International Steppe School of Almaty by NIS оқушылары Шанхайда өткен Tigers Math China 2026 халықаралық математика олимпиадасының финалында үздік нәтиже көрсетті. Әлихан Иманжанов бірінші орын, Сағи Зейін-Ғабиден екінші орын, ал Ерали Ербатыр үшінші орын иеленді.Сайыс қорытындысы бойынша International Steppe School of Almaty by NIS оқушылары олимпиаданың абсолютті чемпиондары атанып, халықаралық білім беру жобаларына қатысу мүмкіндігіне ие болды. Жеңімпаздар келесі жылы Сингапур, Канада және Грекияда өтетін халықаралық финалдарға тегін жолдама, сондай-ақ халықаралық білім беру лагеріне шақырту алды.Tigers Math China 2026 финалы беделді Wycombe Abbey International School базасында өтіп, 25-ке жуық елден келген 8 500-ден астам жас математикті бір алаңға жинады. Қатысушылар қатарында Қазақстан, Өзбекстан, Қырғызстан, Ресей, Әзербайжан, Қытай, Оңтүстік Корея, Сингапур, Малайзия, Индонезия, Вьетнам, Таиланд, Жапония, Үндістан, Филиппин, Біріккен Араб Әмірліктері, Түркия және басқа да елдердің өкілдері болды. 5–12-сынып оқушылары өз білімін, математикалық ойлау қабілетін және стандарттан тыс шешім табу шеберлігін көрсетті.Айта кетейік, Tigers Math – дарынды оқушылардың басын қосатын, зияткерлік бәсекеге, логикалық ойлауды дамытуға және әр елден келген қатысушылар арасында тәжірибе алмасуға мүмкіндік беретін халықаралық математика олимпиадасы.

NIS оқушылары Қытайдағы халықаралық олимпиаданың абсолютті чемпиондары атанды

<a href="https://kyzylorda-news.kz/">Kyzylorda-news.kz</a>&nbsp; Қармақшы ауданы әкімінің тапсырмасына сәйкес аудан әкімінің мүгедектік мәселелері жөніндегі штаттан тыс кеңесшісі А.Серкешбаевтың мүгедектігі бар азаматтарды қабылдау кестесіне сәйкес 2026 жылғы 10–15 шілде аралығында ауданның барлық кент, ауылдық округтерінің және Байқоңыр қаласының тұрғындарымен жоспарлы кездесулер өткізілді.Кездесулердің негізгі мақсаты – мүгедектігі бар азаматтардың әлеуметтік қорғалу деңгейін арттыру, құқықтары мен заңды мүдделерінің сақталуын қамтамасыз ету, сондай-ақ олардың өзекті мәселелерін зерделеу болды.Іс-шара барысында әлеуметтік қолдау шаралары, медициналық-әлеуметтік сараптама, оңалту техникалық құралдарымен қамтамасыз ету, жұмыспен қамту, инватакси қызметі, инфрақұрылым нысандарының қолжетімділігі және өзге де әлеуметтік мәселелер бойынша жан-жақты түсіндіру жұмыстары жүргізілді.Сонымен қатар, тұрғындардың жеке өтініштері мен ұсыныс-пікірлері тыңдалып, көтерілген мәселелер бойынша тиісті түсіндірмелер берілді. Құзырлы мекемелердің қарауын талап ететін ұсыныстар бақылауға алынып, заңнама талаптарына сәйкес тиісті жұмыстар жүргізілетін болады.Мұндай кездесулер ерекше мәртебесі бар азаматтармен тиімді кері байланыс орнатуға, олардың қажеттіліктерін нақты айқындауға және әлеуметтік қолдау тетіктерін жетілдіруге мүмкіндік береді.<figure class="image"><img src="https://knadmin.beoblood.kz/uploads/FB_IMG_1785215145438_7c32500d3b.jpg" alt="FB_IMG_1785215145438.jpg"></figure>

Ерекше мәртебесі бар жандармен кездесу өтті 

<a href="https://kyzylorda-news.kz/">Kyzylorda-news.kz</a>&nbsp; Соңғы жылдары мемлекет тарапынан көрсетіліп жатқан ерекше қолдаудың арқасында облысымыздың құрылыс саласының қарқыны өте жоғары. Ағымдағы жылдың алғашқы алты айында құрылыс жұмыстарының көлемі 131,3 пайызды құрап, республика бойынша екінші орынға шықтық. &nbsp;Бұл туралы Өңірлік коммуникациялар қызметінің ақпарат алаңында өткен баспасөз конференциясында Қызылорда облысының құрылыс, сәулет және қала құрылысы басқармасының басшысы Ерлан Төрәлиев &nbsp;баяндады.<blockquote>- Жыл басынан бері пайдалануға берілген тұрғын үй көлемі 355 мың шаршы метрге жетіп, жоспар 101,3 пайызға орындалды. Ал жыл соңына дейін қаржыландырудың барлық көздері есебінен 950 мың шаршы метр тұрғын үйді пайдалануға беру көзделген.Осы мақсатта Сырдария өзенінің сол жағалауында жалпы 252 пәтерлі жеті қабатты үш кредиттік тұрғын үй салынып жатыр. Сонымен қатар облыс бойынша тұрғын үй кезегінде тұрған азаматтарға 6010 пәтер сатып алу жоспарланған. Бұл бастама шамамен 25 мың тұрғынның баспана мәселесін шешуге мүмкіндік береді. Жаңа тұрғын үй аймақтарын инженерлік-коммуникациялық инфрақұрылыммен қамтамасыз ету үшін 38 жоба жүзеге асырылады, – &nbsp;деді басқарма басшысы.</blockquote><figure class="image"><img src="https://knadmin.beoblood.kz/uploads/brifing_strojka_0771a0e892.jpg" alt="брифинг стройка.jpg"></figure>Спикердің айтуынша өңірде денсаулық сақтау және спорт салаларындағы маңызды нысандардың құрылысы да қарқынды жалғасуда. Сол жағалауда онкологиялық бөлімшесі бар, тәулігіне 100 адам қабылдайтын емханасы қарастырылған 300 орындық көпбейінді аурухана биыл пайдалануға беріледі деп жоспарлануда. Сонымен бірге 500 келушіге арналған емхана, 200 орындық перинаталдық орталық және Титов мөлтек ауданындағы 400 келушіге арналған емхана құрылыстары жүргізілуде.<blockquote>- Жыл соңына дейін халықаралық деңгейдегі жарыстарды өткізуге бейімделген жабық олимпиадалық бассейн, 2000 орындық әмбебап залы және түрлі спорт секциялары орналасқан «Қызылорда арена» спорт кешенінің құрылысы да толық аяқталып, халық игілігіне беріледі. Бұдан бөлек, Мемлекет басшысының Қызылордада өткен Ұлттық құрылтайдың V отырысында берген тапсырмасына сәйкес, облыс орталығында жаңа драма театры мен тәулік бойы жұмыс істейтін, 600 мың кітап қорын сақтауға арналған Президенттік кітапхананың құрылысы басталады, - деді Ерлан Кәрімбекұлы.&nbsp;</blockquote>Өңірде жүзеге асырылып жатқан бұл ауқымды жобалар тұрғындардың өмір сүру сапасын жақсартып қана қоймай, Қызылорданың әлеуметтік және инфрақұрылымдық дамуына жаңа серпін бермек.Фото: Нұрболат Нұржаубай&nbsp;

Құрылыс қарқыны жоғары: Қызылордада ірі  жобалар кезең-кезеңімен жүзеге асуда

<a href="https://kyzylorda-news.kz/">Kyzylorda-news.kz</a>&nbsp; Өңірде әлеуметтік маңызы бар азық-түлік тауарлары бағасының орташа индексі 101,3 пайызды құрады. Бағаның негізсіз өсуіне жол бермеу мақсатында 98 кәсіпкерлік субъектісіне бақылау жүргізіліп, заң талаптарын бұзған кәсіпкерлер әкімшілік жауапкершілікке тартылды. Сондай-ақ тауар бағаларын талапқа сай ресімдемеген 42 кәсіпкерге жалпы 544 мың теңге көлемінде айыппұл салынып, міндетті нұсқамалар берілді. Бұл жөнінде Өңірлік коммуникациялар қызметінің ақпарат алаңында Қазақстан Республикасы Сауда және интеграция министрлігінің Қызылорда облысы бойынша Сауда және тұтынушылардың құқықтарын қорғау департаменті басшысының орынбасары Әділхан Төлегенов баяндады.Спикердің айтынша Қызылорда қаласындағы «Сыбаға», «Асбол» және «Талғат» базарларын жаңғырту жұмыстары жалғасуда. Ал сауда саласына тартылған инвестиция көлемі 21,6 млрд теңгені құрады.<blockquote>«Тұтынушылардың құқығын қорғау саласында алты айда 597 өтініш қаралып, олардың нәтижесінде азаматтарға 10 млн теңге қаражаттың қайтарылуына ықпал етілді. Сонымен қатар 48 кәсіпкерлік субъектісі тексеріліп, әкімшілік айыппұл салынды. Негізгі міндетіміз сауда саласында заң талаптарының сақталуын қамтамасыз етіп, тұтынушылардың құқықтарын қорғау. Бұл бағыттағы бақылау және түсіндіру жұмыстары алдағы уақытта да жалғасады», – деді Әділхан Төлегенов.</blockquote>Департамент құқықтық сауаттылықты арттыру мақсатында семинарлар, ашық есік күндері мен ақпараттық-түсіндіру жұмыстарын тұрақты ұйымдастырып, азаматтарға тегін құқықтық кеңес көрсетуді жалғастыруда.&nbsp;

Саудадағы тұрақтылық пен тұтынушы құқығы басты назарда 

<a href="https://kyzylorda-news.kz/">Kyzylorda-news.kz</a>&nbsp; Жыл басынан бері мемлекеттік еңбек инспекторлары 190 тексеру жүргізді. Нәтижесінде 157 нұсқама беріліп, 385 жұмыскердің еңбек құқығы қалпына келтірілді. Сонымен қатар, жылдық жоспарға сәйкес 17 кәсіпорында профилактикалық бақылау жүргізілді. Бұл туралы Өңірлік коммуникациялар қызметінің ақпарат алаңында ҚР Еңбек және халықты әлеуметтік қорғау министрлігі Мемлекеттік еңбек инспекциясы комитетінің Қызылорда облысы бойынша департаментінің басшысы Бектемір Жұмағұлов баяндады.<blockquote>– Өңірдегі еңбек ұжымдарында тұрақты еңбек ахуалын қалыптастыру және жұмыскерлердің құқықтарын қорғау біздің басты міндетіміз. Осы бағытта мемлекеттік бақылау мен алдын алу шаралары жүйелі жүргізілуде. Есепті кезеңде департаментке жеке және заңды тұлғалардан 1425 өтініш түсіп, заң талаптарына сәйкес қаралды. Әлеуметтік шиеленіс қаупі бар бес кәсіпорын тұрақты бақылауға алынып, тиісті мемлекеттік органдармен бірлескен жұмыстардың нәтижесінде еңбек ұжымдарындағы жағдай тұрақтандырылды. Еңбек тәуекелдері картасы аясында өңірдегі 3001 кәсіпорынға мониторинг жүргізіліп, тәуекелі жоғары және орта деңгейдегі ұйымдармен нақты жұмыстар атқарылуда. Сондай-ақ өңірлік үшжақты комиссия отырыстарында еңбек қатынастары мен міндетті төлемдердің уақытылы жүргізілуі мәселелері тұрақты қаралып келеді, – деді Бектемір Ұлыбекұлы.</blockquote>Спикердің айтуынша кәмелетке толмағандардың еңбек құқықтарын қорғау бағытындағы жұмыстар да назардан тыс қалған жоқ. Жыл басынан бері полиция департаментімен бірлесіп қоғамдық тамақтану орындары, сауда орталықтары, жанармай құю бекеттері мен көлік жуу орындарында профилактикалық рейдтер ұйымдастырылып, Қызылорда қаласындағы 108 нысан қамтылған.&nbsp;Брифинг барысында департамент басшысы еңбек заңнамасының сақталуын қамтамасыз ету, еңбек дауларының алдын алу және жұмыскерлердің құқықтарын қорғау бағытындағы жұмыстар алдағы уақытта да жалғасатыны атап өтілді.

Жұмысшылар құқығы қорғалып, еңбек дауларының алдын алу күшейді

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Мұрат Ергешбаевтың төрағалығымен мәжіліс өтіп, күн тәртібінде өңдеу өнеркәсібін дамыту мәселелері қаралды. Саланың ағымдағы көрсеткіштері талданып, жоспарланған инвестициялық жобалар пысықталды.Облыс әкімі жауапты сала басшыларына инвестициялық жобалардың орындалуын тұрақты бақылауды, құрылыс-монтаж жұмыстарын бекітілген кестеге сәйкес жүргізуді, өндірістік нысандарды жыл соңына дейін толық іске қосуды тапсырды.&nbsp;Сонымен қатар, өндіріс көлемін ұлғайту, жаңа жұмыс орындарын ашу, &nbsp;инвестиция тарту және өңдеу өнеркәсібінің әлеуетін арттыру бағытындағы жұмысты жандандыру міндеттелді. Туындаған мәселелерді жедел шешіп, белгіленген көрсеткіштерді орындау керек.Өткен жартыжылдықтың қорытындысымен облыстың өңдеу өнеркәсібінде 214,8 млрд теңгенің өнімі өндіріліп, былтырғы сәйкес кезеңмен салыстырғанда 13,8% артты. Өңдеу өнеркәсібіндегі өсімге негізгі салалардағы өндіріс көлемінің ұлғаюы ықпал етті. Атап айтқанда, тамақ өнеркәсібінде 11,3%, кокс және мұнай өнімдерін өндіруде 18,6%, металлургия өнеркәсібінде 6%, резеңке және пластмасса бұйымдарын өндіруде 24,8%, өзге де бейметалл минералдық өнімдер өндірісінде 51,4%, машиналар мен жабдықтарды жөндеу және орнату саласында 9,9% өсті.Өңдеу өнеркәсібін одан әрі дамыту үшін &nbsp;42,8 млрд теңгеге 12 инвестициялық жобаны іске асыру жоспарланған. Жобалар толық жүзеге асқанда 380 жаңа жұмыс орны ашылады. Қазір 4 жоба пайдалануға берілді. Олар – «КОМ Хоз Жаңақорған», «Марал Нұр», «Абдулла» шаруа қожалығы және «КЗ Сапа бетон» серіктестіктері. Қалған жобалардың &nbsp;құрылыс-монтаж және іске қосу жұмыстары жоспарға сәйкес жүргізілуде.&nbsp;<figure class="image"><img src="https://knadmin.beoblood.kz/uploads/akimat_54055db2d2.jpg" alt="акимат.jpg"></figure>

Өңдеу өнеркәсібін дамыту мәселелері қаралды 

<a href="https://kyzylorda-news.kz/">Kyzylorda-news.kz</a>&nbsp; «Қазгидромет» РМК еліміз бойынша 2026 жылғы 28 шілде, сейсенбіге арналған синоптикалық жағдай мен қауіпті ауа райы құбылыстарының болжамын жариялады. Оған сәйкес, кей өңірге 47 градус аптап ыстық қайта оралады, ал кейбір облыста күн күркіреп, жаңбыр жауады.Болжамға сәйкес, күндіз республикамыздың бірден 10 облысында аптап ыстық болады деп күтіледі:Қатты ыстық:<ul><li style="text-align:justify;">+35°C – Алматы облысында және Ақмола облысының батысында;</li><li style="text-align:justify;">+35...+38°C – Батыс Қазақстан, Қостанай және Ұлытау облыстарында;</li><li style="text-align:justify;">+35...+39°C – Атырау және Ақтөбе облыстарында;</li><li style="text-align:justify;">+40...+42°C – Қызылорда және Түркістан облыстарында.</li></ul>Өте қатты ыстық:<ul><li style="text-align:justify;">+40...+42°C – Атырау облысында, Қостанай облысының оңтүстігінде, сондай-ақ Ақтөбе облысының батысы мен оңтүстігінде;</li><li style="text-align:justify;">+43...+47°C – Маңғыстау облысында.</li></ul><blockquote>«Қазақстанның солтүстік-батысында, солтүстігінде, шығысында, орталығында, оңтүстік-шығысының таулы аудандарында атмосфералық фронтальды бөліктердің әсерінен жаңбыр жауып, күн күркірейді. Күндіз бұршақ жауып, дауыл тұрады, ал еліміздің шығысында қатты жаңбыр жаууы ықтимал», деп хабарлайды «Қазгидромет» РМК-ның баспасөз қызметі.</blockquote>Жоғары қысым өрісінің ықпалынан оңтүстік-батыста, оңтүстікте және солтүстік-батыста жауын-шашынсыз ауа райы күтіледі.<blockquote>«Республика бойынша белең алатын ортақ табиғи құбылысқа желдің күшеюі жатқызылады, оңтүстік-батыста, оңтүстікте шаңды дауыл, ал түнде және таңертең еліміздің солтүстігінде, шығысында, орталығында тұман түсуі мүмкін екені болжанады», деп толықтырады «Қазгидрометтің» баспасөз қызметі.</blockquote>Фото: unsplash

«Күн 47 градусқа дейін қызады»: Еліміздің кей өңірлеріне аптап ыстық қайта оралады

<a href="https://kyzylorda-news.kz/">Kyzylorda-news.kz</a>&nbsp; Қызылорда облысында биыл 6 айда 2 300 тонна балық ауланды. Облыстық табиғи ресурстар және табиғат пайдалануды реттеу басқармасының <a href="https://kaz.inform.kz/news/aralda-aulangan-kanday-balik-turler-zhi-eksporttaladi-d631fa95">мәліметінше</a>, оның 93%-ы Кіші Арал теңізіне тиесілі.<blockquote>— 1 808 тонна балық өнімі 12 шет мемлекетке экспортталды. Оның басым бөлігі — тыран, торта, алабұға, шортан, көксерке. Өңделген өнім түрлерінен көксерке сүбесі, тыран қанаттары, балық фаршы, балық сүбесі, мұздатылған балық және балық ұны көбірек жөнелтілді. Бүгінгі күні облыста 11 балық өңдеу зауыты жұмыс жасап тұр. Оның 4-еуінде Еуропалық одақ елдеріне экспорттау құқығын беретін «Еврокод» нөмірлері бар, — делінген хабарламада.</blockquote>Биыл көл-тауарлы балық шаруашылықтары 2 765 тонна тауарлы балық өсіреді деп жоспарланып отыр. Бүгінде мұндай шаруашылықтар саны 80-ге жетіп отыр.&nbsp;Фото: Қызылорда облыстық табиғи ресурстар және табиғат пайдалануды реттеу басқармасы

Сыр өңірінде балық шаруашылығы қарқынды дамып келеді

<a href="https://kyzylorda-news.kz/">Kyzylorda-news.kz</a>&nbsp; Мұстафа Шоқай атындағы орталық алаңда ауыл жастарының шығармашылығын қолдау, ұлттық құндылықтар мен мәдени мұраны дәріптеу мақсатында ұйымдастырылған «Ауыл Vibe, Retro Night» байқауы өз жалғасын тапты.Мерекелік шараға Шиелі ауданы әкімінің орынбасары Болатбек Ысмағұлов қатысып, қатысушылар мен көрермендерді құттықтады. Болатбек Ысмағұлов өз сөзінде мұндай жобалардың ауыл жастарының шығармашылық әлеуетін дамытуға, ұлттық өнерді насихаттауға және ауылдар арасындағы мәдени байланысты нығайтуға ықпал ететінін атап өтіп, барлық қатысушыларға сәттілік тіледі.Байқаудың басты мақсаты – тұрғындардың бос уақытын тиімді ұйымдастыру, жастардың қоғамдық белсенділігін арттыру, ауылдардың мәдени әлеуетін таныту, ретро әндерді жаңғыртып, оларды заманауи технологиялар мен жасанды интеллект мүмкіндіктері арқылы жаңа форматта көпшілікке ұсыну. Сонымен қатар, жоба Мемлекет басшысы Қасым-Жомарт Кемелұлы Тоқаевтың цифрландыру мен жасанды интеллект технологияларын дамыту жөніндегі бастамаларын қолдап, мәдениет пен өнер саласында заманауи технологияларды тиімді пайдаланудың маңызын айқындай түседі.Байқау барысында Тартоғай және Еңбекші ауылдық округтерінің өнерпаздары сахна төрінде өз өнерлерін паш етіп, туған өлкенің тарихы мен мәдениетін, ұлттық салт-дәстүрлері мен шығармашылық әлеуетін көрермен назарына ұсынды. Кеш аясында ретро әндерден құралған концерттік бағдарлама, заманауи музыкалық қойылымдар мен шығармашылық нөмірлер көпшілікке көтеріңкі көңіл күй сыйлады.Фото: Шиелі ауданы әкімінің баспасөз қызметі

Ретро әндерге жаңа тыныс: Шиеліде ерекше шығармашылық байқау ұйымдастырылды

<a href="https://kyzylorda-news.kz/">Kyzylorda-news.kz</a>&nbsp; Сырдария ауданының әкімі Берік Сәрменбаев ауданға қарасты Асқар Тоқмағанбетов және Сәкен Сейфуллин ауылдарындағы білім беру ұйымдарына барып, 2026–2027 оқу жылының дайындық жұмыстарымен танысты. Білім беру ұйымдарының материалдық-техникалық жағдайын қарап, жаңа оқу жылын талапқа сай ұйымдастыру бағытында атқарылып жатқан жұмыстарды бағамдады.Жұмыс барысында аудан басшысы мектептердің оқу кабинеттерін, асханасын, спорт залын, шағын орталықтарын және өзге де нысандарын аралап көрді. Сондай-ақ оқушыларды жаңа оқу жылында қабылдауға барлық жағдайдың жасалуы, санитарлық талаптардың сақталуы және білім беру процесінің кедергісіз ұйымдастырылуы басты назарда болуы қажеттігін айтты.Сонымен қатар, мектептердің жылу қазандықтарының жай-күйімен танысып, алдағы жылыту маусымына дайындықты уақытылы әрі сапалы аяқтауды тапсырды. Балалардың қауіпсіздігін қамтамасыз ету, білім беру ұйымдарының қалыпты жұмысын ұйымдастыру және барлық дайындық жұмыстарын белгіленген мерзімде аяқтау жөнінде жауапты тұлғаларға нақты міндеттер жүктеді.Фото: Сырдария ауданы әкімінің баспасөз қызметі

Берік Сәрменбаев білім беру ұйымдарының жаңа оқу жылына дайындығын тексерді

<a href="https://kyzylorda-news.kz/">Kyzylorda-news.kz</a>&nbsp; Бүгін, 2026 жылғы 27 шілдеде Қазақстанның Ішкі істер министрлігі жасөспірімдерге үндеу жасап, әлеуметтік желілерде өздерін қалай қорғау керектігін түсіндірді, деп хабарлайды <a href="https://kaz.zakon.kz/kogam-tynysy/6084937-m-leumettk-zhel-oldanatyn-zhassprmderge-mayzdy-eskertu-zhasady.html">Zakon.kz</a>.Жасөспірімдерге интернеттегі қауіпсіздік қарапайым, бірақ маңызды ережелерді сақтаудан басталатыны ескертілді.<blockquote>"Әлеуметтік желілер адамдармен араласуға, білім алуға және өмірдегі оқиғалармен бөлісуге мүмкіндік береді. Алайда ашықтық қауіп-қатерге себеп болмауы керек", – деп ескертті ІІМ баспасөз қызметі.</blockquote>Осыған байланысты ведомство қауіпсіздіктің негізгі ережелерін атап өтті.ІІМ жасөспірімдерді:<ul><li style="text-align:justify;">Мекенжайыңызды, телефон нөміріңізді, оқитын мектебіңізді, сабақ кестесін және сіздің орналасқан жеріңізді анықтауға мүмкіндік беретін басқа да жеке мәліметтерді жарияламаңыз.</li><li style="text-align:justify;">Геолокацияны көрсететін фото мен стористі нақты уақыт режимінде салмаңыз. Ондай материалдарды сол жерден кеткеннен кейін ғана бөліскен дұрыс.</li><li style="text-align:justify;">Достар қатарына тек жеке танитын адамдарды ғана қосыңыз.</li><li style="text-align:justify;">Парақшаңыздың құпиялық баптауларын реттеп, жарияланымдарыңызды тек сенімді адамдар көретіндей етіп қойыңыз.</li><li style="text-align:justify;">Бейтаныс адамдарға жеке фотоларыңызды, құжаттарыңызды немесе өзге де құпия ақпаратты жібермеңіз.</li><li style="text-align:justify;">Егер бейтаныс адам сізге шамадан тыс назар аударып, жеке мәліметтеріңізді сұраса, қайда жүргеніңізді білетінін айтса немесе қорқытуға тырысса, онымен байланысты бірден тоқтатыңыз.</li><li style="text-align:justify;">Күмәнді аккаунтты бұғаттаңыз. Мұндай жағдайлар туралы міндетті түрде ата-анаңызға, заңды өкіліңізге немесе сенім артатын ересек адамға айтыңыз.</li></ul>Есіңізде болсын: сіздің қауіпсіздігіңіз жазылушылар саны мен лайктардан әлдеқайда маңызды. Цифрлық ортада қауіпсіздік ережелерін сақтау жеке деректеріңізді қорғауға және ықтимал қауіптердің алдын алуға көмектеседі.&nbsp;Фото: pixabay.com

ІІМ әлеуметтік желі қолданатын жасөспірімдерге маңызды ескерту жасады

<a href="https://kyzylorda-news.kz/">Kyzylorda-news.kz</a>&nbsp; 23 тамыз күні өтетін Құрылтай сайлауы кезінде мүгедектігі бар науқаннан тыс қалмайды. Олар үшін барлық қолайлы жағдайлар жасалады.Қызылорда облысының аумақтық сайлау комиссиясы жергілікті әкімдікпен бірлесіп сайлаушылардың дауыс беруін кедергісіз ұйымдастыруды көздейді.Аймақ бойынша бүгінде мүгедектігі бар адамдардың 21431-інің &nbsp;сайлауға қатысуға құқығы бар.Олар үшін әрбір учаскеде қолжетімді мүмкіндіктер қарастырлған дейді науқанды ұйымдастыруға жауаптылар.<blockquote>- &nbsp;Біз әрбір учаскенің мүгедектігі бар сайлаушы үшін қолайлы әрі қауіпсіз болуына баса мән береміз. Себебі әрбір дауыс маңызды және азаматтардың еркін таңдау жасау құқығын қамтамасыз етуге міндеттіміз. Өңірде көру қабілеті, есту қабілеті және тірек-қимыл аппараты бұзылған сайлаушылар тіркелген. Атап айтқанда, көру қабілеті бұзылған – 5 928, есту қабілеті бұзылған – 1 339, кресло-арбамен қозғалатын 2 376 сайлаушы бар. Бүгінгі күнге республикалық қолжетімділіктің интерактивті картасына 386 сайлау учаскелерінің 359-нің мәліметтері енгізілген. Себебі қалған учаскелер азаматтардың уақытша болу учаскелері яғни жабық учаскелер,-деді Қызылорда облысының аумақтық сайлау комиссиясының мүшесі Бақытжан Ідірісов.</blockquote>Дауыс беру күні мүгедектігі бар сайлаушыларды сайлау учаскелеріне жеткізу үшін 67 инватакси қызметі жұмылдырылады. Оның ішінде 12 автокөлік кресло-арбамен қозғалатын адамдарды тасымалдауға бейімделген.Сонымен қатар, дауыс беру күні облыс бойынша 45 онлайн сурдоаудармашы ымдау тілі қызметін көрсетеді.Айта кетейік, 4 тамыздан бастап аумақтық сайлау комиссиялары үкіметтік емес ұйымдардың өкілдерімен бірлесіп, сайлау учаскелерінің мүгедектігі бар сайлаушылар үшін қолжетімділігін бағалау мақсатында мониторинг жұмыстарын жүргізеді.

Қазақстан және Қызылорда облысының жаңалықтары