<a href="https://kyzylorda-news.kz/">Kyzylorda-news.kz</a> Достық үйінде «Қазақ поэзиясының асқар биігі – Абай» атты танымдық кездесу өтті. Іс-шараны «Ситуативті қазақ тілі: Мәміле» пікір алмасу клубы ұйымдастырды.Кездесудің мақсаты – Абай мұрасын рухани құндылық ретінде насихаттау, жастарға тәрбиелік бағыт беру және қазақ әдебиетінің ұлы тұлғасы Абай Құнанбайұлының еңбектерін кеңінен таныту.Кездесудің модераторы, «Қоғамдық келісім» КММ директорының орынбасары Омаров Дәулет Кәрібайұлы құттықтау сөз сөйлеп, Абай шығармашылығының қазіргі қоғамдағы тәрбиелік мәніне тоқталды.Онлайн байланыс арқылы Абай атындағы Қазақ ұлттық педагогикалық университетінің әлеуметтік және жастар саясаты жөніндегі департамент директоры, философия докторы (PhD) Жетібай Рақымберді Қажығалиұлы «Абай ілімінің жоғары оқу орнындағы тәрбие және әлеуметтік салада қолданылуы» тақырыбында мазмұнды баяндама жасады.Шара барысында филология ғылымдарының кандидаты, Қорқыт ата атындағы Қызылорда университетінің қауымдастырылған профессоры Айтбаева Айман Ералықызы Абай шығармашылығының көркемдік құндылығы мен тіл мәдениетіндегі орны туралы терең ойларымен бөлісті.Сондай-ақ «Ассамблея жастары» республикалық қоғамдық бірлестігінің Қызылорда облысы бойынша төрағасы Пак Елена Владимировна мен Қылмыстық атқару жүйесі департаментінің қызметкері Марат Ұлан өз пікірлерін білдіріп, Абай мұрасын түрлі салада қолдану мүмкіндіктері жөнінде сөз қозғады.Кездесуді ҚАЖ департаментінің қызметкері Қалмұрат Ақниет орындаған ән көркем әсерге бөледі.Жиын соңында қатысушылар арасында пікір алмасу ұйымдастырылып, кездесуге қорытынды жасалды. Қызылорда облыстық мамандандырылған күзет қызметі басқармасының өкілі Айбек Әбдіразақ, Татар этномәдени орталығының төрағасы Галия Гизатуллина мен Славяне этномәдени орталығының төрағасы Галина Щербакова сөз сөйлеп, Абайдың рухани мұрасын жаңаша қырынан тану және оны қазіргі қоғаммен сабақтастыру бағытындағы ұсыныстарын жеткізді.

Қазақ поэзиясының асқар биігі – Абай

<a href="https://kyzylorda-news.kz/">Kyzylorda-news.kz</a> Кеше ТЖМ кезекші бөліміне Қызылорда облысында "Таң-Құмкөл" бағытында ұшқан бортында 3 адам бар АН-2 ұшағы мәжбүрлі түрде жерге қонғаны туралы хабарлама келіп түсті. Олардың қайда екені белгісіз еді. Олармен байланыс болмады, деп хабарлайды <a href="https://baq.kz/qyzylorda-oblysynda-mazhburli-turde-qongan-ushaqtagylar-8-sagattan-son-tabyldy-200013776/">BAQ.KZ </a>тілшісі.Төтенше жағдайлар министрлігінің мәліметіне сәйкес, жедел іздестіруге ТЖМ барлық күштері мен құралдары тартылды. Сондай-ақ іздестіру жұмыстарын жүргізу үшін ҚР ТЖМ "Қазавиақұтқару" АҚ тікұшағы жұмылдырылды.<blockquote>Іздестіру тобының жедел және үйлесімді іс-қимылдарының арқасында 8 сағаттан кейін түнде жоғалғандар ай даладан табылып, Қызылорда облысы Сырдария ауданы Тереңөзек кентіне жеткізілді. Олар медициналық көмекке мұқтаж болған жоқ, - деп хабарлады ТЖМ-дан.</blockquote>Фото: pixabay.com

Қызылорда облысында мәжбүрлі түрде қонған ұшақ ішіндегі адамдар табылды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Парламент Мәжілісінің депутаты Мархабат Жайымбетовты 60 жасқа толуына орай құттықтады. Басқосуға Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мұрат Ергешбаев, бірқатар сала басшылары мен зиялы қауым өкілдері қатысты.Аймақ басшысы мерейтой иесінің еңбек жолына тоқталып, Сыр елінің дамуына өлшеусіз үлес қосқанын айтып, алғысын білдірді.<blockquote>«Киелі Сыр бойы – өзінің адалдығымен, парасатымен ел құрметіне бөленіп, алғысын алған қабырғалы қайраткерлер мен текті тұлғаларға бай мекен. Мемлекет басшымыз Қасым-Жомарт Кемелұлы: «Адал еңбек етіп, адал табыс тапқан адам жетістікке жетеді, құрметке ие болады. Нағыз еңбек адамы бұл – істің адамы, яғни әр ісіне, әр қадамына жауапкершілікпен қарайтын адал азамат. Әділетті Қазақстан және Адал азамат ұғымдары егіз құндылық ретінде әрдайым қатар тұруға тиіс», – деген болатын. Біз саналы ғұмырын аймағымыздың әлеуметтік-экономикалық, мәдени-рухани дамуына арнаған, елдің қошеметіне бөленген өздеріңіздей азаматтарды ардақтап, лайықты құрмет көрсетуді дәстүрге айналдырдық. Парламент Мәжілісінің депутаты, «Құрмет», «Парасат» ордендерінің иегері, жерлесіміз Жайымбетов Мархабат Жайымбетұлы еңбек жолын жұмысшы маман ретінде бастаған. Президентіміздің 2025 жылды «Жұмысшы мамандықтар жылы» деп жариялауына орай, еңбек жолын қарапайым электрик болып бастап, Мәжіліс депутатына дейінгі сан түрлі қызметті абыроймен атқарған, өңірдің әлеуметтік-экономикалық дамуына елеулі үлес қосқан мерейтой иесіне арнайы құрмет көрсетуге жиналдық. Сізді жерлестеріміздің, өзімнің атымнан мерейлі жасыңызбен шын жүректен құттықтаймын! Ақыл-парасат, даналық пен даралық секілді төл өнегеңіз ұрпаққа үлгі, ұлтқа ұлағат бола беруіне тілектеспін», – деді Н.Нәлібаев.</blockquote><img src="https://knadmin.beoblood.kz/uploads/Marhabat_Zhajymbetov_oblysty_rmetti_azamaty_0d87c98ba8.jpg" alt="Мархабат Жайымбетов облыстың құрметті азаматы.jpg">Кездесуде Ақмарал Әлназарова, Наурызбай Байқадамов, Мұрат Әбенов құттықтау лебіздерін жеткізді. Сонымен қатар, Қызылорда облысының құрметті азаматы Жарылқасын Шәріпов мерейтой иесінің елеулі еңбегіне тоқталды.Мемлекет мүддесі, аймақ игілігі, халық мұраты жолында табысты еңбек еткен Мархабат Жайымбетовке «Қызылорда облысының құрметті азаматы» атағы беріліп, халқымыздың игі дәстүріне сай Сыр жұртшылығы атынан сый-құрмет көрсетілді.Мархабат Жайымбетов мемлекеттік қызметтің барлық сатысынан өткен. Қай қызметте де өзін білікті басшы, мықты ұйымдастырушы, жанашыр азамат ретінде танытып келеді. Қызылорда қаласының, Арал ауданының әкімі, облыс бойынша төтенше жағдайлар департаментінің бастығы, екі рет облыс әкімінің орынбасары қызметтерін атқарып, қоғам құрметіне бөленді. Президент Әкімшілігінің мемлекеттік инспекторы қызметінде, Құрылыс және тұрғын үй-шаруашылық істері комитетін басқарған 6 жылдан астам уақытта қаламызда тұрғын үйлердің бой көтеруіне, инфрақұрылым тартылуына, сол жағалауды игеруге қолдау білдірді.Облыс әкімінің орынбасары қызметінде энергетика, құрылыс, көлік, мемлекеттік сатып алу салаларына жетекшілік етіп, негізгі индикаторларға қол жеткізуге өз үлесін қосты. 2023 жылдан бері Парламент Мәжілісінің депутаты ретінде халықтың әл-ауқатын жақсартуға бағытталған бірқатар маңызды бастама көтеріп келеді.Басқосуда мерейтой иесі көрсетілген құрметке алғысын білдірді.<img src="https://knadmin.beoblood.kz/uploads/Marhabat_Zhajymbetov_oblysty_rmetti_azamaty_3_8f83715baf.jpg" alt="Мархабат Жайымбетов облыстың құрметті азаматы 3.jpg">Фото: Қызылорда облысы әкімінің баспасөз қызметі

Мархабат Жайымбетов "Қызылорда облысының құрметті азаматы" атанды

<a href="https://kyzylorda-news.kz/">Kyzylorda-news.kz</a> &nbsp;2025 жылдың 16 мамырында Қызылорда қаласында қоғамдық тәртіпті сақтау бойынша қызмет атқарып жүрген ҚР ІІМ Ұлттық ұланының 5547 әскери бөлімінің әскери қызметшілері қырағылық пен жанқиярлық танытып, қайғылы жағдайдың алдын алды.Шамамен 22:50-де «Арбат» аллеясында әскери жасақ бір топ азаматтың күмән туғызған әрекетіне назар аударды. Жасаққа абыржыған қыз жүгініп, жанында тұрған құрбысының талмасы ұстап жатқанын хабарлады. Әскери қызметшілер бірден кезекші бөлімге хабар беріп, жедел-жәрдем шақырды. Алайда зардап шеккен қыздың жағдайы өте ауыр екенін және өміріне араша болудың қажет екенін түсінді. Оқиға орнында болған медицина маманы жедел жәрдемді күтудің тым қауіпті екенін, қызды дереу ауруханаға жеткізу керектігін айтты.Патрульдік топтың бастығы лейтенант Әбілхан Ернұр жағдайды бағалап, уақыт жоғалтпау туралы шешім қабылдады. Ол зардап шеккен қызды патрульдік көлікпен жеткізу туралы бұйрық беріп, бұл міндетті автопатруль қызметшісі ефрейтор Таңатар Сұлтанайға жүктеді. Олардың жедел әрі үйлесімді әрекетінің арқасында қыз облыстық ауруханаға дер кезінде жеткізіліп, қажетті медициналық көмек көрсетілді.Қазіргі таңда оның жағдайы қанағаттанарлық деп бағалануда.<span style="background-color:rgb(255,255,255);color:rgb(68,68,68);font-family:Verdana, BlinkMacSystemFont, -apple-system, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;font-size:11px;">Фотодағы Оң жақта лейтенант Ернұр Әбілхан, сол жақта ефрейтор Сұлтан Таңатар, суретке түсірген лейтенант Жақсылық Берікұлы

Қызылордалық ұландықтар жас қыздың өмірін сақтап қалды

<a href="https://kyzylorda-news.kz/">Kyzylorda-news.kz</a> ҚМА Шымкент қаласы бойынша департаменті М.Әуезов атындағы Оңтүстік Қазақстан университетінде аса ірі көлемде бюджет қаражатын жымқыру және қылмыстық жолмен алынған мүлікті заңдастыру фактісі бойынша қылмыстық істі тергеп-тексеруді аяқтады. Бұл туралы <a href="https://kaz.inform.kz/news/shimkentteg-universitette-asa-r-kolemde-byudzhet-karazhatin-zhimkirgandar-aniktaldi-5190bd/">kaz.inform.kz </a>агенттігі хабарлады.&nbsp;Агенттіктің мәліметінше, күдіктілер қатарында ректордың міндетін атқарушы, қаржы және әкімшілік департаменттердің директорлары, сондай-ақ серіктес ұйымдардың басшылары бар.Тергеу нәтижесінде университет қызмет көрсету, құрылыс-монтаж жұмыстары мен тауар жеткізуге қатысты жалпы сомасы 256 млн теңге болатын жалған келісімшарттар жасағаны анықталды.Аталған жұмыстар іс жүзінде орындалмаған. Бюджет қаржысы жалған актілер негізінде байланысы бар компаниялардың шоттарына аударылып, кейін қолма-қол ақшаға айналдырылған.Қылмыстық жолмен алынған кірістерге күдіктілер 6 қымбат көлік (Mercedes-Benz S-класс, Lexus LX570 және т.б.) пен Шымкент қаласының орталығынан құны 254 млн теңге болатын элиталық коттедж сатып алған. Оларға сот санкциясымен тыйым салынды. 4 күдіктіге қатысты үйқамақ түріндегі бұлтартпау шарасы қабылданды.Қылмыстық іс сотқа жолданды.Фото: видеодан алынды

Шымкенттегі университетте аса ірі көлемде бюджет қаражатын жымқырғандар ұсталды 

<a href="https://kyzylorda-news.kz/">Kyzylorda-news.kz</a> &nbsp;Сырдария ауданының әкімі Берік Сәрменбаев аудандық маңызы бар «Қызылорда-Аэропорт-Қоғалыкөл-Шіркейлі» автожолының жөндеу жұмыстарының барысымен танысты. Жұмыс алаңында мердігер компания өкілдерімен кездесіп, жөндеу сапасын арттыру шараларын талқылады.Аудан әкімі аймақ басшысы Нұрлыбек Машбекұлы Нәлібаевтың қолдауымен ауданда жол саласын дамытуда нәтижелі жұмыстар атқарылып жатқанын атап көрсетті.<img class="image_resized" style="width:95.63%;" src="https://knadmin.beoblood.kz/uploads/Syrdariya_zhol_rylysy_237b27832d.jpg" alt="Сырдария жол құрылысы.jpg">Бүгінде «Қызылорда-Аэропорт-Қоғалыкөл-Шіркейлі» автожолының 10,2 шақырымына орташа жөндеу жұмыстары аяқталуға жақын. Жөндеу жұмыстарын «Қызылорда жолдары» ЖШС атқаруда.Аудан басшысы жол инфрақұрылымының тұрғындар өміріндегі маңыздылығын атап, жөндеу жұмыстарының сапасына баса назар аудару керектігін ескертті. Сондай-ақ, жол құрылысының белгіленген мерзімде аяқталуы қатаң бақылауда болатынын айтып, сала басшыларына нақты тапсырмалар жүктеді.<img src="https://knadmin.beoblood.kz/uploads/Syrdariya_zhol_rylysy_3_cb2c847a70.jpg" alt="Сырдария жол құрылысы 3.jpg">Фото: Сырдария ауданы әкімінің баспасөз қызметі

Маңызы бар автожолды жөндеу жұмыстары жүйелі жүргізілуде

<a href="https://kyzylorda-news.kz/">Kyzylorda-news.kz</a> Қазақстанда энергетика саласын кешенді жаңғыртып, оның тұрақты дамуын қамтамасыз етуге арналған «Тарифті инвестицияға айырбастау» жаңартылған бағдарламасы іске асырылып жатыр. Бұл тетік энергиямен жабдықтаудың сенімділігін арттыру үшін мақсатты инвестиция тартуға мүмкіндік береді әрі тұтынушыға түсетін жүктемені барынша азайтады.2024 жылы бағдарлама аясында едәуір қаражат жұмылдырып, елдегі электр станцияларында жөндеу және қалпына келтіру жұмыстарын дер кезінде орындауға қол жеткізілді. 2025 жылы инвестиция көлемі 428 млрд теңгеге дейін ұлғаяды деп күтілуде, бұл ағымдағы жылмен салыстырғанда 13,24 %-ға жоғары.Жаңартылған тәсілдің басты жаңалығы – инвестицияларды қайтарудың жылдық лимитін 32 млрд-тан 428 млрд теңгеге дейін көтеру және электр қуатын қолдауға арналған қызметтің шекті тарифін арттыру. Бұл жеке капитал тартуды және ауқымды техникалық қайта жарақтандыруды ынталандырады.«Тарифты инвестицияға айырбастау» бағдарламасы тарифтік өзгерістерді энергия өндіруші компаниялардың нақты міндеттемелерімен – жөндеу қорларын ұлғайту, жабдықтарды жаңарту, өндірістік персоналдың еңбек жағдайын жақсартумен қатаң байланыстыруды көздейді. Еңбекақыны көтеру, станцияларды жаңғырту, жаңа технологияларды енгізу – осының барлығы бүкіл энергетикалық жүйенің сенімділігі мен тиімділігін арттыруға ықпал етеді.Сөйтіп, бағдарлама шеңберіндегі тарифті түзету – шығын өсуіне жай жауап емес, заманауи, орнықты әрі келешекке бағытталған энергетиканы қалыптастыруға жасалған ойластырылған қадам. Ұзақ мерзімді инвестициялық көзқарас арқылы Қазақстан энергетикалық қауіпсіздігін нығайтып, 2060 жылға қарай көміртегі бейтараптығына жетуге елеулі үлес қосады.Тариф қалыптастырудың ашықтығы мен қаражатты пайдалану туралы есептілікке келсек, энергия өндіруші ұйымдардың деректері енді уәкілетті органның ақпараттық жүйесі арқылы ұсынылады.Сондықтан электр энергиясы бойынша шекті тарифті бекіту немесе түзету жөніндегі келесі өтінімдер де осы ақпараттық жүйе арқылы беріліп, тарифтүзу процестері толық цифрландырылмақ.

Энергетикаға инвестиция: «Тарифті инвестицияға айырбастау» – жаңғыртуға жаңа мүмкіндіктер ашады

<a href="https://kyzylorda-news.kz/">Kyzylorda-news.kz</a> Қызылорда облысының жұмыспен қамтуды үйлестіру және әлеуметтік бағдарламалар басқармасы мүгедектігі бар жандарға арнап “Жаңарған Түркістанға саяхат” сапарын ұйымдастырды.Қоғамдағы әрбір азаматтың өмір сүру сапасын арттыру – әлеуметтік әділеттіліктің басты қағидасы. Ал мүмкіндігі шектеулі жандардың қоғамдық өмірге белсенді араласуына жағдай жасау–өркениетті елдің басты міндеттерінің бірі. Осы тұрғыдан алғанда, бұл бастаматек саяхат қана емес, ерекше жандардың қоғаммен байланысын күшейтуге арналған әлеуметтік, психологиялық және рухани әлеуметтік қолдаудың маңызды бөлігі.Түркістан – күллі түркі жұртының рухани ордасы. Қожа Ахмет Яссауи кесенесі – ғасырлар бойы мұсылман әлеміне бағдар болып келген киелі орын. Бұл қасиетті мекенге барып, зиярат ету – кез келген жан үшін ерекше рухани әсер сыйлайды. Қатысушылар жаңарған Түркістанның заманауи келбетін көріп қана қоймай, тарих пен қазіргі заманның үйлесімді үндестігіне куә болды.Сапарға шыққан жандар үшін барлық жағдай қарастырылды. Мұндай іс-шаралар мүгедектігі бар жандардың ішкі әлеуетін ашуға, өзін қоғамның толыққанды мүшесі ретінде сезінуге жол ашады. Бұл психологиялық кедергілерді жойып, рухани тазаруға, өмірге деген құштарлықты оятуға мүмкіндік берді. Қатысушылар сапардан ерекше әсермен оралып, болшаққа сеніммен қарай бастады. Олардың кейбірі бос уақыттарын шығармашылыққа, спортқа арнағысы келетінін жеткізді.Бүгінгі таңда елімізде әлеуметтік қорғау бағытында бірқатар жүйелі шаралар қабылдануда. Оның ішінде инклюзивті білім беру, қолжетімді орта қалыптстыру, еңбекпен қамту және әлеуметтік қызмет көрсету салалары кең өріс алып келеді.Саяхат тек бір күндік сапар емес, ол қатысушылардың өміріне тың серпін берген, санасына рухани шабыт дарытқан маңызды тәжірибе болды. Қатысушылар өз ойларымен бөлісе отырып, бұл жоба жалғасын тапса деген тілектерін білдірді.Мұндай іс-шаралар қоғамда инклюзивті сана қалыптастыруға, бір-біріне деген мейірімділік пен түсіністікті арттыруға үлкен ықпал етеді. Әрбір азаматтың қоғамда өз орнын табуы баршамыздың ортақ міндетіміз. Сондықтан бұл бастама тек бір облыс көлемінде емес, республика бойынша өз жалғасын табуы тиіс.<img src="https://knadmin.beoblood.kz/uploads/Whats_App_Image_2025_05_19_at_09_56_14_c457a3bfb9.jpeg" alt="Түркістанға саяхат.jpeg"><img src="https://knadmin.beoblood.kz/uploads/Whats_App_Image_2025_05_19_at_09_56_15_68cc0afa72.jpeg" alt="Түркістанға саяхат.jpeg">

Мүгедектігі бар жандар Түркістан қаласына сапарлап қайтты

<a href="https://kyzylorda-news.kz/">Kyzylorda-news.kz</a> Су ресурстары және ирригация министрі Нұржан Нұржігітов Қызылорда облысының диқандарымен кездесті. Биыл өңірде 60 мың гектарға жуық егіс алқабы лазермен тегістелді.Салыстырмалы түрде айтсақ, былтыр 55 мың гектарды лазермен тегістеудің нәтижесінде 200 млн текше метр су үнемделген болатын. Ал орташа өнімділік гектарына 40-55 центнерден 70-80 центнерге дейін ұлғайды.Айта кетсек, Үкімет ауыл шаруашылығы кооперативтерінің лазермен тегістегіштерді сатып алу шығындарын 50%-ға дейін субсидиялайды.<blockquote>– «Сіздермен ең алғаш кездескенімде бірнеше ұсыныс айтқан едіңіздер. Өтініштеріңіз бойынша біз кооперативтерге арналған субсидия мөлшерін 25%-дан 50%-ға дейін ұлғайттық. Осыған дейін субсидия егістік алқабы 200 гектардан асатын шаруашылықтарға ғана төленеді деген талап бар еді. Біз Ауыл шаруашылығы министрлігімен бірлесе отырып, бұл шектеуді де алып тастадық» деді Су ресурстары және ирригация министрі Нұржан Нұржігітов.</blockquote>Бүгінгі таңда Қызылорда облысында лазермен тегістейтін 123 техника бар. Бұл 100 мың гектарға дейін егістік алқапты қамтуға мүмкіндік береді.Биыл ауа райының ерекшеліктеріне байланысты Қызылорда облысында да суару маусымы әдеттегіден ертерек басталды. Жауын-шашын болмағандықтан суармалы суға сұраныс екі есе артып отыр. Бүгінде өңір диқандарын сумен қамту үшін Шардара су қоймасынан секундына 600 текше метр су жіберіліп жатыр.<blockquote> – «Министрлігіміз Президенттің тапсырмасы бойынша судың «көлеңкелі нарығын» жою үшін маңызды шешімдер қабылдады. Енді «Қазсушар» филиалдары келісімшартқа отырған шаруа қожалықтарына ғана су береді. Заңсыз су алуға рұқсат жоқ. Жаңа Су кодексінде де осы мәселеге баса назар аударылып, жауапкершілік күшейтілді. Құжат 10 маусымнан бастап күшіне енеді»,– деді ведомство басшысы.</blockquote>

Су үнемдеу үшін Қызылорда облысында 60 мың гектарға жуық күріш алқабы лазермен тегістелді

<a href="https://kyzylorda-news.kz/">Kyzylorda-news.kz</a>&nbsp; Қазақстанда азаматтарға арнаулы әлеуметтік қызметтер (бұдан әрі – АӘҚ) көрсететін субъектілерді лицензиялау процесі аяқталуға жақын. 2025 жылғы 19 мамырдағы жағдай бойынша АӘҚ көрсетушілердің 92%-ы лицензия алды, көрсетілетін қызметті алушылардың 97%-на осы ұйымдарда қызмет көрсетіледі.Бұған дейін хабарланғандай, Қазақстанда халықты әлеуметтік қорғау саласында АӘҚ көрсететін ұйымдарды лицензиялау 2025 жылдың 1 қаңтарынан басталды.Арнаулы әлеуметтік қызметтер көрсететін барлық меншік нысанындағы ұйымдар лицензиялауға жатады. Бұл жаңашылдық АӘҚ көрсету жүйесін жаңғырту кезеңдерінің бірі болып табылады және бірінші кезекте мыналарға бағытталған:<ul><li>ұсынылатын АӘҚ сапасын арттыру;</li><li>қызмет алушылардың құқықтарын қорғау және қауіпсіздік кепілдігі;</li><li>АӘҚ ұсынатын ұйымдар үшін бірыңғай стандарттарды белгілеу.</li></ul>Лицензиялау енгізілгенге дейін Еңбек және халықты әлеуметтік қорғау министрлігі 2024 жылы олардың қызметінің ашықтығын және бюджет қаражатын жұмсауды қамтамасыз ету үшін АӘҚ көрсету орталықтарындағы барлық бизнес-процестерді автоматтандыру бойынша үлкен жұмыс жүргізді.Мәселен, жергілікті атқарушы органдардың ақпараты бойынша, 2024 жылғы 1 шілдедегі жағдай бойынша АӘҚ көрсететін орталықтардың саны – 1023, факті бойынша (деректерді цифрландырғаннан кейін) – 587, көрсетілетін қызметті алушылардың саны – 135 947, ал факті бойынша (деректерді цифрландырғаннан кейін) – 93,6 мың адамды құрады. Осылайша, АӘҚ қаржыландыру сомасы 31,6 млрд теңгеге азайды.Сонымен бірге АӘҚ көрсету жүйесін жаңғырту аясында 12 235 мың әлеуметтік қызметкердің 8 811-нің расталған санаты болмағаны анықталды. Біліктілік деңгейін арттыру үшін 10 мыңнан астам әлеуметтік қызметкерді оқыту және сертификаттау жүргізілді. Әлеуметтік қызметкерлерді даярлау және қайта оқыту бойынша 14 ЖОО-мен меморандумдар жасалды.Лицензия алудың негізгі шарттарының бірі: санитарлық нормалар мен өрт қауіпсіздігі ережелеріне сәйкес келетін АӘҚ көрсетуге жарамды ғимараттың болуы; қажетті материалдық-техникалық базаның және қызметкерлер құрамының болуы; халықтың аз қозғалатын топтары үшін ғимараттың қолжетімділігін қамтамасыз ету және басқалар.2024 жылдың қазан айынан бастап ҚР ЕХӘҚМ Халықты әлеуметтік қорғау саласындағы реттеу және бақылау комитетінің аумақтық департаменттері лицензия алды талдау жүргізді, жергілікті атқарушы органдармен және ҮЕҰ-мен бірлесіп, АӘҚ көрсететін барлық ұйымдарды лицензиялауға дайындау мәселелері пысықталды.Бүгінде филиалдар мен бөлімшелерді қосқанда, 530 лицензия берілді, бұлар бүкіл ел бойынша 92,8 мың адамға қызмет көрсетілетін 548 ұйым немесе көрсетілетін қызметті алушылардың 97% – ы.Лицензия беруден бас тартудың негізгі себептері: материалдық-техникалық базаның, штаттық нормативтердің, медициналық лицензияның кіші түрлерінің сәйкес келмеуі және өрт қауіпсіздігі бойынша тексеру актісінің не аудит қорытындысының болмауы болып табылады.Осылайша, бастапқыда лицензиялауға жататын 587 субъектінің 384-де қажетті материалдық-техникалық база болмаған, ал кейбір жағдайларда тіпті жабдықтар мен жиһаздардан тек кілемдер мен дивандар болған.Жергілікті атқарушы органдар АӘҚ ұсынатын мемлекеттік және мемлекеттік емес ұйымдарды белгіленген біліктілік талаптарына сәйкес келтіру жөніндегі жұмысты жалғастыруда. Мәселен, Республика бойынша АӘҚ көрсететін 55 ұйымға материалдық-техникалық жарақтандыру, мүгедектігі бар адамдар үшін қолжетімділік, алаңды кеңейту (жаңа ғимараттар салу) бөлігінде сәйкестікті қамтамасыз ету үшін жергілікті бюджеттер мен демеушілер қаражаты есебінен 8 млрд 708 млн теңгеден астам қаражат бөлінді, қосымша 928,6 млн теңге бөлу жоспарлануда.Лицензия беруден бас тартқан ұйымдар белгіленген талаптарға сәйкессіздіктер жойылғаннан кейін лицензиялауға қайта өтініш бере алады.Бұған қосымша көрсетілетін қызметті алушылардың 3%-ның қамтылмауы бойынша Еңбек және халықты әлеуметтік қорғау министрлігі Денсаулық сақтау министрлігімен және әкімдіктермен бірлесіп, бос алаңдары бар медициналық ұйымдармен АӘҚ көрсетуге лицензия алу бойынша жұмыс жүргізуде.Лицензиялау және АӘҚ көрсету жүйесін жаңғырту шеңберінде қабылданатын басқа да шаралар арнаулы әлеуметтік қызметтердің сапасын және мүгедектігі бар адамдар мен көрсетілетін қызметті алушылардың өзге де санаттарын әлеуметтік оңалтудың тиімділігін арттыру үшін жағдайлар жасайды, сондай-ақ осы саладағы бұзушылықтар санын азайтуға ықпал ететін болады.

Арнаулы әлеуметтік қызмет көрсететін ұйымдардың 90%-дан астамы лицензия алды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев жауапты сала басшыларымен бірге Су ресурстары және ирригация министрі Нұржан Нұржігітовпен, Дүниежүзілік Банктің Еуропа мен Орталық Азиядағы аймақтық директоры Нагиб Вахба Самехпен, Еуропа мен Орталық Азиядағы су ресурстары департаментінің басшысы Ю Уинстонмен, Қазақстан бойынша тұрақты өкіл Андрей Михневпен, су ресурстары маманы Бақыт Арыстановпен кездесті.Онда Солтүстік Арал теңізін ұлғайтуға бағытталған жобаны бірлесіп іске асыру барысы талқыланды.<blockquote>– «Өңірлік дамыту және Арал теңізінің Солтүстік бөлігін қалпына келтіру» жобасы біз үшін өте маңызды. Осы жобаға қолдау білдіргендеріңіз үшін облыс халқының атынан үлкен алғысымызды білдіреміз. Мемлекет басшысы 2019 жылы облысқа жасаған жұмыс сапарында «Сырдария өзенінің арнасын реттеу және Солтүстік Арал теңізін сақтап қалу» жобасының екінші кезеңін іске асыруды тапсырған болатын. Осыған сәйкес, Дүниежүзілік Банк бөлген 1 млн. 500 мың АҚШ доллары қайтарымсыз гранты есебінен жобаның техника-экономикалық негіздемесі әзірленді. Өздеріңізге белгілі, Солтүстік Аралдың аумағын ұлғайтудың нұсқалары (бір деңгейлі, екі деңгейлі) бойынша келіспеушілікке байланысты жұмыс бүгінгі күнге дейін созылып келді. Министрліктің нәтижелі жұмыстарының арқасында Арал теңізіне жіберілген су көлемі едәуір ұлғайып, 2022 жылмен салыстырғанда 24 млрд. 300 млн. текше метрге жетіп, 5 млрд. 800 млн. текше метрге көбейді. 2022 жылы теңіздегі су көлемі 18,5 млрд.текше метр болған еді. Солтүстік Арал теңізін ұлғайтуға бағытталған жобаны бірлесіп іске асыруға шақырамын», – деді Н. Нәлібаев.</blockquote>Кездесу барысында Нагиб Вахба Самех бірлесіп жұмыс істеуге дайын екенін жеткізді.«Арал дағдарысы» – Арал теңізі бассейнінде өмір сүретін 35 млн. адамға әсерін тигізген адамзат тарихындағы аса ірі экологиялық зардаптың бірі. Теңізді құтқару бастамасы халықаралық деңгейде қолға алынбағанда ХХІ ғасырдың басында Арал теңізі бүтіндей жойылар еді.Қазақстан Үкіметі ғасыр жобасы атанған «Сырдария өзенінің арнасын реттеу және Арал теңізінің солтүстік бөлігін сақтау» (САРАТС) туралы тарихи шешім қабылдады. Аталған жобаны жүзеге асыруға Дүниежүзілік Банк 64 млн. АҚШ долларын бөліп, ауқымды жұмыс жүргізілді. Арал теңізінің солтүстік бөлігін сақтап қалумен бірге, өңірдің экологиялық және экономикалық жағдайы едәуір жақсарды.Сонымен қатар, 2019-2024 жылдары Жалағаш ауданында Дүниежүзілік Банктің 3 млрд. 400 млн. теңгеге қаржыландыруымен, «Ирригациялық және дренаждық жүйелерді жетілдіру» жобасымен 15 мың гектар суармалы жер қалпына келтірілді. Одан бөлек, өткен жылы Қазалы ауданында 440 млн. теңгеге аумағы 33,5 гектар тұқымбақ пайдалануға берілді.Сыр еліне жұмыс сапарымен келген қонақтар «Ирригациялық және дренаждық жүйелерді жетілдіру» жобасы шеңберінде атқарылған жұмыспен және «Aral sea food» ЖШС-ның балық өңдеу зауытымен танысады.<img src="https://knadmin.beoblood.kz/uploads/Ba_yt_Arystanovpen_kezdesu_kim_2_8a1b1718cd.jpg" alt="Бақыт Арыстановпен кездесу әкім 2.jpg">Фото: Қызылорда облысы әкімінің баспасөз қызметі

Жобаны жүзеге асыру барысы талқыланды

<a href="https://kyzylorda-news.kz/">Kyzylorda-news.kz</a> Сыр елінде «Қазақстан Республикасында тәуелсіз мейіргерлік қызметтің озық тәжірибелерін енгізу» тақырыбында халықаралық ғылыми-тәжірибелік конференция өтті. Онда аймақ басшысы Нұрлыбек Нәлібаев медицина саласындағы ауқымды жұмыстарды атап өтіп, жетістіктерге тоқталды.Конференцияға Денсаулық сақтау министрі Ақмарал Әлназарова, Дүниежүзілік денсаулық сақтау ұйымы Қазақстандағы сақтандыру кеңсесінің басшысы Скендер Сыла, онлайн режимде Дүниежүзілік денсаулық сақтау ұйымы Еуропалық аймақтық бюросының директоры Ханс Клюге, Германия, Қырғызстан, Латвия, Өзбекстан, Ресей, Түркия, Финляндия мемлекеттерінің өкілдері, ғалымдар, барлық өңірдің денсаулық сақтау басқармасының басшылары, дәрігерлер, мейіргерлер, медициналық оқу орындары мен клиника басшылары қатысты.Іс-шарадағы ақжолтай жаңалықтың бірі – медициналық жоғары колледж cтуденттеріне шетелдік оқу орындарына жолдама берілді.Нақтырақ айтсақ, Қызылорда медициналық жоғары колледжі 3-курсының 12 студентіне Түркияның Стамбул қаласындағы «Medicana International Istanbul» клиникасынан оқу-өндірістік практикадан өтуге, 4-курстың 5 студентіне академиялық ұтқырлық бағдарламасы бойынша Латвия Республикасы І Рига медициналық колледжінде оқуға жолдама табысталды.Айта кетейік, Қызылорда медициналық жоғары колледжі халықаралық серіктестікті нығайту мақсатында Германия, Түркия, Өзбекстан, Қырғызстан, Латвияның жетекші медициналық мекемелерімен және оқу орындарымен серіктестік келісім-шартқа отырған. Сонымен қатар, отандық медициналық оқу орындарымен, ғылыми-зерттеу мекемелерімен де ынтымақтастық орнатқан.<img src="https://knadmin.beoblood.kz/uploads/Kolledzh_studentteri_zholdama_ae798493c5.jpg" alt="Колледж студенттері жолдама.jpg">Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары