Беларусь әлеуметтiк қорғау қызметкерлерiнiң күні
1998 жылдың 26 наурызында Беларусь Республикасы Президентiнiң Жарлығымен бекітілген. Жыл сайын аталып өтедi.
1993 жылы «Ұлттық тест орталығы» республикалық мемлекеттік қазыналық кәсіпорны құрылды. ҰТО-ның басты қызметі – Қазақстанның білім беру жүйесіне мониторинг жасау және барлық түрдегі сыртқы емтихандарды ұйымдастыру және өткізу, тест тапсырмаларының базасын құрастыру.
&nbsp;1998 жылы Түрікменстанның астанасында ТМД-ға кіретін ортаазиялық бес мемлекеттің – Қазақстан, Қырғызстан, Түрікменстан, Өзбекстан және Тәжікстан басшылары кездесті.
2006 жылы даңқты қолбасшы және жазушы Бауыржан Момышұлының мерейтойы құрметіне, батырдың туған жері – Жамбыл облысында «Баукең туралы толғаныстар» деп аталатын публицистикалық очерктер мен әңгімелер жинағы жарық көрді. Бұл жинаққа Қасым Қайсенов, Шерхан Мұртаза, Әзілхан Нұршайықов сынды танымал жазушылар мен әр жылдары атақты жерлестерімен кездескен жамбылдық авторлар – Елен Әлімжанов, Әлдихан Қалдыбаев, Мақұлбек Рысдәулет және тағы басқалардың туындылары жинақталған
2009 жылы Елбасы Нұрсұлтан Назарбаев «Кеден қызметіндегi ынтымақтастық және өзара көмек көрсету туралы Шанхай ұйымына мүше-мемлекеттер үкiметтері арасындағы Келiсiмдi ратификациялау туралы» Қазақстан Республикасының Заңына қол қойды.

5 қаңтар: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 5 қаңтарға арналған жұлдыз-жорамалы.
Тоқты
Бүгінгі күнді тек өзіңізге арнайсыз. Армандарыңыздың орындалуына жұмыс жасайсыз. Ұсақ тірліктермен айналысқыңыз келмейді.
Торпақ
Бүгін шығармашылықпен айналысасыз. Не болмаса өзіңіздің сүйікті ісіңізді қайта қолға алып, одан табыс табуға болатынына көз жеткізесіз.
Егіздер
Сүйікті адамыңыздың менмендігі сізге ұнамайды. Сондықтан аздап реніш туындайтын болады. Түстен кейін барлығы орнына келеді.
Шаян
Бүгін қонақ боласыз. Туған-туыстарды аралайсыз. Бауырларыңыздың үйіне барып, біраз демаласыз. Күніңіз сәтті өтеді.
Арыстан
Егер өзіңізге толық сенімді болмасаңыз, болашағыңызға қатысты мәселеде шешім қабылдамағаныңыз жөн.&nbsp;
Бикеш
Бүгін өзгерістерге жол бермеңіз. Өмірдің ағымына ілесіп жүре бергеніңіз жөн. Сонымен қатар бүгін таныстарыңыздан қызықты жаңалық естисіз.
Таразы
Денсаулығыңызға көңіл аударыңыз. Ауырмайтын жол іздеңіз. Сонымен қатар бүгін ешкімнің алдауына түсіп қалмаңыз.
Сарышаян
Бүгінгі күн серуен құруға, белсенді демалыс ұйымдастыруға қолайлы күн. Сондай-ақ мәдени іс-шараларға белсене араласасыз.
Мерген
Үй шаруасына бұдан былай алаңдамайтын боласыз. Бұл шаруа енді сіздің мойныңызға жүктелмейтін болады.
Тауешкі
Өзгелерге деген жанашырлығыңыз шектен тыс. Аз да болса өзіңізге көңіл бөліңіз. Ең алдымен өзіңізді жақсы көргеніңіз жөн.
Суқұйғыш
Денсаулығыңызға қатысты жағымды жаңалық естисіз. Көптен бері науқастанып жүрген болсаңыз, барлығы қайта қалпына келгеніне сеніңіз.
Балықтар
Өзіңізге ұнайтын адамдармен тығыз қарым-қатынас орнатасыз. Ол адамдармен бағыт-бағдарыңыз да бір болмақ. Бұл сізді қуантатын болады.
Аударған Динара МАХАНОВА

Жұлдыздар не дейді?

Канада ғалымдары кеңседе ұзақ жұмыс істеу қан қысымының артуына себепкер болатынын анықтады.
Hypertension басылымының мәліметінше, кейбір жағдайда аталмыш ауру жасырын түрде дамып, жоспарлы тексерістен өту кезінде анықталмауы да мүмкін.
Тиісті зерттеудің анық-қанығына жету үшін Квебек қаласындағы 3 мемлекеттік мекеменің 3500 жуық кеңседе жұмыс істейтін жұмысшысы жұмылдырылды. Аптасына 35 сағат жұмыс істейтін жұмысшылардың денсаулығында айтарлықтай кінәрат байқалмаған.
<blockquote>
 Ал аптасына 41-48 сағатын жұмыста өткізетін адамдардың 54%-ы жасырын гипертонияға бейім болса, ал қалған 42%-ы – аурудың созылмалы түрлеріне шалдыққан. Сәйкесінше, аптасына 49 сағаттан көп жұмыс істеген жұмысшылардың ауруға шалдығу қаупі 66-70%-ға жоғарылайды, – делінген хабарламада.
</blockquote>
Ғалымдардың айтуынша, АҚШ-тың өзінде гипертония салдарынан жылына 82 мың қайтыс болады екен. Аурудың жасырын түрінде дәрігердің қабылдауында пациенттің қан қысымы қалыпты болады, алайда басқа жағдайларда жұмыстағы күйзеліс, стресс кезінде ол бірден көтеріліп кетуі мүмкін.
Бұндай гипертонияны анықтау үшін адам күні бойы қан қысымын бақылайтын портативті құрылғыны тағып жүруі керек. Ол 15 минут сайын адамның қан қысымының көрсеткішін жазып отырады.
Зерттеу нәтижесінде тәжірибеге қатысқандардың что 13%-ы өздерінің жоғары қан қысымы бар екенін мүлдем білмеген көрінеді
<a href="https://baq.kz/news/othernews/kense-zhumysy/">BAQ.KZ</a>&nbsp;<a href="https://baq.kz/news/othernews/kense-zhumysy/"></a>

Кеңсе жұмысы қан қысымының қаупін жоғарылатады

<a href="https://kyzylorda-news.kz/">Kyzylorda-news.kz.</a> Бұған дейін Қазақстанның бас санитар дәрігері Жандарбек Бекшин елімізде снюстарға уақытша тыйым салу туралы шешім қабылдаған болатын.
Алматы қаласындағы тауарлар мен қызметтердің сапасы мен қауіпсіздігін бақылау департаментінің басшысы Айзат Молдағасимова снюстарға жүргізілген сараптама нәтижесі туралы айтты. Сараптама нәтижесі дәрігерлердің төбе шашын тік тұрғызған, деп хабарлайды&nbsp;<a href="https://kaz.zakon.kz/5000031-snyust-ramyn-teksergen-d-r-gerlerd-t-be.html">zakon.kz</a>.
«Азаматтардан шағым жиі түсе бастағандықтан, біз ресейлік және шведтік өндірістегі снюстің 8 түрін сатып алып, жасырын сараптама жүргіздік. Олардан барлығына дерлік денсаулыққа өте зиянды никотиннің жоғары мөлшері анықталды. Сыртқы қаптамасында құрамында никотиннің үлкен дозасы жоқ көрсетілген, бірақ іс жүзінде бар әрі көп. Яғни, мына «соратын кәмпиттің» бір түйірінде никотин мөлшері, мысалы шегетін 4 темекінің дозасына тең, – деді Айзат Молдағасимова.
Бұған дейін Қазақстанның бас санитар дәрігері Жандарбек Бекшин елімізде снюстарға уақытша тыйым салу туралы шешім қабылдаған болатын.
Снюс – темекі өнімдерінің бір түрі. Бұл ұсақталған ылғалдандырылған темекі, ол еріннің жоғарғы (аз – төменгі) және төменгі жақтарының астына салып қояды: 30-дан 60-70 минутқа дейін (өндірушілердің айтуынша, 5-тен 30 минутқа дейін). Осылайша темекі никотині ағзаға түседі.

«Снюс кәмпитінің» құрамын тексерген дәрігерлердің төбе шашы тік тұрды

<a href="https://kyzylorda-news.kz/">Kyzylorda-news.kz</a>. Мұндай проблемасы бар адам өзінің тамақ мәзіріне май қышқылы аз өнімдерді қосу керек.
Америкалық эндокринолог Элизабет Лоуден қарындағы майдан қалай құтылуға болатынын айтып берді, – деп жазады Focus.
Маманның айтуынша, арықтау үшін дұрыс диета сақтау керек. Дәрігер ағзадағы зат алмасуды жақсартатын тамақтану тәртібін айтып берді.
Метаболизмі жай жұмыс істейтін адамдар өзінің диетасына май қышқылы аз өнімдерді көптеп қосу керек. Мысалға, ұзақ уақыт қорытылатыны үшін көп энергияны талап ететін авокадо мен грек жаңғақтарын көбірек жеу керек.
Сонымен қатар, эндокринолог тамақта ақуыздардың аз болмауын бақылауға кеңес берді. Себебі ақуыздың жетіспеушілігі салдарынан ағзадағы май ғана сақталып, бұлшықеттердің үлесі төмендеуі әбден мүмкін.
<a href="https://baq.kz/news/othernews/arynda-y-maydy-ketirudi-o-ay-zholy-tabyldy/">BAQ.KZ</a>

Қарындағы майды кетірудің оңай жолы табылды

<a href="https://kyzylorda-news.kz/">Kyzylorda-news.kz.</a> Жаңа жылдың келуіне санаулы күндер қалды. Адамдар өткен жылға есеп беріп, алдағы жылға жоспар құрып жатады. Жаңа жылдың келісімен сыртқы келбетін өзгертіп, жаңартқысы келетіндер де бар. Келер жылы шаш түсін өзгерту ойда болса, 2020 жылы сәнде болатын бояуларға көз жүгіртіңіз.
1. Қызыл түстің реңктері
<img src="https://kyzylorda-news.kz/wp-content/uploads/2019/12/shash1.png" alt="" />
Қызыл түс сәннен ешқашан шықпайды. Тек әр жылы оның қандай да бір реңкі трендке айналып отырады. 2020 жылы “қызыл ағаш” реңкіне мән беріңіз. Ол қоңыр мен қызылдың қосындысынан тұрады. Бұл түстің басты айырмашылығы – оның кез келген түсті теріге жарасуы. Сондықтан шашыңызды бұл түске бояуға теріңіздің ақ немесе қара болғаны кедергі келтірмейді. Алайда уақыт өте бұл бояу жуылып, кете бастаса, шаш түсі әдемі көрінбейді. Сондықтан уақытында шаш маманына барыңыз.
2. Күрең түс (шоколадты-қоңыр түс)
<img src="https://kyzylorda-news.kz/wp-content/uploads/2019/12/shash2.png" alt="" />
Тәжірибелі стилистердің ойынша, бұл бояу 2019 жылы кең қолданылды. Ол 2020 жылы да сәнде болады. Бұл суық реңкке жатады. Суық күрең түс терісі ақшыл және көзі қара немесе көк түсті қыздарға жарасады.
3. Күміс блонд
<img src="https://kyzylorda-news.kz/wp-content/uploads/2019/12/shash3.png" alt="" />
Өткен мерзімде сәнде болған “күл” түстің орнын суық күміс реңк басты. Бұл бояу да терісі ашық түсті қыздарға келеді. Күміс бояу ашық түсті шаштарға жақсы боялады. Ал егер шашыңыз қоңыр немесе қара болса, тек кәсіби шеберге барып түссіздендіру керегін ұмытпаңыз. Әйтпесе, шашыңызды күйдіріп алуыңыз әбден мүмкін.
4. Балды блонд
<img src="https://kyzylorda-news.kz/wp-content/uploads/2019/12/shash4.png" alt="" />
Бұл бояу өткен мерзімдегі классикалық алтын түсті ауыстыра алады. Бал түстің өзі де, басқа түстермен бірге де жақсы көрінеді. Балды блонд жылы түстер типіне жататын қыздарға жарасады. Сондай-ақ ол ұзын әрі орташа ұзындықтағы шашта әдемі көрінеді.
5. Лаванда
<img src="https://kyzylorda-news.kz/wp-content/uploads/2019/12/shash5.png" alt="" />
Жаңа жылда тәжірибе жасап, ерекше шаш бояуын қаласаңыз, лаванда реңкін байқап көріңіз. Бұл бояуды кез келген табиғи шаш түсіне жағуға болады. Егер шашыңыз ақшыл болса, әдемі ашық лаванда түсі шығады. Егер шашыңыз қоңырлау болса, ерекше градиент беріп, аздап жылтыратады.
6. Балаяж
<img src="https://kyzylorda-news.kz/wp-content/uploads/2019/12/shash6.png" alt="" />
Түстерден бөлек бояу стиліне де тоқталып кеткен жөн. Стилистердің айтуынша, 2020 жылы балаяж трендте болады. Балаяж бояу техникасында шаш ұшы ашық түсті, ал жоғары жағы одан бір-екі тонға қою болады және олардың арасын соларға жақын реңкпен қосады.
7. Шаш ұшын түрлі түске бояу
<img src="https://kyzylorda-news.kz/wp-content/uploads/2019/12/shash7.png" alt="" />
Ашық түстерді және ерекшелікті жақсы көретін қыздар 2020 жылы шаш ұшын түрлі түстерге бояуға болады. Мұндай бояу техникасын жиі жасөспірім қыздардан байқауға болады. Алайда заманауи сәнде шектеу жоқ, мұндай бояу техникасын кез келген жастағы әйелдер байқап көруге болады. Егер балаша көрінгіңіз келмесе, жұмсақ түстерді таңдаңыз.
<a href="https://massaget.kz/kyizdarga/krasota/60234/">Massaget.kz</a>

2020 жылы қандай шаш бояулары сәнде болады?

<a href="https://kyzylorda-news.kz/">Kyzylorda-news.kz.</a> Шымкентте қала әкімінің жанындағы халық денсаулығын қорғау мәселелері жөніндегі Үйлестіру кеңесінің отырысы өтті, деп хабарлайды <a href="http://lenta.inform.kz/kz/tez-azirlenetin-tagamnyn-ziyan-ekenin-kopshilik-bile-bermeydi-sala-mamandary_a3597043">ҚазАқпарат</a>.
Жиынға кеңес мүшелері мен қаладағы барлық медициналық ұйымдардың басшылары қатысып, туберкулез ауруының қазіргі жағдайы мен алдын алу іс-шараларын талқылады.
Кеңесте қала бойынша туберкулез аурушаңдығын төмендетуде атқарылған жұмыстар барысы баяндалып, бүгінгі күні шешімін таппай отырған өзекті мәселелер сөз болды.
Сала мамандары жергілікті атқарушы органдар міндетті түрде бациллярлы туберкулез түрімен ауыратын науқастарға әлеуметтік көмек көрсету қажеттілігін, олармен қарым-қатынаста болған және ауру жұқтырған мектеп жасындағы балаларды химиялық профилактика ем-домын қабылдау кезінде ыстық тамақпен қамтамасыз ету мәселесін айтып өтті. Сонымен қатар дұрыс тамақтану индустриясын дамытудағы өзекті проблемалар талқыланды. Мамандардың айтуынша, соңғы кезде жастар тез дайындалатын тағамдардың жиі тұтынады. Алайда олардың зиянын білмей, көп қолданып жатады.
Мұндай тағамдардың қатарында фастфуд, дөнер, әр түрлі гамбургер, шаурма, лаваш, пицца, қуырылған қытырлақ картоп, және т.б. бар. Сонымен қатар, осындай тағамдарды дайындайтын орындар саны да жыл сайын өсіп келеді. Көбіне қоғамдық тамақтану орындарында майлы, калориясы, тұзы көп тағамдар дайындалады. Бұл халық арасында созылмалы инфекциялық емес аурулардың (қан айналымы аурулары, қант диабеті, семіздік, т.б.) өсуінің бірден-бір себепшісі болып отыр.
Осыған байланысты мемлекеттік-жекешелік серіктестікті қолданып тез дайындалатын тағамдар орнына салауатты тамақтану индустриясын дамыту қажеттігі туып тұр. Сол арқылы отбасыға арналған мейрамхана, диеталық асхана қажеттілігі, байытылған ұнды кең қолдану мәселесі айтылды. Оны халық арасында түсіндіру жұмыстарын кең көлемде, бұқаралық ақпарат құралы көмегін қолдана отырып жүргізу ұсынылды.
Басқосуда сондай-ақ, халықты спортпен айналысуға тарту мен мектеп оқушысының дене белсенділігін арттыру жайы қамтылды. Отырыс қорытындысында үйлестіру кеңесінің төрағасы және қатысушылар ұсыныстарын беріп, тиісті шешімдер шығарылды. Жауапты сала басшыларына тапсырмалар берілді.

Тез әзірленетін тағамның зиян екенін көпшілік неге біле бермейді?

Әрбір отбасы жаңа жыл түні мерекелік және мол дастархан жаюға тырысады. Алайда, бірнеше мерекелік күнге жететін мол дастархан тағамдары сізге зиянын тигізуі әбден мүмкін.
ҚР ДСМ Қоғамдық денсаулық сақтау ұлттық орталығы Инфекциялық аурулардың алдын алу департаментінің мамандары (ҚДСҰО ИААД) жаңа жыл түні тамақтан уланудың қалай алдын алу керектігін айтып берді.&nbsp;
Мамандардың айтуынша, басты шарт – тамақ әзірлеу және оны сақтау қағидалары мен жекебас гигиенасын&nbsp;сақтау.
Мереке қарсаңында көбісі бірнеше мерекелік күнге жететіндей көп тамақ әзірлеуге ұмтылады, алайда олар мұндай тәжірибе денсаулыққа зиянды әсер етуі мүмкін екенін ұмытады. ИААД мамандары мерекелік дастарханнан кейінгі үшінші тәулікте тамақтан уланудың мөлшері күрт өсетінін ескертеді. Әдетте оған тоңазытқышта екі тәуліктен астам тұрып қалған мерекелік тағамдардың қалдықтары себеп болады.
Тамақтан уланудың ең маңызды провокаторлары, әдетте, ет және балық тағамдары, сондай-ақ майонез қосылған салаттар болады, өйткені олар тез бұзылатын өнімдер тобына жатады. Бұған десерттер, кілегей немесе қаймақ кремі бар торттар да кіреді. Мұндай орта ауру тудыратын бактериялардың тез көбеюі үшін мінсіз болып табылады. Мұндай өнімдерді тоңазытқышта сақтау, әсіресе дайын, майонез құйылған салаттарды сақтау 24 сағаттан аспауы тиіс. Егер салаттарға ештене құйылмай сақталса, онда тоңазытқышта сақтау мерзімі екі тәулікке дейін ұзартылуы мүмкін. Алайда, бұл ет, жұмыртқа және шұжық қосылған салаттарға жатпайды, өйткені оларды ештеңемен аластырмай-ақ тоңазытқышта бір тәуліктен артық сақтамау керек.
<blockquote>
 Тамақтан улану – бұл асқорытудың бұзылуымен бірге болатын жіті ауру, оның себебі ағзаға әртүрлі микроорганизмдердің азық-түлік өнімдерімен енуі, көбінесе бактериялардың түсуі болып табылады. Тамақтан улануды тудыратын микроорганизмдер дұрыс сақталмаса, өнімдерде көп мөлшерде көбейе бастайды, біраз уақыт микробтар мен олардың тіршілік ету өнімдері (уыттар) бар өнімдер мен дайын тағамдар қатерсіз және пайдалануға әбден жарамды әсер ете отырып, сыртқы түрі мен дәм сапасын өзгертпеуі де мүмкін, – деп атап өтті департамент мамандары.
</blockquote>
Егер тамақ дайындау кезінде фарш немесе жартылай дайын ет фабрикаттары пайдаланылса, онда мұндай тағамдар жеткілікті термиялық өңдеуден өтуі тиіс. Котлеттер немесе ет рулеттері жақсы қуырылған болуы керек, себебі олар ауру тудыратын бактериялар немесе вирустарды жұқтырудың көзі болуы мүмкін. Егер тез бұзылатын өнімдер орнатылған термометрлері бар салқындатылған витриналарда дүкендерде сақталса, онда сақтау температурасы нормаға сәйкес келетініне көз жеткізу керек.
Бізде, көбінесе азық-түліктерді уақыт аз қалғанда сатып алады. Сондықтан, дүкендерде майонез немесе қаймақ қосылған дайын салаттар жиі сатып алынады.
Алайда, ИААД мамандары мұндай өнімді сатып алудан екі себеп бойынша қалыс қалуға кеңес береді. Біріншіден, супермаркеттерде қолдануға дайын тағамдарды даярлау үшін жарамдылық мерзімі іс жүзінде аяғына сай келетін өнімдер жиі қолданылады және салаттардың құрамдас бөліктері қаншалықты сапалы екенін тексеру іс жүзінде мүмкін емес. Екіншіден, мұндай салаттар көбінесе өздеріне берілген қауіпсіз уақыттан әлдеқайда ұзақ сақталады және ауру тудыратын бактериялардың көзі болуы мүмкін. Сондықтан, отбасына жаңа піскен және денсаулыққа қауіпсіз тағамдарды қамтамасыз ету үшін тамақ дайындауға біраз уақыт жұмсаған дұрысырақ.
<blockquote>
 Мерекелік үстелге тек дәмді ғана емес, пайдалы тағамдарды да қойғымыз келеді. Сондықтан, көптеген адам&nbsp;осы уақытта негізінен басқа жерден әкелінетін жемістерден тұратын витамин өнімдерін сатып алады. Алайда, тасымалдау және сақтау кезінде осы өнімнің тауарлық сыртқы түрін сақтау үшін оны арнайы заттармен өңдейді. Сондықтан сатып алынған жемістер, жидектер мен көкөністерді ағынды сумен мұқият жуғаннан кейін ғана пайдалану керек. Импорттық алманы жуғаннан кейін де, онда зиянды заттар болуы мүмкін, сол үшін мамандар оны қабықсыз жеуге кеңес береді, өйткені тамақтан улану нәтижесі болмаса да, аллергиялық әсер тудыруы мүмкін, – деп ескертті департамент өкілдері.
</blockquote>
Негізінен қысқы кезеңге дайындалатын және мерекелік жаңа жылдық үстелдің ажырамас бөлігі болып табылатын үйде консервіленген көкөністерге (саңырауқұлақтар, қияр, қызанақ, баклажандар және басқалар) ерекше назар аудару қажет.&nbsp;
Сапасыз консервіленген көкөністер ауа жоқ герметикалық жабық банкаларда токсинді шығаратын микробты еріте алады. Оның түсі, иісі және дәмі жоқ, бірақ жыланның уынан да қауіпті болады. Ол ағзаға түскен кезде ауыр “ботулизм” ауруы пайда болады, одан тіпті ең сау ағза зардап шегіп қана қоймай, тіпті өлімге әкелуі мүмкін. Егер консервіленген өнімі бар банкідегі қақпақ көтерілсе&nbsp;(бомбаж) немесе қандай да бір басқа себептермен сіз оның сапасына күмәндансаңыз, онда ол өнімді пайдаланбағаныңыз жөн. Үй консервілерін, сондай-ақ “қолдан жасалған” ет және балық өнімдерін, “қолдан” көшелерде және базарларда өнімдерді сатып алудан сақ болыңыз. Дүкеннен қақпағы бар консервіленген өнімдерді және басқа да күмәнді өнімдерді сатып алмаңыз.
<blockquote>
 ҚР Денсаулық сақтау министрлігінің&nbsp;ҚДСҰО ИААД департаменттері барлықтарыңызды келе жатқан жаңа жылмен құттықтап, сіздерге денсаулық пен жақсы көңіл-күй тілейді!, – деп құттықтады ведомство өкілдері.
</blockquote>
<a href="https://baq.kz/news/othernews/zhana-zhyl-dastarkhany/">BAQ.KZ</a>

Мамандар мерекелік дастархан жайғанда нені ескеру қажет екенін айтты

<a href="https://kyzylorda-news.kz/">Kyzylorda-news.kz.</a>&nbsp; Суықта тұмауратпау және күйзеліске түспеу үшін арнайы диета ұстану керек.
Аязда көңіл күйіңіз көтеріңкі әрі сергек болу үшін тамақтану үдерісіңізді қадағалау керек. Дәрумендер, минералдар, аминқышқылдары және пайдалы майлар иммунитетті бекітіп, суық тиюден қорғап, жабырқау болмауына көмектеседі. Ендеше, қыста дастарханыңыздан табылуы қажет азық-түлік тізімін ұсынамыз.
Балықтың майлы түрлері
Тунец, сардина, албырт, скумбрия және майшабақ құрамында омега-3 көп қанықпаған май қышқылы болады. Олар иммунитетке жағымды әсер етіп, жұқпалы ауруларға қарсы тұруға көмектеседі.
Асқабақ
Асқабақ – пайдасын жоғалтпай ұзақ сақталатын мезгілдік көкөніс. Ол А, С, Е, В, Р дәрумендеріне бай. Сонымен қатар, асқабақта темір және каротин мөлшері көп. Олар иммунитетке жұқпалы аурулармен күресуге көмектеседі.
Ашытылған қырыққабат
Ашытылған қырыққабат – құрамында пайдалы заты көп керемет өнім. Қырыққабатты ашыту кезінде оның пайдалы қасиеті азаймайды, керісінше көбейеді екен. Ашытылған қырыққабат ішек микрофлорасына да пайдалы.
Інжір және жаңғақтар
Інжір мен жаңғақтар көңіл күйді жақсартуға көмектеседі.
Цитрус тектестер
Апельсин, лимон, мандарин және басқа да цитрусты жемістерде С, А, D, В дәрумендері өте көп. Сонымен қатар, олардың құрамында калий, магний, антиоксиданттар бар. Олар микробтармен күресіп, иммунитетті бекітеді.&nbsp;
Сүт
Сүтті «денсаулық сусыны» деп бекер айтпайды. Оның құрамында дәрумендер, микро және макроэлементтер, ақуыздар мен аминқышқылдары – барлығы 80 пайдалы зат бар. Олардың барлығы денсаулықты мықты ұстауға, иммунитетті бекітуге, тартымды сыртқы келбет және жақсы көңіл күй сыйлауға көмектеседі. Сүттің пайдасы көбірек болу үшін герметикалық картон қаптамадағы ультрапастерленген сүтті таңдаңыз. Мұндай сүтті қайнатудың қажеті жоқ. Аздап ысытып, оған какао мен қант қосып ішсеңіз, ол денеңізді жылытып қана қоймай, көңіл күйді көтеруге де көмектеседі.
<a href="https://aikyn.kz/society/treatment/14955-qysta-qanday-azyq-tuel%D1%96kterd%D1%96-geuge-bolmaydy/">AIKYN</a>

Қыста қандай азық-түліктерді жеуге болмайды?

<a href="https://kyzylorda-news.kz/">Kyzylorda-news.kz.</a> Смартфонды түнгі уақытта зарядтаудың зияны белгілі болды. Маманның сөзінше, түні бойы қуат көзінде тұрған телефон аккумуляторының ресурсы жылдам азаяды екен деп жазады&nbsp;&nbsp;<a href="https://lenta.ru/news/2019/12/26/zaryadka/">Lenta.ru</a>.
Басылымның жазуынша, егер желілік адаптер толық зарядталған гаджетке қосулы қалып қойса, бұл батареяның химиялық құрамының тез өзгеруіне алып келеді. Салдарынан разрядтың қызмет ету мерзіміне де, жылдамдығына да теріс әсер етеді.
BatterieIngenieure компаниясының өкілі Доминик Шульте барлық ірі өндірушілер смартфондарда артық зарядтан қорғау функциясын орнатқанына қарамастан, батареялардың нашарлауы орын алатынын айтады.
Google өкілінің сөзінше, батареяларды өндіру мен оңтайландырудың заманауи технологияларын ескере отырып, бұл тезис ескірген.
<blockquote>
 “Смартфонның аккумуляторы 100 пайыз зарядқа жеткенде, зарядтау құрылғысы іс жүзінде тоқ беруін тоқтатады”, – дейді корпорация өкілі.
</blockquote>
Осыған қарамастан, Шульте өндірушілердің пайдаланылмаған гаджетте аккумулятордың зарядын 30-50 пайызға дейін ұстап тұруға кеңес береді.
Оның айтуынша, бұл аккумуляторлардың 100 пайыз зарядтауды “ұнатпайтынын” дәлелдейді.
Айта кетсек, бұған дейін Англияның Манчестер университетінің ғалымдары смартфонның көк сәуледен қорғайтын түнгі режимі ағзаның циркадиялық ырғақтарына&nbsp;кері әсерін тигізетінін мәлімдеген.

Смартфонды түнгі уақытта зарядтаудың зияны қандай?

Халықаралық Брайль күні
1809 жылы француз тифлопедагогі Луи Брайль дүниеге келген. Ол зағиптарға арналған бедерлі-нүктелі шрифт ойлап тапты.
Ньютон күні
Бұл күнді атақты ағылшын ғалымы Исаак Ньютонның туған күнінде жаратылыстану ғылымдарының зерттеушілері, ғалымдар, студенттер, сондай-ақ ғылыми тәжірибе жасағанды жақсы көретін әуесқойлар жыл сайын атап өтеді. И. Ньютон ойлап тапқан бүкіләлемдік тартылыс заңы мен механиканың үш заңы классикалық механиканың негізін қалады.
1907 жылы Орынборда татар тілінде «Орал» газетінің алғашқы саны жарық көрді. 4 қаңтар – 27 сәуір аралығында 31 саны шықты. Газет большевиктік бағыт ұстанып, әлеуметтік-саяси мәселелерді көтерді. Ресей өкіметіне «Ашық хат» жариялады. Онда қазақ еңбекшілерінің атамекенінен көшіріліп, құнарлы жерлерінен айырылып жатқаны жазылып, Екінші Мемлекеттік Думадан жер мәселесін әділ шешуді талап етті.
1995 жылы Қазақстан Республикасының Президентi Нұрсұлтан Назарбаевтың қатысуымен Арыс стансасынан Шу стансасы арқылы өтетiн темiр жолдың 582-километрлiк электрлендiрiлген трансазиялық бөлiмшесiнің салтанатты ашылу рәсімі өтті.
2001 жылы Қызылорда қаласындағы Абай тұйығына жазушы-журналист Ұзақ Бағаевтың есімі берілді.
2001 жылы Пролетарский көшесіне Бодыбай Құлтекеновтің есімі берілді.
2013 жылы Мемлекет басшысы «Қазақстан Республикасының кейбір заңнамалық актілеріне әлеуметтік маңызы бар мемлекеттік қызметтерді оңтайландыру және автоматтандыру мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды. Заңның мақсаты – электронды түрде немесе халыққа қызмет көрсету орталықтары арқылы әлеуметтік маңызы бар мемлекеттік қызметтерді көрсету мүмкіндігін құқықтық бекіту, сондай-ақ электронды түрдегі аталған қызметтерді көрсету үдерістерін оңтайландыру.

4 қаңтар: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 4 қаңтарға арналған жұлдыз-жорамалы.
Тоқты
Үйде отырғанды қаламайсыз. Көпшілік жерде достармен басқосуды ұйымдастырып, көңіл көтеретін боласыз.
Торпақ
Туыстан жақын ешкім жоқ. Сізге жанашырлық танытатын да солар. Тек солармен ғана көңілді кеш өткізе аласыз.
Егіздер
Бүгін мәселе де туындайды. Оның шешілуіне көмек көрсететін жаңа танысты да қоса жолдайды. Жаңашылдыққа бет бұрасыз.
Шаян
Барлық істі өз қолыңызға алғыңыз келеді. Тау қопарардай күшіңіз бар. Алайда барлық шаруаны өз мойныңызға ала бергеніңіз жөн емес.
Арыстан
Өте еңбекқорсыз. Қолыңыздан барлығы келеді. Берілген тапсырманы жауапкершілікпен атқара аласыз.
Бикеш
Әлдекім сізге тиісіп, мазаңызды қашырып жүр. Мүмкін бұл сізге ғашық жан болар. Сіз оның үмітін арттыра бермей, бірден жауап бергеніңіз жөн.
Таразы
Сұлулығыңызға тамсанатындар көп. Біраз адам сізге ғашық болып, өз ұсыныстарын да жасайтындар бар. Ал сіздің ойыңыз басқада.&nbsp;
Сарышаян
Сезімдеріңізді жасырын ұстайсыз. Ешкіммен бөлісуді жөн көрмейсіз. Дегенмен ой бөлісетін, кеңес алатын жанға жолығыңыз.
Мерген
Қиын мәселе туындайды. Алайда оны елемеуге тырысасыз. Көңіл күйіңізді түсіргіңіз жоқ. Сізге жақындарыңыздың көмегі қажет.
Тауешкі
Қаржылық мәселеңіз қиындай түседі. Бұл жұмысқа енжарлық танытып, ақшаны босқа шашқанның салдарынан болуы мүмкін.
Суқұйғыш
Айналаңызда болып жатқан оқиғалар сізге ұнамайды. Бірақ еш алаңдамаңыз. Барлығы өз орнына келеді.
Балықтар
Бір құпияның сырын ашасыз. Бірақ оны басқаларға айтудың қажеті бар ма, жоқ па оны өзіңіз шешіңіз. Ешкімді ренжітіп алмаңыз.
Аударған Динара МАХАНОВА

Қазақстан және Қызылорда облысының жаңалықтары

5 қаңтар: Атаулы күндер мен оқиғалар

Жұлдыздар не дейді?

Кеңсе жұмысы қан қысымының қаупін жоғарылатады

«Снюс кәмпитінің» құрамын тексерген дәрігерлердің төбе шашы тік тұрды

Қарындағы майды кетірудің оңай жолы табылды

2020 жылы қандай шаш бояулары сәнде болады?

Тез әзірленетін тағамның зиян екенін көпшілік неге біле бермейді?

Мамандар мерекелік дастархан жайғанда нені ескеру қажет екенін айтты

Қыста қандай азық-түліктерді жеуге болмайды?

Смартфонды түнгі уақытта зарядтаудың зияны қандай?

4 қаңтар: Атаулы күндер мен оқиғалар

Жұлдыздар не дейді?