<a href="https://kyzylorda-news.kz/">Kyzylorda-news.kz</a> Қызылорда облысында жол қауіпсіздігін қамтамасыз ету және полиция қызметін цифрландыру бағытындағы жұмыстар оң нәтиже беруде. Бұл туралы Өңірлік коммуникациялар қызметінде өткен баспасөз конференциясында облыстық Полиция департаменті басшысының бірінші орынбасары Серік Тоқтыбаев баяндады.Алты айдың қорытындысында облыста жол-көлік оқиғалары 6,4 пайызға азайған. Жол қауіпсіздігін күшейту мақсатында полиция қызметкерлері өрескел құқық бұзушылықтарды анықтау жұмыстарын жандандырған. Нәтижесінде 174 мыңнан астам жол қозғалысы ережесін бұзу дерегі анықталып, оның жартысынан астамы жол апатына тікелей әсер ететін құқық бұзушылықтар болған.Полиция қызметін цифрландыру бағытындағы жұмыстар да қарқын алған. Облыстағы барлық аудандық полиция бөлімдері Жедел басқару орталықтарымен қамтылып, бейнебақылау жүйелері мен автоматтандырылған бақылау құралдары іске қосылып отыр. Бет-әлпетті тану функциясы енгізілген камералардың көмегімен 53 мыңнан астам әкімшілік құқық бұзушылық анықталған.&nbsp;<blockquote>«Балалардың қауіпсіздігін күшейту үшін білім беру ұйымдарындағы 14 мыңнан астам бейнекамера полицияның Жедел басқару орталықтарына қосылған. Сонымен қатар облыс орталығында SOS дабыл батырмалары, «102» мобильді қосымшасы және ұшқышсыз ұшу аппараттары тұрақты режимде жұмыс істеп тұр. Заманауи технологиялар полиция жұмысының тиімділігін едәуір арттырды. Бейнебақылау жүйелері, жасанды интеллект элементтері мен дрондарды пайдалану қоғамдық қауіпсіздікті қамтамасыз етудің жаңа мүмкіндіктерін қалыптастыруда», – деді Серік Тоқтыбаев.</blockquote><img class="image_resized" style="width:100%;" src="https://knadmin.beoblood.kz/uploads/kriminogennaya_situacziya_v_Kyzylordinskoj_oblasti_ostaetsya_stabilnoj_d009a28eba.jpg" alt="криминогенная ситуация в Кызылординской области остается стабильной.jpg">Сурет: pixabay.com

Цифрлық технологиялар қоғамдық қауіпсіздікті нығайтуға үлес қосуда

<a href="https://kyzylorda-news.kz/">Kyzylorda-news.kz</a> Әлеуметтік медициналық сақтандыру қорының Қызылорда облысы бойынша филиалы медициналық сақтандыруға қатысты жиі қойылатын сұрақтарды ұсынды.Учаскелік дәрігердің жолдамасынсыз бейінді мамандарға қаралуға бола ма?Иә, кейбір жағдайларда бейінді маманға алғашқы буын дәрігерінің жолдамасынсыз жазылуға болады (Қазақстан Республикасы Денсаулық сақтау министрінің 2022 жылғы 27 сәуірдегі № ҚР ДСМ-37 бұйрығымен бекітілген амбулаториялық жағдайдағы мамандандырылған медициналық көмекті көрсету қағидаларының 12-тармағына сәйкес):<ul><li>шұғыл жағдайлар және жарақат алу;</li><li>стоматологиялық көмек алу үшін жекелеген санаттағы пациенттердің жүгінуі;</li><li>дерматовенерологиялық бағыттағы ауруларға байланысты бейінді маманға жүгіну;</li><li>акушер-гинекологқа (жүктілік есебіне қоюдан басқа жағдайларда) және тіркелген жері бойынша психологқа жүгіну;</li><li>онкологиялық және гематологиялық бейіндегі ауруларға күдік туындаған жағдайда бейінді маманға жүгіну;</li><li>жастар денсаулық орталықтарына жүгіну (өз еркімен);</li><li>динамикалық бақылауда тұрған пациенттің бейінді маманға жүгінуі;</li><li>бір жағдай аясында бейінді маманның қайта қабылдауы, сондай-ақ жаңа түзіліске күдік туындаған жағдайда;</li><li>көшпелі медициналық кешендер мен медициналық пойыздар қызметін алу.</li></ul>МӘМС жүйесінде сақтандыру мәртебесі жоқ адамға еңбекке жарамсыздық парағын рәсімдеуге бола ма?Егер пациенттің еңбекке жарамсыздығын анықтау немесе растау үшін МӘМС жүйесінде медициналық қызмет көрсету талап етілмесе, онда еңбекке жарамсыздық парағын ТМККК шеңберінде рәсімдеуге болады.&nbsp;Мысалы, сақтандырылмаған науқаста ЖРВИ белгілері пайда болып, ол фильтр кабинетіне немесе учаскелік дәрігерге қабылдауға жүгінді делік. Егер диагнозды белгілеу үшін арнайы маманға жолдама немесе МӘМС пакетіне кіретін диагностикалық зерттеулер талап етілмесе, онда пациентке учаскелік дәрігер еңбекке жарамсыздық парағын бере алады.&nbsp;Алайда, егер емдеуді одан әрі жалғастыру немесе қосымша зерттеулер жүргізу үшін міндетті медициналық сақтандыру тізіміне енгізілген медициналық қызметтерді алу қажет болса, онда мұндай пациентке міндетті медициналық сақтандыру жүйесінде сақтандыру мәртебесін алу қажет болмайды.МӘМС-ке жарналарды Қазақстан Республикасынан тыс жерлерге кеткен Қазақстан Республикасының азаматтары төлей ме?Қазақстан Республикасы Конституциясының 38-бабына сәйкес заңды түрде белгіленген салықтарды, алымдарды және өзге де міндетті төлемдерді төлеу әрбір азаматтың борышы мен міндеті болып табылады.«Міндетті әлеуметтік медициналық сақтандыру туралы» Қазақстан Республикасы Заңының (бұдан әрі–МӘМС туралы Заң) 4-бабына сәйкес МӘМС жүйесінің негізгі қағидаттары мемлекеттің, жұмыс берушілердің және азаматтардың денсаулықты қорғау жөніндегі ортақ жауапкершілігі және аударымдар мен (немесе) жарналарды төлеу міндеттілігі болып табылады.МӘМС туралы Заңның 14 – бабы 2-тармағының 9) тармақшасына сәйкес жарналарды өз бетінше төлейтін адамдар, оның ішінде Қазақстан Республикасынан тыс жерге кеткен Қазақстан Республикасының азаматтары (бұдан әрі-дербес төлеушілер) жарналарды төлеушілер болып табылады.&nbsp;Осылайша, Қазақстан Республикасынан тыс жерлерге шыққан Қазақстан Республикасының азаматы МӘМС жарналарын төлеуге міндетті. Көрсетілген кезеңді дербес төлеуші ретінде әр ай үшін 4250 теңге сомасында төлеу қажет (дербес төлеуші ретінде жалдамалы қызметкерлерден, жеке кәсіпкерлерден, жеке практикамен айналысатын адамдардан, жеке көмекшілерден, жеңілдікті санатқа кіретін адамдардан басқа жеке тұлғалар төлейді).Сурет: freepik.com

Медициналық сақтандыру туралы сұрақтар

<a href="https://kyzylorda-news.kz/">Kyzylorda-news.kz</a> Қызылорда облысында интернет-алаяқтықтың алдын алу және жасөспірімдер арасындағы құқық бұзушылықтың жолын кесу бағытындағы жұмыстар жүйелі жалғасуда. Бұл туралы Өңірлік коммуникациялар қызметінде өткен баспасөз конференциясында облыстық Полиция департаменті басшысының бірінші орынбасары Серік Тоқтыбаев мәлімдеді.<blockquote>"Ұлттық Банктің «Антифрод» жүйесіне 1493 күмәнді операция енгізіліп, 5 млн теңгеден астам қаражат бұғатталды. Оның 1,2 млн теңгеден астамы жәбірленушілерге қайтарылып, қалған қаражатты өндіріп беру жұмыстары жалғасуда. Интернет кеңістігіндегі қауіптердің алдын алу мақсатында әлеуметтік желілерде 765 бейнеролик жарияланып, жаңа заң талаптары кеңінен түсіндірілуде", - деді Серік Әбдімәуленұлы.</blockquote>Жыл басынан бері облыста интернет-алаяқтықтың 211 дерегі тіркеліп, өткен жылмен салыстырғанда 3,2 пайызға төмендеген. Аталған қылмыстарды ашу көрсеткіші 50 пайызға дейін өскен. Сонымен бірге «дропперлердің» заңсыз әрекеттеріне қатысты 17 қылмыстық іс тіркеліп, олардың 11-і сотқа жіберілді.<blockquote>«Интернет-алаяқтыққа қарсы күресте тұрғындардың құқықтық сауаттылығы өте маңызды. Азаматтар белгісіз адамдарға жеке деректерін бермей, күмәнді сілтемелерге өтпеуі қажет. Ал балалардың қауіпсіздігі – ата-ана, мектеп және полицияның ортақ жауапкершілігі», – деді Серік Тоқтыбаев.</blockquote>Жасөспірімдер арасындағы құқық бұзушылықтың алдын алу бағытында да кешенді шаралар қабылданған. «Жасөспірім», «Демалыс», «Түнгі қаладағы балалар» іс-шаралары ұйымдастырылып, күнделікті рейдтер өткізілді. Нәтижесінде 6957 құқық бұзушылық анықталып, қараусыз жүрген 155 жасөспірім бейімдеу орталығына орналастырылды. Сонымен қатар ата-аналардың жауапкершілігін арттыру мақсатында 791 әкімшілік хаттама рәсімделді.Спикердің айтуынша, құқық бұзушылықтың алдын алуда мемлекеттік органдар, білім беру ұйымдары мен қоғам өкілдерінің бірлескен жұмысы алдағы уақытта да жалғасады.

Интернет-алаяқтықпен күрес күшейтіліп, жасөспірімдер қауіпсіздігі бақылауға алынды

<a href="https://kyzylorda-news.kz/">Kyzylorda-news.kz</a> Қызылорда облысының аумағында «Заң мен Тәртіп» қағидаты аясында жол-көлік оқиғаларының алдын алу, жол қозғалысы ережелерін өрескел бұзу фактілерінің жолын кесу және жол қозғалысына қатысушылардың құқықтық мәдениетін арттыру мақсатында «Қауіпсіз жол» жедел-профилактикалық іс-шарасы өткізілуде.Іс-шара аясында Қызылорда облысы Полиция департаменті «Жолда қабылдау» акциясын ұйымдастырып, жүргізушілермен тікелей кездесулер өткізді. Акция барысында жол қауіпсіздігін қамтамасыз ету, заң талаптарын түсіндіру және азаматтардың сұрақтарына жауап беру жұмыстары жүргізілді.Шараға Қызылорда облысы Полиция департаменті бастығының орынбасары, полиция полковнигі Ермахан Абдраманов қатысып, жүргізушілерді жол қозғалысы ережелерін қатаң сақтауға шақырды.Жедел-профилактикалық іс-шара барысында барлығы 1250 әкімшілік құқық бұзушылық анықталды.&nbsp;Оның ішінде:<ul><li style="text-align:justify;">мас күйінде көлік басқару – 12;</li><li style="text-align:justify;">қарсы бағытқа шығу – 9;</li><li style="text-align:justify;">жаяу жүргіншілер жолағынан өтпеу – 250;</li><li style="text-align:justify;">бағдаршамның тыйым салынған белгісінен өту – 34;</li><li style="text-align:justify;">қауіпсіздік белдігін тақпау – 331;</li><li style="text-align:justify;">көлік құралын басқару кезінде ұялы телефон пайдалану – 141 дерек.</li></ul>Сонымен қатар:<ul><li style="text-align:justify;">міндетті сақтандыру туралы заңнаманы бұзу – 41 (оның ішінде такси – 18);</li><li style="text-align:justify;">қоғамдық орындарда тиісу – 217;</li><li style="text-align:justify;">заңсыз жолаушы тасымалдау – 8 (барлығы такси);</li><li style="text-align:justify;">жолаушыларды тасымалдау қағидаларын бұзу – 106;</li><li style="text-align:justify;">тіркелмеген немесе мемлекеттік тіркеу нөмірлік белгісі жоқ көлік құралын басқару – 33;</li><li style="text-align:justify;">жалған немесе көрінеу жалған мемлекеттік тіркеу нөмірлік белгісі бар көлік құралын басқару – 5;</li><li style="text-align:justify;">көлік құралын заңсыз қайта жабдықтау – 26;</li><li style="text-align:justify;">медициналық қарап-тексеруден өтпеу – 3;</li><li style="text-align:justify;">міндетті техникалық қарап-тексеруден өтпеген көлік құралын пайдалану – 63;</li><li style="text-align:justify;">маневр жасау қағидаларын бұзу – 54;</li><li style="text-align:justify;">жаяу жүргіншіге жол бермеу – 44;</li><li style="text-align:justify;">авариялық жағдай туғызу – 14;</li><li style="text-align:justify;">көлік құралын басқару құқығы жоқ жүргізушінің басқаруы – 49 (оның ішінде мопед – 4);</li><li style="text-align:justify;">көлік құралын басқару құқығынан айырылған жүргізушінің қайта көлік басқаруы – 7;</li><li style="text-align:justify;">техникалық ақауы бар көлік құралын пайдалануға шығару – 9;</li><li style="text-align:justify;">көлік құралын басқару құқығы жоқ немесе одан айырылған тұлғаны көлік жүргізуге жіберу – 2 дерек.</li></ul>Қызылорда облысы Полиция департаменті бастығының орынбасары, полиция полковнигі Ермахан Абдраманов өз сөзінде:<blockquote>«Жол қауіпсіздігін тек әкімшілік жауапкершілікке тарту арқылы қамтамасыз ету мүмкін емес. Басты мақсатымыз – азаматтардың өмірі мен денсаулығын сақтау және олардың қауіпсіздігін қамтамасыз ету. Осыған байланысты барлық жүргізушілерді жол қозғалысы ережелерін қатаң сақтауға шақырамыз», – деді.</blockquote>Қызылорда облысының Полиция департаменті барлық жол қозғалысына қатысушыларды заң талаптарын бұлжытпай орындауға, өзара сыйластық танытуға және жолдағы қауіпсіздікке жауапкершілікпен қарауға шақырады.<img src="https://knadmin.beoblood.kz/uploads/Whats_App_Image_2026_07_16_at_09_19_54_ee15b014ff.jpeg" alt="Қауіпсіз жол.jpeg">

«Қауіпсіз жол»: Қызылорда облысында жол қауіпсіздігін қамтамасыз ету бағытындағы жұмыстар күшейді

<a href="https://kyzylorda-news.kz/">Kyzylorda-news.kz</a> Бас Прокурор прокуратура органдарының ардагерлерімен «Заң мен Тәртіп» қағидатын іске асыру және жастарды тәрбиелеу мәселелерін талқыладыСалтанатты кездесу прокуратура органдарының әр буын өкілдерін біріктіріп, «Заң мен Тәртіп» идеологиясын одан әрі ілгерілету, заңдылықты нығайту, жастарға патриоттық тәрбие беру және ұрпақтар сабақтастығын сақтау мәселелерін талқылауға арналды.Іс-шараны ашқан Бас Прокурор Берік Асылов прокуратура органдары Мемлекет басшысының Әділетті Қазақстан құру жөніндегі бағытын дәйекті түрде іске асырып келе жатқанын атап өтті. Бұл бағытта заң үстемдігі, азаматтардың құқықтарын қорғау, қоғамдық диалогты дамыту және «Заң мен Тәртіп» қағидаты мемлекеттік саясаттың негізгі бағдарлары болып табылады.Ол бұл құндылықтардың жаңа Конституцияда бекітілгенін және Президент оларды мемлекеттің орнықты дамуы мен азаматтардың мемлекетке деген сенімін нығайтудың негізі ретінде айқындағанын айтты.Кездесуде Мемлекет басшысының прокуратура органдарының алдына қойған стратегиялық міндеттердің іске асырылуына ерекше назар аударылды.Бүгінде мемлекетке заңсыз шығарылған 1,3 триллион теңге көлеміндегі активтер қайтарылды. Осы қаражат есебінен 350 әлеуметтік нысанның құрылысы аяқталды. Оның ішінде 179 сумен жабдықтау нысаны, 159 денсаулық сақтау мекемесі, 6 білім беру нысаны, 3 спорт нысаны, 2 инженерлік инфрақұрылымның нысаны және 1 көлік инфра құрылымының нысаны бар.<blockquote>«Қазынаға қайтарылған әрбір теңге – нақты адамдар сезінетін әділдіктің қалпына келуі. Бұл – жаңа мектептерде білім алып жатқан балалар, қауіпсіз әрі жайлы жағдайда өмір сүріп жатқан отбасылар», – деп атап өтті Берік Асылов.</blockquote>Сонымен қатар прокурорлар жаңа өндірістерді іске қосуға, жұмыс орындарын ашуға және экономикалық өсудің жаңа нүктелерін қалыптастыруға бағытталған 3 мыңнан астам инвестициялық жобаны сүйемелдеуде. Тек биылдың өзінде олардың үйлестіруімен 42 жаңа өндіріс іске қосылып, шамамен 3 мың жұмыс орны құрылды.Құқықтық мәдениетті қалыптастыру мәселесіне тоқталған қадағалау органының басшысы прокуратура органдары ардагерлерінің жас ұрпақты тәрбиелеудегі және «Заң мен Тәртіп» идеологиясын ілгерілетудегі маңызды рөлін атап өтті.Прокуратураның бастамасымен және Мемлекет басшысының қолдауымен мектептер мен колледждерде «Заң мен Тәртіп» пәні енгізілді. Талғар ауданындағы бірқатар орта білім беру ұйымдарында прокуратура мен полиция ардагерлерінің қатысуымен 8 мыңнан астам оқушыны қамтыған пилоттық жоба жасөспірімдер қылмысының (7-ден 0-ге дейін) және әкімшілік құқықбұзушылықтардың (135-тен 89-ға дейін) төмендегенін көрсетті.Бүгінде республика бойынша құқық қорғау және арнаулы органдардың 317 ардагері жастармен кездесулер мен дәрістер өткізіп, аталған қағидатты, сондай-ақ «Адал азамат» пен «Таза Қазақстан» бастамаларын түсіндіріп, Конституцияға, заңға және патриоттық құндылықтарға құрметті қалыптастыруға үлес қосуда.Берік Асылов Мемлекет басшысының: отаншылдық дегеніміз – әрине, Отанға деген сүйіспеншілік қана емес, сонымен қатар азаматтық жауапкершілік пен өзеліңе пайдалы болуға ұмтылыс деген сөзін еске салды.Бас Прокурор ардагерлерге арнап сөйлеген сөзінде оларды тәлімгерлік пен құқықтық ағарту жұмыстарына, заңдылық пен құқықтық тәртіпті нығайту ісіне белсенді қатысуды жалғастыруға шақырды. Сондай-ақ Бас прокуратура жанынан заңдылықты нығайту және жас ұрпақты тәрбиелеу мәселелерін тұрақты түрде талқылайтын алаң құруды ұсынды.Кездесуді қорытындылай келе, Берік Асылов ардагерлерді 13 шілдеде аталып өткен Прокуратура органдары ардагерлері күнімен құттықтады. Бұл күнді прокуратура органдарының құрметті демалысқа шыққан бұрынғы қызметкерлерінің мерекесі ретінде ардагерлер қауымдастығы айқындаған. Заңға адал әрі мінсіз қызметі және еліміздің құқықтық жүйесін дамытуға қосқан өлшеусіз үлесі үшін ардагерлерге алғысын білдірді.Салтанатты жағдайда оларға Бас Прокурордың ведомстволық наградалары, сондай-ақ Прокуратура органдары ардагерлері қоғамдық бірлестіктерінің республикалық одағының медальдары табыс етілді.<img src="https://knadmin.beoblood.kz/uploads/Whats_App_Image_2026_07_15_at_17_57_40_48935ce2c4.jpeg" alt="Бас прокурор кездесу.jpeg">

«Заң мен тәртіп» қағидатын іске асыру және жастарды тәрбиелеу мәселелері талқыланды

<a href="https://kyzylorda-news.kz/">Kyzylorda-news.kz</a> Қызылорда облысында қылмыстық құқық бұзушылықтар өткен жылдың сәйкес кезеңімен салыстырғанда 8,9 пайызға, ал қылмыстар саны 10 пайызға азайды. Ұрлық, пәтер ұрлығы, мал ұрлығы, интернет-алаяқтық, бұзақылық және қарақшылық секілді қылмыс түрлерінің төмендеуі профилактикалық жұмыстардың нәтижесін көрсетті. Бұл туралы Өңірлік коммуникациялар қызметінің ақпарат алаңында Қызылорда облысы Полиция департаменті басшысының бірінші орынбасары Серік Тоқтыбаев баяндады.Сонымен қатар қоғамдық орындарда, көшелерде, отбасылық-тұрмыстық қатынастар саласында, бұрын сотталғандар мен жасөспірімдердің қатысуымен жасалған қылмыстардың да саны азайды. Есепті кезеңде қарумен жасалған қылмыс тіркелмеген.<blockquote>"Қылмыстарды ашу деңгейі де айтарлықтай жақсарды. Жалпы ашылу көрсеткіші 76,7 пайызды құрап, өткен жылмен салыстырғанда 5,1 пайыздық өсімге жетті. Басты мақсатымыз &nbsp;қылмысқа жол бермеу және азаматтардың қауіпсіздігін қамтамасыз ету. Соңғы жылдары профилактикалық жұмыстарды күшейту арқылы бірқатар қылмыс түрлері бойынша тұрақты төмендеу байқалып отыр. Бұл бағыттағы жұмыстар алдағы уақытта да жалғасады, – деді Серік Әбдімәуленұлы.</blockquote>Баспасөз конференциясы барысында құқық қорғау органдары қылмыстың алдын алу, қоғамдық тәртіпті сақтау және тұрғындардың қауіпсіздігін қамтамасыз ету бағытындағы жұмыстарды одан әрі күшейте беретінін мәлімдеді.

Өңірде криминогендік ахуал тұрақты

<a href="https://kyzylorda-news.kz/">Kyzylorda-news.kz</a> Өткен жылдың қазан айында Қазалы ауданының әкімі Алмасбек Есмаханов Әйтеке би кентіндегі көпқабатты тұрғын үйлердің жай-күйімен танысу барысында тұрғындармен кездескен болатын.В.Счастнов және Желтоқсан көшелерінің бойындағы көпқабатты тұрғын үйлердің тұрғындары аулаларға автотұрақ пен жаяу жүргіншілер жолын салу мәселесін көтеріп, жаңбырлы күндері көліктің кіріп-шығуы мен тұрғындардың жүріп-тұруы қиындайтынын айтып, осы мәселені шешіп беруді сұраған еді.Тұрғындардың өтініші ескеріліп, биыл облыс әкімі Мұрат Ергешбаевтың қолдауымен аудандық бюджет есебінен 47 миллион теңге қаржы бөлінді. Нәтижесінде наурыз айында Желтоқсан және В.Счастнов көшелерінің бойындағы көпқабатты тұрғын үйлердің аулаларын абаттандыру, автотұрақтар мен жаяу жүргіншілер жолдарын салу жұмыстары қолға алынды.Бүгінде мердігер мекеме – «Энергия Строй Монтаж» ЖШС тарапынан аулаларға асфальт төсеу жұмыстары жүргізіліп, құрылыс қарқынды жүргізілуде.Қазалы ауданының әкімі Алмасбек Есмаханов нысан басына барып, атқарылып жатқан жұмыстардың барысы мен сапасын бақылап көрді. Аудан басшысы мердігер мекеме өкілдеріне тұрғындардың сұранысына сай қолға алынған жобаны сапалы әрі белгіленген мерзімде аяқтауды қатаң тапсырды.Көп жылдан бері шешімін күткен мәселенің жүзеге асып жатқанына тұрғындар ризашылықтарын білдіріп, аудан басшысы мен құрылыс жұмыстарымен айналысып жатқан азаматтарға алғыстарын жеткізді.Аудан әкімі инфрақұрылымды дамыту – халықтың өмір сүру сапасын арттырудың негізгі бағыттарының бірі екенін атап өтті. Сондай-ақ аудан орталығындағы көпқабатты тұрғын үйлердің аулаларын кезең-кезеңімен жаңғырту және абаттандыру жұмыстары алдағы уақытта да жалғасатынын жеткізді.<img src="https://knadmin.beoblood.kz/uploads/azaly_abattandyru_zh_mystary_2_02e01cf09d.jpg" alt="Қазалы абаттандыру жұмыстары 2.jpg">

Қазалы ауданында көпқабатты тұрғын үйлердің ауласын абаттандыру жұмыстары қолға алынды

<a href="https://kyzylorda-news.kz/">Kyzylorda-news.kz</a> Бүгін аймақ басшысы Мұрат Ергешбаев облыстық қоғамдық кеңес мүшелерімен кездесті. Оған басқарма және департамент басшылары, бұқаралық ақпарат құралдарының өкілдері қатысты.Облыс әкімі жиынға қатысушыларды Қазақстан Республикасының жаңа Конституциясының заңды күшіне енуімен құттықтап, Мемлекет басшысы бастамашылық еткен конституциялық реформалардың елдің саяси жүйесін жаңғыртудағы тарихи маңызын атап өтті.<blockquote>– Жаңа Конституцияда адам құқықтары мен бостандықтарын қорғау, заң үстемдігін қамтамасыз ету, мемлекеттік институттардың тиімділігін арттыру және Әділетті Қазақстан қағидаттарына негізделген қоғам құру басты басымдық ретінде айқындалды. Бұл өзгерістер мем лекет пен қоғам арасындағы сенімді нығайтып, азаматтардың ел дамуына белсенді қатысуына жаңа мүмкіндік береді. Бүгін Өздеріңізбен пікір алмасу мақсатында жүздесіп отырғаныма қуаныштымын. Қоғамдық кеңес – билік пен қоғам арасындағы алтын көпір, ел мүддесі мен халықтың талап-тілегін тоғыстыратын маңызды институт. Сіздердің өмірлік тәжірибелеріңіз, елдік мәселелерге қатысты ой-пікірлеріңіз, ұсыныстарыңыз алдағы жұмысымызға бағыт-бағдар болатынына сенімдімін. Жақында ғана облыстық қоғамдық кеңестің төрағасы болып сайланған Байқадамов Наурызбай Сейтқалиұлын шын жүректен құттықтаймын! Алдағы уақытта кеңеспен бірге өңір халқының игілігіне бағытталған ортақ шешімдер қабылдаймыз деген ойдамын, – деді Мұрат Ергешбаев.</blockquote>Кездесуде облыстық қоғамдық кеңестің мүшелері, Ұлттық ғылым академиясының академигі, профессор Қылышбай Бисенов, облыстық мәслихат депутаттары Жорабек Нұрымбетов, Қайрат Ерназаров, М.Мәметова атындағы Қызылорда педагогикалық жоғары колледжінің директоры, облыс бойынша бала құқықтары жөніндегі уәкіл Жақсыгүл Тоғанова, жеке кәсіпкер Пірмұхамед Сыздық және «Qyzylorda» телеарнасының бас редакторы Айнұр Тұңғышбаева өз пікірлерін білдірді.Қоғамдық кеңестің маңызды мәселелерге орай сындарлы диалог алаңын қалыптастырудағы маңызы зор. Кеңес мүшелері тұрғындардың мүдделерін білдіруде, әлеуметтік-экономикалық даму, білім беру, денсаулық сақтау, мәдениет, экология және басқа да салалардағы өзекті мәселелерді талқылауда белсенділік танытып келеді.Бүгінгі жиында да елді мекендерді газдандыру, су ресурстарын тиімді пайдалану, тарихи нысандарды мемлекет меншігіне қайтару, тұрғын үй құрылысы мен инвестициялық жобаларды іске асыруға қатысты ұсыныстар айтылды.<img src="https://knadmin.beoblood.kz/uploads/o_amdy_ke_es_m_shelerimen_kezdesu_2_ce2ddae6df.jpg" alt="Қоғамдық кеңес мүшелерімен кездесу 2.jpg">

Қоғамдық кеңес мүшелерінің ұсыныс-пікірлері талқыланды

<a href="https://kyzylorda-news.kz/">Kyzylorda-news.kz</a> 2026 жылы көрнекті мемлекет және қоғам қайраткері, прокуратура органдарының ардагері, Қазақстанның құқықтық жүйесінің қалыптасуына елеулі үлес қосқан Юрий Александрович Хитриннің туғанына 80 жыл толып отыр.Юрий Хитрин 1946 жылғы 24 тамызда Алматы қаласында дүниеге келген. 1970 жылы С.М.Киров атындағы Қазақ мемлекеттік университетінің заң факультетін тәмамдағаннан кейін прокуратура органдарындағы қызметін жалғастырып, өмірін заңдылық пен әділеттілік қағидаттарына арнады.Еңбек жолын 1969 жылдың наурыз айында бастаған ол аудандық прокуратура тергеушісінен Қазақстан Республикасының Бас Прокуроры лауазымына дейінгі үлкен кәсіби жолдан өтті. Әр жылдары аса маңызды істер жөніндегі тергеуші, Алматы қаласы прокуратурасының тергеу бөлімінің бастығы, Қазақ КСР прокуратурасы тергеу басқармасы бастығының орынбасары, Целиноград облысының прокуроры қызметтерін атқарды.1990 жылы мемлекеттік-құқықтық мәселелер жөніндегі Мемлекеттік кеңесші болып тағайындалып, тәуелсіз Қазақстанның құқықтық негіздерін қалыптастыру ісіне белсенді қатысты. Сонымен қатар Қауіпсіздік Кеңесінің конституциялық құрылысты қорғау комитетін басқарды және Республика Жоғары тәртіптік кеңесінің мүшесі болды.1992 жылдан бастап Қазақстанның Бас әскери прокуроры қызметін атқарды. Оның әскери прокуратура жүйесін дамытуға және әскери саладағы заңдылықты нығайтуға қосқан үлесі зор болды. 1997 жылы Қазақстан Республикасының Бас Прокуроры болып тағайындалып, құқық қорғау жүйесін жетілдіру бағытындағы маңызды реформаларды жүзеге асыруға атсалысты.2000 жылы Қазақстан Республикасы Конституциялық Кеңесінің Төрағасы қызметіне кірісіп, Конституция қағидаттарының сақталуын қамтамасыз етуге және құқықтық мемлекетті нығайтуға еңбек сіңірді.Юрий Александрович прокуратура органдарының Құрметті қызметкері, әділет генерал-лейтенанты болды. Ол «Парасат» орденімен және өзге де мемлекеттік наградалармен марапатталған.Өкінішке қарай, 2004 жылы Юрий Хитрин өмірден өтті. Алайда оның есімі Қазақстанның құқық қорғау жүйесінің тарихында кәсіби біліктіліктің, адал қызмет пен мемлекеттік жауапкершіліктің символы ретінде мәңгі сақталады.Юрий Хитриннің өнегелі өмір жолы мен ел мүддесіне сіңірген еңбегі бүгінгі құқық қорғау органдары қызметкерлері мен жас заңгерлер үшін әрдайым үлгі болып қала береді.Қызылорда гарнизонының&nbsp;әскери прокуратурасы&nbsp;

Заңдылық пен мемлекет мүддесіне адал қызмет еткен тұлға

<a href="https://kyzylorda-news.kz/">Kyzylorda-news.kz</a> Қызылорда қалалық пробация қызметінің есебінде тұрған азаматтарды қоғамға бейімдеу, құқықтық қолдау көрсету және жұмыспен қамту бағытындағы жұмыстар жүйелі түрде жалғасып келеді. Бұл шаралардың негізгі мақсаты – сотталған азаматтардың қайта қылмыс жасауының алдын алып, олардың қоғамға толыққанды бейімделуіне мүмкіндік жасау.&nbsp;Осы бағыттағы кезекті іс-шара аясында Қызылорда қалалық пробация қызметінің есебінде тұрған жеті азамат "Еңбек-Қызылорда" РМК-ға тұрақты ақылы жұмысқа орналастырылды. Жұмыспен қамтылған азаматтар өздеріне көрсетілген қолдау үшін пробация қызметінің мамандарына алғыстарын білдірді.&nbsp;<blockquote>– Біз сияқты азаматтар үшін тұрақты жұмыс табу оңай емес. Көптеген жұмыс берушілер сотталғанымды білген соң қабылдаудан бас тартады. Бүгін тұрақты жұмысқа орналасып, өмірімді жаңадан бастауға мүмкіндік алғаныма қуаныштымын. Еңбек етіп, отбасымды адал табыспен қамтамасыз еткім келеді. Бізге қолдау көрсетіп, жұмысқа орналасуға көмектескен Қызылорда қалалық пробация қызметінің мамандарына шынайы ризашылығымды білдіремін. Осындай қолдау адамның өз өмірін өзгертуіне үлкен серпін береді, – дейді жұмысқа орналасқан азаматтардың бірі.&nbsp;</blockquote>Пробация қызметінің мамандары мұндай жұмыстар алдағы уақытта да жүйелі түрде жалғасатынын атап өтті. Өйткені тұрақты жұмыспен қамту – пробация есебіндегі азаматтардың қайта құқық бұзушылық жасау қаупін төмендетіп, олардың қоғамға бейімделуіне және жаңа өмір бастауына ықпал ететін маңызды тетіктердің бірі.

Қызылордада пробация есебінде тұрған азаматтар тұрақты жұмыспен қамтылды

<a href="https://kyzylorda-news.kz/">Kyzylorda-news.kz</a> Қазақстанның басым бөлігінде синоптикалық жағдай өзгереді.&nbsp;Солтүстік-батыс циклоны мен оған байланысты атмосфералық фронттардың өтуіне байланысты республиканың батысында, солтүстігінде, орталығында және шығысында ауа райы құбылмалы болады. Жаңбыр жауып, найзағай ойнайды, 16–17 шілдеде кейбір аудандарда нөсер жаңбыр күтіледі. Бұршақ жаууы, дауылды желдің күшеюі мүмкін.Жауын-шашынның әсерінен еліміздің батысында аптап ыстық біртіндеп бәсеңдейді: күндіз ауа температурасы +22…+35°С, солтүстікте қысқа мерзімді төмендеу байқалып, +21…+36°С болады. Ал республиканың орталығы мен шығысында өте қатты ыстық сақталып, ауа температурасы +41°С-қа дейін көтеріледі.Сонымен қатар республиканың оңтүстігінде, оңтүстік-шығысында және оңтүстік-батысының жекелеген аудандарында Орта Азия өңірлерінен келетін ыстық ауа массаларының ықпалы сақталады. Бұл өңірлерде жауын-шашынсыз ауа райы күтіледі, тек оңтүстік-шығыстың таулы аймақтарында ғана өткінші жаңбыр жауып, найзағай болуы мүмкін. Күндіз ауа температурасы +41…+46°С-қа дейін жетіп, климаттық нормадан жоғары болады.Сурет: Нұрболат Нұржаубай

Елдің батысы мен солтүстігінде аптап ыстық бәсеңдеп, оңтүстікте +46 градус болады

<a href="https://kyzylorda-news.kz/">Kyzylorda-news.kz</a> Мемлекеттік білім беру гранты конкурсына құжат қабылдау науқаны аясында Сеул ұлттық ғылым және технологиялар университеті (SeoulTech) информатика және инжиниринг кафедрасының профессоры, Қазақстандағы LUPIC жобалық орталығының директоры, SeoulTech Жаһандық кванттық жасанды интеллект қауіпсіздігі орталығының директоры Ким Джесу Қорқыт ата атындағы Қызылорда университетіне жұмыс сапарымен келді.Сапар барысында профессор университеттің қабылдау комиссиясында болып, талапкерлермен кездесіп, Жасанды интеллект институтында жүзеге асырылатын білім беру бағдарламалары, халықаралық білім алу мүмкіндіктері және қос диплом бағдарламасының артықшылықтары туралы кеңес берді. Сонымен қатар талапкерлердің сұрақтарына жауап беріп, ақпараттық технологиялар мен жасанды интеллект саласындағы білім беру бағыттары жөнінде жан-жақты ақпарат ұсынды.Бүгінде Қорқыт ата атындағы Қызылорда университеті мен SeoulTech LUPIC бағдарламасы аясында ақпараттық технологиялар саласында бірлескен білім беру және ғылыми жобаларды табысты жүзеге асырып келеді. Бағдарлама жасанды интеллект, машиналық оқыту, виртуалды және кеңейтілген шындық (VR/AR) технологияларын дамытуға, сондай-ақ IT саласындағы инновациялық жобалар мен стартаптарды қолдауға бағытталған.Қорқыт ата атындағы Қызылорда университеті базасында ашылған SeoulTech филиалы үшінші жыл қатарынан талапкерлерді қабылдауда. Филиалда жасанды интеллект пен ақпараттық технологиялар бағытындағы халықаралық деңгейдегі білім беру бағдарламалары жүзеге асырылып, студенттерге әлемдік тәжірибеге негізделген білім алып, қос диплом иегері атану мүмкіндігі ұсынылады.Айта кетейік, мемлекеттік білім беру гранты конкурсына құжат қабылдау 13–20 шілде аралығында күн сайын 09:00–18:30 аралығында үзіліссіз жүргізіледі. Қабылдау комиссиясы университеттің №5 оқу ғимаратында талапкерлерге қызмет көрсетуде.<img src="https://knadmin.beoblood.kz/uploads/Whats_App_Image_2026_07_15_at_12_47_42_1_88b0cbdfc6.jpeg" alt="SeoulTech өкілі талапкерлерге білім беру бағдарламалары бойынша кеңес берді.jpeg">

Қазақстан және Қызылорда облысының жаңалықтары