<a href="https://kyzylorda-news.kz/">Kyzylorda-news.kz</a> Ағымдағы жылғы 25 қыркүйекте Қызылорда облысы әкімінің орынбасары Ардақ Темірханұлы Зебешевтің төрағалығымен бақылау және қадағалау органдарының бизнес-қауымдастық алдындағы жыл сайынғы бірыңғай есеп беру күні өтті.Шараның мақсаты – мемлекеттік органдар мен кәсіпкерлер арасындағы өзара байланысты күшейту, заң бұзушылықтардың алдын алу және бизнестің құқықтық сауаттылығын арттыру.Кездесуге құқық қорғау органдары, жергілікті атқарушы органдар, облыстық кәсіпкерлер палатасы мен бизнес өкілдері қатысты.Облыстық мемлекеттік сәулет-құрылыс бақылауы басқармасы, төтенше жағдай департаменті, еңбек инспекциясы және кәсіпкерлер палатасы 2025 жылдың 8 айындағы жұмыс қорытындыларын таныстырды.Талқылау барысында бизнес өкілдері өзекті мәселелерді көтерді: құрылыс нысандарын заңдастыру, онлайн салық тексерулері, санитарлық талаптар, жекеменшік білім беру ұйымдарын қаржыландыру және өндіріс аймағындағы экологиялық проблемалар.Жиын соңында Ардақ Темірханұлы әрбір кәсіпкердің мәселесі жеке қаралатынын және тиісті қолдау көрсетілетінін атап өтті.<img src="https://knadmin.beoblood.kz/uploads/1_Ba_ylau_zh_ne_ada_alau_organdary_biznes_aldynda_esep_berdi_5feee94f48.jpg" alt="1 Бақылау және қадағалау органдары бизнес алдында есеп берді.jpg"><img src="https://knadmin.beoblood.kz/uploads/2_Ba_ylau_zh_ne_ada_alau_organdary_biznes_aldynda_esep_berdi_ff9562935d.jpg" alt="2 Бақылау және қадағалау органдары бизнес алдында есеп берді.jpg"><img src="https://knadmin.beoblood.kz/uploads/3_Ba_ylau_zh_ne_ada_alau_organdary_biznes_aldynda_esep_berdi_bb9a37453e.jpg" alt="3 Бақылау және қадағалау органдары бизнес алдында есеп берді.jpg">

Бақылау және қадағалау органдары бизнес алдында есеп берді

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың қатысуымен Қызылордадағы Өнер орталығында «Жүйелі қайырымдылық: Тұрақтылық, серіктестік, мұра» тақырыбында IV Ұлттық қайырымдылық конференциясы өтті.<img src="https://knadmin.beoblood.kz/uploads/yzylordada_IV_ltty_ajyrymdyly_konferencziyasy_tti_b6d5b74437.jpg" alt="Қызылордада IV ұлттық қайырымдылық конференциясы өтті.jpg">Мемлекет басшысының арнайы тапсырмасымен 2022 жылы құрылған «Қазақстан халқына» қоғамдық қоры жыл сайын өңірлермен, ірі бизнес субъектілерімен және коммерциялық емес ұйымдармен өзара іс-қимыл шеңберінде ұлттық қайырымдылық конференциясын өткізіп келеді. Басқосуға «Қазақстанның Азаматтық альянсы» ЗТБ президенті Бану Нұрғазиева, «Қазақстан халқына» қорының басқарма төрағасы Ләззат Шыңғысбаева, облыстық мәслихат төрағасы, жауапты сала басшылары, қор қызметкерлері мен зиялы қауым өкілдері қатысты.Аймақ басшысы «Қазақстан халқына» қоғамдық қорының өңір тұрғындарына көрсеткен қолдауы жайлы айтты.<blockquote>«Президентіміз Қасым-Жомарт Кемелұлының тікелей бастамасымен денсаулық сақтау, білім беру, әлеуметтік қолдау салаларындағы мәселелерді шешу мақсатында құрылған «Қазақстан халқына» қоғамдық қорымен тығыз әріптестік байланыс орнатылып, бірлескен жобалар іске асып келеді. Қор құрылғалы бері 10 млрд. теңгеден астам қаржы аймағымыздағы маңызды әлеуметтік жобаларға бағытталды.Атап айтсақ, денсаулық сақтау саласына қаралған 4 млрд. 800 млн. теңгеге облыстық балалар ауруханасында, Жаңақорған, Арал аудандарында «Қамқорлық» орталықтары ашылды. Арал ауданындағы орталық қызметін көрші Ақтөбе облысының, Жаңақорған ауданындағы орталық қызметін Түркістан облысының тұрғындары да пайдаланып, оңалту шараларымен қамтылды.Қор қажетті дәрі-дәрмек алу, орталықтарды жабдықтау, медицина мамандарын шетелде оқытуға да қолдау көрсетті. Облыстық онкология орталығына құны 1 млрд. 100 млн. теңге тұратын, республика бойынша 3 облыста ғана бар скрининг жүргізуге арналған жылжымалы медициналық кешен табыстады. Кешен қазіргі таңда өңіріміздің шалғай елді мекендеріндегі тұрғындарға үздіксіз қызмет етуде.«Қазақстан халқына» қоры келесі жылы медицина саласындағы жобаларға 2 млрд. 600 млн. теңге бөлуді жоспарлаған. Оған онкологиялық ауруларды тиімді емдеуге арналған жоғары технологиялық жабдықтар (линейный ускоритель) сатып алынады.Сондай-ақ, аутизмге шалдыққан және басқа да психикалық бұзылыстары бар балаларды әлеуметтендіруге арналған орталық ашылады. Орталық жыл сайын 600 балаға қызмет көрсетпек.Білім беру саласына 2 млрд. 600 млн. теңге бөлінді. «Ауылдық аймақтардағы тірек мектептердің әлеуетін дамыту» жобасы аясында 2023-2025 жылдары 2 млрд. теңге бөлініп, 8 мектептің физика, химия, биология, робототехника, компьютерлік кабинеттері қайта жабдықталды, ауыл балалары жазғы лагерьлерде демалды.Ерекше білім беруді қажет ететін балаларға арналған арнайы интернаттардың материалдық-техникалық базасы жаңғыртылды. «Болашақ инженерлер» жобасы аясында 9 мектепке робототехника құрылғылары алынып, тиісті мамандар арнайы оқудан өтті. Қорқыт Ата атындағы Қызылорда университетінің 500-ден астам студентінің «Курсера» әлемдік платформасында білім алуына мүмкіндік жасалды.Алдағы жылы білім беру саласында тағы 2 млрд. теңгенің жобалары жүзеге асады. Атап айтқанда, облыстың 50 мектебіне «Білім-Инновация» лицейлерінің тәжірибесі енгізіледі, физика, химия, биология кабинеттері жабдықталады, 8 шағын жинақты мектептің материалдық базасы нығайтылады.Қор аймағымыздағы спорт инфрақұрылымын дамытуға 2 млрд. 700 млн. теңге бөліп, нәтижелі жұмыстар атқарылды. Биыл 348 млн. теңгеге Шиелі ауданының Досбол датқа ауылында, Жалағаш ауданының Аққыр ауылында заманауи спорт кешендері салынып, ел игілігіне табысталды. Сырдария, Қармақшы аудандарындағы спорт кешендері жаңа құрал-жабдықтармен қамтамасыз етілді.Аймағымыздың әлеуметтік-экономикалық дамуына, тұрғындарымыздың әл-ауқатын арттыруға елеулі үлес қосқаны үшін «Қазақстан халқына» қорының ұжымына Сыр жұртшылығының атынан тағы да зор алғысымызды білдіреміз», – деді Н.Нәлібаев.</blockquote>Жиында Ләззат Шыңғысбаева сөз сөйлеп, қор қызметінің маңыздылығына тоқталды.<blockquote>«Жүйелі қайырымдылық – бұл уақытша шара емес, ұзақ мерзімді өзгерістерге жол ашатын нақты іс. «Қазақстан халқына» қоры үшін бұл – адамдардың өмірін өзгертетін, болашаққа үміт сыйлайтын тұрақты жобалар. Біз мемлекет, қоғам және бизнес әріптестігі арқылы ғана шын мәнінде елеулі нәтижелерге қол жеткізе аламыз. IV конференция – бұл үш жылдық еңбектің қорытындысы ғана емес, жаңа кезеңнің бастауы. Бұл – тәжірибе алмасу, бірлескен шешімдер іздеу және қордың өңірлерге көрсеткен нақты көмегін таныстыру алаңы. Мұның барлығы келер ұрпақтың мұрасына айналады», – деп атап өтті.</blockquote>Айтулы шараға еліміздің барлық өңірінен келген 500-ге жуық делегат қатысты.Конференция мазмұны «Тұрақтылық», «Серіктестік» және «Мұра» атты үш негізгі бөлімнен тұрады, әрбір бөлім жүйелі қайырымдылықтың маңызды бір қырын ашып көрсетуді мақсат еткен. Қордың қолдауына ие болған 12 азамат өз оқиғалары туралы, игі істің өмірінде, ұжымында қандай оң өзгерістерге жол ашқанын айтып берді.Өнер орталығының фойесінде өткен «Қазақстан халқына» қорының жобалар көрме-жәрмеңкесі білім беру, денсаулық сақтау және әлеуметтік қолдау саласындағы бастамаларды біріктірді. Қонақтарға жаңа жабдық қана емес, өзгерістердің нақты нәтижелері көрсетілді.Айта кетейік, бүгінде қордың және облыстық бюджеттің қаржысына қаламыздың сол жағалауында құны 2 млрд. 900 млн. теңге болатын мүмкіндігі шектеулі жандарға арналған дене шынықтыру-сауықтыру кешенінің құрылысы қарқынды жүруде. Нысан алдағы қазан айында пайдалануға беріледі.<img src="https://knadmin.beoblood.kz/uploads/yzylordada_ta_yrybynda_IV_ltty_ajyrymdyly_konferencziyasy_tti_551ac291fd.jpg" alt="Қызылордада тақырыбында IV ұлттық қайырымдылық конференциясы өтті.jpg">Келесі жылы 6 спорт мектебі жабдықталады. Мүгедектігі бар балалар мен жастар инновациялық протездік-ортопедиялық құралдармен қамтамасыз етілді. «Үй жағдайында мүгедектігі бар балаларды оңалту» жобасы аясында 283 млн. теңгеге 95 құрал-жабдық сатып алынды. Қармақшы ауданындағы мүмкіндігі шектеулі балаларға әлеуметтік қызмет көрсететін «Дәметкен Ана» орталығының материалдық базасы нығайтылды. Бүгінде орталықта оңалту қызметін алатын 30 бала бар.Фото: Қызылорда облысы әкімінің баспасөз қызметі

Қызылордада «Жүйелі қайырымдылық: Тұрақтылық, серіктестік, мұра» тақырыбында IV ұлттық қайырымдылық конференциясы өтті

<a href="https://kyzylorda-news.kz/">Kyzylorda-news.kz</a> &nbsp; «AMANAT» &nbsp;партиясының облыстық филиалы жанындағы «Жер аманаты» комиссиясының кезекті отырысы өтті. Онда «Мемлекет басшысының Жолдауынан туындайтын жер қатынастары мәселелері мен есепті кезеңде облыс бойынша мемлекет меншігіне қайтарылған және бөлінген жер көлемдері туралы мәселелер қаралды.Жиында облыстық жер ресурстарын басқару департаментінің басшысы Марат Кушеков Жолдауда айтылған жерді айналымға алу, жер беру механизімін өзгерту, жердің ортақ цифрлы картасын құру, жерді басқаруда цифрлық технологиялардың ролін көтеру және жерді қайтару мәселелері бойынша өңірде атқаралып жатқан жұмыстарды жеткізді.Ел Президентінің пайдаланылмай жатқан ауыл шаруашылығы жерлерін қайтару тапсырмасы аясында биылғы жылы да жұмыстар өз жалғасын табуда. Мәсәлен, 2022-2024 жылдары мемлекетке 460 мың гектар жер қайтарылып, Ауыл шаруашылығы министрлігімен облысқа бекітілген жоспар артығымен және мерзімінен бұрын орындалды. Ағымдағы жылы орталық уәкілетті орган 60 мың гектар игерілмей бос жатқан жерді қайтаруды белгілеп отыр. Жыл басында облыс әкімдігімен бірлесіп қала және аудандар бойынша қайтарылатын жерлердің жоспары мен айлық кестесі бекітілді.Атқарылған жұмыстардың нәтижесінде бүгінгі күнге 51 мың гектар жер қайтарылып, 9 айлық жоспар 106 % пайызға, ал жылдық жоспар 85 % пайызға орындалып отыр», - деді Марат Кушеков.Облыстық ауыл шаруашылығы және жер қатынастары басқармасы басшысының орынбасары Рсыбек Шайхиев бүгінгі күні жер қатынастары саласындағы мемлекеттік көрсетілетін қызметтер толық цифрландырылған. Сонымен қатар, елді мекендер аумағында кәсіпкерлік мақсатында жер телімін аукцион арқылы сату электронды түрде жүзеге асырылуда. Жыл соңына дейін ауыл шаруашылығы мақсатындағы жерлерді электронды түрде конкурс арқылы табыстау жобасы және Мемлекет басшысының Жолдауда қайтарылған жерлердің барлығын 2026 жылдың 1 шілдесіне дейін айналымға енгізу туралы тапсырмасына сәйкес облыс әкімдігімен жергілікті тұрғындардың жайылымдық қажеттігін ескере отырып, жерлерді қайта айналымға енгізудің тоқсандық жоспары әзірленіп жатыр,- дейді.Жиында комиссия мүшелері жұмысты жетілдіруге қатысты ұсыныстарын ортаға салып, қайтарған жерлердің игілігін ел көру керектігін сөз етті.&nbsp;

Президент Жолдауынан туындайтын жер қатынастары мәселесі комиссия отырысында қаралды

<a href="https://kyzylorda-news.kz/">Kyzylorda-news.kz</a> &nbsp;Биыл Шәмші атамыздың туғанына 95 жыл толды. Осыған орай, Түркістан облыстық Ш. Қалдаяқов атындағы филармония ұжымы Қызылорда қаласында «Ән аға-жан аға» атты концерт ұйымдастырып, әнсүйер көрермендердің ыстық ықыласына бөленді.Фойеде «Тұмар» этно-фольклорлық ансамблі Шәмші әндерін аспапта ойнап, көрерменді қарсы алды. Әнсүйер қауым Шәмшінің өзі қолданған бұйымдарын, киімдерін тамашалау мүмкіндігіне ие болды.Сондай -ақ Шәмші ауылынан алынған ұлттық тағамдардан арнайы дайындалған фуршет дастарханы арқылы дәм ауыз тиді. Поно-тақтайшаларынан Шәмші әндерінің шығу тарихынан хабардар болды.Кеште 60 жылдан астам тарихы бар өнер ордасының әртістері Ұлы композитордың таңдаулы шығармаларын орындады. Концерт барысында ән еркесінің өмірі мен шығармашылығына арналған бейнероликтер көрерменге жол тартты.Ш.Қалдаяқов атындағы филармония ұжымына Қызылорда облыстық филармониясы «Өнер орталығы» мекемесінің концерттік залы көрерменмен толыққандығы, қошеметі,сый-құрметі асқан шабыт сыйлады.Айта кету керек Ш. Қалдаяқов атындағы облыстық филармония ұжымының «Ән аға-Жан аға» атты концерттік жобасы бұған дейін Түркістан, Шымкент, Алматы қалаларында қойылып, көрерменнің ықыласына кенелген болатын.Өнер ордасының келесі концерті бұрынғы кештерден де өзгеше және әсерлі болады.

Шәмші әндері Қызылорда төрінде шырқалды

<a href="https://kyzylorda-news.kz/">Kyzylorda-news.kz</a> Қарыздық жүктеме коэффициенті — бұл жалақыңыздың қанша бөлігі несиелерді төлеуге кететінін көрсететін көрсеткіш. Егер табыстың жартысы төлемдерге жұмсалса, онда жүктеме тым жоғары деген сөз. Қалған сома күнделікті шығындарға: тамаққа, дәрі-дәрмекке, коммуналдық төлемдерге жетпеуі мүмкін.Борыш жүктемесінің коэффициенті (БЖК) – Қазақстандағы банктер мен микроқаржы ұйымдары (МҚҰ) қарыз алушының қаржылық жағдайын бағалап, &nbsp;қарызды мақұлдау немесе қарыз беруден бас тарту туралы шешім қабылдайтын негізгі көрсеткіштердің бірі.Кредиторлар үшін БЖК – адамның борыш міндеттемелерін қаншалықты атқара алатынын айқындау тәсілі. Бұл көрсеткіш неғұрлым жоғары болса, қарыз алушының қарыздарын уақытында төлей алмау қаупі соғұрлым жоғары болады. Тиісінше, банктің немесе МҚҰ-ның жаңа қарызды мақұлдау ықтималдығы соғұрлым төмен болады.Коэффициент қалай есептеледі?БЖК-ні есептеу үшін кредиттер бойынша ай сайынғы төлемдердің жалпы сомасын қарыз алушының орташа айлық кірісіне бөлу керек.Есепке мынадай барлық міндетті төлемдер кіреді: ипотека, автокредит, тұтынушылық қарыздар, микрокредиттер, тіпті олардың пайдаланылуы немесе пайдаланылмауына байланыссыз кредит карталары бойынша лимиттер. Бұл ретте соңғы 6 айдағы кіріс есепке алынып, ресми және құжат жүзінде расталған ақша түсімдерін (жалақы, зейнетақы, ДК кірістері және т.б.) қамтиды.Заңнамада БЖК-нің қандай мәні белгіленген?Банктер мен МҚҰ-да кредиттер ресімдейтін азаматтар үшін БЖК-нің шекті мәні 0,5-ті құрайды, яғни ай сайынғы төлем қарыз алушының &nbsp;ай сайынғы кірісінің жартысынан аспауға тиіс.Жоғары кредиттік жүктеме несімен қауіпті?Тым жоғары БЖК жаңа кредиттер беруден бас тартуларға, жоғары пайыздық мөлшерлемелерге, мерзімді кешіктіруге және кредиттік тарихтың нашарлауына, сондай-ақ тығырыққа тірелу қаупіне әкеп соқтыруы мүмкін.БЖК-нің қалай есептелетінін біле отырып, қарыз алуға өтіні беруге алдын ала дайындалуға және қаржы ұйымының шешіміне болжам жасауға болады.Көптеген пайдалы материалды Fingramota.kz сайтынан алуға болады.Фото: fingramota.kz

Адам өзіне қанша несие ала алады? 

<a href="https://kyzylorda-news.kz/">Kyzylorda-news.kz</a> 25 қыркүйек күні сағат 12:00-де Қазақстанда алғашқы атом электр станциясына үздік атау беру бойынша жалпыхалықтық конкурс басталды. Конкурсқа әрбір қазақстандық <a href="https://www.gov.kz/memleket/entities/atom-energiyasy/press/news/details/1074734?lang=kk">eGov Mobile</a> арқылы қатыса алады.Сауалнама eGov Mobile мобильді қосымшасында жүргізіледі. Басты парақшада «АЭС-ке атау ұсыныңыз» баннері орналастырылған, ал пайдаланушыларға конкурстың басталғаны туралы push-хабарлама жіберіледі.Бастаманың мақсаты – болашақ станцияға тарихи, мәдени және ұлттық маңызын айқын көрсететін атау таңдау.Қатысу үшін:<ul><li style="text-align:justify;">тілді таңдау (қазақ немесе орыс);</li><li style="text-align:justify;">өз нұсқасын ұсыну;</li><li style="text-align:justify;">атаудың мағынасын қысқаша сипаттау (міндетті емес);</li><li style="text-align:justify;">конкурстың ресми қағидаларымен танысқанын растау.</li></ul>Ұсыныстарды қабылдау 2025 жылғы 10 қазандағы сағат 23:59-ға дейін жалғасады.Конкурс қағидаларымен Атом энергиясы жөніндегі агенттіктің ресми сайтында және ведомствоның әлеуметтік желілеріндегі парақшаларында танысуға болады.Ұйымдастырушылар барлық азаматтарды еліміздің энергетика саласының тарихына үлес қосып, Қазақстанның алғашқы АЭС-на атау ұсынуға шақырады.Фото: gov.kz

Қазақстандағы алғашқы АЭС-ке үздік атау беру конкурсы басталды

<a href="https://kyzylorda-news.kz/">Kyzylorda-news.kz</a> Қазіргі таңда интернет-алаяқтық қылмыстары қоғам үшін ең өзекті мәселелердің бірі болып отыр. Азаматтардың қаржысын жымқырудың түрлі әдістерін қолданатын қылмыскерлерге тосқауыл қою мақсатында өңірде жүйелі профилактикалық шаралар жүргізілуде. Бұл туралы бүгін Өңірлік коммуникациялар қызметінің ақпарат алаңында Қызылорда облысының полиция департаменті Киберқылмыспен күрес басқармасы бастығының орынбасары Тимур Хамитов мәлімдеді.<blockquote>- Жыл басынан бері облыс аумағында интернет-алаяқтыққа қатысты 118 қылмыстық іс тіркелді. Оның ішінде 41 іс бойынша сотқа дейінгі тергеп-тексеру аяқталып, түпкілікті шешім қабылданды. Қазіргі уақытта ең жиі кездесіп отырған тәсіл – өзін банк қызметкері ретінде таныстырып, азаматтарды алдау. Мұндай жағдайда қылмыскер жәбірленушіге хабарласып, оның атындағы есепшотқа шабуыл жасалғанын немесе төлем картасындағы қаржысын жымқырып жатқандар бар екенін айтады. Кейін “қауіпсіз есепшотқа” қаражатты аударуды талап етеді. Сондай-ақ алаяқтар TeamViewer немесе AnyDesk сияқты арнайы бағдарламаларды жүктеп алуға көндіреді. Аталған қосымшалар арқылы олар жәбірленушінің телефонына қашықтан кіріп, банк қосымшасын толықтай басқара алады. Бұл ретте депозиттегі қаржыны шешіп алып қана қоймай, кез келген сомада онлайн несие рәсімдеп, түскен ақшаны өздерінің есепшотына аударып жіберу олар үшін қиын емес. Интернет-алаяқтықтың тағы бір кең тараған түрі - әлеуметтік желілерде жалған парақшалар ашып, тұрмыстық заттарды сату немесе қызмет көрсетуді уәде етіп, алдын ала төлемді алып жоғалып кету. Сондай-ақ, WhatsApp мессенджері арқылы таныстардың фотосын пайдаланып, қарызға ақша сұрау деректері де жиілеп отыр. Осыған орай тұрғындарымызға күдікті қоңыраулар мен хабарламалар түскен жағдайда ешқашан жеке деректерін бермеуді, банк картасы мен қосымшаға қатысты құпия кодтарды айтпауды ескертеміз. Ең бастысы - банк атынан хабарласқан белгісіз адамдарға сенбей, бірден ресми сенім телефондарына қоңырау шалған жөн,-деді Тимур Зуфарович.</blockquote><img src="https://knadmin.beoblood.kz/uploads/Oblysta_internet_alaya_ty_ty_aldyn_alu_sharalary_k_shejtildi_1013481cb9.jpg" alt="Облыста интернет-алаяқтықтың алдын алу шаралары күшейтілді.jpg">Фото freepik

Облыста интернет-алаяқтықтың алдын алу шаралары күшейтілді

<a href="https://kyzylorda-news.kz/">Kyzylorda-news.kz</a> Қызылордадағы Е.Әуелбеков атындағы дарынды балаларға арналған №4 облыстық мектеп-интернатында «Отбасы мектеп» жобасы аясында «Отбасы құндылықтары – ұлт байлығы» тақырыбында ашық форсайт-сессия ұйымдастырылды.Іс-шараны облыс әкімдігі жанындағы әйелдер істері және отбасылық-демографиялық саясат жөніндегі комиссия, Қазақстан халқы Ассамблеясы жанындағы Аналар кеңесі және мектеп-лицей ұжымы бірлесе өткізді.Форсайт-сессияда отбасылық құндылықтарды дәріптеу мақсатында ғылыми-зерттеу жобалары, дебат, өнер фестивалі, кітап клубы, фотосессия, экологиялық бастамалар мен кулинарлық шоу секілді тақырыптық алаңдар жұмыс істеді. Бұл бағыттар оқушылардың шығармашылық қабілеттерін ашуға, ата-ана мен бала арасындағы байланысты нығайтуға жол ашты.Шара барысында «Қоғамдық келісім» КММ директорының м.а. Дәулет Омаров пен облыстық Аналар кеңесінің төрайымы Айгүл Мұсабаева сөз сөйлеп, отбасы құндылықтарын жас ұрпақ санасына сіңірудің маңыздылығына тоқталды.Сессия қорытындысында үздік жоба иелері марапатталды.

 «Отбасы құндылықтары – ұлт байлығы» атты форсайт-сессия өтті

<a href="https://kyzylorda-news.kz/">Kyzylorda-news.kz</a> Қызылордадағы Достық үйінде Қазақстан халқы Ассамблеясының 30 жылдығына орай өңірлік медиация бағыты мен этномедиация институтының қызметін таныстыру шарасы өтті.<img src="https://knadmin.beoblood.kz/uploads/yzylordada_etnomediacziya_institutyny_zh_mysy_tanystyryldy_a11608a424.jpg" alt="Қызылордада этномедиация институтының жұмысы таныстырылды.jpg">Жиынға қала және аудан әкімдіктерінен келген мемлекеттік қызметкерлер қатысты. Қатысушыларға Достық үйінің негізгі қызметтері мен қоғамдық келісімді нығайту бағытындағы жұмыстар жөнінде «Қоғамдық келісім» КММ бөлім басшысы, Этномедиация орталығының үйлестірушісі Шахизат Абдраманова жан-жақты ақпарат берді.<img src="https://knadmin.beoblood.kz/uploads/1_yzylordada_etnomediacziya_institutyny_zh_mysy_tanystyryldy_8d4f1bd5b7.jpg" alt="1 Қызылордада этномедиация институтының жұмысы таныстырылды.jpg">Ол этномедиация орталығының атқарып жатқан жұмыстарын баяндап, халық арасындағы дауларды шешу, татуласу мәдениетін дамыту және келісім құндылықтарын дәріптеу бағытындағы тәжірибелермен бөлісті.

Қызылордада этномедиация институтының жұмысы таныстырылды

<a href="https://kyzylorda-news.kz/">Kyzylorda-news.kz</a> «Жолаушылар тасымалы» АҚ өз пойыздарында цифрлық технологияларды дамытуды жалғастыруда. Алдағы айларда №33/34 «Ақтөбе – Алматы» және №21/22 «Қызылорда – Семей» бағыттарындағы пойыздарда Starlink технологиясы арқылы интернет қолжетімді болады.Жаңа буындағы «Астана – Бурабай курорты» бағыты бойынша жүретін №888/887 «Burabay Express» электропойызында Starlink технологиясы іске қосылып, жолаушылар алғаш рет жол үстінде интернетке қосылу мүмкіндігіне ие болды. Бұл — жылдамдығы 250 Мбит/с-тан асатын жоғары жылдамдықты интернеті бар алғашқы жүрдек электропойыз.Пилоттық жобаның алғашқы нәтижелері бұл қызметтің жоғары сұранысқа ие екенін көрсетті. Жолаушылар ойын-сауық контентін көру, мессенджерлер арқылы байланысу, сапар барысында қашықтан жұмыс істеу, сондай-ақ онлайн-табло, мультимедиялық жүйе және қолма-қол ақшасыз төлем қызметі сияқты қосымша сервистерді пайдалана алады.Ұлттық тасымалдаушы үшін бұл жоба жолаушылар қауіпсіздігін арттыруға бағытталған. Пойызға орнатылған бейнекамералар жол бойы жағдайды бақылауға, ал GPS-трекерлер маршрутты нақты уақыт режимінде Ситуациялық орталықтан қадағалауға мүмкіндік береді.Жоба пойыздарға жоғары жылдамдықты интернет енгізуге маманданған SkyNomad компаниясымен әріптестіктің нәтижесінде жүзеге асырылды. Компания жолаушыларға тұрақты қосылуды қамтамасыз ететін кешенді веб-платформа әзірледі. Ал Starlink технологиясы дәстүрлі желілер қолжетімсіз ең шалғай аймақтарда да сенімді интернет байланысын ұсынады.Биыл «Жолаушылар тасымалы» АҚ цифрландыру бағдарламасы аясында пойыздарды интернетпен қамту жұмысын жалғастырып, пилоттық режимде №67/68 «Астана – Өскемен» және №3/4 «Астана – Алматы» бағытындағы «Тальго» пойыздарында төмен орбиталы жоғары жылдамдықты спутниктік интернетті іске қосты. Бүгінгі күнге дейін осы үш бағытта 100 мыңнан астам жолаушы интернет қызметін пайдаланды.«Жолаушылар тасымалы» АҚ баспасөз қызметі

«Ақтөбе – Алматы» және «Қызылорда – Семей» бағыттарындағы пойыздарда Starlink интернеті қосылады

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаев грек-рим күресінен Әлем чемпионы Айдос Сұлтанғалимен,жеке бапкері Ғабиден Райымбекпен кездесті.Әлем чемпионын жарқын жеңісімен құттықтау үшін басқосуға облыстың зиялы қауым өкілдері, құқық қорғау органдарының бірінші басшылары, спорт саласының ардагерлері, жаттықтырушылар мен жергілікті спортшылар қатысты.<img src="https://knadmin.beoblood.kz/uploads/yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_156fd75972.jpg" alt="Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg">​Аймақ басшысы бұл жеңіс Сыр өңірінің ғана емес, Қазақ елінің мәртебесін арттырғанын айтты.<blockquote>​«Бүгін – біздің өңіріміз үшін ерекше қуанышты күн.Спорт әлеміндегі биік белесті бағындырып, Тәуелсіз Қазақстанымыздың атын төрткүл дүниеге танытқан жерлесіміз, мақтанышымыз Айдос Сұлтанғалиұлын грек-рим күресінен Әлем чемпионы атануымен құттықтау үшін арнайы бас қостық.Президентіміз Қасым-Жомарт Кемелұлы «Спортшыларымыздың ерлігі – ел рухын көтеретін, ұлт бірлігін нығайтатын маңызды фактор», – деп ерекше атап өткен болатын.Айдос Сұлтанғалиұлы жақында Хорватия астанасы Загреб қаласында өткен ересектер арасындағы грек-рим күресінен Әлем чемпионатында араға 26 жыл салып, қазақ спорты тарихындағы теңдессіз жетістікке қол жеткізді. Осы тарихи жеңіс барша Қазақ елінің, Сыр жұртшылығының мерейін үстем етті.Грек-рим күресінен Әлем чемпионатының алтын медалін елімізге соңғы рет 1999 жылы Грекияның Афины қаласында өткен дүбірлі додада Мхитар Манукян (63 кг) алып келген болатын.Араға ширек ғасыр салып, жерлесіміз Айдос Сұлтанғали әлемдік аренада топ жарды.Чемпионымызды Мемлекет басшымыз арнайы құттықтап «Айдос – грек-рим күресінен осы ғасырдағы тұңғыш жеңімпаз»,– деп жоғары бағалады.Бұл жеңіс – жас балуандарымызға үлгі-өнеге, еліміздің спортына серпін беретін жоғары жетістік.Айдос бауырымыздың жеңісіне бапкері Ғабиден Райымбекұлының сіңірген еңбегі зор. Ол тек спортшыны емес, нағыз батыр азаматты тәрбиелеп шығарды. Шәкіртінің әрбір жеңісі бапкерінің маңдай терінің жемісі деп санаймыз. Қос батырымызға қандай құрмет көрсетсек те лайықты.Айдосқа бұған дейін де мемлекет, облыс тарапынан қолдау көрсетіліп келеді. Өткен жылы еліміздің, өңіріміздің жанашыр азаматы Бақдәулет Еркінбекұлының демеушілігімен автокөлік табысталған. Бұдан бөлек, ай сайын 1 млн. теңге мемлекеттік стипендия беріледі. Бұл қолдау әрі қарай жалғасады.Біз батырымызды әрдайым бабында болуы үшін қолдап, қорғауымыз керек. Алдағы Олимпиада ойындарында жеңіс тұғырынан көрінуіне жан-жақты жағдай жасаймыз.Бүгінгі мерейлі сәтте барша Сыр жұртшылығының атынан Айдос бауырымызға жаңа автокөлік пен пәтер кілттерін, бапкері Ғабиденге де жаңа пәтер беру туралы шешім қабылдадық.Батырларымызға сый-сыяпаттарымызды табыстауға рұқсат етіңіздер», – деді Н.Нәлібаев.</blockquote>Жиында облыстық ардагерлер кеңесінің төрағасы Серік Дүйсенбаев, Қазақстан Республикасының еңбек сіңірген жаттықтырушысы Жұмағали Киікбаев сөз сөйлеп, құттықтау лебіздерін жеткізді.<img src="https://knadmin.beoblood.kz/uploads/5_yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_64a3279721.jpg" alt="5 Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg"><img src="https://knadmin.beoblood.kz/uploads/2_yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_7430075267.jpg" alt="2 Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg"><img src="https://knadmin.beoblood.kz/uploads/3_yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_94693ff45f.jpg" alt="3 Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg"><img src="https://knadmin.beoblood.kz/uploads/4_yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_166f5e625f.jpg" alt="4 Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg"><img src="https://knadmin.beoblood.kz/uploads/7_yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_d607db144b.jpg" alt="7 Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg"><img src="https://knadmin.beoblood.kz/uploads/6_yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_3342e09b17.jpg" alt="6 Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg"><img src="https://knadmin.beoblood.kz/uploads/8_yzylorda_oblysyny_kimi_lem_chempiony_men_bapkerine_p_ter_zh_ne_k_lik_kiltterin_tabys_etti_1f84503cb2.jpg" alt="8 Қызылорда облысының әкімі Әлем чемпионы мен бапкеріне пәтер және көлік кілттерін табыс етті.jpg">Басқосуда сөз алған грек-рим күресінен Қазақстан Республикасының еңбек сіңірген жаттықтырушысы, «Дене шынықтыру және спортты дамытуға сіңірген еңбегі үшін» төсбелгісінің иегері Ғабиден Райымбек, грек-рим күресінен спорт шебері, Қазақстан Республикасы ұлттық құрама командасының мүшесі, республикалық, халықаралық жарыстардың бірнеше дүркін жеңімпазы, Әлем чемпионы Айдос Сұлтанғалиұлы көрсетілген құрметке алғыс білдірді.Еске салайық, өңірде спорт саласын дамыту бағытында ауқымды жобалар қолға алынып, жүйелі жұмыс атқарылды. Өңірімізде соңғы 3 жылда 20 спорт кешені пайдалануға берілді, биыл тағы 6 нысан ел игілігіне табысталады.Фото: Қызылорда облысы әкімінің баспасөз қызметі

Қызылорда облысының әкімі Әлем чемпионы мен бапкеріне пәтер және көлік кілттерін табыс етті

<a href="https://kyzylorda-news.kz/">Kyzylorda-news.kz</a> 4 қазан күні Қызылордада футболдан Қазақстан Кубогының финалдық матчы өтеді. Шешуші кездесуде Шымкенттің «Ордабасы» мен Қостанайдың «Тобылы» күш сынасады.<img src="https://knadmin.beoblood.kz/uploads/1_aza_stan_kubogyny_finaly_2025_6bb0f6ca00.jpg" alt="1Қазақстан кубогының финалы–2025.jpg">Бұл – отандық футбол тарихында тұңғыш рет Қызылордада өтетін финал болмақ. Қазақстан Кубогының басты ойыны жаңа «Қайсар Арена» стадионындағы алғашқы ресми матч ретінде тарихқа енеді. Ойынның басталуы – сағат 19:00-де. Ал матч алдындағы іс-шаралар 18:00-де басталады.Екі клуб та өз тарихында екі реттен Қазақстан Кубогын иеленген. Бұған дейін де бұл екі команда финалда үш мәрте жолыққан: 2007 және 2023 жылдары жеңісті «Тобыл» тойласа, 2011 жылы кубок «Ордабасының» еншісіне бұйырған.<img src="https://knadmin.beoblood.kz/uploads/2_aza_stan_kubogyny_finaly_2025_8992a5c8ce.jpg" alt="2Қазақстан кубогының финалы–2025.jpg">2025 жылғы Кубокта қос команда жолын 1/8 финалдан бастаған. «Ордабасы» «Хан-Тәңіріні», «Қайратты» және «Қызылжарды» жарыс жолынан шығарды. Ал «Тобыл» болса, «Жетісу», «Тұран» және «Жеңіс» командаларын жеңді.Финалда жеңіске жеткен клуб беделді трофейге ғана ие болмайды, сонымен қатар 2026/27 маусымындағы УЕФА Конференциялар лигасының екінші іріктеу кезеңінен бастап қатысу құқығына қол жеткізеді. Егер «Тобыл» чемпионаттағы алғашқы үштікке кіруді іс жүзінде қамтамасыз етіп үлгерсе, «Ордабасы» үшін бұл халықаралық аренаға шығудың жалғыз мүмкіндігі болып тұр.Бұл кездесу турнирлік маңыздан бөлек, екі түрлі жаттықтырушылық мектептің тартысы ретінде де қызық. «Ордабасыны» молдовалық маман Андрей Мартин жаттықтырса, «Тобылдың» тізгіні Қазақстан құрамасының бұрынғы ойыншысы, Қостанай футболының аңызы Нұрбол Жұмасқалиевтің қолында.<img src="https://knadmin.beoblood.kz/uploads/3_aza_stan_kubogyny_finaly_2025_db8ca7a03d.jpg" alt="3Қазақстан кубогының финалы–2025.jpg">Финалдың мәдени бағдарламасы да айрықша болмақ. «Қайсар Арена» алаңында көрермендерге белгілі қазақстандық өнерпаздар – Sadraddin және қызылордалық Belucci тобы өнер көрсетеді. Sadraddin – кең танымал әндер авторы әрі орындаушысы, көптеген музыкалық жүлделер иегері. Ал Belucci тобы – поп-dance жанрындағы энергиялық тректері мен жарқын сахналық қойылымдарымен танылған ұжым.Кәсіби клубтар арасындағы жарыстарды өткізу дирекциясының басшысы Бақытжан Пазылхайыр ресми пікір білдірді:<blockquote>«Қазақстан Республикасы Президенті Қасым-Жомарт Тоқаевтың тапсырмасымен елде жаңа стадиондар салу және қолданыстағыларын жаңғырту бойынша ауқымды жұмыс жүргізілуде. Сол жобалардың бірі – Қызылордадағы «Қайсар Арена». 2025 жылғыҚазақстан Кубогының финалы осы заманауи аренадағы алғашқы ресми матч болмақ. Бұл – маусымдағы ең басты қызықтардың бірі. Қостанайлық клуб чемпиондық үшін таласып жатса, шымкенттіктер Премьер-лигадағы орнын күшейтуге тырысуда. Көрермендер жоғары деңгейлі ойын мен үлкен спорттық тартысты тамашалайды деп сенемін. Әсіресе, қызылордалық жанкүйерлер үшін бұл кездесудің ерекше мәні бар, себебі жаңа алаңда өз жерлестері Асхат Тағыберген өнер көрсетпек».</blockquote>Қазақстан кубогының финалы–2025 жанкүйерлер үшін үлкен мерекеге айналмақ. Қатысушылар жаңа аренаның алаңын алғаш сынаса, көрермендер тарихтың куәгері болады.<img src="https://knadmin.beoblood.kz/uploads/aza_stan_kubogyny_finaly_2025_61c3b2502e.jpg" alt="Қазақстан кубогының финалы–2025.jpg">Матч 4 қазан, сенбі күні өтеді. Басталуы – 19:00. БАҚ өкілдері аккредитация алу үшін мына телефонға хабарласа алады: +7 (707) 713-27-50 немесе электрондық пошта арқылы: kffleaguee@gmail.com.

Қазақстан және Қызылорда облысының жаңалықтары