<a href="https://kyzylorda-news.kz/">Kyzylorda-news.kz</a>&nbsp; «Өнер орталығында» облыс әкімі Нұрлыбек Нәлібаевтың қатысуымен «Заң және Тәртіп» қоғамдық қауіпсіздікті күшейту мен өзара іс-қимылдың басымдықтары» тақырыбында форум өтті.Алқалы жиынға ҚР Парламент Сенаты мен Мәжілісінің депутаттары Наурызбай Байқадамов, Мұрат Әбенов, Мархабат Жайымбетов, Абзал Құспан, облыс прокуроры Ризабек Ожаров, құқық қорғау органдары мен жауапты сала басшылары, қоғам қайраткерлері, зиялы қауым өкілдері қатысты.Аймақ басшысы қоғамдық қауіпсіздік пен заңдылықты қамтамасыз ету бағытында атқарылған жұмыстарға тоқталып, алдағы бірлескен маңызды міндеттерді айқындады.<blockquote>«Биыл 1 сәуірде Үкімет қаулысымен «Қоғамда заң мен тәртіп идеологиясын ілгерілету жөніндегі 2025-2030 жылдарға арналған тұжырымдама» бекітіліп, нақты міндеттер белгіленді.Өңірімізде «Заң мен Тәртіп» қағидасын іске асыруда облыс прокуроры Ризабек Кәрімұлымен бірлесіп кешенді шараларды қолға алып, жаңа бастамаларға үздіксіз қолдау көрсетіп келеміз.Құқық қорғау органдарымен бірлесе жүргізілген кешенді әрі үйлесімді шаралардың нәтижесінде өңірімізде ахуал тұрақты. Статистикалық ақпараттарды салыстырмалы түрде қарасақ, аймақта 2015 жылы 6 мыңға жуық қылмыс тіркелген болса, нақты жұмыс нәтижесінде бұл көрсеткіш 1158-ге дейін азайды. Соңғы үш жылда құқық бұзушылық көрсеткіші едәуір қысқарды.Бүгінде тіркелген қылмыстық құқық бұзушылық саны бойынша Қызылорда облысы республикадағы ең төменгі позицияда, яғни 20 өңірдің ішінде 19-шы орындамыз. Біздің міндет – тек көрсеткішті ғана емес, құқық бұзушылықты тұрақты түрде төмендету.Жол-көлік оқиғаларын азайтуда жол инфрақұрылымын дамытуға басымдық бердік. Түрлі гаджеттер мен смартфондағы бағдарламалар көмегімен жасалатын алаяқтық, кибершабуыл схемалары сәт сайын өзгеріп жаңаруда. Қаржы пирамидалары, лудомания, интернет буллинг азаматтарды қиын жағдайда қалдыруда.Мүдделі құқық қорғау органдары қолда бар ресурстармен шектелмей, қылмыстық әрекеттерге тосқауыл қоятын жаңа тетіктерді дамытуы тиіс. Осы бағыттағы қылмыстарды анықтауда жасанды интеллектті пайдалану – орнықты шешімнің бірі. Форум – біздің алдағы жұмыстарымызды жаңа формацияда жүргізуге өз септігін тигізеді деп сенемін», – деді Н.Нәлібаев.</blockquote>Басқосуда облыс прокурорының орынбасары Нұрболат Дүйсенбаев, Парламент Сенатының депутаты Наурызбай Байқадамов, мемлекет және қоғам қайраткері Оразкүл Асанғазы, Парламент Мәжілісінің депутаттары Мұрат Әбенов пен Абзал Құспан сөз сөйлеп, форум жұмысына сәттілік тіледі.Құқық бұзушылықтардың алдын алуда ерекше белсенділік танытып, киберкеңістіктегі заңсыз әрекеттердің жолын кесуге үлес қосқан мамандарға облыс әкімінің сыйлық сертификаттары мен облыс прокурорының Алғыс хаты табысталды.Соңғы үш жылда полиция органдарының материалдық-техникалық базасын жақсартуға облыстық бюджеттен 8 млрд.теңгеге жуық қаржы бөлінді. Биыл бұл мақсатқа 2 млрд. 800 млн. теңге қаралып, заманауи құрылғылармен, жабдықтармен қамтамасыз етілуде.Республикада алғашқы болып облыстың барлық ауданында полиция бөлімдерінің Жедел басқару орталықтары ашылды. Қауіпсіздікті күшейту, жедел әрекет ету мақсатында бейнебақылау камераларының желісі көбейтілді.Барлық ауданға құны 2 млрд. 200 млн. теңге болатын 539 бейнебақылау, 49 жылдамдық өлшейтін камера орнатылды. Соңғы жылдары полиция қызметкерлеріне замануи құрылғылармен жабдықталған 128 жаңа автокөлік табысталды.Биыл тағы 31 қызметтік автокөлік тапсырылып, арнайы құрал-жабдықтар көбеймек. Бұл мақсаттағы жұмыстар алдағы уақытта да жалғасын табады. Ашықтық қағидатына сәйкес қала, аудандарда құқық қорғау органдарының бірінші басшыларымен бірге қоғамдық қабылдаулар тұрақты өткізіліп келеді. Бұл өз кезегінде тұрғындардың мемлекеттік органдарға деген сенімділігін арттырып, әділетті қоғам құруға тың серпін бермек.Фото: Қызылорда облысы әкімінің баспасөз қызметі

 «Заң және тәртіп» қоғамдық қауіпсіздікті күшейту мен өзара іс-қимылдың басымдықтары» форумы өтті

<a href="https://kyzylorda-news.kz/">Kyzylorda-news.kz</a>&nbsp; Президент Қасым-Жомарт Тоқаев Ақорда резиденциясында Қытай Халық Республикасының Төрағасы Си Цзиньпинді қарсы алды.Мемлекет басшысының айтуынша, ҚХР Төрағасы қазақ жерінде қай кезде де қадірлі қонақ саналған, ал оның бұл жолғы сапары – шынайы әрі мызғымас достығымыздың айқын көрінісі.<blockquote>– Қытай Халық Республикасы – Қазақстанның тату көршісі, жақын досы және сенімді серіктесі. Сан қырлы қазақ-қытай ықпалдастығы Сіздің жеке қолдауыңызбен мәңгі әрі жан-жақты стратегиялық әріптeстік рухында және бұрын-соңды болмаған қарқынмен дамып келе жатыр. Мұны ерекше ықыласпен атап өткім келеді. Ортақ тарихымызға мұқият үңілсек, елдеріміздің арасында ешқандай түйткілдер немесе тосқауылдар болмаған. Тек қана өзара достық пен ықпалдастық, түсіністік пен жылы лебіздер басым болды. Қытай халқы қазақ халқына ешқандай зиян келтірген жоқ,– деді Қазақстан Президенті.</blockquote>Мемлекет басшысы екіжақты қарым-қатынас жылдан жылға нығайып, жаңа «алтын кезеңге» қадам басқанын мәлімдеді. Достық байланыс екі елдің тұрақты әлеуметтік-экономикалық дамуына және халықтардың әл-ауқатын жақсартуға зор септігін тигізіп жатқанына назар аударды.Қасым-Жомарт Тоқаев ҚХР Төрағасының елімізге сапары оның туған күнімен тұспа-тұс келіп отырғанына ерекше мән беріп, Си Цзиньпинге зор денсаулық, бақ-береке, жауапты мемлекеттік қызметіне толайым табыс тіледі.<blockquote>– Сізді Қазақстанда аса көрнекті мемлекет қайраткері, халықаралық қоғамдастық алдында зор абырой-беделге ие көреген көшбасшы деп біледі. Еліңіздің қарқынды дамуы Өзіңізбен тікелей байланысты. Сіздің сарабдал саясатыңыздың арқасында Қытай Халық Республикасы әлеуметтік-экономикалық жаңғыру және азаматтардың әл-ауқатын жақсарту ісінде ерен жетістікке жететініне сенімдімін. Біз жаңа тарихи кезеңде өзіне тән ерекшелігі бар социализм негізін қалап жатқан Қытай халқының мол табыстарына шын қуанамыз. Сіздің маған және барша Қазақстан халқына деген құрметіңізді жоғары бағалаймын, – деді Қасым-Жомарт Тоқаев.</blockquote>Президент Қытайды Қазақстанның тату көршісі және уақыт тезінен өткен сенімді стратегиялық серіктесі деп атады. Мемлекет басшысының айтуынша, екі елдің қарым-қатынасы тұрақты сипатқа ие әрі оған геосаяси сын-қатерлер мен дүрбелеңдер, сондай-ақ халықаралық ахуал теріс әсер етпейді.<blockquote>– Қытай Қазақстанмен арадағы ынтымақтастығында қандай да бір саяси шарт қоймаған. Біздің егемендігіміз бен қауіпсіздігімізге көрсеткен қолдауыңызды бағалаймыз. Қытайдың бейбітшілік бастамаларын қолдаймыз. Еліңіздің әділ әлемдік тәртіп орнату әрекеттерін қуаттаймыз, – деді Қазақстан Президенті.</blockquote>Қасым-Жомарт Тоқаев екі елдің БҰҰ, ШЫҰ, АӨСШК секілді халықаралық және өңірлік ұйымдар аясында, сондай-ақ БРИКС + және «Орталық Азия – Қытай» форматында жоғары деңгейдегі ықпалдастық орнатқанын атап өтті.Мемлекет басшысы ҚХР-дың Қазақстанның ең ірі сауда-экономикалық серіктесі екенін еске салды. Былтырғы қорытынды бойынша екіжақты сауда-саттық көлемі 44 миллиард долларға жеткен. Бұл – рекордтық көрсеткіш.Сонымен қатар Президент мәдени-гуманитарлық саладағы елеулі жетістіктерге тоқталды. Атап айтқанда, елімізде мәдениет орталықтары, Лу Бань шеберханалары, Қытай жоғары оқу орындары мен ғылыми-техникалық орталықтарының филиалдары ашылды. Қазақстан Конфуций орталықтарына қолдау көрсетеді. 2025 жыл «Қазақстандағы Қытай туризмінің жылы» болып жарияланды. Бұл екіжақты ынтымақтастықты тереңдетуге, өзара сенімді нығайтуға септігін тигізеді.Қасым-Жомарт Тоқаев атом энергетикасы саласына арнайы тоқталды.<blockquote>– Біз Қазақстанда бірнеше, тым болмағанда екі-үш АЭС салу туралы шешім қабылдадық. Осы маңызды жобаға ірі компанияларды тартуға қатысты жұмыс жүргізіліп жатыр. Қазақстан Республикасының Атом энергиясы жөніндегі агенттігі құрылды. АЭС құрылысы бойынша Қытайдың CNNC компаниясын сенімді стратегиялық серіктес ретінде қарастырып отырғанымызды ерекше атап өткім келеді. Әлемге әйгілі компания біздің нарықта өз орнын табатыны анық. Сонымен қатар Қазақстан Қытайға табиғи уран мен ядролық отын жеткізіп отырған сенімді ел, – деді Президент.</blockquote>Си Цзиньпин қазақ жерінде көрсетілген сый-құрмет үшін Президентке ризашылығын білдірді. Ол Қасым-Жомарт Тоқаевтың басшылығымен Қазақстан ұлттық жаңғыру жолына түскенін, ел дамуында тың табыстарға қол жеткізіп келе жатқанын атап өтті.<blockquote>– Тату көрші әрі стратегиялық серіктес ретінде біз Сіздердің жетістіктеріңізге тәнтіміз. Сіздер үшін қуаныштымыз. Қытай мен Қазақстанның қарым-қатынасы құбылмалы әлемнің сынына төтеп беріп, қарқынды дамып келеді. Бұл – тек географиялық тұрғыдан жақындықтың, ғасырларға ұласқан достықтың арқасы ғана емес, елдеріміздің өркендеу жолындағы табиғи сұранысы. Соңғы жылдары бірлескен күш-жігердің нәтижесінде тағдыры ортақ Қытай мен Қазақстан арасындағы ықпалдастық жаңа мән-мазмұнмен толығып жатыр. Бірқатар әлеуметтік маңызы бар жобалардың жүзеге асырылуы қос халыққа айтарлықтай пайда әкелді. Мен Өзіңізбен тізе қосып, Қытай-Қазақстан достығын нығайтуға, өңірдің және жалпы әлемнің дамуына елеулі үлес қосу үшін екі елдің сан қырлы ынтымақтастығын одан әрі ілгерілетуге әзірмін, – деді ҚХР Төрағасы.</blockquote>Келіссөз барысында екі ел ынтымақтастығының барлық бағыт бойынша перспективасы талқыланды. Байырғы достық пен өзара құрметке арқа сүйеген екі ел басшылары емен-жарқын әңгімелесті. Президент Қасым-Жомарт Тоқаев пен ҚХР Төрағасы Си Цзиньпин жүргізген келіссөз нәтижесінде 24 үкіметаралық және ведомствоаралық құжатқа қол қойылдыЕкі ел делегациясының мүшелері энергетика, аэроғарыш, цифрландыру, кеден, ауыл шаруашылығы, электронды сауда, туризм, зияткерлік меншік, медицина, медиа, ғылым, өңіраралық байланыс салаларындағы ынтымақтастықты қамтитын құжаттармен алмасты. Олардың ішінде инвестицияларды көтермелеу және өзара қорғау, техникалық-экономикалық ынтымақтастық туралы үкіметаралық келісімдер бар.akorda.kz

Мемлекет басшысы ҚХР Төрағасымен келіссөз жүргізді

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласындағы NIS-те 2025 жылғы түлектерге аттестат табыстау рәсімі өтті. «Exit: мектеп, Enter: болашақ» атауымен ұйымдастырылған шара түлектердің жаңа өмір жолына жасаған алғашқы қадамын білдіретін маңызды оқиғаға айналды.Салтанатты шара өңірдегі мәдениет пен өнердің іргелі ордасы – Нартай Бекежанов атындағы Қызылорда облыстық қазақ академиялық музыкалық драма театрының сахнасында өтті. Биыл 151 түлек алтын ұя мектебімен қоштасты. Олардың төртеуі «Алтын белгі» иегері атанса, тағы 12 түлек үздік аттестатқа ие болды. Жас зияткерлер оқу барысында ғылыми жобалар мен пәндік олимпиадаларда жоғары жетістіктерге қол жеткізіп, қорытынды жиынтық бағалауда және халықаралық тіл емтиханында жақсы нәтиже көрсете алды.<blockquote>– Біздің мектеп халықаралық A-Level стандарттарына негізделген NIS Programme бағдарламасы бойынша оқытады. Бұл бағдарлама әлемнің жетекші елдері тарапынан мойындалған. Сыртқы жиынтық бағалау қорытындысы бойынша түлектер Кембридж сертификатын алады. Бұл – күрделі әрі жауапты сынақ. Соған қарамастан, биыл әр үшінші түлегіміз А және А* деңгейінде жоғары бағаға ие болып отыр. Бұл – оқушылардың табандылығы, ұстаздардың тәлімі мен ата-аналардың қолдауының нәтижесі деп білеміз., – деді мектеп директорының міндетін атқарушы Калман Беймбетов өз сөзінде.</blockquote>Шара барысында сынып түлектері сахнаға жеке-жеке көтеріліп, әрқайсысы мектеппен қоштасу сәтін ерекше сезіммен қарсы алды. Концерттік бағдарламада шырқалған әндер мен жүрекжарды лебіздер мектеп қабырғасындағы естеліктерді айшықтай түсті.<img src="https://knadmin.beoblood.kz/uploads/NI_Sh_ce48570411.jpg" alt="НИШ.jpg">

«Exit: мектеп, Enter: болашақ»: Қызылордадағы NIS түлектеріне аттестат табысталды

<a href="https://kyzylorda-news.kz/">Kyzylorda-news.kz</a> Қызылордада тәртіп сақшылары балалардың құқықтық және қауіпсіздік мәдениетін қалыптастырып, жазғы демалысын мазмұнды әрі қауіпсіз етуге бағытталған іс-шараларды жүйелі түрде ұйымдастырып келеді.Осы ретте Қызылорда облысы полиция департаментінің жергілікті полиция қызметі басқармасының қызметкерлері Арал ауданындағы «Қамбаш» балалардың жазғы тынығу лагерінде және Шиелі ауданындаға «Сыр ұланы» жазғы демалыс лагерінде балалармен кездесіп, қауіпсіздік ережелерін түсіндірді.«Полиция – балалар қауіпсіздігінің кепілі» қағидатын ұстанған тәртіп сақшылары балалардың құқықтық сауаттылығын арттырып, құқық бұзушылықтардың алдын алу бағытында түсіндірме жұмыстарын жүргізді.Жазғы демалыс кезінде қауіпсіз жүріс-тұрыс ережелерін еске сала отырып, балалармен әңгімелесті. Соның ішінде балалардың дұрыс жүріс-тұрысы, жол қозғалысы ережелерінің сақталуы туралы да айтып өтті.Аталған іс-шара облыс көлемінде орналасқан балалардың жазғы демалыс лагерьлерінде кезең-кезеңімен өткізілетін болады.Алдағы уақытта да балалар мен жасөспірімдердің қауіпсіздігін қамтамасыз ету мақсатында облыс көлемінде бірқатар іс-шаралар өткізіледі.

Балалардың қауіпсіздігі басты назарда

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев Сәкен Сейфуллин елді мекеніндегі №137 орта мектебіне жүргізіліп жатқан күрделі жөндеу жұмыстарының барысымен танысты.&nbsp;<blockquote>– Мемлекет басшысы Қасым-Жомарт Кемелұлы Тоқаевтың тапсырмасымен, Үкіметтің, аймақ басшысы Нұрлыбек Машбекұлы Нәлібаевтың қолдауымен өңірдің білім саласында ауқымды жұмыстар атқарылуда. Оның ішінде, аймақтағы білім ошақтары жаңалануда. Бұл – болашақ ұрпақтың сапалы білім алуына жасалып жатқан нақты жұмыстар. Сондықтан күрделі жөндеу жұмыстары сапалы жүргізіліп, уақытылы аяқталуы тиіс, – деді Берік Әбідғаппарұлы.</blockquote>Елді мекендегі №137 орта мектеп 1974 жылы салынған. Жалпы сыйымдылығы 460 орынға негізделген. Биыл мектептің күрделі жөндеу жұмыстарына облыстық бюджеттен 309 млн. теңге қаржы бөлінді. Құрылыс жұмыстарын медігер мекеме «N Cтрой Сервис» ЖШС атқаруда. Бүгінде білім ғимаратының сырты қапталып, ішкі жұмыстары жүргізілуде.Сырдария ауданының әкімі құрылыс барысын тұрақты бақылауда ұстау қажеттігін айтып, салалық орынбасары мен тиісті бөлім басшыларына нақты тапсырмалар жүктеді. Мектептің жөндеу жұмыстары жаңа оқу жылына дейін аяқталуын қатаң ескертті.<img src="https://knadmin.beoblood.kz/uploads/Zh_ndeu_zh_mystary_Syrdariya_audany_2_3f30f771f9.jpg" alt="Жөндеу жұмыстары Сырдария ауданы 2.jpg">

Күрделі жөндеу жұмыстары сапалы жүргізілуі тиіс

<a href="https://kyzylorda-news.kz/">Kyzylorda-news.kz</a> &nbsp;Қазақстанда немесе шетелде күндізгі бөлімде оқитын студенттер жеңілдік санатына кіреді. Алайда, олардың сақтандырылған мәртебесін алу алгоритмі әртүрлі. Бұл туралы Әлеуметтік медициналық сақтандыру қорында еске салды.Кімдер кіреді?Орта, техникалық және кәсіптік, ортадан кейінгі және жоғары білім беру ұйымдарының күндізгі бөлімінде оқитын студенттер жеңілдік санатындағы азаматтар қатарына кіреді.Сондай-ақ шетелдік жоғары оқу орындарында білім алып жатқан қазақстандықтар да осы санатқа кіреді.Жарна төлеу керек пе?Бұл студенттер үшін МӘМС жарналарын мемлекет төлейді.Егер студент ресми түрде жұмыс істесе, жұмыс беруші оның жалақысынан жарна ұстамайды және өзі де аударым жасамайды.Мәртебені қалай алуға болады?Қазақстанда оқитын студенттер:«Сақтандырылған» мәртебесі автоматты түрде тағайындалады. Бұл үшін ҚР Оқу-ағарту министрлігінің Ұлттық білім беру деректер базасы (ҰБДБ) немесе ҚР Ғылым және жоғары білім министрлігінің Жоғары білім берудің бірыңғай платформасы (ЖББП) негізінде мәліметтер алынады. Бұл ақпараттар оқу орнының ақпараттық жүйесі арқылы жіберіледі. Мұнда ЖОО қызметкерлері студенттердің жеке деректерін, оқу кезеңі мен формасын дұрыс көрсетіп, деректерді уақытында жаңартып отыруы маңызды.Шетелде оқитын студенттер:Мәртебе алу үшін студент өз деректерін электрондық үкімет порталы egov.kz арқылы «Шетелде білім алып жатқан студенттерді тіркеу» мемлекеттік қызметі арқылы өзі ұсынуы керек (<a href="https://egov.kz/cms/ru/services/6-51pass_mon">https://egov.kz/cms/ru/services/6-51pass_mon</a>). Ашылған терезеде өтініш толтырып, оқып жатқанын растайтын құжатты (қазақ немесе орыс тіліне аударылған әрі нотариалды расталған оқу орнынан анықтама) қоса тіркеу қажет. Деректер дұрыс енгізілсе, мәртебе 10 жұмыс күні ішінде беріледі.Мәртебенің берілмеу/жоғалу себептеріҚазақстанда оқитын студент мәртебе ала алмаса, оқу орнындағы ақпараттық жүйедегі мәліметтерді нақтылау үшін ЖОО-ға жүгінуі керек. Мұнда оқу мерзімі қате көрсетілуі немесе ЖСН дұрыс енгізілмеуі мүмкін.Шетелде оқитын студенттерде мәртебе бойынша қиындық туындаса, ҚР Ғылым және жоғары білім министрлігіне жүгінуі қажет. Бұдан бөлек, әр семестр аяқталғаннан кейін egov.kz порталы арқылы өз оқуын растап отыру маңызды.Оқу аяқталғаннан кейінОқу орнын аяқтаған немесе оқудан шығарылған жағдайда студент жеңілдік санатындағылар қатарынан түсіп қалады. Сақтандырылған мәртебесін сақтау үшін ол ресми жұмысқа орналасуы керек (бұл жағдайда жарналар мен аударымдарды жұмыс беруші төлейді) немесе жарналарды дербес төлеуші ретінде өзі төлейді (2025 жылы – ай сайын 4 250 теңге).

Студенттер сақтандырылған мәртебесін қалай ала алады?

<a href="https://kyzylorda-news.kz/">Kyzylorda-news.kz</a> Соңғы жылдары, жаппай цифрландыруға байланысты онлайн форматта инвестиция жасайтын адамдардың саны айтарлықтай өсті. Ісін жаңадан бастаған инвесторлар инвестициялар туралы ақпарат алу үшін әлеуметтік желілер мен трендтерге жиі жүгінеді.Әлеуметтік желілер инвесторлар үшін көптеген артықшылықтар бере алғанымен, алаяқтар үшін де көп мүмкіндіктер туғызады.Қаскүнемдердің арбауына түспеудің жолдарын Fingramota.kz-пен бірге қарастырайық.Жылдам табысқа кенелуге &nbsp;уәде беретін жалған сайттарҚазақстанда алаяқтардың жиі қолдана бастаған тақырыбы - ресурс өндіруші кәсіпорындарға инвестициялау. Қаскүнемдер компаниялардың ресми сайттарының көшірмелерін - жалған веб-сайттар жасап, болашақта компанияның пайдасынан өз үлесін алу үшін қымбат металдар немесе мұнай өндіруге инвестиция салуды, не ірі компаниялардың акцияларын не жалған «токендерін» сатып алуды ұсынады. Алаяқтар танымал әлеуметтік желілер (Facebook, Telegram, YouTube) арқылы онлайн жарнама жасап, белгілі адамдардың немесе білікті қаржыгерлердің атынан шығып, жоғары табыс әкелетін күмәнді құралдарды жарнамалайды. Мұндай платформа туралы жазбалардың астында, әдетте, осы платформаға ақша салуға шақыратын, табысын жариялап, алғыс айтқан жалған инвесторлардың пікірлері жарияланады.Олардың мысалы, KAZMinerals, Қазақмыс, ҚазМұнайГаз, Қазатомөнеркәсіп және ірі қазақстандық банктердің бірегей инвестициялық жобалары-мыс. Алаяқтар пайдаланушыларды мұнай-газ және мыс өндіруші компаниялардың командасына қосылуға шақырып, «53 мың теңге бастапқы инвестициямен 4 аптада 890 мың теңгеге дейін «табыс алуға» уәде береді. Мұндай схеманың алғашқы қадамы – адамды платформаға тіркелуге мәжбүрлеу, екіншісі – виртуалды шотты толықтыру, яғни ақша аудару. Бұдан кейін алаяқтар «қаржылық сарапшы» деген атпен адамға кеңес беретін &nbsp;бір адамды бекітіп береді, ол адам барынша тиімді бағалы қағаздарға немесе табыс процесіне тікелей ақша салуға көмектеседі-мыс. Алайда ондай жалған сарапшының басты міндеті – адамды көбірек ақша салуға көндіру. Алаяқтар әлеуетті клиенттеріне жалған есептер мен графиктерді көрсетіп, виртуалды шотта кірістердің табысты инвестициялардан өсіп жатқанын көрсетіп, одан да көбірек инвестиция салуды ұсынады.Сізге «баланс», «өсу графиктері» мен есептелген табысы бар интерфейс көрсетіледі. Бұл сенімді көрінуі мүмкін – бірақ барлығы толығымен жалған.Сізге: «Сіздің пайдаңыз – 450 000 теңге! Оны шығару үшін 15 000 теңге комиссия төлеңіз» немесе «Аккаунтты белсендіру керек – тағы біраз ақша аударыңыз» деп айтуы мүмкін. Бұл шексіз жалғаса беруі мүмкін. Жәбірленуші ақша аудара беруге дайын болса, алаяқтар да ақшаны талап ете береді.Тағы бір кең таралған алаяқтық схема – инвестициялық деп көрсетілген жалған веб-сайтқа (фишингтік сайтқа) тіркелу үшін пайдаланушылардан сауалнамаға жауап беру талап етіледі. Ол үшін аты-жөні, электрондық мекенжайы және телефон нөмірі көрсетілген деректерді енгізу қажет. &nbsp;Алаяқтар адамның ұзақ ойланғанын қаламайды, сондықтан өз жазбаларында олар платформаның тіркелуі аяқталуға жақын екендігін жазады. Егер сіз сауалнамадан өтсеңіз, өзіңіздің компьютеріңізде не смартфоныңызда зиянды бағдарламалық қамтылым орнатылып, ол сіздің деректеріңізді ұрлап, оларды алаяқтарға беруі мүмкін.Кеңес: Инвестициялық шешім қабылдаған кезде танымал адамдардың пікірлеріне немесе мақұлдауына сенбеңіз. Алаяқтар сізді адастыру үшін белгілі мемлекет қайраткерлерінің, атақты адамдардың фотосуреттерін, дауыстарын және бейнежазбаларын пайдаланады.Сондай-ақ, Қазақстан заңнамасы бойынша қарапайым азаматтың қор биржасында бағалы қағаздарды өз бетінше сатып алуға немесе сатуға құқығы жоқ. Ол мұны тек брокер - нарыққа кәсіби қатысушы арқылы жасай алады. Брокердің міндетті түрде ҚР Қаржы нарығын реттеу және дамыту агенттігінің бағалы қағаздар нарығында қызметті жүзеге асыруға лицензиясы болуы керек және биржаның тікелей мүшесі болуға тиіс.Инвестициялық алаяқтықты болдырмау үшін не істеу керекИнвестициялық алаяқтар жәбірленушінің психологиялық профиліне бейімделген көптеген сендіру әдістері арқылы өз мақсаттарына қол жеткізеді. Мынадай жайттарға назар аудару қажет:Бұл құлаққа жағымды болып естілгенмен, шындық болуы екіталай. Уәде етілген кірісті белгілі қор индекстерінің ағымдағы кірістілігімен салыстырыңыз. Табатын пайда неғұрлым көлемді болса, тәуекелдер де соғұрлым жоғары болады деген қағиданы бәріміз білеміз, бұл сіздің пайда аламын деп өз ақшаңызды жоғалтуыңызға алып келеді. Бұл инвестициялар «керемет кіріс» әкеледі, «орасан пайдалы &nbsp;акциялар» болып табылады немесе «өсу қарқыны ғаламат және ешқандай тәуекел болмайды!» Мұндай мәлімдемелер төтенше тәуекелдің немесе ашық алаяқтықтың белгісі болып табылады. «Кепілдік берілген» кірістілік деген болмайды. Әрбір инвестиция белгілі бір тәуекел дәрежесімен қатар жүреді, бұл күтілетін кірістен көрінеді. Егер сіздің ақшаңыз толығымен қауіпсіз жерде болса, сіз төмен пайда табуыңыз мүмкін. Жоғары кірістілік жоғары тәуекелдерді, соның ішінде инвестициядан толық айырылуға әкелуі мүмкін. Көптеген алаяқтар инвесторларды «кепілдік берілген» өте жоғары кірістілік немесе «жіберіп алмауға болмайды деп сендіруге көп уақыт жұмсайды. Олар сіз бай болған кезде өміріңіздің қандай болатынына сендіруге тырысады. Бұған сенбеңіз.Алдамшы әсерден сақ болыңыз. Алаяқ сүйкімді немесе сенім білдіруге тұрарлық болып көрінгенде, инвесторлар оның «керемет әсерінен» арыла алмауы мүмкін. Сенімділік жалған болуы мүмкін. Нақты біліктіліктілігін тексеріңіз.«Барлығы сатып алуда». Барлығы инвестиция салуда, сондықтан сіз де инвестиция салыңыз деген таныстырылымдардан сақ болыңыз. Бұл өнім Сізге қажет па. Егер таныстырылым өнімді қанша адам сатып алғанына назар аударса, бұл ойланарлық &nbsp;дабыл болуы мүмкін.ДӘЛ ҚАЗІР ақша жіберу үшін қысым жасау. Алаяқтар өз құрбандарына мұндай ұсыныс өмірде бір рет қана болатынын және ертең бұл ұсыныстың болмайтынын жиі айтады. Бірақ тез инвестициялауға қысымға жасауға жол бермеңіз және ақша жібермес бұрын зерттеуге уақыт бөліңіз.Өзара пайда. Алаяқтар көбіне инвесторларды ақысыз инвестициялық семинарлар арқылы тартуға тырысады, Сіз оларға жауап қайтарып, олардың өніміне инвестиция саласыз деп сенеді. Ешқашан инвестициялау туралы асығыс шешім қабылдамаңыз. Егер сіз мұндай іс-шараларға қатысатын болсаңыз, материалды үйіңізге апарып, оны мұқият оқып шығыңыз да барлық «артықшылықтар» мен «кемшіліктерді» бағалаңыз. Өнімнің сізге лайық екенін және сіз оған байланысты барлық алымдарды бірге сатып алатыныңызды түсініп тұрғаныңызға көз жеткізіңіз. &nbsp; &nbsp;Қалай қорғану керек?Алаңды тексеріңіз:Компанияның лицензиясы бар ма? ҚР Қаржы нарығын реттеу және дамыту агенттігіне кіріңіз – www.gov.kz/memleket/entities/ardfm. Лицензиясының бар-жоғын тексеріп, компанияның күдікті субъектілердің тізіміне кірмейтініне көз жеткізіңіз. &nbsp;Компания туралы жария деректер бар ма? Шынайы компаниялар басшылықтың ЖСН/БСН, мекенжайын, телефонын, заңды ақпаратын, деректерін жариялайды. &nbsp;Кірістілігін нақты нарықпен салыстырыңыз. Қор нарығының орташа кірістілігі &nbsp;жылына 8–12%-ды құрайды. Айына 20–30%-ды құрайтыны – жалған.Пікірлер мен ескертулерді іздеп көріңіз. Көп жағдайда алаяқтар туралы форумдар мен жаңалық сайттарында жазып жатады.Күдікті сілтемелерге өтпеңіз. Тіпті олар «таныстардан» немесе топқа келсе де.Fingramota.kz инвестициялық қызметін тек қана түсінікті және ашық құқықтық салада жүзеге асыратын компаниялармен шарттық қатынастар жасауды ұсынады. Қазақстан Республикасының қаржы нарығында қызмет етуге уәкілетті органның лицензиялары бар компаниялар тізімі ҚР Қаржы нарығын реттеу және дамыту агенттігінің ресми сайтында орналастырылған. &nbsp;<img src="https://knadmin.beoblood.kz/uploads/11_87b9bfb500.png" alt="11.png">Сақ болыңыз, алаяқтардың арандатуына бой алдырмаңыз және пайдалы ақпаратты www.fingramota.kz -тен көбірек біліңіз!Фото: fingramota.kz

Инвестициялар саласындағы алаяқтық схемалар: алданып қалмаудың амалдары

<a href="https://kyzylorda-news.kz/">Kyzylorda-news.kz</a> Аймақ басшысы Нұрлыбек Нәлібаевтың тапсырмасына сәйкес облыс әкімінің орынбасары Ардақ Зебешев Астана қаласында өткен «Қытай – Орталық Азия» индустриялық-инвестициялық ынтымақтастық форумына қатысты.Бұл форум Қытай мен Орталық Азия елдері арасындағы сауда-экономикалық байланыстарды нығайтуға және одан әрі дамытуға бағытталған маңызды алаңға айналды.Іс-шара барысында форум қатысушылары ақпараттық технологиялар, көлік-логистика инфрақұрылымы, тау-кен металлургиясы және ауыл шаруашылығы секторы секілді стратегиялық салалардағы ынтымақтастықтың негізгі бағыттарын талқылады. Іс-шара өңірлік әріптестікті бекемдеп, тәжірибе алмасуға және тұрақты экономикалық өсімге қол жеткізуге бағытталған бірлескен жобаларды іске асырудың тиімді жолдарын қарастырды.Сонымен қатар, форум шеңберінде Қызылорда облысының әкімдігі мен инвесторлар арасында жалпы сомасы 10,7 млрд теңгені құрайтын бірқатар стратегиялық жобалар келісіміне қол қойылды. Бұл жобалар «Қорқыт Ата» арнайы экономикалық аймағында жүзеге асырылмақ.Келісімге енген жобалардың қатарында су ресурстарын басқару үшін автоматтандырылған қақпалар мен шығын өлшегіштер өндірісі, ауыл шаруашылығы техникасын шығару, кальциленген силикат тақтайшаларын өндіру және заманауи ауыл шаруашылығы мен мәдени-туристік индустриялық инновациялық орталық құрылысын салу бар.Аталған жобалар өңірдің экономикалық мүмкіндіктерін арттырып, жаңа жұмыс орындарын ашуға және инновациялық технологияларды енгізуге елеулі ықпал етеді.«Қытай-Орталық Азия» индустриялық-инвестициялық форумы өңірлер арасындағы байланыстарды нығайтуға, инвестициялық тартымдылықты жоғарылатуға және ортақ экономикалық мүдделерді үйлестіруге жаңа серпін беретініне сенім мол.<img src="https://knadmin.beoblood.kz/uploads/Yntyma_tasty_forumy_2_b1905091c2.jpg" alt="Ынтымақтастық форумы 2.jpg">

Стратегиялық жоба аясында екі жақты келісімге қол қойылды

<a href="https://kyzylorda-news.kz/">Kyzylorda-news.kz</a> Биыл Шардара және Көксарай су қоймаларындағы су көлемі өткен жылмен салыстырғанда айтарлықтай аз. Екі нысаннан Сырдарияның төменгі ағысына секундына 500 текше метр су жіберілуде. Жалпы, облыс аумағындағы су көлемі өткен жылмен салыстырғанда азайып отыр. Бұл туралы облыстық ауыл шаруашылығы және жер қатынастары басқармасының басшысы Талғат Дүйсебаев, «Арал-Сырдария» бассейндік инспекциясының басшысы Зейнулла Қазтоғанов және “Қазсушар” РМК филиалы директорының орынбасары Айдос Асанбаев айтты.<blockquote>- Биыл облыс бойынша 193,7 мың гектарға ауыл шаруашылығы дақылдарын орналастыру жоспарланған. Оның ішінде күріш - 80,9 мың гектар, бұл өткен жылмен салыстырғанда 4,7 мың гектарға аз. Су үнемдеу технологияларын қолдана отырып 8,1 мың гектар жерге егін орналастыру көзделген. Ерте егілетін дақылдар толық көлемде орналастырылып, күтімге алу шаралары жүргізілуде. 49,9 мың гектар ескі жоңышқаның 47,7 мың гектары оруға жоспарланып, оның 16,3 мың гектары орылып, 42,7 мың тонна өнім алынды. Орта өнім - 26,4 ц/га. Халықты әлеуметтік маңызы бар өнімдермен қамтамасыз ету мақсатында 5,1 мың отбасына 3,3 мың гектар жер бөлініп, 2,8 мың гектарына дақылдар орналастырылған. Тұқым, тыңайтқыш, жанар-жағармай, техникамен толық қамтамасыз етілген. Көктемгі дала жұмыстары тұрақты бақылауда,- деді Талған Тұрсынұлы.</blockquote>&nbsp;<blockquote>- Бүгінгі күні Шардара су қоймасындағы су көлемі 3510,0 млн текше метрді құрап отыр. Өткен жылмен салыстырғанда бұл көрсеткіш едәуір төмендеген. Былтыр 4943 млн текше метр болған. Қоймадан төменге тасталып жатқан су көлемі - 300 текше метр. Көксарай су реттегішінде де жағдай осындай. Су көлемі 165,89 млн текше метр. Былтыр бұл көрсеткіш 461,76 млн текше метрді құраған. Қазіргі таңда төменге 200 текше метр/сек су жіберілуде. Бұл да өткен жылғы 300 текше метрден аз. Шардара мен Көксарайдан Сырдария өзенінің төменгі ағысына секундына 500 текше метр су жіберілуде. Қызылорда облысы шекарасына Көктөбе су бекеті арқылы секундына 594 текше метр су келуде. Ал торапқа дейінгі каналдар арқылы 390,64 текше метр су алынуда, бұл өткен жылмен салыстырғанда сәл жоғары. Әйтек су торабынан төменге 5 текше метр су жіберілуде. Бұл көрсеткіш өзгеріссіз қалды. Қараөзек арнасымен 35 текше метр су берілуде. Қазалы су торабынан төменге жіберілген су көлемі 12 текше метрді құрады. Шардара су қоймасымен Көксарай су реттегішінің жұмыс кестесі бақылауға алынып, жергілікті атқарушы органдар және су шаруашылығы ұйымдарымен Сырдария өзеніндегі су шаруашылық жағдайына күнделікті мониторинг жұмыстары жүргізілуде,- деді Зейнулла Қазтоғанов.</blockquote>

Облыс бойынша 193,7 гектар жерге егін егіледі

<a href="https://kyzylorda-news.kz/">Kyzylorda-news.kz</a> Жергілікті мәслихат депутаттары қолданыстағы заңға сәйкес халықпен кездесіп, атқарылған жұмыстарын баяндайды. Осы орайда, бүгін партияның Қызылорда облыстық мәслихатындағы фракция мүшелері Жорабек Нұрымбетов, Гүлшат Мұсаева, Ержан Искендер және қалалық мәслихаттағы фракция мүшесі Мейрамбек Есжанов «Ақжарма» бастауыш партия ұйымында болып, халықпен кездесті.Жалпы, Қызылорда қаласында, оған қарасты кент пен ауылдық округтерде атқарылған жұмыстардың басым бөлігі «AMANAT» партиясының Сайлауалды бағдарламасы негізінде жүзеге асты.Өткен жылы Қызылорда қаласы бойынша Жол картасы аясында 82 іс-шара жоспарланса соның 81-і орындалды. Ал биылғы жылға 72 іс шара жоспарланып, 5 айдың қортындысымен 10 шара орындалды.Оның ішінде, «Ауыл аманаты» жобасы қарқынды жүзеге асуда. Биылғы жылы қала бойынша 27 жоба қаржыландырылды. Ақжарма ауылдық округін көгілдір отынға қосу жобасы да партияның Жол картасында қаралған болатын. Бұдан бөлек, «Батыс Қытай- Батыс Еуропа» автодәлізі бойындағы айналма көпір де партияның Жол картасы аясында салынған.Өңірімізде де Жол картасы негізінде ауқымды шаралар іске асты. Партияның сайлауалды бағдарламасын жүзеге асыру бойынша Жол картасы шеңберінде Қармақшы ауданының ІІІ-Интернационал және Дүр Оңғар ауылдарында спорт кешенінің құрылыстары аяқталып, нысандар пайдалануға берілді. «Жер аманаты» жобасы бойынша биылға жоспарланған 60,0 мың гектардың бүгінге 33,4 мың гектар (55,6%) мемлекет меншігіне қайтарылды. «Ауыл аманаты» жобасы бойынша 2,5 млрд. теңгеге 376 жоба несиелендірілді. «Жайлы мектеп жобасы аясында 900 орындық 2 мектеп пайдалануға берілді. 2 елді мекен газбен қамтамасыз етіліп, 3,7 мың адам көгілдір отын игілігін көре бастады.Фракция мүшелері кездесу барысында тұрғындардың ұсыныс пікірдерін тыңдап, оларды толғандырған сауалдарға да жауап берді.

AMANAT: Фракция мүшелері тұрғындармен кездесті

<a href="https://kyzylorda-news.kz/">Kyzylorda-news.kz</a> Қоғамдық тәртіп пен азаматтардың тыныштығын қамтамасыз етуде қауіпсіздік шараларының рөлі зор. Әсіресе, жарылғыш заттар сақталатын орындар мен қару-жарақ сататын дүкендер және өзге де маңызды нысандардың қауіпсіздігін сақтау аса маңызды міндет екені айқын.Аталған нысандарда құқық бұзушылықтардың алдын алу мақсатында полиция қызметкерлері мен жеке күзет ұйымдарының бірлескен іс-қимылдары маңызды орын алады.Осы орайда Қызылорда облысы Полиция департаментінің Күзет қызметін бақылау бөлімінің қызметкерлерімен аумағында жарылғыш заттары бар объектілерде түрлі тапсырмаларды орындау бойынша ішкі істер органдары және жеке күзет ұйымдарының қызметкерлері арасында бірлескен оқу-жаттығу іс-шарасы өткізілді.&nbsp;Оқу-жаттығу барысында Қызылорда қаласында ораласқан қару-жарақ сататын дүкендерін жеке күзетпен және орталықтандырылған бақылау торабы мен жеке күзет ұйымдарының жедел ұтқыр топ күзетшілері нысанның қауіпсіздігін қамтамасыз етіп, күзетілетін объектілерге жасалған шабуылға тойтарыс беруде атқаратын іс-қимылдарына нақты баға берілді. Сондай-ақ, экстремалды жағдайларда күзетілетін объектілерге жасалған шабуылға тойтарыс беруде ІІО жасақшылары қылмыстық қол сұғушылықтардың жолын кесу бойынша оқу-жаттығу жұмыстары жүргізілді. Іс-шара қорытындысымен оқу-жаттығу барысы талқыланып, қатысушылардың іс-қимылдарына баға берілді.Жеке күзет ұйымдарының күзетшілері қауіпсіздіктің алдын алу бағытында полиция қызметкерлерімен бірлескен оқу-жаттығу барысында сеніп тапсырылған аумақтың қауіпсіздігін қорғауда ішкі істер органдарының жасақшыларымен өзара іс-қимылдар жасасып, нысандардың инженерлік-техникалық нығаюына аса мән берді.&nbsp;Облыс көлемінде жарылғыш заттарды сақтайтын объектілерге, қару жарақ сататын дүкендерге жергілікті ішкі істер органдарының қызметкерлерімен бірлескен оқу-жаттығуларды өткізу және жеке күзет ұйымдары күзетшілерінің іс-әрекеттерінің сапасын жақсарту мақсатында алдағы уақытта жоспарлы жұмыстар жүргізілетін болады.<img src="https://knadmin.beoblood.kz/uploads/PD_o_u_zhatty_u_2_611eec1862.jpg" alt="ПД оқу жаттығу 2.jpg">

Заң және тәртіп: қауіпсіздікті сақтау барысындағы сақтық шаралары маңызды

<a href="https://kyzylorda-news.kz/">Kyzylorda-news.kz</a> &nbsp;2025 жылғы Ұлттық бірыңғай тестілеуде ең жоғары көрсеткіш 140 балл тағы бір талапкердің еншісіне жазылды. Бұл жолы Алматы қаласының оқушысы Айша Сатыпалды білім бәйгесінде шоқтығы биік нәтиже көрсетіп, көпшіліктің назарын өзіне аударды,&nbsp; деп хабарлайды <a href="http://anyqtime.kz/">Anyqtime.kz.</a>Айшаның таңдаған пәндері – Дүниежүзі тарихы мен ағылшын тілі. Ол 10-сыныптан бастап екі жыл бойы дайындықты 125 High School мектебінде жүргізген. Мектеп басшылығы Айшаның жетістігін жоғары бағалап, оған Алматы қаласынан пәтер сыйға тартты.<blockquote>Талапкердің айтуынша,&nbsp; ол екі жылдық жүйелі дайындықтың арқасында барлық тақырыптарды толық қамтып үлгерген. «ҰБТ сұрақтары аса қиын болған жоқ. – дейді Айша.</blockquote>Айта кетейік, бұған дейін 140 балл жинаған алғашқы талапкер Шымкент қаласынан Жәнібек Асқарұлы болатын. Осылайша, биылғы ҰБТ-да ең жоғары нәтиже көрсеткен екі оқушы тіркеліп отыр.Фото: 125 High School

Қазақстан және Қызылорда облысының жаңалықтары