<a href="https://kyzylorda-news.kz/">Kyzylorda-news.kz.</a> Қызылорда облысының екі тұрғыны әлеуметтік желі арқылы аймақта коронавирус жұқтыру оқиғалары болғандығы туралы жалған ақпарат таратқан. Қазір олар қамауға алынған. Бұл туралы облыстық Полиция департаментінің баспасөз қызметі хабарлады.
Облыстық полиция департаментінің қызметкерлері WhatsApp желісі арқылы жалған ақпарат таратқан 62 жастағы Қызылорда қаласының тұрғыны мен 32 жастағы Жаңақорған ауданының тұрғынын ұстады. Жалған хабарламада аймақта коронавирус жұқтыру оқиғалары бар екені туралы айтылған.
Айта кетейік, жалған ақпарат таратқан 2 тұрғын да әйел адамдар.
<blockquote>
 “Тексерілмеген ақпаратты таратпау туралы көптеген ескертуге қарамастан, полиция тұрғындар арасында алаңдаушылық туғызған жалған ақпарат таратқан екі адамды анықтады”, – деді Қызылорда облыстық полиция департаменті.
</blockquote>
Кінәлілер өз қатесін толық мойындап, өкініш білдірген.
Қылмыстық кодекстің 274-бабы, 4-тармағына сәйкес (төтенше жағдай кезінде көрінеу жалған ақпарат тарату) сотқа дейінгі тергеу басталды. Бұл үшін үш жылдан жеті жылға дейінгі мерзімге бас бостандығын шектеу немесе сол мерзімге бас бостандығынан айыру жазасы қолданылуы мүмкін.
Полиция ел азаматтарына арандатушылық ақпаратты анықтау үшін күн сайын әлеуметтік желілер бақыланып отыратындығын ескертеді.
Айта кету керек, Қазақстанда жалған ақпарат таратқаны үшін қылмыстық жауапкершілік қарастырылған.

Коронавирус: Қызылордада жалған ақпарат таратқан 2 әйел қамауға алынды

<a href="https://kyzylorda-news.kz/">Kyzylorda-news.kz.</a> Иіс сезудің&nbsp;жоғалуы коронавирустың&nbsp;тағы бір симптомы болуы мүмкін екенін&nbsp;Британдық Оториноларингология қауымдастығы (ENT) мәлімдеді, деп хабарлайды <a href="https://stan.kz/darigerler-iis-sezudin-zhogalui-koronavirustin-tagi-bir-328736/">Stan.kz.</a>
Бұл симптом аурудың басқа белгілері болмаған кезде пайда болуы мүмкін. Яғни мұндай науқастар &nbsp;Covid-19 жасырын тасымалдаушысы болуы мүмкін дейді дәрігерлер.
Ұйымның мәліметінше, бұл симптом Оңтүстік Корея, Қытай және Италиядағы коронавирустық науқастарда болғанын&nbsp;дәлелдейтін дәйектер бар.
<blockquote>
 “Ұлыбританияда, АҚШ-та, Францияда және Италияның солтүстігінде аносмия жағдайларының кенеттен өсуі байқалды”, – дейді&nbsp;британдық ринологтар қоғамының профессоры Клэр Хопкинс және Оториноларингология қауымдастығының профессоры Нирмал Кумар.
</blockquote>
Өкінішке қарай, бұл симптом&nbsp;ауру белгілеріне жатпағандықтан, тестілеуден өтуге&nbsp;немесе адамды оқшаулау үшін&nbsp;сәйкес келмейді.
Дәрігерлер бұл симптомды қызу мен&nbsp;құрғақ жөтел сияқты белгілері жоқ&nbsp;науқастарды коронавирусқа анықтау құралы етінде қарастыруды ұсынады.
<blockquote>
 «Егер кез келген ересек адамда аносмия (иіс сезбеу) бар болса, бірақ басқа белгілері болмаса, ол жеті күнге&nbsp;оқшаулануы керек», – дейді олар.&nbsp;
</blockquote>
Бұған дейін коронавируспен ауырған 62 жастағы Ұлыбритания денсаулық сақтау министрінің орынбасары Надин Доррис аурудан кейін өзінің иіс пен дәм&nbsp;сезуін&nbsp;жоғалтқанын айтқан болатын.
Сонымен қатар, неміс вирусологы профессор Хендрик Штрик аносмияны&nbsp;коронавирустың симптомына жатқызған.&nbsp;Оның айтуынша, бірнеше күн бойы дәм мен иіс жоғалуы ол қабылдаған науқастың&nbsp;үштен екісінде байқалған.

Дәрігерлер коронавирустың тағы бір белгісін атады

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев Төтенше жағдай жөніндегі мемлекеттік комиссияның отырысында барлық ірі қалалардың карантинге жабылуы мүмкін екендігін айтты.
<blockquote>
 “Елорда мен Алматыда карантин аймағының толық оқшаулануын қамтамасыз ету, жаяу қалаларға ену мүмкіндігін болдырмау маңызды. Жақын уақытта басқа ірі елді мекендерді жабу қажеттілігін анықтау қажет”, – деді&nbsp;Президент төтенше жағдай жөніндегі мемлекеттік комиссияның отырысында.
</blockquote>
Айта кетейік, бүгін Қазақстанда коронавируске шалдыққан&nbsp;<a href="https://kyzylorda-news.kz/kogam/qazaqstanda-koronavirwsqa-shaldyqqandar-sany-68-ge-zhetti-51671/">68 науқас тіркелді.</a>

Президент: Қазақстанның барлық ірі қалалары карантинге жабылуы мүмкін

<a href="https://kyzylorda-news.kz/">Kyzylorda-news.kz.</a> Елімізде Халыққа қызмет көрсету орталықтары жұмысын тоқтатады. Бұл туралы Ақордада Төтенше жағдай жөніндегі мемлекеттік комиссияның отырысын өткізген ҚР Президенті Қасым-Жомарт Тоқаев мәлімдеді.
<blockquote>
 “Барлық халыққа қызмет көрсету орталықтарын уақытша жабатын уақыт жетті. Қызметтерді онлайн алу мүмкіндігін қамтамасыз ету керек.
 Жалпыға қол жетімді болатын қоғамдық нысандарды санитарлық тазалауға қойылатын талаптар қатаң сақталуы қажет.&nbsp;Мұнда «үнемдеу»,&nbsp;«оңтайландыру» &nbsp;мәселелері болмауы керек”, – деді Қасым-Жомарт Тоқаев.
</blockquote>
Айта кетейік, Мемлекет басшысының осы тапсырмасынан кейін еліміздегі барлық Халыққа қызмет көрсету орталықтары жұмысын тоқтатты.

Қазақстанда Халыққа қызмет көрсету орталықтары жұмысын тоқтатты

<a href="https://kyzylorda-news.kz/">Kyzylorda-news.kz.</a> Канада олимпиада комитеті 2020 жылғы Олимпиада ойындарына өз спортшыларын жібермейтінін жария етті.
Канада спортшылардың денсаулығы мен қауіпсіздігі маңызды екендігін айтып, Халықаралық олимпиада және Халықаралық параолимпиада комитеттері мен Дүниежүзілік денсаулық сақтау ұйымын Олимпиада ойындарын бір жылға кейінге қалдыруға шақырды.
2016 жылғы Рио Олимпиадасына Канададан 314 спортшы қатысып, 22 медальға ие болған еді.
Канададан кейін Аустралия олимпиада комитеті де коронавирус кеңінен етек алған қазіргідей жағдайда Токио Олимпиадасына өз құрамасын жинай алмайтынын, сондықтан келесі жылға әзірленетінін мәлім етті.
Рио Олимпиадасына Аустралиядан 421 спортшы барып, 29 медальмен бұл елдің құрамасы жалпыкомандалық есепте 8-орынға көтерілген болатын.
Халықаралық олимпиада комитетінің президенті Томас Бах 2020 жылғы Олимпиада ойындарына байланысты түпкілікті шешім төрт аптадан кейін қабылданатынын жеткізді. Оның сөзіне қарағанда, Жапониядағы жағдай біртіндеп түзеліп келеді. Ұйымдастыру комитеті 24 шілде мен 9 тамызға жоспарланған жарысты бір айға немесе 45 күнге шегеру мәселесін де қарастыруы мүмкін.

Коронавирус: 2 ел Олимпиадаға қатыспайтынын мәлімдеді

<a href="https://kyzylorda-news.kz/">Kyzylorda-news.kz.</a> «Бәйтерек» ҰБХ» АҚ тұрғын үй блогының еншілес ұйымдары ипотека төлемдерін 3 айға шегере тұрмақ, деп хабарлайды <a href="https://www.inform.kz/kz/kazakstanda-ipotekalyk-tolemder-ush-ay-toktatyla-turady_a3628630">ҚазАқпарат</a>.
<blockquote>
 «23 наурызда Төтенше жағдай жөніндегі мемлекеттік комиссияның отырысында айтылған Мемлекет басшысының тапсырмаларына сәйкес, уақытша қаржылық қиындықтарға тап болған жеке және заңды тұлғалар үшін Холдингтің тұрғын үй блогының еншілес ұйымдары ((Тұрғын үй құрылыс жинақ банкі, Қазақстан ипотекалық компаниясы, Бәйтерек девелопмент) барлық төлемдер бойынша, негізгі қарыз бен сыйақы сомасын қоса алғанда, тұрғын үй және тұрғын емес жылжымайтын мүлік объектілерін сатып алу құқығымен жалдау/сатып алу-сату (оның ішінде бөліп төлеу) барлық мәмілелері бойынша, айыппұлдар мен өсімақы есептемей, алдағы 3 айға (сәуір-маусым) төлемдерді кейінге қалдыру туралы шешім қабылдады» делінген «Бәйтерек» Ұлттық басқарушы холдингі» АҚ баспасөз қызметі таратқан хабарламада.
</blockquote>
Төлемдерді кейінге қалдыру үшін мемлекеттік операторларға қашықтықтан байланыс арналары (жеке кабинет, telegram-боттар, ресми сайттар) арқылы өтініш беруі 9керек. Өтініш жеке тәртіппен қаралатын болады. Барлық сұрақтар бойынша call-орталықтардың нөмірлері бойынша хабарласуға болады:
Тұрғын үй құрылыс жинақ банкі: 300
Қазақстандық Ипотекалық компания: +7 800 080 44 48
Бәйтерек девелопмент: +7 7172 79 65 60, +7 800 080 01 01

Қазақстанда ипотекалық төлемдер үш ай тоқтатылады

<a href="https://kyzylorda-news.kz/">Kyzylorda-news.kz.</a> Қызылорда облысында қатты желдің салдарынан бірқатар ғимараттардың шатыры ұшып жатыр. Бірақ, зардап шеккен адамдар жоқ.
Қызылорда облысының жұмылдыру дайындығы басқармасы мәліметінше, бүгін, яғни, 24 наурыз күні 12 сағат 00 минутта қатты желдің салдарынан Абай даңғылы №31 «А» мекен-жайда орналасқан «Болашақ» университетінің шатыры ұшқан. Нәтижесінде,аталған ғимараттың 300 ш/м шатыры бүлінген (жалпы көлемі 3000 ш/м).
<blockquote>
 «Адам шығыны мен зардап шеккендер жоқ. Оқиға орнына Төтенше жағдайлар департаментінен 12 адам, 2 техника, облыстық Жұмылдыру дайындығы басқармасынан 1 техника 3 адам шықты», – деп хабарлады Жұмылдыру дайындығы басқармасы.
</blockquote>
Осындай жағдайлар облыстың басқа да аудандарында орын алуда.
Мәселен, осындай қатты желдің салдарынан Жалағаш ауданының орталығында орналасқан Мәдениет үйінің шатыры ұшқан. Оның бүлінген көлемі 230 ш/м (жалпы көлемі 1200 ш/м) құрайды. Адам шығыны мен зардап шеккендер жоқ.
Сондай-ақ, қатты соққан дауыл желдің салдарынан бүгін Жаңақорған ауданы, Шалқия кентіндегі №86 орта мектебінің шатыры ұшқан (шатырдың зақымданған ауданы 350-400 ш/ м), кенттің 2 электр бағанасы кұлаған. Нәтижесінде Шалқия кенті, Қыраш, Қосүйеңкі, Бірлік, Құттықожа және Екпінді елді мекендерінің электр жарығымен қамтылуы тоқтатылған. Қазіргі таңда қалпына келтіру жұмыстары жүргізілуде.
«Қазгидромет» РМК-ның Қызылорда облысы бойынша филиалының мәліметіне сәйкес, 23-24 наурызда аймақтың кей жерлерінде шаңды дауыл болады. Түнде солтүстік-шығыстан, шығыстан жел соғады, күші кей жерлерде 15-20, екпіні 25 м/с жетуде.
Осыған орай, аталған кәсіпорын желдің жылдамдығы артуына байланысты ғимараттар мен үй шатырларының ұшуынан абай болуға шақырады.
<img src="https://kyzylorda-news.kz/wp-content/uploads/2020/03/screenshot_20200324-155316_whatsapp.jpg" alt="" />
<img src="https://kyzylorda-news.kz/wp-content/uploads/2020/03/whatsapp-image-2020-03-23-at-21.35.10.jpeg" alt="" />
<img src="https://kyzylorda-news.kz/wp-content/uploads/2020/03/whatsapp-image-2020-03-23-at-21.35.03.jpeg" alt="" />
<img src="https://kyzylorda-news.kz/wp-content/uploads/2020/03/whatsapp-image-2020-03-23-at-21.35.07.jpeg" alt="" />

Қызылордада қатты желден бірқатар ғимараттардың шатыры ұшып жатыр (ФОТО)

<a href="https://kyzylorda-news.kz/">Kyzylorda-news.kz.</a> ҚР Ақпарат және қоғамдық даму министрі Дәурен Абаев елді дүрліктірген электронды үкімет порталындағы картағы қатысты түсініктеме берді.
<blockquote>
 «Тағы бір сауал eGov.kz электронды үкімет порталындағы шулы картаға қатысты болып отыр. Кеше ол дүрбелең тудырды. Өйткені, көпшілігі оны вирустың таралу картасы екен деп түсініп қалған. Ал іс жүзінде ол жерде негізінен коронавируспен ауырғандармен байланыста болған адамдардың саны көрсетілген еді. Олардың барлығы да медициналық бақылаудан өткен. Ешқайсысынан коронавирус инфекциясы табылмаған. Даурығуға еш себеп жоқ», – деді Дәурен Абаев.&nbsp;
</blockquote>
Айтуынша, қазіргі уақытта карта барынша түсінікті болуы үшін жетілдіріліп жатыр.
Айта кетейік, бүгін Қазақстанда коронавируске шалдыққан <a href="https://kyzylorda-news.kz/kogam/qazaqstanda-koronavirwsqa-shaldyqqandar-sany-68-ge-zhetti-51671/">68 науқас тіркелді.</a>

Еліміздегі &#8220;коронавирустың таралу&#8221; картасы қаншалықты рас?

<a href="https://kyzylorda-news.kz/">Kyzylorda-news.kz.</a> Елімізде карантин режмиіне байланысты онлайн үйленген алғашқы жұп тіркелді. Олар елордалық Азамат пен Әсел Нүсіповтер, деп хабарлайды&nbsp;<a href="https://almaty.tv/kz/news/proisshestviya/2018-karantin-dgastar-uylenu-toyyn-onlayn-otkize-bastady">Алматы арнасы.</a>
Елімізде алғаш рет ата-анасынан бейнеқоңырау арқылы ақ батасын алып, некесін онлайн қиған Азамат пен Әсел неке қию рәсімін Ұлыстың ұлы күні – &nbsp;әз-Наурыз мейрамына орай жоспарлаған. Құдалық пен ұзату, неке қию Арыс қаласында 22 наурыз күніне жоспарланған.
Алайда елімізде төтенше жағдай жарияланып, тойды аяқ асты кейінге қалдыруға тура келді. Десе де екі жақтың үлкендері ойланып, бір сөзге тоқтам жасап, телефон арқылы танысып, келісіп, өздерінің ақ батасын бейнеқоңырау арқылы берген.
<blockquote>
 «Шынын айтсақ, 2 күнге дейін не істерімізді білмей жүрдік. Екі жас өзіміз барып қайтамыз ба? Әлде қалай деп ойланып жүрген кезімізде үлкендер өздері шешімге келіп, жұбайымның ата-аналарына хабарласып, онлайн түрде ақ батасын алды. Біз енді Қазақстанда алғаш онлайн үйленген жұппыз деп әзілдейміз. &nbsp;Қазіргі қауіпсіздік шараларын сақтана отырып, өзіміздің ағайын-туыстың арасында, кішкентай ғана үйде келін түсіру отырысы болды. Мешіттен имам шақырып, ақ некемізді, ең бастысы Алланың алдындағы аманат пен ата-ананың алдындағы аманатты жасадық. Сөйтіп, шағын тойымыз өтті, қазір үйде жатырмыз бал айын өткізіп», – деді Азамат Асқарұлы.
</blockquote>
Қыз жақ тойға керек-жарақтың барлығын алып, құдаларды күтуге сақадай сай отырған.&nbsp; Бастысы&nbsp;–&nbsp;қос ғашықтың бақытты болып кетуі, дейді жақындары. &nbsp;
<blockquote>
 «Әрине, қыз ұзату болмайды, тек құдаласу болады Алла бұйыртса. Осы дерттен аман шықсақ, екі жақтың танысуы болады. Оның бәрі алда. Біздің ниетіміз &nbsp;бен жоспарымыз бойынша неке қию Арыс қаласында өтуі керек болған. Бірақ бәрі осы жақта болды. Оның барлығын жұбайымның ата-анасы, әпкелеріміз телефон арқылы хабарласып, сырға салудың барлығын үстел барысында барлығын көрсетті»,&nbsp;– деді Әсел Әбдімәлікқызы.
</blockquote>
Ал ұл жақтан Арысқа 20 шақты адам бармақ болыпты. Олар барып-қайтар билеттерін қайтарып жатыр. Асығыстық жоқ дейді. Себебі төтенше жағдайға байланысты билеттерін өткізіп жатқандар көп көрінеді.
Елдегі қиын жағдайға қарамастан, Ұлыстың ұлы күні – әз-Наурызда келін түсіріп, қолынан шай ішіп отырған Нүсіповтер әулеті өздерін бақытты санайды. Бұл жақсының жоралғысы деп біледі. Қалай дегенмен, Қазақстанда онлайн үйленудің үлгісін көрсеткен бірінші жұп осы жастар.

Карантин: Елімізде үйлену тойы алғашқы рет онлайн өткізілді (видео)

<a href="https://kyzylorda-news.kz/">Kyzylorda-news.kz.</a> Бүгін елордада коронавирус жұқтырғаны анықталған пациенттердің бірі дәрігерлерге өзі хабарласқан.
<a href="https://www.coronavirus2020.kz/kz/darigerlerge-ozi-habarlaskan-elorda-turgynynan-koronavirus-tabyldy_a3628788">Coronavirus2020.kz</a> мәліметінше, коронавирус жұқтырған бірінші пациент 2 наурыз күні Минск-Нұр-Сұлтан рейсінен түсірілген. Лондонда бір ай оқуда болған азамат елордаға келісімен бірден карантиндік стационарға оқшауланған. Қазіргі уақытта ол инфекциялық стационарда жатыр.
Пациенттің ешқандай шағымы, клиникалық өзгерістері жоқ, дене қызуы норма шегінде. Науқаспен жақын байланыста болғандардың барлығы инфекциялық стацонарға оқшауланды. Қазіргі уақытта онымен ұшақ бортында жақын байланыста болғандар анықталып жатыр.
Екінші пациент әйел – Нұр-Сұлтан қаласының тұрғыны. Ол 21 наурыздан бастап дене қызуының көтерілуіне орай медицина мекемелеріне өзі хабарласып, 22 наурыз күні инфекциялық стационарға жатқызылған. Зертханалық зерттеулер жүргізіліп, 24 наурыз күні сынама нәтижесі пациентте коронавирустың бар екенін анықтаған. Пациенттің ешқандай шағымы, клиникалық өзгерістері жоқ, дене қызуы норма шегінде. Онымен тығыз қарым-қатынаста болғандарды анықтау жүргізілуде.
Коронавирус анықталған 34 пациенттің 33-інің денсаулығы қанағаттанарлық, дене қызулары норма шегінде. Бір пациенттің жағдайы тұрақты ауыр, дене қызуы көтерілмеген. Ем-дем коронавирус инфекциясының клиникалық хаттамасына сәйкес жүргіхіліп жатыр. Қажетті дәрі-дәрмек көлемі жеткілікті.

Коронавирус табылған елорда тұрғыны дәрігерлерге өзі хабарласқан

<a href="https://kyzylorda-news.kz/">Kyzylorda-news.kz.</a> Нұр-Сұлтанда тағы бір адамнан коронавирус табылды.
<a href="https://www.coronavirus2020.kz/kz/kazakstandagy-koronavirus-boyynsha-24-nauryzdagy-10-40-sag-zhagday_a3628742">Coronavirus2020.kz</a>&nbsp;таратқан ақпаратқа қарағанда, бүгін таңғы 12:00 жағдай бойынша елімізде коронавирус жұқтырғандар саны 68 болды.
Нұр-Сұлтанда – 35, Алматыда – 29, Қарағандыда – 2, Алматы облысында – 1 және Ақтөбе облысында – 1 жағдай тіркелді.

Қазақстанда коронавирусқа шалдыққандар саны 68-ге жетті

<a href="https://kyzylorda-news.kz/">Kyzylorda-news.kz.</a> Covid-19 жаңа коронавирус пандемиясы әлемде бұрынғыдан да жылдам тарап бара жатыр. Дүниежүзілік денсаулық сақтау ұйымының бас директоры Тедрос Адхан Гебрейесус осылай мәлім етті, деп хабарлайды <a href="https://www.bbc.com/russian/news-52002655">BBC</a>&nbsp;агенттігі.
<blockquote>
 «Алғашқы науқас анықталып, олардың саны 100 мыңға жеткенше 67 күн өтті. 100 мыңнан 200 мыңға дейін – 11 күн, ал 300 мыңыншы оқиға төрт күннің ішінде тіркелді», – деді Гебрейесус Женевада өткен брифингіде.
</blockquote>
Қазір инфекция әлемде 350 мыңнан астам науқастан табылған.
Дүйсенбі таңертеңгі мәлімет бойынша, Covid-19-дан әлемде 15 мыңға жуық адам қайтыс болып, 100 мыңы сауығып кетті. Ең көп өлгендер – Италия (5,5 мыңға жуық) мен Қытайда (3 153 адам).
Испанияда коронавирус эпидемиясы басталғалы індетті жұқтырғандардың ең көп өлімі тіркелген. Кеше Covid-19-дан бұл елде 462 адам көз жұмды, бұл алдағы тәуліктегіден 26%-ға көп. Сонымен қатар жұқтырғандар да көп – 4 500.

Қазақстан және Қызылорда облысының жаңалықтары

Коронавирус: Қызылордада жалған ақпарат таратқан 2 әйел қамауға алынды

Дәрігерлер коронавирустың тағы бір белгісін атады

Президент: Қазақстанның барлық ірі қалалары карантинге жабылуы мүмкін

Қазақстанда Халыққа қызмет көрсету орталықтары жұмысын тоқтатты

Коронавирус: 2 ел Олимпиадаға қатыспайтынын мәлімдеді

Қазақстанда ипотекалық төлемдер үш ай тоқтатылады

Қызылордада қатты желден бірқатар ғимараттардың шатыры ұшып жатыр (ФОТО)

Еліміздегі “коронавирустың таралу” картасы қаншалықты рас?

Карантин: Елімізде үйлену тойы алғашқы рет онлайн өткізілді (видео)

Коронавирус табылған елорда тұрғыны дәрігерлерге өзі хабарласқан

Қазақстанда коронавирусқа шалдыққандар саны 68-ге жетті

Коронавирус: Инфекция әлемде 350 мыңнан астам адамнан табылған

Қазақстан және Қызылорда облысының жаңалықтары

Коронавирус: Қызылордада жалған ақпарат таратқан 2 әйел қамауға алынды

Дәрігерлер коронавирустың тағы бір белгісін атады

Президент: Қазақстанның барлық ірі қалалары карантинге жабылуы мүмкін

Қазақстанда Халыққа қызмет көрсету орталықтары жұмысын тоқтатты

Коронавирус: 2 ел Олимпиадаға қатыспайтынын мәлімдеді

Қазақстанда ипотекалық төлемдер үш ай тоқтатылады

Қызылордада қатты желден бірқатар ғимараттардың шатыры ұшып жатыр (ФОТО)

Еліміздегі &#8220;коронавирустың таралу&#8221; картасы қаншалықты рас?

Карантин: Елімізде үйлену тойы алғашқы рет онлайн өткізілді (видео)

Коронавирус табылған елорда тұрғыны дәрігерлерге өзі хабарласқан

Қазақстанда коронавирусқа шалдыққандар саны 68-ге жетті

Коронавирус: Инфекция әлемде 350 мыңнан астам адамнан табылған

Еліміздегі “коронавирустың таралу” картасы қаншалықты рас?