<a href="https://kyzylorda-news.kz/">Kyzylorda-news.kz.</a> Қызылордада Жеңістің 75 жылдығына орай «Біз – Жеңістің мұрагеріміз!» атты Тағзым эстафетасы атап өтіледі. Бұл туралы Өңірлік коммуникациялар қызметінің ақпарат алаңында өткен баспасөз конференциясында ҚР Ұлттық Ұланы “Оңтүстік” өңірлік қолбасшылығы қолбасшысының орынбасары Ниязтай Әлкешев мәлімдеді.
<blockquote>
 «Аталған эстафета 5 ақпан мен 5 мамыр аралығында еліміздің барлық өңірінде жалғасады. Бұл Душанбе қаласында өткен ТМД Мемлекет басшылары Кеңесінің шешімімен бекітілген Жеңістің 75 жылдығын мерекелеуге бағытталған негізгі іс-шаралар жоспары аясында өткізілмек,Сондай-ақ,эстафетаның мақсаты – Ұлы Отан соғысында Отанын жанқиярлықпен қорғаған қазақстандық жауынгерлердің ерлігіне құрмет көрсету, есімдерін ел есінде сақтау, майдан даласында елі үшін қаза болған әр солдаттың ерлігін ұлықтау»,- деді Ниязтай Болатұлы.
</blockquote>
Мұнан өзге, Эстафета аясында даңқты панфиловшылар дивизиясының Жауынгерлік Туының көшірмесі республикалық маңызға ие 3 қаладан, облыстық деңгейдегі 14 қаладан және шағын 7 қаладан өтетін болады.
Сонымен қатар, салтанатты рәсім Тағзым алаңыннан бастау алып, Ғ.Тоқмағамбетов атындағы мәдениет үйінде концерттік бағдарламамен жалғасын табады.
<img src="https://kyzylorda-news.kz/wp-content/uploads/2020/02/24brifing2.jpg" alt="" />

Қызылордада «Біз – жеңістің мұрагеріміз!» эстафетасы басталды

<a href="https://kyzylorda-news.kz/">Kyzylorda-news.kz.</a> Елімізде спортпен жүйелі түрде айналысып жүргендердің саны жалпы халық санының 30,6 пайызын құрады. Бұл туралы Парламент Мәжілісі төрағасының орынбасары Гүлмира Исимбаева мәлім етті, деп хабарлайды ҚазАқпарат.
<blockquote>
 «Мемлекет басшысы айтқандай, бұқаралық спортты дамыту арқылы дені сау ұлтты қалыптастыра аламыз. Көпшілік халық спортпен айналысқан кезде ғана жоғары спорттың сапасын да жақсартуға болады. Өткен жылдың қорытындысы бойынша елімізде дене шынықтырумен және спортпен жүйелі түрде айналысып жүргендердің саны жалпы халық санының 30,6 пайызын құрап, 2014 жылмен салыстырғанда бар-жоғы бес пайызға өсті. Жалпы алғанда, бұл салада оң қарқын бар. Бірақ халқының 60 пайызға жуығы спортпен айналысатын АҚШ, Жапония, Канада сияқты елдермен және Еуропа елдерімен, халқының 55 пайызының спортпен шұғылданатын Ресеймен салыстырсақ, біздің көрсеткішіміз төмен деңгейде», – деді Гүлмира Исимбаева.
</blockquote>
Оның сөзіне қарағанда, мектеп жасындағы балалардың бар болғаны 59 пайызға жуығы дене шынықтырумен айналысса, жоғары оқу орындарында оқитын студенттердің 31 пайызы ғана дене шынықтырумен және спортпен айналысады екен.
Бұдан бөлек Гүлмира Исимбаева ауылдық жерлерде спорт инфрақұрылымының әлсіз дамуы, сондай-ақ спорт құралдарымен әрі жабдығымен жарақтандырудың жеткіліксіз болуы мәселесін атап өтті.
<blockquote>
 «Бюджет қаражатын бөлу кезінде де бұқаралық спорттың дамуына қаражаттың мардымсыз бөлінуі алаңдатады», – деді Мәжіліс төрағасының орынбасары.
</blockquote>

Қазақстан халқының спортпен шұғылдану белсенділігі қандай?

<a href="https://kyzylorda-news.kz/">Kyzylorda-news.kz.</a> Мемлекет басшысының өкімімен Рустам Манарбекұлы Жүрсінов Қазақстан кәсіпкерлерінің құқықтарын қорғау жөніндегі уәкіл қызметіне тағайындалды, деп хабарлайды Ақорданың баспасөз қызметі.
<img src="https://kyzylorda-news.kz/wp-content/uploads/2020/02/24uakiltagaindaldy1.jpg" alt="" />
Мемлекет басшысының өкімімен Болат Әбілқасымұлы Палымбетов Қазақстан кәсіпкерлерінің құқықтарын қорғау жөніндегі уәкіл қызметінен босатылды.

Қазақстан кәсіпкерлерінің құқығын қорғау жөніндегі уәкіл тағайындалды

<a href="https://kyzylorda-news.kz/">Kyzylorda-news.kz.</a> Жамбыл облысының әкімі Бердібек Сапарбаев Қордайдағы қақтығыстан кейін мектеп директорларын сынға алды, деп жазады <a href="https://sputniknews.kz/">«Спутник Қазақстан»</a>.
Облыс әкімінің баспасөз қызметі хабарлағандай, мектеп директорлары өзін менеджер емес, сол мекеменің қожайыны сияқты сезінеді. Жамбыл облысының әкімі Бердібек Сапарбаев: «Оқу орындарының кейбір басшылары «менің мектебім», «менің ұстаздарым», «менің шәкірттерім» деген сияқты тіркестерді қолданып, өздерін ұйымдастырушы емес, меншік иесі секілді сезінеді. Мектеп – мемлекеттікі, ал директор – ауысып отыратын басқарушы болуы тиіс», – деді Сапарбаев.
Әкім білім беру ұйымдарындағы жемқорлық мәселесіне де тоқталды.
<blockquote>
 &nbsp;«Директор жұмысқа орналастырғаны үшін мұғалімнен ақша алса, одан сапалы жұмысты қалай талап етеді? Ол мұғалім кейін өз ақшасын ата-аналар арқылы қайтара бастайды, сыбайлас жемқорлық тізбегі осылай жалғаса береді», – деді әкім.
</blockquote>
Сапарбаев Масаншы ауылындағы мектептен он жыл бойы бірде-бір «Алтын белгі»&nbsp; немесе үздік аттестат иегері шықпағанын, тек бір ғана түлектің грантқа қол жеткізгенін мәлімдеді.
<blockquote>
 «Міне, Қордайдағы оқиғаның түпкі себебін осыдан іздеу керек. Бұл сапалы білім мен жас ұрпақты тәрбиелеу, ұлттық дәстүрлерден алшақтау, мәдени-бұқаралық іс-шараларды ұйымдастыру деңгейінің төмендігін көрсетері сөзсіз», – деді ол.
</blockquote>
Әкімнің айтуынша, тәрбие отбасы мен мектептен басталады, алайда соңғы уақытта осы әлеуметтік институттар арасындағы байланыс үзілген.
Сапарбаев мемлекет мұғалімдердің әлеуметтік және еңбек жағдайын жақсарту үшін маңызды қадамдар жасап жатқанын, ал қоғам олардан сапалы білім беруді талап ететінін атап өтті.
Кездесу соңында әкім жауапты басшыларды БАҚ пен әлеуметтік желілердегі сыни ескертпелерге жедел жауап беруді, мәселені дер кезінде шешуді тапсырды.

«Директор мұғалімнен ақша алса, одан сапалы жұмысты қалай талап етеді?» – Сапарбаев

<a href="https://kyzylorda-news.kz/">Kyzylorda-news.kz.</a> Қызылорда облысы Төтенше жағдайлар департаментінің ғимаратында орналасқан азаматтық қорғау органдарының музейіне арнайы келген №222 орта мектептің 10-11 сынып оқушылары жауапкершілігі мол абыройлы да қауіпті қызметтің тыныс тіршілігімен танысты.
Мұнда ардагер Өрт сөндірушілер мен құтқарушылардың қолданған заттарын өз көздерімен көріп, қлолдарымен ұстап, ерекше сезімге бөленген жастар әрбір экспонаттың тарихи жәдігер екеніне көздері жетті. Талайы таңданысын жасармай, көкейдегі сұрақтарын қойып, саланың қыр сырына қанық болды. Шара барысында арнайы дайындалған видео ролик көрсетіліп жастардың азаматтық қорғау саласына деген қызығушылығын арттырды.
Сонымен қатар Төтенше жағдайлар департементінің бастығы азаматтық қорғау полковнигі Омар бержанов және өрт сөндіру қызметінің бастығы азаматтық қорғау подполковнигі Нұрсұлтан Ибрагимов оқушылармен кездесіп, азаматтық қорғау саласында қызмет етуге шақырды.
Расында, Халық қауіпсіздігі үшін өз өмірін қиюға әзір төтеншеліктердің өмірі бейнеленетін музей ішінде өткен кездесуде Омар Бержанов Көкшетау техникалық института оқуға шақырып, қойылатын талаптармен бөлісті. Жастар үшін өмірі ерлікке толы басшылардың арнайы келіп олармен жеке әңгімелесуі ерекше әсер қалдырып, бірі кездесуден соң азаматтық қорғау саласында қызмет етуді мақсат етсе, енді бірі көкейдегі сауалдарын жолдап, қызығушылықтарын арттырды.
<img src="https://kyzylorda-news.kz/wp-content/uploads/2020/02/24muzeichs2.jpg" alt="" />
<img src="https://kyzylorda-news.kz/wp-content/uploads/2020/02/24muzeichs3.jpg" alt="" />
<img src="https://kyzylorda-news.kz/wp-content/uploads/2020/02/24muzeichs4.jpg" alt="" />

Қызылордалық оқушылар ТЖД-ның жұмысымен танысты

<a href="https://kyzylorda-news.kz/">Kyzylorda-news.kz.</a> «Азаматтарға арналған үкіметтің» бастамасымен барлық аймақтарда «Халыққа жақын бол!» акциясы бастау алған. Осыған орай, қаладағы №1 халыққа қызмет көрсету орталығында директор орынбасары Айнұр Шорабекқызы тұрғындармен ашық есік күнін өткізді.
Акция аясында Айнұр Шорабекқызы тұрғындарды жеке мәселелерімен қабылдап, сұрақтарына жауап беріп, қызмет көрсетті.
<blockquote>
 “Біз халыққа сапалы қызмет көрсетіп, қызмет алушылар үшін оңай әрі жылдам қызмет көрсетуіміз қажет. Сонымен қатар, халыққа жақын болуымыз керек. Себебі қызмет көрсетуде әрбір пікір біз үшін аса маңызды”- деді, директор орынбасары.
</blockquote>
Айта кету керек, алдағы 5 айда облыс бойынша барлық ХҚО-да ашық есік күндері өткізілетін болады. Мақсаты – тұрғындардың ұсыныс-пікірірлерін тыңдап, мәселелерін шешу, сіздерге жақын болу және елімізде мемлекеттік қызмет көрсетудің сапасын арттыру.
<img src="https://kyzylorda-news.kz/wp-content/uploads/2020/02/24halykka2.jpg" alt="" />

Қызылордада «Халыққа жақын бол» акциясы өтіп жатыр

<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалының №1 қалалық бөлімінде облыстық филормония және «Ақмешіт» фольклорлық ансамблімен бірлесе мәдени шара өтті.
Ұлтымыздың ойшылы, қара өлеңнің патшасы Ұлы Абайдың 175 жылдық мерейтойы қарсаңында өткізілген мәдени шарада облыстық филармония және «Ақмешіт» фольклорлық ансамблімен бірге тұрғындардар да қосылып, Абайдың танымал әндерін шырқады.
ХҚО-ға келген қызылордықтар қызмет алумен қатар, қазақтың ұлттық аспаптарымен жанды дауыста орындалған Абай әндерін тыңдап, ерекше көңіл-күйде қайтты.
Осылайша мереке қарсаңында ұйымдастырылған мәдени шара көптің көңілінен шықты.
<img src="https://kyzylorda-news.kz/wp-content/uploads/2020/02/24sonabai2.jpg" alt="" />
<img src="https://kyzylorda-news.kz/wp-content/uploads/2020/02/24sonabai3.jpg" alt="" />

Қызылордадағы ХҚО-да Абайдың 175 жылдығына орай мәдени шара өтті

<a href="https://kyzylorda-news.kz/">Kyzylorda-news.kz.</a> Қызылорда облыстық тарихи-өлкетану музейінде &nbsp;“Музей түні” өтті. «Музейдің ғажайып әлемі» атты мәдени шараға мәдениет қызметкерлері мен қылқалам шеберлері, өнер иелері және қала тұрғындары қатысты.
Шараның мақсаты – халықтың &nbsp;бос уақытын тиімді өткізу, музейдің ғылым ордасы ғана емес, мәдени-көпшілік орын екендігі туралы ұғым қалыптастыру. Сондай-ақ, қала тұрғындары мен қонақтарына мәдени-рухани демалыс сыйлап, &nbsp;музей қорындағы туындыларды насихаттау арқылы жұртшылықтың назарын еліміздің басты мәдени-білім беру нысандары – музейлерге аударту.
<blockquote>
 «Біздің басты мақсатымыз – мәдениет пен өнер саласындағы жаңалықтарға, шараларға, мәдениет нысандарына тұрғындарды тарту, азаматтармен бірге «Рухани жаңғыру» мақалаларын талқылау мақсатында осы шара қолға алынды. «Музей түні» – әлеуметтік маңызы бар акция. Ол халықты өткенін саралауға, бүгінін бағалауға ғана шақырмайды, бірлігін бекемдеуге, құндылығын қастерлеуге, сол арқылы бір мақсат, бір мүдде, бір ел аясына топтасуға үндейді»,- дейді музейдің қор сақтаушысы Асылхан Асуатов.
</blockquote>
Айта кету керек, шара барысында Алтын Орданың – 750 жыл, Әбу Насир Әл-Фарабидың – 1150 жыл Абай Құнанбаев – 175 жыл мерейтойы аясында «Өркениет шежіресі» атты кітап көрмесі және «Көненің көзі» атты этнография залында ұлттық дәстүрді дәріптеуге арналған көрініс, Ұлы Жеңістің 75 жылдығына орай «Майданнан келген хаттар» атты көрме, «Ешкім де, ештеңеде ұмытылмайды» атты театрландырылған көрініс, «Отбасылық кинотеатр музейде» қазақ ертегілері туралы анимациялық мультфильмдер топтамасынан көрсетілім қойылды. Сонымен бірге келушілер Алтын Орданың 750 жылдығына орай «Айбынды Алтын Орда» атты тақырыптық экскурсия, Әбу Насыр Әл-Фарабидың 1150 жылдығына орай «Әл-Фараби әлемі», &nbsp;Абай Құнанбаевтың 175 жылдығына орай «Абай – дана, Абай- дара» атты тақырыптық экскурсия әлемін тамашалады.
Кеш соңы &nbsp;жастардың мерекелік &nbsp;концертіне &nbsp;ұласты.
<img src="https://kyzylorda-news.kz/wp-content/uploads/2020/02/24muzeituni2.jpg" alt="" />
<img src="https://kyzylorda-news.kz/wp-content/uploads/2020/02/24muzeituni3.jpg" alt="" />
<img src="https://kyzylorda-news.kz/wp-content/uploads/2020/02/24muzeituni4.jpg" alt="" />
<img src="https://kyzylorda-news.kz/wp-content/uploads/2020/02/24muzeituni5.jpg" alt="" />
<img src="https://kyzylorda-news.kz/wp-content/uploads/2020/02/24muzeituni6.jpg" alt="" />

Қызылордада «Музей түні» өтті

<a href="https://kyzylorda-news.kz/">Kyzylorda-news.kz.</a> Қызылордада тұрғын үйден шыққан өрттен бір адам көз жұмды.
Кеше сағат 18.50 шамасында Шілдебаев көшесі бойындағы тұрғын үйден өрт шыққан. Сол уақытта 112 құтқару қызметіне қоңырау түсіп, өрт сөндіру қызметінің жеке құрамы іске кірісті.
Барлау жұмыстары барысында өрт тұрғын үйдің ас бөлмесінен шыққаны анықталды. Өртті оқшаулау барысында газ түтінінен үй ішінде ес-түссіз жатқан 1983 жылғы азаматтың бар екені белгілі болды.
<blockquote>
 «Құтқарушылар көмегімен бірінші топ мүгедегі қауіпсіз жерге шығарылды. Бұл азамат жедел жәрдем мамандары қарауынан кейін көз жұмды. Өртті сөндіруге төтенше жағдайлар департаментінен 6 техника, 25 қызметкер жұмылдырылды. Өрт салдарынан тұрғын үйдің асхана бөлмесіндегі тұрмыстық заттары мен төбе жабыны толық жанған», – деп мәлім етті Қызылорда облыстық Төтенше жағдайлар департаментінің баспасөз қызметі.
</blockquote>
<img src="https://kyzylorda-news.kz/wp-content/uploads/2020/02/24ortten2.jpg" alt="" />

Қызылордада тұрғын үйден өрт шығып, бір адам көз жұмды

<a href="https://kyzylorda-news.kz/">Kyzylorda-news.kz.</a> Қызылордада Салихитдин Айтбаев атындағы көркемсурет галереясында «Жидебай-Бөрілі» мемлекеттік тарихи-мәдени және әдеби-мемориалдық қорық-музейінің «Абай – дана, Абай – дара қазақта» атты жылжымалы көрмесі ашылды. Жылжымалы көрме қазақтың ұлы ақыны Абайдың 175 жылдық мерейтойына арналған, деп хабарлайды ҚазАқпарат.
Көрмеге ақын тұтынған заттар, оның өмірі мен шығармашылығын насихаттайтын құнды жәдігерлер қойылды. Көрмеге келушілер ақынның өмірі мен шығармашылығына қатысты тарихи құжаттар мен архивтік деректер, құнды қолжазбалар, тұрмыста қолданған заттары, кітаптары мен фотосуреттері бар.
Көрме екі бөлімнен тұрады. Онда қазақ даласындағы медреселер тарихына қатысты жәдігерлер де жинақталған. Көпшілік Абай оқыған Семейдегі Ахмет Риза медресесі жайлы, ондағы кітаптармен де таныса алады. Этнографиялық бұйымдар да келушілер қызығушылығын туғызып отыр.
«Көрмеге келушілер Абай жайында жазылған дүниелермен де таныса алады. Олардың қатарында Тайыр Жароков пен Мұхтар Әуезовтің еңбегі мен латын әліпбиіндегі Абай жайлы кітап бар. Семейлік суретші Нұрлан Өтебаевтың Абай портреті дк көпшілікті қызықтырады деп ойлаймын», – деді Абайдың «Жидебай-Бөрілі» мемлекеттік тарихи-мәдени және әд­би-мемориалдық қорық-музейінің ғылыми қызметкері Қуат Қиықбаев.
Ұлы тұлғаның өнегелі өмірінен мағлұмат беретін көрме 1 наурызға дейін жалғасады.
<img src="https://kyzylorda-news.kz/wp-content/uploads/2020/02/24abaizattar2.jpg" alt="" />
<img src="https://kyzylorda-news.kz/wp-content/uploads/2020/02/24abaizattar3.jpg" alt="" />
<img src="https://kyzylorda-news.kz/wp-content/uploads/2020/02/24abaizattar4.jpg" alt="" />

Қызылордада Абай қолданған заттар қойылған жылжымалы көрме ашылды

<a href="https://kyzylorda-news.kz/">Kyzylorda-news.kz.</a> Синоптиктер ауа райының қолайсыздығына байланысты бірқатар өңірде ескерту жариялады, деп хабарлайды Қазгидромет.
Бүгін Нұр-Сұлтан қаласында күндіз тұман болады.
24 ақпанда Ақмола облысында кей жерлерде тұман сақталады.
Көкшетау қаласында дүйсенбі таңертең тұман сақталады.
24 ақпанда Батыс Қазақстан облысының кей жерлерінде тұман күтіледі. Оңтүстіктен соғатын желдің күші кей жерлерде 15-20 м/с жетеді.
Дүйсенбі Орал қаласында тұман болады, оңтүстіктен соғатын желдің екпіні 18 м/с жетуі мүмкін.
24 ақпанда Ақтөбе облысының кей жерлерінде тұман, көктайғақ, жаяу бұрқасын күтіледі. Оңтүстік-шығыстан, оңтүстіктен жел соғады, күндіз кей жерлерінде 18 м/с күтіледі.
Дүйсенбі Ақтөбе қаласында күндіз көктайғақ күтіледі.
Бүгін Маңғыстау облысының кей жерлерінде тұман күтіледі.
Ақтау қаласында түнде және таңертең тұман күтіледі. 24 ақпанда Қызылорда облысының кей жерлерінде тұман күтіледі.

Бірқатар өңірде ауа райына байланысты ескерту жариялады

1992 жылы Қазақстан Республикасы Министрлер кабинеті Қазақ мемлекеттік балалар және жасөспірімдер театрына Қазақстанның халық жазушысы, Қазақстан Ғылым академиясының академигі Ғабит Мүсіреповтің есімін беру туралы шешім қабылдады.
1992 жылы «Қазақкино» мемлекеттік концерні құрылды. Ораз Рымжанов концерннің басқарма төрағасы болып сайланды.
2012 жылы Астанада Қазақстанның қысқы арнайы олимпиадасы (Special Olympics) басталды. Оған ҚР, Австрия, Ресей және Өзбекстанның 320 мүмкіндігі шектеулі спортшысы қатысты. Ашылу салтанаты «Алау» мұз айдыны сарайында өтті.

Қазақстан және Қызылорда облысының жаңалықтары