<a href="https://kyzylorda-news.kz/">Kyzylorda-news.kz</a> Қазақстан Ұлттық Олимпиадалық комитетінің президенті Геннадий Головкин грек-рим күресінен әлем чемпионы Айдос Сұлтанғалимен кездесті, – деп хабарлайды <a href="https://kaz.inform.kz/news/gennadiy-golovkin-alem-chempioni-aydos-sultangalimen-kezdest-0b89e5/">Қазақпарат.</a>Комитет мәліметінше, кездесу барысында ҰОК басшысы спортшыны 2025 жылы Хорватияның Загреб қаласында өткен әлем чемпионатында жеңіп алған алтын медалімен құттықтады.Еске сала кетейік, Айдос Сұлтанғали 60 келіге дейінгі салмақ дәрежесінде топ жарып, соңғы 26 жылда және XXI ғасырда Қазақстанның грек-рим күресіндегі алғашқы алтын жүлдесін ел қоржынына салды.<blockquote>– Айдос жоғары шеберлік пен табандылық танытты. Оның жеңісі – көп жылғы еңбектің және мақсатқа жүйелі түрде ұмтылудың нәтижесі. Бұл жетістік тек грек-рим күресі үшін ғана емес, жалпы қазақ спорты үшін де үлкен маңызға ие. Енді осы қарқынды сақтап, Лос-Анджелестегі Олимпиада ойындарына тыңғылықты дайындықты жалғастыру қажет. Ұлттық Олимпиадалық комитет өз тарапынан барлық қажетті қолдауды көрсетуге дайын. Айдосқа жаңа олимпиадалық маусымда сәттілік пен табыс тілеймін, - деді Геннадий Головкин.</blockquote>Фото: ҚР ҰОК

Геннадий Головкин әлем чемпионы Айдос Сұлтанғалимен кездесті

<a href="https://kyzylorda-news.kz/">Kyzylorda-news.kz</a> Сауда және интеграция министрі Арман Шаққалиев сауданың жоспарлы көрсеткіштеріне қол жеткізу бойынша жүргізіліп жатқан жұмыстар туралы баяндады.Министрдің айтуынша, 9 айда сауда саласының нақты көлем индексі 108,8% болды. Номиналды түрде сауда көлемі 52,8 трлн теңге болып, өткен жылдың сәйкес кезеңімен салыстырғанда 14,5% өсім көрсетті.<blockquote>– Мұндай өсім елдің барлық өңірде байқалады. Әсіресе сауда өсіміне ең көп үлес қосқан өңірлер — Алматы, Астана, Шымкент қалалары мен Атырау және Қарағанды облыстары. Аталған бес өңірдің үлесіне жалпы сауда көлемінің 71,3% немесе 37,6 трлн теңге тиесілі, – деді А.Шаққалиев.</blockquote>Көтерме сауда көлемі 35 трлн теңгеден асып, өткен жылдың сәйкес кезеңімен салыстырғанда 9,6% артты. Негізгі өсімге шикізаттық емес тұтыну тауарлары мен өндірістік-техникалық мақсаттағы тауарлар үлес қосқан. Бұлардың үлесі шамамен 82% құрайды. Қыркүйек айында шикі мұнай мен табиғи газды өткізу көлемі азайған.Бөлшек сауда да тұрақты өсім көрсетіп отыр. Сауда кәсіпорындары арқылы сату 6,7% өсті, жеке кәсіпкерлер арқылы, оның ішінде базарларда жұмыс істейтіндерді қосқанда 8,1% астам деңгейінде қалыптасты. Өңірлер бөлінісінде бөлшек сауда айналымы бойынша алғашқы үштікке Алматы (32,8%), Астана (14%) және Қарағанды облысы (7,3%) кірді, – деді Сауда министрі.<blockquote>– Сонымен бірге, бөлшек сауда айналымының маңызды драйверлерінің бірі – электронды сауда болып отыр. Жедел бағалау деректеріне сәйкес, осы жылдың 9 айында онлайн-сатылым көлемі шамамен 2,7 трлн теңге болды, бұл өткен жылдың сәйкес кезеңімен салыстырғанда 14% жоғары, – деді спикер.</blockquote>Фото: freepik.com

Қазақстанда электронды сауда 14%-ға өсті 

<a href="https://kyzylorda-news.kz/">Kyzylorda-news.kz</a> “AMANAT” партиясы облыстық филиалының атқарушы хатшысы Ләйлә Төрешованың қатысуымен партияның облыстық филиалы жанындағы Білім және денсаулық сақтау мәселелері бойынша кеңестің отырысы өтті. Онда салауатты өмір салтын насихаттау мақсатында атқарылып жатқан жұмыстар, наркологиялық, туберкулез, жұқпалы аурулардың облыстағы жағдайы және олардың алдын алу мәселелері кеңінен талқыланды.Жиында бұл бағыттарда атқарылып жатқан жұмыстар бойынша облыстық денсаулық сақтау басқармасы басшысының орынбасары Мая Мирзанова &nbsp;хабарлама жасады.Оның айтуынша ағымдағы жылдың 9 айында салауатты өмір салтын насихаттау бойынша түрлі бағыттағы 272 іс-шара өткізіліп, 9520 адам қамтылған. Облыс тұрғындарына наркологиялық қызметті Қызылорда облыстық психикалық денсаулық орталығы құрамындағы 190 төсек орынға арналған тәуліктік және 10 төсек орынға арналған күндізгі стационар, 4 БМСК ұйымдарындағы психикалық денсаулық орталықтары, Байқоңыр қаласы және аудандардағы 8 наркологиялық кабинеттер көмек көрсетеді. 8 айлық қорытындымен облыс бойынша 839 науқас диспансерлік есепте тұрады. Көрсеткіш 9,1 промиллеге төмендеген. Республикалық көрсеткіш – 88,7 құрайды. Нашақорлық диагнозымен есептегі науқастардың 92% жұмыссыздар және еңбекке қабілетті жастағылар. Жасөспірімдер арасында нашақорлық диагнозымен есепке алынғандар жоқ.2025 жылдың 8 айында Қызылорда облыстық психикалық денсаулық орталығы наркологиялық стационарында жалпы 646 науқас емделіп шыққан. Оның 57-сі нашақорлық диагнозымен. Ағымдағы жылдың 8 айында облыс көлемінде нашақорлық сырқаты бойынша 115 азамат сауықтырылып, есептен шықса, &nbsp;90 науқас қайта есепке алынған.&nbsp;<blockquote>«Медициналық куәландыру жұмысы барлық аудандарда тәулік бойы жүргізілуде. 2025 жылдың 8 айында медициналық куәландырудан 8195 азамат өткізілді. Нашақорлықты ерте анықтау мақсатында жыл басынан - 281 наркотест медициналық куәландыру барысында қолданылды. Олардың 135-нен есірткі қолдану фактісі анықталса, 17-нен есірткілік масаңдық анықталды. Есірткі, психотроптық заттар мен алкогольді тұтынуға жол бермеу бойынша профилактикалық жұмыстар тұрақты жүргізіліп келеді. Осы мақсатта облыстық психикалық денсаулық орталығының нарколог, валеолог, психолог мамандарының қатысуымен 8 айда 110 профилактикалық іс-шара өткізіліп, 8400 азамат қамтылды», - дейді Мая Мирзанова.</blockquote>Инфекциялық және паразитарлық аурулармен аурушаңдық көрсеткішіне келсек, ағымдағы жылдың 8 айының қорытындысымен аурушаңдық көрсеткіші 862,8-ді құрап, көрсеткіш 1,8% жоғарылаған Оның ішінде ересектердің аурушаңдық көрсеткіші 0,7% төмендесе балалардағы аурушаңдық көрсеткіші 5,8% жоғарылаған.&nbsp;Өңірде туберкулез ауруының күрделі жағдайда қалыптасуы халық денсаулығын нығайтудағы басты мәселелердің бірі екенін анық. Осыған орай фтизиопульмонологиялық қызметті дамытудың 2023-2025 жылдарға арналған Жол картасының негізінде туберкулез инфекциясының таралуын тежеу мақсатында үлкен жұмыстар атқарылуда. Алдын-алу мақсатында атқарылған жұмыстар нәтижесінде 100 000 адамға шаққанда туберкулезбен аурушаңдылық өткен жылдың &nbsp;8 айымен салыстырғанда 3,3% төмендеп, көрсеткіш 31,6-ны құрап отыр дейді басқарма басшысының орынбасары.&nbsp;Отырыс барысында өзекті болып отырған мәселелердің алдын алу, болдырмау бағытындағы жұмыстарды жетілдіруге қатысты кеңес мүшелерімен түрлі ұсыныстар ортаға салынып, хаттамаланды. Кеңес төрағасы Нұридин Әмитов барлық ұсыныс пікірлердің орындалысы партиялық бақылауда болатын атап өтті.&nbsp;

Cалауатты өмір салтын насихаттау мен жұқпалы аурулардың алдын алу мәселелері талқыланды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың қатысумен Парламенттік реформа жөніндегі жұмыс тобының бірінші отырысы өтті. Онда Президент парламенттік реформаға қатысты пікір білдірді.Құрметті жиынға қатысушылар!Бүгін біз Парламенттік реформа бойынша Жұмыс тобының алғашқы отырысына жиналдық. Өздеріңіз білесіздер, өткен аптада арнайы Жұмыс тобын құру туралы Өкімге қол қойдым. Парламенттік реформа – еліміздің алдында тұрған аса маңызды, жауапты жұмыс. Жолдауымда бұл мәселе азаматтық секторда, сарапшылар ортасында, сондай-ақ қазіргі Парламентте жан-жақты талқылануы қажет деп нақты айттым. Бүгін, міне, бірінші отырысымызда Парламенттің, Президент Әкімшілігінің, Үкіметтің және саяси партиялардың өкілдері, заңгерлер, ғалымдар, қоғам қайраткерлері бар. Бәрі де елге танымал азаматтар, түрлі саланың мамандары. Тағы да қайталап айтқым келеді: Парламенттік реформа – еліміздің, халқымыздың тағдырына тікелей қатысы бар мәселе. Жұмыс тобының әр мүшесі осы тарихи міндетті дұрыс түсініп, белсенді жұмыс істейді деп сенемін.Баршаңызға мәлім, елімізде түрлі бағытта ауқымды өзгерістер жасалуда. Бір ел болып саяси, әлеуметтік-экономикалық реформаларды жүзеге асырып жатырмыз. Осы өзгерістер жалғасын табуы керек. Бір орында тұрып қалуға болмайды. Мемлекетімізді түбегейлі жаңғырту стратегиясын «Күшті Президент – ықпалды Парламент – есеп беретін Үкімет» тұжырымдамасына сай жүргізе беру маңызды. Бұл – елімізде Президенттік билік жүйесінің тиімділігі сақталады деген сөз. Жалпы, бір палаталы Парламентке көшу халықаралық үрдіске толық сай келеді. Әлем елдерінің үштен екісінде осындай парламенттік жүйе қалыптасқан. Дәл қазір бізге керегі – ортақ ұстаным және парасатты, салмақты ұсыныс. Сондықтан барлық ой-пікірді, ұсынысты мұқият зерттейміз, егжей-тегжейлі қараймыз.<img src="https://knadmin.beoblood.kz/uploads/tokaev_akorda_4ff109f672.jpg" alt="токаев акорда.jpg">Құрметті Жұмыс тобының мүшелері!Бір палаталы Парламент құру туралы бастама инновациялық саяси шешім болды. Қазір ел ішінде, әлеуметтік желіде түрлі ой-пікірлер айтылуда. Басым көпшілігі мұны «әбден пісіп-жетілген мәселе» деп санайды. Тіпті, «Халықтың көбі қолдаған бастаманы талқылап, референдум өткізудің қажеті жоқ» деген ойлар да айтылып жатыр. «Реформаны созудың қажеті жоқ, таяу арада қысқа мерзім ішінде жасай салуға болады» деген пікірлер де бар. Шын мәнінде, қай жағынан алып қарасақ та, мәселе өте өзекті. Азаматтарымыздың әртүрлі пікір айтып, белсенді болғаны – жақсы үдеріс.Дегенмен парламенттік реформа – аса күрделі жұмыс. Асығыстыққа жол беруге болмайды. Себебі, бұл – еліміздің тағдырын шешетін жағдай. Бұл – мемлекеттің болашағына тікелей ықпал ететін қадам. Мұндай маңызды шешім кең ауқымды талқылау арқылы қабылдануға тиіс. Қазақстан – халық үніне құлақ асатын Әділетті мемлекет. Бұл – мызғымас ұстаным.Мемлекет басшысы ретінде мен үшін Парламент – еліміздегі саяси жүйенің негізгі тірегі. Сондықтан алдымен Конституцияға бірқатар өзгеріс енгізу қажет болады. Негізгі заңның 40-қа жуық бабы өзгереді. Содан соң кем дегенде 10 конституциялық заңға және 50-ден астам кодекс пен заңға түзету енгізу керек болады. Мұны жаңа Конституция қабылдаумен тең келетін іс деуге болады. Әрине, бұл жұмыстың бәрін табан астында, бір сәтте жүзеге асыру мүмкін емес. Тыңғылықты дайындық керек.Сондықтан алдағы реформаның кейбір концептуалды тұстарына қатысты ой-пікірімді білдіргім келеді.Біріншіден, біз барлық реформаны тек эволюциялық жолмен жүргіземіз. Яғни азаматтардың сұранысы, төл ерекшелігіміз бен еліміздің түпкі мүддесі ескеріледі. Парламенттік реформа кезең-кезеңімен іске асырылып келе жатқан ауқымды саяси жаңғырудың қисынына сай келеді.Естеріңізде болса, саяси реформалардың төрт пакеті аясында парламенттік оппозиция туралы норма бекітілген еді. Онда өкілдері аз партияға Мәжілістің тұрақты комитеттерінің бірінде төрағалық лауазым атқару және парламенттік тыңдау өткізу туралы бастама көтеру құқығына кепілдік берілді.Бұдан бөлек, партиялар Парламентке өтуі үшін сайлаудың төменгі шегі азайтылды. Содан соң 2022 жылы жүргізілген конституциялық реформаның арқасында біз Мәжілістің құзыретін елеулі түрде кеңейттік. Нақты айтқанда, бүгінде Мәжіліс заң қабылдайды, ал Сенат мақұлдайды. Бұл алғашқы қадамдар еді. Енді соңғы жылдары қоғамдағы саяси мәдениеттің едәуір өскенін ескере отырып, біз бірте-бірте және байыпты жолмен бір палаталы Парламентке өтуді бастаймыз.Екіншіден, парламенттік реформа «Күшті Президент – ықпалды Парламент – есеп беретін Үкімет» саяси формуласына толық сай келеді. Жаңа да атап өттім, бұл – мемлекетіміздің құрылымын айқындайтын басты тұжырым. Түптеп келгенде, парламенттік реформа және осыған дейін жүзеге асырылған реформалар біздің аймақта бұрын-соңды болмаған, шын мәнінде, жаңа басқару жүйесінің негізін қалайды.Сондай-ақ тағы бір маңызды мәселеге назар аударғым келеді: Парламентті реформалау, бұл – Сенатты тарату деген сөз емес. Мұндай қате пікірге жол беруге болмайды. Біздің алдымызда тұрған мақсат – айқын. Біз өкілді билік тармағын түбегейлі жаңғыртуымыз керек. Осылайша, азаматтарымыздың мүдделері мен тілек-ниетін білдіретін заң шығарушы орган мүлде жаңа сипатқа ие болады.Үшіншіден, алдағы реформа экономика, әлеуметтік және технологиялық даму секілді басқа да салалардағы жан-жақты жаңғырулармен үйлесім табады. Мысалы, цифрландыру мен жасанды интеллектіні енгізу күллі әлемдегі мемлекеттік басқару жүйесін өзгертетіні сөзсіз. Бірқатар елде қазірдің өзінде «электрондық немесе цифрлық парламент» элементтері сынақтан өткізіле бастады. Бұл азаматтарды саяси өмірге араластырудың жаңа формаларын қамтамасыз етіп, заң шығару үдерісінің тиімділігін арттыру мақсатында жасалады.Келешекте бұл үрдіс күшейе түспек. Сондықтан біз де осы бағытқа саналы түрде күш саламыз. Алдағы уақытта e-Parlament қазіргі электрондық үкімет – e-Gov сияқты сұранысқа ие құралға айналуы мүмкін. Сол себепті бір палаталы Парламентке өту бір есептен жұмыстың жаңа қалыбы мен қарқынына, тез шешім қабылдауға бейімделуді көздейді. Яғни заман өзгеріп жатыр, ол өз талабын орындатады, e-Parlament жүйесі қыр астында тұр. Жақында өмірімізге дендеп енуі мүмкін. Сондықтан заң қабылдауда мүлде қате жіберуге болмайды. Заң шығару жұмысын жақсартудың жаңа тетіктерін енгізу аталған үдеріспен қатар жүруі қажет. Мұны халықаралық тәжірибе де көрсетіп отыр.Бұл ретте болашақ депутаттар корпусының білімі мен білігі маңызды факторға айналады. Олардың қатарында нағыз кәсіби мамандар болуы керек. Парламент кәсіби болуға тиіс. Бұл – өте маңызды міндет. Парламентті пропорциялық жүйемен, яғни партиялық тізіммен жасақтау туралы ұсыныс дәл осы міндеттен туындап отыр. Бір палаталы Парламентте партиялардың көп болуы саяси диалогты кәсіби негізде өрбітуге ынталандырады. Жаңа жағдай партия жұмысына тың талаптар қояды. Демек популизм цифрландыру кезеңінде маңызды рөл ойнамайды, керісінше, кәсібиліктің бәсі жоғарылай түседі.<img src="https://knadmin.beoblood.kz/uploads/zasedanie_rabochej_gruppy_akorda_8c25ad3ed1.jpg" alt="заседание рабочей группы акорда.jpg">Құрметті жиынға қатысушылар!Парламент – Тәуелсіздігімізді және мемлекеттігімізді айшықтайтын маңызды құрылым. Бұл ешқашан өзгермейтін ақиқат, алдағы уақытта да солай болып қала береді.Жалпы, реформаның негізгі мақсаты, соған сәйкес істелуге тиіс жұмыстың бағыт-бағдары туралы Жолдауда кеңінен айтылды.Референдумға дейін атқарылатын жұмыстың бәрін мұқият ойластырып, байыппен жүргізу қажет. Білікті мамандар өз ойларын ашық айтып, тиімді ұсыныстар беруі керек деп санаймын. Түпкілікті шешім, яғни қоғам пікірі дұрыс болуы үшін осы мәселеге қатысты айтылатын әрбір ой-пікір де әбден тексерілген, екшелген, жан-жақты сарапталған болуы керек.Бұл – өте маңызды мәселе. Сондықтан Жұмыс тобы өз міндетін нағыз кәсіби ұстанымға сай атқаруға тиіс. Атап айтқанда, «E-Otinish» және «E-Gov» порталдары арқылы келіп түскен барлық ой-пікірді сараптап, зерделеу қажет. Біз Әділетті мемлекет ретінде әр азаматтың ортақ іске пайдалы болатын ұсынысын ескеруіміз керек. Ата заңға енгізілетін әрбір өзгеріс мұқият пысықталып, дайындалуға тиіс. Әр баптың, әр норманың мән-мағынасына терең бойлаған жөн, яғни құқықтық, процедуралық мәселелерді нақты айқындап алуымыз қажет. Бұдан бөлек, басқа да көптеген мәселе пайда болуы мүмкін.Қысқасы, алдымызда тұрған шаруа – өте ауқымды. Жұмыс тобына үлкен сенім артылып отыр. Істеріңізге сәттілік, табыс тілеймін!Фото: Ақорда

Мемлекет басшысы Парламенттік реформа жөніндегі жұмыс тобының бірінші отырысында сөз сөйледі

<a href="https://kyzylorda-news.kz/">Kyzylorda-news.kz</a> Мемлекет басшысы жұмыс тобы отырысында негізгі мәселелерге тоқталу қажет екенін алға тартты.<blockquote>– Бір палаталы Парламент құру туралы бастама инновациялық саяси шешім болды. Қазір ел ішінде, әлеуметтік желіде түрлі ой-пікірлер айтылуда. Басым көпшілігі мұны «әбден пісіп-жетілген мәселе» деп санайды. Тіпті, «Халықтың көбі қолдаған бастаманы талқылап, референдум өткізудің қажеті жоқ» деген ойлар да айтылып жатыр. «Реформаны созудың қажеті жоқ, таяу арада қысқа мерзім ішінде жасай салуға болады» деген пікірлер де бар. Шын мәнінде, қай жағынан алып қарасақ та, мәселе өте өзекті. Азаматтарымыздың әртүрлі пікір айтып, белсенді болғаны – жақсы үдеріс. Дегенмен парламенттік реформа – аса күрделі жұмыс. Асығыстыққа жол беруге болмайды. Себебі, бұл – еліміздің тағдырын шешетін жағдай. Бұл – мемлекеттің болашағына тікелей ықпал ететін қадам. Мұндай маңызды шешім кең ауқымды талқылау арқылы қабылдануға тиіс. Қазақстан – халық үніне құлақ асатын Әділетті мемлекет. Бұл – мызғымас ұстаным, – деді.</blockquote>

Президент: «Мұндай маңызды шешім кең ауқымды талқылау арқылы қабылдануға тиіс»

<a href="https://kyzylorda-news.kz/">Kyzylorda-news.kz</a> Парламенттік реформа жөніндегі жұмыс тобы отырысында Президент бірқатар мәселелерге айрықша тоқталып өтті.<blockquote>– Баршаңызға мәлім, елімізде түрлі бағытта ауқымды өзгерістер жасалуда. Бір ел болып саяси, әлеуметтік-экономикалық реформаларды жүзеге асырып жатырмыз. Осы өзгерістер жалғасын табуы керек. Бір орында тұрып қалуға болмайды. Мемлекетімізді түбегейлі жаңғырту стратегиясын «Күшті Президент – ықпалды Парламент – есеп беретін Үкімет» тұжырымдамасына сай жүргізе беру маңызды. Бұл – елімізде Президенттік билік жүйесінің тиімділігі сақталады деген сөз. Жалпы, бір палаталы Парламентке көшу халықаралық үрдіске толық сай келеді. Әлем елдерінің үштен екісінде осындай парламенттік жүйе қалыптасқан. Дәл қазір бізге керегі – ортақ ұстаным және парасатты, салмақты ұсыныс. Сондықтан барлық ой-пікірді, ұсынысты мұқият зерттейміз, егжей-тегжейлі қараймыз, – деді ол.</blockquote>

Президент: «Бір палаталы Парламентке көшу халықаралық үрдіске толық сай келеді»

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың қатысуымен Парламенттік реформа жөніндегі жұмыс тобының бірінші отырысы өтті.<blockquote>«Бүгін біз Парламенттік реформа бойынша Жұмыс тобының алғашқы отырысына жиналдық. Өздеріңіз білесіздер, өткен аптада арнайы Жұмыс тобын құру туралы Өкімге қол қойдым. Парламенттік реформа – еліміздің алдында тұрған аса маңызды, жауапты жұмыс. Жолдауымда бұл мәселе азаматтық секторда, сарапшылар ортасында, сондай-ақ қазіргі Парламентте жан-жақты талқылануы қажет деп нақты айттым. Бүгін, міне, бірінші отырысымызда Парламенттің, Президент Әкімшілігінің, Үкіметтің және саяси партиялардың өкілдері, заңгерлер, ғалымдар, қоғам қайраткерлері бар. Бәрі де елге танымал азаматтар, түрлі саланың мамандары. Парламенттік реформа – еліміздің, халқымыздың тағдырына тікелей қатысы бар мәселе. Жұмыс тобының әр мүшесі осы тарихи міндетті дұрыс түсініп, белсенді жұмыс істейді деп сенемін», – деді Мемлекет басшысы Қасым-Жомарт Тоқаев.</blockquote>

Қасым-Жомарт Тоқаев: «Парламенттік реформа – еліміздің, халқымыздың тағдырына тікелей қатысы бар мәселе»

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде еліміздің қаңтар-қыркүйек айларындағы әлеуметтік-экономикалық дамуы, республикалық бюджеттің атқарылу қорытындылары, Үкімет қаулылары қаралды. Оған облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейін аймақ басшысының төрағалығымен өткен мәжілісте осы және өзге де мәселелерге орай бағыт-бағдар белгіленіп, &nbsp;жауапты сала басшыларына тапсырмалар жүктелді.<blockquote>«Бюджетті толық әрі уақытылы игеруіміз, өңірімізге қатысты нысаналы индикаторлар мен көрсеткіштердің өсімін қамтамасыз етуіміз керек. Жұмыс тиісті деңгейде орындалмаған жағдайда бірінші басшылардың жауапкершілігі қаралатынын қатаң ескертемін. Қазіргі өзекті мәселенің бірі – әлеуметтік маңызы бар азық-түлік тауарларының бағасын тұрақтандыру. Бағаны күнделікті қатаң бақылауда ұстаңыздар. Өнімдерді тиімді өткізу үшін әлеуметтік дүкендер қызметін жетілдіруге қатысты нақты ұсыныс беріңіздер. Одан бөлек, «Байқоңыр» ӘКК АҚ өңірлік тұрақтандыру қорына арзан бағамен өнімдер сатып алуда. Қала, аудан әкімдіктері, кестеге сәйкес әр айға бөлінген өнімді жеткізіп, тұрғындарға белгіленген бағамен сатуды ұйымдастырыңыздар», – деді Нұрлыбек Машбекұлы.</blockquote>Аймақ басшысы алдағы күндері қоғамдық-саяси маңызы бар шаралар өтетінін атап өтті. Осыған орай, қоғамдық-саяси ахуалдың тұрақтылығын ерекше бақылауда ұстауды тапсырды. Адам көп шоғырланатын орындарда кезекшілік ұйымдастырып, қауіпсіздік шараларын күшейту керек.Сонымен қатар, коммуналдық қызметтер үздіксіз жұмыс істеуі тиіс. Әсіресе, газ, су, электр желілері жұмысының тұрақтылығын, көпқабатты тұрғын үйлер мен әлеуметтік нысандарға жылудың толық берілуін бақылауда ұстау қажет.

Әлеуметтік-экономикалық даму және республикалық бюджеттің атқарылу қорытындылары талқыланды

<a href="https://kyzylorda-news.kz/">Kyzylorda-news.kz</a> Қызылорда қаласындағы И. Әбдікәрімов атындағы аграрлық-техникалық жоғары колледжінде «2025 жыл – жұмысшы мамандықтар жылы» және Мемлекет басшысы Қасым-Жомарт Тоқаевтың «Адал азамат» идеясы аясында «Еліміздің басты құндылығы – бірлік пен келісім» тақырыбында «Ашық әңгіме» форматындағы кездесу ұйымдастырылды.Шараға облыстық Қазақстан халқы Ассамблеясының Ақсақалдар кеңесі төрағасының орынбасары, философия ғылымдарының докторы Баймырза Қожамберлиев, кеңес мүшесі, облыстық ҚХА ардагері Асылбек Жұмабаев, сондай-ақ кеңес үйлестірушісі, саясаттанушы Бауыржан Усенбаев қатысты.Кездесуде сөз алған Б. Қожамберлиев Мемлекет басшысының «Адал азамат» идеясынан туындайтын ұстанымдарға тоқталып, жастар арасында кеңінен таралып отырған лудомания, вандализм және нашақорлық секілді келеңсіз құбылыстардың алдын алу бағытында тәрбиелік мәні зор ойларымен бөлісті.Ал ҚХА ардагері А. Жұмабаев ел экономикасының ілгерілеуі мен өндірістің өркендеуі үшін жұмысшы мамандықтардың маңыздылығын атап өтіп, өңірдің әлеуметтік-экономикалық дамуына үлес қосқан еңбек адамдарының өмірлік тәжірибелерінен мысал келтірді.Саясаттанушы Б. Усенбаев Қазақстанның кеңестік кезең мен тәуелсіздік жылдарындағы даму үдерістеріне салыстырмалы талдау жасап, еліміздің халықаралық аренада тұтынушы елдер қатарынан өндіруші мемлекеттер санатына өту бағытындағы стратегиялық міндеттерге тоқталды.Кездесу барысында жастар өз ой-пікірлерін ортаға салып, қоғамдағы өзекті мәселелер төңірегінде пікір алмасты.

«Еліміздің басты құндылығы – бірлік пен келісім» тақырыбындағы «Ашық әңгіме» кездесу өтті

<a href="https://kyzylorda-news.kz/">Kyzylorda-news.kz</a> Әлеуметтік желілер тек қарым-қатынас жасау мен бос уақыт өткізу &nbsp;орны ғана емес, сондай-ақ түрлі алаяқтардың әрекеттері үшін ыңғайлы алаңға айналғанына мәлім. Жалған ұтыс ойындары, компаниялардың жалған аккаунттары, &nbsp;тіпті жақын адамдарыңыздан келген хабарламалар — мұның барлығы ақшаңыз бен дербес деректердің жоғалуы тәуекеліне &nbsp;әкелуі мүмкін.Мұндай оқиғаларға тап болмаудың жолдары жөнінде &nbsp;Fingramоta.kz -тің жаңа материалында &nbsp;айтып береміз. &nbsp;Алаяқтар қандай схемаларды қолданады.Брендтер мен дүкендердің жалған парақтарыАлаяқтар акциялар, лотереялар, сыйлықтар немесе шындыққа жанаспайтын жеңілдіктерге уәде беріп, белгілі компаниялардың логотиптерін, дизайнын және тіпті сайттарының көшірмесін жасап алады. Пайдаланушы ұсынысқа қызығушылық танытқан кезде, олардан сілтемеге өтіп, карта мен құжаттардың деректерін енгізуді сұрайды. Одан кейін ол ақшасынан айырылып, дербес деректері алаяқтардың қолына түседі, ал алаяқтар кредит ресімдеп, &nbsp;қылмыстық схемаларда пайдаланып &nbsp;немесе бопсалауға дейін барады.Шынайы кейс: өткен жылдың қараша айында Шымкент қаласының полициясы 22 жастағы Тараз қаласының тұрғыны мен оның Алматы мен Шымкент қалаларынан келген екі сыбайласын ұстады. Олар шынайы маркетплейстер мен сауда алаңдарындағы фотосуреттер мен тауарлардың карталарының көшірмелерін жасап, әлеуметтік желілерде брендтік аяқ киім мен сөмкелер дүкенінің жалған аккаунтын құрған. Сатып алушылардан алаяқтар тауар мен жеткізу ақысын ақша аударымдары немесе қашықтан шоттар арқылы төлеуді сұратқан. Әрине, адамдарға тапсырыстары келген жоқ, &nbsp;себебі «сатушылар» оларды бұғаттап тастаған. &nbsp;Алайда, сатып алушылар мұнымен келіспей, полицияға шағым түсірген, алаяқтар қолға түсті.Өзіңізді қалай қорғау қажет:дүкеннің аккаунтын тексеріңіз: «қанат белгісінің» болуын, сайтқа сілтемені, байланыстарды, шынайы мекенжайды; тәуелсіз алаңдарда дүкен жөніндегі пікірлерді оқып, зерттеңіз;&nbsp; күдікті сілтемелерге өтпеңіз және картаңыздың деректерін енгізбеңіз; ешқашан белгісіз адамға аударым немесе карта арқылы төлемеңіз - тек ресми сайттар мен қосымшаларды пайдаланыңыз. «Достардан» келетін хабарламаларБұл, алаяқтардың ең кеңінен тараған, «сүйікті» схемасы, себебі ол көп әрекеттенуді қажет етейді, бұл жерде достары мен туыстарына қол ұшын бергісі келетін адамдардың сезімімен ойнауға болады. Ол келесі схемамен жасалады: әлеуметтік желінің мессенджерінде адамға қарызға ақша бере тұру немесе қызына, немересіне немесе жиеніне қандай да бір байқауда дауыс беру өтінішімен хабарлама келеді. Ал шын мәнісінде оның аккаунты бұзылған болып, әлеуетті құрбанға алаяқтар жазып отырады. Сіз зиянды сілтемеге өте салысымен сіздің барлық деректеріңіз бірден сіздің телефоныңызға, &nbsp;ноутбугыңызға, &nbsp;компьютеріңізге автоматты түрде орнатылатын арнайы қосымшаның немесе вирустың арқасында алаяқтардың қолына түседі.Шынайы кейс: біз атап өткендей, бұл тәсілді алаяқтар ерекше жақсы көреді, және олардың әрекеттерінен зардап шеккендердің саны шексіз. Мысалы, тек өткен жылдың өзінде ғана құқық қорғау органдары Қазақстанда әлеуметтік желілер мен &nbsp;мессенджерлер арқылы жасалған 4 000 астам алаяқтық оқиғаларын тіркеген.Өзіңізді қалай қорғау қажет:егер жақын адамыңыз ақша сұраса немесе сілтеме жіберсе – оған жеке қоңырау шалып, ақпаратты нақтылаңыз; күмәнді сілтемелерге өтпеңіз, тіпті олар таныстардан және туыстарынан келген болса да; әлеуметтік желілерде және мессенджерлерде екіфакторлы &nbsp;аутентификация орнатыңыз. Жалған ұтыс ойындары мен лотереяларӘлеуметтік желілерде қомақты ұтыстар беруге уәде ететін ұтыс ойындары мен лотереяларды жарнамалайтын посттарды жиі кездестіруге болады. Әрине, мұндай аккаунтқа жазатын кез келген адам бірден жеңімпаз болады. Бірақ бұл орайда бір түйткіл бар: сізден сыйлық үшін «комиссия» төлеуді сұрайды. Содан кейін сіз ұтысты да, жіберген ақшаңызды да көрмейсіз.Нақты жағдай: 2024 жылдың соңында полиция Атырау облысының тұрғынын тұтқындады, ол әлеуметтік желілерде тым сенгіш азаматтарға өзінің лотерея өкілі екенін және адамдардың жүлделерді жеңіп алғанын айтты. Бірақ ұтысты алу үшін алаяқ өзіне ақша аударуды сұрады — сақтандыру үшін. Ол құрбандарды лотерея туралы жазбаларының астынан іздеді: оларға шығып, сыйлықтар туралы жазды. Жалпы шығын 140 мың теңгені құрады, бірақ іс жүзінде, әрине, мұндай жағдайлар әлдеқайда көп, тек олардың барлығы полиция мен соттарға бара бермейді.Өзіңізді қалай қорғау қажет:● адал лотереялар мен ұтыс ойындары «комиссияларды» немесе «сақтандыруды» талап етпейтінін ешқашан ұмытпаңыз;● ұйымдастырушыны тексеріңіз: оның лицензиясы немесе ресми сайты бар ма, тәуелсіз алаңдардағы пікірлерді зерделеңіз;● «ұтыс» үшін жеке деректер мен деректемелерді жібермеңіз.Жалған жұмыс орындарыБұл да әлеуметтік желілердегі алаяқтықтың танымал тәсілі. Әдетте, мұндай хабарландырулар өте тартымды көрінеді: «Онлайн жұмыс: сағатына 5 000 теңге, ештеңе істеудің қажеті жоқ». Ал мүдделі үміткерлерден алаяқтар «тіркеу» немесе «оқу» үшін ақы төлеуді сұрайды, содан кейін жоқ болып кетеді.Нақты жағдай: осы жылдың наурыз айында қазақстандықтар Whatsapp арқылы Ozon маркетплейсіне жұмысқа орналасу туралы ұсыныстар ала бастады. Болжам бойынша, қашықтан және күніне небәрі 30-60 минут жұмыс істеу керек, ал оны орындау үшін 20 мың теңгеден 50 мың теңгеге дейін ақы төлеуге уәде берілді. Сонымен қатар, бос жұмыс орнының егжей-тегжейлі сипаттамасы да, нақты жұмыс шарттары да көрсетілмеген, бірақ Ұлыбритания коды бар нөмірден хабарламалар келген.Әрине, мұның бәрі алаяқтардың айла-амалдары болып шықты, және осы уақытқа дейін адамдар анда-санда мессенджерлерге осындай ұсыныстар алады. Сонымен қатар, қызығушылық танытқан адамдарға агенттік жарна, картаны тексеру немесе сатушы деңгейін көтеру сылтауымен белгілі бір соманы аударуды сұрады. Бірақ нақты маркетплейс жұмысқа орналасу кезінде үміткерлерден ешқашан ақша алмайды.Өзіңізді қалай қорғау қажет:● «екі сағаттық жұмыс үшін оңай ақша» ұсынатын жұмыс орындары мен компанияларға сенбеңіз;● ешқашан «тіркеу» немесе «оқу» үшін ақша аудармаңыз;● жұмыс берушіні тексеріңіз: ресми сайты, байланыстары, ол туралы пікірлер.Love scam немесе «романтикалық схемалар»Алаяқтар жәбірленушімен әлеуметтік желілерде танысады және болашақта манипуляция жасау үшін оған мүмкіндігінше эмоционалды байланыс орнатуға тырысады. Алаяқ жәбірленушінің «дайын» екенін түсінгеннен кейін ақша сұрай бастайды — көшу, құжаттарды ресімдеу, емделу және т.б. Қаражат түскеннен кейін «сүйіктісі» барлық байланысты күр түзіп, жоғалады.Нақты жағдай: биыл көктемде Ақмола облысының тұрғыны әлеуметтік желілерде өзін БҰҰ бітімгері ретінде көрсеткен алаяқпен танысты. Қарым-қатынас кезінде ер адам Қазақстанға келіп, үйленуге дайын екенін мәлімдеді, бірақ демалысты ресімдеу сылтауымен 550 доллар сұрады. Әйел ақша аударды, бірақ содан кейін БҰҰ өкілдері оған хабарласып, қосымша соманы талап етті — енді әуе көлігімен ұшып баруға. Осы жерде ақмолалық әйел алданғанын түсініп, полицияға жүгінді.Өзіңізді қалай қорғау қажет:● сезімдер туралы тым тез сөйлейтін адамдарға сенбеңіз — олар көбінесе абьюзер немесе алаяқ болып шығады;● ешқашан «интернет серіктестеріне» ақша жібермеңіз, тіпті олар «билет» немесе «емделуге» ақша сұраса да;● іздеу жүйелері арқылы сұхбаттасушының фотосуреттері мен деректерін тексеріңіз — бұл шын мәнінде көмектесуі мүмкін.Алаяқтардың құрбаны болсаңыз не істеу керек?1. Картаны шұғыл түрде бұғаттаңыз және банкке алаяқтар сізді алдағанын хабарлаңыз.2. Алаяқтармен хат алмасудың скриншоттарын жасаңыз.3. Әлеуметтік желіні техникалық қолдауға болған оқиға туралы хабарлаңыз және полицияға арыз жазыңыз.<img src="https://knadmin.beoblood.kz/uploads/1_2546295612.png" alt="1.png">Бүгінгі күні әлеуметтік желілерде сергек болу шынайы өмірдегідей маңызды. Күн сайын алаяқтар күрделі амалдарды ойлап табуда, бірақ егер сіз олардың схемалары мен іс-қимылын білсеңіз, өз ақшаңызды және дербес деректеріңізді сақтай аласыз.Фото: fingramota.kz

Әлеуметтік желілердегі алаяқтық: өзіңізді қалай қорғау керек?

<a href="https://kyzylorda-news.kz/">Kyzylorda-news.kz</a> Көпбейінді облыстық ауруханада Қармақшы ауданының тұрғыны Салтанат Ұзақбай салмағы 6 келі 500 грамм болатын нәрестені дүниеге әкелді.Акушерлік бөлім меңгерушісі Ержанова Арман Иманғалиқызы мен акушер-гинеколог Қосназарова Фатима Алиасқарқызы жоспарлы ота жасады. Алып баланың туылған кезде жағдайы ауыр болған. Мамандар нәрестенің денсаулығын тұрақтандыру үшін Жаңа туған нәрестелердің реанимация және патология бөлімшесінде қосымша ем қабылдағанын айтты.Қазір нәресте мен анасының денсаулығы тұрақты. Сәби ана сүтімен қоректенуде. Алып балаға атасы Қуанышбек деп есім беріпті. Жақын күндері «алып бала» атанған Базарбаев Куанышбек Ерсұлтанұлы үйіне шығарылады.Айта кету керек, Қызылорда облыстық көпбейінді ауруханада өткен жылдың наурыз айында 70 орындық перинаталдық бөлім ашылды. Бұған дейін Қызылордада босанған әйелдер мен жаңа туған нәрестелерге көмек көрсететін жалғыз медициналық ұйым – облыстық перинаталдық орталық ғана болған. Аталған бөлім перинаталдық орталықтың жүктемесін азайтты. Акушерлік бөлім Сыр бойылық түрлі сырқаты бар жүкті әйелдерге көмек көрсетуде. Аурухананың акушерлік бөлімінде ашылғалы бері 3043 нәресте дүниеге келген. Олардың 1328-і Жаңа туған нәрестелердің реанимация және патология бөлімшесінде қосымша ем алған. Ал жыл басынан бері 1343 нәресте дүниеге есігін ашты.Фото: Көпбейінді облыстық аурухананың баспасөз маманы

Қызылорда облысында алып нәресте дүниеге келді   

<a href="https://kyzylorda-news.kz/">Kyzylorda-news.kz</a> Мұра қалдыру — бұл әрқашан екіұшты жағдай. Бір жағынан, бұл адамның өмір бойы жинап-терген мүлкін: пәтерлер, банктік салымдар, көлік, зейнетақы жинақтарын сақтау. Екінші жағынан, бұл жауапкершілік, неге десеңіз активтермен бірге мұраға қарыздар да қалады. Кредиттер, айыппұлдар, коммуналдық берешек &nbsp;— мұның барлығы мұрагерлерге ауысуы мүмкін.Fingramota.kz оның барлық қыр-сырын түсінуге және бүкіл процесті дұрыс ресімдеуге көмектеседі.Есте сақтау маңызды!Заң мұрагердің жауапкершілігін мұраға алынған мүліктің құнымен шектейді және де бұл адамдарды мерзімсіз «қарыз қомытынан» қорғайды. Оның іс жүзінде қалай жұмыс істейтінін толығырақ қарастырайық. Қарапайым оқиғаны мысалға алайық. Адам қайтыс болды, артында екі бөлмелі пәтер мен банкте кредиті қалды. Оның ұлы пәтерді өз атына ресімдеп, біраз уақыттан кейін банктен берешекті төлеу туралы талап келеді. Ол мұны тек мұраға алған пәтердің құны шегінде өтеуге міндетті болған.Басқа мысал – шетелде тұратын жиені ағасының қайтыс болғаны туралы білмеген. Ол бір жыл өткеннен кейін келгенде мұраны қабылдау мерзімі өтіп кеткен. Мұндай мысалдар жиі кездеседі, сол себепті негізгі ережелерді білу маңызды.«Мұрагерлікті ашу» және мерзімдеріМұра мұра қалдырушы қайтыс болған күні ашылады. Осы сәттен бастап мұрагерлердің мұраны қабылдау немесе одан бас тарту туралы шешімін жариялауға алты ай уақыттары бар. Оны қайтыс болған адамның соңғы тұрғылықты жері бойынша нотариус арқылы жасауға болады. Егер мерзім өтіп кетсе, мұрагерлік құқығын тек сот арқылы дәлелді себептермен: ауру, шетелде болу, өлім туралы ақпараттың болмауын дәлелдеп, қалпына келтіруге болады.Мұра толығымен қабылданадыЗаң тек «пайдалы» активтерді таңдауға мүмкіндік бермейді. Мұра оның барлық артықшылықтары және кемшіліктерімен толығымен қабылданады. &nbsp;Алайда, мұнда маңызды ереже қолданылады: мұрагер қайтыс болған адамның қарыздары бойынша алынған мүліктің құны шегінде ғана жауап береді. Мысалы, егер пәтер 20 миллион теңгеге бағаланса, ал қарыз 15 миллион теңгені құрайды, мұрагер қарызды толығымен өтеуге мәжбүр болады. Бірақ, егер қарыз пәтердің құнынан асып кетіп, мұрагер мүлікті берсе, қарыздың қалдығы «күйіп кетеді».Зейнетақы жинақтары да мұраға қаладыБЖЗҚ-ғы зейнетақы жинақтарына ерекше назар аударған жөн. Көптеген адамдар оның мұраның бөлігіне кіретінін білмейді. Жинақтарды өсиет бойынша немесе заң бойынша алуға болады. Рәсім әдетте мынадай болады: нотариус БЖЗҚ-дан зейнетақы жинақтарының қалдығы туралы мәліметтерді сұратады, мұрагерлік құқығы туралы куәлік берілгеннен кейін мұрагерлер қорға төлемдер алу үшін жүгінеді. Бұдан басқа, заңда белгіленген лимит шегінде зейнетақы қаражатынан жерлеуге арналған біржолғы төлем мүмкін болады. Осы сомадан артық қалған сома &nbsp;мұрагерлердің арасында бөлінеді.Есте сақтау маңызды! Зейнетақы аннуитеті шеңберінде сақтандыру компаниясына берілген зейнетақы жинақтары мұраның құрамына кірмейді. Қаражат қалдығы болған жағдайда оны иелену құқығы сақтандыру ұйымында қалады. Толығырақ «Сақтандыру» бөлімінен білуге болады.Мұраға нақты не кіредіМұраның құрамына шоттардағы ақша, жылжымайтын мүлік, көлік, тұрмыстық заттар, акциялар мен бизнестегі үлестер, сондай-ақ зейнетақы жинақтары кіреді. Мұраға қарыздар да ауысады: кредиттер, бөліп төлеу, төленбеген салықтар, коммуналдық қарыздар. Алайда, жеке міндеттер мұраға өтпейді, олар заң бойынша адам қайтыс болғанда тоқтатылады. Мысалы, алимент немесе моральдық зиянды төлеу бойынша міндеттемелер мұрагерлерге өтпейді.Мұрагерліктің қалай жұмыс істейтінін жақсы түсіну үшін нақты мысал келтірейік.Мәселен, азамат қайтыс болғаннан кейін оның мынадай &nbsp;мүлкі қалды делік: &nbsp;Алматы қаласында құны 30 млн теңге болатын пәтер;құны 5 млн теңге автомобиль;2 млн теңге мөлшерде банктік салым;БЖЗҚ-ғы зейнетақы жинақтары — 4 млн теңге.Жиынтығында активтер — 41 млн теңге.Сонымен бірге марқұмның мынадай қарыздары болды:банктегі ипотекалық кредит – 12 млн теңге;тұтынушылық кредит – 3 млн теңге;коммуналдық қызметтер бойынша берешек – 200 мың теңге.Қарыздардың жалпы сомасы – 15,2 млн теңге.Сонымен қатар оның мынадай жеке міндеттемелері де болды:бұрынғы зайыбына алимент төлеу міндеті;дұрыс қойылмаған тұрақ үшін айыппұл;моральдық зиянды төлеу туралы соттың орындалмаған шешімі.Бұл орайда мына жағдайды түсіну маңызды: мұндай жеке міндеттемелер өліммен тоқтатылады және мұрагерлерге өтпейді. Олар мұраның құрамына кірмейді.Осылайша, мұрагер 41 млн теңге сомасындағы активтерді алады, бірақ олармен бірге 15,2 млн теңге сомасындағы қарыздарды өтеуге тиіс. Ол үшін мұраның қорытынды «таза» құны шамамен 25,8 млн теңгені құрайды.Егер қарыздар активтерден асып кетсе – мысалы, 41 млн теңге болатын мұрагерлік кезінде 50 млн теңгені құраса, онда мұрагер осы 41 млн теңгенің шегінде ғана жауап берер еді. Қарыздың қалған бөлігі есептен шығарылады және одан жеке өндіріп алынбайды.Маңызды жағдай! Мұраға кірген кезде жартыжылдық кезеңде &nbsp;есептелген кредит бойынша пайыздарды да төлеу қажет болады. Мұрагер банктік қарыз бойынша сыйақыны қарызды пайдаланғаны үшін емес, банктік қарыз бойынша сыйақыны мұрагер қарыз алушы төлеуі керек болғандықтан төлеуі керек. Мұрагерлік құқығына кіре отырып, мұрагер банктік қарызды өзі алмағанына қарамастан, бұл міндетті өзіне алады.Мұрагердің мұрагер қайтыс болғаннан кейін мұра қалдырушының қарызының бір бөлігін (негізгі борыш, немесе сыйақы немесе банктік қарыз бойынша тұрақсыздық айыбын) төлеу фактісі осындай мұрагердің бүкіл мұраны қабылдауының дәлелі болып табылатынын есте ұстаған жөн. Мұраны іс жүзінде қабылдау (Қазақстан Республикасы Азаматтық кодексінің 1072-1-бабының 2-бөлігі) да орын алады. Мысалы, егер мұра қалдырушы қайтыс болғаннан кейін мұрагер қайтыс болған адамның банктік қарызын өтеу есебіне негізгі борыш сомасының бір бөлігін енгізсе, сол арқылы мұрагер негізгі борыш, сыйақы және тұрақсыздық айыбы бойынша сомаларды қамтитын банктік қарыз бойынша қарыздарды өз мойнына алды деп есептеледі.Бұл мысал мұраға кіру кезінде мүлікті ғана емес, міндеттемелерді де ескеру қажет екендігін айқын көрсетеді. Сондықтан мұраны қабылдағанға дейін нотариус пен кредиттік ұйымдардан марқұмның қарыздары туралы ақпарат сұраған дұрыс. Ал берешек мөлшері мұраға қалдырылған мүліктің мөлшерінен асып кеткен жағдайда, мұраға кірудің қажеті жоқ.Мұра қалай ресімделедіМұраны дұрыс ресімдеу үшін алдымен нотариусқа жүгіну керек. Ол мұрагерлік істі ашады. Мұрагерлер қайтыс болу туралы куәлікті, туыстығын растайтын құжаттарды, төлқұжаттарды ұсынуы керек және мұраны қабылдау немесе қабылдамау туралы өтініш жазуы керек. Алты ай ішінде нотариус қайтыс болған адамның мүлкі мен қарыздары туралы мәліметтер жинайды. Осыдан кейін жылжымайтын мүлікті немесе көлікті тіркеуге, сондай-ақ ақша алу үшін Бірыңғай жинақтаушы зейнетақы қорына (БЖЗҚ) немесе банкке жүгінуге болатын мұрагерлік құқығы туралы куәлік беріледі.<img src="https://knadmin.beoblood.kz/uploads/2_87067a7e97.png" alt="2.png">Мұрагерлік – бұл эмоциялар мен қатаң құқықтық нормалар тоғысатын күрделі процесс. Мүлікті қабылдамас бұрын оның құндылығын ғана емес, сонымен бірге борыш жүктемесін де бағалау маңызды. Заң мұрагерлерге шешім қабылдауға алты ай уақыт береді және бұл уақытты бәрін мұқият тексеру үшін пайдаланған жөн. Зейнетақы жинақтары да жеке ресімдеуді талап ететін мұраның бір бөлігі болып табылады. Егер жағдайдың күрделі екенін сезсеңіз, нотариустың немесе адвокаттың кеңесі қателіктерді болдырмауға көмектеседі.Фото: fingramota.kz

Қазақстан және Қызылорда облысының жаңалықтары