<a href="https://kyzylorda-news.kz/">Kyzylorda-news.kz</a> Облыс әкімінің тапсырмасына сәйкес Қызылорда облысындағы қалалар мен елді мекендердің аумақтарын абаттандыру, жер және құрылыс саласындағы кейбір мәселелерді реттеу үшін арнайы жұмысшы топ құрылды.Аталған тапсырмаға сәйкес, облыс аумағында жалпы 555 құрылысы жүріп жатқан (Қызылорда Қызылорда қаласы – 158, Арал ауданы – 72, Қазалы ауданы – 65, Қармақшы ауданы – 35, Жалағаш ауданы – 29, Сырдария ауданы – 36, Шиелі ауданы – 72, Жаңақорған ауданы - 88) кәсіпкерлік нысандар бойынша зерделеу жұмыстар жүргізілуде.Бүгінгі күнімен 247 нысан заңдастырылды (Қызылорда қаласы – 100, Арал – 37, Қазалы–7, Қармақшы -5, Жалағаш – 13, Сырдария – 5, Шиелі – 4, Жаңақорған – 76), &nbsp;ал 113 нысан заңсыз салынғаны анықталып, олардың меншік иелеріне жалпы 294 хаттама толтырылып (Қызылорда қаласы – 39/96, Арал ауданы – 24/53, Қазалы ауданы – 10/30, Қармақшы ауданы – 1/3, Жалағаш ауданы – 12/34, Сырдария ауданы – 11/33, Шиелі ауданы – 6/18, Жаңақорған ауданы – 10/28), 118 330 560 теңге айыппұл салынды.Жүргізіліп жатқан шаралар облыс аумағындағы құрылыс саласын тәртіпке келтіруге, заңсыз нысандарды болдырмауға және өңірдің сәулеттік келбетін жақсартуға бағытталған. Алдағы уақытта да бұл бағыттағы жұмыстар жүйелі түрде жалғасын табатын болады.Әліп Мәди Раманқұлұлы,Қызылорда облысының мемлекеттік сәулет-құрылыс&nbsp;бақылауы басқармасы басшысының орынбасары&nbsp;

Заңсыз құрылысқа жол жоқ! 

<a href="https://kyzylorda-news.kz/">Kyzylorda-news.kz</a> Республика күні мерекесі қарсаңында Сырдария ауданында «AMANAT» партиясының қатары жаңа мүшелермен толығып, бірқатар азаматқа партиялық билеттер табысталды.Қабылдау барысында «AMANAT» партиясының партиялық билеттері мәдениет, білім саласында еңбек етіп жүрген белсенді азаматтарға табысталды. Олар аудан дамуына, партиялық жобаларды жүзеге ынталы екендіктерін айтты.Саяси мәні зор іс-шараға партияның аудандық филиалының төрағасы Ержан Әжікенов, партия филиалының атқарушы хатшысы Ақтөре Ибрагимұлы, аудандық мәслихаттағы депутаттық фракция мүшелері Алмас Есназар және Марат Бакуов қатысты.Партия филиалының төрағасы Ержан Әжікенов жиынға қатысушыларды Республика күнімен құттықтап, алдағы уақытта партия бастамаларына қолдау білдіріп, мемлекетіміздің дамуына үлес қосатындықтарына сенім білдірді.

Республика күні мерекесі қарсаңында партия қатары жаңа мүшелермен толықты

<a href="https://kyzylorda-news.kz/">Kyzylorda-news.kz</a> Қазақстан Республикасы Мәдениет және ақпарат министрлігі қоғам мен мемлекет арасындағы өзара сенімді нығайтып, шынайы қоғамдық диалог орнатуға бағытталған кешенді және жүйелі стратегияны іске асыруда.&nbsp;Мемлекет басшысы XII Азаматтық форум қатысушыларына жолдаған үндеуінде азаматтық қоғамды дамытуға мемлекеттің айрықша мән беретінін атап өтті.«Мемлекет пен азаматтардың қарым-қатынасына арқау болған «Халық үніне құлақ асатын мемлекет» тұжырымдамасы берік орныға түсті. Өзара сыйластық пен түсіністік, жанашырлық пен жауапкершілік қасиеттері кеңінен дәріптеліп, қоғамның құқықтық мәдениетін арттыру үшін нақтышаралар атқарылды», – деді Қасым-Жомарт Тоқаев.Президент белсенді азаматтық қоғам қалыптастыру үшін үкіметтік емес ұйымдардың беделін арттыру маңызды екенін бірнеше рет атап өткен болатын.&nbsp;Осы мақсатта 2021-2024 жылдар аралығында ҚР Мәдениет және ақпарат министрлігінің бастамасымен құқықтық кеңістікті сапалық тұрғыдан жаңғырту үдерісі басталды. Бұл бағытта бірқатар негізгі заңнамалық актілер қабылданды. Атап айтқанда, «Қоғамдық бақылау туралы» Заң, сондай-ақ «Мемлекеттік әлеуметтік тапсырыс, үкіметтік емес ұйымдарға арналған гранттар және сыйлықақылар туралы» Заңға түзетулер пакеті қабылданды. Сонымен қатар «Волонтерлік қызмет туралы», «Қайырымдылық туралы», «Қоғамдық бірлестіктер туралы», «Медиация туралы» және «Қоғамдық кеңестер туралы» заңдарға толықтырулар енгізілді.&nbsp;Аталған заңдарды тиімді іске асыру мақсатында 14 нормативтік құқықтық актіге өзгерістер енгізілді. Қоғамдық кеңестердің рөлі айтарлықтай күшейді. Соңғы үш жылда азаматтық қоғам өкілдерінің үлесі 23%-ға өсіп, 264 қоғамдық кеңестің құрамындағы олардың қатысу деңгейі 86%-ға жетті. Жастардың үлесі де 5%-ға артып, 15%-ды құрады.&nbsp;Алғаш рет квазимемлекеттік секторда азаматтармен тікелей кері байланыс орнатуға мүмкіндік беретін 13 жаңа қоғамдық кеңес құрылып, өз жұмысын бастады.&nbsp;Грант саясаты мен мемлекеттік әлеуметтік тапсырыс жүйесі реформаланды. Жобаларды іріктеудің көп деңгейлі механизмі енгізіліп, сараптама мен есеп беру рәсімдері жетілдірілді.&nbsp;Аталған өзгерістер әлеуметтік жобаларды қаржыландыру көлемін екі есе арттыруға, мемлекеттік әлеуметтік тапсырыстың қамту аясын 21 бағытқа дейін кеңейтуге және жүзеге асырылатын жобалар санын 22%-ға көбейтуге мүмкіндік берді.&nbsp;Соңғы бес жыл ішінде жалпы сомасы 10,3 млрд теңгені құрайтын 556 грант жүзеге асырылды. 2025 жылы жалпы құны 1,8 млрд теңге болатын 104 грант іске асырылуда. ҮЕҰ-ға арналған сыйлықақы конкурсы рекордтық нәтижеге қол жеткізіп, өтініштердің саны 135-тен 208-ге дейін артты. Ал, жеңімпаз ұйымдар саны 73-ке жетті. Олардың қатарында ауылдық аймақтардағы бастамалар мен инклюзивті жобалар да бар. Осы кезеңде барлығы 336 үкіметтік емес ұйым Мемлекеттік сыйлықақымен марапатталды. Бұл нәтижелер мемлекет пен азаматтық сектор арасындағы серіктестіктің жаңа, жетілген кезеңіне жол ашты.&nbsp;Азаматтық қоғамды дамытудың басым бағыттарының бірі ретінде волонтерлік қозғалысты&nbsp;қолдау және нығайтужұмыстары белсенді жүргізілуде. 2021-2023 және 2024-2026 жылдарға арналған екі Жол картасы қабылданып, олар төрт стратегиялық бағытпен 85 нақты іс-шараны қамтыды.&nbsp;Республикалық фронт-офис пен мыңдаған белсенді жасты біріктірген 20 өңірлік волонтерлік орталық құрылды. Осы уақыт ішінде 275 волонтерлік жоба мен 1 200-ден астам волонтерлік бастама жүзеге асырылды. Қазақстан волонтерлік қызмет саласында халықаралық ұйымдармен тығыз ынтымақтастық орнатып келеді. Соңғы жылдары елімізден 21 волонтер БҰҰ құрылымдары аясында Иордания, Кения, Таиланд және Түркия елдерінде қызмет атқарды. 2025 жылы олардың жетеуі өз қызметін жалғастыруда. Сонымен қатар, биыл «Игі істер марафоны» аясында ел бойынша 27 мыңнан астам игі іс атқарылды.ҚР Мәдениет және ақпарат министрлігінің баспасөз қызметі

Қазақстандағы азаматтық қоғамның жаңа кезеңі: 104 грант бөлініп, 27 мың игі іс жасалды

<a href="https://kyzylorda-news.kz/">Kyzylorda-news.kz</a> 2025 жылдың 22 қазан күні сағат 08:00-20:00 аралығында «Құқықтық тәртіп» жедел-профилактикалық іс-шарасы аясында Қызылорда облысы аумағындағы «Қарабұтақ-Қызылорда-Шымкент» тас жолының 1623-1547 шақырымында қызмет атқару кезінде полиция майоры Нариман Рахметов пен полиция аға лейтенанты Әділжан Нұрланұлы жоғалған жасөспірімді тапты.Сағат 12:00 шамасында ОПД ЖПҚБ кезекші бөлімінен бағыттама түсіп, онда 2025 жылдың 21 қазан күні сағат 09:00-де Орал қаласынан 15 жастағы жасөспірімнің белгісіз бағытқа кетіп, үйіне оралмағаны хабарланған.Жедел іздестіру шарасы барысында Алматы қаласы бағытына қарай кетіп бара жатқан Toyota маркалы көлік тоқтатылып, тексеру кезінде жоғалған бала анықталды. Жасөспірім Қармақшы аудандық полиция бөліміне жеткізіліп, ата-анасына аман-есен табылғаны туралы хабар берілді. Мән - жайлар анықталуда.

Қызылордада «Құқықтық тәртіп» іс-шарасы барысында із-түссіз жоғалған жасөспірім табылды

<a href="https://kyzylorda-news.kz/">Kyzylorda-news.kz</a> Қазақстанда халықтың табысын декларациялау жүйесінен бас тарту мүмкіндігі қарастырылып жатыр. Бұл туралы <a href="https://stan.kz/elimizde-aldagi-bes-zhilda-tabisti-deklaraciyalau-zhuye-425213/">Stan.kz </a>ақпарат агенттігі хабарлайды.Қаржы вице-министрі Ержан Біржановтың айтуынша, жаңа Салық кодексінде декларацияны алдын ала автоматты түрде толтыру режимі енгізіледі. Бұл жүйеде декларация деректері кассалық аппараттар мен басқа да ақпараттық көздерден алынған мәліметтер негізінде автоматты түрде жасалады.<blockquote>"Жалпы, алдағы бес жылда табыс декларациясын өз бетінше тапсыру жүйесі біртіндеп жойылуы мүмкін. Себебі қазір қаржы айналымы толықтай ашық. Төлемдердің барлығын көріп отырмыз. Алушылар мен табыс иелері туралы деректер бізге беріледі. Басқа мемлекеттік органдардан да табыс жөнінде ақпарат түседі. Сондықтан декларацияны өз қолымен тапсыру жүйесі бірте-бірте тарих қойнауына кетуі әбден мүмкін", – деді вице-министр.</blockquote>Оның айтуынша, декларацияларды алдын ала автоматты түрде толтыру жүйесі осы бағыттағы алғашқы қадам болмақ.Фото: freepik.com

Елімізде алдағы бес жылда табысты декларациялау жүйесі түгелдей жойылмақ

<a href="https://kyzylorda-news.kz/">Kyzylorda-news.kz</a>&nbsp; Республика күніне орай Қызылорда облысында Жас сайлаушылар клубы құрылып, жаңа бағытта жұмысын бастады.Қызылорда облыстық сайлау комиссиясы жанынан құрылған клуб құрамына бүгінде 85 жас енді. Олар Қызылорда қаласында және аудандарда әртүрлі форматта жұмыс жасауға ниет білдірді.Ұлттық мереке аясында Жастар ресурстық орталығында Жас сайлаушылар клубының мүшелері басқосты.Клубтың басты мақсаты — жастардың сайлау процесіне деген қызығушылығын арттыру, сайлау мәдениетін қалыптастыру және қоғам өміріндегі белсенділігін күшейту.Кездесуде Қызылорда облыстық сайлау комиссиясының төрағасы Әділбек Ерсұлтанов сайлау жүйесін дамытуда және саяси процестерді ақпараттандыру, түрлі жобалар жасауда жастардың әлеуеті өте маңызды екенін тілге тиек етті.<blockquote>– &nbsp;Жас сайлаушылар клубы&nbsp;– &nbsp;тек пікір алмасу алаңы ғана емес, ол - жастардың конституциялық құқығын пайдалана отырып сайлау процестерінде демократиялық құндылықтарды дамытуға серпін беретін және қоғамдық істерді бірлесе атқаратын ортақ алаң.</blockquote><blockquote>Сондықтан мен сіздерді белсенді болуға, жаңа идеялар ұсынуға, қоғамды ақпараттандыруға және өз қатарластарыңызға үлгі болуға шақырамын,-деді Ә.Ерсұлтанов.</blockquote>Жиында жас сайлаушылар клубының мүшелеріне куәлік табысталып, арнайы жадынама таратылды. Өз кезегінде клуб мүшелері алдағы уақытта&nbsp;сайлау процестеріне қатысты түрлі іс-шаралар, конкурстар, квесттер мен дебаттар өткізу туралы уағдаласты.Жиында клуб жұмысын үйлестіру тобының мүшесі&nbsp;Қорқыт Ата атындағы Қызылорда университетінің «Экономика және құқық институтының» директоры Айнұр Исаева, Жастар ресурстық орталығының директоры, клуб мүшесі Әліби Басаров,&nbsp;Қызылорда облыстық мүгедектер қоғамы» қоғамдық бірлестігінің төрағасы Сағатбек Сиюов сөз алып, жастарды ортақ идеяға біріктіретін жобалар жасауға дайын екендігін білдірді.Іс-шара аясында Қызылорда облысының аумақтық сайлау комиссиясы мен «Қызылорда облыстық мүгедектер қоғамы» қоғамдық бірлестігі арасында екіжақты меморандумға қол қойылды.Бұл екі жақты келісім сайлау процестеріне қатысушы мүгедектігі бар азаматтарға қолайлы жағдай туғызады және сындарлы диалог орнатуға жол ашады.Айта кетейік, аймақта бүгінгі күні 178&nbsp;892 жас сайлаушы бар. Олардың 76&nbsp;112-і Қызылорда қаласында, 102&nbsp;780-ы аудандарда.Өңірдегі барлық сайлаушылардың 36 пайызын – жастар құрайды.<img src="https://knadmin.beoblood.kz/uploads/1_Zhas_sajlaushylar_kluby_ryldy_a646be5fa5.jpg" alt="1Жас сайлаушылар клубы құрылды.jpg">

Жас сайлаушылар клубы құрылды

<a href="https://kyzylorda-news.kz/">Kyzylorda-news.kz</a>&nbsp; Ұлттық мереке қарсаңында спорттық шаралар өткізу – полицейлердің игі дәстүрі.Республика күні және Мемлекеттік егемендік туралы декларацияның 35 жылдығына орай Қызылорда облысы Полиция департаментінің Қазалы аудандық полиция бөлімінің қызметкерлері арасында мини-футболдан &nbsp;турнир ұйымдастырылды. Жарыс &nbsp;Әйтеке би кентінде орналасқан «Әмір-Арена» &nbsp;спорт залында өтті.Турнирдің жеңімпазы болып бөлімнің Кезекші бөлімшесінің қызметкерлерінен құралған "102" &nbsp;командасы танылды. Екінші орынды бөлімнің Отбасы тұрмыстық зорлық &nbsp;- &nbsp;зомбылыққа қарсы күрес тобының қызметкерлерінен құралған &nbsp;"Арлан" иеленсе, құрметті үшінші орынды бөлімнің тергеу, криминалдық полиция бөлімшесінің қызметкерлерінен құралған "Іздестіру" командасы иеленді. &nbsp;Сонымен қатар ойын барысында ерекше көзге түскен "Үздік қақпашы", "Үздік шабуылдаушы", "Үздік қорғаушы" номинацияларымен қызметкерлер марапатталды.Тәртіп сақшыларымен ұйымдастырылған турнир полицейлердің төзімділігі мен бірлігін сынап қана қоймай, дене даярлығының қызметтік міндеттерді сапалы атқарудағы маңыздылығын тағы бір мәрте көрсетті.<img src="https://knadmin.beoblood.kz/uploads/Sport_zh_ne_yzmet_yzylordaly_policzejler_sportty_turnir_tkizdi_bbc4aa89bc.jpg" alt="Спорт және қызмет қызылордалық полицейлер спорттық турнир өткізді.jpg"><img src="https://knadmin.beoblood.kz/uploads/1_Sport_zh_ne_yzmet_yzylordaly_policzejler_sportty_turnir_tkizdi_ca2edeb0f7.jpg" alt="1Спорт және қызмет қызылордалық полицейлер спорттық турнир өткізді.jpg">

Спорт және қызмет: Қызылордалық полицейлер спорттық турнир өткізді

<a href="https://kyzylorda-news.kz/">Kyzylorda-news.kz</a> Еуропа футбол қауымдастықтары одағы (УЕФА) алматылық "Қайраттың" қақпашысы Темірлан Анарбековтың кешегі сейвін үздіктер қатарына қосты, деп хабарлайды <a href="https://kaz.nur.kz/sport/football/2300246-temirlan-anarbekovtyng-seivi-uefa-uzdikterining-qataryna-endi/">KAZ.NUR.KZ.</a>УЕФА Instagram желісіндегі парақшасында сейвтер топтамасын жариялады. Желі қолданушыларына ішіндегі үздігін таңдау ұсынылды.<blockquote>"Сейсенбіде керемет сейв көп болды. Сіздерге қайсысы қатты ұнады?" - делінген видеожазба сипаттамасында.</blockquote>Топтамада Наполи, Интер, Вильярреал, Барселона, Бенфика және Копенгаген қақпасын голдан сақтап қалған қақпашылардың видеосы да бар.Айта кетейік, кеше, 21 қазанда Темірлан Анарбеков кипрлік жартылай қорғаушы Влад Драгомирдің соққысына қарсы әдемі сейв жасаған еді.Қазақстандықтар 22 жастағы "Қайрат" қақпашысына қолдау білдіріп, жазбаға пікір қалдырды. Кейбірі бұл тізімге Темірлан Анарбековтың Давид Луиздің соққысына қарсы тағы бір сейвін қосуға болатынын атап өтті.Айта кетейік, "Қайраттың" кипрлік "Пафосқа" қарсы ойыны тең аяқталған соң желідегі жанкүйер Темірлан Анарбеков туралы оң пікір қалдыруда.Фото: Скрин instagram.com/championsleague/

Темірлан Анарбековтың сейві УЕФА үздіктерінің қатарына енді

<a href="https://kyzylorda-news.kz/">Kyzylorda-news.kz</a> Ауыз судың орташа тарифі — текше метріне 158 теңге. Енді келер жылдан бастап оның мөлшері 68 теңгеге өсуі мүмкін, деп хабарлайды <a href="https://24.kz/kz/zha-aly-tar/bylu-manyzdy/736292-astanada-auyz-sudyn-tarifi-osui-mumkin">24.kz.</a>Бұл туралы Астана қаласының су арнасы мәлімдеді. Коммуналдық кәсіпорын есебінде су бұру және тазарту қызметі бойынша орташа тариф 44 пайызға көтерілетіні айтылған. Яғни қазір орташа тариф текше метріне 174 теңге болса, келер жылы 251 теңгені құрауы мүмкін.Сондай-ақ 2027 жылдан 2030 жылға дейінгі кезеңде тарифтердің жыл сайынғы өсуі шамамен 11 пайыз мөлшерінде болады деп болжанып отыр. Бұған негізгі себеп — еңбекақы қоры мен материалдық шығындар.<blockquote>"Тарифтің өздеріңізге белгілі өсімі бар. Бірақ ол өсімнің негіздері бар. Біріншіден, жұмысшылардың жалақысын көтеру. Астана су арнасы мекемесінің басқа мекемелерге қарағанда жалақылары төмен. Орташа жалақы 390 мың теңге. Біз алда осы сұрақтарды қарайтын боламыз", - дейді ҰЭМ табиғи монополияларды реттеу комитетінің астана қаласы департаменті басшысы Жандос Сәлімов.</blockquote>Фото: <span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">freepik.com

Ауыз су тарифі өсуі мүмкін

<a href="https://kyzylorda-news.kz/">Kyzylorda-news.kz</a> «AMANAT» партиясы Жаңақорған аудандық филиалының ұйымдастыруымен «Бақытты отбасы» партиялық жобасы аясында «Ұлағатты ұстаз – ұлт тірегі» атты ұстаздармен кездесу өтті.Іс-шараның мақсаты – ұрпақ тәрбиесіне өлшеусіз үлес қосып, өз еңбегімен өзгелерге үлгі болған ұлағатты ұстаздардың еңбегін дәріптеу, олардың өмірлік тәжірибесі мен табысты жолын жастарға үлгі ету.Кездесу барысында ұстаздар білім беру саласындағы тәжірибелерімен, оқушыларды тәрбиелеудегі жаңашыл әдістерімен бөлісіп, заманауи білім беру жүйесіндегі өзгерістер мен сын-тегеуріндер жайында пікір алмасты. Сонымен қатар, ұстаздық мамандықтың қоғамдағы орны мен жас ұрпақ тәрбиесіндегі жауапкершілік жайлы тағылымды әңгімелер айтылды.<blockquote>“Ұлағатты ұстаз — шәкірт жүрегіне жол тауып, оларды үлкен өмірге дайындайтын тұлға. Оның әрбір сөзі мен ісі үлгі. Бүгінгі жастар — ертеңгі ел болашағы. Ал сол жастардың сапалы білім алып, саналы тәрбиеге қанығуы — ұстаз еңбегінің жемісі” - деп атап өтті филиал төрағасы Арман Мажитов.</blockquote>Кездесу соңында ұстаздарға алғыс хаттар табысталып, олардың қажырлы еңбегіне ризашылық білдірілді. Осындай шаралар арқылы «AMANAT» партиясы ұстаздардың мәртебесін арттыруға және отбасылық құндылықтарды насихаттауға бағытталған жүйелі жұмыстарды жалғастыра береді.

Ұлағатты ұстаз – ұлт тірегі

<a href="https://kyzylorda-news.kz/">Kyzylorda-news.kz</a> Мәжілістің жалпы отырысында қаржы министрі Мәди Такиевтің айтуынша, үкімет "Отбасы банк" салымшыларға берілетін сыйақыны мемлекеттік бюджеттен емес, банктың өз қаражаты есебінен төлеу туралы шешім қабылдады. Бұл туралы <a href="https://stan.kz/otbasi-bank-salimshilarga-siyakini-oz-karazhati-esebine-425195/">Stan.kz</a> ақпарат агенттігі хабарлайды.Мәліметтерге сенсек, салымшыларға берілетін сыйақыны қаржыландыру енді "Отбасы банктың" өз қаражаты есебінен жүзеге асырылады.<blockquote>"Осылайша біз бюджетке түсетін жүктемені азайтамыз. Ал салымшылар үшін ешқандай өзгеріс болмайды – олар бұрынғыдай сыйақыларын алады", – деді министр.</blockquote>Мәди Такиевтің айтуынша, "Отбасы банк" мемлекеттік қаржы институты және оның қаржылық жағдайы тұрақты. 2024 жылы банктің таза табысы 120 миллиард теңгені болған, бұл өз кезегінде салымшылар алдындағы міндеттемелерді бюджет көмегінсіз орындауға мүмкіндік береді.Министрдің дерегінше, банк құрылған сәттен бастап бюджеттен шамамен 900 млрд теңге бөлінген. Қолданыстағы үш жылдық бюджет аясында тағы 200 млрд теңге бөлу жоспарланған еді.<blockquote>"Бұл уақыт ішінде банк клиенттер базасын едәуір кеңейтті – салымшылар саны он есеге өсіп, 2,1 миллион адамнан асты. Сондықтан қаржыландыру тәртібін өзгерту мемлекет шығынын азайтып, азаматтардың мүддесіне әсер етпейді", – деп түйіндеді Мәди Такиев.</blockquote>Фото: Отбасы банк

"Отбасы банк" салымшыларға сыйақыны өз қаражаты есебінен төлейтін болды

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев қазақ күресінен үшінші мәрте өткізіліп отырған "Сырдария барысы" аудандық турнирінің ашылу салтанатына қатысты. Спорттық іс-шараға аудандық мәслихат төрағасы Е.Әжікенов, облыстық мәслихат депутаты Ж.Ембергенов, аудандық ардагерлер кеңесінің төрағасы М.Келдібаев, аудандық мәслихат депутаты А.Есназар, аудандық полиция бөлімі бастығының орынбасары Қ.Асанұлы қатысты.Аудан басшысы Республика күні қарсаңында жарысқа қатысушыларға сәттілік тіледі.<blockquote>– Мемлекет басшысы Қасым-Жомарт Кемелұлы Тоқаев «Чемпион болу – ел мерейін асыру деген сөз. Спортшылардың даңқы – барша халықтың даңқы. Олардың мәртебесі – бүкіл мемлекеттің мәртебесі. Сондықтан біз спортшыларымыздың әр жетістігін мақтан тұтуымыз керек. Мұның бәрі спортты насихаттап, саламатты қоғам құру үшін өте маңызды» деп атап көрсетті. Ел Президентінің тапсырмасымен, Үкіметтің және облыс әкімі Нұрлыбек Машбекұлы Нәлібаевтың қолдауымен аймағымызда спорттың бұқаралық сипатын дамытуға ерекше мән берілуде. Облыс орталығында құны 2,7 млрд. теңге болатын үстел теннисі пайдалануға берілді. Жақында заманауи талаптарға сай келетін 11 мың орындық жаңа стадион салтанатты түрде ашылды. Соңғы үш жылда өңірде 20 спорт кешені салынып, «Ауыл – ел бесігі» бағдарламасымен тағы 6 спорт кешені пайдалануға беріледі. «Қазақстан халқына» қорының демеушілігімен 2,9 млрд. теңгеге мүмкіндігі шектеулі жандарға арналған дене шынықтыру-сауықтыру кешені бой көтеруде. Сырдарияның сол жағалауынан 6,8 млрд. теңгеге халықаралық стандарттарға сай, жабық бассейні бар көпсалалы дене шынықтыру-сауықтыру кешенінің құрылысы және облыс орталығынан құны 20,5 млрд. теңге болатын көпбейінді «Қызылорда Арена» спорт кешенінің құрылыс жұмыстары қарқынды жүргізілуде. Сырдария ауданында спортты дамытуға үлкен қолдау жасалып, мәдени-спорттық іс-шаралар көптеп ұйымдастырылуда. Бүгінгі үшінші мәрте ұйымдастырылып отырған «Сырдария барысы» – осының айғағы. Осы жарыс арқылы чемпиондарымыз шығып, ұлттық спортты дамытуға өз үлестерін қосуда, – деді Берік Әбдіғаппарұлы.</blockquote>Турнирдің ашылуында аудандық ардагерлер кеңесінің төрағасы М.Келдібаев та сөз сөйлеп, жас спортшыларға сәттілік тіледі. Турнирге қазақ күресінен аудан намысын қорғап жүрген жас палуандар қатысып, боз кілемде өзара тартысқа түсті.

Қазақстан және Қызылорда облысының жаңалықтары