<a href="https://kyzylorda-news.kz/">Kyzylorda-news.kz</a> &nbsp;Кеше «ХАЛЫҚ ӘУЕНІ» жобасы аясында «Astana Musical» мемлекеттік театрының «Мюзикл әлемі» концерттік сапары Арал ауданынан бастау алды.Шығармашылық сапар Қазақстан Республикасы Мәдениет және ақпарат министрлігінің бастамасымен, «Қазақстан Халық банкі» АҚ демеушілігімен жүзеге асырылып отыр.<img src="https://knadmin.beoblood.kz/uploads/whatsapp_image_2026_05_21_at_21_07_45_004691bb29.webp" alt="whatsapp-image-2026-05-21-at-21.07.45.webp">Бағдарлама көрерменге әлемдік мюзикл мәдениеті мен қазақ музыкалық өнерінің үндестігін ұсынуға бағытталған. Кеш барысында қазақ халық әндері, әлемдік хиттер, театрландырылған қойылымдар мен мюзиклдерден үзінділер орындалды.Концерт барысында көрермен назарына балалар мен отбасылық аудиторияға арналған музыкалық нөмірлер де ұсынылды. Атап айтқанда, «Baby Shark», «The Lion King Sleeps Tonight», «In the Still of the Night» композициялары орындалды.Сондай-ақ театр әртістері қазақстандық мюзиклдерден арнайы үзінділер сахналады. «ХАЛЫҚ ӘУЕНІ» жобасы кәсіби театр және музыкалық өнерді өңірлерге кеңінен таныстыруға, мәдени байланысты нығайтуға және көрерменгесапалы шығармашылық жобаларды ұсынуға бағытталған.Айта кетейік, концерттік бағдарлама 22 мамырда сағат 16:00-де Қазалы ауданы, Әйтеке би кентіндегі Р.Бағланова атындағы аудандық мәдениет орталығында және 23 мамыр сағат 17:00-де Байқоңыр қаласындағы Карен Шахназаров атындағы «Сатурн» кино концерт залында өтеді.Фото: Арал ауданы

«Халық әуені» өнер керуені Арал ауданынан бастау алды

<a href="https://kyzylorda-news.kz/">Kyzylorda-news.kz</a> 2026 жылғы 9–10 мамыр күндері Тайвань мемлекетінің ұйымдастыруымен онлайн форматта өткен Asia-Pacific Informatics Olympiad (APIO 2026) халықаралық олимпиадасына әлемнің 32 елінен 187 оқушы қатысты.Аталған беделді білім додасында Қазақстан Республикасының құрамасы жоғары нәтиже көрсетіп, 1 алтын, 1 күміс және 4 қола медаль иеленді.Қазақстан құрамасының қоржынына түскен алтын медальдің иегері — Қызылорда облысындағы С.Шаухаманов атындағы №9 облыстық «Білім-инновация» лицей-интернатының оқушысы Мансур Мамадахунов болды.Айта кету қажет, Мансур Мамадахунов — Қазақстан тарихындағы APIO олимпиадасының үшінші алтын медалін иеленген оқушы. Сондай-ақ, талантты білім алушы 2026 жылғы 9–16 тамыз аралығында Өзбекстан Республикасының Ташкент қаласында өтетін IOI-2026 (38th International Olympiad in Informatics) дүниежүзілік олимпиадасына Қазақстан құрамасы сапында қатысуға жолдама алды. Іріктеу кезеңінің нәтижесі бойынша ұлттық құрама құрамына бірінші болып енді.Бұл жетістік — өңіріміздегі дарынды оқушыларды қолдау бағытындағы жүйелі жұмыстың және сапалы білім берудің нақты нәтижесі.Фото: Қызылорда облысы білім басқармасының баспасөз қызметі

Қызылордалық оқушы APIO 2026 халықаралық олимпиадасының алтын жүлдегері атанды

<a href="https://kyzylorda-news.kz/">Kyzylorda-news.kz</a> 2026 жылғы 29 мамырда Алматы қаласында қатты тұрмыстық қалдықтарды энергетикалық кәдеге жарату зауытының құрылысы басталады. Жоба Қазақстан Президентінің инвестиция тарту және «жасыл» экономиканы дамыту жөніндегі тапсырмаларын іске асыру аясында жүзеге асырылмақ.Қазақстан Республикасының Премьер-министрі Олжас Бектенов Қытайдың қалдықтарды энергияға айналдыру саласындағы жетекші компанияларының бірі – Hunan Junxin Environmental Protection Co., Ltd директорлар кеңесінің төрағасы Дай Даогомен кездесу өткізді.Кездесу барысында Алматы қаласында қалдықтарды энергетикалық кәдеге жарату бойынша жүзеге асырылатын инвестициялық жобаның барысы талқыланды. Жобаның жалпы инвестиция көлемі 145,5 млрд теңгені құрайды.Премьер-министр Олжас Бектенов қоршаған ортаны қорғау Қазақстанның жаңа Конституциялық басымдықтарының бірі екенін атап өтті. Оның айтуынша, Үкімет экологиялық жаңғыртуға бағытталған нақты жобаларды жүзеге асыруға және озық технологиялар мен инвестициялар тартуға ерекше көңіл бөліп отыр.Өз кезегінде Дай Даого құрылыс жұмыстары 29 мамырда басталатынын және зауыт екі жыл ішінде пайдалануға берілетінін мәлімдеді.Жоба аясында тәулігіне 2 мың тоннаға дейін қатты тұрмыстық қалдық өңделіп, 60 МВт-қа дейін электр энергиясы өндіріледі. Зауыттың іске қосылуы нәтижесінде жыл сайын шамамен 200 мың тонна көмірқышқыл газы шығарындылары азайып, полигондарға түсетін жүктеме төмендейді.Сонымен қатар құрылыс кезеңінде кемінде 700 уақытша жұмыс орны ашылып, жоба толық іске қосылғаннан кейін 120 тұрақты жұмыс орны құрылады.Жоба «жасыл» энергия өндірісін дамытуға, жергілікті мамандар даярлауға, технологияларды енгізуге және экологиялық мәдениетті арттыруға бағытталған.Кездесу қорытындысы бойынша Премьер-министр салалық мемлекеттік органдарға жобаны уақтылы іске асыруды қамтамасыз етуді тапсырды.

Алматыда қалдықтарды кәдеге жарату зауытының құрылысы басталады

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев&nbsp;облыстық мәслихат депутаты Жұмабек Ембергеновпен бірге «Қызылорда – Жалағаш» облыстық маңызы бар автомобиль жолының 47,9 шақырымындағы көпірді күрделі жөндеу жұмыстарының барысымен танысты. Бұл туралы&nbsp;Сырдария ауданы әкімінің баспасөз қызметі хабарлады.Қазіргі таңда нысанда құрылыс-монтаж жұмыстары жоспарға сәйкес жүргізілуде. Жоба аясында көпірдің негізгі конструкцияларын жаңғырту және көлік қозғалысының қауіпсіздігін қамтамасыз ету бағытында кешенді жұмыстар атқарылуда.<img src="https://knadmin.beoblood.kz/uploads/Syrdariya_k_pir_1_fdada92865.jpg" alt="Сырдария көпір 1.jpg">Айта кетейік, аталған жоба бойынша құрылыс-монтаж жұмыстарын мердігер мекеме – «Сервис НС» ЖШС жүргізуде. Техникалық қадағалаушы – «Ақмешіт Элит Строй» ЖШС. Құрылыс жұмыстарының жалпы ұзақтығы 6 айды құрайды.Сырдария ауданының әкіміБерік Сәрменбаев жауапты мердігер мекемелерге құрылыс сапасын қатаң бақылауда ұстап, жұмысты белгіленген мерзімде аяқтауды тапсырды. Сонымен қатар, жол қозғалысына қолайсыздық туғызбау және тұрғындардың қауіпсіздігін қамтамасыз ету мәселесіне ерекше назар аудару қажеттігін атап өтті. Алдағы уақытта жұмыс барысы тағыда қадағаланатыны ескертілді.Фото: Сырдария ауданы әкімінің баспасөз қызметі

Сырдария: Көпір құрылысы қарқынды жүргізілуде

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаевқа өңірдің қаңтар-сәуір айларындағы негізгі макроэкономикалық көрсеткіштері және алдағы әлеуметтік-экономикалық даму жоспары баяндалды.Мұрат Ергешбаев аймақта қолайлы инвестициялық климат қалыптасып, экономиканы әртараптандыруда алдағы үш жылға 1 триллион 900 миллиард теңгенің 48 инвестициялық жобасын іске асыру жоспарланғанын айтты.Биыл 1 триллион теңгеге 14 ірі жобаның құрылысы басталады.Президенттің Ұлттық құрылтай отырысында берген тапсырмасына сәйкес, Қызылорда қаласында 300 орындық көпбейінді аурухана, 500 орындық емхана, 200 орындық перинаталдық орталық, жаңа драма театры мен заманауи кітапхананың құрылыстары жүргізіліп жатыр.Қызылорда – Ақтөбе автожолын кеңейту жобасының бірінші кезеңі басталды.Бейнеу – Сексеуіл тас жолының құрылысы жақында қолға алынбақ.Жыл соңына дейін 10 елді мекен газдандырылып, халықтың 85 пайызы көгілдір отынның игілігін көреді.Үй кезегіндегі азаматтарды баспанамен қамту мақсатында биыл 2 400 пәтер беру жоспарланған.Облыстағы 138 шақырым автомобиль жолдары, көшелер мен көпір өткелдерін жөндеуден өткізу, жолдардың 95,5 пайызын жақсарту көзделген.Мемлекет басшысы облыс әкіміне экономиканы әртараптандыру, инвестиция тарту, экологиялық ахуалды ілгерілету және ауыл шаруашылығына су үнемдеу технологияларын енгізу жұмыстарын жалғастыру бойынша бірқатар тапсырма берді.Фото: <a href="https://l.facebook.com/l.php?u=http%3A%2F%2Ft.me%2Faqorda_resmi%3Ffbclid%3DIwZXh0bgNhZW0CMTAAYnJpZBExOXlSdEZIWHZWNHlKczQ3T3NydGMGYXBwX2lkEDIyMjAzOTE3ODgyMDA4OTIAAR6uN6dTy_Zf_VxmhdYOoFqvGij6tIglN3Gt-h7RFmzmuhl44Q_oo1SP6Pqviw_aem_BgZv7zv5Cur5z6N6m7OJ-g&amp;h=AUCaFJBJtAhbIL8efkQqffUMPnT7-o-mRKwpAw9KXE31VgydbKqpCaFFlgkERNfuJSF1-EDZ2Ta_jHsNI7GZZjTZeVvU6lrfQjtF15Lum9YQQIMwh8FbxXq_Wsnzd_jB4l105z3TI9IYjJDi&amp;__tn__=-UK*F&amp;c[0]=AUD6StD4y0m1XIvlGxy2y3jrijFG4dqR27uEusJMhtHI9GYWITr79ZLmJNcoaiATpQf4Fjond3ik08o-KrGh3fv-LL_kKBEjpOruOkGeHN6DrtEmqj_VU0SEdgWzyEQ9_M1QOw0Miq3sf3XkEwku6l6ybw7oE5jKB2k1Tg-bE2Oe2bjK9UI7_Y5eMeu9pjxWEHzzD_VuclCWsfMY-e5o0ily8TsleGQ">t.me/aqorda_resmi</a>

Мемлекет басшысы Қызылорда облысының әкімін қабылдады

<a href="https://kyzylorda-news.kz/">Kyzylorda-news.kz</a> Қызылордада «Таза бейсенбі» акциясы Тасбөгет кентіндегі Байқадам каналының жағалауы мен сол маңдағы тұрғын үйлер аулаларында ұйымдастырылды.Экологиялық шараға Amanat &nbsp;партиясының облыстық филиалының төрағасы Жандос Базартай, атқарушы хатшы Ләйлә Төрешова, партияның облыстық филиалы жанындағы экологиялық кеңес мүшелері, мәслихат депутаттары, бастауыш партия ұйымдары, «Жастар Рухы» жастар қанаты және қоғам белсенділерінен құралған 100-ге жуық азамат қатысты.Шара барысында қатысушылар канал бойы мен аулаларды қоқыстан тазартып, санитарлық жұмыстар жүргізді.<img src="https://knadmin.beoblood.kz/uploads/702659435_18361526860224664_4300103435070393089_n_db8eec5f0e.jpg" alt="702659435_18361526860224664_4300103435070393089_n.jpg">Партияның облыстық филиалының төрағасы Жандос Базартай акцияның маңыздылығына тоқталып өтті.<blockquote>«Бүгінгі шараны өткізу туралы Тасбөгет кентінің тұрғындарынан өтініш түскен болатын. Азаматтардың ұсынысын қолдап, тұрғындарды жұмылдыра отырып, осы аумақта тазалық жұмыстарын ұйымдастырдық. «Таза Қазақстан» – қоршаған ортаға жанашырлық танытып, туған жердің тазалығына әр азаматтың жауапкершілікпен қарауын көздейтін маңызды бастама. Осындай шаралар арқылы қоғамда экологиялық мәдениет қалыптасады деп сенеміз», – деді Жандос Базартай.</blockquote>Кент тұрғындары атынан өтініш білдірген қоғам белсендісі Жасұлан Жакупов өтініштің назарға алынып, қолдау көрсеткен «AMANAT» партиясына ризашылығын білдірді.<blockquote>«Тұрғындар тарапынан көтерілген мәселенің ескерусіз қалмай, қысқа уақытта қолдау табуы – елмен тығыз байланыста жұмыс істеудің көрінісі. Осындай тазалық шаралары тұрғындарды ортақ іске жұмылдырып, туған жерге деген жанашырлықты арттырады», – деді ол.</blockquote>Айта кетейік, Мемлекет басшысының бастамасымен жүзеге асып жатқан «Таза Қазақстан» экологиялық акциясын қолдау мақсатында аманаттықтар сенбіліктерден бөлек, апта сайын «Таза бейсенбі» акциясын тұрақты түрде өткізіп келеді. Игі шараның басты мақсаты тұрғындарды тазалық мәдениетіне үндеп, қоршаған ортаны күтіп ұстауға қоғам назарын аудару.

Тасбөгетте «Таза бейсенбі» акциясы өтті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде Қазақстан Республикасындағы Адам құқықтары жөніндегі уәкіл Артур Ластаев жастармен кездесті. «Жаңа Қазақстан – жаңа буын» тақырыбында өткен кездесуде конституциялық реформалар аясындағы адам құқықтары мен бостандықтарын қорғау мәселелері кеңінен талқыланды.Кездесуді университеттің Басқарма төрағасы – Ректор Наурызбай Байқадамов ашып, құқық қорғау саласының тәжірибелі маманының оқу ордасына арнайы келіп, жастармен пікір алмасуына алғыс білдірді.Жиын барысында Артур Ластаев Қазақстан Республикасының Конституциясында адам құқықтары мен бостандықтары мемлекеттің ең жоғары құндылығы ретінде бекітілгенін атап өтті. Сонымен қатар, омбудсмен институтының қызметі, азаматтардың құқықтық сауаттылығын арттыру және құқық қорғау тетіктерін жетілдіру бағытындағы жұмыстар туралы сөз қозғады.Сондай-ақ, сот арқылы қорғалу құқығы, жеке басына қол сұғылмаушылық кепілдіктері және азаптауға тыйым салу нормаларының күшейтілгені айтылды.Жиында «Еркіндік рухы» жастар комиссиясының мүшесі ӘлиИслам Байқадам адам құқықтарын қорғау мен халықаралық ынтымақтастықты дамыту мемлекеттік саясаттың маңызды бағыттарының бірі екенін атап өтті. Оның айтуынша, қоғаммен тиімді байланыс орнату мақсатында эксперттік кеңес, координациялық кеңес, жастар комиссиясы және ғылыми комиссия тұрақты түрде жұмыс жүргізуде.Сонымен қатар, Қазақстанның халықаралық ұйымдармен және шетелдік серіктестермен тығыз ынтымақтастық орнатып, адам құқықтарын қорғау бастамаларын халықаралық деңгейде қолдайтыны айтылды.Шара соңында ашық пікірталас ұйымдастырылып, студенттер өздерін толғандырған сұрақтарын қойып, адам құқықтарын қорғаудың өзекті мәселелері бойынша пікір алмасты.

«Жаңа Қазақстан - жаңа буын» тақырыбында кездесу өтті

<a href="https://kyzylorda-news.kz/">Kyzylorda-news.kz</a>&nbsp; Қасиетті Құрбан айт мерекесіне орай «Халал Даму» мекемесінің ұйымдастыруымен «Қасапшылық – сауапты әрі жауапты қызмет» тақырыбында онлайн/офлайн форматта семинар өтті.Семинарға Бас мүфти кеңесшісі Смайыл Сүйерқұлұлы, ҚМДБ Шариғат және пәтуа бөлімінің маманы Медет Құрмашұлы, жергілікті инспекциялық бақылаушылар, өңірлік жауапты өкілдер мен қасапшылар қатысты. Қазіргі таңда еліміз бойынша «QMDB HALAL» куәлігіне ие 42 қасапхана мен 431 қасапшы қызмет көрсетуде.«Халал Даму» директоры Айбек Аташевтің жетекшілігімен «Zoom» платформасында өткен жиында Құрбан айт кезінде құрбан шалу рәсімін шариғат талаптарына сай орындаудың маңыздылығы кеңінен түсіндірілді.Сонымен қатар мал сою барысында сақталуы тиіс негізгі қағидалар мен әдептер айтылды:Пышақты малға көрсетпей қайрау;Малды сол жамбасымен жатқызып, құбылаға қарату;Құрбан шалуға ниет ету;«Бисмиллә, Аллаhу Акбар» деп айту;Өңеш, кеңірдек және екі күре тамырын кесу;Қан толық ағып, жан тапсырғанша күту.Семинар соңында Айбек Асқарбекұлы қасапшылардың сауалдарына жауап беріп, Құрбан айт күндеріндегі олардың қызметі аса маңызды екенін атап өтті.Еске сала кетейік, ҚМДБ-ның арнайы qurban.muftyat.kz сайты арқылы құрбан малына тапсырыс беріп, құрбандық рәсімін онлайн өткізуге мүмкіндік бар.&nbsp;

Құрбан айтқа орай қасапшыларға арналған семинар өтті

<a href="https://kyzylorda-news.kz/">Kyzylorda-news.kz</a> Президент, ең алдымен, салтанатты іс-шараға қатысушыларды Мәдениет және өнер қызметкерлері күнімен құттықтады.<blockquote>– Бұл – еліміз үшін мән-маңызы айрықша мереке. Мәдениет – халқымыздың ұлттық болмысы мен рухани дербестігінің арқауы екенін бәріміз жақсы білеміз. Мәдени және рухани дүниесін сақтай білген елдің мәртебесі биік, мерейі үстем болары айқын. Сіздер осы игі мақсат жолында табанды жұмыс істеп келесіздер. Қоғамымыз бұл еңбекті жоғары бағалайды. Бүгін мен кәсіби мереке күні еліміздегі барша мәдениет және өнер саласы мамандарына шынайы алғысымды білдіремін! Қазақ – өнердің киесін ұғатын, өнерпаздың қадірін білетін жұрт. Біз ерекше дарын иелеріне әрдайым лайықты құрмет көрсетеміз. Жұртымыз «Өнердің өрісі кең» деп сіздерді қашанда қадірлеген. Міне, бүгінгі жиын да соның бір көрінісі. Шын мәнінде, руханияты бай елдің ойы озық, болашағы жарқын болады, – деді Қасым-Жомарт Тоқаев.&nbsp;</blockquote>Мемлекет басшысы қазір Қазақстанда ауқымды өзгерістер болып жатқанын айтты.&nbsp;<blockquote>– Бұл жай ғана өзгерістер емес: еліміздің болашағына тікелей қатысы бар, мағынасы ауқымды, терең, кешенді, жүйелі реформалар жасалуда. Мақсатымыз – Отанымызды күшті, озық мемлекет ретінде дамыту, сондай-ақ, дарынды, отаншыл, жігерлі және көзі ашық, көкірегі ояу жастардың өмір жолын ашып беру. Наурыз айында бәріміз бір ел, бір халық болып конституциялық реформаға бірауыздан қолдау көрсеттік. Ортақ іске мәдениет саласының мамандары мен өнер қайраткерлері де белсене атсалысты. Саяси науқан кезінде халқымыз еліміздің жарқын болашағына үлкен сеніммен қарап, тарихи таңдауын жасады. Осылайша, жаңа Конституциямыз тұғырына қонды. Расында, бұл Қазақстанның келешегін айқындайтын маңызды шешім болғаны анық. Ата заң – ел тәуелсіздігі мен мемлекеттігінің мызғымас кепілі, халқымыз жүріп келе жатқан жолдың басты темірқазығы. Конституцияда ұлтымыздың мүддесі, мақсат-мұраты мен арман-тілегі айқын көрініс тапты. Ата заңға сәйкес еліміздің егемендігін, жеріміздің тұтастығын, азаматтардың құқығы мен бостандығын қорғау бұлжымас қағидат саналады, – деді Президент.</blockquote>Фото: t.me/aqorda_resmi

 Мемлекет басшысы мәдениет және өнер қызметкерлерін марапаттау рәсімінде сөз сөйледі

<a href="https://kyzylorda-news.kz/">Kyzylorda-news.kz</a> Жаңақорған ауданында агроөнеркәсіп саласын дамыту бағытындағы ірі инвестициялық жобалардың бірі – жаңа құс фабрикасының құрылысы қарқынды жүргізілуде.Бүгінде «Абдулла» шаруа қожалығы ОО «Союз Пром Птица» мекемесімен бірлесіп, жылына 5,5 мың тонна құс етін өндіретін заманауи құс фабрикасын салуда.<img src="https://knadmin.beoblood.kz/uploads/Zha_a_or_anda_s_fabrikasy_ashylady1_4be91062c9.jpg" alt="Жаңақорғанда құс фабрикасы ашылады1.jpg">Жобаның жалпы құны 5,5 млрд теңгені құрайды. Оның ішінде инвестор тарапынан 1,5 млрд теңге көлемінде инвестиция тартылған. Жоба толық іске қосылған кезде 120 жаңа жұмыс орны ашылып, аудан тұрғындарын тұрақты жұмыспен қамтуға мүмкіндік береді.Қазіргі таңда құс фабрикасының құрылыс жұмыстары 98 пайызға аяқталған. Нысанды 2026 жылдың шілде - тамыз айында іске қосу жоспарланып отыр.Бүгін аталған нысанның құрылыс барысымен облыстық және жергілікті бұқаралық ақпарат құралдарының өкілдері арнайы ұйымдастырылған пресс-тур аясында танысып, жобаның жүзеге асу барысын көрді.Пресс-тур барысында БАҚ өкілдері жол бойындағы қызмет көрсету кешенінің жұмысымен танысты.&nbsp;Жаңақорған ауданында көлік-логистика және сервистік инфрақұрылымды дамыту бағытындағы маңызды жобалардың бірі – Caspian Services Asia ЖШС-нің Батыс Қытай – Батыс Еуропа халықаралық көлік дәлізінің бойындағы «В» санатты жол бойындағы қызмет көрсету кешені.<img src="https://knadmin.beoblood.kz/uploads/BA_kilderi_zhol_bojynda_y_yzmet_k_rsetu_keshenini_zh_mysymen_tanysty1_b259b892c8.jpg" alt="БАҚ өкілдері жол бойындағы қызмет көрсету кешенінің жұмысымен танысты1.jpg">Жобаның жалпы құны 1 млрд теңгені құрайды. Нысан 2025 жылдың қараша айында пайдалануға берілді.Жоба аясында заманауи талаптарға сай: қонақ үй, қоғамдық тамақтандыру орны, жанар-жағар май бекеті, монша, жолаушыларға қызмет көрсету (автовокзал) бекеті салынған.Бұл кешен халықаралық маңызы бар автокөлік жолымен қатынайтын жолаушылар мен жүргізушілерге сапалы қызмет көрсетіп, жол бойындағы сервистік қызметтің қолжетімділігі мен сапасын арттыруға мүмкіндік береді.<img src="https://knadmin.beoblood.kz/uploads/BA_kilderi_zhol_bojynda_y_yzmet_k_rsetu_keshenini_zh_mysymen_tanysty_8218425c10.jpg" alt="БАҚ өкілдері жол бойындағы қызмет көрсету кешенінің жұмысымен танысты.jpg">Жаңақорған ауданында мемлекеттік қолдаудың нәтижесінде кәсіпкерлік саласында табысты жобалар жүзеге асуда. Соның бірі – Саяжай мөлтек ауданында орналасқан жеке кәсіпкер Наурыз Айымбетовтің жылыжай шаруашылығы.Кәсіпкер 2023 жылы «Ауыл аманаты» жобасы аясында 3,9 млн теңге көлемінде қаржы алып, кәсібін өз үйінің ауласынан бастаған.Жобаның нәтижелі жүзеге асуының арқасында 2025 жылы аудан әкімдігі тарапынан «Саяжай» мөлтек ауданынан 1 гектар жер телімі берілген.2026 жылы кәсібін кеңейту мақсатында «Ауыл аманаты» бағдарламасы арқылы 2,5 пайыздық жеңілдетілген 9,8 млн теңге несие алып, жылыжай жұмысын жаңа деңгейге көтерген.<img src="https://knadmin.beoblood.kz/uploads/Zha_a_or_anda_Auyl_amanaty_ayasynda_zhylyzhaj_sharuashyly_y_damuda1_40b4c83881.jpg" alt="Жаңақорғанда «Ауыл аманаты» аясында жылыжай шаруашылығы дамуда1.jpg">Қазіргі таңда жылыжайда: қияр, қызанақ, болгар бұрышы өсірілуде.Өндірілген өнімдер аудан аумағындағы сауда орындарына тұрақты түрде жеткізіліп, тұрғындардың сұранысын қамтамасыз етуде.Өнімге деген сұраныстың артуына байланысты кәсіпкер алдағы уақытта өндіріс көлемін ұлғайтып, жылыжай аумағын кеңейтуді жоспарлап отыр.Бүгін аталған нысанның жұмысымен облыстық және жергілікті бұқаралық ақпарат құралдарының өкілдері арнайы танысып, мемлекеттік қолдаудың нақты нәтижесіне куә болды.<img src="https://knadmin.beoblood.kz/uploads/Zha_a_or_anda_Auyl_amanaty_ayasynda_zhylyzhaj_sharuashyly_y_damuda_6fe81d730b.jpg" alt="Жаңақорғанда «Ауыл аманаты» аясында жылыжай шаруашылығы дамуда.jpg">Жаңақорған ауданында халықтың тұрмыс сапасын арттыруға бағытталған маңызды инфрақұрылымдық жобалардың бірі – Еңбек, Сунақата, Қожамберді, Сүттіқұдық және Екпінді елді мекендеріне жоғары қысымды жеткізуші газ құбырын салу жұмыстары қарқынды жүргізілуде.Бүгін аталған жобаның жүзеге асырылу барысымен облыстық және жергілікті бұқаралық ақпарат құралдарының өкілдері арнайы танысты.<img src="https://knadmin.beoblood.kz/uploads/Zha_a_or_anda_5_eldi_mekenge_zho_ary_ysymdy_gaz_byry_tartyluda1_1d3938c6d1.jpg" alt="Жаңақорғанда 5 елді мекенге жоғары қысымды газ құбыры тартылуда1.jpg">Жобаның жалпы құны 250,584 млн теңгені құрайды. 2026 жылға республикалық бюджеттен 100 млн теңге қаржы бөлінген. Құрылыс жұмыстарының бас мердігері – Сырэнергогазстрой. Құрылыс-монтаж жұмыстары 2026 жылдың 20 сәуірінде басталды.Бүгінгі таңда 4,4 шақырым газ құбыры тартылды, 5 дана газ тарату пункті жеткізіліп, орнату жұмыстары жүргізілуде. Жоба аясында жалпы 7,7 шақырым жоғары қысымды газ құбыры жүргізіліп, 5 дана ГРПШ орналастырылады.Қазіргі таңда құрылыс-монтаж жұмыстары 50 пайызға орындалған. Нысанды 2026 жылдың тамыз айында пайдалануға беру жоспарланып отыр. Аталған жобаның жүзеге асуы нәтижесінде 5 елді мекендегі 6251 тұрғын табиғи газдың игілігін көріп, елді мекендердің әлеуметтік-экономикалық дамуына тың серпін бермек.<img src="https://knadmin.beoblood.kz/uploads/Zha_a_or_anda_5_eldi_mekenge_zho_ary_ysymdy_gaz_byry_tartyluda_873289d518.jpg" alt="Жаңақорғанда 5 елді мекенге жоғары қысымды газ құбыры тартылуда.jpg">

Жаңақорғанда құс фабрикасы ашылады

<a href="https://kyzylorda-news.kz/">Kyzylorda-news.kz</a> Шиелі ауданында партияның аудандық филиалы жанындағы әйелдер қанатының ұйымдастыруымен «Маркетинг және қаржылық сауаттылық – әйелдер бизнесінің негізі» тақырыбында семинар өтті.Семинарға «AMANAT» партиясы Қызылорда облыстық филиалының саяси жұмыстар бөлімінің басшысы Гаухар Исмаилова, партияның аудандық филиалының атқарушы хатшысы Жібек Баймұратова, «Қарызсыз қоғам» жобасының Қызылорда облысындағы өкілі Балдырған Мәмен, «Ауыл аманаты» жобасының қатысушысы Нұргүл Бақымова, ЖК «ARIGOK тәттілері» директоры Арайлым Тлеубай және психолог-тренер Назира Аймаханова қатысты.Іс-шара аясында Әйелдер қанаты мүшелерінің қолөнер бұйымдары мен өндірілген өнімдерінің көрмесі ұйымдастырылып, «Кітап-AMANAT» жобасы бойынша атқарылған жұмыстар таныстырылды.Семинар барысында әйелдердің қоғамдағы белсенділігін арттыру, кәсіпкерлікті дамыту, қаржылық сауаттылықты жетілдіру бағытында мазмұнды баяндамалар жасалып, партияның әйелдер саясаты, қаржылық сауаттылық, кәсіпкерлікті қолдау және «Ауыл аманаты» жобасының мүмкіндіктері жөнінде спикерлер өз тәжірибелерімен бөлісті. Сонымен қатар кәсіпкер әйелдердің табысқа жету жолдары мен бизнесті дамытудағы маркетингтің маңызы кеңінен талқыланып, қатысушыларға әйелдер психологиясына қатысты арнайы тренинг те ұйымдастырылды.Жиын соңында партия қатарына жаңадан қабылданған азаматтарға партиялық билеттер табысталып, «Кітап-AMANAT» жобасы аясындағы білім сайысының жеңімпаздары арнайы сертификаттармен марапатталды.<img src="https://knadmin.beoblood.kz/uploads/jelder_k_sipkerligi_seminar_79a8951642.jpg" alt="Әйелдер кәсіпкерлігі семинар.jpg">

Әйелдер кәсіпкерлігін дамытуға бағытталған мазмұнды семинар өтті

<a href="https://kyzylorda-news.kz/">Kyzylorda-news.kz</a> Қазақстанда қуаттылығы жылына 10 млн тоннаға дейін мұнай өңдей алатын төртінші ірі мұнай өңдеу зауытын (МӨЗ) салу жобасы практикалық іске асыру кезеңіне өтуде. Жоба бойынша алдын ала техникалық-экономикалық негіздемені әзірлеу басталды.Қазақстанда болашақта мұнай-химия кластерінің орталығына айналуы мүмкін ірі мұнай өңдеу кешенін салуға дайындық жүріп жатыр.Мемлекет басшысы Қасым-Жомарт Тоқаевтың тапсырмасына сәйкес елімізде төртінші ірі мұнай өңдеу зауытын салу жобасын іске асыруға дайындық басталды.Энергетика министрлігі мұнай өңдеу және мұнай-химия саласындағы уәкілетті мемлекеттік орган ретінде жобаны ведомствоаралық деңгейде үйлестіруді жүзеге асырады. Жобаның тапсырыс берушісі — SK Ondeu («Самұрық-Қазына» қорының еншілес ұйымы). Алты ай ішінде халықаралық инжинирингтік команда кешенді алдын ала зерттеулер жүргізеді, оның қорытындысы бойынша Үкіметке болашақ зауыттың техникалық және экономикалық параметрлері ұсынылады.Алдын ала ТЭН шеңберінде бірқатар негізгі бағыттар пысықталады. Бірінші кезекте шикізатпен қамтамасыз етудің ең тиімді схемасы айқындалады — Қашаған мен Теңіз кен орындарының мұнайын өңдеу, сондай-ақ қолданыстағы құбыр инфрақұрылымы арқылы аралас шикізатты пайдалану нұсқалары қарастырылады.Сонымен қатар зауыт салынатын орынды таңдау мәселесіне ерекше назар аударылады. Сарапшылар көлік логистикасын, теміржол инфрақұрылымына қолжетімділікті, өнім өткізу нарықтарына жақындығын, экологиялық талаптарды және инженерлік коммуникациялардың болуын бағалайды.ҚР Энергетика министрі Ерлан Ақкенженов атап өткендей, жаңа кешеннің құрылысы ұзақ мерзімді энергетикалық тұрақтылық үшін прагматикалық әрі стратегиялық тұрғыдан маңызды қадам болып табылады. Оның айтуынша, жобаның орналасуы мен конфигурациясына қатысты барлық шешімдер тек экономикалық тиімділік пен техникалық есептеулер негізінде қабылданатын болады.Жобаның ғылымды қажетсіну деңгейі отандық ғылыми-зерттеу орталықтары мен бейінді жоғары оқу орындарын тарту арқылы қамтамасыз етіледі. R&amp;D құрылымдары отын стандарттарын, технологияларды және катализаторларды жетілдірумен айналысады, ал университеттер болашақ өндіріс үшін кадрлар даярлайды.Алдын ала құжаттама негізінде Үкімет жобаны жобалық-сметалық құжаттама әзірлеу сатысына көшіру, халықаралық инвесторларды тарту және зауыт құрылысын бастау туралы шешім қабылдайды.Жүргізіліп жатқан жұмыстар мұнай өңдеу саласын 2025–2040 жылдарға дамыту тұжырымдамасына сәйкес жүзеге асырылуда және экономиканы шикізаттық модельден терең өңдеуге кезең-кезеңімен көшіруге бағытталған.

Қазақстан және Қызылорда облысының жаңалықтары