<a href="https://kyzylorda-news.kz/">Kyzylorda-news.kz.</a> Қазақстан Республикасы Тұңғыш Президенті — Елбасы қоры мен Мемлекеттік тілді дамыту қоры Абай Құнанбайұлының 175 жылдық мерейтойына арналған студенттер мен магистранттар арасында «Абай әлемі» ғылыми байқауын жариялайды, деп хабарлады <a href="https://abaialemi.kz/post/view?id=1393">Abaialemi.kz</a>.
Байқаудың мақсаты – қазақтың ұлы ақыны Абай мұрасын кеңінен насихаттау, дарынды жас ғалымдарды анықтау, ақын шығармашылығының ғылыми тұрғыдан талдануына қолдау көрсету, жастардың әдебиетке деген қызығушылығын арттыру.
Биыл қазақтың ұлы ақыны, философ, гуманист және қазақ классикалық әдебиетінің негізін қалаушы Абай Құнанбаевтың туғанына 175 жыл толады. Көрнекті ақын-ағартушының бейнесі тек әдебиет саласында ғана емес, музыка және бейнелеу өнерінде де сақталған. Абай орыс классиктерінің шығармаларын бірінші болып қазақ тіліне аударды. Абайдың көркем әдебиеттің дамуына қосқан елеулі үлесі «Қара сөздері» болды. Бұл мұра жастарды қазақ халқының рухани құндылықтарымен таныстыруда маңызды рөл атқарды.
Байқауға магистранттар мен студенттердің қазақ тіліндегі бұрын жарияланбаған, түпнұсқадағы ғылыми мақалалары қабылданады.
Жеңімпаз студенттерге арнайы тақырыптар бойынша ақшалай сыйлық беріледі: бір бірінші орынға – 300 000 теңге, екі екінші орынға – 200 000 теңгеден және үш үшінші&nbsp; орынға – 100 000 теңгеден, магистранттарға: бірінші орынға – 400 000 теңге, екі екінші орынға – 300 000 теңгеден және үш үшінші орын үшін әрқайсысы 200 000 теңгеден табысталады.
Байқауға ұсынылған жұмыстарды бағалау кезінде мақаланың өзектілігі, ой-тұжырымдардың жаңашылдығы, ғылыми зерттеу нәтижесі, идеялардың түпнұсқалығы, құрылымдылығы мен автордың ойлау дербестігі басшылыққа алынады. Жұмыстарды бағалаудың объективтілігі – қорытынды шешім қабылданғанға дейін анонимділік сақталады.
Үздік ғылыми жұмыстар&nbsp;«Abaialemi.kz»&nbsp;порталында жарияланады.
Өтініштер 2020 жылдың 25 ақпанынан 25 мамырына дейін abai_fond@mail.ru электронды поштасы арқылы қабылданады. Жеңімпаздар 2020 жылдың маусым айында белгілі болады.

«Абай әлемі» ғылыми байқауы жарияланды

<a href="https://kyzylorda-news.kz/">Kyzylorda-news.kz.</a> Дүниежүзілік туберкулезге қарсы күрес күніне арналған айлық 24 наурызға дейін жалғасады. Бұл туралы Ұлттық фтизопульмонология орталығының директоры Мәлік Әденов айтты, деп хабарлайды <a href="https://www.inform.kz/kz/kazakstanda-tuberkulezben-kures-aylygy-bastaldy_a3617914">ҚазАқпарат</a>.
Әлемдік деңгейде аталып өтетін айлықтың маңызы зор. Дүниежүзілік туберкулезге қарсы күрес күнінің ұраны – «Туберкулезге қарсы күресте сенің де өз үлесіңді қосатын уақытың келді».
<blockquote>
 «Осы акцияның аясында емханаларда ашық есік күні өтеді. Әр азамат тұрғылықты мекенжайы бойынша соған барып, тексеріле алады. Оның барлығы тегін. 24 наурыз – Дүниежүзілік туберкулезге қарсы күрес күні. Осының аясында туберкулез ауруының алдын алу және басқа да мәселелер бойынша мәліметтер беріп отырамыз», – дейді ол.
</blockquote>
Айлық аясында фтизиатр, фтизиопедиатрлардың тегін кеңестері, тұрғындарды флюорографиялық тексерістен өткізу сияқты ауқымды акциялар жоспарланған.

Қазақстанда туберкулезбен күрес айлығы басталды

<a href="https://kyzylorda-news.kz/">Kyzylorda-news.kz.</a> Қызылорда қаласындағы Назарбаев Зияткерлік мектебінде Қамқоршылық Кеңестің кезекті отырысы өтті.
Қамқоршылық кеңеске Қорқыт ата атындағы ҚМУ-нің және «Болашақ» университетінің ректорлары, М.Мәметова атындағы гуманитарлық колледж директоры, мемлекеттік орган басшылары, бизнес өкілдері мен ата-аналар комитетінің төрайымы мүшелік етті.
Биылғы оқу жылындағы Қамқоршылық кеңестің алғашқы отырысында мектеп директоры Баxыт Жұматайдың 2018-2019 оқу жылы бойынша есебі тыңдалды. Оқушылар контингенті, педагогикалық құрамы, оқыту бағдарламасының ерекшелігі, оқушылардың білім сапасы, облыс мектептерімен байланыс, қоғамдастықпен ынтымақтастық, айтулы оқиғалар мен оқушы-ұстаздар жетістігі туралы баяндаған Бахыт Әмірханұлы 2020 жылға арналған мектептің даму жоспарымен бөлісті. Осы ретте Кеңес мүшелері түлектердің жоғары оқу орындарына түсу көрсеткіші мен таңдаған мамандықтар бойынша сауалдар қойып, пікір алмасты.
Сонымен қатар, Қорқыт ата атындағы мемлекеттік университеті және «Болашақ» университеті NIS-programme оқу бағдарламасы мен 12-сынып сертификатын мойындау туралы ұсыныс айтып, Зияткерлік мектеп түлектерін қысқартылған 3-жылдық оқуға қыбалдауға дайын екендіктерін жеткізді.
Күн тәртібінде қаралған үшінші мәселе – Абай Құнанбайұлының 175-жылдық және Әл-Фарабидің 1150-жылдық мерейтойларын өткізу барысы. Бұл айтулы даталарды атап өту үшін мектепте көптеген әдеби-танымдық шаралар, зияткерлер мен педагогтер арасында интеллектуалды сайыста және шығармашылық кештер ұйымдастыру жоспарланған.
Кездесу соңында мектептің қызметін жақсартуға бағытталған ағымдағы мәселелер қаралып, Қамқоршылық кеңес мүшелерінің зияткерлік әлеуетті қалыптастыру мен дамытуда өзге де ұсыныстары тыңдалды.
<img src="https://kyzylorda-news.kz/wp-content/uploads/2020/02/24kamkorkenes2.jpg" alt="" />
<img src="https://kyzylorda-news.kz/wp-content/uploads/2020/02/24kamkorkenes3.jpg" alt="" />

Қызылордада қамқоршылық кеңесінің отырысы

<a href="https://kyzylorda-news.kz/">Kyzylorda-news.kz.</a> Бұл туралы Кәсіпкерлер палатасы жанындағы Кәсіпкерлердің құқықтарын қорғау және сыбайлас жемқорлыққа қарсы іс қимыл жөніндегі кеңес төрағасы Болат Нұрхожаев айтты.
Кеңес төрағасының айтуынша, Кәсіпкерлердің құқығын қорғау кеңесі құрылған 5 жылда 30 отырысы өткізіліп, 78 мәселе қаралған. Нәтижесінде олардың 77 пайызы оң шешіліп, 800 кәсіпкердің құқығы қорғалған, оның ішінде бизнес өкілдерінің 650 млн.теңге қаржысы өздерінде қалған(мүлкі т.б.).
<blockquote>
 &nbsp;«Алғаш «Атамекен» құрылғанда бұл бір ірі кәсіпкерлердің мүддесін білдіретін ұйым деп ойлайтынмын. Өзім кезінде осы кеңестің мүшесі болып, кеңесте кәсіпкерлердің мәселесін қарағаннан кейін барып Кәсіпкерлер палатасының шағын және орта бизнеске көрсетіп отырғанын қолдауы мен көмегін нақты көрдім. Биыл екінші жыл кеңестің төрағасымын. Кеңес жұмысынан жыл сайын кәсіпкерлерден түсетін өтініштердің саны артып отырғандығын байқадым. Бұл бір жағынан кәсіпкерлердің «Атамекенге» деген сенімін білдірсе, екінші жағынан әлі де болса кәсіпкерлердің әкімшілік кедергілерге жолығып, құқықтық қолдауға зәру екендігін аңғартады», – дейді кеңес төрағасы Болат Нұрхожаев.
</blockquote>
Болат Нұрхожаев Кеңес жұмысының бір көрсеткіші ретінде бизнес өкілдерінің жұмыс жасауына кедергі келтірген мемлекеттік органдардағы жауапты, лауазымды тұлғаларды жауапкершілікке тарту жөнінде берілетін ұсыныстар мен оның нәтижесін айтты. Мәселен, Кәсіпкерлердің құқығын қорғау кеңесі құрылған сәттен бері отырыста қаралған мәселелерге орай кәсіпкерлердің жұмыс жасауына кедергі келтіріп, құқығын шектеген мемлекеттік органның 15 жауапты қызметкерін жауапкершілікке тарту жөнінде ұсыныс беріліп, оның 12-сі қолдау тапқан. Аталмыш қызметкерлердің 7-еуі тәртіптік, 5-еуі әкімшілік жауапкершілікке тартылған.
<blockquote>
 &nbsp;«Бұдан бөлек кәсіпкерлердің кей мәселелері дөңгелек үстелдер, кездесулер, медиациялық тәсіл, түсіндірме шараларын қолдану арқылы да шешіліп жатыр. Кез келген кедергіге тап болған кәсіпкер Кәсіпкерлердің құқығын қорғау кеңесіне келіп, бізден көмек алып, құқығының қорғалатындығына сендіргім келеді», – дейді Кеңес төрағасы.
</blockquote>
Айта кету керек, Кәсіпкерлер палатасы жанындағы Кәсіпкерлердің құқықтарын қорғау және сыбайлас жемқорлыққа қарсы іс қимыл жөніндегі кеңес құрамында құзырлы мемлекеттік орган басшылары, заңгерлер, БАҚ өкілдері, қоғамдық пікір көшбасшылары – белсенді азаматтар, депутаттар, кәсіпкерлер бар. Кеңеске өтініш, өзге сауалдармен хабарласқысы келетін кәсіпкерлер үшін мекен-жайымыз: Қызылорда қаласы, Желтоқсан көшесі 12, «Бастау» бизнес-орталығының&nbsp; 11-қабаты, 1103-кабинеті. Байланыс телефоны: 8 /7242/ 40-09-81. Кеңес төрағасы Болат Нұрхожаевтың байланыс құралдары: 8&nbsp;701&nbsp;372 24 43, e-mail: <a href="mailto:n.bolat@mail.ru">n.bolat@mail.ru</a>.

Қызылордада 5 жылда 800 кәсіпкердің құқығы қорғалған

<a href="https://kyzylorda-news.kz/">Kyzylorda-news.kz.</a> Әскери өнім» бағдарламасы бойынша өтінімдер қабылдау басталады, деп хабарлайды <a href="https://www.inform.kz/kz/askeri-onim-boyynsha-turgyn-uy-otinimderin-kabyldau-bastalady_a3617984">ҚазАқпарат</a>.
Тұрғын үй құрылыс жинақ банкінің хабарлауынша, банкте қаражат жинап жүрген және тұрғын үй төлемдерін алатын 3000 қазақстандық әскерилер мен арнайы орган қызметкерлеріне СМС-хабарлама жіберілді.
2020 жылы «Әскери өнім» бағдарламасы бойынша жеңілдетілген несие беру мақсатында 60 млрд теңге бөлінді. Банк әрбір клиент үшін уақыттың қымбат екендігін жақсы біледі. Осыған орай, Бағдарлама бойынша займ алатын үміткерлер тізімін тұрғын үй төлемдерін алушылардың жинаған сомасына және де өтінімді беру мерзіміне сай құрды. Бұл тізімге 2020 жылдың 1 қаңтарына дейін орташа несие сомасының – Нұр-Сұлтан және Алматы қалалары бойынша 25 млн теңге, ал қалған аймақтар бойынша 15 млн теңге – 10%-49%-ын жинаған үміткерлер кіреді.
Жалпы алғанда тізімге шамамен 3 мың адам алынды. Ең алдымен 49% көлемінде қаражат жинағандар, ал одан кейін қаражат көлеміне сай ең көбінен ең төменгісіне дейінгі салымы бар үміткерлер іріктелді. Тізімнің басында тұрған азаматтар қазірдің өзінде несие алу үшін өтінім бере алады.
Әскери қызметкерлердің өз уақытын дұрыс жоспарлап, қажетті құжаттарды дайындап үлгеруі үшін, әрбір үміткерге несие өтінімін жолдау мақсатында екі ай көлемінде уақыт беріледі. Мәселен, егер өтінім беру мерзімі ретінде сәуір айы көрсетілсе, онда үміткер несие алу үшін өтінімін 2020 жылдың 1 сәуірінен бастап 2020 жылдың 29 мамырына дейін тапсыра алады.
«Әскери өнім» бағдарламасы бойынша займ алу шарттары өзгертілмеді. Займ жаңа немесе қолданыстағы үйден пәтер алуға және оған жөндеу жұмыстарын жүргізуге, сондай-ақ, үлестік қатысу келісімшарты бойынша беріледі. Бағдарлама талаптарына сай, бастапқы жарна мөлшері 15%-ды, займ бойынша сыйақы мөлшерлемесі – 8%-ды, ал несиелендіру мерзімі – 25 жылға дейінгі уақытты құрайды.

«Әскери өнім» бойынша тұрғын үй өтінімдерін қабылдау басталады

<a href="https://kyzylorda-news.kz/">Kyzylorda-news.kz.</a> Қызылордадағы И.Панфилов атындағы атақты 8-гвардиялық мотоатқыштар дивизиясы жауынгерлік туының көшірмесі Шымкент қаласынан Қызылордаға жетті.
«Біз – Жеңістің мұрагеріміз» атты республикалық әскери-патриоттық эстафетаның символы болған туды ұлықтау рәсімі “Мәңгілік алау” аллеясында өтті.
Қаладағы әскери бөлімдердің офицерлері мен жауынгерлері салтанатты сап түзеп, ардагерлерге құрмет көрсетіп, Отан үшін күрескен жандардың рухына тағзым жасап, мәңгілік&nbsp;алау жанына гүл шоқтарын қойды.
Қазақ жерінде жасақталған дивизия ұрысты Сталинград түбінен бастап, жеңісті Прагада қарсы алған. Қаншама елдімекенді жау қолынан азат етті. &nbsp;Дивизияның 31 жауынгері Кеңес Одағының Батыры атанды.
Аты аңызға айналған дивизияның жауынгерлік туының көшірмесін қабылдап алған 5547 әскери бөлімінің сарбаздары ұлт рухын асқақтататын эстафетаны Атырау қаласына жолдады.
<img src="https://kyzylorda-news.kz/wp-content/uploads/2020/02/24tuestafeta1.jpg" alt="" />
<img src="https://kyzylorda-news.kz/wp-content/uploads/2020/02/24tuestafeta2.jpg" alt="" />
<img src="https://kyzylorda-news.kz/wp-content/uploads/2020/02/24tuestafeta3.jpg" alt="" />
<img src="https://kyzylorda-news.kz/wp-content/uploads/2020/02/24tuestafeta4.jpg" alt="" />

Шымкент қаласынан Қызылордаға жауынгерлік тудың көшірмесі жетті

<a href="https://kyzylorda-news.kz/">Kyzylorda-news.kz.</a> “Қайсар” футбол орталығы ауылдағы таланттарды тасада қалдырмас үшін Арал қаласына барып, Сырдария, Байқоңыр, Қазалы, аудандандарының балғын футболшыларын бақылап, іріктеу өткізді.
2007-2008 жылы туған жасөспірімдер арасында өзара жолдастық кездесу өткізіп, бапкерлер орталыққа қажетті футболшыларды таңдап алды.
<blockquote>
 “Қайсар” футбол орталығының әрбір тобы облысымыздың намысын қорғайтын болғандықтан біз аймақтан да футболшыларды іріктеуден өткізіп жатырмыз. Талантты футболшылар ауылдан да шығады. Сондықтан біз іс-сапарымызды алдағы уақытта да жалғастыратын боламыз, – деді орталықтың жаттықтырушысы Бекежан Жаңатаев.
</blockquote>
Айта кетейік, бапкерлер қосыны алдағы уақытта Шиелі және Жаңақорған аудандарында іріктеу өткізеді.

Қызылордалық &#8220;Қайсар&#8221; жас спортшылардың арасында іріктеу өткізіп жатыр

<a href="https://kyzylorda-news.kz/">Kyzylorda-news.kz.</a> Сырдария ауданында Волонтер жылының ашылуына орай «Ерікті елдің ұрпақтары» атты салтанатты жиын өтті.
Оған аудан әкімі Руслан Рүстемов, облыстық жастар саясаты мәселері басқармасының басшысы Қуаныш Жанұзақов, кент және ауылдық округі әкімдері, дербес бөлім басшылары мен аудан жастары, БАҚ өкілдері қатысты.
Салтанатты жиында аудан басшысы Р.Рүстемов құттықтау сөз сөйлеп, жастар мәслихатының депутаттарына куәлік табыс етті. Өз кезегінде сөз алған облыстық жастар саясаты мәселері басқармасының басшысы Қ.Жанұзақов ауданда Волонтер жылының ашылуымен құттықтап, белсенді жастарға сәттілік тіледі.
Жиын барысында белсенді жастар “Birgemiz” тұжырымдамасының 7 – Жалпыұлттық жобасы бойынша өз жетістіктерімен бөлісіп, алдағы мақсат-міндеттерін таныстырып өтті.
Жалпы, бүгінде ауданда “Birgemiz” тұжырымдамасының Жалпыұлттық жобасы аясында жастармен бірлесе отырып, түрлі шаралар өткізілуде. 
Жиынды қорытындылаған аудан әкімі Р.Рүстемұлы кент және ауылдық округі әкімдері мен тиісті сала басшыларына және Жастар ресурстық орталығына Сырдария ауданында Волонтер жылын өткізуге байланысты бірқатар нақты тапсырмаларды жүктеді.
<img src="https://kyzylorda-news.kz/wp-content/uploads/2020/02/24syrdariyavolonter2.jpg" alt="" />
<img src="https://kyzylorda-news.kz/wp-content/uploads/2020/02/24syrdariyavolonter3.jpg" alt="" />

Сырдарияда волонтер жылының ашылу салтанаты өтті

<a href="https://kyzylorda-news.kz/">Kyzylorda-news.kz.</a> 27 ақпан күні сағат 15:00-де Н.Бекежанов атындағы музыкалық драма театрда өтетін республикалық ақындар айтысы өтеді. Жыр додасы ұлы ақын, ағартушы Абай Құнанбайұлының 175 жылдығына орай ұйымдастырылып отыр.
Бұл айтыста бәрі айтылады, шұрайлы тіркес пен әдемі ұйқас та болады. Аламан айтысқа наркескен тілмен жыр етер, есімі елге таныс ақындар қатыспақ.&nbsp;
Қазақ өнерінің туын көкке көтерер, сөз қадірін өз қадірім деп білетін жанашыр қауым айтыстан қалыс қалмаңыз!

Қызылордада республикалық айтыс өтеді

<a href="https://kyzylorda-news.kz/">Kyzylorda-news.kz.</a> 2020 жылғы 25 ақпанда сағат 10.00-17.00 аралығында Қызылорда облысының әкімі Қ.Ысқақовтың қатысуымен «Қызылорда облысының&nbsp; елді мекендерін газдандыру және электр жүйесімен қамтамасыз ету мәселелері» тақырыбында интернет-конференция өтеді.
Онлайн режимде өтетін конференция барысында облыс әкіміне тақырып аясында қоятын сауалдарыңыз бен ұсыныстарыңызды &nbsp;<a href="https://dialog.egov.kz/">https://dialog.egov.kz/</a> сілтемесі арқылы жолдауға болатындығын хабарлаймыз.&nbsp;
Сонымен қатар, сауалдарыңыз бен ұсыныстарыңызды жолдау үшін электронды цифрлық қолтаңба (ЭЦҚ) қажет екендігін ескертеміз.

Қызылорда облысы әкімінің қатысуымен интернет-конференция өтеді

<a href="https://kyzylorda-news.kz/">Kyzylorda-news.kz.</a> Қызылорда облысы Арал ауданында құрылыс саласы бойынша 2 миллиард теңгенің 9 жобасы жүзеге асырылып жатыр, деп хабарлайды <a href="https://24.kz/kz/zha-aly-tar/bilim-zh-ne-ylym/item/376086-aral-alasynda-o-ushylar-jini-rylysy-zh-rip-zhatyr?fbclid=IwAR2EGfoQrpeHpMMU9KYWOj7fd_NtbgHAX_qPzxmDSz1r5t1KLoPbMTP1heY">«Хабар 24»</a>.
&nbsp;Соның ең ірісі және тұрғындар көптен күтіп жүрген нысан оқушылар үйі еді. 1940 жылы салынған бұрынғы өнер орталығы тар болғандықтан 18 үйірмеге қатысатын мыңға жуық аралдық жеткіншек топ-топқа бөлініп, өзге мектептерге қатынауға мәжбүр болып келді. Қазір ескі ғимарат сүріліп, орнына жаңа әлеуметтік нысанның қабырғасы қаланып жатыр.
<blockquote>
 «Бұдан бөлек Сексеуіл елді мекенінде халық көп шоғырланған қазіргі таңда 3 мектепте бала саны сыймай жатыр. Соған қосымша 100 орындық құрылыс салып, толық аяқтап бердік. Сексеуіл кентінен 40 төсектік ауылдық аурухана құрылыс басталды. Қазір бекітілген бюджетте 300 млн теңге қаржы тұр. Жыл аяғына дейін тағы қосымша 400 млн теңге қаржы керек. Соны биыл аяқтайық деп отырмыз», – дейді Арал ауданының әкімі Мұхтар Оразбаев.
</blockquote>
Құрылысына 332 миллион теңге жұмсалатын жаңа оқушылар үйі күніне 500 баланы қамти алады. Кең әрі жарық би және акт залы бар зәулім шығармашылық ордасы жаңа оқу жылына дейін пайдалануға берілмек. Сол кезде өрендердің талабын ұштап, дарынын ашатын орталықта үйірмелер санын көбейту жоспарланып отыр.&nbsp;&nbsp;
<blockquote>
 «Бұрынғы ескі ғимарат контромарка пешпен жылытылатын. Ал енді газбен жылытылатын болады, 2 қабатты болады. Жаңа оқушылар ғимараты салынады деген кезде өзіміз де, балалар, ата-аналар бәрі қуанышты болды. Бой көтеріп жатқан ғимаратты көрген сайын ендігі балалардың сұрақтары: қашан кіреміз, қай кабинетте оқимыз деп әр үйірменің баласы бөлмелерін сұрап жүр», – дейді Арал аудандық оқушылар үйінің директоры Қанағат Махамбетова.
</blockquote>
<img src="https://kyzylorda-news.kz/wp-content/uploads/2020/02/24aralokushylarui2.jpg" alt="" />

Арал қаласында оқушылар үйінің құрылысы жүріп жатыр

<a href="https://kyzylorda-news.kz/">Kyzylorda-news.kz.</a> Шешендер мен ингуштардың жер аударылуының 76 жылдығына арналған еске алу шарасы өтті.
Шараны «Вайнах» шешен облыстық этномәдени бірлестігі ұйымдастырды. Оған облыстық Қазақстан халқы ассамблеясының басшылығы және этномәдени бірлестіктердің өкілдері қатысты.
Шара барысында депортацияның қиын кезеңдері мен сол оқиғалардың куәгерлерін еске алу туралы баяндайтын деректі фильм көрсетілді.
Шешендер мен ингуштардың Қазақстан мен Қырғызстанға жер аударылуы (Жасымық операциясы) 1944 жылдың 23 ақпанынан 9 наурызына дейін өтті. Оның барысында әртүрлі есептеулер бойынша 500-ден 650 мыңға дейін шешендер мен ингуштар шығарылды. Шығару кезінде және одан кейінгі алғашқы жылдары шамамен 100 мың шешен мен 23 мың ингуш өлді, яғни екі халықтың төрттен бірі.
Қазақстанға күнкөріс көзінсіз жер аударылған халықтар тек қазақ халқының бауырластық көмегінің арқасында өмір сүре алды. Олар тек өмір сүріп қана қоймай, өз тілдері мен мәдениетін сақтап қалды, осында өздері үшін және олардың ұрпақтары үшін екінші отанын тапты және қазіргі қазақстандық қоғамда лайықты орын алды.
Жер аудару кезеңін басынан өткерген әр отбасының сол жылдардағы қиыншылықтар мен депрессияларды еңсерудің өзіндік тарихы, жергілікті халықтың өзара көмек және қолдау тарихы бар. Осы орайда, шешен этномәдени бірлестігінің ақсақалдары мен этномәдени бірлестіктердің өкілдері өз естеліктерімен бөлісті, қонақжай қазақ халқына көптеген жылы лебіздері айтылды.
Іс-шараның барлық қатысушыларына еске алу асы ұйымдастырылып, дұға оқылды.

Қазақстан және Қызылорда облысының жаңалықтары

«Абай әлемі» ғылыми байқауы жарияланды

Қазақстанда туберкулезбен күрес айлығы басталды

Қызылордада қамқоршылық кеңесінің отырысы

Қызылордада 5 жылда 800 кәсіпкердің құқығы қорғалған

«Әскери өнім» бойынша тұрғын үй өтінімдерін қабылдау басталады

Шымкент қаласынан Қызылордаға жауынгерлік тудың көшірмесі жетті

Қызылордалық “Қайсар” жас спортшылардың арасында іріктеу өткізіп жатыр

Сырдарияда волонтер жылының ашылу салтанаты өтті

Қызылордада республикалық айтыс өтеді

Қызылорда облысы әкімінің қатысуымен интернет-конференция өтеді

Арал қаласында оқушылар үйінің құрылысы жүріп жатыр

Шешендер мен ингуштардың Қазақстанға жер аударылғанына 76 жыл толды

Қазақстан және Қызылорда облысының жаңалықтары

«Абай әлемі» ғылыми байқауы жарияланды

Қазақстанда туберкулезбен күрес айлығы басталды

Қызылордада қамқоршылық кеңесінің отырысы

Қызылордада 5 жылда 800 кәсіпкердің құқығы қорғалған

«Әскери өнім» бойынша тұрғын үй өтінімдерін қабылдау басталады

Шымкент қаласынан Қызылордаға жауынгерлік тудың көшірмесі жетті

Қызылордалық &#8220;Қайсар&#8221; жас спортшылардың арасында іріктеу өткізіп жатыр

Сырдарияда волонтер жылының ашылу салтанаты өтті

Қызылордада республикалық айтыс өтеді

Қызылорда облысы әкімінің қатысуымен интернет-конференция өтеді

Арал қаласында оқушылар үйінің құрылысы жүріп жатыр

Шешендер мен ингуштардың Қазақстанға жер аударылғанына 76 жыл толды

Қызылордалық “Қайсар” жас спортшылардың арасында іріктеу өткізіп жатыр