<a href="https://kyzylorda-news.kz/">Kyzylorda-news.kz.</a> Денсаулық сақтау министрі Елжан Біртанов коронавирус қаупіне байланысты өңірлерде қашан төтенше жағдай жариялануы мүмкін екенін айтып берді, деп хабарлайды <a href="http://lenta.inform.kz/kz/akimder-koronaviruska-baylanysty-totenshe-zhagday-zhariyalauy-mumkin_a3624571">ҚазАқпарат.</a>
<blockquote>
 «Алгоритмге сай өңір әкімдерінің нақты міндеттері бар. Олар өз құзыретіне сай табиғи сипаттағы төтенше жағдайды жариялайды. Белгілі бір қауіп болса жағдай қатаң бақылауға алынады. Егер шектеу шараларын күшейту қажеттігі туындаса онда сол өңірдің әкімі төтенше жағдайды жариялап, бұқаралық шаралар ғана шектелмей, халық жиналатын орындарда да бақылау күшейтіледі. Кеше біз ішінара ғана шектегенбіз. Қазір енді қатаңдау шараларды қолға алуымыз мүмкін. Халық жиналатын орындарды жабуға дейінгі… Себебі коронавирус инфекциясының алдын алудың негізгі механизмі – адамдардың бір-бірінен алыс жүруі. Сол себепті қауіп туындаған жағдайда мұндай шешім қабылданады», – деді Елжан Біртанов ОКҚ-да өткен баспасөз мәслихатында.
</blockquote>

Әкімдер коронавирусқа байланысты төтенше жағдай жариялауы мүмкін

<a href="https://kyzylorda-news.kz/">Kyzylorda-news.kz.</a> Ақордада Мемлекет басшысы Қасым-Жомарт Тоқаевтың қатысуымен жедел әрекет ету штабының отырысы өтті, деп хабарлайды <a href="http://lenta.inform.kz/kz/memleket-basshysy-balasymen-uyde-otyruga-mazhbur-ata-analardy-aky-tolenetin-enbek-demalysyna-zhiberudi-tapsyrdy_a3624515">ҚазАқпарат.</a>
Отырыс барысында Президент баласымен үйде отыруға мәжбүр ата-аналарды ақы төленетін еңбек демалысына жіберуді тапсырды. Мемлекет басшысы жұмыс берушілермен осы тапсырманы іске асыру шеңберінде жұмыс жүргізуді жүктеді.
Сонымен қатар Үкімет фискалды механизмдер арқылы кәсіпорындарды қолдау шараларын қабылдауға міндеттелді. Қасым-Жомарт Тоқаев сондай-ақ, медициналық мекемелер мен азаматтарды қажетті дәрі-дәрмекпен қамтамасыз ету мәселесін жедел шешуді жүктеді.

Тоқаев аналарды ақы төленетін еңбек демалысына жіберуді тапсырды

<a href="https://kyzylorda-news.kz/">Kyzylorda-news.kz.</a> Президенттің төрағалығымен Шұғыл әрекет ету штабының кеңесі өтті. Оған Үкіметтің және бірқатар мемлекеттік органның басшылары қатысты, деп хабарлайды Ақорданың баспасөз қызметі.
Мемлекет басшысы әлемнің жаһандық экономика мен геосаяси ахуалды қайта өзгертудің күрделі кезеңін бастан кешіріп отырғанын атап өтті. Қазақстанның алдында мүлдем жаңа талаптар кезеңінде экономиканы орнықты даму режимінде сақтау міндеті тұр.
Премьер-Министр Асқар Мамин ел экономикасына кері әсер ететін сыртқы факторларды азайтуға байланысты Үкіметтің қабылдап жатқан шаралары туралы баяндады.
Қасым-Жомарт Тоқаев коронавирустың таралуына қарсы күрес жөніндегі шешімнің ақталғанын және дер кезінде қабылданғанын, оның отандастарымыздың денсаулығын сақтауға бағытталғанын атап өтті. Президент кәсіпорындар мен мектепке дейінгі мекемелер қызметкерлерінің медициналық қауіпсіздігін қамтамасыз етуге қатысты қосымша шаралар қабылдау қажет деп санайды.
Мемлекет басшысы балаларына қарау үшін үйінде отыруға мәжбүр ата-аналардың біріне ақылы еңбек демалысын беру қажеттігін жұмыс берушілерге түсіндіруді тапсырды. Үкімет фискалды механизмдер арқылы кәсіпорындарға қолдау көрсету шараларын қабылдауы керек.
Президент медициналық мекемелер мен азаматтарды дәрі-дәрмектермен қамтамасыз ету мәселесін шұғыл шешуді, медициналық нысандардың дайындығын тексеруді талап етті.
Мемлекеттік қызметшілер мен басқа да лауазымды тұлғалардың шетелдерге іссапармен баруына тыйым салынады, тек азаматтарымыз бен еліміздің қауіпсіздігін қамтамасыз етуге бағытталған сапарларға ғана рұқсат беріледі.
Президент еліміздің әлеуметтік-экономикалық дамуына және бюджет шығындарына қатысты болжамды қысқа мерзімде қайта қарауды тапсырды.
Мемлекет басшысының пікірінше, бюджет шығындарын халықты жұмыспен қамтуға, шағын және орта бизнесті қолдауға бағыттап, қайта қарау керек.
Президент Үкіметке, ең алдымен, отандық өнім өндірушілерге басымдық бере отырып, тауарлар мен қызмет түрлерін сатып алудың тікелей және ашық жүйесіне көшуді тапсырды.
Үкімет отандық ірі кәсіпорындармен бірлесіп, өндірісті қолдау және кеңейту, жұмыс орындарын сақтау бойынша дағдарысқа қарсы мақсатты жоспар әзірлейді.
Мемлекет басшысы отандық тауарларды және жұмыс күшін пайдалана отырып, инфрақұрылымдарды жөндеуді, әлеуметтік нысандар мен жергілікті жолдар салуды көздейтін Жұмыспен қамтудың жол картасын жүзеге асыруға кемінде 300 миллиард теңге бөлу жөнінде тапсырма берді.
Қаржы нарығын реттеу және дамыту агенттігіне Ұлттық банкпен бірлесіп, қазақстандық бизнеске несие беру көлемін азайтпау жөнінде шаралар қабылдауға тапсырма берілді.
Аймақ әкімдері азық-түлік пен қызмет түрлерінің бағасын бақылау жұмыстарын белсенді жүргізуі керек.
Сонымен қатар Президент мемлекеттік органдарды жекелеген тауарлардың сұранысына дүрбелең тудырмай, бос үрей мен алып-қашпа сөздің алдын алу үшін ақпараттық-түсіндіру жұмыстарын белсенді жүргізуге, оның ішінде, әлеуметтік желілерге айрықша көңіл бөлуге шақырды.
Қасым-Жомарт Тоқаевтың айтуынша, еліміздің азық-түлік қоры Қазақстан халқының қажеттілігін толық қамтамасыз ете алады, тұтыну тауарларына қатысты ешқандай тапшылық болмайды.
<img src="https://kyzylorda-news.kz/wp-content/uploads/2020/03/02-34.jpg" alt="" />

Қасым-Жомарт Тоқаев Шұғыл әрекет ету штабының кеңесін өткізді

<a href="https://kyzylorda-news.kz/">Kyzylorda-news.kz.</a> Денсаулық сақтау министрі Елжан Біртанов Қазақстанның екі азаматынан коронавирус инфекциясы табылғанын мәлім етті, деп хабарлайды <a href="https://www.inform.kz/kz/kazakstannyn-eki-azamatynan-koronavirus-tabyldy-birtanov_a3624548">ҚазАқпарат.</a>
<blockquote>
 «Үш айдан бері біз коронавирусқа Қазақстанда жол бермеу бойынша көп шараны іске асырған едік. Бірақ өкінішке қарай, бүгін бірнеше рет тексергеннен кейін Қазақстанның екі азаматында коронавирус инфекциясы табылды. Бүгін біздің Алматыдағы лабораторияда Қазақстанның екі азаматынан коронавирус расталды. Олар Германиядан келгендер», – деді Елжан Біртанов ОКҚ-да өткен баспасөз мәслихатында.
</blockquote>
Бас санитарлық дәрігердің қаулысымен бұл азаматтар карантиндік стационарға жатқызылған. Қазір барлық шара бекітілген алгоритм бойынша жүргізіліп жатыр.

Елжан Біртанов: Қазақстанның екі азаматынан коронавирус табылды

<a href="https://kyzylorda-news.kz/">Kyzylorda-news.kz.</a> Qoldau-24/7 мобильді қосымшасын наурыз айының басынан бері мыңнан астам азамат жүктеген.
<blockquote>
 «Кері байланыстың бұл түрі қазір үлкен сұранысқа ие, өйткені көптеген адамдарға 1406 байланыс орталығына қоңырау шалып, операторға сұрақ түсіндіруден гөрі жолдаманы электронды түрде қалдыру ыңғайлы. Өтінімдер ұқсас қағида бойынша өңделеді, олардың барлығы тіркеу нөмірімен бірге тізілімге енгізіледі. Өтініш берушінің қосымшадағы аккаунттына белгіленген мерзім ішінде жауап беріледі. Бізге проблемалар туралы тікелей ақпарат алу үшін халықты әртүрлі байланыс арналарымен қамтамасыз ету өте маңызды», – деп атап өтті ӘМСҚ Басқарма Төрағасы Айбатыр Жұмағұлов.
</blockquote>
Бағдарлама іске қосылғаннан бері (наурыз айының басынан бастап) оны 1000-нан астам қолданушы жүктеп алған. Осы арна арқылы 150-ге жуық жолданым келіп түсті, олардың көпшілігі консультативтік сипатта.
Айтып кетейік: 2020 жылдың 1 қаңтарынан бастап Қордың 1406 Бірыңғай байланыс орталығына 50 мыңнан астам қоңырау келіп түсті, олардың тек 2,6% -ы шағымдар.
Әлеуметтік медициналық сақтандыру қоры тұрғындардың жолданымдарын үнемі қадағалап отырады, жүйелі шешімдерді қарау және қабылдау үшін апта сайын өзекті сұрақтар жинақталады. Сондай-ақ, пациенттер Қордың әр аймақтық филиалында ұйымдастырылған азаматтардың қабылдау бөліміне жүгіне алады.
Міндетті әлеуметтік медициналық сақтандыруды енгізумен 2020 жылдың 1 қаңтарынан бастап, 1406 Бірыңғай байланыс орталығы 24/7/365 тәртібі бойынша жұмыс істейді. Жолданымдарды өңдейтін үш деңгейлі жүйе әзірленді. Қоңыраулардың 97,4% бірінші деңгейде жабылады. Қалғаны бейінді департаменттерге жіберіледі.

МӘМС: Qoldau-24/7 мобильді қосымшасын іске қосты

<a href="https://kyzylorda-news.kz/">Kyzylorda-news.kz.</a> Қазақстанның Азаматтық авиация комитеті рейстің күші жойылған жағдайда қайда хабарласуға болатынын айтты, деп хабарлайды&nbsp;<a href="https://kaz.tengrinews.kz/kazakhstan_news/reysterdn-shektelune-baylanyistyi-kazakstandyiktar-kayda-306082/">Tengrinews.kz</a>.
Хабарламада шетелдік авиакомпаниялардың рейс санының қысқаруына байланысты тұрғындарға билеттерін қайтару немесе айыппұлсыз қайта брондау ұсынылғаны жазылған.
ААК өкілдері биыл 16 наурыздан бастап күші жойылған рейстерге билеті бар жолаушылар оны сатып алған жерінен ақшасын қайтара алатынын атап өтті.
Жолаушылар барлық сұрақ бойынша әуекомпанияларға келесі нөмірлер бойынша хабарласа алады:
Turkish Airlines: + 7 727 3123250, 51, тәулік бойы;
“Белавиа”: +7 7172 320241, 09:00-ден 19:00-ге дейін;
Fly Dubai: +7 800 070 2833, (Ұялы телефоннан қоңырау шалу тегін), тәулік бойы;
Etihad Airways: + 7 800 5556248, тәулік бойы;
Pegasus Airlines: + 7 705 5558444, тәулік бойы;
Uzbekistan Airways: +7 7172 910459, 60; 9:00-ден 18:00-ге дейін;
“Эйр Астана””: +7 7172 584477, +7 727 2444477, +7 702 7024477, тәулік бойы;
SCAT: + 7 7252 998880, тәулік бойы.
“Жолаушыларға “Қазақстанның авиациялық әкімшілігі” АҚ-да күші жойылған және шектелген тұрақты бағыттар мәселелері бойынша кеңес беру мақсатында тәулік бойғы Call-орталық жұмыс істейді. 8 (7172) 64 58 41″, – делінген хабарламада.

Рейстердің шектелуіне байланысты қазақстандықтар қайда қоңырау шала алады?

<a href="https://kyzylorda-news.kz/">Kyzylorda-news.kz.</a> Қызылорда қаласындағы автобус паркі 13 наурыздан бастап қоғамдық көліктерде алдын-ала дезинфекциялау жұмыстарын бастады. Бұл туралы «Қызылорда автобус паркі» хабарлады.
<blockquote>
 «Қоғамдық көліктерді тазарту және дезинфекциялау бағытқа шығар алдында және жолаушылар соңғы аялдамалардан түскеннен кейін жасалып отырады. Короновирустық инфекцияның алдын алу және болдырмау жөніндегі қосымша шаралар туралы алдағы уақытта хабарланып отыратын болады», – делінген хабарламада.
</blockquote>

Қызылордадағы қоғамдық көліктер коронавирусқа қарсы дайындық жүргізді

<a href="https://kyzylorda-news.kz/">Kyzylorda-news.kz.</a> “Байқоңыр” ғарыш айлағында коронавирустың ықтимал қаупіне байланысты алдын алу іс-шаралары жүргізіліп жатыр,&nbsp;деп хабарлайды&nbsp;<a href="https://stan.kz/">Stan.kz</a>.&nbsp;
Дәрігерлер есікке кіреберіс жерде кәсіпорын қызметкерлерінің температурасын өлшейді.&nbsp;
Температурасы жоғары адамдар қосымша тексеріледі.
“Роскосмоста” ресейлік дәрігерлер бекіткен ережелер шеңберінде әрекет ететінін атап өтті.
Қазіргі уақытта “Байқоңырда” 21 наурызда OneWeb жүйесінің спутниктерін іске қосуға дайындық жүргізілуде және 9 сәуірде ХҒС-да жаңа басқарылатын экспедицияны іске қосуға дайындық басталды.

&#8220;Байқоңырдың&#8221; қызметкерлері коронавирусқа тексеріле бастады

Оқыған: Фариза ОМАРОВА
<a href="https://kyzylorda-news.kz/">Kyzylorda-news.kz.</a> Осы мен өзім – қазақпын. Қазақты жақсы көрем бе, жек көрем бе? Егер жақсы көрсем, қылықтарын қостасам керек еді. Уә әрнешік бойларынан адам жақсы көрерлік, көңілге тиянақ қыларлық бір нәрсе тапсам керек еді. Соны не үміт үзбестікке, не онысы болмаса, мұнысы бар ғой деп, көңілге қуат қылуға жаратсам керек еді, ондайым жоқ. Егер жек көрсем, сөйлеспесем, мәжілістес, сырлас, кеңестес болмасам керек еді, тобына бармай, «не қылды, не болды?» демей жату керек еді, ол мүмкін болмаса, бұлардың ортасынан көшіп кету керек еді. Бұларды жөндеймін деуге, жөнделер, үйренер деген үмітім де жоқ. Бұлардың бірі де жоқ. Бұл қалай?&nbsp; Бұл айтқанның бірін тұтпай болмас еді.
Мен өзім тірі болсам да, анық тірі де емеспін. Әншейін осылардың ызасынан ба, өзіме-өзім ыза болғанымнан ба, яки бөтен бір себептен бе? – еш білмеймін. Сыртым сау болса да, ішім өліп қалыпты. Ашулансам, ызалана алмаймын. Күлсем,&nbsp;қуана алмаймын, сөйлегенім өз сөзім емес, күлгенім өз күлкім емес, бәрі де әлдекімдікі. Қайратты күнімде қазақты қиып бөтен жаққа кетпек түгіл, өзін жақсы көріп, үміт етіп жүріппін. Қашан әбден біліп, үмітімді үзген кезде, өзге жаққа барып, жатты өз қылып, үйір боларлық кайрат, жалын сөніп те қалған екен. Сол себептен бір жүрген қуыс кеудемін. Тегінде ойлаймын: бұ да жақсы, өлер кезде «әттегене-ай, сондай-сондай қызықтарым қалды-ау!» деп қайғылы болмай, алдыңғы тілеу болмаса, артқа алаң болмай өлуге.
1892

Абай Құнанбайұлының тоғызыншы қара сөзі (АУДИО)

<a href="https://kyzylorda-news.kz/">Kyzylorda-news.kz.</a> Облыстық ішкі саясат басқармасының дін мәселелерін зерттеу орталығының ұйымдастыруымен өңір журналистеріне, блогерлерге және теологтарға арналған семинар-тренинг өтті.
Дін саласы –&nbsp; өте күрделі әрі нәзік тақырып. Сондықтан журналистердің көпшілігі бұл салаға қалам тербей бермейтіндігі жасырын емес. Аймақтағы БАҚ-тарда Ораза айт, Құрбан айт сияқты діни мерекелердің қарсаңында ғана бірді-екілі ақпараттар болмаса, дін тақырыбын терең талдаған тақырыптар таптыра бермейді. Әсіресе, әлеуметтік желілердегі деструктивті діни ағымдардың теріс идеологиялары мен олардан жастарды, қоғамды қорғау мәселелері көп зерттеле бермейді. Осы олқылықтың орнын толтыру мақсатында біршама уақыт бұрын облыстық ішкі саясат басқармасының басшысы Т.Махановтың бастамасымен аймақта дін саласындағы журналистер пулы құрылған. Ондағы мақсат аймақтағы БАҚ саласының қызметкерлері дін саласының мамандарымен бірлесіп, ақпарат жариялау, мемлекеттік дін саласындағы саясатын халыққа жете жеткізу болатын.
Жұмысты одан әрі жетілдіру үшін облыстық ішкі саясат басқармасының дін мәселелерін зерттеу орталығының ұйымдастыруымен өңір журналистеріне, блогерлерге және теологтарға арналған семинар-тренинг өтті. «Діни экстремизм мен терроризмнің алдын алуда әлеуметтік желілер мен БАҚ-тардағы ақпараттың маңыздылығы» тақырыбындағы шараға Нұр-Мүбарак Египет ислам мәдениеті университетінің&nbsp; академиялық мәселелер жөніндегі департамент директоры, философия ғылымдарының кандидаты Жалғас Сандыбаев, «Kazislam» ақпараттық-ағартушылық интернет порталының бас редакторы, философия ғылымдарының магистранты Саясат Қабдрахманов қатысып, дәріс өткізді.
<blockquote>
 «Ислам әр халықтың мәдениетін мойындайды, дәстүрін жоққа шығармайды. Сондықтан бұқаралық ақпарат құралдары арқылы халыққа дәстүр мен дінді байланыстыра отыра кеңінен ақпарат беруіміз керек. Сонда ғана біз ұлттық құндылықтарымызды сақтай отырып, дәстүрлі дінімізді дәріптей аламыз. Көпке үлгі ете алатын, діни сауаты бар біздің ұлттық тұлғаларымыз аз емес. Оларды да насихаттау да өз құндылықтарымызды кеңінен танытуға мүмкіндік болмақ», – дейді Жеңіс &nbsp;Садуахасұлы.
</blockquote>
Ал, «Kazislam» ақпараттық-ағартушылық интернет порталының бас редакторы Саясат Идеятұлы діни терминдер қазақ тіліне қиянат жасамауы керек дейді. Өйткені кей ақпарат таратушылар араб тіліндегі сөздерді сол күйі қолданып, өз тілімізде аудармасы бола тұра қолданбайды дегенді айтады. Мысалға «мубарак» сөзі арабшадан қазақ тіліне аударғанда «қабыл болсын, құтты болсын» деген мағына береді. «Ифтар» сөзінің мағынасы «ауызашарды» білдіреді. Бұл сөздерді ана тілімізде қолданған жөн деп есептейді.
Жиын соңында семинарға қатысушылар дәріскерлерге сауалдарын қойып, өз пікірлерін ортаға салды. Аймақ журналистері алдағы уақытта да мұндай жиындардың жиі өткізіліп тұру керектігін, тәжірибе алмасудың еңбекте табысқа жеткізетіндігін айтып, тарқасты.
<img src="https://kyzylorda-news.kz/wp-content/uploads/2020/03/02-33.jpg" alt="" />

Діни терминдер қазақ тіліне қиянат жасамауы керек

<a href="https://kyzylorda-news.kz/">Kyzylorda-news.kz.</a> Облыстық Қазақстан халқы ассамблеясының ұйымдастыруымен «Ұлы даланың Ұлтаралық тілі» атты кездесу кеші өтті. Оған облыстық ҚХА басшылығы, қазақ тілін еркін меңгерген әрі аймақтың дамуына өзіндік үлесін қосып жүрген әр саланың тізгінің ұстаған этнос өкілдері қатысты.
&nbsp;Айта кету керек, өткен жылы тәуелсіздік күніне орай Елордада Қазақстан халқы Ассамблеясының мемлекеттік тілді дамытуға бағытталған «Ұлы даланың Ұлтаралық тілі» атты форумы өткен болатын. Тіл туралы әдеттегі жиындардан өзгеше форматта өткен форум жұмысында қазақ тілін ана тіліндей меңгерген азаматтар емін-еркін ой-пікір алмасып, тіл үйрену жолын өзгелерге үлгі ете отырып, баяндап берді. Форум аясында Қазақстан халқы Ассамблеясы төрағасының орынбасары Жансейіт Қансейітұлы өзге өңірлерге челлендж жолдады. Тағылымы мол форумнан кейін өзге өңірлер де мемлекеттік тіл насихатын қарқынды түрде жүргізуде. Игі бастаманы ілгерлету мақсатында Сыр елі челленджді Түркістан облысынан қабыл алды.&nbsp;&nbsp;
<blockquote>
 &nbsp;«Отанды өз үйі деп санайтын, мақсаты бір, болашағы айқын&nbsp; әрбір этнос өкілі қазақ тілін өз ана тіліндей сүйіп, қастерлеу керек. Бізді біріктіретін де, алға бастайтында ол – тіл. Қазақтан халқы Ассамблеясы 25 жылдығы» аясында қазақ тілін ұлтаралық қатынас тіліне айналдыру бағытында көптеген шаралар ұйымдастырылуда. Осы бағытта Сыр өңірінде «Мың бала» мәдени-ағартушылық жобасы қарқынды түрде жүргізілуде.&nbsp; Достық үйінде тілдерді оқыту кабинеті жұмыс жасайды. Онда мемлекеттік және ағылшын тілдері оқытылуда. Осы уақытқа дейін 100-ге жуық білім алушы мемлекеттік тіл бойынша білімдерін кеңейтті. Этнос өкілдері арасында «Мәміле» қазақ тілі клубы арқылы сөйлеу шеберлігін арттыру жұмыстары қолға алынды. «Абай қазынасына саяхат» клубының тұсаукересі өтіп, оған 35-тен астам этнос өкілдері тіркелді»,- &nbsp;деді «Қоғамдық келісім» КММ директоры Уалихан Ибраев.
</blockquote>
Сонан соң Назарбаев Зияткерлік мектебінің баспасөз хатшысы, тіл жанашыры, қазақ тілін ұлтаралық деңгейге көтеруге отбасымен бірге атсалысып келе жатқан Елена Рыбина сөз алды.
<blockquote>
 «Журналистика саласына қазақ тілінде еркін сөйлеуімнің арқасында келдім. Бүгінде бұқаралық ақпарат құралдары саласында қызмет еткеніме 11 жылдай болды. 5 жылдан астам уақыт өңірге танымал қалалық телеарнада қазақша диктор-редактор болып жұмыс жасадым. Қазіргі күні Елбасымыз Нұрсұлтан Әбішұлының тікелей бастамасымен ашылған болашақ зияткерлерді дайындайтын, үш тілде оқытатын Назарбаев зияткерлік мектебінде баспасөз хатшысы қызметін атқарып келемін. Жолдасым да қазақ тілінде сөйлеп, өз ойын еркін жеткізе алады. Отбасымызбен қазақ тілін мәртебесін арттыруға үлесімізді қосу мақсатында ұлымызды қазақша балабақшаға бердік және мемлекеттік тілді ұлтаралық тілге айналдыру бастамасына атсалысып келеміз»,- деді ол.
</blockquote>
&nbsp;Мұнан соң бала күнінен Ұлы Абайдың берер өнегесін бойына сіңіріп өскен Қорқыт ата атындағы ҚМУ «Филология» факультетінің 2 курс студенті Елена Пак сөйледі. Ол тәрбиелік арнаның қайнар көзі жатқан Абайдың 200-ден астам өлеңі мен «Ескендір» поэмасын жатқа біліп, ойшыл ақынның жыр маржанымен сусындап өскендігін, тіл білімінің қыр-сырына қаныға түсуге ынта жасап жүргендігін және әжесі Светлананың арқасында қазақ руханиятына деген қызығушылығы оянғандығын айтып өтті. &nbsp;
Кездесу кешіне келген қонақтар №9 орта мектептің мұғалімі, татар этномәдени бірлестігінің белсендісі Елена Ишканованың орындауында Абай атамыздың «Көзімнің қарасы» әнін тыңдап, әдемі әсер алды.
Тіл мәртебесін арттыру ниетінде өткен мазмұнды шараға индус этносының қызы қонаққа келді. Ол Сыр еліне қоныс аударғанына 1 жыл болыпты. Әрі ол Ұлы Абайды жанымен сүйіп оқиды. №2 Мұрагер мектебінің 6 сынып оқушысы Айшани Дататрея Абайдың «Желсіз түнде жарық ай» әнін орындап, қазақ тіліне деген сүйіспеншілігін білдірді.
Шара өте жылы әрі тартымды өтті. Онда әрбір этнос өкілінің қазақ тіліне деген құрметі айтылды. «Атамекен» балалар ауылының тәрбиеленушілері Анна Нестерова және Виктор Ленивкин де қазақ тілін қалай үйренгендерін айтып өтті.
Қазақтың жеті кереметінің бірі – киелі домбыраның құлағында ойнап, қазақ өнерін насихаттауға өз үлесін қосып жүрген облыстық «Мың бала» байқауының жеңімпазы Лиза Есмаева балабақшадан қазақ тілін біліп, меңгергендігін айтты. Ол тіл білу арқылы республикалық, облыстық байқаулардың жеңімпазы атанды.
&nbsp;Қазақ халқының дәстүрі, тарихы, әдебиетін үйреніп, ұлы ұстаз, ғұлама Әбу-Насыр Әл-Фараби іспетті ілім мен білімді жас ұрпақ санасына сіңіруге күш салып, орыс тілді сыныптарға қазақ тілінен дәріс беретін ұлты лезгин болса да, жүрегі қазақ деп соғатын Альбина Гадирова «Мен үшін қазақы қаймағы бұзылмаған Сыр елінің әрдайым орны бөлек. Дәл осы жерде мен мемлекеттік тілді – қазақ тілін жетік меңгеріп, армандарыма жақындай түстім. Әкем лезгин болса да, қазақтың салт-дәстүрін берік ұстанып өтті. Мен де сол бағыт-бағдармен, қазақ еліне, тіліне деген сүйіспеншілікпен өз жолымды салып келемін. Менің шәкірттерім әрдайым оқ бойы озық шығып, республикалық, облыстық деңгейдегі ғылыми жобалар сайысынан алдыңғы орындарға ие болып келеді. Ұлттық бірыңғай тестілеуден 25 балдан алып, жоғары көрсеткіштерге қол жеткізіп жүр»,- &nbsp;деді.
&nbsp;Тағылымы мол шарада шешен этномәдени бірлестігі төрағасының орынбасары Юсуп Саидов қазақ тіліне деген құрметін білдірді.
Қазақ тілі мәртебесін арттыру мақсатында өткен мәнді де мазмұнды кездесу кешінде этнос өкілдері қолдарына жүрекшелер ұстап, «Атамекен» әнін орындады. Сыр өңірінің тіл жанашырлары «Ұлы даланың Ұлтаралық тілі» челленджін Түркістан облысынан қабылдап алып, Ақтөбе облысына жолдады.
<img src="https://kyzylorda-news.kz/wp-content/uploads/2020/03/02-32.jpg" alt="" />
<img src="https://kyzylorda-news.kz/wp-content/uploads/2020/03/03-18.jpg" alt="" />
<img src="https://kyzylorda-news.kz/wp-content/uploads/2020/03/04-8.jpg" alt="" />

Қызылордада «Ұлы даланың ұлтаралық тілі» атты кездесу кеші өтті

<a href="https://kyzylorda-news.kz/">Kyzylorda-news.kz.</a> Аралда күртешесінің қалтасына кептірілген марихуана салып алған тұрғын ұсталды.
Ол «Допинг» арнайы жедел іс-шарасы барысында Арал полиция бөлімі қызметкерлерінің қолына түскен.&nbsp;
<blockquote>
 “Қазіргі таңда күдіктіге ҚР ҚК-нің 297-бабының 2-бөлігімен (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, оларды жөнелту не өткізу)&nbsp; сотқа дейінгі тергеп-тексеру амалдары жүргізілуде”, – деп хабарлады облыстық Полиция департаментінің баспасөз қызметі.
</blockquote>

Қазақстан және Қызылорда облысының жаңалықтары

Әкімдер коронавирусқа байланысты төтенше жағдай жариялауы мүмкін

Тоқаев аналарды ақы төленетін еңбек демалысына жіберуді тапсырды

Қасым-Жомарт Тоқаев Шұғыл әрекет ету штабының кеңесін өткізді

Елжан Біртанов: Қазақстанның екі азаматынан коронавирус табылды

МӘМС: Qoldau-24/7 мобильді қосымшасын іске қосты

Рейстердің шектелуіне байланысты қазақстандықтар қайда қоңырау шала алады?

Қызылордадағы қоғамдық көліктер коронавирусқа қарсы дайындық жүргізді

“Байқоңырдың” қызметкерлері коронавирусқа тексеріле бастады

Абай Құнанбайұлының тоғызыншы қара сөзі (АУДИО)

Діни терминдер қазақ тіліне қиянат жасамауы керек

Қызылордада «Ұлы даланың ұлтаралық тілі» атты кездесу кеші өтті

Аралда есірткі сақтаған күдікті қолға түсті

Қазақстан және Қызылорда облысының жаңалықтары

Әкімдер коронавирусқа байланысты төтенше жағдай жариялауы мүмкін

Тоқаев аналарды ақы төленетін еңбек демалысына жіберуді тапсырды

Қасым-Жомарт Тоқаев Шұғыл әрекет ету штабының кеңесін өткізді

Елжан Біртанов: Қазақстанның екі азаматынан коронавирус табылды

МӘМС: Qoldau-24/7 мобильді қосымшасын іске қосты

Рейстердің шектелуіне байланысты қазақстандықтар қайда қоңырау шала алады?

Қызылордадағы қоғамдық көліктер коронавирусқа қарсы дайындық жүргізді

&#8220;Байқоңырдың&#8221; қызметкерлері коронавирусқа тексеріле бастады

Абай Құнанбайұлының тоғызыншы қара сөзі (АУДИО)

Діни терминдер қазақ тіліне қиянат жасамауы керек

Қызылордада «Ұлы даланың ұлтаралық тілі» атты кездесу кеші өтті

Аралда есірткі сақтаған күдікті қолға түсті

“Байқоңырдың” қызметкерлері коронавирусқа тексеріле бастады