<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков тиісті сала басшыларымен бірге Шиелі кентіндегі жол жөндеу жұмыстарының барысын бақылады.Қазіргі таңда Шиелі кентінің теріскей бетінде, яғни Шанхай аумағындағы негізгі жолдардың бірі саналатын Шаймерден Бәкіров көшесі күрделі жөндеуден өтуде. Жалпы ұзындығы 1,8 шақырымды құрайтын көше бойында жол жабыны жаңартылуда. Сонымен қатар, жаңа аялдамалар салынып, жаяу жүргіншілер жолдары төселіп, түнгі жарықтандыру шамдары орнатылып, абаттандыру жұмыстары жүргізілуде.Жоба аясында Шаймерден Бәкіров көшесінің Нартай Бекежанов көшесімен қиылысында айналмалы жол салу да жоспарланған. Бұл өз кезегінде көлік қозғалысын реттеуге, жол қауіпсіздігін арттыруға және тұрғындар үшін қолайлы жағдай қалыптастыруға мүмкіндік береді. Аталған жұмыстардың бас мердігері - «УАД» ЖШС.Айта кетейік, бұған дейін аудан орталығындағы Қожа Ахмет Ясауи көшесі төрт жолақты болып жаңғыртылған болатын. Бұл жобаны да «УАД» ЖШС жүзеге асырған еді. Көше инфрақұрылымын жаңарту кенттің көркін келтіріп қана қоймай, көлік қатынасының сапасын жақсартуға бағытталған.Сонымен қатар, Шиелі кентіндегі Ж. Таспанбетова, Ә. Палымбетова, А. Құнанбаев, С. Кәрімбаев, Б. Тоқбаулин, Т. Жүргенов, Б. Оразов және Досбол датқа көшелерінде күрделі жол жөндеу жұмыстары жүргізілді. Бұдан бөлек, мектептер мен әлеуметтік маңызы бар мекемелердің аумақтарына асфальт төселді.Аталған жобалар аясында жол жабындары жаңартылып, белгіленген талаптарға сәйкес асфальт төсеу жұмыстары атқарылуда. Бұл бағыттағы жұмыстарды «Әлем Транс Жол» ЖШС жүргізуде.Жол жөндеу жұмыстарының барысын бақылай келе, аудан әкімі жауапты сала басшыларына құрылыс сапасына баса мән беріп, жұмыстардың белгіленген мерзімде әрі талапқа сай орындалуын қамтамасыз етуді тапсырды.Жол инфрақұрылымын жаңғырту - тұрғындардың қауіпсіздігін қамтамасыз етуге, көлік қозғалысын жақсартуға және ауданымыздың сәулеттік келбетін арттыруға бағытталған маңызды жұмыстардың бірі.<img src="https://knadmin.beoblood.kz/uploads/Shieli_zhol_infra_rylymy_2_ee748bc226.jpg" alt="Шиелі жол инфрақұрылымы 2.jpg">

Шиеліде жол инфрақұрылымын жаңғырту жұмыстары жалғасуда

<a href="https://kyzylorda-news.kz/">Kyzylorda-news.kz</a> «Заң мен тәртіп» қағидасын іске асыру мақсатында Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің Қызылорда облысы бойынша департаменті, Қызылорда облысы Полиция департаменті және Қызылорда облысының Мәдениет, архивтер және құжаттама басқармасының ұйымдастыруымен бүгін Р. Отарбаевтың «Нашақор жайлы новелла» драмасы сахналанды.Іс-шараның мақсаты – қоғамда құқықтық мәдениетті қалыптастыру, есірткінің зиянды әсері мен оның адам өміріне тигізетін зардаптарын түсіндіру, жастарды зиянды әдеттерден аулақ болуға шақыру.<img src="https://knadmin.beoblood.kz/uploads/Whats_App_Image_2026_10_20_at_12_03_33_39d4b41079.jpeg" alt="Заң мен тәртіп қойылым.jpeg">Қойылым алдында Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің Қызылорда облысы бойынша департаменті бастығының орынбасары Фархат Иманғалиев пен Қызылорда облысы Полиция департаменті бастығының бірінші орынбасары, полиция полковнигі Серік Тоқтыбаев сөз сөйлеп, есірткіге тәуелділіктің қауіптілігіне тоқталды. Сонымен қатар, жастарды жаман әдеттерден бойын аулақ ұстап, салауатты өмір салтын таңдауға үндеді.Бұдан бөлек, LED-экран арқылы «Есірткіге жол жоқ!» атты бейнеролик көрсетіліп, көрермендерге есірткінің зияны туралы ақпарат берілді.Іс-шара аясында көрермендер Р. Отарбаевтың «Нашақор жайлы новелла» драмасын тамашалады. Қойылымда есірткіге тәуелділіктің адам тағдырына әсері мен оның ауыр салдары көрініс тауып, көрермендерді өмірге жауапкершілікпен қарауға, дұрыс таңдау жасауға шақырды.<img src="https://knadmin.beoblood.kz/uploads/Whats_App_Image_2026_10_20_at_12_03_34_e909efc244.jpeg" alt="Заң мен тәртіп қойылым.jpeg">

«Нашақор жайлы новелла» драмасы сахналанды

<a href="https://kyzylorda-news.kz/">Kyzylorda-news.kz</a> «Таза Қазақстан» жалпыұлттық бастамасы аясында Арал көпсалалы колледжінің білім алушылары «Дәндерді тастама – табиғатқа мүмкіндік бер» атты экологиялық акцияға қатысуда.Акцияның негізгі мақсаты – білім алушылардың табиғатқа деген сүйіспеншілігін арттыру, қоршаған ортаға ұқыпты қарау мәдениетін қалыптастыру және экологиялық жауапкершілігін нығайту.Өндірістік оқыту шебері Даметкен Мамбетованың ұйымдастыруымен білім алушылар өсімдіктерге күтім жасаудың қыр-сырын меңгерді. Олар топырақтың ылғалдылығын тексеріп, өсімдіктерге қажетті мөлшерде су құйып, жапырақтарын күтіп-баптады. Сонымен қатар жарықтың өсімдіктердің өсуіне әсері туралы пікір алмасты.<img src="https://knadmin.beoblood.kz/uploads/Aral_k_p_salaly_kolledzhi_3a869ca25c.jpg" alt="Арал көп салалы колледжі.jpg">Іс-шара барысында білім алушылар гүлдердің дәндерін жинау, сақтау және оларды қайта егу жолдарымен танысып, өсімдіктерді күтіп-баптау бойынша тәжірибелік дағдыларын жетілдірді.Осындай экологиялық акциялар жас ұрпақтың табиғатқа жанашырлықпен қарауына, қоршаған ортаны қорғауға деген жауапкершілігін арттыруға және экологиялық мәдениетін қалыптастыруға ықпал етеді.<img src="https://knadmin.beoblood.kz/uploads/Aral_k_psalaly_kolledzhi_282a461fb1.jpg" alt="Арал көпсалалы колледжі.jpg">

«Таза Қазақстан»: Арал көпсалалы колледжінің білім алушылары экологиялық акцияға қатысуда

<a href="https://kyzylorda-news.kz/">Kyzylorda-news.kz</a> 19–24 қазан аралығында Қызылорда қаласында Қазақстан драма театрларының XXXI республикалық фестивалі өтіп жатыр. Биылғы өнер мерекесі қазақ театртану ғылымының көрнекті өкілі, белгілі театр сыншысы, өнертану профессоры Бағыбек Құндақбаевтың туғанына 100 жыл толуына арналып отыр. Бұл туралы Нартай Бекежанов атындағы Қызылорда облыстық қазақ академиялық музыкалық драма театрында өткен баспасөз конференциясында белгілі болды.Алты күнге жалғасатын өнер додасында еліміздің әр өңірінен іріктелген он театр өз қойылымдарын көрермен назарына ұсынып, ұлттық сахна өнерінің бүгінгі тынысын, шығармашылық ізденістері мен көркемдік ерекшеліктерін танытады.<img src="https://knadmin.beoblood.kz/uploads/Whats_App_Image_2026_10_20_at_09_30_02_46cde0eba4.jpeg" alt="Театр">Баспасөз конференциясы барысында фестивальдің мақсаты мен маңызы, бағдарламасы, қатысушы театрлардың шығармашылық әлеуеті және қазылар алқасының жұмысы кеңінен талқыланды.Оған қазылар алқасының төрағасы, М.Әуезов атындағы Әдебиет және өнер институты Театр және кино бөлімінің меңгерушісі, өнертану кандидаты Аманкелді Мұқан, театртанушы, өнертану докторы, профессор Бақыт Нұрпейіс, Қазақстанның еңбек сіңірген қайраткері, ІІ дәрежелі "Барыс" және "Құрмет" ордендерінің иегері, кәсіби «Еңлікгүл» және «Тұран» сыйлықтарының иегері, режиссер Хұсейн Әмір-Темір , театртанушы, өнертану кандидаты, профессор Зухра Исламбаева, өнертану магистрі Алтынгүл Нұрбекова және Қалибек Қуанышбаев атындағы Қазақ ұлттық музыкалық драма театрының директоры, Мәдениет саласының үздігі Ербол Хабылбеков қатысты.<img src="https://knadmin.beoblood.kz/uploads/Whats_App_Image_2026_10_20_at_09_30_03_6d700e0c07.jpeg" alt="Театр">Фестивальдің өту барысы мен шығармашылық кездесулер туралы Нартай Бекежанов атындағы Қызылорда облыстық қазақ академиялық музыкалық драма театрының басшысы Мұхтар Мәуленұлы кеңінен баяндады.Сонымен қатар, фестиваль аясындағы шығармашылық кездесулер мен кәсіби пікір алмасулар театр мамандарының тәжірибе бөлісуіне, өзара байланысын нығайтуына жол ашады.&nbsp;<img src="https://knadmin.beoblood.kz/uploads/Whats_App_Image_2026_10_20_at_09_30_05_fc5044c02a.jpeg" alt="Театр">

Қызылордада Қазақстан драма театрларының XXXI фестивалі басталды

<a href="https://kyzylorda-news.kz/">Kyzylorda-news.kz</a> Қызылорда қаласында өтіп жатқан «KZO CAMP: ONE COMMUNITY» республикалық волонтерлер слетіне қатысушылар «Таза Қазақстан» жалпыұлттық экологиялық бастамасы аясында Президент саябағында тал егу тал егу шарасына қатысты.«GREEN ARAL: VOLUNTEERS FOR LIFE 2026» халықаралық волонтерлер апталығының ашылу салтанатынан кейін ұйымдастырылған экологиялық шара Мемлекет басшысы Қасым-Жомарт Тоқаевтың бастамасымен жүзеге асырылып жатқан «Таза Қазақстан» жалпыұлттық экологиялық бағдарламасы аясында өтті.<img src="https://knadmin.beoblood.kz/uploads/Whats_App_Image_2026_10_19_at_21_17_59_a5ae786f47.jpeg" alt="слет ">Бастаманың негізгі мақсаты – табиғатқа жанашырлықпен қарау мәдениетін қалыптастырып, әрбір азаматтың қоршаған орта алдындағы жауапкершілігін арттыру.Игі бастамаға облыстық қоғамдық даму басқармасының басшысы Руслан Каюпов, Қазақстан Республикасы Мәдениет және ақпарат министрлігі Азаматтық қоғам істері комитеті төрағасының орынбасары Тоғжан Зейденова, Қазақстан Халық Кеңесінің мүшелері Вера Ким мен Жанар Бимұратқызы, сондай-ақ Өзбекстан, Қырғызстан және Қазақстанның 10 өңірінен келген 100 волонтер қатысты.<img src="https://knadmin.beoblood.kz/uploads/Whats_App_Image_2026_10_19_at_21_18_00_2_f71ac34eb4.jpeg" alt="слет ">Акция аясында қатысушылар Президент саябағына тал көшеттерін отырғызып, қаланы көгалдандыруға және оның жасыл желегін молайтуға үлес қосты. Іс-шара табиғатты аялау мәдениетін қалыптастыруға, волонтерлерді ортақ игі іске жұмылдыруға және қоршаған ортаға деген жауапкершілікті арттыруға бағытталды.Айта кету қажет, «KZO CAMP: ONE COMMUNITY» республикалық волонтерлер слеті еліміздің әр өңірінен және көршілес мемлекеттерден келген еріктілердің басын қосып, тәжірибе алмасуына, ортақ жобаларды талқылауына және жаңа бастамаларды жүзеге асыруына мүмкіндік береді.<img src="https://knadmin.beoblood.kz/uploads/Whats_App_Image_2026_10_19_at_21_17_59_2_9315ba8a95.jpeg" alt="слет ">Ал, «Таза Қазақстан» бастамасы аясында ұйымдастырылған мұндай экологиялық шаралар азаматтарды қоршаған ортаны қорғауға жұмылдырып, елді мекендердің көркеюіне және экологиялық жауапкершілігі жоғары қоғам қалыптастыруға ықпал етеді. Экологиялық акциядан кейін слетке қатысушылар Қызылорда қаласының көрікті орындарын аралады.Атап айтқанда, волонтерлер Ботаникалық бақта болып, облыстық тарихи-өлкетану музейінің экспозицияларымен танысты және «Қайсар Арена» стадионын тамашалады.Танымдық экскурсия қатысушыларға Сыр өңірінің табиғи және мәдени мұрасымен танысып, қаланың сәулеттік келбеті мен заманауи инфрақұрылымын көруге мүмкіндік берді.<img src="https://knadmin.beoblood.kz/uploads/Whats_App_Image_2026_10_19_at_21_18_03_e7d29e8305.jpeg" alt="слет ">

«Таза Қазақстан»: «KZO CAMP: ONE COMMUNITY» слетіне қатысушылар президент саябағында тал егу акциясына қатысты

<a href="https://kyzylorda-news.kz/">Kyzylorda-news.kz</a> Қызылордада Арал өңірінің табиғатын сақтауға және экожүйесін қорғауға бағытталған «GREEN ARAL: VOLUNTEERS FOR LIFE 2026» халықаралық волонтерлер апталығының ашылу рәсімі өтті.&nbsp;Бастама Мемлекет басшысы Қасым-Жомарт Кемелұлы Тоқаевтың ұсынысымен БҰҰ жариялаған Тұрақты даму мақсатындағы Халықаралық волонтерлер жылына орай ұйымдастырылды.Жиынның ашылу рәсіміне облыс әкімінің бірінші орынбасары Данияр Жаналинов, Қазақстан Республикасы Мәдениет және ақпарат министрлігі Азаматтық қоғам істері комитеті төрағасының орынбасары Тоғжан Зейденова, Қазақстан Халық Кеңесінің мүшелері Вера Ким мен Жанар Бимұратқызы, облыстық қоғамдық кеңес төрағасы Наурызбай Байқадамов, сондай-ақ Өзбекстан, Қырғызстан және Қазақстанның 10 өңірінен келген 100 волонтер және облыстағы 500-ден астам белсенді &nbsp;студенттер мен ерікті жастар қатысты.<img src="https://knadmin.beoblood.kz/uploads/Whats_App_Image_2026_10_19_at_19_36_37_932c64045d.jpeg" alt=" неделя GREEN ARAL">Жиында облыс әкімінің бірінші орынбасары Данияр Жаналинов қатысушыларды «GREEN ARAL» халықаралық волонтерлер апталығының ашылуымен құттықтап, волонтерліктің ел өміріндегі маңызына тоқталды.<blockquote>«Бүгінгі басқосудың Сыр өңірінде өтуі және апталықтың «GREEN ARAL» деп аталуы айрықша мәнге ие. Бұл – қоршаған ортаны қорғауға, экологиялық мәдениетті қалыптастыруға және Арал өңірінің тағдырына деген ортақ жауапкершілікті сезінуге үндейтін маңызды бастама. Арал мәселесі – еліміздің ғана емес, бүкіл әлемнің назарындағы өзекті тақырып. Табиғатқа жанашырлық танытып, экологиялық түйткілдердің шешіміне үлес қосу – баршамызға ортақ міндет. Сыр еліне келген сапарларыңыз сәтті, жүздесулеріңіз мазмұнды, бастамаларыңыз нәтижелі болсын!», – деді Данияр Еренғалиұлы.</blockquote><img src="https://knadmin.beoblood.kz/uploads/Whats_App_Image_2026_10_19_at_19_36_36_dfeec53f9d.jpeg" alt=" неделя GREEN ARAL">Сондай-ақ, аймақтағы волонтерлік қозғалыстың өркендеуіне үлес қосып, қоғамдық жұмыстарда белсенділік танытып жүрген бірқатар азаматтар облыс әкімінің «Алғыс хатымен» марапатталды.Іс-шара аясында Қазақстан Республикасы Мәдениет және ақпарат министрлігі Азаматтық қоғам істері комитеті төрағасының орынбасары Тоғжан Зейденова сөз сөйлеп, волонтерлер бастамаларын қолдаудың маңызын атап өтті.&nbsp;Ал, «Ұлттық волонтерлік желі» төрағасы, Қазақстан Халық Кеңесінің мүшесі Вера Ким Қазақстан Халық Кеңесінің төрағасы Ерлан Қошановтың арнайы құттықтау хатын оқып берді.<img src="https://knadmin.beoblood.kz/uploads/Whats_App_Image_2026_10_19_at_19_36_39_5915c0954b.jpeg" alt=" неделя GREEN ARAL">Апталық жастар арасында волонтерлік қозғалысты дамытуға, экологиялық мәдениетті қалыптастыруға және халықаралық ынтымақтастықты нығайтуға бағытталған.Бағдарлама барысында қатысушылар тәжірибе алмасып, экологиялық бастамаларын таныстырады. Бұдан бөлек, олар қоршаған ортаға қатысты өзекті мәселелерді бірлесіп шешу жолдарын қарастырады. Негізгі іс-шаралар Қызылорда облысының Арал ауданында өтеді.Апталық аясында белсенді жастардың тәжірибе алмасу және бір-бірімен байланысын нығайту мақсатында «KZO CAMP: ONE COMMUNITY» республикалық волонтерлер слеті де өтті.«GREEN ARAL: VOLUNTEERS FOR LIFE 2026» халықаралық апталығы жастардың, қоғамдық ұйымдар мен халықаралық серіктестердің басын қосып, экологиялық волонтерлікті дамытуға және Арал өңірінің табиғатын қорғауға бағытталған бастамаларды қолдауға жол ашады.&nbsp;<img src="https://knadmin.beoblood.kz/uploads/Whats_App_Image_2026_10_19_at_19_36_31_0ec91414a9.jpeg" alt=" неделя GREEN ARAL">

Қызылордада «GREEN ARAL: VOLUNTEERS FOR LIFE 2026» халықаралық волонтерлер апталығы бастау алды

<a href="https://kyzylorda-news.kz/">Kyzylorda-news.kz</a> Бүгін Ақордада Мемлекет басшысы Қасым-Жомарт Кемелұлының қатысуымен 19 қазан – Құтқарушы күніне орай салтанатты жиын өтті.Президент төтенше жағдай саласы қызметшілерінің еңбегін ерекше бағалап, қауіп-қатерден тайсалмайтын, сын сағатта жедел шешім қабылдай алатын, арнайы даярлықтан өткен нағыз кәсіби мамандар деп есептейтінін айтты. &nbsp;<img src="https://knadmin.beoblood.kz/uploads/T_Zh_M_marapat_2_2fcfce58ca.jpg" alt="ТЖМ марапат 2.jpg">Салтанатты жиында кәсіби міндетін адал атқарып жүрген сырбойылық азаматтарға мемлекеттік наградалар табысталды.Атап айтқанда, Қызылорда қаласының төтенше жағдайлар басқармасына қарасты № 6 өрт сөндіру бөлімінің аға өрт сөндіруші-құтқарушысы Нұрсұлтан Жалғасов «Ерлігі үшін» медалімен, Қызылорда облысындағы «Оңталап» шаруа қожалығының директоры Әбдіхамит Аралбаев «Ауыл құтқарушысы» жобасы аясында өрт сөндіру бекетін салуға демеушілік көрсеткені үшін «Ерен еңбегі үшін» медалімен марапатталды.<img src="https://knadmin.beoblood.kz/uploads/T_Zh_M_marapat_d1902a89dc.jpg" alt="ТЖМ марапат.jpg">

Кәсіби мерекедегі мерейлі марапат

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ерлан Төрәлиев Жалағаш кентіндегі Дәуімбай елді мекенінде салынып жатқан 16 пәтерлі тұрғын үйдің, Ақтерек жер учаскесіндегі 50 пәтерлі тұрғын үйдің және теміржол вокзалы ғимаратының құрылыс жұмыстарымен танысты.<blockquote>«Құрылыс сапасын күнделікті бақылауда ұстаңыздар. Халық бұл үйлерді асыға күтіп отыр. Сондықтан, құрылыс барысында ешқандай кемшілікке жол берілмеуі тиіс. Әр нысан қатаң бақылауда болып, белгіленген мерзімнен кешіктірмей, ел игілігіне табыстауымыз керек», - деді аудан әкімі Е.Төрәлиев.</blockquote>Сондай-ақ, аудан әкімі құрылыс материалдарының сапасына және олардың белгіленген талаптарға сәйкестігіне назар аударып, жұмыстардың белгіленген нормаларға сай жүргізілуін ескертті.<img src="https://knadmin.beoblood.kz/uploads/Zha_a_or_an_rylys_sapasy_ba_ylauda_2_3c312875f4.jpg" alt="Жаңақорған құрылыс сапасы бақылауда 2.jpg">

 Құрылыс барысы күнделікті бақылауда

<a href="https://kyzylorda-news.kz/">Kyzylorda-news.kz</a> Республика күні қарсаңында «Кітап оқитын ұлт» марафоны аясында кітап сыйлау мәдениетін дамытуға және ел тұрғындарының әдебиетке деген қызығушылығын арттыруға бағытталған «Саған кітап арнадым» акциясы басталады.Республика күні — Қазақстан мемлекеттілігінің қалыптасуын, ұлттық бірлікті және ел болашағы алдындағы жауапкершілікті айшықтайтын ерекше мереке. Бұл — түрлі буын өкілдерін байланыстыратын, қоғамның дамуына бағыт-бағдар беретін құндылықтарға назар аударуға мүмкіндік. Сол құндылықтардың бірі — кітап оқу. Өйткені кітап адамның ой-өрісін кеңейтіп, білім мен тәжірибе алмасуға жол ашады және жаңа жаңалықтарға жетелейді.«Саған кітап арнадым» акциясы еліміздің басты мемлекеттік мерекесін игі әрі мағыналы іспен атап өтуге шақырады. Бұл бастама зерделі ұлт қалыптастыру әр адамның жеке үлгісінен, әдебиетке деген шынайы қызығушылығынан және кез келген адам жасай алатын қарапайым әрекеттерден басталатынын еске салады.<blockquote>– Республика күні — ел болашағы мен келешек ұрпаққа қалдырар аманат-құндылықтарымызды саралайтын күн. Кітап — ерекше сыйлық, өйткені онымен бірге біз білімімізді, идеямызды және әлемге жаңаша көзқараспен қарау мүмкіндігін бөлісеміз. «Саған кітап арнадым» акциясы — оқуды күнделікті өмірдің бір бөлігіне айналдырудың қарапайым әрі мазмұнды жолы. Кітап адамдардың қарым-қатынасына себеп болып, оларды біріктіріп, жаңа шығармаларды оқуға шабыттандырғанын қалаймыз. Зерделі ұлт мәдениеті осындай шынайы ниеттен туған игі істер арқылы қалыптасатынына сенімдіміз, – деді «Кітап оқитын ұлт – Читающая нация» қоғамдық қорының атқарушы директоры Аян Сакошев.</blockquote>Акцияға қатысу үшін жаңа немесе жеке кітапханаңыздағы жақсы сақталған кітапты таңдап, оның алғашқы таза бетіне жылы лебіз жазу немесе ішіне құттықтау салу ұсынылады. Құттықтауда кітапты кімге және кімнен сыйға тартылғаны, сондай-ақ дәл осы кітаптың неліктен таңдалғаны көрсетіледі.&nbsp;Одан кейін кітапты жақын адамыңызға, досыңызға, әріптесіңізге, сыныптасыңызға немесе курстасыңызға сыйлауға болады. Қатысушыларға кітап сыйлау сәтімен әлеуметтік желілерде бөлісу ұсынылады. Ол үшін кітаптың фотосуретін немесе қысқа бейнежазбасын жариялап, кітап пен оны сыйлаған адам туралы шағын әңгіме жазып, марафонның ресми @kitap_oqityn_ult аккаунтын белгілеу және #CағанКітапАрнадым #КнигаДляТебя #BookForYou #Republicday хэштегтерін пайдалану ұсынылады.Әр қатысушы достарын, әріптестері мен таныстарын акцияға қосылуға шақырып, игі бастаманың эстафетасын жалғастыра алады.«Саған кітап арнадым» — жай ғана сыйлық емес. Бұл — біліммен бөлісудің, жақын жандарға көңіл бөлудің және өзгені кітап оқуға шабыттандырудың мүмкіндігі.

Республика күніне орай «Саған кітап арнадым» акциясы басталды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университеті мен Қызылорда облысы бойынша Сот сараптамалары институтының ұйымдастыруымен «Сот медицинасы және құқық: заманауи сараптамалық практика мен құқықтық үрдістердің интеграциясы» атты халықаралық ғылыми-практикалық конференция өтті.Ғылыми жиын сот медицинасы мен құқық салаларының өзара байланысын нығайтуға, сот сараптамасының заманауи мәселелерін талқылауға және халықаралық тәжірибе алмасуға арналды. Конференция сот медицинасы саласының ардагері, «Алтын дәрігер» төсбелгісінің иегері Қамбар Сексеновтің 70 жылдық мерейтойына орай ұйымдастырылды.Конференцияның ашылуында университеттің Басқарма мүшесі – академиялық мәселелер жөніндегі проректор Дана Абдрашева құттықтау сөз сөйлеп, жиынның маңыздылығына тоқталды. Ол сот сараптамасы саласындағы ғылыми жетістіктерді талқылау, озық тәжірибелермен бөлісу және болашақ мамандардың кәсіби даярлығын жетілдіру бағытындағы мұндай кездесулердің мәнін атап өтті.Жиында Қызылорда облысы бойынша Сот сараптамалары институтының директоры Ержан Примбетов, Жүсіп Баласағұн атындағы Қырғыз ұлттық университетінің профессоры, заң ғылымдарының докторы Бактыбек Батырбаев және АҚШ-тың Батыс Иллинойс университетінің профессоры Владимир Сергеевнин баяндама жасады. Сонымен қатар Молдова Республикасы Әділет министрлігі Сот сараптамасы жөніндегі ұлттық орталығының өкілдері Ольга Катарага мен Пётр Петкович онлайн форматта өз баяндамаларын ұсынды.Конференция барысында ДНҚ-тестінің құқық қорғау қызметі мен сот-медициналық сараптамада қолданылуы, сот-медициналық сарапшы қорытындысының дәлелдемелік маңызы, бас-ми жарақаттарының құқықтық шешімдер қабылдауға ықпалы, сот сараптамаларын тағайындау және жүргізу үдерістерін автоматтандыру, сондай-ақ сот медицинасының қылмыстық-құқықтық қызметтегі рөлі талқыланды.Іс-шараға университеттің профессор-оқытушылар құрамы, білім алушылар және бұқаралық ақпарат құралдарының өкілдері қатысты.Халықаралық конференция сот медицинасы мен құқық саласындағы өзекті мәселелерді талқылауға, ғылыми байланыстарды дамытуға және тәжірибе алмасуға мүмкіндік берді. Сонымен қатар жиын Қамбар Сексеновтің көпжылдық еңбегін ұлықтап, сала мамандарының кәсіби сабақтастығын нығайтуға бағытталды.<img src="https://knadmin.beoblood.kz/uploads/Universitet_konferencziya_2_e420ae4160.jpeg" alt="Университет конференция 2.jpeg">

Қамбар Сексеновтің 70 жылдық мерейтойына орай халықаралық ғылыми-практикалық конференция ұйымдастырылды

<a href="https://kyzylorda-news.kz/">Kyzylorda-news.kz</a> Мемлекет басшысы салтанатты жиынға қатысушыларды Құтқарушы күнімен құттықтап, төтенше жағдай саласының қызметшілеріне ризашылығын білдірді.<blockquote>– «Құтқарушы» сөзінің мағынасы – өте кең әрі терең. «Құтқару» – әрдайым игі іс жасаумен, жақсылық істеумен байланысты ұғым. Адам өміріне араша түсу, азаматтарды қауіп-қатерден қорғау, оқыс жағдайға тап болған адамдарға қол ұшын созу, тіпті, олардың қорқынышын басып, жұбату сөз айту – осының бәрі де нағыз құтқарушының бойынан табылатын асыл қасиеттер. Сондықтан халқымыз сіздерді, яғни еліміздің барша құтқарушы мамандарын бейбіт күннің батырлары деп атайды. Бұл – шын мәнінде әділетті баға. Әрине, құтқарушы болу көптің алғысына бөлейтін абыройлы және мәртебелі қызмет екені сөзсіз. Алайда азаматтық қорғаныс саласында адал еңбек ету бәрінің қолынан келе бермейтін шаруа екенін де ұмытпауымыз қажет. Батыл, қайсар, ширақ әрі өжет болу – өз алдына өте маңызды талап екені даусыз. Бірақ құтқарушы ең алдымен елге жаны ашитын отаншыл азамат және білікті маман болуға тиіс. Осындай күрделі жұмысты рухы мықты, жауапкершілігі жоғары, жүректі адамдар ғана таңдайды, – деді Президент.</blockquote><img src="https://knadmin.beoblood.kz/uploads/Whats_App_Image_2026_10_19_at_14_51_41_73deb61c7f.jpeg" alt="Токаев Акорда ">Қасым-Жомарт Тоқаев төтенше жағдай саласының қызметшілері ешқандай қауіп-қатерден тайсалмайтын, сын-сағатта жедел шешім қабылдай алатын, арнайы даярлықтан өткен нағыз кәсіби мамандар деп есептейтінін айтты.<blockquote>– Құтқарушылардың еңбегі қашанда еліміздің көз алдында. Сіздер күн сайын тәуекелге барып, кәсіби міндет пен жауапкершілікті бәрінен биік қоясыздар. Басқаша айтқанда, от пен судың ортасында жүресіздер. Төтенше жағдайға түскен адамдарға жәрдем беріп, оларды қиындықтан құтқару үшін қажымай қызмет етесіздер. Құтқарушылар кез келген төтенше жағдайда бірінші болып көмекке ұмтылады. Олар өзгенің өмірін сақтау үшін, өз өмірін қатерге тігеді. Бұл – нағыз құтқарушыға тән батырлық. Мен Мемлекет басшысы ретінде сіздердің ерен еңбектеріңіз қоғамымыздың айрықша сый-құрметіне лайықты деп санаймын, – деді Президент.</blockquote><img src="https://knadmin.beoblood.kz/uploads/Whats_App_Image_2026_10_19_at_14_51_42_4dea655a31.jpeg" alt="награда ">Сурет: Ақорда

Президент Қасым-Жомарт Тоқаев құтқарушыларға мемлекеттік марапаттар тапсырды

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаевтың басшылығымен жеті жыл ішінде Қазақстан ауқымды цифрлық трансформациядан өтіп, технологиялық дамудың жаңа кезеңіне шықты.&nbsp;2019–2026 жылдардағы негізгі көрсеткіштер:<ul><li style="text-align:justify;">Электрондық үкімет: Қазақстан БҰҰ-ның 193 ел арасындағы көрсеткішінде 39-орыннан 24-орынға көтеріліп, 15 сатыға ілгеріледі.</li><li style="text-align:justify;">Ғарыштық технологиялар экспорты: нөлден 70 млн долларға дейін өсті.</li><li style="text-align:justify;">IT-экспорт: 38 есеге артып, 30 млн доллардан 1,142 млрд долларға жетті. Astana Hub көрсеткіші 633 млн долларды құрады.</li><li style="text-align:justify;">Интернет: халықты интернетпен қамту деңгейі 84%-дан 98%-ға дейін өсті, орташа жылдамдық 21-ден 88–94 Мбит/с-қа жетті. Бесінші буын байланысы, 5G енгізілуде.</li><li style="text-align:justify;">Цифрлық мемлекеттік қызметтер: цифрландырылған қызметтердің үлесі 80%-дан 91%-ға дейін өсті. Цифрлық мемлекеттік қызметтердің 96%-ы смартфон арқылы қолжетімді.</li><li style="text-align:justify;">Қолма-қол ақшасыз экономика: қолма-қол ақшасыз төлемдер көлемі 14 есеге артып, 13,3 трлн теңгеден 186,3 трлн теңгеге дейін өсті.</li></ul>Сурет: gov.kz

Қазақстан және Қызылорда облысының жаңалықтары