<a href="https://kyzylorda-news.kz/">Kyzylorda-news.kz</a> Гір спортынан жастар арасында әлем чемпионы Төлеген Қайсар Құрылтай сайлауында өз таңдауын жасап, маңызды қоғамдық-саяси науқанға белсенді қатысты.Халықаралық спорт ареналарында ел намысын абыроймен қорғап, көк байрақты биікте желбіретіп жүрген жас спортшы бұл жолы да азаматтық жауапкершілігін танытып, ел болашағына қатысты маңызды үдеріске өз үлесін қосты.Жас чемпионның айтуынша, елдің ертеңіне қатысты маңызды мәселелерде әрбір азаматтың пікірі мен таңдауының өзіндік орны бар.<blockquote>«Ел болашағына қатысты маңызды істерден шет қалмай, өз таңдауымды жасау әр азаматтың азаматтық парызы деп білемін. Құрылтайдың негізгі мәні де елдің келешегіне қатысты маңызды мәселелерді ортақ талқылап, халықтың үнін жеткізу деп ойлаймын. Біз, жастар, еліміздің болашағына бейжай қарамай, мемлекет дамуына өз үлесімізді қосуымыз керек. Ортақ мақсатымыз тұрақты, қуатты әрі жарқын Қазақстан», – деді Төлеген Қайсар.</blockquote>Әлем чемпионатының жеңімпазы ретінде халықаралық додаларда ел намысын қорғап жүрген Төлеген Қайсардың азаматтық белсенділігі &nbsp;жастардың ел тағдырына деген жауапкершілігінің артып келе жатқанын көрсетеді.

Гір спортынан әлем чемпионы өз таңдауын жасады

<a href="https://kyzylorda-news.kz/">Kyzylorda-news.kz</a> Қармақшы ауданындағы №105 сайлау учаскесінде «Ауылымның үлгілі келіндері» бастамасы аясында ерекше іс-шара ұйымдастырылды.Ауыл келіндері ұлттық киімдерін киіп, бір мезетте сайлау учаскесіне келіп, өз таңдауларын жасады. &nbsp;Қазақы нақыштағы ұлттық киім киген келіндердің бір уақытта учаскеге келуі көпшіліктің назарын аударды. Әсемдік пен салт-дәстүрді ұштастырған бұл көрініс сайлау күнінің есте қаларлық сәттерінің біріне айналды.Ауыл келіндері азаматтық белсенділігін көрсетумен қатар, ұлттық киімнің қадірін, қазақы салт-дәстүр мен әдет-ғұрыптың маңызын дәріптеді. Дәстүрі дәріптелген елдің ұрпағы да өнегелі болады.

Қармақшы ауданының келіндері ұлттық киіммен сайлау учаскесіне келіп, дауыс берді

<a href="https://kyzylorda-news.kz/">Kyzylorda-news.kz</a> Арал ауданына қарасты Қаратерең ауылында 10 балықшы дауыс беруге өздерінің балық аулау құрал-жабдықтарымен бірге №25 сайлау учаскесіне келді.Кәсібі балық аулаумен байланысты ауыл тұрғындары сайлау күні өз міндеттерін орындауды маңызды деп санайды. Олар өздерімен бірге күнделікті кәсібіне қажетті қармақ, ау және басқа да балық аулау құралдарын алып келіп, дауыс беруге қатысты.Балықшылардың айтуынша, ауыл тұрғындары үшін балық шаруашылығы дәстүрлі кәсіптің бірі. Сондықтан олардың сайлау учаскесіне балық аулау құралдарымен келуі күнделікті еңбегі мен азаматтық белсенділігін қатар көрсеткен ерекше көрініске айналды.<blockquote>– Біз күнделікті балық аулап, нәпақамызды осы кәсіптен тауып жүрген азаматтармыз. Сонымен қатар азаматтық міндетімізді орындап, дауыс беруге бірге келуді жөн көрдік. Дауыс беру әр азаматтың өз таңдауын білдіретін құқығы. Қандай кәсіппен айналыссақ та, ел өміріне қатысты маңызды мәселелерге өз көзқарасымызды білдіруіміз керек деп ойлаймын.</blockquote>

Аралда балықшылар дауыс беруге бірге келді

<a href="https://kyzylorda-news.kz/">Kyzylorda-news.kz</a> Белгілі спортшы, 2004 жылғы Афина Олимпиадасының чемпионы, халықаралық спорт шебері Бахтияр Артаев Қызылорда қаласындағы №380 сайлау учаскесінде Құрылтай депутаттарының сайлауына қатысып, өз дауысын берді.Әйгілі боксшы өз сөзінде бұл саяси шараның мемлекет үшін тарихи маңызын айрықша атап өтті.<blockquote>«Мемлекет басшысы Қасым-Жомарт Тоқаев сайлау қарсаңындағы үндеуінде бұл саяси науқанның ел болашағы үшін айрықша маңызын атап өтті. Құрылтай депутаттарын сайлау – мемлекетіміздің даму бағытын айқындайтын жауапты кезең. Сондықтан әрбір азаматтың дауыс беруге қатысып, өзінің конституциялық құқығы мен азаматтық ұстанымын білдіруі маңызды. Науқанның заң талаптарына сай, жоғары деңгейде өтуін қамтамасыз ету – баршамызға жүктелген ортақ міндет», - деді Бахтияр Ғарифоллаұлы.</blockquote>

Бахтияр Артаев: «Сайлаудың жоғары деңгейде өтуі – баршамызға ортақ жауапкершілік»

<a href="https://kyzylorda-news.kz/">Kyzylorda-news.kz</a> Құрылтай депутаттарын сайлауында дауыс берушілер тізіміне енгізілген 4 670 816 адам таңдау жасады. Бұл туралы Орталық сайлау комиссиясының мүшесі Ләззат Сүйіндік айтты, – деп хабарлайды <a href="https://kaz.inform.kz/news/kuriltay-2026-46-mln-nan-astam-azamat-dauis-berd-475ebb87">Қазақпарат.</a>Оның мәліметінше, астананың, облыстардың, республикалық маңызы бар қалалардың аумақтық сайлау комиссиялары ұсынған деректерге сәйкес, сағат 12:00-дегі жағдай бойынша өңірлерде сайлаушылардың дауыс беруге қатысуы мынадай:1. Астана қаласы бойынша – 35,28%.2. Абай облысы бойынша – 38,51%.3. Ақмола облысы бойынша – 39,57%.4. Ақтөбе облысы бойынша – 42,53%.5. Алматы облысы бойынша – 39,05%.6. Атырау облысы бойынша – 35,84%.7. Батыс Қазақстан облысы бойынша – 35,49%.8. Жамбыл облысы бойынша – 35,54%.9. Жетісу облысы бойынша – 47,29%.10. Қарағанды облысы бойынша – 40,56%.11. Қостанай облысы бойынша – 34,72%.12. Қызылорда облысы бойынша – 47,59%.13. Маңғыстау облысы бойынша – 34,68%.14. Павлодар облысы бойынша – 35,74%.15. Солтүстік Қазақстан облысы бойынша – 38,13%.16. Түркістан облысы бойынша – 43,14%.17. Ұлытау облысы бойынша – 34,93%.18. Шығыс Қазақстан облысы бойынша – 41,89%.19. Алматы қаласы бойынша – 17,87%.20. Шымкент қаласы бойынша – 41,60%.<blockquote>- Жалпы, еліміз бойынша сағат 12:00-де 4 670 816 сайлаушы бюллетень алды. Ол тізімге енгізілген азаматтардың 37,05 пайызын құрады. Сайлаушылардың дауыс беруге қатысуы туралы келесі ақпарат сағат 14:00-де беріледі, - деді ол.</blockquote>Бүгін еліміздің барлық өңірінде Құрылтай депутаттарын сайлау өтіп жатыр. Дауыс беру 10 423 сайлау учаскесінде өтеді.Сурет: ҚР ОСК

Құрылтай-2026: 4,6 млн-нан астам азамат дауыс берді  

<a href="https://kyzylorda-news.kz/">Kyzylorda-news.kz</a> Ел өміріндегі маңызды саяси науқанға Қазалы ауданындағы жедел жәрдем қызметкерлері де белсенді қатысып, өз таңдауларын жасады.Күнделікті халықтың денсаулығы мен қауіпсіздігі үшін тынымсыз еңбек ететін ақ халатты жандар кезекшілік кестесіне қарамастан, азаматтық міндетін орындап, дауыс беруге атсалысты.Ел болашағына бейжай қарамай, маңызды таңдауға белсенді қатысу – әр азаматтың жауапкершілігі.

Қазалылық жедел-жәрдем қызметкерлері дауыс берді

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев сайлау учаскесіне барды. Мемлекет басшысы Қазақстан Республикасының Құрылтай депутаттары сайлауында дауыс берді, – деп хабарлайды <a href="https://bairaqmedia.kz/kz/article/prezident-k-uryltaj-deputattary-sajlauynda-dauys-berdi-1787469025.html">Вairaqmedia.kz</a>.Президент Қасым-Жомарт Тоқаев Тәуелсіздік сарайында орналасқан №520 сайлау учаскесіне барып, Қазақстан Республикасы Құрылтай депутаттарының сайлауында дауыс берді.Содан кейін Мемлекет басшысы бұқаралық ақпарат құралдары өкілдеріне брифинг өткізді<blockquote>– Шын мәнінде, бүгін – еліміз үшін тарихи күн. Тұңғыш рет бір палаталы Құрылтай сайлауын өткізіп отырмыз. Бұл – маңызды тарихи оқиға. Біз біртұтас ел болып, ауқымды реформалар жүргізіп жатырмыз. Мұны бәріңіз білесіздер, куә болып отырсыздар. Ойдағыдай нәтижелерге қол жеткіздік. Дегенмен алдымызда тұрған жұмыс ауқымды, мақсатымыз маңызды деп айтуға болады. Бүгінгі сайлау – осы жұмыстың бастауы ғана, – деді Қасым-Жомарт Тоқаев.</blockquote>Сурет: Ақорда

Президент Құрылтай депутаттары сайлауында дауыс берді

<a href="https://kyzylorda-news.kz/">Kyzylorda-news.kz</a> Тереңөзек кентіндегі №155 сайлау учаскесінде Ұлы Отан соғысының ардагері, 105 жастағы Яхия Тасыров дауыс беріп, өз таңдауын жасады.Ғасыр жасаған қария ел болашағына бейжай қарамай, маңызды саяси науқанға қатысып, азаматтық белсенділіктің жарқын үлгісін көрсетті. Бүгінде ол облыстағы жалғыз Ұлы Отан соғысының ардагері ретінде үлкен құрметке ие. Қарты бар ел – қазыналы ел десек, бейбіт күннің қадірін терең түсінетін ардагердің ақ батасы мен өнегесі кейінгі ұрпақ үшін әрдайым құнды.Қарт майдангер елдің тұрақтылығы мен болашағы үшін әр азаматтың дауыс беруі маңызды екенін атап өтіп, мұндай саяси науқанға қатысу – әрбір азаматтың борышы екенін жеткізді.<blockquote>– Еліміздің ертеңі жарқын болуы үшін әркім өз таңдауын жасауы керек. Бірлігіміз бекем, тәуелсіздігіміз тұғырлы болсын, – дейді Яхия Тасыров.</blockquote>Ардагердің бұл игі ісі жастарға үлгі болып, ел тағдырына бейжай қарамай, қоғамдық өмірге белсенді қатысудың маңыздылығын тағы бір мәрте айқындап отыр.

Ұлы Отан соғысының ардагері Яхия Тасыров дауыс берді

<a href="https://kyzylorda-news.kz/">Kyzylorda-news.kz</a> Құрылтай сайлауы ел тарихындағы саяси маңызы зор маңызды науқан. Бұл күні Қазалы ауданындағы жастар да азаматтық белсенділігін танытып, сайлау учаскелеріне көптеп келуде.Саяси науқанға белсенді қатысып жатқан жастардың қарасы қалың. Соның бір дәлелі №61 сайлау учаскесінде бір мезетте 50 жастың дауыс беруі.Жастардың ел болашағына бейжай қарамай, өз таңдауын жасап, азаматтық жауапкершілігін танытуы қуанышты жағдай. Бұл өскелең ұрпақтың қоғамдық-саяси үдерістерге белсенді араласып келе жатқанын көрсетеді.Ел ертеңіне өз үлесін қосуға ұмтылған Қазалы жастары үшін бұл сайлаудың маңызы ерекше.

Қазалыда бір мезетте 50 жас дауыс берді

<a href="https://kyzylorda-news.kz/">Kyzylorda-news.kz</a> Жаңақорған ауданында сайлау күні тұрғындардың белсенділігін арттырып, мерекелік көңіл күй қалыптастыру мақсатында сайлау учаскелері маңында түрлі спорттық жарыстар ұйымдастырылып жатыр.Атап айтқанда, қол күрес, арқан тарту, асық ату сынды ұлттық және бұқаралық спорт түрлерінен сайыстар өтіп, оған жастармен қатар ауыл тұрғындары да белсене қатысуда. Жарыс барысында қатысушылар өздерінің ептілігі мен күшін сынап, жеңіске деген жігерін танытты. Спорттық шараға қатысқан аудан тұрғыны бұл бастаманың тұрғындарға ерекше көңіл күй сыйлағанын атап өтті.<blockquote>– Сайлау күні ауылымызда осындай спорттық жарыстардың ұйымдастырылғаны көңілге қуаныш ұялатады. Жастардың белсенділігі ерекше байқалады. Бір жағынан азаматтар өз таңдауын жасап жатса, екінші жағынан спортпен шұғылданып, уақыттарын тиімді өткізуде. Мұндай шаралар ауыл тұрғындарын бірлікке, белсенділікке үндейді, – деді ауыл тұрғыны.</blockquote>Ал жастар өкілдерінің айтуынша, әсіресе ұлттық спорт түрлеріне деген қызығушылық жоғары. Асық ату мен қол күреске қатысушылар өзара тартысты бәсеке көрсетсе, арқан тарту сайысы көрермендерге көтеріңкі көңіл күй сыйлауда.<img src="https://knadmin.beoblood.kz/uploads/Zha_a_or_an_audany_sajlau_2_3d3c9a25b8.jpg" alt="Жаңақорған ауданы сайлау 2.jpg">

Жаңақорғандағы сайлау учаскелерінде спорттық сайыстар өтіп жатыр

<a href="https://kyzylorda-news.kz/">Kyzylorda-news.kz</a> Сайлау учаскелерінде ұлттық тағамдар мен қолөнер бұйымдарының көрмелері, сондай-ақ, спорттық шаралар ұйымдастырылуда.Тұрғындар өз таңдауын жасап, фотозоналарда суретке түсіп, көрмелер мен спорттық шараларды тамашалауда.Сонымен қатар, бүгін ауыл шаруашылығы өнімдерінің жәрмеңкесі ұйымдастырылып, тұрғындарға өнімдер төмен бағамен ұсынылуда. Осылайша, бүгін аудан көлемінде түрлі іс-шаралар өткізіліп, Құрылтай сайлауы мерекелік көңіл күйде өтуде.

 Құрылтай сайлауына жалағаштықтардың белсенділігі жоғары

<a href="https://kyzylorda-news.kz/">Kyzylorda-news.kz</a> Құрылтай депутаттарын сайлауда дауыс беруге құқығы бар 2 264 411 адам (17,96 пайыз) таңдауын жасап үлгерді. Бұл туралы Орталық сайлау комиссиясының мүшесі Азамат Айманақұмов айтты, – деп хабарлайды <a href="https://kaz.inform.kz/news/kuriltay-2026saylaushilardin-1796-payizi-byulleten-aldi-44e29932">Қазақпарат.</a>Оның мәліметінше, астананың, облыстардың, республикалық маңызы бар қалалардың аумақтық сайлау комиссиялары ұсынған деректерге сәйкес сағат 10.00 –дегі жағдай бойынша өңірлерде сайлаушылардың дауыс беруге қатысуы мынадай:Астана қаласы бойынша – 17,01%, Абай облысы бойынша – 17,35%, Ақмола облысы бойынша – 18,91%, Ақтөбе облысы бойынша – 20,28%, Алматы облысы бойынша – 17,19%, Атырау облысы бойынша – 18,75%, Батыс Қазақстан облысы бойынша – 17,97%, Жамбыл облысы бойынша – 18,25%, Жетісу облысы бойынша – 20,87%, Қарағанды облысы бойынша – 21,06%, Қостанай облысы бойынша – 17,92%, Қызылорда облысы бойынша – 22,91%, Маңғыстау облысы бойынша – 16,92%, Павлодар облысы бойынша – 15,98%, Солтүстік Қазақстан облысы бойынша – 17,52%, Түркістан облысы бойынша – 20,39%, Ұлытау облысы бойынша – 19,41%, Шығыс Қазақстан облысы бойынша – 19,93%, Алматы қаласы бойынша – 9,96%, Шымкент қаласы бойынша – 20,39%.<img class="image_resized" style="width:79.87%;" src="https://knadmin.beoblood.kz/uploads/Sajlau_bf16a56a7a.jpg" alt="Сайлау.jpg"><blockquote>- Жалпы, еліміз бойынша сағат 10.00-де 2 264 411 сайлаушы бюллетень алды. Бұл - тізімге енгізілген азаматтардың 17,96 пайызы. Сайлаушылардың дауыс беруге қатысуы туралы келесі ақпарат сағат 12.00-де беріледі, - деді ол.</blockquote>Құрылтай сайлауына қатысты барлық жаңалықпен мына сілтемеге өтіп оқи аласыздар. Елімізде тарихи Құрылтай сайлауында 145 депутаттық мандатқа «Әділет», ЖСДП, «Байтақ», ҚХП, «Ауыл» партиясы, «Ақ жол» және Respublica — барлығы 7 партиядан 545 кандидат тіркелген.

Қазақстан және Қызылорда облысының жаңалықтары