<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Биыл аудан бойынша 36 665 гектар жерге ауыл шаруашылығы дақылдары егіліп , өткен жылмен салыстырғанда 2,2 пайызға артты.Бұл туралы Өңірлік коммуникациялар қызметінің ақпарат алаңында өткен баспасөз конференциясында Жалағаш ауданының әкімі Қайратбек Сәрсенбаев мәлімдеді.
<blockquote>
 «Биыл диқандар ерең еңбектің үлгісін көрсетіп 21800 гектар күріштің әр гектарынан 63,0 центнер өнім жинады.Сонымен қатар, егілген картоптан 6090 тонна, 18373 тонна көкөніс, 26268 тонна бақша дақылдарынан өнім алынды. Диқаншылықты кәсіп еткен аудан диқандары үшін инженерлік жүйеге келтірілген жердің маңызы өте зор»,-деді Қайратбек Әубәкірұлы.
</blockquote>
Бүгінде ауыл шаруашылығын дамыту мақсатында 41 техника сатып алынды. Еске сала кетейік, үстіміздегі жылы облыс бойынша агроөнеркәсіп кешенін дамыту бағытында ең жоғарғы көрсеткішке жеткен Жалағаш ауданы « Алтын дән» мерекесінде бірінші орынды иеленді.
<img src="https://kyzylorda-news.kz/wp-content/uploads/2019/12/4zhalkarkyndy2.jpg" alt="" />

Жалағаш ауданында ауыл шаруашылығы қарқынды дамуда

<a href="https://kyzylorda-news.kz/">Kyzylorda-news.kz.</a> Қазақстанда проблемасы бар қарыз алушыны жалғыз баспанасынан мәжбүрлеп шығаруға тыйым салынбақ. Бұл жайында ҚР Премьер-Министрі Асқар Маминнің Мәжіліс депутаттарының ресми сауалына берген жауабында айтылған, деп хабаралайды <a href="http://lenta.inform.kz/kz/elimizde-ipotekasyn-toley-almagandardy-zhalgyz-baspanasynan-mazhburlep-shygaruga-tyyym-salynbak_a3591260">ҚазАқпарат</a>.
<blockquote>
 «Биыл қыркүйекте Үкіметте Ұлттық банктің, Жоғарғы соттың, Бас прокуратураның, Әділет министрлігінің және Қазақстан Қаржыгерлер қауымдастығының қатысуымен кеңес өтіп, онда проблемалы қарыз алушыларды жалғыз баспанасынан мәжбүрлеп шығару мәселесі қарастырылды. Аталған фактіні қысқарту мақсатында Ұлттық банк мүдделі мемлекеттік органдармен бірлесіп меморандум жасасу мүмкіндігін қарастырып жатыр. Меморандумда несиеге пәтер алғандарды баспанадан шығаруға тыйым салу, қарыз алушының тұрғын үйден шығарылмастан міндеттемесін орындаудың оңтайлы жолдары бойынша барлық қажетті және қисынды шараларды қабылдау көзделеді», – деді Үкімет басшысы.
</blockquote>
Сонымен қатар Асқар Мамин қолданыстағы заңнамада халықтың әлеуметтік аз қамтылған тобына жататын азаматтарды жылыту маусымында жалғыз баспанасынан шығаруға тыйым салынғанын атап өтеді.

Елімізде ипотекасын төлей алмағандарды жалғыз баспанасынан мәжбүрлеп шығаруға тыйым салынбақ

<a href="https://kyzylorda-news.kz/">Kyzylorda-news.kz.</a> Облыс әкімі Қ.Ысқақов “Құмкөл-Қызылорда” автожолында орын алған жол көлік оқиғасы салдарынан зардап шеккен азаматтардың жағдайын білу үшін облыстық медициналық орталығы мен қалалық ауруханаға барды.
<blockquote>
 «Біздің тарапымыздан қажетті көмек көрсетілетін болады. Емдеу шаралары толықтай жасалады. Күш жігерлеріңізді жазылуға жұмсаңыздар. Тез сауығып, отбастарыңызға аман-есен оралуларыңызға тілектеспіз», – деді облыс әкімі Қ.Ысқақов.
</blockquote>
Облыстық көпбейінді ауруханасына 17 азамат түрлі дене жарақатымен жеткізіліп, оның ішінде 6 адам жансақтау бөліміне орналастырылды. 5 адамға қажетті ем шаралары көрсетіліп, үйіне қайтарылған. Қалалық ауруханаға 4 адам жеткізіліп, оның 2 жансақтау бөлімінде. Қазір оларға тиісті медициналық көмек көрсетілуде, қажетті дәрі-дәрмек толығымен қамтамасыз етілген.
Айта кету керек, оқиға орнына дер кезінде төтенше жағдайлар департменті, жол-патрульдік қызметі, медициналық орталық, жедел-жәрдем және санитарлық авиация қызметкерлері мен қажетті техника жұмылдырылды.

Қызылордадағы ірі жол апаты: Облыс әкімі зардап шеккендердің жағдайын сұрап барды

<a href="https://kyzylorda-news.kz/">Kyzylorda-news.kz.</a> Қыстың алғашқы күндерінен бастап еліміздегі жол қозғалысы қиындай түсті. Әсіресе қалалар мен ауылдарды жалғап жатқан аралық ә дегеннен қарға толып, арты көктайғаққа айналып жатыр. Мұндай жағдайда қозғалыс қауіпсіздігіне кім жауапты? Қауіптің алдын алу шаралары қалай жүреді?&nbsp;
«Нұр-Сұлтан – Павлодар» тас жолы. Жантүршігерлік жол апаттары жиі тіркелетін аумақ. Бірер жыл бұрын мемлекеттік бағдарлама бойынша ойқы-шойқы жерлері тегістеліп, жолдың жиектері кеңейтілген болатын. Сөйтіп, қос қаланы жалғап жатқан аралық ә дегеннен халықаралық талапқа сай автобанға айналып шыға келді.&nbsp; Бірақ, бұл оның бойындағы апат саны азайды дегенді білдірмейді.&nbsp;&nbsp;
Бізде осындай республикалық жолдардың күтімі мен қауіпсіздігін қадағалайтын арнайы қызметтер бар. Олардың жұмысы әсіресе осындай қар жауып, күн суытқанда қиындай түседі. Мәселен, мына автобанның «Нұр-Сұлтан – Ерейментау – Шідерті» аралығы аса қауіпті дейді. Өйткені тым жазық жерде орналасқан. Сәйкесінше қар жылдам жиналып, боран айналаны көрсетпей тастайды. Осындай&nbsp; келеңсіздіктерді ескерген мамандар биыл 14 мың тонна тұз бен 60 шаршы метр құм дайындап қойыпты. Айтуларынша, алдағы көктемге дейін жетуі керек.&nbsp;
<blockquote>
 «Қысы-жазы жолды ашып бітіруіміз керек. Тазалық біздің мойнымызда. Жолды тазалаймыз. Елге жұмыс істейміз ғой», – дейді жүргізуші Қанағат Мұсаев.&nbsp;
</blockquote>
Жол қызметінің техникалық базасы жыл сайын қолдан келгенше жаңартылып тұрады. Биылдың өзінде осылай ондаған трактор, автогрейдер және жүк тиейтін көлік сатып алынған. Бірақ, төтенше жағдай кезінде техниканың дайындығынан бұрын, мамандардың ептілігі шешуші рөлді атқарады. Өйткені, олар оқиға орнына ең бірінші болып жетеді.
<blockquote>
 «Табиғаттың тосын мінезіне әрқашан дайын болуға тырысамыз. Әсіресе, ауа райы күрт құбылып, жауыншашын мөлшері артқан жағдайда біздің мамандар күшейтілген режимде жұмыс&nbsp; жасайды. Бұған қоса, көрші облыстарда төтенше жағдай болып жатса қол ұшын беріп, қосымша күш пен арнайы техникалар жөнелтеміз», – дейді «Қазақавтожол» ЖШС басқармасының басшысы Айдын Әбдірахманов.
</blockquote>
Сала мамандары республикалық және аймақтың маңызы бар тас жолдарда күні-түні кезекшілік етеді. Қауіптің алдын алуға тырысады. Қиындыққа тап болғандарға көмектеседі. Сақтанғанды сақтайды деген бар ғой. Сондықтан барлық жауапкершілік ең алдымен адамдар өз мойнына жүктелетінін алға тартады. Әсіресе алыс жолға шығарда арнайы хабарламарды ескеріп, тәуекелге бас тіге бермеу керек дейді.&nbsp;
<a href="https://24.kz/kz/zha-aly-tar/basty-zha-aly-tar/item/358807-aza-standa-y-zhol-auipsizdigine-kim-zhauapty">24.kz</a>

Қазақстандағы жол қауіпсіздігіне кім жауапты?

<a href="https://kyzylorda-news.kz/">Kyzylorda-news.kz.</a> Үкімет басшысының бірінші орынбасары, қаржы министрі Әлихан Смайылов бензин неге қымбаттағанын түсіндірді, деп хабарлайды&nbsp;<a href="https://sputniknews.kz/economy/20191203/12181213/qarzhy-ministri-benzin.html">Sputnik Қазақстан</a>.
<blockquote>
 «Бензин бағасы литріне 10 теңгеге өседі деп күтілуде. Бұл шамамен 6 процент. Инфляцияға елеулі әсер етпеуі тиіс, дегенмен бағаның өсуі үнемі күн тәртібінде. Әлеуметтік маңызды азық-түлік өнімдерінің бағасын ұстап тұру үшін барлық шараны қабылдау қажет», – деді Смайылов үкімет қаулыларында.
</blockquote>
Бірінші вице-премьер бензин акцизінің көтерілуіне екі фактор негіз болғанын айтты.
<blockquote>
 «Біріншіден, келесі жылы әлеуметтік саланың шығындары артады. Бұдан бөлек, «Педагог мәртебесі» туралы заң қабылданғалы жатыр. Оған сәйкес, алдағы төрт жылда мұғалімдердің жалақысын екі есеге көбейту жоспарланып отыр. Мұның бәрі қосымша ақшаны қажет етеді», – деді ол.
</blockquote>
Бұдан бөлек, микро және шағын бизнестің үш жылға салықтан босатылуы республикалық бюджеттің кіріс бөлігін азайтады.
<blockquote>
 «Сол себепті қосымша табыс көздерінің бірі осы акциз болып отыр, бірақ бұл басты кіріс көзі емес. Бастысы – кедендік-салықтық әкімшілендіруді жақсарту. Акциздерді көтеру келесі жылы кірісті ұлғайту факторларының бірі. Ол қосымша 50 миллиард теңгеден аса қаржы жинауға мүмкіндік береді», – деді Смайылов.
</blockquote>
Екінші фактор, оның айтуынша, көрші елдердегі, атап айтсақ, Ресейдегі бензин бағасы.
<blockquote>
 «Қазір бізде АИ-91 бағасы бір литріне 163 теңге екенін білесіздер. Ал Ресейде бұл теңгелік мәнде алғанда литріне 260 теңгеден асады. Тиісінше, біздегі мұнай өнімдері жаппай Ресейге әкетіліп жатыр. Сол себепті біз бензинді автокөлікпен шығаруды шектеуге мәжбүр болдық», – деді қаржы министрі.
</blockquote>
Бұған дейін Ұлттық экономика министрлігі бензиннің бір литрінің акцизі 2020 жылдың 1 қаңтарынан бастап 10 теңгеге көтерілетінін мәлімдеген болатын.

Қаржы министрі бензиннің неге қымбаттағалы жатқанын түсіндірді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Алдағы мереке күндеріне қосымша вагондар қосылады. Бұл туралы «Жолаушылар тасымалы» АҚ бас директорының корпоративтің мәселелер жөніндегі орынбасары Асылхан Қалдыкозов мәлім етті, деп хабарлайды&nbsp;<a href="http://lenta.inform.kz/kz/aldagy-mereke-kunderine-kosymsha-vagondar-men-bagdarlar-iske-kosylady_a3591077">ҚазАқпарат</a>.
<blockquote>
 «Алдағы мереке күндеріне, оның ішінде жаңажылдық демалыс күндеріне қосымша вагондар мен бағдарларды іске қостық. Осы орайда, жолаушылар тасымалын қамтамасыз ету бағытында компания алға қойылған мақсаттарды барынша оңтайлы орындайтын болады», – деді ол Орталық коммуникациялар қызметіндегі баспасөз мәслихатында.
</blockquote>
Атап айтқанда, жолаушылар тасымалы жүйесінде билет сату саласының орны ерекше. Бұл тұрғыда халықтың теміржол билетін сатып алуына барынша қолайлы жағдай жасап, мүмкіндік беру үшін «ҚТЖ» ұлттық компаниясының қолдауымен «Mobius» отандық қаржы жүйесіне негізделген электронды билетпен қамтамасыз ету технологиясы іске асырылуда.
Асылхан Қалдыкозовтың айтуынша, жаңа жүйеге көшу билет сатып алу талаптарын жақсартты. Бүгінде билетті интернет-ресурстар, өзіне-өзі қызмет көрсету автоматтары және өзге де арналар арқылы билет сату кеңейтілді.
<blockquote>
 «2019 жылдың 11 айында билеттің жалпы көлемнен 80 пайызынан астамы электронды түрде сатылды. Оның ішінде интернет арқылы 5 миллионнан астам билет саттық. Күн сайын онлайн сатып алулардың танымалдығы артып келеді», – деді компания өкілі.
</blockquote>
Сонымен қатар, қазіргі кезде сатып алатын бос орындар болмаған жағдайда, жолаушының «Күту парағы» тізіміне тіркелуге мүмкіндігі бар. Бос орын пайда болған кезде жүйе кезектегі жолаушыға осы ақпаратты ұсынады.
<blockquote>
 «Электронды күту парағы» қызметі іске қосылған күннен бастап (2019 жылғы 10 шілдеден) осы уақытқа дейін жаппай тасымал кезінде 85 мыңнан астам жолаушы осы мүмкіндікті пайдаланды», – деді А. Қалдыкозов.
</blockquote>

Алдағы мереке күндеріне қосымша вагондар мен бағдарлар іске қосылады

<a href="https://kyzylorda-news.kz/">Kyzylorda-news.kz.</a> Жылжымайтын мүлік иелері бұдан былай&nbsp;&nbsp;пәтерлер, жатақхана бөлмелері, жеке гараждар мен саяжайлардың техникалық паспортының электронды нұсқасын онлайн рәсімдей алады. Бұл туралы «Азаматтарға арналған үкіметтің» баспасөз қызметі хабарлады.&nbsp;&nbsp;
<blockquote>
 «Халыққа қызмет көрсету орталығына бармай-ақ техпаспортты алудың онлайн баламасы мүлік иелерінің уақыты мен қаржысын үнемдеуге мүмкіндік береді. Бұған дейін жылжымайтын мүліктің құжатын алу үшін ХҚО-ға барып, техникалық паспортқа қағаз жүзінде өтініш беру керек еді. Кейін мүлік иесі дайын болған құжатты алу үшін қайтадан халыққа қызмет көрсету орталығына баратын», – дейді «Азаматтарға арналған үкіметтің» басқарма төрағасы Әсемгүл Балташева.
</blockquote>
Бұдан былай техникалық құжатқа онлайн өтініш беріп, дайын үлгісін электронды үкімет порталынан көшіріп алуға болады. Бұл үшін жылжымайтын мүлік иесінің ЭЦҚ-сы мен құқық белгілейтін құжатының бірінің (сату-сатып алу келісімшарты, сыйға беру шарты, жекешелендіру шарты, сот шешімі және т.б.) скан көшірмесі болуы керек. Бастапқы төлем жүргізілгеннен кейін жылжымайтын мүлік иесі электронды құжаттың келгенін жеке кабинетінен көре алады. Жоба іске қосылған бірнеше күннің ішінде онлайн түрде келіп түскен 100-ден астам өтініш өңделген.
Айта кетейік, жеке кабинетке келген электронды техпаспортты жүктеп алу үшін жылжымайтын мүлік иесі қызметтің нақты құнының айырмасын төлегені туралы түбіртекті қоса көрсетуі тиіс. Содан кейін ғана қызмет көрсетушіге арнайы код-хабарлама жолданып, техпаспортты көшіріп алуға рұқсат беріледі. Техникалық паспорттың электронды үлгісінің күші ХҚО-да мөр басылып берілетін төлқұжатпен тең болады.&nbsp;&nbsp;&nbsp;
Жылжымайтын мүлік төлқұжатын электронды түрде әзірге Нұр-Сұлтан және Шымкент қалаларының тұрғындары ала алады. Пилоттық жоба 2020 жылдың ақпанына дейін жалғасады.

Енді елімізде жылжымайтын мүліктің техпаспортын онлайн режимде алуға болады

<a href="https://kyzylorda-news.kz/">Kyzylorda-news.kz.</a> Ауа райының қолайсыздығына байланысты Қарағанды облысы аумағында Қызылорда – Павлодар автомобиль жолының учаскесі жабылды, деп хабарлайды Қазақавтодордың ресми <a href="http://map.kazavtodor.kz/">сайты</a>.
<blockquote>
 «4 желтоқсан күні сағат 01:40-тан бастап ауа райының нашарлауына байланысты (жаңбыр, көктайғақ) Қызылорда-Павлодар автожолының 748-906 км, Топар кенті – Атасу кенті учаскесі көліктің барлық түрлері үшін жабылды», – делінген ведомство ақпаратында.
</blockquote>

Қызылорда-Павлодар күре жолының учаскесі жабылды

<a href="https://kyzylorda-news.kz/">Kyzylorda-news.kz.</a> &nbsp;«Қазгидромет» РМК 4 желтоқсанға арналған ауа райы болжамын ұсынады.
Сәрсенбіде Қазақстан территориясының басым бөлігінде ауа ағындарының өтуіне байланысты құбылмалы ауа райы сақталады, кей жерлерде жаңбыр және қар жауады. Тек республиканың оңтүстік-шығысы антициклонның ықпалында болғандықтан жауын-шашынсыз. Республиканың кей жерлерінде – тұман, көктайғақ, жаяу бұрқасын, желдің күшеюі сақталады.
Шығыс Қазақстан облысының кей жерлерінде жаяу бұрқасын болып, тұман түседі, желдің күші 15-20, Жарма ауданында күндіз – көктайғақ, желдің екпіні 25 м/с жетеді.
Ақмола, Атырау, Батыс Қазақстан, Актөбе облыстарының кей жерлерінде тұман, көктайғақ, жаяу бұрқасын күтіледі, Ақмола облысының күндіз кей жерлерінде жел 15-20 м/с күшейеді.
Солтүстік Қазақстан, Павлодар, Қарағанды облыстарының кей жерлерінде тұман, көктайғақ болады. Алматы облысының Жалаңашкөл ауданында желдің жылдамдығы 17-22 м/с жетеді, түнде кей жерлерінде тұман күтіледі.
&nbsp;Жамбыл облысының кей жерлерінде тұман түсіп, күндіз жел 15-20 м/с күшейеді.
Қызылорда облысының кей жерлерінде тұман, таңертең және күндіз көктайғақ болуы ықтимал. Қостанай облысының кей жерлерінде тұман түсіп, күндіз жаяу бұрқасын болады.
&nbsp;Түркістан, Маңғыстау облыстарының кей жерлерінде тұман түседі.

Көктайғақ, тұман, жел &#8211; 4 желтоқсандағы ауа райы

Халықаралық гепард күні
Жыл сайын атап өтіледі. Атаулы күн гепардтарды қорғаудың маңызы туралы ақпаратты тарату мақсатында бекітілген. Гепард құрлықты мекендейтін сүтқоректілердің ең жылдам өкілі ретінде танымал. Мысық тұқымдасына жататын жануардың жылдамдығы 110 км/сағатқа дейін жетеді. Бірақ олардың табиғаттағы саны тым азайып кеткендіктен, қажетті шаралар қолға алынбаса жойылып кету қаупі бар.
Қырғызстанда «Манас» эпосының күні
Бұл күн ел Парламентінің кеңесімен және Қырғызстан мәдениет, ақпарат және туризм министрлігінің бастамасымен Республика Үкіметінің 2015 жылдың 27 сәуіріндегі №259 қаулысымен бекітілген.
1919 жылы Семей губерниясы партия комитеті «Семей таңы» газетінің алғашқы саны жарық көрді. Содан кейін аптасына 3 рет шығатын болды. Еңбекшілерді революцияны қорғауға шақырды. 1923 жылы «Еңбекші жас» атты айдарын комсомол жастарына арнап шығарды. «Семей таңы» редакциясында Ж.Аймауытов, Ш.Тоқжігітов, С.Дөнентаев, М.Тұрғанбаев, Ш.Құдайбердіұлы, М.Әуезов жұмыс істеді.
1995 жылы Қазақстан Республикасының Президенті Н.Назарбаевтың Жарлығымен Женевадағы БҰҰ бөлімшесі мен басқа да халықаралық ұйымдар жанынан ҚР Тұрақты өкілдігі ашылды.
1995 жылы ҚР Президенті Н.Назарбаевтың Жарлығымен Қазақстан Республикасының Швейцария Конфедерациясындағы Елшілігі ашылды.
1998 жылы Қазақстан Республикасы Үкіметінің қаулысымен «Қазтеңізкөлікфлот» ұлттық теңіз кеме компаниясы» АҚ құрылды.
2013 жылы ҚР Ұлттық банкі «Шығыс күнтізбесі» сериясында 500 теңге номиналымен «Жылқы жылы» атты алтын және күміс естелік монеталарын айналымға енгізді.

4 желтоқсан: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 4 желтоқсанға арналған жұлдыз-жорамалы.
Тоқты
Өзгелердің сөзіне ермеңіз. Тек өз қалағаныңызды жасап, түйсігіңізге жүгініңіз. Әйтпесе қиыншылықтарға тап боласыз.
Торпақ
Маңызды келіссөздерді кейінге қалдырғаныңыз жөн. Бүгін жайма-шуақ күй кешіп, арқаны кеңге салыңыз.
Егіздер
Күніңіз сәтті өтеді. Шығармашылықпен айналысып, қызықты күнді бастан өткізесіз. Жұмысыңыз жемісті болмақ.
Шаян
Бүгін көп ойланып-толғанудың қажеті жоқ. Барлық мәселе өздігінен шешілетін болады. Енді барлығы өзіңізге байланысты.
Арыстан
Бүгін өте маңызды қадам жасайсыз. Бұл мәселеге бей-жай қарауға болмайды. Сіздің арқаңызда көпшіліктің де мәселесі шешілетін болады.
Бикеш
Бүгін жұмысқа ден қоя алмайсыз. Айналаңыздағы адамдардың шуы сізге кедергі келтіруі мүмкін. Барынша көңіл бөлмеуге тырысыңыз.
Таразы
Бүгін көпшілік сізге қызыға қарайтын болады. Барлық жақындарыңыздың да, достарыңыздың да назары сізде болады.
Сарышаян
Бүгін өте сақ болыңыз. Өйткені жаныңыздағы адамдар сіздің заттарыңызды ұрлауы мүмкін. Ақша, қымбат бұйымдарға сақ болыңыз.
Мерген
Алдын ала ештеңе жоспарламаңыз. Дәл қазіргі сәт арқаны кеңге салып, демалатын уақыт.
Тауешкі
Бүгін барлық сырыңызды ақтарып, ішкі жан-күйзелісіңізді сыртқа шығаратын уақыт. Сіздің сөзіңізді тыңдайтын жандар табылады.
Суқұйғыш
Сізге не қажет екені тек өзіңізге ғана аян. Сонымен қатар қажет дүниені алыстан іздеудің қажеті жоқ. Себебі керек-жарақтың барлығы дәл қасыңызда.
Балықтар
Бүгінгі күніңіз сәтті өтеді. Сондықтан мәселелерге бола алаңдамасаңыз болады. Сонымен қатар ұйқыңызды қандырыңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Үкімет басшысының бірінші орынбасары – қаржы министрі Әлихан Смайылов қайтыс болған және елден кеткен адамдардың мүлкін иесіз деп тануды ұсынды, деп хабарлайды&nbsp;<a href="https://sputniknews.kz/society/20191203/12180038/qazaqstandyqtar-mulik.html">Sputnik Қазақстан</a>.
Смайыловтың айтуынша, “Жылжымайтын мүлік тізімі” ақпараттық жүйесіндегі жылжымайтын мүлік бойынша өңделген 17,3 миллион мәліметтің 2,6 миллионы жаңартылып, ретке келтірілген.
<blockquote>
 “Бұл ретте, мынадай проблема анықталды. 843 мың жылжымайтын мүлік қайтыс болған немесе шетелге кеткен адамдардың атына тіркелген. Осыған байланысты, индустрия және инфрақұрылымдық даму министрлігі жергілікті атқарушы органдармен бірлесіп, қайтыс болған және Қазақстаннан тыс жерлерге кеткен адамдарға тиесілі мүлікті иесіз деп тану мәселесін пысықтау керек”, – деді бірінші вице-премьер үкімет отырысында.
</blockquote>
Ол салық және кедендік әкімшілендіруді цифрландырудың маңызды бағыттарының бірі&nbsp; мемлекеттік органдардың дерекқорларын жаңарту екенін атап өтті. Айтуынша, бұл жұмыс жыл басынан бері белсенді түрде жүргізілуде.
<blockquote>
 “25 миллионнан астам мәлімет өңделіп, 3,6 миллионнан аса қате мәлімет жаңартылды”, – деді Смайылов.
</blockquote>
Қаржы министрлігі келесі жылы салықтық және кедендік әкімшілендіруді жетілдіру мақсатында&nbsp; мынадай іс-шараларды жоспарлап отыр:
<ul>
<li>салық төлеушінің электронды әмиянын енгізу (2020 жылғы қаңтардан бастап);</li>
<li>үш компонентті интеграцияланған жүйені енгізу;</li>
<li>патентті қолдану үшін қызмет түрлерінің тізбесін шектеу;</li>
<li>Өзбекстанмен шекарадағы өткізу пунктін қайта құруды аяқтау (2020 жылғы 2-тоқсан);</li>
<li>Қытайдан алынатын займ бойынша 10 өткізу пунктін қайта құруды бастау (2020-2023 ж.ж.);</li>
<li>ЕврАзЭС аясында тауарларды қадағалау ақпараттық жүйесін енгізу;</li>
</ul>

Қазақстан және Қызылорда облысының жаңалықтары

Жалағаш ауданында ауыл шаруашылығы қарқынды дамуда

Елімізде ипотекасын төлей алмағандарды жалғыз баспанасынан мәжбүрлеп шығаруға тыйым салынбақ

Қызылордадағы ірі жол апаты: Облыс әкімі зардап шеккендердің жағдайын сұрап барды

Қазақстандағы жол қауіпсіздігіне кім жауапты?

Қаржы министрі бензиннің неге қымбаттағалы жатқанын түсіндірді

Алдағы мереке күндеріне қосымша вагондар мен бағдарлар іске қосылады

Енді елімізде жылжымайтын мүліктің техпаспортын онлайн режимде алуға болады

Қызылорда-Павлодар күре жолының учаскесі жабылды

Көктайғақ, тұман, жел – 4 желтоқсандағы ауа райы

4 желтоқсан: Атаулы күндер мен оқиғалар

Жұлдыздар не дейді?

Елімізде кейбір тұрғындардың мүлкі неге иесіз деп танылып жатыр?

Қазақстан және Қызылорда облысының жаңалықтары

Жалағаш ауданында ауыл шаруашылығы қарқынды дамуда

Елімізде ипотекасын төлей алмағандарды жалғыз баспанасынан мәжбүрлеп шығаруға тыйым салынбақ

Қызылордадағы ірі жол апаты: Облыс әкімі зардап шеккендердің жағдайын сұрап барды

Қазақстандағы жол қауіпсіздігіне кім жауапты?

Қаржы министрі бензиннің неге қымбаттағалы жатқанын түсіндірді

Алдағы мереке күндеріне қосымша вагондар мен бағдарлар іске қосылады

Енді елімізде жылжымайтын мүліктің техпаспортын онлайн режимде алуға болады

Қызылорда-Павлодар күре жолының учаскесі жабылды

Көктайғақ, тұман, жел &#8211; 4 желтоқсандағы ауа райы

4 желтоқсан: Атаулы күндер мен оқиғалар

Жұлдыздар не дейді?

Елімізде кейбір тұрғындардың мүлкі неге иесіз деп танылып жатыр?

Көктайғақ, тұман, жел – 4 желтоқсандағы ауа райы