<a href="https://kyzylorda-news.kz/">Kyzylorda-news.kz</a> 2025 жылы Қазақстанда жалпы саны 33 жаңа өнеркәсіптік кәсіпорын пайдалануға берілді. Жаңа нысандар еліміздің әртүрлі аймақтарында орналасқан және машина жасау мен металлургиядан бастап химия және жеңіл өнеркәсіпке дейінгі өндірістік бағыттардың кең ауқымын қамтиды. Бұл өз кезегінде өңірлік экономиканы әртараптандыруға, ішкі өндірісті ұлғайтуға және жаңа жұмыс орындарын ашуға мүмкіндік берді.Осы жобалардың бірі – Қызылорда облысында іске асырылған «AynaGlass» айна өндіру зауыты. Жобаның жалпы құны 1,5 млрд теңгені құрайды. Оның ішінде 225 млн теңге кәсіпорынның меншікті қаражаты есебінен, ал 1 275 млн теңге қарыз қаражаты есебінен қамтамасыз етілген.Кәсіпорын 2025 жылдың қараша айында іске қосылып, жылына 720 мың шаршы метр айна өнімін өндіруге қабілетті. Өнім ішкі нарыққа және ТМД елдеріне жеткізіледі. Кәсіпорында 55 тұрақты жұмыс орны ашылған.Аталған жоба 2023 жылы Бірыңғай индустрияландыру картасына енгізіліп, индустриялық аймақ аумағынан 5,11 гектар жер телімі бөлінген. Өндірісті қажетті шикізатпен қамтамасыз ету мақсатында «Orda Glass» шыны зауытымен тиісті келісімшарт жасалған.Жалпы алғанда, 2025 жылы іске қосылған жаңа өнеркәсіптік нысандар өңдеу өнеркәсібінің дамуына серпін беріп, ел экономикасының тұрақты өсіміне және өндірістік әлеуеттің артуына оң ықпал етуде.

Қазақстанда 2025 жылы 33 жаңа өнеркәсіптік кәсіпорын іске қосылды

<a href="https://kyzylorda-news.kz/">Kyzylorda-news.kz</a> Саналы ғұмырын ұстаздыққа арнап, шәкірттерінің бойына тәрбие-білімді сіңіре білген мұғалімдердің мерейі қашанда биік. Бүгінде осы жауапкершілік жүгі зор салада абыройлы еңбек етіп, өңірдің дамуына сүбелі үлес қосқан Үміт Қосекеева мерейлі 75 жасқа толып отыр.&nbsp;Ардагер ұстаздың мерейтойына орай салтанатты қабылдау өтіп, қала әкімінің орынбасары Ділмұхамед Абызов ҚР Білім беру ісінің үздігі Үміт Қажығалиқызына Қызылорда қаласының ең жоғары марапаты – "Құрмет грамотасын" табыстап, сый-құрмет көрсетті.&nbsp;<blockquote>– Ұлағатты ұрпақ тәрбиелеу – аса жауапты әрі күрделі міндет болса, Сіз жүрек қалауымен саналы ғұмырыңызды бала бағбаны болуға арнадыңыз. Қасиетті мамандықтың туын түсірмей, тұғырын тіктеп, тәлімін сіңіріп, тағылымын оздырып, жыл сайын жыл құсындай жас түлекті ұшырдыңыз, жаңа буынды бауырыңызға басып келдіңіз. Осы жарқын жолдағы еңбегіңіз ерекше және бәсекеге қабілетті білікті жастарды, мықты тұлға, елжанды азаматтарды қалыптастырған мәртебелі қызметіңіз үшін алғысым шексіз. Кемел келешекке кенен азаматтарды қосып, абыройлы міндеттеріңізді адал атқара білген Өзіңізге мықты денсаулық, отбасыңызға бақ-береке тілеймін! – деді Ділмұхамед Мінуәрбекұлы.</blockquote>Салтанатты қабылдауда қалалық маслихат төрағасы Ибадулла Құттықожаев, қалалық ардагерлер кеңесі төрағасының орынбасары Жұмабек Әлиев, облыстық білім саласы ардагерлері кеңесінің төрағасы Ғалым Бекенов және замандастары мен шәкірттері жүрекжарды лебіздерін жеткізді. Өз кезегінде мерейтой иесі қала басшылығына, әріптестеріне ризашылығын білдірді.Үміт Қосекеева еңбек жолын 1973 жылы Қызылорда облысы, Қазалы ауданындағы №96 Бозкөл орта мектебінде физика пәнінің мұғалімі болып бастаған. Одан әрі Қызылорда қаласындағы №1 мектеп-гимназиясында физика пәнінің мұғалімі, мектеп директорының оқу-тәрбие жұмысы жөніндегі орынбасары, Қызылорда қалалық білім бөліміндегі әдістемелік кабинет меңгерушісі, бас маманы, №15 қалалық гимназияның директоры қызметтерін абыроймен атқарды. Қызмет жасап жүрген уақытта 33 «Алтын белгі», 75 «Үздік аттестат», 174 мемлекеттік грант иелерін шығарды.<img src="https://knadmin.beoblood.kz/uploads/la_atty_staz_2_1900474d94.jpg" alt="Ұлағатты ұстаз 2.jpg">

Ұлағатты ұстазға құрмет көрсетті

<a href="https://kyzylorda-news.kz/">Kyzylorda-news.kz</a> Қызылордада облыс әкімі Нұрлыбек Нәлібаев, Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев, «Қазақстан халқына» қоғамдық қорының басқарма төрайымы Ләззат Шыңғысбаеваның қатысуымен Инклюзивті спорт орталығының салтанатты ашылу рәсімі өтті.Рәсімде аймақ басшысы &nbsp;салауатты өмір салтын ұстанудың маңызын атап өтіп, жиналған қауымды жаңа нысанның ашылуымен құттықтады.<blockquote>«Мемлекет басшысы Қасым-Жомарт Кемелұлы "Түркістан" газетінде жарық көрген «Қазақстан жаңғырудың жаңа кезеңіне қадам басты» атты сұхбатында: «Қазақстан жаңғыру жолында қарышты қадам басып, барынша өркениетті ел бола бастады. Қоғамда өскелең ұрпақтың жарқын болашағы үшін түбегейлі өзгеріс жасау аса маңызды екені туралы нақты түсінік қалыптасты»,- деп атап өтті. Сыр өңірінде Президентіміздің, Үкіметтің ерекше қолдауымен, жерлестеріміздің бекем бірлігінің арқасында байыпты бастамалар қолға алынып, жасампаз жобалар іске асырылуда. Міне, бүгін Өздеріңізбен бірге «Қазақстан халқына» қорының қолдауымен салынған ерекше қажеттілігі бар жандарға арналған Инклюзивті спорт орталығын ел игілігіне табыстаймыз. Жобаны іске асыруға 2 млрд. 900 млн. теңге бөлінді. Мұнда спортшыларымызға арналған волейбол, күрес, жалпы дене дайындығын жасауға арналған залдар қарастырылған. Бір мезетте 131 адамның спортпен жүйелі &nbsp;шұғылдануына мүмкіндік жасалған. Аймағымыздың әлеуметтік-экономикалық дамуына, тұрғындарымыздың әл-ауқатын арттыруға қосқан елеулі үлесі үшін Ләззат Алтынбекқызы басқаратын «Қазақстан халқына» қоры ұжымына Сыр жұртшылығының атынан шынайы ризашылығымызды, зор алғысымызды білдіреміз», – деді Н.Нәлібаев.</blockquote><img src="https://knadmin.beoblood.kz/uploads/Inklyuzivti_sport_ortaly_y_4_dd0f4d1fb9.jpg" alt="Инклюзивті спорт орталығы 4.jpg">Басқосуда саланың дамуына елеулі үлес қосқан спортшылар мен инклюзивті спорт орталығын сапалы етіп салған мердігер мекеме қызметкерлері облыс әкімінің Алғыс хатымен марапатталды. Ләззат Шыңғысбаева, Наурызбай Байқадамов пен Мұрат Әбенов сөз сөйлеп, ізгі тілектерін жеткізді.Айта кету керек, «Қазақстан халқына» қоғамдық қорымен тығыз әріптестік байланыс орнатылғанның арқасында өңірімізде бірлескен жобалар жүзеге асып келеді. Қор 12 млрд. 851 млн. теңге қаржыны маңызды әлеуметтік бастамаларға қолдау көрсетуге бағыттады.Білім беру саласына, ауыл мектептерінің материалдық базасын нығайтуға &nbsp;5 млрд. теңгеден астам қаржы қаралды. Денсаулық сақтау, әлеуметтік қорғау салаларында 5 млрд. теңгенің &nbsp;жобалары іске асырылуда.<img src="https://knadmin.beoblood.kz/uploads/Inklyuzivti_sport_ortaly_y_2_aed5e0cee0.jpg" alt="Инклюзивті спорт орталығы 2.jpg">Спорт инфрақұрылымын дамытуға бөлінген 2 млрд. 728 млн. теңгеге былтыр Шиелі, Жалағаш аудандарында жаңа спорт кешендері салынып, пайдалануға берілді. Сырдария, Қармақшы аудандарындағы спорт нысандары жаңа құрал-жабдықтармен қамтамасыз етілді. Тағы 6 спорт кешенінің базасын нығайту жоспарланған.Тұрғындардың бұқаралық, кәсіби спортпен айналысуына барлық мүмкіндік қарастырылған. Өңірде кәсіпкерлер демеушілігімен, ұлттық компаниялар және спорт федерацияларының қолдауымен жүзеге асқан маңызды жобалар бар.2022 жылдан бері 23 спорт нысаны, атап айтқанда &nbsp;Орталық стадион, Теннис, Инклюзивті спорт орталықтары, 20 спорт кешені салынды. «Ауыл – ел бесігі» бағдарламасы аясында елді мекендерде тағы 4 спорт кешені ел игілігіне табысталады.Аймақта алғаш рет ерлер мен әйелдерге арналған «Қызылорда бокс клубы» жұмысын бастады. Қазақстан футбол федерациясының қолдауымен Қызылорда қаласындағы Ғани Мұратбаев атындағы стадионның қосалқы алаңы мен Жалағаш ауданының орталық стадионы күрделі жөндеуден өтіп, ел игілігіне &nbsp;берілді.Жергілікті кәсіпкерлердің демеушілігімен 1 млрд. 600 млн. теңгеге 80 спорт ойын алаңы салынды. Облыс орталығындағы ірі жобалардың бірі - аумағы 25 мың шаршы метрлік &nbsp;«Қызылорда Арена» көпбейінді спорт кешені.Бұл нысанда олимпиадалық стандарттарға сай 50 метрлік бассейн, Азия, Әлем чемпионаттарын өткізуге арналған 2 500 орындық зал, олимпиадалық спорт түрлеріне арналған жаттығу залдары болады.<img src="https://knadmin.beoblood.kz/uploads/Inklyuzivti_sport_ortaly_y_bca89d3556.jpg" alt="Инклюзивті спорт орталығы.jpg">

Қызылордада инклюзивті спорт орталығы ашылды

<a href="https://kyzylorda-news.kz/">Kyzylorda-news.kz</a> Облыс аумағында қысқы кезеңде су айдындарындағы қауіпсіздікті қамтамасыз ету мақсатында «Мұз» профилактикалық акциясы өткізілуде. Акцияның негізгі мақсаты – тұрғындарға мұз үстіндегі қауіпсіздік ережелерін түсіндіру және балық аулау кезінде орын алуы мүмкін жазатайым оқиғалардың алдын алу. Бұл туралы бүгін Өңірлік коммуникациялар қызметінің ақпарат алаңында облыстық ТЖД Төтенше жағдайлардың алдын алу басқармасының бастығы Жандос Досымов айтты.<blockquote>– Қараша айынан бастап мұз қабаты толық ерігенге дейін дүйсенбі, сәрсенбі және сенбі күндері сағат 14:00-ден 19:00-ге дейін жауапты сала мамандарының қатысуымен рейдтік-профилактикалық іс-шаралар тұрақты түрде жүргізілуде. Ауа райының жылынуына байланысты мұздың еру қаупі артып отырғанын ескере отырып, тұрғындарға су айдындарында, әсіресе балық аулау кезінде қауіпсіздік талаптарын қатаң сақтауды сұраймыз, – деді Жандос Досымов.</blockquote>Сонымен қатар, православтық христиандардың «Крещение Господне» мерекесі қарсаңында су айдындарында қауіпсіздік шараларын сақтау аса маңызды. Белгіленбеген және арнайы жабдықталмаған орындарда, құтқару қызметтері мен медицина мамандарының қатысуынсыз шомылуға қатаң тыйым салынады. Сондай-ақ, мұз үстінен суға тікелей сүңгуге, алкогольдік ішімдік ішіп, мас күйінде шомылуға болмайды.<blockquote>– 19 қаңтар күні атап өтілетін «Крещение Господне» мерекесіне байланысты қауіпсіздік пен қоғамдық тәртіпті қамтамасыз ету жөнінде арнайы іс-шаралар жоспары бекітілді. Осы бағытта ТЖД қызметкерлері рейдтік жұмыстар жүргізіп, жағдайды бақылауда ұстайтын болады. Қазгидрометтің мәліметіне сәйкес, қаңтардың 18-19 күндері ауа температурасы күндіз -10,-15, түнде &nbsp;-20, -25 градус аяз болады деп болжануда. Осыған байланысты тұрғындарды барынша сақ болуға шақырамыз. Айта кету керек, Қызылорда облысы аумағында «Крещение Господне» мерекесі кезінде шомылуға рұқсат етілген және арнайы жабдықталған орындар жоқ. Барлық іс-шаралар Қызылорда қаласындағы шіркеу аумағында өтеді, – деді Жандос Ерланұлы.</blockquote><img class="image_resized" style="width:100%;" src="https://knadmin.beoblood.kz/uploads/Akcziya_po_bezopasnosti_na_vodoyomah_v_Kyzylordinskoj_oblasti_cc08836e41.jpg" alt="Акция по безопасности на водоёмах – в Кызылординской области.jpg">Фото: freepik.com

Облыста су айдындарындағы қауіпсіздікке бағытталған «Мұз» акциясы өтуде

<a href="https://kyzylorda-news.kz/">Kyzylorda-news.kz</a> Мемлекет басшысы жүргізіп отырған ауқымды экономикалық реформалар жағдайында 2025 жылы прокурорлар мемлекет мүдделерін 1,1 трлн теңгеден астам сомаға қамтамасыз етті.Мемлекет пайдасына мемлекеттік қаражатты жұмсау, мемлекеттік сатып алу, қоршаған ортаны қорғау және жер қойнауын пайдалану, жерлерді ұтымды пайдалану және басқа да салаларда 470 млрд теңге көлемінде ақша қаражаты мен мүлік тәркіленді.Бас прокуратура қаржы және әділет министрліктерімен бірлесіп мемлекеттік мүлікті басқарудың заңдылығына жүргізілген бір ғана тексерудің нәтижесінде 3 жылдан астам уақыт бойы шоттарда бұғатталып тұрған және бюджетке төленбеген 193 млрд дивидендтерді төлеу бойынша шаралар қабылданды.Мемлекет меншігіне Алатаудың тау етегінде, Каспий теңізінің жағалауында, Бурабай ұлттық паркінде орналасқан олигополиялардың жері, сондай-ақ жылдар бойы мақсатты түрде пайдаланылмаған қоғамдық жайылымдар мен өзге де алқаптар – ауыл шаруашылығы мақсатындағы жердің барлығы 800 мың гектар қайтарылды.Нәтижесінде бірқатар өңірлерде жайылым тапшылығы мәселесі іс жүзінде шешілді – прокурорлар ауылдық аумақтардың барлық тұрғындарына оларды пайдалану мүмкіндігі мен қолжетімділігін қамтамасыз етті.Президент бекіткен ішкі саясат қағидаттары мен «Таза Қазақстан» тұжырымдамасы аясында табиғат пайдаланушылармен келтірілген 25 млрд көлеміндегі экологиялық залал өтелді.Цифрлық технологияларды, ғарыштық мониторингті және жасанды интеллект элементтерін пайдалана отырып, прокурорлар экологтармен бірлесіп 3,8 мыңнан астам заңсыз қоқыс орындарын жойды.Прокурорлық қадағалау актілері бойынша құрылыс салушылармен 300 мыңнан астам жаңа жасыл желектер отырғызылды.Мемлекеттік басқарудың тиімділігін арттыру туралы Президенттің Жарлығын орындау шеңберінде прокурорлар жергілікті атқарушы органдардың шығыстарын оңтайландырып, 255 млрд теңге көлеміндегі қажетсіз мемлекеттік шығындардың жолын кесті. Бұл – тұтас бір өңірдің жылдық бюджетімен салыстыруға болады.Павлодар мен Атырауда жергілікті органдар арнайы техника мен пәтерлерді нарықтық бағасынан үш есе қымбат бағамен сатып алуды жоспарлаған.Прокурорлар бұл сатып алуларды тоқтатып, қаражат өзге әлеуметтік қажеттіліктерге және инфрақұрылымды жақсартуға бағытталды.Прокурорлардың өтінішхаттары мен наразылықтары бойынша 300-ден астам азаматтық және әкімшілік іс бойынша шешімдер қайта қаралды, оның ішінде мемлекет пайдасына 22 млрд теңге өндірілді.Мысалы, менің наразылығым бойынша мемлекеттен екі жеке компанияның кредиттік берешегі үшін 1,2 млрд теңге өндіріп алу жойылды.Керісінше, менің наразылығым бойынша орындалмаған қару-жарақты жөндеу жұмыстары үшін мемлекеттік қорғаныс тапсырысының пайдасына 800 млн теңге өндірілді.Қоғам мен мемлекеттің экономикалық мүдделерін қорғау саласындағы прокурорлық қадағалаудың тиімділігі, соның ішінде цифрлық технологиялар мен жасанды интеллект элементтерін жұмысқа енгізу есебінен артып келеді.Берік Асылов, Қазақстан Республикасының Бас ПрокурорыФото: Нұрболат Нұржаубай

Мемлекетке 1,1 трлн теңгеден астам сома қайтарылды: 2025 жылғы прокурорлық қадағалау қорытындысы

<a href="https://kyzylorda-news.kz/">Kyzylorda-news.kz</a> Қызылорда облысындағы жұмыс сапары барысында Мәжіліс депутаттары, «AMANAT» партиясы фракциясының мүшелері Мұрат Әбенов, Мархабат Жайымбетов, Мұрат Ергешбаев қайта жаңғыртудан өтіп жатқан Президент саябағындағы жұмыстарды көрді. &nbsp;2007 жылы негізі қаланған саябақтың аумағы – 81,85 гектар. 2024 жылы нысанды жаңғырту қажеттілігі туындап, жобаны «Alem Quryly AQ» серіктестігі жүзеге асыруда. Жобаға енгізілген өзгерістерге сәйкес мұнда 300 орындық балалар лагері мен ботаникалық бақ салу көзделген. Сонымен қатар аллеялар, субұрқақтар, амфитеатр, спорт және балалар ойын алаңдары, workout аймақтары, фудкорт, велосипед және жүгіру жолақтары, сахна, сарқырама каналдары, баскетбол және футбол алаңдары бой көтермек. Балалар лагерінің құрылысына 6,02 гектар жер бөлініп, бұл аумақта әкімшілік ғимарат, іс-шараларға арналған ивент-аймақ, 4 тұрғын корпус, қонақ үй типіндегі шағын ғимарат, 5 дәстүрлі киіз үй, ашық бассейн, шағын футбол алаңдары және өзге де демалыс нысандары салынуда. Бұдан бөлек, инвестор қаржысы есебінен 150 нөмірлі «Rixos» бес жұлдызды қонақ үйі және тоғыз қабатты 15 тұрғын үй құрылысы жүргізілуде.Мәжіліс депутаттары бұл жобаның өңір тұрғындары үшін қауіпсіз әрі заманауи демалыс кеңістігін қалыптастыруда маңызы зор екенін атап өтті.Мархабат Жайымбетовтің айтуынша, соңғы екі жылда өңірде 200-ден астам әлеуметтік нысан салынған, жүзге жуық нысан қайта жаңғыртылуда. Президент саябағын абаттандыруға 14 млрд теңге бөлінсе, 6 млрд теңгеге аумағы 2,41 гектар ботаникалық бақ салынып жатыр. Бақта әлемнің түрлі аймақтарына тән өсімдіктер отырғызылмақ. Сондай-ақ Астана шағын ауданынан Президент саябағына дейін Сырдария өзені арқылы өтетін жаяу жүргіншілер көпірінің жобалық-сметалық құжаттары әзірленуде.<blockquote>«Барлығын көзбен көріп, таныстық. Балалар лагерінің салынуы өте қатты қуантып отыр. Себебі өңірде жыл бойы жұмыс жасайтын тынығу лагері жоқ. Ботаникалық бақ та алдағы уақытта экологиялық аймақ тұрғындарының таза ауада тыныстап, денсаулығын нығайтуыға ықпал ететіні сөзсіз»,- деді Мархабат Жайымбетов.&nbsp;</blockquote>Сапар барысында депутаттар «Қызылорда автобус паркі» ЖШС-не қарасты жаңа автовокзалға барып, Мемлекет басшысының «Таза Қазақстан» жалпыұлттық экологиялық бағдарламасы аясында іске қосылған «Эко такси» қызметінің жұмысымен танысты.Мұрат Әбенов бұл жобаның маңыздылығына тоқталып, отандық «Апару» жүйесіне негізделген такси қызметін өзге өңірлерге де енгізу қажеттігін айтты. Оның сөзінше, бұл жүйе жүргізушілердің әлеуметтік қорғалуын қамтамасыз етіп, табыстың ел ішінде қалуына мүмкіндік береді.<blockquote>«Қазір біз Парламентте «Яндекс» такси қызметін көтеріп жатырмыз. Бұл бағытта көп сын айтылады. Бұл такси қызметі пайызын өте жоғары алады 25 пайызға дейін. Жүргізушілердің денсаулығын тексермейді, айлық жалақысын бермейді. Зейнетақы &nbsp;жарнасын, әлеуметтік төлемдерін төлемейді. &nbsp;Сақтандырылмаған. Бақылау жоқ. Мұнан түскен қаржының барлығы шет елге кетіп жатыр. Бұл үлкен проблемма. Ал, Қызылордада қолға алынып отырған такси қызметі «Апару» Қазақстандық жүйесіне қосылған екен. Әр жүргізуші бір рейс үшін 60 теңге төлейді. Қалған тапсырыстан түскен қаржы жүргізушіге түседі. Яғни үйлестіруші мекемелер арқылы жүргізушінің жалақысы, әлеуметтік төлемдері толық аударылады. Сонымен бірге әрбір жүргізуші күнделікті медициналық бақылаудан өтеді. Бұл азаматтардың қауіпсіздігі үшін өте маңызды. Бұл қызметтің барлығын мемлекеттік органдар қадағалап отыр. Сондықтан бұл жобаны басқа өңірлерге де енгізіп, отандық жүйені қолдауымыз керек. Сонда түскен қаржы шет елге емес, еліміздің бюджетіне түсетін болады»,- деді Мұрат Әбенов.&nbsp;</blockquote>Атап өтейік, «Эко такси» 2024 жылдың 30 қыркүйегінде қызметін бастады. БҰл жұмыстарға облыстық бюджеттен 999 млн. теңге қаржы бөлініп, «JAC EJ7» маркалы 100 дана электромобиль сатып алынған. «Эко такси» қызметіне тапсырысты жолаушылар «Жұлдыз такси», APARU және «Яндекс такси» қосымшалары арқылы бере алады.

Мәжіліс депутаттары әлеуметтік маңызды жобалармен танысты 

<a href="https://kyzylorda-news.kz/">Kyzylorda-news.kz</a> Белгілі әнші, KeshYou тобының бұрынғы әншісі Айдана Меденова Instagram-дағы парақшасында орамалсыз түскен видео жариялады, деп жазады <a href="https://kaz.nur.kz/showbiz/career/2330088-aidana-medenova-oramalsyz-video-zhariialap-zheli-qoldanushylaryn-oilantyp-qoidy-video/">KAZ.NUR.KZ.</a>Бірнеше жыл бұрын орамал тағып, сахнадан кеткенін мәлімдеген Айдана Меденова күні кеше әлеуметтік желідегі парақшасына орамалсыз түскен видео жүктеді. Видеодан әнші гитараның сүйемелдеуімен "Өйткені өмір" деген әнді орындап отырғанын көруге болады. Бұл видеодан кейін желі қолданушыларының пікірі екіге бөлінді. Бірі орамалды шешкен видеосын жүктегені үшін даттап жатса, өнерін сүйетін қауым оны әншілікке "қайта оралғаны үшін" құттықтап жатыр. Әзірге әншінің өзі ешқандай мәлімдеме жасап, көпшілік алдына шықпады.<blockquote>"Бәріне не болған орамалдарын шешіп?", "Әйел адамның имандылығы бір орамалмен емес ,жүрек тазалығымен ,жан- дүниесі таза болса.Аллаға деген ниеті түзу болса болды", "Айдана қызым,өте қуаныштымын, өнеріңді тастама, ең бастысы өзіңнің жүрегіңді тыңда, ешкімнің хақы жоқ саған қалай өмір сүруді үйретуге, ол сенің өмірің. Ақылыңнан айналдым, еш уақытта артыңнан жаман сөз ерген емес, жүрегің таза ең бастысы, біз тілекшіміз. Сені өнердің биігінде көргіміз келеді! Ақ жол", "Өзіңізбен болуды емес, басқалардың ойымен болуды таңдағаныңыз өте өкінішті", "Сіз орамал да жүрген кезде қызығушы едім мен де орамал ға қашан келер екенмін деп , басыңыздағы тәжіңізді босқа шештіңіз негізі Алланың берген үлкен сыйы еді", "Таңқалатын түк жоқ соған келе жатты го. Алла өз орамалымыздан айырмасын", - делінген хабарламада.</blockquote>Фото: instagram/aidanamedenova_officialpage

Айдана Меденова оқырмандарын ойландырып қойды

<a href="https://kyzylorda-news.kz/">Kyzylorda-news.kz</a>&nbsp;Облыс әкімі Нұрлыбек Нәлібаев ҚР Парламенті Мәжілісінің депутаты, “Ақ жол” демократиялық партиясы төрағасының орынбасары Қазыбек Исамен кездесті. Кездесуде ауылдардың инфрақұрылымын дамыту, кәсіпкерлік бастамаларға қолдау көрсету, әлеуметтік салада атқарылған істер мен алдағы міндеттер талқыланды.<blockquote>«Ауылдық аумақтарды дамытудың 2023-2027 жылдарға арналған тұжырымдамасында» &nbsp;стратегиялық мақсаттар белгіленген. Мемлекет басшысы Үкімет пен облыс әкімдеріне шаруашылықты өркендетуге берілетін субсидияларды, басқа да қаржылай қолдауларды тиімді әрі мақсатты пайдалануды тапсырды. Біздің басты міндетіміз – ауыл халқының табысын, өмір сүру сапасын арттыру. &nbsp;Біздің аймақ тұрғындарының &nbsp;53 пайызы ауылда тұрады. «Ауыл – ел бесігі» жобасы аясында арнайы әдістеме бекітілгені белгілі. Ол бойынша 59 тірек, 43 спутник елді мекен бар. 2022-2024 жылдары 78 ауылда 31 млрд. 600 млн. теңгеден астам қаржыға 343 әлеуметтік, инженерлік- инфрақұрылымдық &nbsp;жоба жүзеге асырылды», – деді аймақ басшысы.</blockquote>Кездесуде Қазыбек Иса «Ақ жол» партиясының алдағы кезеңге арналған жоспарына тоқталды. Өңірдің әлеуметтік-экономикалық дамуындағы бастамалар, атқарылған жұмыстар туралы ой-пікірін бөлісті.Айта кетейік, өңірде 7 саяси партияның филиалы жұмыс істейді. Филиалдарда 81 мыңнан астам азамат тіркелген.&nbsp;

Аймақ басшысы мәжіліс депутатымен кездесті

<a href="https://kyzylorda-news.kz/">Kyzylorda-news.kz</a>&nbsp;Облыс әкімі Нұрлыбек Нәлібаевтың қатысуымен Қызылорда қаласының Титов шағын ауданындағы 135 пәтерлік тұрғын үйдің пәтер кілттерін табыстау рәсімі өтті. Аталмыш тұрғын үй кезекте тұрған халықтың әлеуметтік жағынан осал топтарына берілді. Рәсімге Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев, «Қазақстан халқына» қоғамдық қорының басқарма төрайымы Ләззат Шыңғысбаева, құқық қорғау органдары мен жауапты сала басшылары, зиялы қауым өкілдері, қала тұрғындары қатысты.Аймақ басшысы қарқынды құрылыс алаңына айналған қаладағы игілікті істерге тоқталып, &nbsp; жаңа пәтер иелерін құттықтады.<blockquote>«Осы жыл жаңа бастамалар мен жарқын жоспарлар жүзеге асатын, береке мен бірлігімізді бекемдейтін кезең болмақ. Бүгін, міне жерлестеріміздің баспаналы болу қуанышына ортақтасып, пәтер кілтін табыстау рәсіміне жиналдық. Президентіміздің, Үкіметтің қолдауымен барлық салада серпінді жобалар жүзеге асып, әлеуметтік-экономикалық даму бағытында оң тенденция қалыптасты. 2022 жылдан бері өңірде 200-ге жуық әлеуметтік нысан салынып, ел игілігіне берілді. Тұрғындарды баспанамен қамтамасыз етуге бағытталған мемлекеттік- әлеуметтік саясат нәтижелі іске асуда. 2022-2024 жылдары тұрғын үй кезегінде тұрған азаматтарға 5 мыңнан астам пәтер табысталды. Алғаш рет барлық ауданда &nbsp;1800-ге жуық жаңа пәтер жерлестеріміздің игілігіне айналды. Қаламызда заманауи жаңа дизайнмен жеті, тоғыз және он екі &nbsp;қабатты тұрғын үйлер бой көтеруде. Аймағымыздың ажарын айшықтап, сәулетіне сән қосатын, өңіріміздің өсіп-өркендеуіне жаңаша серпін беретін құрылыс индустриясын дамытуда құрылысшыларымыздың үлесі орасан зор. Жаңа баспаналарыңыздың іргетасы берік, &nbsp;шаңырақтарыңыз татулық пен берекеге толы болғай!»,- деді Н.Нәлібаев.</blockquote>Салтанатты шарада тұрғын үй құрылысына атсалысқан мамандар облыс әкімінің Алғыс хатымен марапатталып, Мархабат Жайымбетов, Мұрат Ергешбаев сөз сөйледі.Еске салайық, жыл қорытындысымен жалпы өңірлік өнім көлемі 3 трлн. 700 млрд. теңгеге жетіп, 6,5 пайыздық өсім қамтамасыз етілді, 2021 жылмен салыстырғанда 2 есе өсті. Былтыр облыс бюджеті 851 млрд. 300 млн. теңге болып, 2021 жылдан бері 246 пайызға артты. Оның 56 пайызы әлеуметтік салаға бағытталды.<img src="https://knadmin.beoblood.kz/uploads/135_p_ter_pajdalanu_a_berildi_2_44339107c6.jpg" alt="135 пәтер пайдалануға берілді 2.jpg">

Қызылорда қаласында 135 пәтерлік тұрғын үй пайдалануға берілді

<a href="https://kyzylorda-news.kz/">Kyzylorda-news.kz</a>&nbsp;Қызылордада «Сыр жастары» өңірлік бағдарламасымен баспаналы болған 100 жас отбасыға пәтер кілттерін табыстау рәсімі өтті. Оған облыс әкімі Нұрлыбек Нәлібаев, Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев, «Қазақстан халқына» қоғамдық қорының басқарма төрайымы Ләззат Шыңғысбаева, құқық қорғау органдары мен жауапты салалалардың басшылары, зиялы қауым өкілдері, қала тұрғындары қатысты.Аймақ басшысы жаңа пәтер иелерін қоныс тойымен құттықтап, өңірлік бағдарламаның тиімділігін атап өтті.<img src="https://knadmin.beoblood.kz/uploads/akimat_syr_zhastary_1_eb132c762e.jpg" alt="акимат сыр жастары (1).jpg"><blockquote>«Мемлекет басшымыз Қасым-Жомарт Кемелұлы «Еңбек жолын енді бастаған жастардың бірден пәтер сатып алуы оңай емес. Сондықтан жастардың баспана алуына жан-жақты жағдай жасау – мемлекеттің басты міндеттерінің бірі», - деген болатын. Бүгінде облысымыздағы жастар саны 250 мыңға жуық, &nbsp;яғни аймақ халқының 30%-ы. Өткен жылы жастар саясатын дамыту мен қолдауға жергілікті бюджеттен 2 млрд. 105 млн. теңге бағытталды. &nbsp;«Сыр жастары» жеңілдетілген ипотекалық несие беру бағдарламасына 1 млрд. 200 млн. теңге, «Отбасы банк» тарапынан 500 млн. теңге, &nbsp;жобаларды қолдау мен жүзеге асыру үшін 310 млн. теңгеден астам қаржы бөлінді. «Сыр жастары» өңірлік тұрғын үй бағдарламасы 2023 жылы қабылданды. 2024 жылы 100 жас отбасы баспаналы болды. Жастарды мемлекеттік қолдаудың айқын дәлелі ретінде бүгін 100 пәтерлік 2 тұрғын үй білім, медицина, мәдениет, спорт, қаржы, әлеуметтік салаларда қызмет ететін жас отбасыларға табысталуда. Жаңа баспаналарыңыздың іргетасы берік, әр шаңырақтың іші татулық пен берекеге толы болғай!»,- деді Н.Нәлібаев.</blockquote><img src="https://knadmin.beoblood.kz/uploads/akimat_syr_zhastary_2_bd14442762.jpg" alt="акимат сыр жастары (2).jpg">Жиында тұрғын үйлерді салған мердігер мекеме «Nur B group» ЖШС құрылысшылары облыс әкімінің Алғыс хатымен марапатталды. Парламент Сенатының депутаты Руслан Рүстемов сөз сөйлеп, құттықтауын жеткізді. Өңірдің әлеуметтік-экономикалық дамуындағы серпінді жұмыстарды атап өтті.&nbsp;Облыс әкімі және қонақтар өңірлік бағдарламамен пәтер алған жас маманның жаңа пәтеріне кіріп, ізгі тілектерін білдірді. Облыста тұрғындарды баспанамен қамтамасыз етуге бағытталған мемлекеттік- әлеуметтік саясат нәтижелі іске асуда. 2022-2024 жылдары тұрғын үй кезегінде тұрған азаматтарға 5 мыңнан астам пәтер табысталды.Соңғы 3 жылда алғаш рет барлық ауданда 1800-ге жуық жаңа пәтер жерлестерімізге &nbsp;берілді. Ерекше атап өту қажет, қалада заманауи жаңа дизайнмен жеті, тоғыз және он екі қабатты тұрғын үйлер бой көтеруде.<img src="https://knadmin.beoblood.kz/uploads/akimat_syr_zhastary_4_6f9558e941.jpg" alt="акимат сыр жастары (4).jpg">

Қызылордада «Сыр жастары» өңірлік бағдарламасымен 100 жас отбасы баспаналы болды

<a href="https://kyzylorda-news.kz/">Kyzylorda-news.kz</a>&nbsp;ҚР Қорғаныс министрі, авиация генерал-лейтенанты &nbsp;Дәурен Қосанов &nbsp;Қызылорда облысына арнайы жұмыс сапарымен келді.​Қорғаныс министрін облыс әкімінің орынбасары Мейрамбек Шермағанбет күтіп алып, аймақтағы әскери бөлімдер және мекемелердегі &nbsp;техникалардың жай-күйі, &nbsp;қызметшілердің жағдайы, жауынгерлік әзірлігі, жеке құрамның қызмет барысымен танысты.Қызылорда қаласында орналасқан №99215 әскери бөлімі аумақтық қорғаныс бригадасындағы жергілікті бюджет есебінен жүзеге асырылған инфрақұрылымды дамыту жұмыстарын көріп, алдағы жоспарларды тыңдады.Сонымен қатар, №66597 әскери бөлімінде &nbsp;борышын өтеп жүрген сарбаздармен кездесті. Казармалар мен санитарлық аймақтардың жай-күйіне, тамақ сапасы мен &nbsp;сарбаздардың қызмет өткеру барысындағы әскери тәртібі мен тұрмыстық жағдайына назар аударды.Қорғаныс министрі облыстық қорғаныс істері жөніндегі департамент базасында құқық қорғау және әскери құрылым басшыларымен кездесті. &nbsp;Департамент бастығының есебін тыңдап, «Қарулы Күштер ардагерлері» РҚБ облыстық филиалының төрағасы М.Ршауов, &nbsp;«Ауған соғысының ардагерлері мен мүгедектерінің кеңесі» ҚБ төрағасы Ж.Оспановпен жастарға әскери-патриоттық тәрбие беру бағытында пікір алмасты.<img src="https://knadmin.beoblood.kz/uploads/ministr_oborony_RK_6f3b877f24.jpg" alt="министр обороны РК.jpg">

Қорғаныс министрі әскери құрылымдардың жұмысымен танысты

Облыс әкімі Нұрлыбек Нәлібаев, Оқу-ағарту министрі Жұлдыз Сүлейменова, Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев Арал, Қазалы, Қармақшы ауданы орталықтарындағы, Сексеуіл мен Төретам кенттеріндегі теміржол вокзалдарын жөндеу жұмыстарымен танысты. Мемлекет басшысының, Үкіметтің қолдауымен облыс аумағындағы теміржол вокзалдарының барлығына күрделі жөндеу, &nbsp;вокзал маңын абаттандыру жұмыстары қолға алынған. 2023 жылы «Қазақстан Темір Жолы» компаниясының және жергілікті кәсіпкерлердің демеушілігімен 600 млн. теңгеден астам қаржыға Қызылорда қаласындағы теміржол вокзалы ғимараты мен іргелес аумағы жаңғыртылған болатын. Қазіргі таңда барлық ауданда, сондай-ақ Төретам және Сексеуіл теміржол вокзалдарында күрделі жөндеу жұмыстары қарқынды жүргізілуде. Жаңарған инфрақұрылым жолаушыларға қолайлы жағдай жасауға, қауіпсіздік талаптарын күшейтуге мүмкіндік береді. Вокзал ғимараттарының сырты және іші &nbsp;жаңартылып, күту залдары, билет сату орындары және санитарлық тораптар заманауи талаптарға сәйкестендірілуде. Сонымен қатар, инженерлік желілер толық жаңартылып, мүмкіндігі шектеулі азаматтарға қолайлы жағдай жасауға да ерекше көңіл бөлінген. Қазіргі таңда "Арал теңізі" теміржол вокзалында құрылыс- монтаж жұмыстары қарқынды. Шатырдың металлоконструкциясы жиналып, ішкі және сыртқы қабырғалар сылануда. Сексеуіл теміржол вокзалында қатты травертинмен қаптау, кафель төсеу, есіктер орнату, ішкі қабырғаларды әрлеу жұмыстары қарқын алған. Қазалы теміржол вокзалында жөндеу жұмыстары аяқталуға жақын. Ал, Жосалы және Төретам теміржол вокзалдарында сыртқы қабырғаны қатты травертинмен қаптау, еденді кафельдеу, жылу жүйелерін жүргізу, шатырды ауыстыру және сыртқы абаттандыру жұмыстары қолға алынған. Жаңғырған вокзалдар аймақтың әлеуметтік-экономикалық дамуына оң серпін береді.<img src="https://knadmin.beoblood.kz/uploads/FB_IMG_1768075174742_134ac7caca.jpg" alt="FB_IMG_1768075174742.jpg">

Қазақстан және Қызылорда облысының жаңалықтары