<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев Мемлекеттік кеңесші Ерлан Қаринмен және Президенттің құқықтық мәселелер жөніндегі көмекшісі Ержан Жиенбаевпен жұмыс кеңесін өткізді. Бұл туралы Ақорданың баспасөз қызметі хабарлады.Ерлан Қарин Мемлекет басшысына Парламенттік реформа жөніндегі жұмыс тобы қызметінің аралық нәтижелері туралы мәлімет берді.Мәселен, e-Otinish мемлекеттік платформасы мен Egov сервисінің «Парламенттік реформа» арнайы бөлімі іске қосылғаннан бері 500-ге жуық ұсыныс келіп түскен. Халық арасынан, сарапшылардан және қоғамдық ұйымдардан жолданған ұсыныстар мен бастамаларды талдау, жүйелеу жұмыстары жалғасып жатыр.Парламенттік реформа жөніндегі жұмыс тобының бұған дейінгі отырыстарында бір палаталы Парламентті қалыптастыру және оның заңнамалық функцияларын жүзеге асыру мәселелері талқыланды.&nbsp;9 қаңтарға жоспарланған Жұмыс тобының кезекті жиынында қалған бағыттар бойынша ұсыныстар егжей-тегжейлі қаралады.&nbsp;Сонымен қатар Мемлекеттік кеңесші Президентке Ұлттық құрылтайдың жұмыс секциялары бойынша желтоқсан айында өткен отырыстың қорытындылары және Құрылтайдың алдағы бесінші басқосуына дайындық барысы туралы баяндады.Қасым-Жомарт Тоқаев Парламентті реформалау саяси жүйені трансформациялау үдерісінде ерекше рөл атқаратынын атап өтіп, алда ауқымды өзгерістер күтіп тұрғанына назар аударды. Сондай-ақ барлық бастаманы жан-жақты саралап, оның негізінде конституциялық реформаның базалық тәсілдерін әзірлеуді тапсырды.Фото: Ақорда

Мемлекет басшысы Парламенттік реформа жөніндегі жұмыс кеңесін өткізді 

<a href="https://kyzylorda-news.kz/">Kyzylorda-news.kz</a> Бүгін ҚР Парламенті Мәжілісіндегі «AMANAT» партиясы фракциясының мүшесі Мархабат Жайымбетов Қызылорда қаласы, Тасбөгет кентінде орналасқан жеке кәсіпкер «Baukin» цехының жұмысымен танысты.Аталған кәсіпкер Бауыржан Сәрсенов 2024 жылдың желтоқсан айында Мемлекет басшысы Қасым-Жомарт Тоқаевтың бастамасымен жүзеге асып жатқан «Ауыл аманаты» бағдарламасы аясында 2,5 пайыздық мөлшерлемемен 7,0 млн теңге көлемінде қаржылай қолдауға ие болған. Қаражат жиһаз жасау және оны құрастыруға арналған заманауи құрал-жабдықтар алуға бағытталған.Жеке кәсіпкер жиһаз өндірісімен 2020 жылдан бері айналысып келеді. Қазіргі таңда цехта 5 адам тұрақты жұмыспен қамтылған. Кәсіпорынның жылдық айналым қаражаты 35–40 млн теңгені құрайды.Бүгінде өндіріс орнында тұрғын үй мен кеңсеге арналған жиһаздар, сондай-ақ сауда орындарына қажетті бұйымдар тапсырыс негізінде дайындалады. Ай сайын 15–20 ірі көлемдегі және 100-ге жуық шағын өнім шығарылып, жергілікті нарық сұранысын қамтамасыз етіп отыр.Кездесу барысында фракция мүшесіне өндірістің мүмкіндіктері, мемлекеттік қолдаудың тиімділігі және кәсіпорынның алдағы даму жоспарлары таныстырылды.Айта кетерлігі, Мемлекет басшысы Қасым-Жомарт Тоқаевтың бастамасымен жүзеге асып жатқан «Ауыл аманаты» жобасы Сыр өңірінде шағын және орта кәсіпкерлікті дамытуға, жаңа жұмыс орындарын ашуға және халықтың табысын арттыруға нақты серпін беріп келеді.

Еңбегі өнімді цех жұмысымен танысты

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде цифрландыру және жасанды интеллект саласын дамыту мәселесі, Үкімет қаулыларының жобалары қаралды. Оған облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейінгі мәжілісте аймақ басшысы жауапты тұлғаларға цифрлық технологияларды дамытудың 2026-2030 жылдарға арналған стратегиясы мен цифрлық картадағы тапсырмалардың сапалы әрі мерзімінде орындалуын қамтамасыз етуді тапсырды.<blockquote>«Облыстық білім басқармасы, Қорқыт ата атындағы Қызылорда университетімен бірлесіп, білім беру ұйымдарында жасанды интеллект стартаптарын құрып, балаларға арналған жасанды инттеллект сыныптары мен қосымша секцияларды іске қосыңыздар. Университет базасындағы Жасанды интеллект институтының жұмысын жетілдіру, тәжірибесін өңіріміздегі басқа да жоғары оқу орындары мен колледждерге, мектептерге енгізу бойынша жоспар әзірлеп, нақты ұсыныс енгізіңіздер. Студент жастарды цифрландыру және жасанды интеллектіні дамыту бағытындағы жұмыстарға барынша жұмылдыру керек», – деді аймақ басшысы.</blockquote>Облыста 223 ауылдың 170-інде халық саны 250 адамнан асады. Қазіргі уақытта 140 ауылда талшықты-оптикалық байланыс желісі бар. Мобильді интернет 208 ауыл тұрғындарына қолжетімді, оның 135-і 4G, 66-сы 3G, 17-сі 2G желісімен қамтамасыз етілген.Өткен жылы «Kyzylorda Hub» технопаркін дамытудың жол картасы әзірленіп, 176 іс-шара ұйымдастырылды, 56 жасанды интеллект &nbsp;ивенті мен &nbsp;5 инкубациялық бағдарлама жүзеге асты.Өңірде 8 ІТ-компания Astana Hub резиденті ретінде жұмыс істейді, ал 4 ІТ мектеп TechOrda бағдарламасы бойынша 66 маман даярлады. Жасанды интеллект бойынша 53 курс өтіп, 1 131 адам, «Жасанды интеллект негіздері» курсынан 11 532 адам онлайн білім алды.Инновациялық жобаларды дамыту үшін жыл сайын Smart City Kyzylorda Hackathon және Innofest Qyzylorda фестивалі өткізіледі.

Цифрландыру және жасанды интелект саласын дамыту мәселесі қаралды

<a href="https://kyzylorda-news.kz/">Kyzylorda-news.kz</a> Арал ауданындағы Руханият орталығында қоғам қайраткері, «Құрмет», «Парасат» ордендері мен «Ерен еңбегі үшін» медалінің иегері, Қазақстанның Құрметті құрылысшысы, балық шаруашылығы саласының еңбек сіңірген қызметкері, республикалық «Жалаңтөс Баһадүр» қорының президенті, Қызылорда қаласы мен Арал, Қазалы, Жаңақорған аудандарының Құрметті азаматы Нәжмадин Мұсабаевтың 75 жасқа толу мерейтойына орай «Тектілік туын түсірмеген тұлға» атты жаңа кітаптың тұсауы кесілді.Тағылымды шараға аудан әкімі Аманжол Оңғарбаев арнайы қатысып, жиналған зиялы қауым өкілдерімен бірге жаңа кітаптың тұсаукесер рәсіміне қатысты.<img src="https://knadmin.beoblood.kz/uploads/Aral_N_M_sabaev_6_7aed7934a3.jpg" alt="Арал Н.Мұсабаев 6.jpg">Кеште аудан басшысы арнайы сөз сөйлеп, қоғам қайраткері, Арал ауданының Құрметті азаматы Нәжмадин Мұсабаевты 75 жылдық мерейлі жасымен құттықтап, мерейтой қарсаңында жарық көрген туындыны ерекше бағалап, өзінің лебізін білдіріп, ауданның жоғары марапаты – «Құрмет» грамотасын табыстап, ерекше құрмет көрсетті.Мұнан соң ел азаматы Нәжмадин Түрікбенұлымен сыйлас, қызметтес болған замандас аға-бауырлары аудандық ардагерлер кеңесінің төрағасы Ә.Әйімбетов пен білім саласының ардагері, бірнеше шақырылған Арал аудандық мәслихатының хатшысы болып қызмет атқарған Ә.Әуезов өткен жылдардың естеліктерімен бөлісіп, жарық көрген кітап жайында және кеш иесінің мерейтойына арнап ыстық ықыластарын жеткізді.<img src="https://knadmin.beoblood.kz/uploads/Aral_N_M_sabaev_5_949e3a36bc.jpg" alt="Арал Н.Мұсабаев 5.jpg">Көпшілікке ерекше әсер сыйлаған рухани кеш барысында кітап авторларының бірі Нұрназар Түрікбен жұртшылыққа жаңа кітаптың жалпы мазмұнын таныстырып, бөлімдеріне қысқаша тоқталып өтті.Салтанатты шарада зиялы қауым өкілдерінің қатысуымен танымдық дүние саналатын жаңа кітаптың тұсаукесер рәсімі өтіп, оқырманға жол тартты.Кеш қорытындысын мерейтой иесі Нәжмадин Мұсабаев түйіндеп, жаңа туынды жайында өзіндік ой-пікірін білдіріп, жұртшылыққа өз ризашылығын жеткізді.<img src="https://knadmin.beoblood.kz/uploads/Aral_N_M_sabaev_3_a0dcf93f56.jpg" alt="Арал Н.Мұсабаев 3.jpg">

Жаңа кітап оқырманға жол тартты

<a href="https://kyzylorda-news.kz/">Kyzylorda-news.kz</a> Мемлекет басшысының тапсырмасымен медициналық көмек пакеттері қызметтердің қайталануын болдырмау үшін қайта қаралды.&nbsp;2026 жылдан бастап ТМККК пакетіне әлеуметтік мәні бар 11 ауру түрінің профилактикасы мен диагностикасы енеді. Бұған дейін АИТВ мен туберкулезге күдік болған жағдайда ғана қызмет көрсетілген еді.Енді тізім қатерлі ісіктермен, созылмалы вирустық гепатиттермен және бауыр цирозымен, психикалық және мінез-құлықтық бұзылыстармен, орфандық аурулармен, жүйке жүйесінің дегенеративті ауруларымен, демиелинизациялайтын аурулармен, эпилепсиямен, жедел миокард инфарктісімен (алғашқы 6 ай), инсульттермен (1 жыл ішінде) толықты.Сонымен қатар ТМККК-ға артериялық гипертония, ишемиялық жүрек ауруы, глаукома, қант диабеті, В және С вирустық гепатиттерін ерте анықтауға арналған скринингтер енгізілді. &nbsp;Бұл шаралар пациенттерге дер кезінде диагностика жүргізуге мүмкіндік береді, ауруларды ерте анықтау ем нәтижелерінің жақсаруына оң әсер етеді.2026 жылдан бастап бірқатар созылмалы ауруды, оның ішінде артериялық гипертензияны, қант диабетін, церебралды сал аурын, ревматизмді, дәнекер тінінің жүйелі зақымдануларын, бүйрек ауруларын емдеу және бақылау емхана мен стационарда МӘМС пакетіне ауыстырылды.<img class="image_resized" style="width:100%;" src="https://knadmin.beoblood.kz/uploads/osms_567e5cb345.jpg" alt="осмс.jpg">

2026 жылдан бастап МӘМС жүйесінде не өзгереді?

<a href="https://kyzylorda-news.kz/">Kyzylorda-news.kz</a> Әлеуметтік жағынан осал топқа кіретін 15 санаттағы азаматтар үшін МӘМС жарнасын мемлекет төлейді.&nbsp;Олар:1. балалар;2. ресми түрде тіркелген жұмыссыздар (2026 жылдан бастап олардың жарнасын әкімдіктер төлейді);3. жұмыс істемейтін жүкті әйелдер (соңғы екі айда олар үшін зейнетақы және әлеуметтік аударымдар төленбеген кезде);4. үш жасқа дейінгі баласының заңды өкілдерінің бірі – жұмыс істемейтін ата-ана;5. жүктілік және босану, жаңа туған баланы (балаларды) асырап алу, бала (балалар) үш жасқа толғанға дейін оған (оларға) күтім жасау бойынша демалыста жүрген тұлғалар;6. мүгедектігі бар балаға күтім жасайтын жұмыс істемейтін тұлғалар;7. бірінші топтағы мүгедектігі бар адамға күтім жасайтын жұмыс істемейтін тұлғалар;8. Қазақстанның БЖЗҚ-нан зейнетақы төлемдерін алушылар, оның ішінде ҰОС ардагерлері;9. сот үкімі бойынша ҚАЖ мекемелерінде жазасын өтеп жатқан адамдар (ең төменгі қауіпсіздік мекемелерін қоспағанда);10. тергеу изоляторларында отырғандар, сондай-ақ қамауда ұстау түріндегі бұлтартпау шарасы қолданылған жұмыс істемейтін тұлғалар;11. жұмыс істемейтін қандастар;12. «Алтын алқа», «Күміс алқа» марапаттарын алған көп балалы аналар, бұрын «Батыр ана» атағын алғандар, сондай-ақ «Ана даңқы» І және ІІ дәрежелі ордендерімен наградталғандар;13. мүгедектігі бар адамдар;14. орта, техникалық және кәсіби, орта білімнен кейінгі, жоғары және жоғары оқу орнынан кейінгі білім беру ұйымдарында күндізгі бөлімде оқитын адамдар (күндізгі бөлім студенттері);15. мемлекеттік атаулы әлеуметтік көмек алатын жұмыс істемейтін тұлғалар.2026 жылдан бастап жұмыссыздар үшін жарналарды жергілікті атқарушы органдар төлейді. Сондай-ақ олар Д және Е санатындағы азаматтар үшін жарна төлеу міндеттемесін өз мойнына алды.

МӘМС жүйесіне жарна төлеуден кімдер босатылады және олардың жарнасын кім төлейді?

<a href="https://kyzylorda-news.kz/">Kyzylorda-news.kz</a> Ұлттық статистика бюросы 2025 жылғы 1 желтоқсанда Қазақстан халқының саны 20 478 879 адам болғанын мәлімдеді. Бұл туралы <a href="https://stan.kz/kazakstan-halki-204-million-adamga-zhetti-428563/">Stan.kz</a> ақпарат агенттігі хабарлайды.Жыл басынан бері халық саны 195 480 адамға артқан. Ең көп халқы бар қалалар Алматы (2 345 012 адам) және Астана (1 630 640 адам). Облыстар арасында Түркістан облысы (2 148 168 адам) мен Алматы облысы (1 592 652 адам) алда келеді.Қалалық тұрғындар саны 239 949 адамға өсіп, 13 013 064 адамға жетсе, ауыл халқы 44 469 адамға азайып, 7 465 815 адам болды.Ең аз қоныстанған өңірлер Ұлытау облысы (219 200 адам) және Солтүстік Қазақстан облысы (514 732 адам).Фото: Shutterstock.com

Қазақстан халқы 20,4 миллион адамға жетті

<a href="https://kyzylorda-news.kz/">Kyzylorda-news.kz</a> Киберқылмыспен күрес Қазақстан Республикасы Ішкі істер министрлігінің басым бағыты болып қала береді, деп хабарлайды <a href="https://baq.kz/elimizde-85-millionnan-asa-alayaqtyq-qonyraudyn-zholy-kesildi-200028761/">BAQ.KZ.</a>Азаматтарды цифрлық кеңістікте қорғау мақсатында полиция онлайн ортадағы қылмыстардың алдын алу және жолын кесуге бағытталған кешенді шараларды жүзеге асырып жатыр.ІІМ Киберқылмысқа қарсы іс-қимыл департаментінің бастығы Жандос Сүйінбайдың айтуынша, мемлекеттік органдармен бірлесіп жүйелі профилактикалық жұмыс жүргізілуде. Оның сөзінше, интернеттің дамуымен «дәстүрлі» қылмыс түрлері онлайн кеңістікке ауысып, жаңа сипатқа ие болған.Бүгінде ұрлықтар интернет арқылы жасалуда, қаскөйлер азаматтардың ақшасын ұрлау үшін заманауи технологияларды пайдаланып отыр. Мұндай қылмыстармен күрес үш бағытта жүргізілуі тиіс: заңнамалық, техникалық және профилактикалық шаралар. Тек кешенді тәсіл ғана киберқылмысқа тиімді түрде қарсы тұруға мүмкіндік береді, – деп атап өтті ол.2025 жылы байланыс операторларымен бірлесіп 19 миллионнан астам жалған қоңырау бұғатталды. Арнайы жүйе іске қосылған сәттен бері 85 миллионнан аса алаяқтық қоңыраудың алдын алу мүмкін болды. Қылмыстық топтарды құру және оларға басшылық ету фактілері бойынша алты қылмыстық іс қозғалды, оның біреуі трансұлттық сипатқа ие.Сонымен қатар қабылданған техникалық шаралар нәтижесінде құқық қорғау органдары 100 мыңнан астам sim-картаны және қаскөйлер пайдаланған 88 sim-box құрылғысын тәркіледі. Өткен жылы Қазақстаннан тыс жерде жеті call-орталықтың қызметі тоқтатылса, ел аумағында тағы алты осындай орталық жойылды.ІІМ өкілдері алаяқтыққа қарсы күресте азаматтардың цифрлық қауіпсіздіктің негізгі ережелерін сақтауы маңызды рөл атқаратынын атап өтті.<blockquote>Кибергигиенаны сақтау мұндай қылмыстардың алдын алуға мүмкіндік береді. Күмәнді сілтемелерге өтпеңіздер. Банктік карталарды үшінші тұлғаларға бермеңіздер және жеке деректеріңізді ешкімге хабарламаңыздар, – деді Жандос Сүйінбай.</blockquote>Фото: nege kz&nbsp;

Елімізде 85 миллионнан аса алаяқтық қоңыраудың жолы кесілді

<a href="https://kyzylorda-news.kz/">Kyzylorda-news.kz</a> Қызылорда қаласында облыс әкімі Нұрлыбек Нәлібаевтың қатысуымен Қазақстан халқы Ассамблеясының 30 жылдық мерейтойы аясында салынған «Достық үйінің» жаңа ғимаратының салтанатты ашылу рәсімі өтті.Рәсімге Қазақстан халқы Ассамблеясы төрағасының орынбасары, Қазақстан Республикасы Президенті Әкімшілігі Қазақстан халқы Ассамблеясы хатшылығының меңгерушісі Марат Әзілханов, Парламент Сенаты мен Мәжілісінің депутаттары Руслан Рүстемов, Наурызбай Байқадамов, Мұрат Әбенов, Мархабат Жайымбетов, Мұрат Ергешбаев, Аян Зейнуллин, «ҚазАтомӨнеркәсіп» ұлттық атом компаниясының басқарма төрағасы Мейіржан Юсупов, «Самұрық-Қазына Траст» корпоративтік қорының бас директоры Альфия Адиева, құқық қорғау органдары мен жауапты салалардың басшылары, зиялы қауым өкілдері қатысты.Аймақ басшысы жаңа ғимарат ел игілігіне қызмет ететінін айтып, құттықтау сөзін жеткізді.<img src="https://knadmin.beoblood.kz/uploads/akimat_dom_druzhby_4d100a508f.jpg" alt="акимат дом дружбы "><blockquote>«Бірлік – халқымыздың тұтастығы мен ырыс-ынтымағының, үйлесімді қарым-қатынасының, татулығының көрінісі. Ел болудың бірден-бір алғышарты. Өңірімізде 30-дан астам этнос өкілдері тату-тәтті өмір сүреді. Ассамблея жанында 11 этномәдени бірлестік бір мүдде, бір мақсат жолында ұйысып, елдің бірлігін сақтау бағытында жұмыс жасауда. Береке-бірлігіміздің ұйытқысына айналып, еліміздегі этносаралық достық пен бірліктің үлгісін әлемге танытқан Қазақстан халқы Ассамблеясының құрылғанына өткен жылы 30 жыл толды. Бүгінде Ассамблея халқымызды бірлікке, достыққа үндейтін жалпыұлттық келісімнің негізіне айналды. Президентіміздің тапсырмасына сәйкес, өткен жылы 1 мамыр – Қазақстан халқының бірлігі күні Өздеріңізбен бірге осы жерде жаңа ғимараттың іргетасын қалаған болатынбыз. Міне бүгін, тарихи сәтте қайта қауышып, «ҚазАтомӨнеркәсіп» ұлттық атом компаниясының демеушілігімен 3 млрд. 800 млн. теңгеге салынған «Достық үйінің» заманауи ғимаратын ел игілігіне табыстаудамыз. Жаңа нысанның бой көтеруіне демеушілік жасағаны үшін «Самұрық-Қазына» акционерлік қоғамының басқарма төрағасы Жақыпов Нұрлан Қаршығаұлына, ұлттық атом компаниясының басқарма төрағасы Юсупов Мейіржан Бақытұлына барша Сыр жұртшылығы, Өзімнің атымнан шынайы алғысымды, зор ризашылығымды білдіремін! &nbsp; Жалпыұлттық тұрақтылық пен қоғамдық келісімнің қайнар бұлағы – Қазақстан халқы Ассамблеясының 30 жылдығы аясында бой көтерген, достық пен келісімнің нышанына айналатын жаңа ғимарат баршаңызға құтты болсын!», – деді Н.Нәлібаев.</blockquote><img src="https://knadmin.beoblood.kz/uploads/akimat_111_c83e43453a.jpg" alt="акимат 111.jpg">Салтанатты рәсімде бірлік пен келісімнің нығаюына елеулі үлес қосқан Ассамблея мүшелері мен жаңа ғимаратты сапалы етіп салған мердігер мекеме өкілдері облыстың ең жоғарғы наградасы – Қызылорда облысының Құрмет Грамотасымен, облыс әкімінің Алғыс хатымен марапатталды. Марат Әзілханов, Мұрат Әбенов және Мейіржан Юсупов құттықтау сөз сөйлеп, ізгі тілектерін жеткізді.<img src="https://knadmin.beoblood.kz/uploads/607473989_4289428354709645_8657648448899724094_n_29c104c73a.jpg" alt="акимат дом дружбы ">Айта кетейік, бұл – бірлік мен ынтымақты нығайтуға атсалысқан этномәдени бірлестіктер мен Ассамблея белсенділері үшін барлық қажеттіліктермен қамтамасыз етілген замануи ғимарат. Мұнда этномәдени бірлестіктердің, облыстық, қалалық ардагерлер кеңесінің, Азаматтық Альянс өкілдерінің де толық жабдықталған жұмыс кабинеттері &nbsp;бар. Қала сәулетіне сән қосқан жаңа ғимараттағы 200 орындық концерттік, 50 орындық акт залдарында мәдени-рухани шаралар ұйымдастыруға болады. Шығармашыл жастарға арналған домбыра, ән, би үйірмелеріне, медиация орталығы, музей, Ассамблея жанындағы ғылыми сарапшылық топтарға да жағдай жасалған.«Достық үйі» азаматтық қоғам институттарының басын қосатын, жаңа бастамаларды ілгерілететін орталыққа айналады.<img src="https://knadmin.beoblood.kz/uploads/609045380_4289428238042990_8631289565720728189_n_406579393c.jpg" alt="акимат дом дружбы ">

Қызылордада «Достық үйінің» жаңа ғимараты ашылды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қазақстан халқы Ассамблеясы төрағасының орынбасары, Қазақстан Республикасы Президенті Әкімшілігі Қазақстан халқы Ассамблеясы хатшылығының меңгерушісі Марат Әзілханов, Парламент Сенаты мен Мәжілісінің депутаттары Руслан Рүстемов, Наурызбай Байқадамов, Мұрат Әбенов, Мархабат Жайымбетов, Мұрат Ергешбаев, Аян Зейнуллин, сондай-ақ «ҚазАтомӨнеркәсіп» ұлттық атом компаниясының басқарма төрағасы Мейіржан Юсупов және «Самұрық-Қазына Траст» корпоративтік қорының бас директоры Альфия Адиеваға Президент саябағын қайта жаңғырту жұмыстарының барысын таныстырды.Саябақтың негізі 2007 жылы қаланған,аумағы 81,85 гектар. 2024 жылы қайта жаңғырту қажеттілігі туындап, жобаны Alem Qurylys AQ серіктестігі қолға алды.Қайта жаңғырту жобасына түзетулер енгізіліп, 300 орындық балалар лагері мен қысқы бақ сияқты әлеуметтік нысандар қосылды. Жоба бойыншабірнеше нысан мен қоғамдық кеңістіктер салу көзделген. Атап айтқанда, аллея, &nbsp;субұрқақ, &nbsp;амфитеатр, спорт, би, балалар ойын алаңдары, workout, демалыс аймақтары, фудкорт, теннис үстелдері, айналмалы дөңгелек аттракцион, тамақтану орындары, велосипед және жүгіру жолақтары, сахна, сарқырама каналдары мен олардың үстінен өтетін көпірлер, шахмат, баскетбол және футбол алаңдарықарастырылған.Ботаникалық бақ аумағында абаттандыру және көгалдандыру жұмыстары жүргізілуде.Абаттандырылатын жалпы аумақ 2,41 гектар, бақ ішіне Оңтүстік Африка, Оңтүстік және Орталық Америка, Қытай, Жапония, Мадагаскарда өсетін жасыл желек отырғызылады.Балалар лагерінің құрылысына 6,02 гектар жер бөлінген, бұл аумақта әкімшілік ғимарат, іс-шараларға арналған ивент-аймақ, 4 тұрғын корпус, қонақүй үлгісіндегі шағын ғимарат, 5 дәстүрлі киіз үй, ашық бассейн, стадион, футбол алаңы, сахна, өзге де демалыс және техникалық нысандар салу жоспарланған.Астана шағын ауданынан Президент саябағына дейінгі жаяу жүргіншілер көпірінің жоба-сметалық құжаттары әзірленуде. Онда шолу алаңы, жаяу жүргіншілер жолы мен веложолдар, жапырақ пішініндегі 7 демалыс аймағы қарастырылған.&nbsp;Бұдан бөлек, инвестор қаражаты есебінен «Rixos» бес жұлдызды қонақ үйі салынуда. Қонақ үйде 150 нөмір, мейрамхана, саябақ аймағы және автотұрақ болады. Сондай-ақ қасында тоғыз қабатты 15 тұрғын бой көтеріп келеді.<img src="https://knadmin.beoblood.kz/uploads/Prezident_sayaba_y_zha_yru_zh_mystary_2_eefb0c9bc8.jpg" alt="Президент саябағы жаңғыру жұмыстары 2.jpg">

Аймақ басшысы Президент саябағын қайта жаңғырту жұмыстарымен танысты

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев ҚР Парламенті Мәжілісінің депутаты Аян Зейнуллинмен кездесті. Кездесуде өңірдің ауыл шаруашылығы саласында, елді мекендердің инфрақұрылымын дамытуда атқарылған жұмыстар мен алдағы міндеттер талқыланды.<blockquote>«Мемлекет басшымыз Қасым-Жомарт Кемелұлының 2022 жылы қараша айында Қазақстан Республикасы Президенті лауазымына кіріскеннен кейін ең алғашқы қол қойған Жарлығы «Ауылдық аумақтарды дамытудың 2023-2027 жылдарға арналған тұжырымдамасы» екені белгілі. Ауылдарды дамыту мемлекеттік саясаттың маңызды стратегиялық мақсаттарының бірі болғандықтан, Мемлекет басшысы Үкімет пен облыс әкімдеріне субсидияларды, басқа да қаржылай қолдауларды тиімді әрі мақсатты пайдалануды тапсырды. Басты меже – ауыл халқының табысын, өмір сүру сапасын арттыру. Бүгінде аймақта 447 мың тұрғын, яғни халықтың 53 пайызы ауылда тұрады. «Ауыл – ел бесігі» жобасы аясында бекітілген арнайы әдістемеге сәйкес, 59 тірек, 43 спутник елді мекен айқындалған. 2022-2024 жылдары 78 ауылда 31 млрд. 600 млн. теңгеден астам қаржыға 343 әлеуметтік, инженерлік инфрақұрылымдық &nbsp;жоба жүзеге асырылды», – деді аймақ басшысы.</blockquote>Кездесуде Аян Талғатұлы «Ауыл» партиясының алдағы кезеңге арналған жоспарына тоқталып, өңірдің әлеуметтік-экономикалық дамуына қатысты бастамаларға қолдау білдірді.Айта кетейік, өңірде 7 саяси партияның филиалы жұмыс істейді. Филиалдарда 81 мыңнан астам азамат тіркелген. «Ауыл» партиясының 12 мыңнан астам мүшесі бар. Облыстық мәслихаттағы 3, қалалық мәслихаттағы 1, аудандық мәслихаттардағы 11 депутат «Ауыл» партиясынан сайланған.

Аймақ басшысы мәжіліс депутатымен кездесті

<a href="https://kyzylorda-news.kz/">Kyzylorda-news.kz</a> «Өнер орталығында» облыс әкімі Нұрлыбек Нәлібаев құқық қорғау органдарының бірінші басшыларымен, Парламент Сенатының депутаттары Наурызбай Байқадамов, Руслан Рүстемовпен бірге Қызылорда қаласының тұрғындарын жеке мәселелері бойынша қабылдады.&nbsp;Мемлекет басшысы халыққа арнаған Жолдауында: «Билік пен қоғам арасында тұрақты диалог орнату арқылы ғана қазіргі геосаяси ахуалға бейімделген үйлесімді мемлекет қалыптастыруға болады» деп атап өтті.&nbsp;Кейінгі уақытта азаматтарды жеке қабылдау мемлекеттік органдар мен тұрғындар арасында тікелей және шынайы диалог орнатудың маңызды құралына айналды. Бұл – нақты мәселені шешуге бастайтын пәрменді әрі тиімді тетік, қоғаммен байланыс жасаудың жүйелі жолы. Осындай жеке қабылдауларда жұртшылық өзін толғандырған мәселелерді көтеріп, оның заң аясында шешілу жолдары туралы нақты ақпарат алады.&nbsp;Бүгінгі қабылдауға келгендердің басым бөлігі тұрғын үй, несие, денсаулық, әлеуметтік көмек, жер мәселелерін көтерді.&nbsp; Көпбалалы ана Асфендияров көшесіне газ желісін жүргізіп және жарықтандырып беруді сұрады. Аймақ басшысы қала әкіміне «ҚазТрансгазаймақ» мекемесінің басшылығымен бірге барып, жағдайды зерделеуді, табиғи газға қолы жетпеген тұрғындар мәселесін шешуді тапсырды. Жақын күндері Асфендияров көшесіне газ тартылып, &nbsp;оған қоса демеушілік есебінен жарықтандырылады.&nbsp;Жарқынбаев көшесінің тұрғыны көше бойына жылдамдық бәсеңдеткіш орнату туралы өтініш білдірді. Бұл жерге белгі орнатпас бұрын жол қозғалысы қауіпсіздігі мен кептелістің алдын алу үшін жан-жақты зерделенеді. &nbsp;Қалалық полиция басқармасымен бірлесіп, тиісті жұмыс жүргізіледі.<img src="https://knadmin.beoblood.kz/uploads/ala_t_r_yndaryn_abyldau_2_e76130fdcb.jpg" alt="Қала тұрғындарын қабылдау 2.jpg">Сол жағалау тұрғыны ипотекамен алған пәтеріне жоғары қабатта адам тұрмағандықтан, су кеткенін айтты. Аймақ басшысы тұрғын үйді салған мердігер мекемеге мәселені шешу туралы тапсырма берді. &nbsp;Еске салайық, облыс әкімі &nbsp;2022 жылдан бері облыстық сот төрағасы, облыс прокуроры, ҰҚҚ Қызылорда облысы және Байқоңыр қаласы бойынша департаменті, &nbsp;облыс бойынша экономикалық тергеп-тексеру департаменті, облыстық полиция департаменті басшыларымен бірге жылына екі рет Қызылорда қаласы мен аудандарда тұрғындарды жеке қабылдау өткізіп келеді. Облыс әкімі мен құқық қорғау органдары басшыларының айына бір рет жұртшылықты қабылдаулары да жоспарланған. Оған қоса, облыс әкімінің орынбасарлары аталған құқық қорғау органдары басшыларының орынбасарларымен бірге тоқсанына бір рет халықпен кездеседі.Жеке қабылдауларға тек алдын ала жазылушылар ғана емес, әлеуметтік желіден хабардар болған көпшілік те келеді. Қабылданатын адам санына немесе уақытқа шектеу жоқ, ең соңғы келушіге дейін күтіп, ой-пікірін айтуға мүмкіндік ұсынылады. &nbsp;Негізінен тұрғындардың мәселелерін сол жерде шешуге басымдық беріледі. Кейбір сұрақтардың жауабы түсіндіріледі, бірқатарының шешу жолдары көрсетіледі. Егер орындалуы белгілі бір уақытты талап ететін болса, жауапты тұлғаларға міндет жүктеледі. Ұсыныс-пікірін, өтінішін жеткізушілердің сауалдары назардан тыс қалмайды. Қабылдауда қозғалған мәселелердің барлығы облыс әкімінің ұдайы бақылауында болады.&nbsp;Ашықтық қағидатына негізделген қабылдау барысында 130 астам азаматтың өтініші қаралды. Оның ішінде облыс әкіміне 60 тұрғын жеке сұрақтарын қойды.<img src="https://knadmin.beoblood.kz/uploads/ala_t_r_yndaryn_abyldau_3_249fa51728.jpg" alt="Қала тұрғындарын қабылдау 3.jpg">

Қазақстан және Қызылорда облысының жаңалықтары