<a href="https://kyzylorda-news.kz/">Kyzylorda-news.kz</a> Қызылорда облысында әлеуметтік маңызы бар азық-түлік тауарларының бағасын тұрақтандыру және делдалдық схемалардың негізсіз қалыптасуына жол бермеу бағытындағы жұмыстар жүйелі түрде жалғасуда. Осыған орай делдалдық схемаларды тексеру жөніндегі комиссия кезекті көшпелі отырысын «Қызылорда Оптомаркет» сауда үйінде өткізді.Көшпелі отырыс барысында комиссия мүшелері сауда нысанындағы әлеуметтік маңызы бар азық-түлік тауарларының бағасына, сапасына, қордағы көлеміне және өнім жеткізушілермен жүргізіліп жатқан жұмыстарға талдау жасады. Сондай-ақ, сауда орындарындағы баға белгілеу тетіктері қаралып, өнімнің тұтынушыға жету жолындағы аралық буындардың қызметі зерделенді.Комиссия мүшелері кәсіпкерлік субъектілерімен кездесіп, әлеуметтік маңызы бар азық-түлік тауарларының бағасын негізсіз өсіруге жол бермеу, сауда үстемесін белгіленген талаптар шегінде сақтау және қолданыстағы заңнама нормаларын қатаң сақтау мәселелері бойынша түсіндіру жұмыстарын жүргізді.Бүгінде «Қызылорда Оптомаркет» сауда үйі өңірлік тұрақтандыру қорымен әріптестік байланыс орнатып, халыққа қажетті азық-түлік өнімдерін қолжетімді бағамен ұсыну бағытында бірлескен жұмыстар атқаруда. Бұл өз кезегінде нарықтағы баға тұрақтылығын қамтамасыз етуге және тұрғындарды сапалы өніммен қамтуға мүмкіндік беріп отыр.Отырыс барысында әлеуметтік маңызы бар тауарлардың ассортиментін кеңейту, жергілікті өндірушілермен тікелей жұмыс көлемін арттыру және өнімдерді делдалсыз жеткізу тетіктерін жетілдіру мәселелері де талқыланды. Комиссия мүшелері бағаның негізсіз қымбаттауына әсер ететін факторларды азайту үшін өнімдерді тікелей өндірушілерден сатып алу тәжірибесін кеңейту жөнінде ұсыныстар берді.Көшпелі мониторинг жұмыстары бұдан кейін өңірдегі ірі сауда желілері – «Magnum» және «Small» сауда орталықтарында жалғасты. Мұнда комиссия мүшелері отандық өнім өндірушілерді қолдау мақсатында сауда сөрелерінде орналастырылған «Қазақстанда жасалған» ірімшік өнімдерінің ұсынылу тәртібін зерделеді. Атап айтқанда, отандық өнімдердің сауда алаңдарында көрнекі орналасуы, тұтынушыларға қолжетімділігі және олардың бәсекеге қабілеттілігін арттыру мәселелеріне назар аударылды.Мамандар жергілікті және отандық өнімдерді кеңінен насихаттау ішкі нарықты дамытуға, өңірлік кәсіпкерлікті қолдауға және импортқа тәуелділікті төмендетуге оң әсер ететінін атап өтті.Жалпы, әлеуметтік маңызы бар азық-түлік тауарларының бағасын тұрақтандыру, өнім сапасын бақылау және делдалдық тізбектерді қысқарту бағытындағы жұмыстар тұрақты негізде жүргізілуде. Бұл шаралар тұрғындарды қолжетімді бағамен сапалы азық-түлік өнімдерімен қамтамасыз етуге және өңірдегі азық-түлік қауіпсіздігін нығайтуға бағытталған.Комиссияның кезекті көшпелі отырыстары алдағы уақытта облыстың басқа да сауда нысандарында жалғасып, әлеуметтік маңызы бар тауарлардың бағасы мен қолжетімділігіне тұрақты мониторинг жүргізілетін болады.

Азық-түлік тауарларының бағасы тұрақты бақылауда

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов аудан тұрғындарын жеке мәселелері бойынша қабылдап, азаматтардың өтініштері мен ұсыныс-пікірлерін тыңдады. Қабылдау барысында тұрғындар өздерін толғандырған әлеуметтік және тұрмыстық сипаттағы мәселелерді көтеріп, ауданның дамуына қатысты ұсыныстарын жеткізді.Жеке қабылдауға келген азаматтар тұрғын үймен қамтамасыз ету, әлеуметтік көмек алу, жұмысқа орналасу, инфрақұрылымды жақсарту, коммуналдық қызметтер және өзге де маңызды мәселелер бойынша сауалдарын қойды. Әрбір тұрғынның өтінішіне мұқият назар аударған аудан әкімі көтерілген мәселелердің мән-жайын нақтылап, олардың заң талаптарына сәйкес қаралатынын жеткізді.Қабылдау барысында кейбір мәселелер бойынша тиісті түсіндірме жұмыстары жүргізілсе, қосымша зерделеуді қажет ететін өтініштер жауапты бөлімдер мен мекеме басшыларының бақылауына алынды. Аудан басшысы азаматтардың көтерген мәселелерін уақытылы әрі сапалы шешудің маңыздылығын атап өтіп, жауапты сала жетекшілеріне нақты тапсырмалар жүктеді. Сондай-ақ, әрбір өтініштің орындалу барысы бақылауда болатынын айтты.Тұрғындарды жеке қабылдау – халық пен жергілікті атқарушы билік арасындағы тиімді байланысты нығайтудың маңызды тетіктерінің бірі. Мұндай кездесулер азаматтардың өзекті мәселелерін тікелей жеткізуіне мүмкіндік беріп қана қоймай, оларды шешу жолдарын нақтылауға ықпал етеді.Айта кету керек, аудан әкімдігі ғимаратында тұрғындарға қолайлы жағдай жасау мақсатында «Азаматтарды қабылдау орталығы» тұрақты түрде жұмыс істейді. Орталықта азаматтарға қажетті ақпараттық және консультациялық көмек көрсетіліп, өтініштерді қабылдау мен қарау процестері заманауи талаптарға сәйкес ұйымдастырылған.Сонымен қатар, орталықта өзіне-өзі қызмет көрсету бұрышы жұмыс істейді. Мұнда келушілер мемлекеттік қызметтерді электронды форматта алу мүмкіндігіне ие. Азаматтарды қабылдау электронды кезек жүйесі арқылы жүзеге асырылып, бұл тұрғындардың уақытын үнемдеуге және қызмет көрсету сапасын арттыруға мүмкіндік береді.Бүгінде аудан тұрғындары аудан әкімінің қабылдауына бірнеше тәсіл арқылы жазыла алады. Атап айтқанда, азаматтар eGov электрондық үкімет порталы, e-Otinish бірыңғай өтініштер жүйесі арқылы немесе аудан әкімдігіне жазбаша өтініш жолдау арқылы қабылдауға тіркелуге мүмкіндік алған.Жалағаш ауданы әкімдігі тұрғындардың өтініштері мен ұсыныстарын қарау, олардың құқықтары мен заңды мүдделерін қорғау бағытындағы жұмыстарды жүйелі түрде жалғастырып келеді. Бұл өз кезегінде мемлекеттік органдар қызметінің ашықтығын қамтамасыз етіп, халықтың билікке деген сенімін арттыруға ықпал етуде.

Тұрғындарды жеке мәселелері бойынша қабылдады 

<a href="https://kyzylorda-news.kz/">Kyzylorda-news.kz</a> Бүгін мемлекеттік қызметшілер күні қарсаңында Арал ауданында мемлекеттік қызметшілер арасында спорттық сайыстар ұйымдастырылды.Күнделікті қауырт жұмыс арасында спортқа ден қойып, салауатты өмір салтын насихаттауға бағытталған командалық сайыс спорттың бірнеше түрінен өтті.Іс-шараның ашылуына аудан әкімі Аманжол Оңғарбаев арнайы қатысып, мамандарды кәсіби мерекемен құттықтап, қатысушыларға сәттілік тіледі.<img src="https://knadmin.beoblood.kz/uploads/FB_IMG_1781935381031_5d5bf30ee0.jpg" alt="FB_IMG_1781935381031.jpg">Спорттық сайыстар арқан тарту, эстафета, гір тасын көтеру, қол күрес және асық ату ойындары мен үстел теннисі бойынша өтіп, қатысушылар өзара бақ сынады. Жарыс қорытындысы бойынша үздік нәтиже көрсеткен жеңімпаз командалар мен жүлдегерлер арнайы марапаттарға ие болды.Жарысқа «Алтын көпір», «Әділет», «Аral stars» және «Бірлік» командалары қатысып, тартысқа толы сайыстың көркін кіргізді.Ойын қорытындысы бойынша түрлі сайыста көзге түскен команданың мүшелері көпшілік алғысына бөленіп, арнайы марапатқа ие болды.<img src="https://knadmin.beoblood.kz/uploads/FB_IMG_1781935385600_c391a47bd8.jpg" alt="FB_IMG_1781935385600.jpg">

Мемлекеттік қызметшілер спартакиадада бақ сынады 

<a href="https://kyzylorda-news.kz/">Kyzylorda-news.kz</a> Жаппай тамақтан улану жағдайларының алдын алу мақсатында аудан әкімінің өкімімен құрылған жұмысшы топ кәсіпкерлік нысандарында рейдтік-түсіндіру жұмыстарын жүргізді.Іс-шараға Арал ауданының кәсіпкерлік және өнеркәсіп бөлімі, Арал қаласы әкімдігі, аудандық төтенше жағдайлар бөлімі және аудандық санитариялық-эпидемиологиялық бақылау бөлімінің мамандары жұмылдырылды.Рейд барысында аудан аумағындағы «Тайқазан», «Тайқазан Loft», «Арал Resto Bar», «Puro Gusto» және «Chinson» сынды тамақтану орындары назарға алынып, түсіндіру жұмыстары жүргізілді.Қазіргі таңда жаздың аптап ыстығында тағамдардың көп тұрып қалуы және түрлі жағдайларда сақталуы салдарынан көпшілік орындарда тағамнан улану деректері орын алып жатқаны белгілі.Кәсіп иелеріне осы мақсатта санитариялық талаптарды сақтау, азық-түлік өнімдерінің қауіпсіздігін қамтамасыз ету, сондай-ақ төтенше жағдайлардың алдын алу мәселелері бойынша түсіндірмелер айтылып, талаптардың сақталуы жөнінде ескертпелер айтылды.Рейдтік іс-шаралардың негізгі мақсаты – қоғамдық тамақтану орындарында санитариялық-эпидемиологиялық талаптардың сақталуын қамтамасыз ету және тұрғындардың денсаулығын қорғау.

Рейдтік топпен түсіндірме жұмыстарын жүргізді 

<a href="https://kyzylorda-news.kz/">Kyzylorda-news.kz</a> Шиелі ауданының әкімі Берік Сәрменбаевтың қатысуымен аудандық мәдениет үйінде «Қарасора - 2026» арнайы жедел-профилактикалық іс-шарасы аясында кеңейтілген мәжіліс өтті. Жиынға аудан прокуроры Алимбаев Абай Мұхтарұлы, аудандық полиция бөлімінің бастығы Беркімбаев Мақсат Сүлейменұлы, зиялы қауым өкілдері, аудандық мәслихат депутаттары, кент және ауылдық округ әкімдері, мекеме басшылары, құқық қорғау органдарының жеке құрамы, білім, мәдениет және медицина саласының қызметкерлері мен белсенді жастар қатысты.Аудан әкімі мәжілісте «Қарасора - 2026» арнайы жедел-профилактикалық іс-шарасының мақсаты мен міндеттеріне тоқталып өтті.<blockquote>– Мемлекет басшысы Қазақстан халқына арнаған Жолдауында: «Маңызды міндеттің бірі – есірткі саудасына және нашақорлыққа қарсы күрес. Қазіргі қоғамда есірткі мәселесі күн санап ушығып барады. Осы әлеуметтік кеселмен бәріміз жұмыла күресуіміз қажет» - екенін атап өтті. Сонымен қатар, елімізде жыл сайын дәстүрлі түрде өтетін «Қарасора» республикалық жедел-профилактикалық іс-шарасы басталды. Бұл жай ғана полицияның кезекті жұмысы емес, бұл — әрбір үйдің тыныштығы, елдің болашағы мен балаларымыздың амандығы үшін жасалып жатқан үлкен қозғалыс – деді Берік Әбдіғаппарұлы.</blockquote>Мәжілістің күн тәртібінде екі мәселе қаралды. Бірінші мәселе аудан аумағында «Қарасора - 2026» арнайы жедел-профилакалық іс-шарасын өткізу туралы аудандық полиция бөлімі бастығының бірінші орынбасары Әділхан Қанзадаев хабарлама жасаса, екінші мәселе есірткі егу алқаптары анықталған жер учаскелерін мемлекет меншігіне қайтару және жер учаскелерінің иелері мен жер пайдаланушыларға заңмен белгіленген жауапкершіліктері туралы аудандық ауыл шаруашылығы және жер қатынастары бөлімінің басшысы Бағлан Мейрамбекұлы баяндама жасады.Жиын барысында аудандық полиция бөлімі тарапынан атқарылып жатқан жұмыстар туралы баяндалып, алдағы уақытта жүргізілетін шаралардың нақты бағыттары талқыланды.Аудан басшысы мәжіліс соңында сала мамандарына, кент және ауылдық округ әкімдеріне нақты тапсырмалар беріп, профилактикалық іс-шараны жүйелі түрде жүргізуді жүктеді.Айта кетейік, елімізде «Қарасора - 2026» арнайы жедел-профилакалық іс-шарасы ағымдағы жылдың 1 маусым 31 қазан аралығында өтеді.<img src="https://knadmin.beoblood.kz/uploads/FB_IMG_1781935017936_c7d12fa24f.jpg" alt="FB_IMG_1781935017936.jpg">

«ҚАРАСОРА 2026» жедел-профилактикалық іс-шарасы өтті 

<a href="https://kyzylorda-news.kz/">Kyzylorda-news.kz</a> Қазақстан Республикасы Ішкі істер министрлігі өскелең ұрпақты патриоттық рухта тәрбиелеуге, олардың құқықтық мәдениетін қалыптастыруға, азаматтық жауапкершілігін арттыруға және заңға құрмет сезімін нығайтуға бағытталған "Жас сақшы" полиция сыныптарын дамыту бойынша жүйелі жұмысты жалғастыруда, - деп хабарлайды Polisia.kz.&nbsp;Бүгінде еліміз бойынша 267 "Жас сақшы" сыныбы бар. Онда бес мыңнан астам оқушы білім алады. Бұл жоба қоғамдық қауіпсіздік мәселесіне назар аударып, елге қызмет етуге және құқық қорғау саласына қызығушылық танытатын белсенді жастарды бір ортада біріктіреді. Полиция сыныптарындағы оқу үдерісі оқушылардың көшбасшылық қасиеттерін, тәртібін, мемлекеттік рәміздер мен ұлттық құндылықтарға деген құрметін дамытуға ықпал етіп, ел болашағына жауапкершілікпен қарауға үйретеді. Құқық бұзушылықтардың алдын алуға, заңға бағынатын мінез-құлықты тәрбиелеуге және жастар арасында полицей мамандығын насихаттауға ерекше назар аударылады.&nbsp;2025-2026 оқу жылында жалпы саны 52 оқушыдан тұратын үш "Жас сақшы" сыныбының түлектері мектеп бітірді. Олар енді Ішкі істер министрлігінің ведомстволық жоғары оқу орындарында білім алуға ниетті. Бұл жоба ішкі істер органдары үшін кадрлық резерв қалыптастыруда өзінің жоғары тиімділігін көрсетіп отыр. Өңірлерде полиция сыныптарының алғашқы түлектерінің мектеппен қоштасу рәсімдері өтті.&nbsp;Алматы қаласында полиция департаментінің бастығы Айдын Қабдұлдинов "Жас сақшы" сыныптарының түлектеріне сертификаттарды салтанатты түрде табыстап, олардың патриотизм мен құқықтық мәдениетті нығайтуға қосқан үлесін ерекше атап өтті. Ақтөбе облысында полиция департаментінің бастығы Қайыркен Әлиев те бейіндік сынып түлектеріне сертификаттар табыстап, жастарды азаматтық жауапкершілік және қоғамға қызмет ету рухында тәрбиелеудің маңыздылығына тоқталды.&nbsp;"Жас сақшы" полиция сыныптарын дамыту Ішкі істер министрлігінің жастарды патриотизм, заң және құқықтық тәртіпті құрметтеу рухында тәрбиелеуге бағытталған маңызды жұмыстарының бірі болып қала береді.<img src="https://knadmin.beoblood.kz/uploads/IMG_20260620_WA_0015_48e09ed763.jpg" alt="IMG-20260620-WA0015.jpg">

ІІМ: "Жас сақшы" сыныптарының алғашқы түлектері сертификат алып, заңға қызмет ету жолын таңдады

<a href="https://kyzylorda-news.kz/">Kyzylorda-news.kz</a> Медицина қызметкерлері күніне орай Шиелі ауданы Бұдабай Қабылұлы атындағы мәдениет үйінде сала қызметкерлеріне арналған салтанатты шара өтті.Мерекелік жиында аудан әкімі Айтбай Жандарбеков медицина саласы қызметкерлерін кәсіби мерекелерімен құттықтап, ақ халатты абзал жандардың адам өмірін сақтаудағы өлшеусіз еңбегіне ерекше тоқталды.<blockquote>–“Сіздерді кәсіби мерекелеріңіз - Медицина қызметкерлері күнімен шын жүректен құттықтаймын!&nbsp; Бұл мереке адам жанына араша болып, шексіз құрмет пен алғысқа бөленген, қай кезде де сенім үдесінен шыға білген, асқан шеберліктің иесі дәрігерлердің мерекесі. Мемлекет басшысы Қасым-Жомарт Кемелұлы Тоқаев: «Бір адамның өмірін құтқару - барша адамзатты құтқарумен бірдей. Дәрігерлер ота кезінде, аурухана палатасында күн сайын ерлік жасайды. Сондықтан сіздер бейбіт күннің батырлары деген атқа лайықсыздар» - деген болатын. Расында медицина – адам өміріне тікелей араша болатын ең жауапты сала. Дәрігер қауымының күнделікті қажырлы еңбектері – адамның амандығы мен өмір сапасының кепілі. Ауырған жанның жанарындағы үмітті, ананың алғысын, баланың күлкісін көру – медицина қызметкерлері үшін басты марапат болып табылады. Бұл күн құрмет пен алғысқа бөленген, Гиппократ антын қабылдап, қай кезде болмасын әрдайым сенімділікті сақтайтын, асқан шеберліктің иесі ақ халатты абзал жандардың мерекесі. Жас пен кәріге, жалпы адамзаттың бәріне көмек қолын созып, жанын қоярға жер таптырмай азапталған жанды ауруынан айықтырып, көз алдында ақ халатты періштедей жүріп, жанына дауа, тәніне шипа сыйлап жүрсіздер. Сіздерге зор денсаулық, отбасыларыңызға амандық, баянды бақыт тілеймін!” – деді аудан әкімі.</blockquote>Сондай-ақ аудан басшысы өңірдегі денсаулық сақтау саласында атқарылып жатқан жұмыстарға тоқталып, медициналық инфрақұрылымды дамыту, жаңа нысандар ашу және материалдық-техникалық базаны нығайту бағытында жүйелі жұмыстар жүргізіліп жатқанын атап өтті.Салтанатты шара барысында денсаулық сақтау саласының дамуына елеулі үлес қосып жүрген бірқатар медицина қызметкерлері және ардагерлері облыс әкімінің, аудан әкімінің және облыстық денсаулық сақтау басқармасының Алғыс хаттарымен марапатталды.Мерекелік салтанатты шара аудан өнерпаздарының әсем әндері мен күмбірлеген күйлеріне, сондай-ақ әсерлі концерттік бағдарламаларға ұласып, көпшілікке көтеріңкі көңіл-күй сыйлады.

Ақ халатты абзал жандарға құрмет көрсетті 

<a href="https://kyzylorda-news.kz/">Kyzylorda-news.kz</a> Медицина саласы қызметкерлері күніне орай &nbsp;Арал аудандық мәдениет үйінде «Жан қорғаны – дәрігер!» атты салтанатты мерекелік кеш өтті.Мерекелік кештің ашылуында дәрігерлердің еңбегі, қоғамға қалтқысыз қызметі жан-жақты қамтылған бейнеролик жұртшылық назарына ұсынылып, ақ халатты абзал жандарға арналған жүрекжарды лебіздер айтылды.Салтанатты жиында аудан әкімі Аманжол Оңғарбаев сөз сөйлеп, медицина саласы қызметкерлерін кәсіби мерекелерімен құттықтап, адам денсаулығын сақтау жолындағы жауапты еңбектеріне ризашылығын білдірді.<img src="https://knadmin.beoblood.kz/uploads/FB_IMG_1781894449966_fcb5ab58c4.jpg" alt="FB_IMG_1781894449966.jpg">Мереке барысында бірқатар сала мамандары облыс және аудан әкімінің Алғыс хаттарымен марапатталып, еңбектері жоғары бағаланды.Кеш аясында жуырда ауданымызда өткен «Ән қанатындағы Арал» атты республикалық жабық ән байқауында топ жарған ерекше туынды көрерменге ұсынылды. Ақын-сазгер Елена Әбдіхалықованың туған жерге деген сағыныш пен сүйіспеншілікті арқау еткен «Ақ бесік Арал» әні көпшілік ықыласына бөленді. Ән әуелеп, күй қалықтаған керемет кеште мұнан өзге де туған жерге, мандыққа деген адалдықты ұран еткен туындылар шығарқалып, көпшілік көңілін шаттандырды.Мерекелік шара аудан өнерпаздары мен медицина саласы қызметкерлерінің қатысуымен өткен әсерлі концерттік бағдарламамен қорытындыланды.

Аралдық медицина қызметкерлері құрмет төрінде

<a href="https://kyzylorda-news.kz/">Kyzylorda-news.kz</a> «Өнер орталығында» Медицина қызметкерлері күніне арналған «Ұлт саулығын ұлықтаған дәрігер» атты салтанатты іс-шара өтті.Оған облыс әкімі Мұрат Ергешбаев, ҚР Парламенті Сенатының депутаттары Нұртөре Жүсіп, Бекбол Орынбасаров, Амангелді Есбай, құқық қорғау органдарының басшылары, зиялы қауым өкілдері және сала ардагерлері қатысты.Аймақ басшысы ұлт саулығын нығайтуда қажырлы еңбек етіп жүрген ақ халатты абзал жандарды құттықтады.<img src="https://knadmin.beoblood.kz/uploads/FB_IMG_1781894203701_aab85f9f07.jpg" alt="FB_IMG_1781894203701.jpg">«Денсаулығымыздың қорғаны, адам жанының арашасы, мейірім мен ізгіліктің жаршысы болған ақ халатты абзал жандардың еңбегі қашанда елеулі. Мемлекет басшысы Қасым-Жомарт Кемелұлы: «Ұлт саулығы – еліміз үшін бәрінен қымбат құндылық. Сондықтан медицина саласын дамыту мемлекеттің стратегиялық міндеті саналады. Осы орайда, дәрігердің ел өміріндегі орны айрықша екені сөзсіз» деген болатын. Бүгінгі мерейлі мерекеге орай ҚР Премьер-министрінің бірінші орынбасары Нұрлыбек Нәлібаев Сіздерге арнайы құттықтауын жолдады. Еліміздің денсаулық сақтау саласында ерен еңбектің үлгісін көрсетіп жүрген сырбойылық дәрігерлерімізді ерекше мақтанышпен айтамыз. Қазақстанның Еңбек Ері, Сыр перзенті Юрий Владимирович Пя бес мыңнан астам ашық жүрек отасын жасады. Еліміздің бас хирургі, профессор, жерлесіміз Болатбек Баймаханов жетекшілік еткен мамандар тобы медицина тарихында тұңғыш рет бір мезетте үш науқасқа үш донордың бүйрегін трансплантациялау бойынша &nbsp;аса күрделі операцияны сәтті жүзеге асырды. Болатбек Бимендіұлы кеше Президентіміздің қолынан екінші дәрежелі «Барыс» орденін алды. Жерлесімізді жоғары марапатымен барша Сыр жұртшылығының атынан құттықтаймын! Былтыр облыс тарихында алғаш рет бауыр, 10 науқасқа бүйрек трансплантациясы жасалды. Отаның 6 жаңа түрі тәжірибеге енгізілді. Бұл – Сыр медицинасының мүмкіндігі мен мамандардың біліктілігін айқындайтын жарқын мысалдар. Дәрігер – ең ізгі, ең қастерлі мамандық иесі. Халыққа әрдайым адал қызмет етіп, абыройлы болыңыздар!», – деді аймақ басшысы.Рәсімде саланың дамуына елеулі үлес қосқан мамандар «Парасат», «Құрмет» ордендерімен, «Ерен еңбегі үшін», «Шапағат», ҚР Денсаулық сақтау министрлігінің «Еңбек ардагері» медальдарымен, «Денсаулық сақтау ісінің үздігі», «Денсаулық сақтау ісіне қосқан үлесі үшін» төсбелгісімен, «Қазақстанның еңбек сіңірген дәрігері» құрметті атағымен, ҚР Премьер-министрінің бірінші орынбасарының және облыс әкімінің Алғыс хаттарымен, Қызылорда облысының Құрмет грамотасымен марапатталды.​Іс-шара соңында ардагерлерге гүл шоқтары тарту етіліп, мерекелік бағдарлама ұсынылды.​Президенттің, Үкіметтің қолдауымен 2022 жылдан бері аймағымыздың денсаулық сақтау саласына 625 млрд. теңгеге жуық қаржы бөлініп, 41 медицина нысаны ел игілігіне берілді. «Ауылда денсаулық сақтауды жаңғырту» ұлттық жобасы аясында барлық ауданда 28 медицина нысаны салынды. Облыс орталығында емханасы мен онкологиялық бөлімшесі бар 300 орындық көпбейінді аурухананың, 400 және 500 келушіге арналған емханалардың, 200 орындық перинаталдық орталықтың құрылысы жүріп жатыр. Алдағы жылдары тағы бірқатар медицина нысаны қайта жаңғыртылады.

Медицина қызметкерлерін ұлықтаған салтанатты іс-шара өтті 

<a href="https://kyzylorda-news.kz/">Kyzylorda-news.kz</a> Бүгін «Достық үйінде» ҚР Парламенті Сенатының депутаты, Президент сыйлығының лауреаты, Қазақстанның еңбек сіңірген қайраткері, Қызылорда облысының құрметті азаматы Нұртөре Жүсіптің «Жүректегі жапырақ» атты кітабының таныстырылымы өтті.Оған облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай, облыстық мәслихат төрағасы Мұрат Тлеумбетов, Сенат депутаттары Бекбол Орынбасаров, Амангелді Есбай, зиялы қауым өкілдері және оқырмандар қатысты.&nbsp;<img src="https://knadmin.beoblood.kz/uploads/Zh_rektegi_zhapyra_kitap_t_saukeseri_3_ff65da8268.jpg" alt="Жүректегі жапырақ кітап тұсаукесері 3.jpg">Іс-шарада депутаттар сөз сөйлеп, Қазақстан Жазушылар одағы Қызылорда облыстық филиалының өкілі Қаршыға Есімсейітова кітаптың көркемдік және тағылымдық мәніне тоқталды.Сондай-ақ Қорқыт Ата атындағы Қызылорда университетінің студенттері жыр шумақтарын оқып, кеш мазмұнын аша түсті. Кездесуде Нұртөре Жүсіп оқырманмен пікір алмасып, жаңа туындының жазылу тарихы, ерекшеліктері мен қамтылған тақырыптары туралы айтты. Қатысушыларға кітапты сыйға тартты.«Жүректегі жапырақта» қоғам, адам тағдыры, ұлттық құндылықтар мен өмір туралы толғаныстар топтастырылған. Автордың өмірден түйген ойлары, замандастары туралы жазбалары мен рухани тақырыптағы эсселері қамтылған.<img src="https://knadmin.beoblood.kz/uploads/Zh_rektegi_zhapyra_kitap_t_saukeseri_d2b5b286b9.jpg" alt="Жүректегі жапырақ кітап тұсаукесері.jpg">

«Жүректегі жапырақ» кітабының таныстырылымы өтті

<a href="https://kyzylorda-news.kz/">Kyzylorda-news.kz</a> Бүгін Жалағаш ауданының әкімі Ардақ Ибраимов Қазақстан Республикасының VIII Халық ойындары аясында өткен облыстық іріктеу жарыстары мен республикалық додада жоғары нәтиже көрсеткен Жалағаш ауданының спортшыларын қабылдап, құрмет көрсетті.Кездесуге жарыс жеңімпаздары мен жүлдегерлері, жаттықтырушылар және спорт саласының ардагерлері қатысты. Аудан әкімі жарыстарда жоғары нәтиже көрсеткен спортшылар мен олардың жаттықтырушыларына алғыс білдіріп, алдағы ойындарға толағай табыс тіледі.<blockquote>«Мемлекет басшысының, Үкіметтің және аймақ басшының қолдауымен өңір тұрғындарының спортпен шұғылдануына қолайлы жағдайлар жасалуда. Өткен жылы аудан орталығында дене шынықтыру-сауықтыру кешені мен «Қазақстан халқына» қоры арқылы салынған Аққыр ауылдық округіндегі спорт кешені ел игілігіне табысталды. Сонымен қатар, орталық стадион қайта жаңғыртудан өткізіліп, Қазақстан футбол федерациясының «Алаң» жобасы аясында жасанды алаң жаңартылды. Спорт саласына қолдау алдағы уақытта да тұрақты жалғасатын болады. Аудан спортшылары әлемдік және Азия чемпионаттары мен облыстық жарыстарда жоғары жетістіктерге қол жеткізуде. Халық ойындарына арналған облыстық іріктеу жарыс қорытындысы бойынша аудан спортшылары жоғары нәтижеге қол жеткізді. Бірқатар спортшыларымыз Түркістан қаласында өткен Республикалық Халық ойындарына қатысып, аудан абыройын асқақтатты. Осы орайда, табандылық пен жоғары шеберліктің үлгісін көрсеткен барлық спортшыларға шынайы алғысымды, зор ризашылығымды білдіремін. Еліміздің Туын асқақтатар, Әнұранымызды халықаралық аренада шырқатар азаматтарымыз көп болсын!», – деді аудан әкімі А.Ибраимов.</blockquote>Айта кетейік, 17-21 мамыр күндері Қазақстан Республикасының VIII Халық ойындарына арналған облыстық іріктеу жарыстары өтті. Дүбірлі додада бес асық, асық ату, шахмат, гір спорты, баскетбол, қазақ күресі, шағын футбол, тоғызқұмалақ, үстел теннисі және қол күресі сынды спорттың 11 түрінен сынға түскен аудан спортшылары жоғары нәтиже көрсетіп, жалпыкомандалық есепте ІІІ орынды иеленді.Сондай-ақ, бірқатар спортшылар Түркістан қаласында өткен республикалық Халық ойындарына қатысып, аудан намысын абыроймен қорғады. Атап айтқанда, жерлесіміз Берікұлы Әділбек қазақ күресінен жекелей есепте І орын иеленіп, жеңіс тұғырына көтерілді.Салтанатты жиында аудан әкімі жарыс жүлдегерлері мен жаттықтырушыларды марапаттады. Жиында спорт саласының ардагерлері Мұрат Жаңабергенов пен Жанат Сейтенов сөз сөйлеп, аудан спортының жетістіктеріне тоқталып, жас спортшыларға ақжарма тілектерін жеткізді.Бүгінде Жалағаш ауданында 14 мыңға жуық тұрғын бұқаралық спортпен тұрақты түрде айналысады. Бұл аудан халқының 39 пайызын құрайды. Сонымен қатар, спорттың әр түрімен шұғылдануға арналған 145 спорт нысаны жұмыс істеп тұр. Аталған бағытта 180-ге жуық спорт маманы еңбек етуде.

Республикалық додада жоғары нәтиже көрсеткен спортшыларды қабылдады

<a href="https://kyzylorda-news.kz/">Kyzylorda-news.kz</a> Аймақ басшысы Мұрат Нәлқожаұлының су ресурстарын тиімді пайдалану және суды аз қажет ететін дақылдардың егіс көлемін ұлғайту жөніндегі тапсырмасына сәйкес, Сырдария ауданының әкімі Берік Сәрменбаев Шаған ауылындағы «Шаған Жер» жауапкершілігі шектеулі серіктестігінің егіс алқаптарын аралап, шаруашылықтың атқарып жатқан жұмыстарымен танысты.Жұмыс сапары барысында аудан басшысы шаруашылықтың өндірістік әлеуетін, егіс алқаптарындағы жағдайды және агротехникалық шаралардың орындалу барысын көріп шықты. Сонымен қатар, серіктестік басшылығымен және сала мамандарымен кездесіп, биылғы егін науқанының барысы мен алдағы жоспарлар жөнінде пікір алмасты.«Шаған Жер» жауапкершілігі шектеулі серіктестігі ауданның ірі ауыл шаруашылығы құрылымдарының бірі болып саналады. Шаруашылықтың негізгі қызмет бағыты – егін және мал шаруашылығы өнімдерін өндіру. Бүгінде серіктестікте 230 адам тұрақты жұмыспен қамтылып отыр. Сонымен қатар, шаруашылық құрамындағы үлескерлер саны 1675 адамды құрайды. Бұл ауыл тұрғындарын жұмыспен қамтуға және олардың әлеуметтік жағдайын жақсартуға елеулі үлес қосып келеді.Шаруашылықтың жалпы ауыл шаруашылығы мақсатындағы жер көлемі 10 246 гектарды құрайды. Оның ішінде 4 500 гектары егістік жер болса, 4 064 гектары жайылымдық алқаптар және 1 682 гектары өзге санаттағы жерлер болып табылады. Бұл жерлер ауыл шаруашылығы өндірісін дамытуға және өнім көлемін арттыруға тиімді пайдаланылуда.2026 жылғы егіс науқаны аясында шаруашылық тарапынан 2 250 гектар жерге күріш, 505 гектарға жүгері, 115 гектарға бидай және 213 гектарға жаңа жоңышқа егілген. Сонымен қатар, 790 гектар ескі жоңышқа алқабында күтіп-баптау жұмыстары жүргізілуде. Биыл су тапшылығының алдын алу және су ресурстарын үнемді пайдалану мақсатында суды аз қажет ететін дақылдардың көлемі ұлғайтылып, әртараптандыру жұмыстары қолға алынған.Жүгері егісін орналастыру үшін қажетті 13,9 тонна жоғары сапалы тұқым сатып алынып, толық көлемде 505 гектар жерге себілген. Егіс жұмыстары белгіленген мерзімде жүргізіліп, оған тұқым сепкіштер, культиваторлар және өзге де ауыл шаруашылығы техникалары жұмылдырылған. Қазіргі таңда дақылдарды күтіп-баптау, минералдық тыңайтқыш енгізу және суару жұмыстары агротехникалық талаптарға сәйкес атқарылуда.Сырдария ауданының әкімі егіс алқаптарын аралау барысында ауыл шаруашылығы саласының аудан экономикасындағы стратегиялық маңызына тоқталып, шаруашылықтардың өнімділікті арттыру бағытындағы жұмыстарын қолдайтынын жеткізді. Сонымен қатар, агротехникалық шараларды уақытылы әрі сапалы орындаудың, заманауи технологияларды енгізудің және су ресурстарын тиімді пайдаланудың маңыздылығын атап өтті.Кездесу соңында аудан басшысы шаруашылық ұжымына алдағы жұмыстарға сәттілік тілеп, егіннің бітік шығуы мен өндірістік көрсеткіштердің артуына бағытталған жұмыстарды жүйелі түрде жалғастыру қажеттігін айтты. Сондай-ақ, ауыл шаруашылығы саласын дамыту, еңбек өнімділігін арттыру және халықтың әл-ауқатын жақсарту бағытындағы міндеттер әрдайым назарда болатынын жеткізді.<img src="https://knadmin.beoblood.kz/uploads/Syrdariya_audanyny_kimi_egis_al_aptaryn_aralady_2_434e2080ef.jpg" alt="Сырдария ауданының әкімі егіс алқаптарын аралады 2.jpg">

Қазақстан және Қызылорда облысының жаңалықтары