартылады.<blockquote>"Сот қаулысымен оған мынадай міндеттер жүктелген: Соттың қаулысы тұрғылықты жері бойынша пробация қызметіне заңды күшіне енген күннен бастап 10 күн ішінде есепке қою үшін келу, сотталған адамның (пробация қызметінің) мінез-құлқын бақылауды жүзеге асыратын уәкілетті мемлекеттік органды хабардар етпей тұрақты тұрғылықты жерін, жұмысын, оқуын ауыстырмау, басқа да міндеттерді орындау сотталғанды түзеуге және оның жаңа қылмыстық құқық бұзушылықтар жасауының алдын алуға ықпал етеді. Міндеттерін орындамаған жағдайда бас бостандығын шектеу бас бостандығын шектеудің бір күні үшін бас бостандығынан айырудың бір күні есебінен бас бостандығынан айырумен ауыстырылатыны түсіндірілді", – деді Өскемен қалалық соты.</blockquote>Сот қаулысы заңды күшіне енген жоқ және шағым жасалуы, прокурордың өтінішхаты келтірілуі мүмкін.Еске салайық, бұған дейін сыбайлас жемқорлыққа қарсы қызмет Қайрат Сатыбалдыұлының 733 миллиард теңгеге жуық мүлкі Қазақстанға қайтарылғанын мәлімдеді. 2022 жылдан бастап қазіргі уақытқа дейін Қайрат Сатыбалдыұлы және онымен байланысты тұлғалардан мемлекетке заңсыз сатып алынған 732,8 миллиард теңге немесе 1,6 миллиард доллардан астам сомаға мүліктік активтер мен ақшалай қаражат қайтарылды.Бұдан соң Қайрат Сатыбалдыұлының тағы 50 миллиард теңгеге жуық активі мемлекет меншігіне өткенін жаздық.

Қайрат Сатыбалдының жазасы жеңілдетіліп, бас бостандығын шектеуге ауыстырылды

<a href="https://kyzylorda-news.kz/">Kyzylorda-news.kz</a> &nbsp;Партияның облыстық филиалының Атқарушы хатшы Ләйлә Төрешова «AMANAT» партиясы жанындағы Білім беру мен денсаулық сақтау мәселелері жөніндегі республикалық кеңестің отырысына қатысты.Кеше «AMANAT» партиясы жанындағы Білім беру мен денсаулық сақтау мәселелері жөніндегі республикалық кеңестің отырысы өтіп, онда өңірлердегі жаңа оқу жылына дайындық жұмыстары пысықталды.Нақты айтқанда партияның 2023-2027 жылдарға арналған «Халықпен бірге!» Сайлауалды бағдарламасын жүзеге асыру аясында алдағы оқу жылына жаңа оқушы орындарын құру және білім беру сапасын жақсарту жөніндегі шаралар кеңінен қаралды.Отырысқа Параламент депутаттары, жауапты органдар өкілдері, сонымен бірге «Zoom» конференциясы арқылы өңірлердегі жауапты сала басшылары қатысты.Облыста ағымдағы оқу жылы 1 сыныпқа 17 450 бала барады деп жоспарлануда. 1 – сыныпқа қабылданатын балалардан бүгінгі күні 15 848 өтініш қабылданған.Өткен жылы облыс орталығындағы 4 мектептің орын тапшылығы мәселесі қосымша ғимарат салу арқылы шешімін тапты. Сонымен қатар, 1 170 орынды құрайтын 4 мектеп , биыл жыл басында 550 орындық 2 мектеп ел игілігіне берілді.«Жайлы мектеп» ұлттық жобасымен «AMANAT» партиясының Сайлауалды бағдарламасы аясында өңірде 6900 орынды құрайтын 10 мектептің құрылыс жүруде. Жақын күндері алғашқысы пайдалануға беріледі деп жоспарланып отыр. Бұл жұмыстар нәтижесінде аймақта апатты және орын тапшылығы бар мектептер мәлелесі толық шешілетін болады.Оқушыларды оқулықтармен қамту үшін 1,8 млрд.тг. қаржы да қаралған.&nbsp;

«AMANAT»:  Республикалық кеңестің отырысы өтті

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев ҚР Парламенті Сенатының депутаттары Дархан Қыдырәлі, Руслан Рүстемов және Наурызбай Байқадамовпен бірге аса көрнекті саяси қайраткер – Мұстафа Шоқайдың құрметіне арналған "Наршоқы" ескерткішіне барып, жұмысын саралады.Мұстафа Шоқай Қызылорда облысы, Шиелі ауданының Сұлутөбе теміржол стансасынан он бес шақырым жердегі Наршоқы мекенінде 1890 жылдың 25 желтоқсанында (ескіше бойынша) дүниеге келген.2023 жылдың 16 қарашасында Түркі әлемінің көсемі Мұстафа Шоқай бабамыздың кіндік қаны тамған Сұлутөбе ауылдық округіне қарасты, «Наршоқы» елді мекенінде ұрпақтарының ұйытқы болуымен ескерткіш белгі қойылды.Мұстафа Шоқай ХХ ғасырдың басындағы қазақ интеллигенциясының ең жарқын өкілдерінің бірі, саналы өмірін қазақ халқының ғана емес, бүкіл түркі халықтарының азаттығы жолында арпалыспен өткізген.Бүкіл түркі әлемінің тарихи тұлғасына айналған біртуар қайраткердің есімі Сыр бойында да жан-жақты ұлықталуда.Қорқыт ата атындағы Қызылорда университеті жанында «Мұстафа Шоқай» ғылыми орталығы жұмыс жасайды.Облыстық тарихи-өлкетану музейінде Мұстафа Шоқайға арнайы экспозициялық бұрыш жасақталып, қоладан құйылған шағын бюсті орналастырылған.Рахымжан Отарбаевтың «Мұстафа Шоқай» драмасы Нартай Бекежанов атындағы қазақ академиялық музыкалық драма театрында сахналануда.Бүгінгі күні облыста 2 мектепке, 14 көшеге тұлғаның есімі берілсе, 2 ескерткіші, 2 бюсті орнатылған (Қызылорда қаласында, Шиелі ауданында).Алаш зиялыларының есімін ұлықтаумен қатар, соңғы жылдары аймақтың мәдениет пен руханият саласында ауқымды жұмыстар, тың жобалар жүзеге асырылуда.Аймақ басшысы тарихи-мәдени ескерткіштердің маңызын өскелең ұрпаққа түсіндіру жауапкершілігі мол міндет екенін айтты. Сонымен қатар, ескерткішті күтіп ұстауға, тазалық жұмыстарын уақытылы жүргізуге қатысты тапсырмалар жүктеді.<img src="https://knadmin.beoblood.kz/uploads/5_5348b1f124.jpg" alt="5.jpg"><img src="https://knadmin.beoblood.kz/uploads/6_f4942eba38.jpg" alt="6.jpg">Фото: Қызылорда облысы әкімінің баспасөз қызметі

Аймақ басшысы "Наршоқы" ескерткішіне барды 

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы Қармақшы ауданында екі полицей сотталды. Олар әрқайсысы екі жылдан жаза арқалады, деп хабарлайды<a href="https://kaz.zakon.kz/quqiq/6047544-yzylorda-oblysynda-para-ornyna-zhoysha-alan-os-politsey-sottaldy.html"> Zakon.kz.</a>Қылмыстық іс матриеалдарына сәйкес, аудандағы шаруа қожалықтарының бірінің территориясында Өзбекстан азаматтары жұмыс істеп жүрген.Қармақшы аудандық сотының мәліметінше, полицейлердің бірі еңбек мигранттарына жалпы қамқорлығы мен жол берушілігі үшін шаруа қожалығының төрағасының көмекшісінен заңсыз сыйақы алу ниеті туындаған. Осылайша, шаруа қожалығы басшысы полицейлердің екеуіне де 200 данадан пресстелген жоңышқа шөбін пара ретінде берген. Салдарынан жәбірленуші А.-ға 160 000 теңге мүліктік шығын келтірілген. Осылайша, Н. құқық қорғау органының қызметкері бола тұра, пара берушінің пайдасына жасалған қамқорлығы үшін пара алса, Қ. құқық қорғау органының қызметкері бола тұра, қылмыстық құқық бұзушылықтың жасалуына жәрдемдесіп, құқық қорғау органының қызметкерінің пара алуына көмектескен.<blockquote>“Сот үкімімен Н. ҚР ҚК-нің 366-бабы 1-1-бөлігі бойынша кінәлі деп танылып, белгілі бір лауазымдарды атқару құқығынан өмір бойына айырыла отырып, 2 жыл мерзімге бас бостандығынан айыру жазасы тағайындалды. Қ. ҚР ҚК-нің 28-бабы 5-бөлігі, 366-бабы 1-1-бөлігімен кінәлі деп танылып, белгілі бір лауазымдарды атқару құқығынан өмір бойына айыра отырып, 2 жыл мерзімге бас бостандығынан айыру жазасы тағайындалды. Сонымен қатар, Н. полиция подполковнигі шенінен және Қ,. полиция майоры шенінен айырылды”, – деді Қармақшы аудандық сот. &nbsp;</blockquote>фото: bonnefield.com

Қызылорда облысында пара орнына жоңышқа алған қос полицей сотталды

<a href="https://kyzylorda-news.kz/">Kyzylorda-news.kz</a> Мектеп мұғалімі Астанада өткен&nbsp;педагогтер форумында&nbsp;Оқу-ағарту министрі Ғани Бейсембаевқа жүгініп, мектептегі жемқорлық мәселесін көтерді,&nbsp;деп хабарлады <a href="http://ulysmedia.kz/">Ulysmedia.kz</a>.<blockquote>– Мен өзім Ақмола облысына келіп, өзіме жұмыс таптым. Өзімді жұмыспен қамтыдым. Бірақ інілерім, сіңлілерім бар. Бірақ олар бір жерге жұмысқа тұру үшін өтірік емес, кемі 1 немесе 2 млн теңгеге дейін ақша сұрайды. Ол кәдімгі жемқорлық. Мен тек педагог мамандықта демеймін, негізі оңтүстікте көп жемқорлық тараған. Бірақ соның мұғалім мамандығы бізге керек қой!? Қашан мен сияқты ақшасыз өзі жұмысқа тұра ала ма? –&nbsp;деп сұрады министрден бойжеткен.</blockquote>Бұл&nbsp;Оқу-ағарту министрі Ғани Бейсембаевқа Астанада өткен ауыл мектептеріндегі педагогтердің республикалық форумында айтылған. Журналистер кейін Бейсембаевқа осы сұрақ жөнінде пікірін білді.<blockquote>– Әріптесіміздің қойған сұрағы қай мектепте, қай ауданда болғаны нақты айтылған жоқ. Облысты бірден қаралауға болмайды ғой. Бұл сұрақты сол себепті көпшіліктің алдында қаужағаным жоқ. Жалпы ол ақпараттың себебін анықтаймыз. Ақпарат нақты болса, тексеру қиындық туғызбайды деп ойлаймын, –&nbsp;дейді ол.</blockquote>Министр өз ведомствосы антикормен бірлесіп, тығыз жұмыс атқарып жатқанын, соның арқасында 15 млрд теңгеден артық сома жымқырылғаны анықталғанын айтады.&nbsp;Жалпы Қазақстанның өңірлерінде мектептегі жемқорлық жайлы бұқаралық ақпарат құралдарында жиі жазылып тұрады.

Қазақстан және Қызылорда облысының жаңалықтары