<a href="https://kyzylorda-news.kz/">Kyzylorda-news.kz.</a> Парламент Сенаты Аграрлық мәселелер, табиғатты пайдалану және ауылдық аумақтарды дамыту комитетінің кеңейтілген отырысында «1994 жылғы 10 желтоқсандағы ҚР Үкіметі мен РФ Үкіметі арасындағы «Байқоңыр» кешенін жалға беру шартына өзгеріс енгізу туралы хаттаманы ратификациялау туралы» заң жобасы қаралды, деп хабарлайды <a href="https://www.inform.kz/kz/baykonyrdy-zhalga-beru-shartynyn-talaptary-ozgerdi_a3591448">ҚазАқпарат</a>.
Айта кетейік, Хаттамаға 2017 жылы қарашада Челябі қаласында екі ел президенттерінің қатысуымен өткен ҚР мен РФ арасындағы өңірлік ынтымақтастық жөніндегі форум аясында қол қойылды. Хаттамамен «Байқоңыр» кешенін жалға беру шарты №2 қосымшасын жаңа редакцияда беру көзделген.
ҚР Ауыл шаруашылығы вице-министрі Рүстем Құрмановтың айтуынша, шарттың екінші қосымшасында «Байқоңыр» кешенінің технологиялық және техникалық нысандарының, тасымалдағыш зымырандардан бөлінетін бөліктері құлайтын аудандарының координаттары көрсетілген. Атап айтқанда, Хаттамамен оған жалпы алаңы 11,6 мың гектар төрт жер учаскесі жалға алу бөлігінен шығарылады. Жалпы алаңы 1 740 гектар екі учаске Қармақшы ауданы Төретам кентін кеңейту үшін, сондай-ақ 9 950 гектар екі учаске «Батыс Еуропа-Батыс Қытай» халықаралық транзит дәлізін, «Алматы-Мәскеу» теміржолын салу және «Бейнеу-Шымкент» газ құбырының желілік бөлігі үшін алынып отыр.
Оның сөзіне қарағанда, көрсетілген жер телімдері Қызылорда облысының дамуы үшін қажет. Осы шаралар өңірдің әлеуметтік жағдайына және экономикасына оң әсерін тигізеді.
<blockquote>
 «Бұл жер телімдерін жалға алудан шығару Ресей тарапының Қазақстанға жыл сайынғы жалға алу төлемі сомасының қысқаруына ықпал етпейді», – деді Р.Құрманов.
</blockquote>
Талқылаудан кейін комитет мүшелері заң жобасын Парламент Сенаты жалпы отырысының қарауына шығару туралы шешімді қабылдады.

«Байқоңырды» жалға беру шартының талаптары өзгерді

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қызылордалық көршісінің балаларын өрттен құтқарып қалды, деп хабарлайды <a href="http://lenta.inform.kz/kz/kyzylordalyk-korshisinin-bir-aylyk-sabii-men-zheti-zhasar-balasyn-ortten-aman-alyp-shykty_a3591411">ҚазАқпарат</a>.
Оқиға 3 желтоқсан күні кешке болған. Көп қабатты үйде тұратын отбасының бір айлық және жеті жасар балалары үлкендердің бақылауынсыз қалған. Сол сәтте 7 жастағы бүлдіршін отпен ойнаған. Ол кезде әкесі үлкен баласын мектептен алып қайтуға, аналары дүкеннен нан алуға сыртқа шығып кеткен.
Пәтерден шыққан өртті төменгі қабаттағы көршісі Медет Рахметов алғашқылардың бірі болып байқаған. Ол бірден құтқару қызметіне хабарласып, өзі әрекет жасаған.
<blockquote>
 «Нәтижесінде ол түтін арасынан бір айлық сәби мен 7 жастағы баланы құтқарып қалды. Жедел жәрдем қызметі балаларды облыстық балалар ауруханасына алып кетті. Оқиғаның мән-жайы анықталуда», – деді қалалық төтенше жағдайлар департаментінің өрт сөндіру және авариялық құтқару қызметінің баспасөз хатшысы Әлия Ережепова.
</blockquote>
<img src="https://kyzylorda-news.kz/wp-content/uploads/2019/12/4ortten2.jpg" alt="" />

Қызылордалық көршісінің бір айлық сәбиі мен жеті жасар баласын өрттен аман алып шықты

<a href="https://kyzylorda-news.kz/">Kyzylorda-news.kz.</a> 36 жолаушы мінген автобус жолдан шығып кетіп, Қызылорда түбіндегі тасжолда аударылып кетті. Салондағы адамдардың бәрі – Құмкөл кен орнынан қайтып келе жатқан мұнайшылар.
Ірі апат сейсенбі, 3 желтоқсанда таңертең болды. Автобуста 36 жолаушы болған, сегіз адам қаза тапты. Барлық жолаушы – Қазақстан азаматы.
Құтқарушылар жапырылып қалған автобустан адамдарды арнайы құралдардың көмегімен шығарды, 20-дан астам адам түрлі дене жарақатын алды.
Бірнеше сағаттан кейін табылған соңғы марқұмның денесі автокранмен шығарылды.
<a href="https://sputniknews.kz/video/20191204/12196302/avtobus-apaty-video.html">Sputnik Қазақстан</a>

Қызылорда түбіндегі автобус апаты: оқиға орнында не болды? (видео)

<a href="https://kyzylorda-news.kz/">Kyzylorda-news.kz.</a> Мәжіліс «Мұғалімнің мәртебесі туралы» заң жобасын екінші оқылымда мақұлдады. Депутаттар түзетулерді мақұлдады, нәтижесінде халықаралық олимпиадалар мен жарыстардың жеңімпаздарын дайындаған мұғалімдерге үш жалақыдан сыйақы төленетін болды,&nbsp;деп хабарлайды&nbsp;<a href="https://stan.kz/olimpiada-zhuldegerlerin-dayindagan-mygalimderge-komakt-324955/">Stan.kz</a>&nbsp;ақпарат агенттігі.
Мәжіліс депутаты Әбдіманап Бектұрғанов екінші оқылымда депутаттарға енгізілген түзетулерді айтты.
<blockquote>
 «2021 жылғы 1 қыркүйектен бастап орта білім беру ұйымдары үшін нормативті оқу жүктемесін 18-ден 16 сағатқа дейін төмендету үшін норма бекітілген, педагогика этикасы мұғалімдерінің бұзуы, бұрынғыдай әкімшілік емес, Еңбек кодексіне сәйкес тәртіптік жауапкершілікке әкеп соқтыратын тәртіптік құқық бұзушылықтарға теңестірілген. Нормалар енгізіліп, студенттер мен оқушылар арасындағы халықаралық олимпиадалардың, байқаулардың және спорттық жарыстардың жеңімпазы, жүлдегерін дайындаған мұғалім тізімге сәйкес анықталады. Білім саласындағы уәкілетті органмен бөліседі, тиісті мемлекеттік білім беру ұйымының қызметіне үнемдеу есебінен үш лауазымдық жалақы мөлшерінде біржолғы төлем төленеді», – деді Бектұрғанов.
</blockquote>
«Қазақстанның еңбек сіңірген&nbsp;ұстазы» құрметті атағына ие болған мұғалімге бір уақытта 1000 АЕК төленеді – 2019 жылы 2,5 миллион теңгеден асады.
<blockquote>
 «Магистратураға қосымша ақы 10 АЕК мөлшерінде, сонымен қатар дене шынықтыру және спорт және әскери оқу орындарындағы мемлекеттік оқу орындарының оқытушылары үшін төленеді. Ауылдық жерлерде жұмыс істейтін мұғалімдерге жеке баспана үшін жер учаскелерін беруге кепілдік берілген», – деді депутат.
</blockquote>
Сонымен қатар, ол заң мұғалімдердің мектеп оқушылары мен олардың ата-аналарына құрмет көрсету құқығын бекітетінін айтты.
<blockquote>
 «Өзара ерекше немесе қайталанатын ережелер бар шаралар алынып тасталынады. Мысалы, мұғалімдерді әдеттен тыс қызметтерге тартуға тыйым салу, сонымен бірге оларды қоғамның әлеуметтік, мәдени және экономикалық дамуына ықпал етуге мәжбүр етеді», – деп қосты депутат.
</blockquote>

Олимпиада жүлдегерлерін дайындаған мұғалімдерге миллиондап сыйақы төленетін болды

<a href="https://kyzylorda-news.kz/">Kyzylorda-news.kz.</a> Бірыңғай жинақтаушы зейнетақы қорының мамандары қор сайтындағы ең танымал сервистердің бірін жаңартты, деп хабарлайды <a href="http://lenta.inform.kz/kz/zeynetakyny-kalay-esepteu-kerek-bzhzk-zeynetaky-kal-kulyatoryn-zhanartty_a3591283">ҚазАқпарат</a>.
<blockquote>
 «Болжамды зейнетақы калькуляторы БЖЗҚ-ның әрбір салымшысына өзінің болашақ зейнетақы төлемдерінің мөлшерін анықтауға көмектеседі. Бұл ретте ол мемлекеттік базалық зейнетақы мен жасына байланысты ортақ зейнетақыны және БЖЗҚ төлемдерін қатар көрсетеді. Одан басқа міндетті зейнетақы жарналары (МЗЖ), міндетті кәсіптік зейнетақы жарналары (МКЗЖ) және ерікті зейнетақы жарналары (ЕЗЖ) бойынша ашылған шоттардағы қаражатты қосып, жалпы сомасын шығарады»,- делінген Қор хабарламасында.
</blockquote>
Есептеу қорытындысы: пессимистік, реалистік және оптимистік сценарий бойынша шығарылады. Барлық үш нұсқада инфляцияның күтілетін деңгейі мен табыстылық есепке алынады.
Атап өту керек, калькулятордың жаңа нұсқасына міндетті кәсіптік зейнетақы жарналары мен ерікті зейнетақы жарналары бойынша төлемдер қосылды. Бұрын олар жоқ болатын. Бұл ретте ерікті зейнетақы жарналарын табыстың белгілі бір пайызы ретінде емес, нақты сомасы бойынша көрсетуге болады.
Зейнетақының болжамды мөлшерін есептеу үшін тиісті бағандарға туған күнді, жынысты, еңбек өтілін, жинақтаушы зейнетақы жүйесіне қатысу уақытын, зейнетақы жинақтарының жалпы сомасын және жалақыны енгізсеңіз болғаны.
Егер сіз зейнетақы калькуляторын Қордың enpf.kz сайтының Жеке кабинеті арқылы ашатын болсаңыз, жинақтардың сомасы автоматты түрде енгізіледі.
Қор мамандары калькуляторды анағұрлым ыңғайлы ете отырып, көрнекі сызбасын жаңартты. Енді жаңартылған зейнетақы калькуляторындағы қорытынды нәтижелер көрнекі сызба мен төлемдер кестесінің көмегімен көрсетіледі. Барлық болжамды нәтижелер тиісті кезеңдегі инфляцияны шегере отырып, нақты құндық шамада көрсетіледі.
Зейнетақы калькуляторын пайдалану өте оңай. Алайда егер қандай да бір қиындықтар немесе сұрақтар туындаса, enpf.kz сайтында арнайы жадынамамен танысуға болады. Онда калькуляторды пайдаланудың нақты нұсқаулығы көрсетілген.

Зейнетақыны қалай есептеу керек &#8211; БЖЗҚ зейнетақы калькуляторын жаңартты

<a href="https://kyzylorda-news.kz/">Kyzylorda-news.kz.</a> Облыс&nbsp; әкімі Қ.Ысқақовтың қатысуымен Құқық бұзушылық профилактикасы жөніндегі ведомствоаралық комиссияның кезектен тыс жедел отырысы өтті.
Соңғы 10 күндікте облыста бірнеше күрделі жол апаттары орын алды. Оның салдарынан 12 адам қайтыс болып, 20 &nbsp;адам жарақат алған.&nbsp; Атап айтқанда, 21 қараша күні Қызылорда қаласы, Назарбаев даңғылының бойында «Тойота Камри» автокөлігінің жүргізушісі қоғамдық көліктің аялдамасына соғып, нәтижесінде аялдамада тұрған 5 адамның 3-уі оқиға орнында қайтыс болды. Бұл&nbsp; жол көлік оқиғасында зардап шекендердің 3 оқушылар. Сондай-ақ, күні кеше (3 желтоқсан) «Құмкөл-Қызылорда» автожолының бойында «Саутс Ойл» серіктестігіне қарасты жолаушы тасымалдайтын автобус аударылды. Салдарынан 8 адам қайтыс болып, 22 адам жарақат алды.
Аймақ басшысы Полиция департаменті мен жауапты басшыларға нақты тапсырмалар беріп, бұл жұмыстар жеке өзінің бақылауында болатынын жеткізді.
<blockquote>
 “Соңғы болған жол көлік оқиғасына&nbsp; Мемлекет басшысы тарапынан да назар аударылып, полиция мен жергілікті атқарушы органдардың құқық бұзушылық профилактика жұмыстарына қатысты ескертпелер айтылды. Ағымдағы жылдың 10 айының қорытындысымен облыстың жол-көлік оқиларының динамикасы 47% жоғарлап отыр, оның ішінде жарақат алғандар 43%, қайтыс болғандар 44% өскен. Полиция департаменті тарапынан берілген ұсыныстарға барынша қолдау көрсетіліп келеді. Тиісті қаржы бөлініп, материалдық- техникалық базаларыңыз жыл сайын жаңартылуда. Алайда нәтиже жоқ. Жұмыс осы қарқында қалатын болса, ҚР Ішкі істер минстрлігіне Полиция департаментінің жауапты басшыларының атқарып отырған лауазымдарына сәйкестігі жөнінде ұсыныс беретін боламын.”,- деді облыс әкімі Қ.Ысқақов.
</blockquote>
Комиссия отырысында&nbsp; облыс әкімі аппараты басшысының орынбасары &nbsp;С.Шотаев баяндама жасап, орын алған оқиғалар мен аталмыш саладағы көрсеткіштердің өсуі полиция органдары тарапынан профилактикалық жұмыстардың тиімсіздігінен екенін айтты. Құқықтық статистикаға сәйкес&nbsp; өңірде &nbsp;жыл сайын жол-көлік оқиғаларының өсімі байқалады.Мәселен, ағымдағы жылдың 10 айының қорытындысымен Қызылорда облысы бойынша жол-көлік оқиғаларының 485 дерегі тіркелген.&nbsp;
Бүгінгі жиында талдау нәтижесі бойынша облыстық полиция департаментіне және аудан, қала әкімдеріне жол жүру қауіпсіздік деңгейін жоғарлату мақсатында профилактикалық іс-шараларды күшейту ұсынылды.
<img src="https://kyzylorda-news.kz/wp-content/uploads/2019/12/4akimzhinalys2.jpg" alt="" />
<img src="https://kyzylorda-news.kz/wp-content/uploads/2019/12/4akimzhinalys3.jpg" alt="" />

Қ.Ысқақов: Полиция органдары  жұмысында  нәтиже болуы керек

&nbsp;<a href="https://kyzylorda-news.kz/"></a><a href="https://kyzylorda-news.kz/">Kyzylorda-news.kz.</a> «ҚазАвтоЖол» компаниясы 2019-2020 жылдарға арналған жол бойында санитарлық тораптар орнату бағдарламасын таныстырды, деп хабарлайды <a href="http://lenta.inform.kz/kz/zhol-boyyndagy-azhethanalar-kalay-ozgeredi_a3591282">ҚазАқпарат</a>.
Ұлттық оператор – «ҚазАвтоЖол» компаниясы автомобиль жолдары комитетімен біріге отырып, 2022 жылға дейін демалыс орындарында 304 санитарлық торапты орнату бойынша бағдарлама жасады. Бұл бағдарламаны ҚР Индустрия және инфрақұрылымдық даму министрлігі бекітті.
<blockquote>
 «Қайта жөндеуден өтіп жатқан жолдардың бойында – 110, пайдалануға берілген жол бөліктерінде – 121, ақылы жол бойында – 73 дәретхана жасалады», – деді компаниядан.
</blockquote>
Қайта жөндеуден өтіп жатқан жолдардың бойында қазір 14 торап орнатылып жатыр.
Оның бірі Щучинск – Зеренді учаскесінде орнатылды. «Нұр-Сұлтан – Павлодар», «Жетібай – Жаңаөзен», Қарағанды айналма жолында 11 торап қойылып жатыр. «Шымкент – Тараз» тас жолында 2 торап орнату үшін келісімге қол қойылды.
Осы бағдарламаны жүзеге асыру мақсатында 2019 жылдың 21 қазанында 40 әжетхана орнату және қызмет көрсету бойынша инвестициялық байқау жарияланған болатын.
Қазір демалыс алаңдарын қалпына келтіру, электр желісін тарту, ұңғыма қазу жұмыстары атқарылып жатыр. Электр желісі тартылмаған жерлерге балама электр энергиясы көзін орнату көзделген.
Бұл байқауға қатысуға «EUROmodul KZ», «Qazaqtech», «Ice Group KZ» ЖШС секілді компаниялардан өтініш түсті. Байқаудың алғашқы кезеңі бойынша «Qazaqtech» ЖШС инвестор атанды.
<blockquote>
 «Бұл компания әжетханаларға жасыл технология қағидаты бойынша ваккумды ағызу жүйесі, күн энергиясы жүйесін орнатумен айналысады. Бұл тораптарды орнату инвестор қаржысының есебінен болады», – деді «ҚазАвтожол» компаниясынан.
</blockquote>
Еске сала кетейік, 14 қарашада ҚР Президенті Қасым-Жомарт Тоқаев туризм саласын дамытудағы кедергілерді айтқан болатын. Мемлекет басшысы Ақмола облысының туристік мүмкіндігіне шектеу қойып отырған бір фактор ретінде&nbsp;әжетханаларды тілге тиек етті.
<blockquote>
 «Ең қажетті деген жол бойындағы дәретханаларды тәртіпке келтіре алмай отырып, сервис жайында қалай айтамыз?!», – деген болатын Президент.
</blockquote>

Қазақстанда жол бойындағы әжетханалар қалай өзгереді? (видео)

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> &nbsp;Қызылорда облысындағы жантүршігерлік жол апатынан сегіз адам жан тапсырды. Тағы 13 жолаушы хал үстінде жатыр.
Зардап шеккендердің барлығы вахталық тәсілмен жұмыс істеген мұнайшылар. Ажалдан аман қалғандардың айтуынша, автобус апатқа ұшыраған сәтте жолаушылар түгел ұйқыда болған. Көктайғақ жолдан басқа есте ештеңе қалған жоқ дейді зардап шеккендер.
<blockquote>
 “Түнде білмейміз ғой, арамызда ұйықтап кеткендер болады. Не жағдай болғанын білмеймін, жол көктайғақ еді. Кейін түсіп жолды ұстап көрсек, көктайғақ екен, сырғанап тұр. Басқа ештеңе есімде жоқ”, – деді зардап шегушілердің бірі “<a href="https://astanatv.kz/kz/news/52421/">Астана</a>” арнасына.
</blockquote>
Автобуста 36 жолаушы болған. Олар Шымкент, Тараз, Қызылорда және Түркістан облысының тұрғындары.
Автобус көктайғақтан апатқа ұшыраған деген болжам бар. Алайда көліктің техникалық ахуалы да күдік тудырып отыр.
Тайғақ жолда аударылып қалған автобус биыл наурыз айында соңғы рет техникалық байқаудан өткені белгілі болды. Бірақ ережеге сәйкес, бұл тектес транспорттар алты ай сайын тексерілуі тиіс. Яғни мұнайшылар мінген көліктің техникалық жағдайы қыркүйекте анықталу қажет болған. Алайда&nbsp; көліктік қадағалау инспекциясының ортақ мәліметтер базасынан оның тексерістен өткені жөнінде әзірге мәлімет табылмады.
Төтенше жағдайлар департаменті көктайғақ болатынын ескерттік деп отыр. Қазір оқыс оқиғаға қатысты сотқа дейінгі тергеу басталды.

&#8220;Түн еді&#8221;: Жәбірленуші Қызылордадағы автобус апаты жайлы айтып берді

<a href="https://kyzylorda-news.kz/">Kyzylorda-news.kz.</a> Әне-міне дегенше доңыз жылы да соңына таяп қалды. Бірнеше күннен кейін жаңа тышқан жылы басталмақ. 2019 жылда небір өзгерістер мен жақсы жаңалықтар орын алды. Ал алдағы тышқан жылы қандай болмақ?&nbsp;Бұл туралы <a href="https://sputniknews.kz/spravka/20191202/12174501/Tyshkan-zhyly-2020.html">Sputnik Қазақстан</a> хабарлады.
Бір мүшел 12 жылдан тұрады. Ал жыл басын “тышқан” бастайтыны бәрімізге мәлім. Дана халқымыз әр жылдың өз несібесі мен тауқыметі боларын бұрыннан-ақ білген. Мәселен, қазақтар тышқан жылын береке, ырыс, татулық пен тыныштықтың жылы деп санаған. Халықтың бұл сенімі көп жағдайда дәл келген. Шынында да тышқан жылында қиыншылық, жаугершілік, аштық көп болмады.
Тышқан жылының мыңдаған жылдық тарихына назар аударсақ, оның көп жылы аштықсыз, жаугершіліксіз, қиындықсыз, молшылықта өткен. Қанжығалы Бөгенбай батыр тышқан жылы (1684) туса, Төле би тышқан жылы (1756) қайтыс болған, алғаш Қазақ ордасы 1456 тышқан жылы құрылған.
Жыл санау туралы деректер VIII ғасырдағы “Күлтегін” ескерткіштері мен ХІ ғасырда өмір сүрген Махмұт Қашқаридың еңбектерінде кездеседі. Ал осыдан 5 ғасыр бұрын жазылған Өтейбойдақ Тілеуқабылұлының&nbsp; “Шипагерлік баян” кітабында мүшел жыл белгілерінің ерекшеліктеріне қарай адам мінезі сипатталған.
<blockquote>
 “Сумақы (тышқан). Мүшелдік жыл сумақыда жымысқы қулық, күндіз үйкүшік, әшкере харакеті аз, түнде жасырмалы харакеті көп, суыққолдылығымен қарақшылық жегіштігі мол, дәулет жиғыштығы күшті. Әлдіден қорыққыш, әлсізді басынғыш, һалал, һарам шикілі-пысылы талғаусыз жегені ас болатын, өсексіз болса да ұластырмалы айласымен елді шулатқыш, қырқыстырғыш. Ар-ұяты аз, шімірікпес, лыпылдаған сайқал, күлді-көмеш қулықтар мінездемелік әйгіленшілер көбірек болмақ” , – деп жазды Тілеуқабылұлы.
</blockquote>
Астролог мамандардың мінездемесіне сәйкес, тышқан жылы туғандардың мінезі тік, алғыр, бастаған ісін аяғына дейін жеткізетін мол жауапкершілікке ие. Ал жаман қасиеттері – қызғаншақ, сатқын, кейде шыдамсыз, қырсықтау.
<blockquote>
 “Әділ, кең пейілді, жомарт жүректі және өз-өзін басқара біледі. Әркіммен тіл табыса білетін қасиетінің арқасында таныстары жетерлік. Бірақ нағыз досқа мұқтаж. Ақыл-ой жағынан алып бара жатқан ерекшелігі болмағанымен, алға қойған мақсатына жетпей тынбайтынына көпшілік тәнті.
 Үсті-басын таза ұстап, сақ жүреді. Думан-той, ырду-дырдудан бойын аулақ салуға тырысады. Мінезі – тәкаппар, сәл нәрсеге өкпелегіш. Олардан жақсы саудагер, жазушы, сыншы және публицист шығуы мүмкін”, – дейді мамандар.
</blockquote>

2020 жыл: Тышқан жылы қандай болады?

<a href="https://kyzylorda-news.kz/">Kyzylorda-news.kz.</a> Қызылорда облысы бойынша республикалық маңыздағы жолдарда өткен жылмен салыстырғанда жол көлік оқиғалары жиілеген, деп хабарлайды <a href="https://24.kz/kz/zha-aly-tar/o-am/item/358801-apat-bol-an-ajma">«Хабар 24»</a>.
Расында республикалық маңыздағы жол бойында көлік апаттары көбейген. «Қазавтожол» компаниясының өңірдегі филиалы мамандарының мəліметі бойынша өткен жылы 47 жол көлік оқиғасы болып, 20 адам көз жұмған. Тағы 87 адам түрлі дəрежедегі жарақат алыпты. Ал биыл 10 айда 59 көлік апатқа ұшырап, 86 жолаушы зардап шегіп, 33 адам қаза тапты. Алайда бұл көліктердің бəрі көк мұзға тайды деуге келмейді. Мамандар көп жағдайда жүргізушілердің жауапсыздығы қайғылы жағдайға ұрындырып отқанын айтады. Тіпті кей жол бөліктерінің жабылғандығы туралы СМС хабарламаларды елемей ұзақ жолға шығатындар да аз емес.
<blockquote>
 «Бірінші «Қазавтожол» компаниясынан ұсыныс беріледі. Сонан соң жол патрульдік полициясы және Төтенше жағдайлар департаментімен бірге келісіп, жолдың уақытша жабылатындығы туралы хабарламалар жібереміз. Қайғылы жағдайлардың көбі көліктердің үлкен жолда бір-бірінен озуы салдарынан орын алып отыр», – дейді «Қазавтожол» ҰК» АҚ Қызылорда облыстық филиалы директорының орынбасары Шанжархан Мырзабай.&nbsp;
</blockquote>
Айта кетейік, Қызылорда облысы аумағында жалпы ұзындығы 1 мың 16 шақырымды құрайтын республикалық маңыздағы жолдар бар. Олардың 246 шақырымы бірінші санатқа, 566 шақырымы екінші санатқа, қалған бөлігі үшінші санатқа жатады. Осы жолдардың бойында 8 жол пайдалану пункттері мен учаскелері бар.
Қыстың қытымыр күндері жол сапасын тиісті деңгейде ұстап тұру үшін жəне жол көлік оқиғаларының алдын алу мақсатында аталған базалардағы 50-ге тарта техника дайындыққа келтіріліп, 600 тонна көмір, 1 мың 820 тонна тұз, 7,5 мың тонна құм жеткізілген. Ал кеше көктайғақ салдарынан 8 адамның өмірін жалмаған жол «Қазавтожолдың» бақылауына кірмейді екен. Дегенмен аталған жолды көк мұздан тазалауға көмек бердік дейді жол мекемесінің мамандары.

Қызылордадағы апат болған аймақ «Қазавтожолға» тиесілі емес болып шықты

Kyzylorda-news.kz. Қала әкімдігінің баспасөз орталығында Қызылорда қаласы бойынша жаппай кәсіпкерліктің дамуы жөнінде баспасөз конференциясы өтті. Баспасөз конференциясы барысында қалалық кәсіпкерлік, өнеркәсіп және туризм бөлімінің басшысы Алмасбек Есмаханов биылғы жылдың қорытындысымен қалада шағын және орта бизнестің көлемі ұлғайғанын айтып өтті. &nbsp;
<blockquote>
 «Оның нақты дәлелі, облыста нақты жұмыс істеп тұрған кәсіпкерлік субъектілерінің 48,8 пайызы Қызылорда қаласының үлесінде болуы. Жұмыс жасап тұрған кәсіпкерлік субъектілерде 50 020 адам жұмыспен қамтылған. Жыл көлемінде қалада өз қаражаты есебінен жалпы құны 3 млрд 878 млн теңгені құрайтын 91 кәсіпкерлік нысан іске қосылып, жаңадан 501 жұмыс орны ашылса, шағын және орта бизнесті дамытудың басты көрсеткіштеріне жүргізілген талдау нәтижесіне сәйкес 2 мың 545 кәсіпкерлік субъекті тіркеліп, жаңадан 2 мың 627 жаңа жұмыс орындары ашылды», – дейді Алмас бек Есмаханов.
</blockquote>
Сонымен қатар «Нәтижелі жұмыспен қамту және жаппай кәсіпкерлікті дамытудың 2017-2021 жылдарға» арналған бағдарламасымен 137 жоба қаржыландырылды. «Бизнестің жол картасы 2020» бағдарламасы аясында 32 жоба мақұлданып, 23 жобаға&nbsp; қайтарымсыз қаражат берілді. «Қарапайым заттар экономикасын дамыту» бойынша басымдық берілген жобаларды жеңілдікпен несиелеу бағдарламасы аясында қала бойынша 19 жоба қолдау тапты.
Сондай-ақ кәсіпкерлік негіздерін оқыту бойынша «Бизнес-Кеңесші» жобасында&nbsp; 535 адам оқытылды. Бұған қоса&nbsp; «Бизнес-Бастау» жобасы аясында 140 азамат оқыса, қазіргі таңда&nbsp; жоба аясында 118 адам оқытылуда. Ал, «Жас кәсіпкер» жұмыссыз жастарды оқыту жобасы бойынша қала және елді-мекендерден 310 жұмыссыз жастар оқытылып, оның ішінде 252 жас азаматтар өздерінің бизнес жобаларын қорғап шықты.

Кәсіпкерлік нысандарының 48,8 пайызы Қызылорда қаласының үлесінде

<a href="https://kyzylorda-news.kz/">Kyzylorda-news.kz.</a> Ведомствоаралық комиссия отырысында тағы 9 мемлекеттік қызметті көрсету рәсімін жеңілдету мәселесі қаралды. Бұл туралы Цифрлық даму, инновациялар және аэроғарыш өнеркәсібі министрлігі хабарлады.
ҚР Цифрлық даму, инновациялар және аэроғарыш өнеркәсібі министрлігінде ведомствоаралық комиссияның кезекті отырысы өтіп, комиссия мүшелері 41 мемлекеттік қызметті қарастырды. Өзекті емес және сұранысқа ие емес 13 қызметті қолданыстағы тізілімнен алып тастау, ал 15 қызметті электронды форматқа көшіру және өзара ұқсас қызметтерді біріктіру ұсынылды.
Автоматтандырылатын қызметтердің қатарында 086/у анықтамасы да бар. Ұсынылған процедура бекітілгеннен кейін аталған анықтаманы міндетті медициналық тексеруден өту нәтижелері негізінде eGov порталы арқылы алуға болады. Анықтамада арнайы QR-код болады, ол құжаттың түпнұсқалығын тексеруге мүмкіндік береді. Мұндай электрондық анықтама бір жылға жарамды.
Сонымен қатар, отырысқа қатысушылар ел Президенті жақында бекіткен Мемлекеттік қызмет көрсету туралы заңнамаға енгізілген түзетулерге байланысты өздерінің іс-қимыл жоспарларымен бөлісті. Бұл заң толық күшіне енуі үшін тағы 400-ге жуық нормативтік құжаттарды қабылдау қажет. Заңның әлеуметтік маңыздылығын ескере отырып, Асқар Жұмағалиев мемлекеттік органдардың өкілдеріне осы Заңға тәуелді актілерді жедел қабылдау қажеттігін еске салып өтті.
Осы заңға «проактивті» және «композиттік» ұғымдардың енгізілгенін айтып өту керек. Яғни, ендігі уақытта мемлекет азаматқа белгілі бір өмірлік жағдайда қызмет көрсетуді өзі ұсынады, сондай-ақ бір ғана өтініш жазып, бірқатар ілеспе қызметтерді алуға мүмкіндік береді.
<blockquote>
 «Біз композитті және проактивті қызметтердің бірқатарын пилоттық режимде ұсынудамыз. Бұл тәсілдер өзінің тиімділігін көрсетті. Сондықтан, әріптестер, сіздерден тиісті заңға тәуелді актілерді қабылдауды барынша жеделдетуді сұраймын. Бұл түзетулерді енгізудің мәні зор, себебі азаматтардың мемлекеттік қызметтерді алуын ыңғайлы әрі жедел ете түспек », – деп атап өтті Асқар Жұмағалиев.
</blockquote>
Комиссия отырысында мемлекеттік қызметтерді автоматтандыру және оңтайландыру бойынша жүргізілген жұмыстар туралы Еңбек және халықты әлеуметтік қорғау, Ауыл шаруашылығы, Денсаулық сақтау, сондай-ақ Мәдениет және спорт министрліктерінің өкілдері баяндады.

Қазақстан және Қызылорда облысының жаңалықтары

«Байқоңырды» жалға беру шартының талаптары өзгерді

Қызылордалық көршісінің бір айлық сәбиі мен жеті жасар баласын өрттен аман алып шықты

Қызылорда түбіндегі автобус апаты: оқиға орнында не болды? (видео)

Олимпиада жүлдегерлерін дайындаған мұғалімдерге миллиондап сыйақы төленетін болды

Зейнетақыны қалай есептеу керек – БЖЗҚ зейнетақы калькуляторын жаңартты

Қ.Ысқақов: Полиция органдары жұмысында нәтиже болуы керек

Қазақстанда жол бойындағы әжетханалар қалай өзгереді? (видео)

“Түн еді”: Жәбірленуші Қызылордадағы автобус апаты жайлы айтып берді

2020 жыл: Тышқан жылы қандай болады?

Қызылордадағы апат болған аймақ «Қазавтожолға» тиесілі емес болып шықты

Кәсіпкерлік нысандарының 48,8 пайызы Қызылорда қаласының үлесінде

086 медициналық анықтамасын онлайн алуға болады

Қазақстан және Қызылорда облысының жаңалықтары

«Байқоңырды» жалға беру шартының талаптары өзгерді

Қызылордалық көршісінің бір айлық сәбиі мен жеті жасар баласын өрттен аман алып шықты

Қызылорда түбіндегі автобус апаты: оқиға орнында не болды? (видео)

Олимпиада жүлдегерлерін дайындаған мұғалімдерге миллиондап сыйақы төленетін болды

Зейнетақыны қалай есептеу керек &#8211; БЖЗҚ зейнетақы калькуляторын жаңартты

Қ.Ысқақов: Полиция органдары жұмысында нәтиже болуы керек

Қазақстанда жол бойындағы әжетханалар қалай өзгереді? (видео)

&#8220;Түн еді&#8221;: Жәбірленуші Қызылордадағы автобус апаты жайлы айтып берді

2020 жыл: Тышқан жылы қандай болады?

Қызылордадағы апат болған аймақ «Қазавтожолға» тиесілі емес болып шықты

Кәсіпкерлік нысандарының 48,8 пайызы Қызылорда қаласының үлесінде

086 медициналық анықтамасын онлайн алуға болады

Зейнетақыны қалай есептеу керек – БЖЗҚ зейнетақы калькуляторын жаңартты

“Түн еді”: Жәбірленуші Қызылордадағы автобус апаты жайлы айтып берді