<a href="https://kyzylorda-news.kz/">Kyzylorda-news.kz</a> Жалағаш ауданында Қызылорда облыстық Қазақстан халқы Ассамблеясы жанындағы Этномедиаторлар кеңесінің ұйымдастыруымен мектеп психологтары мен ауыл тұрғындарына арналған семинар-кездесу өтті.Жиынға «Praktikos» Еуразиялық заңгерлік және медиаторлар одағы» РҚБ Қызылорда облысы бойынша филиал директоры, ҚХА жанындағы этномедиация кеңесінің төрайымы, жаттықтырушы, эксперт-медиатор Жанна Мирамбекқызы және облыстық қоғамдық даму басқармасының «Қоғамдық келісім» КММ бөлім басшысы, этномедиация орталығының үйлестірушісі Шахизат Абдраманова қатысты.Семинар барысында Жанна Мирамбекқызы этномедиацияның қоғамдағы рөлі мен жұмыс бағыттарына тоқталып, ауыл тұрғындарына даулы мәселелерді шешудің тиімді жолдарын түсіндірді. Оның айтуынша, этномедиация – тек құқықтық кеңес берумен ғана шектелмей, қоғамдық келісімді нығайтуға, отбасылық және әлеуметтік түйткілдерді бейбіт жолмен шешуге мүмкіндік береді. Сондай-ақ, тараптар арасындағы сенімді қарым-қатынасты сақтаудың маңыздылығы мен медиация саласындағы соңғы өзгерістер туралы кеңінен баяндады.Өз кезегінде Шахизат Абдраманова этномедиация орталығының аймақтағы жұмыс тәжірибесіне тоқталып, жергілікті тұрғындар үшін мұндай кездесулердің пайдасы зор екенін атап өтті. Ол этномедиацияның басты міндеті – қоғамдағы татулық пен тұрақтылықты сақтап, түсіністікке жол ашу екенін ерекше айтты.Жиынға қатысушылар өздерін толғандырған құқықтық, әлеуметтік және тұрмыстық мәселелер бойынша сұрақтарын қойып, мамандардан толыққанды жауап алды. Кездесудің негізгі мақсаты – ауылдық жерлерде этномедиацияның маңызын кеңінен насихаттау және тұрғындардың құқықтық сауаттылығын арттыру болды.

Ауыл тұрғындарына құқықтық және әлеуметтік кеңес берілді

<a href="https://kyzylorda-news.kz/">Kyzylorda-news.kz</a> 1 қазан – Халықаралық қарттар күніне орай облыс ардагерлері өндірістік және инфрақұрылымдық жобалармен, іске қосылған нысандар жұмысымен танысты.Алдымен «Сыр жұлдыздары» шығармашылық-инновациялық академиясына барды. Заманауи орталық бір мезетте 500, тәулігіне 3 мыңға дейін оқушы қабылдай алады. Мұнда бассейн, фитнес және гимнастика залдары, үстел теннисі, жекпе-жек және үстел ойындарына арналған бөлмелер бар. Сонымен қатар, кескіндеме, сурет, сәндік-қолданбалы өнер, робототехника, жасанды интеллект, биотехнология, 3D модельдеу, киберспорт және математика кабинеттері жұмыс істейді.<img src="https://knadmin.beoblood.kz/uploads/2_arttar_k_ni_arsa_ynda_ardagerler_alada_y_nysandarmen_tanysty_434587ef4f.jpg" alt="2Қарттар күні қарсаңында ардагерлер қаладағы нысандармен танысты.jpg">Келесі нысан – «Қызылорда-Нан» ЖШС-ның нан-тоқаш, кондитерлік және макарон өнімдерін өндіру кешені. Қазіргі таңда үш өндірістік цех іске қосылған, алдағы уақытта печенье цехы жұмысын бастайды. Өнімнің 30%-ы кәсіпорынның жеке сауда желісі арқылы сатылады, қалғаны қала мен ауылдарға жеткізіледі. Жобаға 5 гектар жер беріліп, инфрақұрылым тартылды. «Қазақстан Халық банкінен» алынған 1,2 млрд теңге жеңілдетілген несиенің пайыздық мөлшерлемесі мемлекет тарапынан субсидиялануда. Бүгінде мұнда 120 адам еңбек етсе, болашақта олардың саны 150-ге жетпек.<img src="https://knadmin.beoblood.kz/uploads/4_arttar_k_ni_arsa_ynda_ardagerler_alada_y_nysandarmen_tanysty_81a29ee6f2.jpg" alt="4Қарттар күні қарсаңында ардагерлер қаладағы нысандармен танысты.jpg">Одан кейін ардагерлер жаңа жылу-электр орталығының құрылыс барысымен танысты. «Aksa Energy» түрік компаниясымен бірлескен жоба аясында қуаттылығы 240 МВт болатын нысан салынуда. Орталыққа General Electric (АҚШ), Doosan Skoda (Чехия), AC BOILERS (Италия), Mimsan (Түркия) компанияларының қондырғылары жеткізілген. Құрылыс жұмыстарының 80%-ы аяқталып, газ тарату станциясы мен 45 шақырым газ құбыры салынды. Биыл алғашқы газ турбиналық қондырғы мен екі жылу қазандығы іске қосылса, қалғаны 2026 жылы пайдалануға беріледі.Ардагерлер қалалық мәдениет және демалыс паркін, Президент саябағын қайта жаңғырту жұмыстарында көрді. Жаңа коммуналдық базарды, «Қызылорда САЗ-М» кірпіш зауытын, музыкалық колледждің жаңа ғимаратын, физика-математика мектеп-интернатын және 11 мың орындық жаңа стадионды аралап шықты.<img src="https://knadmin.beoblood.kz/uploads/5_arttar_k_ni_arsa_ynda_ardagerler_alada_y_nysandarmen_tanysty_c44d104471.jpg" alt="5Қарттар күні қарсаңында ардагерлер қаладағы нысандармен танысты.jpg">Мерекеге орай қала мен аудандардан келген ардагерлердің басын қосқан салтанатты шара ұйымдастырылды. Аймақ басшысы Нұрлыбек Нәлібаев ел ағалары мен ақ жаулықты аналарды мерейлі мерекемен құттықтап, ізгі лебізін білдірді.«Мемлекет басшымыз Қасым-Жомарт Кемелұлы «Азаматтардың әл-ауқатын арттырудың басым міндеті – зейнетақы жүйесін жетілдіру. Қажырлы ардагерлердің қоғамға үлесін ынталандыру маңызды. Халықтың орташа өмір сүру жасы 75-тен асты, бұл – әлеуметтік саясаттың жетістігі» – деген болатын.Өңірімізде қазыналы қарияларды жан-жақты әлеуметтік қолдау, медициналық қызмет көрсету сапасын арттыру бағытында ауқымды жұмыс атқарылуда. Соңғы үш жылда жылына бір рет төленетін әлеуметтік көмектің көлемі Ұлы Отан соғысының ардагерлеріне 1,5 млн. теңгеден 5 млн. теңгеге, оларға теңестірілгендер мен тыл ардагерлеріне 90 мыңнан 196 мың теңгеге ұлғайды. Биыл 1 700-ге жуық ардагерге 322 млн. теңге көлемінде бір реттік әлеуметтік көмек көрсетілді. Облыста бірнеше жылдан бері «Сыр мейірімі» жобасы жүзеге асуда. Жоба аясында көмекке мұқтаж 225 жалғызбасты қарт мен мүгедектер, аз қамтылған отбасылар түскі аспен қамтамасыз етіліп келеді.Қазақ халқы «Қарты бар үйдің – қазынасы бар» деген. Бұл – халықтың ғасырлар бойғы құрметінің айқын көрінісі. Сіздердің даналықтарыңыз, өмірлік тәжірибелеріңіз бізге – кейінгі буынға жол көрсетер бағдаршам. Ел ішінің татулығы мен бірлігін сақтауда, ұлттың рухын биік ұстауда ардақты ардагерлеріміздің рөлі ерекше.Мерейлі мерекеде баршаңыздың дендеріңізге саулық, отбасыларыңызға амандық, бақ-береке тілеймін», – деді Нұрлыбек Машбекұлы.<img src="https://knadmin.beoblood.kz/uploads/1_arttar_k_ni_arsa_ynda_ardagerler_alada_y_nysandarmen_tanysty_ef451a25b8.jpg" alt="1Қарттар күні қарсаңында ардагерлер қаладағы нысандармен танысты.jpg">Фото: Қызылорда облысы әкімінің баспасөз қызметі

Қарттар күні қарсаңында ардагерлер қаладағы нысандармен танысты

<a href="https://kyzylorda-news.kz/">Kyzylorda-news.kz</a> Қазыналы қарттарымыздың мерейлі күні қарсаңында ардагерлер&nbsp;жаңадан бой көтерген заманауи стадионды алғашқылардың бірі болып тамашалады. Бұл спорт кешені 11 мың көрерменге арналған. Ардагерлер нысанның құрылысымен және ондағы мүмкіндіктерімен танысты. Жаңа стадион халықаралық талаптарға сай салынған. Мұнда футбол матчтарын өткізумен қатар, түрлі мәдени-көпшілік іс-шараларды ұйымдастыруға да жағдай жасалған. Қазыналы қарттар жаңа стадионның құрылысына оң бағасын берді.Ардагерлердің келесі бағыты - физика-математика бағытындағы мектеп-интернаты. Қазыналы қариялар жаңа білім ордасының құрылымымен, оқу сыныптарымен және зертханаларымен танысты. Бұл мектептің аймақ үшін маңызы зор, өйткені мұнда ғылымға бейім жасөспірімдер тереңдетілген білім алып, болашақта елдің ғылыми-техникалық дамуына үлес қосатын мамандар ретінде қалыптасады. Аға буын өкілдері жаңа мектеп-интернаттың заманауи талаптарға сай жабдықталғанын атап өтіп, оқушыларға сапалы білім мен тәлім берілетініне сенім білдірді.Жақында ғана аймақтың сол жағалауынан заманауи үлгіде салынған “Syr-Darya” коммуналдық базары ашылған болатын. Халықаралық қарттар күніне орай ардагерлер осы жаңа нысанмен танысты. Заманауи талаптарға сай салынған базарда сауда-саттық үшін қолайлы жағдай жасалған. Мұнда тұрғындар күнделікті тұтынатын тауарларды тиімді бағамен сатып ала алады. Ардагерлер базардың кең де жарық павильондарын аралап көріп, жергілікті халыққа көрсетілетін қызмет сапасын жоғары бағалады.<img src="https://knadmin.beoblood.kz/uploads/Ajma_ardagerleri_M_deniet_zh_ne_sport_nysandaryn_aralady_d5dbe7c74d.jpg" alt="Аймақ ардагерлері Мәдениет және спорт нысандарын аралады.jpg">Одан соң ардагерлер жаңа теннис орталығына барды. Заманауи үлгіде салынған спорт кешенінде халықаралық стандарттарға сай жабық және ашық корттар орналасқан. Мұнда балалар мен жастардың спортпен айналысуына барлық жағдай жасалған. Жаңа нысындардың көптеп салынуы қала келбетін ажарландыра түспек,- дейді қазыналарымыз.Одан соң ардагерлер облыстық тарихи-өлкетану музейіне барды. Музейде олар аймақтың бай тарихы мен мәдени мұрасын таныстыратын жәдігерлерді тамашалады. Экспозиция залдарында сақталған көне артефактілер, этнографиялық бұйымдар мен құнды құжаттар ардагерлердің ерекше қызығушылығын тудырды.Ардагерлердің келесі нысаны - музыкалық колледж болды. Олар оқу орнының жаңа мүмкіндіктерімен, заманауи жабдықталған аудиторияларымен және шығармашылық залдарымен танысты. Аға буын өкілдері жас музыканттарға, жалпы өнерге жасаған қамқорлықты жоғары бағалап, осындай білім ордасы өңірдің мәдени дамуына зор үлес қосатынын атап өтті.

Аймақ ардагерлері мәдениет және спорт нысандарын аралады

<a href="https://kyzylorda-news.kz/">Kyzylorda-news.kz</a> Қызылорда қаласында Қарттар күніне орай «Қарттарым – асыл қазынам» атты мерекелік кеш өтті. Іс-шараны Қызылорда облыстық қоғамдық даму басқармасының «Қоғамдық келісім» КММ, «Жомарт жан» орталығы және «Құранға қызмет» қайырымдылық қоры бірлесіп ұйымдастырды.Кештің шымылдығы медициналық колледж студенттерінің өнерімен ашылды. Олар қазыналы қарияларға арналған концерт қойып, ән мен жырдан шашу шашты. Жиынға қатысқан ақ жаулықты әжелер мен ардақты қариялар жастардың ізгі ниеті мен ыстық ықыласына бөленді.Мерекелік шара барысында «Қоғамдық келісім» КММ аға сарапшысы, «Жомарт жан» орталығының үйлестірушісі Нұргүл Ақсақалова және «Құранға қызмет» қорының қалалық жетекшісі Бақдәулет Ақназар құттықтау сөз сөйлеп, ардагерлерге ізгі тілектерін жеткізді.Кеш аясында «Аман ба?», «Ләйлім», «Өзгеше биле» әндері орындалып, «Адай» күйі күмбірледі. Сонымен қатар домбырадан төгілген күйлер, термелер мен ұлттық билер ұсынылып, жас өнерпаздар қарттарға рухани сый тарту етті. Әсіресе, «Құдаша биі» кештің сәнін келтіріп, көрерменге көтеріңкі көңіл-күй сыйлады.Шара соңында ардагерлерге сый-сияпаттар табысталып, қарттар мен жастар бірге өнер көрсетіп, мерекенің мазмұнын байыта түсті. Ұйымдастырушылардың айтуынша, қарттарға құрмет көрсету – халықтың қастерлі дәстүрі, ал олардың ақ батасы мен өмірлік өнегесі – жас ұрпақ үшін баға жетпес қазына.

Қарияға құрмет – ұрпаққа өнеге

<a href="https://kyzylorda-news.kz/">Kyzylorda-news.kz</a> Қазақстан Қарттар күнін жыл сайын 1 қазанда атап өтеді. Айтулы күні қарияларға құрмет көрсетіп қана қоймай, оларға біржолғы өтемақы да берілмек. Дегенмен елдің әр аймағында зейнеткерлерге көрсетілетін қолдау әрқалай ұйымдастырылған. Мәселен, елорда зейнеткерлеріне бір реттік ақшалай көмек берілсе, Алматыда мұндай төлем қарастырылмаған. <a href="http://stan.kz/">Stan.kz</a> тілшісі басқа өңірлерде жағдай қалай екенін анықтап көрді.Астанада:Қарттар күніне орай астаналық зейнеткерлерге жергілікті әкімдік&nbsp;2,5 айлық есептік көрсеткіш (АЕК) – 9 830 теңге көлемінде біржолғы жәрдемақы беріледі. Бұл төлемді елорданың 100 мыңға жуық тұрғыны алмақ.Алматыда:&nbsp;Алматыда мұндай төлемдер қарастырылмаған. Қала билігінің мәліметінше, қарияларға қолдау көрсету жергілікті бюджет есебінен қаржыландырылатын 13 түрлі әлеуметтік қызмет арқылы жүзеге асырылады.Шымкентте:&nbsp;Ал Шымкент қаласында қарияларға біржолғы өтемақы қарастырылған. Мәселен:– 70 жасқа толған және одан асқан адамдарға 3 АЕК мөлшерінде (11 796 тг) бір реттік әлеуметтік көмек;&nbsp;– 80 жастан асқан жалғызілікті қарттарға 2 АЕК мөлшерінде (7 864 тг) ай сайынғы ақшалай төлем түріндегі әлеуметтік көмек беріледі.Атырау облысында:&nbsp;Атырау облысы әкімдігінің мәліметінше,&nbsp;мүгедектігі бар&nbsp;зейнеткерлерге қазан айында 7,5 АЕК (29 490 теңге) біржолғы әлеуметтік көмек төленеді. Бұл өңірде зейнеткерлер саны 71 956 адам екен.&nbsp;Ал 2023-2025 жылдап аралығында Теңізшевройл ЖШС-нің қолдауымен 300 жалғызілікті қарттар мен әлеуметтік қолдауды қажет ететін адамдар Атырау шипажайында ем қабылдаған.&nbsp;Ақтөбе облысында:&nbsp;Ал Ақтөбе облысында біржолғы өтемақы қарастырылмаған екен. Мұны облыс әкімдігі мәлімдеді.“Прокуратураның ұсынысымен біржолғы төлем Конституция күнінде берілген. Сондықтан зейнеткерлерге Қарттар күніне орай, төлем жоқ”, –&nbsp;делінген хабарламада.Дегенмен облыста мерекелік шаралар өтеді екен.Қарағанды облысында:Қарағанды облысында да қарттарға біржолғы өтемақы беріледі. Ол үшін жергілікті бюджет есебінен 1 миллиард теңгеден астам қаржы бөлінбек.Жергілікті билік мәліметінше, өңір бойынша 70 жастан асқан 51 648 адам біржолғы төлем алады.<blockquote>“Қарағанды, Балқаш, Приозерск, Саран, Теміртау қалаларында, Абай, Ақтоғай, Бұқар жырау, Қарқаралы, Нұра, Осакаров және Шет аудандарында зейнеткерлерге 20 мың теңгеден беріледі. Ал Шахтинск қаласында зейнеткерлердің жеке шоттарына 10 мың теңгеден аударылады.&nbsp;Теміртау мен Шет ауданында Қарттар күніне орай біржолғы материалдық көмек қазан айында төлене бастайды. Айта кетейік, Балқаш, Ақтоғай, Нұра және Осакаров аудандарында бұл төлем 70 жастан асқандарға қарастырылған. Ал өзге қала-аудандарда – 75 жастан бастап төленеді”, –&nbsp;делінген хабарламада.</blockquote>Сонымен қатар Қарағанды облысының барлық өңірінде демеушілік көмек есебінен азық-түлік себеттерін тарату, тегін дастарқан ұйымдастыру, тақырыптық шаралар өткізу сияқты қайырымдылық акциялары өтеді екен. Бұл көмектер негізінен үйде әлеуметтік қызмет көрсетілетін және қарттарға арналған орталықтарға баратын адамдарға берілмек.&nbsp;Маңғыстау облысында:Ал Маңғыстау облысы жұмыспен қамтуды үйлестіру және әлеуметтік бағдарламалар басқармасының мәліметінше, өңірде 70 жастан асқан зейнеткерлерге біржолғы материалдық көмек төленеді. Маңғыстау облысында мұндай санаттағы 24 307-ден астам адам бар екен.&nbsp;"Қарттар күніне орай аудандық және қалалық мәслихаттардың шешіміне сәйкес біржолғы әлеуметтік көмек тағайындалды. Төлем мөлшері – 15 000 теңге", – делінген хабарламада.Сондай-ақ басқарма мереке қарсаңында облыс бойынша түрлі мәдени-бұқаралық іс-шаралар ұйымдастырылатынын айтты.&nbsp;Фото: Pixabay.com

Қазақстанда қарттар күніне орай 29 мың теңгеге дейін бір реттік төлем беріледі

<a href="https://kyzylorda-news.kz/">Kyzylorda-news.kz</a> «Азаматтарға арналған үкімет» мемлекеттік корпорациясы халыққа қызмет көрсету орталықтарында дайын құжаттарды қажетті мекенжайға дейін жеткізу қызметін енгізді.Жаңа қызмет «Халыққа қызмет көрсету бөлімінің менеджері» пилоттық жобасы аясында іске қосылып, қазір Мемлекеттік корпорация фронт-офистерінде қолжетімді.Енді халыққа қызмет көрсету орталығында мемлекеттік қызметке өтініш берген азаматқа құжат дайын болған соң оны қажетті мекенжайға дейін жеткізу қызметі ұсынылады. Ол үшін бөлімшеде жеткізуге қажет деректерді көрсетіп, төлемді банк қосымшасы арқылы QR-кодпен жасау жеткілікті. Қызмет құны: Астана, Алматы және Шымкент қалаларында – 1990 теңге, ал облыстарда – 1000 теңге.Құжаттарды жеткізу 15 түрлі мемлекеттік қызмет бойынша жүргізіледі. Олардың қатарына туу туралы куәлікті, некені бұзу куәлігін алу, туу, некеге тұру, ажырасу, қайтыс болу туралы қайталама куәліктер мен архивтік анықтамаларды алу, білім туралы құжаттардың дубликаттары, азаматтық хал актілерінің жазбаларын қалпына келтіру және ресми құжаттарды апостильдеу кіреді.Бұл сервисті қызмет көрсету орталығында құжатқа өтініш бергеннен кейін ғана рәсімдеуге болады.Сонымен қатар, құжат дайын болған кезде қызмет алушыға 1414 нөмірінен бірегей коды бар SMS-хабарлама жіберіледі. Осылайша, курьер құжат алушыға хабарласып, жеткізудің нақты уақытын бекітеді. Құжатты жеткізу кезінде сәйкестендіру жеке куәлік пен кодты тексеру арқылы жүргізіледі.Жеткізудің мәртебесін «ЦОН» мобильді қосымшасынан (App Store/Google Play) «Құжаттарды жеткізу» бөлімінде бақылауға болады. Қосымшаға тіркелу ЖСН мен телефон нөмірі арқылы жүзеге асады.Ең бастысы, жаңа сервис азаматтарға құжаттарын ХҚКО-ға қайта бармай-ақ алу мүмкіндігін беріп, қызметтің қолайлылығын күшейтеді әрі деректердің құпия сақталуын қамтамасыз етеді.

Мемлекеттік корпорация құжаттарды жеткізу қызметін енгізді

<a href="https://kyzylorda-news.kz/">Kyzylorda-news.kz</a> Бүгін Алматы облысы Тарғап ауылы тұсындағы кемпинг-алаңда ауқымды экологиялық бастама – «Taza Qazaqstan» road-эстафетасының ашылу салтанаты өтті. Бір аптаға жалғасатын ауқымды іс-шара барысында қатысушылар Алматы, Шымкент қалалары және Жамбыл, Түркістан, Қызылорда облыстары арқылы мың шақырымнан астам жолды еңсереді. Жобаға «Жастар Рухы» жастар қанатының мыңдаған белсендісі мен жергілікті тұрғындар атсалысады. Акцияның басты мақсаты – қоғамда жаңа экологиялық мәдениет қалыптастыру, табиғат пен тарихи мұраға құрметпен қарау және азаматтардың қоршаған орта алдындағы жауапкершілігін арттыру.«AMANAT» партиясының Атқарушы хатшысы&nbsp;Дәулет Кәрібек&nbsp;өз сөзінде жаһандық ғылыми қауымдастық ондаған жылдан бері климаттың өзгеруі, су тапшылығы, ауаның ластануы, орман өрті, топырақтың құнарсыздануы сияқты экологиялық апат қаупі туралы дабыл қағып келе жатқанын атап өтті. Алайда қоршаған ортаны қорғауда тек мемлекет күшінің жеткіліксіз екені айқын, бұл – әрбір азаматтың міндеті. Сондықтан «AMANAT» партиясы road-эстафета арқылы әр қазақстандықтың табиғат пен тарихи мұраны қорғауға үлес қоса алатынын, ал бірлесіп әрекет етсек, экологиялық апаттың алдын алып, елді болашақ ұрпақ үшін жасыл әрі қауіпсіз етіп сақтай алатынымызды көрсетеді.<blockquote>«Мемлекет басшысы Қасым-Жомарт Тоқаев атап өткендей, «Таза Қазақстан» бұл – бір күндік науқан емес, бұл – біздің өмір салтымыз, сондықтан тазалық әр адамнан, әр үйден, әрбір көше мен әр қаладан басталуы керек. Осы сөздер біздің идеялық тұғырнамамызға айналды. Қоғамда табиғатқа, тарих пен мәдениетке, жалпы қоршаған ортаға ұқыпты қарау әдетін орнықтыру қажет. Жастардың бойына нағыз экологиялық патриотизмді сіңіріп, жауапты мінез-құлық қалыптастыру – біздің басты мақсатымыз», – деді ол.</blockquote>Ұйымдастырушылардың айтуынша, эстафета аясында тек қоқыс жинау ғана емес, депутаттардың халықпен кездесулері, жастарға арналған open-air іс-шаралары, қоғамдық қабылдаулар және таза ауада «Чемпиондық рух» жаттығулары өтеді. Сонымен қатар «Вандализмге жол жоқ!» жобасы шеңберінде «Тұлғалар тұғыры» мемориалдық кешені, «Ақыртас» сарай кешені, «Бірлік» монументі және ежелгі Сауран қалашығы сияқты тарихи нысандар тазартылып, абаттандырылады. Осылайша road-эстафета табиғатты қорғау, мәдени мұраны сақтау және экологиялық патриотизмді қалыптастыру міндеттерін тоғыстырады.<blockquote>«Бұған қоса, акциямыз мәдени-ағартушылық миссиясын да атқарады. Жастар мұндай жұмыстар арқылы тарихты тереңірек танып қана қоймай, табиғат пен мәдени мұраға құрметпен қарауды үйренеді. Себебі кез келген ескерткішті бүлдіру – халықтың тарихи жадына қастандық жасаумен тең. Осыдан екі жыл бұрын «Жастар Рухы» жастар қанаты вандализмге қарсы қоғамдық петицияны қолдаған болатын. Кейін сол бастама вандализмге қарсы жауапкершілікті күшейтетін заңның негізіне айналып, оған өткен жылы Мемлекет басшысы қол қойды»,&nbsp;– деді «Жастар Рухы» төрағасы&nbsp;Ақерке Искандерова.</blockquote>Өз кезегінде Мәжіліс депутаты, «AMANAT» партиясы фракциясының мүшесі&nbsp;Никита Шаталов&nbsp;Президенттің «Таза Қазақстан» бастамасы аясындағы экологиялық эстафетаның қоғамдық маңызына тоқталды.«Бұл эстафетаға депутаттар да, жастар да, волонтерлер мен жергілікті қауым өкілдері де бірдей атсалысуда. Барлығының мақсаты – табиғаттың тазалығын сақтау, тарихи-мәдени мұраны қорғау. Осындай игі бастамалар жаңа экологиялық мәдениетті қалыптастырып, ел ішінде патриотизм мен ауызбіршілікті арттыра түседі. Бұл – әрбір азаматты елдің келешегіне жауапкершілікпен қарауға үндейтін қозғалыс»,&nbsp;– деді халық қалаулысы.Акция аясында белсенділер мен волонтерлер жол жиегін, автотұрақтар мен кемпинг аумақтарын тазалайды. Жұмыс квадрокоптерлер арқылы жүргізілген аэробарлау деректеріне сүйене отырып ұйымдастырылады. Жиналған қоқыс полигондарға жеткізіледі.<blockquote>«Қазақстан – ұлан-ғайыр даласы бар, табиғаты әр алуан мемлекет. Кең байтақ жері мен қайталанбас табиғатымен таңғалдыратын ел. Бірақ осынау кең көсілген байтақ жерімізде қоқыс үйінділері көзге түсіп, әсем табиғаттың ажарын кетіріп жатады. Өткен жылы «Жастар Рухы» жастар қанатының 2 мыңнан астам белсендісі мен жақтастары Астанадан Алматыға дейінгі 1200 шақырымдық жолды жүріп өтіп, 100 тонна қоқыс жинады. Биылғы міндет – тек қоқыс жинап қана қоймай, оны сұрыптап, елдің экологиялық мәдениетін дамытуға үлес қосу. Бұл игі іске әр қазақстандық үлес қоса алады. Республикамызды бірге таза әрі жайлы мекенге айналдырайық»,&nbsp;– деді «Қоғамды экологиялық дамыту орталығы» қоғамдық қорының жетекшісі&nbsp;Танир Ясса.</blockquote>Айта кетейік, «Таза бейсенбі» акциясы аясында «AMANAT» партиясының мүшелері мен «Жастар Рухы» белсенділері бір жарым жылға жетпейтін уақытта 1000-нан астам ластанған аумақты тазартып, абаттандырды. Іс-шараларға 90 мыңға жуық адам қатысып, 160 мың тоннадан астам қоқыс шығарылды.<img src="https://knadmin.beoblood.kz/uploads/img_2729_2a0bac2a42.webp" alt="img_2729.webp">Экологиялық мәселелерді шешу – «AMANAT» партиясының сайлауалды бағдарламасындағы маңызды басымдықтардың бірі. 2027 жылға дейін тұрмыстық қатты қалдықтарды қайта өңдеу және кәдеге жарату үлесін 36%-ға дейін арттыру, Жайық өзенінің экожүйесін қалпына келтіру, Балқаш көліне тұрақты су ағынын қамтамасыз ету, ауа сапасының индексін енгізу, кәсіпорындардың ластаушы заттар шығарындыларын 40%-ға дейін төмендету, сондай-ақ 14 жаңа су қоймасын салу және қолданыстағы 16 қойманы қайта жаңғырту жоспарланған.<img src="https://knadmin.beoblood.kz/uploads/img_2731_1_1d9cd448af.webp" alt="img_2731-1.webp">

«Taza Qazaqstan»: «AMANAT» партиясы Алматыдан Қызылордаға дейінгі road-эстафета бастады

<a href="https://kyzylorda-news.kz/">Kyzylorda-news.kz</a> 30 қыркүйек күні көптен күткен “Қайрат” –&nbsp;“Реал Мадрид”&nbsp;ойынынан кейін Алматы әкімдігі ұйымдастырған 60 автобус жанкүйерлерді тасымалдайды.&nbsp;Бұл туралы&nbsp;<a href="https://stan.kz/">Stan.kz</a>&nbsp;ақпарат агенттігі хабарлады.&nbsp;Алматы әкімдігі Орталық стадион испаниялық команданы қабылдауға дайын екенін мәлімдеді. Алаң халықаралық стандарттарға сай, жарық беру жүйесі мен инфрақұрылым тексерілді. Төрешілер мен ойыншыларға барлық жағдай жасалған, киім ауыстыратын бөлмелер жабдықталып, спортшылардың жайлылығы үшін қажеттіліктермен қамтамасыз етілген.“Стадионның ішкі безендірілуіне ерекше көңіл бөлінді: трибуналар жаңартылды, стадион сәулетіне сай жаңа көркем суреттер жасалды. Көрермендерге ыңғайлы болу үшін 1,5 мыңнан астам орындық ауыстырылды, санитарлық тораптар жаңартылып, қосымша 60 биодәретхана орнатылды”, - делінген хабарламада.Матч аяқталған соң жанкүйерлердің үйлеріне жайлы жетуі үшін 60 автобус ұйымдастырылады. Олар Абай, Сәтбаев және Байтұрсынұлы көшелерімен жүріп,&nbsp;алты бағытта қатынайды:Орталық стадион – "Алматы Арена" – батыс бағыты;Орталық стадион – Райымбек/Алатау – батыс бағыты;Орталық стадион – Алматы-1 теміржол вокзалы;Орталық стадион – "Орбита" шағын ауданы;Орталық стадион – "Жұлдыз" шағын ауданы – шығыс бағыты;Орталық стадион – әуежай – шығыс бағыты.Қоғамдық тәртіп пен қауіпсіздікті қамтамасыз ету үшін матч кезінде Алматы қалалық полиция департаментінің 2382 қызметкері жұмылдырылады.Сондай-ақ&nbsp;әкімдіктің дерегінше, қала метросының жұмысы түнгі сағат 01:00-ге дейін ұзартылады. “Байқоңыр”&nbsp;және “М. Әуезов атындағы театр”&nbsp;бекеттерінде матч өткізу кезінде жолаушыларды қауіпсіз&nbsp; тасымалдау және сапалы қызмет көрсету үшін қызметкерлер саны&nbsp;күшейтіледі.Фото: Алматы әкімдігі

"Қайрат" пен "Реал Мадрид" матчынан кейін Алматыда автобустар жанкүйерлерді тегін тасымалдайды

<a href="https://kyzylorda-news.kz/">Kyzylorda-news.kz</a> “Реал Мадридтің” жұлдыз ойыншысы Мбаппе Орталық стадионда ерекше жанкүйерімен кездесті. Бұл туралы <a href="https://stan.kz/news-424049/">Stan.kz</a> ақпарат агенттігі хабарлайды.“Қайрат” клубының басшысы Қайрат Боранбаев Реал Мадрид ойыншыларының Орталық стадиондағы жаттығуына Санжар есімді Мбаппенің кішкентай жанкүйерін шақырғанын мәлімдеді.“Бүгін өзінің сүйікті командасын, әсіресе Килиан Мбаппені көруді көптен бері армандаған Санжарды Реал Мадрид жаттығуына шақырдым. Санжар өзінің кумирімен кездесіп қана қоймай, бүкіл командамен көрісті: ойыншылар оны жылы қарсы алып, суретке түсіп, қолтаңба берді”, – делінген жазбада.Мбаппе Санжармен қол алысып, бірге суретке түсіп, қолтаңбасын берді. Видеодан Реалдың барлық ойыншылары мен бапкерлері де Санжарға келіп суретке түсіп, қолтаңба бергенін көруге болады.Фото: Видеодан скрин

"Реал Мадрид" ойыншысы Мбаппе Алматыда ерекше жанкүйерімен кездесті

<a href="https://kyzylorda-news.kz/">Kyzylorda-news.kz</a> “AMANAT” партиясының “Бақытты отбасы” жобасы аясында елді мекендерде жылу маусымына байланысты тұрғын үйлерге профилактикалық шаралар жүргізілуде.&nbsp;Шараның негізгі мақсаты – халық арасында өрт қауіпсіздігі ережелерін түсіндіріп, төтенше жағдайлардың алдын алу. Жыл сайын қысқы маусымда пеш жағу, электр құралдарын шамадан тыс пайдалану, газ жүйелерін дұрыс қадағаламау салдарынан тұрмыстық өрт оқиғалары жиілеп кететіні белгілі. Осыны ескерген мамандар тұрғын үйлерді аралап, жылыту жүйелерінің жағдайын тексеріп, қауіпсіздік талаптарын түсіндірді.&nbsp;Әсіресе, көпқабатты үйлер мен жеке секторда орналасқан баспаналар назарға алынды. Профилактикалық шара барысында әр отбасыға өрт қауіпсіздігі жөніндегі жадынамалар үлестірілді. Азаматтарға пештің мұржасын уақытылы тазалау, электр сымдарын артық жүктемеуге тырысу, газ плиталары мен жылытқыш құралдарын қараусыз қалдырмау жөнінде кеңестер берілді. Сонымен қатар, тұрғындарға балаларды қараусыз қалдырмаудың және төтенше жағдай болған жағдайда дереу құтқару қызметіне хабарласудың маңыздылығы түсіндірілді.

Тұрғын үйлерге профилактикалық шаралар жүргізілді

<a href="https://kyzylorda-news.kz/">Kyzylorda-news.kz</a> Партияның қалалық филиалының депутаттық фракция отырысы өтті. &nbsp;Жиында «AMANAT» партиясының 2023-2027 жылдарға арналған «Халықпен бірге!» Сайлауалды бағдарламасы аясындағы Жол картасының Қызылорда қаласында орындалуы талқыланды.&nbsp;Басқосуда қала әкімінің орынбасары Арнұр Нұрмағамбетов Жол картасының 8 айлық қортындысы бойынша баяндама жасады.&nbsp;«АМАNАТ» партиясының өңірлік сайлауалды бағдарламасын іске асыру жөніндегі Жол картасында облыс бойынша барлығы 122 іс-шара қамтылған, оның ішінде Қызылорда қаласы бойынша 2025 жылы 41 іс-шараның орындалуы жүзеге асырылуда. Өңірде кәсіпкерлікті қолдау шаралары нәтижесінде 6 мыңнан астам жаңа жұмыс орны ашылды. «Ауыл аманаты» жобасы арқылы 238,8 млн теңгеге 34 жоба қаржыландырылып, ауыл шаруашылығында өнім көлемі 4,7 млрд теңгеге жетті. Сондай-ақ заңсыз берілген 716 гектар жайылым жер мемлекет меншігіне қайтарылды.Тұрғын үй құрылысы қарқынды жүргізілуде – 348 мың шаршы метр үй пайдалануға берілді. Қала мен ауылдық округтерде жол жөндеу жұмыстары күшейіп, жергілікті маңызы бар жолдардың сапасы 100%-ға жеткізілді. Сонымен қатар, ауыз сумен қамту толық шешімін тапты, газдандыру деңгейі 61,5%-ға жетті.Мүгедектігі бар азаматтарды жұмысқа орналастыру, жастар тәжірибесін ұйымдастыру, кәсіптік оқыту курстарын өткізу сияқты шаралар нәтижесінде мыңдаған жас жұмыспен қамтылды. Жастар арасындағы жұмыссыздық деңгейі 3,1%-ға дейін төмендеді.Қалдықтарды қайта өңдеу үлесі 46,7%-ды құрады. Қала аумағында 675 контейнер орнатылып, абаттандыру мен көгалдандыруға 2,1 млрд теңге бөлінді.Жалпы, жыл басынан бергі жұмыс нәтижесінде Қызылорда қаласында партияның Жол картасының орындалу көрсеткіші 36,6%-ды құрап отыр. Жыл соңына дейін барлық іс-шараны толық орындау жоспарлануда.Басқосуда фракция мүшелері қала әкімінің орынбасарына сұрақтар қойып, сайлау аумағына қатысты мәселелер бойынша пікір алмасты.

Сайлауалды бағдарламаның орындалуын  талқылады

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың қатысуымен сегізінші шақырылған аудандық мәслихаттың кезекті 37 сессиясы өтті.Оған аудандық мәслихат төрағасы Б.Төрахметов төрағалық етіп, күн тәртібіндегі мәселелерді ортаға салды. Сессияда алдымен аудан халқын ауыз сумен қамту жұмыстары туралы және аудандағы әлеуметтік нысандардың жылу беру маусымына дайындығы туралы аудан әкімінің орынбасары Ш.Есжанов хабарлама жасады.Мұнан соң аудандық мәслихат төрағасы Б.Төрахметов «Арал ауданы көлемінде құрылған №№1-55 және №388 учаскелік сайлау комиссияларын сайлау туралы» Арал аудандық мәслихатының 2023 жылғы 22 желтоқсандағы №175 шешіміне өзгерістер енгізу туралы және Арал аудандық мәслихатының депутаты Ш.Жангушикованың депутаттық өкілеттігін тоқтату туралы қысқаша хабарлады.Жиын барысында аудан әкімі Аманжол Сақыпұлы жыл көлемінде ауданда атқарылған жұмыстарға қысқаша тоқталып, алдағы міндеттерді нақтылады. Ортақ мүдде жолындағы барлық істе халық қалаулылары да бірге болып, ел игілігіне қызмет етуге шақырды.

Қазақстан және Қызылорда облысының жаңалықтары