<a href="https://kyzylorda-news.kz/">Kyzylorda-news.kz.</a> Коронавирус қоршаған ортаға да кесірін тигізіп отыр, деп хабарлайды <a href="https://24.kz/kz/zha-aly-tar/lemde/item/380160-betperdeler-m-khitty-lastap-zhatyr">«Хабар 24»</a>.
Гонконг экологтары осылай дейді. Себебі соңғы уақытта Гонконгтың жағалау суларында пластик шөлмек, резеңке қолғап пен пакеттен бөлек, медициналық бетперделер көбейіп кеткен. Қауіптің күшеюіне байланысты бұл әкімшілік орталық тұрғындары сыртқа маскасыз шықпайды. Алайда, экологтардың айтуынша, оларды кәдеге жарату жағы ойластырылмаған көрінеді. Жалпы соңғы мәлімет бойынша Гонконгта коронавирусты 129 адам жұқтырған. Солардың үшеуі көз жұмды.
<blockquote>
 «Соңғы уақытта суды тазалау кезінде қалдықтар арасынан бетперделерді көп табатын болдық. Қазір жергілікті жұрт оны шешпей тағады. Алайда жағажайлар сол маскалардың қоқыс алаңына айналғандай. Бұл жағдай бізді қатты алаңдатып отыр», – Oceanasia экологиялық тобының өкілі Гарри Стоукс.
</blockquote>

Бетперделер мұхитты ластап жатыр

<a href="https://kyzylorda-news.kz/">Kyzylorda-news.kz.</a> Коронавирусқа қатысты жағдайды дұрыс түсіну керек. ҚР Денсаулық сақтау министрі Елжан Біртанов осылай мәлім етті, деп хабарлайды <a href="https://lenta.inform.kz/kz/alem-elderinde-koronaviruska-katysty-zhagday-2-3-ayda-sheshimin-tabady-ministr_a3624729">ҚазАқпарат</a>.
<blockquote>
 «Жұқпалы ауру адамнан адамға жұғады. Біздің негізгі мақсатымыз – осы инфекцияны тоқтатып, оның таралуына жол бермеу. Әрине, жауапкершілік өте маңызды, жағдайды барлығымыз дұрыс түсінуіміз керек. Үнемі қорқып, тығылып үйде отыру деген дұрыс емес, бірақ сақтану шараларын ұстану керек. Гигиеналық талаптарды сақтау қажет», – деді министр Орталық коммуникациялар қызметіндегі баспасөз мәслихатында.
</blockquote>
Осы орайда Е. Біртанов инфекцияның таралуының алдын алу үшін БАҚ-та түсіндіру жұмыстарын кеңінен жүргізуді сұрады.
<blockquote>
 «Сіздерге менің өтінішім бар, бұқаралық ақпарат құралдарының мүмкіндігін пайдаланып, азаматтарға түсіндіру шараларын жүргізу керек. Басқа мемлекеттерде де 2-3 айдың ішінде мәселе шешіледі, инфекция тоқтайды. Сондықтан жағдайды түсініп, гигиенаға мән берген дұрыс», – деді министр.
</blockquote>

Біртанов: Әлем елдерінде коронавирусқа қатысты жағдай 2-3 айда шешімін табады

<a href="https://kyzylorda-news.kz/">Kyzylorda-news.kz.</a> Денсаулық сақтау министрі коронавирусқа байланысты өз еркімен үйінде оқшауланып немесе станционарға карантинге жатудан бас тартқан қазақстандықтарды қандай жаза күтіп тұрғанын айтты.
Елжан Біртановтың айтуынша, қазіргі уақытта вирус анықталған азаматтармен бірге Германия және Италиядан ұшып келгендер анықталуда.
<blockquote>
 «Жұмыстар істелуде, басты мақсат – тұрғылықты мекен-жайы бойынша осы азаматтарды тауып, ең алдымен оларға керек ақпаратты жеткізу. Олардың көпшілігі елімізде осындай жағдай болып жатқанын, вирустың таралу қаупі барын білмеуі де мүмкін. Біз оларға карантинге немесе үй карантиніне жатқызу керек екені туралы ақпарат жеткіземіз», – деді Біртанов.
</blockquote>
Сонымен бірге ол үй карантині туралы шешім азаматтың тұрмыстық жағдайына байланысты қабылданатынын айтты.
Оның сөзінше, оқшаулаудан бас тартып не болмаса ережелерін бұзғандарды жаза күтіп тұр.
Сонымен, карантин шарттарын бұзғаны үшін 5 АЕК немесе 13 мың теңге айыппұл күтіп тұр. Егер азамат медициналық қызметкерлер мен полицияға қарсылық көрсетсе, онда ол әкімшілік қамауға алынуы мүмкін.
Ал егер оның әрекетінің салдарынан басқа адамдарға вирус жұқса, онда қылмыстық іс қозғалып, қылмыстық жауапкершілік көзделеді.

Карантиннен жалтарған қазақстандықтар қамауға алынуы мүмкін

<a href="https://kyzylorda-news.kz/">Kyzylorda-news.kz.</a> Көрісу күні. Адамдар бұл күні арасындағы бұрынғы өкпе-ренішін кешіріп, араздықты ұмытып, бір-біріне амандық-саулық тілейді. Көктемге аман есен жеттік деп, дастархан жайып,&nbsp;үлкендерге сәлем беріп, құттықтап жатады. Бұл күнді Амал мерекесі деп те атайды. Тарихшы Жұлдыз Оспанова бұл дәстүрдің мәні қандай екенін, оның қалай және қашан шыққанын айтып берді.
Оспанованың айтуынша, көрісу күні&nbsp;жаңа өмір, жаңа жыл, жаңа күнмен көрісу деген мағынаны білдіреді.
<blockquote>
 «Көрісу&nbsp;күнін Наурыз мейрамының бастауы деп айтуға болады. Көрісу дәстүрінің тарихына үңілсек, ертеректе жапан далада қыс айларында мал баққан көпшенді халық бір-бірімен&nbsp;көрісе&nbsp;алмай, бір-бірін тек көктем келгенде Наурыз мейрамына қарай көре алған екен. Сол уақыттан бері көрісу дәстүр ретінде сақталып қалған», – дейді Оспанова.
</blockquote>
Сондай-ақ, тарихшы бұл мерекенің неліктен 14 наурызда атап өтілетінін түсіндірді.&nbsp;
<blockquote>
 «Шығыс елдерінің&nbsp; кезіндегі күнтізбесі бойынша, наурыздың басталуы хамал (амал) айының 1 жұлдызы болып есептеледі. Хамал деп отырғанымыз Тоқты шоқжұлдызының ескі парсыша атауы. Күн мен түн теңеліп, амал кірген сәтте Тоқты шоқжұлдызы туады деген ұғым қалыптасқан. «Наурыз» сөзі «жаңа күн» дегенді білдіреді. Ертеде қазақ бұл күнді «наурыз» демей «амал» деген. Бұл сөздердің айырмашылығы жоқ деуге болады. Ал бұл қазіргі күнтізбе бойынша 14 наурызға сәйкес келіп отыр», – дейді Оспанова.
</blockquote>
Сондай-ақ, тарихшы қазақ халқында көрісу күні тек Қазақстанның батыс өңірі мен Ресейдің шекаралас аймақтарындағы қазақтардың арасында сақталған дәстүр деген қате түсінік бар екенін айтады.
<blockquote>
 «Ол еліміздің батыс аумақтарының тұрғындарына ғана қатысты емес. Ол бастапқыда тек Атырау, Маңғыстау облыстарына кеңінен танымал болғандықтан шығар, көбі көрісу күні тек батыста аталып өтіледі деп ойлайды. Бұл қонақжай қазақ халқына ортақ дәстүр. Оны бөліп-жаруға болмайды. Бұл күні&nbsp;барлығы&nbsp; бір-біріне сәлем беріп, қол алысуға міндетті деп айта аламын. Ежелден келе жатқан&nbsp;дәстүрдің ерекшелігі де осында.&nbsp;Дәл осы күні&nbsp;бір-біріне ақ тілегін айтқан адамдар бұдан кейін арадағы реніштерін жойып, табысады. Көрісу күнінің имандылыққа, жақсылыққа негізделген мереке екені анық», – дейді тарихшы.
</blockquote>
Кейбір тарихи мәліметтерге сүйенсек,&nbsp;Жаңа жыл – Ұлыс күнін тойлайтын қазақ&nbsp;Көрісу күнін 1918 жылдан бастап тойлайтын болған. Бұл мерекенің ерекшелігі тек бір күнмен шектелмеуінде болған, ол наурыздың 14-нен басталып, айдың соңына дейін жалғаса берген.
<a href="https://kaz.tengrinews.kz/world_news/koronavirus-turkiyada-turistk-mausyim-keynge-shegerlu-mumkn-306070/">Tengrinews.kz</a>

«Жаңа өмір, жаңа жыл, жаңа күнмен көрісу». Амал мерекесі жайлы не білеміз?

Көрісу күні (Амал мерекесі)
Қазақ халқының көнеден келе жатқан мерекелерінің бірі. Бұл күнді атап өту дәстүрі негізінен Қазақстанның батыс облыстарында сақталған.
14 наурыз күні жасы кішілер ақсақалдар мен ақ жаулықты әжелерге барып, қос қолын беріп, көріседі. Жасы үлкендер кішілерді күтіп, келгендерге «Бір жасыңмен! Жас қайырлы болсын, өмір жасың ұзақ болсын!» деп ерекше мейіріммен батасын береді.
Батыс Қазақстан, Атырау облыстарында және Ақтөбенің және Қызылорданың кейбір аудандарында, Ресейдің көршілес Астрахан, Саратов, Орынбор өңірлерінде, Қарақалпақстанда аталып өтеді. Бұл мерекені Маңғыстау өңірінің жұрты&nbsp;Амал мерекесі&nbsp;деп те атайды.
**Халықаралық өзен күні немесе Бөгеттерге қарсы күрес күні 
**1997 жылы наурыз айында Бразилияның Куритиба қаласында ірі бөгет құрылыстарын салуға қарсы бағытталған бірінші Халықаралық конференция өтті. Конференцияда жыл сайын 14 наурыз күні «Өзен, су және өмірді қорғау үшін бөгеттермен күрес күнін» атап өту шешімі қабылданды.
1921 жылы&nbsp;Түркістан республикасының Орталық атқару комитеті Верный қаласының атауын Алматы деп өзгерту туралы декрет қабылдады.
1980 жылы&nbsp;«Қазақстан пионері» газеті және «Партийная жизнь Казахстана» атты журналы «Құрмет белгісі» және «Халықтар достығы» ордендерімен марапатталды.
1994 жылы&nbsp;Қазақ мемлекеттік заң институты құрылды. 1996 жылы қарашада Қазақ мемлекеттік заң университетіне, ал 2000 жылы ақпанда Мемлекет және құқық институтымен бірігіп, Қазақ мемлекеттік заң академиясына айналды.
2001 жылы қазанда Қазақ гуманитарлық заң университеті болып қайта құрылды.
2004 жылы&nbsp;Астрофизиологиялық зерттеулер орталығы құрылды. Орталық 2008 жылғы 22 қаңтарда «Ұлттық ғарыштық зерттеулер мен технологиялар орталығы» АҚ болып қайта құрылды.
Қазірде ұлттық орталықтың құрамына ғарыштық зерттеулер және технологиялар саласында ғылыми-зерттеу, тәжірибелік-конструкторлық, өндірістік-шаруашылық қызметпен айналысатын төрт академиялық институт кіреді.

14 наурыз: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 14 наурызға арналған жұлдыз-жорамалы.
Тоқты
Бүгін жағымды жаңалық естисіз. Сонымен қатар білім көкжиегін кеңейтіп, идеяңызды қолдайтын жандар көп болады.
Торпақ
Керемет күн. Барлық идеяларыңызды жүзеге асырасыз. Алдағы күндерге жоспар құрып, сол үшін тер төгіңіз.
Егіздер
Бүгін эмоцияға көп берілесіз. Ашуланып отырып жақындарыңызға ауыр сөз айтасыз. Мұның соңы кикілжіңге ұласады.
Шаян
Күніңіз керемет өтеді. Өзіңізге берілген мүмкіндікті пайдаланып қалыңыз. Жұмыста да, үйде де табанды болыңыз.
Арыстан
Ешқандай жоспар құрмаңыз. Бүгін ештеңені ойламай, тек демалыңыз. Біраз уақыттан кейін үй тірлігімен айналысыңыз.
Бикеш
Қаржы мәселесінде сақ болыңыз. Үлкендердің ақылына құлақ асыңыз. Өмірлік тәжірибесі бар жандардан кеңес алыңыз.
Таразы
Айналыңыздағы адамдар сізден үміт күтеді. Өз жұмысыңызға ден қоя алмағандықтан олардың үмітін ақтай алмауыңыз мүмкін.
Сарышаян
Өзіңізге қатысты жақсы жаңалық естисіз. Қызықты ақпараттарға қанық болып, көп мәселеңізді шеше аласыз.
Мерген
Табысқа жету үшін ең алдымен өз ісіңізге көңіл бөліңіз. Ешкімнің сізді алаңдатуына жол жермеңіз. Сонда ғана жетістікке жетесіз.
Тауешкі
Көп жұмысты оңай орындайсыз. Ешқандай мәселе туындамайды. Қандайда бір қиындық туындаса барлығын тез еңсересіз.
Суқұйғыш
Қарама-қайшылыққа толы күн. Жақындарыңызбен тіл табысу оңай болғанымен, кейде қиындық та туындайды. Әсіресе таңертеңгілік уақыт қарбаласқа толы.
Балықтар
Адамдармен тіл табыса білуіңіз, тығыз қарым-қатынас орната білуіңіздің арқасында табысты боласыз. Алдағы күндерге жоспар құрыңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> 9 наурызда коронавирус жұқтырған адаммен бірге ұшып келген 40 адам табылып, қазіргі уақытта ҰҚК мен полиция 24 ақпан мен 13 наурыз аралығында елге келген 488 адамға іздеу салды деп хабарлайды&nbsp;<a href="https://kaz.nur.kz/1845330-kk-koronavirus-zktyrgandarmen-bajlanysta-bolgan-500-adamga-izdeu-saldy.html">KAZ.NUR.KZ</a>.
Алматы&nbsp;қаласы денсаулық сақтау басқармасының басшысы Тілеухан Әбілдаевтың хабарлауынша, отандастарымыз мінген бір рейсте 73 емес, 68 жолаушы болған.
Шенеуніктің айтуынша, төрт жолаушы басқа мемлекеттерге ұшып кеткен. Қырық адам карантинге алынған. Тағы 24 адам қазіргі уақытта іздестіріліп жатыр.
Жалпы алғанда, негізгі тізімге сәйкес, Алматы қаласы бойынша 24 ақпан мен 13 наурыз аралығында шетелдерден келгендер саны 11 340 адамды құраған. Оның ішінде 10 852 азамат анықталып, қазіргі уақытта медицина мамандарының бақылауына алынған.
Әбілдаевтың мәлімдеуінше, қалғандары ертең таңертеңге дейін табылады.
<blockquote>
 «Ертеңге дейін 100 процент табамыз деп отырмыз. Сондай-ақ, тоғызыншы наурызда келген науқаспен байланыста болған он бір адам карантинге алынды», – деп түсіндірді ол.
</blockquote>

ҰҚК коронавирус пандемиясына байланысты 488 адамға іздеу салды

<a href="https://kyzylorda-news.kz/">Kyzylorda-news.kz.</a> Қоғамда мемелекеттік билікті іске асыруда, демократияны дамыта отырып құқықтық мемлекетті қалыптастыруда ең шешуші рөл атқаратын ол-нормативтік құқықтық актілер.
Тәуелсіз Қазақстанның қалыптасу жылдарында азаматтық хал актілерін тіркеу саласына енгізілген жаңалықтардың ең маңыздысы –азаматтық халактілерін тіркеу жүйесінің электронды форматқа көшірілуі және жеке тұлғалдар Ұлттық бірыңғай тізілімге енгізіліп, Жеке сәйкестендіру нөмірлерінің қалыптасуы.
«Цифрлық Қазақстан» Мемлекеттік бағдарламасы шеңберінде мемлекеттік қызметтерді оңтайландыру мақсатында азаматтық хал актілерін тіркеу саласы бойынша композитті және проактивті қызметтер енгізіліп, құжаттар пакеті 30%-ға азайды, мемлекеттік қызмет көрсеті мерзімі 3 есеге қысқарды.
Сонымен қатар, аталмыш бағдарлама аясында «Е-АХАТ» электронды мұрағаты құрылды, 1937-2008 жылғы АХАЖ мұрағаты жазбалары сканерленіп ақпараттық жүйеге енгізілді. Қазіргі таңда цифрландыру-өзектендіру жұмыстары жүзеге асырылуда.
Қазіргі уақытта мемлекеттік қызмет алушы әр азамат онлайн режіимінде өзі берген өтініштің орындалу барысын бақылап, олардың қанағаттану деңгейін бақылау мүмкіндігіне ие.
Қоғамдағы объективтік және субъективтік өзгерістерді реттеп, басқару үшін нормативтік актілер үнемі үздіксіз дамып отыратындығы белгілі.
2019 жылдың 26 қарашасында Қазақстан Республикасы Президентімен Қазақстан Республикасы Парламенті Мәжілісінің депутаттары бастамашылық еткен «Қазақстан Республикасының кейбір заңнамалық актілеріне мемлекеттік қызметтер көрсету мәселелері бойынша өзгерістер мен толықтырулар енгізу туралы» Қазақстан Республикасы Заңына қол қойылды.
Азаматтық хал актілерін тіркеу саласындағы мемлекеттік қызметтерді оңтайландыру, құжат айналымын қысқарту, сондай-ақ, балалардың құқықтары мен мүдделерін қорғау мақсатында Қазақстан Республикасының «Неке(ерлі-зайыптылық) және отбасы» туралы Кодексінің 50-ден астам баптарына өзгерістер енгізілді.
Өзгерістердің маңыздылығы сол, азаматтық хал актілерін тіркеу саласында мемлекеттік қызмет алуші әр азамат республиканың кез келген жерінен өтініш беру мүмкіндігі бар «Эксаумақтық қағидаты» енгізілді.
Мысалы, құжаттарын жоғалтқан жағдайда, азамат қай аймақта тұратына, туған жеріне қарамастан,кез-келген тіркеуші органға барып, қайталама туу туралы куәлігін ала алады.
Азаматтардан ақпараттық жүйелерден алуға болатын құжаттарды (сот шешімдері, медициналық анықтамалар, Қазақстан Республикасында тіркелген актілер туралы ақпарат және т.б.) талап етілмейді.
Шетелдің тіркеуші органдарымен тіркелген баланың туу туралы мәліметттері ақпараттық жүйелер болмауына байланысты, шет мемлекетте туылған балаларға ата-анасының қалауы бойынша шетелде берілген туу туралы куәлікті ұсына отырып Қазақстанның туу туралы куәлігін рәсімдей алады.
Балалардың мүддесін қорғауда балаларға қатысты жоғарыдағы өзгерістер толыққанды мемлекеттік қызметтерді- мектепке дейінгі білім беру ұйымдарына кезекке тұру, денсаулық сақтау ұйымдарына тіркелу, жәрдемақы алу, қарыз жүктемесін алып тастауға мүмкіндік береді.
Г. ЕЛЕУСІЗОВА,
Қызылорда облысының Әділет департаментінің
тіркеу қызметі саласындағы әдістемелік қамтамасыз
және бақылау бөлімінің бас маманы

Бала құқығы басты назарда болуы тиіс

Оқыған: Фариза Омарова
<a href="https://kyzylorda-news.kz/">Kyzylorda-news.kz.</a> Біреулер құдайдан бала тілейді. Ол баланы не қылады? Өлсем орнымды бассын дейді, артымнан құран оқысын дейді, қартайған күнімде асырасын дейді. Осыдан басқасы бар ма?
Балам орнымды бассын демек не сөз? Өзіңнен қалған дүние иесіз қалар дейсің бе? Қалған дүниенің қамын сен жемек пе едің? Өліп бара жатқанда өзгеден қызғанып айтқаның ба? Өзгеге қимайтұғын сенің не қылған артықша орның бар еді?&nbsp; Баланың жақсысы – қызық, &nbsp;жаманы – күйік, не түрлі боларын біліп сұрадың? Дүниеде өзіңнің көрген қорлығың аз болды ма? Өзіңнің қылған иттігің аз болды ма? Енді бір бала туғызып, оны да ит қылуға, оған да қорлық көрсетуге мұнша неге құмар болдың?
Артымнан балам құран оқысын десең, тірлікте өзіңнің жақсылық қылған кісің көп болса, кім құран оқымайды? Егер жаманшылықты көп қылған болсаң, балаңның оқыған құраны сені неге жеткізеді? Тірлікте өзіңе-өзің қылмаған істі, өлген соң саған балаң кәсіп қылып бере ала ма? Ахирет үшін бала тілегенің – балам жасында өлсін дегенің. Егерде ержетсін десең, өзі ержетіп, ата-анасын тұзақтан құтқарарлық бала қазақтан туа ма екен? Ондай баланы сендей әке, сенің еліңдей ел асырап өсірмек пе екен?
Қартайғанда асырасын десең, о да – бір бос сөз. Әуелі – өзің қаруың қайтарлық қартаюға жетемісің, жоқ па? Екінші – балаң мейірімді болып, асырарлық болып туа ма, жоқ па? Үшінші – малың болса, кім асырамайды? Малың жоқ болса, қай асырау толымды болады? Баланың мал табарлық болары, мал шашарлық болары – ол да екі талай. Хош, құдай тағала бала берді, оны өзің жақсы асырай білесің бе? Білмейсің. Әуелі өз күнәңді өзің көтергеніңмен тұрмай, балаңның күнәсіне тағы да ортақ боласың. Әуелі балаңды өзің алдайсың: «Әне, оны берем, міне, мұны берем» деп. Басында балаңды алдағаныңа бір мәз боласың. Соңыра балаң алдамшы болса, кімнен көресің? «Боқта!» деп, біреуді боқтатып, «кәпір – қияңқы, осыған тимеңдерші!» деп, оны мазаттандырып, әбден тентектікке үйретіп қойып, сабаққа бергенде, молданың ең арзанын іздеп, хат таныса болады деп, қу, сұм бол деп, «пәленшенің баласы сені сыртыңнан сатып кетеді» деп, тірі жанға сендірмей жат мінез қылып, осы ма берген тәлімің? Осы баладан қайыр күтесің бе?
Және мал тілейсіңдер, неге керек қылайын деп тілейсіңдер? Әуелі, құдайдан тілеймісің? Тілейсің. Құдай берді, бергенін алмайсың. Құдай тағала саған еңбек қылып мал табарлық қуат берді. Ол&nbsp;қуатты адал кәсіп қыларлық орынға жұмсаймысың? Жұмсамайсың. Ол қуатты орнын тауып сарып қыларды білерлік ғылым берді, оны оқымайсың. Ол ғылымды оқыса, ұғарлық ақыл берді, қайда жібергеніңді кім біледі?.. Ерінбей еңбек қылса, түңілмей іздесе, орнын тауып істесе, кім бай болмайды? Оның саған керегі жоқ. Сенікі – біреуден қорқытып алсаң, біреуден жалынып алсаң, біреуден алдап алсаң болғаны, іздегенің – сол.
Бұл – құдайдан тілеген емес. Бұл – абыройын, арын сатып, адам жаулағандық, тіленшілік. Хош, сүйтіп жүріп-ақ мал таптың, байыдың. Сол малды сарып қылып, ғылым табу керек. Өзің таба алмасаң, балаң тапсын. Ғылымсыз ахирет те жоқ, дүние де жоқ. Ғылымсыз оқыған намаз, тұтқан ораза, қылған хаж, ешбір ғибадат орнына бармайды. Ешбір қазақ көрмедім, малды иттікпен тапса да, адамшылықпен жұмсаған. Бәрі де иттікпен табады, иттікпен айрылады. Бейнет, күйігі, ызасы – сол үшеуінен басқа ешнәрсе бойында қалмайды. Барында баймын деп мақтанады. Жоғында «маған да баяғыда мал бітіп еді» деп мақтанады. Кедей болған соң, тағы қайыршылыққа түседі.
1892

Абай Құнанбайұлының оныншы қара сөзі (АУДИО)

<a href="https://kyzylorda-news.kz/">Kyzylorda-news.kz.</a> Қызылорда облысының Кәсіпкерлер палатасы «Бизнес жол картасы – 2025» Бизнесті қолдау мен дамытудың мемлекеттік бағдарламасы шеңберінде жүзеге асырылатын «Аға сеньорлар» компоненті бойынша Кәсіпкерлерге қызмет көрсету орталығында және аудандық филиалдардағы Кәсіпкерлерді қолдау орталықтарында өтініштерді қабылдау басталғандығын хабарлайды.
«Аға сеньорлар» инструменті ірі халықаралық компанияларда жұмыс істеген шетелдік және отандық сарапшылардың тәжірибесі мен білімін пайдалана отырып, салалық ерекшеліктерін ескере отырып кәсіпкерлердің құзыретін арттыруға, жаңа басқару әдістерін, өндіріс технологиялары мен персоналды оқытуға қатысты сұрақтар бойынша тікелей кәсіпорында қатысушыларға кеңес беру мен тәжірибе алмасуға бағытталған.&nbsp;
Компонентті жүзеге асыру шарттары:
– «Бизнестің жол картасы – 2025» Бағдарламасының аясында Экономиканың басым секторларында жұмыс істейтін шағын және орта бизнестің субъектілері қатысушы бола алады, жылдық айналымы 5000 айлық есептік көрсеткіштен кем емес;
– Компонент бойынша шетелдік сарапшыларды тарту шығындары, сонымен қатар сарапшылардың жол шығындары мен қызметіне қатысты шығындар республикалық бюджеттен жүзеге асырылады;
– Сарапшының Қазақстанда болуымен байланысты шығындар: тұру, тамақтану, ел ішінде тасымалдау, тәулікақы шығындары, сондай-ақ аудармашы қызметтері кәсіпкерлермен дербес төленеді.
Барлық сұрақтар бойынша кәсіпкерлердіңҚызылорда облысының кәсіпкерлер палатасына жүгінуіне болады (байланысатын тұлға: ҚО КП Кәсіпкерлікті қаржылай емес қолдау бөлімінің сарапшысы– Құрмантаева Г.Ж. тел. /87242/40-08-74).
Сall-сentre: 1432

Қызылордада «Аға сеньорларға» өтініш қабылдау басталды

<a href="https://kyzylorda-news.kz/">Kyzylorda-news.kz.</a> Денсаулық сақтау министрі Елжан Біртанов коронавирус қаупіне байланысты халыққа кеңес берді.
<blockquote>
 «Қазақстандықтарға айтатын кеңесіміз, қазір көп халық қатысатын шараларды тоқтату керек, мысалы той немесе басқа да шараларға қатыспау… Мектеп бойынша шешім қабылданды. Ал балабақша бойынша қазіргі уақытта біз ондай шешім қабылдаған жоқпыз. Ата-аналар өздері шешуі мүмкін. Кейбір ата-ана жұмысқа барғаннан кейін баланы бір жерге қалдыру керек. Қазір балабақшаларды жабу бойынша әлі шешім қабылданған жоқ. Мүмкін жағдай нашар болса тиісті шараларды қабылдаймыз. Ал өңір әкімдіктерінде өздігімен шешім қабылдау құқығы бар», – деді Елжан Біртанов.
</blockquote>
Айта кетейік, бұған дейін Денсаулық сақтау министрі Елжан Біртанов Қазақстанның екі азаматынан коронавирус инфекциясы <a href="https://www.inform.kz/kz/kazakstannyn-eki-azamatynan-koronavirus-tabyldy-birtanov_a3624548">табылғанын</a> мәлім еткен еді.

Министрлік қазақстандықтарды той-жиындарға қатыспауға шақырды

<a href="https://kyzylorda-news.kz/">Kyzylorda-news.kz.</a> ҚР Денсаулық сақтау министрі Елжан Біртанов коронавирус жұқтырған үшінші адам анықталғанын мәлімдеді.
<blockquote>
 «Қазіргі күнде қосымша тағы бір науқас анықталды, яғни үшінші науқас деп айтуға болады. Милан қаласынан Нұр-Сұлтан қаласына 12 наурыз күні келді. Зертханалық сараптама бойынша коронавирустық инфекция анықталды. Бұл азамат келгенде, біздің протокол бойынша әуежайдан тікелей карантинге жатқызылды », – деді министр Орталық коммуникациялар қызметінде.
</blockquote>
Белгілі болғандай, протокол бойынша Миланнан келген әйелмен байланыста болған адамдарға қатысты қажетті жұмыстар жүргізілуде
Оның сөзіне қарағанда, аталған бортта 90 жолаушы болған. Оларға қатысты санитарлық шаралар іске асырылуда.
Бұған дейін, Денсаулық сақтау министрі Елжан Біртанов коронавирус инфекциясын&nbsp;<a href="https://kyzylorda-news.kz/kogam/elzhan-birtanov-qazaqstannyng-eki-azamatynan-koronavirws-tabyldy-49441/">жұқтырған&nbsp;Қазақстанның екі азаматы</a> Германиядан келгенін атап өткен болатын.
Сонымен қатар коронавирус жұқтырған Қазақстан азаматтарымен бір бортта болған жолаушылар&nbsp;карантинге&nbsp;жатқызылатыны айтылды.

Қазақстан және Қызылорда облысының жаңалықтары