<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы А. Тоқмағамбетов атындағы қалалық мәдениет үйінде «Мәдениеттер тоғысы» атты фестиваль өтті. Шара Қызылорда облыстық «Славяне» этномәдени орталығының ұйымдастыруымен өтті.Фестивальге Қазақстан халқы Ассамблеясының ардагерлері мен “Қоғамдық келісім” коммуналдық мемлекеттік мекемесінің басшылық өкілдері қатысты.Фестивальдің басты мақсаты – өңірдегі этносаралық татулықты нығайту, түрлі этностардың мәдениетін, салт-дәстүрін насихаттау және жастарды бірлікке тәрбиелеу.Іс-шара басталар алдында мәдениет үйінің фойесінде қолөнер бұйымдарының көрмесі ұйымдастырылып, көрермендерге әртүрлі этнос өкілдерінің тұрмыс-тіршілігі мен шығармашылығы таныстырылды. Ал сахна төріндегі LED-экранда «Мәдениеттер тоғысы» атты арнайы бейнеролик көрсетілді.<img src="https://knadmin.beoblood.kz/uploads/assambleya_e139f7ef22.jpg" alt="ассамблея.jpg">Фестиваль шымылдығы қазақ әжелер хорының орындауымен ашылды. Одан кейін Қызылорда қалалық мәдениет үйінің балалар вокалдық тобы, корей этносының барабан биі, «Сударушки» вокалдық тобының «Валенки» әні, испан биі, қасықпен орындалған «Калинка» композициясы көрерменнің зор ықыласына бөленді.Сонымен қатар, Алматы қаласынан арнайы келген қонақтар қылышпен фланкировка өнерін көрсетіп, казак мәдениетін таныстырды. Константин Луцаның «Перекресток» әні, Ира мен Гала дуэтінің қазақ тіліндегі әні, «Жемчужинка» тобының флешмобы, Нина Обухованың «Соловушка» әні фестиваль көркін арттырды.Фестиваль соңында барлық қатысушылар сахнаға шығып, «Песня остается с человеком» әнін орындады. Шара отшашумен қорытындыланып, өнерпаздарға алғыс хаттар мен сыйлықтар табысталды.<img src="https://knadmin.beoblood.kz/uploads/assambleya_902e386fb6.jpg" alt="ассамблея.jpg">

Қызылордада «Мәдениеттер тоғысы» фестивалі өтті

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде елді мекендерді ауыз сумен қамту, су бұру жүйелерін дамыту, суды үнемдейтін және цифрлық технологияларды енгізу мәселелері қаралды.Оған облыс әкімі Нұрлыбек Нәлібаев селекторлық режим арқылы қатысты. Үкімет отырысынан кейін өткен мәжілісте осы және өзге де мәселелерге орай бағыт-бағдар белгіленіп, жауапты сала басшыларына тапсырмалар жүктелді.<blockquote>«Арал ауданы Тоқабай және Абай елді мекендерін топтық су құбырына қосуда тиісті жұмыстарды үйлестіріп, толық әрі сапалы аяқталуына бақылау жасаңыздар. Қызылорда қаласының бас су алу құрылымын жаңғырту жобасын әзірлеуді шұғыл аяқтап, мемлекеттік сараптаманың оң қорытындысын алу керек. Биыл лазерлік тегістеу жоспарын 65 мың гектарға жеткізуді қадағалаңыздар. Су үнемдеу технологияларын мемлекеттік қолдау үшін бөлінген қаржының мақсатты әрі тиімді жұмсалуы өте маңызды», – деді Нұрлыбек Машбекұлы.</blockquote>Мемлекет басшысының тапсырмасына сәйкес, 2025 жылдың соңына дейін барлық елді мекенді 100 пайыз сапалы ауыз сумен қамтамасыз етуде жүйелі жұмыс жүргізілді.Өткен жылы 5 елді мекен топтық су құбырына қосылып, 4 елді мекенде ішкі су жүйелері салынды, сондай-ақ 2 елді мекенде су тұшытқыш қондырғы орнатылды. Президент тапсырмасы толық орындалды.Суды үнемдеу және цифрлық технологияларды енгізу бағытында күріш алқаптары оңтайландырылуда, 2024 жылмен салыстырғанда күріш егісі 4 700 гектарға қысқарды.Былтыр жаңа технологияларды пайдаланып 8 100 гектар жерге дақылдар егілсе, осы жылы бұл көрсеткішті 16 700 гектарға жеткізу жоспарланған. Шетелдік компаниялардың қатысуымен 3 ірі жоба жүзеге асырылып, тамшылатып және жаңбырлатып суару арқылы жүгері мен жоңышқа өсірілуде.Диқандар 60 мың гектар күріш алқабын лазерлік тегістеуден өткізді. Нәтижесінде су үнемделіп, өнімділік артты. Биыл осындай жер көлемін 65 мың гектарға жеткізу көзделсе, 2028 жылға дейін егіс алқаптары толық тегістеледі.

Сумен жабдықтау  саласына цифрлық технологияларды енгізу мәселесі қаралды

<a href="https://kyzylorda-news.kz/">Kyzylorda-news.kz</a> Облыста жұмылдыру дайындығы, азаматтық қорғау, төтенше жағдайлардың алдын алу және терроризмге қарсы іс-қимыл бағытында кешенді жұмыстар кезең-кезеңімен жүзеге асырылуда. Сонымен қатар, көктемгі су тасқыны кезеңіне дайындық, санитариялық қауіпсіздікті қамтамасыз ету, аумақтық қорғаныс пен халықты құлақтандыру жүйесін жетілдіру мәселелері де тұрақты назарда. Бүгін Өңірлік коммуникациялар қызметінің ақпарат алаңында облыстық жұмылдыру дайындығы басқармасының басшысы Марат Құрманбаев 2025 жылы атқарылған жұмыстарды баяндады.<blockquote>– Облыс аумағында жылы ауа райының қалыптасуына байланысты көктемгі су тасқыны кезеңі шығынсыз, бірқалыпты жағдайда өтті. Су басу қаупі бар аймақтарға жауапты мекемелер бекітіліп, арнайы техника мен қажетті күш-құралдар әзірленді. Су тасқынына қарсы материалдық-техникалық қорлар жеткілікті көлемде қалыптастырылып, ықтимал кезеңде халықты көшіру пункттері дайындыққа келтірілді. Өткен жылы Конго-Қырым геморрагиялық қызбасының қоздырғышы болып табылатын кенелерге қатысты «қолайсыз» деп танылған 111 елді мекенде мал басына, қора-жайлар мен суаттарға көктемгі және күзгі залалсыздандыру жұмыстары жүргізілді. Сонымен қатар, облыстық терроризмге қарсы комиссияның 4 отырысы өткізіліп, 12 мәселе қаралды. Комиссия аппараты жанындағы жұмыс тобының 11 отырысында 35 мәселе талқыланып, экстремизм мен терроризм тәуекелдерінің алдын алу бағытында тиісті ұсынымдар әзірленді. Аумақтық қорғаныс саласында әскери міндеттілердің кәсіби даярлығын арттыру мақсатында өткен жылы Арал ауданында «Найза – 2025», Қазалы ауданында «Қалқан – 2025» арнайы-тактикалық оқу-жаттығулары өткізілді. Аталған оқу-жаттығуларға 182 әскери міндетті қатысты. Бұдан бөлек, Ұлы Отан соғысындағы Жеңістің 80 жылдығы аясында тарихи әділеттілікті қалпына келтіру бағытында да бірқатар маңызды жұмыстар атқарылды. Атап айтқанда, майдангер Аштанбай Сағындықовтың бауырластар зиратынан алынған топырағы 80 жылдан кейін туған жеріне жеткізілсе, Псков облысында табылған Қызыл Армия жауынгері Байбол Рахметовтың сүйегі елге әкелініп, Ақсуат ауылдық округіндегі Ж. Махамбетов ауылына жерленді, – деді Марат Ердәулетұлы.</blockquote><img src="https://knadmin.beoblood.kz/uploads/Marat_Kurmanbaev_f58bce5057.jpg" alt="Марат Курманбаев.jpg">

Өңірде жұмылдыру дайындығы мен қауіпсіздік бағытындағы жұмыстар жүйелі жүргізілуде

<a href="https://kyzylorda-news.kz/">Kyzylorda-news.kz</a> Бүгін заманның тау тұлғасы Дінмұхамед Қонаевты ұлықтау күні. Бар өмірін еліне, туған жеріне, халқына адал қызмет етуге арнады. «Әділет жеңеді, бірақ ол кешігіп жүреді», – демекші, әділеттің ақ таңы атты. Қонаев есімі ортамызға қайтып оралды. Алматы облысында өзі қазығын қаққан Қапшағай қаласына Қонаевтың аты берілді. Алып жүректі үлкен адам Қонаевтың есімі мәңгі өшпейді. Бүгін Алматыда Қонаев атындағы саябақта, Қонаевтың ескерткіші алаңында туған күн құрметіне орай, іс-шара өтті. Атаулы күнге байланысты 113 тал гүл шоқтары қойылды. 50-ден аса бейбітшіліктің ак көгершіні Тәуелсіз елдің көк аспанына ұшты. Бұл атаға деген шексіз құрмет. Сондай-ақ, Ыстанбұлда Қазақстан мәдениет және сауда орталығында Дінмұхамед Қонаевтың фото-сурет көрмесі ашылды.Өткен шаққа көз салсам 1992 жылдың 11 қазанында Дінмұхаммед Қонаев Түркия еліне барды. Әуежай маңында қарсы алушылар Түркия үкіметінің басшылары емес, сондағы Стамбұлда тұратын қазақ қандастар. «Ақсарбас, Ақсарбас» деп айқайлап, екі қошқарды құрбандыққа шалды. Тура әуежай алаңында. Міне, Димаш атаға деген халықтың құрметі, ыстық ықыласы. Д.Қонаевтың жанында, жеке дәрігері Ахат Мүліков, жиені Дияр Қонаев, Түркиядағы қазақ телевизиясының тілшісі ретінде мен болдым.Қазақ ағайындар көп тұратын Зейтінбурну ауданындағы Қазақ-Түрік қоғамы (Kazak-Turk Vakfı) үйінде Түркияда қоныстанған ел ағалары Халифа Алтай (құранды қазақ тіліне бірінші аударған кісі), Дәлелхан қажы (әкесі Шығыс Түркістанда қаржы министірі болған Жанымхан Жаналтайдың ұлы), әкелі балалы Тоқтабай және Фазыл Топлы, Мұхаммед Қылыш, Найман Хафыз, Шеризат Доғыру, ағайынды Жақып және Камал Добайлар, Қызырбек Ғайретұллах, Өмер Білгін, Мәнсүр Тәжи, Дәуіт Ашықкөз, Өмер Жігіт, Жақып Жан, Абдулуақап Қара, Шахмансур Деңіз және тағы басқа жүздеген азаматтар қарсы алды. Кездесу туысқандық жоғары деңгейде өтті. Д.Қонаевқа сөз берілді.<blockquote>«Құрметті ағайындар, бауырлар, бүгін сіздермен қауышқаным өте разымын. Тағдыр тауқыметімен сырт елдерде өмір сүрдіңіздер. Осы кезең үшін Түрік елінің басшылығына, сол кездегі сіздерге қамқорлық жасаған премьер-министр Аднан Мендереске шынайы ризашылығымызды білдіреміз. Біздің түбіміз Түрік, дініміз Ислам! Енді еліміз Тәуелсіздігін алды, көк туымыз желбіреуде, елге, Қазақстан деген Отандарыңа қайтыңдар. Ата-жұрттарың құшақ жая қарсы алады. Менің сіздерге берген ақ батам деп есептейсіздер», – деді.</blockquote>Қазақ кәсіпкері Фазыл Топлы тері өңдеу зауытында әзірленген арнайы қой терісінен жасалған тонды Димаш атаға кигізді. Бұл кездесуді бастан аяқ телевизия лентасына түсіріп, Қазақстан жаңалықтарына сол кездегі Комитет Төрағасы Шерхан Мұртазаға жіберген едім. Ал түсірген фото суреттер менің мұражайымда сақтаулы.Сондай-ақ, Қазақ қоғамында Дінмұхаммед Қонаевты еске алу іс-шарасы өтті. Аталған іс-шарада дүниежүзі қазақтар қауымдастығының Түркиядағы арнаулы өкілі, “ТҮРКСОЙ”-дың Бас кеңесшісі және де Стамбұлдағы Қазақстан мәдениет және сауда орталығының басшысы ретінде «Алып жүректі үлкен адам – Д.Қонаев» деген тақырыпта баяндама жасадым. Үлкен экраннан Д.Қонаевтың суреттері көрсетілді.&nbsp;Тағы бір айтқым келетіні 1992 жылы 12 қаңтарда 80 жылдық туған күнінде Дінмұхаммед Қонаевтан жеке сұхбат алғаным мен үшін тарихи құбылыс. Сол бір тарихи сәтті 5 жыл бұрын Қызылорда телеарнасынан көрсетті.<img src="https://knadmin.beoblood.kz/uploads/Erzhan_U_jis_2_d8e84842a3.jpg" alt="Ержан Уәйіс 2.jpg">Ержан УӘЙІС,Қазақстанның еңбек сіңірген қайраткері,Халықаралық Д.Қонаев қорының алқа мүшесі

Дінмұхаммед Қонаев – шетел қазақтарын елге шақырған алғашқы тұлға

<a href="https://kyzylorda-news.kz/">Kyzylorda-news.kz</a> 2025 жыл Қазақстанның әскери қызметшілерін әлеуметтік қамтамасыз ету жүйесі үшін ең мазмұнды өзгерістерге толы кезеңдердің бірі болды. Қабылданған шаралар ақшалай үлеспен қамтуды, тұрғын үй мәселелерін, білім беру, отбасыларды қолдау және қызмет аяқталғаннан кейін азаматтық өмірге бейімдеуді қамтыды.Негізгі қадамдардың бірі лауазымдық жалақылардың өсуі болды. 2025 жылғы 1 қаңтардан бастап офицерлік құрамның жалақысы орта есеппен 20,3 пайызға, ал қатардағы және сержанттық құрамдікі 33,9 пайызға артты. Сонымен қатар бұрын жойылған далалық төлемдер жүйесі қайта енгізілді. 1 шілдеден бастап әскери қызметшілерге далалық шығуларға, теңіз жорықтарына және оқу-жаттығуларға қатысқан әрбір тәулік үшін іссапар рәсімдемей-ақ, 1,2 айлық есептік көрсеткіш мөлшерінде далалық төлемдер төлене бастады.Алдағы уақытта да қосымша өзгерістер жоспарланған. 2026 жылғы 1 қаңтардан бастап еңбекақы төлеудің жаңа жүйесі аясында жалақыны арттырудың екінші кезеңі іске асады. Яғни, офицерлер үшін тағы 23 пайызға, ал қатардағы және сержанттық құрам үшін бірінші кезең деңгейінен 10 пайызға өсіру көзделген.Тұрғын үймен қамтамасыз ету саласы да елеулі түрде дамыды. 2025 жылғы 17 қарашадан бастап «Отбасы банк» тұрғын үй төлемдерін алатын әскери қызметшілерге арналған арнайы ипотекалық өнімдерді іске қосты. Бастапқы жарнасы 20 пайыздық «Әскери баспана» бағдарламасы қайталама тұрғын үй нарығынан баспана сатып алуға бағытталған. Алдын ала қарыз бойынша пайыздық мөлшерлеме жылына 18 пайыз және тұрғын үй құнының 50 пайызы жинақталған кезде 5 пайызға төмендейді. «Наурыз әскери» бағдарламасы бастапқы жарнасыз жаңа құрылыстан пәтер сатып алуға мүмкіндік береді. Астана мен Алматы қалаларында қарыздың ең жоғары сомасы 36 млн теңгеге дейін, басқа өңірлерде 30 млн теңгеге дейін, ал бастапқы жарна 20 пайыздан асқан жағдайда 80 млн теңгеге дейін жетеді. Қарыз бойынша пайыздық мөлшерлеме жылына 9 пайызды құрайды.2025 жылы әскери қызметшілердің отбасыларын қолдауға да ерекше көңіл бөлінді. Әскери қызметшілердің мыңнан астам баласы «Балдәурен» балалар сауықтыру орталығында демалып, денсаулықтарын нығайтты. Бұл Қорғаныс министрлігінің әлеуметтік саясатының маңызды бөлігіне айналды.Сонымен қатар мерзімді әскери қызметтің беделін арттыру және әлеуметтік кепілдіктерді кеңейту жұмыстары жалғасуда. Sarbaz 2.0 цифрлық жобасы іске қосылғалы бері 9 мыңнан астам үздік әскери қызметші білім беру гранттарына ие болды. Оның ішінде 3000-нан астамы жатақханаға басымдықпен орналастыру және шәкіртақы төлеу қарастырылған мемлекеттік гранттар екенін атап өту керек. Ел тарихында алғаш рет іріктеу толық автоматтандырылған форматта өтуде. Бұл жүйе сарбаздардың рейтингін тәртіп, дене дайындығы және жауынгерлік дайындық көрсеткіштері бойынша қалыптастырады. Ал алгоритм гранттарды таңдалған жоғары оқу орындары мен мамандықтар арасында өздігінен бөледі.Сарбаздар мен олардың отбасыларына түсетін қаржылық жүктеме де азайтылды. 20 мыңнан астам мерзімді әскери қызметші жалпы сомасы шамамен 8 млрд теңгені құрайтын «несиелік демалысты» пайдаланды. Сонымен қатар қызмет барысында сарбаздар еңбек нарығында сұранысқа ие ауыр жүк көлігінің жүргізушісі, экскаваторшы, байланыс маманы, дизелист-электрик, парамедик және басқа да кәсіптер бойынша жұмысшы мамандықтарын тегін меңгере алады. Оқу аяқталған соң оларға сертификаттар беріледі.Әлеуметтік саясаттың жаңа бағыты – әскери қызметшілерді қызметтен кейінгі өмірге даярлау. Қорғаныс министрлігі зейнетке шығар алдында әскери қызметшілерді бейімдеу бағдарламасын іске қосты. Енді олар әскери жоғары оқу орындарының базасында мектептерде алғашқы әскери дайындық пәнінен сабақ беру үшін, сондай-ақ әскери кафедраларда жұмысқа орналасу мақсатында тегін қайта даярлаудан өте алады. Бұл шешім офицерлердің кәсіби әлеуетін сақтауға және азаматтық қызметке біртіндеп көшуіне мүмкіндік береді.

Қазақстанның әскери қызметшілерін әлеуметтік қолдау: 2025 жылы не өзгерді?

<a href="https://kyzylorda-news.kz/">Kyzylorda-news.kz</a> Қызылорда облысының Жалағаш ауданы отбасылық неке қатынастары саласында бірегей көрсеткіш көрсетті. Өткен жылдың қорытындысы бойынша ауданда АХАТ саласы бойынша бірде-бір ажырасу тіркелмеген. Бұл көрсеткіш тек аймақтық деңгейде ғана емес, республикалық деңгейде де сирек кездесетін құбылыс болып табылады. Ажырасулардың ең көп саны облыс орталығы - Қызылорда қаласында болды, онда бір жыл ішінде 197 отбасы тарады. Бұзылған некелер саны бойынша екінші орынды Байқоңыр қаласы, үшінші орынды Жаңақорған ауданы иеленді. 2024 жылы Жалағаш ауданында некені бұзудың 7 жағдайы тіркелді. Жалпы облыс бойынша өткен жылы 3 792 неке және 338 ажырасу тіркелген. Бұл ретте бұзылған некелердің жалпы саны өткен жылмен салыстырғанда 14 пайызға төмендеді. Өңірдегі ажырасу деңгейінің төмендеуі отбасы институтын нығайтудағы және отбасылық құндылықтарға жауапкершілікпен қарауды қалыптастырудағы оң серпінді айғақтайды. Жалағаш ауданының тәжірибесі ағымдағы үрдістер сақталған жағдайда ажырасуды төмендету бойынша көрсеткіштер ағымдағы жылы да жақсаруы мүмкін екенін айқын көрсетеді.

Жалағаш ауданы отбасылық неке қатынастары бойынша оң нәтиже көрсетті 

<a href="https://kyzylorda-news.kz/">Kyzylorda-news.kz</a> Келіп жеткен жаңа жыл ипотекалық кредиттеу нарығы үшін бірқатар өзгерістер әкеледі. Ипотека неғұрлым «әділ» және ашық болмақ: банктер қарыз алушылардың мүмкіндіктерін ескеретін, мемлекет жеңілдетілген бағдарламаларға қолдау көрсетіп, ал мөлшерлемелер жаңа ережелер бойынша есептелетін болады. &nbsp;Ең бастысы — төлемдерді алдын-ала жоспарлап, болмағанда біраз мөлшерде алғашқы жарнаңыз болса жақсы.&nbsp;<a href="https://fingramota.kz/kk/news/post/zhaa-zhadajlarday-zheke-pter-2026-zhyly-ipotekamen-ne-bolady">Fingramota.kz</a> сіздерді ипотека мөлшерлемелері бойынша өзгерістермен, қарыз алушыларды қорғаудың жаңа қағидалары, бастапқы жарна мөлшерінің маңыздылығы және басқа да маңызды нюанстармен таныстырады.ЖТСМ-нің ең жоғары мөлшеріне көшу&nbsp;Біз кредит ресімдегенде немесе банкте депозит ашқан кезде назар аударуды талап ететін негізгі көрсеткіштердің бірі - жылдық тиімді сыйақы мөлшерлемесінің мөлшері , яғни ЖТСМ. Бұл тұтынушы үшін маңызды құрал, ол тұтынушының қарыз үшін нақты қанша төлейтінін немесе барлық комиссияларды, алымдарды, сақтандыру төлемдерін және өнімге қызмет көрсетуге байланысты басқа да міндетті шығындарды ескере отырып, депозит бойынша қанша кіріс алатынын түсінуге мүмкіндік береді.ЖТСМ-ді шектеу банктердің халыққа ипотека бойынша қандай мөлшерлемелер белгілей алатынына тікелей әсер етеді. Қаржы нарығын реттеу және дамыту агенттігі Ұлттық Банкпен бірлесіп ипотека бойынша шекті ЖТСМ-ді 25%-дан 20%-ға дейін төмендетуді жоспарлады. Бұл шектеу тиімді мөлшерлемесі 20%-дан жоғары ипотекаға заң бойынша тыйым салынатынын білдіреді.Бастапқыда төмендеу 2025 жылдың ортасында қолданылуға тиіс еді, алайда 20%-дық мөлшерлеме бойынша шектеу енгізу 2026 жылғы шілдеге дейін ауыстырылды.Мұндай кейінге қалдыру қолданыстағы базалық мөлшерлеме 18% болған кезде банктер 20%-бен кредит бере алмайтындығына байланысты болып отыр, себебі маржа тәуекелдер мен шығасыларды өтеу үшін тым аз. Банктердің орнықтылығы үшін базалық мөлшерлеме мен ипотека арасындағы айырмашылық кем дегенде 4-6 тармақ.ЖТСМ-нің қолданыстағы &nbsp;шекті деңгейінің 2026 жылғы шілдеге дейін сақталуы азаматтар үшін ипотекалық кредиттердің қолжетімділігі мен банк секторының орнықтылығы арасындағы теңгерімді сақтауға мүмкіндік береді.Мөлшерлемелерді есептеудің жаңа жүйесі және тәуекел-бағдар&nbsp;Біз ЖТСМ мөлшерін анықтадық, енді оны есептеудің жаңа әдістемесіне көшейік, ол мынадай факторларды ескереді:<ul><li style="text-align:justify;">Кредит мерзімі (мерзім ұзақ болған сайын, тәуекел жоғары)</li><li style="text-align:justify;">Бастапқы жарнаның мөлшері (үлкен болған сайын, мөлшерлеме шегі соғұрлым төмен болады)</li><li style="text-align:justify;">LTV (loan-to-value) – кредит сомасының тұрғын үй құнына қатынасы</li></ul>Кредит мерзімі&nbsp;бұл сіз ипотека алатын кезең (мысалы, 3,5, 10, 15, 20, 25 жыл). Жаңа әдістеме ипотекалық кредит мерзімін ескереді: ол ұзақ болған сайын, мөлшерлемесі де жоғары болады. Бұл банктер үшін тәуекелдерге байланысты: ұзақ экономиканың уақыт бойы өзгеру немесе қарыз алушының төлем қабілеттілігінің төмендеу ықтималдығы жоғары. Осыған байланысты банк ұзақ мерзімді кредиттер үшін жоғары тиімді мөлшерлеме қояды.Кредит мерзімі қысқа болса, тәуекелдер де аз, сәйкесінше мөлшерлеме төмен болуы мүмкін, бірақ қарыз алушы үшін ай сайынғы төлем жоғары болады.Бастапқы жарна&nbsp;– бұл кредит алғанға дейін үй сатып алу кезінде бірден салатын сома. Әдетте бұл – пәтер құнының 10%-ы, 20%-ы, 30%-ы және т.б.Бастапқы жарна көп болған сайын, берілетін кредит сомасы соғұрлым аз болады және банк үшін тәуекел төмен болады.Мысалы, пәтердің құны 20 млн теңге делік. Сіз пәтер құнының 20%-н өз қаражатыңыздан саласыз, бұл - 4 млн теңге. Қалған жетпей тұрған 16 млн теңгені банкте ипотекалық кредит ретінде рәсімдеуді жоспарлап отырсыз. Мұндай бастапқы жарнамен мөлшерлеме жоғары, 25%-дан жоғары болады. Пәтер құнының 40%-н, яғни 8 млн теңге салғанда, банк жетпей тұрған 12 млн теңгеге 20%-бен кредит ресімдейді.LTV (loan-to-value) дегеніміз не?&nbsp;LTV (loan-to-value) бұл – кредит сомасының пәтер құнына қатынасы. Бұл әдісті ипотека бойынша шекті мөлшерлемелерді анықтау үшін қолдану жоспарлануда. Мөлшерлеме мөлшері бастапқы жарнаның мөлшеріне тікелей байланысты болады.Сіз бірден неғұрлым көп қаражат салсаңыз, соғұрлым жақсы мөлшерлемеге ие боласыз. Бұл реттеуші төмен мөлшерлемеге рұқсат беруі мүмкін дегенді білдіреді, өйткені банктің ақшаны жоғалту тәуекелі төмен болады. Керісінше, аз жарна = «тәуекелді» кредит = жоғары мөлшерлеме. Бұл талаптарды «дербестендіруге» мүмкіндік береді: бастапқы жарнасы жоғары адамдар төмен мөлшерлемемен кредит ала алады. Жарна неғұрлым көп болса, кредит мөлшері соғұрлым аз болады, демек борыш жүктемесі де азаяды.Екінші жағынан, бұл қазақстандықтарды жинақтау дағдысын қалыптастыруға және ақша жинауға ынталандырады. Кейбір банктер бастапқы жарнаны жинақтау үшін жинақ депозиттерін іске қосуды жоспарлап отыр.Осыған ұқсас әдістемелер дамыған елдерде қолданылады, мұнда мөлшерлеме «барлығы үшін максимум Х%» түрінде ғана емес, қарыздың сапалық сипаттамалары бойынша сараланады.Ипотеканы мемлекеттік қолдау бағдарламалары&nbsp;Барлық мемлекеттік бағдарламалар тұрғын үйдің қолжетімділігін арттыруға бағытталған — әсіресе азаматтардың белгілі бір санаттары үшін:«7-20-25» бағдарламасы. Бұл бағдарлама негізгі бағдарламалардың бірі болып қала береді: мөлшерлеме қолжетімді деңгейде белгіленген; талаптар түсінікті және ашық; жеңілдікті тетіктер &nbsp;тұрақты еңбек немесе кәсіпкерлік қызметтен кірісі бар, меншігінде баспанасы жоқ, жаңа салынған үйлерден алғашқы тұрғын үйді сатып алғысы келетін азаматтарға &nbsp;арналған.2025-2026 жылдары ол бойынша Алматы мен Астанада сатып алынатын тұрғын үй құнының лимиттері — 25 млн теңгеден 30 млн теңгеге дейін ұлғайтылды, бұл бағдарлама шеңберінде сатып алуға болатын пәтерлер шеңберін кеңейтуге мүмкіндік берді.Жаңа «Nauryz» бағдарламалары.&nbsp;2025 жылдың аяғынан бастап «Nauryz» және «Nauryz Zhumysker» сияқты жеңілдік ипотекасының жаңа толқыны басталды:<ul><li style="text-align:justify;">әлеуметтік санаттар үшін мөлшерлеме – 7 %;</li><li style="text-align:justify;">қалғандары үшін &nbsp;шамамен 9%;</li><li style="text-align:justify;">бастапқы жарна бойынша жеңілдікті талаптар;</li><li style="text-align:justify;">ипотеканың ең жоғары сомасы аймаққа байланысты (Астана мен Алматыда жоғары).&nbsp;</li></ul>Бұл бағдарламалар ипотека құнын төмендетуге ғана емес, сонымен қатар мемлекеттік келісімшарттар шеңберінде үйлердің белгіленген бағалары арқылы әлеуметтік тұрғын үйді дамытуға бағытталған.<img src="https://knadmin.beoblood.kz/uploads/Ipoteka_r_simdej_fingramota_8703d62861.jpg" alt="Ипотека рәсімдей финграмота.jpg">Фото: Fingramota.kz

Жаңа жағдайлардағы жеке пәтер: 2026 жылы ипотекамен не болады?

<a href="https://kyzylorda-news.kz/">Kyzylorda-news.kz</a> Егер қызмет көрсететін емханада қажетті бейінді дәрігердің кеңесін ала алмаса, қандай да бір диагностикалық қызметті өткізуге арналған жабдық болмаса, сондай-ақ мамандар мен жабдық болса да жазылу мүмкін болмаған жағдайда, пациент басқа клиникаға, оның ішінде жеке клиникаға да жолдама сұрауға құқылы. Ең бастысы бұл клиника Қордың жеткізушілер базасында болуы тиіс.Бұл ретте пациенттің тіркелген емханасы мен аталған клиника арасында қосалқы орындау шартының бар-жоғы маңызды емес, өйткені жолдама жасалған кезде ол ақпараттық жүйеде автоматты түрде жасалады.Жалпы, пациенттің медициналық көрсеткіштері бола тұра жолдама беруден немесе медициналық көмек көрсетуден бас тартылса, ол Пациенттерді қолдау және ішкі сараптама қызметіне жүгінуге құқылы. Мұндай қызметтер әрбір медициналық ұйымда құрылған және мәселелерді «осы жерде және қазір» қағидаты бойынша шешеді.Фото: freepik.com

Емханада медициналық көмек көрсетілмеген жағдайда не істеу керек?

<a href="https://kyzylorda-news.kz/">Kyzylorda-news.kz</a> Қазір Қазақстанда 3,6 миллионға жуық адам МӘМС жүйесіне қатыспайды. Олардың шамамен 1 миллионы – әлеуметтік жағдайы дағдарыстық (D) және шұғыл (E) деңгейдегі тұрғындар. Яғни олардың МӘМС жарналарын төлеуге мүмкіндігі жоқ.2026 жылдың 1 қаңтарынан бастап бұл азаматтар үшін МӘМС жарналарын жергілікті атқарушы органдар төлейді. Осылайша оларға сақтандырылған мәртебесі беріліп, МӘМС аясында қажетті медициналық көмек ала алады.<img src="https://knadmin.beoblood.kz/uploads/1_kaz_f62eaa23ca.png" alt="1 каз.png">Бұдан бөлек, жергілікті бюджет есебінен ресми тіркелген жұмыссыздар үшін жарна төленетін болады. Бұған дейін бұл төлемдер республикалық бюджеттен түсіп келді.Сақтандырылған азаматтар үшін диагностика, дәрігерлердің кеңесі, жоспарлы операциялар, емдеу және оңалту қызметтері МӘМС аясында тегін көрсетілетінін есте сақтаңыздар. Медициналық көмек алу үшін тұрғылықты жеріңіз бойынша емханаға тіркелу қажет.&nbsp;<img src="https://knadmin.beoblood.kz/uploads/2_kaz_1_551a3f2fe0.png" alt="2 каз (1).png"><img src="https://knadmin.beoblood.kz/uploads/5_kaz_e05fce4305.png" alt="5 каз.png">

МӘМС жүйесі 2026 жылы кімдер үшін қолжетімді болады?

<a href="https://kyzylorda-news.kz/">Kyzylorda-news.kz</a> Облыс әкімі орынбасары Бахыт Жаханов бастаған делегацияның Қытай Халық Республикасына жұмыс сапары аясында маңызды келісімдер жасалды.Хайнань провинциясының өнеркәсіптік қалалық Инвестициялар паркі мен ҚР Қызылорда облысының делегациясы арасында кездесу өтті.Кездесу барысында Қытай тарапынан Инвестициялар паркінің басқарма төрағасы Ли Чжихао қатысушыларды таныстырып, екіжақты ынтымақтастыққа қатысты көзқарасын білдірді.Ауыл шаруашылығы саласын дамыту, бірлескен жобаларды іске асыру бойынша Қызылорда облысы әкімдігі, Хайнань провинциясының өнеркәсіптік қалалық Инвестициялар паркі және Хейлунцзян Хэхуэйдэ сауда компаниясы арасында үшжақты меморандумға қол қойылды.Сондай-ақ, жиын барысында ауыл шаруашылығы саласындағы ынтымақтастық, агротехнологияларды дамыту, ресурстарды интеграциялау және өндірістік парктерді бірлесіп салу мәселелері бойынша пікір алмасты.<img src="https://knadmin.beoblood.kz/uploads/sh_zha_ty_kelisim_2_b4fcdde966.jpg" alt="Үш жақты келісім 2.jpg">

Қытайлық компаниялармен үшжақты келісімге қол қойды

<a href="https://kyzylorda-news.kz/">Kyzylorda-news.kz</a> Облыс әкімі орынбасары Бахыт Дүйсенұлы бастаған делегация өкілдері Қытайға жұмыс сапарымен барды. Делегация құрамында ауыл шаруашылығы құрылымдарының өкілдері бар. Сапардың негізгі мақсаты – аймақтың агроөнеркәсіп саласына инвестиция тарту.Сапар барысында делегация өкілдері Бэйянь округінде Қытай Халық Республикасының ауыл шаруашылығы саласындағы бірқатар жетекші компанияларымен кездесулер өткізді.&nbsp;Алдымен Қытай ғылым докторы Лу Нанмен кездесу ұйымдастырылып, тұқыммен қамтамасыз ету мәселелері талқыланып, келіссөздер жүргізілді.Сонымен қатар, делегация мүшелері «Jiarun Agriculture», «Gao’s Hetian Rice Industry», «Baqi» секілді ауыл шаруашылығы бағытында жұмыс істейтін күріш, жүгері дақылдарын өндіретін ірі кәсіпорындардың басшыларымен кездесіп, жұмыс барысымен танысты.Сапар барысында ауыл шаруашылығын дамытуға арналған ғылыми семинар ұйымдастырылып, сала мамандары тәжірибе алмасып, бірлескен жобаларды іске асыру бойынша ұсыныстармен бөлісті.<img src="https://knadmin.beoblood.kz/uploads/ytaj_zh_mys_sapary_2_8149409295.jpg" alt="Қытай жұмыс сапары 2.jpg">

Сыр елінің делегациясы жұмыс сапарымен Қытайға барды

<a href="https://kyzylorda-news.kz/">Kyzylorda-news.kz</a> Қазақстанда Рамазан айындағы ораза 19 ақпанда басталады. Діни мерекелер күнтізбесін Қазақстан мұсылмандары діни басқармасы жариялады, деп хабарлайды <a href="https://baq.kz/biyl-ramazan-ayy-qashan-bastalatyny-belgili-boldy-200029182/">BAQ.KZ</a> тілшісі.&nbsp;Қасиетті ай 29 күнге созылады. Кестеге сәйкес, Қадір түні 16 наурыздан 17 наурызға қараған түні өтеді. Ал Ораза айт жұма күні, 20 наурызға келіп тұр.<blockquote>Қазақстан мұсылмандары діни басқармасының Шариғат және пәтуа бөлімі 2026 жылғы діни күндер кестесін бекітті. Хижри айлардың басталуы халықаралық астрономиялық зерттеу орталықтарының мәліметтері негізінде жасалды. Пәтуа мамандары діни мерекелердің нақты күндері жаңа айдың көрінуіне байланысты көрсетілген уақыттан бір күн шегерілуі немесе алға жылжуы мүмкін екенін ескертеді, - деп хабарлады ҚМДБ баспасөз қызметі.&nbsp;</blockquote><figure class="image"><img src="https://knadmin.beoblood.kz/uploads/MDB_2_80ee50ce05.jpeg" alt="ҚМДБ 2.jpeg"><figcaption>ҚМДБ</figcaption></figure>Фото: Нұрболат Нұржаубай

Қазақстан және Қызылорда облысының жаңалықтары