<a href="https://kyzylorda-news.kz/">Kyzylorda-news.kz</a> Жыл басынан бері «Даму» қоры арқылы Қызылорда облысының шағын және орта кәсіпорындары 1 508 жоба қолдау тапты. Оның ішінде субсидиялау бағыты бойынша 852 жоба, кепілдік беру бағыты бойынша 582 жоба, жеңілдікпен несиелеуде 74 жоба қаржыландырылды.<blockquote>– «Даму» Қоры субсидиялау, кепілдік беру және жеңілдікті қаржыландыру құралдары арқылы шағын және орта кәсіпкерлікке қолдау көрсетеді. Субсидия құралының шарты бойынша кәсіпкерлердің несие мөлшерлемесінің бір бөлігін мемлекет «Даму» Қоры арқылы өтеп береді. Нәтижесінде қарыз жүгі жеңілдеп, ай сайынғы төлемдер азаяды. Бұл «Даму» Қоры жүзеге асырып жатқан субсидия құралының тиімді екенін көрсетеді. Кәсіпкерлер несиенің төлемінен үнемдеген қаражатын кәсіпорынның дамуына жұмсай алады. Кепілдік құралы несие алу үшін банктер талап ететін кепіл болмаған кезде бизнесті ашуға немесе дамытуға мүмкіндік береді. Қызылорда облысында 2010-2023 жылдар аралығында мемлекеттен қолдау алған кәсіпкерлер 4 мыңнан астам жаңа жұмыс орнын ашты, ал бюджетке түскен салық 136 млрд.теңгені құрады», - деп атап өтті «Даму» Қорының Қызылорда облысы бойынша филиалы директорының орынбасары Руслан Сламхан.</blockquote><img src="https://knadmin.beoblood.kz/uploads/Memleketten_oldau_al_an_k_sipkerler_4_my_nan_astam_zh_mys_ornyn_ashty_1_8131cd4732.jpg" alt="Мемлекеттен қолдау алған кәсіпкерлер 4 мыңнан астам жұмыс орнын ашты 1.jpg"><img src="https://knadmin.beoblood.kz/uploads/Memleketten_oldau_al_an_k_sipkerler_4_my_nan_astam_zh_mys_ornyn_ashty_2_28ad1cdd7d.jpg" alt="Мемлекеттен қолдау алған кәсіпкерлер 4 мыңнан астам жұмыс орнын ашты 2.jpg"><img src="https://knadmin.beoblood.kz/uploads/Memleketten_oldau_al_an_k_sipkerler_4_my_nan_astam_zh_mys_ornyn_ashty_3_3a2fa335bb.jpg" alt="Мемлекеттен қолдау алған кәсіпкерлер 4 мыңнан астам жұмыс орнын ашты 3.jpg">

Мемлекеттен қолдау алған кәсіпкерлер 4 мыңнан астам жұмыс орнын ашты

<a href="https://kyzylorda-news.kz/">Kyzylorda-news.kz</a> Бүгінде үш кезең шеңберінде Жалпыға бірдей декларациялау жүйесімен 4 млн астам адам, оның ішінде мемлекеттік қызметшілер, квазимемлекеттік сектор басшылары, бизнес өкілдері мен олардың жұбайлары қамтылды. Бұл шамамен 4,8 млн адамды құрайды, деп хабарлайды&nbsp;<a href="https://egemen.kz/">Egemen.kz</a>&nbsp;Қаржы министрлігінің Мемлекеттік кірістер комитетіне сілтеме жасап.Халыққа ыңғайлы болу үшін салық төлеушінің кабинеті арқылы декларацияларды тапсыру бойынша электронды сервистер жолға қойылған. Айталық, бүгінде (cabinet.salyk.kz), «Электронды үкіметтің» веб-порталы (egov.kz), e-Salyq Azamat (салық әмияны), eGov mobile, Halyk, «Банк Центр кредит» және «Kaspi» мобильді қосымшалары&nbsp; көпшілікке қолжетімді.Азаматтардың қалған санаттары бойынша декларацияларды ұсыну бойынша міндеттемелер 2025 жылы жалғасады. Атап айтқанда, 4 кезеңде зейнеткерлер, үй шаруасындағы азаматшалар, студенттер және т.б. қамтылуға тиіс. Бұл шамамен – 8 млн адам құрайды.Мемлекет басшысының Жалпыға бірдей декларациялау тәсілдерін қайта қарау туралы тапсырмасын іске асыру үшін елімізден тыс активтері бар адамдарды қоспағанда, азаматтардың осы санатын активтері мен міндеттемелері туралы декларацияларды ұсынудан босату ұсынылып отыр.<blockquote>«Бұған мемлекеттік органдардың деректер базасын цифрландыру, қолма-қол ақшасыз төлемдердің жоғары үлесі (86%), автоматтандырылған салықтық бақылау, халықаралық келісімдер шеңберінде қаржылық шоттар бойынша деректер алмасу, сондай-ақ цифрлы қызметтердің кең қолжетімділігі ықпал етіп отыр. Қаржы министрлігі шетелде активтері бар тұлғаларға, сайлауға түсуге құқығы бар азаматтарға, мемлекеттік лауазымға орналасуға және оларға теңестірілген кандидаттар үшін, сондай-ақ банктердің, бағалы қағаздар нарығының, сақтандыру ұйымдарының ірі қатысушылары болғысы келетіндер үшін активтер мен міндеттемелер туралы декларацияны (250.00 СЕН) ұсыну жөніндегі міндетті сақтауды ұсынып отыр», делінген хабарламада.</blockquote>Сондай-ақ азаматтарға активтер мен міндеттемелер туралы декларацияны өз еркімен ұсыну құқығы берілетінін атап өткен жөн.Бұл ретте мемлекеттік қызметшілерге, квазимемлекеттік және жеке компаниялардың басшыларына, құрылтайшыларға (оның ішінде 25% астам және одан да көп акция иеленушілерге), олардың жұбайларына, сондай-ақ Қазақстан Республикасынан тыс жерлерде активтері бар және (немесе) дербес салық салынатын табыс алған адамдарға кірістері мен мүлкі туралы жыл сайынғы декларацияны (270.00 СЕН) тапсыру жөніндегі міндет сақталады.Қосымша құны 20 000 АЕК (74 млн теңге) асатын ірі сатыпалым жасаған тұлғалар үшін осындай міндетті белгілеу ұсынылды.Фото: Қаржы министрлігінің Мемлекеттік кірістер комитеті

Жеке тұлғаларды активтер мен міндеттемелер туралы декларацияны тапсырудан босату ұсынылды

<a href="https://kyzylorda-news.kz/">Kyzylorda-news.kz</a> Ерекше&nbsp;мемлекеттік&nbsp;тіркеу&nbsp;нөмірлерін&nbsp;қалай&nbsp;тегін&nbsp;алуға&nbsp;болатындығы&nbsp;туралы айтатын боламыз.Қазақстандықтардың&nbsp;көпшілігі&nbsp;өз&nbsp;көліктерін&nbsp;әдемі&nbsp;нөмірлік&nbsp;белгілермен&nbsp;ерекшеленгісі&nbsp;келеді. Дегенмен, әдемі&nbsp;нөмірлік&nbsp;белгілерVIP санатына&nbsp;жатпауы&nbsp;мүмкін. Бүгін&nbsp;біз&nbsp;сізге VIP нөмірдің&nbsp;жай "әдемі" нөмірден&nbsp;қалай&nbsp;ерекшеленетінін&nbsp;және оны қалай&nbsp;сатып&nbsp;алуға болатыңдығын&nbsp;айтамыз.VIP немесе&nbsp;жоғары&nbsp;сұранысқа&nbsp;ие&nbsp;нөмірлер&nbsp;әдеттегіден&nbsp;әріптер мен сандық&nbsp;комбинациялардың&nbsp;арнайы&nbsp;жиынтығы&nbsp;мен&nbsp;және&nbsp;бағасымен&nbsp;ерекшеленеді. 010, 020, 030, 040, 050, 060, 070, 077, 080, 090, 707 VIP нөмірлер&nbsp;құны 57 АЕК (210 330 теңге) құрайды. Ең&nbsp;қымбат VIP нөмірлер - 001, 002, 003, 004, 005, 006, 007, 008, 009, 777 бірдей&nbsp;әріптік&nbsp;белгілермен 285 АЕК немесе 1 051 650 тұрады.Нормативтік-құқықтық&nbsp;актілерде&nbsp;белгіленген&nbsp;талаптарға&nbsp;сәйкес&nbsp;жоғары&nbsp;сұранысқа&nbsp;жатпайтын МТНБ автоматтандырылған&nbsp;ақпараттық&nbsp;жүйеде&nbsp;айқындалған&nbsp;кезектілік&nbsp;тәртібімен&nbsp;беріледі.Дегенмен, нөмірлерді&nbsp;еркін&nbsp;таңдау&nbsp;мүмкіндігі&nbsp;әлі де бар. Автокөлікті&nbsp;тіркеу&nbsp;кезінде мамандандырылған ХҚКО сізге&nbsp;таңдауға&nbsp;болатын бос нөмірлердің&nbsp;тізімін&nbsp;ұсынады. Еңбастысы&nbsp;ХҚКО-ға&nbsp;ертерек бару, өйткені&nbsp;тізім&nbsp;тәулік&nbsp;сайын&nbsp;жаңартылып&nbsp;отырады.

Ерекше мемлекеттік тіркеу нөмірлерін қалай тегін алуға болады?

<a href="https://kyzylorda-news.kz/">Kyzylorda-news.kz</a>&nbsp;Үкімет соңғы жылдары халықтың әл-ауқатын, білімі мен денсаулық жағдайын жақсартуға бағытталған мақсатты бағдарламаларды қабылдап, жүзеге асырып келеді. Соның маңызды бір саласы – ауызсу мәселесі. Ибн Синаның «Ауру көбінесе ішкен астан пайда болады, соның ішінде әсіресе ауызсудан болады» деп ескерткеніндей, халық үшін сапалы ауызсуға қолжетімділіктің маңызы зор.&nbsp;Ел Президенті ҚасымЖомарт Кемелұлы Тоқаев: «Ауызсу мәселесін толық шешу – ең бірінші міндетіміз. Бұл бағыттағы жобалар сапалы, жұмыстар тиянақты болуы тиіс. Жол карталары мен жоспарлар нақтыланып, елді мекендерді 100 пайыз ауызсумен қамту жұмысы жүйелі жүргізілуі керек» деген болатын. Расында, «Дені сау ұлт», «Жаңа Қазақстан» құру жолындағы жүйелі жұмыстың жеміс беруі тікелей ауызсуға байланысты. Өйткені ауыз судың ауылы алыстап тұрған шалғайдағы елді мекендерді жоққа шығара алмаймыз. Бір жұтым тұщы су үшін әбігерге түскен халыққа сандық жүйенің сиқырын айтып, «Цифрлы Қазақстан» құрамыз деу де әбестік болар. Бастысы, шиеліліктер Президент пәрменіне басымдық беріп, бұл мәселенің толық шешім табуына талпынып келеді. Елдегі ахуалды егжей-тегжейлі тарқатпай-ақ, аудандағы атқарылып жатқан жұмыстарды тізбектеп көрелік. 2024 жылдың 9 айын түйіндеп, 10-шы айдың соңына таядық. Аудан әкімінің тоғыз айлық есебіне сүйенсек аудан халқының 99,9 пайызы, яғни 39 елді мекеннің 95 пайызы ауызсумен қамтылған. Ауызсуды сарыла күткен Қызылқайың, Қосүйеңкі елді мекендерінде бұл мәселе шешімін тауыпты, яғни ауызсу жүйесінің құрылысына 447 млн теңге қаржы бөлініп, пайдалануға берілген. Сондай-ақ Жуантөбе елді мекеніне су тұшытқыш (блок-модуль) орнатуға қажетті 17 млн теңге бөлініп, олда іске қосылған. Демек, енді алға бір қадам жасап, әлеуметтік бағдарламалардың әлеуетін пайдалансақ, аудан халқы 100 пайыз ауызсумен қамтылмақ. Ендігі меже Ақтам, Лесхоз елді мекенінде. Қос ауылға су тұшытқыш орнатуға аудандық бюджеттен 40 млн теңге қаржы қаралып, мемлекеттік сатып алу жұмыстары жүргізілу үстінде. Сонымен қатар Бұланбай бауы, Тұрсынбай датқа елді мекеніне ауызсу ұңғымасы, су мұнарасы, су қоймасы және ішкі желілерін жаңалау үшін құрылыс жұмыстарына 897 млн теңгеге ЖСҚ әзірленіп, Құрылыс және тұрғын үйкоммуналдық шаруашылық істері комитетіне бюджеттік өтінім ұсынылған. Алдағы уақытта қаржы қаралса, бұл түйткілдің де түйіні тарқатылмақ. Дәл сол секілді 1-Мамыр, Жаназар батыр және Майлытоғай елді мекендеріндегі ауызсу ұңғымасы, су мұнарасы, су қоймасы және ішкі желілерін жаңалау үшін құрылыс жұмыстарына 28,5 млн теңгеге жобасметалық құжаттама әзірленіп, сараптама қарауына ұсынылғанын да айта кетейік. Міне, осындай көлемдегі ірі қаржыны мемлекет тек бір ғана – халықты сапалы ауызсумен қамту мәселесіне арнамақ. Халық денсаулығы жолында мұндай мол шығын жұмсау – екі елдің бірінің қолынан келмесі де ақиқат. Бастысы, бөлінген қаржы бүлінбей, халық толық сапалы ауызсуға қол жеткізсе болғаны. Сонда бұқараның тұрмыс сапасы артып, әлеуметтік-экономикалық ахуал да алға жылжи түспек.&nbsp;Гүлнәр ДҮЙСЕБАЙ

Шиеліде ауызсудан тапшылық жоқ

<a href="https://kyzylorda-news.kz/">Kyzylorda-news.kz</a> Әдеттегідей тілшілік тіршілікпен апта басында Жалағаш кентінен шалғайда орналасқан Аққыр ауылындағы №188 орта мектепке аялдадық. Мектеп директорының міндетін атқарушы Гүлмира Әлімовамен білім ордасының тынысымен танысып жүріп, бастауыш сыныпта оқитын балғын бүлдіршіннің «Апай, мен өскенде сіз секілді ұстаз болып, туған жеріме қызмет еткім келеді» деген алғаусыз арманын естіп, мұндағы ұлағатты ұстаздардың шәкірттеріне қандай үлгілі жан екенін аңғардық.&nbsp;Иә, алтын ұядағы ұлағатты ұстаздардың тынымсыз еңбегі оларды жыл сайын үлкен жетістіктерге жеткізіп келеді. Гүлмира Әбдіразаққызының айтуынша, аядай ауылдағы алтын ұяда соңғы 6 жылда білім алған әр жылғы түлектердің барлығы ҰБТ-ға қатысып, 100 пайыз мемлекеттік грант иегері атанған.&nbsp;<blockquote>– Ауыл мектебі аудан орталығынан алыс демесеңіз, оқуышыларға білім алу үшін мұнда ешқандай кедергі жоқ. Биыл жаңа оқу жылын 157 оқушымен бастадық. Оның 15-і мектепалды даярлық тобына келсе, 21-і 1 сыныпқа қабылданды. Сондай-ақ биыл 10 оқушымыз алтын ұя мектебімен қоштасады, – дейді Г.Әлімова.&nbsp;</blockquote>Гүлмира Әбдіразаққызының сөзінше, мектеп ұжымы оқушыларды ҰБТ-ға тыңғылықты дайындайды. Мәселен, былтыр мектептен түлеген 9 оқушы түгел ҰБТ-ға қатысқан. Қуантарлығы, барлығы да еліміздегі маңдайалды жоғары оқу орындарында білім алуға мемлекеттік грант жеңіп алған. Сондай-ақ 2 түлек «Үздік аттестат» иегері атанған.&nbsp;Биыл түлектердің де аяқ алысы жаман емес. Олардың барлығы ҰБТ-ға қатысуға ниетті. Жаңа оқу жылы басталысымен мектепішілік сынама тесттерден жақсы нәтижеге қол жеткізіп үлгерген түлектердің 3-еуі – «Үздік аттестатқа» үміткер. Дайындықты одан әрі күшейтіп, ауылдағы алтын ұяның абыройын асқақтатуды мақсат еткен түлектердің басым бөлігі ұстаздарының жолын жалғамақ.&nbsp;Айта кетейік, мектепте 31 ұстаз жұмыс істейді. Оның 4-еуі – педагог-зерттеуші, 10-ы – педагог-сарапшы, 13-і – педагог-модератор.&nbsp;Жаңа оқу жылы басталысымен мектеп мақтанышына айналған Мұқағали Сейсенбай «Ұлы өнертапқыштыққа алғашқы қадам» атты аудандық сайыстың «Авиация саласындағы модельдер» бағыты бойынша І орын алып, облыстан арнайы алғыс хат иеленген.&nbsp;<blockquote>– Бала күнімнен робот құрастыруға, әртүрлі заттардан машина, ұшақ жасауға қызығамын. Жетекшіммен бірге ізденіп, бұл байқауға бір ай дайындалдық. Бірлесіп пенопластан пилотсыз ұшатын аппарат, яғни ұшақ жасап, оған дрон орнатып, жоғары көтерілуге бағыттадық. Алдағы уақытта жобамызды әлде де жетілдіріп, бірнеше қызмет түрін бір мезетте жасай алуын қамтамасыз етеміз деген жоспарымыз бар, – дейді жас өнертапқыш.&nbsp;</blockquote>Сондай-ақ мектепте арнайы «Жасыл мектеп» бұрышы жасақталған. Мұнда оқушылар гүлдер мен жеміс-жидектер, көкөністер егеді. Қазіргі таңда фиикус, шефлера, кактус, геран, роза, әйел бақыты, алоэ, бархат, шырмауық сынды 20-дан аса гүл түрі бар. Мұнан бөлек қияр, қызанақ, ащы бұрыш, салат шөптерін егіп, балаларды ерте еңбекке баулуға, ауыл дақылдарын егіп, оны баптауға үйретеді.&nbsp;Мектепте қазіргі таңда «Темірбек Жүргенов» апталығы өтуде. Мақсат – оқушыларды қоғам қайраткерінің өмірі мен қолжазбаларымен таныстырып, жас ұр-пақты отансүйгіштікке, өз елінің әдебиетіне құрметпен қарауға тәрбиелеу. Апталық аясында мектептегі кітапханада да бірқатар шара мен көрмелер ұйымдастырылған. Кітапханашы Алма Әбдіреваның айтуынша, жаңа оқу жылы басталысымен алғаш мектеп табалдырығын аттаған бүлдіршіндерге «Кел досым, кітапханаға» атты шара өткен. Басты мақсат – оқушыларды кітапханамен, ертегі кітаптармен таныстырып, оқуға деген құштарлығын арттыру. Сондай-ақ оқушылардың шығармашылықпен айналысуына септігін тигізетін ордада түрлі танымдық шаралар мен мәнерлеп оқу жа¬рыстары жыл сайын өткізіліп келеді. Қазіргі таңда кітапханада 11 676 кітап болса, оның&nbsp;9196-сы – оқулық. 493-і – көркем әдеби кітап.&nbsp;Мұнан бөлек оқушылардың бос уақытын тиімді пайдаланып, оларды спортқа беймідеу де бір жолға қойылған. Ауылдағы алтын ұяның оқушылары баскетбол, волейбол, шахмат, футбол, тоғызқұмалақ сынды үйірмелерге үзбей қатысуда.&nbsp;Мектеп ұжымы оқушылардың жазғы тынығуын тиімді өткізу мақсатында былтыр міндетті оқу қоры есебінен Жалағаш кентіндегі «Ақтерек» тынығу лагеріне 12 оқушыны, «Қазақстан халқына» қоғамдық қорының «QH Жаздық жолдама» қайырымдылық жобасы аясында «Қуаныш» тынығу лагеріне 1 оқушы, Алматы қаласындағы «Тау жанашыры» лагеріне ауылдағы жеке кәсіпкерлер есебінен 2 оқушы жіберілген. Сондай-ақ «Мектепке жол» акциясы аясында түлектер мен бірқатар кәсіпкер 25 оқушыға киім-кешек, оқу-құралдарымен толық қамтамасыз еткен.&nbsp;«Бала қауіпсіздігі бәрінен маңызды, ас мәзіріндегі тамақтардың дәмді әрі құнарлы болуы өзімнің тікелей қатаң бақылауымда» деген Гүлмира Әбдіразаққызы мұнда биыл 105 бала ыстық тамақпен қамтамасыз етілгенін айтты. Оның 62-сі бастауыш сынып оқушылары болса, 19-ы – аз қамтылған отбасылар баласы.&nbsp;«Білекті бірді жығар, білімді мыңды жығар» демекші, аядай ғана ауылда 11 жыл бойы алған білімін сын сағатта сынайтын сәтке оқушыларды үлкен жауапкершілікпен дайындайтын алтын ұяның ұстаздары әрбір шәкірттің білім нәрімен сусындап, бәсекеге қабілетті жас болып қалыптасуына одан әрі аянбай күш жұмсай бермек. Шалғай ауылдағы алтын ұяның бүгінгі тынысымен танысқанда түйген ойымыз осы.&nbsp;Ақтоты БҮРКІТБАЙ

 Жалағаш: Озат оқушы – мектеп мерейі

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен «Қыс-2024» республикалық штабтық оқу-жаттығуы өтті. Жаттығудың республикалық штабы Көкшетау қаласында орналасқан.Оқу-жаттығу осы жылдың 21-22 қарашасы аралығында азаматтық қорғау мемлекеттік жүйесінің және халықтың қысқы кезеңде төтенше жағдайларды жоюға дайындығын, қабілетін арттыру, азаматтық қорғау қызметтері мен құрылымдарының төтенше жағдайға ден қою әзірлігін тексеру мақсатында өткізіледі.Командалық-штабтық жаттығулар, авариялық құтқару қызметтерінің және азаматтық қорғау құрылымдарының практикалық іс-қимылдары пысықталады. Саптық қарауға азаматтық қорғау, авариялық-құтқару құтқару қызметтерінен 49 техника, 119 қызметкер қатысады. Оқу-жаттығу барысында электр сиреналары іске қосылып, құлақтандыру жүйесіне техникалық тексеру жүргізіледі.<img src="https://knadmin.beoblood.kz/uploads/respublikaly_shtabty_o_u_zhatty_uy_bastaldy_1_d8e52e7dff.jpg" alt="республикалық штабтық оқу-жаттығуы басталды 1.jpg"><img src="https://knadmin.beoblood.kz/uploads/respublikaly_shtabty_o_u_zhatty_uy_bastaldy_2_3fb7b6f2b0.jpg" alt="республикалық штабтық оқу-жаттығуы басталды 2.jpg"><img src="https://knadmin.beoblood.kz/uploads/respublikaly_shtabty_o_u_zhatty_uy_bastaldy_3_cb2c788901.jpg" alt="республикалық штабтық оқу-жаттығуы басталды 3.jpg">Фото: Қызылорда облысы әкімінің баспасөз қызметі

«Қыс-2024» республикалық штабтық оқу-жаттығуы басталды

<a href="https://kyzylorda-news.kz/">Kyzylorda-news.kz</a> Қазіргі таңда жан бағудың қамымен жанталасып жүрген біздің толқынның арасында өскелең ұрпақтың денсаулығын ойлап жүрген жан бар ма екен?! Бала – біздің болашағымыз дейміз. Ал сол балдырғанның саулығына аса мән беріп қарап жүрміз бе? Бүгінде балалар арасындағы көздің көру қабілетінің төмендеуі күрделі мәселенің бірі болып отыр. Дәрігерлердің айтуына қарағанда, балалар арасында ең көп кездесетін дерт – анемия. Екінші орында – көз аурулары.&nbsp;Көз – адамның көру мүшесінің ең нәзік әрі өте күрделі, жанды жері. Тәндегі өзге сырқаттың да жанардың кемуіне жанама әсерлері көп. Әсіресе, сусамыр және жүйке аурулары. Сондай-ақ мектеп жасындағы балалар ішінде ішкі без аураларымен ауыратын балалардың саны жыл өткен сайын белең алуда. Бұл да өзекті мәселе. Тіпті тілі шықпаған балалардың өзі таң атқаннан кешке дейін теледидар, ұялы телефон қарайды. Бесіктен белі шықпай жатып, планшет, компьютер, ұялы телефонға әуес балалардың көз ауруы қаупі күшейетіндігін ешкім ескере қоймайды. Мұны да ата-ана елеусіз қалдырмаса екен. Осы тақырып аясында аудандағы біраз ата-анамен тілдесіп көрген едік, 100 пайызы бұның дұрыс емес екенін жеткізді. – Расымен, күйбең тіршіліктің әсерінен кейде балаларымызға уақыт таппаймыз. Бірақ, соңғы кездері баламның денсаулығына аса мән беріп қарайтын болдым. Кейде ойлап қарайсың, бұрынғының балалары қолы-аяққа тұрмайтын қағілез еді. Қазіргілердің қолына ұялы телефонды беріп қойсаң болды, өзімен-өзі алданып отырады. Тіпті, жылауын қойса екен деп біз де оған телефонды ұстатқызып қоямыз. Алайда, ол балаға психологиялық тұрғыдан қатты әсер етеді екен, – деді көпбалалы ана Әсем. Шынында, халық жасанды тамаққа жақын болып кетті. Дастарқанда дәмді ет тұрса да, кішкентай балалар ет жей бермейді. Ал сапасы күмәнді жасанды тамақтар табиғи астың құнарын ауыстыра алмайды. Одан қалды фаст-фуд, бургер, пицца бар. Білікті дәрігерлердің айтуынша, тамақтану дұрыс болмаған соң, ішек дұрыс жұмыс істемейді. Осыдан барып, әлжуаз балалар шыға келеді. Қазақстан офтальмологтарының мәліметінше, мектеп оқушыларының 70-80 пайызының көзі дұрыс көрмейді. Себебі неде? Балалар арасында миопия яғни, алыстан көрмеушілік жылдан-жылға артып отыр. Статистикаға қарағанда елде әрбір 5-ші бала алыстан көрмейді. Офтальмологтар мұның себебін көзге шектен тыс салмақ түсірумен байланыстырып отыр. Олардың айтуынша, балалардың көз жанарын сақтау үшін гаджеттерді қолдануды шектеу керек. Ал әлемде қалай? Өркениеті дамыған, техникаға мығым, жаһандағы жаңалықтың денін ойлап тауып жатқан Корея елінде де бүлдіршіндер көз ауруына шалдыға бастапты. Мұның барлығы сол техникадан келген зауал. Есесіне, бұл мәселені қалай шешу керек екенін білетін корей ағайын елінің ертеңі үшін басым техникадан арылтып, балаларды жаппай кітап оқуға көшіріп жатқан көрінеді. Біріншіден, кітап – тасқа басылған ұшан-теңіз білім болса, екіншіден көз жаттығады, көру қабілеті артады. Әрине, ғылыми есепке салып, бағамдайтын корейлер 6-7 жас аралығындағы балаларына небары 10 минут компьютермен айналысуға рұқсат береді. 8-9-дан асқандарының өзі тәулігіне 15 минут қана. Тіпті мектеп оқушылары да айталық, 8-9 сыныптағы жеткіншектер тәулігіне 20-25 минут қана айналысады.&nbsp;Ел болашағын ойлау деген осы болса керек.Маман пікіріСветлана Есболова, офтальмологНегізі 18 жасқа дейінгі балалар арасында нашар көрушілік көп. Тіпті жас бүлдіршіндерде көз ауруы өршіп тұр. Оның себебі балалар ұялы телефон, компьютер, теледидар алдында уақытының көп бөлігін өткізеді. Қараңғыда смартфонға үңіліп, жан-жағына қарамайды. Ал қараңғы уақытта смартфонға қарау зиян. Компьютер мен смартфондарды қолданған кезде арнайы ережені сақтау керек. Оны біздің балалар сақтамайды. Мәселен, компьютер алдында 1-2 сағаттан аса отыруға болмайды. Әр екі сағат сайын 15 минуттан көзді демалдырып, көз жаттығуын жасау қажет. Ал аудандағы жағдай бірқалыпты. Десе де күніне 3-4 баладан ем қабылдауға келеді. Көбінесе өңірде шала туылған балалардың көз түбіндегі қантамырларының жетіспеушігінен балдырғандар ем-домын өткізеді. Ол үшін біз де оларды ай сайын тексерістен өткіземіз. Сіздерге шағын кеңесім болсын: кез келген адам телефон, гаджет, компьютерді қолданған соң міндетті түрде 20 минуттай демалыс беруі керек. Мүмкіндік болса, таза ауаға шығып, 20 минуттай тыныққан дұрыс. Бұл – көз тамырларының босаңсуына мүмкіндік береді. Бұл маманның пікірі. Ал көзілдірікті сенімді серігіне айналдырған жандардың пікірі қандай? Осы тұрғыда адамдардан шағын сауалнама алып көрген едік.Көзілдірікке қанша жасыңыздан бастап тәуелді бола бастадыңыз?Айдос, 16-жас: Мен шамамен 10 жасымнан бастап көзілдірікке тәуелді бола бастадым. Ол кезде көзімнің көру деңгейі аз болды, бірақ уақыт өте келе көзімнің көруі ұлғая түсті.Айтолқын, 20-жас: 10 сыныптан бері көзілдірік тақтым. Көзілдірік кей жағдайларда кедергі жасайды. Ондай кезде жанаспалы линза тағамын.Көздің нашар көруіне генетикалық тұқым қуалаудың қатысы бар деп ойлайсыз ба?Жандос, 17-жас: Көздің нашар көруіне тұқым қуалаудың қатысы бар деп айта алмаймын. Себебі менің ата-анамның да, бауырларымның да көздері 100 пайыз жақсы көреді.Дархан-Жансая, ата-ана: Көздің көрмеуі тұқым қуалайды деп ойлаймыз. Себебі үйдегі барлығымыз көзілдірік тағамыз. Балаларымыз да көзілдірікке әбден үйренген.Көзілдірік тағудың пайдасы немесе зиян бар ма?Қымбат, 21-жас: Көзілдірікті дер кезінде тағу өз басыма мүлдем көмектеспеді. Көзімнің көруі төмендей түсті.Сара, 24-жас:Менің көзілдірік таққаныма 9 жылдай болып қалды. Осы уақыттан бері көзімнің көру деңгейі жоғарыламаса, азайған жоқ. Лазерлық ота туралы ойыңыз?Гүлжайна, 40-жас: Менің қызымның жасы 14-те. Оған 4 жасында миопия деген диагноз қойылған. Дер кезінде ота жасаттық. Қазір нәтиже жақсы.Данияр, 17-жас: Пайдасы тиді. Отаның арқасында линзалар мен көзілдірікті тақпайтын болдым. Иә, бұл біз сауалнама алған адамдардың жауабы.Сондай-ақ бұл жөнінде білікті маман С.Есболовадан сұраған болатынбыз.<blockquote>– Көзілдірік тағу аса қауіпті емес. Линзаға қарағанда көзілдірік тағу пайдалы. Себебі көзлдірік бірте-бірте көзді емдейді, бастысы ыңғайлы және де зияны жоқ. Лазерлық ота жасатсаңыз да, көзілдіріксіз 100 пайыз көре аласыз. Бірақ, күтінбейтін болсаңыз, ол ем-домның зая кеткені. Тақырыпқа тұздық Дәрігерлер көз ауруын асқындырудың салдары – су қараңғылыққа әкелетінін, оған әлемдік озық медицина қауқарсыз екенін ескертеді. Дүниежүзілік денсаулық сақтау ұйымының мәліметінше, әлемде әр минут сайын 1 бала, 5 секунд сайын 1 ересек адам жанарын жоғалтады. Сонымен балалардың дені сау болуы алдымен анасына да байланысты. Сол себептен ана денсаулығын сақтау мәселесі бірінші орынға шығарылуы қажет. Балалар арасында өзгені былай қойғанда неврологиялық аурулармен ауыратын балалар да көбейіп келеді. Оның себебін мамандар алғашқы сатыдан деп есептейді. Яғни, ананың баланы дүниеге әкелуге дайындығының аздығынан. Иә, қалай айтқанда да көзге күтім керек. Олай болса, ертелі-кеш балаңызды алақандай смартфонға үңілдіргенше, бір мезгіл табиғат аясына шығып, өзімізді де, көзімізді де тынықтырған дұрыс болар. Ал егер ушыққан мәселенің уыты қайтпай, көзәйнек киген балалардың қатары күннен-күнге көбейсе, міне сонда ұлт болашағына айықпас кесел болары анық. Барлығын сараптайық, абай болайық!&nbsp;</blockquote>&nbsp;Айнұр ИБРАШФото: turkystan.kz

Светлана Есболова: Көзілдірік тағу аса қауіпті емес

<a href="https://kyzylorda-news.kz/">Kyzylorda-news.kz</a> Күз – береке мен мерекенің, ырыс пен несібенің мезгілі. Егіс алқаптары мен қырман басында қарқынды жұмыс жүріп, тау-тау астықтың ел қамбасына құйылар шағы. Бір сөзбен айтқанда, дала дарабоздарының күн-түн демей тіршілік қылатын кезі. Биыл аққырлық Әбілтай Орынбаев бірінші рет күріш егіпті. Ала жаздай атыз басында тер төккен диқан егістігіндегі өнімнің шығымына қарап, оның бұл салада айтарлықтай тәжірибесі бар-ау дерсің.&nbsp;Таңның атысы, кештің батысына қарамай, алқап басындағы бейнетке ат салысып, егін егіп, суарып, баптап, оны төкпей-шашпай жинап алған аққырлық ағайындардың бүгінде қуанышында шек жоқ. Бұған дейін екі қолға бір күрек тауып, тіршілік қылған олар енді өз нәпақаларын егіс алқабынан табуда. «Ер-Әлі» шаруақо-жалығының күрішшісі, кейіпкеріміз Әбілтай Орынбаев бұған дейін түрлі жұмыстың басын біріктіріп, биыл алғаш рет күріш баптаған. Егіс алқабындағы 5 күрішшінің 4-еуі – аққырлық азамат, біреуі – Жаңаталап ауылының тұрғыны.<blockquote>– Бұрын-соңды күріш егіп көрмегесін бастапқыда сәл қиындау болды. Әйтсе де, уақыт өте келе тәжірибелі диқандардан егіннің қыр-сырын меңгердік. Күріш те бала сияқты, қалай баптасаң, солай өнімін береді. Күріштің дұрыс шығуы үшін, егінжайға орақ түскенше оны уақытылы суарып, ыстық күндері күтімін күшейтіп, көзіміздің қарашығындай қарадық. Алғаш рет егіп отырғандықтан «Қалай болар екен?» деген іштей уайым болғаны рас. Дегенмен күндіз-түні жасаған еңбегіміз еш кетпеді. Жер ана ырыс-несібемізді молынан берді, – дейді дала дарабозы.&nbsp;</blockquote>Иә, кейіпкеріміздің сөзінің жаны бар, баптай білгенге, жер жомарт қой. Алғаш рет егіс алқабында еңбек етсе де, өзіне артылған сенімді ақтауға тырысқан күрішші қамбаға мол өнім құйды. Шаруашылықтағы кәнігі диқандармен қатар кетпен асынып, таң бозарғаннан егістікке қарай бет алып, ала жаздай тыным таппаған. Мамырдың аяғында дәнді сеуіп бастаған ол маусым айының басына дейін егістікке күріштің «Маршал» сұрпын еккен. Дала дарабозының айтуынша, күріш сұрпының пісіп-жетілу мерзімі – 120 күн.&nbsp;<blockquote>– Аяқсудан ешқандай кедергі болған жоқ. Арнайы насоспен суарып, уақытылы күтім жасадық. Келер жылы бұдан да жоғары өнім аламыз деген жоспарымыз бар. Биыл бірінші жыл болғасын білмейтініміз әлі де көп. Жұмысымызды әлі де жетілдіреміз. Алғашқы жылы да толайым өнім жидық, – дейді кейіпкеріміз.&nbsp;</blockquote>Әбілтай Орынбаевтың негізгі мамандығы – жүргізуші. Бүгінге дейін ауылдағы құрылыс саласында еңбек еткен, бау-бақша өнімдерін еккен ол, келер жылы да егістік алқабында өзіндік қолтаңбасын қалдыруға бар күш-жігерін салмақ.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;Ақтоты БҮРКІТБАЙ

Күрішші Әбілтай

<a href="https://kyzylorda-news.kz/">Kyzylorda-news.kz</a> Жаңа оқу жылының басталғанына көп болмады. Әйтсе де Жалағаш ауданына қарасты ақсу ауылындағы оқушылар биылғы оқу жылын жетістікпен бастап үлгерген. Апта басында өскелең ұрпақты оқытып, тәрбиелеуде ерен еңбек етіп келе жатқан ауылдағы №116 орта мектеп ұжымының жұмысымен танысып қайттық.&nbsp;<blockquote>– Мектепте бүгінде 308 оқушы білім алуда. Оның 32-сі – бітіруші түлек. Қазіргі таңда 29-ы ҰБТ-ға қатысуға ниетті. Дайындық өзімнің қатаң бақылауымда. Былтырғы оқу жылында 30 түлек алтын ұя мектебімен қоштасып, ұлттық бірыңғай тестілеуге 23 оқушы қатысуға ниет білдірген. Оның 15-і жоғары оқу орнына, 8-і колледжге грантқа түссе, 7-еуі ақылы оқуға түсті. Сондай-ақ 3 оқушы «Алтын белгі» иегері атанды, – дейді мектеп директоры Дархан Әбдиев.&nbsp;</blockquote>300-ден аса оқушы білім алатын мектепте 61 ұстаз білім беріп, еліміздің келешегін қалыптастыру жолында тынымсыз еңбек етіп келеді. Оның ішінде 15-і педагог-зерттеуші, 11-і педагог-сарапшы, 22-сі педагог-модератор мәртебесін иеленген.&nbsp;Иә, білім мен тәрбиенің алғашқы баспалдағы – бастауыш сынып. Мектеп директорының айтуынша, биыл бірінші сыныпқа 20 бала қабылданған. Бала қауіпсіздігін басты назарда ұстайтын ұжымда 159 бала ыстық тамақпен қамтамасыз етілген. Оның 33-і әлеуметтік аз қамтылған отбасының балалары болса, 126-сы бас-тауыш сынып оқушысы.&nbsp;Мектеп қазіргі заман талабына сай материалдық-техникалық базамен, заманауи кабинеттермен қамтамасыз етіліп, әр кабинет техникалық құралдар мен компьютерлер, интерактивті тақталармен, сондай-ақ әр пәнді терең үйретуге мүмкіндік беретін оқу бөлмелерімен жабдықталған. Атап айтар болсақ, заман талабына сай химия, физика, биология, информатика, IT кабинеті бар.Мұнан бөлек мектепте арнайы дефектолог кабинеті қарастырылған. Мұнда дефектолог Нұртуған Темірхан ерекше қолдауды қажет ететін балалармен жұмыс жасап, оң нәтижеге қол жеткізіп келеді.&nbsp;Сондай-ақ 2022 жылдан бері «Жасыл мектеп» кабинеті бар. Оған жауапты биология пәнінің лаборанты Жанар Боранқұлованың айтуынша, мұнда 6,7,8 сынып оқушылары еккен гүлдер мен түрлі жеміс-жидектер, көкөністер бар.&nbsp;<blockquote>– Кабинетте 25 түрлі гүл бар. Көктемге дейін гүл өсірумен айналысамыз. Яғни фиикус, шефлера, кактус, геран, роза, әйел бақыты, алоэ, шырмауық, бархат, лимон талы және тағы басқалары бар. Сондай-ақ қияр, қызанақ, ащы бұрыш, тұщы бұрыш, салат шөптері, жүгері, бидай, пияз бар, сәбізді&nbsp; қазан айының басында егіп, қаңтар айында жинаймыз, – дейді Жанар Боранқұлова.&nbsp;</blockquote>Оның айтуынша, оқушылар мұнда сабақтан тыс уақытта да келіп, әр өсімдікті өз қолдарымен баптап, ол өнім бергенше күтімін жасайды. Сол арқылы олар ауыл шаруашылығы дақылдарын егіп, оны баптауға машықтанады.&nbsp;Мектеп кітапханасындағы кітап қоры – 21 544. Кітапханашы Ғалия Жүнісова рухани орда үнемі жаңа еңбектермен толығып тұратынын айтады. Қоғамның дамуына қарай ақпаратты жан-жақты алуға, яғни аудио, видео, интернет желісі арқылы алуға мүмкіндік болғанымен оқушылар кітапханада отырып әдеби кітаптарды оқығанды жөн көреді екен.&nbsp;Мектепте жазғы демалыс уақытын бос өткізбей тиімді пайдаланған озат оқушылардың бірі – Дархан Мырзабек. Ол – оқу жылы басталысымен жетістікке қол жеткізген үлгілі оқушы.&nbsp;Өткен аптада жалпы білім беретін мектеп оқушылары арасында өткен «Ұлы өнертапқыштыққа алғашқы қадам» инновациялық идеялар байқауының аудандық кезеңінде «Автокөліктің қолданыстағы модельдерін әзірлеу саласындағы техникалық құрастыру» бағыты бойынша ІІ орын иеленген.&nbsp;<blockquote>– Мен бұл байқауға жетекшім Қарлығаш Байғазиевамен бірге 1 ай дайындалып, жарақат алған адамдарды жылдам жеткізу мақсатында әскери жедел жәрдем көлігін құрастырып жасадым. Көліктің арнайы тіркемесі бар. Ол арқылы дәрігерлер науқастарды жол бойы емдей алады. Сондай-ақ қажет болған жағдайда оқ-дәрі тасымалына көмегі бар. Көлік тоқпен алға, артқа және оң мен солға жүреді, – дейді Дархан Айдосұлы.&nbsp;</blockquote>Білімге құштар Дархан – бүгінде мектеп мақтанышы. Ол бүгінге дейін бірнеше мәрте білім бәйгесінде топ жарған. Тек бір ғана пәнмен шектелмей, география, әдебиет сынды сабақтардан да үздік атанған. Спортты да жанына серік еткен ол бүгінде баскетболдан мектеп құрамасында өнер көрсетеді. Сондай-ақ былтыр тоғызқұмалақтан оқушылар арасында облыс көлемінде өткен жарыстан жүлделі орын алып, республикада тартысты ойын өрнегін көрсеткен.Мектеп ұжымы оқушылардың жазғы тынығуын тиімді ұйымдастыру мақсатында былтыр міндетті оқу қоры есебінен Жалағаш кентіндегі «Ақтерек» сауықтыру лагеріне 22 оқушыны, «Қазақстан халқына» қоғамдық қорының «QH Жаздық жолдама» қайырымдылық жобасы аясында «Қуаныш» тынығу лагеріне 3 оқушыны, Алматы қаласындағы «Тау жанашыры» лагеріне ауылдағы ірі шаруа қожалықтың бірі «Сәрке батыр» ЖШС демеушілігімен 1 оқушыны тынығу лагеріне жіберген. Сондай-ақ жылда дәстүрге айналған «Мектепке жол» акциясына да биыл ауылдың белді кәсіпкерлері мен мектеп ұжымы белсенді қатысып, 31 оқушыны киім-кешек, оқу-құралдарымен толық қамтамасыз еткен. Мұнан бөлек оқушыларды жан-жақты дамыту жұмысы бір жолға қойылған. Оқушылар сабақтан тыс жас химик, жас физик, робототехника, домбыра, қолөнер, тоғызқұмалақ, волейбол, баскетбол, футбол, шахмат сынды үйірмелерге қатысады.Тәрбие мен білімнің қазыналы ордасына айналған мектеп оқушылары бүгінде аудандық, облыстық, республикалық білім бәйгелерінде жыл сайын топ жарып жүр. Қазіргі таңда аталған мектеп оқушылары ауыл мектептерінің оқушыларына арналған жалпы білім беретін пәндер бойынша өткізілетін республикалық олимпиадаға дайындық үстінде. Мектеп директорының айтуынша, олимпиадаға 23 оқушы қатысады.Ел ертеңі болған жастарды тұлға етіп қалыптастыруда сапалы білім беріп қана қоймай, ұрпақ тәрбиесіне басымдық берген ұжымның бүгінде жұмысы жүйелі, оған мектеп тынысымен танысып жүріп-ақ толық көз жеткіздік. Жалпы білім сапасын арт-тырып, оқушылардың тәрбиесіне басымдық берген алтын ұяның мақсаты айқын. Ал алдына мұндай мақсат қойған ұжымның шәкірттері қашанда бәсекеге қабілетті болары сөзсіз.&nbsp; &nbsp;&nbsp;Ақтоты БҮРКІТБАЙ

Сапалы білім – жарқын болашақ кепілі

<a href="https://kyzylorda-news.kz/">Kyzylorda-news.kz</a> «AMANAT» партиясының дәстүрлі «Ұлы дала» республикалық шығармашылық байқауының&nbsp; аймақтық кезеңі мәреге жетті. Биыл алғаш рет аймақтық деңгейде ұйымдастырылырған әдеби конкурс қазақ әдебиетінде өзіндік қолтаңбасы бар халық жазушысы, аса көрнекті қаламгер, Ұлы Отан соғысының ардагері, Қазақстанның Еңбек Ері, Қазақстанның халық жазушысы, КСРО Мемлекеттік сыйлығының лауреаты Әбдіжәміл Кәрімұлы Нұрпейісовтің 100 жылдық мерейтойы аясында өтті.&nbsp;Партияның облыстық филиалы&nbsp; ұйымдастырған додаға қатысушылар 3 номинация бойынша бақ сынады. Байқауда «Әбдіжәміл Нұрпейісовтың 100 жылдығы» арнайы жүлдесі де қарастырылды. Сайысқа 50-ге жуық өтініш келіп түсіп, оның 30-ы ақтық кезеңге жолдама алды.Партияның облыстық филиалының төрағасы Алмасбек Есмаханов «AMANAT» партиясы ұлттық&nbsp; және рухани құндылықтарды паш ететін, отандық авторлардың шығармаларын қолдап, насихаттайтын тың жобалар мен серпінді бастамаларды жүзеге асырып жатқанын атап өтіп, өңірде мәдениет пен әдебиетке жасалып жатқан қолдауларды жеткізді.&nbsp;«Аймақ басшысы ұлттық салт-дәстүрімізді ұлықтап, құндылықтарды дәріптеу мақсатында биылғы жылды өңірде «Руханият жылы» деп жариялады. Мерейлі жылға тарту ретінде 1000 орындық «Өнер орталығы», Сыр мәдениетінің негізгі бренді, жыраулық дәстүр өкілдерінің отауы - Жыраулар үйі ашылды. Сырдария өзенінің сол жағалауынан облыстық тарихи-өлкетану музейінің жаңа ғимараты, Жас ұрпақтың шығармашылығын шыңдау мақсатында «Шығармашылық академиясы», 2 ауданда «Оқушылар үйі» мен «Өнер мектебі», Сыр топырағында ұрпақтан ұрпаққа жалғасқан мәдени мұраның, ұлттық өнердің кемелденуіне өзіндік үлесін қосып келе жатқан Қазанғап атындағы Қызылорда музыкалық жоғары колледжінің жаңа ғимараты салынуда. Аймағымыздың 7 ауданында музей, кітапхана, архив, неке қию залы, ардагерлер және аналар, жастар орталықтарын біріктіретін типтік үлгідегі «Руханият» орталықтарының іргетасы қалануда.Өңірде атқарылған жұмыстарға халықаралық «ТҮРКСОЙ» ұйымының шешімімен Сыр өңіріне түркі дүниесінің «Ең үздік мәдени аймағы» номинациясы берілді. Бұл – тұтас Орта Азияда рухани, мәдени кемелденген өңір екенімізді көрсеткен жоғары баға деп білеміз.Шығармашылық доданың басты мақсаты – ұлттық болмысты, рухани құндылықтарды паш ететін, креативті идеяларға ие жас қаламгерлерге, отандық авторларға қолдау көрсету және шығармаларын насихаттау. Сонымен қатар ұлт классиктерінің жолын лайықты жалғастырған қуатты қаламгер Әбдіжәміл Нұрпейісовтың шығармаларындағы тағылымды ойлар мен ескірмес образдарды өскелең ұрпаққа дәріптеу.Cонымен «Ұлы дала» аймақтық шығармашылық байқауында «Поэзия» жанры бойынша жүлделі үшінші орын Қазақстан Журналистер одағының мүшесі, айтыс ақындары мен жыршы-термешілер халықаралық одағының мүшесі, Ғани Мұратбаев атындағы жастар сыйлығының иегері, облыстық «Сыр бойы» газетінің тілшісі Тұрар Бекмырзаевқа, екінші орын облыстық, республикалық жыр мүшәйраларының лауреаты, «Qyzylorda» телеарнасының сарапшы-редакторы Елжас Әбділдаға берілсе, ҚР Журналистер одағының мүшесі, республикалық мүшәйралардың жеңімпазы, «Сыр дарыны – 2021» номинациясының иегері Дина Бөкебай жеңіпаз болып танылды.&nbsp;«Проза» жанры бойынша үшінші орын Қазақстан Журналистер одағының мүшесі, «Серпін» жастар сыйлығының иегері Гүлнар Дүйсебаева,&nbsp; екінші&nbsp; орын «Егемен Қазақстан» газетінің 100 жылдығына орай ұйымдастырылған шығармашылық байқаудың лауреаты, республикалық, аймақтық бірнеше байқаудың бас жүлдегері. Қызылорда облысы әкімінің «Сыр үміті» жастар сыйлығының иегері Ерасыл Шәрібекке бұйырса, Ақын, ҚР Журналистер одағының мүшесі. «Жолқараған» жыр жинағының авторы&nbsp;Биболат&nbsp; Сатжанов бірінші орынды жеңіп алды.Қазалылық&nbsp; Жанар Диханова, Жалағаш ауданын келген Сандуғаш Жұбанова, Қорқыт ата атындағы Қызылорда университетінің 3 курс студенті&nbsp; Алтынай Дулатқызы, «Ескендір ЖК» есепшісі, белсенді жас Рахима Касымова «Балаларға арналған шығарма» жанры бойынша 100 мың теңге қаржылай сыйақы мен номинацияға ие болды.<blockquote>«Біздің конкурста аталған жанр бойынша қазылар алқасының шешімі бойынша қатысқан 4 шығарманың деңгейлері бірдей болуына байланысты бір-бірінің арасын жармай барлығына бірдей 100.000 теңгеден қаржылай сыйақы қаралды»,-дейді қазылар алқасының мүшесі Қуат Ахетов.</blockquote>&nbsp;&nbsp;Ал, Әбдіжәміл Нұрпейісовтің 100 жылдығына орай тағайындалған номинация және қаржылай 100 мың теңге сыйақы&nbsp; Арал ауданы, Жақсықылыш кенті №19 орта мектебінің қазақ тілі мен әдебиеті пәні мұғалімі&nbsp; Жанар Сағатоваға табысталды.&nbsp;&nbsp;&nbsp;Саланатты шараға зиялы қауым, халық қалулылары, БАҚ өкілдері мен әдебиет жанашылары, шығармашыл жастар қатысты.<img src="https://knadmin.beoblood.kz/uploads/c7ae3af4_b2ce_4a20_b0ba_bb500de38b3b_9b5cf14b4e.jpg" alt="c7ae3af4-b2ce-4a20-b0ba-bb500de38b3b.jpg"><img src="https://knadmin.beoblood.kz/uploads/37adcce3_ee37_4e59_9906_004c33648d66_f3723f092e.jpg" alt="37adcce3-ee37-4e59-9906-004c33648d66.jpg"><img src="https://knadmin.beoblood.kz/uploads/2812a367_a513_4bf3_9562_9c6cd0e52b2b_ed4580e8c2.jpg" alt="2812a367-a513-4bf3-9562-9c6cd0e52b2b.jpg"><img src="https://knadmin.beoblood.kz/uploads/5452781c_e8eb_4d6f_904c_849a066634cf_7f03a9b626.jpg" alt="5452781c-e8eb-4d6f-904c-849a066634cf.jpg"><img src="https://knadmin.beoblood.kz/uploads/bc8f2946_022c_4de4_8e08_f0bf700707ee_9129bff56c.jpg" alt="bc8f2946-022c-4de4-8e08-f0bf700707ee.jpg"><img src="https://knadmin.beoblood.kz/uploads/be846e13_5677_4726_ab16_f5d15e99362b_081b52e0b3.jpg" alt="be846e13-5677-4726-ab16-f5d15e99362b.jpg">

«Ұлы дала» шығармашылық байқауы: Аймақтық кезеңінің жеңімпаздары марапатталды

<a href="https://kyzylorda-news.kz/">Kyzylorda-news.kz</a> Бүгінде «Ауылда істейтін жұмыс жоқ, не ашатын кәсіп түрі жоқ» деп қалаға қарай қашатын жастарымыз көп-ақ. Дегенмен бұл пікірмен келіспей, аядай ғана ауылда мал бағып, тіршілігін дөңгелетіп, жастарға үлгі болып отырған жандар жетерлік. Солардың бірі – Рахима Жақсымова. 25 жылдан бері ата кәсіпті үзбей, төрт түліктің төресін бағып, төл сусыннан табыс тауып отырған Ойнаровтар шаңырағына Жалағаш ауданына қарасты Аққыр елді мекеніне жасаған сапарымызда аялдадық.&nbsp;Амандық саулық сұрасып, келген жөнімізді айтып тұрғанда қора жақтан енесіне боздаған ботаның дауысы естілді. «Түйе сауатын уақыт болды дер кезінде келдіңдер» деп қолына шелегін алған Рахима апа немерелерін ертіп, қораға қарай бет алды. Бізде түйені қалай сауатынын көргіміз келіп, артынан ере кеттік. Халыққа ұлттық сусынды ұсынып жүрген кейіпкеріміз шаруаға ширақ жан екенін бірден аңғартты. Қораға кіргеннен түйеге қарай ботасын жіберген кейіпкеріміз түйенің артқы аяғын байлап, сүтін сызылдатып сауған күйі әңгімесін бастады.<blockquote>– Иә, мал шаруашылығы қазақтың қанында бар, жанымызға жақын кәсіп түрі ғой. Жалпы түйенің пайдасы өте көп. Бір ғана сусыны мың түрлі ауруға ем. Аудан орталығынан алыс орналасқан ауылда тұрсақ та шұбатты сату жағынан еш қиындық жоқ. Көршілес ауылдардан, аудан тұрғындарынан да жиі тапсырыс түседі. Одан бөлек, шұбатым облысқа дейін барып, әсіресе биыл Алматы, Ақтөбе қалаларына арнайы тапсырыспен бірнеше рет жібердім. Кейде ауыл тұрғындарынан артылмай қалады. Тұтынушылар көбіне той-томалақтарға, емге алдын-ала тапсырыс беріп қояды, – дейді Рахима Тәуекелқызы.&nbsp;</blockquote>Оның айтуынша, түйенің басқа малдардан ерекшелігі, асып бара жатқан бейнетінің жоқтығында. Жолдасы мен баласы түйелердің жем-шөбін беріп, қарайласса, өзі шұбат сатып, қосымша табыс тауып отыр. Атасы негізін қалап кеткен кәсіпті бүгінде жолдасы жалғап отырғанын айтқан кейіпкеріміз, келекшекте ұлының мемлекеттен қолдау берілсе, кәсіптерінің көкжиегін кеңейтсем деген үлкен жоспары барымен бөлісті. Келініне түйе сауып, шұбат ашытудың қыр-сырын үйретіп, шаруаға баулудан жалықпаған Рахима апа, кәсібін жүргізуде жалғыз емес, ол үнемі қолғабыс етер отбасының барымен мақтанады.Қазір ғана 2 түйені сауып болған кейіпкеріміздің айтуынша, бұдан бөлек олардың өрісте жайылып жүрген сегіз түйелері бар. 2 түйені үш мезгіл сауып, одан күніге 10 литрдей өнім алып отырған ол, 10 түйені сауғанда тәулігіне 40 литрден жоғары өнім алатынын айтады. Бүгінде ол шұбаттан бөлек, қолдан құрт жасап та сатады. Айтуынша, табиғи таза өнім болғандықтан арнайылап алдын ала тапсырыс беріп қоюшылары көп.<blockquote>– Ертеректе шұбатты торсықта немесе ағаш күбіде ашытқан. Шұбатқа арналған торсықты түйе мойнағынан жасайды. Шұбат ашығаннан кейін оны адамға ұсынар алдында шайқап, көпіршігін жақсылап араластырып береді. Бұл түлік суды аз ішетіндіктен сүті майлы болып келеді. Шұбаттың құрамында май, әртүрлі витаминдер өте көп. Сондықтан оны халық көбіне емдік мақсатта ішеді. Жасы ұлғайған қарттар, қандай да бір сырқат түрімен ауырған науқастар шұбатты ішкеннен кейін ұйқысы жақсарып, сергіп, ақырындап науқасынан айығады, – дейді кейіпкеріміз.&nbsp;</blockquote>Айта кетейік, Рахима апа өнімдерін сатып қана қоймай, дертіне шипа іздеген науқастарды тегін шұбатпен қамтамасыз етіп, алғысына бөленіп жүрген мейірімді жан.«Арнайылап ауылға ат басын бұрып келген екенсіңдер, үйге кіріндер» деп төрін ұсынған Рахима апаның шұбатынан дәм тату бізге де бұйырды.Иә, кейіпкеріміздің шұбаты жұрт мақтағандай-ақ ерекше, қою екен.&nbsp;Төрт түліктен табыс тауып отырған Ойнаровтар отбасы бүгінде істің қиюын келтіріп жүргеніне сүйсініп, кәсіптеріне береке тілеп қоштасқалы тұрғанымызда, «үйіме құтты қонақ келіп қалды, 5 литр шұбат бар ма?» деп ентігін баса алмай асығып келген ауыл тұрғынымен кездесіп қалдық.&nbsp;Рахима апа тұтынушы сұраған шұбатын дайындап бергенше ауыл тұрғынын әңгімеге тарттық.&nbsp;<blockquote>– Өздеріңіз білетіндей, шұбат бойға қуат, дертке дауа. Мен Рахиманың тұрақты тұтынушыларының бірімін. Өзімнің және отбасымның саулығы үшін, жиі шұбат алып тұрамын. Рахиманың шұбатының дәмі тіл үйіреді. Шөлімізді басып қана қоймай, біраз ауруға ем ретінде де қолданамыз. Ал қазір үйіме алыстан жақын туыстарым келіп қалды. Қаланың тұрғындарына ауылдың табиғи өнімінен дәм таттырайын деген оймен осында жүгіріп келдім. Үйімізге қандай қонақ келсе де, дастарханымызда міндетті түрде Рахиманың&nbsp;шұбаты тұрады, – дейді ауыл тұрғыны Қамар Тоқсанова.</blockquote>Ата кәсіпті алға қарай жылжытып, түйе байлап, шұбат баптаған бұл отбасының күнделікті тіршілігі осындай. Ауыл тұрғындарының бірі дертіне шипа тауып, алғысын жаудырса, енді бірі қаладан келген қонаққа ауыл өнімін мақтанышпен ұсынып, бір марқайып қалады. Бүгін сапарымызда&nbsp;ауылдың табиғи өнімінің дәмін татып, ауыл тұрғындарының кәсіп тынысымен танысып қайттық.&nbsp;Ақтоты ЕРЖАНҚЫЗЫ

Рахима Жақсымова: Түйе баққанның табысы мол

<a href="https://kyzylorda-news.kz/">Kyzylorda-news.kz</a> Бүгін тамыры терең, тарихы кенен, береке тұнған Сыр еліне Қытай Халық Республикасынан арнайы туристер мен туризм саласына қызығушылық білдіріп жүрген бірқатар әлеуметтік желі белсенділері келді. Олар ең алдымен Қызылорда қаласындағы тарихи-мәдени орындар мен көрікті жерлерді, сондай-ақ жаңадан ашылған бірқатар нысандарды аралады. Атап айтқанда, Сыр өңірінің символы саналатын Қорқыт ата ескерткіші, “Сыр ана” монументі, қазақы тәрбие мен отбасы құндылығын насихаттауға арналған “Анаға тағзым” орталығы, облыстық тарихи-өлкетану мұражайымен етене танысып, Сыр өңірінің тарихынан сыр шертетін құнды мағлұматтарға қанық болды.&nbsp;Тарихи-мәдени нысандарды аралау барысында облыстық дене шынықтыру, спорт және туризм басқармасы басшысының міндетін атқарушы Жұлдызхан Ерқосаев БАҚ өкілдеріне өңірдегі туризм саласының әлеуетін айтып, арнайы сұхбат берді.&nbsp;<blockquote>— Биыл Қазақстанның Қытайдағы туризм жылы болып жарияланып, наурыз айында Пекин қаласында туризм жылының ашылу салтанаты өткен болатын. Аталған шарада жергілікті туристік операторлар мен тұрғындардың біздің өңірдегі «Байқоңыр» ғарыш айлағына ерекше қызығушылық танытатынын байқадық. &nbsp;Осы ретте, басқарма тарапынан «Қазақтуризм» АҚ бірлесіп, қытайлық, отандық туроператорларымен жүргізілген келіссөздер арқылы «Байқоңыр» ғарыш айлағы аумағына ыңғайлы туристік бағыттар таңдалды. Осыған сәйкес 20-22 қараша аралығында өңірімізде ғарыштық туризм бағытындағы тақырыптық апта өтуде. Апталық барысында қытайлық туристерге Сыр өңірінің тарихынан сыр шертетін тарихи-мәдени орындар, аймақ басшысының қолдауымен ашылған жаңа нысандар, сондай-ақ “Байқоңыр” ғарыш айлағы таныстырылатын болады. Жалпы облыстағы туризм саласының даму көрсеткіші жылдан-жылға оң динамикамен артып келеді. Нақтырақ айтсақ, ІІ тоқсанының қорытындысымен өңірге келген туристердің жалпы саны 12,2 пайызға өсіп, 67 мыңға жуықтады, - деді Жұлдызхан Байназарұлы.&nbsp;</blockquote>Айта кетейік, 20-22 қараша аралығында өтетін ақпараттық тур барысында Қармақшы ауданындағы Қорқыт ата мемориалдық кешені, Байқоңыр қаласының туристік нысандары және зымыранның ұшырылуын тамашалау жоспарлануда. Ал, 22 қараша күні Арал қаласында гастро-тур ұйымдастырылатын болады.<img src="https://knadmin.beoblood.kz/uploads/sport_86c0a641b8.jpg" alt="спорт.jpg">

Қазақстан және Қызылорда облысының жаңалықтары