<a href="https://kyzylorda-news.kz/">Kyzylorda-news.kz</a> 2024 жылы облыс бойынша табиғат заңдылығын бұзудың алдын алу мақсатында 67 рейд жұмыстары ұйымдастырылды. Нәтижесінде түрлі заң бұзушылық анықталып, әкімшілік хаттама толтырылды. Сондай-ақ инспекция бастамасымен табиғат заңнамаларының сақталуы бойынша 36 тексеріс жүргізілген. Бұл туралы облыстық орман және жануарлар дүниесі аумақтық инспекциясының басшысы Марат Нұрмағанбетов хабарлады.<blockquote>- 2024 жылдың көктем айында мемлекеттік орман қоры жерлерінде жалпы аумағы 127 737 га жерге орман мелиорациялық шаралар жүргізілді. Ал 2025 жылға жалпы көлемі 376 291 га жерге орман патологиялық шаралар жүргізу жоспарланған. Жүргізілген 61 рейд жұмыстарының 2 дерегі қарау реттілігімен полиция органдарына жолданып, тиісті шара қаралды. Сондай-ақ балық аулау қағидасын бұзудың 4 дерегі анықталып, жинақталған құжаттар сотқа жолданды. Жалпы жағдай жіті бақылауда. Сонымен қатар облыста ерекше қорғалатын табиғи аумақтар бар. Республикалық маңызы бар Барсакелмес МТҚ-ның 2024 жылы атқарған жұмыс қорытындылары бойынша 2024 жылы 3 рет тыңдаулар өткізіліп, арнайы тапсырмалар берілді,- деді Марат Жалпақбайұлы.</blockquote>

Жыл бойы атқарылған жүйелі жұмыстар қорытындыланды

<a href="https://kyzylorda-news.kz/">Kyzylorda-news.kz</a> Медицина ғылымдарының докторы, академик, белгілі онколог Диляра Қайдарова С.Д. Асфендияров атындағы ҚазҰМУ-дың бірінші проректоры болып тағайындалды. Бұл туралы білім ордасының баспасөз қызметіне сілтеме жасаған <a href="https://kaz.nur.kz/showbiz/2211803-baian-maqsatqyzynyng-qudagiy-qazumu-birinshi-prorektory-bolyp-tagaiyndaldy/">KAZ.NUR.KZ</a> хабарлайды.&nbsp;Диляра Радикқызы ҚазҰМУ-дың директорлар кеңесінің шешімімен университеттің бірінші проректоры болып тағайындалды. Бұл туралы басқарма басшысы, ҚазҰМУ ректоры Марат Шоранов кеңесшілерінің, проректорлардың және құрылымдық бөлімшелер жетекшілерінің қатысуымен өткен жиналыс барысында хабарлады. Диляра Қайдарова 2016 жылдан 2025 жылдың қаңтарына дейін онкология институтын басқарды. Ал 2006-2016 жылдар аралығында Алматыдағы онкология орталығында басшы қызметін атқарған. Қызметтік жолын 1992 жылы Алматы онкологиялық диспансерінің гинекологиялық бөлімшесінде дәрігер-онколог болып бастаған.&nbsp;Айта кетерлігі, Диляра Қайдарова белгілі продюсер Баян Мақсатқызының құдағиы, Айсәуле Бақытбектің енесі болып келеді.Фото: Диляра Қайдарова инстаграм парақшасынан/Малика Хадид/Nur.kz

Баян Мақсатқызының құдағиы ҚазҰМУ бірінші проректоры болып тағайындалды

<a href="https://kyzylorda-news.kz/">Kyzylorda-news.kz</a> Мәжіліс депутаты Азат Перуашев Премьер-министрдің орынбасары – Ұлттық экономика министрі Серік Жұманғаринге жолдаған сауалында салық органдарын мобильді аударымдарды қадағалау саясатын қайта қарауға шақырды.Депутат мобильді аударымдарды қадағалаудың қазір ұсынылып жүрген нұсқасы Түркияның қателіктерін қайталатуы мүмкін екенін айтады.<blockquote>– Олжас Байділдинов сияқты сарапшылар қазіргі ұсынылып отырған тәсіл Түркиядағыдай ұлттық валютаның қосар бағамын туындатуы мүмкін екенін айтып жүр. Бұл елде қолма-қол емес ақша қалма қол ақшадан 10 пайыз қымбат. Бұл ондағы сұмдық қарқынмен келе жатқан инфляцияның бір көзі болып отыр, – деді Азат Перуашев.</blockquote>Сондай-ақ ол бұл істе әлемдегі табысты тәжірибелерді басшылыққа алу керек деген ой айтты.<blockquote>– Мысалы, көршілес Ресейде күн сайын 30-дан артық аударым қабылдайтын тұлғалар ғана бақылауға алынады. Оның өзінде әр төлемнің мөлшері 1000 рубльден артық, мұндай төлемдердің бір айдағы жалпы сомасы 1 млн рубльден көп болуы керек. Бұл біздің валютамен алғанда 5,5 млн теңгеден артық деген сөз. Ал бізде жалпы сомасы 255 мың теңгеден асатын ең ұсақ төлемдердің өзі мониторингке алынайын деп тұр. Іргедегі Ресейдің мөлшерлі шегінен 20 есе аз деген сөз. Қажетсіз ақпараттың мұнша көлемі кімге, не үшін керек, – деп сұрады ол.</blockquote>«Ақжол» партиясы мониторинг жүргізуге жататын төлемнің ең төменгі шегін 2000-нан 5000-ға дейін көтеруді ұсынып отыр.<blockquote>– Бір айдағы аударымдардың жалпы сомасына белгіленген 255 мың теңгелік шек біздің ахуалда ақылға сыймайтын мөлшер деп есептейміз. Төлемдердің сомасын кәсіпкерлердің таза пайдасы деп қарауға болмайды. Іс жүзінде шағын бизнестің таза пайдасы 15-20 пайыздан аспайды. Сондай 255 мың теңгенің айналымынан көретін кірісі 50-60 мың теңгенің айналасында ғана. Яғни, ең төменгі айлық мөлшерінен де төмен. Кәсіпкердің таза пайдасы 255 мың теңгеден асу үшін айналым 1 млн теңгеден асуы керек. Осыған байланысты «Ақжол» партиясы айына 1 млн теңгеден асқан мобильді аударым қабылдағандарға ғана мониторинг жүргізуді ұсынады, – деді депутат.</blockquote>Фото: Нұрболат Нұржаубай

Мобильді аударымдардың шегін 255 мыңнан 1 млн теңге көтеру керек — депутат   

<a href="https://kyzylorda-news.kz/">Kyzylorda-news.kz</a> Қызылорда облысына «Байдарка мен каноэде есуден» мемлекеттік жаттықтырушы Дәулет Сұлтанбеков арнайы жұмыс сапарымен келген болатын. Осыған орай, бүгін Қызылорда облысының дене шынықтыру, спорт және туризм басқармасының басшысы Бахтияр Ғарифоллаұлы, Қызылорда облысының есу спорты түрлері бойынша «Каноэ федерациясы» қоғамдық бірлестігінің президенті Садық Мұстафа Қызылорда қаласындағы есу базасының жұмысымен танысты.Қызылорда облысының дене шынықтыру, спорт және туризм басқармасының хабарлауынша, басқарма басшысы Бахтияр Ғарифоллаұлы жауапты сала мамандарына есу базасының техникалық жағдайын одан әрі жақсартуды тапсырып, жұмыс барысын күшейту керектігін тілге тиек етті. Сондай-ақ, алдағы жұмыс жоспары талқыланып, спортшылар дайындығы сөз болды.Айта кетейік, облыста 1494 спорт нысаны бар. Сәйкесінше, өңірдегі 1000 адамға шаққандағы спорттық нысандарымен қамтылу көрсеткіші 46,2 пайызды құрап отыр.Фото: Спорт басқармасы

Басқарма басшысы есу базасының жұмысымен танысты

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде электрондық сауданы дамыту, Харбин қаласындағы IХ қысқы Азия ойындарына дайындық, Үкімет қаулыларының жобалары қаралды. Жиынға облыс әкімі Нұрлыбек Нәлібаев селекторлық режим арқылы қатысты. Үкімет отырысынан кейін аймақ басшысының төрағалығымен аталған мәселелер бойынша міндеттер айқындалған мәжіліс өтті. Қызылорда қаласы, аудан әкімдері мен жауапты сала басшыларына тапсырмалар жүктелді.<blockquote>«Жергілікті кәсіпкерлерді электронды сауда негіздеріне оқыту жұмыстарын ұйымдастырыңыздар. Электронды саудадағы экспорт көлемін арттыру мақсатында бұл саладағы кәсіпорындардың интернет маркетплейстарға тіркелуіне көмек беріп, тиісті жұмыстарды жүргізіңіздер. Тұтынушылардың құқықтарын қорғау бағытында электронды саудадағы тауар сапасына аса мән беріп, дер кезінде қажетті шараларды қабылдаңыздар.</blockquote>2025 жылғы 7 ақпан – 14 наурыз аралығында Қытайдың Харбин қаласында тоғызыншы Қысқы Азия ойындары өтеді. Жарысқа мемлекетімізден 139 спортшы қатысып, ел намысын қорғайтын болады. Дене шынықтыру және спорт басқармасы, қысқы спорт түрлерін дамыту бойынша нақты шаралар қабылдап, осы бағытта қызмет көрсетететін спорт мектептерінің санын арттыру қажет. Жұмыстарды күшейтіп «Мұз айдыны» спорт кешенінің, өңірдегі спорт мектептерінің әлеуеттерін барынша пайдалануымыз керек»,- деді аймақ басшысы.Айта кетейік, өңірде тауарлар мен қызметтерді өткізу үшін интернет-ресурсты пайдаланатын 10 кәсіпорын тіркелген.Аталған кәсіпорындармен 2023 жылы 18 мыңнан аса тапсырыс жасалып, сауда айналымы 281 млн. теңгені құрады.Тапсырыстарды сақтау мен жеткізу бағытында аймақта «Қазпошта» желісінің 11 супермаркеті және өзгеде интернет дүкендердің тарату пунктері жұмыс жасайды. Қазіргі таңда тауар өндірушілер электронды портал арқылы өз өнімдерін сатуда.Облыста барлығы 14 822 спорттық секцияда 342 223 адам, оның ішінде қысқы спорт түрлері бойынша 14 секцияда 153 спортшы спортпен шұғылданады. Спорт түрлеріне облыстық бюджеттен барлығы 1 млрд 869 млн. теңге бөлінсе, соның ішінде қысқы спорт түрлеріне 51 млн. 476 мың теңге қаржы бөлінген.Аймақтың климаттық ерекшелігіне байланысты «Мұз айдыны» спорт кешенінде қысқы спорттың 3 түрі бойынша үйірмелер жұмыс жасайды.Бүгінгі таңда республикалық чемпионаттарда орын алып жүрген 4 спортшымыз бар. Оның екеуі шорт-тректен кіші жасөспірімдер арасында болса, екеуі мәнерлеп сырғанаудан. Өңірде барлығы 22 балалар мен жасөспірімдер спорт мектептері жұмыс жасаса, оның ішінде1 спорт мектебінде қысқы спорт түрлерінен қызмет көрсетіледі.<img src="https://knadmin.beoblood.kz/uploads/kimet_otyrysynda_y_k_terilgen_m_seleler_bojynsha_mindetter_aj_yndaldy_1_3c38504feb.jpg" alt="Үкімет отырысындағы көтерілген мәселелер бойынша міндеттер айқындалды 1.jpg"><img src="https://knadmin.beoblood.kz/uploads/kimet_otyrysynda_y_k_terilgen_m_seleler_bojynsha_mindetter_aj_yndaldy_2_38701d4f32.jpg" alt="Үкімет отырысындағы көтерілген мәселелер бойынша міндеттер айқындалды 2.jpg"><img src="https://knadmin.beoblood.kz/uploads/kimet_otyrysynda_y_k_terilgen_m_seleler_bojynsha_mindetter_aj_yndaldy_3_3e775a086c.jpg" alt="Үкімет отырысындағы көтерілген мәселелер бойынша міндеттер айқындалды 3.jpg">Фото: Қызылорда облысы әкімінің баспасөз қызметі

Үкімет отырысындағы көтерілген мәселелер бойынша міндеттер айқындалды

<a href="https://kyzylorda-news.kz/">Kyzylorda-news.kz</a> Арал аудандық мәдениет үйінде көрнекті жазушы, қазақ әдебиетінің заңғары, халық жазушысы Әбдіжәміл Нұрпейісовтің 100 жылдығына арналған қорытынды шара өтті.Шарада аудан әкімінің орынбасары Н. Бохаев сөз алып, ұлы қаламгер Әбдіжәміл Нұрпейісовтың шығармашылығы мен оның рухани мұрасы дәріптеуге арналған 100 жылдық мерейтой аясында өткізілген шаралардың және жыл бойы ұйымдастырылған барлық мәдени-көпшілік шаралардың жоғары деңгейде өтуіне елеулі үлес қосқан мәдениет саласының қызметкерлерлеріне алғысын жеткізді.&nbsp;<blockquote>- Бүгін біз қазақ әдебиетінде алтын әріппен жазылған ұлы есім – халық жазушысы, аса көрнекті қаламгер, Ұлы Отан соғысының ардагері Әбдіжәміл Нұрпейісовтің 100 жылдығына арналған қорытынды шараға жиналдық. Қасиетті Сыр елінде, Арал топырағында дүниеге келген Әбеңнің 100 жылдық мерейтойы – тек біздің өңірдің ғана емес, күллі қазақ халқының қуанышы. Алаштың асыл перзентінің мерейтойы аясында Аралда бірқатар іс-шаралардың аталып өткенін жақсы білесіздер. Олардың ішінде ғылыми-танымдық конференциялар, әдеби және мәдени кездесулер, спорттық жарыстар, халықаралық суретшілер симпозиумы, шығармашылық байқаулар сияқты ел руханиятына серпін беретін игі істер бар. Бұл шараларға ел руханиятына үлес қосып жүрген ақын-жазушылар, ғалымдар, өнер майталмандары қатысты. Мен осы мүмкіндікті пайдаланып, Әбдіжәміл Нұрпейісовтің 100 жылдығына арналған шаралардың жоғары деңгейде өтуіне атсалысқан барша ниеттес жандарға, ұйымдастыру жұмыстарына белсенді түрде қатысқан азаматтарға аудан әкімінің және өз атымнан ерекше алғысымды білдіремін! Шын мәнінде, Әбеңнің рухына жасалған құрмет – болашақ ұрпақтың рухани қазынасын молайта түсудің бір жолы. Біз Әбеңнің мол мұрасын қастерлеп, келер ұрпаққа жеткізуге міндеттіміз. Баршаңызға шығармашылық шабыт, зор денсаулық, отбасыларыңызға амандық тілеймін! Әбеңнің рухани мұрасы мәңгілікке ел жадында жаңғыра берсін!»-деді.&nbsp;</blockquote>Мұнан соң, ел руханиятының қалыптасуы жолында аянбай қызмет етіп, халықтың көңілінен шыға білген мәдениет саласының бірқатар қызметкерлері марапат төрінен көрінді. &nbsp;Іс-шара соңы аудандық өнерпаздардың концерттік бағдарламасына ұласты.Фото: Арал ауданының әкімдігі

Өнер иелері марапат төрінде

<a href="https://kyzylorda-news.kz/">Kyzylorda-news.kz</a> Бүгін облыс әкімінің жиналысынан кейін аудан әкімі Аманжол Оңғарбаевтың төрағалығымен мәжіліс өтіп, Үкімет отырысының күн тәртібіне сәйкес электрондық сауданы дамыту және Харбин қаласындағы қысқы ІХ Азия ойындарына дайындық мәселесі қаралды.Арал ауданы бойынша тауарлар мен қызметтерді өткізу үшін интернет-ресурсты пайдаланатын 10 ға жуық кәсіпорын тіркелген. Тапсырыстарды сақтау мен жеткізу бағытында «Қазпошта» желісінің 1 супермаркеті, 19 бөлімшесі және Каспи.кз интернет дүкенінің 6 тарату пунктісі жұмыс жасауда.Аудан әкімі электронды саудадағы экспорт көлемін арттыру мақсатында өңдеу өнеркәсібі саласындағы кәсіпорындардың интернет-маркетплейстарге тіркелу жұмыстарын ұйымдастыру керектігін айтып, жауаптыларға тапсырма жүктеді.&nbsp;Халқымыздың рухын көтеріп, еліміздің мерейін асыратын спортшыларымызға мемлекет тарапынан үлкен қолдау көрсетілуде. Бұл сала бойынша ауданда атқарылып жатқан жұмыстар жайына басымдық берген аудан басшысы елімізде спортты дамыту - мемлекеттік саясаттың басым бағыттарының бірі екені атап өтті. Салаға көрсетіліп жатқан айрықша қолдау мен мүмкіндіктерді пайдаланып, бұқаралық және кәсіби спортты дамыту жөнінде бірқатар міндеттер жүктеді.Мәжілісте көтерілген әр мәселенің өзекті екенін айтқан аудан әкімі Аманжол Сақыпұлы тапсырмалардың уақытылы орындалуы әркез бақылауда болатынын жеткізді.Фото: Арал ауданының әкімдігі

Электронды сауданы дамыту күн тәртібінде

<a href="https://kyzylorda-news.kz/">Kyzylorda-news.kz</a> ​Аймақ басшысының қолдауымен шаһарда жол құрылысы қарқын алып, басты жолдар мен көшелердің аясы кеңейтілуде. Байыпты бастамалардың бірі – Тәуелсіздікке 25 жыл даңғылында жүргізілуде.​Бұл жоба 2024-2025 жылдарға жоспарланған, екі кезеңнен тұрады. Жолды кеңейту жұмыстары 27 тамыздан бастау алды. Жобаның бірінші кезеңі бойынша бюджеттен бөлінген қаржыға ұзындығы 6 711 метрді құрайтын даңғыл екі жолақтыдан төрт жолақтыға ауыстырылуда. Яғни, С. Бейбарыс көшесінен бастап Жастілек көшесіне дейінгі бөлігі кеңейтіліп, жобада қарастырылған 4 қабат асфальт жабынының 3 қабаты салынды. Соңғы мастика қоспасы бар асфальт қабаты биыл салынады. Жоба аясында Әбілқайырхан және Есенов көшелерінің аралығындағы Сырдария өзенінің бөгетін нығайту жұмыстары да қоса жүргізілуде. Жұмысты атқарушы «УАД» ЖШС.​Сондай-ақ, жобаның екінші кезеңі яғни, даңғылдың Әбілқайыр хан көшесінен бастап Саламатов көшесіне дейінгі бөлігіне жаңадан 4 жолақты жол құрылысын салу үшін жоба әзірленіп, мемлекеттік сараптамадан өтуде. Жоба биыл жүзеге асырылады.​Айта кету керек, Тәуелсіздікке 25 жыл даңғылының қолданысқа берілгеніне 8 жыл өтті. Қала сыртын айналып өтетін осы даңғылдың бойында кептелістер көптеп орын алатыны жасырын емес. Осы жобаның нәтижесінде Тәуелсіздікке 25 жыл даңғылының бойындағы, сондай-ақ, «Ескі базар» аумағындағы көлік кептелісі түбегейлі шешіледі деп күтілуде.Фото: Қызылорда қаласының әкімдігі

Тәуелсіздік даңғылын кеңейту жұмыстары қарқынды жүргізілуде

<a href="https://kyzylorda-news.kz/">Kyzylorda-news.kz</a> &nbsp;Өзбекстанның Ыстамбұлдағы Бас консулдығы оқиғаға қатысты ақпарат берді, деп хабарлайды <a href="https://kaz.inform.kz/news/istambulda-koldan-zhasalgan-shmdktn-kesrnen-br-kunde-ozbekstannin-5-azamati-koz-zhumdi-f66f9a/">Kazinform</a> агенттігі.Өзбекстанның Ыстамбұлдағы Бас консулдығының мәліметінше, 2025 жылдың 14 қаңтарында қолдан жасалған алкогольді ішіп, уланып қайтыс болған 5 өзбекстандықтың жақын туыстары Ыстамбұлдағы Бас консулдыққа жүгінген. Бұл келеңсіз жағдайларға Ыстамбұлдың Ақсарай ауданында сатып алынған алкогольді ішімдікті пайдалану себеп болған.Қайтыс болған азаматтар негізінен 35-40 жас аралығындағы ер адамдар, барлығының кәмелетке толмаған балалары жетім қалған.– Осыған байланысты Ыстамбұлдағы Бас консулдық барлық азаматтарды ішімдік ішуден бас тартып, абай болуға шақырады. Кез келген денсаулыққа қауіп төндіретін жағдай туындаған кезде дереу жақын жердегі ауруханаға барып, Бас консулдыққа хабарласу ұсынылады. Төтенше жағдайда келесі телефон нөмірлеріне хабарласуға болады: Бас консулдық: +905535411717, - делінген хабарламада.Фото: Shutterstock/Қазақпарат

Қолдан жасалған алкогольді сусынның кесірінен 5 адам көз жұмды

<a href="https://kyzylorda-news.kz/">Kyzylorda-news.kz</a> Бүгінде облыста 15 мыңға жуық адам теннисті жанына серік етіп, тұрақты түрде айналысады. Тиісінше, өңірде дәл осы спорт түріне қызығушылық танытатындардың саны жылдан жылға көбейіп келеді. Осыған байланысты өңірде заманауи үлгіде салынған теннис орталықтары спорт сүйер қауымға сапалы қызмет көрсетуде.&nbsp;Соның бірі – 2012 жылы пайдалануға берілген «Нұрсәт» теннис орталығы. Аталмыш орталықтың жалпы ауданы – 1715,2 шаршы метр. Спорт кешенінде тенниспен айналысушыларға барлық мүмкіндік қарастырылған. Сондай-ақ, 2022 жылы теннис орталығы жанынан жазғы теннис корты пайдалануға берілген болатын. Бұл нысанның жалпы ені - 45, ұзындығы - 90 метр. Ғимаратта 4 теннис корты орналасқан. Теннис бөлімшесінде 5 жаттықтырушы-оқытушы 200-ден астам спортшыны кәсіби бағытта үйретуде.Жастардың дені сау әрі жан-жақты дамуына спорттың алар орны ерекше екені сөзсіз. Бұл ретте Қызылорда қаласының сол жағалауында бой көтерген «Үстел теннисі» орталығы бүгінде спорт сүйер қауымның сүйікті орнына айналды. «Samruk-Kazyna Trust» әлеуметтік жобаларды қолдау қорымен бірлесіп ашылған жаңа спорт кешенінде 16 үстел теннисі орналасқан ойын алаңы, 350 көрерменге арналған трибуна, жаттығу залы мен әкімшілік бөлмелер бар. Орталықта қазіргі уақытта 3 жаттықтырушы-оқытушы 350-ден астам спортшыны жаттықтыруда. Мұнда бір мезетте 32 спортшы жаттыға алады.Жоғарыда аталған үлкен қолдаулардың арқасында теннис спортшылары көптеген жетістіктерге қол жеткізді. Атап айтқанда, 2024 жылдың мамыр айында үстел теннисінен өткен кіші жасөспірімдер арасында ҚР чемпионатының жұптық ойынында Әлжанова Аделя ІІ орын иеленсе, Айдарбек Әлем Би халықаралық жарысқа жолдама алды. Ал қазан айында Алматы қаласында өткен үстел теннисінен жасөспірімдер арасындағы “Алтын күз” республикалық ашық турнирінде спортшымыз Әлжанова Аделя жеңімпаз атанды. Сонымен қатар, қараша айында Ақтөбе қаласында өткен теннистен 10 жасқа дейінгі жасөспірімдер арасындағы ҚР Кубогінде спортшыларымыз ІІІ орынға иеленді.&nbsp;Айта кетейік, “Нұрсәт” және “Үстел теннис” орталықтары кешкі сағат 19:00-ден 23:00 уақыт аралығында ақылы түрде әуесқой теннисшілердің спортпен шұғылдауларына мүмкіндік береді.Сұрақтар бойынша «Теннис спорт түрлері бойынша балалар-жасөспірімдер спорт мектебі» КММ директорының орынбасары Жәнібек Оңталап 8707-620-05-30 номеріне хабарласуларыңызға болады.<img src="https://knadmin.beoblood.kz/uploads/Oblysta_tennispen_sh_yldanushylar_sany_artyp_keledi_1_cc86b49915.jpg" alt="Облыста тенниспен шұғылданушылар саны артып келеді 1.jpg"><img src="https://knadmin.beoblood.kz/uploads/Oblysta_tennispen_sh_yldanushylar_sany_artyp_keledi_2_c98ac31ce9.jpg" alt="Облыста тенниспен шұғылданушылар саны артып келеді 2.jpg"><img src="https://knadmin.beoblood.kz/uploads/Oblysta_tennispen_sh_yldanushylar_sany_artyp_keledi_3_29f7c96609.jpg" alt="Облыста тенниспен шұғылданушылар саны артып келеді 3.jpg"><img src="https://knadmin.beoblood.kz/uploads/Oblysta_tennispen_sh_yldanushylar_sany_artyp_keledi_b83e486058.jpg" alt="Облыста тенниспен шұғылданушылар саны артып келеді.jpg">Фото: Қызылорда облысының дене шынықтыру, спорт және туризм басқармасы

Облыста тенниспен шұғылданушылар саны артып келеді

<a href="https://kyzylorda-news.kz/">Kyzylorda-news.kz</a> 2023 жылдан бастап Қазақстанда қаржылық алаяқтықпен күресу мақсатында ерікті түрде кредиттен бас тарту шарасы енгізілді, - деп хабарлайды <a href="https://massaget.kz/news/kazakstanda-kay-kredit-avtomattyi-turde-joyyiladyi-123672/">Massaget.kz</a>Әрбір азамат қарыз алу мүмкіндігіне шектеу қою құқығына ие. "Стоп-кредит" қызметі eGov сайты мен мобильді қосымша арқылы қолжетімді. Бұл қызметті қалай пайдалану керектігін Қаржы нарығын реттеу және дамыту агенттігі (ҚНРДА) түсіндірді.Қызметті компьютер арқылы пайдалану үшін келесі қадамдарды орындау қажетegov.kz сайтына кіріп, жеке кабинетке тіркелу; "Қызметтер" бөлімінде "Банктік қарыздар мен микрокредиттерді алудан ерікті түрде бас тарту" қызметін таңдап, онлайн тапсырыс беру; &nbsp;Барлық міндетті өрістерді толтырып, электрондық сандық қолтаңба (ЭЦҚ) арқылы өтінімді қол қою; Жеке кабинетте "Қызметтерді алу тарихы" бөлімінде сұрау нәтижесі туралы хабарламамен танысу.Мобильді қосымша арқылы қызметті пайдалану үшінeGov мобильді қосымшасын ашу; "Қызметтер" бөлімінде "Салықтар мен қаржы" бөлімін таңдау; "Банктік қарыздар мен микрокредиттерді алудан ерікті түрде бас тарт" бөлімін таңдаңыз; Қажетті деректерді толтырып, сұрауды электронды түрде қол қойыңыз.<blockquote>"Осыдан кейін сіздің кредиттік тарихыңызда қарыз алу құқығынан бас тартқаныңыз туралы белгі пайда болады. Кредиттік ұйымдар кредиттік бюролардан ақпарат сұратқанда, бұл шектеу көрініп, қарыз беру туралы шешім қабылданбайды. Егер сіздің келісіміңізсіз қарыз рәсімделсе, жеке шектеуге қарамастан, қарыз автоматты түрде жойылады", - деп хабарлады ҚНРДА.</blockquote>Бұл қызметті кез келген уақытта өшіріп тастау оңай. Сонымен қатар бұл шектеу ломбардтар мен өз клиенттерінің кредиттік тарихын бағаламайтын басқа ұйымдарға қатысты емес. 2024 жылдың 30 желтоқсанына дейін "Стоп-кредит" қызметін 920 мыңнан астам азамат пайдаланған.&nbsp;Фото: Нұрболат Нұржаубай

Қазақстанда қай кредит автоматты түрде жойылады?

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбек Ақай ауылдық округіне жұмыс сапарымен барып, бірқатар әлеуметтік нысандарды аралады.Алдымен аудан басшысы «Ауыл – ел бесігі» бағдарламасы аясында жаңадан бой көтерген денешынықтыру және сауықтыру кешенінің құрылысын қадағалады. Құрылыс жұмыстарын уақытында орындамаған мердігер мекеменің жұмысын қатаң сынға алып, нысанды қысқа мерзім ішінде халық игілігіне беру жөнінде нақты тапсырмалар берді.Сонымен қатар, жергілікті тұрғындар үшін ең өзекті мәселелердің бірі Байқоңыр қаласы мен Төретам, Ақай елді мекендерін жалғастырып жатқан Бармин көшесінің қазіргі жай-күйімен танысты. Биыл аталған көшеге инфрақұрылым тарту жұмыстарына бюджеттен тиісті қаржы бөлініп, көктем мезгілінде асфальт төсеу жұмыстары басталатын болады.Одан кейін, Елеу Көшербаев атындағы №279 мектеп-лицейінің жұмысымен танысып, онда жыл беру мауысымының өту барысымен және балаларға берілетін ыстық тамақтың сапасына бақылау жасады.Сапар соңында, аталмыш елді мекендегі «Таза қазақстан» акциясы аясында атқарылған санитарлық тазалық жұмыстарын бақылады. Ауыл әкіміне жұмыстарды одан әрі күшейтіп, жасыл белдеуді дамыту жөнінде тапсырмалар берді.Фото: Қармақшы ауданының әкімдігі

Қазақстан және Қызылорда облысының жаңалықтары