<a href="https://kyzylorda-news.kz/">Kyzylorda-news.kz.</a> Қазақстанның оңтүстік облыстарына жылжыған циклон әсерінен жауын-шашын түседі, көбінесе жылбысқы қар түрінде, тұман, көктайғақ болып, ауа температурасыныңаздап төмендеуі күтіледі, деп хабарлайды Қазгидромет.
Ал республиканың басқа аймақтары Ресейдің Еуропалық бөлігінен жылжитын атмосфералық фронттардың ықпалында болады, соған байланысты кей жерлерде қар, бұрқасын, батыстан екпінде жел соғады және күн суытады. Дейтұрғанмен, ауа температурасы климаттық нормадан жоғары болады, тек оңтүстікте және шығыста орташа климаттық нормаға жақын ауа температурасы орнайды.

Қазақстанда 7-9 қаңтарда ауа райы қандай болады?

<a href="https://kyzylorda-news.kz/">Kyzylorda-news.kz.</a> Қазақстан Республикасы Парламенті Мәжілісінің дептаттары Смағұл Бақытбек пен Шиповских Геннадий Шиелі ауданында болып, Телікөл, Иіркөл ауылдық округтерінің тұрғындарымен кездесіп, аудандағы бірқатар өндіріс орындарын аралап, жұмыстарымен танысты.
Халық қалаулылары ат басын алдымен Телікөл ауылдық округіне қарасты, Ә.Тәжібаев елді – мекеніне бұрып, ауыл тұрғындарымен ашық диалог орнатты.
Кездесу барысында депутаттар Парламент Мәжілісінің қызметі туралы әңгімелеп, мемлекеттік және үкіметтік бағдарламалардың, міндетті әлеуметтік медициналық сақтандырудың, сондай-ақ жүйелі реформаларды жалғастырудың маңыздылығына тоқталып, қазіргі таңда ел игілігі үшін барлық жағдай жасалуда.
Ал ауылдық жерлерде бизнесті, яғни кәсіпкерлікті дамыту қарқынды қолға алынуда. Білім мен денсаулық саласына бөлінетін қаржы да жыл санап өсіп келе жатқанын тілге тиек етті. Бұдан соң қонақтар «Гежуба» Шиелі цемент зауыты мен “Семізбай-U” ЖШС “Иіркөл” филиалы жұмысшыларымен де кездесіп, олардың ұсыныс тілектерін тыңдады.
Сондай-ақ, даңқты күрішші Ыбырай Жахаев ауылына барып, әруағына құран бағыштады. «Рухани жаңғыру» бағдарламасы аясында Ы.Жахаев музейінде болып, оның еңбегін кейінгі ұрпаққа насихаттаудағы жұмысымен танысты.
<img src="https://kyzylorda-news.kz/wp-content/uploads/2020/01/6depshieli2.jpg" alt="" />
<img src="https://kyzylorda-news.kz/wp-content/uploads/2020/01/6depshieli3.jpg" alt="" />

Халық қалаулылары шиеліліктермен кездесті

<a href="https://kyzylorda-news.kz/">Kyzylorda-news.kz.</a> Кәсіпкерлер палатасының алаңында «Ауыл шаруашылығы бағытында кәсіпкерлікті жүргізу бойынша тегін кеңес беру орталығы» қызметін пайдалануға шақырамыз.
Ветеринария, ауыл шаруашылығы, жер қатынастары мен жердің пайдаланылуы мен қорғалуын бақылау, табиғи ресурстар мен табиғат пайдалануды реттеу, фитосанитариялық-карантиндік бағыттарында, салық түсімдерін есептеу мен бақылау-кассалық машиналары (ККМ) туралы кәсіпкерлер мен тұрғындарды толғандырған сұрақтарға жауап беріп, заңдылықтарға сәйкес бағыт-бағдар жасау.
«Ауыл шаруашылығы бағытында кәсіпкерлікті жүргізу бойынша ТЕГІН кеңес беру орталығында» дүйсенбіден жұма күндері сағат 12:00 – 13:00 аралығында мамандар кеңес береді.
Орналасқан орны: Қызылорда облысының кәсіпкерлер палатасы, Қызылорда қаласы, Желтоқсан 12, 2-қабат.
Анықтама телефоны: 8/7242/40-02-02.

Қызылордада ауылшаруашылығы саласының кәсіпкерлеріне тегін кеңес беру орталығы жұмыс істейді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Алматының түбінде құлаған Fokker 100 ұшағының екінші ұшқышы есін жиды. Оны жан сақтаудан салалық бөлімге ауыстырды, деп хабарлайды&nbsp;<a href="https://sputniknews.kz/society/20200105/12461506/ushaq-apaty-ushqysh.html">Sputnik Қазақстан</a>.
№4 клиникалық ауруханасы бас дәрігерінің міндетін атқарушы Айман Байзолданованың айтуынша, қазіргі кезде ұшқыштың жағдайы бірқалыпты.
<blockquote>
 “Оның жағдайы түзелді. Ол есін жиды. Қазіргі кезде жан сақтау бөлімінде емес, салалық бөлімде жатыр. Сөйлейді. Барлық сұраққа жауап бере алады”, – дейді Байзолданова.
</blockquote>
Алматы қаласы қоғамдық денсаулық басқармасы басшысының міндетін атқарушы Тілеухан Әбілдаеваның сөзіне қарағанда, бүгінде қала стационарларында 27 пациент жатыр. Олардың жетеуі – балалар. Бұдан бөлек, тағы үш адам Нұр-Сұлтан қаласында емделуде.
<blockquote>
 “Жан сақтау бөлімінде екі адам жатыр. Біреуі – Алматыдағы көпбейінді клиникалық ауруханада, екіншісі – Нұр-Сұлтанның ортопедия және травматология ғылыми-зерттеу институтында. Зардап шеккендердің барлығының жағдайы бірқалыпты, денсаулығы жақсарып келеді. Жалпы, дәрігерлер 22 операция жасады, барлығы сәтті өтті”, – деп атап көрсетті Әбілдаева.
</blockquote>

Алматыдағы ұшақ апаты: екінші ұшқыш есін жиды

<a href="https://kyzylorda-news.kz/">Kyzylorda-news.kz.</a> Әйтеке би кенті Жанқожа батыр көшесінің бойынан 24 сағат қызмет көрсететін «Sinooil» ЖШС жанар-жағар май автобекеті ашылды.
Май құю бекетінде АИ – 92 маркалы бензин, АИ – 95 маркалы бензин және дизель отыны сатылады.
Ашылған нысанда май құю бекетімен бірге жолаушыларға шағын маркет қызметі жұмыс жасайды.
<img src="https://kyzylorda-news.kz/wp-content/uploads/2020/01/6kazalybeket2.jpg" alt="" />
<img src="https://kyzylorda-news.kz/wp-content/uploads/2020/01/6kazalybeket3.jpg" alt="" />

Қазалыда май құю бекеті ашылды

<a href="https://kyzylorda-news.kz/">Kyzylorda-news.kz.</a> Қазақстан Республикасы Парламенті Сенатының депутаттары Еламанов Бекмырза, Мұрат Бақтиярұлы және Дана Нұржігіт жұмыс сапарымен Қамыстыбас, Аманөткел және Бөген елді мекендерінде болып, тұрғындармен кездесті. Аталған елді мекендердегі жиындарды аудан әкімі Мұхтар Оразбаев жүргізіп, депутаттардың ауданға келу мақсатын айтып өтті.
Халық қалаулылары кездесу барысында Парламент қабырғасында атқарылған жұмыстар мен қабылданған заңдар жөнінде ауыл тұрғындарын хабардар етіп, Президент Қасым-Жомарт Тоқаевтың 2019 жылдың 2 қыркүйегінде халыққа арнаған Жолдауын насихаттап, түсіндірме жұмыстарын жүргізді.
Депутаттар жиында Президент Жолдауындағы әлеуметтік мәселелер, көпбалалы отбасыларға берілетін жәрдемақы, міндетті әлеуметтік медициналық сақтандыру, атаулы әлеуметтік көмек жүйесіне енгізілген өзгерістер мен мал ұрлығы, зорлық- зомбылық, орта және шағын кәсіпкерлікті дамыту, ауылшаруашылығы саласы бойынша заңға енгізілген толықтырулар жөнінде кеңінен баяндап өтті.
Сонымен қатар, мұғалімдердің мәртебесін көтеруге негізделіп қабылданған «Педагог мәртебесі» Заңындағы ұстаздардың беделін, материалдық және моральдық жағдайын арттыру мәселелеріне де айрықша тоқталды. 
Жиынға қатысқан ауыл тұрғындары өздерін толғандырған өзекті мәселелер жөнінде ұсыныс-пікірлерін білдіріп, сауалдарына тиісті жауап алды. 
Сенат депутаттары ауданға жасаған сапарында «Ақлақ» су тоспасы мен «Көкарал» бөгетінде болып, қазіргі жағдайымен танысты.
<img src="https://kyzylorda-news.kz/wp-content/uploads/2020/01/6senataral2.jpg" alt="" />
<img src="https://kyzylorda-news.kz/wp-content/uploads/2020/01/6senataral3.jpg" alt="" />

Сенат депутаттары Арал ауданында болды

<a href="https://kyzylorda-news.kz/">Kyzylorda-news.kz.</a> Қазақстан мұсылмандары діни басқармасы 2020 жылғы діни күндер кестесін бекітті. Бұл туралы ҚМДБ <a href="https://www.muftyat.kz/kk/holiday/arapa/2019-10-01/27829-2020-zhyildyi-dni-knder-kestes/">ресми сайты</a> хабарлайды.
Кестеге сәйкес, биылғы Рамазан айы 25 сәуірде басталады. Ораза айт мерекесі 24 мамыр ал Құрбан айттың бірінші күні 31 шілдеге сәйкес келеді.
Еске салсақ, өткен жылы Рамазан айы 6 мамырдан 5 маусымға дейін жалғасқан болатын.
<img src="https://kyzylorda-news.kz/wp-content/uploads/2020/01/6ramazan2.jpg" alt="" />

Биыл Рамазан айы қашан басталады?

<a href="https://kyzylorda-news.kz/">Kyzylorda-news.kz.</a> 6 қаңтарда мамандандырылған халыққа қызмет көрсету орталықтары жұмыс істемейді, деп хабарлайды «Азаматтарға арналған үкімет» корпорациясының баспасөз қызметі.
<blockquote>
 «ІІМ жаңа ақпараттық жүйесінде анықталған ақаулықтарға байланысты 6 қаңтарда Мамандандырылған халыққа қызмет көрсету орталықтары жұмыс істемейді. ХҚО-лардың қашан жұмысын бастайтындығы қосымша хабарланады», – делінген корпорацияның желідегі ресми парақшасында.
</blockquote>
Еске салсақ, бұған дейін 4 қаңтар күні мамандандырылған халыққа қызмет көрсету орталықтары жұмыс істемеген еді.
«Азаматтарға арналған үкіметтің» мамандандырылған ХҚО-да құжаттарды дайындайтын жабдықтар мен жаңа ақпараттық жүйені іске қосу бойынша реттеу жұмыстарын жүргізіп жатыр.

Бүгін мамандандырылған ХҚО-лардың жұмысы тоқтатылды

<a href="https://kyzylorda-news.kz/">Kyzylorda-news.kz.</a> 6 қаңтарда Қазақстан территориясының басым бөлігінде атмосфералық фронтальды бөліктердің өтуімен құбылмалы ауа райы сақталады, деп хабарлайды Казгидромет.
&nbsp;Елдің кей бөлігінде жауын-шашын болып, республиканың солтүстігінде қар жауып, көктайғақ, бұрқасын, желдің күшеюі болжанады.
Ақмола, Қостанай облыстарының кей жерлерінде тұман, бұрқасын күтіледі, жел 15-23 м/с күшейеді. Солтүстік Қазақстан облысының кей жерлерінде тұман, бұрқасын күтіледі, жел түнде кей жерлерде, күндіз басым бөлігінде жел 15-23 м/с жетеді.
Жамбыл, Алматы, Түркістан, Қызылорда, Манғыстау, Атырау, Батыс Қазақстан, Павлодар, Қарағанды, Шығыс Қазақстан облыстарының кей жерлерінде тұман түседі.
Алматы, Жамбыл, Түркістан, Қызылорда, Қарағанды облыстарының кей жерлерінде көктайғақ болады, Алматы облысының Жалаңашкөл ауданында жел 18-23 м/с күшейеді. Қарағанды облысының кей жерлерінде жаяу бұрқасын, Түркістан облысының кей жерлерінде желдің жылдамдығы 15-20 м/с жетеді.

6 қаңтарда арналған ауа райы болжамы

1938 жылы Отан сатқындары әйелдерінің Ақмола лагеріне (АЛЖИР) әйелдердің алғашқы легі әкелінді. Олардың қолында 1 жастан 3 жасқа дейінгі балалары да болды. Лагерь қазіргі Астана қаласының оңтүстік-батысында, Төңкеріс (бұрынғы аты – Малиновка) елді мекенінде құрылды. Екінші дүниежүзілік соғыс жылдарында лагерьде 8 мыңға жуық әйел тұтқында болды. 1950 жылдың басында АЛЖИР таратылып, 1953 жылы толықтай жабылды.
1971 жылы Алматыда Қазақстандағы алғашқы Ғылыми-техникалық ақпарат орталығы құрылды.
200 жылы Қызылорда қаласындағы №23 орта мектепке Кеңес Одағының батыры Жәлел Қизатовтың есімі берілді.
2009 жылы «Қазақ медициналық академиясы» АҚ «Астана медициналық университеті» АҚ болып қайта құрылып, «Ұлттық медициналық холдинг» АҚ-ның құрамына кірді.
2010 жылы «Қазпошта» акционерлік қоғамы Қазақстан Республикасының Еуропадағы қауіпсіздік және ынтымақтастық ұйымына төрағалығына арналған көркем суретті пошта маркасын айналымға шығарды. Төрт бояулы офсеттік баспа әдісімен орындалған марканың номиналы 230 теңге, таралымы 30 мың дана, суретшісі – Данияр Мұхамеджанов.
2012 жылы Қызылорда облыстық мәдениет басқармасы «Қайталанбайтын дауыстар» дискілер жинағын шығарды. 28 дисктен құралған бұл жинаққа өңірден шыққан 225 танымал өнер және әдебиет қайраткері, әртістер мен ғалымдардың әндері мен күйлері, сондай-ақ әдеби шығармалары енді. Солардың ішінде Мұстафа Шоқай, Әбділдә Тәжібаев, Мұхамеджан Қаратаев, Асқар Тоқмағамбетов, Әуелбек Қоңыратбаев, Зейнолла Шүкіров, Әбдіжәміл Нұрпейісов, Қалтай Мұхамеджанов секілді танымал тұлғалар бар.
2012 жылы Мемлекет басшысы «Ғарыш қызметі туралы» Заңға қол қойды. Бұл Заң Қазақстан Республикасында ғарыш қызметі саласының қоғамдық қатынасын реттейді.

6 қаңтар: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 6 қаңтарға арналған жұлдыз-жорамалы.
Тоқты
Бүгін көпшіліктің көңілін өзіңізге аудара аласыз. Сонымен қатар ұйымдастырушылық қабілетіңіз артып, таныстарыңыздың арқасында біраз шаруаны тындырасыз.
Торпақ
Өз ісінің шебері немесе өз кәсібін сүйіп істейтін жандар бүгін мол қаржыға кенеледі. Әсіресе жарнама жасау, ойын-сауық ұйымдастыру немесе білім саласындағы жандардың жолы болмақ.
Егіздер
Өзіңіздің тапқырлығыңыздың және тың тәжірибелеріңіздің арқасында барлық шаруаларыңызды соңына дейін жеткізесіз. Қаржы мәселесі де оң шешімін табатын болады.
Шаян
Егер күш-қуатыңыз тасып, энергияға толы болсаңыз күніңіз сәтті өтетін болады. Саяхаттап немесе жұмыс барысымен сапарға шығуыңыз мүмкін. Сонымен қатар бүгін жоғарғы білім алу туралы көп ойланасыз.
Арыстан
Бүгін тек қызметте өсу туралы ойланасыз. Жұмыста өзгерістер орын алып, қызметтік саты да өскеніңізбен, әзірге бұл ісіңіз өз жемісін бермейді. Сондықтан барлығына өз еңбегіңізбен қол жеткізгеніңіз жөн.
Бикеш
Бүгін алыс жолға шығатын, шетелдермен байланыс орнатқан, жарнама жасаумен, ғылыми жұмыспен айналысатын, білім беру саласының және саясатқа жақын жандардың жолы болады. Бүгін білім көкжиегін кеңейтетін күн.
Таразы
Бұл уақытта сіздің материалдық жағдайыңыз айналаңыздағы адамдармен қарым-қатынасыңызға байланысты болмақ. Олармен тығыз қарым-қатынас орната біліңіз. Көп табыс табуды жоспарласаңыз, ең алдымен біліміңізді жетілдіріңіз.
Сарышаян
Сіздің іскерлігіңіз бен өз ісіңізге деген ынтаңыз жұмыста табысты болудың басты кепілі болмақ. Егер сіз жұмыс алушы болсаңыз онда бүгін сіз үшін сәтті күн. Себебі сіздің жұмысыңыз жемісті болады.
Мерген
Бүгін іскерлік кездесулер ойдағыдай өтеді. Серіктестермен бірге жұмыс көлемін ұлғайтып, істеріңіз берекелі болмақ. Бүгінгі күннің басты мәселесі ұстамдылық таныта алмайтыныңызда болып тұр.&nbsp;
Тауешкі
Бүгін бар назарыңызды жеке өміріңізге аударыңыз. Бүгінгі күн ғашық болуға, сезіміңізді білдіруге қолайлы күн. Ескі қарым-қатынасты қайта жандандыруға да қолайлы уақыт болмақ.
Суқұйғыш
Бүгін керемет күн. Ешқандай мәселе туындамайды. Күш-қуатыңыз да тасып, барлық шаруаны тез атқара аласыз. Дегенмен энергияңыз тасып тұрған сәтте көптен бері кейінге қалдырылып келе жатқан жұмысты да бітіріп тастаңыз.
Балықтар
Сәттілік серігіңізге айналады. Қызметте өсуді көздейсіз. Сіздің талантыңыз, іскерлігіңіз көлеңкеде қалып қоймайды. Кез келген істе жетістікке жете аласыз. Сондықтан қызметте өсуге әбден лайықсыз.

Жұлдыздар не дейді?

<a href="https://kyzylorda-news.kz/">Kyzylorda-news.kz</a>. Жеке куәлікті қайта жасатудың негізгі екі себебі бар: оны жоғалту және ұрлату. Не айырмашылығы бар деуге келмейді. Өйткені, қайта жасату жолдары әртүрлі, деп хабарлайды <a href="https://informburo.kz/kaz/zheke-kulkt-alay-ayta-zhasatua-bolady.html">Informburo.</a>
Жеке куәлікті қайта жасату үшін жақын жердегі “Халыққа қызмет көрсету орталығына” барып, өтініш білдіру қажет.
Қажетті құжаттар тізімін 1414 нөміріне тегін қоңырау шалып білуге болады.
Жеке куәлік ұрланған жағдайда:
<ul>
<li>Аудандық полиция басқармасынан құжаттың ұрланғаны туралы анықтаманы;</li>
<li>Мемлекеттік баж салығы төленгені туралы құжатты;</li>
<li>Қазақстан Республикасы азаматының паспортын (бар болса) тапсыру қажет.</li>
</ul>
Жеке куәлік жоғалған жағдайда:
<ul>
<li>Жеке куәлікті жоғалту мән-жайы көрсетілген жазбаша өтініш;</li>
<li>Мемлекеттік баж салығы төленгені туралы құжатты;</li>
<li>Қазақстан Республикасы азаматының паспортын (бар болса) тапсыру қажет.</li>
</ul>
Мемлекеттік баж салығының мөлшері – 0,2 АЕК (530 теңге).
2020 жылы 1 АЕК = 2 651 теңге.
Мемлекеттік баж салығын төлеуден босатылатын азаматтар оны растайтын құжаттарды ұсынады. Бұл санатқа:
<ul>
<li>Мүгедектер;</li>
<li>Мүгедек балаларды асыраушылар;</li>
<li>Алтын, күміс алқа иегерлері;</li>
<li>Екінші дүниежүзілік соғыс қатысушылары не соған теңестірілгендер;</li>
<li>Жетімдер жатады.</li>
</ul>
Жеке куәлік дайын болғанға дейін уақытша куәлік беріледі. Ол&nbsp;3 айға ғана&nbsp;жарамды. Ал жеке куәлікті қайта жасату&nbsp;15 жұмыс күнінесозылады. Өтініш берушінің қалауы бойынша жедел дайындауға да болады. Оның ұзақтығы:
<ol>
<li>Нұр-Сұлтан, Алматы, Ақтөбе, Шымкент қалаларында – 1-3 жұмыс күні;</li>
<li>Облыс орталықтарында – 3-5 жұмыс күні;</li>
<li>Облыстардың аудандары мен қалаларында – 7 жұмыс күні.</li>
</ol>
10 күн мен 1 ай аралығында жеке куәліксіз жүрген адамға ескерту жасалады. Ал егер жеке куәліксіз 3 айға дейін жүріп қалсаңыз, онда 7 АЕК (18 557 теңге) төлеу міндеттеледі.

Қазақстан және Қызылорда облысының жаңалықтары