<a href="https://kyzylorda-news.kz/">Kyzylorda-news.kz</a> Қазақстанның Франциядағы елшілігі және Қызылорда облысы әкімдігінің, «Sumbe» компаниясының қолдауымен Париждегі атақты дипломатиялық залдардың бірі – Cercle de l’Union Interalliée ғимаратында Қызылорда облыстық филармониясының концерті өтті. Мәдени шара Еуропадағы отандастар мен қандастардың басқосуы аясында мәдени байланысты нығайту және ұлттық өнер арқылы ұлт бірлігін дәріптеуді негіз етті.&nbsp;Сыр өңірінен арнайы барған шығармашылық ұжым көременге халқымыздың төл өнерін, дәстүрлі музыкасын, күй мен бидің озық үлгілерін ұсынды. Кеш шымылдығы Құрманғазының «Балбырауын» күйімен ашылып, Қорқыт мұрасы, халық әндері мен Абай шығармалары орындалып, көрерменнің зор қошеметіне бөленді.Концертті Франциядағы шетелдік елшіліктердің басшылары мен қызметкерлері, көрнекті тұлғалары, Еуропаның бірқатар елдерінде тұрып жатқан қандастарымыз, сондай-ақ Париж қаласының тұрғындары тамашалады.Гастрольдік сапарға облыс әкімінің орынбасары Ардақ Зебешев бастаған Сыр мәдениеті мен өнерінің насихатшылары, өнер ұжымдары мен әртістерінен құралған шығармашылық делегация барып қайтты. Концертте халық аспаптар ансамблі, (көркемдік жетекшісі Нұрғиса Нұрбай), Қазақстанның еңбек сіңірген қайраткері, профессор Мүсілім Әмзе (домбыра), күйші Болат Күзембаев (домбыра), дәстүрлі орындаушылар, халықаралық және республикалық конкурстардың лауреаты Бисенбек Төлеубаев, Жәнібек Жақсан, филармония солистері, халықаралық және республикалық конкурстардың лауреаттары Гаухар Бисекенова, Индира Баимбетова, Жалын Жүсіпов, Олжас Нұралиев, Назым Тілеулесова, Әлішер Шөжен, Арайлым Маханбетжанова және «Ai-Aru» заманауи би ансамблі өнер көрсетті.Ғасырлар сырын сақтаған, Эйфель мұнарасы асқақтаған, Сена жағасында сан тағдыр мен сан өнер тоғысқан ғажайып шаһардың тұрғындары мен қонақтары ұлттық қолөнер туындыларын тамашалап, ұлттық музыкамыз мен әлемдік классиканың танымал шығармаларын тыңдауға мүмкіндік алды. Сыр бойының төлтума өнерін, қазақ ұлттық фольклорын жоғары деңгейде насихаттаған өнер иелері көрерменнің зор ықыласы мен құрмет-қошеметіне бөленді.Фото: Қызылорда облысы әкімінің баспасөз қызметі

Париж көрермендеріне Сыр өнерпаздарының концерті ұсынылды

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Мұрат Ергешбаев Ұлттық баскетбол федерациясының президенті Абай Алпамысовпен кездесті. Кездесуде спорт саласын қолдаудағы ауқымды жобалар талқыланды.<blockquote>«Мемлекет басшысы Қасым-Жомарт Кемелұлының аймақтарда спорт инфрақұрылымын, оның ішінде стадиондар мен спорт кешендерін салу туралы тапсырмасына сәйкес, Қызылорда қаласында 11 мың орындық жаңа стадион іске қосылды.УЕФА-ның IV санатты сертификатын алды. Жаңа стадион былтыр қазан айында Қазақстан кубогының финалдық ойынымен ашылды. Жаңа нысанда ірі спорттық шараларды өткізуге барлық мүмкіндік жасалған.Былтыр балалар мен жасөспірімдерге арналған «Сыр жұлдыздары» шығармашылық-инновациялық академиясы салынып, пайдалануға берілді. Облыс орталығындағы ірі жобалардың бірі – «Қызылорда Арена» көпбейінді спорт кешенінің құрылысы жүргізілуде.Дене шынықтыру, спорт және туризм басқармасына қарасты жоғарғы білікті спортшылар және спорт резервін әзірлеу бағытында 33 спорт мекемесі жұмыс істейді. Спорт мектептерінде 38 спорт түрінен 646 жаттықтырушы-оқытушы 22 мыңнан астам спортшыны кәсіби бағытта тәрбиелеуде.Спорт саласына көрсетілген қолдаудың нәтижесінде 2025 жылдың қорытындысымен Қызылорда облысы «Жылдың үздік спорт өңірі» атанды»,- деді Мұрат Нәлқожаұлы.</blockquote>Айта кету керек, өңірде баскетболмен 46 мыңға жуық адам шұғылданады.Облыстың құрама командасы ел чемпионаттарында үздік үштік қатарынан көрініп жүр. Бүгінде 6 спортшы Қазақстан құрама командасының сапына енді.Сондай-ақ, 2 спортшы НұрғалиеваТоғжан мен Төребекқызы Аяжан алда 19 қыркүйек – 4 қазан аралығында Нагоя қаласында (Жапония) өтетін ХХ Жазғы Азия ойындарына қатысуға үміткерлер қатарында.Фото: Қызылорда облысы әкімінің баспасөз қызметі

Облыс құрамасы үздік үштік қатарында

<a href="https://kyzylorda-news.kz/">Kyzylorda-news.kz</a>&nbsp; Сырдария ауданы әкімі Берік Сәрменбаевтың қатысуымен «Өнер құдыреті – мәңгілік» атты мерекелік іс- шара өтті. Мерекелік іс-шараға мәдениет саласының ардагерлері, зиялы қауым өкілдері және аудан тұрғындары қатысты.Мерекелік шара алдында ауданның мәдениет саласындағы жетістіктерін насихаттайтын арнайы көрме көпшілік назарына ұсынылды. Көрмеге мәдени-көпшілік шаралар мен концерттік бағдарламалардан фотосуреттер, өнер ұжымдарының шығармашылық жұмыстары және сала мамандарының әр жылдары алған марапаттары қойылып, қонақтар мәдениет қызметкерлерінің еңбектерімен кеңінен танысты.<img src="https://knadmin.beoblood.kz/uploads/ner_dyreti_m_gilik_atty_merekelik_is_shara_tti_d8122bf94d.jpg" alt="«Өнер құдыреті – мәңгілік» атты мерекелік іс–шара өтті.jpg">Іс-шара барысында аудан басшысы мәдениет пен өнер саласы қызметкерлерін кәсіби мерекелерімен құттықтап, сала мамандарының ел руханиятын дамытудағы елеулі еңбегіне тоқталды.<blockquote>– Мемлекет басшысы Қасым-Жомарт Кемелұлы Тоқаев: «Мәдениет – ұлттың төлқұжаты. Жаһан жұрты елімізді, ең алдымен, өнеріміз арқылы танып біледі. Біз – Ұлы далада тамыр жайған бірегей мәдениеттің заңды мұрагеріміз» деп мәдениет пен өнердің қоғамдағы орнына ерекше баға берген болатын. Шын мәнінде, мәдениет – ұлттың жаны, ал өнер – халықтың асыл қазынасы. Бүгінде Сыр өңірінде мәдениет пен руханиятты дамыту бағытында ауқымды жұмыстар жүзеге асырылуда. Барлық аудандарда «Руханият» орталықтары бой көтеріп, ұлттық құндылықтарды дәріптейтін маңызды орталықтарға айналуда. «Анаға тағзым» орталығы, «Отбасы орталығы», 1000 орындық «Өнер» орталығы, «Сыр жұлдыздары» шығармашылық-инновациялық академиясы, Қазанғап атындағы Қызылорда музыкалық жоғары колледжі, облыстық тарихи-өлкетану музейі мен «Достық үйі» ел игілігіне пайдалануға берілді. Сонымен қатар, симфониялық оркестр, инклюзивті театр, жастар театры, заманауи би және хор ұжымдары құрылып, Жыраулар үйі ашылды. Өнер және мәдениет өкілдеріне арналған «Тұран» сыйлығының табысталуы да шығармашылық иелеріне көрсетілген зор қолдаудың айқын көрінісі. Президент тапсырмасына сәйкес өңірімізде жаңа драма театры мен Президенттік кітапхананың құрылысы жүргізілуде. Бұл – ел руханиятын дамытуға, мәдениет пен өнердің көкжиегін кеңейтуге бағытталған маңызды бастамалар. Ұлт руханияты жолында аянбай еңбек етіп жүрген мәдениет қызметкерлеріне аудан жұртшылығы атынан шынайы алғысымды білдіремін. Шығармашылық табыс, шалқар шабыт және толағай жетістіктер тілеймін, – деді Берік Әбдіғаппарұлы.</blockquote>Мерекелік шара барысында мәдениет саласының дамуына сүбелі үлес қосып жүрген бірқатар сала қызметкерлері облыс және аудан әкімінің Алғыс хатымен, облыс әкімінің орынбасарының және «Мәдениет, спорт, туризм және ақпарат қызметкерлерінің кәсіптік одағы» қоғамдық бірлестігінің Алғыс хатымен марапатталды.Сонымен қатар, мәдениет саласында ұзақ жылдар абыройлы еңбек етіп, руханиятты дамыту жолындағы жемісті қызметтері үшін бірқатар азаматтарға «Мәдениет, спорт, туризм және ақпарат қызметкерлерінің кәсіптік одағы» қоғамдық бірлестігінің «Еңбек даңқы» төсбелгісі және аудан әкімінің «Мәдениет жанашыры» төсбелгісі табысталды.Мұнан соң, аудан өнерпаздарының қатысуымен ұйымдастырылған концерттік бағдарламаға ұласып, көрермендерге көтеріңкі көңіл-күй сыйлады.Фото: Сырдария ауданы әкімінің баспасөз қызметі&nbsp;

«Өнер құдыреті – мәңгілік» атты мерекелік іс–шара өтті

<a href="https://kyzylorda-news.kz/">Kyzylorda-news.kz</a>&nbsp; Қазалы ауданы әкімі Алмасбек Есмаханов аудан орталығындағы автомобиль жолдарына жүргізіліп жатқан ағымдағы жөндеу және Т. Бөріқұлақов, Жетес би көшелеріне жаяу жүргіншілер жолын салу жұмыстарын көріп, жол құрылысының сапасын бақылады.Аудан басшысы алдымен Әйтеке би кентіндегі «Жанқожа батыр көшесінің айналма жолын қайта жаңғырту» жобасының жүзеге асу барысын көрді. Қазіргі уақытта айналма жолдың жер тегістеу, тас төсеу, каналдарға темірбетонды плиталар орналастыру жұмыстары жүргізілуде. Жобаның жалпы ұзындығы 3,192 метрді құрайды. Мердігер мекеме «Қазалы Жолшы» жауапкершілігі шектеулі серіктестігі айналма жол құрылысын шілде айына дейін толықтай аяқтауды жоспарлап отыр. Аудан әкімі мердігер мекеменің басшысына аталған жол құрылысы кент орталығындағы Жанқожа батыр көшесінің бойындағы жол кептелісінің алдын алуға және тұрғындар қауіпсіздігіне үлкен септігін тигізетін маңызды жоба екенін жеткізіп, жоспарланған жұмыстарды ең бастысы сапалы әрі мерзімінде аяқтауды тапсырды.Бүгінде аудан орталығындағы В. Счастнов орамы, Жанқожа 3 км, Төремұрат жырау орамы, Ы. Жақаев және Ш. Қалдаяқов сынды 13 көшеге ағымдағы жөндеу және Р.Сабырбаев, С.Сейфуллин, Біржан сал, Жалаңтөс батыр, Ж.Аймауытов, М.Шоқай, С.Сүлейменов көшелерінің асфальт қабатының тозған бөліктерін жаңарту жұмыстары жүргізілуде. Аудан басшысы кент көшелеріне жүргізіліп жатқан жөндеу жұмыстарын да көрді. Әйтеке би кентінің әкіміне жол сапасын күнделікті бақылап, белгіленген жұмыстарды қысқа мерзімді аяқтау керектігін ескертті.Аудан басшысы Әйтеке би кентін аралау барысында жол жөндеу жұмыстарымен қатар Т. Бөріқұлақов, Жетес би көшелеріне жаяу жүргіншілер жолын салу жобасын көрді. Жобаға сәйкес, Бөріқұлақов көшесіндегі жаяу жүргіншілер жолының ұзындығы 2,5 шақырымды құраса, Жетес би көшесіндегі жаяу жүргіншілер жолы 1,6 шақырымға созылады. Қазіргі таңда мердігер мекемелер «Ақнұр Авто» және «Айым алтын» жауапкершілігі шектеулі серіктестіктері тарапынан құрылыс жұмыстары жүргізілуде. Тұрғындардың қауіпсіздігін қамтамасыз етіп, әсіресе балалардың мектепке қауіпсіз қатынауына мүмкіндік беретін жаяу жүргіншілер жолын салу жобасының маңызына тоқталған аудан әкімі мердігерлерге жұмыстарды сапалы етіп, тезірек аяқтау жөнінде тапсырма берді.Аудан әкімі кент көшелеріндегі санитарлық тазалық мәселесі бойынша да кент әкіміне бірқатар кемшіліктерді көрсетіп, шұғыл тазалық жұмыстарын жүргізуді тапсырды.

Аудан әкімі Әйтеке би кентіндегі жол құрылысының сапасын бақылады

<a href="https://kyzylorda-news.kz/">Kyzylorda-news.kz</a>&nbsp; «AMANAT» партиясы Сырдария аудандық филиалы «Ұлттық мұра» партиялық жобасы аясында ауданда мәдени-көпшілік, рухани-танымдық іс-шаралар өткізіп келеді. «Мәдениет» бастауыш партия ұйымына топтасқан сала өкілдері партиялық жобаларды жүзеге асыруға лайықты үлес қосуда. Осы ретте «21 мамыр – Мәдениет және өнер қызметкерлері күні» мерекесіне орай партия қабырғасында салтанатты қабылдау ұйымдастырылды.Мерекелік қабылдауға ҚР Мәдениет саласының үздігі, Сырдария ауданының Құрметті азаматы атанған Сансызбай Сәдуақасов, Жантемір Айсин, саналы ғұмырын ауданның өнерін өрістетіп, мәдениетінің мерейін үстем етуге арнаған сала майталмандары Ханшайым Ерғалиева, Әлия Аманбаев бастаған өнер, мәдениет саласының өкілдері құрметпен шақырылды. «AMANAT» партиясы Сырдария аудандық филиалының Атқарушы хатшысы Ақтөре Ибрагимұлы сала ардагерлері мен мамандарды мерекемен құттықтап, шығармашылық сәттілік пен өрлеу тіледі.<blockquote>– Мәдениет – ұлттың мәйегі. Өнер – халықтың қазынасы, баға жетпес құндылығы. Мемлекет басшысының халықшыл бастамалары аясында елімізде, өңірімізде мәдениет және өнер саласы да өркендеп келеді. Ұлтымыздың «Өнерліден өнеге ал, таланттыдан тәлім ал» деуі бекер емес. Себебі, өнер – он іспен тең, өнерпаз – он кісімен тең деген баға бар. Сондықтан Сіздердің еңбектеріңізді жоғары бағалаймыз, өнегелі өмір жолдарыңызды үлгі тұтамыз. Ауданның өнерін өрістетіп, мәдениетінің мерейін үстем етуге бағытталған жұмыстарыңызға сәттілік пен шығармашылық өрлеу тілейміз! Төл мерекелеріңіздің қуанышы аспандасын, тамаша жетістікпен келген табыстар таусылмасын! Мәдениет және өнер майталмандарына шалқар шабыт, мықты денсаулық тілейміз! «AMANAT» партиясы Сіздердің қай кезде де қолдайды, – деді Ақтөре Ибрагимұлы.</blockquote>Салтанатты басқосуда аудандық мәдениет және тілдерді дамыту бөлімінің басшысы, «AMANAT» партиясының мүшесі Анар Қалдыбаева сала ардагерлері мен әріптестерін мерекемен құттықтады.<blockquote>– Мәдениет – ұлттың рухани тірегі, ал өнер – халықтың жүрек үні. Сіздер ұлттық құндылықтарды ұлықтап, руханиятымызды байытып келесіздер. Халықтың рухани дамуына қосып жүрген өлшеусіз еңбектеріңіз бен шығармашылық ізденістеріңіз әрдайым зор құрметке лайық. Өнер мен мәдениетке деген адал қызметтеріңіз үшін алғыс білдіремін. Шығармашылық табыс, шабыт, толағай жетістіктер, отбасыларыңызға амандық пен бақ-береке тілеймін!, – деді бөлім басшысы.</blockquote>Өз кезегінде ҚР Мәдениет саласының үздігі, «Сырдария ауданының Құрметті азаматы» атанған Сансызбай Сәдуақасов пен Жантемір Айсин бастаған сала өкілдері сөз сөйлеп, жылы лебіздерін білдірді. «AMANAT» партиясының халықшыл бастамаларының жемісті болуына тілектес екендіктерін айтты. Қабылдауда сала майталмандарына Құттықтау және естелік сыйлықтар берілді.

 Ұлттық мұра: мәдениет саласының өкілдеріне құрмет көрсетті

<a href="https://kyzylorda-news.kz/">Kyzylorda-news.kz</a>&nbsp; Қармақшы ауданы, Жосалы кентінде халықты сапалы өніммен қамтып отырған іскер жандардың бірі – жеке кәсіпкер Асарбаева Күлпаш Алдабергенқызы. Ол аудан тұрғындарын күнделікті сұранысқа ие нан өнімдерімен және жартылай фабрикат өнімдерімен қамтамасыз етіп келеді.Кәсібін кеңейту мақсатында кәсіпкер «Қызылорда» өңірлік инвестициялық орталығы арқылы жылдық 6 % мөлшерлемемен 40 млн. теңге көлемінде жеңілдетілген несие алып, өндіріске қажетті заманауи құрал-жабдықтар сатып алған. Нәтижесінде өндіріс көлемі айтарлықтай артып, цех жұмысы жандана түсті.Бүгінде «Береке нан» цехында тәулігіне 2000 дана нан, 300 дана батон, 200 дана тәтті тоқаш түрлері және 50-80 кг жартылай фабрикат өнімдері дайындалады. Табиғи әрі сапалы өнімдер тұрғындардың сұранысына ие болып, бүгінде «Береке нан» өнімдері аудандағы ірі маркеттер мен көптеген дүкен сөрелерінен орын алған.Қазіргі таңда цехта 8 адам тұрақты жұмыспен қамтылған. Бұл – өңірдегі кәсіпкерліктің дамуына, халықтың әл-ауқатының жақсаруына қосылған үлес.Күлпаш Алдабергенқызы алдағы уақытта цех жұмысын дамытуды көздеп отыр. Алдағы уақытта кәсіпті кеңейтіп, қызметкерлер санып көбейтпек.&nbsp;

Қармақшылық кәсіпкер мемлекеттік бағдарлама арқылы кәсібін кеңейтті

<a href="https://kyzylorda-news.kz/">Kyzylorda-news.kz</a> Ботаникалық саябақта облыс әкімі Мұрат Ергешбаевтың қатысуымен «Таза Қазақстан» республикалық экологиялық бағдарламасы аясындағы кең көлемді тазалық акциясы өтті.Ауқымды акцияға облыс бойынша 17694 &nbsp;адам қатысты. Олардың қатарында зиялы қауым өкілдері, облыстық мәслихат депутаттары, басқарма, департамент және инспекция басшылары, «AMANAT» партиясының өкілдері, мемлекеттік мекеме қызметкерлері, жастар ұйымдары мен экобелсенділер болды.<blockquote>«Мемлекет басшымыз Қасым-Жомарт Кемелұлы: «Тазалық – өркениетті қоғамның айнасы, дамуға ұмтылған кез келген елдің мызғымас ұстанымы»,- деген болатын. Қоршаған ортаны қорғау, оны күтіп ұстау тек мемлекеттің ғана емес, әр азаматтың міндеті және қоғамның ортақ негізгі құндылықтардың бірі болуы тиіс. Өңірімізде санитарлық тазалық, абаттандыру, тұрғындардың өмір сүруіне қолайлы жағдай жасау бағытында кешенді жұмыстар қарқынды жүруде. Қызылорда қаласындағы орталық алаң, қалалық мәдени-демалыс паркі және Қорқыт ата сквері, бүгінгі шарамыз өтіп жатқан Ботаникалық саябақ қайта жаңғыртылып, пайдалануға берілді. Өңірімізде дизайн код бекітіліп, облыс орталығынан бастап барлық елді мекендер бірегей архитектуралық талаптарға сәйкестендірілді. Облыс орталығындағы 80-нен аса ескі көпқабатты тұрғын үйдің қасбеттері заманауи панельмен қапталды. &nbsp;Биыл да бұл жұмыстар жалғасын тауып, қосымша 21 тұрғын үй жаңғыртудан өтуде»,- деді аймақ басшысы.&nbsp;</blockquote>Іс-шарада қоршаған ортаны қорғауға және тазалық жұмыстарын тұрақты жүргізуге үлес қосқан 100 қызметкер марапатталды. Экологиялық инфрақұрылымды нығайту мақсатында салалық мекемелерге 26 &nbsp;арнайы техника табысталды. Оның ішінде қалдық тасымалдаушы көліктер, өрт сөндіру техникалары, тракторлар және кіші өрт сөндіру кешендері бар. Ботаникалық саябақ аумағы көгалдандырылып, 500 түп қылқан жапырақты ағаш отырғызылды.&nbsp;Бұл жұмыстар өңірді жасыл желекке бөлеуге, ауа сапасын жақсартуға және қала тұрғындары үшін қолайлы экологиялық орта қалыптастыруға бағытталды. «Таза Қазақстан» бағдарламасы шеңберінде облыстың барлық елді мекенінде бір мезгілде ауқымды сенбілік және абаттандыру жұмыстары ұйымдастырылды.&nbsp;Облыс әкімі Ботаникалық бақ аумағында орналасқан Қорқыт ата атындағы Қызылорда университетінің бастамасымен қолға алынған &nbsp;жылыжай жұмысымен танысып, оқытушыларымен пікір алмасты. Жылыжайда көкөніс өсіріледі.&nbsp;Айта кету керек, жыл басынан бері өңірдегі экологиялық шараларға 121 992 адам, яғни еріктілер, қоғам қайраткерлері, бюджет саласының және кәсіпорын қызметкерлері белсене қатысты.Осы уақыт аралығында 3 030 тоннаға жуық тұрмыстық қалдық шығарылып, 3 367 сквер мен парк, 256 тарихи-мәдени ескерткіш, 1 019 әлеуметтік нысан, 669 өнеркәсіп және бизнес нысаны, 210 су объектісі және 5 383 көше бойы тазартылды.Бұл жұмыстарға 548 арнайы техника жұмылдырылды. Сонымен қатар, жыл басынан бері облыс аумағына жергілікті климатқа бейімделген 88 567 түп ағаш көшеті отырғызылды. Олардың қатарында қарағаш, терек, Сыр талы және басқа да көшет түрлері бар.Бүгінгі акция – өңірдегі экологиялық мәдениетті дамытуға, табиғатты қорғауды жүйелі жолға қоюға және тұрғындардың қоршаған ортаға деген жауапкершілігін арттыруға бағытталған маңызды бастама.<img src="https://knadmin.beoblood.kz/uploads/Kommunaldy_sala_tehnikamen_zhabdy_tau_2_f6cd9a3668.jpg" alt="Коммуналдық сала техникамен жабдықтау 2.jpg">

Коммуналдық сала жаңа техникамен қамтамасыз етілді

<a href="https://kyzylorda-news.kz/">Kyzylorda-news.kz</a> Аймақ басшысы Мұрат Ергешбаев Сырдария ауданындағы Шіркейлі ауылдық округіне барып, «Мәді қажы» шаруашылығының жұмысымен және ғарыштық мониторинг жүйесінің мүмкіндіктерімен танысты.&nbsp;Жиырма екі жылдан бері өңірдің аграрлық саласын дамытуға үлес қосып келе жатқан шаруашылық негізінен егін егуге және мал басын көбейту ісін ілгерлетуге басымдық беріп келеді.Шаруашылықтың 9 765 гектар жерінің 3 065 гектары егістікке, 3 267 гектары жайылымға арналған. Биыл 1000 гектарға күріш, 1200 гектар алқапқа жоңышқа егілді. Бүгінде күріштің 60 пайызы суға бастырылған.&nbsp;Сапар барысында аймақ басшысы диқандармен кездесіп, көктемгі дала жұмыстарының жай-жапсарын талқылады. Сонымен қатар, заманауи технологиялардың тиімділігіне тоқталып, ғарыштық мониторинг жүйесінің су үнемдеу, егіс көлемін бақылау және өнімділікті арттырудағы маңызын ерекше атап өтті.Айта кетейік, биыл Сырдария ауданында көктемгі дала жұмыстары қарқынды жүргізілуде. Биыл ауданда 32 064 гектарға ауыл шаруашылығы дақылдары егілуде, оның ішінде 17 мың гектары – күріш, 142 гектары – картоп, 180 гектары – көкөніс, 368 гектары – бау-бақша.Егісті әртараптандыру бағытында 2000 гектарға жүгері егу көзделген. Жаңбырлатып суару әдісімен 150 гектарға жоңышқа себілсе, 1500 гектар жер лазермен тегістелді.<img src="https://knadmin.beoblood.kz/uploads/Su_nemdeu_tehnologiyasy_oblys_kimdigi_2_c687d774eb.jpg" alt="Су үнемдеу технологиясы облыс әкімдігі 2.jpg">

Жаңа технологиялар су үнемдеу, егісті бақылау және өнімділікті арттыруда тиімді

<a href="https://kyzylorda-news.kz/">Kyzylorda-news.kz</a> Биыл өңірде 320 мектепте 189 288 оқушы оқу жылын аяқтауда. Оның ішінде 977 оқушы «Алтын белгіге», 1 141 түлек «Үздік аттестатқа» үміткер. Бұл туралы Өңірлік коммуникациялар қызметінің ақпарат алаңында өткен баспасөз конференциясында белгілі болды. Онда Қызылорда облыстық білім басқармасы басшысының орынбасары Асхат Қанатов және Полиция департаменті Қоғамдық қауіпсіздік басқармасы басшысының міндетін атқарушы Рауан Алдешов мектеп бітіру шаралары мен жазғы демалыс кезіндегі қауіпсіздік мәселелерін баяндады.&nbsp;Асхат Қанатұлының айтуынша, ұлттық бірыңғай тестілеудің негізгі кезеңі 10 мамыр мен 10 шілде аралығында Қызылорда қаласы, Арал, Қазалы және Жаңақорған аудандарындағы тестілеу орталықтарында өтеді. Оған 11-сыныптағы 10 317 түлектің 9 250-і қатысады.<blockquote>«Басқарма тарапынан арнайы бұйрық шығарылып, мектептерде артық шығынға жол бермеу, ата-аналарға салмақ салмау мақсатында арнайы түсіндіру жұмыстары жүргізілді. Мейрамханаларда кеш өткізуге, кортеж ұйымдастыруға, мұғалімдерге сыйлық ұйымдастыруға тыйым салынды», – деді спикер.</blockquote>Сонымен қатар 25 мамыр күні барлық мектептерде «Білімім - Отаныма» атты бірыңғай сынып сағаттары өтеді. Ал мектеп бітірушілерге аттестат тапсыру рәсімі 18 маусымға жоспарланған.Жиында ҰБТ форматының өзгеріссіз қалғаны айтылды. Тестілеуде талапкерлер үш міндетті және екі бейіндік пәннен сынақ тапсырады. Жалпы 120 сұрақ беріліп, ең жоғары көрсеткіш 140 баллды құрайды. Ерекше білім беру қажеттілігі бар балаларға қосымша уақыт қарастырылған.Полиция департаментінің өкілі Рауан Қырымұлы соңғы қоңырау кезінде қоғамдық қауіпсіздік күшейтілетінін жеткізді.<blockquote>«25 мамыр күні облыс көлемінде қоғамдық тәртіп пен жол қауіпсіздігін қамтамасыз ету үшін 492 қызметкер мен 111 қызметтік автокөлік жұмылдырылады. Заңсыз автокортеждерге, жол ережесін бұзуға, қоғамдық тыныштықты бұзуға жол берілмейді», – деді ол.</blockquote>Спикер ата-аналарды балалардың қауіпсіздігіне ерекше көңіл бөлуге шақырды. Оның айтуынша, кәмелетке толмаған жасөспірімдердің түнгі уақытта заңды өкілінсіз жүруі, алкоголь қолдануы және қоғамдық тәртіпті бұзуы әкімшілік жауапкершілікке әкеледі.Мамандар жазғы демалыс кезеңінде балалар қауіпсіздігі басты назарда болатынын айтып, қоғамды жауапкершілікке үндеді.<img src="https://knadmin.beoblood.kz/uploads/So_y_o_yrau_brifing_1828b3e112.jpg" alt="Соңғы қоңырау брифинг.jpg">

Соңғы қоңырау: Жауапкершілік пен қауіпсіздік қатаң бақылауда

<a href="https://kyzylorda-news.kz/">Kyzylorda-news.kz</a> Қазақстан қор биржасындағы (KASE) сауда-саттық қорытындысы бойынша доллар бағамы арзандады, – деп хабарлайды <a href="https://kaz.inform.kz/news/kor-nariginda-dollar-bagami-tust-d8c8fa2f">Қазақпарат.</a>Күндізгі сауда-саттық қорытындысы бойынша доллардың орташа бағамы 0,46 теңгеге түсіп, 470,80 теңге болды. Ұлттық банктің ресми бағамы - 471,45 теңге.Kurs.kz мәліметіне сәйкес, елорданың ақша айырбастау орындарында:<ul><li style="text-align:justify;">доллар 467,00 теңгеден сатып алынады, 474,00 теңгеден сатылады;</li><li style="text-align:justify;">еуро: сатып алу - 542,00 теңге, сату - 552,00 теңге;</li><li style="text-align:justify;">рубль: сатып алу - 6,35 теңге, сату - 6,65 теңге.</li><li style="text-align:justify;">юань: сатып алу - 67,62 теңге, сату - 73,04 теңге.</li></ul>Алматының ақша айырбастау пункттерінде доллар орта есеппен 471,09 теңгеден сатып алынады, 473,31 теңгеден сатылады. Еуро 546,26 – 551,22 теңге, ал рубль 6,38 – 6,51 теңге аралығында саудаланады. Ал юань 67,63 теңгеден сатып алынады, 70,16 теңгеден сатылады.Фото: freepik.com

Қор нарығында доллар бағамы түсті

<a href="https://kyzylorda-news.kz/">Kyzylorda-news.kz</a> Соңғы қоңырау қарсаңында отандық тегін BilimClass электрондық журналы ерекше акция ұйымдастырып жатыр. Платформа мүмкіндігін мектеп оқушыларымен қатар олардың ата-аналары да пайдалана алады, – деп хабарлайды <a href="https://kaz.inform.kz/news/okushilar-end-ustazdarina-virtualdi-gul-shoktarin-zholday-aladi-d257b97c">Қазақпарат.</a>Осылайша жыл бойы балаларға білім беріп, қолдау көрсеткен мұғалімдердің еңбегіне деген шынайы құрметті виртуалды түрде білдіруге болады.&nbsp;<blockquote>– Енді әрбір оқушы ұстазын жылдам әрі шығынсыз құттықтай алады. Гүл шоғын сыйлау үшін оқушылар мен ата-аналар BilimClass платформасындағы гүл белгішесін басып, мұғалімдерді таңдап, оларға жүрекжарды тілегін жазып жібере алады. Науқан 26 мамырға дейін жалғасады. Ол күні мұғалімдер барлық гүл шоқтарын алып, оқушыларынан келген хаттарды оқи алады, – дейді BilimClass өнім жетекшісі Фархат Үсен.</blockquote><img class="image_resized" style="width:100%;" src="https://knadmin.beoblood.kz/uploads/O_ushylar_stazdaryna_virtualdy_g_l_syjlaj_alady_3_dadb11ecde.jpg" alt="Оқушылар ұстаздарына виртуалды гүл сыйлай алады 3.jpg">Айта кетейік, бұл платформаны Қазақстанның 13 өңірінде 2,2 миллион оқушы мен 300 мыңнан аса мұғалім қолданады. Оның құрамына мектепті басқару жүйесі, оқу контенті, әдістемелік талдау және терең аналитика да кіреді. Жүйе толықтай отандық және пайдаланушы деректерінің қауіпсіздігі мен құпиялығына кепілдік береді.&nbsp;Платформаны цифрлық білім беру технологиялары саласында 15 жылдан аса қызмет етіп келе жатқан&nbsp;Bilim Group IT холдингі әзірлеген.<img src="https://knadmin.beoblood.kz/uploads/O_ushylar_stazdaryna_virtualdy_g_l_syjlaj_alady_2_0de14a0ed9.jpg" alt="Оқушылар ұстаздарына виртуалды гүл сыйлай алады 2.jpg">&nbsp;

Оқушылар енді ұстаздарына виртуалды гүл шоқтарын жолдай алады

<a href="https://kyzylorda-news.kz/">Kyzylorda-news.kz</a> Сырдария ауданында инфрақұрылымды дамыту бағытындағы жұмыстар жүйелі жалғасуда. Соның ішінде Ақжарма ауылын табиғи газбен қамту жобасы – тұрғындардың тұрмыс сапасын арттыруға бағытталған маңызды бастамалардың бірі.Қазіргі таңда ауылдағы құрылыс-монтаж жұмыстары қарқынды жүргізіліп, нысанның дайындық деңгейі 90 пайызға жеткен. Жоба аясында жалпы ұзындығы 53,6 шақырым газ құбыры тартылып, 545 тұрғын үйге көгілдір отын желісін қосуға мүмкіндік жасалған. Сондай-ақ газ реттегіш шкаф пункттерін орнату жұмыстары да кезең-кезеңімен атқарылуда.Бүгінде Сырдария ауданында Тереңөзек кенті мен бірқатар ауылдар табиғи газдың игілігін көріп отыр. Ал Ақжарма ауылын газға қосу ауданның газбен қамту көрсеткішін 50 пайызға дейін жеткізуге мүмкіндік береді.Табиғи газ - тұрғындар үшін тек тұрмыстық қолайлылық қана емес, экологиялық және әлеуметтік тұрғыдан да тиімді ресурс. Әсіресе қыс мезгілінде көмір мен отынға тәуелділікті азайтып, халықтың өмір сүру сапасын жақсартуға ықпал етеді.Сондықтан Ақжарма ауылындағы бұл жоба өңір инфрақұрылымын жаңғыртудағы нақты қадамдардың бірі ретінде бағалануда. Нысанды биылғы жылдың маусым айында пайдалануға беру жоспарланып отыр.<img src="https://knadmin.beoblood.kz/uploads/Syrdariya_audany_press_tur_430cfcfc5f.jpg" alt="Сырдария ауданы пресс-тур.jpg">Сондай-ақ, Сырдария ауданындағы Тереңөзек кентінде жол сапасын жақсартуға бағытталған ауқымды жобалар кезең-кезеңімен жүзеге асуда. Биыл кенттегі бірқатар көшелер күрделі жөндеуден өтіп, тұрғындар үшін қолайлы әрі қауіпсіз жол инфрақұрылымын қалыптастыру жұмыстары қолға алынған.Қазіргі таңда Қазақ 1,2, Наурыз, Жастар, А.Иманов, Ж.Жамбыл және Ш.Құндызбаев көшелерінде жолдарды тегістеу мен қиыршық тас төсеу жұмыстары қарқынды жүргізілуде. Сонымен қатар, А.Құнанбаев, Ғ.Мұратбаев 1,2 және Ж.Құттыбаев көшелері де жоба аясында күрделі жөндеуден өтеді.Жалпы ұзындығы 3,8 шақырымды құрайтын көшелерді жаңғырту жұмыстары тұрғындардың күнделікті қозғалысына қолайлы жағдай жасап қана қоймай, көлік қатынасының қауіпсіздігін арттыруға мүмкіндік береді. Жоба аясында жол жамылғысы жаңартылып, жол табаны нығайтылады.Инфрақұрылымды жаңғырту - елді мекеннің дамуы мен тұрғындардың өмір сапасын арттырудағы маңызды бағыттардың бірі. Тереңөзек кентіндегі жол жөндеу жұмыстары да осы міндеттерді жүйелі іске асыруға негізделген. Жөндеу жұмыстарын 3 ай ішінде аяқтау жоспарланған.<img src="https://knadmin.beoblood.kz/uploads/Zhol_infra_rylymyn_damytu_press_tur_6b6ec1d195.jpg" alt="Жол инфрақұрылымын дамыту пресс-тур.jpg">Сонымен бірге, Сырдария ауданында орналасқан «Қызылорда-Жалағаш» облыстық маңызы бар автомобиль жолының 47,9 шақырымындағы көпірге күрделі жөндеу жұмыстары жүргізілуде.Жоба көлік қозғалысының қауіпсіздігін арттырып, жол инфрақұрылымының сапасын жақсартуға бағытталған маңызды нысандардың бірі саналады.1985 жылы салынған көпір бүгінде толық жаңғыртудан өтуде. Жоба аясында көпір конструкцияларын күшейту, кірме жолдарды реттеу және көлік қозғалысына қолайлы жағдай жасау жұмыстары қарастырылған. Көпірдің жалпы ұзындығы - 30,43 метр болса, кірме жол ұзындығы 710 метрді құрайды. Сонымен қатар, құрылыс кезеңінде көлік қозғалысын үзбеу мақсатында ұзындығы 788 метр болатын айналма жол салынған.Қазіргі таңда нысанда қада қағу жұмыстары толық аяқталып, бетон құю, автомобиль жолына құм-қиыршықтас қоспасын төсеу және нығыздау жұмыстары жүргізілуде. Сондай-ақ айналма жолға қажетті жол белгілері орнатылған.Аталған жоба өңірдегі көлік қатынасының сапасын арттырып қана қоймай, тұрғындардың қауіпсіз әрі ыңғайлы қатынауына мүмкіндік береді. Құрылыс жұмыстарын белгіленген мерзімде аяқтау жоспарланып отыр.<img src="https://knadmin.beoblood.kz/uploads/Syrdariya_k_pir_k_rdeli_zh_ndeu_press_tur_0546ecb595.jpg" alt="Сырдария көпір күрделі жөндеу пресс-тур.jpg">Тағы бір айта кетерлігі Сырдария ауданында шағын және орта кәсіпкерлікті дамыту бағытындағы жұмыстар нәтижесін беруде. Соның бірі - 2024 жылы кәсіпкерлік субъектісі ретінде тіркелген «Ханкелді» жеке кәсіпкерлігі.Кәсіпкерлік нысаны нан және нан өнімдерін өндірумен айналысады. Бүгінде кәсіпорында түрлі нан өнімдері дайындалып, аудан тұрғындарына сапалы әрі қолжетімді өнім ұсынылуда. Өндіріс орны жергілікті нарықты отандық өніммен қамтып қана қоймай, тұрақты жұмыс орындарын ашуға да үлес қосып отыр.Қазіргі таңда кәсіпкерлік нысанында 3 адам тұрақты жұмыспен қамтылған. Мұндай өндіріс орындары өңір экономикасын әртараптандырып, ауыл кәсіпкерлігінің дамуына серпін береді.<img class="image_resized" style="width:45.77%;" src="https://knadmin.beoblood.kz/uploads/Syrdariya_k_sipkerlik_salasy_press_tur_c7208b7dc2.jpg" alt="Сырдария кәсіпкерлік саласы пресс-тур.jpg"><img class="image_resized" style="width:45.63%;" src="https://knadmin.beoblood.kz/uploads/Syrdariya_k_sipkerlik_salasy_press_tur_2_166dd0948f.jpg" alt="Сырдария кәсіпкерлік саласы пресс-тур 2.jpg">Сырдария ауданында кәсіпкерлікке қолдау көрсетудің нәтижесінде ауылдық жерлерде өндіріс орындары көбейіп келеді.Бүгінде Қалжан ахун ауылында құрылыс саласына қажетті өнім шығаратын цех тұрақты жұмыс істеп, жергілікті нарықты сапалы материалдармен қамтамасыз етуде.Қазіргі таңда цехта әртүрлі қоршау материалдары мен құм блоктары өндірілуде. Өндіріс орны тәулігіне 1000 дана құм блок шығаруға қауқарлы. Бұл өз кезегінде құрылыс материалдарына деген сұранысты өтеуге мүмкіндік береді.Кәсіпкер алдағы уақытта өндіріс көлемін арттырып, жаңа жұмыс орындарын ашуды жоспарлап отыр. Өндірістік бағыттағы мұндай жобалар ауыл экономикасын дамытуға, кәсіпкерлік белсенділікті арттыруға және жергілікті тұрғындарды жұмыспен қамтуға оң ықпал етуде.<img src="https://knadmin.beoblood.kz/uploads/Auylda_y_ndiris_zh_mystary_press_tur_8f82a95a46.jpg" alt="Ауылдағы өндіріс жұмыстары пресс-тур.jpg">&nbsp;

Қазақстан және Қызылорда облысының жаңалықтары