<a href="https://kyzylorda-news.kz/">Kyzylorda-news.kz</a> Tomorrow School – білім беру саласында әлемге танылған жаңашыл педагог Николас Садирак әзірлеген 01 Edu платформасында инновациялық peer-to-peer оқыту жүйесін пайдаланатын бірегей жасанды интеллект мектебі, деп хабарлайды&nbsp;<a href="https://el.kz/qazaqstandagy-algashqy-zhasandy-intellekt-mektebi-ashylmaq_135435/">El.kz</a>&nbsp;ақпарат агенттігі.Мектеп білім алушылар арасындағы тәжірибеге негізделген өзара байланысқа басымдық беріп, бағдарламалау дағдыларын нөлден бастап үйретеді. Мұндай бағдарламалар бойынша оқыған түлектердің 90%-дан астамы курсты аяқтағаннан кейін жұмысқа орналасып, әдістің тиімділігін айшықтады.Tomorrow School-дың оқыту ерекшеліктері:<ul><li>Мұғалімдер мен дәстүрлі сабақтар жоқ – оқыту студенттердің өзара көмегі мен топтық жұмысына негізделген;</li><li>Барлық студентте Астана қаласындағы Astana Hub технопаркі алаңында оффлайн форматта тегін оқу мүмкіндігі бар;</li><li>Мектеп тәулік бойы (24/7) жұмыс істейді, студенттер өздеріне ыңғайлы оқу кестесін құрады;</li><li>Оқуға түсу үшін бағдарламалау бойынша алдын ала тәжірибе талап етілмейді.</li></ul>Іріктеу үміткерлердің логикалық ойлауын тексеретін 2 онлайн ойыннан және «бассейн» деп аталатын оқытудың кіріспе кезеңіне тікелей қатысуды көздейтін бөлімнен тұрады. Бірінші «бассейн» 21 қазан – 17 қараша аралығында өтеді, мұнда қатысушылар бағдарламалау әлеміне тереңірек бойлап, оқуды жалғастыру үшін өз мүмкіндіктерін бағалайды.«Бассейннен» өткеннен кейін қатысушылар 18 айлық негізгі оқытуға көшеді. Бұл кезеңде олар 50-ден астам жобаны жүзеге асырып, Golang, Rust, JavaScript, Python және басқа да 20-дан астам бағдарламалау тілін меңгереді. Ақтық мәреде студенттер мына мамандықтардың бірін таңдауға мүмкіндік алады: ЖИ-инженері, бағдарламалық қамтамасыз етуді әзірлеуші, фулстек-әзірлеуші, мобильді қосымшалар әзірлеушісі, DevOps инженері, IT жүйелерінің сәулетшісі, киберқауіпсіздік маманы және бейнеойындар әзірлеушісі. Ал «бассейн» барысында үздік нәтиже көрсеткен өзге қаладан келген қатысушыларда негізгі оқу уақытында тұрғын үймен қамтылу мүмкіндігі бар.Фото: astanahub.com

Қазақстанда алғашқы жасанды интеллект мектебі ашылмақ

<a href="https://kyzylorda-news.kz/">Kyzylorda-news.kz</a> Талғарда 16 жастағы Шерзат Полат қаза тапқан төбелеске қатысты жеті адам қамауға алынды. Жасөспірімді өлтірген күдіктілердің осыған дейін де сотталғандары белгілі болды. Бұл туралы <a href="https://stan.kz/talgardagi-zhasospirimnin-olimi-kudiktiler-byrin-sottal-407698/">Stan.kz</a> ақпарат агенттігі <a href="https://t.me/kozachkow">Kozachkow</a> телеграм&nbsp;арнасына сілтеме жасап хабарлады.Бірыңғай сотқа дейінгі тергеп-тексеру тізілімінің мәліметінше, күдіктілердің&nbsp;екеуі бұған дейін де бұзақылық бабы&nbsp;бойынша сотталған және қазір Талғар ауданында пробациялық бақылауда.Шерзаттың ата-анасының айтуынша, төбелеске 13 адам қатысқан. Ата-ана&nbsp;олардың барлығының&nbsp;“хуторский”&nbsp;қылмыстық тобының мүшелері екенін айтады.Отбасы қоғам белсендісі Айтбек Амангелдіге көмек сұрап жүгінгені белгілі болды. Айтбек Амангелді қазір үш адвокаттың отбасыға тегін көмек беріп жатқанын айтты.<blockquote>"Отбасына тегін жұмыс істеуге келіскен үш адвокат бердік. Қақтығыс кезінде баланың әкесі мен ағасы да жараланған. Адам өмірі бір бөтелке сыраның құнына тең емес екенін дәлелдеу үшін іс бойынша ақпараттардың барлығы жарияланып отыруы керек. Шерзатты үлкен кісілердің, бүкіл отбасының көзінше ұрып өлтіргені қорқынышты", – дейді Айтбек Амангелді.</blockquote>Ата-анасының айтуынша,&nbsp;Шерзат бес баланың үлкені болған, ата-анасына дүкенде үнемі көмектеседі екен, әскери адам болуды армандапты.Фото: әлеуметтік желіден

Талғардағы 16 жастағы жасөспірімнің өлімі: Күдіктілер бұрын сотталған болып шықты

<a href="https://kyzylorda-news.kz/">Kyzylorda-news.kz</a>&nbsp; Бесарық – берекесі тасыған, үлгілі елді мекеннің бірі. Ауылдың әр көшесі мен ғимараты өзіне тән бірегейлігімен ерекшеленіп, көрген жанның көңілін баурайды. Мемлекеттен берілетін қолдау мен елім деген ерлердің қажырлы еңбегінің арқасында мұндағы инфрақұрылым күн сайын дамып келеді.&nbsp;"Ауыл аманаты" жобасы аясында ауылдың кәсіпкерлік әлеуеті артып, бірнеше жаңа өндіріс орындары бой көтерген. Ал қыркүйек айында дәл осы жоба бойынша бес бірдей кәсіп іске қосылды. Бұл жобалар ауылдың экономикасына ғана емес, тұрғындардың өміріне де серпін беруде. Сабын, қолғап, пластикалық ыдыстар және носки өндірісі сыртқы өнімдерге тәуелділіктен арылтса, ою-өрнек басып шығару ісі аз уақыт ішінде өзге аймақтардың да сұранысына ие болуда.– Бұл кәсіпті 2 жыл бұрын жұбайымның идеясымен қолға алған едік. Бастапқы уақытта кішкентай аппараттармен бастап, онлайн тапсырыс арқылы жұмыс істедік. Биыл кәсіпкерлерді қолдайтын "Ауыл аманаты" жобасы арқылы 15 млн теңгемен алып, сапасы ең жоғарғы құрылғыларды сатып алдық. Бүгінде отбасылық кәсіп ретінде жүргізіп отырмыз. Еліміздің барлық өңірінен сұраныс бар. Өз аудиториямызды қалыптастырып, тұрақты тұтынушыларымызды тауып үлгердік. Осы орайда ауылдан шыққан кәсіпкерлерді қолдау мақсатында ғимарат салған "Абай-Дәулет" ЖШС алғысымды білдіремін,- деді "Айқын" ою-өрнек басып шығару кәсібінің иесі Жарқын Сапарғалиұлы.– Биылғы жылы "Ауыл аманаты" жобасы аясында ауылымызда бірнеше жоба өз жұмысын бастады.Оның бірі – пластикалық бөтелке өндіру жобасы. Қазіргі уақытта 0,5, 1 және 1,5 литрлік құты шығарып жатырмыз. Тұрғындардың сұранысы бойынша алдағы уақытта 5 литр болатын пластик ыдысты да қолға алу жоспарлануда,- деді Бесарық ауылының әдіскері Бибізада Бекенова.<img src="https://knadmin.beoblood.kz/uploads/1_f5d9523960.jpg" alt="1.jpg"><img src="https://knadmin.beoblood.kz/uploads/3_fee5b129b6.jpg" alt="3.jpg"><img src="https://knadmin.beoblood.kz/uploads/4_04ab215b8b.jpg" alt="4.jpg">Фото: Өңірлік коммуникациялар қызметі

"Ауыл аманаты" жобасының игілігі

<a href="https://kyzylorda-news.kz/">Kyzylorda-news.kz</a> Кеше облыс әкімі Нұрлыбек Нәлібаевтың төрағалығымен мұнай саласының еңбек сіңірген ардагері, «Құрмет» орденінің иегері Көшербаев Болат Елеуұлын зейнет демалысына шығарып салу рәсімі өтті. Жиынға «ҚазМұнайГаз» ұлттық компаниясы басқарма төрағасының орынбасары Серікқали Брекешев, мұнай-газ саласының мамандары, облыстың зиялы қауымы, ардагерлер қатысты.Аймақ басшысы еңбек адамдарын құрметтеу бұрыннан қалыптасқан дәстүрдің жалғасы екенін айтып, Болат Елеуұлына құттықтау лебізін жеткізді.<blockquote>– Президентіміз Қасым-Жомарт Кемелұлы: «Адал еңбек етіп, адал табыс тапқан адам жетістікке жетеді, құрметке ие болады. Әділетті Қазақстан және Адал азамат ұғымдары ел тірегі болатын егіз құндылық ретінде әрдайым қатар тұруға тиіс» деген болатын.Біз адал қызмет атқарған, саналы ғұмырын аймағымыздың әлеуметтік-экономикалық, мәдени-рухани дамуына арнаған, елдің қошеметіне бөленген азаматтарды ардақтап, лайықты құрмет көрсетуді дәстүрге айналдырдық.Болат Елеуұлы ел экономикасының локомотиві саналатын мұнай-газ саласында 40 жылға жуық өнімді еңбек етіп, оның ішінде аймақтағы «Торғай Петролеум», «ПетроҚазақстан Құмкөл Ресорсиз» компанияларында басшылық қызметте болып, Сыр өңіріндегі мұнай өндірісінің өркендеуіне өз үлесін қосты.«ПетроҚазақстан Құмкөл Ресорсиз» компаниясымен бірегей жобаларды іске асырып, бизнестің әлеуметтік жауапкершілігін жоғары деңгейге көтерді. Облыстың әлеуметтік-экономикалық дамуында өзіндік орны бар компания қайырымдылық шараларына да белсене қатысып, соңғы 5 жылда 800 млн теңгеге жуық қайырымдылық көмек көрсеткен.Шетелдердің жоғары оқу орындарында білім алған аймақ түлектерінің оқу ақысы стипендиялық бағдарлама аясында компания демеушілігі есебінен қаржыландырылды. Бағдарламамен 115 жас түлек жоғары білім алды.Осындай игі істердің басында жүріп, аймақтың мұнай-газ саласын өркендетуге қосқан үлесіңіз жоғары бағаланып, бірқатар мемлекеттік наградамен марапатталдыңыз. Мұның бәрі қажырлы еңбегіңіздің жемісі әрі жарқын көрінісі деп білеміз. Сізді Сыр жұртшылығының атынан құрметті зейнет демалысына шығуыңызбен шын жүректен құттықтаймыз! – деді облыс әкімі.</blockquote>Басқосуда Көшербаев Болат Елеуұлына Сыр өңірінің дамуына қосқан ерекше үлесі үшін облыстың ең жоғары марапаты – Қызылорда облысының Құрмет грамотасы табысталды.Іс-шарада мұнай саласының ардагерін «ҚазМұнайГаз» ұлттық компаниясы басқарма төрағасының орынбасары Серікқали Брекешев, Қызылорда облысының Құрметті азаматы Самұрат Имандосов, Шиелі ауданының Құрметті азаматы Дәулет Барғанаев, Қарулы Күштер саласының ардагері, генерал-майор Әлімжан Ерниязов, сала ардагерлері Айтбай Көшербаев, Имамадин Оңғарбаев құттықтады.

 Аймақ басшысы Болат Көшербаевты зейнет демалысына шығарып салды

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаев Сырдария ауданындағы «Бесарық» ауылына жұмыс сапарымен барып, бірқатар нысанды аралап көрді.Еске салайық, аймақ басшысы бұған дейін осы ауылдағы кейбір нысандарды жөндеу, қалпына келтіру жөнінде тапсырма берген болатын. Атап айтсақ, дәрігерлік амбулатория маңдайшасындағы тақтайшаны ауыстыру, аумағын тазалау, спорт кешені алдына төселген сапасыз асфальтты, жарамсыз брусчаткаларды жөндеу, спорт зал еденіндегі арнайы төсенішті ауыстыруды жүктеген еді.Бүгінгі жұмыс сапарында аймақ басшысы жасалған жұмыстарды саралап, тапсырмалардың толық орындалуының нақты мерзімін белгіледі.«Бесарықта» «Абай-Дәулет» серіктестігінің бастамасымен фри зауыты, «Ауыл аманаты» жобасымен наубайхана, кондитерлік және жартылай дайын өнім цехтары, жұмыс қолғабы, шұлық, пластик ыдыстар, сабын, ағаш бұйымдары өндірістері өз жұмысын бастады. «Қызылорда» супермаркеті мен дәмхана да тұрғындарға жоғары сапалы қызмет көрсетуде.«Абай-Дәулет» серіктестігі «Бесарық» ауылын көркейту, көгалдандыру, күрделі жөндеу жұмыстарына соңғы жылдары 730 млн. теңгеден астам қаржы бөлді. Шаруашылық есебінен ауыл әкімдігі, мектеп, балабақша, мешіт ғимараттары күрделі жөндеуден өткізілді. Биыл 642 млн. теңгеге мәдениет үйіне күрделі жөндеу, орталық алаңға қайта жаңғырту жүргізіліп, жаңа өндіріс орталығы бой көтерді.«Ауыл аманаты» жобасы аясында да тұрғындарға қолдау көрсетілуде. Ауылдарда кепілдік мүлікке қатысты қиындықтар кезігетіні белгілі. Өткен жылы шаруашылықтың кепілдігімен «Сыр құсы» ауыл шаруашылығы өндірістік кооперативі құрылып, 27,6 млн. теңге несиеге қол жеткізді.Биыл ауылда 1 мың шаршы метрлік шағын өндіріс орталығы салынып, 13 кәсіпкер өз кәсібін бастауға мүмкіндік алды. Оның ішінде, «Ауыл аманаты» жобасы аясында 4 жоба, Өңірлік инвестициялық орталық арқылы 5 жоба және шаруашылықтың өз қаражаты есебінен 4 жоба бар, 25 жаңа жұмыс орны ашылды. Осы жобаларға 960 млн. теңге инвестиция тартылды.<img src="https://knadmin.beoblood.kz/uploads/462317794_838477325140180_7750892514531790891_n_99052f0db8.jpg" alt="462317794_838477325140180_7750892514531790891_n.jpg"><img src="https://knadmin.beoblood.kz/uploads/462281615_838477385140174_4619038020630435274_n_fc5a359991.jpg" alt="462281615_838477385140174_4619038020630435274_n.jpg"><img src="https://knadmin.beoblood.kz/uploads/462306422_838477771806802_4863715192014305082_n_7e0533ba33.jpg" alt="462306422_838477771806802_4863715192014305082_n.jpg"><img src="https://knadmin.beoblood.kz/uploads/462357143_838478105140102_7200268770563900434_n_e1813933f6.jpg" alt="462357143_838478105140102_7200268770563900434_n.jpg"><img src="https://knadmin.beoblood.kz/uploads/462425498_838478265140086_3792483456189907114_n_151a7423d3.jpg" alt="462425498_838478265140086_3792483456189907114_n.jpg"><img src="https://knadmin.beoblood.kz/uploads/462539957_838477985140114_3240469533369080943_n_2569625ece.jpg" alt="462539957_838477985140114_3240469533369080943_n.jpg"><img src="https://knadmin.beoblood.kz/uploads/462677222_838477528473493_2890713876347872428_n_e11d1aa64a.jpg" alt="462677222_838477528473493_2890713876347872428_n.jpg">Фото: Қызылорда облысы әкімінің баспасөз қызметі

 Аймақ басшысы тапсырмалардың орындалуын тексерді

<a href="https://kyzylorda-news.kz/">Kyzylorda-news.kz</a> &nbsp;Төбелеске қатысқан 7 адам ғана қамалған.&nbsp;Талғардағы төбелесте 16 жастағы Шерзат қаза тапқан еді. Кейін оның әкесі істің дұрыс жүрмей жатқанына шағымданып, әділдік іздеп, Бас прокурор Берік Асыловқа үндеу жасаған болатын, деп хабарлайды&nbsp;<a href="https://sn.kz/sn-akparat-agyny/116951-okinish-kormedik-talgarda-kaza-tapkan-balanyn-zhakyndary-kudiktilermen-kezdeskenderin-aitty-video">Skifnews.kz</a>Істі ішкі істер министрі бақылауға алдым дегенімен, марқұм жасөспірімнің тустары әлі де әділдікті іздейді. Төбелеске қатысқан 7 адам ғана қамалған.&nbsp;Марқұмның анасы Гүльбара Бишмбиева оқиғаның мән-жайын айта келе, баласын 7 емес, 13 адам ұрып-соғып, өлтіргенін мәлім етті.<blockquote>«Пышақталғаннан кейін де құлап жатқан жерінен келіп үстінен тепкілеп жатыр. 13 адамның бәрі ұсталып, тиісті жазаларын алса екен деймін. Менің баламды өлтірген адам 20-25 жылға сотталсын. Әділдік сұраймын», — дейді Гүльбара Бишмбиева.</blockquote>Полиция ұстаған 7 күдіктіні көру үшін уақытша қамау изоляторына туыстары кірген. Олар күдіктілердің жағдайы бостандықта жүрген адамдардан жақсы деп отыр.<blockquote>«Қылмыскерлердің ұсталғанына көз жеткізу үшін тергеу изоляторына кірдік. Жетеуін жеті камераға отырғызып қойған. Жетеуі жеті жерде. Бірақ олардан «адам өлтірдік, баланың өмірін қыршын қидық» деп отырған өкінішті көрген жоқпыз. Алдында жеп отырғандары – қазы. Астында қалың матрац. Мен өзім еркіндікте жүріп қазыны бір айда бір жеймін. Алдарында қазы, басқа да тамақтар тұр. Анық, ұзақ қарай алмадым. Олар неге 7 адамды ғана ұстап отыр? Бұл жерде 2 қызды қосқанда 13 адам бар. Біз соңына дейін барамыз. Олардың қазы жемек түгілі қара су ішуге құқықтары жоқ», — дейді Шертзаттың әпкесі Бақыт Реймова.</blockquote>Ал осыған дейін Шерзаттың әкесі оқиға болған күнгі видеоларды полиция өшіріп тастағанын айқан еді.Кейін Алматы облысының полиция департаменті бұл ақпаратты жоққа шығарып, видеодан дәлел ретінде скриншот ұсынған. Онда жігіттердің арасында екі қыз да барын көруге болады.<blockquote>«Әлеуметтік желілер мен бұқаралық ақпарат құралдарында Талғар ауданындағы қайғылы оқиға болған жерден бейнебақылау камераларының жазбалары өшірілді деген жалған ақпарат тарауда. Сотқа дейінгі тергеп-тексеру шеңберінде барлық қолда бар бейнежазбалар полиция тарапынан тәркіленіп, қылмыстық іс материалдарына заттай дәлел ретінде тіркелгенін хабарлаймыз.Қазіргі уақытта тергеу барысында барлық бейнежазбалар зерттеліп, оқиғаға қатысушылардың әрекеттеріне құқықтық баға беріледі», — деп хабарлады облыстық полиция департаменті.</blockquote>Редакция Алматы облысының полиция департаментіне төбелескен қатысқан 13 адамның бәрі неге ұсталмағанын, екі бойжеткен істің куәгері ме әлде күдіктілер қатарына жата ма деген сауалдарын жолдап, жауап күтіп отыр.Еске салайық, қайғылы оқиға 4 қазанға қараған түні болған еді. Шерзаттың әкесі жалға дүкен алып, сауда жасаумен айналысатын. Арты өліммен аяқталған төбелес осы дүкеннен басталған. Бір жігіт дүкеннен бір құты сыра алып, ақшасын төлемей кеткен. Шерзаттың әкесі сыраның ақшасын төлеуді талап еткен кезде дау туындап, жас бала кейін бір топ жігітті жинап әкелген. Осылайша, дүкен иелері мен жігіттердің арасында төбеле басталған. Ал 16 жастағы Шерзат әкесіне көмектеспекші болған. Қанды төбелесте оны пышақтап өлтірген.Фото: видеодан кадр

«Өкініш көрмедік»: Талғарда қаза тапқан баланың жақындары күдіктілермен кездескендерін айтты 

<a href="https://kyzylorda-news.kz/">Kyzylorda-news.kz</a> &nbsp;Бесарық ауылында «Таза Қазақстан» акциясына ауыл тұрғындары мен ауылдағы шаруашылық құрылымдары белсене атсалысуда. Ауыл инвесторы «Абай-Дәулет» ЖШС-і ауылды аббатандыру шараларына белсене қатысуда.<blockquote>– Меценат «Абай-Дәулет» ЖШС басшысы Мұрат Сәрсенбаевтың демеушілігімен ауылды қарқынды абаттандыру жұмыстары жүргізілді. Біздің Бесарық қазір бау-бақша іспетті, айналасы жасыл желекке оранған, гүлдері мен жас ағаштары жайқалып тұр. Серіктестік ауыл тұрғындарына жайлы демалыс орнын жасау мақсатында орталық алаң мен көшелерді абаттандырды. Бірқатар маңызды әлеуметтік нысандар қайта жаңғыртылды, жаңа өндіріс орындары ашылды. Осының барлығы ауыл тұрғындарының көңіл-күйіне, әлеуметтік жағдайының жақсаруына оң әсер етуде, – дейді ауылдық Қоғамдық кеңес төрағасы А.Ақжігітов.</blockquote>Экологиялық акция басталғалы Сырдария ауданында ауқымды жұмыстар атқарылды. Каналдар мен су қоймалары, қарт ауыл тұрғындарының аулалары, көптеген әлеуметтік нысандар мен кәсіпорындардың аумақтары қоқыстан тазартылды. Мыңдаған ағаштар отырғызылды. Біздің еріктілеріміз де туған жердің тазалығы үшін өзгелерге үлгі боларлық.

Сырдария ауданы, Бесарық ауылының тұрғындары да акцияға қарқынды үлес қосуда

<a href="https://kyzylorda-news.kz/">Kyzylorda-news.kz</a> &nbsp;Қорқыт ата атындағы Қызылорда университетінде 5-6 қазан күндері жастар арасында ғарыштық технологиялар тақырыбындағы Nasa Space apss challange хакатоны өткізілді.Хакатонға 270 қатысушы тіркеліп, 72 жобалық топ қатысты. Оның 40 жобасы оффлайн, 32 жобасы онлайн форматта бақ сынады.Қатысушылар 48 сағат бойы ғарыштық саладағы инновацияларды көздейтін Nasa тақырыптарына сай жобалар жасады. Бұл жобалардың мақсаты - болашақтағы Жер мен ғарыштың зерттеу технологияларына серпіліс беру.&nbsp;Жоба Kyzylorda Hub бизнес-инкубаторы, Kazakhstan Smart Space мекемесі, Атамекен ҰКП және Қорқыт Ата атындағы Қызылорда университетінің ұйымдастыруымен өтті. Ал демеушлілер қатарында Ерлан Раимов, Венера Даулетбаева, БанкЦентр Кредит бар.Сайыстың нәтижесі 15 қазан күні эксперттер комиссиясының жобаларды бағалау процессінен кейін шығады. &nbsp;Қазақстанның ең үздік жобасы Nasa space apps challange хакатонының халықаралық этапына жолдама алады.

Қызылордада алғаш рет Nasa Space apss хакатоны өтті

<a href="https://kyzylorda-news.kz/">Kyzylorda-news.kz</a> Сырдария ауданында «Таза Қазақстан – Таза аймақ» жаппай сенбілігі өтуде. Тереңөзек кентінің тұрғындары, аудандық мекемелердің қызметкерлері, кәсіпкерлер, сондай-ақ «Жасыл ел» жастар қозғалысының мүшелері «Тағзым» алаңына, орталық саябаққа, Жастар аллеясына тазалық жұмыстарын жүргізді.<blockquote>Қалыптасқан дәстүр бойынша біздің еріктілер мұнда тазалау жұмыстарын жиі жүргізеді. Біз көшелер мен арықтарды, жақын маңдағы жеке тұрғын үйлердің аумақтарын қоқыстан тазартамыз, – дейді «Жасыл ел» және «Еріктілер тобы» жастар қозғалыстарының жетекшісі Нұржан Сейтжанов.</blockquote>Сондай-ақ, Тереңөзек кентіндегі демалыс орындарында орнатылған шағын сәулет құрылыстарын, сондай-ақ көпірлер мен балалар ойын алаңдарын ақтау, сырлау жұмыстары жүргізіп, «Жастар аллеясын» абаттандырылды.Жергілікті кәсіпкерлер бұл күні жаңартылатын «Тағзым» алаңына жаңа төсеніш төсеп, түрлі-түсті сәулеттік формалар орнатты.<img src="https://knadmin.beoblood.kz/uploads/Syrdariya_1_71be372bb2.jpeg" alt="Сырдария 1.jpeg">

 «Таза Қазақстан – Таза аймақ» акциясы жалғасуда

<a href="https://kyzylorda-news.kz/">Kyzylorda-news.kz</a> &nbsp; Бүгін қала күні мерекесі аясында «Шексіз әлем – шектеусіз мүмкіндік» атты зағип және нашар көретін жандар арасындағы республикалық өнер байқауы басталды. Байқауға еліміздің түкпір-түкпірінен көзі көрмесе де көкірегі ояу, талабы бөлек талантты 10 топ қатысуда.Естеріңізде болса, бұл дәстүрлі дода былтыр Атырау қаласында өтіп, онда байқаудың бас жүлдесін қызылордалықтар жеңіп алған еді. Биылғы сайыс сыны тағы бір топтың бағын ашпақ.Өрісті өнер тойында қала әкімінің орынбасары Дархан Тұрсынбаев шараның шымылдығын ашып, қатысушыларға сәттілік тіледі.<blockquote>– Қоғамда ерекше қажеттілігі бар жандардың құқығы мен әлеуметтік қорғалуын қамтамасыз ету міндеті кез келген мемлекеттің маңызды мәселесі.Бұл тұрғыда ел Президенті Қасым-Жомарт Кемелұлы Тоқаев «Қазақстан – әлеуметтік мемлекет. Сондықтан, қиын жағдайға тап болған азаматтарға жан-жақты көмек көрсету – басты міндеттердің бірі» деген болатын.Бүгінде Қызылорда қаласы бойынша ерекше қажеттілігі бар жандар саны – 11 728 адам болса, оның ішінде көз жанарының мүгедектігі бар адамдар саны – 1459. Олардың үшеуі тұрақты жұмыс істесе, 47-сі қоғамдық жұмысқа тартылған.Тағдыр салған іске мойымай, қажырлы еңбегімен, өр рухымен қаланың мәдени-рухани тынысына дем беріп, өз кәсібін дөңгелентіп, ел экономикасына теңізге тамған тамшыдай үлес қосып жүрген азаматтарға алғысым шексіз, – деді Дархан Есалыұлы.</blockquote>Түрлі байқауларда топ жарып жүрген жүлделі жүйріктер бүгінгі командалық сайыста көркемсөз оқу, ән салу және дәстүрлі ән орындау жанрлары бойынша өнер көрсетіп, өзара жеңімпазды анықтайтын болады.Байқау ережесіне сәйкес, Сыр өңірінен шыққан белгілі қаламгерлер мен өнер иелерінің шығармалары орындалады.Айта кету керек, 15 қазанда Халықаралық "Ақ таяқ" күні аталып өтіледі.&nbsp;Бұл байқау қос мерекенің маңызын арттыра түспек.

«Шексіз әлем – шектеусіз мүмкіндік» атты республикалық өнер байқауы басталды

<a href="https://kyzylorda-news.kz/">Kyzylorda-news.kz</a> «Таза Қазақстан» экологиялық акциясы аясында облыс орталығында саябақтар, аллеялар мен скверлерді қайта жаңғырту бойынша ауқымды жұмыстар қолға алынды. Қалада қолайлы климат пен тұрғындар үшін жайлы және қауіпсіз ортаны сақтау үшін жаңа демалыс аймақтарын, ойын-сауық саябақтарын салу жоспарлануда. Бұл туралы Қызылорда қаласының сәулет және қала құрылысы бөлімінің басшысы Д.Сырлыбаев мәлімдеді.Сондай-ақ, жазғы кезеңде қала тұрғындары үшін қолайлы жағдай жасалған. Соңғы екі жылда қаламыз шынымен әдемі, заманауи көрініске ие болды. Жаяужүргіншілер жолы салынып, көшелер абаттандырылып, Сұлтан Бейбарыс, Н. Назарбаев даңғылдарында субұрқақтар орнатылды.&nbsp;Сонымен қатар, биыл жеке кәсіпкердің демеушілігімен Қызылорда қаласының орталық алаңын абаттандыру жұмыстары жүргізілді.&nbsp; Тазалық акциялары Б.Шөкенов атындағы саябақ пен Президенттік саябақ сияқты қызылордалықтардың сүйікті демалыс орындарының жағдайын айтарлықтай жақсартуға мүмкіндік берді.<img src="https://knadmin.beoblood.kz/uploads/052b97f0_30a2_403a_81c6_51f710b0fec8_314969978b.jpeg" alt="052b97f0-30a2-403a-81c6-51f710b0fec8.jpeg">

Қызылорда қаласында парктер мен скверлер қайта жаңғыртудан өтеді

<a href="https://kyzylorda-news.kz/">Kyzylorda-news.kz</a> &nbsp;«Таза Қазақстан» акциясы аясында Қызылорда қаласындағы Мұратбаев көшесі №15,17 көпқабатты тұрғын үйлердің тұрғындары мен ПИК қызметкерлері бірлесіп, өз тұрғын аудандарында тазалық акциясын ұйымдастырды.Акцияға қоқыспен күресуге және аумақты абаттандыруға бірге шыққан 50-жуық тұрғын жиналды. Олар ауланы тазалап, әктеу және сырлау жұмыстарын жүргізді.<blockquote>«Акция арқылы экологияға қамқорлық өзімізден басталатынын көрсету үшін өткізуді шештік», – дейді белсенді тұрғындар. Олар қала тұрғындарын акцияға атсалысуға шықырды.</blockquote>Акция Абай даңғылы 47 үйдің ауласында жалғасын тапты.Бұл көпқабатты тұрғынүйлердің ауласында өткен жылы «Қыран» ЖШС-мен абаттандыру мен ойын алаңын салу жұмыстары жүргізілген болатын.Айта кету керек, облыста «Таза Қазақстан» экологиялық шарасы басталғалы оған 548 299-дан астам облыс тұрғыны қатысты. 21360 тоннадан астам қоқыс шығарылып, 505 алаң мен саябақтар, 225 тарихи ескерткіштер аумақтары, 791 әлеуметтік нысан, 1130 өндірістік және кәсіпкерлік нысан, 294 су айдындары, 47451 аулалар мен көшелер тазартылды.548 арнайы техникалар қолданылып, 129 358 ағаш көшеттері отырғызылды.

Қазақстан және Қызылорда облысының жаңалықтары