<a href="https://kyzylorda-news.kz/">Kyzylorda-news.kz</a> 17 қазанда кәмелетке толмаған Ш.Болаттың өліміне қатысты жүргізілген тергеу жұмыстары аясында тағы бір күдікті ұсталды, деп хабарлайды <a href="https://egemen.kz/">Egemen.kz</a> облыстық Полиция департаментінің баспасөз қызметіне сілтеме жасап.<blockquote>«Қазіргі уақытта оқиғаның барлық мән-жайын анықтауға бағытталған жедел-іздестіру шаралары жүргізіліп жатыр», делінген хабарламада.</blockquote>Айта кетейік, тергеу барысы Ішкі істер министрінің жіті бақылауына алынған.Естеріңізге сала кетейік, 4 қазанға қараған түні Талғарда бір топ жас жігіт арасында ауызша жанжал шығып, соңы төбелеске ұласқан. Жанжал салдарынан 16 жастағы Шерзат Болат пышақ жарақатынан көз жұмды, тағы екі адам ауыр жарақат алды. Куәгерлердің айтуынша, дүкен маңында оқ атылған.Сондай-ақ 12 қазанда Азат ауылында Шерзат Болаттың отбасына тиесілі үй өртенген еді. Полицейлер мүлікті қасақана жою дерегі бойынша іс қозғап, оқиғаның себептерін анықтап жатыр. Отбасы қауіпсіздікпен қамтамасыз етіліп, істі ҚР Бас прокуроры бақылауына алды.Фото: Видеодан алынған кадр

Талғардағы жасөспірімнің өлімі: Тағы бір күдікті ұсталды

<a href="https://kyzylorda-news.kz/">Kyzylorda-news.kz</a> Қазан айының үшінші жексенбісі – орман шаруашылығы қызметкерлерінің кәсіби мерекесі. Бұл күн – табиғаттың байлығын сақтап, оны ұрпақтан-ұрпаққа аманат ету жолында еңбек етіп жүрген жандарға деген құрметтің белгісі. Бүгінде облыс аумағындағы мемлекеттік орман қоры жерлерінің жалпы көлемі 7,0 млн гектарды құраса, оның 3,8 млн гектары орманды алқаптар. Бұл туралы Өңірлік коммуникациялар қызметінің ақпарат алаңында облыстық табиғи ресурстар және табиғат пайдалануды реттеу басқармасы басшысының орынбасары Мәріп Акбар мәлімдеді.<blockquote>&nbsp;– Облыстағы ормандарды қорғау, сақтау және молықтыру мақсатында 8 орман шаруашылығы мекемелері жұмыс істейді. Онда барлығы 729 қызметкер бар.Мемлекет басшысының 2021-2025 жылдар аралығында Арал теңізінің құрғаған ұлтанында 1,1 млн гектар сексеуіл екпелерін ұлғайту жөнінде тапсырмасын орындау мақсатында облыстық деңгейде 2024 жылы 100 мың гектар фитоорманмелиорациялық жұмыстары жоспарланды. Биылғы жылдың көктем айында 50 мың гектар жерге сексеуіл көшеттері отырғызылды. Қалған 50 мың гектар жерге себу жұмыстары агротехникалық талаптарға сәйкес қараша – желтоқсан айларында орындалатын болады. Экологиялық жағдайды жақсарту мақсатында Арал теңізінің табанында биыл 610 мың гектар алқапқа ормандандыру жұмыстары жүргізілді. Орман шаруашылықтары күнделікті жұмыс барысында табиғатты қорғау, қорды күзету жұмыстарымен қатар оны молайтып өсірумен айналысады. Орманды көгалдандыру жұмыстарына қажетті сексеуіл мен саялы ағаш көшеттерін өсіретін 158 гектар орман тұқымбақтары ұйымдастырылуда. Онда 12 түрлі жергілікті жерге жерсіндірілген көшеттер өсіріледі,- деді Мәріп Шәріпұлы.</blockquote><img src="https://knadmin.beoblood.kz/uploads/azan_ajyny_shinshi_zheksenbisi_orman_sharuashyly_y_yzmetkerleri_k_ni_d9aa112208.jpg" alt="Қазан айының үшінші жексенбісі – орман шаруашылығы қызметкерлері күні.jpg">Фото: Қызылорда облысының Өңірлік коммуникациялар қызметі

Қазан айының үшінші жексенбісі – орман шаруашылығы қызметкерлері күні

<a href="https://kyzylorda-news.kz/">Kyzylorda-news.kz</a> Қазан айының 3-4 күндері Астана қаласында ҚР Судьяларының ІХ съезі өтті. Судьялар съезі – Қазақстанның сот жүйесін талқылап қана қоймай, оны жетілдіру жолдарын қарастырып, маңызды стратегиялық шешімдер қабылдайды. Жоғарғы соттың жұмысын жеңілдету мақсатында келер жылдан бастап кассациялық сот жұмысын бастамақ. &nbsp;Өңірлік коммуникациялар қызметінің ақпарат алаңында жауапты сала мамандары келіп судьялардың ІХ съезінде талқыланған мәселелерді айтты.<blockquote>– Мемлекет басшысының қатысуымен өткен жиынның ерекшелігі – географиясының ауқымы мен биліктің үш тармағының да бірдей қатысуында. Себебі, атқарушы, заң шығарушы және сот билігі бірге қатысқан жиын болды. Ел Президенті сот жүйесіндегі реформаларға, сот жұмысына оң бағасын берді. Әсіресе, биылғы жылы сот отырыстары өте ұтымды ойластырылып, адамдардың құқықтық сауаттылығын арттыра түскенін жеткізді. Жаңа кассациялық соттардың сот төрелігін жүргізудегі тиімділігін, сот практикасының бірыңғай болуын қамтамасыз ететінін баса айтты. Жалпы, бұл жиыннан алған әсерім мол. Себебі, 19 жылдық судьялық еңбек жолымда осындай алқалы жиынға қатысу мүмкіндігі алғаш рет бұйырды,- деді Қызылорда облыстық сотының судьясы Шолпан Маликова.</blockquote>&nbsp;Қазақстанның соты тәуелсіздік жылдарында үлкен даму белестерінен өтті. Осы жылдар ішінде үздіксіз жүзеге асырылған реформалар саланың аяғынан тік тұрып, өзіндік бет-бейнесін қалыптастыруына, жұмысын жүйелеуіне ықпал етті.<blockquote>– Соттың беделін биіктетіп, судьялар тәуелсіздігін нығайтуда жыл сайынғы Президент Жолдаулары мен әр төрт жыл сайын ұйымдастырылатын республика судьялары съезінің орны зор. Бүгінде соттағы жаңашылдықтардың күретамырына айналған "Судьялар одағы" республикалық қоғамдық бірлестігі де бастауын осы съезден алған болатын. Бұл бірлестік 1996 жылғы алғашқы съезде өз жұмысын бастады. Міне содан бері Судьялар одағы сот жүйесінде іске асырылып жатқан іргелі жобалар мен жаңашылдықтардың, заңнамаларға енгізілген өзгерістердің, қоғамдағы айтулы бастамалардың жаршысы болып келеді,- деді Қызылорда облысының мамандандырылған ауданаралық экономикалық сотының төрағасы, Судьялар одағының Қызылорда облысы бойынша филиалының төрағасы Бақытбек Елшібеков.</blockquote>&nbsp;Бүгінде мемлекеттік қызметшілер мен азаматтық қызметшілердің қызмет әдебі кодексі бар. Әдептілік қағидаттары жинақталған кодекс судьялар қауымының да басты бағдар етер құжатының бірі.&nbsp;<blockquote>– Бұл кодекс судьялардың кәсіби және қызметтен тыс өміріндегі мінез-құлықтарының этикалық ережелерін анықтауымен бағалы. 1996 жылы республика судьяларының І съезінде қабылданған Әдеп кодексіне бірнеше жаңғыртулар жасалып, бүгінгі күнге дейін судьялардың қызметтегі және қызметтен тыс кездегі әдебінің басты талаптарын белгілеген болатын. Міне, осы жылдар бойы судьялардың қорғаны болған Әдеп кодексін заман талабына сай қайта дайындау қажеттілігі туындап отыр. Бұл өзгеріс бүгінгідей жаңа технология жетістіктері жаппай қолданысқа енгізіліп, ақпараттар тасқынын сүзгіден өткізу мүмкіндігі төмен кезеңде аса өзекті болып отыр. Кодекс көпшіліктің көкейіндегі талап пен тілекке толық сәйкес келуі үшін судьялардан арнайы жұмыс тобы құрылған еді. Осы жұмыс тобының құрамында маңызды құжаттың дайындалуына атсалысу мен үшін үлкен мәртебе. Жалпы Әдеп кодексін дайындау ісінен республика судьяларының ешқайсысы шет қалған жоқ. Алдымен жергілікті жерлердегі судьялар кодекске қатысты өз пікір-ұсыныстарын білдіріп, сол бойынша құжаттың негізі жасалды,- деді Қызылорда облысының мамандандырылған ауданаралық әкімшілік сотының төрағасы Гүлжан Мырзатаева.</blockquote><img src="https://knadmin.beoblood.kz/uploads/dep_kodeksi_sudyalardy_basty_tiregi_c71deeeba4.jpg" alt="Әдеп кодексі – судьялардың басты тірегі.jpg">Фото: ser-per.kz

 Әдеп кодексі – судьялардың басты тірегі

<a href="https://kyzylorda-news.kz/">Kyzylorda-news.kz</a>&nbsp; Медицина өте үлкен сала. Халық денсаулығы жолында мыңдаған адам қызмет етіп жасап, науқастардың алғысына бөленіп келеді. Бұл салада отбасымен бірге еңбек ететін жандар да аз емес. Бүгінгі біздің кейіпкеріміз – облыстық жұқпалы аурулар ауруханасының бөлім меңгерушісі Қанат Жукешев солардың бірі.Білікті маманның ауруханада қызметін бастағанына біраз уақыт болды. Осы жылдар ішінде ол өзін жауапкершілігі зор, міндетіне тиянақты қарайтын дәрігер ретінде көрсете білді. Талай науқасқа сапалы медициналық көмек көрсетіп, дертінен айығуға септігін тигізіп келеді. Баланың бабын тауып, денсаулығын жақсартуға зор еңбегін сіңіруде.Айта кету керек, Қанат Талғатұлының өмірлік жары да медицина саласының маманы. Меруерт Аққайырова облыстық перинаталды орталықта дәрігер – неанотолог болып абыройлы қызмет жасайды. Аяулы жан шала туған нәрестелерді күтіп-бастауда, тиісті ем-домын жасауға жоғары кәсіби біліктілігін көрсетуде.<blockquote>“Біз Қарағанда мемлекеттік медициналық академия табалдырығында таныстық. Аққұба, мінезі жұмсақ Меруертті бір көргеннен ұнаттым, кейін отбасын құрдық. 12 жыл бойы дәм-тұзымыз жарасып келеді. Көп балалы отбасымыз, 5 перзенттің ата-анасымыз.</blockquote>Расымен, бізді табыстырған – медицина. Бір салада еңбек еткеннен кейін бір-бірімізді өте жақсы түсінеміз. Айтатын ортақ әңгімеміз бар. Кейде бір-бірімізбен ақылдасып, кеңес сұраймыз. Мен қашанда жарымды қолдап отырамын. Мамандығымызды ерекше мақтан етеміз", – дейді Қанат Талғатұлы.Бүгінде Қанат Жукешевтің шаңырағы шаттыққа толы. Өз антына адал, міндетін зор жауапкершілікпен атқаратын жандар перзенттеріне үлгі.<img src="https://knadmin.beoblood.kz/uploads/Bizdi_tabystyr_an_mediczina_394745fc78.jpg" alt="Бізді табыстырған - медицина.jpg">

Қанат Талғатұлы: Бізді табыстырған – медицина

<a href="https://kyzylorda-news.kz/">Kyzylorda-news.kz</a> Қызылорда облысы бойынша Қылмыстық-атқару жүйесі департаментіне қарасты 68 мекемесінде жазасын өтеуші сотталған азаматша өзінің бұрын некеде болған жұбайы мен қайта некесін қиды.Ашып айтатын болсақ сотталған азаматша тергеу изоляторында ҚР ҚК-нің 190 бабы 3 бөлігі 4 тармағы бойынша 3 жылға бас бостандығынан айырылған. Қазіргі таңда өзінің бұрынғы некеде болған жұбайымен қайта некесін заңдастыру мақсатында мекеменің заңгер маманының көмегіне жүгініп, АХАТ бөлімінің маманы арнайы келіп, неке куәлігін табыстады.&nbsp;Жазасын өтеуші азаматшаның айтуынша, қателікпен шалыс басып екіге айрылдық. Енді міне бізді тағдыр қайта тоғыстырып өз некемізді заңдастырып жатырмыз. Бұл үшін қуаныштымыз. Сонымен қатар, мекеме басшылығына, мекеме заңгеріне және АХАТ бөлімінің маманына өз алғысымызды білдіреміз деді, – жазасын өтеуші азаматша.

Қызылордада сотталған азаматша некесін қиды

<a href="https://kyzylorda-news.kz/">Kyzylorda-news.kz</a> Әлемдік әдебиеттің проза патшалығы мен әңгіме өрнегіне, ұлт құнары ана тілінде ою салған, қарапайым қазақы қарасөздің шебері, қазақи кең пайымды далалық түсініктің білгірі, өз қоғамының өмірін әдеби тұрғыда өлшеуші – Бейімбет Майлинге 130 жыл.20-шы ғасыр басындағы қазақ әдебиеті сол дәуірдің саясатын, алып империя ықпалының құлдырауын, феодалдық үрдістің құлауын, ішкі ықпалдың дүмпуінен күш алған жаңа үкіметтің төңкерісін, жылға жетпеген уақыт ішінде билік басына келген үш үкіметтің алма кезек ауысуын өз қалпында жазумен ерекшеленеді.Бейімбет Майлин шығармаларына Қостанай атырабы, арнасы толған Торғай-Тобылдың тасасы мен ағысы баяу Аят өзені жағалауына қонған жұрттың тіршілігі арқау болды. Осы бір үш өзеннің сағасына жиналған ауыл адамдарының аңғалдығы, сенгіштігі, күнәмшілдігі бүтін қоғамның бейнесі іспетті.Әр қоғамның тұрақты қалыптасқан саяси-әлеуметтік, саяси-экономикалық, мәдени-рухани өмірінің дағдыларына, табиғи құбылыстардан тұратын тағдырына түрлі өзгерістердің енуін, жаңа қоғамның ауытқуы мен толқуларына, заңды қағидаларына, кешегі өткен мен нақ бүгінгі талаптың айырмашылығына, артықшылығына назар салып, айна қатесіз баяндайтын суреткері болары заңдылық. Суреткер, яғни қаламгер – сол дәуірдің қалыпты келбетін, тұрақты не тұрақсыз тұрмысына баға беруші, әдеби өлшеуші, әдеби сарапшы, әдеби зерттеуші, әдеби безендіруші қызметін атқарады. Суреткер – жазушы, ол – Бейімбет Майлин. Суреткер – драматург, ол – Бейімбет Майлин.Бейімбет Майлин 20-шы ғасырдың басындағы терең толқулар мен тартысқа толы төңкерістердің шындығын, тұрмыстың ауырлығын, тағдырдың тауқыметін әдемі тілмен, көркем оймен жаза білді. Қуанышынан қайғысы басым дәуірде жазушылықтың аса маңызды тарауы драматургия болды. Қазақ драматургиясының да бастауы осы ғасырдан тамырланған. Жазушының шынайы кейіпкерлері шын сөз, шын оқиға, тың идеялармен туды.Проза – қазақ әдебиетіндегі көркем тілдің көкжиегі. Бейімбет Майлин прозалық туындыларындағы бейнелердің өміршеңдігі – қоғам мен адамның арасындағы байланыстың бір жүйеде қабысуы. Б.Майлин прозадағы көтерілген тақырыптарға талан-таражға түскен қияңкес қоғам, гуманистік идеяға құрылған оқиғалар, ескіліктің сарқыншағы – құлдық, теңдік, бостандық көріністері арқау болды. Би-аға шығармаларындағы кеңестік &nbsp;натурализм – дәстүрлі және ұжымдық ауыл өмірі арқылы баяндалды.Әдебиеттің қайнар бұлағы – сөз өнері. Сөз әдебиеттің темірқазығы. Би-аға сөз шындығын қиялдан емес, өмір шынайылығынан тудырды. Сол шындығы үлкен суреткерлікке жетеледі. Бейімбет Майлин осы суреткерлік тұжырымға сай қазақ әдебиеті айдынында аянбай еңбек етіп, бағасы құнды, жарасы әр қоғамда талқыға түсетін шығармалар қалдырды. Жазушы-драматург шығармаларындағы кейіпкерлер психологиясы жаңа үрдістің қалыптасуын мойындай алмайтын, іштей тұншыққан жарым жандар мен жаңа кезеңнің тәртібін орнатушылардың арпалысы. Әдебиеттің сан тараулы түрінің бірі – жанрлар: проза, әңгіме, драма, фельетон, сатира, әзіл-сықақ, водевельге тәнтуындылардың табиғатын аша білді. Жазушы өзінің драмалық шығармаларында оқиғаларды байланыстырушы, болған жайтты әдеби құрастырушы, әрі оқиғаларды ғаламат шиленістіруші. Ол – адам табиғатын терең білуші. Адамның ішкі жан дүниесіне үңілуші. Әдеби кейіпкерінің жан сарайына сырлас бола білді. Жалғыз мұңдасы да сол жазушы. Би-аға кейіпкер жыласа жұбатушысы, күлсе қолдаушысы болды. Қатал тағдырдың тауқыметіне таланған, тар жолда кеңдік таппаған кейіпкерінің қорғаушы қызметін қатар алып жүргені әрбір шығармасында сайрап тұр.Суреткер поэзияда сұлу сазды сөз құраушы. Прозада көркем тілді өрнектеуші. Фельетонда фантазияға бай. Сатирада сапырылысқан сөз сайысқа емес, ашық қоғамның ащы шындығын мысқылмен мақұлдап, түйдек оймен түйреп, санаға салып отырды. Би-аға салмақты сатирасында саяси-әлеуметтік кейіпкерлердің ұстанымын, ұтқыр ойларын, екеуара диалогтарын, оқиға құрылысын, қалпы бұзылған қоғамның тынысын келістіре жазды.Би-ағаның тағы бір қасиеті – музыкалық қабілет дарыған дара тұлға. Сөз саптауында, сөз құрау иірімдерінде әдебиетке тән сазды әуен бар. Оның табиғатпен үндесуі, табиғаттың тілін білуі, табиғаттағы құбылмалы кезеңдерді мүлтіксіз тануы әрбір туындыларында анық білінеді. Суреткердің қаламынан шыққан әрбір шығарма ойы терең, тілі таза, бояуы қанық&nbsp;– сөз, дерегі анық – образдар арқылы сол кезеңнің тынысын танытты. Сөз сұлулығын талап ететін, тартымды образдар мен шынайы оқиғаларды көркем тілмен жеткізу мақсатын ұстанған Бейімбет Майлин өз дәуірін сипаттауда ерекше еңбек етті. Бейімбет Майлин елеусіз еңбегінің айғағы ақпаратта да айқын білінеді. Ол өз заманының ақпаратын лезде жариялаушы, таратушы. Қазақтың маңдай алды газеті «Ауылдың» таралымы мен тиражының басым болуына бір «Мырқымбайдың» образы теңдессіз үлес қосты. Ал, жазушының «Ыбырайы» басына қонған не бағы, не соры бұ күнмен үндес кейіпкер. Публицист-жазушы Бейімбеттің Мырқымбай, Ыбырай, Қырымбай әрекеті сол дәуірдің &nbsp;тыныс-тіршілігі мен болмыс-бітімін мүлтіксіз баяндады.Бейімбет десек, әдебиеттен есімізге Қырымбай қырсықтығы, Мұқыш, Ыбырай, Мырқымбай маңғаздығы оралады. Бейімбет десек, кино экраннан қол мерген батыр Амангелдінің мергендігі, театр сахнасынан хас батыр Жалбырдың ерлігі оралады. Бейімбет Майлин қазақтың театр өнері мен кино саласының өркендеуіне сүбелі үлес қосқан драматург. Би-аға театрға арналған көптеген пьеса-либретто жазды. Әдебиетке тән жанрлардың біразын қамтыған Бейімбет драмасы табиғи, сатирасы саяси, әжуасы әсерлі пьесалары кейінгі жылдары театр сахналарынан бой көрсетпей келеді.Жалпы, бізге жеткен пьесасы 23, оның ішінде ізденіс пен зерттеулер арқылы табылғаны 16 пьеса.Бейімбет шығармашылығын қызыл қырғыннан соң қайта табыстырған, мақалаларына, әңгімелеріне талдау жасап, еңбектерін ғылыми зерттеп, жоғын түгендеген жазушы, профессор, ғалым, гуманитарлық ғылымдарының академигі Тоқтар Бейісқұлов екенін еске түсірген артық емес.Сахнаның өлшеміне дөп түсер Досан, Есімбек, Сарымсақ, Жалбыр, Елемес, Жамақ, Таңсық, Жамантік, Талтаңбай, Сейпен, Тұтқыш, Жамал, Пүліш, Шермек образдары бүгінгі біз іздеп жүрген тақырыптың шешуін түбінен қозғар кейіпкерлер. Тынысы кең, тіршілігі тар тағдыры шерге толы кейіпкерлері осы күні арамызданда табылады. Бұл драмаға тиесілі тәсіл ғасырлар үндестігі, әрі жазушының үлестіре білгенінде. Пьесалардағы көтерілген мәселелер – адамның өмірі, адамның күресі. Бейімбет Майлин драмаларындағы басты шиеленіс, ол – адамның тебіренісін оятқан теңдік пен құлдық, еркіндік пен бостандық, бақ пен тақ, бағыну мен бағыныштылық, сатқындық пен адалдық көріністері. Би-аға өзінің драмаларында зарлы әйелдің запыран сөзін, долы келіннің ащы зарын, адуынды ененің кесел мінезін, сұлу қыздың сымбатын сөз әрекетіне сай суреттеген. Еркектің мінезін – барына қанағат, жоғына сабыр ететін жұмсақ мінез иесі етсе, кейде байдың батырмасына көндіккен кедейге араша болған, батырақтың балағына жармасқанды арқасынан сабаған өр көкірек образдар мен саналы ойда болатын, ескі мен жаңаны саралайтын парасатты &nbsp;кейіпкерлері арқылы жеткізді.Осы күні саны көп, сапасы айтарлық, көркемдік деңгейі санасуға тұрарлық сахналық шығармаларының көпшілігі қазақ театрлары сағасында сығалаған күйі қалып барады. Десекте, қазақ драматургиясының алтын қорынан орын алған Бейімбет Майлиннің шығармаларын бұл күнде қазақ театрлары сахналамауының себеп сыры неде екен? Тәуелсіздік жылдарынан бері Майлиннің санаулы пьесалары сахналанды. Осы біздер, әсіресе сахнагерлер Би-ағаның пьесаларын сахнаға сыйдара алмай жүрміз бе, әлде сыйдыртпай жүрміз бе? Қазақ театр өнеріне кеңдік жасаған, алып бәйтерек Би-аға драматургиясына кемдік жасап жатқан жоқпыз ба?...Театр кітабына бірінші жазғаным «Неке қияр», «Жат сабақ» дегендер еді. «Жат сабақты» артынан өзгертіп, «Шаншар молда» деп атадым... деген Би-ағаның адам психологиясына тән қыңыр мінез, ашакөзді пенде қылығын талғам тәсілімен жазған салмақты сатирасы, халықтық театрлар мен халықтың сағымына айналған «Тамаша» ойын-сауық отауларында жылт еткені болмаса, кең көлемді театр сахналарынан жарқ етпеді.&nbsp; &nbsp; &nbsp; &nbsp; &nbsp;Жазушы-драматург Бейімбет Майлин өзі жазған «Жалбыр» пьесасы туралы былай деп жазады: ...«Мен пьесада 1916 жылдың таптық көтерiлiсiнiң сырын ашуға тырыстым, езiлген, қанауда келген кедей, батырақ көпшiлiгiнiң қол ұстасып патшалыққа, патшаға арқа сүйеген бай-болыстарға қарсы шын ашынып, майданға түскенiн суреттемек болдым. Жалбыр дейтiн кiсi бұрынғы Қостанай уезi Дамбар болысындағы кедей едi. 1916 жылғы көтерiлiсте осы кiсi бастап атқа мiндi. Қостанай уезiнiң бiрнеше болыстары бiрiгiп, Торғай уезiндегi Амангелдi көтерiлiсiне атсалыспақшы болды... деп, пьесаға арқау болған шынайы батырдың өжеттілігін, өзіне сенімділігін, өзгені өзегінен тептірмейтін тік мінезін, халықтық биіктікке жеткізіп «Жалбыр» шығармасын жазды. Өз дәуірінде теңдесіз бұл туындыны осы күндері іздеп жатқан сахнагерді көре алмадық. Асылында, жай күндері жазушының шығармашылығын насихаттау баяу жүреді де, мерейлі тойы қарсаңында аста-төк тойдың жоспарлары құрылып, артынан жоспарлардың аяқсыз қалғанын түсінбей жатамыз. Мерейлі той аясында Би-аға туралы 45 сериалды деректі фильм түсіру, кітапханаға атын беру, музей құру, шығарамаларын сахналау мәселелері айтылады. Орындалғандары – әңгімелерінен екі кино түсірілді («Қыр әңгімелері» режиссері Д.Манабаев, 1974 ж,Д.Саламаттың «Талақ» фильмі 2024 ж.) әңгімелер желісінен «Кім кінәлі» (әзірлеген С.Тұрсынбекұлы 2016 ж)сахналық нұсқасы әзірленді, Би-ағаның өмірі мен қызметіне арналған «Қаламгер»(режиссері Ә.Баймахан 2019 ж)спектаклі сахналанды. Қостанай облысының бұрынғы Таран ауданы, қазір Б.Майлин ауданы деп өзгертілді. Қостанай облысы әкімдігінің мәдениет басқармасының «Б. Майлин атындағы тарихи-өлкетану музейі» осы аудан орталығында 1991 жылдан бері үздіксіз жұмыс істеп келеді. Бұл атқарылған жұмыстар көп пе, әлде аз ба?Ұлт үшін қайраңдаған қайықтай күн кешкен қазақтың үш бәйтерегі – Бейімбет Майлиннің «Жалбыр», «Майдан», «Шұға», Ілияс Жансүгіровтің «Кек», «Түрксіб», «Исатай-Махамбет», Сәкен Сейфуллиннің «Қызыл сұңқарлар», «Бақыт жолында» пьесалары 130 жылдық мерей тойында сахналанбаса, қай мерей тойында сахналаймыз.Алтаев Самат, Ө.Жәнібеков атындағыОңтүстік Қазақстан университетіПедагогика және психология магистрі

Бейімбет Майлин және театр өнері

<a href="https://kyzylorda-news.kz/">Kyzylorda-news.kz</a> ҚР Сыбайлас жемқорлыққа қарсы іс-қимыл агенттігінің Алматы облысы бойынша департаменті сыбайлас жемқорлыққа қарсы мәдениет қалыптастыру мақсатында ағымдағы жылы 23 қыркүйектен бастап «Сыбайлас жемқорлыққа қарсы инновациялық шешімдер» республикалық сыбайлас жемқорлыққа қарсы жобалар конкурсы іске қосылғанын хабарлайды.Конкурстың мақсаты – инновациялық идеяларды, өзекті ғылыми, техникалық және цифрлық шешімдерді әзірлеу және іске асыру мақсатында, азаматтық қоғамды сыбайлас жемқорлыққа қарсы саясатқа тарту.Конкурсқа барлық тілек білдіруші адамдар (жеке және заңды тұлғалар), оның ішінде қоғамдастық және үкіметтік емес ұйымдардың өкілдері қатыса алады.Конкурс мынадай бағыттар бойынша өткізіледі:– қоғамдық бақылау;– сыбайлас жемқорлыққа қарсы білім беру және зерттеу;– сыбайлас жемқорлық тәуекелдерін анықтау және жою;– сыбайлас жемқорлыққа қарсы медиа құралдар.Конкурс екі кезеңнен тұрады: іріктеу, финал.Іріктеу кезеңі 2024 жылғы 23 қыркүйектен 20 қарашаға дейін өткізіледі.Конкурстың финалдық кезеңі 2024 жылды 29 қарашасында Қонаев қаласында өтеді.Конкурс қорытындысы бойынша үздік жобалардың авторлары ақшалай сыйлықтармен марапатталатын, сондай-ақ үздік жобаларды іске асыру үшін қаржылық-техникалық қолдау көрсетілетін болады.Фото: azattyq-ruhy.kz

Республика бойынша сыбайлас жемқорлыққа қарсы жобалар конкурсы өтуде

<a href="https://kyzylorda-news.kz/">Kyzylorda-news.kz</a> Партияның облыстық филиалының төрағасы Алмасбек Есмаханов партияның облыстық филиалымен 2024 жылдың 9 айында атқарылған жұмыстар қорытындысы бойынша БАҚ өкілдеріне брифинг өткізді.Жалпы, партияның халық алдындағы ең басты міндеті – Сайлауалды бағдарламасының мүлтіксіз орындалуы.<blockquote>«AMANAT» партиясының 2023-2027 жылдарға жоспарланған «Халықпен бірге!»&nbsp;Сайлауалды бағдарламасы негізінде барлық өңірлерде бағдарламаны нақты жүзеге асырудың арнайы Жол картасы әзірленді. Жол картадағы шараларға нақты қаржы &nbsp;қаралды. Ағымдағы жылдың 9 айында Жол картаға енген 115 шараның &nbsp;66 орындалды, 48-і &nbsp;орындалу үсінде.Брифинг барысында филиал төрағасы: Орындалған шаралардың бірқатарын атап өтер болсақ, &nbsp;2 елді мекен таза ауыз суға қосылды. (9,9 км су жүйелері тартылды). Олар Шиелі ауданы Ортақшыл ауылдық округіне қарасты Қызылқайын және Еңбекші ауылдық округіне қарасты Қосүйеңкі елді мекені.Сонымен бірге, Бестам, Алмалы, Ақтоған, Төменарық, Ақсу елді мекендері мен Төретам кентіне табиғи газ беріліп, 24 мыңға жуық халық көгілдір отын игілігін көруде.VI-санатты жылына 5000-10000 донацияға арналған облыстық қан орталығы іске қосылса, «Жайлы мектеп» жобасы аясында Қызылорда қаласының сол жағалауынан 900 орындық мектеп пайдалануға берілді. Мұнан бөлек, білім, денсаулық, спорт салалары және азаматтарды тұрғын үймен қамту бағытында саланып жатқан құрылыс нысандарының жұмысы өздеріңіздің көз алдарыңызда, – деп атап өтті.</blockquote>Өңірлік Жол картадағы әрбір нысанның құрылысы партияның аймақтық және аумақтық филиалдары жанындағы Партиялық бақылау комиссиясының бақылауында.Комиссия мүшелері Жол картасы шеңберіндегі нысандарға бақылау жұмыстарын ұдайы жүргізе отырып, жұмыстың нақты, сапалы аяқталуын бақылау үстінде. Ағымдағы жылдың 9 айында &nbsp;Партиялық бақылау комиссияларының 85 отырысы өткізілді. Оның 11 отырысы аймақтық деңгейде, 74-і аумақтық филиалдардың ұйымдастыруымен өтті.Комиссия отырыстары мен мониторинг жұмыстары барысында 414 ұсыныс әзірленіп, оның 292-сі орындалды. Қалған ұсыныстар бойынша жұмыс жасалуда.Сайлауалды бағдарлама Жол картасында көрсетілген құрылыс нысандарына апта сайын рейдтік іс-шаралар ұйымдастырылып, жыл басынан 71 нысанға партиялық бақылау бекеттері орнатылды. Оның бүгінгі күнге 48-і пайдалануға беріліп, арнайы белгілер ілінді.Сондай-ақ, Партиялық бақылау комиссиясының мүшелері сайлаушылар арасында маңызды мәселелерге де баса назар аударып, олардың шешілуіне ықпал етуде.Партияның аумақтағы филиалдары жанында қоғамдық қабылдау бөлмелері ауқымды жұмыстар атқару үстінде. Күн сайын азаматтар өзінің мұң-мұқтажымен жүгініп, тиісті шешімдерін алуда. Қоғамдық қабылдау алаңдарында облыс, қала әкімдері, олардың орынбасарлары және тиісті сала басшылары, халық қалаулылары бекітілген кестеге сәйкес азаматтарды қабылдап келеді.Мәселен, 9 ай қорытындысы бойынша 1295 қоғамдық қабылдау өткізіліп, онда 3918 тұрғын қамтылған.Бүгінгі күнге келіп түскен өтініштер саны - 4880. Соның ішінде оң шешілген өтініштер 67,6 пайыздан 72,3-ке көтеріліп отыр. Қоғамдық қабылдау жұмыстарының партия алаңдарынан бөлек елді мекендерде мобильді қабылдау ретінде өтетінін де атап өткен жөн.Жалпы, партия тарапы азаматтардың әлауқатын арттыру бойынша тиісті жұмыстар атқаруда. Оның ішінде партиялық жобалар зор мәнге ие. Мемлекет басшысы Қасым-Жомарт Тоқаев партияның «Ауыл аманаты», «Жер аманаты», «Қарызсыз қоғам» жобаларының игілігін әр азамат көру қажеттігін атап өткен болатын.&nbsp;«Ауыл аманаты» жобасы бойынша биыл&nbsp;облыста 905,44 млн. теңгеге 136 жоба қаржыландырылды.Ауыл шаруашылығы кооперациясын дамыту мақсатында жоба аясында ағымдағы жылы 767,0 млн. теңгеге 27 ауыл шаруашылығы кооперативтерін құру жоспарланып, бүгінгі күнге бағдарлама бойынша 1 млрд. теңге қаржы бөлініп, «Amanatnesie.kz» электронды порталы арқылы несие беру жұмыстары басталды.Ал «Жер аманаты» жобасы бойынша Президенттің тапсырмасына сәйкес аймақта 2022 жылдан бастап мақсатына сай пайдаланылмай жатқан ауыл шаруашылығы жерлерін мемлекет тарапына қайтару, оны қайта айналымға қосу жөніндегі жұмыстар жүруде. Осы орайда, «AMANAT» партиясы облыстық филиалы жанынан «Жер аманаты» аймақтық комиссиясы құрылып, осы бағытта жұмыс жасауда.&nbsp;Азаматтардың қызығушылығын арттырған партиялық жобаның бірі - «Қарызсыз қоғам» жобасы аясында биыл өңірден 8000 азаматты қаржылық сауаттылық оқу курсынан өткізу жоспарланды. &nbsp;Бүгінгі күнге облыс көлемінде 8433 адам білім алды. Жыл соңына дейін қосымша 3000 адам курстардан өтетін болады.&nbsp;БАҚ өкілдерімен кездесуде филиал төрағасы Алмасбек Әбілқасымұлы партия бастамалары мен жобаларының ауқымы бұдан әрі де кеңейіп, сайлаушылар үшін маңызды нәтиже көрсетенін жеткізді.<img src="https://knadmin.beoblood.kz/uploads/AMANAT_At_aryl_an_zh_mystar_bojynsha_brifing_tti_1_96431dcd0d.jpg" alt="AMANAT Атқарылған жұмыстар бойынша брифинг өтті 1.jpg">

«AMANAT»: Атқарылған жұмыстар бойынша брифинг өтті

<a href="https://kyzylorda-news.kz/">Kyzylorda-news.kz</a>&nbsp; ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департаменті сыбайлас жемқорлыққа қарсы мәдениет қалыптастыру мақсатында «Парасат елшісі» республикалық байқау өткізілетінін хабарлайды.Байқау 3 кезеңнен тұрады.I кезең – парасаттылық елшілік ету,&nbsp;II кезең – бейнероликтер байқауы және финалдық кезеңБайқау 7 қазан – 29 қараша аралығында өтеді.Байқаудың мақсаты – сыбайлас жемқорлыққа қарсы мәдениетті арттыру, жастардың назарын сыбайлас жемқорлық проблемаларына аудару, сонымен қатар қоғамда адалдық, әділдік, парасаттылық қағидаттарын кеңінен насихаттау.

«Парасат елшісі» республикалық байқауы өтеді

<a href="https://kyzylorda-news.kz/">Kyzylorda-news.kz</a> &nbsp;Бұған дейін облыс әкімі Нұрлыбек Нәлібаев автогаз құю бекеттері арқылы сұйытылған мұнай газын сату мәселелеріне, атап айтсақ, бағаны реттеуге қатысты нақты тапсырма берген болатын. Газ құю бекеттеріндегі кезекті, лимит қоюды, басқа да шектеулерді мүлде алып тастауды міндеттеген. Сондай-ақ, жоғары баға қоятын, әлеуметтік газды сату талаптарын сақтамайтын кәсіпкерлермен келісім-шарт бұзылатынын ескертті.Еске салайық, Кызылорда облысының аумағындағы автогаз құю бекеттерінде газдың қосылған құн салығы бар шекті бөлшек сауда бағасы 1 литр үшін 70 теңге, облыс орталығынан шалғайдағы аудандарда (200 шақырымнан астам) 75 теңге болып бекітілген.Бүгінде облыс әкімінің ұсынысына сәйкес өңірлік операторлар қала аумағында газды 65 теңгеден сатуда.<img src="https://knadmin.beoblood.kz/uploads/avtogaz_73962cbbbb.jpg" alt="автогаз.jpg"><img src="https://knadmin.beoblood.kz/uploads/avtogaz_3_993bd41c99.jpg" alt="автогаз 3.jpg"><img src="https://knadmin.beoblood.kz/uploads/avtogaz_2_2ea9c10420.jpg" alt="автогаз 2.jpg">Фото: Қызылорда облысы әкімінің баспасөз қызметі

 Қызылордада газ арзандады

<a href="https://kyzylorda-news.kz/">Kyzylorda-news.kz</a> ҚР Сыбайлас жемқорлыққа қарсы іс-қимыл агенттігінің Маңғыстау облысы бойынша департаменті сыбайлас жемқорлыққа қарсы мәдениетті қалыптастыру мақсатында «Елімізде сыбайлас жемқорлықты азайтуға қосқан үлесім» тақырыбында мемлекеттік қызметшілер арасында эссе байқауын жариялады.Байқаудың мақсаты – мемлекеттік қызметшілер арасында сыбайлас жемқорлыққа қарсы мәдениетті қалыптастыру, олардың сыбайлас жемқорлыққа қарсы заңнама талаптарын білуін, шығармашылық белсенділігін және креативті шығармашылық ойлауын ынталандыру.Конкурс Қазақстан Республикасының барлық мемлекеттік қызметшілері үшін ашық. Қатысу тегін және ерікті. Конкурстық жұмыстар жеке тәжірибесі немесе кәсіби қызметі негізінде сыбайлас жемқорлыққа қарсы іс-қимыл бойынша ұсыныстар мен ұсынымдарды қамтитын авторлық эссе нысанында ұсынылуы тиіс.Эссе қазақ немесе орыс тілінде жазылып, бекітілген Ережеге &nbsp;сәйкес келуі тиіс. Жұмыстарды қабылдау 2024 жылғы 20 қыркүйектен 20 қазанға дейін жүзеге асырылады.Байқау сырттай жүргізіледі. Жұмыстар электронды түрде Департаменттің ресми сайтында «Эссе байқауы – қатысушының тегі» белгісімен konkurs@antikor.gov.kz &nbsp;электрондық мекен-жайында қабылданады.Жұмысты бағалау екі деңгейде өтеді:Бағалау қорытындысы бойынша бірінші, екінші және үшінші орын алған қатысушылар жеңімпаздар деп танылады. &nbsp;Қорытынды қазақ және орыс тілдерінде ұсынылған жұмыстар бойынша бөлек анықталады.Байқау жеңімпаздары мен жүлдегерлері дипломмен және құнды сыйлықтармен марапатталады. Жеңімпаздардың жұмыстары бұқаралық ақпарат құралдарында жарияланады.Конкурсқа қатысу мәселелері бойынша қосымша ақпаратты (7292) 319110/321 немесе +77014577275 телефоны арқылы алуға болады.

Мемлекеттік қызметшілер арасында байқау жарияланды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде кәсіби бағдар беру бойынша ата-аналар мен түлектерге арналған кездесу өтті. Жиында Қорқыт ата атындағы Қызылорда университетінің Басқарма мүшесі – стратегиялық даму және IT жөніндегі проректор Махмұт Томанов университеттің артықшылықары мен стратегиялық дамуына тоқталды.Кездесуге ҚР Ғылым және жоғары білім министрінің кеңесшісі Руслан Емелбаев және профориентолог, @eduser.online негізін қалаушы Айдос Жұманазаров қатысып, түсіндірме жұмыстарын жүргізді.Жиында талапкерлердің жоғары оқу орындарына оңтайлы әдіспен құжат тапсыруы, мамандық таңдау, грант бөлінісі мен оған түсу ықтималдығына өз бетінше анализ жасау және мемлекеттік бағдарламалар мен түрлі лайфкахтар туралы айтылды. Сонымен қатар, халықаралық диплом алу және оқу орнын ауыстыру жолдары да түсіндірілді.Түсіндірме жұмыстары Қызылорда қаласы бойынша 57 57 мектептің түлектері, мектеп директорлары, орынбасарлары және ата-аналарына, аудандар бойынша екі мыңға жуық ата-ана мен түлекке түсіндірме жұмысын жүргізді.Бұдан бөлек, Руслан Тоқтарбекұлы Қызылорда облысына жұмыс сапары барысында Қорқыт ата атындағы Қызылорда университетінде жаңа оқу жылында пайдалануға берілген «Іңкәр 7» жатақханасына барып, студенттердің жағдайымен танысты. Кездесу барысында республика бойынша студенттердің жатақханамен қамтылуы басты назарда екенін, өңірлерде бұл мәселе шешімін тапқанын атап өтті.

Қазақстан және Қызылорда облысының жаңалықтары